በጂኔቭም ሕዝቡ ነፃነትና የሰብአዊ መብት በኢትዮጵያ ካልተከበረ ገንዘብ የለም አለ። ቪድዮ፦

ትርጉም – ይነጋል በላቸው

ዶር. በያን አሶባ

ውድ ዶክተር ፍቅሬ ቶሎሣ /ቶለሣ

(ዶ/ር በያን አሶባ)

ከ‹ተርጓሚው› የተሰጠ አጭር አስተያየት
1. በአማርኛ ለተጻፈ ግልጽ ደብዳቤ በእንግሊዝኛ መልስ መጻፍ ምን ማለት ነው? ዶክተሩ ከጋና ነው ወይንስ ከእንግሊዝ የተገኙት? እዚሁ ከቅኝ ገዢዋ ኢትዮጵያ ውስጥ አልተፈጠሩ ይሆን? (ኢሣይያስና መለስ ነፍሳችሁ አይማር – ጥቁር ውሻም ውለዱ!) ዶክተር በያን ከአማርኛና ከእንግሊዝኛ የትኛውን አጣርተው ሊናገሩ ዌም ሊጽፉበት እንደሚችሉ በእንግሊዝኛ በጻፉት መልሳቸው በውል ተረድቻለሁ፤ ታዲያ አማርኛ ላይ ያላቸውን ጥላቻ ለመግለጽ አውሮፓና አሜሪካ ድረስ ሄደው ለምን ትዝብት ውስጥ ይገባሉ?

2. የኢሣት የተለያዩ ባንዲራዎችን በኢትዮጵያ ስም ማስተናገድ ምን ማለት ነው? በጣም ይታሰብበት፤ በልክ ያልተያዘ ፍቅርና ጥላቻ መዘዝ አለው፡፡ ስንወድም ስንጠላም፤ ስንቀርብም ስንርቅም በምክንያት ይሁን እንጂ በስሜት አይሁን፡፡ የኢትዮጵያ ባንዲራ እንኳንስ ለአንድ ሕዝብ ለመላው ዓለም በቅቷል – የሌሎች ሀገራትን በተለይም የአፍሪካውያንን ባንዲራዎች ተመልከቱ፡፡ እኛ የምንጸየፋትን አረንጓዴ፣ ቢጫና ቀይ ቀለማት ባንዲራ ከእኛ እየኮረጁ በተለያየ አቀማመጥ ይጠቀሙባታል፤ ነፈዞች ደግሞ የገዛ ባሏን የጎዳች መስሏት ገላዋን በጋሬጣ እንደሸነተረችው ሞኝ ሚስት እየሆኑ ያስቁን ይዘዋል፡፡ አትለማመጡዋቸው፤ ይልቁንስ የራሳችንን ሥራ እንሥራ፤ እውነትና ግልጽነት ያልተገባ ይሉኝታንና ፍርሀትን ያስወግዳሉ፡፡ እውነቱን ልባችን እያወቀው አንደበታችን በሀሰት ማባበልን ይተው፡፡ ለየትኛው ጊዜ…
የእግዚአብሔር ፈቃድ ይሁንልኝና በዚህ ጉዳይ ሰፋ ባለ ሁኔታ እመጣበታለሁ፡፡ በየወንዙ እንደሚማማል የማይተማን ጓደኛ ለማያዛልቅ ስትራቴጂ አንድ ጠረጴዛ ዙሪያ በአካል የተቀመጡ መስለው በምናብ ግን ተራርቀው መቀመጥ የሚያዋጣ አይደለም፡፡ እያፈረሱ ግንባታ የለም፤ እየጠሉ አንድነት የለም፤ የሚጸየፉህን ልመናና ልምምጥ የለም፡፡ የደነዘ አስተሳሰብ በምንም ዓይነት ሣሙና ቢታጠብ አይነጻም፡ ዐውቆ የተደበቀን ቢጠሩት አይሰማም፡፡ በጠላት ተቀፍቅፎ በበጎች ጋጣ ውስጥ የመሸገ ቀበሮና ተኩላ በልምምጥና እውነትን በመሸፈን በሚደረግ ልመና በረቱን ለቅቆ አይወጣም፤ የነገ ሰው ይበለን፡፡

(ይህ ጽሁፍ በአዲስ አበባ ታትሞ የሚወጣው አዲስ ጉዳይ መጽሔት ላይ ታትሞ የወጣ መሆኑን ለመግለጽ እንወዳለን)
የለውጥ ድምፆች
ማኅበራዊ ሚዲያ ፕሬሱን እየተካ ይሆን?
“ስለሰው ልጅ ሐሳብን በነጻነት የመግለጽ ጥቅም ሳስብ ወደአዕምሮዬ የሚመጣው የተወጠረ ፊኛ ነው” ብሎ ይጀምራል የአዲስጉዳይ ዘጋቢ ያነጋገረው ተሾመ ምናላቸው የተባለ ከኢንድራጋንዲ ዩኒቨርሲቲ በሶሲዮሎጂ ሁለተኛ ዲግሪውን ያገኘ ወጣት። “የሰው ልጅ እንደተወጠረ ፊኛ ነው። በአዕምሮው የሚያሰላስለውን ሐሳብ ካልተነፈሰው ይፈነዳል። ማኅበራዊ ተራክቦው ዝቅተኛ ሲሆን፤ ወይም ከነአካቴው ሲዘጋ ‘እኔን መሰል ሌላም አለ’ ብሎ ማሰብ ያዳግተዋል። መሰሉን ማግኘት ያልቻለ ሰው ደግሞ ብቸኝነትና መገለል እንዲሁም ያለመፈለግ ስሜት ያድርበታል። ከፍተኛ ጭንቀትና ድብርት ሲነግሱበት ያለጥርጥር በውስጡ አብዮት ይነሣል። ይህ አብዮት ሰውን እንዲጠላና እንዲርቅ፣ ወይም በራሱ ላይ እስከሞት የሚያደርስ እርምጃ እንዲወስድ ይገፋፋዋል። ይህ በጤናው ላይ የሚከተለው መዘዝ ነው። ከዚህ ጋር ተዛማጅ በሆነ መልኩ ማንም ሰው የፈለገውን የመናገርና በነጻነት የማሰብ ተፈጥሮአዊ መብቱ የተከለከለ ጊዜም ልክ በጤናው ላይ እንደሚፈጠረው ያለ አብዮት ነው የሚያስነሳው። ለለውጥ ይቀሰቀሳል። መተንፈሻ ቀዳዳ ለማግኘት በሚያደርገው ፍትጊያ ቁጣና እልህ የተሞላበት ጥፋት ይፈጽማል። በየትኛውም መንገድ ስሜቱን ለመግለጽ ከመሞከር አይቦዝንም። ይህ የሰው ተፈጥሮአዊ ባሕሪ ነው። ሰውን ከመናገርና ሐሳቡን ከመግለጽ መከልከል ብዙ ጊዜ የሚያስከትለው ውጤት መልካም የማይሆነውም ለዚህ ነው” ይላል።
በኢትዮጵያ በአሁኑ ወቅት ያለው ሐሳብን በነጻነት የማንሸራሸሪያ መንገድ እጅግ ጠባብ እየሆነ መጥቷል የሚሉ ወገኖች በተለይ የነጻ ፕሬስ መዳከምንና መረጃም ከአንድ ወገን ብቻ በብዛት መፍሰሱን እንደጤነኛ አካሔድ አይመለከቱትም። ኢትዮጵያ ውስጥ አልፎ አልፎ የሚከሰቱትን እንደ 1997 ዓ.ም ዓይነት ግብታዊ ትግሎችም ከሐሳብ በነጻነት አለመንሸራሸርና ልዩነትን በመግባባት ተቀብሎ የመራመድ ባሕል መዳበር አለመቻል ጋር ተያይዞ ከዚህ አፈና ለመውጣት ከሚደረግ ትግል ጋር ያያይዙታል። በሀገሪቱ በአሁኑ ወቅት ያሉት የኅትመትና የብሮድካስት ውጤቶች በአብዛኛው በመንግሥት ቁጥጥር ሥር መሆናቸው፣ ጥቂት የሚባሉት የግል ሚዲያዎችም የብዙኀኑን ሐሳብ ለማንጸባረቅ በሚያስችል መልኩ በኅትመት ሥርጭትም ሆነ በይዘትና ጥራት በሚፈለገው መጠን ያለመደራጀታቸው የሀገሪቱ የፕሬስ ዕድገት ‘እንደካሮት ቁልቁል’ እንዲሰርግ አስገድዶታል ይላሉ። ለዚህ ተጠያቂ የሚያደርጉት ደግሞ መብቱን በወረቀት ሰጥቶ በተግባር የነሣውን መንግሥት ነው። ለዚህም ነው በኢትዮጵያ ዛሬ ማኅበራዊ ሚዲያዎች ፕሬሱን ተክተው አንዳንዴም ቀዳሚ ሆነው እየመሩ ተመራጭ የሐሳብ መለዋወጫና የአዳዲስ አስተሳሰብ መግለጫ መድረኮች የሆኑት።
የዛሬው ዐብይ ጉዳይ ዓምዳችን “ማኅበራዊ ሚዲያዎች ፕሬሱን እየተኩ ነውን? ለተዘጉት አንደበቶችስ እንደለውጥ ድምፆች አገልግለው ይሆን?” የሚሉትን ጥያቄዎች ይፈትሻል። እግረ መንገዱንም ማኅበራዊ ሚዲያዎች ማኅበራዊ ችግሮቻችንን ተከፋፍለን እንድንሸከማቸው እንዴት እንዳገዙ ማሳያዎችን ያቀርባል።
ኢንተርኔትና ኢትዮጵያ
እንደ አንዳንድ መረጃዎች በኢትዮጵያ የበየነመረብ (ኢንተርኔት) ተጠቃሚዎች ቁጥር በተለይ ባለፉት ሁለት ዓመታት እጅግ ከፍተኛ በሆነ ቁጥር ጨምሯል፡፡ ከሦስት ዓመታት በፊት 500 ሺሕ የማይሞሉ ተጠቃሚዎች የነበሩት በይነመረብ ዛሬ እንደ መገናኛ ኢንፎርሜሽን ቴክኖሎጂ ሚኒስትሩ ዶ/ር ደብረ ጽዮን ገ/ሚካኤል ገለጻ 2.5 ሚሊዮን ደርሷል፡፡ ሆኖም በአሁኑ ወቅት በኢትዮጵያ የግል ኮምፒዩተር ኖሯቸው ለኢንተርኔት ግልጋሎት በኢትዮ ቴሌኮም ደንበኝነት ከተመዘገቡት ኢትዮጵያውያን የላቀ ቁጥር ያላቸው ኢንተርኔት ካፌ ውስጥ የዚህ አገልግሎት ተጠቃሚዎች መሆናቸውን ጥናቶች ይጠቁማሉ። ጥንቃቄ የታከለበት ሰፊ ጥናት የሚጠይቅ ቢሆንም ቅሉ፤ሚሊዮኖች ኢትዮጵያውያን የበይነመረብ ተጠቃሚ ስለመሆናቸው ግን ‘ወርልድ ኢንርተኔት ስታትን’ ጨምሮ የተለያዩ መረጃዎች ያረጋግጣሉ፡፡
የሁሉም ገጸበረከት
በይነ መረብ /ኢንተርኔት/ ለሰው ልጆች ካበረከታቸው መልካም ዕድሎች መካከል አንዱ ማኅበራዊ ሚዲያ ነው፡፡ ማኅበራዊ ሚዲያ በመላው ዓለም ሰፊ የሆነ ፖለቲካዊ፣ ማኅበራዊ፣ ኢኮኖሚያዊና ሌሎችም ለውጦች እንዲከሰቱ መንስኤ ለመሆን የቻለ፣ በሌላ ቋንቋ የዓለምን የመረጃ ቅርጽ እየለወጠ የሚገኝ ድንቅ የዘመኑ ቴክኖሎጂ ገፀ በረከት ነው፡፡ በኢትዮጵያ አዝጋሚ ቢሆንም ሕዝቡ የሱታፌው ተካፋይ እየሆነ ነው። ከሦስት ዓመታት በፊት ከ134 ሺሕ የማይበልጥ የነበረው የኢትዮጵያውያን የፌስቡክ አውታረ መረብ ተጠቃሚዎች ቁጥር የዓለም ሀገራትን የበይነመረብ ተጠቃሚነት በስፋት በመዳሰስ መረጃ በሚሰጠው ‘የሚኒዋትስ የጥናት ግሩፕ’ ሪፖርት መሠረት ከ902 ሺሕ እንደሚልቅ የተገለጸው በታኅሣሥ 2005 ዓ.ም ነው፡፡ በአሁኑ ወቅትም የዚህ የማኅበራዊ ሚዲያ ዓይነተኛ መገለጫ የሆነው ፌስቡክን የተቀላቀሉ ኢትዮጵያውያን ቁጥር ወደ አንድ ሚሊዮን ገደማ እንደሚጠጋ ይገመታል፡፡ ከጊዜ ወደ ጊዜ ተፅዕኖ የማሳደር አቅሙ እያደገ የመጣው ማኅበራዊ ሚዲያ በኢትዮጵያ ያለበትን ደረጃ ለመቃኘት የጦማርያንን፣ የቴክኖሎጂ ሙያተኞችን፣ በጥቅሉ የድረ ዜጎችን እና የሌሎችን ምሁራንን አስተያየት መካፈል ግድ ነው፡፡
የማኅበራዊ ሚዲያ ትንግርቶች
ማኅበራዊ ሚዲያ ሰፊ ተቀባይነትን ባገኘው ፌስቡክ ብቻ የተገደበ ባይሆንም፤ባለፈው ዓመት ጥቅምት ወር አንድ ቢሊዮን የሚጠጉ አባላትን ያሰባሰበውን ይህንኑ አውታረ መረብ የሚስተካከለው አልተገኘም፡፡ በአሁኑ ወቅት ትዊተር፣ ማይስፔስና ሊንክድኢንን ጨምሮ ከ500 በላይ ማኅበራዊ ሚዲያዎች እንዳሉ የተለያዩ ጥናቶች ይጠቁማሉ፡፡ የጡመራ መድረክ (blog)፣ ዌኪስ (wikis)፣ የበየነ መረብ የውይይት መድረክ (Internet forums)፣ የድምፅና ምስል መጋሪያዎች (podcasts and Utube) ከማኅበራዊ ሚዲያ መገለጫዎች መካከል በጣም ጥቂቶች ናቸው፡፡
የማኅበራዊ ሚዲያ ‘አይ-አዎ’
በተለያዩ ወገኖች የማኅበራዊ ሚዲያ አሉታዊ እና አዎንታዊ ፋይዳ ሁሌም ቢሆን የጦፈ ክርክር እንዳስነሳ ነው፡፡ “ታማኝ የመረጃ ምንጭ ሊሆን አይችልም፤ ሰዎችን ለማታለል ሊውል ይችላል፤ ሰዎች በአካል እንዳይገናኙ እንቅፋት በመፍጠር ላልተገባ የሥነ ልቡና ቀውስ ይዳርጋል” ወዘተ. በማለት ማኅበራዊ ሚዲያው ላይ ያላቸውን ቅሬታ ከሚያሰሙት ጀምሮ አንድሪው ኪንን የመሳሰሉ ጸሐፊያን “The cult of the amateur writing” የሚል መጽሐፍ በማሳተም ማኅበራዊ ሚዲያውን በስፋት ተችተዋል፡፡ ማኅበራዊ ሚዲያን የሚተቹ ወገኖች እንደ ማስረጃ ከሚያወሷቸው ነጥቦች አንዱ በሜሪላንድ ዩኒቨርሲቲ ፕሮፌሰሮች ይፋ የሆነውንና “ማኅበራዊ ሚዲያን አዘወትሮ መጠቀም ሱስ ያስይዛል፡፡” የሚለውን ግኝት መሠረት ያደረገው ጥናት ነው፡፡ በተለይ በተመራማሪዎቹ ስም የወጣለት “FOMO” (fear of missing out) /በአማርኛው የመረሳት ፍርሃት/ ጥናቱ በተካሔደባቸው ብዙ ተማሪዎች ላይ መታየቱ የማኅበራዊ ሚዲያ አሉታዊ ጎን ጎልቶ እንዲታይ አድርጎታል፡፡
በአንጻሩ በርካቶች ማኅበራዊ ሚዲያን በእጅጉ በማወደስ የብዙ ለውጦች መንስኤ መሆኑን ያወሳሉ፡፡ “መድኃኒት አሉታዊ ጎኖች አሉት ተብሎ አልወስድም እንደማይባለው ሁሉ ማኅበራዊ ሚዲያም ከአጠቃቀም ጉድለት በሚያስከትለው ችግር ሳቢያ በደፈናው መወገዝ የለበትም፡፡” በማለት ይከራከራሉ፡፡
የተጋመሰው የጎርጎርሳውያኑ የዘመን ቀመር ሲገባደድ በመላው ዓለም የማኅበራዊ ሚዲያ ተጠቃሚዎች ቁጥር ሁለት ቢሊዮን አካባቢ ይደርሳል ተብሎ ይጠበቃል፡፡ ለዚህ ሁሉ ሕዝብ ሰፊ ጥቅምን ያበረክታል ተብሎ የሚጠበቀው ማኅበራዊ ሚዲያም “እልፍ” አዎንታዊ ፋይዳዎች ያሉት መሆኑን የተለያዩ ምሁራን ይጠቁማሉ፡፡ ሰዎች በነጻነት ሐሳባቸውን ለመግለጽ፤ የተደራጀ እንቅስቃሴን በቀላሉ ለማስተባበር፤ የተለያዩ ዕውቀቶችን ለማግኘት፣ የሥራም ሆነ ሌሎች መልካም ዕድሎቻቸውን ለማሳደግና፣ በጣም ጠቃሚ መረጃዎችን በፍጥነት ለመለዋወጥ ማኅበራዊ ሚዲያው የላቀ ጥቅም እንደሚሰጥ የሐርቫርድ፣ ጆን ሆፕኪንስ፣ ኮሎምቢያ እና ስታንፎርድ የመሳሰሉ የአሜሪካ ታላላቅ ዩኒቨርስቲዎች ምሁራንን አሳምኗል። ከዚህም ባሻገር ለተማሪዎቻቸው በማኅበራዊ ሚዲያ ዘላቂ ጥቅምን ሊያገኙ የሚችሉበትን ልዩ ኮርስ አዘጋጅተው የ”ምርጥ ሶሻል ሚዲያ ተሞክሮ” ትምህርትን እንዲሰጡ አድርጓቸዋል፡፡
ከሦስት ዓመት በፊት በሄይቲ የደረሰው እጅግ ከፍተኛ የሆነ የመሬት መናወጽ ለ220,000 ሰዎች ሞት እና 30 ሺሕ ሕንፃዎች መደርመስ ምክንያት ሆኖ እንደነበር ይታወሳል፡፡ በጊዜው የአሜሪካ ቀይ መስቀል ለዚህ ዘግናኝ አደጋ እርዳታ ለማሰባሰብ በማኅበራዊ ሚዲያ፣ በዋነኝነትም በትዊተር ባደረገው ቅስቀሳ በ24 ሰዓታት ብቻ ከ126 ሚሊዮን ዶላር በላይ ለማሰባሰብ በቅቷል፡፡ በግብጽ ለተከሰተው አብዮት ብሎም በዐረቡ ዓለም ለታየው መነሣሣትም ማኅበራዊ ሚዲያ በተለይ ፌስቡክና ትዊተር የላቀ ሚና መጫወታቸው ይታወሳል፡፡ በአሜሪካዋ ቦስተን ከተማ በቅርቡ የተካሔደውን የማራቶን ሩጫ መሠረት አድርጎ የተፈጸመውን የቦንብ ጥቃት አድራሾች ማንነት ለመለየት ከምንም በላይ የላቀ ሚና የተጫወተው የፍሎሪዳው ነዋሪ ዴቪድ ግሪን በማኅበራዊ ሚዲያ ያሠራጨው የፍንዳታውን ክስተት የሚያሳይ የሞባይል ፎቶ ነበር፡፡ ኤፍ ቢ አይም በሶሻል ሚዲያ የተገኘውን ፎቶ ‘የቦንብ ጥቃቱን አድራሾች ለመለየት ያስቻለ ምርጥ መረጃ’ ሲል ዕውቅና ሰጥቶታል፡፡ በዚህ መልኩ በመላው ዓለም ማኅበራዊ ሚዲያ በሰው ልጆች በፖለቲካዊ፣ ኢኮኖሚያዊ ሆነ ሌሎች የሕይወት መስተጋብሮች ውስጥ አቻ የሌለው ሚና በመጫወት ላይ ይገኛል፡፡
ነገረ ፌስቡክ በኢትዮጵያ
ፌስቡክ ከማኅበራዊ ሚዲያዎች ዋነኛው ነው፡፡ ኤሪክ ኩልማን የተባሉት የቴክኖሎጂ ጸሐፊ “ፌስቡክ ሀገር ቢሆን ኖሮ ሦስተኛው የምድራችን ትልቁ ሀገር በሆነ ነበር፡፡” በማለት ፌስቡክን ያካተታቸውን ሕዝቦች ብዛትና በሰው ልጆች ላይ ለማሳደር የቻለውን ተጽዕኖ በአጭሩ አውስተዋል፡፡ በኢትዮጵያም ይህ ማኅበራዊ ሚዲያ ለተለያዩ ኩነቶች በጥቅም ላይ እየዋለ ነው፡፡ ሕይወት ወንድምአገኝ በፌስቡክ ላይ የተለያዩ ሓሳቦችን በመሰንዘር ትታወቃለች፡፡ አንድ ቀን ምሽት ሕይወት አልጋዋ ውስጥ ሆና ዝናቡ ይዘንባል፡፡ ሁለት ብርድ ልብስ ብትለብስም ቅዝቃዜውን መቋቋም አቅቷት ጋቢ ደረበች፡፡ በድንገት በዚያ የምሽት ዝናብ በየመንገዱ የተቀዳደዱ ልብሶችን ለብሰው ለብርድ የተዳረጉ ሰዎች ወደአዕምሮዋ መጡ፡፡ ይሄኔም ሕይወት ካላት ልብሶች ለእነዚህ ወገኖች ልታካፍል ወሰነች፡፡ ነገር ግን የእርሷ ብቻ አስተዋጽዖ በቂ አለመሆኑን በማሰብ የቻሉ ሰዎች ያገለገሉ ጫማዎችንና አልባሳትንም ቢሆን እንዲለግሱ በፌስቡክ ገጿ ላይ ጥያቄ አቀረበች፡፡ በእርሷ ጥያቄ በርካቶች ስለተስማሙ ከሁለት ሳምንት ባልበለጠ ጊዜ ውስጥ ከ335 በላይ ለሚሆኑ ችግረኛ ተማሪዎች እና በጎዳና ላይ ለሚኖሩ ሰዎች ልብስን እና ጫማ ለመለገስ ተቻለ፡፡ ባሕር ማዶ ያሉ የፌስ ቡክ ጓደኞቿም ‘እኛ ልብስ መላክ ባንችልም ብር መላክ ይቻለናል’ በማለት የአቅማቸውን ረዷት፡፡ “ወደ 11 ሺሕ ብር እጃችን ላይ ነበር፡፡ በዚህ ብርም ከ35 ለሚልቁ ለደጃዝማች ዑመር ሰመተር ተማሪዎች አዳዲስ ዩኒፎርም፤ አዲስ ጫማና ቅያሬ ሹራብ ገዝተን አስረከብን፡፡” በማለት በአጭር ቀናት ውስጥ በፌስቡክ አማካኝነት ለማሳካት የቻለችውን ፋይዳ ያለው ማኅበራዊ ሓላፊነት ተናግራለች፡፡
ከአዲስ አበባ ዩኒቨርሲቲ በፖለቲካ ሳይንስ የመጀመሪያ ዲግሪ ያገኘችውና ሁለተኛ ዲግሪዋን በዓለም አቀፍ ግንኙነት የሠራችው ሕይወት ወንድምአገኝ ማኅበራዊ ሚዲያ እንዲህ ላለ በጎ ሐሳብ ጭምር ከፍ ያለ ጠቀሜታ ማበርከት እንደሚቻልበት ትናገራለች፡፡
ኢዮብ ምሕረተአብ በማኅበራዊ ሚዲያ ሰፊ እንቅስቃሴን ከሚያደርጉ የበይነመረብ ተጠቃሚዎች መካከል ይደመራል፡፡ በፌስቡክ ለበጎ ምግባር የተነሳሳበትን አጋጣሚ እንዲህ ሲል ያወሳል፡፡ ‹‹ሁል ግዜ ባገኘሁት ቁጥር አንድ ብር የምሰጠው የአእምሮ ውስንነት ያለበት የኔ ቢጤ አለ፡፡ ብሩን ሲቀበለኝ መንጭቆ ነው፡፡ ቀና ብሎም በቅጡ አያየኝም፤ እኔም ቅር አይለኝም፡፡ ለረጅም ግዜ ከአዲስ አበባ ውጪ ቆይቼ ስመለስ ግን ለዚሁ ሰው እንደተለመደው አንድ ብር ሰጠሁት፡፡ ይሄኔም ቀና ብሎ አየኝና “ጠፋህ በሰላም ነው?” አለኝ ደንግጬ “ሰላም ነኝ” አልኩት፡፡ አሁንም እደጋገመ “ጤናህ ግን ደህና ነው ወይ? በጣም ጠፋህ እኮ?” አለኝ… በዚህ ነገር ልቤ ተነካ! ከተቻለና ፈቃደኛ ከሆነ አማኑኤል ሆስፒታል ወስጄ ላሳክመው፤ ካልሆነም ብርድ ልብስና ለዝናብ ጊዜ የሚሆን የላስቲክ ልብስ ልስጠው ብዬ አሰብኩኝ፡፡” ይላል። ይሄን ክስተት ተከትሎ ኢዮብ ፌስቡክ ላይ ላሉ ጓደኞቹ ጉዳዩን በመግለጽ “የአሥር ብር የሞባይል ካርድ ቁጥር በፌስቡክ ሳጥኔ ላኩልኝ” አላቸው፡፡ ያገኘው ምላሽ ከጠበቀው በላይ ነበር፡፡ ከሀገር ውጪ ያሉ ጓደኞቹ ሁሉ “ብር በኋላ እንላክልህ” ብለውት እንደነበርና ደግነታቸው ከብዶት እንደማይፈልግ ቢያሳውቃቸውም አንዲት ጂዳ የምትኖር ልጅ ግን በግድ 500 ብር እንደላከችለት ይናገራል። “ፌስቡክ በዚህ ሁኔታ በቀላሉ አንድ ሰው መርዳት ያስቻለኝን በጎ ሥራ እንዳከናውን አድርጎኛል” ብሏል።
የፌስቡክ ዘመቻዎች
በሀገራችን ውስጥ በተለይ ከቅርብ ጊዜያት ወዲህ በሕገ መንግሥቱ የተፈቀደው የተቃውሞ ሰልፍ የማድረግ መብት በእጅጉ ተሸርሽሮ ተግባራዊ መሆን አልቻለም። ከወራት በፊት በጣሊያን ሀገር ለግራዚያኒ የቆመውን ሐውልትና ሙዚየም በመቃወም ለተቃውሞ የወጡ ዜጎች አላግባብ መታሰራቸውና በዋስ መለቀቃቸው ይታወሳል፡፡ ራሱን “ዞን 9” ብሎ የሚጠራው የአራማጆች (አክቲቪስት) እና ጦማሪዎች (ብሎገር) ኢ-መደበኛ ቡድንም “የሰላማዊ ሰልፍ መብት ይከበር” በሚል መርሕ ሦስተኛውን የበየነ መረብ ዘመቻ (ካምፔይን) አካሂዷል፡፡ ይህኛው የዞን ዘጠኝ አራማጆች እና ጦማሪዎች ዘመቻ በሀገር ውስጥ እና በውጭ በብዙ ሺሕ የሚቆጠሩ ኢትዮጵያውያንን ያሳተፈ ሲሆን አልጀዚራን የመሳሰሉ ሚዲያዎችንም ቀልብ ለመግዛት በቅቷል፡፡ ይህ ቡድን ከዚህ ቀደም ሐሳብን የመግለጽ ነጻነት ይከበር እና ሕገመንግሥቱ ይከበር የሚሉ በከፍተኛ ቁጥር የፌስቡክ ተጠቃሚዎች የተሳተፉባቸው ሁለት ዘመቻዎችንም አካሂዶም ነበር።
በግል ተነሳሽነትን ከ335 በላይ ሰዎችን ለማልበስ ያስቻለው የሕይወት ወንድማገኝ የማኅበራዊ ሚዲያ በጎ አድራጎትም ሆነ የዞን ዘጠኞች የሠላማዊ መብት ይከበር ሦስተኛ ዘመቻ በሀገራችን በአሁኑ ወቅት ያለውን የሶሻል ሚዲያ አጠቃቀም ከእንቶፈንቶ ወደቁም ነገርና የጋራ ጉዳይ መሸጋገሩን ለማሳየት ጥቂቱ ምሳሌ ነው፡፡
‘የዞን ዘጠኝ’ ትግሎች
ዞን ዘጠኝ ለሀገራቸው ጉዳይ ተቆሪቋሪ በሆኑ ዘመኝ ወጣቶች የተመሠረተ ነው፡፡ በቅርቡ አንደኛ ዓመቱን ያከበረው ይህ የአራማጆች እና ጦማሪዎች ኢ-መደበኛ ቡድን ማኅበራዊ ሚዲያን ለፖለቲካ፣ ለማኅበራዊ፣ ለስፖርትም ሆነ ሌሎች ዘርፎች በሚገባ በማዋል እንደ ዓይነተኛ ምሳሌ ሊጠቀስ የሚችል ነው፡፡ የመጀመሪያና ሁለተኛ ዲግሪውን ከአዲስ አበባ ዩኒቨርስቲ በምጣኔ ሀብት ላገኘው ኤርሚያስ ታዬ “ዞን ዘጠኝ የፌስ ቡክ አዋዋሌን (አጠቃቀሜን) በጥሞና እንዳስብበት እና ሀገራዊ ፋይዳ ያላቸው ጉዳዮች ላይ እንዳተኩር ያደረገኝ ልዩ ስብስብ ነው፡፡” በማለት አድናቆቱን ሲገልጽላቸው በአንድ መንግሥታዊ ያልሆነ ተቋም ውስጥ ፕሮጀክት ማናጀር ሆና የምትሠራው ኢየሩሳሌም በበኩሏ ‘ወጣቱ ለሀገሩ አያስብም ሱሰኛ ነው’ እየተባለ በሚወነጀልበት በዚህ ወቅት በራስ ተነሳሽነት በተለይ ፖለቲካዊ ርእሶችን በጡመራ መድረካቸው ያለፍርሃት በማንሣት ለውይይት ማቅረባቸው ያስመሰግናቸዋል ትላለች፡፡
የዞን ዘጠኝ አባላት በቀዳሚነት በተለያዩ ጉዳዮች ላይ ከኢ- መደበኛ ቡድኑ አባላትም ሆነ ሌሎች ጸሐፍት የደረሳቸውን መረጃዎችና ጽሑፎች በኢትዮጵያ ውስጥ እንዳይታይ በታገደው ጦማራቸው በየጊዜው ያቀርባሉ፡፡ ከዚህ ውጪም በየሦስት ወሩ የበየነ መረብ ላይ ዘመቻን በማካሔድ የአራማጅነት ሥራ እያከናወኑ ይገኛሉ፡፡ ይህ ቡድን በተመሠረተ በአንድ ዓመት ጊዜ ውስጥም በፖለቲካ፣ በማኅበራዊ፣ በምጣኔ ሀብት፣ በትምህርት፣ በመጻሕፍት፣ በሃይማኖት እና በሌሎችም ጉዳዮች ዙሪያ በድምሩ ከ150 በላይ ሰፊ ትንታኔ የታከለባቸው ጽሑፎችን ለንባብ አብቅቷል፡፡ በዞን ዘጠኝ ድረ ዓምባም ሆነ በአባላቱ የፌስቡክ ገጽ ላይ የተለቀቁትን መረጃዎች በአማካይ ከ300 ሺሕ በላይ ሰዎች ጋር ለመድረስ የቻለ ነበር፡፡
ከዞን ዘጠኝ አባላት መካከል አንዷ የሆነችው ማኅሌት ፋንታሁን ከአዋሳ ዩኒቨርሲቲ በኢኮኖሚክስ ተመርቃ ሥራ ላይ ትገኛለች፡፡ “በዞን ዘጠኝ ውስጥ የተሰባሰብነው አባላት ከተለያዩ የትምህርትና የሙያ ዘርፎች የተውጣጣን በመሆናችን አንዳችን ከሌላችን የተማማርነው ብዙ ነገር አለ፡፡ በተለይ በግሌ የማላውቀውን ለማወቅ፣ የማልችለውን ለመቻል ምን ማድረግ እንዳለብኝ ተረድቻለሁ፡፡” ትላለች።
ጆማኔክስ ካሣዬ የተባለው ሌላኛው የዞን ዘጠኝ መሥራች በበኩሉ ‹‹ዞን ዘጠኝ በግሌ ምናባዊ የነበረውን ነገር መሬት ላይ እንዳወርደው፣ እንዲሁም በፍርሐት በተጠፈርንበት ሰዓት ከሚደፍሩ ልበ ሙሉዎች ጋር አንድ መሆን፣ ከምንም በላይ ከማንም ጋር ካልወገኑ ነገር ግን ያገባኛል ባዮች ጋር መጎዳኘቴና ይሄም የእኛ ስሜት ወደሌሎች እንዲጋባ ማድረግ መቻሌ ያስደስተኛል” ብሏል።
ሁለተኛ ዲግሪውን በአዲስ አበባ ዩኒቨርሲቲ በዓለም አቀፍ ሕግ በመሥራት ላይ የሚገኘው ሌላኛው የዞን ዘጠኝ አባል ዘላለም ክብረት በበኩሉ “የዞን ዘጠኝ አባል በመሆኔ ሐሳቤን በተደራጀ መንገድ የምገልጽበት መድረክ አግኝቻለሁ፡፡ በተጨማሪም ከቡድኑ አባላት ጋር በማደርገው ውይይት ሐሳቤን አዳብር ዘንድ አግዞኛል” በማለት ያገኘውን ጥቅም ይገልጻል፡፡
የዞን ዘጠኝ እና ሌሎችም ጦማሮች መታገድ
የመጀመሪያና ሁለተኛ ዲግሪያቸውን ባገኙ እና በመሥራት ላይ በሚገኙ ወጣቶች የተመሠረተው ዞን ዘጠኝ በተቻለ አቅም ጽንፍ የያዙ ሐሳቦችን ላለማስተናገድ ጥረት ቢያደርግም በሀገር ውስጥ እንዳይታይ መታገዱ (block) መደረጉ አልቀረም፡፡ ማኅሌት ፋንታሁን “መንግሥት በሀገራችን እንዲዘጉ የሚያደርጋቸው ብሎጎች ወይም ድረ ዓምባዎች በፖለቲካ ጉዳይ ላይ ብቻ የሚያተኩሩ ናቸው፡፡ ይህ መሆኑም መንግሥት የሀገራችን ፖለቲካዊ ጉዳዮች ላይ ማኅበረሰቡ በነጻነት እንዲወያይ፣ መረጃ እንዲያገኝና ብሎም እንዲያካፍል አለመፈለጉን ያሳያል፡፡” በማለት ሐሳቧን ስትገልጽ ጆማኔክስ በበኩሉ “በራስ ፍቅር መውደቅ በራስ ብቅል እንደመስከር ነው፡፡ በፕሮፓጋንዳ ከሚያደነቁረው ኢቴቪ ውጭ እንዳይታይና እንዳይሰማ ማድረግ ሕዝብን ከመናቅና በራስ ካለመተማመን የሚመነጭ ነው፡፡” በማለት የመንግሥትን እርምጃ ይኮንናል፡፡ ሌላኛው የቡድኑ አባል ዘላለም ደግሞ “ጦማራችን መዘጋቱ በሀገር ውስጥ ያለንን ተደራሽነት በጣም እንዲቀንስ አድርጎታል፡፡” በማለት የዕገዳውን ቅጽበታዊ ውጤት ካወሳ በኋላ በተለይ በመንግሥት በኩል ድረ ገጾችንና የጡመራ መድረኮችን በምን መልኩ እንደሚዘጋ ግልጽ ፖሊሲ የሌለው መሆኑ “እስከ አሁን ድረስ ወደ አምስት የሚጠጉ የቡድኑ የጡመራ መድረኮች ተዘግተዋል፡፡” በማለት ቅሬታውን ይገልጻል፡፡
በሕግ ሁለተኛ ዲግሪውን የሚሠራው ዳንኤል ብርሃነ የተባለ ጦማሪ ደግሞ ‹‹በየትም ሀገር የጡመራ መድረክን መዝጋት የተለመደ ነው፡፡ የእኛ ሀገሩን የተለየ የሚያደርገው ዘጊው አካል በግልጽ አለመታወቁ ነው፡፡››በማለት ከጡመራ መድረኮቹ መታገድ ይልቅ አዘጋጉ አሳሳቢ መሆኑን ያወሳል፡፡ ለአብርሃም ደስታ ግን የጡመራ መድረኮችን ማገድ ዜጎችን ማፈን ነው፡፡
የ ‘ድምፃችን ይሰማ’ ድምፆች
ድምፃችን ይሰማ የተሰኘው የፌስቡክ ቡድን በአሁኑ ወቅት በኢትዮጵያ በበርካታ ክፍለ ሀገራት እና በውጭ ሀገራትም ጭምር ከ20 በላይ ቡድኖች አሉት፡፡ የቡድኑ አባላት “ኢትዮጵያውያን ሙስሊሞች የመንግሥትን የሃይማኖት ጣልቃ ገብነትን የምንቃወምበት ድምፅ” በሚል የሚገልጹት ይህ የፌስቡክ ገጽ ከተመሠረተ ከአንድ ዓመት በላይ ሲሆነው፤ከሙስሊሙ ማኅበረሰብ እንቅስቃሴ ጋር የተያያዙ ሰፊ መረጃዎች እየቀረቡበት ይገኛል፡፡ የተጀመረው የሰላማዊ ተቃውሞ እንቅስቃሴ መረጃዎችና ትእዛዛት በፌስቡክ የሚተላለፉ ከመሆኑ ጋር ተያይዞ በተለይ በክልሎች ሰፊ ቅርንጫፎች አፍርቷል። ድምፃችን ይሰማ ከወልዲያ፣ ድምፃችን ይሰማ ከጅማ አባጅፋር፣ ድምፃችን ይሰማ ከመቂ በሚሉት የፌስቡክ መለያዎች ኢትዮጵያውያን ሙስሊሞች በሠላማዊ መንገድ ድምፃቸውን በስፋት በማሰማት ላይ ናቸው መሆናቸውን ይገልጻል፡፡ የቡድኑን አባላት በፌስቡክ ገጻቸው አማካኝነት ለማናገር ያደረግነው ሙከራ ሊሳካልን አልቻለም፡፡ ይሁን እንጂ የቡድኑ እንቅስቃሴ ግን በማኅበራዊ ሚዲያ ለሚካሔዱ የአራማጅነት እንቅስቃሴ ዓይነተኛ ማሳያ ተደርጎ ሊወሳ የሚችል ነው፡፡
ፌስ ቡክ ከእንቶፈንቶ ወደ ቁምነገር
ዳንኤል ብርሃነ የሶሻል ሚዲያ ዋናው ፋይዳ በሀገራችን የሌለውን የመወያየት ባሕል ለማሳደግ መርዳት ነው ይላል፡፡ “በእኛ ሀገር በእኩልነት ላይ የተመሠረተ ዲሞክራሲያዊ መስተጋብር የለም። በሶሻል ሚዲያ አማካኝነት ግን አንድ ተራ የሃይስኩል ተማሪ ትልቅ ማኅበራዊ ቦታ ከሚሰጠው ሰው ጋር በእኩልነት ሲመላለስ ታያለህ፡፡” በማለት በሶሻል ሚዲያው አማካኝነት የመጣውን አዲስ የውይይት ዕድል ይጠቁማል። ‘አንተ አታውቅም ዝም በል’ የሚል ዓይነት ያልተገባ አካሔድ ባለበት ማኅበረሰብ እንዲህ ዓይነቶቹን አካሔዶች በመግታት የባሕል ለውጥ ለማምጣት ማኅበራዊ ሚዲያ የላቀ ሚናን ለመጫወት እንደሚችልም ይናገራል፡፡
አብርሃ ደስታ በመቀሌ ዩኒቨርስቲ የፖለቲካ ሳይንስ መምህር ነው፡፡ በአሁኑ ወቅት በደቡብ አፍሪካ ዩንቨርስቲ (ዩኒሳ) የሦስተኛ ዲግሪውን (ፒኤች ዲ) እየተከታተለ የሚገኘው አብርሃ በተለይ ህወሓትን በፌስቡክ ገጹ በመተቸት ይታወቃል፡፡ “እኔ ፌስ ቡክን ከመቀላቀሌም በፊት በተለያዩ ስብሰባዎች ላይ የማነሳው ለየት ያለ ሐሳብ አይወደድም ነበር፡፡” በማለት የፌስቡክ ተጠቃሚ ስለሆነ ብቻ በመንግሥት ላይ የተቃውሞ ሐሳቦችን መሰንዘር እንዳልጀመረ የሚናገረው አብርሃ “የማነሳቸው ሐሳቦች የተለዩ በመሆናቸው በውድድር ለጓደኞቼ የሚሰጠውን ዕድልን እኔ ስነፈግ ቆይቻለሁ” ይላል። በፌስቡክ መለያው የሚያንጸባርቃቸው ሐሳቦችም ከዚሁ እውነታ ጋር የተያያዙ መሆናቸውን ይናገራል፡፡ በግሉ ሶሻል ሚዲያው የፈጠረለትን ዕድል ሲያወሳም “እኔ በፖለቲካ ስብሰባ ላይ የማነሳቸው ሐሳቦችን ስለማይወደዱ የመናገር ዕድል እንኳን አይሰጠኝም፡፡ ከዚህ ባለፈም የተለየ ሐሳብ በማንጸባረቄም ‘ተማሪዎችን ያበላሻል’ እየተባልኩ እወቀሳለሁ፡፡ አሁን ግን ያመንኩበትን ሐሳብ የማንንም ፍቃድ መጠየቅ ሳያስፈልገኝ በሶሻል ሚዲያው በነጻነት ለማራመድ ችያለሁ፡፡” ይላል።
የዞን ዘጠኝ አባሏ ማኅሌት በበኩሏም “ማኅበረሰቡ ከሚነቃባቸው መንገዶች አንዱ ሐሳብን መግለጽ እና መወያየት መቻል እንዲሁም መረጃን በወቅቱ ማግኘት ነው፡፡ በሃገራችን ማህበራዊ ሚዲያ ተጠቃሚዎች በተለያዩ ማህበራዊና ፖለቲካዊ ጉዳዮች ላይ እንዲወያዩና ሃሳባቸውን መግለፅ እንዲችሉ አድርጓል፡፡ በተጨማሪም መረጃዎችን በፍጥነት ለኅብረተሰብ በማድረስ ከፍተኛ ሚና እየተጫወተ ይገኛል፡፡” በማለት የማኅበራዊ ሚዲያ ጥቅምን ትገልፃለች፡፡
ዘላለም በበኩሉ “ማኅበራዊ ሚዲያ በራሱ ለውጡን ካለበት ይዞልን ይመጣል ማለት ከባድ ቢሆንም እንደ የለውጥ መድረክነት በመሆን ግን ትልቅ አስተዋፅዖ ይኖረዋል ብዬ አስባለሁ፡፡” በማለት የማኅበራዊ ሚዲያውን የለውጥ እርሾነት ይናገራል፡፡ “የተለያዩ የፖለቲካ ጉዳዮችና ብዙ የፖለቲካው ተዋናዮች ፌስቡክን በመሳሰሉ የማኅበራዊ ሚዲያዎች በብዛት መታየታቸውና ንቁ ተሳትፎ ማድረጋቸው ሚዲያው የለውጡ አጋዥ መድረክ በመሆን እንዲያገለገል አድርጎታል የሚል እምነት አለኝ፡፡” ብሏል።
“የመንግሥት እርምጃ አፈና ነው”
በኢትዮጵያ በየነ መረብ ላይ ያለውን የመንግሥት ቁጥጥር በስፋት ያጠናው “ኦፕን ኔት” የተባለው መንግሥታዊ ያልሆነ ተቋም በተለይ ፖለቲካዊ ሐሳቦችን በበይነ መረብ መግለፅ በሀገሪቱ ውስጥ በስፋት የሚገደብ መሆኑን ያትታል፡፡ ኦፕን ኔት ኢኒሺየቲቭ በመስከረም ወር ለጥናቱ ተሳታፊ ፍቃደኞች በልዩ ሁኔታ የተዘጋጁ ሶፍትዌሮች በማከፋፈል ባደረገው ጥልቅና ቴክኒካዊ ተግባራዊ ጥናት በኢትዮጵያ ውስጥ በርካታ ድረ ዓምባዎች ሆን ተብለው እንዲዘጉ መደረጋቸውን ደርሶበታል፡፡ በተለይ እንደ ethiox.com ያሉ ነፃ ሐሳቦችን የሚያንሸራሽሩ ድረ ዓምባዎች መዘጋታቸው ይህን ተቋም በእጅጉ ማስገረሙ አልቀረም፡፡
የግንቦት 7 አባላት ፎቶዎች ለስለላ ሶፍትዌሮች
የኢትዮጵያን መንግሥት በበየነ መረብ ነፃነት ረገድ ክፉኛ እያሳማ ያለው ጉዳይ የተለያዩ የፖለቲካ አስተያየት መሰንዘሪያ የሆኑትን የጡመራ መድረኮችና ድረ ዓምባዎችን መዝጋቱ ብቻ ሳይሆን ባልተጠበቀ መልኩ የግንቦት 7 አባላትን ፎቶዎች በመጠቀም የስለላ ሶፍትዌር (ስፓይዌር) በበየነ መረብ ተጠቃሚ ሰዎች ኮምፒዩተር ላይ በድብቅ ያስቀምጣል ይባላል፡፡ ‘Finspy’ የሚል መጠሪያ ያለው የስለላ ሶፍትዌር በኢትዮጵያ በጥቅም ላይ መዋሉን ይፋ ያደረገው “ሲቲዝን ላብ” የተሰኘው ተቋም ነው፡፡ ነገር ግን በኢትዮጵያ በኩል እንዲህ ዓይነቱ ሶፍትዌር አለመገዛቱ በተደጋጋሚ እየተነገረ ነው፡፡ በጀርመን ሀገር የሚሠራውን ይህንኑ ሶፍትዌር የተቃዋሚ ድምፆችን ለማዘጋት ሆን ተብሎ በጥቅም ላይ መዋሉን የሚናገሩት ቶሮንቶ እና በርክሌይን በመሳሰሉ ታላላቅ ዩኒቨርስቲዎች የሚገኙ ምሁራን ግን ድርጊቱን በጽኑ አውግዘውታል፡፡
በማኅበራዊ ሚዲያ ለውጥ ይመጣ ይሆን?
በሀገራችን የማኅበራዊ ሚዲያ ተጽዕኖ ከፍ እያለ መምጣቱ እሙን ነው፡፡ ነገር ግን ማኅበራዊ ሚዲያ ምን ዓይነት ለውጥን ሊያመጣ ይችላል የሚለው ጥያቄ አነጋጋሪ ነው፡፡ ዳንኤል ብርሃነ ‹‹በማኅበራዊ ሚዲያ የሚከሰቱ ለውጦች አሉ፡፡ ነገር ግን እንደ ግብጽ ዓይነት አብዮት በኢትዮጵያ በጭራሽ የሚሆን አይደለም፡፡›› ሲል ይደመድማል፡፡ ማኅሌት ፋንታሁን በበኩሏ ‹‹ማኅበራዊ ሚዲያ በእርግጥም ለውጥ ያመጣል ብዬ አምናለሁ፡፡ እስካሁን የተጠቃሚው ቁጥር አነስተኛ ቢሆንም የተለያዩ ሐሳቦች እየተነሡ እየተንሸራሸሩበትና መረጃዎችም እየተሰራጩበት ነው፡፡ ወደፊት ደግሞ የተጠቃሚው ቁጥር ሲበዛ አሁን ከምናየው የበለጠ የነቃ ማኅበረሰብ መፈጠሩ አይቀሬ በመሆኑ ለውጥ ይኖራል፡፡›› ትለለች፡፡ ጆማኔክስ በበኩሉ ‹‹ከነውጣ ውረዱም ቢሆን በማኅበራዊ ሚዲያ ለውጥ ማምጣት ይቻላል፡፡›› ሲል ይደመድማል፡፡ ‹‹ፌስቡክን ጨምሮ ሌሎች ማኅበራዊ ሚዲያዎች እንደ ተወስኦ መድረክ (Discourse Sphere) በመሆን የለውጡ አካል መሆን እንደሚችሉ አስባለሁ፡፡ ነገር ግን የኢንተርኔት ተጠቃሚነት (Internet Penetration) ደካማ መሆን የዚህ ለውጥ ዋነኛ ማነቆ ሊሆን ይችላል፡፡›› በማለት ሐሳቡን የሚገልጸው ዘላለም በበኩሉ ‹‹አሁን ካለው ትንሽ የተጠቃሚነት ቁጥር ላይ መንግሥት ያለምንም ግልጽ ፖሊሲ ድረ አምባዎችንና ጦማሮችን ሲብስም ማኅበራዊ ድረ ገጾችን መዝጋቱ የለውጡን ሂደት እጅግ ያከብደዋል፡፡ ነገር ግን የማኅበራዊ ሚዲያዎች ተጠቃሚ ቁጥር እየጨመረ መምጣት ሰዎች በተለያየ መንገድ ሐሳባቸውን የሚገልጹበት ሁኔታ በመፍጠሩ ብሎክ በማድረግ ሐሳብን ማሰርና ለውጥንም ማዘግየት እንደማይቻል እያሳየ ነው፡፡›› ሲል ሐሳቡን ደምድሟል፡፡
ማኅበራዊ ሚዲያው የመተንፈሻ ቀዳዳ በመሆን ፕሬሱን እየተካው ነው የሚለው የሚዲያ ባለሙያው መስፍን ኅሩይ “በሀገሪቱ የሚታተሙ ጋዜጦችና መጽሔቶች በመንግሥት ጫናና በኅትመት ዋጋ ውድነት ከገበያው ሲወጡ አዘጋጆቹን ጨምሮ ብዙዎቹ በዚያ ያጡትን መድረክ በማኅበራዊ ሚዲያው በማግኘት በተሻለ ተደራሽነት ስሜታቸውን እንዲገልጹ አስችሏቸዋል” ብሏል። እንደመስፍን ገለጻ መንግሥት ጠንከር ያሉ የማኅበራዊ ሚዲያ ገጾችን እየተከታተለ መዝጋቱ የምትከፈተዋን ማንኛዋንም የመተንፈሻ ቀዳዳ በመድፈን ውጥረቱን ከማባባስና ከማፈንዳት በተለየ የሚያመጣለት ጥቅም የለም” ይላል።
በማኅበራዊ ሚዲያ አማካኝነት በሀገሪቱ በልማት፣ በማኅበራዊም ይሁን በፖለቲካ ረገድ በጎ ለውጦችን ማምጣት ይቻላል፡፡ አሁን አሁን የእነዚህ ለውጦች ምልክቶች በአደባባይ እየታዩ ነው፡፡ ይሄን መልካም ዕድል በሚገባ ለመጠቀም በነጻ ሐሳብ መንሸራሸር የሚያምን መንግሥት ያስፈልጋል፡፡ እንዲያ ካልሆነ ግን የተገፉት የለውጥ ድምፆች የመጨረሻ ማረፊያቸው አይታወቅም፡፡

ከሰሞኑ መነጋገሪያ እየሆነ የመጣው የግብጽና የኢትዮጵያ በአባይ ጉዳይ እየተሰጣጡ ባለው እሰጥ አገባ ዙሪያ ፕሮፌሰር መስፍን ወ/ማርያም በፌስቡክ ገጻቸው ላይ እንዲህ ብለዋል፦
“ጦርነት እንኳን ገና በልቶ ላልጠገበ ሕዝብና ለጥጋበኞቹም አይመችም፤ የተራበ ሕዝብ በጠገቡ መሪዎች ሲነዳ ግን ጦርነት ለአጉል ጀብደኛነት ዝና የሚጠቅም መስሎ ይታያቸዋል፤ ከኤርትራ ጋር ጦርነት ለመግጠም በሚያሰፈስፉበት ጊዜ በርቱ እያሉ የሚያቅራሩ ሞልተው ነበር፤ ዛሬ አቀራሪዎቹም ሆኑ ጀብደኖቹ በኤርትራ ጦርነት ያለቀባሪ ስለቀሩት ሰዎች፣ ጠዋሪ ስላጡ እናቶችና አባቶች፣ አሳዳጊ ስለሌላቸው ልጆችና አካለ-ጎደሎ ለሆኑት የሚያስብላቸው አለ ወይ? የአቡነ ጴጥሮስ ሐውልት መነሣትና በኢጣልያ የግራዚያኒ ሐውልት እንዳይሠራ የተጠራውን ሰላማዊ ሰልፍ ከልክሎ ለሰልፍ የወጡትን አስሮ ያሳደረ አገዛዝ ለአገራቸው ለሞቱት ኢትዮጵያውያን የሚሰጠውን ዋጋ በመጠኑም ቢሆን ያሳያል፤ ስለዚህም ኢትዮጵያውያን አገራቸውን ሲወዱ ራሳቸው በልጽገው ለልጆቻቸው ብልጽግናን እንዲያወርሱ ሕይወታቸውን ቢጠብቁ ለአገራቸውም ክብር ይሆናሉ፡፡

ለፍቅር መተዋወቅ እንደሚያስፈልግ ሁሉ ለጠብም መተዋወቅ ያስፈልጋል፤ የተሟላ መረጃ ቢኖረን የጥንት ታሪክ እየጠቀስን ሰዎችን ለጦርነት እንቀሰቅስም ነበር ብዬ አምናለሁ፤ ስለዚህም አንዳንድ አስፈላጊ መረጃዎችን ላቅርብ፤ —

1. የግብጽ የጦር ኃይል በዓለም አሥረኛ ነው፣ በአፍሪካና በመሀከለኛው ምሥራቅ የሚወዳደረው የለም፤ አንድ ሚልዮን ተኩል ያህል የጦር ኃይል አለው፤ በዓየር ኃይልም ከዓለም አሥራ አራተኛ ነው፤ በታንክ ብዛት አራተኛ ነው፤ በባሕር ኃይል ሰባተኛ ነው፤ በጦር በጀት አርባ ሦስተኛ ነው፤
2. በኢትዮጵያ ዙሪያ ጂቡቲ፣ ሶማልያ፣ ሱዳን የአረብ ማኅበር አባሎች በመሆናቸው ለግብጽ ማኅበረተኞች ናቸው፤ በወያኔ ፈቃድ የተገፋችው ኤርትራም የዚሁ ማኅበር ታዛቢ አባል ነች፤ ከቀይ ባሕር ማዶ ያሉት አገሮች ሁሉ ሀብታሙንና ኃይለኛውን ሳኡዲ አረብያንም ጨምሮ የግብጽ ማኅበርተኞች ናቸው፤ በዚህ ሁሉ መሀከል የተከታተፈች ኢትዮጵያ ብቻዋን ነች፤
3. የቤንዚን ሀብትና ከሀብቱም ጋር የሚገኘውን ወዳጅና ጡንቻ አንርሳ፤

ይህ ማስታወሻ ለማስፈራራት አይደለም፤ ማስፈራራትን አላውቅበትም፤ እንዲያውም የዩኒቨርሲቲ ተማሪዎችን ‹‹አትፍሩ›› ብሏቸዋል ተብዬ ተከስሼ ታስሬአለሁ፤ ስለዚህ አላስፈራራም፤ ጦርነት ከመጣብን ልናስቀረው እንሞክር፤ ሌላው ቢቀር እንድንዘጋጅ ጊዜ እናገኛለን፤ ገፍቶ ከመጣ ግን እንቋቋመዋለን፤ ለጦርነት አንቸኩል፤ ለኤርትራም ጊዜ ተናግሬ ነበር፤ የሰማኝ የለም፤ ጥጋብ ላይ ያሉ የሚርባቸው ዝና ነው፤ የሚያገኙት ግን ውርደትን ነው፡፡”

(ዘ-ሐበሻ) ከ31 ዓመታት በኋላ የአፍሪካ ዋንጫ ውድድርን ለመካፈል የበቃው የኢትዮጵያ ብሄራዊ ቡድን እና የደደቢት እግር ኳስ ክለብ አማካይ ተጫዋች አዲስ ህንፃ ለሱዳኑ አልአህሊ ሸንዲ ክለብ ለመጫወት መስማማቱን የሱዳን መገናኛ ብዙሃን ዘገቡ። በደቡብ አፍሪካው የአፍሪካ ዋንጫ ውድድር ላይ ብሄራዊ ቡድናችንን ወክለው ከሄዱት ተጫዋቾች መካከል አስደናቂ ብቃታቸውን ካሳዩት መካከል አንዱ የሆነው አዲስ ሕንፃ ለሱዳኑ ክለብ ለመጫወት የተስማማው ለ3 ዓመታት እንደሆነ የሱዳን ጋዜጦች ጽፈዋል።
ትናንት ግንቦት 27 ቀን 2005 ለሱዳኑ አልሃሊ ሸንዲ ክለብ የፈረመው አዲስ ሕንፃ ለዝውውሩም ወደ 100 ሺህ የአሜሪካ ዶላር እንዳገኘ ተጠቅሷል።
የ25 ዓመቱ ወጣት የኢትዮጵያ ብሔራዊ ቡድን ተጫዋች 73 ኪሎ ይመዝናል። ቁመቱም 1.83 ሲሆን ደደቢት ከመጫወቱ በፊት በባንኮች ስፖርት ክለብ ሲቻወት የሀገር ውስጥና ኢንተርናሽናል ጨዋታዎች ጉልህ ሚና ማበርከቱ የህይወት ታሪኩ ያሳያል። አዲስ ህንፃ የተወለደው ከአዲሰ አበባ በ 30 ኪ/ሜ ርቀት ላይ በምትገኘው የቢሾፍቱ /ደ/ዘይት/ ከተማ ነው፡፡ እንደማንኛውም ኢትዮጵያዊ ተጫዋች በሰፈር ውስጥ የጨርቅ ኳስ በመጫወት የጀመረው አዲስ በ 1990 ዓ.ም በእግርኳስ ፕሮጀክት ማሰልጠን ጀመረ ስልጠናውን በአግባቡ በመከታተልም በአዲስ አበባ ባንኮች እይታ ውስጥ ገባ፡፡
አዲስ ህንፃ ለመጀመሪያ ጊዜ የተቀላቀለው ክለብ ኢትዮጵያ መድንን ነው፡፡ በ 1997 ዓ.ም በአራት አመትም በመድን ቆይታ አድርጓል፡፡ በ2001 ዓ.ም የኢትዮጰያ ባንኮችን ትኩረት በማግኘቱ ወደ ባንኮች አቅንቶም ክለቡ የኢትዮጵያ ጥሎ ማለፍ ሻምፒዮና ለፍፃሜ ሲበቃም አዲስ ጉልህ አስተዋፅኦ አበርክቷል፡፡ በቅ/ጊዮርጊስ ተሸንፈው ዋንጫውን ቢያጡም በአፍሪካ ኮንፌዴሬሽን ዋንጫ መሳተፍ የሚያስችላቸውን እድል አግኝተዋል፡፡
አዲስ ሕንፃ ለኢትዮጵያ ብሔራዊ ቡድን መጫወት የጀመረው በ 1997 ዓ.ም በወንድማገኝ ከበደ ይሰለጥን በነበረው የኢትዮጵያ ታዳጊ ብሔራዊ ቡድን ውስጥ እንደነበር የሕይወት ታሪኩ ያስረዳል። (ከሊሊ ሞገስ – ዘ-ሐበሻ)

በያሬድ አይቼህ – ጁን 5፥2013

አቶ መለስ ዜናዊ የአባይ ግድብን ለመገንባት መስተዳደራቸው መቼ እንደወሰነ ሲጠየቁ ውሳኔው ከ2002 ዓ.ም. በኋላ እንደሆነ ተናግረው ነበር። አቶ መለስ በአንጎላቸው ውስጥ የነቀርሳ ዕጢ እንዳለባቸው ያወቁት ከ2002 ዓ.ም. በፊት ነው።

እንግዲህ የቀድሞው ጠሚራችን (ጠቅላይ ሚኒስትራችን) አባይን ለመገንባት ለምን እንደተመኙ ስጠራጠር ምናልባት የሳቸው መስተዳደር የፈጠረውን አገራዊ መከፋፈል እና የራሳቸውን ታሪካዊ ትሩፋት (legacy) ለማግነንና ለመቤዤት ጭምር ሳይሆን አይቀርም።

የቀድሞው ጠሚራችን ህመማቸው እንደሚገላቸው ያዉቁ ነበር ቢባል ማጋነን አይመስለኝም። አቶ መለስ ታሪክ በበጎ አይን እንዲያያቸው አባይን መገደቡን ጥሩ አማራጭ አርገው አግኝተውታል።

አባይ የሚገደበው በአማራ ክልል ውስጥ አይደለም ፤ በቤንሻንጉል እንጂ። አባይ የኢትዮጵያውያን መንፈስን በቁጪት ጠፍሮ ያሰረ ወንዝ ነው። አባይን መገደብ ለአቶ መለስ ኢትዮጵያውያንን ለማስተሳሰር ትልቅ አጋጣሚ ሆኖላቸዋል። የቀድሞው ጠሚር “አባይን ደፈረ” መባሉን ከዚህ አለም ከመለየታቸው በፊት መስማታቸው የህሊና እረፍት ሰቷቸው ይሆናል።

ሰሞኑን የግብጽ ፓለቲከኞች ሲዶልቱት የነበረውን ቅዠት ሰምተው “ወያኔን ከግብጽ ጋር ተባብረን እንደመስሰዋለን” ሲሉ የተሰሙ ወገኖች አሉ። ግብጽ የአባይን ግድብ በቦንብ ለመደበድብ የሱዳንን አየር መጠቀም የግድ ነው። ሱዳን ከመቼውም የበለጠ የተናጋ ሁኔታ ላይ ያለች አገር ናት። ለሁለት ተከፍላለች ፡ ዳርፉሮች መገንጠል ይፈልጋሉ ፤ ስለዚህ ከኢትዮጵያ ጋር በሰላም መኖር ለሱዳን የግድ ነው።

ሱዳን ከግብጽ ጋር ነው ምሰራው ብላ ሰማይዋን ለግብጽ ጦር አዉሮፕላን ብትከፍት ፡ ኢትዮጵያ ከደቡብ ሱዳን ፡ ከዳርፉር አማጽያን ፡ ከሱዳን ተቃዋሚዎች ጋር ፡ እንዲሁም ከምዕራቡ አለም ጋር በመተባበር የሱዳንን ፓለቲካ መናድ የምትችልበት ሁኔታ ሰፊ ነው።

ግብጽ እንደምንም ብላ ግድባችንን በቦንብ ብትደበድብ ኢትዮጵያ የግብጽን ትልቅ ግድብ (አስዋን ግድብ) እንደምንም ብላ በቦንም የመደብደብ አማራጯን መጠቀሟ አይቀርም።

ግብጾች የአባይን ግድብ እንኳንስ በቦምብ ዝንቡንም እሽ የማለት ድፍረት የላቸውም። እንዲያውም የግብጽ ባለሃብቶች ኢትዮጵያ ውስጥ ሰፋፊ የስንዴ እርሻ መከራየታቸው አይቀርም። ኢትዮጵያም ለግብጽ ትልቅ የሰብል ንግድ አጋር እንደምትሆን ግብጾች ያቃሉ ፡ ያንንም አማራጭ ለመጠቀምም ተዘጋጅተዋል።

ታዲያ ይሄ ሁሉ ተጨባጭ ሁኔታ እያለ ፡ ምነው አንዳንድ የዲያስፓራ ወገኖች “ከህወሃት ይልቅ ግብጽ ይሻለናል” የሚል ጸያፍ የአገራዊ ጥቅምና ህልውናን አሳልፎ የሚሰጥ አቋም እንወስዳለን?

ግን ይሄ ሁሉ ግር-ግር የሰማያዊ ፓርቲን ትልቅ ሰላማዊ ሰልፍ እንዴት ከመቅጽፈት አስረሳን? ዲያስፓራ ምራቁን ያልዋጠ ፡ በወሬ በቀላሉ የሚረታ ፡ ስሜቱ የሚቀድመው ፡ ሆድ የባሰው ማህበረሰብ መሆኑ ባለፉት 22 ዓመታት አንድ እርምጃ መራመድ ያልቻለ ማህበረሰብ ለመሆኑ ጠቋሚ ነው።

የአባይ ግድብ ይገደባል። ግድቡን የገነባው ይገንባው ፡ ግን ይገደባል።

የዴሞክራሲ ፡ የፍትህና የዜጎች ህገመንግስታዊ መብቶች መከበር ትግልም ይጧጧፋል። ከሰማያዊ ፓርቲ ጅማሬ ጋር ወደፊት!

—————————

አስተያየትና ትቺቶችን በዚህ ይላኩልኝ፦ yared_to_the_point@yahoo.com

Muziky68@yahoo.com
ግንቦት 28 ቀን 2005 ዓ.ም

ከካይሮ የጦርነትን ከበሮ እየሰማን ነዉ። ዩኒስ ማዮኡን የተባሉ ወግ አጥባቂዉ የእስላማዊ ፓርቲ መሪ፣ በኢትዮጵያ ያሉ ተቃዋሚና የታጠቁ ሃይሎችን ግብጽ መርዳት አለባት። አለበለዚያ የአባይ ግድብን በእኛዉ እጅ ማፍረሱ የግድ ነዉ» ሲሉ ለኢትዮጵያና ለኢትዮጵያ ሕዝብ ያላቸውን ንቀት ገልጸዋል። የአቶ ዩኒስ ፓርቲ በፓርላማ ሃያ አምስት በመቶ መቀመጫ የያዘ ነዉ።

በግብጽ የሚኖሩ ኢትዮጵያዉያን፣ በኢትዮጵያና በሕዝቧ ላይ የተጀመረዉ የማስፈራራት፣ የዛቻና የጥቃት እንቅስቃሴ የመጀመሪያ ሰለባ እየሆኑ ነዉ። ከፍተኛ ድብደባና እንግልት እየደረሰባቸው ሲሆን፣ ከፍርሃት የተነሳም ከቤታቸው ለሥራ፣ ምግብ ለመግዛት ብዙዎች እንደማይወጡ የሚገልጹ ሪፖርቶች እያነበብን ነዉ። ካይሮ ያለዉ የኢትዮጵያ ኤምባሲም ሳይቀር፣ ከአንዳንድ የሙስሊም ወንድማማች አክራሪዎች ጥቃት እንዳይደርስበት በታንክ ተከቧል። ሞርሲ በአባይ ጉዳይ ላይ፣ ሕዝቡ አንድ ሆኖ እንዲንቀሳቀስ ጥሪ ያቀረቡ ሲሆን፣ በቅርቡም ኢትዮጵያን በማዉገዝ ሰላማዊ ሰልፍ በካይሮ ይደረጋል ተብሎ ይጠበቃል።

ይሄ እንግዲህ ግብጾች «የአገራችን ጥቅም ነዉ» የሚሉትን ለማስጠበቅ ያላቸውን ትብብርና አንድነት የሚያሳይ ነዉ። የግብጽም መንግስት የፓርቲን ጥቅም ከማስጠበቅ አልፎ በመሄድ ከተቃዋሚዎች ጋር ሲመካከር አይተናል።

ግብጾች በአባይ ጉዳይ ኢትዮጵያ ላይ ዘምቻ ሲያደርጉ፣ ከኢትዮጵያዉያን ይጠበቅ የነበረዉ ተመሳሳይ እንቅስቃሴ ነበር። አባይ፣ የፖለቲክ ጉዳይ ሳይሆን፣ ኢትዮጵያዉያንን ሁሉ አንድ የሚያደርግ አገራዊ ጉዳይ መሆን ነበረበት። አዲስ አበባ ያለዉን ጨምሮ ሰላማዊ ሰልፎች በግብጽ ኤምባሲዎች ሁሉ መደረግ ነበረባቸው። ግን መሆን የነበረበት አልሆነም። እንደዉም የሚያሳዝነው አንዳንዶቻችን የግብጽ «ቃል አቀባዮች» የመሆን ዝንባሌ እየታየብንም እንደሆነ ነዉ።

ለዚህም በዋናነት ተጠያቂ የማደርገዉ ገዢዉን ፓርቲ ነዉ። ከጅምሩ «የአባይ ጉዳይ የኢሕአዴግ ሳይሆን የኢትዮጵያ ሕዝብ ጉዳይ ይሁን። አባይን የመገደብ ሥራ ዴሞክራሲን ባለመገደብ ይታጀብ። ፕሮጀክቱ በሁሉ ተቃዋሚዎች የተወጣጡ ባለሞያዎች ባሉበት ገለልተኛ ኮሚሽን ይመራ። በአባይና በልማት ስም የሰብአዊ መብት ረገጣ ይቁም። ሕዝቡ ደስ ብሎት እንጂ ተገዶና ታንቆ ገንዘብ እንዲያዋጣ አይደረግ። አባይ የፖለቲካ አጀንዳ አይሁን» እያልን ይኸው የአባይ ግድብ ወሬ ከተነሳ ጊዜ ጀምሮ ስንጮህ ነበር።

ነገር ግን የገዢው ፓርቲ ባለስልጣናት ሕዝቡን እየገፉት፣ እያዋረዱት፣ እያስጨነቁት ሊደግፈው ይገባ የነበረን ፕሮጀክት እንዲቃወመው እያደረጉት ነዉ። «ማር ሲበዛ ይመራል» አሉ አባቶች ሲተርቱ። ደግመዉ ፣ ደጋግመዉ ፣ ጠዋት፣ ማት፣ ሰኞ፣ ማክሰኖ፣ መስክረም ሰኔ፣ «አባይ ፣ አባይ» እያሉ ሕዝቡን አሰለቸቱት። ሕዝቡ ጣፋጭ የነበረው ነገር መረረዉ።

እዚህ ላይ በአባይ ዙሪያ የሚነሱ ተቃዉሞዎች፣ አባይ እንዳይገነባ ከመፈለግ የመነጩ ሳይሆኑ የአገዛዙ ብሶትና ግፍ የወለዳቸው ተቃዉሞዎች መሆናቸውን ቸል ማለት የለብንም። እንደዉም በቅርቡ በሲዘርላንድ የተደረገዉን የቦንድ ግዢ በመቃወም ሰልፍ የወጡ ኢትዮጵያዉያን ያሰሙት ከነበሩት መፈክሮች መካከል ጥቂቶቹን ብንመለከት ፡ «አባይ እንዲገነባ እንፈልጋለን። አባይ በተባባረ ክንዳችን ይገነባል። ከአባይ ግንባት በፊት ግን ዘረኝነት ይገደብ። የመብት ረገጣ ይገደብ» የሚሉትን እናገኛለን።

The Nile River has become a point of contention between Egypt and Ethiopia.

ግብጾች ምን ለማድረግ እንደሚይስቡ ይኸው አሳዉቀዉናል። የሚያስፈራዉና የሚያሳዝነዉ ግን፣ ግብጽ በኢትዮጵያ ላይ ጥቃት ብትሰነዝር፣ ግብጽን መመከት የምንችልበት አቅም፣ ጉልበትና የሕዝብ ድጋፍ አለመኖሩ ነዉ። ደርግ አምስት መቶ ሺህ ጦር ይዞ የተሸነፈው፣ የሕዝብ ድጋፍ በማጣቱና በሕዝብ በመተፋቱ ነበር። በባድመ ጦርነት ጊዜ ሻእቢያ የተመታዉ፣ የኢሕአደግ ሰራዊት በልጦት ሳይሆን፣ ከኢሕአዴግ ጎን ሕዝቡ በመሰለፉ ነበር። ግብጽ የተባባረዉን የኢትዮጵያዉያን ክንድ መግጠም እንደማትችል እኛም እነርሱም እናወቀዋለን። አዲስ ነገር አይደለም፤ ከዚህ በፊት ሞከረዉ በጉንደትና በጉራ(አሁን ኤርትራ ዉስጥ ያሉ ከተሞች) ተዋርደው ነዉ የተመለሱት።

ያኔ የነበረዉ የሕዝብ አንድነትና መነቃቃት ግን አሁን የለም። ይሄንንም ባለስልጣናቱ እራሳቸው ያዉቁታል። እንደዉም የሕዝብን አንድነት እንተወዉና፣ በኢሕአዴግ ዉስጥ እራሱ አንድነትና መስማማት የለም። በአቶ መለስ ጊዜ የተለያዩ ሃሳቦች ቢሰነዘሩም በመጨረሻ አቶ መለስ ይወስኑ ነበር። አሁን ግን በአስተዳደር ላይ ማነቆ የሆነ፣ የቡድን አመራር ነዉ ያለዉ። ወታደሩን እና ደህንነቱን የሚቆጣጠረው፣ «ከበስተጀርባ ፈላጭ ቆራጭ እርሱ ነዉ» የሚባለዉ ሕወሃት፣ ለአቶ መለስ የቸረዉን ስልጣን ከአቶ ኃይለማርያም ላይ ቀንሶ እንደ አገር መሪ እንዳይንቀሳቀሱ ያደረጋቸው ይመስላል። የቡድን አመራር በሚል ፈሊጥ፣ አቶ ኃይለማርያም በነጻነት ለአገር የሚበጅ ዉሳኔዎችን እንዳያሳልፉ አስሯቸዋል። ደፍሮ ዉሳኔ የሚሰጥ አካል የለም። ባለስልጣናቱ ይፈራራሉ። አንዱ ሌላዉን አያምንም። ታዲያ ይሄ አይነት አመራር ነውን የኢትዮጵያን ሕዝብ አስተባብሮ፣ ከግብጽ የሚመጣን ወታደራዊም ሆነ ዲፕሎማቲክ ጥቃት ለመመከት የሚችለው ?

ሜዲያ ጋዜጣ ወዘተረፈ በታፈነበት ሁኔታ፣ በአንድ ድርጅት ብቻ በተጠራ፣ ለሶስት ሳምንታት ብቻ በተደረገ ዝግጅት፣ በመቶ ሺሆች የሚቆጠሩ ኢትዮጵያዉያን ተቃዉሟቸውን ሲያሰሙ አይተናል። ሰልፉም በአገዛዙና በሕዝቡ መካከል ከፍተኛ መቃቃሩ እየጨመረ ለመሆኑን ግልጽ አመላካች ነዉ። « ያኔ በባድመ ጊዜ አንድ እንሁን ፣ የጋራ ጠላታችንን እንዋጋ ሲሉን፣ አብረናቸው ተሰለፍን። ጦርነቱ ሲያልቅ ግን ጦራቸውን በኛ ላይ አዘመቱ። በዉጭ ወራሪዎች ላይ መቀሰር የነበረባቸው የመሳሪያዎች አፈሙዝ እኛ ላይ አነጣጠሩ። ግንባር ግንባራችን እየቀለቡ አረገፉን» እያለ ሕዝቡ በአገዛዙ ላይ ከዉጭ ወራሪዎች ባልተናነሰ ጥላቻ እያደረበት ነዉ።

እንግዲህ የሕዝብን አመለካከት መቀየሩ ቁልፍ ነዉ። ሕዝብን በማንኛዉ አገራዊ አጀንዳ ከጎን ለማሰለፍ ከተፈለገ፣ በቀዳሚነት ሕዝብን ማክበር ያስፈልጋል። ሰልፍ ያደረጉ በመቶ ሺሆች የሚቆጠሩ ኢትዮጵያዉያን በአዲስ አበባ ድምጻቸው ያስተጋቡበትን ታሪካዊ ሰልፍን ብንመለከት፣ አንድም ሰው ሳይጎዳ፣ አንድም ሱቅ ሳይዘረፍ፣ በሰላም የተደረገ፣ የኢትዮጵያዊ ጨዋነት የሰፈነበት ሰልፍ ነበር። ነገር ግን ይሄን ሰልፍ የጥቂት ሽብርተኞችና አክራሪዎች ሰልፍ በማለት አቶ ሬድዋን እና አቶ ሸመልስ ከማል አጣጥለዉታል። ይሄም ኢሕአዴግን እራሱ የሚጎዳዉና ያቀለለ ትልቅ ስህተት ነዉ። እርግጠኛ ነኝ እንደ አቶ ኃይለማርያም ደሳለኝ፣ አቶ ደመቀ መኮንን፣ ዶር ቴዎድርስ አዳኖም ያሉ በሳል የአመራር አባላት፣ የነዚህን ሰዎች አስተያየት አይጋሩም። እንደነዚህ አይነት የእንስሳ አይምሮ ያላቸውን ካድሬዎች ኢሕአዴግ ማባረር አለበት። ኢሕአዴግን ወደ መቃብሩ ይዘዉት የሚሄዱ መዥገሮች ናቸው። «ጥጋብ ክብርን ይራባል፣ የሚያገኘው ግን ዉርደትን ነዉ» እንዳሉት ፕሮፌሰር መስፍን ወልደማሪያም፣ ከጥጋብና ከእልህ ፖለቲካ ተወጥቶ ለአገርና ለሕዝብ የሚጠቅምን ነገር ማድረግ ያስፈልጋል።

ለማጠቃለል ሁለት ነገር ጣል አድርጌ ላቁም፡

አንደኛ፡ በመቶ ሺሆች የሚቆጠሩ ኢትዮጵያዉያን ሰልፍ አድርገው የጠየቁት ጥያቄዎች አለ። በጣም ቀላልና ጠቃሚ ጥያቄዎች ናቸው። ለነርሱም አዎንታዊ መልስ ቢሰጥ መልካም ነዉ እላለሁ። ጥያቄዎችን መመለስ ከምንም በላይ የሚጠቅመው ኢሕአዴግን እራሱ ነዉና።

ጋዜጠኖች፣ የፖለቲካ ፓርቲ መሪዎች፣ የሙስሊም ችግር መፍትሄ አፈላላጊ ኮሚቴ አባላት በሙሉ በአስቸኳይ ይፈቱ። የተቃዋሚ ፓርቲዎች ጋር የዲሞክራሲ ተቋማትን ማሻሻል በሚቻልበት ሁኔታ ላይ ቅንነት የሞላበት ድርድር ይደረግ። ለአረቦችና ለሕንዶች የሚሰጠው ለምለም መሬት ባለበት ይቁማና፣ ስምምነቶች በሙሉ እንደገና በገለልተኛ አካል ይጠኑ። እንደ ኤፈርት ያሉ ድርጅቶች ኦዲት ይደረጉ። በወታደር ደሞዝ ፎቅ የሰሩ ጀነራሎች ከየት አምጥተዉ ፎቅ እንደሰሩ ይመርመሩ። «የአሳ ግማቱ ከጭንቅላቱ» እንደተባላ ታች ያሉትን በሙስና ማሰር ሳይሆን፣ ቱባ ቱባ የሚያህሉ፣ ከላይ የተቀመጡ መዝባሪዎችና ደም መጣጮች ይጋለጡ። ሕዝቡ ለአባይ በጉልበት እንዲከፍል የሚደረገዉ በአስቸኳይ ይቁም። በባለሞያተኖች፣ ጠበቃዎች፣ የዲፕሎማሲ ጠበብት ያሉበት የአባይን ግድብ ስራ የሚመራ፣ ገለልተኛ እና በግልጽነት የሚሰራ የአባይ ኮሚሽን ይቋቋም። ይሄ የግንባታዉን ጊዜ ሊያራዝመው ይችላል። ግድ የለም ይራዘም። በጥራትና በጥንቃቄ መሄዱ ይሻላል።( ደግሞም ለአባይ ግድብ የሚያስፈልገዉን ሃይቅ ዉሃ ለመሙላት ሰፊ ጊዜ እንዲኖርም ያደርጋል። ያም ከግብጽ ጋር ያለዉን መቃቃር ሊያበርደው ይችላል፤ ለምን ግብጾች ሃይቁን ለመሙላት በአንድ ጊዜ ብዙ ዉሃ ይወሰድብናል በሚል ያላቸውን ፍርሃት ስለሚቀንስ )በዚህም መልክ አባይን የአገዛዙ ፕሮጀክት ሳይሆን የኢትዮጵያ ሕዝብ ፕሮጀክት ማድረግ ይቻላል።

ሁለተኛ፡ እርግጥ ነዉ ያገዛዙ የግፍ ቀንበር አፍንጫችን ላይ እየደረሰ ነዉ። ነገር ግን አሁን ባሉን የፖለቲካ ልዩነቶች ምክንያት ከታሪካዊ ጠላቶቻችን ጎን መሰለፍ ግን ነዉር ነዉ። ለግብጾች መጠቀሚያ መሆን የለብንም። እርስ በርስ እንጣላ፣ ግን ጠላቶቻችን ፊት አንድ እንሁን። በተለይም ከተቃዋሚ መሪዎችና ከተቃዋሚ ሜዲያዎች፣ በአገራዊ ጉድዮች ላይ ትልቅ ማስተዋልና ሃላፊነት ይጠበቃል። አርቀን ከተራራና ከጊዜዉ ስሜታዊነት ባሻገር ማየት መቻል አለብን። የአገር ጉዳይ የሳይበር ስፔስ ጨዋታ አይደለም። «The Nile is Egypt and Egypt is the Nile» የሚለዉን የአንድ የግሪክ ፈላስፋ አባባል ግብጾች ሲይስተጋቡ እየሰማን ነዉ። እኛም «አባይ አባይ ያገር ሲሳይ» ወይም « The Nile is Ethiopia and Ethiopia is the Nile» እያልን ኢትዮጵያ የአባይን ወንዝ የመጠቀም ሙሉ መብት እንዳላት ማስተጋባት አለብን። ኢትዮጵያዊያን ኢትዮጵያዊን መሆን አለብን።

ክብሩ ደመቀ

ሕወሓት/ኢህአዴግ በሰማያዊ ፓርቲ አዘጋጅነት የተካሄደውን ሰላማዊ ዕውቅና የሰጠው ወድዶና ፈቅዶ ወይም ሕገ-መንግሥቱ አጣብቂኝ ውስጥ ከትቶት አልነበረም። ይልቅስ አጣብቂኝ ውስጥ የከተቱት ሁለት ነገሮች ናቸው ፡-

1ኛ – ወቅታዊነት! በወቅቱ የሚካሄደውን ርዕሰ-ሃገራትና ከፍተኛ የዓለም ባለሥልጣናት (እንደ ጆን ኬሪ እና ባንኪ ሙን) በተገኙበት እንዲሁም በዓለም መገናኛ ብዙሃን እየተዘገበ በሚካሄደው የአፍሪካ ሕብረት 50ኛ ዓመት ጉባዔ ላይ ሰማያዊ ፓርቲ ለሚያካሂደው ሰላማዊ ሰልፍ ዕውቅና መጠየቁ፣

2ኛ – መደራጀት፣ ብስለት እና ቁርጠኝነት!!! የሰማያዊ ፓርቲና አመራሩ መደራጀት፣ ብስለት እና ቁርጠኝነት፤ ሕወሓት/ኢህአዴግ ከለመዳቸው የከሸፉ ተቃዋሚ ፓርቲዎች መግደርደሮች (ከይቅርታ ጋር በርካታ የከሸፉ ተቃዋሚ ፓርቲዎችና አመራሮች እንዳሉም ጭምር እምነት አለኝ) የተለየ መሆኑን መገንዘቡና ፓርቲውም የተጠየቀውን ዋጋ ከፍሎ ሕገ-መንግሥቱ የሚፈቅድለት መብቱን ከደጋፊዎቹ ጋር ከማራመድ ወደኋላ እንደማይል (that those guys were not bluffing) እየመረረው መረዳቱ።

“መንግሥት” አማራጭ እንዳልነበረው ሌላው ተጨባጭ ማስረጃ ደግሞ በሚያስደንቅ ቅንጅት፣ ኅብር፣ ምጥነት፣ ጨዋነት እና ሰላም የተካሄደውን ሰላማዊ የተቃውሞ ሰልፍ በተመለከተ የመንግሥት ግንኙነት ጉዳዮች ጽ/ቤት ሚ/ር ዲኤታ አቶ ሽመልስ ከማል እና የሕወሓት/ኢህአዴግ ቃል አቀባይ አቶ ሬድዋን ሁሴን የሰጡት ከድንጋጤ የመነጨ የተፋለሰ መግለጫ ነው። በነገራችን ላይ እንደተለመደው “የኢትዮጵያ” ቴሌቪዥን አንድም የተቃዋሚ ፓርቲ አመራር አባል ወይንም የሰልፉ ተሳታፊ ዜጋ አላነጋገረም፣ ወይንም አላቀረበም – በወፍ-በረር ቅኝት በመበተን ላይ ያለና ዘርዘር ያለ የሕዝብ ስብስብ ጠብቆ በካሜራው ከመቅረፅና ማቅረብ በስተቀር።

የ”መንግሥት” ወገኖችን አተያይ ስንቃኝ፤

በመጀመሪያ ከ”ኢትዮጵያ” ቴሌቪዥን ብንጀምር ከክስ አዘል ዘገባዎቹ መካከል፡- “የሰልፈኞቹ ጥያቄ በፍርድ ቤት በተያዘው የሙስሊሙ መፍትሔ አፈላላጊ ኮሚቴዎች የሸባሪነት ክስ ላያ አተኩሯል፣ በኢቲቪ እና በመንግሥት ላይ ያላቸውን ቅሬታ ገልፀዋል፣ አትነሳም ወይ ይሄ ባንዲራ ያንተ አይደለም ወይ ሲሉ ነበር፣ በኢፌዲሪ ሕገ-መንግሥት ዕውቅና የተሰጠው የሀገሪቱ ሰንደቅ ዓላማ እንዳይታይ ሲከለክሉም ተስተውለዋል፣ በተቃውሞ ሰልፉ ማጠናቀቂያ የእስልምና ተከታዮች የስግደት ሥነ-ስርዓት ፈጽመዋል።”

በመቀጠል አቶ ሽመልስ ከማል ከሰነዘሩዋቸው ውስጥ ደግሞ፡- “….መንግሥት በሃይማኖት ጣልቃ አለመግባት የሚለውን ሕገ-መንግሥት አጥብቆ ያከብረዋል……..በተደረገው ሰልፍ በፖለቲካና በሃይማኖት መካከል ሕገ-መንግሥቱ ያሰመረው መስመር ሲደረመስ የሚታይበት ሁኔታ አለ፣ በሃይማኖት ሽፋን ሽብርተኝነት ፈጽመዋል በሚል ተጠርጥረው ጉዳያቸው በፍርድ ቤት እየታየ ያለውን ግለሰቦች የተከሳሾቹ ጠበቃዎች ከፍርድ ቤት ውጪ በሆነ ሂደት የፍርድ ሂደቱን ለማጨናገፍ መሞከር ሕግ አይፈቅድላቸውም፣ ከቤኒንሻንጉል ገምዝ የተፈናቀሉትን ሰዎች አስመልክቶ የዛሬዎቹ ሰዎች ኡኡታ ከማሰማታቸው አስቀድሞ መንግሥት ሁኔታውን አይቶ ፈጣን እርምጃና እርምት የወሰደበት ጉዳይ ነው ፣ ከዚህ ባለፈ እንዲህ ዓይነቶቹን ጉዳዮች….exceptions ወይም እንደ በስተቀር የሚወሰደውን ነገር (እጅግ በጣም አልፎ አልፎ የሚከሰት ነገር ማለታቸው ነው) ዋና መደበኛ አሠራር አስመስሎ ያንን አጉልቶ ከዚያ ፖለቲካዊ ትርፍ አስልቶ ለማግኘት የሚኬድ ነገር ውጤታማ ሊሆን እንደማይችል መታወቅ ይኖርበታል።”

በሌላ ወሬ የሕወሓት/ኢህአዴግ ቃል አቀባይ አቶ ሬድዋን ሁሴን “ሰማያዊ ፓርቲ ከአሸባሪዎች ጋር ፖለቲካዊ ጋብቻ መፈፀሙን እሁድ ለት በጠራው ሰልፍ በግልፅ አሳይቷል…” ብለዋል፡፡

ይህ ምን ይነግረናል? ምስክር በሦስት ይፀናል እንዲሉ አበው፤ ሦስት የመንግሥት ከፍተኛ አካላት (ኢቲቪ፣ አቶ ሽመልስ እና አቶ ሬድዋን) ከላይ የተጠቀሱትን መሠረተ-ቢስ ውንጀላዎች አካሂደዋል። በእነሱ ስሌት የበለጠ ጉዳትን ለማስቀረት በአጣብቂኝ ዕውቅና የሰጡት ሰላማዊ ሰልፍ ስኬታማነት ያስደነገጣቸውና ያበሳጫቸው የአገዛዙ ባለሥልጣናት የሰጡት  ይፋዊ መግለጫ የሚያሳየው፤ ቀድሞውኑ አማራጭ አጥተው የተስማሙበት ጉዳይ መሆኑን ብቻ ሳይሆን፣ ወደፊትም ተመሳሳይ ጥያቄ ላለማስተናገድ ሰማያዊ ፓርቲን፣ አመራሩንና፣ ተቃዋሚ ሕዝቡን እንደተለመደው “በሽብርና ሕገ-መንግሥት ለመናድ መሞከር” በመወንጀል (framing the opposition forces by criminalizing peaceful dissent) የመፃዒ የቤት ሥራቸውን መሠረት ጥለዋል።

ስለዚህ ቀድሞውኑም “መንግሥት” የምርጫ ‘97 ዓይነቱን የፖለቲካ ክፍተት ፈቀደ፣ ዲሞክራሲያዊ ብልጭታ አሳየ ወዘተርፈ በማለት ለሺህኛ ጊዜ በየዋህነት ለተታለሉ የዋህ ዜጎች እላለሁ – በእኔ አመለካከት ሕወሓት/ኢህአዴግ መፈናፈኛ አጥቶ ነው ይህቺ የፖለቲካ ክፍተት የተፈጠረችበት እንጂ ሃገሪቱን ወደየት እየመራት እንደሆነ ለማንኛውም የሚያመዛዝን አዕምሮ ግልጽ ነው።

“መንግሥት” አሁን በያዘው አካሄድ አገዛዙ እንዲህ ያለ የፖለቲካ አዎንታዊነት መፍጠር ማለት ወደ ጠፈር በመተኮስ ላይ ያለን ሮኬት ጠምዝዞ ወደምድር የመመለስ ያህል ይመስለኛል። በዚህም ምክንያት እላለሁ – ትግሉ መራራ ነው። የተኛ መንቃት፣ የተናጠለ መደራጀት፣ የበቃው ቁርጠኝነት ይሻዋል።

( ዐባይ ዐሥራት፤ ጀርመን)
ስለኢትዮጵያ መንግሥት (ለዚያውም መንግሥት ከተባለ) ግብሩን አይተው የሚጠሉት ሰዎች ብዙ ስላሉት ያንኑ ጉዳይ መልሼ እዚህ ላይ መድገም አልፈልግም። በዚሁ መንግሥት የሚመስል ቅርጽ ባለው፤ ነገር ግን ባለጌና የመንግሥት መገለጫ ክብር በሌለው የአራት ኪሎው መንግሥት ተብዬ ላይ የሚጻፉ ብዙ አግባብነት ያላቸውና ክፋቱን እየመዘኑ በመጠን የለሽ ጥላቻ ተጽፈው የሚወጡት ጽሁፎችን ሳነብ ቆይቻለሁ።
እኔን ግን ለመጀመሪያ ጊዜ እንድጽፍ ያነሳሱኝ ምክንያቶች በጣም ያበሳጩኝና የኢትዮጵያ መንግሥት ለመባል የሚያስችል ማንነቱን አጥቼ ያየሁበት መንግሥታዊ ብልግናና ክብር የለሽ ተግባሮቹ ናቸው። እነዚህም አምስት እይታዎቼ መሬት ላይ በግልጽ የሚታዩ ሆነው ሳለ እንደብልግና የማይቆጥራቸው ነገር ክብር ሊሰጠው እንደማይገባ የሚያሳብቁበት ከበቂ በላይ ምክንያቶችን ለመጥቀስ በመፈለግ ነው።
1/ የመፍትሄ አፈላላጊ የእስልምና ኮሚቴዎችን በመለከተ
ባለጌው መንግሥት ከ17 የእስልምና መፍትሄ አፈላላጊ ኮሚቴዎች ጋር በፌዴራል ጉዳዮች ክብር የለሽ መስሪያ ቤቱ በኩል የሃሳብ ልውውጥ በማድረግ ለጥያቄዎቻቸው መፍትሄ መስጠት እንዲቻል ለወራት ሲነጋገር መቆየቱ ሀገር ያወቀው፤ ጸሐይ የሞቀው ጉዳይ ነው። በዓለማችን ላይ እየተሰከተ ካለው የአክራሪነት መንፈስ አንጻር አሸባሪነት የለም ወደሚል መደምደሚያ ባንደርስም ኢትዮጵያውያን ሙስሊም ኮሚቴዎችን ከንግግርና ከውይይት መድረክ ወደአሸባሪነት በአንድ ጊዜ የሚቀይራቸው አመክንዮ ለማቅረብ የባለጌነትን ጠባይ መላበስ ይጠይቃል። ኮሚቴዎቹ፤ ኮሚቴ መሆናቸው ከመነገሩና ከባለጌው መንግሥት ጋር መነጋገር ከመጀመራቸው በፊት አሸባሪ የተባለና በማስረጃ የቀረበ ክስ ሳይኖርባቸው ባለጌው እንዲሆኑለት የሚፈልገው ሳይሆን መቅረቱን ሲያረጋግጥ በእጁ ባለው የብልግና ህግና ጠመንጃ ታግዞ አሸባሪ ማለቱ የብልግናውና የክብር የለሽነቱ ልክ የት ድረስ እንደሆነ ከሚያሳይ በቀር የታሳሪዎቹን አሸባሪነት በጭራሽ ሊያረጋግጥ የሚችል አይደለም። ብልግና ቁጥር አንድ!
2/ አሸባሪነት እየተስፋፋ መምጣቱን እንደሽፋን በመጠቀም ሲያነጋግራቸው የቆያቸውን ኮሚቴዎች ፤ አሸባሪ ሆነው ቢገኙ እንኳን ካሰረ በኋላ በመደብደብ፤ በማሰቃየት፤ አንዳንዶቹንም በካቴና ጠፍንጎ በማስለፍለፍ በመከራ እሳት መጥበሱን ስመለከት ወደአእምሮዬ የመጣው ፤ ምንም ነገር በእጃቸው ያልያዙ፤ በእጁ ላይ የወደቁ፤ ከቃሊቲ የካቴና እስር ወጥተው መፈንቅለ መንግሥት ሊያደርጉ የማይችሉ ዜጎች ላይ ያንን መፈጸሙ በእውነት የአራት ኪሎው መንግሥት የመጨረሻ ባለጌና ክብር የሌለው/ በእነሱ ቋንቋ ሲገለጽ/ ወራዳና ባለጌ መንግስት ነው። ብልግና ቁጥር ሁለት!
3/ ወራዳው መንግሥት እንደተመኘውና ድንገት ከጠረጴዛው መዞ እንደለጠፈባቸው የአሸባሪነት ተግባር ኮሚቴዎቹ ለእሱ አሸባሪዎቹ ሆነዋል ብለን ብንቀበል እንኳን ብልግናውን መሸፈን የማይችል የወራዳነት ሥራውን ደጋግሞ ሲያሳየን እንመለከታለን። ሰዎቹ በባለጌው እስር ቤት ወድቀዋል። የባለጌው ፍርድ ቤትም የብልግና የፍርድ ሂደቱን ጀምሯል። ምን ሊወሰንባቸው እንደሚችል ህግ ተጠቅሶ ከመወሰኑ በፊት ይታወቃል። ባለጌው መንግሥት አሸባሪ የተባሉት ሰዎች ላይ በብልግናው ፍርድ ቤት የፈለገውን ውሳኔ ማስወሰን እየቻለ ወይም ማስወሰን ስገባው ብልግናው ለከትና አቅል የሌለው ስለሆነ «ጀሐዳዊ ሀረካት» የሚል ፊልም ራሱ ሰርቶ ፍርድ ቤቱ በአሸባሪዎቹ ላይ ምን ማስረጃ እንደሚያቀርብ፤ ምን ሊወስን

እንደሚችል በማሳየት ራሱ የታሳሪዎቹን መጨረሻ ለመናገር የቸኮለ ባለጌና የህግ እስረኛ ማለት ምን ማለት እንደሆነ ማወቅ የማይፈልግ ባለጌ መንግስት ነው። ከእንግዲህ ፍርድ ቤቱ የብልግናው አስፈጻሚ እንጂ አከራካሪ ሊሆን እንደማይችል ራሱ አሳይቶናል። ከእንግዲህ ፍርድ ቤቱ በነጻ ለቅቄአለሁ ካላለ በስተቀር በ5 ዓመት 10 ዓመት፤ እድሜ ልክና በሞት ቀጥቻለሁ ቢል የጀሀዳዊ ሀረካት ውጤት መሆኑን እንድንቀበል ራሱ በለቀቀው ፊልም ነገሮናል ማለት ነው። የብልግናው ፍርድ ቤት የብልግና ፍርድ እስኪሰጥ የማያስታግሰው እንዲህ ዓይነት ባለጌና ክብር የሌለው መንግሥት የትም ሀገር አላየንም። አምባገነኖች ወይ ግንብ አስደግፈው ይገድላሉ፤ አለበለዚያም ነፍሱ እንዳትወጣ ቁራሽ እየወረወሩ በእስር ያማቅቃሉ እንጂ እንዲህ ዓይነት በፍርድ ስም ብልግና በመፈጸም ጊዜያቸውን አያጠፉም። ብልግና ቁጥር ሶስት!
4/ ባለጌውና የመንግስትነት ክብር የሌለው ይኸው ወራዳ መንግሥት አሸባሪዎች ባላቸው ሰዎች ላይ ከፍርድ ውሳኔ በፊትና በፍርድ ሂደቱ ላይ ተጽእኖ ሊያሳድር በሚችል መልኩ አስቀድሞ ፊልም ሰርቶ በታሳሪዎቹ ማንነት ላይ የባለጌ አፉ በሆነው በቴሌቪዝኑ ሲለቅ አግባብነት ያለው ያህል ሳያሳፍረው፤ የሰማያዊ ፓርቲ በጠራው ህዝባዊ ተቃውሞ ላይ የፖለቲካና የሚዲያ ታሳሪዎች ሁሉ ይፈቱ ብለው ሲጠይቁ በፍርድ ሂደቱ ላይ ተጽእኖ ለማሳደር በማለት ማላገጡ በእርግጥም የብልግናው ጣሪያ የት ድረስ እንደሆነ ከሚያሳይ በስተቀር የሰማያዊ ፓርቲ ጥያቄዎች ከባለጌው መንግሥት የጂሀዳዊ ሀረካት ጋር በምንም ሚዛን የሚለካ አይደለም። ሰማያዊ ፓርቲ «መንግሥታዊ ሐረካት» የሚል ፊልም ሰርቶ በፈለገው ሚዲያ ቢያስተላልፍ ይህ ባለጌ መንግሥት ምን ሊል ነበር? ይህ ባለጌ መንግስት ራሱ በሌሎች ላይ ሲለጥፍ እንጂ እሱ የለጠፈውን ስም ማጥፋት ሲቃወሙ ዓይኑ ደም የሚለብስ ክብር የለሽ መንግስት መሆኑን አረጋግጧል። ብልግና ቁጥር አራት!
5/ የወራዳው መንግስት የተቀደደ ቁና የሆነው፤ አቶ ሼምየለሽ ከማል፤ የበረከትን መልእክት ተቀብሎ አረፋ እየደፈቀ የባለጌዎች መጫወቻ በሆነው ቴሌቪዥን ለመናገር ሲያቆበቁብ ቶሎ የመጣልኝ ነገር ባለጌዎች ምን ጊዜም ሌሎች የሚያውቁባቸው ስለማይመስላቸው ምን ዓይነት ብልግና ሊናገር ይሆን? ብዬ ነበር። እንዳልኩትም የፍርድ ሂደቱ ላይ ተጽእኖ ለማሳረፍ ሰማያዊ ፓርቲ ጀሀዳዊ ሀረካት ዓይነት ስራ ሰራ ለማለት ከመፈለጉም በላይ መንግስትና ሃይማኖትን ቀላቅሏል በማለት ሲዋሽ ታይቷል። አቶ ሼምየለሽ /Shameless Kemal/ የሚናገረውን የማያውቅ ሆኖ ሳለ እንዴት ዴኤታ ሊባል ቻለ?በወቅቱ የጠየኩት ጥያቄ ነው።
መንግሥት በሃይማኖት ጉዳይ፤ ሃይማኖትም በመንግስት ጉዳይ አይገባም ማለት ሃይማኖታዊ መብቴ ይከበርልኝ ብለው ባለእምነቶች አይጠይቁም ማለት አይደለም። ሃይማኖታዊ የመብቴ ይከበርልኝ ብሎ መጠየቅ በመንግስት ጉዳይ መግባት የሚሆነው በባለጌዎች ዘንድ እንጂ ህግ በሚያውቁ ዜጎች ፊት ሊሆን አይችልም። እስከሚገባኝ ድረስ መንግስት በሃይማኖት ጉዳይ አይገባም፤ ሃይማኖትም በመንግስት ጉዳይ ማለት መንግሥታዊ ሃይማኖት አይኖርም፤ ወይም ሃይማኖታዊ መንግሥት የለም ማለት እንጂ ሃይማኖት ያላቸው ሰዎች ህገ መንግስቱ የሰጣቸውን ሃይማኖታዊ የመብት ጥያቄ አያቀርቡም ማለት አይደለም። አቶ ሼምየለሽ ከማል ግን የባለጌ መንግስት ውጤት በመሆኑ ዘወትር የሚያላዝንበትን የራሱን ህገመንግስት ትርጉም እንኳን በጭራሽ አያውቅም። ሰማያዊ ፓርቲ በጠራው ሰልፍ ላይ ሃይማኖታዊ ነጻነት ይከበር ብሎ መጠየቅ አይችልም? መንግስት በሃይማኖት ጉዳይ ጣልቃ ገብቷል፤ ይህም ህገመንግስቱን የጣሰ ስራ ነው ብሎ መጮህ አይችልም ማለት ነው?
እንዴት ጣሰ? መቼ ጣሰ? ለሚለው የፓርቲው ጥያቄ መንግስት አግባብነት ባለው የመልስ አሰጣጥ ሂደት ላይ ምላሹን ከሚሰጥ በስተቀር በባለጌ ወንበር ላይ ተቀምጦ በቴሌቪዥን ማስፈራራት ተገቢ ነው?
ፖለቲካዊ ነጻነት ይከበር፤ ህገ መንግስታዊ ነጻነት ይከበር ብሎ መጠየቅ አይችልም ማለት ነው? ወራዳ መንግስት ወትሮውንም ውርደቱን ገላጭ ከሆነ ማንነቱ መውጣት ስለማይችል መብቴ ይከበር ብሎ መጠየቅን እንደወንጀል ይቆጥረዋል። መብት በተከበረበት ሀገርማ ጓንታናሞ ይዘጋ፤ ታሳሪዎቹ ወደአሜሪካ መደበኛ እስር ቤቶች ይዛወሩ እስከማለት ድረስ ድምጽ ማሰማት ይቻላል። በፍርድ ቤት የተያዘን ጉዳይ ብቻ ሳይሆን የተፈረደባቸው ሰዎች ይለቀቁ እስከማለት የመጮህ መብት የተከበረ ነው። ሌሎች ህግንና ህግን ብቻ መሰረት አድርገው በሚፈርዱ ሀገራት ሳይቀር ሰልፍ ማድረግ ከተቻለ በባለጌው የኢትዮጵያ መንግሥት ፍርድ ቤት ውሳኔማ እንዴት አብዝቶ አይጮህ? እውነት ለመናገር ርእዮት ዓለሙ የኢትዮጵያን ህዝብ አነሳስታ፤ ጠመንጃ ተሸክሞ የተጫነብንን የአራት ኪሎውን ባለጌ መንግስት ለመገልበጥ ስትሞክር ተገኝታ ነው የታሰረችው? የባለጌው ማኅበር አባላት ሳይቀሩ በዚህ የብልግና አባባል ያፍራሉ። መቼም ባለጌ ራስ እንጂ ሰብአዊ ኅሊና የለውም። መንግስታዊ ባለጌም ኅሊና ቢስ ነው። ክብር የለሽ መንግስት! ቃላችሁን ተውሼ፤ መልሼ ብነግራችሁስ? ወራዳ መንግስት!!!
( ዐባይ ዐሥራት፤ ጀርመን)

(ዘ-ሐበሻ)  የኢትዮጵያ ጀግኖች አርበኞች ማህበር ፕሬዝዳንት ሊቀ ትጉሃን አስታጥቄ አባተ በከፍተኛ የማታለል ወንጀል ተጠርጥረው ወህኒ ወረዱ። ሊቀትጉሃን አስታጥቄ በተመሰረተባቸው ክስ ጠበቆቻቸው ዋስትና ቢጠይቁባቸውም ፍርድ ቤቱ ግን ዋስትና ለመፍቀድ ወይም ላለመፍቀድ ዛሬ ውሳኔ ይሰጣል ቢባልም ዘ-ሐበሻ ይህ ዜና እስከተጠናከረበት ጊዜ ድረስ የፍርድ ቤቱ ውሳኔ አልደረሳትም።

በፌዴራሉ ከፍተኛ ፍርድ ቤት 5ኛ የወንጀል ችሎት የማታለል ወንጀል ክስ የተመሰረተባቸው ሊቀ ትጉሃን አብረዋቸው ሁለት የማህበሩ አመራሮችም ክስ እንደተመሰረተባቸው መንግስታዊ ሚድያዎችም ጭምር ዘግበዋል። ለዘ-ሐበሻ እንደደረሱት መረጃዎች ከሆነ ሊቀትጉሃን በተለያዩ ክሶች የተከሰሱ ሲሆን ከነዚህም መካከል በ1998 ዓ ም ከአዲስ አበባ ከተማ አሰተዳደር ለአቅመ ደካማ ጀግኖች አርበኞች የተሰጠውን 25 የጋራ መኖሪያ ቤቶች ለግል ጥቅማቸውና ለወዳጆቻቸው አከፋፍለዋል የሚለው በዋነኝነት ተጠቅሷል።

የጥንታዊት ኢትዮጵያ ጀግኖች አንድነት ማህበር ሊቀመንበርና አጋሮቻቸው የማህበሩን ሃብትና ንብረት ያለአግባብ ለግል ጥቅማቸው እያዋሉትና እየመዘበሩት እንደሚገኙ፣ አንዳንድ የማህበሩ አባላት እንደገለጹለት ጠቅሶ አውስትራሊያ የሚገኘው ጋዜጠኛ ቅዱስ ሃብት በላቸው ከወራት በፊት ዘገቦ እንደነበር ይታወሳል።  ጋዜጠኛው  ባጠናቀረው ዜና መሰረት የማህበሩ ሊቀመንበር የሆኑት ሊቀ ትጉሃን አስታጥቄ አባተ ከጥቂት ግብረ አበሮቻቸው ጋር በመሆን ቁጥሩ ቀላል የማይባል ጥሬ ገንዘብና ንብረት ለግል ጥቅማቸው አውለዋል። ከዚህም መካከል በዓመት 800 ሺህ ብር ከሚከራየው ህንፃ 240 ሺህ ብር፣ እንዲሁም ካሳንቺስ አካባቢ የሚገኘው የማህበሩ ንብረት ከሆነው ቡና ቤት ኪራይ የሚገኘው 150 ሺህ ብር የት እንደሚገባ ተለይቶ እንደማይታወቅ የማሕበሩን ም/ፕሬዚዳንት ጨምሮ ሌሎች የማህበሩ አባላት ማስታወቃቸውን፤ ከዚህም በተጨማሪ የአዲስ አበባ መስተዳድር ለአቅመ ደካማ የማህበሩ አባላት እንዲከፋፈል የሰጠው 15 የቀበሌና 30 የኮንዶምኒየም ቤቶች ውስጥም የማህበሩ ፕሬዚዳንትና ጥቂት አመራሮች የግል ቤት እያላቸው ለራሳቸው ከመውሰዳቸውም በተጨማሪ፤ የተቀረውንም ቢሆን አብዛኛውን ለቤተሰቦቻቸውና እነርሱ ለሚቀርቧቸው ጥቂት አባላት ማከፋፈላቸው ታውቋል ሲል ጋዜጠኛ ቅዱስሃብት በላቸው ዘግቦ እንደነበር ይታወሳል።

የጥንታዊት ኢትዮጵያ ጀግኖች ማህበር ከ1928 እስከ 1933 ዓ.ም ድረስ በዱር በገደሉ ተማርተው የፋሺሽት ኢጣሊያን ጦር ድል አድርገው ከአገር ባባረሩ አርበኞች የተቋቋመ ማህበር ነው።

በሰኔ1- 1997 በመንግስት በግፍ የተጨፈጨፉ የሰላማዊ ትግል ሰማዕታትን ለመዘከር በአንድነት ለዴሞክራሲና ለፍትህ ፓርቲ ጽ/ቤት መርሀግብር ተዘጋጅቷል፡፡ መርሀግብሩ የህዝብ ድምፅ እንዲከበር በመጠየቃቸው በግፈኛው የኢህአዴግ ገዢ ቡድን የተደበደቡ፣የታሰሩና በየአደባባዩ የተገደሉትን ሰማዕታት ከመዘከር ባለፈ ብዙሀን የወደቁለት የዴሞክራሲያዊ ስርአት ምስረታ በኢትዮጵያውያን ህዝባዊ ንቅናቄ እውን እንዲሆን ቃልኪዳናችንን ምናድስበት ይሆናል፡፡ በመሆኑም በሀገራችን ዴሞክራሲያዊ ለውጥ እንዲመጣ የምትሹ ሀገር ወዳድ ኢትዮጵያውያን ቅዳሜ ሰኔ1 ቀን 2005 ዓ.ም ከቀኑ 8 ሰዓት ጀምሮ በአንድነት ለዴሞክራሲና ለፍትህ ፓርቲ ጽ/ቤት በመርሀግብሩ ላይ እንድትገኙ ተጋብዛችኋል፡

አድራሻ፡- ቀበና መድኃኒአለም ቤተክርስቲያን ፊት ለፊት

በአንድነት ለዴሞክራሲና ለፍትህ ፓርቲ የአዲስ አበባ ዞን

‘

‘To encourage world leaders to become part of a vast network, that promotes our commercial interests.

In the end, those leaders become ensnared in a web of debt that ensures their loyalty. We can draw on them whenever we desire to satisfy our political, economic, or military needs. In turn, they bolster their political positions by bringing industrial parks, power plants, and airports to their people. The owners of engineering /construction companies become fabulously wealthy.”

(የእኛን የንግድ ጥቅሞችን የሚያስጠብቀው የሰፊው መረብ አካል እንዲሆኑ የአለም መሪዎችን ማበረታታት።

በመጨረሻም እነዚህ መሪዎች በዕዳ ስለሚተበተቡ ለእኛ ”ታማኝ” /ታዛዥ/ ይሆናሉ።የፖለቲካ፣የኢኮኖሚ ወይም የወታደራዊ ፍላጎቶቻችንን ለማሳካት እንዳስፈላጊነቱ እንጠቀምባቸዋለን።በተቃራኒው ለህዝባቸው ኢንደስትሪዎችን፣የኃይል ማመንጫዎችንና የአውሮፕላን ጣቢያዎችን በማሰራታቸው የፖለቲካ ሥልጣናቸውን ያጠናክሩበታል።የእኛ የምህንድስናና የግንባታ ተቋማት ባለቤቶችም እጅግ ሀብታም ይሆናሉ።”)

/Excerpted from the Confession of an Economic Hitman/

የዮም ኪፑር /Yom Kippur/ ጦርነት በእስራኤልና በአረቦች መካከል ሲካሄድ የሪቻርድ ኒክሰን አስተዳደር ለእስራኤል ወገንተኝነቱን ከማሣየቱም በላይ የ2 ቢሊየን ዶላር እርዳታ ማድረጉን ተከትሎ ነዳጅ አምራች የአረብ ሀገራት በነዳጅ ዋጋና አቅርቦት ላይ ማዕቀብ በማድረጋቸው የአሜሪካ ኢኮኖሚ ለወራት የዘለቀ መናጋት ገጥሞት ነበር።እናም በወቅቱ የነበሩ ፖሊሲ አውጪዎች ከእንደዚህ አይነት ቀውስ በዘላቂነት ራሳቸውን ለመከላከል ያዘጋጁት መንገድ ሀገራትን የኢኮኖሚና የቴክኖሎጂ ጥገኛ ማድረግ ሲሆን ይህንንም ተፈፃሚ የሚያደርጉ ”ኢኮኖሚክ ሂትማን” በመባል የሚታወቁ ሃይሎችን አሰማርተው በርካታ ሀገራትን ከማይወጡት ዕዳ ውስጥ እንዲዘፈቁ በማድረግ ያለምንም መገዳደር ለአበዳሪ ሀገራት ተንበርካኪ እና የሃብት ምንጭ እንዲሆኑ ማድረግ ችለዋል።

በተመሳሳይ የኢኮኖሚ አቅሟ እየፈረጠመ የመጣው ቻይና ኤክሲም ባንክ ኦፍ ቻይና /Export-Import Bank of China/ በሚባለው እና ሌሎች የፋይናንስ ተቋሞቿ በኩል የበርካታ አፍሪካ ሀገራትን ጓዳ ባዶ ያስቀረች ሲሆን ሀገራችን ኢትዮጵያም በልማት ስም በወያኔ ፊታውራሪነት የዚህ ዘረፋ ግንባር ቀደም ሰላባ ሆናለች፤ እየሆነችም ነው።

የኢትዮጵያ እና የቻይና የግንኙነት መስመር ባለሁለት እርከን (Double Standard) ሲሆን ይኸውም፦

1ኛ. የቻይናና የኢትዮጵያ ህዝብ ግንኙነት፤

2ኛ. የቻይናና የወያኔ ግንኙነት ሲሆን የግንኙነት ዑደቱን አጠቃላይ ገፅታ ማየት የችግሩን ስፋትና ጥልቀት በቀላሉ እንድንገነዘብ ይረዳናል።

አንድ ፕሮጀክት በኢትዮጵያ ውስጥ ለመስራት የቻይና መንግስት በከፍተኛ ወለድና በረጅም ጊዜ የሚከፈል ብድር ያበድራል። ከብድሩ መፈቀድ ጎን ለጎን ፕሮጀክቱን በዋናነት እንዲሰራ ያለጨረታ ለቻይና ኩባንያ ይሰጣል።ይህ ማለት አብዛኛው ብር እዚያው ቻይና የሚቀር ሲሆን በንዑስ ኮንትራት /Sub-Contract/ ለወያኔ ድርጅቶች ከፕሮጀክቱ ውስጥ ትናንሽ ሥራዎች ይሰጣቸዋል።በዚህ ሳይወሰን ፕሮጀክቱን በዋናነት የያዘው የቻይና ካምፓኒ የሰው ኃይል ሳይቀር ከቻይና የሚያመጣ በመሆኑ ሰፊው የህብረተሰብ ክፍል የሚፈጠርለት የሥራ ዕድል ከጥበቃ እና ከሹፍርና የዘለለ አይሆንም ያውም በጣት ለሚቆጠሩ ሰዎች ብቻ። በፕሮጀክቱ መጠናቀቅና ርክክብ ወቅት የጥራት ጉዳይ እንዳይነሳ አስቀድመው ከላይ ያሉትን የወያኔ መሪዎች በሙስና የተበተቧቸው በመሆኑ ከደረጃ በታች የተገነቡ መንገዶች፣ድልድዮችና የኃይል ማመንጫዎች ባለቤት መሆን ችለናል።በዚህ የተዛነፈ የግንኙነት መስመር ትልቁን የተጠቃሚነት ድርሻ የቻይና የፋይናንስና የግንባታ ተቋማት የሚይዙ ሲሆን የወያኔ ተቋማት /ለምሳሌ ሱር ኮንስትራክሽን፣መሰቦ ሲሚንቶ ……..ወዘተ የመሳሰሉት/ በሁለተኛ ደረጃ ተጠቃሚነት ላይ ይገኛሉ። በሦስተኛ ደረጃ ተጠቃሚነት የሚገኙት ባንዳዎቹ የህወሃት ባለሥልጣናት ሲሆኑ የጥራት ጉዳይ እንዳይነሣ እንዲሁም ገና ከጅማሬው እንደዚህ አይነት ዕዳው የበዛ የንግድ ግንኙነት ምንዳ ምክንያት ሦስተኛ ደረጃ ተጠቃሚዎች ናቸው።

በተቃራኒው የኢትዮጵያ ህዝብ ትውልድን ተሻግሮ በሚዘልቅ ትልቅ ሀገራዊ ዕዳ /National Debt/ ውስጥ የተዘፈቀ ሲሆን ዛሬ ሀገራችን ኢትዮጵያ ልክ እንደቆላ ፍየል ዝናብ ሲያይ ”አስጠልሉኝ” የሚል የአስፋልት መንገድ ባለቤት ሆናለች።በእርግጥም ዛሬ በሀገራችን የሚገኙ አውራ ጎዳናዎች፣ቻይና ሰራሾቹ የአዲስ አበባ ጎዳናዎችና ድልድዮች ሁለት ክረምት መሻገር ተስኗቸው ከተገነቡበት ዋጋ በላይ ለጥገና በርካታ ወጪ እየወጣባቸው ይገኛል።

”የአበዳሪ እጅ ከላይ ነው” እንደሚባለው ዛሬ ”በዕዳ እንቀንስላችኋለን” ስም የጥራት ደረጃቸው ለጤንነት አስጊ የሆኑ የቻይና የፋብሪካ ምርቶች መዳረሻ ኢትዮጵያ ከሆነች ሰነባብቷል።

በሌላ በኩል የወያኔ መንግስት እነዚህን የመሳሰሉ ስንኩል ፕሮጀክቶችን የልማት ስኬት በማስመሰል በፕሮፓጋንዳ ማሽኖቹ ማለትም ኢ.ቲቪ፣ሬድዮ ፋና እና የኢትዮጵያ ሬድዮ በኩል በማሳየትና በማስነገር ራሱን ”ልማታዊ” ለማስመሰል በመጣሩ ”’ኢህአዴግ አምባገነን ቢሆንም ልማትን አምጥቷል” የሚሉ ጭፍን ግን ቁጥራቸው ቀላል የማይባል ”ምስክሮችን” እና ደጋፊዎችን ማፍራት ችሏል።ነገር ግን በሀገራችን ለሙ የተባሉት ፕሮጀክቶች፦

1ኛ. ከወጣባቸው ወጪ አንፃር ጥራታቸው ከደረጃ በታች እጅግ የወረደ መሆኑ፤

2ኛ. የተባሉት የ”ልማት” ሥራዎች ምን ያህል የሥራ ዕድል እና የቀጥታ ተጠቃሚነትን ለኢትዮጵያውያን ፈጠሩ?

3ኛ. የአበዳሪ እና ተበዳሪ ውሎች ለሚመለከታቸው የሚኒስቴር መስሪያ ቤት ሳይቀር ምስጢራዊ የሆኑ ይልቁንም በጣት በሚቆጠሩ የህወሃት ባለሥልጣናት መዳፍ ስር ብቻ የሚዘወሩ መሆናቸውና ሌሎች ተያያዥ ጉዳዮችን አንስተን ስንፈትሸው በእርግጥም ሀገራችንና ህዝቦቿ እየለሙ ሳይሆን እየተበዘበዙ እንደሆነ በቀላሉ መረዳት ይቻላል።

ዛሬ ዜጎቻችን በሀገራቸው ባዕድ ሆነው በምድራቸው ላይ በሚደረግ የኢኮኖሚ እንቅስቃሴ ባይተዋር እንዲሆኑ ከመደረጋቸውም ባሻገር የሀገራችን የተፈጥሮ ሀብት በጥቂቶች እጅ እየተበዘበዘ የቻይናን ኢንደስትሪዎች እየመገበ ይገኛል። ለሀገራችንና ህዝቦቿ ከተረፋቸው ትውልድን ተሻጋሪ ሀገራዊ ዕዳ በተጨማሪ የዜጎች ሰብዓዊና ዴሞክራሲያዊ መብቶች በወያኔ አብዮታዊ ዴሞክራሲያዊ ጡጫ ተደፍጥጠው ግልጽ ሆኖ በሚታይ ደረጃ በወያኔ ቅኝ አገዛዝ ሥር ይገኛሉ።

በመሆኑም ሀገራችንና ህዝቦቿ ለህወሃትና ጋሻጃግሬዎቹ የሀብት ምንጭ የሆነበትን የብዝበዛ ሥርዓት እንዲሁም በብረት ኃይል በኢትዮጵያ ህዝብ ላይ የተጫነውን የቅኝ አገዛዝ ማጋለጥ፣መቃወም እንዲሁም ይህን ሥርዓት ለማስወገድ በሚደረግ ትግል ውስጥ በንቃት መሳተፍ የዜግነትና የሞራል ግዴታችን ነው።

By: Beyene Mesfin.

“ታማኝ ለጥላሁንዬ የዲፕሬሽን መድሃኒቱ ነበር”

ከስንታየሁ በላይ
በቨርጂኒያ አካባቢ ቴሌቭዥን በጥላሁን ገሠሠ ስም የከፈተውና ጥላሁን ገሠሠ “ካገባቸው” በጣት ከሚቆጠሩት ሚስቶች መካከል የአንዷ የወ/ሮ ሮማን በዙ ወንድም ነኝ የሚለው መስፍን በዙ ከወያኔ ፍርፋሪ አገኛለሁ በሚል ከንቱ ህልም የጀግናውን ታማኝ በየነ ስም ሲያጠፋ ቆይቷል። መስፍን በዙ በኢሜይልና በዩቲዩብ በታማኝ በየነ ላይ እያደረሰ ያለውን በሃሰት የስም ማጥፋትን እስከዛሬ ድረስ ዝም ብዬ ንቄው ትቼው ነበር። ለዚህም ምክንያቴ የዚህን ጀግና አርቲስት ከተኛበት መቀስቀስ ይሆናል በሚል ነው። ሆኖም ግን አቶ መስፍን በጥላሁን ገሠሠ ስም መነገዱን ስለቀጠለበት ከአሁን በኋላ ግን ዝም የምልበት መንገድ አይታየኝም። ለዛሬው የጥላሁን ገሠሠ ልጅ ወ/ሮ ንጹኅብር ታማኝ ለአባቷ ስላደረገው ውለታ በህዝብ ለተወደደው አርቲስት ታማኝ በየነ ክብር ተዘጋጅቶ በነበረው የራት ምሽት ላይ የተናገረችውን ቪድዮ አቀርብላችኋለሁ። በተከታታይ ደግሞ ጥላሁን ገሠሠ አንድ እግሩን ካጣ በኋላ በቨርጂኒያ ውስጥ እየኖረ በነበረበት ወቅት በር እየተዘጋበት ሥራ እየተሄደ፤ በረሃብ ስለተጎዳባቸውና ስላዘነባቸው ጊዜያት፣ ሚኒሶታ ላይ በተደረገ ኮንሰርት የስኳር በሽታ እያለበት በአንድ ቀን 7 “ሬድቡል” (ሃይል ሰጪ መጠጥ) ማን እንዳጠጣው፣ እግሩን ባጣበት ወቅት “አንተ ሰውዬ እዚህ ተወዝፈህ ሶፋው ተቀደደ እኮ..” እያሉ በሞራሉ ሲረማመዱበት ስለነበረው፣ ሌሎችንም ታሪኮችን በማስረጃ በተደገፈ መልኩ “ሆድ ይፍጀው” ስል በውስጤ ይዤው የነበረውን ምስጢሮች ሁሉ አጋልጣለሁ።

ከመታሰቢያ ካሳዬ
1ሚ. ብር አበድሬአቸዋለሁ የሚል ድርጅት ክስ ሊመሰርት ነው የአዋሣው ቤታቸው ተሸጦ ስም መዛወሩ እያነጋገረ ነው

እጅግ የተከበሩ የአለም ሎሬት አርቲስት አፈወርቅ ተክሌ ንብረት እያወዛገበ ነው፡፡ አርቲስቱ በሕይወት ሳሉ አንድ ሚሊዮን ብር አበድሬአቸዋለሁ የሚል ድርጅት ለክስ ወደ ፍርድ ቤት ማምራቱን ምንጮች ገልፀዋል፡፡ ሎሬት አፈወርቅ በህይወት ሳሉ የስዕል ሥራዎቻቸውን፣ ቪላ አልፋንና ሙሉ ንብረታቸውን ለመንግስት ማውረሳቸውን ተከትሎ፣ መንግስት ንብረቱን ለመረከብ እንቅስቃሴ ጀምሮ እንደነበር ይታወቃል፡፡ የእኚሁን ታላቅ አርቲስት ንብረት ለማጣራትና ለመመዝገብም ከፍርድ ቤት፣ ከታዋቂ ሰዎችና ከሙያ ባልደረቦች የተውጣጣ ኮሚቴ ተቋቁሞ ምዝገባና ቆጠራ ቢጀመርም ፍፃሜ ሣያገኝ ተቋርጧል፡፡ ሎሬት አፈወርቅ ተክሌ በህይወት ሣሉ የአክሲዮን ባለ መብት ለመሆን አንድ ሚሊዮን ብር ወስደዋል በሚል የአርቲስቱን ስዕሎች ይሸጥ በነበረ አንድ የማስታወቂያ ድርጅት ክስ ሊመሰረት መሆኑን ምንጮች ጠቁመዋል፡፡

ጉዳዩ በፍርድ ቤት እልባት እንዲያገኝ ለኮልፌ ምድብ ችሎት ተመርቶ እየታየ መሆኑን የጠቆሙት ምንጮች፤ ለጊዜው የንብረት ምዝገባና ቆጠራው መቋረጡን ገልፀዋል፡፡ በአዋሣ ከተማ የሚገኘውና በሎሬት አፈወርቅ ተክሌ ስም የተመዘገበው ቤት በቀድሞ ባለቤታቸው አማካኝነት መሸጡን የጠቆሙት ምንጮች፤ የቤቱ ስም የተዛወረበት አሠራር ሕጋዊነት አነጋጋሪ እየሆነ መምጣቱን ጠቁመዋል፡፡ በሎሬት አፈወርቅ ተክሌ ስም በለንደንና በስኮትላንድ ባንኮች ያለ ገንዘብ እንዲመለስ ጥረት እየተደረገ ሲሆን በተለያዩ አገራት ያሉ ስዕሎችና ንብረቶችን ለማስመለስም እየተሞከረ ነው ተብሏል፡፡ የአርቲስቱ ንብረት ካለባቸው አገራት መካከልም ንብረቱንና ገንዘባቸውን ለመመለስ ፈቃደኛ የሆኑና በመመለስ ሂደት ላይ የሚገኙ እንዳሉ ተጠቁሟል፡፡

የሎሬት አፈወርቅ ተክሌ ቪላ አልፋ፤ በኮሚቴዎቹ ሲከፈት በሺዎች የሚቆጠር ፓውንድ በካዝናቸው ውስጥ መገኘቱንና ይህም በንብረት ዝርዝር ላይ ተመዝግቦ መያዙን ምንጮች ገልፀዋል፡፡ በፍርድ ቤት ጉዳይ የተቋረጠው የሎሬት አፈወርቅ ንብረት ቆጠራና ርክክብ መዘግየት በንብረቱ ላይ አደጋ ሊያስከትል እንደሚችል የጠቆሙት ምንጮች፤ እጅግ ውድ ዋጋ ያላቸው ስዕሎቻቸውና የአርቲስቱ የመኖሪያ ቤትና የስዕል ስቱዲዮ የሆነው ቪላ አልፋም የመበላሸት አደጋ አንዣቦበታል ብለዋል፡፡ የሎሬት አፈወርቅ ተክሌ የቀብር ሥፍራ ምንም አይነት የማስታወሻ ሐውልት ሣይሰራበት መቅረቱን የጠቀሱት ምንጮች፤ ከጥቂት ጊዜ በኋላ የቀብራቸው ሥፍራ ሊጠፋ ይችላል የሚል ሥጋት መፈጠሩን ገልፀዋል፡፡

ምንጭ፡ አዲስ አድማስ ጋዜጣ የዛሬ ሰኔ 1 ቀን 2005 ዕትም

(ከያሬድ ኤልያስ)
አስታውሳለው ልክ የዛሬ 8 አመት ሰኔ 1 1997 ልክ ከቀኑ 11፡00 ሰዓት ላይ ነበር ከረንቡላ ከምንጫወትበት የመዝናኛ ክበብ ባስቸኳይ እንድትወጡ የሚል ትዕዛዝ እዛው በዕለቱ ይሰሩ የነበሩ ሰዎች ይደርሰንና እንወጣለን የተክለዓይማኖት አካባቢ እንደወትሮ ሰው የሚበዛበት ብቻ አልነበረም ይልቁንም ከእድገት በስራ እና ከአለምማያ ትምህርት ቤት ልጆቻቸውን ለማምጣት የሚሮጡት እናት አላስችል ብሏት ከ3 ሰዓት በፊት በሰላም ትምህርት ተምረክ ናሃ ብላ የላከችውን ልጇን በ እነዛ ሰው በላ አጋዚ እንዳትነጠቅ ላይዋ እላይ እንኳን ምንም ነገር ሳታደርግ እንጀራ ከምትጋግርበት ማዕድ ቤት ወጥታ ሩጫዋን ወደ ተክለዓይማኖት ቤተክሪስቲያን ሽቅብ ትወጣለች ሌላዋ እናት ደግሞ ጉሊቷን መተዳደሪያዋን ከእጅ ወደ አፍ የሆነ ህይወቷን እንደተወች ሌላው ደግሞ መርካቶ በንግድ ስራ ላይ የሚተዳደረው ሱቁን ዘግቶ ወደመኖሪያው እግሬ አውጪኝ ይላል ብቻ የነበረው ሁኔታ ዘግናኝ ነበር
እኔን ጨምሮ 5 ጓደኞቼ የዛሬን አያድርገውና በወቅቱ የምርጫ 97 በጣም ታዋቂ የቅንጅት ቀስቃሽ በአሁን ሰዓት የወያኔ የወጣቶች ዋና ሊቀመንበር ከሆነው ሰው ጋር አብረን ነበርን በዕድሜም በለጥ ስለሚለን ያለንን እሺ ነበር የምንለው ታዲያም ግርግሩ ወደ ተቀሰቀሰበት አካባቢ ለምን አንሄድም ከዚሁ ካልኳችሁ ሰው የመጣ አሳብ ነበር በወቅቱ እድሜ ለቅንጅት መሪዎች ብለን ሰለወያኔ ምንነት ማንነት የዛሬን አያደርገውና ኢቲቪ ላይ በጣም ብዙ ነገር አሳውቀውን ነበር ሰለዚህም ግጭቱ ተቀሰቀስ ወደተባለበት ቦታ አመራን ያው ግን የደረሰነው በርበሬ ተራ ነበር ከዛ ወደላይ ማለፍ ግን አይቻልም ነበር ሆኖም ግን ፌደራል ፖሊስ የነበሩት በአብዛኞቹ ዱላና ዱላ ስለያዙ ብዙም አልፈራንም ነበር ያው አጠገባቸው ጋር ባንደርስም መጮዋችንን ግን አላቆምንም ነበር ግን ብዙም ስላልቻልን እያፈገፈግን ጉዞአችንን ወደመጣንበት ወደሰፈራችን ገባን የወረዳ 3 አካባቢ ከወትሮ ለየት ባለ መልኩ ሰዉ ሁሉ ከቤቱ በራፍ ላይ ሆኖ ከመርካቶ በመመለስ ላይ የነበረውን ወጣት ይመለከትና ይደግፍ ነበር በወቅቱም ፡
አትነሳም ወይ
አትነሳም ወይ
ይሄ ባንዲራ ያንተ አይደለም ወይ የሚለውንና ሌላም እየተዘመረ፦ ከዚህ ሁሉ በኋላ ነበር በግምት ከቀኑ 9፡ 30 አካባቢ ላይ አጋዓዚ የተባለው ወታደር ቀይ ኮፍያቸውንና ስናይፐር መሳሪያቸውን በ1 ፒካፕ 7 ሆነው የመጡትና ይቅርታ ሊያስጠይቅ የማይችልና ታሪክን ለዘላለም ያጠፉበትን ነብስ ማጥፋት የጀመሩት ከዚያማ መሮጥ የቻልነውና ሮጥን ሰው ቤት መደበቅ የቻልነውም እንደዛው ሆነና ያው ዛሬ ላይ ቁጭ ብለን የዛን ግዜ የነበረውን እንደታሪክ እያነሳን እናወራለን ሌላውማ እንደ አድራ አይነቱ የዛሬን ቀን ማየት ተስኖት ሜዳ ላይ ቀርቷል። ከዚያማ ምኑ ቅጡ ወያኔ የፈጸመውን የህዝብ ድምጽ ማጭበርበርን በመቃወም የህዝብ ድምጽ እንዲከበር በአደባባይ በሰላማዊ መንገድ መጠየቃቸን ወንጀል ተደርጎብን በጥይት ተደበደብን፣ ታሰርን እናት ሆይ ደግሞ ልጆቼን በሌሊት መጥተው ወሰዷቸው” ብላ አለቀሰች፣ እናቶችልጆቻቸውን ወደ ሆዳቸው መዋጥ ቢችሉ ኖሮ ያን ግዜ ጥሩ ነበር ። ልጆቻቸውን መልሰው አይውጧቸው ነገር ሆነባቸው እናቶች፣ ሆስፒታሎች በእናቶች ለቅሶዎች፣በቁስለኞች እና በእሬሳ ተሞሉ፣ የገዢው ቡድን ደጋፊ ያልሆነ ወጣት ታሰረ፣ ተጋዘ፣ ተደበደበ፣ ተገደለ እንደደርግ ዘመን፣ ካለ ምንም ክስ እና የፍርድ ቤት ማዘዣ ወታደሮች በየግቢው እየገቡ ወጣቶችን እየለቀሙ ወደማይታወቁ ቦታዎች ወሰዱ፣ እስረኞች ከአካባቢዎች በወታደር የጭነት መኪናዎች እየተጠቀጠቁ ማንም ወደማይደርስበት አካባቢ ተጓዙ፣

በወቅቱ አጠገባችን ጋር በአጋዓዚ ጭንቅላቱን ተመትቶ የሞተው ጓደኛችን እድሜ እዛው ሰፈር ላለ አንድ ሰው በወቅቱ እሱ እና የሰኔ 1 ዝናብ ባይኖር ኖር የጓደኛችን እሬሳም ወደ ሆስፒታል ይሄድና የፈረደባት እናት የደረሰባት ችግር አልበቃ ብሏት እንደገና የልጇን እሬሳ ለመወሰድ ብር ትጠየቅ ነበር ደግነቱ ዝናቡ ፌደራሎቹን ጋብ አድርጓቸው ስለነበር የአድራን ሬሳ ተሸክመን እናቱ ቤት አስገባነው ከዛ በዑላ እዛ አካባቢ ድርሽ እንድንል እንኳን አልተፈቀደልንም አብረን አፈር ፈጭተን ያደግነውን ጓደኛችንን እንኳን ለመቀበር አልታደልንም መጨረሻው ግን የሚያሳዝነው በወቅቱ እኛን ሲቀሰቅሰን የነበረው እና ይሄን ሟች ልጅ ከቤቱ ጠርቶ ወደዛ እንዴሄድ ያደረገው ልጅ በአሁን ሰዓት የወያኔ የወጣቶች ሊቀመንበር እንደሆነ ስሰማ በጣም ገርሞኛል ነገር ግን ይህ ልጅ ከ 19 97 በፊት በጣም ብዙ ክስ ያለበትና በፖሊስ የሚፈለግ ነበር ያው ግን ወያኔ እንደዚህ አይነቱን መጠቀሚያ ሲያደርገው ማየት ደግሞ ያማል ለነገሩ በኢትዮ ኤርትራ ጦርነት ያንን በሙሉ ወጣት ሲያስጨርስ እንደዚሁ ክስ የነበረበትን ማለትም በሌብነት በሌላም ነገር ተጠርጥረው በፖሊስ የሚፈለጉ ሰዎችን ክሱ ከትግል መልስ ይሰረዛል እየተባሉ ሄደው ነው ምንም በማያወቁት እንደ እሳት ማገዶ የሆኑት በመጨረሻም ከ8 ዓመት በፊት ሜዳ ላይ በእርኩስ ኢትዮጵያዊ ባልሆኑ አጋሃዚ ተብዬዎች ህይወታቸውን ላጡ ወንድሞቼ ያለኝን ክብር ልገልጽ እወዳለው ለቤተሰቦቻቸውም ሁልግዜም መጽናናትን እመኛለሁ::

በግብጽ ረዳትነት፣ በሱዳን መሪነት መንግስት ለመሆን የበቃው ህወሃት/ኢህአዴግ ግዙፉን የጣና በለስ ፕሮጀክትና ንብረቱ እንዲዘረፍ ያደረገበትን ምክንያት በማንሳት መከራከር እንደሚያስፈልግ ተጠቆመ። የግብጽ ፕሬዚዳንት ሙርሲ እንዳደረጉት በአገር ጉዳይ ሁሉንም ያሳተፈ ግልጽ አቋም እንዲያዝና አጋጣሚውን በመጠቀም ብሔራዊ ህብረት እንዲፈጠር ኢህአዴግ በሩን ሊከፍት እንደሚገባ ተገለጸ።

በተለያዩ ጉዳዮች ምክንያት ስማቸው እንዳይጠቀስ በማሳሰብ ለጎልጉል አስተያየት የሚሰጡት የኢህአዴግ ሰው እንዳሉት በርካታ ጉዶች ያሉበትን የአባይን ግድብ ተከትሎ ከግብጽ ጋር የተነሳው ውዝግብ አስቀድሞ የሚታወቅ የፕሮፓጋንዳ ዘመቻ ስልትና ውጤት ነው።

አሁን ድረስ አገር እየመራ በነጻ አውጪ ስም የሚጠራው ህወሃት/ኢህአዴግ አዲስ አበባ ሲገባ “ዲሞክራሲ አመጣሁ” በማለት ኢትዮጵያን መምራት እንደጀመረ የሚያወሱት የኢህአዴግ ሰው፤ አቶ መለስ ብቻቸውን ይነዱት የነበረው ኢህአዴግ እንደፈለገ ቆዳውን እየቀያየረ የተጠቀመበትንና በእስስት በመመሰል “ከሽፏል የሚሉትን” ስልት ያብራራሉ።

በዲሞክራሲ ስም የተጀመረው የኢህአዴግ አገዛዝ ቆየት ብሎ “ልማታዊ ነኝ፣ ልማት ግቡን የሚመታው በአብዮታዊ ዲሞክራሲ ቀመር ነው” በማለት ፕሮፓጋንዳውን አሰፋ። የልማት ህልመኛነቱ ሲነቃበት “የትራንስፎርሜሽን ዘመቻ” በማለት አዲስ የፕሮፓጋንዳ እቅድ ነድፎ ህዝብና አገር ሲያታልል ቆየ። ይህም አላራምድና በህዝብ የመታመን ድል ሊያስገኝለት እንደማይችል ሲታመን “የህዳሴያችን ግድብ” ተብሎ አባይ አጀንዳ እንደተደረገ ያመለከቱት ዲፕሎማት፤ “ኢህአዴግ አገር ውስጥ የሚያምታታባቸው መንገዶች ሲጠናቀቁበት የፕሮፓጋንዳውን ዘመቻ አንድ ደረጃ ከፍ አደርገው” በማለት አሁን ከግብጽ ጋር ስለተጀመረው ውዝግብ አስተያየታቸውን ይጀምራሉ።

አባይን በመገደብ ኢትዮጵያን በልማት ለማሳደግ እየተጋ እንደሆነ የሚናገረው ኢህአዴግ፤ አስቀድሞ በመላው የብአዴን የበታች አመራሮችና በመላው የኢትዮጵያ ህዝብ ዘንድ ከፍተኛ ቅሬታና ቂም ስላስቋጠረው የጣና በለስ ሰፊ ፕሮጀክት ዝርፊያና ውድመት የጠራ መልስ ሊሰጥ እንደሚገባ ዲፕሎማቱ ይናገራሉ።

በጣሊያን መንግስት ሙሉ ድጋፍ አባይ ወንዝን መሰረት አድርጎ የተገነባውን የጣና በለስ ፕሮጀክት ህዝብ እያየ አፈራርሰው እንደወሰዱት፣ የተዘረፈው ንብረት ወደ ኤርትራ እንዲጓጓዝ መደረጉን ያመለከቱት እኚሁ ሰው፣ “ጣና በለስን አፈራርሶ ያስዘረፈ ፓርቲና አመራሮቹ አሁን አባይን ለመገደብ የተነሱበት መነሻ ለአብዛኛው የኢህአዴግ አባላት እንቆቅልሽ ነው” ባይ ናቸው። በማያያዝም በወቅቱ ዝርፊያው ሲካሄድ ህዝብ አካፋና ዶማ በመያዝ “ንብረቱ አይዘረፍም” በማለት መንገድ በመዝጋቱ ዝርፊያው በሌሊት እንዲካሄድ ያደረገ ድርጅት እንዴትስ ይታመናል የሚል ጥያቄ ያነሳሉ።

“ኢህአዴግ የህይወት ዘመኑ የሚጠናቀቅበት ጠርዝ ላይ ስለሚገኝ፣ በአባይ ጉዳይ አመካኝቶ ህዝባዊ ማዕበል ለማቀጣጠል አቅዷል። የአባይ ጉዳይ ከዚህ የተለየ ተግባርና ዓላማ የለውም” የሚሉት አስተያየት ሰጪ፣ የጣና በለስ ፕሮጀክት እንዲወድም መመሪያ የተሰጠው ከግብጽ እንደነበር መረጃ እንዳላቸው አመልክተዋል። የኢትዮጵያ ቀንደኛ ታሪካዊ ጠላት የሆነችው ግብጽ አባይ ላይ የሞትና የህይወት አቋም ቢኖራትም አሁን የተጀመረው ውዝግብ ከወሬ የዘለለ ግጭት እንደማያስነሳም ተናግረዋል።

በግብጽ አሁን ያለውን የፖለቲካ ትኩሳት ለማስቀየር እየሰሩ ያሉት ፕሬዚዳንት ሙርሲ፣ የአባይን ጉዳይ ልቡን ከነፈጋቸው የአገራቸው ህዝብ ጋር ቃል ኪዳን ለማድረግ እንደሚጠቀሙበት ያመለከቱት አስተያየት ሰጪ፣ የአገራችን ተቃዋሚዎች እንደ ግብጽ ተቃዋሚዎች መጫወቻ እንዳይሆኑ ይመክራሉ። “ኢህአዴግ የሚቃወሙትን ፓርቲዎች አባይን ተንተርሶ በአገር ክህደትና የአገርን ብሔራዊ ጥቅምን በመጻረር ፈርጆ ከህዝብ ጋር ሊያጋጫቸው ተዘጋጅቷልና ከወዲሁ ዝግጅት አድርጉ” ሲሉ ይመክራሉ።

በሌላ በኩል ሙርሲ እንዳደረጉት ኢህአዴግ በወቅቱ ጉዳይ ላይ ያለ አንዳች ቅድመ ሁኔታ የተቃዋሚ ፓርቲ አመራሮችን ሊያነጋግር እንደሚገባ የአዲሲቷ ኢትዮጵያ የጋራ ንቅናቄ /አኢጋን/ ዋና ዳይሬክተር አቶ ኦባንግ ሜቶ ለጎልጉል ተናግረዋል።

አቶ ኦባንግ እንደሚሉት “አገር የህዝብ ነው። ህዝብ በተለያየ መልኩ ይወከላል። ከሚወከልበት መንገድ አንዱ የተቃዋሚ ፓርቲዎች ናቸው። አገርን አስመልክቶ በየደረጃው ያሉ የህዝብ ወኪሎችን ማግለል ህዝብን የማግለል ያህል ነው። ይህን ማድረግ ይቅር የማይባል ወንጀል ይሆናል”

አገር ቤት ያሉትን ብቻ ሳይሆን በውጪ አገር ያሉትንም ፓርቲና ድርጅቶች በዚህ ጉዳይ ማነጋገር ግድ መሆኑንን ያመለከቱት አቶ ኦባንግ “ለዚህ አገራዊ ውይይት ማንኛውም ዓይነት ቅድመ ሁኔታ ሊቀመጥ አይገባም” ብለዋል።

አጋጣሚው ለምንናፍቀውና ሁሉንም የአገሪቱን ህዝብ በእኩል ደረጃ ለማስተናገድ የሚያስችል ስርዓት ለመፍጠር እንደሚረዳ አቶ ኦባንግ ጠቁመዋል። የተለየ አመለካከት በማራመዳቸው ብቻ ዜጎችን እስር ቤት በማጎር እስከ ወዲያኛው መዝለቅ እንደማይቻል ያመለከቱት አቶ ኦባንግ፣ ጠቅላይ ሚኒስትር ሃይለማርያም ደሳለኝ የውይይት በር በመክፈት የማያልፍ ታሪክ ሊሰሩ እንደሚገባ መክረዋል።

“ሙስሊም ወንድሞች ፍትህ የጠማቸው ኢትዮጵያዊ እንደሆኑ የሚያረጋግጡበትን መድረክ አቶ ሃይለማርያም በማመቻቸት የማይረሳ ታሪክ ሊሰሩ ይገባል” በማለት ጥሪ ያስተላለፉት አቶ ኦባንግ “አገር የህወሃት አይደለችም፤ አገር የኢህአዴግ አይደለችም፣ አገር የግለሰቦች አይደለችም። አገር የሁሉም ነው። ባገር ጉዳይ ባይተዋር ሊደረጉ የሚገባቸው ዜጎች ሊኖሩ አይገባም። ኢህአዴግ ይህን ጉዳይ ሊያስብበትና በሩን ለእርቅና ለውይይት በመክፈት ህዝብንና ራሱን ተጠቃሚ ሊያደርግ ይገባል” ብለዋል።

“ባድመ በተወረረች ጊዜ የተፈጠረው ህብረት በስተመጨረሻ በክህደት መጠናቀቁ፣ በዜጎች አጥንትና ደም ላይ የአገር ብሔራዊ ጥቅም ተላልፎ እንዲሰጥ መደረጉና በበርካታ ቁልፍ አገራዊ ጉዳዮች ኢህአዴግ በህዝብና በአባላቱ ጭምር እምነት ያጣ ፓርቲ ነው” በማለት ኢትዮጵያ የከፋ ችግር ቢያጋጥማት እንዴት ልትቋቋም ትችላለች የሚል ስጋት እንዳላቸው አቶ ኦባንግ አመልክተዋል።

ስርዓቱ በየደረጃው በችግር የተተበተበና በህዝብ የማይታመን፣ በአስር ሺህ የሚቆጠሩ ወገኖችን እስር ቤት ያጎረ፣ በሰብአዊ መብት ጥሰት ከፍተኛ ቂም የተቋጠረበት፣ ፍትህና ርትዕ የተጓደለባቸው ያዘኑበት፣ በየአቅጣጫው ጠላት ያከማቸ፣ አገርን የሚፈትን አደጋ ቢፈጠር ህዝብን አስተባብሮ አደጋውን ለመመከት የማይቻልበት ደረጃ መድረሱን የገለጹት አቶ ኦባንግ “ኢህአዴግ አጋጣሚውን አሁንም ሊጠቀምበት ይገባል” ሲሉ በድጋሚ ጥሪ አቅርበዋል።

አቶ ኦባንግ የሰማያዊ ፓርቲ ያስተባበረውን ሰላማዊ ሰልፍ ተከትሎ ኢህአዴግ ክስ ለመመስረትና ዜጎችን ለማሰር እያደረገ ያለውን ዝግጅት በመቃወም ሰሞኑን ለአቶ ሃይለማርያም ደሳለኝ ግልጽ ደብዳቤ መጻፋቸው ይታወሳል። ከደብዳቤያቸው በተጨማሪ ከተለያዩ አካላት ጋር በመነጋገር ኢህአዴግ ዜጎችን ከማሰሩ በፊት ሊደረጉ ስለሚገባቸው ጉዳዮች መግባባት ላይ መደረሱን ጨምረው ገልጸዋል።

ይህ በእንዲህ እያለ የአባይ ግድብን አስመልክቶ በከፍተኛ ደረጃ ውዝግብ ውስጥ የገቡት ኢትዮጵያና ግብጽ መጨረሻቸው ምን ሊሆን እንደሚችል ከወዲሁ በርካታ አስተያየትና ትንተና እየቀረበበት ነው። ሁለቱ አገሮች ወደ ጦርነት አያመሩም፤ ለፕሮፓጋንዳ ፍጆታ ከመጠቀም ውጪ ሌላ አጀንዳ የላቸውም የሚሉ ያሉትን ያህል ግብጽ በጦር አቅሟ ያላትን የበላይነት በማመልክት ባልታሰበ ሰዓት ጥቃት ለመፈጸም መዘጋጀቷን የሚያትቱም በርካታ ናቸው።

የግብጽ ፕሬዚዳንት ከተቃዋሚዎች ጋር ያደረጉትና ይፋ የተለቀቀው ቪዲዮ ላይ “ተቃዋሚዎችን በመርዳት ኢትዮጵያን ማተራመስ፣ ኢትዮጵያን መደብደብ ነው … ” በማለት ሲዝቱ የነበሩት ጽንፈኛ ጨምሮ የተለያዩ ባለስልጣናት የከረረ ቃላት ሲወረውሩ ሰንብተዋል። ኢትዮጵያም በበኩሏ የግብጽን አምባሳደር በማስጠራት ማብራሪያ እንዲሰጣትና በይፋ ይቅርታ እንድትጠይቅ ማዘዟን ይፋ አድርጋለች።

ግብጽ በችግር መተብተቧን፣ የሶማሌ መበታተንና፣ የሱዳን ሁለት አገር መሆን፣ የኤርትራ መሽመድመድ ኢትዮጵያን በቀጠናው ጉልበት ያላት አገር አድርጓታል የሚሉ ተንታኞች በበኩላቸው ግብጽ ወደ ጦርነት እንደማታመራ ሰፊ መከራከሪያ በማቅረብ ይናገራሉ። ከግድቡ ግንባታ ጀርባ ተጽዕኖ ፈጣሪ የሚባሉ አገሮች እጅ እንዳለበትም የሚጠቁሙ ዘገባዎች በየፊናው ተሰራጭተዋል።

“ኤርትራ ተነፈሰች” የሚሉ አስተያየት ሰጪዎች፣ አሁን በተፈጠረው ሁኔታ ግብጽ ተቃዋሚዎችን ለመርዳት ከተንቀሳቀሰች ኤርትራ ርዳታውን በማከፋፈልና ቀድሞውንም ቢሆን ኢትዮጵያ ብሄራዊ አንድነቷን የጠበቀች ጠንካራ አገር እንድትሆን ስለማትፈልግ በችግሩ ዙሪያ ቤንዚን ለማርከፍከፍ አጋጣሚው እንደሚመቻችላት ያስረዳሉ። የአረብ ሊግ የክብር አባል የሆነችው ኤርትራ ከኢትዮጵያ ተቃዋሚዎች ጋር በተያያዘ በበርካታ ጉዳዮች የምትታማ አገር እንደሆነች የሚታወስ ነው።

ዘግይታ “እኔ ከግብጽ የተለየ አቋም ነው ያለኝ” በማለት የገለልተኛነት ስሜት እንዳላት ይፋ በማድረግ ለግብጽ የድጋፍ ጥሪ መልስ የሰጠችው ሱዳን እንደማትታመን የሚግለጹ ደግሞ “አቶ መለስ ደቡበን ሱዳን ላይ ሲከተሉ በነበረው አቋምና ደቡብ ሱዳን እንድትገነጠል በመናደረጓ ሱዳን አቂማለች” ይላሉ፡፡ እንደነዚሁ አስተያየት ሰጪዎች ምንም ይሁን ምን በአገር ውስጥ ያለውን ችግር በውይይት በመፍታት ብሔራዊ አንድነትና ህብረትን ማጠናከሩ ለኢትዮጵያ እጅግ አስፈላጊዋ ነው። ስለዚህ “በር ይከፈት በአባይ ጉዳይ አገራዊ አቋም እንያዝ” የሚለው የአቶ ኦባንግ ብቻ ጥያቄ አይደለም።

http://www.goolgule.com/abay-dam-tana-beles-and-eprdf/

መስፍን ወልደ ማርያም

ሰኔ 2005

ከጥቂት ቀናት በፊት አንዳንድ ሰዎች በዓባይ ጉዳይ ቀረርቶና ሽለላ ማሰማት ሲጀምሩ ከባድ የሆነ የመረጃ እጥረት መኖሩን ስለተገነዘብሁ ስለግብጽ የኃይል ሚዛን ደረቅ መረጃ የጦርነትን መጥፎ መልክ ከሚገልጽ አስተያየት ጋር አቀረብሁ፤ የወያኔ ሎሌዎች ወዲያው በእኔ ላይ የተቀናጀ ዘመቻ ከፈቱ፤  ድንቁርናው ከዚህ ይጀምራል፤ ማሪዮ ፊልሞና ብሩኖ ‹‹በአፍራሽአስተሳሰባቸው የሚታወቁት ፕሮፌሰር መስፍን ወልደማርያም ዛሬም የግብጽን ጦር ገና ከሩቁ እንድንገብርለትጉትጎታ ይዘዋል፡፡›› በማለት ውርጅብኙን ይጀምራል፤ አንድም ቦታ እኔ ያቀረብሁትን መረጃም ሆነ አስተያየት አንሥቶ ጉድለትን አላሳየም፤ ዓላማው መረጃው ወይም አስተያየቱ አይደለም፤ ለረጅም ጽሑፉ ዓላማው እኔ ነኝ፤ የአሉላ ሰሎሞን ጆቫኒ የግጥም ዓይነት መልክ ከመያዙ በቀር ያው ነው፡፡

ለእነዚህ ሰዎች መልስ የሚያስፈልጋቸው በእኔ ላይ የሰነዘሩትን ለማረም አይደለም፤ አንዳንድ ሰዎች መልስ አይገባቸውም ይሉኛል፤ እውነት ነው፤ እኔ በሥራዬ እቆማለሁ፤ ወይም በሥራዬ እወድቃለሁ፤ ነገር ግን ንጹሐን ወጣቶችን አዋቂዎች መስለው እንዳይበክሉ መከላከል ግዴታ ነው ብዬ አምናለሁ፤ ድንቁርና እንደተላላፊ በሽታ ነው፤ ይጋባል፡፡

ድንቁርና መጥፎነቱና አደገኛነቱ ከኋላውም ሆነ ከፊቱ የሚያይበት ዘዴ አለመኖሩ ነው፤ ለዛሬ፣ ለሆድ ብቻ መኖርን ዕለታዊ ዓላማው የሚያደርግ ነው፤ አንጎሉ በድንቁርና የተሞላ ለምንም ሌላ ነገር ቦታ የለውም፤ ይህ ድፍን ወይም ፍጹም ድንቁርና ነው፤ ተስፋ-ቢስ ነው፤ አንጎሉ ውስጥ ድንቁርና ያልደረሰበት ትንሽ ቦታም ቢሆን ከአለ የእውቀትን ዘር ለመዝራትና ብርሃን ለመፈንጠቅ ዕድል ይኖራል፤ አለዚያ ድቅድቅ ጨለማ ነው፡፡

ፊልሞን በሚል ስም ራሱን የሚጠራው ከሽፍንፍን መውጣት ያልቻለው ፈሪ ፊደልን ብቻ የተማረ መሀይም ነው፤ ይህንን አንብበህ መልስ ስጥበት ብሎ ያዘዘው ሰው የእኔን ጽሑፍ ካልሰጠው በቀር የእኔ ስም ባለበት ሰሌዳ ደርሶ ከሆነ ሰውዬው የማየት ችግርም አለበት ማለት ነው፤ በሰሌዳው  መጀመሪያ ገጽ ላይ የእኔ መጽሐፎች ሽፋኖች ይታያሉ የሎሌነቱን ተግባር ለመፈጸም የቀባጠረውን በዝምታ ማለፍ እሱን ራሱንም ሆነ በተለይም የአነበቡትን ሰዎች መጉዳት ሰለመሰለኝ ከእውነቱ ጋር እንዲጋፈጥ ማስገደድ ይገባኛል፤ ባንዳውን ምሁር ፕሮፌሰር አፈወርቅ ገብረ ኢየሱስን ማወቁን ሳደንቅለት ኃይለ ሥላሴ ጉግሳንና ጭፍሮቹን እንዳልረሳቸው ተስፋ አለኝ፡፡

 እኔ እስከማውቀው ድረስ አሁን በስልጣን ላይ ያለው መንግስት ከእርሳቸው በበለጠ የጦርነትን ምንነት ጠንቅቆ የሚረዳ እናየጦርነትን አስከፊነት እንደክቡርነታቸው በቴሌቪዥን ሳይሆን በተግባር የሚረዳ ይመስለኛል:: እናም የሃገራችን ጥቅምለማስከበር በሚደረገው ሰላማዊ እና ፍትሃዊ ስራ ከጎን ከመቆም ይልቅ በተንኮላቸው የማይወዱትን አካል ጠልፎ ለመጣልእስከጠቀመ ድረስ የሃገርን ጥቅም ለመሸጥ ጉጉነታቸውን አይቸበታለሁ፡፡

ይህንን ለመጻፍ የሚያስችል ድንቁርና ፍጹም ነው፤ ይህንን ፍጹምነት ሲያጠናክረው፤ –

ሰውየው እኮ ሃገራችን በደም አንባ ስትታጠብ በርሃብ አለንጋ ስትገረፍና ህዝቦቿ በአለም አደባባይ ስንዋረድ የኬንያዊውንየመሃመድ አሚንን ያክል ለሃገራችን ያላበረከቱ ግለሰብ ናቸው:: ዜጎች ያለፍርድ ሲረሸኑ ሲዋረዱ ሃገራችን የጨለማ ዘመንአገዛዘን እያማከሩ ሲሰሩ የነበሩ ሰው ስለሃገር ክብርና ስለሃገር እድገት ብዙም ይገዳችዋል ብሎ መጠበቅ ከሰማይ ደመናንእንደመዝገን ይሆናል::ተማሪወቻቸው እና ከሳቸው በእጅጉ በትምህርት እና በእድሜ የሚያንሱ ወጣቶች ለሃገራቸው እናለህዝባቸው ነጻነት ሲዋደቁ ክቡርነታቸው ግን ለንደን እና ዋሽንግተን እየተንሸራሸሩ በነበረበት ወቅት በርሃብ እና በጦርነትእየነደደ ስለነበረው ህዝባቸው አንዲትም ቃል እንደተነፈሱ ታሪክ የላቸውም ::

የተማሪ ቤት ግቢን የረገጠ ይህንን አይጽፍም፤ አንደአለቆቹ መሸጦ አስተማሪ ቤቱ ድረስ እየሄደ ፊደል ያስቆጠረው ሳይሆን አይቀርም፤ ፊደሉን ማወቁን እንደመጨረሻ ትምህርት ወስዶታል፤ በአንድ በኩል የሚያሳዝን ሰው ነው፤ በሌላ በኩል ግን ድፍረቱ ድንቁርናን የሚያበረታና ለጥቃት የሚዳርግ ነው፤ ለኮሎኔል መንግሥቱ ጂቡቲ ጦርነት ብትከፍት ኢትዮጵያ እንደማታሸንፍ ነግሬው ነበር፤ በተጨማሪም በኢትዮጵያ ቴሌቪዥን የክምችት ክፍል ሄዶ በጓደኞቹ እርዳታ ትንሽ ቢቆፍር በደርግ ዘመን ‹‹ሕዝብና መንግሥት ሆድና ጀርባ ሆነዋል፤›› በማለት የተናገርሁትን ያገኘውና ዓይኑን ይከፍትለት ነበር፤ ምስክሮቹ ሁሉ በሕይወት ባሉበት ጊዜ እንዲህ ያለ ውንጀላ አያዋጣም፤ ወይም እኔን በባንዳነት ከራሱ ጋር ሊያዛምደኝ ፈልጎ ከሆነ ያማ መንገድ አያስሄድም፤ እግዚአብሔር ይመስገንና በዚህም በዚያም ከባንዳ ጋር ንክኪ የለኝም፡፡

እኔ ስለጦርነት የጻፍሁት ለሚያውቁና ማሰብ ለሚችሉ ሰዎች ነበር፤ የሚያውቁ ሰዎች የምላቸው የአሥራ ዘጠነኛውን የመጀመሪያ አጋማሽና የሃያ አንደኛውን ምዕተ-ዓመታት ሁኔታዎች ተገንዝቦ ማመዛዘን የሚችለውን፣ በአሥራ ዘጠነኛው ምዕተ-ዓመት መጨረሻ ላይ ኢትዮጵያ በአድዋ ላይ የተቀዳጀችውን ድል በኩራት እያስታወሰ በሃያኛው ምዕተ-ዓመት ደግሞ በማይጨው ላይ በኢጣልያ ጦር የተሸነፈችበትን ውርደት የሚያውቅና የሚሰማው፣ በዚያው ላይ ኢጣልያ በአድዋ መሸነፍ የተማረች ስትሆን ኢትዮጵያ በአድዋ ድልም ሆነ በማይጨው መሸነፍ ሳትማር መቆየቷን የሚያውቅና የሚቆረቆር፣ ካላወቀም ለማወቅ የሚጓጓ ሰው ነው፤ ከዚያ በኋላ የኢትዮጵያ ጦር ከወያኔ ጀሌ ጋር፣ ከሻቢያ ጀሌ ጋር፣ ከሶማልያ ጋር፣ በቅርቡም ከኤርትራ ጋር፣ በኋላም ከሶማልያ አክራሪዎች ጋር በተደረጉ ጦርነቶች ሁሉ የሚያኮራ ነገር አልታየም፤ ይህንን ሁሉ እውነት አውቆና አመዛዝኖ ለማየት የማሰብ ችሎታን ይጠይቃል፤  ማሪዮ ፊልሞና ለዚህ አልታደለም፤ በቅዠት ዓለም ውስጥ ሆኖ ራሱን አሉላ የሚለው ብሩኖም እንዲሁ ያልታደለ ሎሌ ነው፤ ለሁለቱም ከጉራዕና ከጉንደት በኋላ ታሪክ የለም፤ እዚያ ላይ ቆሟል፤ የደበዘዙ ዓይኖችና የደነዘዙ አንጎሎች በአሥራ ዘጠነኛው ምዕተ-ዓመት የመጀመሪያ አጋማሽ ላይ የሆነውን ይዘው 2005ን ለመደልደል የሚፈልጉ እንደፊልሞንና እንደአሉላ ሶሎሞን ያሉ ምስኪኖች እንዳይታዘንላቸው ትዕቢታቸው አያስቀርብም፤ እንዳይተዋቸው መርዛቸው ብዙ ሰዎችን ሊጎዳ ይችላል፤ ያለው አማራጭ ድንቁርናቸውን ማጋለጥ ብቻ ነው፡፡

የታሪክ ዋናው ዓላማ ጥቅም ዓይኖችን በአለፈው ነገር ላይ ተክሎ ወደኋላ ለማየት ሳይሆን ከፊታችን የተደቀነውን የዛሬውን ችግር ለመወጣት ከአለፈው ስሕተት መማር ነው፤ አንድ ጥያቄ፡– የኢትዮጵያ ድንበር ከዓባይ ጀምሮ ወደሰሜን እየሰለለ የሄደው ለምንድን ነው? እነፊልሞንና እነአሉላ ሶሎሞን ይህንን የማስተዋል ብቃት የላቸውም፤ ቢያስተውሉትም ስለማያስቡ አያሳስባቸውም፤ ማሰብ ቢችሉ የሚደነፉበትንና ግጥም የሚጽፉበትን ወደእፍረት ይለውጥባቸው ነበር፤ በቅርቡም በባድመ ጦርነት ፉከራውና ሽለላው ወደእፍረት ሲለወጥ አይተናል፤ ድንቁርና የሚደነድነው እውነትን፣ ከእውነት ጋርም እውቀትን እያፈነ ነው፡፡

በ1864 ዓ.ም. አካባቢ በጦርና በጋሻ አሸንፈናል፤ ዛሬም በ2005 ዓ.ም. በዚያው ዘዴ እናሸንፋለን ማለት የድንቁርና ዘውድ ነው፤ እኛ እንዳልተለወጥን ሌሎችም አልተለወጡምና በ1988 ዓ.ም. በአድዋ ኢጣልያን ድባቅ መተናል፤ እያልን ስንፎክር በ1928 ተመልሶ ሲመጣ በማይጨው ድባቅ መታን፤ ያን ጊዜ የሆነውን ማን ነው ከታሪክ የተማረው? ዛሬ ኢጣልያ ቢመጣ ፊልሞንና አሉላ ከነጓደኞቻቸው መንገድ መሪዎች መሆናቸው እጅግም አያጠራጥርም፤ ምክንያቱም እኔ የግብጽን ኃይል ለማሳወቅ የፈለግሁት እንዳንዘናጋ ሲሆን የእነማሪ ፊልሞንና አሉላ ጆቫኒ ፍላጎት ደግሞ ለማዘናጋት መሆኑ ነው፤ ዋናው ጥያቄ ግን ለምን እንድንዘናጋ ይፈልጋሉ? የኢትዮጵያ መዘናጋትና ለአደጋ መጋለጥ ምን ይጠቅማቸዋል? የሚለው ነው፤ መልሱ ውስጥ አልገባም፤ ፡፡

ዘመኑ እውቀት የረከሰበት ነው፤ ዛሬ አንድ ሰው የፈለገውን እውቀት ለማግኘት ከስንፍናና ከእኩይ ትዕቢት በቀር የሚያግደው የለም፤ በድንቁርና ከመኩራራት ፈርጠም ብሎ በእውቀት መስተካከልና ለወደፊቱ ማሰብ ቀና ይሆናል፤ ድንቁርናን የሚድን ሕመም እናድርገው፡፡

በልጅግ ዓሊ

እንደ አውሮፓውያን አቆጣጠር በሜይ 29/1993 በምዕራብ ጀርመን በሚገኝ ዞሊንግን (Solingen) በሚባል ከተማ አራት የናዚ ተከታዮች ቱርኮች ይኖሩበት የነበረውን ቤት አቃጥለው እንቅልፍ ላይ የነበሩትን 5 ሰዎችን ገድለው 15 አቁስለዋል። የዚህ አሰቃቂ ድርጊት ሃያ አመት መታሰቢያ ዝግጅት በቅርብ በጀርመን ውስጥ ተከታትየው ነበር። ይህ ድርጊት በዓለም ላይ ባስነሳው ተቃውሞና የጀርመን የስደተኛ ሕግ በመቀየሩ ምክንያት የስደተኛው ቁጥር በመቀነሱ በውጭ ሰዎች ላይ ይደርስ የነበረው አደጋ ሙሉ በሙሉ ጠፍቷል ባንልም ቀንሷል። ዛሬ እነዚህ ይህንን ወንጀል የፈጸሙ 4 ወጣቶች ከ10 ዓመት እስር በኋላ ነጻ ወጥተዋል። የተገደሉት እናትና አያት የሆኑት ባልቴት ባደረጉት ንግግር በሰላም አብሮ መኖር ጥቅሙን ካስረዱ በኋላ <<እኛም እናንተም እዚሁ ነን>> በሚል ንግግራቸውን ቋጭተዋል።

ሙሉውን በPDF ለማንበብ እዚህ ይጫኑ