ከግራ ወደ ቀኝ ሻፊ አደም፣ ግርማዬ ጅሩ፣ በለው አሰፋ፣ ነጋሽ ገብረህይወት . ማርያ ሞሬኖ (ከIOM), ሃብታም ጌታሁን፣ ጌታቸው ወርቅዬ እና አዲሱ ሃብቴ
(ዘ-ሐበሻ) በሳዑዲ አረቢያ ስቃይ ደርሶባቸው ወደ ሃገራቸው ለተመለሱ መርጃ ይሆን ዘንድ ሰሜን አሜሪካ ፊላደልፊያ ውስጥ የሚኖሩ ኢትዮጵያውያን እና የኢትዮጵያ ወዳጆች በአንድ ላይ ያሰባሰቡትን 23ሺህ ዶላር ለIOM አስረከቡ።
ኢትዮጵያውያን ወደ ፊላደልፊያ ስቴት ሄደው መስፈር የጀመሩት ከ1960 ዓ.ም ጀምሮ ሲሆን፤ ስቴቷም በርካታ አፍሪካውያን ይኖሩበታል። በአሁኑ ወቅት በም ዕራብ የፊላደልፊያ ግዛት 10 ኢትዮጵያያን ሬስቶራንቶች፣ ባር እና ሌሎች ቢዝነሶች የሚገኙ ሲሆን የራሳቸው የኢትዮጵያ ኮምዩኒቲም አላቸው።
በምዕራብ የፊላደልፊያ ግዛት የሚገኙት የኢትዮጵያ ማህበረሰብ አባላይ ፌብሩዋሪ 2 ቀን 2014 ለዓለም አቀፉ የስደተኞች ድርጅት የሰጡት 23 ሺህ ዶላር በቀጥታ ሃገር ቤት ለተመለሱና በችግር ላይ ላሉ የሳዑዲ ተመላሾች መርጃ ይውላል ተብሏል።
እንደ ዓለማቀፉ የስደተኞች ድርጅት (IOM) ዳታ ከሆነ ከ150 ሺህ የሚበልጡ ኢትዮጵያውያን ከሳዑዲ የተመለሱ ሲሆን፤ ለተመላሾቹ ህክምና፣ የስነልቦና እርዳታ፣ ምግብ፣ የመጓጓዣና ለሌሎች ወጪዎች IOMና ሌሎች ድርጅቶች ሲሸፍኑ ቆይቷል።
በፊላደልፊያ የሚገኙት እነዚሁ ኢትዮጵያውያን ለወገን ደራሹ ወገን ነው በሚል መርህ ያዋጡት ገንዘብ ችግሩን በሙሉ የሚቀርፈው ነው ብለው ባያስቡም፤ ለችግሩ ማቃለያ መርጃ ይሆናል በሚል ወደፊትም እንዲህ ባለው ወገናዊ ትብብር ላይ እንደሚሳተፉ ቃል ገብተዋል። የዚህ ዝግጅት አስተባባሪ አቶ አዲሱ ሃብቴ እንደገለጹት ለዓለም አቀፉን የሥደተኞች ድርጅት ገንዘቡን የምናስረክበው ተመላሾቹን ለመርዳት ሲሆን፤ የተዋጣውን 23ሺህ ዶላር በቼክ አስረክበናል ብለዋል።
The photo above is from the check presentation event on Sunday, Feb. 2, courtesy of Addisu Habte.