የትግራይ ምእራባዊ ዞን አስተዳዳሪ የሆነው ፍስሃ በርሀ ከ44 ሚልዮን ብር በላይ ለግል ጥቅሙ በማዋሉ የተነሳ የዞኑ ነዋሪዎች ምሬታቸውን በማሰማት ላይ መሆናቸው ተገለፀ።

ለደህሚት በደረሰው መረጃ መሰረት የምእራብ ትግራይ ዞን አስተዳዳሪ የሆነው ፍስሃ በርሀ ለሁመራ ከተማ መሰረተ ልማት ተብሎ በተለያየ መልኩ ከህዝብ የተዋጣው 44 ሚሊዮን ብር ስልጣኑን ተገን በማድረግ ለግል ጥቅሙ ማዋሉን ታውቆ እያለ እስከ አሁን ድረስ ሊጠየቅ አልቻለም በሚል የሁመራ ከተማ ከንቲባ አቶ አለሙ አየነው ይመራው በነበረው ስብሰባ ላይ ጉዳዩ ቢነሳም አጥጋቢ የሆነ ምላሽ እንዳልተሰጠበት ለማወቅ ተችሏል።
መረጃው በማከል ይህ በትክክል የተመደበውን በጀት ያጠፋፋው ፍስሃ በርሀ እንደሆነ አስቀድሞ በማስረጃ አስደግፈው ቢያቀርቡም የተጠፋፋው ገንዘብም የክልል ከፍተኛ ባለስልጣናት እጅ ሰላለበት ገንዘቡን ያጠፋፋው ሃላፊ አንድ ጊዜ ወደ ሌላ ስራ ሄደዋል። ሌላ ጊዜ ደግሞ ታምመዋል በማለት እርስ በርሳቸው የሚጋጩ ምክንያቶችን በመደርደር እስከ አሁን ድረስ ወደ ህግ ሊቀርብ ባለመቻሉ ምክንያት ነዋሪውን ህዝብ እንዳስቆጣው መረጃው አስረድቷል።

አዲሱ ዓመት ቤተ ክርስቲያን በፀረ ሙስና እንቅስቃሴዋ ልዕልናዋን የምታስመልስበት እንደሚኾን ፓትርያርኩ ተናገሩ
የለውጥ እንቅስቃሴውን ለማስቀረት “የተለያዩ ነፋሳት እየነፈሱ” መኾኑን ጠቁመዋል
የሰንበት ት/ቤቶች የፀረ ሙስና እንቅስቃሴውን በማጠናከር በጋራ እንዲሠሩ ጠይቀዋል

ሰንደቅ ጋዜጣ እንደዘገበው:

መጪው 2008 ዓ.ም.፣ ቤተ ክርስቲያን የመልካም አስተዳደር ችግሮቿን አስተካክላ ልዕልናዋን የምታስመልስበት እንደሚኾን፣ የኢትዮጵያ ኦርቶዶክስ ተዋሕዶ ቤተ ክርስቲያን ፓትርያርክ ብፁዕ ወቅዱስ አቡነ ማትያስ ተናገሩ፡፡

ከቤተ ክርስቲያኒቱ መሠረታዊ ባሕርይ ጋር የማይስማሙ የሙስና እና የሥነ ምግባር ብልሹነትን ለማስወገድ የተጀመረው እንቅስቃሴ፣ “ጭላንጭል እየታየበት ነው” ያሉት ፓትርያርኩ፣ የሰንበት ት/ቤት ወጣቶች፣ የቤተ ክርስቲያኒቷ ልዕልና እና ሕይወት እስኪመለስ በሰላማዊ መንገድ እና በአቋም መታገላቸውን አጠናክረው እንዲቀጥሉም አሳስበዋል፡፡

አቡነ ማትያስ በፓትርያርክነት በተመረጡበት በዓለ ሢመት፣ በቆራጥ የለውጥ ርምጃዎች የፀረ ሙስና ሥርዐት ለመደንገግ የገቡትን ቃል መነሻ በማድረግ በተካሔዱ እንቅስቃሴዎች ላይ ከየሰንበት ት/ቤቶች ሥራ አመራር አባላት ጋር ከትላንት በስቲያ ከቀትር በኋላ በጽ/ቤታቸው ተወያይተዋል፡፡
በጠቅላይ ቤተ ክህነት የሰንበት ት/ቤቶች ሀገር አቀፍ አንድነት እና በአዲስ አበባ ሀገረ ስብከት የሰንበት ት/ቤቶች አንድነት የሥራ አመራር ጉባኤ ተወካዮች በተገኙበት ውይይት፤ “ሙስናንና ብልሹ አሠራርን ለማረም እና ለማስወገድ በሚደረገው ከፍተኛ ጥረት ከጎኔ እንድትቆሙ” በሚል ፓትርያርኩ የሰጡት አባታዊ መመሪያ ምእመኑን ያስደሰተ እና ወጣቱን ያነቃቃ መኾኑ በተወካዮቹ ተገልጧል፡፡
መመሪያውን ለማስፈጸም የሰንበት ት/ቤት ወጣቶች የበኩላቸውን ጥረት እያደረጉ እንዳሉ የተናገሩት የማደራጃ መምሪያ ዋና ሓላፊ፣ ችግሩ ዘላቂ መፍትሔ እንዳይገኝለት የሚጥሩ ኃይሎች ፓትርያርኩ ከወጣቶች እንዳይገናኙ የፈጠሩትን ዕንቅፋት አስረድተዋል፤ ዕንቅፋቶቹን በመቋቋም በተሠሩ ሥራዎች ወጣቶቹን እንዲያበረታቱም ጠይቀዋል፡፡
ቤተ ክርስቲያኒቱ ከፍተኛ የገቢ ምንጭ እና ሰፊ የመሬት ይዞታ ቢኖሯትም የሚገባውን ያኽል ተጠቃሚ እንዳልኾነች ሰሞኑን ለጠቅላይ ቤተ ክህነቱ አስተዳደር ጉባኤ የቀረበው የአዲስ አበባ አድባራት የመሬትና ሕንፃዎች ኪራይ ተመን ጥናታዊ ሪፖርት ማረጋገጡን የፓትርያርኩ ልዩ ጸሐፊ በውይይቱ ላይ ጠቅሰዋል፡፡ የንግድ ተቋማቱ የሚያመነጩት ገቢ የግለሰቦች መጠቀሚያ ከመኾኑ ባሻገር፣ በሀገረ ስብከቱ የቃለ ዐዋዲውን ሕግና መመሪያ ተደግፎ በታማኝነት ባለመሠራቱ በየወሩ ብር 100 ሚሊዮን፣ በዓመት ብር 1ነጥብ5 ቢልዮን ለራስ አገዝ ልማት መሰብሰብ ሲቻል እንደሚመዘበር ልዩ ጸሐፊው ገልጸዋል፡፡
በሙሰኛ ሓላፊዎች ላይ አስተማሪና ሕጋዊ ርምጃ በመውሰድ ብልሹ አሠራርን በወሳኝ መልኩ ለማረምና ለማስወገድ፤ በመሪ ዕቅድ የሚመራ፣ ግልጽነትና ተጠያቂነት ያለው፣ ለለውጥ የተዘጋጀ አስተዳደራዊ መዋቅር ለማደራጀት፤ ዘመኑን የዋጀና ወጥነት ያለው የፋይናንስ አያያዝና አጠቃቀም ሥርዐት ከጠቅላይ ቤተ ክህነት እስከ አጥቢያ ቤተ ክርስቲያን ለመዘርጋት በፓትርያርኩ የተጀመረው ጥረት በቅርቡ በተሳካ መልኩ ከዳር እንደሚደርስ ልዩ ፀሐፊው አብራርተዋል፡፡ “የጠቅላይ ቤተክህነቱ የአስተዳደር ጉባኤ ብዙ ከደከመበት ጥናታዊ ሪፖርት ጋር ተያያዞ በቅርቡ ኹላችንም በጉጉት የምንጠብቀውን ነገር እናያለን፤” ያሉት ልዩ ጸሐፊው፣ “በአዲስ ዘመን፣ በአዲስ መንፈስ ቤተ ክርስቲያናችን የተሳካ አስተዳደራዊ የለውጥ ኹኔታ ይኖራታል ብለን ተስፋ እናደርጋለን፤ እናንተ ወጣቶች ስለኾናችኹ በሩ ክፍት ነው፤ አግዟቸው፤” ብለዋል፡፡
የተጀመረውን የፀረ ሙስና እንቅስቃሴ ለማዳከምና ተቋማዊ ለውጡን ለማስቀረት “ብዙ ነፋሳት እየነፈሱ” እንዳሉ ያመለከቱት ብፁዕ ወቅዱስ አቡነ ማትያስ፣ የሰንበት ት/ቤት ወጣቶች “ሕይወት የሚሰጠውን የቤተ ክርስቲያኒቱን ነፋስ (መልእክት)” ብቻ ማድመጥ እና መከተል እንደሚገባቸው መክረዋል፡፡
ቤተ ክርስቲያን የካህናትም የምእመናንም መኾኗንና ልዩነቱ የሓላፊነት ድርሻ ብቻ እንደኾነ ያስረዱት አቡነ ማትያስ፣ ‹‹ትውልዱ ዛሬ በሚሠራው ሥራ የታሪክ ተጠያቂም ተመስጋኝም በመኾኑ ወጣቶች አያገባችኹም አይባልም፤ የነገ የቤተ ክርስቲያን ተረካቢዎች ናችኹ፤ በሞያችኹ፣ በዕውቀታችኹ የበለጸጋችኹ ስለኾናችኁ ትልቅ ሚና አላችኹ፤ ይኼን ጸያፍ ነገር አስወግደን የቤተ ክርስቲያንን ሕይወቷን፣ ልዕልናዋን እስክናስመልስ አብረን በጋራ መቀጠል አለብን፤›› በማለት የሰንበት ት/ቤቶቹን አመራሮች አሳስበዋል፡፡
ፓትርያርኩ፣ ጭላንጭል ታይቶበታል ባሉት የፀረ ሙስና እንቅስቃሴ፣ የቤተ ክርስቲያኒቱን መብቶች እና ጥቅሞች አሳልፎ በመስጠት አላግባብ የበለጸጉ የአድባራት ሓላፊዎች በሕግ አግባብ እንዲጠየቁ የጠቅላይ ቤተ ክህነቱ የአስተዳደር ጉባኤ ውሳኔ እንዳሳለፈ መዘገቡ ይታወሳል፡፡

ሳሙኤል አሊ ከ- ኖርዌይ

ህግ በታሰረበት አገር ሰለ ህግ ማውራት ቀልድ ሊሆን ይችላ ይሆናል። ነገር ግን  ትግልን የሚወልደው ወይም ታጋይን የሚያበዛው የህግ የበላይነት ሲጠፋ ነው። ህግ ባልተከበረባት አገር ዜጎች ሁል ግዜም ሰቆቃ ውስጥ እንደሆኑ ማሰብ አለብን። ህግ እራሱ ሰለታሰረ ፍርድ ቤቶች የቧልት ቤት ሆነዋል።

የፖለቲካ እስረኞች ጋዜጠኞች ጦማሪያን ያለምንም ቅድመ ሁኔታ አሸባሪ በሚል ታርጋ ወደ እስር ቤት ተወርውረው የመከራና የሰቆቃ ግዜአቶችን ሲያሳልፉ ምን ባደረጉት ወንጀል ነው የሚል  በሁሉም ልብ ውስጥ ጥያቄ መጫሩ አይቀሬ ነው። ታዲያ የሚፈለገው እኮ እርሱ ነው  እነዚህ ሰወች እኮ  ለኛ ትልቅ የትምህርት ተቋም  መምህሮቻችን ናቸው። የወያኔን ስርአት ቁልጭ አድርገው ያሳዩን በነዚህ በእውነተኛ ብዕረኞችና ፖለቲከኞች ነውና ። ኢትዮጵያዊው ሁሉ ጎበዝ ተማሪ ሆኖ የታሰረውን ህግ ማስፈታት የሚችል እንደ መምህሮቻችን ቆራጥና  ጀግና  የሚሆን ትውልድ  እነደ ሰደድ እሳት ውስጥ ውስጡን ሊቀጣጠል ይገባል። ጊዜው በኢትዮጵያ የታሰረውን ህግ በማስፈታት ነጻና እውነተኛ ፍታዊ ስረአትን መዘርጋት  እንደሆነ ሊሰመርበት ይገባል እንጂ፡ ህግ አሳሪን አስወግደን በምትኩ ሌላ ህግ ጨፍላቂ ለመተካት አለመሆኑ ይታወቅ።

ምርጫ በቀረበ ቁጥር ጭንቅ ጥብብ የሚለው ወያኔ አሉ አሉ የተባሉትን ፖለቲከኞች እና ፀሐፍትን፤ ጋዜጠኞችን፤ ለቅሞ ማሰር የተለመደ ተግባሩ ነው። ምክንያቱም በክፍተኛ ሁኔታ ሕዝቡን ሊያነሳሱት ይችላሉ በማለት እና ሕዝቡንም መሪወቻቹህ እና ጋዜጠኞቻቹህ ታስረዋል እናተም አንዳች ነገር አደርጋለው ካልቹህ ካለችሁበት ተለቃቅማቹህ  እነሱ የገቡበት ትገባላቹህ የሚል መልእክት ማስተላለፊያ መንገድ ነው።  ሰለዚህ የኢትዮጵያ ህግ ቀድሞ ስለታሰረ የህግ ከለላ ማግኘት አይችሉም።

ታዲያ እኛ እንሱ ሲታሰሩ እሪ ብሎ ማልቀስና መጮህ ሲፈቱ ደግሞ እልል ብሎ መዘመር ነው እኔዴ ስራችን? ይሄ አይደለም የኛ ኢትዮጵያን ስራ ሊሆን የሚገባው ስታስሩ ለምን? ሲፈቱስ በምን የህግ አግባብ ተፈቱ? ብሎ የመጠየቅ ሃላፊነት አለብን። እዚህ ጋር ሊሰመርበት የሚገባው አሳሪውም ማን ነው? ፈቺውስ ማን ነው? አሳሪውም ፈቺውም በህግ ሊጠየቁ ይገባል ለምንስ አሰርካቸው ለምንስ ፈታሃቸው?

ዛሬ የፈታቸውን ነገ አለማሰሩ ምን ዋስትና አለ? ዛሬ ነጻ ናቸው የተባሉት ነገ ወንጀለኛ ናቹሁ ተብለው አለመያዛቸው ምንስ ማረጋገጫ አለ? ወያኔ ሲጨንቀው ማሰር ሲጠበው ሊፈታ የሚችልበትን ህግ ማን ሰጠው ይህ ሁሉ ዘግናኝ ስህተቶች እየተፈጸሙ ያሉት እራሱ ህግ እሰር ላይ ስለሆነ ነው።

እንጠይቃለን፦

1 ህግ (ፍርድ ቤቱ) ይፈታልን ነጻ ይሁንልን።

2 ያለወንጀላቸው አሸባሪ ተብለው ንጹሃን የኢትዮጵያ ልጆች በእስር መማቀቃቸው ይታወቃል ስለዚህ እነዚህ ንጹሐን ወደ እስር ያስገባቸው አካል በአስቸካይ ለፍርድ ይቅረብልን።

3 ያለ በቂ ማስረጃ ታስረው ቆይተው አሁን ላይ ነጻ ናቹህ ብሎ የለቀቃቸው አካል የደረሰባቸውን የሞራል፤ የጊዜ ፤ የስነ ልቦና ጉዳት፤ ሳይመለከት ነጻ ናቹህ ብሎ አሳሪወችን  ለፍርድ ሳያቀርብ የፈታው አካል  ለፍርድ ይቅረብልን።

4 በነዚህ ንጹሃን ኢትዮጵያን ላይ የተሰራው ግፍ በነሱ ላይ ብቻ ሳይሆን በሁሉም ኢትዮጵያዊ ላይ እየተፈጸመ ያለ ጉዳይ ስለሆነ  ያለምክንያት ከተያዙበት ጊዜና ሰዓት ጀምሮ  ሰለደረሰባቸው የሞራልና እና እንዲሁም ያለአግባብ በእስር ስላባከኑት ጊዜ ተገቢውን ካሳ እንዲከፈላቸው እንጠይቃለን።

5 ሌሎች ንጹሃን ኢትዮጵያን በወያኔ ጉጅሌ  የፈጠራ አኬል ዳማ ድርሰት የታሰሩት በአፋጣኝ ተፈተው ተገቢውን ካሳ እንዲሰጣቸው እንጠይቃለን።

ይህ ይሆን ዘንድ ግድ ነው። ወያኔ ከአሁን በሃላ በአንተ ስራ ማንም አይታለልም የካንጋሮ ፍርድ ቤትህንም ማንም ኢትዮጵያዊ አያምነውም የምንታገለው የታሰረው ህግ እስከሚፈታ ድረስ ነው እንጂ በፈጠራ ድርሰት ያሰርካቸው ብቻ  እስኪፈቱ አይደለም። የምንታገለው ህግን ያሰሩትን እና  ሕዝብን የሚያሰቃዩበትን ህግን አስፈትተን ህዝባችን ነጻ አደርገን ህግ አሳሪ እና ሕዝብ ጨቋኝ የነበሩትን ለፍርድ ለማቅረብ ነው። አገራችን ነጻ እስከምትሆን ድረስ ነጻ የሆነውን ህዝባችንን ልታሰቃዩ  ትችሉ ይሆናል፡ አሳሪ እና ገዳይ እንዲሁም አረመኔ የሆነው ወያኔን አስወግደን የሁላችን አገር እስከምናደርጋት ድረስ ልታስሩን ልትገድሉን ትችሉ ይሆናል፡ በደል ጭቆና እስራት እንግልት ግድያ የመብት ጥሰት  ሲበዛ  ሰው ፈሪ ይሆናል ብላቹሁ አስባቹ ከሆነ በወያኔ  አእምሮአችሁ ማለትም በጠባብ እና እውቀት በሌለው ማሰቢያቹህ የተጨቆነ ሕዝብ የሚባላ አብዮት እንደሆነ የምታዩበት ጊዜ  ቅርብ ነው። ህዝብ አብዮት ነው አብዮት የሚመጣው የተጨቆኑ ህብረተሰብ ለለውጥ የሚነሳበት አንባገነኖች የሚያለቅሱበት  የማይጠፋ እሳተ ገሞራ ነው ይሄም ሕዝባዊ አብዮት አንባገነኖችን የሚያጠፋ እሳት ነው።

ጋዜጠኞች እንዲሁም ፖለቲከኞች እንዲሁም ፀሃፊያኖች በመፈታታችሁ ደስተኛ ነኝ።  አሁን  ግን ትግሉ ኢትዮጵያን ለማስፈታት ነውና ትግሉን ሁሉም በአንድነት ተቀላቀሉ  ኢትዮጵያዊ ሁል ጊዜ አሸናፊ ነው።

ድል ለሰፊውየኢትዮጵያ ሕዝብ

ሞት ለዘረኛው ወያኔ ይሁን

ሳሙኤል አሊ ከ-ኖርዌይ

Email samilost89@yahoo.com

መሳይ መኮንን

ዛሬ ለኢሳት የደረሰው ጥብቅ መረጃ 11ዓመታትን ወደ ኋላ በትዝታ ወሰደኝ:: ከተባበሩት መንግስታት ድርጅት ከዋናው ጸሀፊ ቢሮ አፈትልኮ የወጣው መረጃ እንደሚያጋልጠው ለሰላም አስከባሪ 11 ሺህ የኢትዮጵያ ሰራዊት የሚከፈለው ደምወዝ ከ90 በመቶ በላይ የህወሀት ካዝና ውስጥ የሚገባ ነው:: በወር 13 ሚሊዮን ዶላር(500 ሚሊዮን ብር ገደማ) የወታደሩ ገንዘብ ህወሀቶች ይቀራመቱታል:: ይህን ጉዳይ የመንግስታቱ ድርጅት የሚያውቀው ይመስለኛል:: ለዚህም እኔ የተሳተፍኩበትን የሰላም አስከባሪ ዘመቻ አጋጣሚ በአስረጂነት ማሳየት እችላለሁ::

እኤአ በ2003-2004 በመንግስታቱ ድርጅት የበላይነት: በአፍሪካ ህብረት አስፈጻሚነት ከተላከው የኢትዮጵያ የሰላም አስከባሪ ሰራዊት ጋር ወደ ቡሩንዲ ሄጄ ነበር:: ወደ 18 የምንሆን አስተርጓሚዎች ከ8 ወር እስከ 1 ዓመት ቆይተናል:: ዝርዝሩን ሌላ ጊዜ በሰፊው እመለስበታለሁ:: ከገንዘብ ጋር በተያያዘ የተፈጸመውን የህወሀቶችን ለከት ያጣ ስግብግብነትን ላጫውታችሁ:: 

በዘመቻው በUN ደረጃ ወርሃዊ ደምወዝ ከ1000 ዶላር ያላነሰ: የመስክ ክፍያ በቀን 60 ዶላር: የበዓል ክፍያ በአንድ በዓል 1000 ዶላር: የላብ መተኪያ: …..በጣም ብዙ ዓይነት ክፍያዎች ነበሩት:: አብዛኛው የሰላም አስከባሪ ሰራዊት አባላት በተስፋ ነበር ወደ ቡሩንዲ የተጓዘው:: እዚያ እንደደረስን ነገሮች ሁሉ የተገላቢጦሽ ሆኑ:: ቃል የተገባው: በውል የታሰረው( የሚገርመው የውሉን 3 ኮፒዎች አንሰጥም ብለው እዚያው መከላከያ ግቢ ቀርቷል:: መንግስትን አምነን ነው የተጓዝነው) ክፍያ የለም:: በወር 40 ዶላር ለኪስ እየተሰጠን: ምግብና መጠጥ በአላሙዲን እየቀረበልን: እየበላንና እየጠጣን መኖር ብቻ ሆነ:: ከኢትዮጵያ ሌላ የደቡብ አፍሪካና ሞዛምቢክ የሰላም አስከባሪ ሃይሎችም ለተመሳሳይ ዘመቻ ቡሩንዲ ገብተዋል:: ለእነሱ የሚገባቸው ክፍያና ጥቅማጥቅም ሀገራቸው በባንክ አካውንታቸው የሚገባላቸው ይህንንም የሚያረጋግጥ ደረሰኝ በየወሩ እንደሚደርሳቸው በነበረን ቅርበት ተረዳን:: እኛ ግን ምንም የለም:: ስንጠይቅ ኢትዮጵያ ይጠራቀምላችኋል የሚል መልስ ከማስፈራሪያ ጋር ይሰጠናል::

በእኛና በሌሎቹ ለተመሳሳይ ዘመቻ በመጡ ሀገራት የሰላም አስከባሪው ዘመቻ አባላት መሃል ያለው የኑሮ ሁኔታ የሰማይና የምድርን ያህል የሚራራቅ ነበር:: በህወሀት ስግብግብነት የተነሳ በጣም በሚያሳፍር የኑሮ ገጽታ መቀለጂያ ሆንን:: በሰራዊቱ ውስጥ ቅሬታው ስር ሰደደ:: ተስፋው ጨለመ:: በወር 40 ዶላር እየወረወሩ እዚያ ይጠራቀምላችኋል በምትል ከቃል ያለፈ በደረሰኝ ያልተረጋገጠች ተስፋ ብቻ ይዘን በብስጭት ገፋን:: በመሃል ሲብስብን አስተርጓሚዎች ተነጋግረን ቡጁምቡራ በሚገኝ የUN ጽ/ቤት አቤቱታ ልናቀርብ ሄድን:: የተሰጠን ምላሽ ተስፋችንን ይበልጥ ገደለው:: “ስለ እናንተ የተፈራረምነው ከመንግስታችሁ ጋር በመሆኑ አይመለከተንም:: መንግስታችሁን ጠይቁ::” የሚል ወሽመጥ የሚቆርጥ ምላች ተሰጠን::

በመሃሉ መለስ ዜናዊና ሳሞራ የኑስ ሊጎበኙን ቡጁምቡራ መጡ:: ሳሞራ ሰብስቦን ችግር ካለ ንገሩኝ አለ:: ሰራዊቱ የክፍያው ነገር ሲያንገበግበው ስለከረመ ሳሞራን ሲያገኝው በየተራ እየተነሳ ጠየቀው:: ሳሞራ ጀት ሆነ:: ባለጌ አፍ እንዳለው ያረጋገጥኩት የዚያን ዕለት ነው:: የኢትዮጵያን የችግር መዓት ሲዘረዝር: መዓት ሲያወራ ቆየና ” ሰው እንደ ቤቱ እንጂ እንደ ጎረቤቱ አይኖርም:: የሌሎችን እያያችሁ እንደነሱ እንሁን ማለት አደጋ አለው:: እዚህ ገንዘብ ምንም አያደርግላችሁም:: በብር ኢትዮጵያ እየተጠራቀመላችሁ ነው:: ለሸርሙጣ ፈልጋችሁ ከሆነ ኢትዮጵያ ስትመለሱ ትደርሱበታላችሁ…..” እያለ ወረደብን::

ሰራዊቱ ቅስሙ ተሰበረ:: ብዙ የምንሰራው ስራ አለ:: ትምህርት ቤት እንገነባለን:: ….እያለ ተንዘባዘበ:: የዚያን ዕለት ሌሊት ከአምቦ የመጣ የሰራዊቱ አባል በታጠቀው መሳሪያ ራሱን አጠፋ:: ባርቆበት ነው የሚል ሪፖርት እንድናዘጋጅ በህወሀት የጦር አዛዦች መመሪያ ተሰጥቶን የውሸት ሪፖርት አዘጋጅተን ለUN ተላከ:: ይህ የሆነበትም ራሱን ካጠፋ UN ካሳ አይከፍልም:: እርግጠኛ ነኝ በዚህ የተገኘውን በብዙ መቶ ሺህ የሚቆጠር ዶላር ህወሀቶች ኪስ ገብቷል::
ወደ ኢትዮጵያ ስንመለስ እየተጠራቀመላችሁ ነው እየተባለ ስንሸነገል የከረምንበትን ገንዘብ ሊሰጡን ተዘጋጁ:: ለአንድ የሰላም አስከባሪ ሰራዊቱ አባል በትንሹ ከ250ሺህ ብር በላይ ወይም በወቅቱ ምንዛሪ 10ሺህ ዶላር መከፈል ነበረበት:: በጣም የሚያሳፍር የሚያስደነግጥ ነገር ነበር የጠበቀን:: እንደ ቆይታ ጊዜ ከ15ሺህ እስከ 25ሺህ የኢትዮጵያ ብር ሰጥተው አሰናበቱን:: ከእያንዳንዳችን ከ200ሺህ ብር በላይ ህወሀቶች ተቀራመቱት:: …በሌላ ጊዜ በስፋት እመለስበታለሁ::

የኢትዮጵያ የስደት መንግስት መመስረት አስፈላጊነት ላለፉት ሁለት አስርት አመታት፣ በተለይ ደግሞ የግንቦት 1997 ዓ.ም. ሃገራዊ ምርጫን የህወሃት/ኢህአዴግ ስርዓት በጠመንጃ አፈሙዝ ከህዝብ መንጠቁን ተከትሎ ውይይትና ክርክር ሲደረግበት ቆይቷል። የተሰረቀውን የህዝብ ድምፅ ለማስመለስ የተለያዩ ግለሰቦችና ድርጅቶች የተለያየ የትግል ስልት መከተልን መርጠዋል። አንዳንዶች የትጥቅ ትግል ሲመርጡ፣ ሌሎች የምርጫ ፖለቲካን ገፍተውበታል። የአፖርታይዱ ወያኔን አምባገነን ስርዓት አስወግዶ ሁሉን አቀፍ ህዝባዊ የሽግግር መንግስት ለማቋቋም እስካሁን ያልተሞከረ መንገድ ቢኖር የፓርቲ ፖለቲካን ወደ ጎን በመተው ባለድርሻ አካላትን ሁሉ ያሳተፈ የስደት መንግስት አለመመስረቱ ነው።

ይህን ሃሳብ ወደ ቀጣይ ምዕራፍ ለማሸጋገር ሐምሌ 2012 እ.አ.አ. አያሌ ኢትዮጵያውያን በዳላስ ቴክሳስ በመሰባሰብ የኢትዮጵያ የሽግግር ምክር ቤት መስርተዋል። የሽግግር ምክር ቤቱም ላለፉት 3 ዓመታት ሃሳቡን ለማስረፅና ስምምነት ለመድረስ ከሚመለከታቸው ባለድርሻ አካላት ጋር በርካታ ስብሰባዎችና የምክክር ጉባዔዎች አካሂዷል።

ባሳለፍነው ወር ሐምሌ 2015 የኢትዮጵያ ብሄራዊ የሽግግር ምክር ቤቱና የኢትዮጵያ ወጣቶች ብሄራዊ ንቅናቄ ከተለያዩ የድርጅቶች ተወካዮችና ታዋቂ ግለሰቦች ጋር ለሁለት ቀናት በዋሽንግተን ዲሲ ውይይት ካደረጉ በኋላ የኢትዮጵያ የስደት መንግስት አደራጅ ኮሚቴ ለማቋቋም ተስማምተዋል። በአሁን ወቅት የኢትዮጵያ የስደት መንግስት አደራጅ ኮሚቴ በመመስረት ላይ ይገኛል። የመጀመሪያ መዋቅሩ ተዘጋጅቷል። የኮሚቴው ተቀዳሚ ስራ የሚሆነው፤ 1) የኢትዮጵያ የስደት መንግስት መመስረት አስፈላጊነትን ለህብረተሰቡ ግንዛቤ ማስጨበጥ፣ 2) አስፈላጊ የሆኑ ህዝባዊ፣ ፖለቲካዊ፣ ዲፕሎማሲያዊና የፋይናንስ ድጋፎችን ማሰባሰብ 3) የስደት መንግስቱን መሰረት መገንባት። የስደት መንግስት ምስረታው ብዙ ደረጃዎች ይኖሩታል። የኢትዮጵያን ህዝብ ድጋፍ ለማግኘት በጣም በጥንቃቄ ታቅዶ ጠንካራ ስራ መስራት እንደሚያስፈልግ ኮሚቴው ይረዳል። በተጨማሪም ዘርፈ-ብዙ ስራዎችም እንዳሉት ይገነዘባል። በሚቀጥሉት ቀናትና ሣምንታት አደራጅ ኮሚቴው የነደፋቸውን እቅዶች ለህዝብ ይፋ በማድረግ የተለያዩ ተግባራትን ያከናውናል።

የኢትዮጵያ የስደት መንግስት የመጨረሻ ግብ የሚሆነው ኢትዮጵያ ውስጥ የተረጋጋ፣ ሰላማዊና ወደትክክለኛ ዲሞክራሲያዊ ሽግግር መኖሩን ማረጋገጥ ነው። ከዚህ በፊት ያልታቀደ የስርዓት ለውጥ የሚያስከትለውን ቀውስ አይተናል። ለዚህ ደግሞ ሃገራችንን መመልከት በቂ ነው። በአሁን ወቅት በሶሪያና ሊቢያ እየሆነ ያለውን መመልከትም እንችላለን። ኢትዮጵያ ውስጥ ፈጠነም ዘገየም ለውጥ መምጣቱ የማይቀር ነው — ምክንያቱም አምባገነን ስርዓትን ለመታገል ህዝብ በየትኛውም ሀገር ቢሆን ማመጹ ስለማይቀር። በተቻለ መጠን ሌላ ቀይ ሽብር፣ ሌላ አፖርታይድ ስርዓት፣ ሌላ የህዝብ እልቂት በሀገራችን እንዳይከሰት የሚመጣው ለውጥ በሰላማዊ ሂደት እንዲያልቅ እንፈልጋለን። የታቀደ፣ የተደራጀና ሠላማዊ ለውጥ ኢትዮጵያ ውስጥ እንዲመሰረት በሚደረገው ጥረት ሀገር ወዳድ ኢትዮጵያውያን ሁሉ እንድትሳተፉ ጥሪያችንን እናስተላልፋለን!

ለግንኙነት በኢሜል፤ contact@etntc.org ወይም ethioyouthmov@gmail.com

ከኤርሚያስ ለገሠ

1• ደስታ እና ሀዘን

ረቡዕ፤ ሰኔ ፲ ቀን፤ ፳ ፻ ፯ ዓመተ ምህቱረት ( 6/17/2015 )

እንዴት ትግሉን በትክክል ወደ ፊት ማስኬድ ይቻላል?
በመጀመሪያ ደረጃ ሁላችን መረዳት ያለብን፤ ይህ ትግል በአምባገነኑ ወገንተኛ የትግሬዎች ነፃ አውጪ ግንባርና በኢትዮጵያ ሕዝብ መካከል ብቻ ነው። ይህ መነሻና መድረሻ ተደርጎ መወሰድ አለበት። አሁን ሁላችንንም ወጥሮ የያዘን፤ ትግሉን ለምን በአንድነት፤ የሀገራችን የነፃነት ትግል አናደርገውም? የሚለው ጥያቄ ነው። አንዳችን ከሌላችን የተለየ አመለካከት ስለያዝን ብቻ፤ በመካከላችን ጠላትነት ነግሦ፤ “አንተ ወያኔ ነህ!” የሚል ወፍ ዘራሽ ውንጀላ አስቀድሞ መወርወር ትክክል አይደለም። በመደማመጥ በውይይት ሊፈታ የሚችለውን የሃሳብ ልዩነት፤ እንደ የፖለቲካ ውጊያ አድርጎ መበጣጠሱ ጎድቶናል። የተለያየ ሃሳብ ይዞ፤ በሚስማሙበት አብሮ መስራት ይቻላል። የግድ በሁሉም ነገር ሁላችን መስማማት የለብንም። ይህ መሠረታዊ የዴሞክራሲን ሀ ሁ የተቀበሉ ሁሉ የሚስማሙበት ጉዳይ ነው። ታዲያ ለምንድን ነው በመካከላችን መግባባት ያልቻልነው? የዛሬው የማጠቃለያ ጽሑፍ የሚያተኩረው፤ በመካከላችን መግባባትን እንዴት መፍጠር እንችላለን? ምንስ ብናደርግ ትግሉን ወደፊት ማስኬድ እንችላለን? ካለንበት የምስቅልቅል ሀቅ ወጥተን ወደፊት ለመሄድ ከየት እንጀምር? ለሚሉት መልስ በመሥጠት፤ ትክክለኛ አስተባባሪና አስተማማኝ መፍትሔ አቅርቦ፤ ትግሉ በትክክል እንዲመራና ወደ ሕዝባዊ ድሉ ጉዟችን እንዲያቀና መጋበዝ ላይ ነው።

ትግል ወደው የሚገቡበት ክስተት አይደለም። ትግል የሙያ መስክ አይደለም። ትግል ግድ ብሎ የሚመጣ የኅብረተሰብ ክንውን ነው። የአንድ ሀገር ነዋሪዎች፤ በሀገራቸው ያለው ሥርዓት “ትክክለኛ አይደለም!” “ከመስመር ወጥቷል!” ብለው ሲነሱና የሥርዓቱ አራማጅ እንጃላችሁ ሲል፤ ሕዝቡ በእምቢታ ሲነሳ፤ ሕዝባዊ ትግል ነው። ይህ ደግሞ ሁሌ የሚደረግና ለአንዳንዶቹ የሙያ ዘርፍ ሆኖላቸው የሚከርሙበት መኖሪያ አይደለም። በአንድ የታሪክ አጋጣሚ የሚከሰት ነው። አሁን ሀገራችን ላለችበት ሁኔታና ታጋዮች ላለንበት ሀቅ፤ በቂ ምክንያት አለ። ምክንያቱን መርምረን ማግኘት አለብን። ሌሎችን ለዚህ ምክንያት ተጠያቂ ማድረጉ አግባብነት የለውም። ያንን ምክንያት የፈጠርነውና አስተካክለንም ወደፊት መሄድ የምንችለው፤ እኛው ነን። ለየብቻችን መፍትሔ ፈላጊዎች ብቻ ሳንሆን፤ ለየብቻችን ተግባሪዎቹም በመሆን በየበኩላችን ሩጫ ይዘናል። ለምን? ይህ የሀገራችን የሁላችን ጉዳይ አይደለም! ታዲያ ለምን በአንድነት የምንዘምትበትን መንገድ አንፈልግም። በመካከላችን ያለው፤ የትግሉን መንገድ በሚመለከት ያለ ልዩነት አይደለም። በኔ አመለካከት፤ ያሉትን ልዩነቶች በሶስት ከፍዬ አስቀምጭቸዋለሁ።

የመጀመሪያውና ዋናው ማጠንጠኛ፤ የትግሉን መሠረታዊ ምንነት በሚመለከት ያለው ልዩነት ነው። ይህ የትግሉን ሂደት ቅደም ተከተል በሚመለከት የተወሰነ አይደለም። ይህ መሠረታዊ የሆነውን ለምን እንደምንታገል የሚደነግገውን ጉዳይ የሚመለከት ነው። “በኢትዮጵያ ያለው የፖለቲካ ሀቅ ምንድን ነው?” የሚለውን መመለሱ ላይ ነው። ለዚህ የሚሠጠው መልስ ወሳኝ ነው። ከዚህ ተነስቶ ነው የትግሉ እጅና እግር የሚታወቀው። በሀገራችን ምን ዓይነት ሥርዓት አለ? ምን ዓይነት የፖለቲካ ፍልስፍናና የአስተዳደር መመሪያ ያቀነቅናል። የዚህ ሥርዓት ጉዳቱ ምንድን ነው? የሥርዓቱስ ባለቤት ማነው? በዚህ ላይ የኢትዮጵያ ሕዝብ ምን ይላል? የት ነው የምንቆመው? ከኢትዮጵያ ሕዝብ ጋር ወይንስ ከአምባገነኑ ወገንተኛ የትግሬዎች ነፃ አውጪ ግንባር መንግሥት ጋር? እዚህ ላይ፤ ትግሉ የዴሞክራሲ ጥያቄዎችን ለመፍታት የሚደረግ ሩጫ አይደለም። ትግሉ የነፃነት ጥያቄ ነው። የፖለቲካ ፓርቲዎችን ምርጫ አይደለም የያዝነው። ሁለት ሰፈሮች ብቻ ነው ያሉት። አንደኛው የአምባገነኑ ወገንተኛ የትግሬዎች ነፃ አውጪ ግንባር ሲሆን ሌላው የሕዝቡ ሰፈር ነው። የኢትዮጵያ ሕዝብ በአንድነት ሆኖ ነው፤ አምባገነኑን ወገንተኛ የትግሬዎች ነፃ አውጪ ግንባር እምቢ ያለው። ስለዚህ አንድ ኢትዮጵያዊነት ብለን፣ አንድ ወገናችን ብለን፣ አንድ ሀገራችን ብለን፣ አንድ ትግል ብለን መነሳት አለብን።

ሁለተኛው ደግሞ፤ የሀገርን ጉዳይ ለድርጅቶች ኃላፊነቱን መሥጠቱ ላይ ነው። ትግሉን አሽከርካሪዎች ድርጅቶች ናቸው ብለን፤ ሌሎች ኢትዮጵያዊያን ኃላፊነቱን በነሱ ላይ ጥለናል። ሀገሪቱ እኮ ለተደራጁት ብቻ አይደለችም። ለሁላችንም እኩል ነች። ታዲያ ኃላፊነቱን ሁላችን እኩል መካፈል የለብንም? በርግጥ በድርጅት የተሰባሰቡ ሰዎች ጠርቀም ያለ ጉልበት አላቸው። እናም ቅድሚያ ይሰለፋሉ። ይህ ማለት ግን፤ ኃላፊነቱ የነሱና የነሱ ብቻ ነው ማለት አይደለም። ይልቁንም በሀገራችን ላይ ባለው ሀቅ፤ ቅድሚያ መስለፉን ዘንግተውታል። እናም በየድርጅቶቻቸው መርኀ-ግብር ተቆልፈው፤ ከመጠጋጋት ይልቅ መራራቁን መርጠው፤ ከመፍትሔ ይልቅ የችግሩ አካል ሆነዋል። ስለዚህ፤ ኃላፊነቱ በሌሎች፤ ማለትም በግለሰብ ባለነው ሀገር ወዳዶች ላይ ተጥሏል። ለሀገር መታገልና ለድርጅት መታገል አንድ አይደለም። በርግጥ ትግል ሳይደራጁ አይካሄድም። ያ ድርጅት ደግሞ ትግሉ ምን ዓይነት መስመር እየተከተልን መሆናችንን ይናገራል። ለድርጅት መታገል ማለት፤ ድርጅትን መነሻና መድረሻ አድርጎ፣ የኔ ድርጅት ትክክለኛ ስለሆነ፤ በኔ ድርጅት ብቻ ተመርታችሁ ትግሉን ቀጥሉ የሚል ቀጭን ትዕዛዝ ማስተላለፍ ነው። በርግጥ ይሄ በብዙ የተለያየ የሚመስል ነገር፤ ነገር ግን መሠረቱ አንድ በሆነ መልክ ይከሰታል። መሠረቱ ደግሞ፤ ለግል ማስብና ለሀገር ማሰብ በሚለው መካከል ያለው ልዩነት ነው። የያዝነው ትግል የግል ትግል አይደለም። የሀገር፣ የነፃነት ትግል ነው።

ሶስተኛውና ማጠቃለያው፤ መፍትሔውን በሚመለከት ያለው ልዩነት ነው። አንድ ሀገር፣ አንድ ኢትዮጵያዊነት፣ አንድ ትግል ብለን ከተነሳን፤ የአንድነቱ ትግል ዋናና አማራጭ የሌለው ነው። አንድነትን ከግል የተግባር እርምጃ ማስቀደም አለብን። አዎ! ትግሉ ተጀምሯል። ሰዎች በተለያየ የትግል መስክና ሁኔታ ከገዥው ቡድን ጋር እየተፋለሙ ናቸው። ነገር ግን ትግሉ ትክክለኛ ስኬት እንዲኖረው መቀጠል ያለበት፤ ከዓላማ ጋር ተቆራኝቶ እንዲቀርብ ሲደረግ ነው። ግቡ አንድነትን የሚመሠርት፣ አስተማማኝ የሆነና፤ ሁሉን ለአንድ ዓላማ አሰባስቦ የሚያታግል እንዲሆን፤ አንድነቱ አሁኑኑ፤ ባለንበት ደረጃ ቅድሚያ ሊሠጠው ይገባል። ይህ ማለት፤ አንድ ሳንሆን የተያዘው ትግል አደጋው ከፍተኛ ስለሆነ፤ ታጋዮች በየደረሱበት የትግላቸው ሂደት፤ ከሌሎች ጋር እንዲሆን ማድረግ ነው። ይህ ግድ የሚለው፤ የሚከተለውን አደጋ ተረድተው፤ የያዙትን ትግል ለአንድነቱ እንዲገዛ አድርው፤ ድሉንም ሆነ ጉዳቱን ለአንድነቱ እንዲያስረክቡ ነው። ይህ ማለት፤ በመሰባሰብ ለሚመሠረተው የአንድነት ድርጅት፤ ሙሉ ተገዥ ሆኖ፤ በሙሉ ልብ በኢትዮጵያዊነት መምጣት ነው። በተደጋጋሚ የተገለጹትን የትግሉ ራዕይና መታገያ ዕሴቶች በመቀበል ወይንም አስፈላጊ የሆኑ ማሻሻያዎችን በማድረግ፤ አንድ ድርጅት፣ አንድ ትግል፣ አንዲት ኢትዮጵያ፣ አንድ ኢትዮጵያዊነት ብሎ መነሳት ነው። መታገያ ዕሴቶቻችን የሚከተሉት ናቸው፤

፩ኛ.   በኢትዮጵያዊነታችን አንድ ነን። በሀገራችን፤ በኢትዮጵያዊነታችን  የፖለቲካ ተሳትፏችን እናደርጋለን።

፪ኛ.   ሀገራችን ኢትዮጵያ፤ ዳር ድንበሯን አስጠብቀን ለኛው ለኢትዮጵያዊያን እናደርጋታለን።

፫ኛ.   በሀገራችን በኢትዮጵያ፤ የሕግ የበላይነት እንዲሰፍን እናደርጋለን።

፬ኛ.   በኢትዮጵያዊነታችን የግለሰብ ዴሞክራሲያዊ መብቶቻችንን እናስከብራለን።

እንግዲህ ከላይ ያሉትን ሶስት ነጥቦች ትኩረት ሠጥተናቸው፤ በቁጥር ፩, ፪, ፫ ትና ፬ የሰፈሩትን መታገያ ዕሴቶች አንግበን፤እና አሁን ያለንበትን የያንዳንዳችንን ሁኔታ ራሳችን መርምረን፤ በግለ ሰብ ደረጃ፤ እኔ በኢትዮጵያዊነቴ ምን ማድረግ እችላለሁ? የሚለውን እኔ በኢትዮጵያዊነቴ ምን ማድረግ አለብኝ? ከሚለው ጋር አቆራኝተን፤ መሰባሰብ አለብን። በድጋሜ፤ እያንዳንዱ ድርጅት የያዘው የራሱን ድርጅት ትግል አንጂ፤ የኢትዮጵያን ሕዝብ የነፃነት ትግል አይደለም። የኢትዮጵያ ሕዝብ የነፃነት ትግል የሚካሄደው በኢትዮጵያ ሕዝብ አንድነት ነው። እናም ለኢትዮጵያ ሕዝብ የአንድነት የነፃነት ትግል ጥረት እናድርግ። የዚያ አካል እንሁን። ይሄን በሚመለከት ለመተባበር ዝግጁ የሆናችሁ ጥሩኝ፤ ወይንም ወደኔ መልዕከት በመላክ ቅረቡ። የዚህ ትግል ባለቤት የኢትዮጵያ ሕዝብ እንጂ፤ አንድ ግለሰብ ወይንም አንድ ድርጅት አይደለም።

eske.meche@yahoo.com   http://nigatu.wordpress.com

ሀገር የተቀማ ትውልድ እየተነበበ ነው

……………

ሰሞኑን በዳንኤል ተፈራ ተፅፎ ለገበያ የቀረበው ‹‹ሀገር የተቀማ ትውልድ›› የተሰኘው ወጥ የሆነ የፖለቲካ መፅሐፍ እየተነበበ መሆኑን ምንጮቻችን ገለፁ፡፡

እንደምንጮቻችን ገለፃ ወጣቱ ደራሲ፣ አርታኢና ፖለቲከኛ ዳንኤል ተፈራ በአጠቃላይ ለአንባቢ ያደረሳቸው መፅሐፎች ሦስት ሲሆኑ ስድስት ለሚሆኑ የፖለቲካ መፅሐፎችም የአርትኦት ስራ ሰርቷል፡፡ ሰሞኑን ገበያ ላይ ውሎ እየተነበበ ካለው ‹‹ሀገር የተቀማ ትውልድ›› ከሚለው መፅሐፉ በፊት እጅግ ተነባቢ የሆኑ ሁለት መፅሐፎችን ለአንባቢያን እንዳደረሰም ለማወቅ ተችሏል፡፡

የደራሲው ቀዳሚ ስራ በቀድሞው የኢትዮጵያ ፕሬዘዳንት እና በኋላም የተቃውሞ ጎራው መሪ የነበሩትን ዕውቅ ሰው ዶ/ር ነጋሶ ጎዳዳ ሶለንን የህይወት ታሪክ የሚዳስስ ‹‹ዳንዲ- የነጋሶ መንገድ›› የተሰኘው ነው፡፡ ይሄ መፅሐፍ በ2003 ዓ.ም ለህትመት የበቃ ሲሆን በአንድ ሳምንት ብቻ ሃያ ሺ ኮፒ በመሸጥ ተወዳጅነትን ያተረፈ ነው፡፡ ከዚያ በኋላም ለአራት ጊዜ እንደታተመ ደራሲው አረጋግጧል፡፡ ደራሲው እንደሚገልጠው መጽሐፉ 384 ገፆችና አምስት ንዑስ ክፍሎች ያሉት ሲሆን የዶክተሩን ከልጅነት እስከ ዕውቀት እንዲሁም የፖለቲካ ታሪካቸውን ያካተተ ነው፡፡ መፅሐፉን ለማዘጋጀት አመት ከሶስት ወር እንደፈጀ ደራሲው ይናገራል፡፡

ዳንኤል ተፈራ

ቀጣዩ የዳንኤል ስራ ከ1997 ዓ.ም በኋላ በፓርላማ አባልነታቸው በከፍተኛ ተከራካሪ በነበሩት የተከበሩ አቶ ተመስገን ዘውዴ የፖለቲካ ህይወትና እንዲሁም በፓርላማው ውስጥ ሕወሃት/ኢህአዴግ ሲፈፅም የነበረውን ሸፍጥ ያጋለጡበት ‹‹ከፓርላማው በስተጀርባ›› የተሰኘው መፅሀፉ መሆኑን ለዘጋቢያችን ተናግሯል፡፡

ሰሞኑን ገበያ ላይ የዋለው ‹‹ሀገር የተቀማ ትውልድ›› ደግሞ የፀሃፊው ወጥ የፖለቲካ ስራ ሲሆን 224 ገፅ ያለው ነው፡፡ መፅሐፉ በ27 ምዕራፎች የተከፋፈለ ሲሆን በዋናነት በዘመነ ኢህአዴግ ወጣቱ ትውልድ እንዴት የሀገር ፍቅር እንዲያጣ እንደተገረገና ሀገር አልባ ለማድረግ የተከናወኑ የፖለቲካ ሸፍጦችን የሚተርክ መፅሐፍ ነው፡፡ ደራሲው እንደገለፀው፡- ‹‹ስርዓቱን በአሽከርነት ካላገለገልክ እጣ ፈንታህ ሃገር መቀማት ነው፡፡ ‹‹ሃገር ማለት ሰው ነው!›› ይሉሃል እንጂ ሃገር ኢህአዴግ ሆኗል፡፡ ኢህአዴግ ካልሆንክ ስራ አይኖርህም፣ ኮንዶሚንየም አይደርስህም፣ መነገድ አይፈቀድልህም፣ ደመወዝ አይጨመርልህም፣ ጡረታ አይከበርልህም፣ የትምህርት እድል አይሰጥህም፣ በነፃነት መወዳደርና ጨረታ ማሸነፍ አያስችልህም፡፡ ይህ ማለት ሃገር ተቀምተሃል ማለት ነው፡፡ ስለዚህ ይህንን ለመፃፍና ትውልዱ ሀገር እንዲቀማ የሰሩ፣ የቀሙ፣ ያስቀሙ፣ ያቀማሙና የተቀሙትን ታሪክ በማንሳት ሀገር ይረከባል የሚባለው ትውልድ እንዲነቃቃና የሀገር ባለቤት እንዲሆን በማሰብ የተፃፈ ነው በማለት ሀሳቡን ገልጧል፡፡

ተስፋዬ ነጋ (ዋሽንግተን፣ ዲሲ)

ዛሬ እነሆ እነ ሀምታሙ አያሌው፣ ዳኤል ሽበሺ፣ አብርሃ ደስታ፣ የሺዋስ አሰፋና፣ አብርሃም ሰለሞን በነፃ እንዲለቀቁ የወያኔ ፍርድ ቤት ወስኗል የሚል ዜና ሰማሁ። እንኳንም በውሸት ክስ የታሰሩት ወደየቤተሰቦቻቸው በሰላም ተቀላቀሉ። ከሚወዱት ቤተሰብ ጋር ጊዜ ማሳለፍ እጅግ ደስ የሚል ስሜት ይፈጥራል። የቤተሰቦቻቸውን ናፍቆታቸውን በአግባቡ እንዲያጣጥሙ ምኞቴ ነው። እውነት መጨረሻ ላይ እውነት ሆና መውጣቷ አይቀርም፣ ይኸው እውነት ነጻ አወጣቻቸው።

የሆኖው ሆኖ እነዚህ ወጣቶች ከመጀመሪያውም መታሰር አልነበረባቸውም። በወንጀል ደም ተጨማልቀው የሚዋዥቁ አረመኔዎች አልነበሩም። ለአገራቸውና ለህዝባቸው ከፍተኛ ራዕይ የሰነቁ ንጹህ ኢትዮጵያውያን ነበሩ፣ አሁንም ንጹሃን ናቸው። ወያኔዎች ሰላማዊ ዜጎችን በማሰር የፖለቲካ ትርፍ እናገኛለን ብለው ቢያስቡም፣ የእነአብርሃ ደስታ መታሰር የህወሃትን ድንቁርና ከማጋለጥ ውጭ በተቃዋሚው ወገን ላይ ያመጣው አሉታዊ ተፅዕኖ የለም። እንዲያውም ተቃዋሚዎች የትግሉን ዳራ በጥልቅ እንዲመረምሩና የወደፊቱን የትግል አቅጣጫ በጥንቃቄ እንዲቀይሱ አደረጋቸው እንጂ! የታሳሪዎችን ንጹህነት ደግሞ ህወሃቶችም (እዉነትና ውሸት የማያገናዝቡ ሆዳም ካድሬዎችም ጭምር) በሚገባ የሚመሰክሩ ይመስለኛል፣ ያው የሞት ሽረት ነገር ሆኖባቸው  ቢያስሯቸውም! የህወሃት ሰዎች ለስልጣናቸው የሚያሰጋቸውን ሁሉ በሃሰት ክስ ከመወንጀል ተቆጥበው አያውቁም፣ እነዚሁ ፖለቲከኛ ወጣቶች በምሳሌነት ሊቀርቡ ይችላሉ፣ የእስሩ ገፈት ቀማሾች ዞን 9ኞችም ሌሎች ሰለባዎች ናቸው። ተመስገን ደሳለኝ፣ እስክንድር ነጋ፣ ርዕዮት አለሙ፣ ውብሸት ታዬ የፈሪው ህወሃት የሃሰት ፍርድ በትር ተጎጂዎች ናቸው። የህወሃት መንግስት በውሸት የተካነ፣ የፈጠራ ክስ ጸሃፈ-ተውኔት እንደሆነ የመላው ኢትዮጵያ ህዝብ ጠንቅቆ ያውቃል። ህወሃቶች ተቃዋሚ የመሰላቸውን ሁሉ በፈለጉ ጊዜ ሲያስሩ፣ በፈለጉ ጊዜ ሲፈቱ ኖረዋል፣ ጠንከር ያለ ተቃውሞ ሲመጣ ከመግደል ወደኋላ አይመለሱም። ህወሃት በ1996 ዓም ሰላማዊ ሰልፈኞችንና ህጻናትን ሳይቀር በጠራራ ጸሃይ በካሊበር ጥይት በሳስቶ ገሏቸዋል። ወደፊትም የፈጠራ ክስ ማቀናበር፣ ማሰር፣ መፍታት፣ መግደል፣ ስራቸው ሆኖ ይቀጥላል።

ሕወሃት ሁለት መገለጫዎች አሉት። የመጀመሪያው የጦር ሃይሉን በመተማመን፣ በጉልበት ስልጣን ላይ እንደተቆናጠጠ ዘላለም እገዛለሁ ብሎ ማሰቡ ነው። የመሳሪያ ባለቤት በመሆኑ፣ የተቃወመኝን እያሰርኩ፣ ጠላቴን እየገደልኩ፣ እንዲሁም ከተቃውሞ የማይታቀበውን እያስፈራራሁ ለረጅም ጊዜ እኖራለሁ ብሎ ያምናል። እዉነትም ህወሃት በከፊል ትክክል ነበር፣ በጉልበት እያስፈራራ፣ እያሰረ፣ እየገደለ ለ25 አመታት ያለምንም ችግር ዘልቋል። ከራሱ ከህወሃት የተፈጠሩ የጦር መኮንኖችን ብቻ ስልጣን ላይ አስቀምጦ፣ በሙስና እንዲዘፈቁ በማበረታታትና፣ የሚያማልል ስጦታ በመስጠት፣ እንዲሁም እነዚሁን የጦር መኮንኖች የወንጀል ተባባሪና መሪ በማድረግ የ”አብረን እንዝለቅ” ጨዋታ ተክኖበታል። ሁሉንም የጦር መኮንኖች ከአንድ ብሄር ብቻ በመሾም፣ ለተቃዋሚ እንዳያደሉ “ከካዳችሁን በጦር ወንጀለኝነት ትፈለጋላችሁ፣ የትግራይን ህዝብ ታስጨርሳላችሁ” በሚል ሰንካላ ማስፈራሪያ ከሌላው የኢትዮጵያዊ ጋር እንዳይነናኙና እንዳይተባበሩ አድርገዋቸዋል።

ሁለተኛው የህወሃት መገለጫ ደግሞ ከመንግስት ባለስልጣናት ያውም ከሚኒስትሮች የማይጠበቁ ዘረኝነት፣ ስግብግብነት፣ ውሸትና፣ የሞራል ዝቅጠት ነው። አብዛኞቹ ባለስልጣናት በዘረኝነት ዛር የሰከሩ ወፈፌዎች ናቸው። የራሳቸውን ብሄር “ወርቅ” በማለት የሚያሞካሹ፣ ሌላውን ብሄረሰብ ግን “ትምክህተኛ፣ አክራሪ፣ ብሄርተኛ” የሚል ታፔላ በመለጠፍ በጅምላ የሚሳደቡ [የራሳቸውን ቃል ልጠቀምና] “ወራዳ” ናቸው። በተለይም ለአማራና ለኦሮሞ ብሄረሰቦች ከፍተኛ ጥላቻ ያላቸውና በካድሬዎቻቸው አማካኝነት እስከዛሬ ድረስ አርሶ አደር ገበሬዎችን በማፈናቀል የተካኑ በክፋት ሃሴት የሚዝናኑ ናቸው።።

አቶ መለስና የህወሃት ባለስልጣናት ዋና ዋና መስሪያ ቤቶችን፣ ወታደራዊ ተቋማትን፣ የገንዘብ ተቋማትን፣ የፖለቲካ ተቋማትን፣ የማህበራዊ አገልግሎት ድርጅቶችን በብቸኝነት በመቆጣጠር ለግላቸው ስልጣን ማስረዘሚያና ኪስ ማድለቢያ ማድረጋቸው አሌ የማይባል ሃቅ ነው። ዛሬም የአየር መንገድን፣ የኮንስትራክሽንና የንግድ ድርጅቶችን፣ ገቢዎችና ጉምሩክ ባለስልጣንን፣ የውጭ ንግድንና የአገር ውስጥ ገቢን፣ ሰፋፊ የእርሻ መሬቶችን፣ ብሄራዊ ባንክን መብራት ሃይልንና ቴሌኮም የመሳሰሉትን ዋና ዋና ተቋማትን ምንም ሃፍረት ሳይሰማቸው ከአንድ ብሄር በተውጣጡ ቡድኖች ቁጥጥር ስር በማድረግ፣ ወይም ደግሞ “ታኮ” ከመጋረጃ ጀርባ በማስቀመጥ ለግል ጥቅማቸው አውለዋል። ከላይ እንደተገለጸው የትግራይ ተወላጅ ሃላፊዎችን በሙስና እንዲዘፈቁ በማድረግ፣ ወይም ሙስና ውስጥ ሲዘፈቁ አይቶ እንዳላዩ ሆኖ በማለፍ፣ በመፍቀድና፣  በማበረታታት የመንግስት ለውጥ ቢታሰብ እንኳን ከተቃዋሚው ጋር ተባባሪ እንዳይሆኑ የማስፈራሪያ ሪሞት ኮንትሮል ገጥመውላቸዋል።  ይህ ስግብግብ ባህርያቸው እንቆረቆርለታለን ለሚሉት ለትግራይ ህዝብም እንቆቅልሽ እንደሆነ ነው የሚሰማው። በጦርነቱ ወቅት የትግራይ ህዝብ እነዚህን ግፈኞችን የደገፋቸው ታጋዮቹ እንዲህ አይነት የግለኝነት እና የአምባገነንነት ባህርይ ይኖራቸዋል ብሎ ሳይገነዘብ ነበር። የትግራይ ህዝብ የህወሃት ባለስልጣናት በጊዜው የደገፋቸው ዛሬ ለራሳቸው እልል ያለ ቪላ ቤት እንዲሰሩ፣ ለራሳቸው እጅግ ውብና ውድ መኪና እንዲገዙ፣ ከድሃው የኢትዮጵያ ህዝብ ጉሮሮ በመንጠቅና በውጭ አገር በሚሊዮን የሚቆጠር ዶላር ለግላቸው እንዲያስቀምጡ አልነበረም። ለስልጣናቸው ሲሉ የሃውዜንን ምስኪን ህዝብ በአውሮፕላን ያስጨፈጨፉ እጅግ እኩይ ሰዎች ናቸው። አቶ መለስ ሞት ባይገላግላቸው ኖሮ ከ22 አመት በኋላም ቢሆን ስልጣናቸውን ለመልቀቅ፣ ተተኪም ለማዘጋጀት ፈቃደኛ አልነበሩም።

የህወሃት ባለስልጣናት የራሳቸው ኪስ ስለደለበ ብቻ ሁሉም ኢትዮጵያዊ የደላው ስለሚመስላቸው የውሸት የእድገት ቁጥር ጨዋታ ያቀርባሉ። እነሱ እንደሚሉት ሳይሆን የኢትዮጵያ ህዝብ ከ22 አመታት በኋላም ቢሆን ከችግር፣ ረሃብና፣ እርዛት ኣልተላቀቀም። የህወሃት ባለስልጣናት ግን ገንዘብ ተርፏቸው በሚሊዮን የሚቆጠር ዶላር ወደ ውጭ አገር እያሸሹ እንደሆነ አለም የሚያውቀው ሃቅ ነው። በጣም የሚያሳዝነው ደግሞ ይኸው ከ 24 አመት የስልጣን ጊዜ በኋላም ከ24 ሚሊዮን በላይ ኢትዮጵያውያን እርዳታ ይፈልጋሉ። የህወሃት ሰዎች ግን ሌላ መልስ አላቸው። ኢትዮጵያ፣ ከካሊፎርኒያ፣ ወይም ከአውስትራሊያ በተለየ መልኩ ድርቅ አልጎዳትም። እኔ ግን ለእነዚህ ሰዎች ጥያቄ አለኝ። በየትኛው ስሌት ነው የካሊፎርኒያና የአውስትራልያ ድርቅ ከኢትዮጵያ ድርቅ ጋር የሚወዳደረው? በካሊፎርኒያ በድርቅ ሳቢያ የተራበ ሰው የለም። አውስትራሊያም ቢሆን በድርቅ የተነሳ እርዳታ የሚቀበል ሰው የለም። እኛም ጋ በድርቅ ሳቢያ የተራበ ሰው የለም ሊሉን ይሆን? ካሊፎርኒያም ይሁን አውስትራሊያ በድርቅ ምክንያት የቤት እንስሳት አልሞቱም፥ አዝርዕት አልተበላሸም። ቢሆንም በቂ ክምችት አላቸው። የእኛስ?  በእነዚህ አካባቢዎች የሚኖረው የኢትዮጵያ ህዝብ አርብቶ አደር ወይም ገበሬ ነው፥ ያውም ከእጅ ወደ አፍ የሆነ ምርት የሚያመርት ወይም ከእንስሳት ተዋጽኦ ተጠቃሚ። አዝርዕቱ ከደረቀ፣ ከብቶቹ ከሞቱበት ምን ይሆናል? አቶ ሃይለማሪያም የህወሃት የትሮይ ፈረስ ሆነው እንጂ ይህንን ከመናገራቸው በፊት ሊያስቡበት ይገባ ነበር። ውድድሩን ከማድረጋቸው በፊት የካሊፎርኒያስ ድርቅ ምን ይመስላል? የአውስትራሊያስ? የውሃ አጠቃቀማችንስ እንዴት ነው? የቁም እንስሳት አያያዛችንስ ምን ይመስላል? የሚለውን ሃሳብ እንኳን የማያገናዝቡ አቶ ሃይለማሪያም ደሳለኝ በጭብጨባ በታጀበ መግለጫ አፋቸውን ሞልተው ሶስቱን አገሮች (?) በአንድ ሚዛን ሲለኩ ሰማሁ።  የህወሃት የትሮይ ፈረስ ማለት እኚህ ናቸው። ህወሃቶች የሚፈልጉትን ሁሉ በእሳቸው ተመስለው የሚፈልጉትን መልዕክት ያስተላልፋሉ፣ እውነታው ግን ሌላ ነው። አቶ ሬድዋንም ቢሆኑ ያው “አርብቶአደሮቹ በጊዜው ውሃ ስላላጠጧቸው ነው ከብቶቹ ያለቁት” አሉ። አጃኢብ ነው! ከባለቤቱ በላይ ያወቀ ቡዳ ነው ይባል የለ! ጋዜጣዊ መግለጫውን የባዮሎጂ ክፍለጊዜ አስመሰሉት እኮ!

የህወሃት አሽከሮችና ጭፍሮቻቸው በምግብ ራሳችንን ችለናል የሚል ልፈፋ ሲያሰሙ ከርመው ነበር። የታል ታዲያ? እርግጥ ነው የህወሃት ባለስልጣናት ኪስ በ11 ሚሊዮን % አድጓል። የህዝቡ ኑሮ ግን 1% እንኳን ከፍ አላላም። እርግጥ ነው በህወሃት መንደር እና ሎሌዎቻቸው ቤት ምግብ ተትረፍርፏል፣ በሱማሌ፣ በአፋርና፣ በተለያዩ የአገሪቷ ክፍሎች፣ የገበሬዎች የቤት እንስሳትና የቀንድ ከብቶች ተረፍርፈዋል።

በጣም የሚገርመው የህወሃት ባለስልጣናት የኢትዮጵያ ህዝብ ምንም አይነት የፖለቲካ ግንዛቤ የለውም ብለው ማሰባቸው ነው። ያኔ ከኢትዮ-ኤርትራ ጦርነት በኋላ አቶ ስዩም መስፍን ባድመ ለኢትዮጵያ ተሰጠች ብለው አስጨፈሩን፣ በኋላ ስንሰማ ግን የጨፈርነው በሞት ለገበርናቸው ወንድሞቻችን ደም ላይ ነበር!

ሌላው ህወሃት ኢትዮጵያ ውስጥ በማህበረሰባችን በነውርነት የሚታወቀው የውሸት ልማድ መሆኑ የማይካድ ሃቅ ነው። ትውልድ ከእነዚህ መሃይማን ምን ይማራል? የህወሃት ቁልፍ የበላይ ሃላፊዎች ድርጀቱ ከተመሰረተበት ጊዜ ጀመሮ በሸፍጥ፣ በመግደል፣ በማሳደድ፣ በማሰር፣ በማሸማቀቅ እዚህ ለመድረስ በቅተዋል። በህልማቸው እንኳን አስበውት የማያውቁትን ሃብት አካብተዋል፣ አቅማቸው የማይፈቅድላቸውን ስራ ሰርተዋል፣ በማይመጥናቸው ወንበር ተቀምጠዋል፣ ታዛዥ መሆን ሲኖርባቸው በተገላቢጦሽ አዛዥ ሆነዋል። ከሁሉም በላይ ይቅርታ የማያስደርግ ወንጀል ውስጥ ተዘፍቀዋል። 100% የፓርላማና የአካባቢ ምርጫ አሸነፍን ብለዋል። ከህወሃት በላይ ጀግና የለም፣ አገሪቷን ከፈለግን እንደዶሮ ብልት ገነጣጥለን እንሄዳለን ብለዋል፥ አፍርሰን እንሰራለንም ብለዋል… ሌላም ሌላም።

የህወሃት ሰዎች የተከበሩ ተቋማትን አዋርደዋል። በአገራችን ውስጥ ለረጅም ጊዜ የተከበረው ሽምግልና በነፕሮፌሰር ኤፍሬም ይስሃቅ አማካኝነት   ፈሩን ስቶ ገደል ገብቷል። ፍርድ ቤቶች የህወሃት የፖለቲካ መሳሪያ በመሆን በንጽሃን ላይ የውሸት ክስ በመመስረት ታሪክ ይቅር የማይለውን ፍርድ አስተላልፈዋል። በተለይም ወጣቶቹ የሚሰሩበትን የወጣትነት ጊዜያቸውን በግፍ በወህኒ ቤትና እንዲያሳልፉ በውሸት ክስ ከአሸባሪዎች ጋር በማያያዝ አስረዋቸው፣ ያለፍርድ ቤት ትዕዛዝ ፈተዋቸዋል። ለምሳሌ የዞን 9 ጦማሪያን በአሸባሪነት ክስ ተከሰው በወህኒ ቤት ከአንድ አመት በላይ ሲማቅቁ ቆይተው ፕሬዚደንት ኦባማ ወደ ኢትዮጵያ ለመጓዝ ዝግጅት በሚደረግበት ወቅት ያለምንም የፍርድ ቤት ሂደት ፈተዋቸዋል። እንግዲህ ህወሃቶች ለስልጣናቸው ሊያሰጋቸው የሚችል ሰው ባይሆንም እንኳን ለሆድ የማይደለል ተቃዋሚ ወይም ጋዜጠኛ ባጋጠማቸው ቁጥር በመጀመሪያ ማስፈራራትና ማሰር፣ ካልሆነም መግደል ለአስርተ-አመታት የተካኑበት አሳዛኝ ድራማ ነው። እናም በኢትዮጵያ በ10 ሺዎች የሚቆጠሩ በውሸት ፖለቲካዊ ክስ ተፈርዶባቸው የሚማቅቁ ኢትዮጵያውያንን ማዕካላዊ፣ ቂሊንጦ፣ ዝዋይ፣ ሸዋሮቢት፣ እና ስማቸው የማይታወቁት የጨለማ እስርቤቶች ይቁጠሯቸው!

እንግዲህ ምርጫ በመጣ ቁጥር ተቃዋሚዎችን እያደኑ ማሰር ምርጫው ካለፈ በኋላ እንደገና መልሶ መፍታት የተነቃበት የህወሃት ታክቲክ ከሆነ ሰነባብቷል። የተቃዋሚ ፓርቲ መሪዎችን ጋዜጠኞችን ሰሞኑን የተፈቱበት ሁኔታም ይኸው ነው። ወቅቱ ስለተቀየረ፣ ተፈተዋል። በሌላ ወቅት ደግሞ እነሱን ብቻም ሳይሆኑ ሌሎች ወጣቶች እንዲሁ ዘብጥያ መውረዳቸው አይቀርም። ሀብታሙ አያሌው፣ ዳኤል ሽበሽ፣ አብርሃ ደስታ፣ የሸዋስ አሰፋ፣ አብሃም ሰለሞን ሲፈቱ ሌሎች ባለሳምንት ደግሞ በቅርቡ ይገባሉ። እነዚህ ፖለቲከኞች አሁን የተፈቱበት ምክንያት የጦዘውን ፖለቲካዊ ተቃውሞ ለማቀዝቀዝ ይሆናል። ሰሞኑን ህወሃት ከባድ ፈተና ገጥሞታል። በአንድ በኩል ከልዕለ-ሃያላን ከፍተኛ ወቀሳ ደርሶታል። በሌላ መልኩ ደግሞ ህወሃት ለማድረግ የፈለገው አንድ ነገር ይኖራል። የአርበኞች ግንቦት ሰባት ድል ገንኖ መውጣት የመጀመሪያው ሲሆን፣ በኤርትራ በኩል የሚመጣውን ማንኛውንም ሃይል ለመምታት ያኮረፈውን የኢትዮጵያ ህዝብ “5 የፖለቲካ እስረኞችን” በመፍታት መካስ ይፈልጋል። በመሆኑም እነዚህን የተፈቱት የፖለቲካ እስረኞች ለኢትዮጵያ ህዝብ የቀረቡ የእርቅ ገጸበረከቶች መሆናቸው ነው።

በአሁኑ ሰአት አብዛኛው ኢትዮጵያዊ ይህ የህወሃት መንግስት በሰላማዊ መንገድ ስልጣን እንደማይለቅ በጥብቅ ያምናል። በሌላ በኩል በጉልበት ስልጣን ላይ የወጣ እና በሙስና በአንድ ዘር የበላይነት የነገሰ “መንግስት” በምንም መልኩ አሁን ያለውን ጥቅሙንና ክብሩን ለመልቀቅ አይፈልግም። የራሱን ህልውና ሊያጠፋ የሚችል ነገር  በምንም መልክ ይሆን ማዳፈን የመጀመሪያ ስራው ነው። በመሆኑም ትናንሽ መደለያዎችን በማቅረብ ህዝቡን ለማታለል መሞከር ከፍተኛ ጅልነት ነው።  አቶ ሃይለማሪያም እንዳሉት፣ “የኢትዮጵያ ህዝብን ፈቃድ ጠይቀን ከኤርትራ ጋር ጦርነት እንገጥማለን” የሚል ጨዋታ ከዚህ በኋላ ሰሚ ጆሮ የለውም። ኣንደከዚህ በፊቱ ህዝቡ ሆ ብሎ ሻዕቢያን (አሁን ደግሞ  አርበኞች ግንቦት ሰባትን) ለመደምሰስ በነቂስ ይወጣል ብለው ማሰባቸው ምን ያክል ህዝቡን እንደናቁት ያሳያል።

አሁን የጨዋታው ህግ ተቀይሯል። እንደከዚህ በፊቱ ሆ የሚወጣላቸው ተቃዋሚ ወይም ህዝብ አይኖርም። ህወሃሃት የራሷን አባላት ይዛ መዝመት ተችላለች። የአባላቱ ቁጥር ስንት ነበር? 7 ሚሊዮን? አዎ ሰባት ሚሊዮን አባል ለዘመቻ ብቻ ሳይሆን አገር ለመመስረትም በቂ ነው። 85 ሚሊዮን የኢትዮጵያ ህዝብን ግን ይተውት! አይሆንም! ህዝቡ ጠላቶቹና አሸባሪዎቹ እነማን እንደሆኑ አብጠርጥሮ ስለሚያውቅ ከሁለት አስርተ አመታት በላይ ሲያሸብሩ የኖሩ ወያኔዎች ላይ አፈሙዙን ማዞሩ አይቀርም። አዎ! ህወሃት የአየር ሰአቷን አሟጥጣ ጨርሳለች። የተወሰኑ ሰዎችን በመፍታት የፖለቲካ ትርፍ ለማግኘትና ስልጣናቸውን በጦርነት ለማስረዘም መሞከር በፊት አዋጥቷቸው ይሆናል፣ ለሁለተኛ ጊዜ ግን አያዋጣም። ህዝቡ ነቄ ብሏል፥ ህወሃት እስረኞችን ስለፈታች ተለውጣለች ማለት እንዳይደለ በደንብ ተገንዝቧል። ነገ ደግሞ ሌሎችን ማሰሯ እንደማይቀር ከልምድ የተማረው ህዝብ የህወሃትን ልብና ኩላሊት በደንብ መርምሯል።

ስለዚህ መቀየር ያለበት የህወሃት ሶፍትዌር ነው። አርጅቷል። በዚህ ዘመን እንዲህ አይነት የዘረኝነት፣ የአምባገነንነት፣ የማን አለብኝ ባይነት፣ አድሏዊና የቂመኝነት አስተሳሰብ ይዞ አገርን የሚያክል ግዙፍ ነገር መምራት አይቻልም። ስለሆነም በአዲስ አሰተሳሰብ መቀየር አለበት። ከአርባ አመት ከፊት በነበረ ሶፍትዌር አሁንም አገር እየመሩ ያሉ ቡድኖች መፍረስ አለባቸው። ያ የሚሆነ ደግሞ የህወሃት ዘረኞችን ከስልጣን በማባረር ነው። ትግል መደረግ ያለበት ከሻቢያ ወይም ከግንቦት ሰባት ጋር አይደለም ፣ ከወያኔ ጋር ነው። ወያኔ ከተለወጠ ዘላቂ ሰላም ያመጣል፣ የሚገደል፣ በውሸት ክስ የሚታሰር አይኖርም። ከሁሉም በላይ ውሸት የሚፈበርክ ተቋም አይኖርም!

ከሥርጉተ ሥላሴ 21.08.2015 /ሲወዘርላንድ –  ዙሪክ/

„ … በሀገሬ ውስጥ በነፃነት መኖር የሰው ልጅነቴ መለኪያ ነው ብዬ አምናለሁ። ይህን የሚከለክለኝን ማንኛውም ኃይል ከመቃወምና የምችለውን ከማድረግ ወደኋላ አልልም። ይህን ሳደርግ የሚመጣውን ዕዳ ተቀብዬ ነው።“ የሞት ፍርድ በወያኔ  ሃርነት ትግራይ ዘራዊ አስተዳደር የተፈረደበት ዬአርበኛ ፕሮፌስር ብርሃኑ ነጋ – ቃል።

ምዕራፍ – ሦስት፤

እንዴት ናችሁ የሐገሬ ልጆች?! ደህና ናችሁ ወይ? በጨለመ የጥላቻ ዋሻ ውስጥ ተሁኖ ተጫባጭ እውነትን ማዬት አይቻልም። ባለገርዶሹን የጥላቻ ጥቁር ዋሻ በመደርመስ ብቻ ፀሐይ ትወጣለች። ጸሐይዋ ስትወጣ ይነጋል – የጥነት ሆነ የቅናት ቅምጥም – ይራገፋል።

የማከብራችሁ – ባለፈው ጊዜ ክፍል ሁለትን በዚህ ነበር የቋጨሁት፤

„ለእኛ ቁርባናችን – ታቦታችን – ጸሎታችን – ስግደታችን – ሳላታችን – የወልዮሽ የባህል ዝክረ ነገራችን – የሃይማኖት ማዕዳችን – ቤተ አምልኳችን ንግሥት ኢትዮጵያ ናት። ለነፃነት ፍላጎታችን ማደሪያ የተመረጠው ደግሞ ሥህነ – ቤዛ ነው። እሱ የእርቅ ጉባኤን ከአድማስ ወዲህና ባሻገር መሳላል – የሥርዬት መክሊት መገናኛ መርከባችን አንባችን – ነው።“

ከብሄራዊ ፍላጎት ጋር መፈጠር – አነባቢ (Vowel።)

ኢትዮጵያዊነትን አሳምሮ ይተርጉመዋል – አናባቢ (Vowel) ስለሆነ፤ ሥህነ – ቤዛ ኢትዮጵያዊነትን አደላድሎ – የማመሳጠር አቅሙ በውስጥነት ውስጡ አድርጎ ነው።

አናባቢ ከሌላ ተነባቢ ቃል አይኖርም። (BCDFGHJK) (ሀለመሰሸቀበተ) አናባቢ ባይኖር ዬዓለም የማድመጫ ዓይኖች እውር በሆኑ ነበር። የኑሮም የማሰቢያ ጭንቅላቱ ትንፋሽ አልቦሽ ግዑዝ በሆነ ነበር። ወንጌላዊው ዮኋንስ „በመጀመሪያ ቃል ነበረ። ቃልም በእግዚአብሄር ዘንድ ነበረ፣ ቃልም እግዚአብሄር ነበረ። ይህ በመጀመሪያው በእግዚአብሄር ዘንድ ነበረ። ሁሉ በእርሱ ሆነ፣ ከሆነውም አንዳችስ ስንኳ ያለ እርሱ አልሆነም። በእርሱ ሕይወት ነበረች፣ ሕይወትም የሰው ብርሃን ነበረች። ብርሃንም በጨለማ ይበራል፣ ጨላማም አላሸነፈውም። ዮሐንስ ወንጌል ምዕ. 1 ከቁጥር 1 እስከ 5“ ሲል ያስተማረው የቃልን ህይወት የመፈጠር ሆነ የመነበብን ሚስጢር በመኖር ሲያመሳጥልርን ነው። ያ ቃል ነው ዓለምን፣ ሰማይና ምድርን፣ ህይወት ያላቸውንና የሌላቸውን የፈጠረ። ስለዚህ ለእኔ የኢትዮጵያዊነት ዜግነትን ታማኝ ህዋስ ጥልቅ ሚስጢሩን ተነባቢም – አናባቢም ሆኖ በመገኘት እረገድ ሥህነ – ቤዛ ቤተኛነቱ በመሆን ያከበረ ህብራዊ ቃል – ኢትዮጵያዊ ቋንቋ መሆኑን በጥልቀት – አስተውዬበታለሁ። እንዲህ በተዋርድንበትና በተናቅንበት ዘመን በ እውቀት ላይ የተመሠረተ ንጥር ሁለገብ ብቃቱ – መካሻ! ይህም ብቻ ሳይሆን የሀገሩ የኢትዮጵያ ሁለመና ባለትርጉም መምህር መሆኑንም በሚገባ በጥልቀት – ተርድቻለሁ። መነሻው ኢትዮጵያ መድረሻው ኢትዮጵያ፤ እንዲያውም አለፍ ብሎ አፍሪካንም! ኢትዮጵያ ተኮር ዝንባሌውን እና የአፍሪካዊ ፓለቲካዊ ችግሮች በሚመለከት „ዬአፍሪካ ቀንድ የውይይት ፕሮግራምን“ በአሜሪካን ሀገር በኒዎርክ ከተማ በመስራችነትና በንቁ ተሳትፎ ለአምስት ተካተታይ ዓመት ያደረጋቸው፤ የአዲስ ዓለም ራዕይ የቀደምቶች መንገድ የተከተለ፣ የፓን አፍሪካንዚም ንድፍ ተግባራዊነት – የተመነ መሆኑን ያመሳክራል። በአሜሪካን ሀገር ፊላደልፊያ ላይም „ኢንቢልታ“ መጽሄት  የእናቱን ሐገሩን ሁለንትና ችግር ለመጋራት ውስጥነቱን ያሳዬበት መድረክ ነበር። ስለዚህም ጎጥ ላይ ያልተቀረቀረው ውድ ሰብዕናው ፈተናውን በአጥጋቢ ውጤት አልፏል!

በፅሞና በቂ ጊዜ ወስጄ ያለፈባቸውን ሂደቶች፣ ውስጡን የገለጸበት መንገዶችን – በተደሞ፣ ከመሬት ሰቅ ላይ በትክክሉ ሆኜ በአራቱም ማዕዘን በአንክሮ ሁሉን ተመክሮዎቹን  – መረመርኳቸው፤ ከኢትዮጵያ ህዝብ ወላዊ ብሄራዊ ጸጋ ሆነ ማዕከላዊ አጀንዳ ማዕቀፍ የወጣበት አንዲት ዬነቁጥ ግድፈት – አላገኘሁበትም። ስለዚህም በተለይ ዬአዲስ አዕምሮ ብቁ ሰለዴ ባለቤቶች የሆናችሁ የእኔ ወጣቶቼ /ጌቶቼና ልዕልቶቼ/ መምህራቸውን ይከተሉ ዘንድ ተግቼ በዚህ ዙሪያ መሥራት እንዳለብኝ – ወስኛለሁ። ግዴታዬም ነው። ለእኔ ነገ ነግቶ – ታይቶኛልና። በአርበኝነት ግንባር ላይ ሆነ በማናቸውም ሁኔታ ያሉት ወገኖቼ ቢሆኑ ሥጦታቸውን ያከብሩት ዘንድ አብክሬ በአፅህኖት ላስገነዝባቸው – እወዳለሁ። ሥህነ – ቤዛ ወላፈኑ በግራ በቀኝ  የበዛበት ምክንያቱን እኔ ሳዳምጠው የመዳኛችን ፈውስ መንገድን በመምረጡ ነው። በመልካም ነገሮች ዙሪያ ፈተናው – መጠራቅቁ ያዬለ፣ መንገዱም እጅግ ጠባብ ነው፤ ሲያልፉት ግን ገነት! ሁልጊዜም በግል ህይወት ሆነ በማህበራዊ ህይወት፤ እንዲሁም በፖለቲካ ይሆን በሃይማኖታዊ አቋም፤ በተጨማሪም በሙያዊ መብትና ግዴታም ዙሪያ ቢሆን በተዕቅቦ የሰከኑ ሥነ – ምግባሮች ተፈታታኝ ወይንም ተቀናቃኝ መንፈሶች አዘውትረው ወጆቦችን – ያበራክቱባቸዋል። ስለምን? እራሳቸውን መሆን ዬቻሉ ብስል ወገኖች ያልተገቡትን ሥነ -ምግባሮች – ስለማያስጠጉ፣ ፊትም ስለማይሰጡ። ጥንቃቄያቸው ብልሃት – ዘለቅ፣ ዓላማቸው ስልት – ቀደም፤ ሥልጣኔያቸው መርህ – ገብ ስለሚሆን አውሎው ያዬለ ነው። ቀናዎች ወይንም የአዎንታ አርበኛ መንፈሶች ሥነ – ድንግልና በመንደርተኝነት ዕሳቤ ወይንም በአስተሳሰብ ድህነት ለማስገሰስ ስለማይፈቅዱ። የሰብዕናቸው ሁለንትናው ፀ ———-አዳ፤

ዬመንትዮሹ መስተጋብራዊ ውህድ መንፈስ ከእኛ የሚጠብቀው ብሄራዊ ግዴታ።

የአናባቢነት ውህድ መንፈስ የመንገድ ጠራጊው ዬድርጁው የጀግና አንዳርጋቸው ጽጌ መንፈስ የማያንቃላፋ የማይሞት ስለመሆኑ በፍቅር በመስተጋብር ያዋድዱት ዘንድም በትህትና  – ለቅኖቹ ዝቅ ብዬ አሳስባለሁ። ወጣቶችና ቅንነት ያልነጠፈባቸው ወገኖቼ በራሱ የተማመነ ማስተዋልን እንዲፈቅዱለት – አሳስባቸዋለሁ። ከዚህ ላይ ብልህነትን የሚጠይቅ ብሄራዊና ወቅታዊ ግዴታ አለብን። ወያኔ ሃርነት ትግራይ ዬጀግናው አንዳርጋቸው ፅጌ የህዝብ ፍቅር መንፈስ ገናናነት „እራቁት¡“ ለማድረግ በቅናት ድብን ብሎ ስለ አበደ፤ የለመደበትን ዬስውር ደባ ሥራ ማስኬጃ የሆነውን የአቶ መብራቱ ገ/ህይወት ወይንም በበርሃ ሥማቸው የአቶ በረከት ስዕሞንን እውር ራዕይ፤ ቹቻን ተንትርሶ የተዘጋጀውን የኑዛዜ በድን ድምጽ አመድ ማድረግ የቅድሚያ ተግባራችን ሊሆን ይገባል። ይህም ማለት በፈላስማው አንዳርጋቸው ፅጌ ሥም ይወጣል የተባለውን መጸሐፍ ዬኢትዮጵውያንን ክብራችን ገፎ ለውርዴት የዳረገን፤ በእስር ቤት እንኳን ብትን አፈር የነፈገን ሥርዓትን „በቃኝ“ ከምንልባቸው ጉልበታም እርምጃዎች ቀዳሚው በመሆኑ፤ ይህ ደባ የታሪካችን ውርዴም ስለሆነ – አዲሱን የለበጣ ሴራ የበቀል ማዋራረጃ መጸሐፉ ነውና፤ ከገብያ ውጪ በማድረግ የመጋዝን እራት እንዲሆን ቁጣችን – ፀፀታችን – እልሃችን – ቁጭታችን አቅማችነን በማጥገብ „አንገዛውም“ በማለት ተግባር ላይ እንገኝ ዘንድ እንደ አንድ ኢትዮጵያው ዜጋ ጥሪዬን – በአክብሮት አቀርባለሁ። እስኪ ልዬው፣ እስኪ ልፈትሸው ብለን ውርዴታችን በገንዘብ በመሸመት የንጹህ መንፈሳችን ቤተኛ እንዳናድርገው! በነፃ ህወሓት ቢያድለው እንኳን – እንዳናስጠጋው። ያን የጀግና መንፈስ ስቃይ እንዴትስ – አንገዛዋለን? ያ የድብደባ የወገኞቻችን የስቃይ ዬጩኽት መንፈስን በራችን ከፍተን ቤት ለእንግዳ እንዴትስ እንለዋለን?፤! የዛ ዬኢትዮጵያዊነት የማንነታችን ሰቆቃ ረስተን መጸሐፉን ብንገዛው ለብሄራዊ ዕንባችን ድፍረትም ንቀትም ነው። ቢያንስ በገንዘባችን ሀገራዊ ወኔን ሁነኛችን እናድርገው! ይህ ለይደር የሚቀጠር አይደለም። „ቁርጥ ያጠግባል“ ቁርጣቸውን ማሳወቅ – በተባ እርምጃ። ከእነሱ ጋር ሆነ ከጄሌዎቻችው ጋር እራሱን ላልቻለ ጥገኛ መንፈስ ህብረትም ትብብርም ሊኖረን አይገባም። እራሱን ችሎ የቆመ ብቁ ርቁቅ ሥልጡን – ቅዱስ – መሪ መንፈስ አለን- እኛ! የምን ብድር የምን ውሰት – ለባንዳነት ————-?~!

ክብረቶቼ – ኢትዮጵያዊነታችን እምናበለጽገው ቢያንስ በእጃችን በሚገኘው ሙሉ አቅም፣ በተጻራሪ የቆመውን መንፈስ ቅስሙን ለመስበር አሁኑን ተግባርን ስንውጥ ብቻ ይሆናል። „በቃን!“ ቃሉ እራሱ ሁለገብ ነው። የህወሓት ጠረን ሁሉ ድብዛውን ለማጥፋት መዶሻችን ነው „በቃን!“ እርግጥ ነው አሙካ – ደጅጠኝ – ፍርፋሪ ለቃሚ – እፎዎ መንፈሶች ዝቅ ብለው ለአራጃቸው – ያረግሩ ዝል መንፈሳቸውን – ይገበሩ፣ ድብድባ የወጣውን የበታችነታቸውንም –  ያቆላምጡ። እኛ ግን ደማችን ውርደትን – ባርነትን – የበታችነትን፤ ሥነ – ልቦናዊ ቅኝ ተገዢነትን ይጸዬፈዋልና ልዩ ቃናችን ኢትዮጵዊነታችነን ድርጊት እናስታጥቀው። ዛሬ እስር ቤት ውስጥ የዱካ ማስቀመጫ ብትን አፈር ቦታ ተነፍጎል፤ አንድ ጆሮውም አይሰማም የጀግናችን ዬጋዜጠኛ ተመስገን ደሳለኝ፤ አካል የሌለው አገልጋይ ቃለ ወንጌል ሳይቀር ፈቃድ ተነስቶ አባ ትርጉም ጋዜጠኛ እስክንድር ነጋ መንፈሱን ጉስቁል ለማድረግ፤ በሥነ ልቦናው እዬትዘናኑ እዬተሳለቁ ይገኛሉ – አራዊቶች፤ ዛሬ የአርበኛ አበበ ካሴ ጥፍር በግፍ ተነቅሎ የመክራ ዝክረ ሙዚዬም እየሆነ ነው፤ የእመቤቴ የጀግኒት ዬወይንዬ ሞላ ማህጸንስ ነገ ፍሬ ያበቅል ይሆን? በካቴና ቃለ ምልስስ ላይ ያዬነው የአርበኛ አቡበክርስ – ዛሬ የወንጀል ቅጥረኞችን በእስር ቤት በማሰማራት ማገዶውን አንዱአለም አራጌን ያስደበድባሉ – ለነፃነት የቁም ሰማዕትነት። ሌሎችንም፤  ምን ዬማያደርጉት አለና …. ምን የማይሰማ መራራ ዜና አለና፤  ይህን መጸሐፍ ከገዛን እኛ ስቃዩን እንደ ፈጸምን አንደ ፋሽስንትም እንደ ተባበርን ያስቆጥራል።

ስለ እስር ቤት ካነሳሁ ትንሽ ምራቂ ነገር ልበል። ወላጅ እናቴ ምህርት ጠይቃ በተሰጠኝ ምህረት የጫካ ኑሮዬን ትቼ አንድገባ አደረገችኝ። እውነት ለመናገርም የግንኙነቴ መስመሩ ስለተቋረጥ ሎጅስቲኩ ሆነ ሁሉ ነገር ከባድ ስለሆነ ግድም ነበር። በምህረት ከገባሁ በኋላ ግን ጎንደር ባታ እስር ቤት ታሰርኩኝ። ሰው በምህረት ገብቶ እንዴት ይታሠራል?! በቬርሙዳ ትርያንግል ሥርአት እኮ ነው ህወሓት የሚመራው። ስፈታ ደግሞ ያን ጊዜ ብዙ ነው በ50000 የኢትዮጵያ ብር ዋስ በቁም እስር ነበር። መንፈሴም አካሌም ሥነ – ልቦናዬም ታስሮ። ዋሴንም የተከበሩ ሸሕ ሲራጅን ሊያስቀምጧቸው ስላልቻሉ ሀገራቸውን – ለቀቁላቸው። ቅብም ቢሆን ፍርድ ቤት፣ ክስ፣ ምስክር የሚበላው በመዲናችን አዲስ አባባ ላይ ብቻ ነው የሚሠራው። የዛሬን ባላውቅም ያን ጊዜ ከክ/ ሀገር ጀምሮ እስከ ነጥብ ጣቢያ አንድ የህወሓት ባለዘር ሜዳሊያ ባለጊዜ ካድሬ ያሰረውን፤ አስተውሉ ወገኖቼ አሳሪው ሀገር ቢለቅ ወይንም ቢሞት ወይንም ከድርጅቱ ቢባረር ሌላው – አይፈታውም። እዛው ተረጅቶ ሞት ብቻ ይጠብቀዋል – ወገናችን። ሌላው ማጣሪያ የሚባለው ነገር ደግሞ የላሜ ወለደች ዓይነት ነው። የእስረኞች ሥም ዝርዝር በከተማ የህዝብ አደባባዮች – ይለጠፋል። በፈለገው ዓይነት በቂም፤ በቅናት፤ በክፋት አንድ ሰው ከጠቆመ ያ እስረኛ መፈቻ የለውም። ምርመራው ደግሞ ታሥራችሁ ልማዳችሁን አንድታቀኑ መገደድ ነው። ግራ እኮ ናቸው። የቬርሙዳ ትርያንግሉ ሥርዓተ አራዊት እንዲህ ነው። በፍጹም ሁኔታ በክ/ሀገርና ከዛ በታች ያሉ የእስረኛ አያያዝ ሁኔታ ከአዲስ አባባ ጋር መወዳደር ቀርቶ – አይቀራረብም። ዓይነቱም ይዘቱም የተለዬ ጭፍን ሸጎሬ ነው። ድፍን ታውቃላችሁን?!

ሚስጢር ዘለቁ – ነገረ ኢትዮጵያዊነት፤

ያደለው ከሚስጢሩ ጋር መፈጠሩ ብቻ ሳይሆን በቁምነገር አብሮ ይኖራል። ነገረ ኢትዮጵያ የሚስጢራት ሁሉ የሥነ – ፍጥረት ሁሉ ነፍስ ነው። ኢትዮጵያዊነት የገድላት – ሩኽ ነው። ኢትዮጵያዊነት የፍጥረት – ህሊና ሥነ – ምግባር ነው። ኢትዮጵያዊነት የጸሎት መንፈስ ነው። ይመራል – ያስተዳድራል፤ ስናጠፋ – ይመክራል ብቁ መካር ነውና። ስናኮርፈው ያቆላምጣል – ሩህሩህ ነው፤ ህጉን አብዝተን ስንተላለፍ ደግሞ ቆንጠጥ አድርጎ – ይገስጻል፤ ስንዳፈረውም ይፈራዳል – ይቀጣል። ዳኝነቱ ሚዛናዊ ከመሆኑ በላይ ራሱን የቻለ ተቋም ነው – ህሊና ላለው፤ ዜግነቱ ውስጡ ለሆነ ሁሉ መዕዋለ ህይወቱ ት/ቤት ነውና – ያስተምራል።

የአትዮጵያዊነት ሥነ – ህግጋቱ የመሆን መቻል ሰማይና ምድር ናቸው። ገሃዱ ዓለም እና መንፈሳዊውን ዓለም ያስማማ በትረ – ዓምድ፤ በፍቅር እያዋዛ ያዋደደ የዘመናት የተደሞ አናት ነው – ኢትዮጵያዊነት። ኢትዮጵያዊነት የቀለሞች ሁሉ አዲስ ቀለም ነው። ኢትዮጵያዊነት የነገዎች ሁሉ አዲስ ቀን ነው። ኢትዮጵያዊነት ሲፈጠር ፈተናን አሸንፎ የተፈጠረ የሚስጢር ሊቀ – ሊቃውንት ነው። ኢትዮጵያዊነት እንደ ወንዝ ዳር ዕጽዋት በጋ ከክረምት፤ መኸር ከጸደይ እዬለመለመ እያሸተ የሚሄድ፤ እርጅና ከቶውንም ዝር የማይልበት ሁልጊዜ ለሁለመና በነፋሻማ ጤናማ አዬር የሚጎበኝ የጤና ፍውሰት ነው። ሙቅ የሆነው ወጣት ፍቅሩ ከቶም አይጠገብም። ቋሚ መንፈሱ ትጉኽ ገበሬ ነው፤ ማራኪ አቀራረቡ በቁሙ የጸደቀ የሁሉዬ በመሆን እኩላዊ፣ ራስነትን የፈቀደ ነው።

ኢትዮጵያዊነት ከኩራት በላይ መኩሪያ፤ ከጋሻ በላይ መከታ፤ ከጥላ በላይ መጠለያ፤ ከመቻል በላይ መቻቻል፤ ከማክበር በላይ መክበር፤ ከማድመጥ በላይ መደመጥ፤ ከሚስጢር በላይ መመሳጠር፤ ከታማኝነት በላይ ታማኝ፤ ከትህትና በላይ ትሁት፤ ከፍቅር በላይ ፍቅራዊነት (Loveism)፤ ከትእግስት በላይ ታጋሽነት፤ ከአብሮነት በላይ ዬአብሮዊነት ልዕልና ነው። ኢትዮጵያዊነት በራስ የመተማመን የደም ማህተም ነው። የነጠረው መንፈሱ ቅኝ ተገዝቶ በፍጹም – አያውቅምና። እራሱን ሆኖ የኖረ ብቻም ሳይሆን ሌላውንም በውስጡ ያኖረ የአደራ ትውፊት ነው። የእኔ የሚለው – ሁሉ ያለው፤ ሁሉንም – የሆነ፤ ለሁሉም ለመሆን የሚችል – ስኩን የመኖር ሥነ – ደንብ ነው – ኢትዮጵያዊነት። ተዝቆ የማያልቀው መክሊቱ የፈለቀው ከእውነት ማህደር ብቻ ነውና። ተመርቆ የተፈጠረ በመሆኑ አስተዳደራዊ ሆነ ጣልቃ ገቢያዊ ፈተና አያጣውም፤ ግን ተቀናቃኙን ድል የመንሳት ተስጥዖው ደግሞ ገድላማ ነው። ዬኢትዮጵያዊነት ድፍረቱ የሚቀደው ከምንጩ ከአለው ረቂቅ ጸጋው – ከራሱ ነው። አለው! ትውስት ክፍሉ አይደለም፤

በሌላ በኩል ኢትዮጵያዊነት ለመንፈስ የርትህ ብሩኽ የችሎት አደባባይ ነው። ኢትዮጵያዊነት በተፈጥሮው የዳኝነት ውሎ ነው። ኢትዮጵያ ሀገራችን ህግ ናት። የተፃፈውም ሆነ ያልተጻፈው ህጓ እሷን ለዬት ብላ፤ እኛ ልጆቿም ኢትዮጵያውያንን ለዬት ብለን ኑሯችን እንድናስተዳድር ይመራል። በኢትዮጵያ ማህጸን ውስጥ የተፈጠረው ኢትዮጵያዊነት አማናዊው ሲሆን በክርስትና እምነት ከዘመነ ብሉያት በፊት በህገ ልቦና አምላኩን የተቀበለ፤ ሃዲስ ኪዳንንም የወደደ ዬፈርኃ እግዚአብሄር ማማ ሲሆን፤ ዬእስልምናም ሃይማኖትን በሚመለከትም፣ ታሪክን የቀደመ፣ የሐዋርያነት ተግባር የፈጸመ የተግባር አንቱ ጉልላት ነው። ለኢትዮጵያዊነት ሃይማኖት አለኝ፤ እማመልከው አምላክ አለኝ ብሎ ማመን ርስተ – ጉልቱ ነው። ተፈጥሮው ነው ማለት ይቻላል። እርግጥ ነው በተፈጥሮ የሚያምኑትንም የራሱን አካላትንም – አይጋፋም። ሳሃ የሌለበት ሥልጡኑ ማንነት – ኢትዮጵያዊነት!

ኢትዮጵያዊነት በግጭቶች ማህል እንኳን ዬስምምነትን ስበት የመወለድ አቅሙ ከጸሐይ ጉልበት በላይ ነው። ኢትዮጵያዊነት ሥርዬት ፈላጊነቱ  የመልካም ነገሮች ዓውደ ምህረት እንዲሆን – አድርጎታል። ኢትዮጵያዊነት ነብያትን ቀድሞ ያናገረ፤ ሳይንቲስትን የመራ፤ ቅዱሳንና የፈጠረና ከተለያዩ የዓለም ክፍላት ሰማዕታትን ደናግላንን ሐዋርያትን ሳይቀር በብቃቱ ዬጠራ፤ በብልህነት ያስተናገደ – የገሃዱ ዓለምና የመንፈሳውው ዓለም  ፍጹማዊ ዬመርኽ  የአብርኃሙ ማዕዶት ነው።

ኢትዮጵያዊነት ጠላቱን የሚያስተምረው ምክንያት ፈልጎ ነው። በዬአጋጣሚዎች እሱን ለማጥቃት የሚነሱትን የዶግ አመድ የሚያደርግበት አቅሙ የሚቀዳው ከሰማዩ ዳኛ ነው። እንሆ የወያኔ ሃርነት ትግራይን በ40 ዓመት ህይወቱ ሉሲ ድንቅነሽን አስቀድሞ  ዕውቅና አሰጥቶ፤ ህወሓት በተኛ በ40 ዓመቱ ከእንቅልፉ የቀሰቀሰ፤ የማያልቅ ወይንም የማይቋረጥ ትኩስ ዬአቮል ቡና ፏፏቴ ነው። የማንቃት መዳህኒት በመዳፉ ያለው፤ ቅንኛ – ቀና – ቅኔኛም። ወንዳታ! ዛሬ በጠላቱ በህወሓት መንፈስ አስለፍልፍን አስርፆ ነጋ ጠባ „ኢትዮጵያዊነት፤ ሐገራችን፤ ኢትዮጵያዊ ወገኖቻችን“ እያሰኜ ጠላቶቹ በፖሊሲ ያሰሩትን፤ ገድለን ቀብረነዋል ያሉትን ቅዱስ መንፈስ በልሳናቸው ሲቃጁ ውለው እንዲያድሩ ያደረገ የጀግኖች ቁንጮ፤ አንበሳ ነው ኢትዮጵያዊነት!  የመሆን የትጋት – የንጋት ገበሬ!

አዬ! ዓፄ  ዘመን እንዴትና እንዴት አድርገህ ነው ኢትዮጵያዊነት – የምትከሰው! ብርሃኑ ሲነጋ  በሃቅ – ታታመ። በእንቁላል ውሃ ተገናባ። ዬማግስትነት ክብሩ – ታወጀ። ዘመን ተናገረ – ያደመጠውን በሐዋርያነት ስለ ኢትዮጵያዊነት ልቅና ዓለም መሰከረ ….. ሲፈጠር ከብሄራዊ ፍላጎት ጋር የሆነው ሥህነ – ቤዛችንም እንኳን ደስ አለህ። ትጋትህ ከጥዋቱ ለዚህ ልቅና ነበር፤ … ለጋ ዕድሜህን ለበርሃ የሸለምከው። ዝንፍ ሳትልም በዞግ ንክኪ ከቶውንም ሳትጠመድ በማተብህ የጸናኽው፤ በተማሪዎች ንቅናቄ ውስጥ ብሄራዊ ፍላጎትን ዕውን ለማድረግ አፍላነትህን – የሰጠኽው። ጉልምስናህንም ለሀገርህ ለኢትዮጵያ እንደ ዘመኑ እድገትና ብልጽግና በነፃነትና በዴሞክራሲ አሰራር ያለህን እምነት ውስጥህ በማድረግ፤ የናፈቀህን ዴሞክራሲ ርትህ ዕውን አንዲሆን፤ የምትፈልገውን የእኩልነት ምድር እናትህን ለማድረግ ወደ ኋላ የማትል የኢትዮጵያ ዘላቂ ልጅ። ለአንዲት ሰከንድ በእምስ ዬመንደርተኛነት አጀንዳ ጊዜህን ያለባከንክ የልዕልት ኢትዮጵያ የተቋማት – ምርጥ ተስፋ። …. ኢትዮጵያዊነት ህግህ ያደረክ፤ ለኢትዮጵያዊነት ፍጹም ታማኝ የሆንክ የአዮ ትሩፋት …

ውድ ታዳሚዎቼ – በምዕራፍ ሁለት ጹሑፌ ፕሮፌስር ብርሃኑ ነጋ ሚስጢር ነው ብያለሁ። ስለምን?  ሚስጢር መሆኑ ስለተገለጠለት። ስደት ሽርሽርሽር አይደለም፤ ፈተናው ያላችሁበት ነውና – ታውቁታላችሁ። ሁለተኛ ዜግነት መውሰድ – የስደቱን ውሃ ያዘለ ተራራ ለመሸከም፤ ጊዜያዊ ሆነ ዘላቂ ችግር መፍቻ የሚሆኑ ቁልፎችን ለማግኘት፤ ወይንም ቤተሰብ ከተመሰረተ በኋላ በስደቱ መንደር ዬልጆችን የተስፋ ትልም ለማሳካት፤ ቤተሰባዊ ኑሮን በአንድ ለማድረግ፤ ረቂቅና ወስብስብ ፈተናን ለማሸነፍ፤ ባይታዋርነትን ከግንባር ገፋ ለማድረግ ግድ የሚሉ ነገሮች – ይገጥማሉ። ባትወዱትም – ባትፈልጉትም። በማናቸውም ሁኔታ ይህን እርምጃ መወስድን አስፈላጊ የሚያደርጉ የተጽዕኖ ምሽጎች በዬአቅጣጫው ጦርነት – ይከፍታሉ። ታዲያ ትውልደ ኢትዮጵያዊነትን እንደያዙ በተደራቢነት ችግርን ለማስተጋስ ወይንም ለማሸነፍ ወይንም መንፈስን ለመረጋጋት እርምጃው ይወሰዳል – ዬተጨማሪ ዜግነት። ይህ ወንጀል አይደለም። የታህሳስ 10. 1948 ዓለምአቀፍ የሰብዕዊ መብት አስከባሪ ህግ „አንቀጽ 15 እንዲህ ሲል መብት ስለመሆኑ በአጽህኖት – ደንግጎታል።

1. እያንዳንዱ ሰው የዜግነት መብት አለው።
2. ማንም ሰው ያለፍርድ ዜግነቱ አይወሰድበትም፤ ወይንም ዜግነቱን የመለወጥ መብት አይነፈገውም“። ስደትና መከራውን – በስደት ያለፈ ሁሉ ስለምን ሁለተኛ ዜግነት መውሰድ እንዳለበት፤ ወሳኝና አስፈላጊ እንደሆነ – ይገነዘበዋል።

ወገኖቼ – ይህን ነጥብ ነጥዬ ማንሳት የፈለግኩት መሰረታዊ ምክንያት ፕሮፌሰር ብርሃኑ ነጋን  „ኢትዮጵያዊነትን አግላይ“ የሚል ተቀናቃኝ ተቀጥላ ሃሳብ ጎልቶ ስለወጣ ነው፤ ያን ከሥሩ የፈለሰ ሃሳብን በተጨበጠ ዕውነትን fact አቅርቤ እርባና ቢሱን፣ የፋደሰ ከንቱ የላመ አጀንዳ መቅበርም – ስላልብኝ ነው። በሌላ በኩልም ሚስጢር ከሚስጢሩ ጋር ስለመኖሩ የጭብጥ አቅም ያነሳቸው ትችቶች በተያያዥነት ስለ ነበሩ ብኩን ስለመሆናቸውም አስረግጬ ለመግለጽ ነው። እገረ መንገዴን ጠረግ ለማድረግም ጭምር ነው። አንቱው አመክንዮ „ታላቋን አሜሪካን የፈጠረ የኔ ማንነት ነውና እኔ ያለኝ ነገር ሌላው የሌላው ብቻም ሳይሆን፤ ዓለምን ፈጣሪ ስለሆነ ስለምን ብድር እሄዳለሁ? ማንነቴ ኢትዮጵያዊነቴ ይበቃኛል – መቅድም ነውና“ ማለት፤ ለዛውም ሁሉ ነገር እያለው፤ እዬቻለ፤ እራሴን ሆኜ መኖሬ የክብር ክብር፤ የግርማ ግርማ፤ የሐሤት ሐሤት፤ መርሄ  ነው ብሎ ኢትዮጵያዊነቱን የፈቀደ፤ ኢትዮጵያዊነቱን የመረጠ፤ ኢትዮጵያዊነቱን የወደደ ከዚህ ጋር የተያያዙ ማናቸውም የስደት ውጣ ውረዶች ለዛውም በወጣትነት ዘመን ብዙ ወጣ ገብ ችግሮች ሳይበግሩት – መልካም ዕድሎችም ሳያታልሉት፤ እንዲህ በውሳኔው መዝለቅ የቀደመ – ሐዋርያነት ነው ለእኔ ለሥርጉተ ሥላሴ። ሥህነ – ቤዛ የትኛውም የስደት ፈተና አላሸነፈውም። ችግሮችን ተጋፈጦ ገዢ መሬቱን – ተቆጣጥሯል።

በዚህ ውስጥ ድፍረቱን፣ ቁርጠኝነቱን፣ ውሳኔ የመስጠት ጉልበታም አቅሙን፤ እራሱን ለመምራት ያለውን አቅም ወቄትም ማዬት ይቻላል። እራስን ማሸነፍ የወርቅ አንክብል ነው። እንዲህ ያለውን በውስጡ ለውስጥነት መርኽ የተገዛ መንፈስ ለሁላችንንም ዬአብነቱ ተመስጦ – ትውፊትን ቀልቦናል። ለአርበኞች ግንቦት ሰባት ውህደትም በአካል ሥህነ ቤዛ ያልተገኘበት መሠረታዊ ምክንያት የመጓጓዣ ሰነዱ ጊዜ ያስፈልገው እንደ ነበር – ከኢሳት አምስተርዳም – አዳምጠናል። ሳያበራ ብዕር የጨበጠ፣ ዬማይክ ራህብተኛ፤ የአትራኖስ ጉጉተኛ መንፈስ ሁሉ ዱላ /ቆመጥ/ ባለማቋረጥ ይቆረጣል፤ ዱላው ወይንም ቆመጡን አስተካክሎ ዓይንህ ጥርስህ ብሎ ከርክሞ ይዘጋጃል፤ ያው መሰናዶው ተዘውትሮ ለፕሮፌስር ብርሃኑ ነጋና ለመንትያው ይሆናል። አቤት! – ትእግስቱ! እንዲህ ዓይነት ሆደ ሰፊነት ብቻ ነው ኢትዮጵያን ከእነህልቆ መከራዋና ችግሮቿ መሸከም – የሚችለው። ሰለጠነበት – በመከራው። ኖረበትም። ፍጹም ያልተገባ፤ ከፖለቲካዊ መንገዶች የወጡ ከኢትዮጵያዊነት ሥነ ተፈጥሮም ያፈነገጡ ዬተቸዎችን – ከሰብዕ ዝቅ የሚያደርግ ዘለፋ ሁሉንም አስመችቶ – ቻለ። ይህ ከብረት ቁርጥራጭ የተሠራው ጥንካሬውና ብርታቱ ደግሞ እልፎች አጥር ቅጥር እንዲሆኑለት ግድ አላቸው። የመንደር ሆነ የጎጥ ሪጋ ቤት ባልደረባ ያልሆነው – ጥልቅነቱን ለማዳመጥ እንፈቅዳለን! ተግባሩ ብቻ ነው የስምሪታችን መሃንዲስ! ሩቅ አሳቢነቱ ቅዱስ መንፈሳችን ነው! …. የመሪነት ጥራቱ ርትህ ሰጪ ትርጉማችን ነው! ዓይናችን የህሊናችን ሚዛን ነው! እሱ ራሱ ነፃነት ነው።

ጽናትን ለዋጠ ኢትዮጵያዊነት – እኔ ምን እላላሁ? ምንስ አቅም አለኝ? እግዚአብሄር ይስጥልን ከማለት በስተቀር። ይህ ሰው በጣም እጅግ ሩቅ ነው። ይህን በእውነቱ በመከራ ብዛት ከሃገሩ ለሚፈልሰው ወጣት የዜግነት ብቃት ት/ቤት ተቋም ነው። በህልሜም በውኔም የሚነስተኝ በሀገሬ በኢትዮጵያ ብሄራዊነትን አጀንዳው ያደረገ ትምህርተ – ዜግነት፤ ፍትህን ማዕከሉ የሆነ ትምህርተ ሥነ – እኩልነት፤ ሰማያዊ የተፈጥሮ ሥጦታዎችን በአስኳልነት የተንተራሰ ትምህርተ ሥነ – ፍቅራዊነት በመደበኛ ትምህርትነት ሥርዓት ተቀርፆላቸው በመደበኛ ት/ቤት የሚሰጥበት፤ ሙያም ሆነ ዬሥራ መስክም አንዲሆኑ ምንአልባትም ወደ ኮሌጆች ወይንም ከፍተኛ የትምህርት ተቋማት መግቢያም መስፈርት እንዲሆኑ መስከረምን እጠብቅ ነበር። እንሆ የአሁኑ መንገዱ ድባባዊ ውበት አለው። ዬዋዜማው ጣፋጭ ጠረን እያወደን ነው። እኔስ እላለሁ እንዲህ ዓይነት ስንዱነት፤ ቀዳዳውን ሁሉ ቀድሞ የደፈነ አንበሳነት፤ ልዑቅ ብልህነት ለወለደችህ እናትህ፤ ለምትማራቸው የፖለቲካ ድርጅት አካላትና አባላት ብቻም ሳይሆን እርምጃህ – ውሳኔህ – በፈተና የመጽናት በርነትህ የትውልድ አዲስ የሰንደቅዓላማ ትምህርት ቤት ስለሆነ – ታኮራለህ!  እኛ የስደቱን መከራ መቋቋም ተስኖን የሌላ ሀገር ዜግነት ለማግኘት እንጠቁራለን – እንከስላለን፤ አንተ ግን የአብነቶች ቀንዲል ብርኃነ – ሞገስ ሆንክለት – ለኢትዮጵያዊ ዜግነትህ። ….. እንዲህ ነው ተምሳሌነት፤ እንዲህ ነው የመሆን መቻል አርበኝነት። እኔስ ኮራሁብህ። እኔስ አምነቴን ጣልኩብህ። እልፎችም ይህን መሠረታዊ በኽረ ጉዳይ ልብ ይሉት ዘንድም በትህትና – አመለክታለሁ፤ አብሶ ለነገ ዕንቡጥ ወጣቶቻችን። ነገ ማደሪያው በውል – የመንፈስ ማረፊያ አግኝቷል። ልጆች ከሚስሙት ነገር ይልቅ ከሚያዩት ነገር ብዙ ይማራሉ። ከሚጨበጥ ሃቅ ዕውቀትን – ይገበያሉ። „ልብ ያለው ሸብ“ ይላል ጎንደሬ ሲተርት ….

ሰሞኑን ኢትዮ ሚዲያ ላይ የኢትዮጵያ ህዝብ አርበኞች ግንባርና የግንቦት 7 ለፍትህ ለነፃነትና ለዴሞክራሲ ሲዋህዱ „ዬኢትዮጵያ ህዝብ“ የቀረበትን ተያያዥ ጉዳዮችን ያብራራ – ክፍል ሦስት ከክፍል ሁለት ቀድሞ ከወንድሜ ከጋዜጠኛ ደምስ በለጠ አንድ ጹሑፍ አንብቤያለሁ። በጹሑፉ ጭብጥ ዙሪያ እምለው – አይኖረኝም። ቀደም ባሉት ጹሑፎቼ በአግባቡ ከውኘዋለሁና። ለአለቀበት ለተሸናፊ አጀንዳም ጊዜ ማዋስም አስፈላጊ – አይደለም። ነገር ግን የህሊና ዓይን የሚሆን ቁምነገር ባለው ዕውነት ላይ የተቃጣውን ዘላላ ስንኝ ከእርእሴ ጋር የሚሄደውን ቀደም ብዬ እንደገለጽኩት እሱን ልሂድበት ወደድኩኝ። ወሳኝ ጉዳይ ነውና። ማስተዋልን –  „ታላቋ አሜሪካን ሆነ ዓለምን የፈጠረው ማንነቴ ኢትዮጵያዊነት ዜግነቴን ለሚዛን ሊያቀርብ አይችልም፤ ምርጫዬም ህይወቴም“ ያለው አንበሳ እኮ ነው የግንቦት 7 ሊቀመንበር በቃሊቲ እስር ቤት ሆኖ ሃሳቡን አፍላቂ፤ በኋላም መሥራችነቱ ደግሞ ከመንፈስ መንትያ ወንድሙ ጋር በሀገረ – አሜሪካ። ይህ ድንግልናው ያልተገሰሰ መንፈስ ነው ከኢትዮጵያ ህዝብ አርበኞች ግንባር መንፈስ ጋር የተዋህደው። የሥህነ – ቤዛን ተቀናቃኞቹን መፈናፈኛ የሚያሳጣ አሸናፊው የቀደመ ዝግጁነት፤ ተመስጥሮ የከተመበት ረቂቅ እጅግ ጥልቅ መንፈስን አለማወቁ ነበር ፆምን – ያስገደፈው።

„አያውቁንም እኛን አያውቁንም“ ይላሉ በህብረ ዜማ – ሁለመናው። በምንም ብሄራዊ አምክንዮ ግድፈት የሚታማባት ነገር የለም። ስንዱ ነው። …. እርግጥ ነው ያላወቅነው፣ ውስጡን ዘልቀን ለመመርምር ያልፈቀድን ወይንም የተሰወረብን ግን ተከድኖ የኖረ የራሳችን የእኛ ሲሳያችነን  ዕውቅና ለመስጠት ድፍረት ስለሚያንሰን ብቻ ነው። ስለምን? ኢጎና የበታችነት ስሜት ቤተ ዘመዶቻችን –  ስላደረግናቸው። እኔ እንደማዬው ፓለቲካ ሳይንስ መሆኑ ቀርቶ ግላዊ ጥላችን ጥግ ነው ብለን ስለምናምን። ፓለቲካ በተጨባጭ እውነት ላይ ስምምነት፤ ትብብር፤ መወያዬት፤ መግባባት፤ ለብዙሃኑ ፍላጎት ራስን ለማስገዛት መፍቀድ፤ ሰጥቶ መቀበል ወዘተ … መሆንም ረሳነው። በእውነቱ በብሄራዊ ሐገራዊ ጉዳይ ሙሉ ተሳታፊ ለመሆን እኔን ጨምሮ የውስጥ ለውጥ – ያስፈልገናል። ቀናዎች አይደለንም። ኃይል ፈጣሪነታችን ለአሉታዊ ነገሮች ብቻ ነው። ህወሓትማ – ተራሳ። በጎዊ ለሆኑ ለውጦች ጥቂቶች አልተዘጋጀነም – አንፈቅድም። ጎጥን መሻገር ነው የሰውነት መለኪያው። ኢጎን መደርመስ ነው ጀግንነት፤ መንደርተኝነትን ማሸነፍ ነው ለቀጣዩ ብሄራዊ ቀልም – ስምረት። አቅምን መለካት ነው ሥልጡንነት። በ እጅ በአለ ሃብት ብቻ መተንበይ ነው ብልህነት።

ወገኖቼ ኢትዮጵያዊነት የሚንጠለጠል፤ የሚለጠፍ፤ በጎን የሚታደርበት፤ ወይንም የሚለበጥ አይደለም፤ በውስጡ የሚኖርበት ሚስጢር እንጂ። አፈፃጸሙ፤ አተረጓጎሙ፤ አካሄዱ እንደ ተፈጠረበት መክሊት ይሆናል። ውድ የሐገሬ ልጆች ሥህነ – ቤዛ  ዬአሜሪካ ዜግነት ባለመውሰዱ ወይንም አሜሪካዊ ባለመሆኑ እንደ አሻው መንቀሳቀስ – አይችልም። ሌላም በፖለቲካ አቋሙ የሚደርስበትን ማናቸውም ቅጣቱን መቋቋም የሚችልበት መጠለያ ተደራቢ ዜግነት – የለውም። ከኢትዮጵያዊነቱ ውጩ ጥበቃ የሚያደርግለት ምንም ምድራዊ ነገር የለም። በጣም የሚገርም የራስ መተማመን ጣዝማ ባለሃብት ነው። ብልህ ሆናችሁ ውስጡን አዳምጡት – በትህትና። ለዛውም እንዲህ  በዬአቅጣጫው ጦር በተመዘዘበት ሁኔታ። … ህሊና የሚባለው ነገር እኮ ሚዛን ሊኖረው ይገባል። ለትችቱም – ለወቀሳውም። አሁን አሁን ሳስበው የበታችንት ስሜት አብዝቶ የሚንጣቸው የራሳችን ናቸው የሚባሉት ሳይቀሩ ፊት ለፊት ቢያገኙት ምን ያደርጉት ይሆን እንዲህ በደም ፍላት ሲወራጩ – እላለሁ። አርበኛ አንዳርጋቸው ጽጌ ሲታሠር ድምጽ ያላሰሙትም ዛሬ በተቆርቋሪነት ስለ አስተሳሰሩ ሂደት በፖለቲካ ተንታኝነት ይሁን በልብ ወለድ ጸሐፊነት ተስልፈው እያዬሁ ነው። ይህ ለእኔ ቆዳ መልስ ንሰኃ እንደ መግባት ነው። ያን ሰቅጣጭ ጥቃት – ጥቃቴ ነው ብሎ ለመቀበል ጊዜ ሊቀለበው ባልተጋባ ነበር። እስኪ ልሰብበት የሚያሰኝ አልነበረም። ዬብሄራዊ ውርዴት ብስጩነት አደብ ወይንም ታዛቢነት ሊሸለመው ባልተጋበ ነበር። የጥቃት ትኩስ እሬሳን አስቀምጦ ሠርግና መልስን – አዳምጠናል – ዛሬም እንዲሁ ተዛነፍ ነገር እናዳምጣለን ዘመኑን የምንታዘብ ሰዎች። ቢያንስ ፈጣሪ አምላክ „ሰው“ ብሎ ሲፈጥር የሠራለትን ሰማያዊ ህግ የእኛ – እንበለው።

መከራን መጋራት ኢትዮጵያዊ መለያችን ነበር። ችግርን መካፈል ፍጹማዊ ዓርማችን ነበር። ጥቃትን አለማስመችት የአደራ ሥጦታችን ነበር። እራቅነው ልበል ወይንስ አራቆትነው?! የሆነ ሆኖ የኔዎቹ – የኢትዮጵያዊነት ንባቡን ትርጓሜውና ሚስጥሩን እናመሳጥር፤ በተደሞና በአርምሞ ቢባል „ከአሜሪካው ዜግነት ኢትዮጵያዊነት ይበልጥብኛል። እንዲያውም አይመጣጠኑም“ ላለ የቀደመ መንፈስ ከዚህ በላይ ስለ ኢትዮጵያዊነቱ ከቶ ምን ሊገልጸው ይችላል? ምን አምክንዮ አለ ይህን ዕውንት (fact) ታግሎ ሞግቶ የሚረታ? የአውነት ጭብጥ ብቻ ነው የሰውን ልብ ቀልብ – የሚገዛው እንጂ የተገለበ ስሜት አይደለም። በስሜት ፌስታ አንጂ ውስጥን ማንበብ ሆነ መተርጎም  – አይቻልም። በጥላቻም አምላክን ማስከፋት፤ የሆኖ ሆኖ ከተወረወረ ቀስት የሚጠብቀው አምላክ ጠበቀው እንጂ …. እንደሚቃጣው ጦርማ ….

የብልጹጉ ቅብዕ በብሄራዊ ፍቅር  – ህትምተ።

አውነት ለመናገር እንዛ ቀኑን በሐሩር ጨለማውን ደግሞ በግርማ ሌሊት የሚተጉት ቅዱሳን ደናግል ዬአቨው እና ዬእናቶቻችን ጸሎት የሰጠን ሙሴ ነው ፕሮፌስር ዶር. ብርሃኑ ነጋ። ባለቤት ያልነበረው ዬብሄራዊ አመክንዮ መንፈሱ ጥግ አገኘ። ስለዚህም ሥጦታውን አናቅለው! ይህን የእውነት ውቅያኖስ እንቀበለው ዘንድም አቅም እንዲኖረን ፈጣሪያችን በፀሎት – እንጠይቅ። በፍቅር አሸናፊነቱ በእሱ ክህሎት ብቻ የተከወነ – አይደለም። የቀደመ „ቅብዕ“ አለበት። እደግመዋለሁ ይህን ቃል ህቅ የሚላቸው ደሞቼ ስላላችሁ የቀደመ „ቅብዕ“ አለበት። „ቅብዕው“ የጸሎት አጥር ከምንም ነገር በላይ ያስፈልገዋልና ሱባኤ በግል አቅም ያላችሁ፤ ህይወቱ ያላችሁ ትተጉበት ዘንድ እኔ ሎሌያችሁ ሥርጉተ ሥላሴ በአጋጣሚው በትህትና አሳስባለሁ። ትውልዱ ትውልድ እንዲሆን የምትሹ ቅን ወገኖቼ – መሆን ብቻ አንዲመራችሁ እባካችሁን – ፍቀዱ። የህልም ስኬት የሚገኘው በመሆን አውራ መንገድ ብቻ ነው እንጂ ገብያው በተፈታ በትነት ንድፈ ሃሳብ አይደለም።

ይህ ፎቶው ላይ ያለው  ዬሥህነ – ቤዛ ህይወቱን ለመስጠት ቃል ያሰረባት የተግባሩ ቀለበት ነው፤ ለእርቃንነት አባት ለነበሩት ለሟቹ ሄሮድስ መለስ ዜናዊ የህቅታ ቋት፤ የኮሶ ተክል – ነበር። ሲዮት ያንገፈግፋቸው ነበር። በሽታቸውም ይነሳ ነበር።  ሰንደቅአላማችን አይደለም በእጃቸው ለአንድም ደቂቃ በጎናቸው ተቀምጦ – አያውቅም። በመጤ እንደራሴ የተናጡ ስለነበሩ። „ሐገሬ“ ማለት „ኢትዮጵያ“ „ሰንደቅአለማዬ“ ማለት ዛራቸውን ያስነሳ ነበር። የሌለህን ነገር ከአንተ ሥር ያሉ ወይንም በቅርብህ የሚገኙ ሰዎች ሲያደርጉት ወይንም ሲኖራቸው የህሊና ስውር ቅጣቱ ስለሚነስትህ ያን የማዬት አቅም ምሶ መቅበር ቀዳሚ ተግባርህ ይሆናል። ለዚህም ነበር ለሰንደቅዓላማችን የማሰሪያ ህግ ተረቆ – የጸደቀበት። አርበኛ ያልሆነ የሐገር መሪ ባንዳን ይሾማል – ይሸልማል። ስለምን? አርበኛው ደረቱን ነፍቶ ቀና ብሎ የመሄድ አቅም ስለሚኖረው አርበኝነት አልቦሹ መሪ መንፈሱ እያዬ እንዳይቀጣ መሰሎቹን – ይመርጣል። ጀግኖችንና አቅም ያላቸውን ያባራቸዋል ወይንም ያገላቸዋል። ጎባጣው የሚፈልገው እንደ እሱ የጎበጠውን ወይንም ተጎንብሶ የሚሄደውን ነው። ቀና ብሎ የሚሄደውን የመቋቋም አቅሙ ሙት መሬትን የሙጥኝ ስለሚል። በነፃነት ትግሉም በዬነጥብ ጣቢያው አቅምን የሚበላው የዚህ በሽታ ውርስነት ነው። በአጋጣሚው አቅም ያላችሁም – አንድ በሉት። ለነገም ነቀርሳ ስለሆነ። የነፃነት ትግሉ ሰብል ትርጉሙ ከትንሹ ዛሬ መጀመርም አለበት።

ለዚህም ነበር ሄሮድስ መለስ ዜናው ከአርበኝነት ጋር የነበሩ የቦታ ሥሞች ሳይቀር እያደኑ፤ ኢትዮጵዊ ተቋሞቿን – እያሳደዱ፤  ኢትዮጵያና ህዝቦቿ ክብር እዬረገጡና እዬገፈፉም፤  ማናቸውንም የክብር መግለጫዎቻችን በሙሉ በጥርሳቸው እንዳያዟቸው ማለፍ አይቀርምና – ያለፉት፤ ለእርሳቸው ባንዳዊ መንፈስ ፍሰኃ ሲሉ፤ ያ የክብር – የሞገስ ተክሊል ባላውለታችን አረንጓዴ ቢጫ ቀይ ሰንደቅዓላማችን በሽታቸው ነበር። ለነገሩ – አይመጣጠኑም፤ ከወላጃቸው የወረሱት ባንዳነትን ነበርና። ለመሰሎቻቸውም ቢሆን ዛሬም – ይበጠብጣቸዋል። እንደ ጎደለ እንስራ ውሃ – ያንቦጫቡጫቸዋል። ለአርበኛው ደም ግን ዘውዱ ነው! ነገም ከኢትዮጵያ ህዝብና ከመሬቷ ከደረሰው የወያኔ ሃርነት ትግራይ ማኒፌስቶ በደል ባላነሰ ብሄራዊ ቋሚ ሰንድቅዓላማችን ያሳለፈውን የ24 ዓመት የአፓርታይድ ዬተገላይነት ዘመን አሳር ሊክስለት የሚችለው ፍሬ ነገር ዬአንድ ዬአምክንዮ ዕሴት ብቻ ነው። ይህ ትውልድ ያሸነፈ ፓርቲ ቢያሸንፍ፤ ከንጹህ ተፈጥሮ ላይ ምንም ዓይነት የፍላጎት ነቁጥ እንዲኖርበት መፍቀድ – የለበትም። ከነተፈጥሮው እንዲዘልቅ እሱን ማስቀደም የመንፈሳችን ዓይን ሊሆን ይገባል። ይህ እንደ አንድ ተራ ዜጋ የአደራ ቃሌ ነው። ሰንደቅዓላማችን ይበቃዋል – ተቃጥሏል – ተቃሏል – ታስሯል – ተቀዷል፤ ከረጢት ሆኗል፤ በፍዳ ተቀቅሏል፤  „ቀብረነዋልም“ ብለውናል። የቻሉትን ያህል የቂምና የቋሳ መገበሪያ – አድርገውታል። „በቃን!“ የሰንደቅአላማችን መከራ የነፃነት ትግላችን መሪ መርህም ሊሆን ይገባል። የብሄራዊ ዜግነታችን መለያ የጋራ ጋሻ አሻራ ዓርማችን፤ የሁለንትናችን ቀላማም ውበት – ማራኪነት – ተወዳጅነት – አድማቂነት፤ ሳቢነት፤ ተፈቃሪነት ብቁ ገላጫችን ነውና። ሰንደቅዓላማችን ምራቁን የዋጣ የተረጋጋ ምሩቅ የድል ዋዜማችን – ዝልቅ ቅርሳችን ነው።

እርግጥ ነው። ሥህነ – ቤዛ ከድንኳኑ ሲደርስ ዓርማውን  ፎቶው ላይ እንደምታዩት በእጁ ይዞ ትልሙንም አደራ ሰጥቶ ነው። አሁን ተመስገን ነው። ጊዜና ዘመን የማይሽረው ሰንደቅዓላማችን በእጁ ብቻ ሳይሆን በመንፈሱ የታታመ ሥህነ – ሙሴ ፈጣሪ በሥነ ጥበቡ – ፈጠረ። በቅጡ 17 ዓመት ሳይሞላው ነበር ገና በታዳጊ ወጣትነቱ ሐገሬ ውስጤ፤ ፍላጎትሽ – ፍላጎቴ፤ መንፈስሽ – መንፈሴ፤ ራዕይሽ – ራዕዬ፤ ችግርሽ – ችግሬ በማለት ልዕልቱን በልቡ አስቀምጦ አጋጣሚዎችን ሳያሾልክ ወይንም በአጋጣሚዎች ሳይሾልክ፤ ሁሉንም እንደፈቀደለት በተድሞና በበዛ ታጋሽነት – የታደመበት። መቻልን – በመቻቻል አስጊጦ ኖረበት። በርሃም ቤቱ ነበር። ዱር ገደሉም በአርበኝነት ቤቱ ነበር። ስደትም ጊዜያዊ መጠለያው ነበር። ወደ ሀገሩ ተመልሶ በስብዕዊነት ዙሪያ፤ በነፃነት አኩልነት የዲሞክራሲያዊ ፈለግ ዙሪያ የበኩልን ሙሉ ድርሻ በቅንነት አበርክቷል፤ ችግርን በዬአይነቱ አስተናግዷል። እግር ብረቱንም ቢሆን በስደት በኢህአፓ ሱዳን መሬት ላይ፤ በሀገሩም በህወሓት በማዕከላዊና በቃሊቲ አዲስ አባባ ሁለም እንዳይቀርበት አይቶታል። አብሶ እስር ቤት ሌላ የህይወት ምዕራፍ ነው። ጣፍጭነቱ የህዝብን ፍላጎት ፈቅደህ ለመስዋዕትነት ቤተኝነት ስለሆነ በቁም የመጽደቅ ያህል ነው – ለእኔ።  ሥህነ ቤዛ ሁሉንም የመኖር ዓይነቶች ረሃብን ሳይቀር ኑሮ እንሆ የፋፋ ተግባር አኖረ። ዛሬም ቀን በጠፋን፣  ኢትዮጵያዊው ቀን በዘረኝነትና በጭቆና በተጠፈረበት ጭንቅ ወቅት፣ ለእስርኛው ኢትዮጵያዊነት ለአዲስ ቀን ተስፋ ጥብቅና ቆሞ ዱር ቤቴ አለ። ዋቢ!

የናፍቆት እፍታ።

ሥህነ – ቤዛ እናት ሐገሩን ከምንምና ከማንም በላይ – ይወዳል። ጠረኗ አዘውትሮ – ይናፍቀዋል። ገፆዋ በፍቅር – ይጠራዋል። ውስጧ አሳምሮ – ይመራዋል። መንፈሷ በትህትና  – ይገዛዋል። ወዟ – ይስበዋል። እናቱን — ይናፍቃታል ሽው — ትዝ  ትለዋለች። አልሆንለት ብሎ እንጂ ከእሷ ተለይቶ መኖሩ ባዕዱ ነው። ለዚህም ነው በነበረው ቀዳዳ ወደ እናት ሀገሩ ሁለመናውን ይዞ በቅንነት ለማገልገል – የተመለሰው። ከፍቅሩ ጥልቅነት የተነሳ የተወሰደ፤ ከናፍቆቱ ርህርና የተቀዳ ውሳኔ ነበር። በሙያው ሀገሩን ለመጥቀም አስልቶ ነበር። በዛን ጊዜም  ዬእናቱን ውለታ ለመወጣት ናፍቆቱን ያወራረደው በመሃያ አልነበረም። ፍቅሩን የገለጠበት መንገዱ ከማንኛችም እጅግ በረቀቀ መልኩ በነፃ እልፍኝ ነበር። በሂሳባዊ ስሌት ከእናቴ ጋር እንዴት ተብሎ ብሎ ነበር ትጋቱን – ያስመሰከረው። ይህም ሌላ ወግ ያለው ዘለግ አድርገን ለማዬት ያልፈቀድንለት ንጡር አንጡራ ሚስጢር ነው፤ ለነገ መገኘት፤ ለነገ መዋል፤ ለነገ – ማደር ብቻ ሳይሆን – ለነገ መሰንበት፤ አልፎ ተርፎ ለነገ – ተወዲያም ደልደል ያለ ድልድል ለመሆን – በመፍቀድ፤ የሚገርመው እስከ ዛሬ በአበረከተው መልካም ነገር ሳይዝናና፤ ሳይኩራራ፤ ሳይዝልም አለ እንደአለ። አንዲት ብጣቂ ሽልማት ሳናዘጋጅለት፤ የምስጋና ቀን ሳናዘጋጅለት። እናት ሐገሩን ኢትዮጵያን ጽላቱ እንደ አደረገ – ኖረበት። መታደል ነው። ዘመን የማይሽረው፤ ድንበር ያለወሰነው የእናትና የልጅ ንጡሕ ጡታዊ ሃዲድ፤ እትብታዊ ትስስር በፍቅራዊነት ክህሎት ሲመነዘር እናት ሆዱ ያሰኘዋል። የእትብት ጥሪኝ አንዲህ ረቂቅ ግን ብቁና ብልህ አስተዳዳሪነት ነው። እራሱን በዜግነት ፕሮግራም ወይንም ማኒፌስቶ ለመምራት የቻለ ዘላቂ ተስፋችን መምራት ስለመቻሉ ምስክሩ ተግባሩ ብቻ ነው። ያዬነው ከመሆን ተነስቶ ነው ወደ መሆን ሲሄድ ነው።

ክወና።

አዎን! ሥህነ ቤዛ ከግብዝነት ጋርም የተፋታ ነው፤ በተለያዬ ጊዜ ከሰጣቸው ጋዜጣዊ መግለጫዎች፤ ቃለ ምልልሶች እንዲሁም የስብሰባ ሂደቶች፣ የተረዳሁት ቁም ነገር …  እጅግም አሳንሶ የነፃነት ጎህ ሲቀድ መጸሐፉን “ ይህቺው የኔው ጹሑፍ መውጣቷ … ልክ እንደ ተራ መጣጥፍ ፤ ክቡር አትበሉኝ – በቁጣ፤ ዶር. የሚለው ይበቃኛል – በትህትና ፤ የተለዬ ጸጋ እኔ የለኝም – ዝቅ ባለ ሙሁራዊ ሥነ ምግባር። እኔ በግሌ ይህን አደርኩት የምለው የለም – ከግል ኢጎ ጋር ፍቺ በመፈጸም፤ ከእኔም የተሻሉ ወገኖቼ አሉ – በልዩ ውስጣዊ አክብሮት“  ይለናል። ስለሆነም እንደ ዘመኑ ታዳሚነታችን ያዬነው ወይንም የሰማነውን ወይንም ካነበብነው ያገናዘብነው፤ እሱን የተረጎምንበትን ሆነ ወደ ውስጡ ዘልቀን መክሊቱን ያደመጥነው ነገር ምን ሌላስ ይኖረው ይሆን? ወጣቱ መማር ያለበትን፤ መከተል ያለበትን ትክክለኛ መንገድ ማሳያት ድርሻዬ ነውና በምዕራፍ አራት እንገናኝ ዘንድ – በቀጠሮ። ከስንብት በፊት ግን ትንሽ ቋጠሮ …

በቃኝ! ቤቱን ሠርቶ፤ ጉልቻ – ጎልቶ

ኪዳን – አሰማርቶ፤ መሆንን – አስልቶ፤

ከሥሩ – ተብራርቶ፤ ይሁን – አጎልብቶ

እሺታን – ጠጥቶ፤ አለልኝ – መጥቶ

ድምጽ ለቃል ሰጥቶ፤ መቻልን ገንብቶ

ሰንደቁን አስልቶ፤ ኢትዮጵያዊነትን ከሁሉ – አጉልቶ

ጀግና መንገድ ያዘ አደራን አንግቶ!

ሥጦታ – ለአርበኞቼ። እርእሱ በጉልህ የተጻፈው መጨረሻ ላይ ያለው ነው። ይህ የእኔ መንገድ ነው። 18.08.2015

ዛሬን ባርኮ እንዲህ በማዕዳችን በሃበሻ ቤት ያገናኘን አምላክ ልዑል እግዚአብሄርን አመስግኜ ልሰናበት – ወደድኩኝ። መሸቢያ ሰንበት – የኔዎቹ። ጌጤን ዘሃበሻን – ከውስጤ አመሰገንኩኝ – ኑሩልኝ።

ማሳሰቢያ – አባቱ የእኔ ጀግና ናትናኤልሻ እሺ –  እኔ ሎሌህ ነኝ። በጹሑፎቼ መልእክትህን – እለጥፋለሁ። በራዲዮ ፕሮግራሜም ከበጋ እረፍት በኋላ በድምጽ መልእክትህን ሙሉውን – አስተላልፋለሁ። http://www.zehabesha.com/amharic/archives/45527

የብሄራዊ ነፃነት ትግላችን ለህወሓት ብጣቄ መላሾ አያጎበድድም!

ዬነፃነት ትግላችን የብሄራዊ ማንታችን ክብር ጉልህ መግለጫ ቁልፋችን ነው!

የነፃነት ትግሉ መሠረታዊ ዓላማ 90 ሚሊዮን ህዝብ ከህወሓት የባርነት እስር ቤት ማስለቀቅ ነው!

ኢትዮጵያዊነት ፈተናን አሸንፎ የተፈጠረ ሚስጢር!

እግዚአብሄር ይስጥልኝ።

Photo File

ለ24ኛ ክፍለጦር ሰራዊት ስታገለግል የነበረችው ወታደራዊ የውሃ ማመላለሻ ቦቴ በመገልበጧ ምክንያት በውስጧ የነበሩት የስርዓቱ ወታደሮች ሙትና ቁስለኞች መሆናቸውን የደህሚት ድምጽ አስታወቀ:: ደህሚት ከምንጮቼ አገኝሁት ባለው መረጃ መሰረት- በአውደ ራፊዕና አካባቢው ለሚገኙት ለ24ኛ ክፍለጦር ሰራዊት ስታገለግል የቆየች አንድ የውሃ ቦቴ በመገልበጧ ተሳፍረው ከነበሩት ውስጥ 6 ወታደሮች ሲሞቱ የመኪናዋ ሾፌር ጨምሮ በርካታ ወታደሮች ደግሞ በከባድ መቁሰላቸውን ታወቀ።

ከሞቱት ወታደሮች የተወሰኑት ለመጥቀስ ያህል- ወታደር ግርማቸው አለበልና ከድር በድሩ የተባሉ እንደሚገኙባቸውና የቆሰሉትም ወደ ህክምና እንደተወሰዱ መረጃው አክሎ አስረድቷል ሲል ዘገባው መረጃውን ቋጭቷል::

“[ሕወሓቱ] ሰውዬ ስቃወም አይቶ እናንተ ከምባታዎችን ሰው ያረግናችሁ እኛ ነን እንዴት ትቃወመናለህ አለኝ”

“ተወልደ ማዕከላዊ እስር ቤት ውስጥ ወ/ሮ እማዋይሽን ጡታቸውን በምላጭ እየተለተለ ሽንታም አማራ እያለ ነው የሰደባት”

“ገመቺስን ብልቱ ላይ በላስቲክ ውሃ አንጠልጥለው እየገረፉት በኦሮሞነቱ ሲሰደብ ነበር”

“ወያኔ አሜሪካ በጣም ታስፈልገዋለች:: [አሜሪካን ለማስደሰት] በምስራቅ አፍሪካ አካባቢ ቅጥረኛነቱን በደንምብ ማሳየት ይኖርበታል”

– የአርበኞች ግንቦት 7 ከፍተኛ አመራር አቶ ሙሉነህ እዩኤል

 ፍቅር ያስታግሳል፣ፍቅር ያስተዛዝናል ፣ፍቅር አያቀናናም፣ፍቅር አያስመካም፣ፍቅር አያስታብይም፤ብቻየን ይድላኝ አየሰኝም፤አያበሳጭም፤ክፉ ነገርን አያሳስብም፤ከእውነት ጋር ደስ ይለዋል አንጂ ስለ አመጻ ደስ አይለውም ሁሉን ይታገሳል፣ሁሉን ያምናል፣ሁሉን ተስፋ ያደርጋል፣በሁሉ ይጸናል፡፡

                                                               ( ወደ ቆሮንቶስ ሰዎች 1 ም13 ቁ.1-7)
ከቁጥር መለወጥ ውጪ አዲስ ዓመት የመባሉ አዲስነት ምንነት የማይታወቅበት የአዲስ አመት መባቻ ላይ አንገኛለን፡፡ በሀገራችን የተለመደ በሆነው ይህን…ልዩ የሚያደርገው በሚለው አነጋገር ካየነው  ይህን የአዲስ አመት ጅማሮ ልዩ የሚያደርጉ ሁለት ጉዳዮች አሉ፡፡ አንደኛው ሀያ አራት አመታት ኢትዮጵያን የገዛው ወያኔ በመቶ ከመቶ አሸናፊነት ለቀጣይ አምስት አመታት አገዛዝ መንግስት የሚመስርትበት ዋዜማ መሆኑ ሲሆን ሁለተኛው የነጻነት ታጋዮች ወደ ተግባር የተሸጋገሩበት ማግስት መሆኑ ነው፡፡

እንዳንችል የሚያደርጉ ግለሰባዊ ባህሪያቶቻችን አላስችል እያሉን እንጂ ይህን አዲስ ዐመት ልዩ የሚያደርገው የሚያስብል ከላይ ከተጠቀሱት ከሁለቱም የሚልቅና የሚበጅ ነገር ማከናወን እንችል ነበር፡አለመታደላች ይሆን ወይንም እንደሚባለው ርግማ ኖሮብን ማድረግ እየቻልን ባለመቻላችን ብዙዎች በጥቂቶች ለመገዛታችን እኛው ምክንያት ሆነን እንገኛለን፡፡

አነርሱ የአገዛዝ ዘመናቸውን በመቶ ከመቶ ውጤት አድርሰው ለአምስት አመታት እየተዘጋጁ ለሀያና ሰላሳ አመትም ሊገዙን እያሰቡ ናቸው፡፡ እኛ ደግሞ አገዛዙን ለማውገዝ ለመርገም አንድ ሆነን ከምናወግዘው አገዛዝ ለመላቀቅ ለሚያስችለው ትግል ግን አንድ ሆነን መቆም ተስኖናል፡፡ ይህ ደግሞ ዛሬ የጀመረ ሳይሆን በየዘመናቱ የነበረ የማያረጅ የማይለወጥ የራሳችን ጠላት ራሳችን እንድንሆን ያደረገን መጥፎ በሽታ ነው፡፡

ታዲያ ከዚህ በሽታ የመዳኛችንን መድሀኒት ብናገኘው ይህን የአዲስ አመት መባቻ ከልዩም ልዩ አያደርገውም ነበር ትላላችሁ!  ከራስ በላይ ለሀገር ማሰብ በመጥፋቱ፣ በቃል የሚናሩትን በተግባር ሆኖ መገኘት አለመቻሉ፣ ከህዝብ ነጻነት ይልቅ የራስን ጥቅም ማስቀደሙ ወዘተ ግድግዳ ሆኖ አላገናኝ ማለቱ እንጂ ጉዳዩ የማይቻል ከባድ ነገር ሆኖ አይደለም፡፡ የበርሊንም ግንብ ፈርሷል፡፡

እስቲ ይታያችሁ፣ደግሞም ይቆጭ ያንገብግባችሁ፣በኢትጵያዊነታችን አንድ ነን፣ ወያኔ ከኢትዮጵያ ሕዝብ ጫንቃ ላይ መወገድ ያለበት ዘረኛና አንባገነን አገዛዝ በመሆኑ ላይ ልዩነት የለንም፡፡ ኢትዮጵያ የቀደምት ሥልጣኔ ባለቤት ነገር ግን የዴሞክራሲ ባይተዋር መሆኗ አብቅቶ  የህግ ልዕልና የተረጋገጠባት፣ ሰብአዊ መብት የተከበረባት ልጆቿ በሰላም፣ በፍቅር፣ በእኩልነትና በነጻነት የሚኖሩባት ዴሞክራሲያዊት ሀገር እንድትሆን በመመኘትም ልዩነት ያለን አይመስለኝም፡፡ታዲያ እነርሱ ጥቂቶቹ ህውሀቶች ለጥፋት ሲተባበሩ፣ የአገዛዝ ዘመናቸውን ለማራዘም አንድ ሆነው በአንድ ተሰልፈው የበደል ናዳ ሲያወርዱብን እኛ ኢትዮጵያውያን ናዳውን ለመመከትና የአገዛዝ ዘመናችንን ለማሳጠር አንድ ሆነን የማንቆምበት፣ በአንድ ተሰልፈን የማንታገልበት ምክንያት ምን ይሆን፡፡ እንዳይቻል ያደረግነው እኛው ራሳችን ነን እንጂ ይቻላል፡፡ጥቂቶች በአንድነትና በጽናት ቆመው ሲገዙን እኛ ብዙ ሆነን በጽናት ጉድለትና አንድነት በማጣት ሀያ አራት አመታት መገዛታችን አያስቆጭም፡ውጤት አልባ የእድሜ ልክ ተቀዋሚነትስ አያሳፍርም፣አረ በቃ እንበል፡፡ ካልን ደግሞ ወንድም እህቶቻችን እየከፈሉት ካለው መስዋዕትነት አንጻር ይህ ብዙም የሚባል አይሆንምና አሁኑኑ በአዲስ አመት ዋዜማ ተግባራዊ እናድርገው፡፡

በሀገራችን ባህል/ልማድ በተለይ በገጠሪቱ ኢትዮጵያ በከተማም ከጥንቱ ባህል ጨርሶ ባልተለያዩት ዘንድ በአዲስ አመት መግቢያ የቅዱስ ዮሐንስ እለት ችቦ ተለኩሶ ከቤት ሲወጣ ከቤቱ በር ግራና ቀኝ እየተተረኮሰ የጎመን ምንቸት ውጣ የገንፎ ምንቸት ግባ ይባላል፡፡ ይህ መልእክቱ ግልጽ ነውና ዝርዝር ውስጥ መግባት አያስፈልግም፡፡

እኛስ አገዛዝ በቃ የምንል ኢትዮጵያውያን በያለንበት ችቦ ለኩሰን አንደ ባህል ወጉ እየተረኮስን ባይሆንም በዚህ የዘመን መለወጫ እለት የድምጻዊት አስቴር አወቀን አንድ አድርገን ጌታ የሚለውን ዘፈን እያንጎራጎርን የጥል ምንቸት ውጣ የፍቅር ምንቸት ግባ፣ የበቀል ምንቸት ውጣ የይቅርታ ምንቸት ግባ፣ የጥርጣሬ የሸፍጥና የሴራ ምንቸት ውጣ፣ የመተማመን የቀናነትና የግልጽነት ምንቸት ግባ የማቃር ምንቸት ውጣ የመግባባት ምንቸት ግባ ወዘተ ማለት ብንችል ምንኛ መታደል ነበር፡፡

ለሀገር ይበጃሉ የተባሉ ያልተነገሩ ያልተጻፉ ነሮች የሉም ተግባራዊነት የለም እንጂ፡፡ ሌላው ቀርቶ በተቃውሞው ጎራ የነበሩና ያሉ ከተናገሩትና ከጻፉት ከፊሉን እንኳን ተግባራዊ ማድረግ ችለው ቢሆን  ሀገራችን ዛሬ ካለችበት በብዙ መልኩ የተለወጠች ለመሆን በቻለች ነበር፡፡ እናም ከላይ የገለጽኩትን ለማለት መድፈሩ የመጀመሪያ ርምጃ ሆኖ ያሉትን ለመፈጸም መቻል ደግሞ ዋናውና ወሳኙ ጉዳይ ይሆናል፡፡ የምንለውን ተፈጻሚ ለማድረግ ለቃል የመታምን፣ ለህሊና የመገዛትና ከራስ በላይ የማሰብ ቁርጠኝነቱ ካለ 2008ን ለአስተማማኝ ለውጥ የሚያበቃንን ጠንካራ መሰረት የምንጥልበት አመት ማድረግ ይቻላል፡፡ ይህን ማድረግ ቻልን ማለት ደግሞ ለለውጥ ምቹ ሁኔታ መፍጠርና ትውልድ ተሻጋሪ የዴሞክራሲ ሥርዓት ለመገንባት የሚያበቃንን ጥርጊያ ጎዳና ተያያዝነው ማለት ነበር፡፡  ለሀገርና ለትውልድ ማሰብ ካለ ይህ የማይቻልም የሚገድም አይደለም፡፡ ይቻላል!

ዛሬም እንደ ትናንቱ ወያኔን በማውገዝ አንድ ሆነን  ከወያኔ አገዛዝ ለመላቀቅ ግን በየሰበብ ምክንያቱ አንድ ሆነን መቆም ካልቻልን የነጻነቱን ቀን እናራዝመዋልን፡፡ ነገር ግን ዘላለማዊ ምድራዊ ሥልጣን የለምና አንድ ቀን ወያኔና የምንይልክ ቤተ መንግሥት መለያየታቸው አይቀርም፡፡ የሚቻለው እንዳይቻል እንቅፋት ሆነን መስዋእትነቱ እንዲከብድና የወያኔ አገዛዝ ዘመን እንዲራዘም ያደረግን ወገኖች ያኔ ታሪክ ይመሰክርብናል ትውልድም ይፈርድብናል፡፡

በአንድ ሀገር ልጅነት መንፈስ ለጋራ ሀገራችን እንዳንቆም የሚያደርጉንን ሳንካዎች ከውስጣችን አስወጥተን የሀሳብ ልዩነት ያለ፣የሚኖር፣ሊጠፋም የማይችል መሆኑን ተገንዝበን አንድነታችንን አጠንክረን በልዩነቶቻችን ተከባብረን መተማመን፣ ፍቅርና አንድነት በመፍጠር ከወያኔ አገዛዝ ለመላቀቅ የሚያስችለንን መንገድ ለመያዝ ዋናው ቁልፍ መነጋገር መቻል ነው፡፡መቀራረብ መደማመጥ፤

የቱንም ያህል ስንቆፍር ውለን ስንቆፍር ብናድር የሚያለያዩን ጉዳዮች አንድ ከሚያደርጉን በዝተውም ልቀውም ሊገኙ አይችሉም፡፡ እንደውም በሀቅና በንጹህ ህሊና በንጽጽር ከተፈተሸ የሚያለያዩን ሚዛን የማይደፉ ናቸው ማለት ይቻላል፡፡ ነገር ግን እነዚህ ገነውና ጎልተው ማዶና ማዶ እንድንቆም ለማድረግ የሚያስችል አቅም ያገኙት ከእኔ በላይ የሚል አጋንንት ሰፍሮብን  የመነጋገር ፈቃደኝነት፣ የመወያየት ባህል፤ የመደማመጥ ትእግሰት ያሳጣን በመሆናችን ነው፡፡ እናም በዚህ አዲስ አመት ዋዜማ ይህን አጋንንት እናስወጣና የፍቅርን አምላክ ወደ ውስጣችን እናስገባ፡፡

ፍቅር ያስታግሳል፣ፍቅር ያስተዛዝናል ፣ፍቅር አያቀናናም፣ፍቅር አያስመካም፣ፍቅር አያስታብይም፤ብቻየን ይድላኝ አየሰኝም፤አያበሳጭም፤ክፉ ነገርን አያሳስብም፤ከእውነት ጋር ደስ ይለዋል አንጂ ስለ አመጻ ደስ አይለውም ሁሉን ይታገሳል፣ሁሉን ያምናል፣ሁሉን ተስፋ ያደርጋል፣በሁሉ ይጸናል፡፡
( ወደ ቆሮንቶስ ሰዎች 1 ም13 ቁ.1-7)

ከቁጥር መለወጥ ውጪ አዲስ ዓመት የመባሉ አዲስነት ምንነት የማይታወቅበት የአዲስ አመት መባቻ ላይ አንገኛለን፡፡ በሀገራችን የተለመደ በሆነው ይህን…ልዩ የሚያደርገው በሚለው አነጋገር ካየነው ይህን የአዲስ አመት ጅማሮ ልዩ የሚያደርጉ ሁለት ጉዳዮች አሉ፡፡ አንደኛው ሀያ አራት አመታት ኢትዮጵያን የገዛው ወያኔ በመቶ ከመቶ አሸናፊነት ለቀጣይ አምስት አመታት አገዛዝ መንግስት የሚመስርትበት ዋዜማ መሆኑ ሲሆን ሁለተኛው የነጻነት ታጋዮች ወደ ተግባር የተሸጋገሩበት ማግስት መሆኑ ነው፡፡
እንዳንችል የሚያደርጉ ግለሰባዊ ባህሪያቶቻችን አላስችል እያሉን እንጂ ይህን አዲስ ዐመት ልዩ የሚያደርገው የሚያስብል ከላይ ከተጠቀሱት ከሁለቱም የሚልቅና የሚበጅ ነገር ማከናወን እንችል ነበር፡አለመታደላች ይሆን ወይንም እንደሚባለው ርግማ ኖሮብን ማድረግ እየቻልን ባለመቻላችን ብዙዎች በጥቂቶች ለመገዛታችን እኛው ምክንያት ሆነን እንገኛለን፡፡

አነርሱ የአገዛዝ ዘመናቸውን በመቶ ከመቶ ውጤት አድርሰው ለአምስት አመታት እየተዘጋጁ ለሀያና ሰላሳ አመትም ሊገዙን እያሰቡ ናቸው፡፡ እኛ ደግሞ አገዛዙን ለማውገዝ ለመርገም አንድ ሆነን ከምናወግዘው አገዛዝ ለመላቀቅ ለሚያስችለው ትግል ግን አንድ ሆነን መቆም ተስኖናል፡፡ ይህ ደግሞ ዛሬ የጀመረ ሳይሆን በየዘመናቱ የነበረ የማያረጅ የማይለወጥ የራሳችን ጠላት ራሳችን እንድንሆን ያደረገን መጥፎ በሽታ ነው፡፡
ታዲያ ከዚህ በሽታ የመዳኛችንን መድሀኒት ብናገኘው ይህን የአዲስ አመት መባቻ ከልዩም ልዩ አያደርገውም ነበር ትላላችሁ! ከራስ በላይ ለሀገር ማሰብ በመጥፋቱ፣ በቃል የሚናሩትን በተግባር ሆኖ መገኘት አለመቻሉ፣ ከህዝብ ነጻነት ይልቅ የራስን ጥቅም ማስቀደሙ ወዘተ ግድግዳ ሆኖ አላገናኝ ማለቱ እንጂ ጉዳዩ የማይቻል ከባድ ነገር ሆኖ አይደለም፡፡ የበርሊንም ግንብ ፈርሷል፡፡

እስቲ ይታያችሁ፣ደግሞም ይቆጭ ያንገብግባችሁ፣በኢትጵያዊነታችን አንድ ነን፣ ወያኔ ከኢትዮጵያ ሕዝብ ጫንቃ ላይ መወገድ ያለበት ዘረኛና አንባገነን አገዛዝ በመሆኑ ላይ ልዩነት የለንም፡፡ ኢትዮጵያ የቀደምት ሥልጣኔ ባለቤት ነገር ግን የዴሞክራሲ ባይተዋር መሆኗ አብቅቶ የህግ ልዕልና የተረጋገጠባት፣ ሰብአዊ መብት የተከበረባት ልጆቿ በሰላም፣ በፍቅር፣ በእኩልነትና በነጻነት የሚኖሩባት ዴሞክራሲያዊት ሀገር እንድትሆን በመመኘትም ልዩነት ያለን አይመስለኝም፡፡ታዲያ እነርሱ ጥቂቶቹ ህውሀቶች ለጥፋት ሲተባበሩ፣ የአገዛዝ ዘመናቸውን ለማራዘም አንድ ሆነው በአንድ ተሰልፈው የበደል ናዳ ሲያወርዱብን እኛ ኢትዮጵያውያን ናዳውን ለመመከትና የአገዛዝ ዘመናችንን ለማሳጠር አንድ ሆነን የማንቆምበት፣ በአንድ ተሰልፈን የማንታገልበት ምክንያት ምን ይሆን፡፡ እንዳይቻል ያደረግነው እኛው ራሳችን ነን እንጂ ይቻላል፡፡ጥቂቶች በአንድነትና በጽናት ቆመው ሲገዙን እኛ ብዙ ሆነን በጽናት ጉድለትና አንድነት በማጣት ሀያ አራት አመታት መገዛታችን አያስቆጭም፡ውጤት አልባ የእድሜ ልክ ተቀዋሚነትስ አያሳፍርም፣አረ በቃ እንበል፡፡ ካልን ደግሞ ወንድም እህቶቻችን እየከፈሉት ካለው መስዋዕትነት አንጻር ይህ ብዙም የሚባል አይሆንምና አሁኑኑ በአዲስ አመት ዋዜማ ተግባራዊ እናድርገው፡፡

በሀገራችን ባህል/ልማድ በተለይ በገጠሪቱ ኢትዮጵያ በከተማም ከጥንቱ ባህል ጨርሶ ባልተለያዩት ዘንድ በአዲስ አመት መግቢያ የቅዱስ ዮሐንስ እለት ችቦ ተለኩሶ ከቤት ሲወጣ ከቤቱ በር ግራና ቀኝ እየተተረኮሰ የጎመን ምንቸት ውጣ የገንፎ ምንቸት ግባ ይባላል፡፡ ይህ መልእክቱ ግልጽ ነውና ዝርዝር ውስጥ መግባት አያስፈልግም፡፡

እኛስ አገዛዝ በቃ የምንል ኢትዮጵያውያን በያለንበት ችቦ ለኩሰን አንደ ባህል ወጉ እየተረኮስን ባይሆንም በዚህ የዘመን መለወጫ እለት የድምጻዊት አስቴር አወቀን አንድ አድርገን ጌታ የሚለውን ዘፈን እያንጎራጎርን የጥል ምንቸት ውጣ የፍቅር ምንቸት ግባ፣ የበቀል ምንቸት ውጣ የይቅርታ ምንቸት ግባ፣ የጥርጣሬ የሸፍጥና የሴራ ምንቸት ውጣ፣ የመተማመን የቀናነትና የግልጽነት ምንቸት ግባ የማቃር ምንቸት ውጣ የመግባባት ምንቸት ግባ ወዘተ ማለት ብንችል ምንኛ መታደል ነበር፡፡

ለሀገር ይበጃሉ የተባሉ ያልተነገሩ ያልተጻፉ ነሮች የሉም ተግባራዊነት የለም እንጂ፡፡ ሌላው ቀርቶ በተቃውሞው ጎራ የነበሩና ያሉ ከተናገሩትና ከጻፉት ከፊሉን እንኳን ተግባራዊ ማድረግ ችለው ቢሆን ሀገራችን ዛሬ ካለችበት በብዙ መልኩ የተለወጠች ለመሆን በቻለች ነበር፡፡ እናም ከላይ የገለጽኩትን ለማለት መድፈሩ የመጀመሪያ ርምጃ ሆኖ ያሉትን ለመፈጸም መቻል ደግሞ ዋናውና ወሳኙ ጉዳይ ይሆናል፡፡ የምንለውን ተፈጻሚ ለማድረግ ለቃል የመታምን፣ ለህሊና የመገዛትና ከራስ በላይ የማሰብ ቁርጠኝነቱ ካለ 2008ን ለአስተማማኝ ለውጥ የሚያበቃንን ጠንካራ መሰረት የምንጥልበት አመት ማድረግ ይቻላል፡፡ ይህን ማድረግ ቻልን ማለት ደግሞ ለለውጥ ምቹ ሁኔታ መፍጠርና ትውልድ ተሻጋሪ የዴሞክራሲ ሥርዓት ለመገንባት የሚያበቃንን ጥርጊያ ጎዳና ተያያዝነው ማለት ነበር፡፡ ለሀገርና ለትውልድ ማሰብ ካለ ይህ የማይቻልም የሚገድም አይደለም፡፡ ይቻላል!
ዛሬም እንደ ትናንቱ ወያኔን በማውገዝ አንድ ሆነን ከወያኔ አገዛዝ ለመላቀቅ ግን በየሰበብ ምክንያቱ አንድ ሆነን መቆም ካልቻልን የነጻነቱን ቀን እናራዝመዋልን፡፡ ነገር ግን ዘላለማዊ ምድራዊ ሥልጣን የለምና አንድ ቀን ወያኔና የምንይልክ ቤተ መንግሥት መለያየታቸው አይቀርም፡፡ የሚቻለው እንዳይቻል እንቅፋት ሆነን መስዋእትነቱ እንዲከብድና የወያኔ አገዛዝ ዘመን እንዲራዘም ያደረግን ወገኖች ያኔ ታሪክ ይመሰክርብናል ትውልድም ይፈርድብናል፡፡

በአንድ ሀገር ልጅነት መንፈስ ለጋራ ሀገራችን እንዳንቆም የሚያደርጉንን ሳንካዎች ከውስጣችን አስወጥተን የሀሳብ ልዩነት ያለ፣የሚኖር፣ሊጠፋም የማይችል መሆኑን ተገንዝበን አንድነታችንን አጠንክረን በልዩነቶቻችን ተከባብረን መተማመን፣ ፍቅርና አንድነት በመፍጠር ከወያኔ አገዛዝ ለመላቀቅ የሚያስችለንን መንገድ ለመያዝ ዋናው ቁልፍ መነጋገር መቻል ነው፡፡መቀራረብ መደማመጥ፤

የቱንም ያህል ስንቆፍር ውለን ስንቆፍር ብናድር የሚያለያዩን ጉዳዮች አንድ ከሚያደርጉን በዝተውም ልቀውም ሊገኙ አይችሉም፡፡ እንደውም በሀቅና በንጹህ ህሊና በንጽጽር ከተፈተሸ የሚያለያዩን ሚዛን የማይደፉ ናቸው ማለት ይቻላል፡፡ ነገር ግን እነዚህ ገነውና ጎልተው ማዶና ማዶ እንድንቆም ለማድረግ የሚያስችል አቅም ያገኙት ከእኔ በላይ የሚል አጋንንት ሰፍሮብን የመነጋገር ፈቃደኝነት፣ የመወያየት ባህል፤ የመደማመጥ ትእግሰት ያሳጣን በመሆናችን ነው፡፡ እናም በዚህ አዲስ አመት ዋዜማ ይህን አጋንንት እናስወጣና የፍቅርን አምላክ ወደ ውስጣችን እናስገባ፡፡

Source:: Ethiopian Reporter

ከመድፍ ድምጽ ያየለ፣ ጽናትን፣ እምነትንና ጥንካሬን የሚያሳይ ታላቅ ድምጽ በመዲናችን ተሰማ። ማንም ቀስቃሽ ከሚያደርገው ጥሪ በላይ የክተት አዋጅ የመሰለ የእምነት ቃል ፈጽሞ ሊሆን ይችላል ተብሎ ከማይጠበቅበት አቅጣጫ ተሰማ! አዎ ለፍልሚያው ቆርጫለሁ እናንተን ከመንበረ ሥልጣኑ ለማንሳት በኔ አቅም ያለውን ሁሉ ለማድረግ ጉዞ ጀምሬአለሁ። በአካል ከስፍራው አልደረስኩም እንጂ በመንፈስ ሸፍቻለሁ ይህንን አምናለሁ ግን ግን ፈጽሞ ጥፋተኛ አይደለሁም! አሁንም ባለሁበት ሁኔታና ካለሁበት ለመታገል ከቶውንም ወደሗላ አልልም!

በእርግጥም ከነጎድጓድ ያየለ ከመድፍ ድምጽ አስርሺህ ጊዜ የበለጠ ሃያል ድምጽ በ‘አንበርካኪዎቹ’ ማማ ላይ በ‘አስጎንባሾቹ’ መድረክ ላይ ተሰማ። ኢትዮጵያ ያልታደለ ሕዝብ የሚኖርባት ግን የታደለች ሀገር ናት። አፈርና ውሀዋ የሰራው ዜጋዋ ከአየሩ ጋር አብሮ ከሚተነፍሰው የነፃነት መንፈስ ጋር ተዳምሮ ከዘመን ዘመን በኩራት እንዲረማመድ ሆኖ የተሰራ ነው። ለዚህም ነበር የጥቁር አፍሪካ ፈርጥ ለነፃነት ፈላጊዎች የመንፈስ ምርኩዝ ተብሎ የሚጠራው። ግና የእናት ሆድ ዥጉርጉር እንዲሉ ባርነትን የተከተቡ፣ ጥላቻ የተጠናወታቸው በአእምሮ ድህነት የሚሰቃዩ ከዚችው ኢትዮጵያ የተፈጠሩ የሰው አረሞች ቁልቁል ደፍቀው እምነትና ነፃነቱን ክፉኛ ፈትነውታል። አወቅን ባይ የትምክህት ባሮች እንቅፋት እየሆኑት በጠላት ወጥመድ ውስጥም እየጣሉት ከችግር ወደመከራ ከበረዶ ወደ እሳት የሚገላበጥበትን ገሃነማዊ ህይወት እንዲመራ አድርገውታል። የትግራይ ጎጠኞች ተስፋውን ያሟጠጠ እንዳሻን የምናደርገው ፈሪ ሕዝብ ፈጥረናል በሚሉበት በዚህ አስቸጋሪ ጊዜ አለንልሽ የሚሏት ለክብሯ ለነፃነቷ ሊሞቱላት የቆርጡ ጀግኖች ወደ ትግል ሜዳ ሲተሙ፣ በያሉበት ስንደቅዓላማዋን ከፍ አድርገው ሲያውለበልቡ ለተመለከተ ግን እውነትም የታደለች አገር! እንዲል ያስገድደዋል።

ይህ ያበቃለት የመሰለው የራሱ ወገኖች ደካማና ፈሪ አድርገው የሚስሉት ሕዝብ ጀግንነትና ቆራጥነት በደሙ ውስጥ መመላለሱን የሚያረጋግጥና ያለነፃነት ከመኖር ማናቸውንም መስዋእትነት ለመክፈል ዝግጁ መሆኑን ግን ዕለት በዕለት እያስመሰከረ ነው። በየአደባባዩ፣ በየጉድባውና ሰርጣ ሰርጡ ጣዕረሞት ከመሰሉት የሀገርና የሕዝብ ጠላቶች ጋር ለመፋለም መቁረጣቸውን የሰማ ሁሉ ተስፋ በውስጡ እያበበች ነው። በርገር በሊታዎቹ ቂጣ ለመብላት የተዘጋጀ ስነልቦና እንዳላቸው አስመስክረዋል። ስሜታቸው ብቻ ሳይሆን አጥንታቸው የሟሟ የሚመስል በወያኔ እስር ውስጥ ተጠፍረው ያሉ ከአሳሪዎቻቸው ገዝፈውና ታላቅ ሆነው ደካሞቹን ቁልቁል ሲመለከቱ ማየትም ያለውን እምቅ ሃይል አመላካች ነው። የርዕዮት ብዕር ወረቀት ማድማቱን ማየት ስሜት የሚያሞቅ ነው። እነ አብርሃ ደስታ ቁም ነገር ሊከትቡ ወደ ትልቁ እስር ቤት መመለሳቸው እነ ሃብታሙ ‘እመነኝ!’ ሲሉ እንደገና ልንሰማ መሆኑን ማሰብ ደስ ያሰኛል።

በሌላ ወገን ወያኔ የተማመነበት ሰራዊት ኢትዮጵያዊነቱ በልጦበት እየከዳ ነው። መሳርያውንም ወደ አገር አፍራሽ ጎጠኞች እንደሚያዞር ምልክቶቹ ሁሉ እየታዩ ነው። ስማቸውን ያልሰማን ማንነታቸውን ያላወቅን ለጊዜው ማወቅም የማይገባን በርካታ ጀግኖች በዚህ የትግል መስመር ገብተው ለፍልሚያ ስለመዘጋጀታቸው ከቶወንም ጥርጣሬ የለንም። የሰላም በር ሲዘጋ የፍልሚያ መስኮቶች ይበረገዳሉና በየአቅጣጫው መነሳሳትን ማየታችንም ለዚሁ ነው። ከተሞች ሁሉ የትግል አምባ ወደመሆንና ጎጠኞችንና የሀገር ጠላቶችን በህግም በትጥቅም ቢሆን ለመፋለም ዝግጁነታቸውን እያረጋገጡ ነው። ፍርሃት ያራዳቸው የወያኔ ጉልተኞች ብር በሻንጣ ይዞ መሮጥ መጀመራቸውም የዚሁ አይነተኛ የውድቀት ምልክት ነው።

ወደ ጀመርኩት ርዕስ ልመለስና የነብርሃኑ ተክለያሬድን ዜና እንደሰማሁ ኢካድፍ የለጠፈውን ምስል ተመለከትኩ ሰውነት የሚወር ስሜት ተሰማኝ በወጣቶች ያለኝ ጽኑ እምነት ታደሰ። ኢየሩሳሌምን በስስት ዐይን ተመለከትኩ፣ የጀግና ክብር የሚገባት የጣይቱ ልጅ በሰላሙም ጎዳና ሁሉን ችላ በፅናት የሄደችበት ጀግናዬ ናት። ሽንታም እያሉ ለሚሳደቡት እንደኛ ለመሆን የጫካውን መንገድ ሞክሩ ለሚሉና ከኢትዮጵያ ጠላቶች ጋር ሆነው ኢትዮጵያን ወግተው በፈረንጅና በተጃጃሉ ኢትዮጵያውያን ትከሻ ስልጣን ላይ የወጡትን እብሪተኞች ለመፋለም ጉዞውን የጀመሩትን ጀግኖች አንኳን እኔ ጠላትም እንዲያደንቃቸውና እንዲያከብራቸው ግድ ይለዋል። መድረኩን አገኙ ቃላቸውን ሰጡ። ቃላቸው ግን ድፍን የኢትዮጵያ ወጣቶችን የሚያስሸፍት እንዲሆን ቅንጣት ታክል አልጠራጠርም።

ብርሃኑ ተክለያሬድ፣ ኢየሩሳሌም ተስፋው፣ ፍቅረማርያም አስማማው፣ ዳሴ ካሳሁን ክብር ለናንተ ይሁን። ካሰባችሁበት ያልደረሳችሁ መስሏችህ ከሆነ አትሳሳቱ ማናችንም ከምናሰበው በላይ ግዳጃችሁን ተወጥታችሗል። መድረስ ብቻ አይደለም አልፋችሁ ሄዳችሗል። ከጠላት ምሽግ ገብቶ የጨበጣ ውጊያ ከመግጠም በላይ የእምነት ቃላችሁ ስራውን ሰርቷል። በዚህ በርካቶች አንገት በደፉበት ሰዐት፣ በርካቶች በሌሎች ትከሻ መሸጋገርን በሚሹበት ጊዜ እናንተ ድልድይም መስዋዕትም ሆናችሁ ለታሪክ የሚተርፍ ገድል ፈጽማችሗል። አዎ ጥፋተኛ ሳትሆኑ ለኢትዮጵያ ሕዝብ ጀግኖቹ ናችሁና ደስ ይበላችሁ። ፈለጋችሁን የሚከተሉ በረሃ የሚዘልቁም ሆነ ባሉበት ሆነው በተጠንቀቅ የሚጠብቁ በርካቶችን በማነሳሳታችሁ ክብር ለእናንተ ይሁን።

ኢትዮጵያ በነፃነትና በክብር ለዘለዐለም ትኑር!

በቤልጂንግ 2015 የአለም ሻምፒዮና በ800 ሜትር የፍፃሜ ማጣሪያ ውድድር አትሌት መሃመድ አማን ከውድድር ውጭ ሆናል።
IAAF መሀመድ አማን ውድድሩ ሊጠናቀቅ አካባቢ ሌላ ተወዳዳሪን ገፍትሯል በሚል ነው ይህ ውሳኔ ያስተላለፈው። የበርካታ ጀግኖች አትሌቶች ባለቤት ኢትዮጵያ በIAAF ውስጥ አንድም ተወካይ ስለሌላት በአትሌቶች በኩል የተለያዮ የቅሬታ ጥያቄ ወይም አጋጣሚዎች ሲፈጠሩ ቢያንስ ተናግሮ ተፅኖ የሚፈጥር ሲለሌለ ጉዳዮ የትም አይደርስም።

ምንጭ:-Ethio-Kickoff