የአዲሲቷ ኢትዮጵያ የጋራ ንቅናቄ መግለጫ

መጋቢት 1፤ 2008ዓም፤

ዋሽንግቶን ዲሲ፤

የአፈጻጸም ማጠቃለያ፤

ለአዲሲቷ ኢትዮጵያ የጋራ ንቅናቄ (አኢጋን) የካቲት 6፤ 2008ዓም (February 14, 2016) በአሜሪካ የሜሪላንድ ጠቅላይ ግዛት ሲልቨር ስፕሪንግ ከተማ ባደረገው ሕዝባዊ ስብሰባ ላይ “የኢትዮጵያ የዕርቅና ርትዓዊ ፍትሕ ምክርቤት” መመሥረቱን ይፋ አድርጓል፡፡ ምክርቤቱ የተመሠረተው ሕዝባዊ ጉባዔው ከመካሄዱ በፊት በነበሩት ሦስት ቀናት ውስጥ ኢትዮጵያን የሚወክሉ ከተለያዩ የኅብረተሰብ ክፍል የተውጣጡ ወገኖች ባካሄዱት ስትራቴጂካዊ ውይይት ነበር፡፡ ምክርቤቱ “የእኛ ለኛ” ወይም የሕዝብ ለሕዝብ ንቅናቄ ሲሆን ዕርቅ፣ የጉዳት ፈውስና ርትዓዊ ፍትሕ በኢትዮጵያ እና በኢትዮጵያውያን መካከል ለማምጣት የሚተጋ ይሆናል፡፡

አጀማመር፤

የአዲሲቷ ኢትዮጵያ የጋራ ንቅናቄ ገና ከጅማሬው ቀዳሚው ዓላማ ያደረገው በአገራችን ሕዝብ ዘንድ ዕርቅና ርትዓዊ ፍትሕ ማምጣትን ነበር፡፡ ሃሳቡ የተጠነሰሰው የጋራ ንቅናቄው በይፋ ከመመሥረቱ ከዛሬ ስምንት ዓመት በፊት ነበር፡፡ ይህም የሆነው የዛሬ 12ዓመት በአኙዋክ ሕዝብ ላይ የተፈጸመው የዘር ማጥፋት አሰቃቂ ተግባር በኢትዮጵያውያን ዘንድ የፈጠረው ሕመምና ስቃይ ያንንም ተያይዞ ባመጣው የአስተሳሰብ ለውጥ ነው፡፡ በአመጽ፣ በግድያ እና በብቀላ ዑደት ውስጥ ባለችው አገራችን ዘላቂ ሰላምና ፍትሕ ሊያመጣ የሚችል ብቸኛው ተስፋ ከዚህ የብቀላ አዙሪት በመውጣት ይቅርታን፣ ዕርቅንና ርትዓዊ ፍትሕን መፈለግ ሊኬድበት የሚገባ አዲሱ መንገድ መሆኑ በየጊዜው ግልጽ እየሆነ መምጣቱ ከዚህ ምክርቤት ምሥረታ ጋር አብሮ የሚጠቀስ እውነታ ነው፡፡

በመሆኑም ይህ የዕርቅና ፍትሕ ሃሳብ እጅግ እየጎላ ሲሄድ የተስተዋለው አቢይ ነገር ለኢትዮጵያውያን በሙሉ ነጻነትና ፍትሕ እስካልመጣ ድረስ የአኙዋክ ሕዝብ ለብቻው ነጻነትና ፍትሕ ሊጎናጸፍ አይችልም የሚለው ሆነ፡፡ ስለዚህ በዘር በተከፋፈለች አገራችን ተግባብቶ ለመኖር የሚችል ኅብረተሰብ ለመመሥረት የሚቻለው እያንዳንዳችን ከታገትንበት የዘር፣ የጎሣ፣ የነገድ፣ … ሣጥን በመውጣት ሌሎችን እንደራሳችን በመመልከትና ከዘር ወይም ከማንኛውም ልዩነታችን በፊት ለሰብዓዊነት ቅድሚያ መስጠት የሚያግባባ ሃሳብ እየሆነ ሄደ፡፡ በመጨረሻም ለተለያዩ የኢትዮጵያ ልጆች እውነት፣ ነጻነት፣ ፍትሕ፣ ግልጽነትንና ተጠያቂነትን ለማምጣት በ2000ዓም (በ2008 የአውሮጳውያኑ አቆጣጠር) ለአዲሲቷ ኢትዮጵያ የጋራ ንቀናቄ (አኢጋን) ተመሠረተ፡፡ ይህም በተከፋፈሉ ወገኖች መካከል ዕርቅን፤ እንዲሁም የሌሎች ወገኖችን ችግር እንደራስ የማየት ማኅበራዊ ኃላፊነት የመውሰድና ለተግባራዊነቱም ጥረት ወደማድረግ እየገፋ ሄደ፡፡

ባለፉት 24 ዓመታት በአገራችን በተከሰተው የመከፋፈልና የመለያየት ሥራ ምክንያት አንዳችን ለሌሎቻችን ያለን ስሜት እየረገበና እየጠፋ ከመምጣቱ የተነሳ የሌላው ስቃይ የማይሰማን ሆነናል፡፡ አኙዋኮች በተጨፈጨፉበት ጊዜ የቀዳሚነቱን ቦታ ወስዶ ጩኸቱን ያሰሙት አኙዋኮች ነበሩ፡፡ ግፍ ሲፈጸም በቀዳሚነት ኃላፊነቱን ወስደው ጩኸታቸውን የሚያሰሙት የተጠቂው ወገኖች ብቻ መሆናቸው አሳሳቢ ጉዳይ ነው፡፡ ሁላችንም በአንድ አገር ላይ ተወልደን ይህ ዓይነቱ “እኔን አይመለከተኝም” አካሄድ የበረታው እርስበርስ ተገናኝተን የመነጋገርና የመወያት ልምምዳችን አናሳ በመሆኑ ነው፡፡ ከዚህ አንጻር ባለፉት በርካታ ዓመታት የጋራ ንቅናቄው ኅብረትን ከመፍጠር አኳያ የተለያዩ መድረኮችን በማካሄድ፣ ሕዝባዊ ስብሰባዎችን በመጥራት፣ ሰልፎችንና ውይይቶችን በማድረግ አንዱ ለሌላው መብት የሚቆምበትንና ለዕርቅ የሚሠራበትን መንገዶች ሲያመቻች ቆይቷል፡፡ በመቀጠልም ከኅዳር 6፤2007ዓም ጀምሮ የጋራ ንቅናቄው በሰሜን አሜሪካ እና በአውሮጳ የተለያዩ ከተሞች አሁን ወደ ተመሠረተው ምክርቤት ዓላማ የሚወስድ “ለመተማመን እንነጋገር” በሚል ርዕስ የተለያዩ ስብሰባዎችን አካሂዷል፡፡

የአገራችን ቀውስ የወሰደን መንገድ፤

አገራችን በአሁኑ ወቅት ያለችበት ሁኔታ ከመቼውም ይልቅ እጅግ አሳሳቢና አስጊ ነው፡፡ በተለይ ባለፉት ቅርብ ጊዜያት የሚካሄዱትን ሁኔታዎች ስንመለከት ባስቸኳይ አንድ ነገር ካልተደረገ የወደፊቱ ኅልውናችን አደጋ ላይ እንደሚወድቅ እሙን ነው፡፡ በዚህም ምክንያት ለአዲሲቷ ኢትዮጵያ የጋራ ንቅናቄ ከተለያዩ የኢትዮጵያ ክፍሎች የተውጣጡ ወገኖችን በማሰባሰብ የሶስት ቀናት ተቀራርቦ የመወያያ ቦታ በማዘጋጀት በአገራችን ጉዳይ ላይ አቋም ለመውሰድና ይህንኑ ውሳኔ የካቲት 6፤2008ዓም/February 14, 2016 ለሕዝብ ይፋ ለማድረግ ውሳኔ ላይ ተደረሰ፡፡

ወቅታዊውን ሁኔታ ብቻ በመመልከት በተለይም እጅግ የተንሰራፋውን ጭቆና፣ ሙስና፣ እየተካሄደ ያለውን የኦሮሞ ተማሪዎች ተቃውሞ፣ ችጋር፣ እና ሌሎችንም ሁሉ የችግሩ ጀማሪ በሆነው በህወሃት/ኢህአዴግ አናት ላይ ማድረግ አይከብድም፡፡ ይህም ህወሃት/ኢህአዴግን ከመንበረ ሥልጣን ማስወገድ እንደ መፍትሔ እንድንቆጥር ሊያደርገን ይችላል፡፡ ሆኖም በአገራችን ዕርቅ፣ የጉዳት ፈውስ፣ ርትዓዊ ፍትሕ በሕዝብ መካከል እስካልተደረገ ድረስ የወደፊቱ ኅልውናችን አሁን ካለንበት እጅግ የከፋ ሊሆን እንደሚችል በርካታዎች የሚያምኑት ሐቅ ነው፡፡

ከዚህ አንጻር አስቀድሞ “ለመተማመን እንነጋገር” መድረክ ላይ ተሳትፎ ሲያደርጉ የነበሩ የጋራ ንቅናቄው ደጋፊዎችና ወዳጆች ከሌሎች ጋር በመሆን በሶስቱ ቀናት ተቀራርቦ የመወያያ ቦታ ሰፊና ጥልቅ ውይይቶችን አካሂደዋል፡፡ ከምግብና መልካም ጨዋታ በተጨማሪ የግል ታሪኮች ተወስተዋል፤ ትርከቶች በግልጽ ተነግረዋል፤ አመለካከቶች ያለገደብ ይፋ ሆነዋል፤ አንዱ የሌላውን ሸክም እንዴት መሸከም እንዳለበት ከግል ልምምድ ትምህርት ተወስዷል፤ ጎሣዊ ጥበት በሰብዓዊነት ሰፍቷል፤ አዲስ ግንኙነት ተመስርቷል፤ የመጣላት ሳይሆን ተከባብሮ የመኖር አመለካከት ሥር ሰድዷል፤ የአዲሲቷ ኢትዮጵያ ተስፋም ፈንጥቋል፡፡

“የኢትዮጵያ የዕርቅና ርትዓዊ ፍትሕ ምክርቤት” አመሠራረት

ከሦስቱ ቀናት ተቀራርቦ የመወያየትና የመነጋገር ጊዜ በኋላ በቦታው የተገኙት ተሳታፊዎች “የኢትዮጵያ የዕርቅና ርትዓዊ ፍትሕ ምክርቤት” እንዲመሠረት በሙሉ ድምጽ አጽድቀው ወስነዋል፡፡ ይህም ኢትዮጵያውያን ዘላቂና ትርጉም ያለው መፍትሔ ለማግኘት የሚችሉበት ዓይነተኛው መንገድ ከጉዳታቸው ሁሉ ተፈውሰው፣ በዕርቅ ተስማምተውና ርትዓዊ ፍትሕ ማስፈን ሲችሉ እና የወደፊቷን ኢትዮጵያ በእነዚህ መሠረቶች ላይ ሲመሠርቱ እንደሚሆን የምክርቤቱ ዋንኛና ተቀዳሚ ተልዕኮም ይኸው እንዲሆን ስምምነት ላይ ተደርሷል፡፡ የምክርቤቱን ዓላማና ግብ በተመለከተ ተሰብሳቢዎቹ በወሰኑት መሠረት የሚከተሉት ሆነዋል፤

ዓላማ፤

ኢትዮጵያውያን የእርስ በእርስ ውይይት እንድንጀምር በማድረግ አንዱ የሌላውን ትርከት ለመስማትና ይህም ወደ መደማመጥ፣ መግባባት፣ ይቅር መባባል፣ መንጻትና ሥርየት መርቶን ሰላምና ፍትሕ በአገር ውስጥም ሆነ በውጭ ባሉት ኢትዮጵያውያን ዘንድ እንዲሰፍን ማድረግ ከምክርቤቱ ዓላማዎች ቀዳሚው ነው፡፡ አንዱ የሌላውን ምሬት፣ ቁስል፣ ሐዘን፣ ፍርሃትና የውስጥ ለቅሶ ለመስማት ጆሮ የሚሰጥበትና እንደ ራሱ አድርጎ የሚቀበልበት ይህንንም የዘር፣ የቀለም፣ የጎሣ፣ የፖለቲካ አመለካከት፣ የሃይማኖት ብልጫና ልዩነት ሳያደርግ መተግበር ሌላኛው ዓላማ ነው፡፡ ከዚህ በተጨማሪም የምክርቤቱ ዓላማ በቀዳሚነት ትኩረት አድርጎ የሚከወነው ከህወሃት/ኢህአዴግ ጋር ሳይሆን ሰፊውን ሕዝባችንን በሚያጠቃልል መልኩ የአንድ ለአንድና የእኛ ለእኛ ግንኙነት በመመሥረት ሆኖ ይህንንም ከሌሎች የምክርቤቱ ዓላማዎች ጋር አብሮ የሚያራምደው ይሆናል፡፡

ግቦች፤

የምክርቤቱ አራት አስቸኳይ ግቦች የሚከተሉት ናቸው፤

1. በመጪዎቹ ስድስት ወራት የምክርቤቱን መዋቅር ይፋ ማድረግ፤
2. በሁሉም ኢትዮጵያውያን ዘንድ መቻቻልን፣ መተማመንን፣ እኩልነትንና ፍትሕ እንዲስፋፋ ማድረግ፤
3. የምክርቤቱን ተልዕኮና ዓላማ ለማጎልበት የኢትዮጵያን የሃይማኖት፣ የሲቪክና የፖለቲካ ድርጅቶች ዘንድ በመድረስ መግባባት፣ ስምምነትና ሽርክና እንዲኖር ማድረግ፤
4. ሚዲያውን በመጠቀም በኢትዮጵያውያን መካከል ከደረሰው መጎዳዳትና ቁስል የጉዳት ፈውስ ለማግኘትና ወደ ዕርቅ እና ርትዓዊ ፍትሕ መድረስ ይቻል ዘንድ መትጋት የምክርቤቱ ግቦች ይሆናሉ፡፡

የጋራ ንቅናቄው ሕዝባዊ ስብሰባ፤

ስብሰባው የካቲት 6፤ 2008ዓም (February 14, 2016) ሲጀመር የአኢጋን አመራሮች በሦስቱ ቀናት ተቀራርበው ሲሰሩ ለነበሩት ወገኖች ምስጋና ከሰጡ በኋላ የጋራ ንቅናቄው አመራር የሆኑት አቶ ዳዊት አጎናፍር ሕዝባዊ ስብሰባውን ከፍተዋል፡፡ ሌላዋ የጋራ ንቀናቄው አመራር ወ/ት ኢየሩሳሌም ወርቅ “የአገር ፍቅር” በሚል ርዕስ ስሜትን የሚኮረኩር ወቅታዊ ግጥም አንብባለች፡፡ የአኢጋን የዲሲ አካባቢ አስተባባሪ የሆኑት አቶ ተስፋ መኮንን ተሰብሳቢውን እንኳን ደህና መጣችሁ ያሉ ሲሆን የጄኖሳይድ ዎች ፕሬዚዳንት ዶ/ር ግሬጎሪ ስታንተን የዘር ዕልቂትን በተመለከተ የቅድመ ማስጠንቀቂያ ምልክቶች ምን እንደሆኑ ትምህርታዊ ማብራሪያ ሰጥተዋል፡፡

ቀጥሎም የኢትዮጵያ የዕርቅና ርትዓዊ ፍትሕ ምክርቤት መግለጫ በአራት የተለያዩ ቋንቋዎች ማለትም በኦሮምኛ፣ በአማርኛ፣ በትግሪኛ እና በእንግሊዝኛ ተነቧል፡፡ ከዚሁ ጋር በተያያዘም በሦስቱ ቀናት ተቀራርበው ሲሰሩ የነበሩት ተሳታፊዎች እንደ ኢትዮጵያዊ በዜግነታቸው ያሳለፉትን የህይወት ልምምድ ለተሰብሳቢው አካፍለዋል፡፡ ከጉባዔተኛው የተለያየ ጥያቄና አስተያየት ቀርቦ ሞቅ ደመቅ ያለ ውይይት ተካሂዷል፡፡ በወቅቱ የተቀረጹትን በተለያዩ ክፍሎች እያደረግን እያተምን እንገኛለን፡፡

ለምክርቤቱ ምሥረታ ምክንያታዊ መነሻ፤

በአገራችን ሥር ለሰደደው ችግር መፍትሔ ለማምጣትና ለሁሉም የምትሆን አገር እንድትኖረን ለማድረግ ዓይነተኛው መሣሪያ ዕርቅ እንደሆነ ብዙዎች ያምናሉ፡፡ እንደዚህ ዓይነት እምነት ያላቸው ወገኖች በብዙ መልኩ የተከፋፈለች አገራችንን ጉዳዮች በተመለከተ ለሦስት ቀናት የፈጀ ውይይትና ምክክር ሲያደርጉ ከቆዩ በኋላ ሕዝባችን ለተጋፈጠው የተለያዩ ግጭቶች፣ ቀውሶች እንዲሁም የአገራችንን ሕዝብ እየጎዳ ላለው ችጋር፣ ውጥረት፣ መከራ፣ ሰቆቃ፣… መፍትሔ ማምጣት የሚቻለው በቅድሚያ በመካከላችን ያለውን ግጭትና አለመግባባት በማስወገድ እንደሆነ ውሳኔ ላይ ደርሰዋል፡፡ ይህም አካሄድ ሁሉንም የኅብረተሰብ ክፍሎች የሚወክሉ የተሰባሰቡበት፤ የዕርቅንና ርትዓዊ ፍትሕ በአገራችን እንዲሰፍን ዓላማው አድርጎ የሚሠራ ቡድን መመሥረት አስፈላጊ እንደሆነ ታመነበት፡፡ ከዚህም መረዳት በመነሳት “የኢትዮጵያ የዕርቅና ርትዓዊ ፍትሕ ምክርቤት” ሊመሠረት ችሏል፡፡

ይህ የብዙሃንን ሃሳብ በመወከል የመፍትሔ ድምጽ ለመሆን የሚሠራ ምክርቤት በአገራችን ለዘመናት የተከሰተውን ስቃይ፣ መከራ፣ ሰቆቃ፣ መገለል፣ መናቅ፣ መገፋት፣ ጦርነት፣ ሙስና፣ ብክነት፣ በዘርና በጎሣ ላይ የተመሠረተ ጥላቻ፣ መከፋፈል፣ እንግልት፣ እስር፣ የሰብዓዊ መብቶች ረገጣ፣ ክፋት፣ ተንኮል፣ … በሙሉ ፈውስና ርትዓዊ ፍትሕ የሚያስፈልገው በመሆኑ ይህ ትውልድ ለሚቀጥለው የሚያስተላልፈው ጥላቻ፣ በቀል፣ መራርነትና ቂምን እንዳይሆን የዚህ ምክርቤት ተቀዳሚ ዓላማና ተግባር ይሆናል፡፡ ይህ እኛው ለእኛው በግለሰብ ደረጃ ጀምሮ ራሳቸውን በተለያየ ቡድን የሚጠሩ ወገኖችን እስከማቀራረብና አገራዊ ዕርቅና ርትዓዊ ፍትሕ እስከማስፈን የሚደርስ ይሆናል፡፡

በምክርቤቱ ምሥረታ ተሣታፊ ከነበሩት መካከል አንዱ የሆኑት የኦሮሞው ተወላጅ አቶ ሮባ አህመድ ኢፍትሃዊነት በመቃወም ሲሰማ የነበረው ጩኸትና ምሬት ከአያታቸው ወደ አባታቸው ቀጥሎም ወደራሳቸው ሲተላለፍ የመጣ ቢሆንም ወደ ልጆቻቸው ማስተላለፍ እንደማይፈልጉ ተናግረዋል፤ በዚህ ዓይነቱ ስብሰባ ላይ ለመገኘት የወሰኑትም ለዚሁ እንደሆነ አስረድተዋል፡፡ በኢትዮጵያ ውስጥ ባለፉት ዘመናት የተከሰተውን ህመም፣ ስቃይ፣ ቂም እና ምሬት እንደ ኢትዮጵያዊ ተቀራርበን ለመሥራት ያሉንን አማራጮች እንዳበላሹብን በመናገር መጪው ትውልድ በነጻነት እንዲኖር ይህ የመከራ ዑደት ማቆም እንዳለበት አጽዕኖት ሰጥተው አስረድተዋል፡፡

በአንድ ወቅት የተከሰተ አስከፊ ገጠመኝ ፈውስ ካላገኘ ቂም ቋጥሮ ሲያመረቅዝ እየቆየ ለትውልድ የሚተላለፍ በመሆኑ አብሮ ለመኖር ዕንቅፋት ይሆናል፡፡ ከዚህም ሲያልፍ በኅብረተሰቦች መካከል አብሮ የመኖርን ተስፋ በማጨለም ብቀላንና አመጽን ይወልዳል፤ መተማመን ይጠፋል፤ ለአንድ ዓላማና በጋራ ተስማምቶ መሥራት የማይታሰብ ይሆናል፡፡ አንዱ ሌላኛውን “ጠላት” በማለት ቀን ጠብቆ “ጠላት” ያለውን ጥሎ ሌሎችን በጉልበቱ እያደቀቀ የሚኖርበትን ጊዜ ይጠብቃል፡፡ ተሳክቶለት በሥልጣን ኮርቻ ላይ በተቀመጠበት ቀን ያለመውን በማሳካት በሌሎች ዘንድ ቂምንና በቀልን ይፈጥራል፤ እንዲህ እያለ ያልተፈወሰ ህመም ከትውልድ ወደ ትውልድ ይተላለፋል፤ በኢትዮጵያችን ያለው ሁኔታ ይህንን የሚመስል ነው፡፡ ህወሃት ወደ ሥልጣን ከመምጣቱ በፊት ለበደል ፍትሕ አመጣለሁ ቢልም አስቀድሞ የተከሰቱ ቁስሎች ፈውስ ሳያገኙ እና ዕርቅ ሳይመጣ ሒደቱ በመቀጠሉ ህወሃት በተራው በደል ፈጻሚ ሆኖ የልዩነቱን መጠን አሰፋው፡፡ በህወሃት በደል እየደረሰባቸው ያሉት ደግሞ የእነርሱ ተራ የሚደርስበትን ቀን በመጠበቅ የመከራውን ዙር ለመቀጠል ወረፋ ላይ ይገኛሉ፡፡

በዚህ ሁኔታ ላይ ዕርቅ፣ የጉዳት ፈውስና ርትዓዊ ፍትሕ ሊመጣ ይችላል ብሎ መጠየቅ አግባብነት ያለው ነው፡፡ ከሞላ ጎደል የተጎዳዱት ክፍሎች ሁሉንም የአገሪቱ ኅብረተሰብ የሚጠቀልል በመሆኑ ከእነዚሁ የኅብረተሰብ ክፍሎች በአንድነት በመገናኘት በትውልድና በየወገናቸው የተፈጸመውን በደል በመወያየት መግባባት ላይ መድረስ እንዲችሉ ማድረግ አንደኛው መንገድ ነው፡፡ ከዚያም በኅብረተሰብ መካከል መተማመን እንዲፈጠር መነጋገር መጀመር ቀጣዩ ተግባር ሊሆን ይገባዋል፡፡ ይህ ንግግር በአብዛኛው የሚያተኩረው አንዱ ወገን ደርሶብኛል ያለውን ቁስል ምን እንደሆነ ሲናገር ለመስማት ጆሮ በመስጠት ነው፡፡ ስለ በደሉ መከሰት ከታሪክ እያጣቀሱ መነታረክና አንዱ ሌላውን ለማስተማር መሞከር ሳይሆን አንድ ወገናችን አሞኛል፤ ተጎድቻለሁ ሲል ያንን ጉዳቱን ለመስማት ጆሮ መስጠት ወደ መተማመን ይወስድና ያም ደግሞ በተራው ወደ ዕርቅ ያመጣናል፡፡ ለመታረቅ መተማመን ያስፈልጋል፤ ለመተማመን ደግሞ መነጋገር ይገባል፡፡ ይህ የዕርቅ ዋንኛው ሃሳብ ነው፡፡

ከዓመጽ፣ ከመከፋፈል፣ ከደመኛነትና ከኢፍትሃዊነት በመሸጋገር የተሻለና የሌሎችን መብቶች የሚያከብር ተግባር መፈጸም በርትዓዊ ፍትሕ ሥር የሚካተት ነው፡፡ ለምሳሌ ያህል በወንጀለኛ መቅጫ መሠረት፤ ሕግ በሚጣስበት ጊዜ ሕጉን የጣሰው ሰው የሚገባውን ቅጣት ያገኛል፡፡ የዚህ ወንጀለኛ መቅጫ አካሄድ አንድ ነው፤ ማን ምን አደረገ፤ ምን ዓይነት ቅጣት ይገባዋል የሚል ነው፡፡ ይህ አካሄድ ትልቁን ጥፋተኛም ሆነ ትንሹን ጥፋተኛ በኩል ዓይን በማየት ቅጣት የሚበይን ሲሆን በተቋም ደረጃ ተንሰራፍቶ በሚገኘው ኢፍትሃዊነት ላይ የመዋቅር ለውጥ እንዲደረግ ዋስትና የማይሰጥ ነው፡፡

የርትዓዊ ፍትሕ ዋንኛ ትኩረት የተጎዳው ማነው? የሚለው ላይ ሲሆን ለዚህ ለተጎዳው አካል ምን መደረግ አለበት? ይህንን ማድረግ ያለበት ማነው? የሚሉትን ጉዳዮች በቅርብ የሚከታተል ነው፡፡ ባለፉት ዓመታት የተፈጸሙትን ስህተቶች ለማረቅ የሚደረገው ጥረት ስህተቶቹን ከማስተካከል ጀምሮ እንደ አስፈላጊነቱ ከአካባቢ ጀምሮ እስከ ክልል እንዲያም ሲል በአገር ደረጃ መለወጥ ያለባቸውን ሁሉ ስልታዊ በሆነ መልኩ ተቋማዊ ለውጥ የማድረግን ተግባር ርትዓዊ ፍትሕ የሚጠቀልል ነው፡፡ ይህንን ለማድረግ በኅብረተሰቡ ዘንድ የውይይት መድረክ በማዘጋጀት ሕዝቡን የመስማት፤ ጉዳቱን ለማዳመጥ ጊዜ በመስጠት ግልጽነትን ማበረታታትና በደል ወደ ፈውስ ተሸጋግሮ ሰላም፣ ፍትሕና እኩልነት እንዲሰፍን ማድረግ ነው የርትዓዊ ፍትሕ መንገድ ነው፡፡ ከዚህ ውጪ በማኅበረሰቦች መካከል ያለውን ልዩነት በዓመጽ አሠራር ገርስሶ በመጣል አንዱ ፍትሕን በሚቆጣጠረው ሁኔታ ወንጀለኛን ለፍርድ ማምጣት ርትዓዊ ፍትሕ አያሰፍንም፡፡ ጥቂቶችን ሥልጣን ላይ አስቀምጦ ፍትሕን ለማስፈን ከመሞከር ይልቅ እጅግ የተንኮታኮተውን እና የብዙዎችን በደል የተሸከመውን አሠራር በመጠገን የጉዳት ፈውስ በማምጣት የተለያዩ የማኅበረሰብ ክፍሎች በመተራረቅ ዘላቂ ሰላም በመካከላቸው እንዲሰፍን ማድረግ የርትዓዊ ፍትሕ አሠራር ነው፡፡

በመሆኑም የዚህ ምክርቤት ዋንኛ ግብ በኢትዮጵያ ዕርቅ፣ የጉዳት ፈውስ፣ ርትዓዊ ፍትሕና ሰላም ይሰፍን ዘንድ እና ከማያቋርጠው የዓመጽ፣ ኢፍትሐዊነትና ጭቆና አዙሪት ለመውጣት ኢትዮጵያን ሊወክሉ የሚችሉ የሕዝብ ድምጽ የሚሆኑ ወገኖችን ከተለያዩ የኅብረተሰብ ክፍሎች በማውጣጣት ይህንን ዓላማ እንዲተገብሩ ማድረግ ነው፡፡ ተልዕኮውም ከዚሁ ጋር የተያያዘ ሆኖ የተነጣጠሉና የተከፋፈሉ ወገኖች አንዱ ስለሌላው ከማውራት ይልቅ እርስበርስ የሚነጋገሩበትን መድረክ ማመቻቸት ነው፡፡ ይህ ዓይነቱን አሠራር ከግለሰብ ጀምሮ እስከ ማኅበረሰብ እና ከዚያም በላይ እንዲጎለብት በማድረግ አንዱ የሌላውን የዘመናት ሕመም፣ ስቃይ፣ የልብ ሸክም፣ ኃፍረት፣ ጭንቀት፣ ምሬት ጊዜ ሰጥቶ እና እንደራሱ አድርጎ የሚያዳምጥበት፤ የሚረዳበት፣ የሚያስተውልበት ዕድል መፍጠር ነው፡፡ መነጋገር ወደ መደማመጥ፣ መደማመጥ ወደ መተማመን፣ መተማመን ደግሞ ወደ ዕርቅ ይመራናል፡፡ ይህ ምክርቤት የተመሠረተው ይህንኑ ለማድረግ ነው!

ስለሆነም ይህ በጋራ ንቅናቄው የዓመታት ጥረት የተመሠረተው ምክርቤትም ሆነ አባላቱ የፖለቲካ ጥቅም ለማግኘት ወይም ጊዜያዊና ግልብ አንድነት ለመፍጠር ምንም ዓላማና ፍላጎት የላቸውም፡፡ ከዚህ ይልቅ መፍትሔ አልባ ለመሰለው የአገራችን ችግር በዋናነት መሠረት ሊጥል የሚችለውን የሕዝብ ለሕዝብ ግንኙነትና ውይይት ወይም የእኛ ለእኛ ንግግር ኢትዮጵያውያን ባሉበት ቦታ ሁሉ እንዲጀመርና ይህም ውይይት መተማመንን እንዲፈጥር ይህም ጎልብቶ መተራረቅን እንዲያመጣልን ነው የምክርቤቱ ዓላማ፡፡ ከዚህ አንጻር በዚህ ምክርቤት ውስጥ መካተት የማይችል አይኖርም፡፡ ምክርቤቱ እያንዳንዱ ኢትዮጵያዊ ወደ መተማመን የሚያደርስ ንግግር እንዲጀምር ለሁሉም ጥሪውን ያቀርባል፡፡ ይህ የሕዝብ ኃይል ጎልብቶ የከፋፈለንና እንዳንገናኝ ያደረገንን የቀድሞ የጥል ታሪክ ቀይሮ፤ ጥላቻን አምክኖ፤ ምሬትን አስወግዶ፤ ቂምን በፈውስ ለውጦ የወደፊት ትውልድ በመተማመንና በመከባበር የሚኖርባት ኢትዮጵያ እንድትመሠረት ያደርጋል ብሎ የጋራ ንቅናቄው ያምናል፡፡

ስለዚህ የዕርቅን ሥራ አሁኑኑ እንጀምር፤ በአካባቢያችን ካሉ ወገኖች ጋር እንነጋገር፤ ከምናምናቸውና እኛን ከሚመስሉ ጋር ብቻ ሳይሆን እኛን አይመስሉም ከምንላቸው ባለንበት ቦታ – በቤተ አምልኮ ይሁን በሥራ ቦታ ወይም በመኖሪያ አካባቢ አብረውን ካሉ እንጀምር፡፡ “እነርሱ ለምን አያነጋግሩኝም” አንበል፤ እኔ አነጋግራቸኋለሁ በማለት ወደ መተማመን የሚወስደንን ግንኙነት እንጀምር፡፡ ይህ በሚሆንበት ጊዜ በግምትና በይሆናል ያሰብናቸው ነገሮች እየተወገዱ በእውነታ ላይ ወደተመሠረተ እርግጠኝነት ይሸጋገራሉ፡፡ ይህም መተማመንን ፈጥሮ መተራረቅንና ፈውስ ለእያንዳንዳችን ይሰጠናል፡፡

አዲስ ግንኙነት ወደ አዲስ ሕይወት፤ ይህም ወደ አዲስ ተስፋ መርቶን አዲስ የተፈወሰች የሁላችንም ኢትዮጵያ በዚህ የእኛ ዘመን እውን ለማድረግ ፈጣሪ ሁላችንንም ይርዳን!

ለአዲሲቷ ኢትዮጵያ የጋራ ንቅንቄ (አኢጋን)

ለተጨማሪ መረጃ የአዲሲቷ ኢትዮጵያ የጋራ ንቅናቄ ዋና ዳይሬክተር ኦባንግ ሜቶን በዚህ ኢሜይል አድራሻ ማግኘት ይቻላል፡- Obang@solidaritymovement.org

The post ኢትዮጵያን የሚወክሉ የተለያዩ ወገኖች፤ “የኢትዮጵያ የዕርቅና ርትዓዊ ፍትሕ ምክርቤት” መሠረቱ! appeared first on Zehabesha Amharic.

ግርማ ሠይፉ ማሩ

የካቲት 21 2008 በኢትዮጵያ ታሪክ ተመዝግቦ አልፏል፡፡ ቀጣዩ ታሪካዊ ቀን ደግሞ የሚመጣው ግንቦት 20 2008 ነው፡፡ የግንቦት 20 ማግሰት ምን አዲስ ነገር እንደሚመጣ ግን ማንም የሚያውቅ የለም፡፡ መገመት ግን ይቻላል፡፡ የመጪው ግንቦት ሃያ ቀደም ብለን እንድንነጋገርበት ያሳሰበኝ በቅርቡ የአዲስ አበባ የትራንሰፖርት አገልግሎት ሰጪዎች ያደረጉት የሰለማዊ ተቃውሞ/የስራ ማቆም አድማ ነው፡፡ እንደሚታወቀው በአዲስ አበባ አገልግሎት የሚሰጡ ታክሲዎች መደዳ ቁጥር ሰላሣ ሺ የደረሰ ሲሆን በእርግጠኝነት በስራ ላይ የሚገኙት ግን ከግማሽ የሚበልጡ አይደለም፡፡ በተጨማሪ አገልግሎት የሚሰጡትን ታክሲ ያልሆኑ ሚኒባሶች ሲጨመሩ ሃያ ሺ የሚሆኑ መኪኖች በአግልግሎት ውስጥ ናቸው የሚል ታሳቢ መውሰድ ይቻላል፡፡ እነዚህ የትራንሰፖርት አገልግሎት ሰጪዎች በሰራቸው የሚተዳደረውን በመቶ ሺ የሚቆጠረ ቤተሰብ አባል ችግር ላይ ሊጥል የሚችል እርምጃ በመውሰድ መንግሰትን የተጋፈጡ ሲሆን፣ በማህበራቸው በኩል ተደረገ በተባለ ድርድር ለተቃውሞ መነሻ የሆነው መመሪያ ለሶሰት ወር ተግባራዊ እንዳይሆን ከስምምነት በመደረሱ ተቃውሞ ተቋርጦዋል፡፡ ሶሰት ወር የሚሞላው ደግሞ ግንቦት 20 2008 ነው፡፡ ከዚህ አንፃር መነሳት ያለበት ጥያቄ ከሶሰት ወር በኋላስ? የሚለው ነው፡፡ በተለይ ጥያቄውን ከአሸከርካሪዎች አንፃር የተወሰኑ መሰረታዊ ነጥቦችን በማንሳት እንመልከተው፤

 የመጫኛ እና ማውረጃ ቦታ በቂ ያለመሆን

እንደሚታወቀው ለታክሲ ማቆሚያና ማውረጃ በቂ ቦታዎች በከተማው ውስጥ የለም፡፡ በዚህ ምክንያት ታክሲዎች ባመቻቸው ቦታ ይጭናሉ ያወርዳሉ፡፡ ተሳፈሪውም በየአስር ሜትሩ ወራጅ አለ ብሎ መውረድ ይፈልጋል፡፡ ተሳፋሪን በየቦታው ለማውረድ ብቻ ሳይሆን ለመጫንም ይቆማሉ፡፡ በዚህ ጊዜ በመንገድ ዳር የቆሙ መኪኖችን ደርበው መጫንና ማውረድ መደበኛ የታክሲ ስራ አካል ነው፡፡ ይህ ድርጊት አሁን በወጣው መመሪያ መሰረት ከፍተኛ ቅጣት የሚያስጥል ነው፡፡ ሰለዚህ በሚቀጥለው ሶሰት ወር ውስጥ  መንግሰት ይህን ችግር ለመፍታት እና መመሪያውን ተግባራዊ ለማድረግ የሚያስችል አቅምም ፍላጎትም የለውም፡፡ አማራጩ ደርቦ መጫንና ማውረድ ትክክለኛ ተግባር ተደርጎ እንዲወሰድ ማድረግ አንዱ ነው፡፡ ሌላው አማራጭ ደግሞ ለታክሲ ማቆሚያ ሲባል በመንገድ ላይ መኪና ማቆም መከልከል ነው፡፡ ይህ ደግሞ መንገድ ተከትለው የተሰሩት ህንፃዎች እና የተከፈቱ የንግድ ተቋማት ከአገልግሎት ውጭ እንዲሆኑ ማድረግ ነው፡፡ ይህ የፊት ለፊቱ ችግር ሲሆን መንገድ ላይ ፓርክ ማድረግ መከልከል ከዚህ የከፋ ሌላም ችግር እንደሚኖረወ መዘርዘር ይቻላል፡፡ ለማነኛውም መንግሰት ይህን ችግር እንደማይፈታው ታውቆ ያደረ ጉዳይ ነው፡፡

የትራፊኮች የሰነ ምግባር ጉዳይ

የትራፊኮች የስነ ምግባር ጉዳይ እጅግ አሳሳቢ እንደሆነ ሁሉም ይረዳዋል፡፡ ይህን ችግር ለመፍታት መንግሰት መፍትሔ ብሎ ያሰቀመጠው አቅጣጫ ግን ከህግም ከሞራልም አንፃር ተገቢ አይደለም፡፡ ለምሳሌ አንድ ሰው ትራፊክ ላይ ከጠቆመ ትራፊኩ ከስራ ይባረራል፡፡ ምን ማለት ነው? የትራፊኮች የሰነ ምግባር ችግር በሌሎች ዜጎች የሌለ ይመስል ሌሎችን አምኖ እርምጃ መውሰድ የህግ መሰረት የለውም፡፡ ትራፊክ ያለጥፋት ሊቀጣን ይችላል የሚል ስጋት ሲቀርብ ትራፊኩን ያለጥፋቱ የሚያስቀጣ አስራር ይፈጠር ማለት አይደለም፡፡ አንድ ትራፊክም ቢሆን ያለጥፋቱ ጉዳት ሊደርስበት አይገባም ለምንል ሰዎች ግን ይህ ህገወጥ ነገር ግን በአደባባይ እየተነገረ ያለ የእርምጃ ዓይነት ዜጎችን አሸማቃቂ ነው፡፡ ለማነኛውም ዋነኛው ችግር ግን ትራፊኮች በዚህ ዓይነት ህግ ውስጥ ምን ያህል ሊቆዩ ይችላሉ? የሚለው ሲሆን የትራፊኮች የስራ ማቆም አድማ መንገድ ከመዝጋት አልፎ የተለየ ነገር ያመጣል የሚል እምነት የለኝም፡፡ ይህ እርምጃ ሰዎች በትራፊኮች ላይ ጥቆማ ከማድረግ ይልቅ ትራፊክና አሸከርካሪ ተጣምረው ለበለጠ ውስብስብ ችግር የሚዳርግ ነው የሚሆነው፡፡ ልብ ማለት ያለብን ትራፊኮቹም ቢሆኑ የማህበረሰቡ አካል መሆናቸው እና ለትራፊክነት ፍላጎት ያላቸው ከሰራ ፍቅር ወይም ከደሞዙ አማላይነት የተነሳ አይደለም፡፡ በአንድ ወቅት ሪፖርት ጋዜጣ ያወጣው ዜና ትዝ የሚለኝ ዲግሪ ያላቸው ወጣቶች በጉምሩክ ለፈታሽነት ስራ በሺዎች መመዝገባቸው የስራ ፍቅር እንዳልሆነ ግልጥ ከመሆን አልፈን ወጣቶቻችን የደረሱበትን የገንዘብ ማግኛ ፍላጎት መስመር የሚያጋልጥ ነው፡፡ ሃሳቤ ግልፅ ይመስለኛል፡፡ ዲግሪ ይዞ ኬላ ላይ ፈታሽ መሆን መመኘት የጤና አይመስለኝም፡፡

የቅጣቶች ተደራራቢነት

ቅጣቶች ተደራራቢ ከመሆናቸው አንፃር አንድ የቤት መኪና አሸከርካሪ ሰድስት ወር ወይም ሁለት ዓመት ቢቀጣ በትራንስፖርት መሄድ አማራጭ ሲሆን አቅም ካለው ደግሞ በሾፌር መሄድ ይችላል፡፡ በአሸከርካሪነት የሚኖር ለመደበኛ አሸከርካሪ በስራው ፀባይ የተነሳ ደንብ ለመተላለፍ የተጋለጠ አሸከርካሪ ግን ዲግሪውን ነው የሚቀማው፡፡ ለምሳሌ እኔ ዲግሪ ብቀማ የምሰራውን ስራ የሚከለክለኝ ነገር ስለሌለ ተቀጥሬ መስራት ብቻ ነው የሚቀርብኝ፡፡ አንድ አሸከርካሪ ግን መንጃ ፍቃዱ ከተቀማ ከሰራ መስኩ ነው የሚባረረው፡፡ ለስድስት ወር ለሁለት ዓመት ምን እየበላ እንዲኖር እና ቤተሰቡን እንዴት እንዲያስተዳደር እንደታሰበ መመሪያው አይገልፅም፡፡ በትራፊክ አደጋ ሰው እንዳይሞት በረሃብ ግን ይሙት የሚል ይመስላል፡፡ አንድ ቀደም ሲል በህገወጥ ተግባር ሲሰማራ የነበረ፣ ነገር ግን ፀባዩን አርቆ ስርዓት ይዞ የታክሲ ረዳት ከዚያም ሁለተኛ፣ ሶሰተኛ ብሎ መንጃ ፍቃድ አውጥቶ በስራ ላይ ያለ አሸከርካሪ ቃል በቃል አለ የተባለው “ችግር የሌም ተመልሼ ወደ ቀድሞ ስራዬ እገባለሁ” ነው፡፡ ማጅራት እየመታ ሰው ገድሎ እንዲኖር ማለት ነው፡፡ ሌሎች ሀገሮች የዚህ ዓይነት ህግ ሲተገብሩ በሀገራቸው ስራ የሌለው ሰው የማህበራዊ ዋስትና የሚባል ክፍያ የሚያገኝ በመሆኑ ስራ አጥቼ ምን ልሁን አይልም፡፡ ይህን ስናስብ ህጎችን ስንቀዳ በሀገራችን ነባራዊ ሁኔታ አንፃር ማድረግ ይኖርብናል፡፡ አሁንም መነሳት ያለበት ጥያቄ የዛሬ ሶሰት ወር መንጃ ፍቃዱን  የተቀማ አሽከርካሪ ምን ይሁን? ፈቃድ የማይጠይቁ ስራዎች ገቢ የሚያስገኙ አማራጭ ካሉም ይነገረን፡፡ አንዱ የገዢው ፓርቲ አባልነት እንደሆነ እናውቃለን፡፡ ከአባልነት በመለስ ማለቴ ነው፡፡

ገዢው ፓርቲ ካለው የድርድር ባህሪ አንፃር ለማሳያ ከላይ የተዘረዘሩትን ችግሮች ሊፈታቸው አይችልም፡፡ በአሁኑ ወቅት ሊያደርግ የሚችለው ብዙ ቢሆንም ከልምድ ግን የተወሰኑትን ማንሳት ይቻላል፡፡ አንደኛ ይህን ተቃውሞ ሲመሩ የነበሩትን በተለያየ መንገድ በመደለል የተደረገውን የስራ ማቆም አድማ በድጋሚ ሊጠራ የማይችልበትን ሁኔታ ማመቻቸት ነው፡፡ ለዚህም  እነዚሁኑ ሰዎች የአገልግሎት ሰጪ ሾፌሮችና ረዳቶችን በመከፋፈል ባቀደው መሰረት ከሶሰት ወር በኋላ መመሪያውን በማን አለብኝነት ተግባራዊ እንዲሆን ማድረግ ነው፡፡ ይህም ሲሆን ከዚህ ቀደም የተደረገውን ድርጊት እንዲያወግዙ ጭምር በማድረግ ሞራላቸውን ማኮላሸት ዋናው ግብ ይሆናል ማለት ነው፡፡ በንግድ ባንክ ሰራተኞች ላይ የተወሰደውን እርምጃ ማስታወስ ተገቢ ነው፡፡

በቀጣይ ደግሞ ተጨማሪ ታክሲዎች በመንግስት ድጋፍ ወደ ሀገር ውስጥ እንዲገቡ በማድረግ ወይም ይገባሉ እያሉ በማስወራት አሁን ያሉትን አገልግሎት ሰጪዎች ከጫወታ ሊያሰወጣን ነው ወደሚል የሰነ ልቦና ጦርነት መፍጠርና ማሰጨነቅ ነው፡፡ ይህ ደግሞ ከዚህ ቀደምም ተሞክሮ የሰራ ሲሆን በቀጣይ በተመሳሳይ መልኩ ስራ ላይ አይውልም አይባልም፡፡ ለዚህ ማሳያ የሚሆነው ከዚህ ቀደም በባለ ታክሲዎች የተደረጉ የስራ ማቆም አድማዎች ናቸው፡፡

እኔ ከዚህ የስራ ማቆም አድማ በግሌ ብዙ ነገር ተምሬያለሁ ዋነኛው ነገር ህዝቡ ከተባበረ ማንኛውም መብቱ የተነካ ስብስብ መብቱን ማስከበር እንደሚቻል፡፡ በዚህ አጋጣሚ የታክሲ ሾፌሮች ዘወትር በተለያዩ ሚዲያዎች ከሚደርስባቸው ዘለፋ አዘል አስተያየቶች በተቃራኒው የእነርሱ መኖር በሁሉም እንቅስቃሴ ውስጥ ሞተር መሆኑን ለዘነጋው ዜጋ ትምህርት አስተላልፈዋል ብዬም አምናለሁ፡፡ በቀጣይ ሁሉም በጋራ የማይቆሙ ቢሆን እንኳን ጉዳዩ የበለጠ የከነከናቸው አሸከርካሪዎች በተናጥል መኪናውን ለባለቤቱ አስረክበው ዋነኛ የሰራ ሰርተፊኬት ከማሰረከብ ይህ ህግ እስኪሻሻል በሾፌርነት ላለመስራት ቢወስኑ ባለንብረቶች መኪናው በፈረስ ስለማያሰጎትቱት መንግሰትም ባለቤቶቹን ለማስገደድ አቅም አይኖረውም፡፡ ሰለዚህ ጫናውን ማስቀጠል ይቻላል የሚል እምነት አለኝ፡፡

ሌላው መንገድ ደግሞ ሾፌሮች ሰራቸውን ለመስራት አሁን ከሚከፈላቸው በላይ የሚመጣውን የወደፊት አደጋ ለመቋቋም የሚያስችል ደሞዝ እና የቀን አባል ሊጠይቁ ይችላሉ፡፡ ይህ ሊሆን የሚችለው ደግሞ ታሪፍ ሲሻሻል እና ገቢው ሲጨምር ብቻ ነው፡፡ ይህ ደግሞ አዲሱ ተግባራዊ የሚሆነው መመሪያ ወደ ህዝቡ የትራንስፖርት ዋጋ ጭማሪ ይጠራል ማለት ነው፡፡ ህዝቡ ደግሞ አሁንም ያለው ዋጋ መሸከም አልቻለም እና በሌሎች ዕቃዎችም ላይ የዋጋ ንረት ሊጠራ ይችላል፡፡ እነዚህ ሲደመሩ ደግሞ ሌላ ጦስ ላለመጥራታቸው ምንም ማረጋገጫ የለም፡፡

የዛሬ ሶስተ ወር አጭር ጊዜ ነው፡፡ አሸከርካሪ፣ የመኪና ባለቤቶች፣ ተጠቃሚው ህዝብ፣ በተለይም መንግስት ከፍተኛ የቤት ስራ ይጠብቃቸዋል፡፡ ግንቦት 20 2008 በሚያበቃው ሶሰት ወር መንግሰት ምን ይዞ እንደሚመጣ በጉጉት እንጠብቃለን፡፡ መንግሰታችን ለመጪው ግንቦት ሃያ አብዮት ይጠራ ይሆን?

ቸር ይግጠመን

ግርማ ሠይፉ ማሩ

The post መንግሰታችን ለመጪው ግንቦት ሃያ አብዮት ይጠራ ይሆን? – ግርማ ሠይፉ ማሩ appeared first on Zehabesha Amharic.

ሰሞኑን  በደቡብ ኢትዮጵያ በሚኖሩ ዜጎች ላይ የተፈጸመን የባሪያ ፍንገላን ዘመን የሚያስታውስ  ኢሰብአዊ ድርጊት  የሚያሳይ ፎቶ  በማህበራዊ ድረ-ገጽ ተሰራጭቶ አጀኢብ ጉድ ብለናል፡፡ ነገሩ ትናንትን እየረሳን ዛሬ ለሚያጋጥመን ነገር አዲስ እየሆንን ጉድ ጉድ ለምንለው  ለእኛ ነው እንጂ አዲስነቱ ለወያኔ ከበርሀ ጀምሮ አብሮት የኖረ ተግባሩ ነው፡፡

አይደለም ሥልጣኑን ሊነጥቁት በተቃውሞ የተሰለፉ፣  እኩይ ድርጊቱን እያጋለጡ ማንነቱን ጸሀይ የሚያሞቁ ፣ ሀሳብ እቅዱን እየተቃወሙ ጉዞውን የሚያደናቅፉ ቀርቶ የህውሀት አባል ሆነው ስህተት የጠቆሙ የዓላማቸውን መስመር መሳት የገለጹ የመሪዎቹን እኩይ ተግባር የነቀፉ ወዘተ ምን እንደተፈጸመባቸው የአይን ምስክር የሆኑ ሰዎች ሲናገሩ ሰምተናል ጽፈው አንብበናል፡፡ ባዶ ምንትስ ይባሉ በነበሩት እስር ቤቶች በውልደታቸው ትግሬ በድርጅታቸው ህውኃት የነበሩ ዜጎች ሳይቀሩ ምን አይነት ኢሰብአዊ ድርጊት አንደተፈጸመባቸው እነ ገብረ መድህን አርአያ ደጋግመው የነገሩን ነው፡፡ ዛሬም በተለያየ የሥልጣን ስም ተቀምጠው አረመኔያዊውን ድርጊት የሚፈጽሙ የሚያስፈጽሙት እነዛ የበርሀው ሲኦል እስር ቤቶች ሀላፊዎች የነበሩቱ ናቸው፡፡

ለሥልጣናቸው የሚያሰጋ፣ ያሰቡ ያቀዱትን ተፈጻሚ እንዳያደርጉ አንቅፋት የሚሆን፣ ማንም ሆነ ከየትም  ከማጥፋት የማይመለሱት ወያኔዎች (በተለይም አቶ መለስ) ዘር ሀይማኖት ሳይለዩ አስሮ ማሰቃየቱን አፍኖ መሰወሩን ገድሎ መጣሉን ብሎም ርስ በርስ ማገዳደሉን አብይ ተግባራቸው አድርገው የኖሩ ለመሆናቸው  ብዙ እጅግ ብዙ ማረጃዎችን መዘርዘር ይቻላል፡፡

የህውኃት ቀኝ እጅ የነበረው የደህንነቱ ሹም ክንፈየአግልግሎት ግዜው ሲያበቃ እንዴት እንዳስገደሉትና የግድያ ትዕዛዙን በፈጸመው የዋህ ታዛዥ ላይ ያደረጉትን የምናውቅ  በሌላው ኢትዮጵያዊ ላይ የሚፈጽሙት አረመኔያዊ ተግባር ለምን አዲስ አንደሚሆንብንና እንደሚገርመን  ራሱ የሚገርም ነው፡፡ ለህይወታቸው መድህን ለሥልጣናቸው ዘብ ሆነው የኖሩ ሰዎቻቸውን ለማጥፋት የማይመለሱ ሰዎች አንገዛም ባሉ ኢትዮጵያውያን ላይ የሚፈጽሙት ኢሰብአዊ ድርጊት ሁሌም አዲስ የሚሆንብን እኛ ትናንትን በመርሳት በሽታ በመለከፋችን  አለያም ሞኝ የሰማ/ያየ እለት እንደሚባለው እየሆነብን እንጂ ድርጊቱ ለወያኔ አዲሰ  አይደለም፡፡ እንደውም  ትናትን የመርሳት ችግራችን ከእባብ አንቁላል ርግብ አይጠበቅም የሚለውን አባባል  አስረስቶን የተቃውሞአችን እንዴትነትና  የጩኸታችን ምንነት  ከወያኔ የባህሪው ያልሆነ ነገር የምንጠብቅ ያስመስለናል፡፡

መቅረጸ ድምጽም ሆነ ምስል ያልደረሰባቸው የአይን ምስክርም ተገኝቶ ይፋ ያላደረጋቸው ብዙ አጅግ ብዙ ዘግናኝ አረመኔያዊ ድርጊቶች በወያኔ ለመፈጸማቸው በመረጃ ከተረጋገጡት ድርጊቶቹ ተነስቶ መገመት ይቻላል፡፡እነዚህ ሰዎች ለሥልጣን የበቁት የመረጃ ማስተላለፊያው ጥበብ እንዲህ ባለልተስፋፋበትና ባልተራቀቀበት ዘመን ቢሆን ምን ያደርጉ ነበር ብላችሁ አስባችሁ ታውቃላችሁ፡፡የሚሰሩት ብቻ ሳይሆን በር ዘግተው በምስጢር የሚነጋገሩት ድምጽ ከምስል እየሾለከ ለአለም ህዝብ አይንና ጆሮ ሲበቃ የማያስደነግጣቸው፣ የማያሳፍራቸውና የማያስፈራቸው (ለነገሩ ማን ሰው ብለው) ወያኔዎች በድብቅ የሚሰሩት ሁሉ ተደብቆ የሚቀር ቢሆን የአረመኔነታቸው መጠን የክፋታቸው ደረጃ  የአገዛዛቸው ግዞት እስከምን ይደርስ አንደነበር መገመት አይገድም፡፡

ጎምቱ ጋዜጠኞች ውሻ ሰው ነከሰ ዜና አይሆንም ሰው ውሻ ቢነክስ ግን ትልቅ ዜና ነው ይላሉ፡፡ የአባባሉ ምንነት ግልጽ ነው፡፡ ውሻ ሰው መንከሱ የተፈጥሮው፣ የባህሪው፣ የሚጠበቅበት ተግባሩም ስለሆነ  ነው ዜና የማይሆነው፡፡ ሰው ግን ውሻ ቢነክስ  ያልተለመደ ብቻ ሳይሆን የማይጠበቅና የማይገመት አዲስ አስገራሚ ክስተት  በመሆኑ ነው ትልቅ ዜና የሚሆነው፡፡

ወያኔም ማሰሩ፣ መግደሉ፣ ማሰቃየቱ፣ መዋሸቱ ፣ማታለሉ ሰው በሀሰት መወንጀሉ ወዘተ  ለሥልጣን የበቃበትና ሀያ አራት ዓመታትም ለመግዛት የቻለበት የተፈጥሮ ባህሪይው እና ተግባሩ  በመሆኑ በዚህ መልክ የሚፈጽማቸው ድርጊቶች ለጋዜጠኞች ዜና ሊሆኑ ቢችሉ አንኳን ለእኛ ለኢትዮጵያውያን  አዲስ ክስተት የሆኑ ያህል ሊያስገርሙን ሊያስደንቁንም ሆነ ሊያስደደነግጡን  አይገባም ነበር፡፡ ምነው ቢሉ እየረሳናቸው ካልሆነ በቀር አብረውን ያሉ ናቸውና፡፡

ይልቁንስ ከወያኔ አንጻር ለመገናኝ ብዙኃን ትልቅ ዜና ሊሆን ከኢትዮጵያውያን አልፎ የኢትዮጵያን ጉዳይ (ለራሳቸውም ዓላማም ሆነ ለህዝቡ ጥቅም ሲሉ) በቅርብ ለሚከታተሉ አለም አቀፍ ግለሰቦች ቡድኖችና መንግሥትታ አስገራሚ ክስተት ሊሆን የሚችለው፡፡

• ሀያ አራት አመት የተጓዝንበት መንገድ ወደ ትክክለኛው አቅጣጫ እየወሰደን እንዳልሆነ ስለተገነዘብን  መሰረታዊ ለውጥ ማድረግ አስፈላጊ ሆኖ አግኝተነዋል ቢባል፤
• ለዘመናት አብረውን የዘለቁ ሀገራዊ ችግሮችን እየቆፈሩ  አዳዲስ ልዩነቶችን መፍጠር የዛሬ መንገዳችንንም ሆነ  የነገ ግባችንን ከማሰናከሉም በላይ ኢትዮጵያን አንደ ሀገር ለማቆየት አስጋቸሪ የሚያደርጉ በመሆናቸው በእርቅ እልባት ሰጥቶ ሀገራዊ መግባባት መፍጠር አስፈላጊ መሆኑን ተገንዝበናል ቢባል፤
• የገደለ ያስገደለ፣ የሰረቀ የተባበረ፣ በህዝብ ሀብት የከበረ፣ ከህግ በላይ ያደረ፣ወዘተ ለፍትህ ቀርቦ የህግ የበላይነትን በተግባር ለማረጋገጥ የሚያስችሉ  ርምጃዎች መታየት ቢጀመሩ፣
• የመገናኛ ብዙሀን ሰራተኞች አፋሽ አጎንባሽ መሆናቸው ቀርቶ እውነትን አነፍናፊ፣ የባለሥልጣናትን ፊት እያዩና ትንፋሽ እያዳመጡ የሚሰሩ ሳይሆን የሙያቸውን ነጻነት አክብረው ለህሊናቸው ታማኝ ሆነው መስራት የሚችሉበትን አሰራር ተግባራዊ  የማድረግ ጅምር ቢታይ፤
• ክልሎች በህገ መንግሥቱ የሰፈረው ሙሉ ነጻነታቸው ተጠብቆ ከህውኃት የሞግዚት አስተዳደር ተላቀው ራስን በራስ የማስተዳደር መብታቸውን በተግባር የሚያረጋግጥ ጅማሮ ቢታይ ፤
• አባልም ሆነ አጋር የሚባሉት በህውኃት ተፈጥረው በህውኃት የሚዘወሩት ድርጅቶች የአገልጋይነት ዘመናቸውን ፈጽመዋል ተብሎ  በራሳቸው መቆም የሚያስችላቸው እንቅስቃሴ ቢጀመር፡፡
• በድርጅት ታጥሮ በታማኝነት ተወስኖ ሀገር መምራት አንዳማይቻል የሀያ አራት አመት ልምዳችን አስተምሮናል፣ ስለሆነም ከዚህ በኋላ ሀገር መምራት በእውቀትና ሁሉን አሳታፊ በማድረግ  መሆን እንለበት ተገንዝበናል  ተብሎ ይህንኑ ገቢራዊ ማድረግ የሚያስችል ተግባራዊ ርምጃ  ቢታይ፡፡ ሌላም ሌላም ተመሳሳይ ነገር ከወያኔ ሰፈር ቢታይ ቢሰማ ትልቅ አስገራሚና ማራኪ ድንቅ ዜና ይሆናል፡፡ከዚህ ውጪ መልካም አስተዳደር የፍትህ መጓደል እያሉ ማላዘንም ሆነ  ይቅርታ እንጠይቃለን ማለት ሸብረክ ያሉ መስሎ ግዜ መግዣ የወያኔ የባህሪው  ተግባር ነውና ሊደንቀን አይገባም፡፡

ነገር ግን ወያኔ ያልፈጠረበትን በምክርም በመከራም ሊቀበለው ያልቻለውን ይህን ቅዱስ ተግባር በምን ተአምር ፈጽሞት ይህ  እውነት ሆኖ ለመስማት እንበቃለን! አይታሰብም፡፡ ወያኔዎች ይህን ለማድረግ አንደገና መፈጠር ይኖርባቸዋል፡፡ እኛስ ትናንትን እየረሳን በየግዜው የሚገጥሙንን የወያኔን የባህርይ ድርጊቶች  እንደ አዲስ  ከማየት ለመላቀቅ እና ትግሉን በምሬትና በወኔ ለማጥበቅ  እንደገና መፈጠር ይጠይቀን ይሆን?

ትናትን እየረሱ የእለት የእለቱን አዲስ እያደረጉ መጮኹ በትግሉ ላይ ትልቅ አሉታዊ ተጽእኖ ያለው ለመሆኑ አጠያያቂ አይደለም፡፡ የበደል ሸክሙ የሚከብደን፣ የጥቃቱ ምሬት የሚመረን፣አንባገነናዊ አገዛዙ የሚያንገሸግሸን ከ እስከ አሁን ያለውን ስናስታውስ ነው፡፡ የዛሬው ሲያስለቅሰን ሲያስቆጣን ብቻ ሳይሆን የትናቱም ሲቆጠቆጠን ነው፡፡  የትናንቱን እየረሳን ለዛሬው አንድ ሳምንት እየጮኸን ከዛም ሌላ አዲስ ነገር እስኪመጣ ይህን እየረሳን  እኩል መብሰል ባለመቻላችን (ጥሬ  ብስልና የአረረ) ነው ሀያ አራት አመት ሙሉ ትግል እንጂ ለውጥ ማስመዝገብ ቀርቶ አዳዲስ ጥቃቶችን ማስቀረት፤ ተጨማሪ ጥፋት እንዳይፈጸም ማስቆም ወያኔን ከደደቢት ህልሙ ስንዝር መግታት  ያልቻልነው፡፡  እውቁ የጽሁፍ ሰው አቶ ከበደ ሚካኤል ልጆች ሆነን ባነበብነው አንድ ጽሁፋቸው ፤

ያለፈው ሲረሳኝ መጪውን ሳላውቀው

እኔ መቼ ይሆን የምጠነቀቀው፤  ብለው የነበረው  ከላይ ለተገለጸው  ለእኛ እኛነት  በቂ ገላጭ አይሆንም ትላላችሁ?

The post ነገሮች አዲስ የሚሆኑት፣  በእኛ ትናንትን መርሳት – ይገረም አለሙ appeared first on Zehabesha Amharic.

The post የአዲስ አበባው ኑር መስጊድ ተቃውሞ በሳዲቅ አህመድ ዕይታ | ልዩ የቪዲዮ ትንታኔ appeared first on Zehabesha Amharic.

ታላቁና የተከበረው የኦሮሞ ህዝብ የዚህን ዙር የጭቆና ፍጻሜ ኣመጽ ባለማቋረጥ ከኣራት ወራት በላይ በማካሄድ ከሌሎች ህዝቦች ኣንዲችም ጥላቻ እንደሌለውው፣ ለተፈጥሮኣዊ መብቱና በዓለም ኣቀፍ ህግ ላለው መብቱ እየተፋለመ እንዳለ፣ ከሁለም ህዝቦች መብቶች መከበር ጥቅምና ፍላጎት ያለው መሆኑን በማያወላዳ ሁኔታ መላው ዓለም በተለይ ደግሞ የኢትዮጵያ ተጨቋኝ ህዝቦች እንዲገነዘቡ ኣድርጓል።

ሙሉውን መግለጫ ለማንበብ እዚህ ይጫኑ

The post “ዘላቂ ሰላም ለኦሮሞ ህዝብ ጥያቄ ምላሽ በመስጠት ብቻ ይገኛል” | የኦነግ መግለጫ appeared first on Zehabesha Amharic.

ስለበርናርድ (በርኒ) ሳንደርስ ብዙ ማለት ይቻላል። ጥሩ ሯጭ አትሌት ነበር። የሊብራል ሶሻሊስት ፓርቲን ከመሰረቱት እና ከመሩት ወጣት አሜሪካውያን አንዱ ነው። ከዚያም አልፎ ተርፎ በቬርሞንት ክፍለ ግዛት፣ የበርሊንግተን ከንቲባ እስከነበረበት ግዜ ድረስ ብዙ ታሪክ አለው። አሁን ደግሞ ዲሞክራት ፓርቲን በመወከል ከሂላሪ ክሊንተን ጋር ፍልሚያ ገጥሟል። ይሄን ሁሉ ነገር ወደ ጎን ትተን፤ ሰሞኑን ከቺካጎ አካባቢ ስለተገኘው አስገራሚ ፎቶ እናውጋ።
ፎቶው እንደአሜሪካ አቆጣጠር በ1963 ዓ.ም ላይ የተነሳ ነው። ይህ ፎቶ እስከቅርብ ግዜ ድረስ ለህዝብ ይፋ አልሆነም ነበር። ሰሞኑን በርኒ ሳንደርስ በወጣትነቱ በቺካጎ ዩኒቨርስቲ ተማሪ በነበረበት ወቅት ያደርግ ስለነበረው እንቅስቃሴ በሰፊው ይወራ ጀመር። በዚህም ምክንያት ጋዜጠኞች ወደ ኋላ ተመልሰው በቺካጎ ትሪቡን ላይ የታተሙ ጽሁፎችን እና ፎቶዎችን ማየት ከመሩ። በርግጥም በርኒ በዚያን ወቅት እድሜው 21 ቢሆንም ለጥቁሮች እኩልነት የቆመ አክቲቪስት መሆኑን ተረዱ። ይህን የሚያረጋግጥላቸው ፎቶ ቢፈልጉ አላገኙም። ነገር ግን በጥቁር እና ነጭ ፊልም ተነስተው፤ ፊልሙ ጠቁሮ… ያልታጠቡና ያልታተሙ ምስሎችን አገኙ።
ከድሮዎቹ ፊልሞች መካከል አንዳንዶቹ ወረቀት ላይ ሲታተሙ፤ የአሁኑ በርኒ ሳንደርስ በወጣትነቱ ዘመን ስብሰባዎችን ሲመራ፤ እንዲሁም ለጥቁሮች ነጻነት ባደረገው ትግል ምክንያት መታሰሩን የሚያሳዩ ፎቶዎች ተገኙ። በርኒ ሳንደርስ በዚያን የተማሪነት ዘመኑ፤ የዘር መድልዎን የሚቃወመው የቺካጎ ዩኒቨርስቲ ተማሪዎች ኮንግረስ መሪ በመሆን አገልግሏል። ይህን በጥቁር አሜሪካኖችን ላይ የሚደረገውን አድልዎ በግልጽ መቃወም ብቻ ሳይሆን፤ ተማሪዎችን በመቀስቀስ ሰላማዊ ተቃውሞዎችን መርቷል።
በዚያን ዘመን… በ1963 የቺካጎ የትምህርት ሃላፊ የነበረው ቤንጃሚን ዊሊስ

የጥቁሮች መብትት ተከራካሪው በርኒ ሳንደርስ በቺካጎ ፖሊሶች ተይዞ ሲወሰድ – 1963።
ቁሮች ወደ ነጮች መማሪያ እንዳያልፉ የሚከለክል የብረት አጥር ሲያሰራ፤ ብዙ ነጮች ያጨበጨቡለትን ያህል ጥቂት ነጮች ድርጊቱን ተቃውመዋል። ከነዚያ ጥቂት ነጮች መካከል የአሁኑ በርኒ ሳንደርስ አንደኛው ነበር። እናም በፊልም ማህደር ውስጥ የተቀመጡት ፊልሞች ሲታጠቡ፤ በወቅቱ ጋዜጣ ላይ ያልታተሙ የበርኒ ሳንደርስ ፎቶዎች ቁልጭ ብለው ወጡ። እነዚህ ፎቶዎች በቅርቡ ከታተሙ በኋላ በቺካጎ ዩኒቨርስቲ እና ሌሎች ተማሪዎች – ዘንድ መነቃቃት ተፈጥሯል።
ፎቶው ይፋ እንደወጣ፤ የበርኒ ሳንደርስ የምርጫ ዘመቻ ሃላፊ የሆነው ታድ ዴቪን እንዲህ ብሏል። “ፎቶውን ለበርኒ ስናሳየው፤ በትዝታ ወደ ኋላ ተመለሰ። እናም ‘አዎ በእርግጥም በፎቶው ላይ ያለሁት እኔ ነኝ’ አለን” ብሏል። በነገርዎ ላይ በርኒ ሳንደርስ በወቅቱ ጥቁሮችን በመደገፉ፤ ከታሰረ በኋላ $25 ዶላር እንዲከፍል ቅጣት ተጥሎበት፤ $25 ዶላር ከፍሎ ከቺካጎ እስር ቤት ተለቋል።
በቺካጎ… የሪፐብሊካኑ ዶናልድ ትራምፕ ዝግጅቱን ከማደረጉ በፊት፤ በተለይ የቺካጎ ዩኒቨርስቲ ተማሪዎች ተቃውሞ ለማድረግ በማህበራዊ ድረ ገጾች ሲነጋገሩ ነበር። እናም የታሰበው እና የተፈራው አልቀረም። በዶናልድ ትራምፕ ሜዳ ላይ፤ የበርኒ ሳንደርስን ፎቶ እና አርማ ይዘው “በርኒ! በርኒ! በርኒ!” እያሉ ሲጨፍሩ ተስተውለዋል። በአሁኑ ወቅት የቺካጎ ተማሪዎች “በርኒ ሳንደርስን እንደ ቼ ጉቬራ ወይም እንደ ማርቲን ሉተር ኪንግ፤ የማህበራዊ ደህንነት ትግል ያፋፋመ ጀግና ነው” እስከማለት እየደረሱ ናቸው። በቺካጎ የተቀጣጠለው እሳት ወደ አካባቢው ክፍለ ግዛቶች እየተዛመተ፤ በርኒ ሳንደርስ እየገነነ እንዲወጣ እያደረገው ነው።
በርኒ ሳንደርስ በ1960 ቺካጎ ዩኒቨርስቲ ገብቶ፤ በ1964 በፖለቲካ ሳይንስ የተመረቀ ሲሆን፤ እስካሁን ድረስ ከኪስ ቦርሳው የማይለየው ነገር ቢኖር፤ የቺካጎ ዩኒቨርስቲ የተማሪ መታወቂያው መሆኑን፤ ጋዜጠኞች በመገረም እያወሩ ናቸው። እናም ለአሜሪካ ፕሬዘዳንትነት እጩ ሆነው ከሚወዳደሩት፤ በእድሜ ሸምገል ያለው በርኒ ሳንደርስ፤ በወጣትነት ዘመኑ ታዋቂ ሯጭ አትሌት፤ የጥቁሮች መብት ተከራካሪ፤ የሶሻሊስት ፓርቲ መሪና በቬርሞንት ክፍለ ግዛት፣ የበርሊንግተን ከተማ ከንቲባ ነበር። ከሁሉም የሚገርመው ነገር ከሃምሳ አመታት በፊት፤ “ሃብታሞች የበለጠ ሃብታም፤ ደሃው ደሞ ይበልጥ እየደኸየ ነው። አብላጫው ህዝብ የኢኮኖሚ ተጠቃሚ አይደለም። ይህን መለወጥ አለብን።” የሚለውን የሶሻል ዲሞክራት አስተሳሰብ አንድም ግዜ ለውጦ አያውቅም። ይህን አቋም በመያዝ ነው – አሜሪካን ለመለወጥ እጩ ፕሬዘዳንት ሆኖ ለውድድር የቀረበው – ሴኔተር በርናርድ (በርኒ) ሳንደርስ። መልካም እድል።

The post እጩ ፕሬዘዳንት በርኒ ሳንደርስ እና ቺካጎ…! (ዳዊት ከበደ ወየሳ) appeared first on Zehabesha Amharic.

ኤጀንሲዎች ህጻናትን እየላኩ ገንዘብ በመሰብሰብ ተጠምደዋል ተብሏል
የዴንማርክ የማህበራዊ ጉዳዮችና የአገር ውስጥ ሚኒስቴር፤ በኢትዮጵያውያ የሚታየው የጉዲፈቻ አሰራር ያልተገባና ህጻናትን ወደ ውጭ አገራት በመላክ ገንዘብ መሰብሰብ ላይ ያተኮረ መሆኑ በጥናት መረጋገጡን ጠቁሞ፣ ከአሁን በኋላ ኢትዮጵያውያን ህጻናትን በጉዲፈቻ ላለመቀበል መወሰኑን አስታውቋል፡፡
“ዘ ኮፐንሃገን ፖስት” የተባለው የአገሪቱ ጋዜጣ እንደዘገበው፣ በኢትዮጵያ ያለው ህጻናትን በማደጎ ወደ ውጭ አገራት የመላክ አሰራር ዴንማርክ በአለማቀፍ የማደጎ ሂደት የምትከተለውን መርህ የማያሟላ ሆኖ በመገኘቱ ውሳኔው ሊተላለፍ ችሏል፤ ሲል ዘግቧል፡፡
በኢትዮጵያ የሚንቀሳቀሱ የጉዲፈቻ አስፈጻሚ ኤጀንሲዎች ወደ ዴንማርክ የሚልኳቸውን ህጻናት በተመለከተ የሚሰጡት መረጃ በአብዛኛው ወጥነት የሌለው ነው ያለው ዘገባው፣ ኤጀንሲዎቹ ትኩረታቸውን ያደረጉት ከውጭ አገራት ኤጀንሲዎች ገንዘብ በመሰብሰብ ላይ መሆኑንና አገራዊ መፍትሄ ከመሻት ይልቅ ህጻናቱን ወደ ውጭ አገራት በማደጎ በመላክ እንደተጠመዱ ጠቁሟል፡፡ በተጠናቀቀው የፈረንጆች አመት 2015 ብቻ በአለማቀፍ የጉዲፈቻ ቅበላ ሂደት 100 ያህል ህጻናት ወደ ዴንማርክ መግባታቸውን ያስታወሰው ዘገባው፤ ከእነዚህ ህጻናት መካከል ሰባቱ ኢትዮጵያውያን መሆናቸውን አስታውቋል፡፡

ምንጭ – አዲስ አድማስ

The post ዴንማርክ ኢትዮጵያውያን ህጻናትን በጉዲፈቻ መውሰዷን አቆመች appeared first on Zehabesha Amharic.

በኢትዮጵያ ታሪክ ላይ፣ በሐይማኖት ተቆሞች ላይ፣ በሙሑራኖች ላይ፣ በፌስ ቡክ  የሚነሳው ነገር ሲታይ በጣም የሚያሳፍር ጉዳይ ነው። ትውልዱ ወዴት እየሄደ  ነው? ጽድቅ ጠፍቶበት ኩነኔ የተጠናወተው ትውልድ ይመስል፣ እውነት ጠፍቶበት ውሸት የተጫነው ትውልድ ይመስል፣ መከባበር ጠፍቶበት ውርደትን የክብር ያህል የያዘ ትውልድ ይመስል፣ ፍቅር ጠፍቶበት ጥላቻን የእለት ተእለት መቀስቀሻ ያደረገ ትውልድ ይመስል፣ እውቀት ጠፍቶበት ስድብን እንደ  እውቀት የቆጠረ ትውልድ ይመስል፣ እራስን መግዛት ጠፍቶበት ለታይታ የሰውን ክብር የሚያዋርድ ትውልድ ይመስል፣ ነጻነትን እረስቶ ብጥብጥን መስበክ የሚፈልግ ትውልድ ይመስል፣ እኩልነት ተረስቶ እኔ የበላይ ነን ብሎ  የሌላውን  መረገጥ የሚፈልግ ትውልድ ይመስል፣ አንድነት ተረስቶ በመለያየት ላራሱ ብዙ ጠላት ማፍራትን የሚፈልግ ትውልድ ይመስል፤ የሚታዩት እና የሚሰሙት ነገሮች ቆም ተብሎ ማሰብ ካልተቻለ ከባድ ነው።ወዴት እየሄደን ነው በክፋት ተውጦ ለአደጋ እና ለስድብ የተሰማሩት ሁሉ ውስጣቸውን መልሰው መልሰው ሊያዩት ይገባል።

ፌስ ቡክን ጥቂቶች የኢትዮጵያ  ታሪክን፣ ሐይማኖትን፣ ሙሑራንን፣ ዘርን፣ አገርን፤ በመስደብ እና በማጥላላት ስራ ላይ የተሰማሩ ሰዎች በራሳቸው ስምና በራሳቸው ስም ባልሆነ  በመግባት ጥላቻን እና ስህተትን እያስተላለፉ ህዝብን ከህዝብ፣ ሐይማኖትን ከሐይማኖት፣ ዘርን ከዘር፣ ለማጋጨት የሚተጉ ርካሽ የፖለቲካ ትርፍ ለማግኘት ወይንም ሌላ ህዝብን ሊያጠፋፋ የሚያስችል እንቅስቃሴ በድብቅ ተልኮአቸውን ለማሳካት ህዝብ ውስጥ በመደበቅ ለጥፋት የሚተጉ ናቸው።

ሙሑራኑ፡- ፖለቲካዊም ሆነም ኢኮኖሚያዊ ትንታኔዎችን በመተንተን ጥቅማቸውንና  ጉዳታቸው፣ አመጣጣቸውንና አካሄዳቸውን፣ መነሻቸውንና መድረሻቸውን፤ ባጠቃላይ ጠቃሚ ትምህርቶችን በመግለጽ በንግግር መልክ ሊሆን ይችላል በጽሁፍ መልክ ሊሆን ይችላል በመጻህፍም መልክ ሊሆን ይችላል ሙሑራኑ እውቀታቸውን ሲያካፍሉ በአስታያየት መስጫ ላይ የሚሰጠው ትችት ልብን ያሳምማል ምክንያቱም ሙሑራኖችን የማያከብር ተሳዳቢ ትውልድ በመኖሩ ቢያሳፍርም ተሳዳቢዎች አገሪቷ እንድታፈራ  ብዙ ተሰርቶበታል። እነዚህ ተሳዳቢዎች በስድባቸው ሙሑራኑን ለማሸማቀቅ መሞከራቸው ቢያሳፍርም ነገር ግን እውቀት የሌለው ሰውና አእምሮው በትምህርት ያልበሰለ ሰው መሳሪያው ስድብ ነው። ስድብ ከደካሞች ጓዳ የሚወጣ  እንጂ ከሙሑራኑ አእምሮ  የሚፈልቅ አይደለምና። ሙሑራኑ ትውልድን ያንጻሉ ተሳዳቢዎች ደግሞ  ትውልድን ያጠፋሉ። ስለዚህ እነዚህ ተሳዳቢዎችን ሊታረሙ ይገባል። ሙሑራኖቹ ባቀረቡት ሃሳብ ሁሉም መስማማት አለበት አልያም ትክክል ናቸው ማለቴ አይደለም ነገር ግን መተቸትም አልያም የተለየ ሃሳቡን በተብራራ መልኩ ጽፎ ማቅረብ መልካም ነው። ይሄ ትክክለኛ እና ጠነኛ አካሄር ነው። መሳደብ እና ማንቋሸሽ የደካሞች አስተሳሰብ ነውና  ከስድብ እንታቀብ።

እየታገሉ ስላሉት ኢትዮጵያዊያን የሚደረግ ነቀፋ፡-

በኦሮሚያ እና በጎንደር ከፍተኛ የሆነ የህዝብ የነጻነት እንቅስቃሴ እየተደረገ  ነው። ይህ የህዝብ እንቅስቃሴ በየትኛውም መስፈርት ትክክለኛ ነው። ጥያቄው  የነጻነት ጥያቄ  ነው። ጥያቄው የመብት ጥያቄ  ነው። መብቱን የሚጠይቅ ማንኛውም ህብረተሰብ ደግሞ  ልክ አይደለህም ሊባል አይችልም። ለኔ  እነዚህ ኢትዮጵያዊያን የነጻነት ታጋዮች ጀግናዎቼ ናቸው። ምክንያቱም መብታቸውን ለማስከበር ወደ ትግል የገቡ የነጻነት ወይንም የመብት አስከባሪ ታጋዮች ናቸውና። ስለ  መብቱ እና  ስለ  ነጻነቱ ሊጠይቅ በወጣው ህዝብ ላይ ህጻናት፣ እርጉዝ ሴት፣ ወጣት፣ሽማግሌ፣ ተማሪ፣ ገበሬ፣ ሰራተኛ ሳይሉ በጥይት ሲጨፈጨፉ ማየት የሚያም ነገር ነው። ጨፍጫፊዎቹ ለፍርድ የሚቀርቡበት ጊዜ ቅርብ ነው። ውሳኔ ሰጪዎችም ፍርዳቸውን እንደሚቀበሉ እሙን ነው። ለነጻነታቸው እና ለመብታቸው ሲታገሉ የተሰውቱም በክብር ስማቸው እንደሚመዘገብ እሙን ነው። በዚህ የመብትና የነጻነት ትግል ታጋዮችን በማጥላላት የሚወሰደው እርምጃ  ትክክል ነው ብለው የሚናገሩ የኢትዮጵያ ህዝብ ነጻነቱን ባገኘ ሰዓት ልንሰማችሁ ዝግጁ ነን።  ያኔ  የሃሰት ምስክር አቁማችህ ንጹሃን ላይ ስታስፈርዱ እናያችኋለን። ያኔ ስልጣን የኛ ሃብቱ የኛ ጉልበቱ የኛ ሰላሙም ለኛ ስትሉ እንሰማችኋለን። ያሰንብተን። ህዝባችን አደባባይ ያወጣው የሰላም እጦት ነውና  ሰላሙን በእጁ እስካላስገባ  ድረስ አይመለስም።

በሐይማኖት ተቋም ላይ የሚሰጡ ነቀፋ፡-

ማንም የማንንም ሐይማኖት ተነስቶ  መስደብ ማጥላላት አይችልም። የትኛውም የእምነት ተከታይ እራሱን ችሎ መናገር ይችላል። ስለ  እራሱ ቤተ  እምነት መመስከር ይችላል። የኔ ቤተ  እምነት ትክክል ነው። የኔ ቤተ  እምነት ብቻ  ነው በትክክለኛው እግዚአብሔርን የሚያመልከው። የኔ  ቤተ  እምነት ብቻ  ነው መንግስተ ሰማያት የሚያደርሰው ከዚህ ቤተ  እምነት ውጪ መንግስተ ሰማያት መግባት አይችልም ብሎ  ስለ  እምነቱ መመስከር ይችላል። ነገር ግን የማያምንበትን ቤተ  እምነት መጽሐፉን እየጠቀሰ  ስለዛ  ቤተ እምነት ስህተት ነው ብሎ  መናገርም አልያም ማንቋሸሽ እና ማጥላላት ግን በህግ ያስጠይቃል። ስለዚህ ማንኛውም ቤተ  እምነት እራሳቸውን ችለው ስለራሳቸው ቤተ  እምነት ብቻ  ጠቅሰው ከራሳቸው መጽሐፍ ብቻ እየጠቀሱ ማስተማር ተገቢ ነው። አጠቃላይ ግልጽ ውይይት እና  ክርክር ከሆነ የቤተ  እምነቶቹ መምህራን ሊከራከሩበት ይችላሉ። ግልጽ ሆኖ  ለመጣ ግልጽ የሆነ ምላሾችን ማግኘት ስለሚቻል። ካለበለዛ  ግን በፌስ ቡክ መስኮት እየመጡ የራሳቸው ባልሆነ መጽሐፍ እየጠቀሱ የራሳቸው እምነት ባልሆነ  እየተናገሩ ሰውን ወደ ብጥብጥ እና ጥላቻ  የምትመሩ አካሎች ሊያስጠይቃችሁ እንደሚችል አውቃችሁ ከድርጊታችሁ እንድትቆጠቡ ያስፈልጋል።

ኢትዮጵያዊነታቸውን እና  ባህላቸውን ለረሱ እህቶች፡-

ሦስተኛ  የአለም ጦርነት በፌስ ቡክ መነሳት ቢችል ኖሮ የኛዎቹ ሴቶች አስነስተውታል። ሰው ነውሩን በአደባባይ እንደ  ክብር ሲገልጥ እንደማየት አሳፋሪ እና አዋራጅ ነገር የለም። ጥሩ መልእክት እና  አስተማሪ እንዲሁም መካሪ እና ጠቋሚ ሃሳቦችን በማንሳት ሰዎች የሚመከሩትን አይመለከትም። እኔም አይቅርብኝ አይነት ስሜት እራሳቸውን ለስድብ አጋልጠው የሚሰጡ ይገርሙኛል። ሰው እንዴት ሲሰደብ ደስ ይለዋል እራስን ማዝናናት ለአይን የማይመች ለጆሮ የሚቀፍ ነገሮችን በመልቀቅ ሆነ  እንዴ? በነውራቸው መዝናናት ደስ የሚላቸው ከሆነ በዚህ ለሚዝናኑ ጓደኞቻቸው ውስጥ ለውስጥ በመላላክ ደስታቸውን መግለጽ ለምን አቃታቸው? በአደባባይ  እራሳቸውን ማሳነስ ለምን አስፈለጋቸው? ይሄንን የሚያዩ፡- ሽማግሌዎች እርግማንን፣ አስተዋይ ሙሕራኑ ትውልዱ ወዴት እየሄደ  ነው እያሉ ሃዘኔታን፣ ቁም ነገረኛው ወጣቱ ምክርን የባሰበት ስድብን ያስተላልፋሉ። የኢትዮጵያን ህብረተሰብ በማሳዘን መዝናናት ካለ  ጠነኛ አመለካከት አይመስለኝም። እናም እህቶቼ እራሳችሁን አታርክሱ የራስ ፈጠራ ጽሁፎች ባይሆኑም የሰውን ስራ ቢሆንም ሌሎች እንዲማሩበት የጽሁፉን ምንጭ በመጥቀስ ማቅረቡ ብልህነት ነው። እናም እራሳችሁን ከመጥፎ  ተግባር ወደ መልካም ስነ ምግባርነት ትለውጡ ዘንድ በአጭር ጽሁፌ ለረጅሙ ህይወታችሁ ማማር እመክራለው።

ሳጠቃልለው ሙሑራንን በመስደብ ሙሑር መሆን አይቻልም። ሐይማኖቶችን በማጥላላት ጻድቅ መሆን አይቻልም። የነጻነት ታጋዮችን በማፈን የነጻነት ትግልን ማስቆም አይቻልም። እራስን በማዋረድ ክብር አይገኝም። ስለዚህ ሁሉም ጣቶቻቸውን ወደ ሰው በመቀሰር እነሱ እያሉ ጥፋቶችን በመደርደር እራሳቸውን እንደ ትክክለኛ የሚቆጥሩ አካሎች መቼም ትክክል ሊሆኑ አይችሉም። መስማት የምንፈልገውን ብቻ መስማት የምንፈልግ ከሆነ እኛ ውስጥ ሁሌም ችግር እንጂ ሰላም የለም። እራሱን ብቻ  የሚያዳምጥ የሌላውን ስሜት አይጠብቅምና።

እውነትን ፈልጓት የነጻነቶች ሁሉ መሰረት ናትና። የያዝነውን እውነት እስከሆነ ድረስ ተከታይ ባይኖርህም የተከታይ ብዛት የያዝከውን እውነት አያስጥልህ። እውነት በተከታይ ብዛት ሳይሆን በእውነትነቷ ብቻ ስለምትታወቅ  የገባው ይከተላታል የተከተላትም ሰላምንና እረፍትን ያገኝባታል። እውነት እረፍት ናት ያዛት አሸናፊም ትሆናለህ።

ከተማ ዋቅጅራ

11.03.2016

Email- waqjirak@yahoo.com

The post የፌስ ቡክ አብዮት – ከተማ ዋቅጅራ – ከተማ ዋቅጅራ appeared first on Zehabesha Amharic.

The post ኦሮምያና “ልማታዊ ሙስናዎቿ” appeared first on Zehabesha Amharic.

(ዘ-ሐበሻ) በሃገረ እንግሊዝ ሊድስ ከተማ ውስጥ የኢህአዴግ ኤምባሲ የጠራው ስብሰባ ሳይጀመር በተቃውሞ መጨናገፉ ተሰማ:: በቭዲዮ ታግዞ ከ እንግሊዝ የተላከው መረጃ እንደሚያሳየው በስብሰባው ላይ ሕዝቡ ተቃውሞን በኢህ አዴግ ሰዎች ላይ ሲያሰማ ነበር:: በተፈጠረው ሁከትም በልማት ስም የተጠራው ስብሰባ ተጨናግፏል:: ቭዲዮውን ይመልከቱ::

The post ኢትዮጵያውያን በሊድስ (እንግሊዝ) የኢሕአዴግ ኤምባሲ የጠራውን ስብሰባ ሳይጀመር አጨናገፉ | Video appeared first on Zehabesha Amharic.

የሰላማዊ ሰልፍ ጥሪ በዋሽንግተን ዲሲ እና አካባቢው ለምትገኙ ኢትዮጵያውያን እና የኢትዮጵያውያን ወዳጆች

The post የሰላማዊ ሰልፍ ጥሪ በዋሽንግተን ዲሲ እና አካባቢው ለምትገኙ ኢትዮጵያውያን እና የኢትዮጵያውያን ወዳጆች appeared first on Zehabesha Amharic.

የካቲት 29, 2008 ዓ/ም MARCH 8, 2016
ለተከበሩ አቶ ግርማ ብሩ
በዩናይትድ ስቴትስ አሜሪካ የኢትዮጵያ አምባሳደር ዋሺንግቶን ዲ.ሲ.

ጉዳዩ፦ የወልቃይት ጠገዴ ሕዝብ የማንነት ጥያቄ፤

እኛ በሰሜን አሜሪካ የምንገኝ ኢትዮጵያውያንና ትውልደ-ኢትዮጵያ አሜሪካውያን የወልቃይት ጠገዴ ተወላጆች፤ በወልቃይት ጠገዴ ሰቲት-ሁመራ እየደረሰ ያለውን የሰብአዊ መብት ረገጣ፣ አፈና፣ ጭቆና፣ ማፈናቀልና ብሎም የዘር ማጥፋት ወንጀሎች በመቃወም ድምጻችንን ለማሰማት ሲሆን ይህንን የተቃውሞ ድምጻችንና የወልቃይት ጠገዴ የማንነት ጥያቄ በኢምባሲው በኩል ለኢትዮጵያ መንግስት እንዲያቀርቡልን የቀረበ አቤቱታ ነው።

እኛ የዚሁ አካባቢ ተወላጆች ከ 1970 ዎቹ ጀምሮ ሕወሃት (TPLF) ተከዜን በመሻገር ባደረሰብን ጥቃትና ወረራ ተፈናቅለን እስከአሁን ድረሰ በስደት ዓለም እንገኛለን። የወልቃይት ጠገዴ፣ ሰቲት-ሁመራ ሕዘብ ለጎንደር ብሎም ለአማራው ሕዝብ ታሪክና ቅርስ ቀዳሚ ባለቤት ከሆኑት ማኅበረሰቦች አንዱ ነው። ከጥንት ሲወርድ ሲዋረድ ከመጣው ታሪካችን ወልቃይት ጠገዴ ሰቲት- ሁመራ የጎንደር ክ/ሃገር አካል እንጅ የትግራይ አካል ሆኖ አያውቅም።

ከተፈጥሮና ከታሪክ አካልችን ከጎንደር ክ/ሃገር በመለየት ተፈጥሮአዊውን የተከዜን ወንዝ ድንበር በመጣስ የተደረገው አከላለል ሕገ- መንግስቱን የጣሰ ተከባብሮና ተፋቅሮ በኖረው የትግራይና የጎንደር ሕዝብ አንድነት ላይ ያነጣጠረ ኢ-ሰብአዊ የሆነ የተስፋፊነት ወረራ ነው። የወልቃይት ጠገዴ ሕዘብ ቋንቋው አማርኛ ባህሉ አማርኛ የዘር ሀረጉም አማራ ነው። ከትግራይ ሕዝብ ጋር የሚያስተሳስረን ቢኖር ኢትዮጵያዊነታችንና አጎራባች ደንበርተኛ እንደመሆናችን መጠን የትግርኛ ቋንቋ መናገራችን ብቻ ነው።

ከ 1950 – 1970 ዎቹ ዓ/ም የሰቲት-ሁመራ የእርሻ ልማት በዚያን ጊዜ የነበሩ ደጋግ አባቶቻችን ኤርትራውያንና የትግራይ ወገኖቻችን ተጠቃሚ እንዲሆኑ በማለት የተቋቋመው ማህበር ላይ “የወልቃይት ጠገዴ ሰቲት-ሁመራ ሁለገብ” በማለት ሁሉም ተጠቃሚ እንደነበር የቅርብ ጊዜ ትዝታችን ነው። በጣም የሚያሳዝነው በስደት አለም የምንኖር የክልሉ ተወላጆች በአገራችን ዲሞክራሲ፣ ሰላምና እኩልነት አለ ብለን በተወለድንበት አካባቢ የአያት ቅድመ-አያት ርስታችን ለማልማት የርሻ መሬት እንዲሰጠን ብንጠይቅ የተሰጠን መልስ “ደማችን አፍስሰን አጥንታችን ከስክሰን የያዝነው መሬት ልትጠቀሙበት አትችሉም፤ እንዲያውም ነቅለን የጣልነው እሾህ ተመልሶ ማየት አንሻም” የሚል ነው። “የዓባይን ልጅ ውሃ ጠማው” እንዲሉ ይህን መልስ ያገኙ ከውጭ የሄዱና ሌሎች ወጣት ገበሬዎች በአሁኑ ወቅት በጋምቤላ፣ በቤንሻንጉልና ሌሎች ክልልሎች ተበታትነው ይገኛሉ።

በዚህ ባልፈው የካቲት ወር የትግራይ ክልል አስተዳደር ፕሬዝዳንትና በየእርከኑ የሚገኙ ባለስልጣኖች የወልቃይት ጠገዴ ሕዝብ የማንነት ጥያቄን አንግበው ሰላማዊ መፍትሄ እንዲገኝለት በማስተባበር በሚገኙ ወንድሞቻችንና እህቶቻችን እንዲሁም በወልቃይት ጠገዴ ሕዝብ ላይ እየተደረገ ያለው ዛቻ፣ ማስፈራራት፣ ጠብ-አጫሪነትና ፕሮፓጋንዳ በእጅጉ አሳዝኖናል። ሰላምን አንግቦ ሕጋዊ በሆነ መንገድ የሕዝብ ጥያቄ ምላሽ እንዲያገኝ ጥረት የሚያደርግን አካል ማስፈራራትና መዛት ኃልፊነት የጎደለው አስተዳደር መሆኑን ከማሳየቱም በላይ የአስተዳደሩ የማን አለብኝነት ትምከህተኝነቱን ቁልጭ አድርጎ አሳይቶናል። ይህ ዓይነት ድርጊት በአስቸኳይ እንዲቆምና ጉዳዩ ብክብ ጠረጴዛ ዙሪያ መፍትሄ እንዲገኝለት እናሳስባለን።
ይህን ግፍና በደል አስመልክቶ የጎንደር ሕዝብ ሆነ የወልቃይት ጠገዴ በተለያዩ ወቅትና ጊዚያት ክ 25 ዓመት በላይ ሕጋዊ በመሆን ከማመልከት አልተቆጠበም፤ ለማስረጃ ያህልም የሚከተሉት ሰነዶችና የአከባቢው ሕዝብ ፊርማ ዝርዝር አያይዘን አቅርበናል።

ስለሆነም በቅርቡ በወልቃይት ጠገዴ ሰቲት-ሁመራ ሕዝብ የአማራ ብሄረተኝነት ማንነት ጥያቄ መፍትሄ አፈላላጊ ኮሚቴ አቋቁመው ጥያቄውም ለኢትዮጵያ ፌደረሽን መንግስት አቅርበው ሕጋዊና ሰላማዊ እንቅስቃሴ እያደርጉ ይገኛሉ። እኛም በሰሜን አሜሪካ የምንገኝ የአካባቢው ተወላጆች ጥያቄአቸውን ስለምንጋራ፤ ድምጻቸው ድምጻችን፣ ብሶታቸውም ብሶታችን በመሆኑ እንዲሁም እየከረረ እየሄደ ያለው የትግራይ አስተዳደር ዛቻና ወከባ በጅጉ ስላሳሰበን የተከበረው የኢትዮጵያ ኢምባሲ ጉዳዩን በጥሞና ተመልክቶ ጥያቄአችንን ለኢትዮጵያ መንግስት እንዲያቀርብልንና አስቸኳይ መልስ እንድናገኝ ጥረት ያደርግልን ዘንድ ከአክብሮት ጋር በትህትና እንጠይቃለን።

ግልባጭ ለሚከተሉት የኢትዮጵያ መንግስታዊና መንግስታዊ ያልሆኑ አካላት እንዲሁም መገናኛ ብዙሃን ቀርቧል፦ ለሰብዓዊ መብት ጉባኤ
ለሚንስትሮች ም/ቤት
ለኢ.ፌዲ.ሪ ፖሊስ ኮሚሽን
ለፍትህ ሚንስቴር
ለኢ.ሕ.አ.ዴ.ግ ጽ/ቤት
ለሕዝብ ዕንባ ጠባቂ ኮሚሽን
ለፌደራል እና አርብቶ አደር ልማት ሚ/ር ለኦ.ህ.ዴ.ድ ጽ/ቤት
ለብ.አ.ዴ.ን ጽ/ቤት
ለሕ.ወ.ሃ.ት. ጽ/ቤት
ለአሜሪካ ድምፅ ራዲዮ (VOA)

በሰሜን አሜሪካ የምንገኝ የወልቃይት ጠገዴ ሰቲት-ሁመራ ተወላጆች አስተባባሪ ኮሚቴ


The post በሰሜን አሜሪካ የምንገኝ የወልቃይት ጠገዴ ሰቲት-ሁመራ ተወላጆች አስተባባሪ ኮሚቴ ለአምባሳደር ግርማ ብሩ የፃፈው ደብዳቤ appeared first on Zehabesha Amharic.

ለጥያቄዎ መልስ በተሰኘው የትላንቱ ዝግጅታችን በኢትዮጵያ ወቅታዊ ጉዳዮች ላይ ከአድማጮች ለተነሱ ጥያቄዎች ምሑራን መልስ ሰጥተውበታል። “ኢትዮጵያ የኢኮኖሚ ዕድገት እያስመዘገበች መኾኑ እየተነገረ እንዴት ረሃብ ይከሰታል?” ለሚለው ጥያቄ በአዲስ አበባ ዩኒቨርሲቲ የሕግ ፕሮፌሰር ዶክተር መሐሪ ረዳኢ መልስ ሲሰጡ ነበር ፕሮግራማችን ያበቃው፤ ዛሬ ከቆመበት ይቀጥላሉ።

በዚህ ውይይት የአዲስ አበባ ዩኒቨርሲቲ የሕግ ፕሮፌሰር ዶክተር መሐሪ ረዳኢ፣ አንትሮፓሎጂ ፕሮፌሰር ዶክተር ዶክተር ገብሬ ይንቲሶ እንዲሁም በአዲስ አበባ ዩኒቨርሲቲ የፓለቲካ ሳይንስ ፕሮፌሰር ዶክተር ካሳሁን ብርሃኑ ናቸዉ፡፡ በምግብ እጥረቱ ጉዳይ የሚጀምረው ሰፊ ዝግጅት በኢትዮጵያ በወልቃይት የተነሳውን የማንነት ጥያቄም ያካትታል፡፡

የጥያቄዎ መልስ አዘጋጅና አቅራቢ ትዝታ በላቸው ናት።

ዝግጅቱን ከተያያዘው ድምጽ ያድምጡ፡፡

The post ለጥያቄዎ መልስ፡ በኢትዮጵያ ወቅታዊ ጉዳዮች ላይ ምሑራን ትንታኔ ይሰጣሉ appeared first on Zehabesha Amharic.

ከዩኒቨርሲቲው ማህበረሰብ

Boycott Wolaita Sodo University!!! በወላይታ ሶዶ ዩኒቨርሲቲ የመብት ጥሰት ተባብሶ ቀጥሏል…

በወላይታ ሶዶ ዩኒቨርሲቲ ከቅርብ ጊዜ ጀምሮ የኪራይ ሰብሳቢነት ተገባር፣ የመልካም አስተዳደር እጦት እና የመብቶች ጥሰት (የግልና የቡድን) ተባብሶ በመቀመሉ በአገር ውስጥ እና ከአገር ውጭ የምትገኙ የከፍተኛ ትምህርት ተቋማት እና ምሁራን በዩኒቨርሲቲው መምህራንና ሰራተኞች ላይ የሚፈጸመውን አፈና እና ጥቃት በአጠቃላይ የሰብዓዊና ዲሞክራሲያዊ መብቶች ጥሰት እስኪቆም ድረስ ማንኛውንም ከዩኒቨርሲቲው ጋር ያላችሁንና የሚኖራችሁን የሥራ ግንኙነት እንድታቋርጡ የዩኒቨርሲቲው ማህበረሰብ በትህትና ይጠይቃል::
ሁሉም ኢትዮጵያዊ ይህንን መልክት በአገር ውስጥና በውጭ አገር ለሚገኙ የከፍተኛ ትምህርት ተቋማት እና ለሌሎች ድርጅቶች በማጋራት እና በማሰራጨት የዜግነት ግዴታችሁን እንድትወጡ እንጠይቃለን::

በወላይታ ሶዶ ዩኒቨርሲቲ ለመልካም አስተዳደር እጦት፣ ለኪራይ ሰብሳቢነት እና ለመብቶች ጥሰት ምክንያት የሆኑ ግለሰቦች እና ቡድኖች ሥም ዝርዝር፤
1. አቶ ሀይለብርሃን ዜና
2. ደ/ር ሰንበቴ ቶማ
3. ደ/ር ብርሃኑ ኩማ
4. ደ/ር ሚልኪያስ ባሳ
5. ደ/ር ካሳ ዳካ
6. አቶ ተፈሪ ለቢሶ
7. አቶ አለማየሁ አሰሌ
8. አቶ መንግስቱ ጋልቾ
9. አቶ አበሻ ሺርቆ
10. አቶ ቅዱስ መስቀሌ
11. አቶ ታፋኖ ኡኬ
12. አቶ ወልደማሪያም ልሳኒ
13. አቶ ውብዓለም ግርማ
14. አቶ መስፍን ሸኖ
15. አቶ ደነቀ ዳና
16. አቶ ታደለ ዳና

ወገንለወገን ይድረስ… ፈጣሪ ኢትዮጵያን ከመጣባት መቅሰፍት ይጠብቃት አሜን!!!

The post በወላይታ ሶዶ ዩኒቨርሲቲ የመብት ጥሰት ተባብሶ ቀጥሏል appeared first on Zehabesha Amharic.

መጋቢት 3 ቀን 2008 ዓ.ም.

· የወያኔ ቡድን መሪዎች ለስልጣናቸው ናቸው ብለው የሚጠረጥሯቸውን በሙሉ መግደል ማሰርና ማግለል የዘወትር ተግባራቸው ሲሆን በራሳቸው የጦር ኃይል ውስጥም ጦሩን ያሳምጻሉ ተብለው የጠረጠሩትን ሁሉ ከስብሰባና ከግምገማ አዳራሽ እየወሰዱ መዳረሻቸውን እየጠፉ መሆኑን ከወያኔ መከላከያ ምንጮች የተገኘው መረጃ ያመለከታል። በዚህ መሠረት በወያኔ ሰሜን ዕዝ ውስጥ የከፍተኛ መኮንኖች ግምገማ ላይ ያነሱት ሃሳብ አመጽ ቀስቃሽ ነው፤ አፍራሽ ነው ብሄራቸው ተጠርጣሪ ነው በሚል ሶስት ሌ/ሎኔል ሁለት የ3ሻለቃ ማዕረግ ያላቸው መኮንኖች በወያኔ ወታደራዊ ደህንነት ተይዘው ከተወሰዱ በኋላ መድረሻቿው መጥፋቱ ታውቋል። ይህ በሰሜን ዕዝ የተፈጸመው ሁኔታ መረጃዎችና ወታደራዊ አዛዦችችን የበለጠ ስጋት ላይ ጥላችቸው። ተይዘው መዳረሻችው የጠፋ መኮንኖች ማንነትና ብሔራቸው ለጊዜው ያልታወቀ ሲሆን በርካታ የጦር አባላት ግን ሁኔታውን በቅርብ አየተከታተሉት መሆኑ ተገልጿል።

· የወያኔው ጠቅላይ ሚኒስትር ተብየው ኃይለለማሪያም ደሳለኝ ለወያኔው ፓርላማ ባደረገው ንግግር የአዲስ አበባን ማስተር ፕላን በመቃወም የተሰቀሰው ህዝባዊ ተቃውሞና ቁጣ ከመልካም አስተዳደር የመጣ ችግር ነው በማለት በማለት ጥፋቱን አምኖ በእንቅስቃሴው የተገደሉትን ወገኖች ይቅርታን ይጠይቅ እንጅ ተቃውሞው ጸረ ሰላም ኃይሎች ያዘጋጁት ነው በማለት የተናገረ ከመሆኑም በላይ ለሞቱ ወገኖች ካሳ ለመክፈል እንዲሁም ገዳዮችን ፍርድ ቤት ለማቅረብ መዘጋጀቱን የሚገልጽ ቃል አለመተንፈሱ የጠቅላይ ሚኒስትር ተብየው የፓርላማ ንግግር ከተራ ፕሮፓጋንዳ ያለፉ አልሆነም ተብሏል። ተቃውሞ አሰምታችኋል፤ ቁጭታችሁን አደባባይ ገልጻችኋል ተብለው በሺህ የሚቆጠሩ ዜጎች በእስር እየማቀቁማና እየተሰቃዩ ስለ እነርሱ አንዳች ነገር ሳይተነፍስ የመልካም አስተዳደር ጉድለትና ስራ አጥነት የፈጠረው ተቃውሞ ነው ማለት ብቻ ምንም ማለት እንድልሆነ የፖለቲካ ታዛቢዎች ይናገራሉ። ወያኔ የችግሩ እናት መሆኑን ካመነ ችግሩን ተከትሎ ለመጡት ችግሮች ሙሉ ኃላፊነት መወሰድና ማስታካከል ይገባዋል በማለት አስተያየታቸውን አክለው ይገልጻሉ።

· የወያኔ አገዛዝ በኢትዮጵያዋን ሙስሊሞች ላይ ያወጀውን ጦርነት በመቃወም በኢትዮጵያ ላይ ያለውን ጭቆዎና እንዲያበቃ የድምጻችን ይሰማ በማለት በመረጡት ጊዜና ቦታ ተቃውሟቸውን ሲያሰሙ የቆዩት የሙስሊሙ ህብረተሰብ አርብ መጋቢት 2 ቀን 2008 ዓም በአዲስ አበባ በቢር ኑር መስጊድ ታላቅ ተቃውሞ ማድረጋቸው ታውቋል። የወያኔ ፖሊሶችንና የደህንነት ኃይሎችን በማዘናጋት የተደረገው ተቃውሞ የወያኔ ፖሊሶችን ያስደነገጠ እንድነበር ታውቋል። በዕለቱ ሕዝበ ሙስሊሙ ከያዛቸው መፈክሮች ውስጥ የተቀበረች ፍትህ ቀባሪዋን ትቀብራለች የታሰሩት ይፈቱ ብሔራዊ ጭቆና ያብቃ መብታችን ይከበራል የሚል ይገኙበታል። ሕዝበ ሙስሊሙ የተቃውሞ ድምጹን በስለማዊ መንገድ እንዳያሰማ የወያኔ ደህንነትና የፖሊስ ኃይሎች አባላት ጥበቃ ያድርጉ እንደነረ ታውቋል። ኢትዮጵያውያን ሙስሊሞች ከሳምንታታት በፊት በታላቁ አንዋር መስጊድ ባለፈው ሳምንት በቢኒ መስጊድ ሰላማዊ የሆነ ተቃዋሞ ማድረጋቸው ይታወሳል። \

· ከሁለት መቶ በላይ ኢትዮጵያውያን ሲገደሉ በሺህ የሚቆጠሩ ሲታስሩ በመቶዎች የሚቆጠሩ ሲደበደቡ ድምጻቸውን ያላሰሙ የሃይማኖት እንዲሁም ገዳዮችን አሳሪዎችንንና ደብዳበዎችን ሳያወግዙ የቆዩ የሃይማኖት አባት ተብዮዎች በሻሽመኔ ከተማ ባካሄዱት ስብሰባ በሕዝብ ተቃውሞና ቁጣ ለጠፋው ንብረትና ለተቃጠለው ሀብት በእጅጉ አዝነናል ማለታቸው ትዝብት ላይ የጣላቸው ሲሆን የዘረኛውና የአምባገነኑ አገዛዙ ሌላ መሳሪያ መሆናቸውን በግልጽ ለሕህዝብ አስይተል። በስብሰባው ላይ የኢትዮጵያ ኦርቶዶድክስ ቤተክርስቲያን ፓትርያርክ የካቶሊክና የፕሮቴስታንት ሃይማኖት መሪዎች የተገኙ ሲሆን በወያኔ አገዛዝ የሚጨቆነው ሕዝብ ከተቃውሞና ከቁጣ ተቆጥቦ በልማት ስራ ላይ እንዲትተጋ ትምህርት ለምስጠት ቃል ገብቷል። የሃይማኖት መሪዎቹ ሕዝብን በግብረ ገብነት አንጸው ፈሪሃ እግዚእብሔር እንዲኖረው እንዲሁም ለመክራውና ለስቃዩም ድምጽ በመሆን ለተገፋትና ለተጨቆኑ አቤት ባይ መሆን ሲገባቸው ከገዳይና ከአሳሪ ጎን መቆማቸው የወያኔ ጉዳይ ፈጻሚ ካድሬ እንጅ የህዝብ እረኛና ጠባቂ አለመሆናቸውን በግልጽ አሳይተዋል ተብሏል።

· ከሁለት ዓመት በፊት ከኩዋላ ላምፑር ወደ ፔኪንግ ሲጓዝ በረራ ላይ እያለ መዳረሻው ጠፍቶ የቀረውና በበረራው ቁጥር MH370 እየተባለ የሚጠራው የማሊዢያ አውሮፕላን ስብርባሪ አካል ነው ተብሎ የሚጠረጠር የብረት ቁራጭ በሞዛምቢክ ወደብ የተገኘ መሆኑ ሲገለጽ በቅርቡ ለምርመራ ወደ አውስትራሊያ ይላካል ተብሏል። ይህንን አንድ ሜትር ርዝማኔ ያለውን የብረት ቁራጭ ያገኘው ባለፈው ታኅሳሥ ወር የእረፍት ጊዜውን በሞዛምቢክ የወደብ መናፈሻ ሲዝናና የነበረው የደቡብ አፍሪካ ወጣት ሲሆን ብረቱን ወደ ቤቱ ይዞ ከመጣ በኋላ ለባለስልጣኖች ያስረከበ መሆኑን ገልጿል። የደቡብ አፍሪካ የትራንስፖርት ጉዳይ ባለስልጣኖችም ዕቃውን መረከባቸውን ገልጸው እቃው ሰለጠፋው አውሮፕላን ጉዳይ ኃላፊነት ወደተሰጠው አገር ወደ አውስትራሊያ የሚላክ መሆኑን ገልጸዋል። በካምቤራ የሚገኘው የአውስትራሊያ የትራንስፖርት ሚኒስትርም ሁኔታውን አረጋግጦ ከማሌዢያና ከደቡብ አፍሪካ ባለስልጣኖች ጋር እየመከረ መሆኑን አሳውቋል። በበረራው ቁጥር MH370 የሚታወቀው የማሊዢያ አውሮፕላን 239 መንገደኞችን አሳፍሮ ከኩውላ ላምፑር ወደ ፔኪንግ ሲጓዝ በበረራ ላይ እንዳለ ተሰውሮ መጥፋቱ ይታወሳል። ከአየር ላይ ወርዶ ባህር ውስጥ ሰጥሟል የሚል ግምት ቢሰጥም እስካሁን ድረስ የወደቀበት ቦታም ሆነ የአውሮፕላኑ አብዛኛው ክፍል ያልተገኘ መሆኑ ተነግሯል። ባለፈው ሐምሌ ሪዩኒየን በምትባልና በህንድ ውቅያኖስ ላይ በምትገኝ ደሴት አንድ ለመዝናናት የመጣ የፈረንሳይ ዜጋ የአውሮፕላኑ ክንፍ አካል የሆነ ስብርባሪ ክፍያ ማግኘቱና በምርመራም የአውሮፕላኑ አካል ሆኖ መረጋገጡ አይዘነጋም።

· የአልጄሪያ የጸጥታ ኃይሎች ሐሙስ ዕለት ጉማር በምትባለው በአልጀርያና በቱኒዚያ ወሰን አቅራቢያ በምትገኘው ከተማ ባካሄዱት አሰሳ ሶስት አሸባሪዎችን ገድለው ሶስት ስቲንገር የተባለ የጸረ አውሮፕላን ሚሳየል መተኮሻ መሳሪያ ያገኙ መሆናቸውን ባለስልጣኖች ገልጸዋል። ከሶስቱ ስቲንገሮች ሌላ 20 የሚሆኑ የካላሽንኮፍ መሳሪያዎች ሌሎች ሶስት የሚሳየል መተኮሻዎችና እንዲሁም ቦምቦችና ጥይቶች ያገኙ መሆናቸውን ገልጸዋል። አልጀሪያ ከረጅም ጊዜ ጀምሮ እስላማውያን አክራሪዎችን ስትዋጋ የቆየች ስትሆን ከቅርብ ጊዜ ወዲህም አክራሪ አሸባሪዎች በቱኒዚያ የተለያዩ ጥቃት መፈጸማቸው ይታወቃል።

· በሊቢያ እንዲቋቋም የተፈለገው የህብረት መንግስት እውን እንዳይሆን እንቅፋት በሆኑት የሊቢያ ባለስልጣኖች ላይ ማዕቀብ ለማድረግ የአውሮፓው ህብረት አገሮች እየመከሩ መሆናቸው ተነገረ። የአብዛኛውን የአውሮፓ አገሮች ስምምነት አግኝቷል የሚባላው የማዕቀብ ሀሳብ ከሚቀጥለው ሳምንት ጀምሮ በተግባር ይውላል ተብሏል። ማዕቀቡ የሚጣልባቸው ባለስልጣኖች እነማን እንደሆኑ በይፋ ባይነገርም በትሪፖሊ በሚገኘው የመንግስት አካል ውስጥ የፓርላማው መሪ የሆኑት ኑሪ አቡ ሳህማና ጠቅላይ ሚኒስትሩ በካሊፋ ጉዌል ሊሆኑ እንደሚችሉ አንድ ስማቸውን መግልጽ ያልፈለጉ የአውሮፓው ህብረት ባለስልጣን ጠቁመዋል። ለረዥም ጊዜ የሊቢያ መሪ ሆነው የቆዩት ጋዳፊ የዛሬ አምስት አመት በሕዝብ የተቃውሞ እንቅስቃሴ ከስልጣን ቢወገዱም በባዕድ ጣልቃ ገብነትና አክራሪ ኃይሎች ባደረጉት እንቅስቃሴ ምክንያት በአገሪቱ ሁለት ተጻራሪ የሆኑ ራሳቸውን መንግስት የሚሉ አካሎች መቋቋማቸው ይታወሳል።

· በሲየራ ሊዮን ውስጥ በነበረው የእርስ በርስ ጦርነት ከፍተኛ ወንጀል በመፈጽሙ የአስራ አምስት አመት እስራት ተፈርዶበት የነበረውና የእስራት ዘመኑን ሳይጨርስ በምህረት ተለቆ የነበረው የሚሊሺያ መሪ እንድገና መታስሩ ተነገረ። ሞይኒና ፎፋና የተባለው በአገሪቱ የርስ በርስ ጦርነት በተካሄደበት ወቅት በርካታ ሰው በመግደሉና ብዙዎቹንም ከእነ ህይወታቸው እንዲቃጠሉ በማድረጉ በልዩ ፍርድ ቤት የአስራ አምስት ዓመት እስራት ተፈርዶበት ታስሮ የቆየ መሆኑ ይታወቃል። ሁለት ሶስተኛውን የእስራት ጊዜ በማገባደዱ በምህረት ተፈትቶ የነበረ ቢሆንም ሲፈታ ቃል የገባውን ግዴታ አላከበረም በሚል ምክንያት ትናንት አርብ መጋቢት 2 ቀን 2008 እንደገና በቁጥጥር ስር ውሏል ተብሏል።

በተያያዘ ዜና በሲየራ ሊዮን ጽንስን ለማስወረድ የሚፈቅደው ረቂቅ ህግ የአገሪቱ ምክር ቤት ቢወስንም ፕሬዚዳንቱ ህጉን ፈረመው ለማጽደቅ ፈቃደኛ እንዳልሆኑ ገልጸዋል። ፕሬዚዳንቱ ይህንን እርምጃ የወሰዱት በሃይማኖት አባቶች ግፊት ሲሆን ህጉ ሊጸድቅ የሚችለው ሕዝቡ በውሳኔ ህዝብ ድምጽ ሰጥቶ ከደገፈው ብቻ ነው ብለዋል።

The post የፍኖተ ዴሞክራሲ ራድዮ አጫጭር ዜናዎች – በጽሁፍ appeared first on Zehabesha Amharic.

ወያንና ወያኔያዊያን እየዘላበዱ ናቸው:: እራሳቸው የተናገሩትን መልሰው እራሳቸው እየተቃወሙት ይገኛሉ:: በአሁኑ ሰዓት በወያንና በወያኔዎች ላይ እየታየ ያለው ስብእና ቀውስ ነው:: ስብእና ቀውስ ደግሞ በሽታ ነው:: ደፍሮ ሃኪም ቤት እንዲሄዱ የሚመክራቸው እውነትኛ ወዳጅ የላቸውም እንጂ ወያንና ወያኔዎች በሽተዋል:: የበሽታቸው ምልክቶች መታየት ከጀመረ ከሁለት አስርተ-ዓመታት በላይ ተቆጠረ:: አሁን በሽታው ጸንቶባቸዋል ::

Read Full Story in PDF

The post ዕለታዊ መልእክት ከአባ ቢያ የባለሀገር ንቅናቄ “ወያኔዎች የስብእና ቀውስ ውስጥ ስለሆኑ አገርንና ሕዝብን እየገደሉት ነው” appeared first on Zehabesha Amharic.

በዚህ ርእሰ ጉዳይ ላይ ውይይት ለማንሳት ስነሳ በ1994 ዓ.ም የቀድሞው ጠቅላይ ሚንስትር መለስ ዜናዊ በቤተ መንግስት ውስጥ ከአዲስ አበባ ዩኒቨርሲቲ ምሁራን ጋር ሲወያዩ አንድ ምሁር የተናገረው ነገር ትውስ አለኝ። ትዝይላችሁ እንደሆነ የዚህ ምሁር ንግግር ብዙዎችን ኣስደምሞ ነበር። ለማስታወስ ያህል ይህ ምሁር ለራሳቸው ጠቅላይ ሚንስትር ለነበሩት ለአቶ መለስ እንዲህ ነበር ያለው።

“እዚህ አገር ሌላ መድብለ ፓርቲ ስርዓት ተመስርቶ፣ ገበሬው ውስጥ ገብቶ ፋይዳ ያለው ለውጥ አይኖርም እርስዎ እያሉ። አይኖርም። ምክንያቱም እርስዎ እንዳይኖር ያደርጉታልና ነው። እስካሁን በዚህ ተሳክቶልዎታል በሚቀጥሉት ሃያ ኣመታትም ይህንኑ ያደርጋሉ።”

የሚገርመው ይህ ምሁር ምንም ውስብስብ ነገር አልተናገረም። ብዙ ምጡቅ አሳቦች በዚህ ስብሰባ ላይ ተነስተው ነበር። ይሁን እንጂ በተለይ የዚህ ምሁር ንግግር ግን ከተማሪው እስከ ምሁሩ፣ ከነጋዴው እስከ ሰራተኛውና ገበሬው ድረስ ኣስደንቆ ነበር። ለምን ብየ ጠይቄ አውቃለሁ። ሰው ሁሉ ይህን ምሁር ያደነቀበት ዋና ነገር ሁሉም በልቡ ጠቅላይ ሚንስትሩን እንዲህ ነበር የሚያውቃቸውና ነው። እሳቸው እያሉ መድብለ ፓርቲ አይኖርም የሚል እምነት በዚህ ሁሉ ሰው ልብ ውስጥ ስለነበር ነው። አሁን ይህ ምሁር በሃቀኝነት ይህን ስሜት መግለጽ ሲችል ሁሉም እዎ! አገኘኸው ኣይነት ነው የተደመመው። አንዳንዴ የውስጥን ስሜት በቅንነት የሚገልጽ ሰው ሲገኝ ደስ እንደሚለን ነው ነገሩ። ምሁሩ እንዳለው አቶ መልስ ቅንነት የጎደላቸው ናቸው ብሎ ህዝብ ያዝን ስለነበርም ነው። በርግጥ ከዚህ ምሁር የወጣው ይህ ቃል ቅንነትንና እውነትን ይዞ ስለነበር የብዙዎችን ስሜት በቀላሉ መግዛት ችሎ ነበር።

ያ ምሁር “እርስዎ እያሉ መድብለ ፓርቲ ስርዓት አይኖርም” አለ። አሁን አቶ መለስ ከዚህ ዓለም የሉም። ይሁን እንጂ ኣሳባቸውና ያፈሯቸው ደቀመዛሙርት ልክ እንደሳቸው ስለሆኑ ከአቶ መለስ ሞት በሁዋላም እነሆ ዛሬ ድረስ የዚህ የመድብለ ፓርቲ ጉዳይ እክሎች በዝተውበት ይኖራል። አቶ መለስ በኣካል ባይኖሩም አሉ ማለት ነው።

ያ ምሁርም ሆነ ብዙው ኢትዮጵያዊ በዚህች አገር በዚህ መንግስት ስር መድብለ ፓርቲ አድጎ ነጻ ምርጫ ተካሂዶ በውነት ያሸነፈው ስልጣን ይይዛል የሚለው እምነት በብዙዎች ዘንድ የወረደ ቢሆንም ግን ያሉትን ፓርቲዎች ወይ ተቀናጅተው ወይ አንድ የተሻለ ፓርቲ ጠንክሮ ወጥቶ ለመብታቸው እንዲያታግላቸው ይፈልጋሉ። እናም ዛሬ የብዙ ኢትዮጵያውያን ጥያቄ የሆነው ጉዳይ ለምን አንድ ጠንካራ ድርጅት አይኖርም….? ለምን ተቃዋሚዎች ይበታተናሉ….? ለምን ህብረት አቃተን……? የሚል ነው። እንዴውም በአንድ ወቅት ህዝቡ ወይ ተባበሩ ወይ ተሰባበሩ እያለ ብስጭት የተሞላበት ስሜትም አንጸባርቆ ነበር። በርግጥም መቶ የሚሆኑ የፖለቲካ ድርጅቶች የቀፈቀፍን እኛ ኢትዮጵያውያን ይህን በረከት አንለውም። ወደዚያ እሚታጠፈው ታጥፎ የሚከስመው ከስሞ የተወሰኑ ፓርቲዎች ይበቁናል። መቶ ፓርቲ ስሙንም ሸምድደን አንዘልቀው።

ከዚህ ከብዛቱም በላይ ግን የኢትዮጵያ መድብለ ፓርቲ ስዓት ጉዳይ ከፍ ያሉ ችግሮች አሉበት። በዚህች በዛሬዋ ጽሁፌም የገጠሙንን ለእኔ የታዩኝን ኣራት ጉዳዮች አንስቼ ችግሮቻችንን ለመዳሰስ እፈልጋለሁ።

ከዚያ በፊት ግን የገዢው ፓርቲ ደጋፊዎች በኢትዮጵያ ውስጥ ያሉ ተቃዋሚ ሃይላት ደካማዎች ናቸው ይላል። ለምን? ሲባል አንዱ ኣዘውትሮ የሚያነሳው ጉዳይ አማራጭ ፖሊሲ የላቸውም የሚል ነው። ሌሎች አንዳንድ ሰዎችም በርግጥ ይህን አሳብ ይጋራሉ። እውነቱን ለመናገር መንግስት ግን ይህን አዘውትሮ የሚገልጸው ለኢትዮጵያ ህዝብ አይመስለኝም። ለአለም አቀፉ ማህበረሰብ ፣ለዲፕሎማቶች ነው። መንግስት ተቃዋሚዎች ኣማራጭ ፖሊሲ የላቸውም ብሎ ለህዝቡ ቢናገር ህዝቡ ጥያቄው የአማራጭ ኣሳብ ጉዳይ እንዳልሆነ ያውቃል። ኣማራጭ ኣሳብ የሚባለው ነገር በመጀመሪያ እውነተኛ መድብለ ፓርቲ ስርዓት መኖርን ይጠይቃል። እውነተኛ መድብለ ፓርቲ ስርዓት ባለበት ኣገር ኣማራጭ ኣሳቦች ህዝብ ጋር ወርደው በሃሳብ የበላይነት የያዘው የህዝብን ቀልብ ስቦ ተመራጭ ይሆናል። የህዝብን ቀልብ ስቦና ኣስደምሞ ስልጣን በማይያዝበት ኣገር ጥያቄው የህግን የበላይነት የማያከብሩ ስብስቦች ይውረዱና ለውጥ ይምጣና ደሞ ሌላውን እንሞክረው ነው። የኢትዮጵያ ህዝብ ጥያቄ በአሁኑ ሰዓት መንግስት ራሱ በሚያወጣቸው ህጎች ስለማይገዛ፣ ህግን ስለማያከብር፣ በህገ-መንግስቱ የተቀመጡ የሰባዊ መብቶችን ራሱ መንግስት እንደፈለገ ስለሚጥስ ለውጥ እንፈልጋለን የሚል ነው። በመሆኑም ተቃዋሚዎች በነጻነት በማይንቀሳቀሱበት ኣገር ኣማራጭ ኣሳብ የላቸውም የሚለው ክስ ለኛ ለኢትዮጵያውያን ሳይሆን ከፍ ሲል እንዳልኩት ለውጭው ዓለም ይሆናል።

ለነገሩ እኮ ኣንዳንዶቹ የተጠናከረ ባይሆንም ኣማራጭ ኣሳቦች ኣሏቸው።አንዳንዶቹ ደግሞ በጣም ጥሩ አማራጭ ኣሳቦች አሏቸው። መንግስትን በመሬት ፖሊሲ ዙሪያ ሲቃወሙና መሬት በመንግስትም በህዝብም በግልም መያዝ ኣለበት ሲሉ ኣማራጭ ኣሳብ ማለት ይሄ ነው።

በኣስራ ዘጠኝ መቶ ዘጠና ሰባት ምርጫ ወቅት ቅንጅት ያን ያህል ህዝባዊ ተቀባይነት ያገኘው ህዝቡ የቅንጅትን ማኒፌስቶ ኣንብቦ ስለጨረሰ ኣይደለም። በዚያች ስድስት ወር ውስጥ ቅንጅት ሰፊ የህዝብ ግንኙነት ስራዎች ስለሰራም ኣይደለም። ህዝቡ በሃይል ለውጥ ፈልጎ ነበር። በኣንዳንድ ቦታዎች በቅንጅት ተወካይና በኢህዓዴግ ተወካይ መካከል ምርጫ ሲካሄድ ህዝቡ ለመመረጥ ኢህዓደግ ኣለመሆን ብቻውን በቂ ነው ይል ነበር። ይሄ የሚያሳየው ለውጥን በጣም ከመሻት የመጣ ምርጫም ነበር። አንደኛው ይሄ ነው። ሌላው ደግሞ የለሂቁ ክፍፍል መቀነስና ዘግይቶ የታየው ህብረት ነበር የኢትዮጵያን ህዝብ በተስፋ ባህር ላይ እንዲያ ያንሳፈፈው።

ወደ መድብለ ፓርቲ ስርዓቱ እንቅፋቶች እንመለስና ርግጥ ነው ተቃዋሚዎች ብዙ መሰናክል ኣለባቸው። ጥንካሬና ህብረት ተስኗቸዋል። አቶ መለስ ቢሞቱም የመድብለ ፓርቲ ጉዳይ እያደር ቁልቁል ሆኗልና ለዚህ መሰረታዊ ችግሮች ናቸው ያልኳቸውን ዝቅ ሲል እኔም ላቀብል።

የህወሃት የጠለፋ የትግል ስልት

ህወሃት (ኢሃዴግ) ተቃዋሚዎችን የሚያጠቃበት ስልት በኢትዮጵያ ውስጥ አንዱ የመድብለ ፓርቲ የማሰናከያ ድንጋይ ነው። ህወሃት በትጥቅ ትግሉ ወቅት ደርግን ለመጣል ይጠቀም ከነበረባቸው ዘዴዎች መካከል ሰርጎ መግባት፣ ማታለል፣ መደለል፣ የስነ-ልቡና ጦርነቶችን ማድረግ ዋና ዋና ዘዴዎቹ ነበሩ። እነዚህን ስልቶች ዛሬም መድብለ ፓርቲ ስርዓት መስርቻለሁ በሚልበት ስርዓት ውስጥ ይጠቀምባቸዋል። ህወሃት ኣዲስ ኣበባን ከተቆጣጠረ በሁዋላ ሌላ ቀዝቃዛ ጦርነት ከፍቶ ነው የሚኖረው። ዋናው ኣንዱ ችግሩ ህወሃት ራሱን እንደ ፖለቲካ ፓርቲ ሳይሆን የሚያየው እንደ ዘውግ ተቆርቋሪ ማህበር በመሆኑና ለኢትዮጵያ የሚበቃ ወይም ኢትዮጵያን የሚሸፍን ዓላማ ስለሌለው በመድብለ ፓርቲ ውስጥ የውነት መጫወት ኣይችልም። ብሸነፍም ልሸነፍ ብሎ ለመወሰን ቢያንስ ኣገራዊ ድርጅት መሆንን ይጠይቃል። የሌሎቹ “የኢህዓዴግ” ኣባል ፓርቲዎችም ለህወሃት ተገዢ ከመሆን ባሻገር እንደዚሁ ተመሳሳይ ተፈጥሮ ነው ያላቸው። ለዚህ ነው እነዚህ ድርጅቶች የህይወት ታሪክ ውስጥ ጥርት ያለ ርእዮት የማይታየው።

በመሆኑም ኣውራው ፓርቲ ህወሃት ፖለቲካን ከማህበራዊ ማንነቱ ጋር ኣጣብቆ ስለያዘ በቀላሉ ለሃሳብ ፍጭት እጅ ስለማይሰጥ ተቃዋሚ የሚባሉትን ሁሉ በጠላትነት ያያቸዋል። እናም በደርግ ጊዜ ይጠቀምበት የነበረውን ስልት ተግባራዊ እያደረገ ተቃዋሚዎች እንዳያድጉ ያደርጋል። ከተራ ኣባል እስከ ኣመራር ድረስ በሰላማዊ ተቃዋሚዎች ዘንድ ሰላይ እየሰገሰገ ህብረት እንዳያድግ፣ ህዝባዊ ሰላማዊ ትግሎችን እንዳይመሩ እያደረገ ያሸመደምዳቸኣል። ህወሃት ለብዙ ዓመት የዳበረ የጠለፋና ቆረጣ ልምድ ስላለው ተቃዋሚውን በቀላሉ ይጠልፈዋል። ኣንዱና ትልቁ ለሰላማዊ ተቃዋሚዎች ኣለመጠንከር ምክንያት ይሄ ነው። በነገራችን ላይ ህወሃት እንዳይጠነክሩ የሚያደርገው ተቃዋሚ ፓርቲዎችን ብቻ ኣይደለም። ኣጋር ድርጅቶቹንም ነው። እነ ብዓዴን፣ ኦህዴድ፣ ደህዴግ ጠንካራና በራስ የሚተማመኑ እንዲሆኑ ኣይፈልግም። ይህን ቢያደርግ የሃገሪቱ የፖለቲካ ኣቅጣጫ እስካሁን ይቀየር ነበር። ነገር ግን እነዚህን ኣጋር ድርጅቶቹንም ጠልፎ ይዟቸዋል። ኢሃዴግ የተባለው ድርጅት እውነተኛ ማንነቱ ይታይ ቢባል ህወሃት ነው። ኢሃዴግ የህወሃት የፌደራል ስም ነው። ይሄ ማለት የኦህዴድ የደህዴግና የብአዴን ኣባላት ጨዋዎች ናቸው ማለት ኣይደለም። እነሱ ለግል እድሎች (Opportunities) መስፋት ሲሉ የህወሃትን የበላይነት ተቀብለው በሃገሪቱ የመድብለ ፓርቲ ስርዓት እንዳያድግ እያደረጉ ያሉ ናቸው። ተራው ኣባል ግራ ቢጋባም ከላይ ያሉት ግን በተለያየ ስልት የተያዙና ለህወሃት የበላይነት የሚሰሩ ናቸው። በኣጠቃላይ ህወሃት በስልጣን ለመቆየት ኣሳብን ወይም በኣሳብ በልጦ መገኘትን መሰረት ኣድርጎ ኣይኖርም። ዋናው እምነቱ ጠለፋ ነው። ኣጋር ድርጅቶችን መጥለፍና በራሱ እዝ ስር ማድረግ፣ ፕሬሱን መጥለፍ፣ ሰላማዊ ትግሉን መጥለፍ፣ ውጭ ያለውን ተቃዋሚ መጥለፍ…..ሁሉንም መጥለፍ…. ነው አዋጭ የትግል ስልት አድርጎ የሚኖረው። ስለዚህ በሃገራችን መድብለ ፓርቲ ስርዓት ኣድጎ እንዳናይ የሚያደርገን ይሄ የጠለፋ ጉዳይ ነው። ኢሃዴግ “ንብ” ነኝ ሲል የንብን የህብረት ስራ ያስታውሰናል። ኣውራው ኣለ። ሌሎች ደግሞ ውሃ ቀጂና ዘበኞች ናቸው መሰለኝ። ኣውራው ህወሃት ቢሆን እነ ኦህዴድ ብአዴንና ደህዴግ ዘበኞችና ውሃ ቀጂዎች ሆነው ይኖራሉ። ይሄ መለወጥ ኣለበት። በዚያች ድሃ ኣገር፣ ሁላችን ድሆች ሆነን እንዲህ ያለ ጅማሮ የትም ኣያደርሰንም።በህብረተሰቡም ውስጥ ይህ ነገር የተለየ ኤነርጂን እየፈጠረ ወደአልሆነ አቅጣጫ ስለሚመራን ቶሎ መቆም አለበት።

የፖለቲካ ውቅር (Political setup)
ሁለተኛው ጉዳይ ደግሞ የፖለቲካው ውቅር ነው። በመሰረቱ ኢትዮጵያ በብሄር ላይ የተመስረተ ፖለቲካ ካማራት በኮንፌደራል የመንግስት ውቅር ነው መተዳደር ያለባት። በርግጥ ይህ ጥያቄ የማንም እንዳይደለ ይታወቃል። ይሁን እንጂ በብሄር ላይ የፖለቲካ ቤትን ኣቁም እንደገና መድብለ ፓርቲ ስርዓትን ኣራምዳለሁ ማለት ኣንዱን በሬ ወዲህ ኣንዱን በሬ ወዲያ ኣጣምዶ እርሻ ልጀምር እንደማለት ይቆጠራል። መድብለ ፓርቲ ስርዓትና የብሄር ፖለቲካ ኣብረው ኣይሄዱም። የብሄር ፖለቲካ ባለኣንድ ፓርቲ ገዢነትን የሚያበራታት ስሜት ያለው ነው። ሰማኒያ የሚሆኑ ብሄሮች ሰማኒያ የፖለቲካ ድርጅት ኣቋቋሙ ማለት መድብለ ፓርቲ ስርዓት እውን ሆነ ማለት ኣይደለም። መድብለ ፓርቲ ስርዓት ማለት በኣንድ ብሄራዊ የፖለቲካ ማንነት ስር የተሰባብሰቡና የጋራ ትልቅ ግብ ያላቸው ነገር ግን በፖሊሲና በኣይዲዮሎጂ የሚለያዩ ድርጅቶች ኣሳብ እያፋጩ በፖሊሲ ብልጫ እየተመረጡ የጋራ ኣገር የሚያሳድጉበት ስርዓት ነው። ይህ ሁኔታ በኢትዮጵያ ውስጥ ኣሁን የለም። ብሄራዊ ማንነት በኣካባቢ የፖለቲካ ማንነት እንዲዋጥ ስለሚደረግ መድብለ ፓርቲ ስርዓት ኣይኖርም። መንግስት ለኣንዳንድ የህብረ ብሄር ድርጅቶች ፈቃድ ሰጥቶና እድገታቸውን አየከረከመ የሚያኖራቸው ኣንዱ በስልጣን ላይ ያቆየኛል የሚለው እምነቱ ስለሆነ ነው። ብዙሃኑን ለመያዝ፣ ግጭቶችን ለመቀነስ ነው። ከዚህ ውጭ ኢትዮጵያ በኣሁኑ ሰዓት መድብለ ፓርቲን የሚያስተናግድ ሲስተም ኣልቀረጸችም። ብሄራዊ ድርጅቶች የቆሙት ሰፊ ህዝባዊ ድጋፍ ስላላቸው እንጂ ሲስተሙ እየጠለፈ የሚጥል ነው።

የፖለቲካ ባህላችን
በእኔ እምነት ይህም የተወሰነ ተጽእኖ የፈጠረ ቢመስለኝም እንደ ዋና ችግር ግን ኣላየውም። በርግጥ ነው በተለይ ቀደም ያለው ትውልድ እስካሁን የግራው የፖለቲካ ተመክሮ ተጽእኖ ፈጥሮበት ሊሆን ይችላል። ነገር ግን የተለወጡና በኣዲስ መንፈስ የተነሱ ደግሞ አሉ። ያልተለወጡትና ዛሬም በድሮ በሬ ለማረስ የሚሹቱ አነሱ በርግጥ እርስ በርስ ሲጠላለፉ ይታያል። ይሄ መቀረፍ ያለበት ችግር ነው። ለኢትዮጵያ መድብለ ፓርቲ ስርዓት መሽመድመድ ግን እንደ ዋና ምክንያት ኣይታይም። ያም ሆኖ ግን የፖለቲካ ባህላችን ሊያድግ የሚገባው ብዙ ነገር ኣለውና በመድብለ ፓርቲው ስርዓት እድገት ላይ የተወሰነ አሉታዊ ተጽእኖ ይኖረዋል። ከዚያ ውጭ መንግስት ራሱ ተቃዋሚውን የፖለቲካ ባህላችን ደካማ ነው እያለ ቅስማቸውን ለመስበር እንደሚሰራ ይታወቃልና ፓርቲዎች ባህላችን ጥሩ ኣይደለም እያሉ ራሳቸውን ማፍረስ ለመንግስት እድሜን ከመጨመር ሌላ ኣይጠቅምም።እሚስተካከለውን ማስተካከል መድብለ ፓርቲን የሚሸከም ልብና ትከሻን ማዳበር ያስፈልጋል።

የግል ዝንባሌዎች
ኣንዱ ለፖለቲካ ፓርቲዎች ኣለመጠናከር አስተዋጾ ያደረገው ጉዳይ ደግሞ ፖለቲካ በሃገራችን ውስጥ ሙሰኛ ስለሆነ ነው። ከፍተኛ የሚባሉ ኢኮኖሚያዊና ማህበራዊ እድሎችን ሁሉ ዘርፎ ይዟል። በተለይ በአሁኑ ሰዓት ደግሞ የትምህርት እድልን ሳይቀር ዘርፎ የወሰደ በመሆኑ ፖለቲካው ሙሰኛነቱ ጫፍ ረግጧል። ስኮላርሺፕ ለማግኘት፣ በስራ ላይ እድገት ለማግኘት፣ የተሻለ ኑሮ ለመኖርና በተሰብንና ዘመድን ለመርዳት፣ ወደ ፖለቲካ ጠጋ ማለት ኣዋጭ ነው። ፖለቲካው እነዚህን ኦፖርቹኒቲዎች መዝረፉና ሙሰኛ መሆኑ ያመጣው ኣንዱ ችግር እድሎች በጠበቡበት ድሃ ኣገር የሚኖሩ ዜጎችን እድል ፍለጋ ሳያምኑበትም ቢሆን ወደ ፖለቲካ እንዲሳቡ ያደርጋል። ከመንግስት ጋር ኣጎብድደው እየሰሩ የተሻለ ትምህርት ለማግኘት ይጥራሉ። ኣንዳንዶች ደግሞ ገዢው ፓርቲ ደመወዝ እየቆረጠላቸው በተቃዋሚ ስም መንግስትን የሚደግፉም ይኖራሉ። ይህ ችግር በሰፊው በአገር ደረጃ ሲታይ ፖለቲካችን ጥሪ ባላቸው ኣስተዳዳሪዎች ብቻ ሳይሆን በብዙ እድል ፈላጊዎች የተጠቀጠቀ ሰሚያደርገው ኣጠቃላይ ፖለቲካችንን ጨዋታውን ኣበላሽቶብናል ይመስለኛል። ፖለቲካው ከመንግስትም በላይ ሆኖ ፓርቲ መንግስትን ሳይቀር ውጦ በሚኖርበት ኣገር፣ ፖለቲካው እንዲህ በሰፊው እድሎችን ሁሉ ከየሲቪል ሰርቪሱ ሰርቆ በሚኖርበት ኣገር፣ መድብለ ፓርቲ ኣፈር ይበላል። ፖለቲካም ኣያድግም።

ማጠቃላያ

እነዚህ ከላይ የጠቃቀስኳቸው ችግሮች ለሃገራችን መድብለ ፓርቲ ስርዓትና ለፖለቲካችን እንቅፋቶች ናቸው ብለናል። ነገር ግን ብዙ ጊዜ ብዙዎቻችን ጠንካራ ፓርቲ ባለመኖሩ በጣም እናዝናለን። ለምንድነው ጠንካራ ፓርቲ የፈለግነው? በአሁኑ ሰዓት ለምን ጠንካራ ፓርቲ ፈለግን? ጠንካራ ተቃዋሚ ፓርቲስ ማለት ምን ማለት ነው?። መድብለ ፓርቲ ስርዓት በጠፋበት ኣገር ጠንካራ ፓርቲ ስንል በሁሉም የሃገሪቱ ክፍል ጽህፈት ቤት እየከፈተ የጦፈ የቢሮ ስራ የሚሰራ፣ ብዙ ኣባላት የመዘገበ ወዘተ ከሆነ ስህተት ነው። ላም በሌለበት ኩበት ለቀማ ማሰብ ነው። እንዲህ ዓይነት ጥንካሬ የሚያስፈልገው መድብለ ፓርቲ ስርዓት ባለበት ምህዳሩ ባለበት ኣገር ነው። የኣሁኑ ትግል ከዚህ ይለያል። ትግሉ የነጻነት ትግል ነው። መድብለ ፓርቲ ስርዓትን ከምር ለመጀመር ነው ትግሉ። ለዚህ ደግሞ ብዙ ኣባል የመዘገበ ብዙ ቢሮ ያለው ድርጅት ሳይሆን የሚያስፈልገን ኣንድ ሰውም ሊበቃን ይችላል። ትግልን የሚመራ ኣንድ የነጻነት ታጋይ ሊበቃ ይችላል። በአሁኑ ሰዓት የተነሳውን የኦሮምያ ኣመጽ የትኛው ጠንካራ ፓርቲ ነው የቀሰቀሰው? ማንም ፓርቲ ኣይመራውም። ህዝብ ነው ያስነሳው።

አሁን እኛ ጠንካራ ፓርቲ የምንለው በምርጫ ያሸንፍልናል ሳይሆን ሰላማዊ ትግልን ይመራል ብለን ኣስበን ከሆነ ትክክል ነው። ለዚህ ደግሞ የሚያስፈልገው ከድርጅታዊ ጥንካሬው በላይ የጥቂት ኣመራሮቹ ቁርጠኝነት ይበልጥብናል። እነዚህ ድርጅቶች ኣባላት ምዝገባ ላይ ጊዜ ማጥፋት የለባቸውም። ሁሉም በልቡ ኣባላቸው ነው። ለዚህ ነው ኣንድ ጊዜ ሰማያዊ ፓርቲ ሰልፍ ሲጠራ ያን ያህል ሰው የወጣው። በልቡ ኣባል ሆኖ የጨረሰውን ሰው ፎርም ካላስሞላን ብሎ ጊዜ ማጥፋቱ ዋጋ የለውም። ይልቅ ህዝቡን በሰላማዊ መንገድ ለመብቱ እንዲታገል ማድረግ ነው። ይህን ግፍ የጠገበ ህዝብ ስለነጻነት ልናስተምረው፣ ስለለውጥ ጥቅም ልናስተምረው ኣያሻም። የሚያስፈልገው ትግልን የሚመሩ የነጻነት ታጋዮችን ማፍራት ነው።

ጠንካራ ፓርቲ ቢኖረን መልካም በሆነ። ነገር ግን በተለይ በሃገር ቤት ይህን ኣይነት ፓርቲ በኣሁኑ ሰዓት መጠበቅ ችግር ኣለው። ዋናው ማወቅ ያለብን ነገር ተቃዋሚዎች ከፍተኛ ህዝባዊ ድጋፍ ኣላቸው። ባይመዘግቡትም፣ የድርጅት ኣባል ኣድርገው መታወቂያ ባይሰጡትም ህዝቡ ኣባል ሆኖ ጨርሷል። በመሆኑም ለሚያደርጉት እንቅስቃሴ ሁኑ ፈጣን ምልሽ የሚሰጠው ሰፊ ህዝብ ኣለ። ህዝባዊ ተቃውሞዎችን መምራት የሚችል የተሰጡ መሪዎች ያሻናል። በዚህ ጊዜም ጠንካራ ፓርቲ ስንል የላይኛውን መሪዎች የመስዋእትነትና የቆራጥነት መንፈስ የሚመለከት ነው። ጠንካራ መሪዎች ብቅ ሲሉና ተቃውሞዎችን ሲመሩ ህዝቡን ለመብቱ ሲያታግሉት ያን ጊዜ ብዙዎችን ውጦ ጠንካራ ፓርቲ ወጣ ይባላል። ስለዚህ እኛ ኢትዮጵያውያን ማድረግ ያለብን መልካም ራእይ ያላቸውን ፓርቲዎች ውጤት ተኮር እንዲሆኑ መከታተል ጠቃሚ ነው። መቼም ጠንካራ ፓርቲ ሁሌም እንሻለን። ይሁን እንጂ የአሁኑ አንገብጋቢ ጥያቄያችን የህዝቡን መብት የሚያስመልሱ ቆራጥ የነጻነት ትግል መሪዎችን ነው። ስለዚህ ህዝቡ መረዳት ያለበት ነገር ጣንካራ ፓርቲ መጠበቁ ጊዜ ይወስዳል። የፓርቲውም ቁጥር ገና ሊጨምር ይችላል። አሁን የሚያስፈልገው ዜጎች ለነጻታቸው፣ ለመብታቸው በራሳቸው መቆምን ነው። ህዝባዊ እምቢተኝነቶች መሪዎችን ያፈራል። ታላቁ መሪ ማርቲን ሉተር ኪንግ የነጻነት ትግል ውጤት ነው፣ ከህዝብ ትግል መሃል የወጣ ነው። ማርቲን ሉተር ሳይሆን ትግሉን ያፈራው ትግሉ ነው ማርቲን ሉተርን ያፈራው። ኔልሰን ማንዴላ በራሳቸው አንደበት እኔ የደቡብ አፍሪካዉያን የትግል ውጤት ነኝ ብለዋል። መሪ የሚያፈራ ትግል ማድረግ አለብን። ኢትዮጵያን በተሻለ አቅጣጫ መምራት የሚችሉ ብዙ ልጆች አሉ። ጭቆና ተጭኗቸው ይሆናልና እነዚህን መሪዎች የህዝብ ትግል ያወጣቸዋል። በሌላ በኩል ፓርቲዎችም በቆራጥነት ትግሉን ምሩ፣ ህዝቡን ለመብቱ አታግሉት። እግዚአብሄር ኢትዮጵያን ይባርክ።

አስተያየት ካለዎት በዚህ ኢሜየል ይጻፉልኝ

geletawzeleke@gmail.com

The post የሃገራችን መድብለ ፓርቲ ሥርዓት ተግዳሮቶች | ገለታው ዘለቀ appeared first on Zehabesha Amharic.

ይቺ በፎቶ ላይ የምናያት ዘፋኟ ቢዮንሴ ናት ፡ የመጨረሻው እራት ተብሎ በሚታወቀው የጌታችን ስእል ፊት ለፊት ቀምጣለች፡ ፊት ለፊት በመቀመጧ ማንን እንደከለለች ታያላችሁ? ጌታችንንና መድሃኒታችን ኢየሱስ ክርስቶስን ነው:: በርግጥ እሱን መከለል ይቻላታልን? እርሱ በሁሉ ስፍራ ሙሉ ነውና ፤ ነገር ግን የሰይጣንን ተልእኮ ታስፈፅም ዘንድ በክርስቶስ ፈንታ እሷ መታየትን ወዳ እርሱን ከለለችው ፡ አለም ከክርስቶስ ይልቅ ለእርሷ እንደተማረከ አይታለችና ፡ አለም ከክርስቶስ ይልቅ ለዲያቢሎስ እንደተገዛ አይታለችና በዲያቢሎስ ሃይል ከፍ ብላ የክርስቶስን ቦታ ልትይዝ ደፈረች፡፡

ይህን ለማድረግ ይቻላታልን? እርሱ ተወዳጅ መድሃኒት ክርስቶስ የማይደፈር ሃያል ፡ የማይነቀንቁት ልዑል ፡ የማይነኩት ግሩም ነውና ከእርሱ ይልቅ ማን ይበረታል? ከአፉ በሁለት ወገን የተሳለ ስለታም ሰይፍ ያወጣል ፡ ፊቱም ከፀሃይ ይልቅ ያበራል ፡ አይኖቹ የእሳት ነበልባል ናቸው ፡እግሮቹም በእቶን የነጠረ የጋለ ናስ የሚመስሉ ፡ በእጁ መዳፍ ምድሪቷን የያዘ ፡ የሰማይና የምድር ንጉስ ፡ የእግዚአብሔር ልጅ ኢየሱስ ክርስቶስን ማን ሊገዳደረው ይችላል?

ነገር ግን የመጨረሻው ዘመን እንደደረሰ ያሳዩ ዘንድ እኒህ የበረቱ መሰሉ ፤ የነፃነት አምላክ እርሱን ተፈታተኑት ፡ የፍቅር አምላክ እርሱን ዘበቱበት ፡ በዝና፣ በገንዘብ፣ በውበት ህይወት ክርስቶስን ካዱ ፡መድሃኒት ክርስቶስን ሰደቡ ፡፡ አንደበትን የፈጠረ ጌታችንን በፈጠረው አንደበት ተሰደበ።

ምን እንላለን? አለም በክርስቶስ ላይ ጦርነት አውጃለች ፡ አለም ለዲያቢሎስ ተንበርክካለች ፡ነፍሷንም ለእሱ አስማርካለች ፡: ክርስቶሳውያን ጠውልገው ዲያቢሎሳውያን ደምቀው እያየን ነው ፡እንግዲህስ አሰላለፋችንን እናስተካክል ፡ የማን አድናቂ ነን? ለማን እናጨበጭባለን? ለማን ነፍሳችን ትማረካለች?
የማንንስ ተልእኮ እናስፈፅማለን? መድሃኒት ክርስቶስ ግን በጴጥሮስ በኩል አሁንም እኛን ትወዱኛላችሁን? ይለናል ፤ ምን እንመልሳለን? ይህን ተወዳጅ ጌታ እንወደዋለንን? እንኪያስ ይችን አለም ክደን ለክርስቶስ እንበርከክ፡ የዚችን አለም ጣእም ንቀን መድሃኒት ክርስቶስን እንከተል ፤ አለም የክርስቶስ የሆኑትን ልትሰቅል፡ የዲያቢሎስ የሆኑትን ልትሾም በርትታለችና ጌታችንን የምንወድ የክርስቶስን መስቀል እንሽከም፡፡

ዲያብሎስ ይፈር ከድንግል ማርያም ተወልዶ በመስቀል ተሰቅሎ በደሙ የዋጀን ጌታችን በህይወታችን ላይ ይንገስበ አሜን። —

The post የመጨረሻው ዘመን ትውልድ – የቢዮንሴ አላማ | ከቀሲስ ዘበነ ለማ appeared first on Zehabesha Amharic.

ከአካባቢው ነዋሪ የደረሰን መረጃ

ዛሬም ሰቆጣ የውሃ ችግሩ ተጠናክሮ የቀጠለ ሲሆን ከተማው ሙሉ በሙሉ መነጋገሪያው ይህ ብቻ ነው፡፡ ውስጥ ለውስጥ አደረጃጀት እየፈጠረ ሲሆን መንግሥት አስቸኳይ መፍትሔ ካልሰጠ በአስቸኳይ መደረግ ስላለበት በመወያየት ላይ ነው፡፡ ጎን ለጎን ህዝቡ በራሱ በአራቱም አቅጣጫ ውሃ ለማስመጣት እየሞከረ ነው፡፡ በዚህም መሰረት ከአበርገሌ ከሀሙሲት ከድሃና ከቀውዝባ ከላሊበላ ከኮረም ወዘተ በመኪና እያመላለሰ ነው፡፡ ገንዘብ መክፈል የቻለው በዚህ መንገድ እያመጣ ነው፡፡ ቀልድ የያዘው መንግሥት ግን በአንድ መኪና የሰቆጣን ከ50 ሺ በላይ ህዝብ አጠጣለሁ ብሎ እየቀለደ ነው!! በከተማዋ ያሉት የጉድጓድ ውሃ በዚህ መልክ ሰርክል ሰርተዋል፡፡ የተወሰነውን እንደቀዱ አቁማለች፡፡ ይህ መንግስት በዋግ ህዝብ ላይ እየቀለደ ነው ያረጀ ሞተር ገጥሞ ለጥገና እያለ በየወሩ መዝረፍ እንጅ መፍትሔ ለመስጠት አላሰበም!! በተሎ ወደታሰበው እርምጃ መገባት አለበት!!!
አንድ የኢትዮጵያ ህዝብ ሊያውቀው የሚገባ!!
ዋግና ህወሓት እሳትና ውሃ ናቸው፡፡
አንድም ቀን ተስማምተው አያውቁም!!

ለዚህ ነው በቻለው አቅሙ ሁሉ ጠንክሮ ሴራ ሲሸርብባት የኖረው፡፡ ዋግ የኢህአዴግ አገር ስትባል ይደንቀኛል፡፡ ምናልባት አላውቅበት አለ እንጅ ለኢሂደን ብአዴን ህዝብ የተሻለ ስሜት አለው ልጆቹን የገበረለት ድርጅት በመሆኑ!! ሆኖም ህወሓት በደባ ዋግ ላይ የሚያደርሰውን በደል ብአዴን መክቶ ህዝቡን ማርካት ባለመቻሉ በብአዴን ላይም ከፍተኛ ጥላቻ ፈጥሯል፡፡ ለዛሬው የምንጠጣው ውሃ ማጣት ያደረሰን የ24 ዓመት የህወሓት ተንኮል ድምር ውጤት ነው!! ህወሓት የዋግ ህዝብ ብአዴንን ሙሉ በሙሉ ተፍቶ ወደ ህወሓት ወይም ወደ ትግራይ ይመጣል የሚል ህልም ይዞ የሰራ ቢሆንም የዋግ ህዝብ ዛሬም በውሃ ጥም ውስጥ ሁኖ ለህወሓት ከትናንቱ የባሰ ጥላቸ ፈጠረ እንጅ ለውጥ አልተገኘም!! ህወሓትም ተስፋውን ቆርጧል፡፡ አሁን ፍላጎቱ ከወሎ ቆቦን እስከ አሉሃ ምላሽና በጎንደር ተጨማሪ መሬት የመፈለግ ነው፡፡ በዋግ በኩል ስንዝር መሬት ለመውሰድ መሞከር ትንሽ ሰበብ ለሚፈልገው እሳት ጎርሶ ላለው የዋግ ህዝብ የሚፈጥረው ነገር ተገልጾለታል፡፡
አሁን የተጀመረው የውስጥ ለውስጥ አደረጃጀት ተጠናክሮ ይቀጥል፡፡
ኢሃዴግ በዲሞክራሲያዊ ጥያቄ አያምንም!!
የዋግ ህዝብ በባህሉ ዲሞክራሲያዊ ነው!!
ኢ ዲሞክራሲያዊ ተግባር ሲገጥመው ማስተንፈስም ይችላል!! እንነሳ…….!!!!!!

The post በወሎ ሰቆጣ የውሃ እጥረት ተባብሶ ቀጥሏል appeared first on Zehabesha Amharic.

በወልቃይት አማርኛ ሙዚቃ ከከፈትክ የአካባቢው ልዩ ሐይል በፍጥነት ይመጣል

ኬላ ቆሞ የአካባቢው ተወላጆች ከሌላ ቦታ ወደ አካባቢው መግባት አይችሉም ይታሰራሉ

የወልቃይት ጉዳይ አንድ ሚሊዮን የሚሆነውን የወልቃይት ማህበረሰብን ብቻ ሳይሆን የሰላሳ ሚሊዮን አማራ የሁሉም ኢትዮጵያዊ ጉዳይ ነው

ለወልቃይት ችግር መፍትሄ ካልሰ ችግሩ ወደ አደገኛ ሁኔታ ሊሄድ ይችላል

ሕዝቡ በኦሮሚያ ብቻ ችግር ያለው ይመስለዋል ችግር የሌለበት አካባቢ የለም ትግሉ የተበታተኑትን ሁኔታዎች አንድ ላይ አድርጎ የሚመራው ይፈልጋል

የኢትዮጵያ ሕዝብ በመሪ ያምናል አሁንም ተቃውሞውን አስተባብሮለት የሚመራ ይፈልጋል ተቃውሞው መሪ የለውም ሕዝቡ ራሱ ነው የሚመራው

ኦሮሚያ አካባቢ የተነሳው ሕዝባዊ ተቃውሞ ለምን ወደ ሌላ ቦታ አልሄደም የሚለው በፊት ግራ ያጋባኝ ነበር አሁን ግን ግራ አያጋባኝም

ምሁራን የተቃዋሚ መሪዎች በአንድ ላይ በይፋ የሚመክሩበት መፍትሄ የሚያበጁበት ወሳኝ ወቅት ላይ ነው የቆምነው

The post “በወልቃይት ማህበረሰብ ላይ እየተፈጸመ ያለው ግፍ በዚህ ዘመን በገዛ አገራቸው ይፈጸማል የማይባል ነው ይሰቀጥጣል” | ጋዜጠኛ ሙሉቀን ተስፋው appeared first on Zehabesha Amharic.