ስዩም ተሾመ | ከኢትዮጵያ

ስዩም ተሾመ

ለከፍተኛ ትምህርት ተቋማት ማህብረሰብ ሊሰጥ የታቀደው ስልጠና ዛሬ ላይ ተጀምሯል። ለስልጠናዉ ከተዘጋጁ ሰነዶች ውስጥ የመጀመሪያው “የሩብ ምዕተ ዓመታት የልማት፣ ሰላምና ዴሞክራሲያዊ ስርዓት ግንባታ ጉዞ…” የሚል ርዕስ ተሰጥቶታል። በመረሃ-ግብሩ መሰረት ጠዋት ላይ በአሰልጣኞቹ ገለፃ ሲሰጥ እንደተለመደው በአሰልጣኝነት የተመደቡት የመንግስት ኃላፊዎች ለታዳሚው የሚመጥን ስልጣና ለመስጠት የአቅምና ክህሎት ችግር እንዳለባቸው በግልፅ ያስታውቃል። ይህ ግን ላለፉት አስር አመታት የታዘብኩት ነገር ስለሆነ ብዙም አላሳሰበኝም። ከዚያ ይልቅ ትኩረቴን ሰነዱ ላይ አድርጌ ነበር።

ለውይይቱ የቀረበው ፅሁፍ ላለፉት 25 ዓመታት የተመዘገቡ አንኳር አገራዊ ለውጦችን በመዘርዘር ይጀምራል። የሚቀጥለው ንዑስ-ክፍል ደግሞ በሀገሪቱ እየታዩ ያሉ ፈተናዎችንና መፍትሄዎቻቸውን ይዘረዝራል። እዚህ ጋር ስደርስ ግራ ገባኝ። ማንበቤን አቁሜ በዙሪያዬ የተቀመጡትን መምህራን ስመለከት ሁሉም ገለፃውን በቸልተኝነት እየተከታተሉ ነው። ከምሳ በኋላ ግን በእኔ ውስጥ የነበረው ግራ-መጋባት በሁሉም ፊት ላይ በግልፅ መታየት ጀመረ።

ከሰዓት በኋላ በነበረን ውይይት ሲነሱ የነበሩት ጥያቄዎች በሙሉ በስልጠናው ስለተነሱ ሃሳቦች ላይ ሳይሆን በስልጠናው አግባብነት ላይ ብቻ ያተኮሩ ነበሩ። ሊደረግ የታሰበው የውይይት ፕሮግራም ስለ ውይይቱ በመወያየት ላይ ብቻ ታጥሮ ቀረ፡፡ ለዚህ ደግሞ “እየታዩ ያሉ ፈተናዎችንና መፍትሄዎቻቸው” በሚለው ስር ከተዘረዘሩት ሃሳቦች የሚከተለው በዋናነት የሚጠቀስ ነው፡-

“ባለፉት ሃያ አምስት አመታት የነበሩ የመልካም አስተዳደር፣ የኪራይ ሰብሳቢነት አመለካከትና ተግባር፣ የትምክህትና ጠባብነት አደጋዎች እንዲሁም ሃይማኖትን ሽፋን የሚያደርገው አክራሪነት ፈተናዎች አሁንም ቅርፃቸውን ቀይረው ወይም በሌላ ተተክተው ስላሉ ፈተናዎቹን ለማለፍ የተከተልናቸውን ስልቶች ይበልጥ አጠናክረን ያገራችንን ሰላም፣ ልማትና ዴሞክራሲ ለማደናቀፍ ወደ የማይቻልበት ደረጃ ማድረስ አስፈላጊ በመሆኑ…”
የከፍተኛ ትምህርት ማህብረሰብ ሥልጠና ለ2009 ትምህርት ዘመን ዝግጅት ምዕራፍ ማጠናቀቂያ፣ ትምህርት ሚኒስቴር፥ መስከረም 2009፥ ገፅ-7

በመጀመሪያ ደረጃ የተጠቀሱት ችግሮችና መፍትሄዎቻቸው በጣም ከመደጋገማቸው የተነሳ ትርጉም-አልባ ወደ መሆን ተቃራበዋል። ከዚህ በተጨማሪ፣ የተጠቀሱት ችግሮች በዋናነት ከመንግስት ኃላፊዎች ጋር የተያያዙ እንደመሆናቸው ከመምህራን ሥራና ኃላፊነት ጋር ብዙም የተያያዙ አይደሉም። በአብዛኛው ከመምህራኑ ሲነሳ የነበረው ጥያቄ ግን፤ “‘መልካም አስተዳደር፣ የኪራይ ሰብሳቢነት፣ የትምክህት፣ ጠባብነትና አክራሪነት’ የሚባሉት ችግሮችና መፍትሄዎቻቸው ከአመት-እስከ-አመት አይቀየሩም እንዴ?” የሚለው ነበር።

File Photo

የዛሬው ስልጠና እንደተጠናቀቀ በቀጥታ ወደ ቤት በመሄድ በ2006 ዓ.ም ላይ ተሰጥቶ ለነበረው ተመሳሳይ ስልጠና የተዘጋጀውን ሰነድ ማገላበጥ ጀመርኩ። በሐምሌ ወር 2006 ዓ.ም “የልማታዊ ዴሞክራሲያዊ መንግስት ስርዓት ግንባታ ትግላችንና ፈተናዎቹ” በሚል ርዕስ በተዘጋጀው ሰነድ ውስጥ የሚከተለው ሃሳብ አገኘሁ፡-

“በቅድሚያ በማንም ሊላከክ የማይችል የመልካም አስተዳደር ችግር፣ ቀጥሎም ትምክህትና ጠባብነት እንዲሁም የሃይማኖት አክራሪነት እና የእነዚህ ሁሉ መንስዔ የሆነው ያለአግባብ የመጠቀም ዝንባሌ (ኪራይ ሰብሳቢነት) በመፍታት የተያያዝነውን የልማት፣ ሰላምና ዴሞክራሲያዊ ስርዓት ግንባታ ጉዞ አጠናክረን ልንቀጥልበት እንደሚገባ…”
የልማታዊ ዴሞክራሲያዊ መንግስት ስርዓት ግንባታ ትግላችንና ፈተናዎቹ፥ ሐምሌ 2006 ዓ.ም፥ ገፅ-34

በ2006 ዓ.ም የተዘጋጀው የሥልጠና ሰነድ በሐምሌ ወር ይሁን እንጂ ስልጠናው ግን የተሰጠው እንደ ዘንድሮው በመስከረም ወር 2006  ዓ.ም ላይ ነበር። ከዘንድሮው አንፃር ሲታይ በወቅቱ ሰፋ ያለ ግዜ ተሰጥቶት እንደተዘጋጀና ብዙ ጉዳዮችን የሚዳስስ እንደነበረ መገንዘብ ይቻላል። ሆኖም ግን፣ በ2006ቱ እና በ2009ኙ ሰነዶች ውስጥ በሀገሪቱ እየታዩ ስላሉት ችግሮች በመንስዔነት ሆነ በመፍትሄነት የተጠቀሱት ነገሮች አንድና ተመሳሳይ ናቸው፡-መልካም አስተዳደር፣ የኪራይ ሰብሳቢነት፣ የትምክህት፣ ጠባብነትና አክራሪነት፡፡

ከላይ እንደተጠቀሰው የኢህአዴግ መንግስት አመት በወጣና በገባ ቁጥር ተመሣሣይ ችግሮችና መፍትሄዎች ላይ የሙጥኝ ማለቱ ባለበት እየረገጠ ከመሆኑ በላይ ሌላ ነገር አያሳይም። አዎ… አሁን በሀገሪቱ እየታዩ ያሉ ፈተናዎች የኢህአዴግ መንግስት ከሕዝብ ጥያቄና የለውጥ ፍላጎት ጋር አብሮ መሄድ ባለመቻሉ የተከሰቱ ሲሆን መፍትሄዎቻቸውም ከሕዝቡ ጥያቄና ፍላጎት ጋር አብሮ መሄድ ብቻ ስለመሆኑ ጥርጥር የለውም።

ለምሳሌ በ2006 ዓ.ም ከአዲስ አበባ ማስተር ፕላን ጋር ተያይዞ የነበረው የተቃውሞ እንቅስቃሴ እንደ አምቦ ባሉ አከባቢዎች ላይ ብቻ የተወሰነ ነበር። በ2008 ዓ.ም የታየው የሕዝብ አመፅና ተቃውሞ ግን በመላው ኦሮሚያ የተስፋፋ ከመሆኑም በላይ የአዲስ አበባ ማስተር ፕላንን በመቋረጥ እንኳን ሊገታ አልቻለም። ከዚህ ይልቅ፣ የተቃውሞ እንቅስቃሴው ወደ አማራ ክልል በመስፋፋቱ ለሀገሪቱ ሰላምና መረጋጋት ላይ ከፍተኛ ስጋት እየሆነ መጥቷል። ከኦሮሚያና አማራ ክልሎች በተጨማሪ በደቡብ ብሔር፥ ብሔረሰቦችና ሕዝቦች ክልል ጭምር እየተስፋፋ ያለበት ሁኔታ ነው ያለው።

በእርግጥ እንደ ኢህአዴግ አገላለፅ፣ ከሁለት አመት በፊት ሆነ ከሁለት አስርት አመታት በፊት ለሀገሪቱ ልማት፣ ሰላምና ዴሞክራሲያዊ ስርዓት ግንባታ ፈተና የሆኑት ችግሮች አንድና ተመሳሳይ ናቸው፡፡  ነገር ግን፣ ባለፉት ሁለት አመታት ውስጥ ብቻ እንኳን በሀገሪቱ የፖለቲካ እንቅስቃሴ ላይ የታየው ለውጥ የሩብ ምዕተ አመታት ያህል ልዩነት አለው። ሕዝቡ የሚያነሳቸው ጥያቄዎችና እያሳየ ያለው የለውጥ ፍላጎት ከእለት-ወደ-እለት እየተቀያየሩና እየጨመሩ መጥተዋል። በዚህ ፈጣን የለውጥ ሂደት ውስጥ ባለበት የቆመ ብቸኛ አካል ቢኖር ኢህአዴግ ነው።

ከወራት በፊት ባወጣሁት ፅሁፍ የኢህአዴግ መንግስት ባለበት የቆመና ከሕዝቡ የለወጥ ፍላጎት ጋር አብሮ መሄድ የተሳነው እንደሆነ ለመግለፅ ሞክሬ ነበር። ነገር ግን፣ በወቅቱ ይህን ያልኩት ‘ኢህአዴግ ከሕዝቡ ጋር በሚፈለገው ፍጥነት የመጓዝ ችግር አለበት’ ከሚል እሳቤ እንጂ ‘እንዲህ እንደ አሁኑ ባለበት ተቸንክሮ፥ ተቀርቅሮ ይቀራል’ የሚል ግምት ግን አልነበረኝም። አሁን ላይ ግን ይበልጥ እያሳሰበኝ ያለው ነገር፣ ኢህአዴግ ከሕዝቡ ጥያቄና ፍላጎት ጋር አብሮ መሄድ አለመቻሉ ብቻ ሳይሆን በዚህ ምክንያት የሀገሪቱ ዜጎች ሰላምና ደህንነት አደጋ ላይ እየወደቀ መምጣቱ ነው።

3ኛው ማዕበል በሚለው ፅሁፍ የአሁኗ ኢትዮጲያ ሁኔታ ከ30 አመት በፊት በደቡብ ኮሪያ ከነበረው ፖለቲካዊ ኢኮኖሚ ሁኔታ አንፃር ዝርዝር ትንታኔ ለመስጠት ሞክሬያለሁ። በአጭሩ ለማጠቃለል ያህል፣ ከ1984 – 1994 ዓ.ም ባሉት የመጀመሪያ አስር አመታት የመንግስት ዋና ትኩረት የሚሆነው አዲስ የተገነባውን ስርዓት ህልውና ማረጋገጥ (Survival) ላይ ነበር። በመቀጠል ከ1995 – 2005 ዓ.ም ባሉት አስር አመታት ደግሞ በሀገሪቱ ኢኮኖሚና የመሰረተ-ልማት ግንባታ ረገድ እምርታ የሚታይበት የእድገት (Growth) ዘመን ነው። ከ2005 – 2015 ዓ.ም ባሉት አስር አመታት ደግሞ የልማት (Development) ዘመን ሲሆን አራተኛውና የመጨረሻው ዘመን ደግሞ በሁሉም አቀፍ የዳበረ የፖሊቲካዊ-ኢኮኖሚ ሥርዓት በመገንባት ብልፅግናን (Evolution) መቀዳጀት ነው።

ባለፉት ሃያ አምስት አመታት የኢህአዴግ መንግስት አንደኛና ሁለተኛ ደረጃ ላይ የተጠቀሱትን ከሞላ-ጎደል አሳክቷል ማለት ይቻላል። ነገር ግን፣ በሦስተኛ ደረጃ ላይ ከተጠቀሰው ልማት (Development) አንፃር ግን አስፈላጊውን ለውጥና መሻሻል ከማምጣት አንጻር የመጀመሪያውን እርምጃ እንኳን ለመራመድ ተስኖታል።

በ3ኛው ማዕበል የሚነሳው ዋና የሕዝብ ጥያቄና ፍላጎት ከዜጎች ነፃነት እና የዴሞክራሲያዊ ስርዓት ግንባታ ጋር የተያያዘ ነው። በ2ኛ ደረጃ ላይ የተመዘገበው ፈጣን የኢኮኖሚ እድገትና የመሰረተ-ልማት መስፋፋት የአብዛኛውን የህብረተሰብ ክፍል ንቃተ-ህሊና ያጎለብቷል። በዚህም፣ ስለ ዜጎች መብትና ነፃነት፣ እኩልነትና ፍትሃዊ ተጠቃሚነት፣ እንዲሁም የሕግ-የበላይነትና ሌሎች ዴሞክራሲያዊ እሴቶች የጋራ ግንዛቤ ተፈጥሯል። ከዚህ አንፃር፣ የመንግስት ሥራና አሰራር ከሕዝቡ ጥያቄና የለውጥ ፍላጎት ጋር አብሮ መጓዝ መቻል አለበት። እ.አ.አ በ1987 ዓ.ም የደቡብ ኮሪያ መንግስት በዚህ ወሳኝ የለውጥ ደረጃ ላይ ደርሶ የነበረ ሲሆን በትክክለኛው ግዜ ተገቢውን ምላሽ መስጠት በመቻሉ ሀገሪቱን ዛሬ ላይ ከደረሰችበት የብልፅግና ደረጃ እንድትደርስ አስችሏታል።

በተመሣሣይ፣ ዛሬ ላይ ኢትዮጲያ በተመሳሳይ ወሳኝ የለውጥ ደረጃ ላይ ትገኛለች። በአሁን ላይ የኢትዮጲያ የሕዝብ ጥያቄ ነፃነት፣ እኩልነትና ፍትህ ናቸው። በሕዝቡ ዘንድ ያለው የለውጥና መሻሻል ፍላጎት የዜጎች መብት፣ ነፃነትና ፍትሃዊ ተጠቃሚነት የሚረጋገጥበት ዴሞክራሲያዊ ስርዓት በመግንባት ላይ ያነጣጠረ ነው። እዚህ ጋር የኢህአዴግ መንግስት ሁለት አማራጮች አሉት።

የመጀመሪያው አማራጭ ከሕዝቡ ጥያቄና የለውጥ ፍላጎት ጋር አብሮ በመጓዝ የሀገሪቱን የልማት፣ ሰላምና ዴሞክራሲ ሥርዓት ግንባታ ወደ ወሳኝ ምዕራፍ ማሸጋገር። ሁለተኛው አማራጭ ደግሞ በሕዝቡ ዘንድ እየተነሳ ያለውን ጥያቄና የለውጥ ፍላጎት በማፈን የተሻለ ሕይወት የመኖር ተስፋን ማጨለም ነው። በሁለተኛው መንገድ የብዙ ንፁሃን ዜጎችን ሕይወትን በመስዕዋትነት የሚጠይቅ ከመሆኑ በስተቀር እንደ ማንኛውም አምባገነናዊ ሥርዓት መጨረሻው ውድቀት ነው።

አሁን በሀገራችን እያታዩ ያሉት ችግሮች መሰረታዊ መንስዔያቸው የኢህአዴግ መንግስት በሕዝቡ ዘንድ ካለው የለውጥና መሻሻል ፍላጎት ጋር አብሮ መሄድ ባለመቻሉ ምክንያት የተከሰቱ ናቸው። ችግሩ አንድ እንደመሆኑ መጠን መፍትሄውም አንድና አንድ ነው። የኢህአዴግ መንግስት ከሕዝቡ ጥያቄና የለውጥ ፍላጎት ጋር አብሮ መለወጥ ወይም እንደ ማንኛውም አምባገነናዊ ሥርዓት ውድቀትን መጎንጨት ይሆናል። በአጠቃላይ፣ የኢህአዴግ መንግስት በተለይ በዚህ አመት የሚወስደው እርምጃ ወይ ለለውጥ ወይም ደግሞ ለሞት ይዳርገዋል፡፡

(ዘ-ሐበሻ) በሕዝባዊ ንቅናቄና አልገዛም ባይነት ጭንቅ ውስጥ የወደቀው የትግራይ ነጻ አውጪ መንግስት በዚህ አጣብቂኝ ሰዓት ተማሪዎች ወደ ትምህርት ገበታቸው ከተመለሱ ተቃውሞው ይጧጧፋል በሚል ስጋት ትምህርት እንዳጀመር አስተማሪዎችን በስልጠና ወጥሮ የያዘ ሲሆን በቀጣይ በአዲስ አበባ መስቀል አደባባይ እና በጎንደር በመስቀል በዓል የተነሳ ብዙ ሕዝብ ከተሰባሰበ ወደ ተቃውሞ ሊቀየር ይችላል በሚል ስጋት መስቀል በየቤተክርስቲያኑ እንዲከበር ትዕዛዝ መውረዱን አንድ ታማኝ የኢሕአዴግ የውስጥ ምንጭ ለዘ-ሐበሻ ገለጹ::

እንደምንጩ ገለጻ በፌደራል ጉዳዮች ሚ/ር አማካኝነት ለቤተክህነት ይህ መመሪያ የወረደ ሲሆን ቤተክህነት እስካሁን ምላሽ እንዳልሰጠች ገልጸዋል::

ምንጩ ለዘ-ሐበሻ እንዳሉት መንግስት የመስቀል በዓልን በአዲስ አበባ መስቀል አደባባይ እና በጎንደር ብዙ ሺህ ሕዝብ በተሰበሰበት እንዳይከበር ማዘዙን ሚዲያዎች ተቀባብለው ከዘገቡትና ሕዝቡም ይህን ካወቀ ምናልባት አቋሙን ሊቀይር ስለሚችል ይህን ዜና ሕዝብ እንዲቀባበለውና ላልሰማ እንዲያሰማ ጥሪያቸውን አቅርበዋል::

ከአባይ ጸሐዬ በኩል በፌደራል ጉዳዮች አማካኝነት የወረደው ይኸው ት ዕዛዝ እንደሚያመለክተው ሁሉም አብያተ ክርስቲያናት የዘንድሮውን የመስቀል በዓል ጸረሰላም ኃይሎች ሊያውኩት ስለሚችሉ በየቤተክርስቲያናችሁ አክብሩ የሚል ነው ያሉት እኚሁ ታማኝ ምንጭ ስርዓቱ በአሁኑ ወቅት በገባበት ፍርሃት የተነሳ ከዚህም ሌላ ውሳኔ ሊያሳልፍ ይችላል ብለዋል::

የመስቀል በዓል በአዲስ አበባ መስቀል አደባባይ እንዲሁም በጎንደር በብዛት ከሚከበርባቸው ቦታዎች መካከል የሚጠቀስ ሲሆን በተለይ በነዚህ ቦታዎች ብዙ ሺህ ሕዝብ መገኘታቸው ለመንግስት እንቅልፍ የነሳው ጉዳይ ነው::

(ዘ-ሐበሻ) የትግራይ ነጻ አውጪ መንግስት አስተዳደሮች አባይ ጸሓዬ; ደብረጽዮን ገብረሚካኤል እና አባይ ወልዱ በተደጋጋሚ በየሚዲያው ወጥተው አማራውን ትጥቅ እናስፈታለን በሚል የፎከሩትን ፉከራ ለማሳካት በጎንደር እንቅስቃሴ ቢጀምሩም ዛሬም ለሁለተኛ ጊዜ ውርደትን እንደተከናነቡ ከስፍራው የመጡ መረጃዎች ጠቆሙ::
በጎንደር ወረዳደርጋጅ ቀበሌ ታግራ ጎጥ ገበሬዎችን ትጥቅ ለማስፈታት የሄደው ከ25 የማያንስ የትግራይ ነጻ አውጪ ሠራዊት ሙሉ በሙሉ ተደምሥሷል:: የአማራ ገበሬዎች መሣሪያችንን አናስረክብም በሚል ከትግራይ ነጻ አውጪ ሰራዊት ጋር እልህ አስጨራሽ ተኩስ መክፈታቸውንም የክስፍራው የደረሱን መረጃዎች አመልክተዋል::

እንደሌሎች የመረጃ ምንጮች ገለጻ የትግራይ ነጻ አውጪ ሰራዊት በአማራው ክልል ውርደትን ሲከናነብ ይህ የመጀመሪያው አይደለም:: ከጥቂት ቀናት በፊት በሰሜን ጎንደር ወገራ ወረዳ ታግራ መድሃኔዓለም ቀበሌ ገበሬውን ትጥቅ አስፈታለው ብሎ የተንቀሳቀሰው ቁጥሩ በይፋ ያልታወቀው የሕወሓት ሰራዊት በገበሬዎች ተደምስሷል::

በአማራው ክልል ያሉ ገበሬዎች አሁንም ትጥቃችንን አንፈታም በሚል ከትግራይ ነጻ አውጪ ሰራዊት ጋር በተለያዩ ቦታዎች እየተዋደቁ ቢሆን በኢንተርኔትና በስልክ እጦት የተነሳ መረጃዎች ሕዝብ ጋር በቶሎ ሳይደርሱ ቀርተዋል::

አባይ ጸሀዬንና ስዩም መስፍንን እናውቃቸዋለን። የህዝብ «ጠላቶች» እያሉ ከሚፈርጇቸው «ከፍተኛ አመራሮች» የከፉ እንጂ የተለየ ጠባይ በሕይወታቸው ሙሉ ታይቶባቸው አያውቅም። «ሙሰኞች» እያሉ ከሚፈርጇቸው «የመንግስት ሌቦች» ግንባር ቀደሞቹ አባይ ጸሀየና ስዩም መስፍን ናቸው። ከነሱ ውጭ ያሉት የወያኔ «ከፍተኛ» አመራሮች ከታሰሩ አባይና ስዩም ካገር በፊት መታሰር አለባቸው፤ ሌሎች ከተገደሉ አባይና ስዩም ካገር በፊት መሰቀል አለባቸው። አባይ ጸሀዬንና ስዩም መስፍንን እንዲህ የሚያናግራቸው፤ ንጹህም ያደረጋቸው ያሰለፏቸው ወታደሮችና በእጃቸው ያለው የጦር መሳሪያ ብቻ ነው። ከዚህ ውጭ በህግ ፊት አባይ ጸሀዬና ስዩም መስፍን የህዝብ «ጠላቶች» እና ሙሰኞች እያሉ ከሚፈርጇቸው ሰዎች የባሰ የከፉ ናቸው።

አባይና ስዩም «አንዳንድ» የሚሏቸውን የወያኔ አመራሮች ሙሰኞችና እና የሕዝብ ጠላቶች ይሏቸዋሉ። እግርጥ ነው እዚያ ቤት የህዝብ ጠላትና ሙሰኛ ያልሆነ አይገባም። እንደሚታወቀው አባይና ስዩም የወያኔ ፊታውራሪዎች ናቸው። እንደፊታውራሪነታቸው ዛሬ የህዝብ «ጠላቶች» እና ሙሰኞች ናቸው እያሉ የሚከሷቸውን «ከፍተኛ አመራሮች» የመለመሉና ለከፍተኛ ስልጣን ያበቁ እነሱ ራሳቸው ናቸው። የህዝብ «ጠላቶችን» እና ሙሰኞች የሚባሉትም ሰዎች የህዝብ «ጠላቶችን» እና ሙሰኞች የሆኑት አባይና ስዩም ለዘረፋ በፈጠሩት የግፍ መዋቅር ተደግፈው ነው።
አባይና ስዩም የህዝብ ጠላቶችና ሙሰኞች ካልሆኑ እንደምን አምነው የህዝብ «ጠላቶችን» እና ሙሰኞችን ከፍተኛ አመራሮች አደረጓቸው? የትግራይን የበላይነት ለማስጠበቅ ሲሉ ነፍሰ በላ የትግራይ ወታደሮችን ልከው ጎንደርና ጎጃም፣ ወለጋና ሐረር ህጻናትን ያስጨፈጨፉ አባይና ስዩም አይደሉምን? መንጋ አጋዚ ጎንደርና ጎጃም፣ ወለጋና ሐረር ልከው ሰላማዊ ወጣቶችን በኃይል ያሳፈሱና ያስተለተሉ አባይና ስዩም አይደሉምን?
ነገሩ ግን ወዲህ ነው። አባይ፣ ስዩምና በረከት የሰው አውሬዎች ሆነው ሌሎችን የህዝብ «ጠላቶችን» እና ሙሰኞች እያሉ የሚፈርጁት እነሱ ጲላጦሶች ሆነው ራሳቸውን ንጹህ በማድረግ ከጀርባ ሆነው የሚዘውሩት አልበቃ ብሏቸው የህዝብ «ጠላቶች» እና ሙሰኞች የሚሏቸውን ምስለኔዎች ገፍትረው በማስወጣት የተገፊዎቹን ወንበር እነሱ ጭንብላቸው በማውለቅ ለመጠቅለልና ወደፊት ለመምጣት ነው። እነሱ እስካሉ ድረስ ግን ካለፈው የሚከፋ እንጂ የተሻለ እድል እንደማይኖር ከነሱ ውጭ ያለነው እኛ ግፉዓን አውጥተን አውርደን እንደጨረስንና ተጋድሎ ላይ እንዳለን ፈጽሞ ማሰብ አይፈልጉም።
የሰው ደም የሚጠጡት፣ የሰው ስጋ የሚበሉት፣ የሰው አጥንት የሚቆረጥሙት፣ የዝርፊያና የግፍ ስልጣን የተቆጣጠሩት እነ አባይ ጸሀዬና ስዩም መስፍን ርስ በርሳቸው በተለዋወጡ ቁጥር የሚሰጡትን የፕሮፓጋንዳ ተስፋና በደርግና በቀዳማዊ ኃይለ ሥላሴ ላይ የሚያወርዱትን ነቀፌታና ጥላቻ እንደ እድገትና ልማት እንድንቆጥርላቸው ዛሬም እንደ ትናንቱ ይሰብኩናል። እኛን እየገደሉና እየዘረፉ እነሱ ስለበለጸጉ ለኛ መልካም እድል ያመጡልን አድርንገን እንድናስብ ዛሬም ያለሀፍረት ይነግሩናል። «የድሮ ስርዓት» እያሉ ከሚያከፏቸው እጅግ የከፋውን ነውረኛውን የትግራይ የአፓርታይድ አገዛዝ « አንዳንድ እንከኖች» የሚሏቸውን «ጉድለቶች» እንደ መልካም አስተዳደር ጉድለት እንድንቆጥርላቸው ዛሬም ያግባቡናል። የአገዛዛቸውን መሰረት ለማጠንከር የሰሩትን ሁሉ ለአገር ውለታ እንደሰሩና እድገትና ልማት እንዳመጡ ዛሬም ሳያፍሩ በኩራት ይነግሩናል። የዘረጉት የግፍ ስርዓት የአረመኔ ትግሬዎች የወሮበላ አገዛዝ መሆኑን ረስተውት «እኛ ብቻ ነን ዲሞክራሲ ማምጣት የምንችለው» እያሉ ራሳቸውን ያሞግሳሉ። ነውር የማያውቁ የሰው አውሬዎች! ድሮ «ጅብ በማያውቁት አገር ሄዶ ቆርበት አንጥፉልኝ አለ ነበር» በቤተ ወያኔ ግን «ጅብ በሚታወቅበት አገር ቆርበት አንጥፉልኝ» ሆኖል።
ስዩም መስፍን የአለም ውሸታም ነው። ባድመ ለኢትዮጵያ ተወሰነ ብሎ ለአገር የሚዋሹ ቅሌታም ነው።
አባይ በ1977 ዓ.ም. ማሌሊት ሲመሰረት የነግደይ ዘርዓጺዮን የኃሳብ ደጋፊ ነበር። እነግደይ ሲወገዱ ግን ሀሳቡን ቀይሮ የመለስ ጀሌ ሆነ። በወያኔ ታሪክ በጠቅላላ ጉባኤ ተመርጦ የስልጣን ጊዜውን ሳይጨርስ ያለጠቅላላ ጉባኤ የህወሀት ሊቀመንበርነቱን በመለስ የተቀማ ብቸኛ ታጋይ አባይ ጸሀዬ ነው።
በ1993 ዓ.ም. ወያኔ ለሁለት ሲሰነጠቅ የመለስን አንጃ በብርቱው የተገዳደረውን ስብስብ ይመራ የነበረው ግለሰብ ታጋይ ተወልደ ወልደማሪያም ይባላል። ታጋይ ተወልደን ወያኔዎች ግደይ ዘርዓጺዎን ከድርጅቱ ከተወገደ በኋላ የድርጅቱ «ጭንላት» ይሉታል። ይህ የድርጁቱ «ጭንቅላት» አልባንያን የአለም ስልጣኔ ሞዴል አድርጎ የሚቆጥር ጉድ ነው። የነተወልደ አንጃ ከብዙ በጥቂቱ አባይ ፀሀየና ሀሰን ሽፋ የሚባሉ ፋኖዎችን አቅፎ የያዘ ነበር።
ታዲያ የነተወልደ አንጃ ማህበርተኛ የነበሩት አባይና ሀሰን ከአንጃቸው ጋር የነበራቸው ቆይታ ዘላቂነት አልነበረውም። አባይ የነገሮችን ተለዋዋጭ አዝማሚያ ቃኝቶ ህሊናውንም ቢሆን በመሸጥ አሰላነፉን የሚያሳምር ሰው እንደሆነ በቤተ ወያኔ በስፋት የሚታወቅበት ባህሪው ነው። ለዚያም ይመስላል በ93ቱ ክፍፍል ወቅት የነተወልደን አንጃ አባላት እያናጠሉ እነመለስ ሎቢይ በሚያደርጉበት ወቅት፡ አንዱ ታጋይ «እኔ አባይን ላሳምን እንተ ደግሞ ሀሰን ሽፋን አሳምን» ባለው ጊዜ፡ መለስ የአባይን ባህሪ ጠንቅቆ ያውቅ ኖሮ «አባይን ግደፎ» ብሎ ለአንጃው ጓድ መለሰለት። ነገሩ አባይን «ተውት የትም አይደርስም አወቀዋለሁ» እንደ ማለት ነው። መለስ አባይ ሳይለመን ንፋሱን አይቶ በራሱ ጊዜ ወደ መለስ ጎራ እንደሚመለስ እርግጠና ነበር። ኋላ ላይ የሆነውን ያ ነው።
እንደተባለው ሆነ፤ ብዙም ሳይቆይ አባይ አይኑን አጥቦ የነ ተወልደን ስብስብ ከድቶ በመሄድ የመለስን አንጃ ተቀላቀለ። ወዶገብነቱ ሳያንሰው ግለሂስ አውርዶ የመለስን ቡራኬ አገኘ። ሀሰን ሽፋም አባይን ተከትሎ እነተወልደን በመተው ወደነመለስ ቡድን ተቀላቀለ። ሀሰን ሽፋ ግን እንደአባይ ወዶ ገብ ሳይሆን በነመለስ ቡድን ሎቢና ጠመንጃ ተገድሎ ምርኮኛ በመሆን ወደእናት ድርጅቱ ተመለሰ። ሀሰን ሽፋ ዛሬም ምርኮኛ ነው።
ተወልደ ወልደማርያም በወቅቱ የአባይና የሀሰን ሽፋን ወደመለስ ቡድን መኮብለል አስመልክቶ ለነሰነዘረለት ጥያቄ ሲመልስ «አባይ እንኳ ልማዱ ነው፤ ሀሰን ሽፋ ግን ለምን እንደከዳን አላውቅም» ብሎ መልሷል።
አባይ ጸሀዬ የስኳር ኮርፖሬሽን ሀላፊ ሆኖ «ሜቴክ» ከሚባለው የትግራይ ጀኔራሎች ኩባንያ ጋር ተመሳጥሮ 77 ቢሊዮን ብር የሚሆን የአገር ሀብት ለብክነትና ለዝርፊያ እንደዳረገ የስኳር ኮርፖሬሽን ሀላፊዎች ለፖርላማ አቅርበዋል። ስዩም መስፍንና ቤተሰቦቹ በዘረፋ ከኢትዮጵያ በላይ ሀብታሞች ሆነዋል። የስዩም መስፍን ልጅ በአፍሪካ ቀንድ አሉ ከሚባሉ የትግራይ ቱጃሮችና ዶላር ቢሊዮነሮች መካከልአንዱ ነው።
እነዚህ ሰዎች ናቸው እንግዲህ ሰሞኑን በወያኔ የፕሮፓጋንዳ ማሰራጫ ቀርበው ትኩስ በማይፈራው ምላሳቸው ቆርጠው እየቀጠሉ የወያኔን ድርጅት ከጅማሮው ጀምሮ ለኢትዮጵያ አንድነት ያለውን ቀናኢነትና ጠበቃነት የሚደሰኩሩት። እኛ ግን እናውቃለን። በመንግስትነት የተሰየመው ወያኔ የቅሚያ፣ የዘረፋና የግድያ ድርጅት እንደሆነ እናውቃለን። «ህገ መንግስት» እያሉ የሚደሰኩሩት ዝባዝንኪም ክፉና ትዕቢተኛ ፍላጎታቸውን በኢትዮጵያ ውስጥ ያለ ገደብ ለማስፈጸምና ለወንጀል ያቋቋሙት የሌብነትና የቅሚያ ደንብ እንደሆነ እናውቃለን። እውነታው ይሄ ነው። አበቃ!

ሙሉቀን ተስፋው
ወያኔ የወልቃይት ጠገዴ የማንነት ጥያቄ አቅራቢ ኮሚቴዎችንና መላውን የዐማራ ሕዝብ በመግደል፣ በማሰርና በማሰደድ ጥያቄውን ለማፈን እየሞከረ ባለበት በአሁኑ ሰአት ከማንነት ጥያቄው ጋር በተያያዘ በቂሊንጦ ታስረው የነበሩ አቶ ይላቅ አቸነፍን ገድሎ ዛሬ አስከሬኑን አስረክቧል፡፡ አቶ ይላቅ አቸነፍ በላይ አርማጭሆ የትክል ድንጋይ ከተማ ነዋሪ ሲሆኑ የወልቃይት ጠገዴ የዐማራ ማንነት ጥያቄን ይደግፋሉ ተብለው ከታሠሩ ሰዎች መካከል በዋነኛነት የሚጠቀሱ ነበሩ፡፡
የቂሊንጦን ማረሚያ ቤት በጥይት ገድሎና በእሳት ጠብሶ ካሰነበተ በኋላ ዛሬ አስከሬናቸውን አስረክቧል፡፡ የአቶ ይላቅ አቸነፍ ቀበር ሥነ ሥርዓት ከጎንደርና ከአርማጭሆ በተሰበሰቡ ዐማሮች በአሁኑ ሰአት (መስከረም 5 ቀን 2009 ዓ.ም.) እየተከናወነ ይገኛል፡፡
ወያኔ የኮሚቴ አባላቱን እያሳደደና እያገደለ የማንነት ጥያቄውን ማፈን እንደ ስትራቴጂ አሁንም ድረስ እየተከተለው ያለ ቢሆንም የዐማራ ሕዝብ ትግል ግን ያሸነፋል፡፡ ያለጥርጥር ትግላችን በተሰው ጀግኖቻችን ደም ወደ ፊት ይገሰግሳል፡፡

ሙሉቀን ተስፋው

ወያኔ የወልቃይት ጠገዴ የማንነት ጥያቄ አቅራቢ ኮሚቴዎችንና መላውን የዐማራ ሕዝብ በመግደል፣ በማሰርና በማሰደድ ጥያቄውን ለማፈን እየሞከረ ባለበት በአሁኑ ሰአት ከማንነት ጥያቄው ጋር በተያያዘ በቂሊንጦ ታስረው የነበሩ አቶ ይላቅ አቸነፍን ገድሎ ዛሬ አስከሬኑን አስረክቧል፡፡ አቶ ይላቅ አቸነፍ በላይ አርማጭሆ የትክል ድንጋይ ከተማ ነዋሪ ሲሆኑ የወልቃይት ጠገዴ የዐማራ ማንነት ጥያቄን ይደግፋሉ ተብለው ከታሠሩ ሰዎች መካከል በዋነኛነት የሚጠቀሱ ነበሩ፡፡
የቂሊንጦን ማረሚያ ቤት በጥይት ገድሎና በእሳት ጠብሶ ካሰነበተ በኋላ ዛሬ አስከሬናቸውን አስረክቧል፡፡ የአቶ ይላቅ አቸነፍ ቀበር ሥነ ሥርዓት ከጎንደርና ከአርማጭሆ በተሰበሰቡ ዐማሮች በአሁኑ ሰአት (መስከረም 5 ቀን 2009 ዓ.ም.) እየተከናወነ ይገኛል፡፡
ወያኔ የኮሚቴ አባላቱን እያሳደደና እያገደለ የማንነት ጥያቄውን ማፈን እንደ ስትራቴጂ አሁንም ድረስ እየተከተለው ያለ ቢሆንም የዐማራ ሕዝብ ትግል ግን ያሸነፋል፡፡ ያለጥርጥር ትግላችን በተሰው ጀግኖቻችን ደም ወደ ፊት ይገሰግሳል፡፡

ለከፍተኛ ትምህርት ተቋማት ማህብረሰብ እየተሰጠ ያለው ስልጠና በአምቦ ዩኒቨርሲቲ የወሊሶ ካምፓስ እንደቀጠለ ነው። ዛሬ ጠዋት ሊካሄድ የታቀደው የውይይት ፕሮግራም ነበር። ነገር ግን፣ መምህራኑ ሃሳብና አስተያየት እንዲሰጡ ሲጠይቁ ምላሻቸው ዝምታ ነበር። በአሰልጣኝነት የተመደቡት የመንግስት ኃላፊዎች “ኧረ እባካችሁ ተናገሩ?” እያለ ቢለምኑም ለመናገር ፍቃደኛ የሆነ መምህር አልነበረም። አንዱ አሰልጣኝ በሁኔታው ግራ በመጋባት “ባለፈው አመት ከእናንተ ጋር ተመሳሳይ ውይይት አድርጌያለሁ። ከመምህራን ጋራ የተደረጉ ውይይቶችን ስመራ ይሄ ሦስተኛዬ ነው። እንዲህ ያለ ነገር ግን አጋጥሞኝ አያውቅም” አለ። ነገር ግን፣ ለሁለት ሰዓታት ያህል የመምህራኑ ምላሽ ዝምም…ማለት ነበር። በመጨረሻም የሻይ-ሰዓት ሲደርስ ሁሉም በአንድ ድምፅ “የሻይ ዕረፍት!” ብለው ከስብሰባው ወጡ።

ዶ/ር መረራ ጉዳና “ኢህአዴግ ማውራት እንጂ ማዳመጥ አይችልም” አሉ ይባላል። በእርግጥ መቼና የት እንዳሉት’ አላውቅም፡፡ የሃሳቡን ትክክለኝነት ማረጋገጥ ግን በጣም ቀላል ነው። ለዚህ ደግሞ ዛሬ የታዘብኩትን ነገር መጥቀስ በቂ ነው። መምህራኑ ለሁለት ሰዓታት ያህል በዝምታ ተቀምጠው እንደ ተማሪ የዕረፍት ሰዓታቸውን ሲናፍቁ ማየት በራሱ ይገርማል። እንደ አጠቃላይ ሲታይ ግን፣ መምህራን በሀገራዊ ጉዳዮች ላይ ሃሳብና አስተያየት እንዲሰጡ እየተለመኑ ዝም ማለታቸው ሰሚ ጠፍቶ እንጂ በራሱ ጩኸት ነው። 
በእርግጥ ማዳመጥ አለመቻል አንድ ችግር ነው። ማዳመጥ ለማይችል አካል መናገር ግን ከመጀመሪያው የባሰ ድንቁርና ነው። ኢህአዴግ ብዙ ግዜ ተነግሮት አንድም ግዜ በትክክል ማዳመጥ የተሳነው ድርጅት ነው። ስለዚህ፣ መምህራኑ ‘ማዳመጥ ለተሳነው ድርጅት መናገር ፋይዳ-ቢስ ነው’ በማለት ነው ዝምታን የመረጡት። በቦታው የነበሩ የመንግስት ኃላፊዎችም የሚሰጡት አስተያየት ይህን የሚያጠናክር ነው። ለምሳሌ በአሰልጣኝነት የተመደበው የመንግስት ኃላፊ “ከመምህራን ጋራ ተመሳሳይ ውይይቶችን ስመራ ይሄ ሦስተኛዬ ነው” ሲል፣ እኔ ደግሞ “ሁለቴ ነግረንህ ካልሰማህ ለምን ለሦስተኛ ግዜ እንነግርሃለን?” እያልኩ በውስጤ ስጮህ ነበር። 
በመምህርነት መስራት የጀመርኩት ከ1998 ዓ.ም ነው። ታዲያ በዚያኑ ዓመት ከ1997ቱ ምርጫ ጋር ተያይዞ በተፈጠረው ችግር ዙሪያ ለመወያየት በአከባቢው የሚገኙ መምህራንና የኦህዴድ/ኢህአዴግ ባለስልጣናት ስብሰባ ተቀምጠው ነበር። በወቅቱ ብዙም ልምድ ስላልነበረኝ እንደ አሁኑ ሃሳብና አስተያየት አልሰጥም ነበር። የረጅም አመት ልምድና ተሞክሮ የነበራቸው አንጋፋ መምህራን ግን “ኢህአዴግ ማውራት እንጂ መስራት የማይችል ድርጅት ነው” እያሉ ሲተቹት አስታውሳለሁ። 
ከ1998 – 2007 ዓ.ም ባሉት አስር አመታት በአመት ወይም በሁለት አመት የፓርቲ ይሁን የመንግስት የተምታታበት ስብሰባ መደረጉ አይቀርም። በእነዚህ ስብሰባዎች መምህራንም በሀገራቸው ጉዳይ ላይ ጠቃሚ የሚሏቸውን ሃሳቦችና አስተያየቶች ከመስጠት አይቆጠቡም። ምክንያቱም፣ የአንድ ሀገር ልማት፣ ሰላምና ዴሞክራሲ የመጨረሻ ግቡ የዜጎችን ነፃነትና ፍትሃዊ ተጠቃሚነት ማረጋገጥ ነው። የዜጎችን መብትና ነፃነት የሚጋፉ ሥራዎችና አሰራሮች እንዲሻሻሉ በመጠቆም ረገድ ደግሞ ምሁራን የማይተካ ድርሻ አላቸው። በዚህ ረገድ በ2007 የትምህርት ዘመን መጀመሪያ ላይ በሁሉም ዩኒቨርሲቲዎች የተሰጠው ተመሳሳይ ስልጠና በአብነት የሚጠቀስ ነው። 
መስከረም 2007 ዓ.ም ላይ ከከፍተኛ የትምህርት ተቋማት መምህራንና ሰራተኞች ጋር በተደረገው ውይይት ላይ የኢህአዴግ መንግስት ያሉበት ችግሮች እና የመፍትሄ እርምጃዎች በግልፅ የተጠቆሙበት መድረክ ነበር። በአምቦ ዩኒቨርሲቲ ዋናው ግቢ ወደ አንድ ሺህ የሚጠጉ መምህራን በውይይቱ ተሳታፊ ነበሩ። በተለይ እኔ የነበርኩበት የውይይት ቡድን በአረዓያነት ሊጠቀስ የሚችል ነበር። የሕግ፣ የፖለቲካ ሳይንስ፣ የማህብረሰብ ሳይንስ፣ የፍልስፍና፣ የቋንቋ፣ የሕክምና፣ የሥራ አመራር፣…ወዘተ መምህራን ለአስር ቀናት ሲያደርጉ የነበረው ውይይትና ክርክር እጅግ በጣም ማራኪና አስተማሪ ነበረ። 
ኢህአዴግ፡ ከለውጥ እና ከሞት አንዱን ምረጥ በሚለው ፅሁፍ ውስጥ እንደተጠቀሰው በ2007ቱ ስልጠና ኢህአዴግ ለልማታዊ ዴሞክራሲያዊ መንግስት ስርዓት ግንባታ መሰረታዊ ችግሮች ይላቸው የነበሩት፡- “የመልካም አስተዳደር ችግር፣ ኪራይ ሰብሳቢነት፣ ትምክህት፣ ጠባብነትና አክራሪነት” ነበሩ። ታዲያ በውይይት መድረኩ ላይ፤ ኢህአዴግ በሚያስተዳድረው ሀገር ላይ “የመልካም አስተዳደር ችግር መኖሩ”፣ የፓርቲው አመራሮችና አባላቱ በሙስና ተዘፍቀው “የኪራይ ሰብሳቢነት አመለካከት ችግር አለ” ማለቱ፤ የአንድ ብሔር ወይም ሕዝብ መብትና ተጠቃሚነት እንዲረጋገጥ የሚጠይቁትን – “በጠባብነት”፣ ስለ ብሔራዊ አንድነት የሚያነሱትን – “በትምክህተኝነት”፣ ‘መንግስት በሃይማኖት ጣልቃ-አይግባ’ ያሉትን – “በአክራሪነት” በመፈረጅ ኢህአዴግ ራሱ በራሱ የፈጠራቸው ችግሮች እንደሆኑ አስረግጠን ነገርነው።     
የአምቦ ዩኒቨርሲቲ መምህራን በኢህአዴግ ከተጠቀሱት ችግሮች ይልቅ ሕዝቡ በተጨባጭ እያነሳቸው ያሉትን ችግሮች በመዘርዘር በአስቸኳይ የመፍትሄ እንዲሰጣቸው ጠየቁ። ከእነዚህ ውስጥ የተወሰኑትን ለመጥቀስ ያህል፤ በወቅቱ በአምቦ ከተማ ለብዙ ሰዎች ሕይወትና ንብረት መጥፋት ምክንያት የሆነው የአዲስ አበባ ማስተር ፕላን የክልሉን ሕዝብና መንግስት አሳታፊ በሆነ መልኩ እስካልተዘጋጀ ድረስ ተግባራዊ እንዳይደረግ፣ በኦሮሚያ እና በአዲስ አበባ መካከል ከአገልግሎት አቅርቦትና የሃብት አጠቃቀም ጋር ተያይዞ በኢፊዴሪ ሕገ-መንግስት አንቀፅ 49(5) መሰረት ዝርዝር የሕግ ማዕቀፍ እንዲዘጋጅ፣ በመሰረተ-ልማት ግንባታ ሰበብ የአርሶ-አደሮች ከመሬት ይዞታቸው ማፈናቀል እንዲቆም፣ መንግስት ራሱ ለሕገ-መንግስታዊ ሥርዓቱ ተገዢ በመሆን ለህግ የበላይነት ተገዢ እንዲሆን፣ የሕገ መንግስቱን መርሆች የሚፃረሩና የዜጎችን ሰብዓዊና ዴሞክራሲያዊ መብቶች የሚገድቡ የህግ አንቀፆች፣ መመሪያዎች እና አሰራሮች መስተካከል እንዳለባቸው፣ የመንግስት ሥራና የአሰራር ሂደት ግልፅነትና ተጠያቂነት እንዲኖረው … ወዘተ ናቸው። 
ነገር ግን ኢህአዴግ ከመምህራኑ የቀረቡትን የመፍትሄ ሃሳቦች አንዱንም አንኳን ተግባራዊ አላደረገም። ኢህአዴግ በመምህራኑ ከተሰጡት የመፍትሄ ሃሳቦች በተቃራኒ አቅጣጫ መሄዱን ቀጠለበት። የፀረ-ሽብርተኝነት አዋጁ መሻሻል አለበት ሲባል የኮምፒውተር ወንጀል አዋጅን አፀደቀ። ሀገራዊ ምርጫን ከ99.6% ወደ 100% አሳደገ። ዴሞክራሲን ስንጠይቅ አምባገነንነትን አሰፈነብን። ነፃነትን ለጠየቀ ሕዝብ ፍርሃትን ለቀቀበት። በመጨረሻም መብቱንና ነፃነቱን ለማስከበር ባዶ እጁን አደባባይ የወጣን ሕዝብ እንደ ጠላት በጥይት ይገድለው፣ ያለ ርህራሄ ይደበድበው፣ ያለ ፍርድ ያስረው ጀመር። 
በዚህ ምክንያት በሀገሪቱ ግጭትና አለመረጋጋት ነገሰ። አንደተለመደው ኢህአዴግ በሀገሪቱ በተከሰተው ግጭትና አለመረጋጋት ዙሪያ ከመምህራን ጋር ለመወያየት እንኳን አይደለም “ስልጠና” ልስጥ ብሎ መጣ። በ2009 ዓ.ም ለልማታዊ ዴሞክራሲያዊ መንግስት ስርዓት ግንባታ ችግሮች ናቸው በማለት ምን ይዞ መጣ? በ2007 ዓ.ም ኢህአዴግ ራሱ በራሱ የፈጠራቸውን፡-“የመልካም አስተዳደር፣ ኪራይ ሰብሳቢነት፣ ትምክህት፣ ጠባብነትና አክራሪነት” የፈጣሪ ያለህ!!! ታዲያ ከዚህ ጋር ማን ይነጋገራል??? 
አዎ…ኢህአዴግ ይናገራል እንጂ አያዳምጥም። የመምህራን ዝምታ ግን ጩኸት ነው። ከውጪ ሳይሆን ከውስጥ የሚሰማ ድምፅ ነው፣ ከሌላ ሳይሆን ከራስ ጋር የሚያወሩት። በጆሮ የሚሰሙት ሳይሆን በህሊና የሚያስቡት፣ መልስ ሳይሆን ጥያቄ ነው። ዝምታ “ለምን ዝም አሉኝ?” ብሎ መጠየቅ ነው። ይህን ጥያቄ ስታብሰለስል ጩኸቱ ይሰማሃል፣ የመምህራኑ ጭንቀት ይገባሃል። ባለፉት አመታት የሰራኸው ስህተት በግልፅ ይታይሃል። አዎ…በደንብ ላስተዋለው የመምህራኑ ዝምታ አስፈሪ ጩኸት ነው!! 
With Regards,
Seyoum T.
Ambo University, Woliso Campus
Dept. of Management
Tel: +251911320447
Email: seyee123@gmail.com
Blog: http://ethiothinkthank.com or http://hornaffairs.com/am/author/seyoumteshome/

ሰሞኑን ደግሞ ፀጥታ አስከባሪዎች ጥያቄ ያቀረበዉን ሕዝብ አስተባብረዋል ባሏቸዉ ሰዎች ላይ እርምጃ በመዉሰዳቸዉ ግጭት ተከስቷል።በግጭቱ በርካታ ሰዎች መገደላቸዉን፤ ቤትና ንብረት መጥፋቱን የአይን ምስክሮችና ፖለቲከኞች አስታዉቀዋል

ደቡብ ኢትዮጵያ የኮንሶ ወረዳ ነዋሪዎች ያነሱት የማንነትና የአስተዳደር ጥያቄ ሰሞኑን ደም አፋሳሽ ዉዝግብና ግጭት አስከትሏል።የአካባቢዉ ነዋሪዎች እንደሚሉት የኮንሶ ሕዝብ ከዚሕ ቀደም አካባቢዉ የነበረዉ የልዩ ወረዳ የአስተዳደር ሥልጣን እንዲመለስለት በተለያየ ደረጃ ለሚገኙ የክልልንና የፌደራል መንግስት መስሪያ ቤቶች አቤቱታ አቅርቦ ነበር።አቤቱታዉ ግን ሰሚ አላገኘም።ሰሞኑን ደግሞ ፀጥታ አስከባሪዎች ጥያቄ ያቀረበዉን ሕዝብ አስተባብረዋል ባሏቸዉ ሰዎች ላይ እርምጃ በመዉሰዳቸዉ ግጭት ተከስቷል።በግጭቱ በርካታ ሰዎች መገደላቸዉን፤ ቤትና ንብረት መጥፋቱን የአይን ምስክሮችና ፖለቲከኞች አስታዉቀዋል።የአዲስ አበባዉ ወኪላችን ዮሐንስ ገብረ እግዚአብሔር የኦሞ ሕዝቦች ዴሞክራሲያዊ ግንባር ሊቀመንርን አነጋግሮ ተከታዩን ዘገባ ልኮልናል።

——————————————–
እዚያዉ ኮንሶ የሚገኙ ነዋሪዎችም ሰሞኑን የተነሳዉ ግጭት ከባድ ጉዳት መድረሱን ይናገራሉ።ለአጭር ጊዜ ልምምድ አብሮን የሚገኘዉ ተስፋአለም ወልደየስ ያነጋገራቸዉ የአይን ምስክሮች እንደሚሉት የመንግሥት ፀጥታ አስከባሪዎች በርካታ ሰዎችን ገድለዋል።ቤትና ንብረት አቃጥለዋልም።የኮንሶ ሕዝብ ጥያቄ ለመንግሥት አካል እንዲያቀርብ የተሰየመዉ ኮሚቴ አባልንም አነጋረናል። የደቡብ መስተዳድር ባለሥልጣናትም ግጭትና ጥፋት መድረሱን አምነዋል።

በኮንሶ ወረዳ ነዋሪ የሆኑት እና በግጭቱ የደረሰውን ጉዳት የተመለከቱት አቶ ዕድሉ አይለቴ ጳጉሜ 5 የተቀሰቀሰው ግጭት እስካሁንም ቀጥሏል ይላሉ፡፡ በግጭቱ ምክንያት የጠፋውን ህይወት እና ሁኔታውን በዝርዝር ያስረዳሉ፡፡

የደቡብ ክልል የመንግስት ኮሚዩኒኬሽን ቢሮ ኃላፊ ወ/ሮ ሒክማ ከይረዲን ግጭቱ እንደነበር ቢያምኑም የጉዳቱ መጠን በዓይን እማኞች ከተገለጸው ያነሰ እንደሆነ ያስረዳሉ፡፡

በኮንሶ ከዞን ይገባኛል ጥያቄ ጋር በተያያዘ ባለፈው ዓመትም ተመሳሳይ ደም አፋሳሽ ግጭት ተከስቶ ነበር፡፡ የሰሞኑ ግጭት መንስኤ ግን በአካባቢው ባለስልጣናት ለረጅም ጊዜ ሲቀናበር የቆየ እና በአጎራባች ወረዳዎች ተሳትፎ የታገዘ እንደነበር የዞን ጥያቄው አስተባባሪ ኮሚቴ አባል የሆኑት አቶ ገመቹ ገንፌ ይናገራሉ፡፡

አቶ ገመቹ በኮንሶዎች ላይ ያነጣጠረ ነው ባሉት ጥቃት “የመከላከያ ሰራዊት እና የጸጥታ ኃይሎች ተሳትፈዋል” ይላሉ። የክልሉ የመንግስት ኮሚዩኒኬሽን ቢሮ ኃላፊ ግን ክሱን ያጣጥሉታል፡፡ እንደውም ለግጭቱ መነሻነት ኮሚቴውን ተጠያቂ ያደርጋሉ፡፡

ኮንሶ አሁንም በውጥረት ላይ ትገኛለች፡፡ ነዋሪዋቿ 23 አባላት ባሉት ኮሚቴ አማካኝነት ለፌደሬሽን ምክር ቤት ያቀረቡት ጥያቄም በእንጥልጥል ላይ ይገኛል፡፡ በዚህ ወር መጨረሻ ላይ ስብሰባውን ያካሄዳል ተብሎ የሚጠበቀው የፌደሬሽን ምክር ቤት ጉዳዩን ተመልክቶ መፍትሄ ይሰጣል ተብሎ ይጠበቃል፡፡

ዮሐንስ ገብረ እግዚአብሔር

ተስፋዓለም ወልደየስ

ነጋሽ መሐመድ

አርያም ተክሌ

source:-dw.com/

File Photo

ከሙሉቀን ተስፋው

የወገራንና የበለሳን ዐማራ ትጥቅ ለማስፈታት በሁለት ዙር የተንቀሳቀሰው የወያኔ ጦር ሙሉ በሙሉ በሚባል መልኩ ወድሟል። የሞቱ የጠላት ወታደሮች 30 ሲደርስ 15 የተማረኩት በሕይወት በሕዝብ ቁጥጥር ስር ናቸው። ከገበሬዎች በኩል 3 ቆስለዋል። 41 ክላሽና መትረጊስ ተማርኳል።

አመሻሹን ብዛት ያለው የወያኔ ጦር ወደ ቦታው የተንቀሳቀሰ ሲሆን ገበሬዎች ሸሽተን ኃይላችን በማደራጀት ላይ ነን ብለዋል።

ይህን ጉዳይ እየተከታተልን እናሳውቃለን::

(ዘ-ሐበሻ) ከነመሰንቆው የምታውቁት አንጋፋው ድምጻዊ ኤሊያስ ተባባል በወቅታዊው የአማራ እና የኦሮሞ ሕዝብ ትግል ዙሪያ የሚያጠነጥን አዲስ የትግል ነጠላ ዜማ ለቀቀ:: የጎንደር አማራ ሕዝብ ወልቃይትን አላስነካም በሚል ስለመታገሉና በኦሮሞ እና አማራ ህዝቦች መካከል ስላለው የደም አንድነት የሚያጠነጥነው ይኸው ነጠላ ዜማ
“ወልቃይትን እንቁልጭልጭ
ጠገዴን እንቁልጭልጭ
አርማጭሆን እንቁልጭልጭ
አላስነካም ብሏል ጀግናው እኔ ተቀምጬ” የሚል ስንኝም አለው:: ያድምጡትና አስተያየትዎን ያስፍሩ::

መስከረም ፭ (አምስት) ቀን ፳፻፱ ዓ/ም

ኢሳት ዜና :- ከሁለት ዓመታት በፊት በኖርዌይ በተደረገ ተደጋጋሚ የማራቶን ሩጫ ኢትዮጵያን ወክሎ በመወዳደር አንደኛ የወጣውና የአሸናፊነት ገመዱን ሲበጥስ ሁለት እጆቹን ወደ ላይ በማጣመር የተቃውሞ ምልክት ያሳየው አትሌት ሙሉጌታ ዘውዴ በክፍተኛ ችግርና በህመም ላይ እንደሚገኝ ገለጸ።
በኖርዌይ በስደት የሚገኘው አትሌት ሙሉጌታ ለሁለት ጊዜ በተደረገ የማራቶን ውድድር ነበር ሁለት ጊዜ የኢሳትን ቲሸርት ለብሶ በመሮጥ ያሸነፈው።
ውድድሩንም ከማሸነፉ ባሻገር በማጠናቀቂያው መስመር ላይ እጆቹን ወደ ላይ በማጣመርና የኢትዮጵያን መንግስት በመቃወም በነጻነት ትግሉ ላይ ችቦ የለኮሰ ፈር ቀዳጅ አትሌት
ነው-ሙሉጌታ። አትሌት ሙሉጌታ ከኢሳት ጋር ባደረገው ቃለ ምልልስ በአትሌቲክሱ ዘርፍ እሱ የለኮሰው ችቦ እነ ፈይሳ ሌሊሳ ተረክበው በሪዮ ኦሎምፒክ ከፍ አድርጎ ሲያበሩት መመልከቱ ልዩ ደስታን እንደሰጠው ተናግሯል። ይሁንና ይህ የትግል ቀንዲል የሆነው አትሌት ዛሬ በከፋ ችግር ውስጥ ይገኛል።
አትሌቱ እንደገለጸው ከሰራው ልምምድ ጋር በተያያዘ ለልብ ህመም መጋለጡ በሀኪም ቢነገረውም በቂ ህክምና ሊያገኝ አልቻለም።
እንዲሁም ደጋፍና በቂ ህክምና ሊያገኝ ባለመቻሉ ሳቢያ የመጣውን ለመቀበል በመፍቀድ ወደ ሀገሩ እንዲልኩት የኖርዌይን መንግስት እስከመጠየቅ መድረሱን የገለጸው አትሌት ሙሉጌታ፤ሆኖም የኢትዮጵያ መንግስት “አትሌቱ አሸባሪ ስለሆነ አልቀበልም” የሚል ምላሽ መስጠቱን ጠቅሷል።
ይህ ሁሉ ቢሆንም የኖርዌይ መንግስት የመኖሪያ ፈቃድ ሊሰጠው አልቻለም።
ጠበቃ በማቆም ያደረገው ክርክርም ውጤት ሊያሥገኝለት እንዳልቻለ ያመለከተው ሙሉጌታ፤ ኢትዮጵያውያን ወገኖቹ በሚችሉት ሁሉ ድጋፍ እንዲያደርጉለት ተማጽኗል።

ታሪኩ አባዳማ መስከረም 2009

እውቁ እና ዝነኛው የጭፍጨፋ መሀንዲስ አባይ ፀሐዬ በንፁሀን ዜጎች ላይ ህወሀት እያካሄደ ያለውን ፍጅት እጥፍ አሳድጎ አንደሚቀጥል በማረጋገጥ ለሌላ ዙር ጅምላ ጭፍጨፋ እንድንዘጋጅ በማያሻማ ቋንቋ ነግሮናል። አባይ ፀሐዬ በአዲሱ አመት መግቢያ ላይ በሰጠው ቃለ ምልልስ እንዳመለከተው ህወሀትን ለማስወገድ የሚካሄደው ህዝባዊ ተቃውሞ ከቀጠለ አገሪቱን እስከ ወዲያኛው መበታተን የሚያደርስ ጭፍጨፋ ይመጣል። በዚህም ሩዋንዳ ላይ ሁቱ ጎሳ በቱትሲ ወገኑ ላይ ያደረሰውን ዘር ላይ የተመረኮዘ ዘግናኝ ጅምላ ጭፍጨፋ በማጣቀስ ኢትዮጵያ ተመሳሳይ እጣ እንደሚጠብቃት ምኞቱን እና እቅዱን በይፋ ግልፅ አድርጓል። አባይ ፀሐዬ እስከ ዛሬ የጠጣው የንፁሀን ደም አላረካ ብሎት ስለ ቀጣዩ ጅምላ ጭፍጨፋ የተነበየውን ቃለ መጠይቅ ከዚህ ሊንክ ላይ በመጫን ማዳመጥ ይቻላል http://www.ethiomedia.com/1016notes/7451.html ይህ የእልቂት ጥሪ ጭብጥ የሆነ በማይፋቅ እና በማይክዱት ሰነድ ላይ የተመዘገበ ከፍተኛ የወንጀል ስራ ዝግጅት ማስረጃ ነው። ትናንት ልክ እናስገባቹሀለን ብሎ የዛተው ቀንደኛ የህወሀት ፖለቲካ መሀንዲስ ቃል ነው። ህወሀት ምን እየደገሰልን እንደሆነ መሪው በማያሻማ ቋንቋ የመሰከረበት ሰነድ ነው። አባይ ፀሐዬ በዚህ ግልፅ በሆነ ጥሪው የዘር ጭፍጨፋ ሩዋንዳ እንደደረሰው ሁሉ ኢትዮጵያም ይደገማል ብሎናል። የህወሀት ጭፍጨፋ ድርጅቱ ከተመሰረተበት እና በተለይም የመንግስት ስልጣን ከተቆጣጠረበት ጊዜ አንስቶ አላባራም። በተለይም ካለፈው አንድ አመት ወዲህ የጭፍጨፋው አድማስ ሰፍቶ ዜጎች በዘር ግንዳቸው ብቻ እየተመረጡ በመጨፍጨፍ ላይ መሆናቸወን አለም የሚመሰክረው ነው። እናም ሰውየው በንፁሀን ዜጎች ደም የሰከረ እንደመሆኑ ዛሬ ለምን ይህን ተናገረ ብሎ የሚደነቅ የለም። ይልቁንም የተደገሰልንን ሌላ ጅምላ ጭፍጨፋ ዘርዘር ባለ መልኩ እሱ ራሱ ከሰጠው የሩዋንዳ ጀኖሳይድ እልቂት አንፃር ብንመረምረው የተሻለ ስዕል ይሰጠናል በሚል እምነት አጠር ያለ ቅኝት ለማድረግ ወደድኩ።

ለመሆኑ ሩዋንዳ የደረሰው ጭፍጨፋ በምን ፣ እንዴት እና በማን እንደ ነበር እነ አባይ ፀሐዬ ይስቱታል? በሩዋንዳ የደረሰው ፍጅት እንዲህ ነበር – አንድ በስልጣን ላይ የቆየ ጎሳ/ ዘር (ብሄረሰብ) (ሁቱ) በበታችነት በሚያየው በሌላው ዝርያ የሩዋንዳ ጎሳ/ ዘር (ብሔረሰብ) (ቱትሲ) ላይ የተካሄደ ዘር ላይ የተመረኮዘ ጭፍጨፋ ተካሄደ። ጭፍጨፋውን ያቀደው ፣ የመራው እና የፈፀመው በዘር ማንነት ላይ ተደራጅቶ እና ታጥቆ አገሪቱን ይቆጣጠር የነበረው ከሁቱ ጎሳ የመጣው የሩዋንዳ ጎሳ ፖለቲከኛ ፣ ወታደር ፣ ጋዜጠኛ ፣ ሚሊሺያ እና ሌላውም ተራ የሁቱ ዘር ዜጋ ነው። በሁቱ ዘር የበላይነት ስልጣን ለብቻው ሲቆጣጠር የቆየው ሀይል ከስልጣን ተገልሎ የነበረውን እና ፍትሀዊ የስልጣን ክፍፍል የጠየቀውን የቱትሲ ዘር ጨፈጨፈው ፤ የታጠቀው የሁቱ ዘር ያልታጠቀውን የቱትሲ ዘር ፈጀው ፤ ያገሪቱን የሩዋንዳን ጥሬ ሀብት በብቸኝነት ይቆጣጠር የነበረው የሁቱ ዘር ከፍትሀዊ የሀብት ክፍፍል የተገለለውን የቱትሲ ዘር በጥይት ፣ ገጀራ ፣ አካፋ እና መጥረቢያ ሳይቀር እጁ ላይ ባገኘው መሳሪያ ተጠቀቅሞ ረፈረፈው። በጊዜው ጉልበተኛ የነበረው ሁቱ ርህራሄ የጎደለው ጭፍጨፋ አካሄደ። ዘግናኙን እና አለምን ያሸማቀቀው ጭፍጨፋ የተካሄደው ቀድሞውኑ በዘር ተደራጅተው ፣ ነቅተው እና ታጥቀው በተደራጁ የሁቱ ጎሳ ሩዋንዳውያን ነበር። የተቆጣጠሩትን የመንግስት ስልጣን ከለላ በማድረግ ያገሪቱን ሀብት በብቸኝነት ከመዝረፍ በላይ በወቅቱ የነበረውን ወታደራዊ ተቋም ሙሉ ለሙሉ ሲቆጣጠር የቆየው ካንድ ዘር ከሁቱ የመጣው ወገን ነበር። ከዚህ አልፎ ተርፎ በአገሪቱ የሚሰራጩትን የራዲዮ ፣ የቴሌቪዥን እና ጋዜጣ ባጠቃላይ የነበረውን የመገናኛ አውታር ይቆጣጠር የነበረው ይኸው የሁቱ ዘር ነው። ሁሉም ነገር በዘር ግንድ በተደራጁት ከሁቱ ብሔረሰብ በመጡ ሩዋንዳውያን ቁጥጥር ስር ውሏል። በሚለየን የሚጠጉ ቱትሲዎች በጠራራ ፀሀይ ሲጨፈጨፉ እነኝህ ከፍ ሲል የተጠቀሱት በሁቱ ዘር ቁጥጥር ስር የነበሩት የመንግስት ልዩ ልዩ ዘርፎች ሙሉ ለሙሉ ጭፍጨፋውን በማቀላጠፍ ተሳትፈዋል። እንግዲህ ይህን ዘር ላይ የተመረኮዘ ፍጅት እንደ ምሳሌ ጠቅሶ ኢትዮጵያ ላይ ይደገማል የሚል ሰው ያውም ዛሬ ቁልፍ ስልጣን ላይ የተቀመጠ ብሎም በዘር ማንነት ተደራጅቶ የታጠቀ ሀይል መሪ ምን ሊነግረን እንደፈለገ ለመገንዘብ የፖለቲካ ሳይንስ ተመራማሪ መሆን አይጠይቅም። ስል ሩዋንዳ ጭፍጨፋ ስናስብ እጅግ ዘግናኝ መሆኑ ብቻ ሳይሆን ሁቱዎች በቱትሲዎች ላይ ሲዘምቱ የሚገድሉትን ሰው ይመርጡ የነበረው በቂም ፣ በቁጭት ፣ በፖለቲካ አመለካከት ልዩነት ሳይሆን ሌላ ዘር በመሆኑ ብቻ መሆኑ ነው። በዚህም የተነሳ ቡና አጣጭ ጎረቤታቸውን ፣ የስራ ባልደረባቸውን ፣ በመልኩ እና ቁመናው ቱትሲ ሆኖ ያገኙትን ሁሉ ሰለባ አድርገዋል። አንድ የቱትሲ ብሔረሰብ አባል ሁቱዎች በበላይነት ይቆጣጠሩት በነበረው የሩዋንዳ ፖለቲካ ህይወት ውስጥ ተሳትፎ ይኑረው አይኑረው ፣ የተቀዋሚ ድርጅት ደጋፊ ይሁን አይሁን ፣ የሁቱ አባል የሆነ ጓደኛ ወይንም የንግድ ሽርክ ይኑረው አይኑረው ቱትሲ በመሆኑ ብቻ የጭፍጨፋው ሰለባ ከመሆን ማምለጥ አይችልም –
የሌላ ብሔረሰብ አባል በመሆኑ ብቻ እንደ ወንጀል ተቆጥሮ ግድያ ይፈፀምበታል
እንግዲህ አባይ ፀሐዬ በቃለ መጠይቁ እንዳሰመረበት የደገሰልን ፍጅት ይህን እንደሚመስል በማያሻማ ቋንቋ ነግሮናል። ህወሀት እስከ አፍንጫው የታጠቀ የዘር ድርጅት እንደ መሆኑ እንደ አባይ ፀሐዬ አባባል ከሆነ እንደ ሩዋንዳ አይነት ጭፍጨፋ ከተደረገ በአብላጫው ሰለባ የሚሆነው ማን ሊሆን ነው ብሎ ለማወቅ ሩቅ መሄድ አያሻም። ባዶ እጁን ለመብቱ መረጋገጥ ጥያቄ ያነሳ ሁሉ በነ አባይ ፀሀዬ የፍጅት ራዳር ውስጥ ተነጣጥሮበታል። ህወሀት በዘር ተዋቅሯል ፣ ተደራጅቷል ፣ እስከ አፍንጫው ታጥቋል። ብሎም ህወሀት የመንግስት ስልጣኑን ተቆጣጥሯል ፣ ህወሀት ወታደራዊ ተቋማትን ተቆጣጥሯል ፣ ህወሀት ቁልፍ የሚባሉ የኢኮኖሚ ምንጮችን ተቆጣጥሯል ፣ ህወሀት ሁሉንም የመገናኛ አውታሮች ተቆጣጥሯል። ሌላ ቀርቶ ከህወሀት ተዋጊ ሰራዊት ተቀንሶ ወደ ሲቪል ህይወት የተቀላቀለው ተዋጊ ሙሉ ትጥቁን እንደያዘ ከአዲስ አበባ እስከ ሁሉም የአገሪቱ ክፍሎች ባለ መሬት እና ባለ ሀብት ሆኖ በተጠንቀቅ ተሰልፏል። ስለ ሩዋንዳ የዘር ጭፍጨፋ የሚነግረን እና ኢትዮጵያ ላይ ይደገማል የሚለን አባይ ፀሐዬ የህወሀት መሪ ነው። የህወሀትን ራዕይ በገለፀልን ቃለ መጠይቁ ግልፅ እንዳደረገው ሁሉ ሩዋንዳ ይደገማል ብሎናል። ማን በማን ላይ ፍጅት እየደገሰ መሆኑን ግልፅ ያደረገ ቃለ መጠይቅ ነው። ህወሀት የትግራይን ህዝብ ከለላ አድርጎ እንደ ሁቱ ሁሉ በዘር መደራጀቱ ለማንም ሚስጥር አይደለም። እናም በዘር ታጥቋል ፣ በዘር ምርኩዝ የአገሪቱን ሀብት አግበስብሶ እጁ አስገብቷል ፣ በዘር ቅኝት የሚመራ መገናኛ አውታር በእጁ ነው። በተቃራኒው ዛሬ ባዶ እጁን አደባባይ ተሰልፎ በሰላማዊ መንገድ ስለ መብቱ የሚሟገተው ዜጋ እጁ ላይ ትጥቅ የለም ፣ የሚቆጣጠረው አንዳችም ቅርስ የለም ፣ መሬቱን ተዘርፏል ፣ መብቱ ተረግጧል ፣ የፍትህ ያለ ይላል ፣ ሀሳቡን በነፃ ሊገልፅ የሚችልበት አንዳችም አውታር ወይንም አሰራር የለም። የህግ የበላይነት እንጂ ያንድ ዘር የበላይነት አይበጀንም ብሎ መነሳት የሩዋንዳን አይነት ጭፍጨፋ የሚጋብዝበት ምክንያት ምን እንደሆነ ለመረዳት በጣም ያዳግታል። እንደ አባይ ፀሐዬ ምኞት የሩዋንዳ አይነት ጭፍጨፋ ኢትዮጵያ ውስጥ ቢፈፀም ያንን ጭፍጨፋ ማን በማን ላይ ሊያካሂድ በዝግጅት ላይ እንዳለ በቀላሉ ማመልከት ይቻላል። ታጥቀናል እንፈጃቹሀለን – ልክ እናስገባቹሀለን እየተባልን ነው። ጉዳዩ ኢትዮጵያውያን ብቻ ሳይሆኑ ሰላም ወዳድ የሆነው የአለም ህዝብ ይህን እብደት ባስቸኳይ ማስቆም አለባቸው። ዘር ላይ የተመረኮዘው የሩዋንዳ ጭፍጨፋ ከቶውንም የሚጠየፉት ፣ የሚያርቁት እና በምንም ምክንያት በየትኛውም የአለም ክፍል እንዳይደገም ማናቸውንም ጥረት ማድረግ የሁሉም ሰው ዘር ሀላፊነት ነው – ከአባይ ፀሐዬ በስተቀር። በተለይ መልዕክቱ በቀጥታ የሚመለከተው የኢትዮጵያ ህዝብ በውስጥም ሆነ ውጪ ይህን እርኩስ የእልቂት ድግስ ለማምከን በሁሉም ዘርፍ መታገል አለብን። ናዚ ጀርመን ስለ ዘር ጥራት እና ሰለ አርያን ዝርያ ሀያልነት ሲሰብክ የጀርመንን ህዝብ ሸንግሎት ይሆናል። በዚህ የተነሳም ናዚ ፓርቲ ከጀርመን ህዝብ ቀላል የማይባል ፖለቲካዊ ድጋፍ አግኝቷል። ይሁንና የአለም ህዝብ ጀርመናውያን መጥፎ ዘሮች ናቸው ከሚል ድምዳሜ ላይ አልደረሰም። በመሰረቱ መጥፎ የፖለቲካ ድርጅት ፣ መጥፎ የፖለቲካ አመለካከት ፣ መጥፎ አስተዳደር እንጂ መጥፎ ህዝብ ወይንም መጥፎ (ጥሩ) የሚባል የዘር ክፍፍል የለም። ህወሀት በወገናችን በትግራይ ህዝብ ስም መደራጀቱ እና ፀረ አገር ድርጊት እየፈፀመ መሆኑ ግልፅ ቢሆንም የትግራይን ህዝብ ኢትዮጵያዊ ታሪክ የሚያጠቁር አይሆንም። የተጋፈጥነው ከመጥፎ ትግራዋይ ሳይሆን ከመጥፎ ህወሀት ጋር ነው ፤ ከመጥፎ ፣ ከሌባ እና ከዘራፊ ድርጅት ጋር ነው። ትግሉ መጥፎ አስተዳደር ፣ መጥፎ የፖለቲካ ድርጅት ፣ መጥፎ የዘር አደረጃጀት ከሚከተለው ህወሀት ጋር ነው።‘ ’ ህወሀት ሌባ እያለ ለመብቱ የሚዋደቀው ኢትዮጵያዊ ጣቱን በቀጥታ የቀሰረው እና በሀላፊነት የሚጠይቀው ህወሀትን እና ህወሀትን ብቻ ነው። ይህ ለማንኛውም ትግራዋይ ግልፅ ሊሆን ይገባዋል። ጨዋነትህን የሚያረክስ ፣ ሰላማዊነትህን የሚያደፈርስ ፣ አገር ወዳድነትህን የሚያጣይቅ ባጠቃላይ ኢትዮጵያዊ ተፈጥሮህን የሚፃረር ድርጊት በስምህ እንዳይፈፀም በግንባር ቀደምነትነት ተሰልፈህ የህግ የበላይነት እውን እንዲሆን መታገል ይኖርብሀል። በትግሉ ውስጥ በምታደርገው ተሳትፎ ሁሉም ኢትዮጵያዊ እንደቀድሞው ሁሉ ችግርህን ፣ ደስታህን እና ድልህን ለጋራ ቤታችን ፅናት ሲል አብሮህ መቆሙን በተደጋጋሚ አረጋግጧል። የትግራይ ህዝብ ሆይ! ታሪክ ይቅር የማይለውን የሩዋንዳ አይነት የዘር ጭፍጨፋ የሚመኙልንን እብድ ውሾች ከመካከልህ ጠራርገህ አውጣ።

በሱፈቃድ ደረጀ
(besufekadreje@gmail.com)
እውነትን መናገር ለራስ ነው
የሚያምኑበትን ሳይናገሩ ከመኖር ይሰውረን!!!
ከአንድ አመት በፊት ልክ በዛሬዋ እለት ስለ ኡስታዝ ካሚል ሸምሱ የማውቀውን ከመቀሌ ዩኒቨርሲቲ እስከ ቂሊንጦ በሚል ርእስ አንዲት ጽሁፍ ጀባ ብዬ ነበር፤ ዛሬ ደግሞ እነ ካሚል ሸምሱ ከቂሊንጦ ቃሊቲ ከዛም ወደ ቤተሰብ ተቀላቅለዋል፤ ደስ የሚያሰኝ ዜና ነው፤
በርካታ ጓደኞቼን ስለ ካሚል ሳጫውታቸው በቅድሚያ ግራና ቀኛቸውን ይመለታሉ፣ ይቀጥሉና አንገታቸውን እስቲሰበር ድረስ ወደ ኋላቸው ገልመጥ ይላሉ፣ ይቀጥሉና የአግአዚ ስናይፐር እንዳይመታቸው ይመስል ወይንም ነፍሴን አደራ በሰማይ በሚመስል መልኩ ሽቅብ ያንጋጥጣሉ፣ በመጨረሻም ራሴውኑ በጥርጣሬ አይን ይመለከቱና ስለ ካሚል ሸምሱ ያላቸውን አስተያየት በሹክሹክታ ይነግሩኛል፤
ብሽቅ ብዬ ትቻቸው ልሄድ ስልም ምክንያታቸውን ይገልጹልኛል፣ ‹ምን ነካህ አብረውን የተማሩት እነ እከሌ እከሊት እኮ የማእከላዊ ባልደረባ ሆነዋል፣ እነ እንትና እኮ የደህንነቱን መስሪያ ቤት ከሚያሾሩት ውስጥ ይመደባሉ፣ በዛ ላይ ደግሞ ባለትዳርና የልጆች አባት ነኝ› ሲሉ ይደመጣሉ፤ እንዲህ አካባቢያቸውን በአይነ ቁራኛነት ሲከታተሉ ሳይ አዝኜላቸዋለው፤ በአንጻሩ ደግሞ ለመብቱ መከበር ሲል ዋጋ የከፈለውንና ድል ያደረገውን ካሚል ሸምሱን ሳስብ ሀገራችን ሰው እንዳላጣች ማረጋገጫ ይሆነኝና እጽናናለው፤
ወዳጄ ኡስታዝ ካሚል ሸምሱ የነጻነት ምልክት ሆነሀልና እንኳን ደስ አለህ! ከምትወዳቸው ቤተሰቦችህ ለመቀላቀል እንኳን አበቃህ፤ ከባለቤትህ ጋር ምን ያህል እንደምትዋደዱ አውቃለው፤ ካምፓስ እያለን ባለቤትህ ውጭ አገር ሆና ስትደውልልህ ‹ተራርቀን እስከመቼ ?› ተባብላቹሁ የተላቀሳችሁበትን ጊዜ አስታውሳለው፤ ባለቤትህም እንኳን ከልደታ-ቂሊንጦ-ቃሊቲ ከመመላለስ አረፈች፤ አላህ እንኳን አንድ አደረጋችሁ!!!
በነገራችን ላይ ከሙስሊም መፍትሄ አፈላላጊ ኮሚቴዎች መካከል በቀዳማይ ሚኒስትራችን አይተ መለስ ዜናዊ ጥርስ የገባ ሰው ቢኖር ካሚል ሸምሱ ነበር፤ ይህንንም በአፍ ወለምታ የምናገረው ሳይሆን በማስረጃ ነው፤ ካሚል ሸምሱ በተለያየ ጊዜ ለሙስሊሙ ህብረተሰብ መፍትሄ ለማፈላለግ ባደረገው ጥረት በርካታ ስብሰባዎችን መርቷል፤ ታዋቂው ደራሲ አሌክስ አብርሀም ካሚል በሻሸመኔ ከተማ ተገኝቶ ህገ መንግስቱን የተመረኮዘ ማብራሪያ ሲተረጉም የሚያሳይ ምስል በመጽሀፈ ገፁ ለጥፎ ተመልክተናል፤
ካሚል ሸምሱ በተደጋጋሚ የሚናገረው አንድ ኃይለ ቃልም ነበር፣ ‹ መንግሰት እኛን ወንጀለኛ ብሎ ለማሰር ማስረጀ ሳይሆን መረጃ የለውም› የምትል ነበር፤ የሰዎችን ሀhሳብ የራሳቸው እንደሆነ አድርገው ማቅረብ የሚቀናቸው አይተ መለስ ዜናዊ ፓርላማ ላይ እንደ ጎበዝ ተማሪ ከፊት ወንበር ላይ ተሰይመው፤ ‹ ኮሚቴዎቹን ለማሰር ማስረጃ መረጃም አለን› ሲሉ ተናገሩ፤ የካሚል ሸምሱ አነጋገር እንቅልፍ ነስቷቸው እንደነበር ራሳቸውን በራሳቸው አጋለጡ፤
ጥርስ ውስጥ የገባው ካሚል ሸምሱ ፌዴራል ፓሊስ፣ የደህንነት መስሪያ ቤቱ፣ ኢቲቪ፣ ማእከላዊ፣ ቂሊኒጦና ቃሊቲን የመሳሰሉ የመንግሰት ተቋማት ተባብረው አብጠርጥሮ የሚያውቀውን ሰብአዊ መብት አንድ ሁለት … እያሉ አራቆቱት፤ አሸባሪ ነህ ሲሉም ሮቦት ዳኞች ፈረዱበት፤ ከወህኒም ጨመሩት፤ ጊዜ ለኩሉ እንዲል ጠቢቡ ከፍርግርጉ ጀርባ የነበረውን ካሚል ሸምሱ እውነት ነጻ አወጣችው፤ ምናልባትም አንዳንድ የዋሆች ይህንን የህወኃት ድርጊት ‹ምህረት› ብለው ይጠሩት ይሆናል፤
አትሳሳቱ ! ኮሚቴዎቻችን የታሰሩት፣ የተሰቃዩትና የተፈረደበቸወ ጥፋተኞች ሆነው እንዳልሆነ ራሱ ወያኔ አሳምሮ ያውቀዋል፤ እነ ካሚል ሸምሱን ነጻ ያወጣቸውም እውነትን ይዘው እስከ መጨረሻው በመጓዛቸው ነው፤ መሀሪ የሚባል የወያኔ አባል ሊኖር ይችላል፤ ወያኔ ግን መሀሪ አይደለም፤

አሪፍ የፍቅር ግጥም ጽፌ ለመለጠፍ አስቤ ነበር፡፡ ግን ብለው ብሠራው “ እኔ እምልሽ ውዴ” ከሚለው ቃል ውጭ ጠብ ሊልኝ አልቻለም፡፡
እኔ እምልሽ ውዴ！
ብለው ሳይጀምሩ- ስለፍቅር መጻፍ አይቻልም እንዴ？
አንዳንድ ባለንጀሮቼ በውስጥ መሥመር ይሄን ድብርታም ዘመን እንዴት እያሳለፍከው ነው ምናምን እያሉ ይጠይቁኛል፡፡ ለጊዜው ቲቪ በማየትና አካላዊ እንቅስቃሴ በማድረግ ለማሣለፍ እየሞከርኩ ነው፡፡ ብዙ ጊዜ፤ የመንግሥትን ቲቪ ዜና ስከታተል ፤ የጋዜጠኛውን ዐማርኛ ወደ ራሴ ዐማርኛ በመመለስ ወደ እውነታው ለመድረስ ጥረት አድርጋለሁ፡፡ ለምሳሌ፤
ጸጥታ አስከባሪ= ጸጥ የሚያሰኝ፤ ንግግርን አዋርዶ ጸጥታን የሚያከብር ታጣቂ
ማረምያ ቤት= እሥረኛ እንደ አረም የሚታረምበት ቤት፡፡
አርብቶ አደር= ደከመኝ ሰለቸኝ ሳይል ልጅ የሚያስወልድ ገበሬ
አንዳንድ ያዲሳባ ነዋሪዎች= አንዳንድ ያዲሳባ አስ-ነዋሪዎች
ችግሩን ለመፍታት በሂደት እየተንቀሳቀስን ነው=ችግሩ ካቅማችን በላይ ነው፡፡
ገለጹ=ተቀደዱ
ወዘተረፈ፡፡

ዲሼ ላይ ርግብ ጎጆ ሠርታበት ስለተበላሸ ዐልፎ ዐልፎ ጎረቤት እየሄድኩ የቃና ቲቪ እሾፋለሁ ፡፡ ፊልሙን ከማይበት ይልቅ ባልና ሚስቱ በፊልሙ ምክንያት በተጣሉ ቁጥር በመገላገል የማሳልፈው ጊዜ ይበልጣል፡፡ በቀደም ለት ሶፋው ላይ ተደርድረን ፊልም እያየን ሚስትዮዋ “ወይኔ ኦ-ማር！ ዛሬ ደሞ እንዴት አባቱ እንደሚያምር！”ስትል፤ ባል ድል በተመታ ድምጽ ”አሁን ይሄ መጥረቢያ ፊት ምኑ ያምራል！”ብሎ ቀወጠው፡፡ ሚስት ምናለች” ኦማርን የሚመስል መጥረቢያ ቢኖር ኖሮ ዛፎች በቆረጣ ሳይሆን በፍቅር ይወድቁ ነበር :: “ ኧረ ሴቱ እንዴት እንዴት ይፈላሰፋል ጎበዝ！ለዚህ አባዋራ ኢትዮጵያ ሶርያ ትሆናለች የሚለው ሥጋት የኦማርን ፊት ያክል አያስጨንቀውም፡፡
አካላዊ እንቅስቃሴ አደርጋለሁ ያልኩት እንኳ ስቀደድ ነው፡፡ በርግጥ አሜሪካ እያለሁ ረጅም እድሜ ለመኖር ስል ባመት ሁለቴ ሮጫለሁ፡፡ የመጀመርያው፤ ፋሲል ደሞዝ በጥቁር ማጅራት መችዎች በተደበደበ ማግስት አምሽቼ ወደ ቤቴ ስመጣ፤ መታጠፊያው ላይ ግብዳ ጥቁር አይቸ የሮጥኩት ሩጫ ሲሆን ፤ ሁለተኛውን ረስቸዋለሁ፡፡ （በማግስቱ ሳጣራ፤ መታጠፊያው ላይ ቆሞ ያስቦካኝ ነገር ወይም ኒገር የማልኮም ኤክስ ሀውልት ኑሯል）፡፡
ያሜሪካ ውስጥ ሩጫ ቢያምርህ የሩጫ መንገድ አለልህ ፡፡ ሳይክል ቢያምርህ የሳይክል መንጃ መንገድ አለልህ፡፡ ቀዘፋ ቢያምርህ ሀይቁ በየደጅህ አለልህ፡፡ አየ！ሰው ካሜሪካ ወደ ኢትዮጵያ ይሰደዳል？
አዲሳባ ውስጥ ሳይክል አይመርህ እንጂ ካማረህ አውሮፕላን ተሣፍረህ ወደ ባህርዳር መሄድ አለብህ፡፡ ስማ！ እዚህ ሃያሁለት ማዞርያ ረፋድ ላይ ለመሮጥ ብትፈልግ በየትበኩል ልትሮጥ ትችላለህ፡፡ ትንሽ ሮጥ ሮጥ እንዳልክ መንገድህ ላይ በቆሎ የሚጠብሱ አሮጊት ይገጥሙሀል፡፡ ከነምድጃቸው ዘለሃቸው ታልፋለህ፡፡ ትንሽ ሮጠህ የለማኝ ምርኩዝ ትዘላለህ፡፡ ትንሽ እንደሮጥህ በኮንትሮባንድ የገባ የጫማ ክምር ትዘላለህ፡፡ እንዲህ እየኖርን በመሰናክል ሩጫ ወርቅ አለመብላታችን ይገርመኛል፡፡
በእኛ ሠፈር በእኩልነት ተፈጥረው በኩሊነት እንዲኖሩ የተፈረደባቸው ብዙ ብሄረሰቦችን እናገኛለን ፡፡ እኛ ሠፈር ሰማይ ጠቀስ ፎቅ ለመሥራት የታደለ ጎጄ አይገኝም ፡፡ ግን ብዙ ጎጄዎች ሰማይ ጠቀስ የመጽሐፍ ክምር ተሸክመው ሲያዞሩ ታያለህ፡ያዳም ረታን “ ግራውንድ ፕላስ ዋን” ልቦለድ ተሸክሞ አዲሳባን በግር ማካለል ምን ያህል ከባድ እንደሆነ አስበው፡፡ እንኮኮ የማለት እድሉ ባይኖረኝም ፤ ራሱ አዳም ረታ የመጽሐፉን ያክል የሚመዝን አይመስለኝም፡፡ ለነገሩ ፤ይሄን ሁሉ የሚያናግረኝ ኮምብሌክስ ሳይሆን አይቀርም፡፡ አንባቢ ሆይ ！የኔ አምስት መጽሐፎች ተደማምረው፤ ያዳም አንድ ምራፍ በመጠን ሲበልጣቸው ዝም ብየ የማይ ይመስልሃልን？？
እኛ ሠፈር ያሉ ብዙዎቹ ፎቆችና ቢዝነሶች የሙስና ውጤት ናቸው ይባላል፡፡ እንዲያውም የኛ ሠፈር መንግስታዊ ሀብታሞች ቅሌት አንድ ሳላስቀር ብዘከዝክ ደስ ይለኝ ነበር፡፡፡ ይሁን እንጂ የሀብታሞቹን ጉድ በዘከዘክሁ ማግሥት “በሃያ ሁለት ማዞርያ ኮንደሚኒየም ሁለተኛ ብሎክ ላይ በትናንትናው ምሽት ምነቱ ባልታወቀ ምክንያት በተነሣው እሣት ቃጠሎ፤ በሰውና በንብረት ላይ ጉዳት ደረሰ፡፡ በጭስ ታፍነውና ተረጋግጠው ለህልፈት ከተዳረጉ ሰዎች መካከል፤ በእውነቱ ሥዩም የተባለ ተከራይ ይገኝበታል፡፡ በዚህ አጋጣሚ መንግሥት ለደረሰው የንብረት ውድመት የተሰማውን ልባዊ ሀዘን ይገልጻል“ የሚል ዜና ለመስማት እንደማትፈልጉ ስለገባኝ ትቸዋለሁ፡ አያድርገውና እኔ ቤት ውስጥ እሣት ቢነሣ፤ የሣት አደጋ መቆጣጠርያ ግብረኃይል ደውየ የምጠራ አይመስለኝም፡፡ ከነበልባሉ አምልጨ ብሮጥ እንኳን የሣት አደጋ መኪናው እስከፒያሳ አባሮ የሚገጨኝ ይመስለኛል፡፡
እኛ ሠፈር ከመንግሥት ጋር ሳይሞዳሞድ ሚሊኒየር የሆነ ሰው ቢኖር ሙሳ ብቻ ነው፡፡ ሙሳ ከሊስትሮነት ተነስቶ እንዴት የአምስት ኮከብ ሆቴል ባለቤት እንደሆነ መተረክ ላንባቢ መነቃቃት የሚፈጥር ይመስለኛል ፡፡ ሙሳ ጫማ እየቀባ አስር አመት ሠርቷል፡፡ አንድ ቀን የናይጄሪያ አምባሳደር፤ ለሙሳ በርሚል እግሩን አሳልፎ ሰጥቶ ጫማ እያስቀባ በመንገድ የሚያልፉ ቆነጃጅቶችን ፈዞ ሲያይ ቆይቶ በዶላር የተሞላ ሳምሶናዊቱን ረሥቶ ሄደ፡፡ ሙሳ ሳምሶናይቱንና ይዞ ካካባቢው ሽል አለ ይባላል፡፡ከሁለት አመት በኋላ ይሄው መለስተኛ ሆቴል ከፍቷል፡፡ ሙሳ ሆቴሉን“ የመለስ ራእይ ሆቴል ”ብሎት ነበር፡፡ ባለፈው አመጹ ሲበረታ የሆቴሉ ስም“ የዮሐንስ ራእይ ”ተብሎ እንዲቀየርለት ማመልከቻ አስገብቷል ይባላል፡፡
በነገራችን ላይ እኛ ሠፈር ፊታውራሪ አመዴ ለማ ያለሙት ጫካ አለ፡፡ መንግሥት ጫካው ላይ አንድ ሁለት የጽድ ችግኞች ጣል ጣል ካረገበት በኋላ የመለስ ፓርክ ብሎ ሰይሞታል ፡፡ በፓርኩ ውስጥ የቆመውን የመለስ ሀውልት ባየሁ ቁጥር ሳቄ ይመጣል፡፡ መለስን በሁለት ባህርዛፎች መሀል ቆሞ ስታየው የሆነ የደበረው ደን ጠባቂ ነው የሚመስለው፡፡
ከፓርኩ ፈንጠር ብሎ ባለው አውራጎዳና ዳር ፤ቆሻሻ ከረጢት ካብ ተዘርግቶ በሃያሁለት ማዞርያና በካዛንቺስ መካከል የበርሊን ግንብ ሠርቷል፡፡ የመጀመርያ ቀን ግማቱን ስላልቻልኩት አፍንጫየን እና አፌን አፍኘ ወደቤቴ ሸሸሁ፡፡ ምስጋና ላዲሳበባ ከንቲባ ይሁንና ፤የሰው ልጅ አፍና አፍንጫ ለሃያ ደቂቃ አፍኖ በህይወት መቆየት የሚችል ፍጡር መሆኑን ተረዳሁ፡፡ ከሦስት ቀን በኋላ በቦታው የተለመደው የጥንብ ሽታ ሳይሸተኝ ቀረ ፡፡ አሃ ！ከሰንዳፋዎች ጋር ተደራድረው ቆሻሻው አስወግደውታል ማለት ነው ብየ ዞር የጥንቡን ካብ በነበረበት ቦታ አየሁት፡፡ ለካስ የተወገደው ቆሻሻው ሳይሆን የማሽተት ችሎታየ ኑሯል፡፡
ባለፈው እነ ጃዋር መሀመድ የሚላስና የሚቀመስ ወደ አዲሳባ እንዳይገባ የገበያ ማእቀብ ጥሪ ማስተላለፋቸው ይታወሳል ፡፡ አዲስአበቤስ ምኑ ሞኝ ነው ፤አስቀድሞ አስርኩንታል አስፈጭቶ ፤ ፍሪጁንም በመብልና በመጠጥ ሞልቶ ፤ ሲጠብቅ ስለነበር ያብዮቱን ሂደት በፌስቡክ መከታተሉን ቀጠለ፡፡ የእቀባው ጫና የተጫወተብን እኔንና ብጤዎቼን ነው፡፡ በቀደም ለት የሆነ ምግብ ቤት ገባሁና ምሳ አዘዝኩ፡፡ እንጀራው ከመሳሳቱ የተነሣ ” ተች እስክሪን” ነው፡፡ በልቸ ጨረስኩ አስተናጋጁ መቶ ኣምሳ ብር እንከፍል ፈረደብኝ፡፡
“ምነው ምን ጉድ መጣ! ትናንትኮ ከማርቆስ ተሳፍሬ ስመጣ ፍቼ ላይ ምን የመሰለ ምስር ወጥ በሃያ አምስት ብር በልቻለሁ”አልሁ በምሬት፡፡
አስተናጋጁ ቱግ ብሎ ምን መለሰኝ መሰላችሁ ፤
“እና ሁኔታው እስኪረጋጋ ድረስ ለምን ፍቼ እየሄድክ አትበላም？
“

ከፈቃደ ሸዋቀና

“ኮሎኔል መንግስቱ ሀይለማሪያም እንድ ጊዜ ኢህድሪ የሚባለውን መንግስታቸውን ካቋቋሙ በኋላ ዕውን አሁን ደርግ አለ?” ብለው አገሩን በሳቅ ሊፈጁት ነበር። ይዘቱ ያው የሆነ ነገር በቅርጹ ስለተለየ በውጤቱ የተለየ ይሆናል ብለን እንድናመን ፈልገው ነበር መሰለኝ። አሁን ደግሞ የህወሀት መሪዎች ተራ በተራ “ ካላንዳች ተከራካሪ በሞኖፖል በያዙት ቴሌቪዝን ላይ እየወጡ ዕውን አሁን የትግራይና የህወሀት የበላይነት ”ኢትዮጵያ ውስጥ አለ ? የሚል ተጨፈኑልኝ ላሞኛችሁ ዘፈን መሰል ነገር በኦርኬስትራ መልክ እየተቀባበሉ እየደለቁት ነው። ( ከብዙ ጥቂቱን እዚህ ይመልከቱ) ። ተከራክረው እንደማይረቱ ሰለሚያውቁ ራሳቸው ጎን ለጎን ተኮልኩለው እየተቀባበሉ ይነጋገራሉ እንጂ ሞጋች አያስቀርቡም። ጥያቄ አቅራቢውም መልስ ሰጭውም እነሱ ናቸው። ዲሞክራሲ ማለት ያንድ አቅጣጫ መንገድ ነው ወያኔዎች ቤት። እነሱ ከተናገሩት ዕውነት ነው። አለቀ። ክርክርና ትችት እንደጦር ሲፈሩ ይገርሙኛል። ተቺ ጠቃሚ አስተካካይ ሳይሆን አሸባሪ ነው። ተቃዋሚ ጠላት ነው ብለው ያምናሉ። ይህ ባህሪያቸው እነሱንም ሃገራችንንም አብሮ እያጠፋና ሊያጠፋ የተቃረበ መሆኑ ፈጽሞ የገባቸው አልመሰለኝም። የመንግስት ባለስልጣን አይዋሽም አይባልም። ውሸቱ ግን ወይ ለከት ወይ የማስመሰል ቅንብር (nuance) እንዲኖረው ይጠበቃል። ውሸት ብዙ አይነት ነው። አንዳንድ ውሸት ያስቃል። ዕውነት ከመሰለ የሚጠቅምውሸትም አይጠፋም። አንዳንዱ ውሸት ያሳዝን ይሆናል። ውሸት እየዋሹ ሰው የሚያዝናኑ ሰዎችም አውቃለሁ። እንዳንዱ ውሸት ግን የአድማጩን የመገንዘብ ችሎታ (intelligence) የሚሳደብ ይሆንና ያናድዳል። ሰሞኑን የሰማሁት የአቶ ስዩም መስፍንና የሌሎች ህወሀት ባለስልጣኖች አይነቱ ከኋለኛው አይነት የሚመደብ ነው። አቶ ስዩም መስፍን ከዚህ ቀደም በማግስቱ የተጋለጠ አገር ጉድ ያለው ውሸትሲዋሹ ያየሁዋቸው ሰው ሰለሆኑ ውሸት ካፋቸው እንዴት ወጣ ብዬ የምሞግታቸው ስው አይደሉም።በኢትዮ-ኤርትራ ጦርነት የግልግል (arbitration) ውሳኔ ማግስት ባድሜም ሁሉም ነገር ለኛ ተወሰነልን ደስ ይበላችሁ ያሉንንና በማግስቱ ጭልጥ ያለ ውሸት ሆኖ መገኘቱን ያልሰማ ኢትዮጵያዊ አይኖርም።

እንደዚያየቀናት አድሜ የሌለው ውሸት በሚሊዩኖች ፊት ለምን እንደዋሹ እስከዛሬ ይገርመኛል። ያሁኑን የትግራይናየህወሀት የበላይነት በኢትዮጵያ ምድር የለም የሚለውን ሌላ ቆሞ የሚሄድ ውሸት ምን እንደምንለው አላውቅም። ሳይኮሎጂስቶች አንዳንድ ሰዎችን እንዲህ ጸባየ ውሸታም (habitual liar) የሚያደርግ የሚገፋና የሚወተውት በሽታ (Compulsive Obsessive Disorder) የሚባል ህመም አለ የሚሉትን ነገር እንጠርጥር ይሆን? “ ለነገሩ አሁን የምንሰማው እውን የትግራይና የህወሀት የበላይነት አለ?” ዘመቻ የተቀነባበረ(orchestrated) ይመስላል። ባለስልጣናቱ ተራ በተራ እየደጋገሙት ነው። አቶ አባይ ጸሐዬ፣ አቶ ደብረ ጽዮን ፣ አቶ በረከት ስምኦንና ሌሎችም ይህንኑ አይኔን ግምባር ያርገው ከማለት ያልተናነሰ ነገር ሲናገሩ ሰምተናል።ሁሉም ሹማምንት ባንድ ሀገር ውስጥ ያንድ ብሔረሰብ የበላይነት አለ ሲባል ምን ማለት ነው የሚለውን ጽንሰ ሀሳብ ለመተርጎም ምንም ሙከራ አላደረጉም። እራሴው ልጽደቅባቸውና ከተለያዩ ምንጮችያገኘሁትን ትርጉም አሳጥሬ ለሁሉም በሚገባና በሚያስማማ መልክ ተርጉሜ ልጀምር። ያንድ ብሄረሰብወይም ቡድን የበላይነት ማለት በ ቡድኑ ወይም በብሔረሰቡ ስም የተሰበሰበው ስብስብ በግልጽና ግልጽባልሆነ መንገድ የሌላ ሕዝብ ስብስብን ወይም ስብሰቦችን ፖለቲካዊና ኢኮኖሚያዊ ህልውና በበላይነት የሚቆጣጠርበትና ሌሎቹን በመጫን ራሱንና የራሱን ስብስብ ወይም ወገን ለመጥቀምና በበላይነት ለማስቀመጥ የሚሰራበት ስርዓት ነው። (Polical dominaon is an explicit or tacit measures takenwhich put a group or groups of people under the polical, and somemes, economic control ofanother group or groups በማለት Emeena Ezeani የሚባል “In Biafra Africa Died” ና ሌሎችንምመጽሀፍ የጻፈ አፍሪካዊ ምሁር ከሰጠው አጭር ትርጉም ጋር ይቀራረባል) ። የህወሀት መሪዎችን ዕምነትና ክህደት የምንመረምረው ከዚህ ቀላልና ብዙ ሰው ከማያጣላ ትርጉም ተነስተን ቢሆን ይሻላል ብዬ ነው ስለትርጉሙ የተጨነኩት። አቶ ስዩም መስፍን ትግሬ ያልሆኑ ኢትዮጵያውያን 25 ዓመት ሙሉ ደጋግመው በመዋሸት የትግራይና “ ” የህወሀት የበላይነት እውነት ያለ እንዲመስል አድርገዋል ፣ ፕርሴፕሺን ፈጥረዋል ይላሉ። በሳቸው ቤት ያለው ዕውነታ ሳይሆን ፐርሴፕሺን ( ዕውነት የሚመስል ቅዠት) “ ነው። ትግራይ እስክትለማ ኢትዮጵያ” ትድማ ብለው ተርተዋል ፣ የትግራይ መሬት በልማት ሊሰምጥ ነው ብለው ተሳልቀዋል ፣ ትግራይ ፋብሪካ በፋብሪካ ሆነች ፣ መንገድ በመንገድ ሆነች ብለው ዋሽተዋል እያሉ ይከሳሉ። ይህን ሲሉ የኢትዮጵያውያንን የመገንዘብ ችሎታ የሰደቡም አልመስላቸውም። አቶ ስዩም ሲሆን የኢትዮጵያ ህዝብ የዘረጉለትን ሥርዓት አፓርታይድ ብሎ ስላልጠራው ባያመሰግኑት እንኳን የፈጠራ ወሬ የሚያወራ ውሸታም ብለው ሊሰድቡት አይገባም ነበር። እስኪ ዝርዝር ውስጥ ሳንገባ አገር ስለሚያውቃቸው ነገሮች ከብዙ በጥቂቱ እንነጋገርና ይህን ውሽልሽል ውሸት እንየው። በደርግ ጊዜ የነበሩትን የመንግስት እርሻ ተቋማት ንብረት መሳሪያዎች ትራክተሮች መኪኖች ጄኔሬተሮች ( ለምሳሌ ያህል ጣና በለስ የነበረውን) ከዚያ በተጨማሪ ያውራ ጎዳና መስሪያ ዶዘር ኤክስካቬተርና ያ ሁሉ ማሽኒነሪ በጠራራ ጸሀይ ከየቦታው እየተጋዘ ይሄድ የነበረው ወደቱርክ ነበር እንዴ አቶስዩም? ያንን ባይኑ በብረቱ የሚያይ ሰው ምን እንዲል ትጠብቁ ነበር? የትግራይ መሬት ሊሰምጥ ነው ማለት ብዙ ንብረት ወደዚያ መጋዙን ለመናገር የቀረበ ዘይቤያዊ እነጋገር እንጂ መቼም ተፈጥሮ መሬቱ ይሰምጣል ማለቱ ነው ብለው ሕዝቡን የሚከራከሩት አይመስለኝም። እስቲ ሌላው ሁሉ ይቅርና አቶ ስዩምን እንድ ቀላል ጥያቄ እንጠይቅ። ለመሆኑ ከሚኒስቴር መስሪያ ቤቶች ሁሉ ጉልሕና ዋና የሆነውን የውጭ ጉዳይ ሚኒስትርነት በርስትነት ለብዙ አመታት ይዘው ቁጭ እንዲሉና ዛሬም ከትግሬ እጅ ያልወጣው እንዲሁም አቶ መለስ እስኪሞት ድረስ 21 አመት ሙሉ በያዘው ስልጣን ላይ የተቀመጠው በብሔረሰብና ድርጅታዊ የበላይነታችሁ ነው ወይስ በብሔረሰብ ቁጥራችሁ ተመዝኖ ባገኛችሁት ድምጽ? ነው ወይስ የናንተን ያህል ችሎታ ያለው ሰው ካገር ስለጠፋ? መልሱ ቀላል ነው። ሕወሀትና እናንተ የትግራዩ ልሒቃን ጠያቂና ተቆጣጣሪ የሌለበት የበላይነት ስላላችሁ ነው። የሌሎቹ ብሄረሰብ ድርጅት አባሎችና ድርጅቶች የናንተ የበታች ፓርትነሮች ስለሆኑ አንዳንዶቹም የናንተ ፍጡራን በመሆናቸው ስለሚፈሯችሁ መሆኑን ድፍን አገር ያውቀዋል። እነሱም ይናገራሉ። ከስር ቤታችሁ አውጥታችሁ የፓርቲ መሪ ያደረጋችኋቸው እነ አባዱላና እነኩማ የበላይ ወይም እኩል እንሁን ብለው ይፎካከሩናል ብለው በሳቅ እንዳይገሉን ብቻ። ይህን ገብስ ገብሱን ቀለል ስለሚል እነሳሁ እንጂ በብሔረሰብ ስብጥር ከሐይለስላሴና ከደርግ መንግስት ቀርቶ ከሚኒሊክ መንግስት ጋር ስለማይወዳደረው የሀገሪቱ ሰራዊት አመራር አላነሳሁም። ከ 95 በመቶ በላይ የሚሆነውን ቁልፍ የመከላከያ ሰራዊት ጄኔራሎችና የሰራዊት አዛዦች የትግራይ ብሔረሰብ ተወላጆች የያዙበትን ሁኔታ ምን ብለን እንጥራው? በሌላ ሀገር እንዲህ አይነቱን ስርዓት አፓርታይድ ነው እኮ የሚሉት። ዶክተር ደብረ ጽዮን መካድ ስለከበደውና ብልጥ የሆነ መልስ የሰጠ መስሎት የመከላከያ ተቋሙ ምን ይሰራል ብላችሁ ጠይቁ እንጂ ብሔረሰቡን አትዩ። መታየት ያለበት የሰራዊቱ አመራር ብሔረሰብ ሳይሆን ሚሺኑ ነው። ስራው ደግሞ ያገር ሰላም መጠበቅ ነው የሚል ደረቅ ሳቅ የሚያስቅ ድሪቶ ነገር ነገረን። የሰራዊቱ ተቋማዊ ስራ የሰራዊቱ መሪዎች ትግሬዎች ብቻ ይሁኑ ብሎ ያስገደደ አስመስሎት አረፈ። የድፍረቱ ብዛት ደግሞ ያስተሳሰብ ቀረጻ ስላልሰራን ነው ህዝቡ እንዲህ የሚያስበው ይላል። የህዝቡን ጭንቅላት ማጠብ ነበረብን ማለቱ ነው። የአቶ በረከት ስምዖን ቅብዥር (bizzare) አስተያየት ደግሞ እንዲህ ይነበባል።“በኢትዮጵያ ውስጥ ፌዴራል የሚባል ህዝብ የለም፤ ክልላዊ ህዝብ ነው ያለው።አማራ በራሱክልል ነው ያለው። ኦሮሞ በራሱ ክልል ነው ያለው። ትግራይም በራሱ ክልል ውስጥ ነው ያለው።ትግራይ ልማቱም ውድቀቱም በራሱ ልጆች እጅ ነው ያለው። አማራ ልማቱም ውድቀቱምበራሱ ልጆች እጅ ነው ያለው። ኦሮምያ ልማቱም ውድቀቱም በራሱ ልጆች እጅ ነው ያለው።እያንዳንዱ ክልል ከለማ የራሱ ልጆቹ እየመሩት ነው የሚለማው። እያንዳንዱ ክልል ካለማ ልጆቹ ፌል (fail) ስላደረጉ ነው የማይለማው። ስለዚህ ሌላ ክልልን ሰበብ ማድረግ አይቻልም።አዲስቱን ኢትዮጵያ ባህሪዋ ይህን ነው። ሌላ ክልልን ሰበብ ማድረግ አይቻልም። ሌላ ክልልንሰበብ ማደረግ የሚመጣው መቼ ነው? እያንዳንዱን ክልል ራሱን የማልማት ተልእኮ ሳይፈፅምይቀርና ህዝቡን ሊጠይቀው ይጀምራል። የክልል የወረዳ አመራር ‘ለምን አላለማህኝም’ ብሎሲጠይቀው ‘እኔ እኮ ሞክሬ ነበር ግን እከሌ አደናቀፈኝ’ የሚል አመራር ………ሲኖር ” በአቶ በረከት ሎጂክ ኦሮሚያ ወይም አማራ ክልል ውስጥ የሚኖር ሰው ኢትዮጵያ ውስጥ እኖራለሁ ማለት አይችልም። ክልላዊ ነዋ። ክልላዊ ሰው እንጂ ኢትዮጵያዊ ሰው የለም። ክልሎቹን ራሳቸውን ነፃ ሀገር አስመሰላቸው። በሱ ቤት የፌዴራል መንግስቱ ውሳኔዎች ክልሉን አይነኩትም። ሕይወቱ ውስጥ አይገቡም። ጉዳያቸውን በጋራ የሚወስን ፓርላማም የላቸውም። ያለው ክልላዊ ሕዝብ ነው። የፌዴራል ህዝብ የለም። ክልሉ ውስጥ የፌደራል መንግስት አይገባም። የጋምቤላን መሬት ነዋሪ እያፈናቀለ ለህንድና ላረብ የሚቸበችበው የፌዴራል መንግስት አይደለም። ባሁኑ ሰዓት በኦሮሚያና ባማራ ግዛቶች ውስጥ ተሰማርቶ ህዝቡን እየፈጀ ያለው ሰራዊት ሁሉ የፌዴራል መንግስቱ አይደለም። በጣም የሚገርም ነው። ሰው ያውም ትልቅ ባለስልጣን ጭልጥ ያለ ውሸት ሲዋሽና ሲቀዣብር ትንሽ እኳን ትዝብት አይፈራም? ዛሬ የኢትዮጵያ ዘመናዊ ኢኮኖሚ ሁለት ሶስተኛው ኤፈርት የሚባል ባሰራሩ ከህጋዊነት ይልቅ ወደማፊያ ኦፐሬሺንነት የሚቀርብ የውሸት ኢንዳውመንት የሚቆጣጠረው መሆኑ የታወቀ ነው። ይህ ኩባንያ የፖለቲካ ፓርቲዎች በኢንቨስትሜንት ውስጥ እንዳይገቡ የሚከለክለው ህግ ተጥሶ በህወሀት ባለቤትነት እየሰራ ያለ ኩባንያ መሆኑ ሚስጥር አይደለም። ይህን ማድረግ ካለበላይነት ይቻላል? ይህ የበላይነት ማረጋገጫ ካልሆነስ የበታችነት ትርጉሙ ምንድን ነው? የኛን ኢንቨስትመንት ያህል በኢትዮጵያ የሚወዳደር የለም ብለው በአሜሪካ ድምጽ ሬዲዮ የነገሩን እኮ አቶ ስብሐት ናቸው። ዋሸተዋል? ኢንዳውመንት ማለት ምን ማለት እንደሆነ ቢያውቁስ ባያውቁስ ምናባታቸው ያደርጉናል ብላችሁ ያቋቋማችሁት የፓርቲ ኩባንያ ያስተዳደር ቦርዱ ቤተመንግስት ውስጥ እየተሰበሰበ ይሰራ እንደነበር እኮ በኋላ ከመሀላችሁ የወጡት የማዕከላዊ ኮሚቴ አባሎች መጽሀፋቸው ላይ ጽፈው ነገሩን። ስልጣን የወጣችሁ ሰሞን ቅድሚያ በጦርነት ለተጎዱ አካባቢዎች የሚል ውሳኔ አሳልፋችሁ ሌላው የኢትዮጵያ ክፍል በዚያ ክፉ ጦርነት ያልተጎዳ ይመስል ለትግራይ ለይታችሁ ትደጉሙ አልነበረም እንዴ! የትግራይ ህዝብ እንደህዝብ ከዚህ ምን ያህሉ እንደተጠቀመ የሚያውቀው እግዜር ነው። ይህ ግን ባደባባይ ካለፍረት ያወጃችሁት አዋጅ ነው። እኔ እንኳን ባቅሜ ባጋጣሚ የማውቀው እኤአ በ 1993 ዐመተ ምህረት ላይ ትምህርት ሚኒስቴር ውስጥ ባጋጣሚ ባገኘሁት መረጃ አንድ ትግራይ ውስጥ ላለ የመምህራን ማሰልጠኛ ተማሪ የቦርዲንግ ወጭ 180 ብር ሲከፈል በሌላው የሀገራችን ክፍል በሙሉ ላሉት 30 ብር መሆኑን ማወቅ ችዬ ነበር። ይህን ምን አይነት እኩልነት እንበለው? ለመሆኑ አሁን ትግራይ ውስጥ የተሰሩትን አልሜዳ ጨርቃጨርቅ መስፍን ኢንጂነሪንግ መሶቦ ሲሚንቶ የኬሚካልና የማዕደን ፋብሪካዎችና ያገልግሎት ተቋሞች በብዙ ሰው መቅጠርም ይሁን በዘመናዊነት የሚወዳደራቸው ፋብሪካ የትኛው ሌላ ክልል ውስጥ ነው ያለው? ከህዝብ ባንክ ለኤፈርት ኢንቨስትመንት የተበደራችሁትን ብድር ከሰረ ብላችሁ ስትሰርዙና የኢትዮጵያ ሕዝብ ባዶ ከረጢት ይዞ እንዲቆም ማድረግ የቻላችሁት የናንተ የበላይነት ስላልነበር ነው? ይህን ለሌላ ለማንፈቅዳችኋል? የኦሮሚያን ቡና የውጭ ንግድ የሚነግደው የናንተ ኩባንያ አይደለም እንዴ? እስኪ ሀገሪቱን የሚቀልበው ዋናው የሀብት ምንጭ ኦሮሚያና ትግራይ ውስጥ ባለፈው 25 ዓመት የተገነባው ዘመናዊ ፋብሪካ ልዩነት ይወዳደር። መስፍን እንጂኔሪንግስ የገጣጠማችኋቸውን ካሚዎኖች ለመሸጥ ገበያ የምትፈጥሩት ኢትዮጵያ ንግድ ባንክ ውስጥ ገብታችሁ ለገዥ ብድር በማመቻቸት ( በማዘዝ ማለት ይቀላል) መሆኑን ያላየንና ያልሰማን መሰላችሁ? በመንግስት በኩል ኮንትራት ሰጭ በኤፈርት በኩል ኮንትራት ተቀባይ ሁናችሁ ኮንትራት በመዋዋል የምትሰበስቡት ገንዘብስ ካለማናለብኝ የበላይነት የሚቻል ነው? በህዝብ መዋጮ ለሚሰራው ያባይ ግድብ ሲሚንቶና ሌላ ዕቃ ካላጨረታ የሚያቀርቡት የናንተ ኩባንዮች አይደሉም? አንድ ነገር ያንድ ብሔር ልሒቃንና ድርጅት ዝርፊያ ነው የሚባለው ምን ሲሆን ነው አቶ ስዩም? ሜቴክ የሚባለው የናንተ ሰዎች በበላይነት የሚመሩት ጉደኛ ድርጅት ጋ ከገባሁ ስላማልወጣ ባላነሳው ይሻላል። ጋምቤላ ክልል ውስጥ በሚካሄደው የመሬት ዝርፊያ ውስጥ ሰባ በመቶ የሚሆኑት ተካፋዮች የትግራይ ተወላጆች ናቸው ማለት የምን ምልክት ነው? ለልሂቃኖቻችሁ ቅርበት (access) የበላይነታችሁን መከታ በማድረግ አመቻችታችኋል ማለት ነው። ሌላ ምን ትርጉም አለው። ርግጥ ነው ይህ ማለት መላው የትግራይ ህዝብ የዚህ ተግባራችሁ ተጠቃሚ ነው ማለት አይደለም። መምህራችሁ ቭላዲሚር ሌኒን ራሱ እንደሚለው እኮ አንድ ሌሎችን የሚጨቁን ብሔር የራሱንም ብሔር አባላት አይምርም። አሁን ተጠቂ እያስመሰላችሁ የትግራይን ህዝብ በመናጆነት ባታሰልፉት ይበልጥ ትጠቅሙታላችሁ። የትግራይ ህዝብም ረጋ ብሎ ሲያስብና ሲገባው ዝም ብሎ የሚከተላችሁ አይመስለኝም። የምናወራው በስልጣን ላይ ያላችሁትና ተባባሪያችሁ ልሒቅ ሆናችሁ ሀገራችን ላይ ስላሰፈናችሁት የበላይነት ነው ፣ ስለህወሀት ስለሚባል የትግሬዎች ድርጅት ሰራሽ የበላይነት። ይህን ዶሮ ጭራ የምታወጣውን ነገር በጥልቅ የተቀበረ ሚስጥር ማስመሰል ለናንተም ለማንም አይበጅም። በመጀመሪያዎቹ ጥቂት አመታት የህወሀትም የበላይነት ሆነ የሀገሪቱ ጦር ባብዛኛው በትግሬ አዛዦች መመራቱ ብዙ ነውርነት አልነበረውም። በትግሉ ውስጥ የህወሀት ሚናና ተሳትፎ ትልቁ በመሆኑ ይህ አላስገረመንም። አሁን ግን ሩብ ምዕተ ዓመት አለፈው። ይሉኝታ ይዟችሁ ታሻሽሱታላችሁ ብለን ስንጠብቅ አባሳችሁት። ከሚገባ በላይ ትዕግስት ጠየቃችሁኝ ነው የሚለው አሁን ህዝቡ። ይህን በጩኸት የሚወጣ ድምጽ ሰው እንዴት መስማት ያቅተዋል? አደገኛው የውሸት መደምደሚያ ውሸቱ ምንም ሶፍስቲኬሽን የሌለበት ሌጣ ውሸት ስለሆነ ከላይ ያነሳሁዋቸው አይነት ጥቂት ዉሸቶችና ጥቂት አገር የሚያውቃቸው ምሳሌዎች ብቻ ጠጥቶ ርቃኑን ማስኬድ ይቻላል። እኔን ያሳሰበኝና ከማሳሰብም አልፎ ያስፈራኝ ባለስልጣናቱ ከዚህ ውሸት ላይ ተንደርድረው የሚሰጡት ትንታኔና ሀላፊነት የጎደለው መደምደሚያቸው ነው። ለዚህ ጽሁፍ ዋነኛ መነሻ የሆነኝም ከዚህ ያገጠጠ ውሸት በኋላ እነ አቶ “ ” ስዩም መስፍን የሚሰጡት ትንታኔና ሊከተል ይችላል የሚሉት የሰይጣን ጆሮ አይስማው የሚያሰኝና በነሱ ቤት ሕዝብ ማስፈራሪያ ይሆናል ብለው የሚጠቅሱት ዘግናኝ የታሪክ ምስስል (analogy) ነው። አቶ አባይ ጸሐዬ ይህንኑ ውሸት ከተናገረ በኋላ የጠቀሰልን ምሳሌ የሩዋንዳ እልቂት ጉዳይ ነው። እንደሩዋንዳ ልንሆን እንችላለን እያለ ነው የሚያስፈራራን። አቶ ስዩም መስፍን ደግሞ ስለ አይሁዶች ሆሎከስትና የናዚዎች ጭካኔ በሰፊው ነገረን። የመንግስት ቃል አቀባዩ ቢሮ ደግሞ ድረ ገጽ ላይ የሶሪያን የፈራረሱ ከተሞች ፎቶግራፍ እየለጠፈ ያስፈራራናል። ትግሬ ያልሆነውን የኢትዮጵያ ማህበረሰብ በጅምላ የትግሬ የበላይነት አለ ይላል ብለው ከከሰሱ በኋላ ሩዋንዳ የሆነውንና የጀርመን ናዚዎች ያደረሱትን ጥፋት ሊያደርሱ የተዘጋጁ ኢትዮጵያውያን አሉ ነው የሚሉን ባጭሩ። ለዚህ ሰለባ የሚሆነው ደግሞ እነሱ እንደሚሉት የትግራይ ህዝብ ነው። የፈረደበትን የትግራይ ህዝብም አደጋ መጥቶብሀልና ሌሎች ወገኖችህን ፍራ ከሁዋላችን ሆነህ ለመዋጋትም ወይም ሌሎች ወገኖችህን ለመፍጀት ተዘጋጅ ነው የሚሉት። ሊከሱ የፈለጉት ደግሞ አሁን ራሳቸው እየቀጠቀጡት ያለውን የኦሮሞና ያማራ ህዝብ መሆኑ ነገሩን አሳዛኝ ስላቅ ያደርገዋል። ለመሆኑ ዛሬ በኢትዮጵያ ናዚ ናዚ የሚሸተው ማነው? እነዚህ ሰዎች ለነዚህ ዋና ጥያቄዎች ምን መልስ ይሰጡ ይሆን። ለመሆኑ ዛሬ በኢትዮጵያ የናዚዎቹን የሚመስል ቁመና ላይ ያለው ማነው? ማለትም በኢትዮጵያ ዛሬ እንደ ናዚዎቹ ባለጠማንጃው ባለስልጣኑና ወታደር የሚያዘው ማነው? እየገደላችሁት ያለው ኦሮሞና አማራ ናዚዎቹን ይመስላል ወይስ ስለባዎቹንአይሁዶች? በየክፍለ ሀገሩ የሠራችኋቸው ኦሮሞና አማራ ያጎራችሁባቸው አውችዊትዝን (Auschwitz) የመሳሰሉ የሰው ማሰቃያ ኮንሴንትሬሽን ካምፖች ከማን ሥራ ጋር ይመሳሰላሉ? አማሮችና ኦሮሞ እስረኞቻችሁ የታጎሩባቸውን የብር ሸለቆና የሁርሶ ካምፖችን የመሳሰሉትን ማለቴ ነው። የናዚዎቹ ወይስ ያለቁት አይሁዶች መታጎሪያ ነው የሚመስሉት? ተብለው ቢጠየቁ አቶ ስዩም መስፍን ምን እንደሚሉአላውቅም። ልጇን ገድሎ እናትዮዋን ልጅሽ ሬሳ ላይ ተቀመጭ ብሎ የሚቀጠቅጠው ነው ናዚ የሚመስለው ወይስ የልጇን ሬሳ ታቅፋ ሰውነቴ እስኪሰባበር ደበደቡኝ የምትለው እናት? መሀል አራዳ አዲስ አበባ ያለው ማዕከላዊ የተባለውን የሰው መጥበሻ የሰቆቃ ማዕከል የትኛው ብሔረሰብ ሰዎች ናቸው የሚያስተዳድሩት? እዚያ ተቁዋም ውስጥ ዋናው የሹሞቹ ቋናቋ ትግሪኛ መሆኑን አገር እንደሚያውቅ እነ አቶ ስዩም መስፍን የሚያውቁም አይመስሉም። ከዚያ የወጡ ሰዎችን አቶ ስዩም ቢጠይቁ ማን ናዚ እንደሚመስልና በቀላሉም መሆን እንደሚችል በቅጡ ይረዱት ነበር። እነ አቶ ስዩም መስፍንና እነደብረጽዮን ለምን እንድ ጊዜ ቃሊቲ ወይም ቂሊንጦ ብቅ አይሉም። የወህኒ ቤቱ ሀላፊዎች ከየትኛው ብሔረሰብ ናቸው? ታሳሪዎቹስ? ይትኛው ብሔረሰብና የፖለቲካ ድርጅት ሰዎች ናቸው ወደ ናዚዎቹ የተግባር ስምሪት የሚቀርቡት? ለመሆኑ ከዚህ የተለየ ያንድ ጎሳ ድርጅት የበላይነትንስ የሚያሳይ ምን ልታመጡ ነው ተብለው ቢጠየቁ ምን ሊሉን ነው? የትግራይ ህዝብ ላይ የተነጣተረ ጥላቻ ኢትዮጵያ ውስጥ አለ ብሎ ለመደምደም የሚያስችል ያለቀለት መረጃ አላየንም። ዉሱንም ቢሆን አለ ከተባለ ግን ህወሀት ሁሉንም ቦታ ለመቆጣጠር ሲል በፈጠረው ስራ የተፈጠረ ሊሆንእንደሚችል መገመት ይቻላል። የፖሊስ ጣቢያው አዛዦች ትግሬዎች፣ የወህኒ ቤቱ አዛዞች ትግሬዎች፣ የግርፊያውመስሪያ ቤት አዛዦች ትግሬዎች ሆነው መታየታቸው የሚፈጥረው መጥፎ ስዕል (Image) አለ። ይህ ኢሜጅ በራሱ ቁጣ (resentment) ቢፈጥር የሚያስገርም አይመስለኝም። እኔ ከሀገር ከወጣሁ ስለቆየሁ ባይኔ ያላየሁት ነገር ግንበተደጋጋሚ ከብዙ ሰዎች የምሰማው ብዙ የመንግስት መስሪያ ቤቶች ውስጥ ከመጠኑ በላይ (Disproporonate) የሆነየትግራይ ተወላጆች ቁጥር አለ ሲባል እሰማለሁ። ከተለያዩና ከብዙ ሰዎች ስለምሰማው ውሸት ነው ለማለት አልችልም። አየር መንገድ፣ ኢሚግሬሺን መስሪያ ቤት፣ ጉምሩክ ወዘተ ያላቸው ከሌላው የላቀ ቁጥር ሌሎችብሔረሰቦች ላይ ጥሩ ስሜት እንደማይፈጥር ለማወቅ ብዙ መማር አያስፈልግም። ችግሩን ማስወገድ የፈለገ ሰውይህንን ማስተካከል ነው። ሕዝቡ እኮ ዛሬ ባመጸባቸው ቦታዎች ሁለተኛ ዜግነት መረረኝ እያለ ነው። ይህን በተግባርእንጂ በውሸት መቀየር አይቻልም። የትግራይ ህዝብ በጅምላ የዚህ መድሎ ተጠቃሚ እንዳልሆነ ከሌሎቹ ብሔረሰቦችግን ለመንግስት የተሻለ ቀረቤታ (access) አለው ብለው የሚያምኑ ኢትዮጵያውያን አሉ። የወያኔዎቹ ሹሞችየሚክዱት የበላይነት ትርጉምም ይህ ነው። ድህነት በበዛበት ሀገር ውስጥ ባለው የስራ እድል ሽሚያ ያንድ ብሔረሰብአባላት እድሉን በማግኘት በልጠው ከታዩ ሌላው ከንፈሩን ይነክሳል። ይህ ይህን ያህል ለሁላችንም ሊገባን ይገባል። ሰብዓዊ ስሜት ነው። የህወሀት ሰዎች የአማራ ለማኝ ባማርኛ በመለመኑ ምክንያት የትግሬውን ለማኝ ይጨቁነዋልእያሉ አልነበር ስታሊኒዝምና ማርክሲዝም ሲያስተምሩ የነበሩት። ነገሩ እኮ ለማያውቅሽ ታጠኝ ነው። የዚያ ሁሉ የህወሀት ጸረ አማራ ዘፈንና ስነጽሁፍ መሰርቱስ ይህ አይደል። ግዙፉ ዕውነት ይህ ነው።በቅርቡ ከትግራይ ማህበረሰቦች ጋር ተደረጉ የተባሉትን ግጭቶች እያጋነኑ ለመጠቀም መሞከር ለዘለቄታው ሀገርየሚጎዳ ነገር ነው። በተለይ በህዝብ መገናኛ ይህን ወሬ የሚነዙት ባለስልጣኖች ሀላፊነት የጎደለው ስራ እየሰሩ መሆኑንሊያውቁት ይገባል። መኖር የሌለበት ግጭት ለመፍጠር የሚደረግ የከይሲ ሙከራ ነው። ቢያንስ ከአማራ ክልልባለስልጣኖች የምንሰማው ህዝቡ ቁጣውን የገለጠው ከመንግስት ጋር ሆነው አጠቁኝ ባላቸው በርካታ አማሮችና ጥቂትትግሬዎች ላይ እንጂ ትግሬዎችን በዘር እየለየ አይደለም። የኢትዮጵያ ሕዝብ በዘር ተጣልቶ ለመጋደል የሚያስችልየተፈጥሮም የታሪክም መሰረት የለውም። ኢትዮጵያ ውስጥ የሩዋንዳም ሆነ የሌላ ሀገር አይነት የዘር ግጭትየሚመጣው ባለስልጣኖች የራሳቸውን ስልጣን ለመጠበቅና የዘረፉትን ሀብት ለመንከባከብ ሲሉ ሊፈጥሩ በሚችሉት እኩይ ተግባር ምክንያት ብቻ ነው።ዛሬ በኢትዮጵያ ውስጥ የህወሀትና የትግራይ ልሂቃን የበላይነት ያንፈራጠጠበት ሁኔታ አለ። ኢትዮጵያ በታሪኳ እንደዛሬ የተደራጀ ለአፓርታይድ የቀረበ (Instituionalized and systematic) ብሔረሰብ ጭቆና አይታ አታውቅም።ይህ የትም ቦታ ቢሄዱ አግጦ የሚታይ ሊደብቁት የማይቻል እውነት ነው። ይህን በትልልቅ ስልጣን ላይ የተቀመጡትሰዎች እነ አቶ ሐይለማሪያም ደሳለኝ መሆናቸው አይቀይረውም። በከፍተኛ ስልጣን ላይ ካሉት ሰዎች በቁጥርየሚበልጡት ትግሬ ያልሆኑ ሰዎች ናቸው የሚለው አባባል ዕውነታውን አይቀይረውም። የሀገሪቱ የምር የሀይል ማዕከልየት እንዳለ ትንንሽ ልጆች ሳይቀሩ ያውቁታል። ሰራዊቱን ኢኮኖሚውንና ደህንነቱን ማን እንደሚቆጣጠረውና በሌላው ብሔረሰብ ተወላጅ ጉያ ቁጭ ብለው ሐይለማሪያምን የመሳሰሉትን ሹማምንት የሚቆጣጠሩት እነማን እንደሆኑ አገር ያውቃል። ችግርና ጥፋት የሚያስወግደው ይህንን ነገር እያፍረጠረጡ በመወያየትና በማረም እንጂ በመሸምጠጥ አይደለም።

ከሸንቁጥ አየለ

አሁን ትግሉ ህዉሃት በአንድ ወገን የተሰለፈበት እና የኢትዮጵያ ህዝብ በአንድ ወገን ጎራ ለይቶ የቆመበት ሆኗል:: ለጊዜዉ ህዉሃት በመላ ሀገሪቱ ህዝባችንን የመግደል እና የማሰቃዬት ስራዋን በታጠቀችዉ መስራያ ተማምና እያከናወነች ነዉ::

ጎንደርን እያቃጠለች ነዉ::መላዉ አማራን እያሰረችዉ እና በገፍም እያሰቃዬችዉ ነዉ::መላዉ ኦሮሚያን እያሰረች በገፍ እያሰቃዬቸዉ ነዉ::በደቡብ ኢትዮጵያ በሚገኙ ልዩ ልዩ ማህበረሰቦች ላይ ማለትም በኮንሶዎች: በጋምቤላዎች: በሲዳማዎች እና በልዩ ልዩ ማህበረሰቦች ላይ የማሰቃዬት ስራዋን ቀጥላለች::የማያፍሩት ህሊና ቢሶቹ ወያኔዎች አሁንም አማሮችን ከኮንሶ እና ከልዩ ልዩ የደቡብ ኢትዮጵያ አካባቢዎች ማሰደዳቸዉን ቀጥለዋል::

የአፋር ህዝብ ላይ የሚያደርሱት በደል መቆሚያ ስላጣ የአፋር ህዝብ ከወያኔ ጋር አንገት ላንገት ተጋድሎዉን ተያይዞታል :: የሶማሌ ክልል አሁን በከፍተኛ ሁኔታ እየተደበደበ ነዉ::መላዉ ኢትዮጵያን ወያኔ ጤና አሳጥቶታል:: ህዝባችንን መገል: ማሰር: ማፈናቀል እና ማሰቃዬት ለ25 አመታት የተካነዉ ስራዉ ነዉና አሁን ይሄንኑ ስራዉን አጠናክሮ ቀጥሎበታል::የኢትዮጵያም ህዝብ በክብር ለነጻነቱ እየሞተ ነዉ::
በመላዉ ኢትዮጵያ እንዲሁም በመላዉ አለም ያለህ ኢትዮጵያዊ ሁሉ እንዲሁም በልዩ ልዩ ድርጅቶች ስር የተሰባሰባችሁ የተቃዋሚ ሀይሎች አንድ ነገር ግልጽ ሊሆንላችሁ ይገባል::ትግሉ የአንድ ሰሞን እሩጫ አይደለም:: ለመራራዉ ትግል በስነ ልቦና መዘጋጀት ብሎም ለማያዳግም እርምጃ ተቋማዊ እና ህዝባዊ ዝግጅት ማድረግ ይገባል::

የኢትዮጵያ ህዝብ በክብር ለነጻነቱ እየሞተ ነዉ:: የኢትዮጵያዉያን ተጋድሎ እስከ ነጻነት ይቀጥላል !

ኢንጂነር መሃመድ አባስ ከሪያድ | ሳውዲ አረቢያ

ሴፕቴምበር 15 2016 ምሸት ሪያድ ከተማ ውስጥ የዱአ እና ሰደቃ ፕሮግራም በማድረግ ለሃገራቸው ሰላም ጸሎታቸውን ያደረሱት ሙስሊም ኢትዮጵያውያን በኢትዮጵያ ሙስሊሞች አንድነት ድረጀት አስተባባሪነት ኢትዮጵያ ስላለችበት ወቅታዊ ሁኔታ እና በድርጀቱ ቀጣይ የትገል መረሃግበር ዙሪያ ባደረጉት ሰፊት ውይይት የኢ.ህ.አ.ዴ.ግ ስረአት ኢትዮጵያ እና ህዝቧ አሁን ከገቡበት ቀውስ ለማዳን የሽግግር መንግስት ማቋቋም እንዳልበት ባወጡት የአቋም መግለጫቸው አሳስበዋል ። የኢትዮጵያ ሙስሊም የአወሊያ ን የትምህረት መዕከሉን እና የሙስሊሞች ጉዳይ ከፍተኛ ጉባኤ ካጣበት እና ሀባሽን አልጋትም ብሎ ላለፉት 4 አመታት እልህ አስጨራሽ ትግል ካደረገ በሃላ በከፊልም ቢሆን ከጎኑ ያጣቸው ወኪሎቹ ከእስር ነጻ ወጥተው ለማየት በመብቃታቸው ፈጣሪያቸውን በማመስገን አሁንም የቀሩት ከእስር እንዲወጡ ነጻነታቸውን እንዲያፋጥነው ምኞታቸውን ገልጸዋል ።

የኢ.ህ.አ.ዴ.ግ ስረአት በወሰደው እርምጃ ግራ የተጋባው ሙስሊሙ ማህበረሰብ ስረአቱ የሰማኝ እንድሆን ብሎ የካቲት 26 2004 ወኪሎቹ ከፌደራል ጉዳዩች ሚንስትር ጋር ውይይት ካደረጉ በሃላ እስላምዊ መንግስት ልታቋቁሙ ነው በሚል በአሸባሪነት በመፈረጅ ሃምሌ 6 2004 ለሊት የአጋዚን ጦር አወሊያን ሰብሮ በመግባት ብዙዎችን ደበደበ አቆሰለ ገደለ የተረፉትን እስርቤት በማጋዝ አንከራተተ አሰቃየ ብለዋል። ሃምሌ 12 2004 ጀምሮ የመፍትሄ አፈላላጊ ኮሚቴ አባላትን ደጋፊዎች እና ተባባሪዎች ናቸው ያላቸውን ንጽሀን ከያሉበት አስሶ በመያዝ በማዕከላዊ የስቃይ እስርቤት በማጎር ብርቅ የሃገር አሌታዎችን የስቃይ ሰለባ አደረጋቸው ፡፤ ይህ ባለበት ሁኔታ ላለፉት 4 አመታት ህዝበ ሙስሊሙ በሰላማዊ መንገድ ሲያቀርቡ የነበረውን የመብት ጥያቄ ጆሮ ዳባ ልበስ ያለው የኢ.ህ.አ.ዴ.ግ ስረአት ግፍ ሲፈጽምባቸው የነበሩትን የመፍትሄ አፈላላጊ ኮሚቴ አባላት በነጻ በማሰናበት ከመሸበት በሃላ ህዝበ ሙስሊሙን ለመጨበጥ እያደረገ ያለው ጥረት ተያይዞ ለመውደቅ ካልሆነ በቀር ትርጉም እንደሌለው ሙስሊም ኢትዮጵያውያኑ ባወጡት የአቋም መግለጫቸው ገልጸዋል፡፡ ኢ.ህ.አ.ዴ.ግ የዘራውን እያጨደ መሆኑን የሚጠቅሰዋ መግለጫ የኢትዮጵያ ሙስሊሞች በስረአቱ የተነጠቁትን ህገመንግስታዊ መብቶቻቸውን ለማስከበር ጠላትህን ውሃ ሲወስደው እትፍ ብለህ ጨምረበት በማለት ስረአቱ ያበቃለት መሆኑን አመልክቷል፡፤ የኦሮሚያን ህዝብ አመጽ ተከትሎ በአማራ የተቀጣጠለው ህዝባዊ እቢተኝነት ሰረአቱን በአጭር ግዜ ውስጥ ምን ያህል እንዳሽመደመደው ያወሳው መግለጫ የኢትዮጵያ ሙስሊሞች አንድነታቸውን ጠብቀው ኢ.ህ.አ.ዴ.ግ ላይ ተመሳሳይ የትግል ስልቶችን ተከትለው ቢሆን ኖሮ ለ አይቀሬው ድል ይበቁ እንደ ነበር በመግለጽ የጎንደር ህዝብ አንድነቱን ጠብቆ በስረአቱ ላይ እያሳደረ ያለው ተጽእኖ ለህዝበ ሙስሊሙ ትምህረት ሊሆን እንደሚገባ ጠቅሷል::

በተደጋጋሚ ህዝበ ሙስሊሙ ላቀረበው ህገመንግስታዊ የመብት ጥያቄ መልስ ከመስጠት ይልቅ የኢ.ህ.አ.ዴ.ግ መንግስት ለሚመከረው ምክር እና ለሚጠየቀው ጥያቄ ጆሮ ዳባ ልበስ ብሎ ያዋጣኛል ባለበት መስመር ህዝብ እየደፈጠጠ እዚህ ደርሷል የሚለው መግለጫ። ትላንት ኢ.ህ.አ.ዴ.ግ ስረአት በሙስሊሙ ህዝብ ላይ የጀመረውን የግፍ ዱላ በደሃው አርብቶ አደር እና አርሷ አደሩ ላይ በማሳረፍ በኦሮሚያ ያቀጣጠለውን እሳት በአማራው ህዝብ ላይም በመለኮስ የሰፊው ህዝብ ጠላት መሆኑን በገሃድ አረጋግጦል ብሎል። የኦሮሚያ እቢትኝነት ወደ ሰሜኑ ተሸጋግሮ ስትንት የተለፋበት እና ለብዙዎች ስለባ መረብ የሆነው የአንድ ለአምስት የአደረጃጀት መረብ ተበጣጥሶ ምንም መቋጠር አቅቶታል የሚያወሳው መግለጫ ኢ.ህ.አ.ዴ.ግ ሲመካበት የነበረው የፌደራል እና የአጋዚን ጦር ሃይል በህዝብ ላይ የከፍተው ጥቃት እንደማያዋጠው ተገንዝቦ የጥፋት እጁን በመስብሰብ ህዝቤን ማለት ጀመሯል ብሏል፡፤ የኢትዮጵያ ሙስሊሞች አንድነት መግለጫ በማጠቃለያው ዛሬ ለኢ.ህ.አ.ዴ.ግ መንግስት የምናስተላልፈው መልዕክት እስረኞቼን ፍታ ጥያቄን መልስ ሳይሆን ታስረሃል እና ከዚህ በኃላ የመጨረሻ ስህተት እንዳትሰራ የሽግግር መንግስት ተቋቁሞ ሃገር እንድትደን በአስቸኳይ ተገቢውን እርምጃ እንድትወስድ በአጽኖት እናሳስባለን ብሏል።

(ዘ-ሐበሻ) ዲያቆን ሃይለጊዮርጊስ ተፈራ “የደሙ ድምጽ ይጮሃል” በሚል ርዕስ ባስተላለፉት አዲስ ስብከት ነብሰገዳዮች ሃገር ሊያለሙ አይችሉም ሲሉ በግልጽ አስተማሩ:: በወቅታዊ ሁኔታዎች ላይ አስታከው የእግዚአብሔርን ቃል የሰበክኩት ዲያቆን ሃይለጊዮርጊስ የ26 ደቂቃውን ስብከታቸውን ይዘነዋል:: ያድምጡና ሼር ያድርጉት::