የጅዳ ቆንሳ ጽ/ቤት በዜጎቻችን ዙሪያ እይሳየ ባለው ቸልተኝነት የአንዲት ኢትዮጵያዊት ህይወት ጠፋ።

በተለይ ወደ መጠለያው ማዕከል ጤናማ ሆነው የሚገቡ ዜጎቻችን አይምሮቸው ታውኮ የሚወጡ ከመሆኑም በላይ በትክክል በማይታወቅ ምክንያት ሁለት ወር እና ከዛም በላይ ለሆኑ ጊዜያት የመጠለያ መዕከሉ ተቆልፎ ባቸው የሚኖሮ ዜጎች እንዳሉ ይነገራል። እራሳቸውን በማጥፋት ከዚህ የመጠለያ ማዕከል ጭንቀት ለመገላገል የሚሞክሩ እህቶች እንዳሉ መስማት የተለመደ ነው የሚሉ ወገኖች ዛሬ ቆንስላው ግቢ ውስጥ የተሰማው አሳዛኝ ነገር ሊከሰት እንደሚችል እየታወቀ በአካባቢው የአይምሮ ህመምተኞች በራሳቸው እና በሌላው ህይወት ላይ አደጋ እንዳያደርሱ ከወዲሁ መክላከል ሲቻል በቆንስላው መጠለያ ሃላፊዎች እንዝላልነት ህይወት ሊጠፋ ችሏል ብለዋል። ዛሬ ጠዋት ከጓደኞቾ ጋር በመልካም ሁኒታ ስትስቅ ስትጫወት እንደነበረች የሚናገሩ ባልጀሮቾ አሰሪዎቾ ባደረሱባት በደል አልፎ አልፎ ጤንነት እንደማይሰማት እና ወደ ቆንስላው ጽ/ቤት መጠለያ ከገባች ወዲህ የተሻለ ነገር ባለማግኘቷ ትበሳጭ እንደነበር ገልጸዋል። ወጣቷ ሃገሬ ምን ይዤ ገባለሁ ቤተሰቦቼ ከኔ ብዙ ነገር እየጠበቁ የነሱ ተጧሪ ለመሆን ሃገር ከምገባ እዚሁ ሞቴን እመርጣለሁ ባለች በሰዓታት ልዩነት የመጠለያ መጸዳጃ ክፍል ውስጥ ገብታ መታነቋን ይናገራሉ። ተመሳሳይ የሆነ የአይምሮ ችግር ያለባቸው ኢትዮጵያውያን ተጠላዮች ቆንስላው ጽ/ቤት እንዳሉ የሚገልጹ ውስጥ አዋቂ ዎች አሁንም የቆንስላው ጽ/ቤት ሃላፊዎች ዜጎቻችን እራሳቸውን ሊያጠፉ የሚችሉባቸውን የኤሊክትሪክ መስመር ስለት ነክ ነገሮችን ጨምሮ የተጠቀሱት ተጠላዩች በቀላሉ ሊታነቁ የሚችሉባቸውን ጠንካራ ማገሮችን በማስወገድ ለተጠቀሱት ዜጎቻችን የምከር አገልግሎት በመስጠት የዜጎች ህይወት መታደግ ሲቻል በዜጎች ላይ የመጠለያውን በሮች ከርችሞ ለረዥም ወራት ያለምንም ውጤት ማቆየት መፍትሄ ሊሆን እንደማይችል ይጠቁማሉ።

Ethiopian Hagere Jed Bewadi