በዋሽንግተን ዲሲ ኢትዮጵያዊውን ወጣት ገጭቶ በመግደል የተሰወረ/ች ግለሰብ እየተፈለገ/ች ነው

(ዘ-ሐበሻ) ኢትዮጵያዊው ወጣት በረከት አለሙ በመኪና ተገጭቶ ህይወቱ ካለፈ በኋላ በብዙዎች ዘንድ መነጋጋሪያ ሆኗል። የዲሲ ሜትሮ ፖሊስ ይህን ወጣት ገጭቶ የተሰወረውን ግለሰብ/ የተሰወረችውን/ እንዲጠቁም የስልክ ቁጥሮችን በትኗል።

ትናንት እሁድ ጠዋት በጆርጂያ ጎዳን በመኪና በመገጨት መሞቱ የተነገረለት ወጣቱ በረከት ዓለሙ በሚኪና የገጨው ግለሰብ ያመለጠ ሲሆን ፖሊስ የገጨውን መኪና ለመለየት በአካባቢው ያሉትን ካሜራዎች እየተመለከተ እንደሆነ ለማወቅ ተችሏል። የ26 ዓመቱ ወጣት በጣም ተግባቢና ከሰው ጋር የሚኖር እንደነበር የሚናገሩት ወዳጆቹ አሟሟቱ በመላው ዓለም አነጋጋሪ እንደሆነ ዘ-ሐበሻ ለመረዳት ችላለች።