አልሸባብ 30 የኢትዮጵያ ወታደሮችን በደፈጣ ውግያ ገደልኩ አለ * የጦር መሳሪያም ማርኬያለሁ ብሏል

(ዘ-ሐበሻ) በአሸባሪነት የተፈረጀው የሶማሊያው አልሸባብ በሞቃዲሾ አቅራቢያ 30 የሚሆኑ ወታደሮችን መግደሉን አስታወቀ::

ዘ-ሐበሻ ከአፍሪካ ሕብረት የሰላም አስከባሪ ሃይል መረጃ መረብ ባገኘችው መረጃ መሠረት የሰላም አስከባሪው ሃይል 30 ኢትዮጵያውያን ወታደሮች መሞታቸውን ያመነ ሲሆን ጉዳዮችን እየመረመርኩ ነው ብሏል::

የሶማሊያ ሸማቂ ቡድን አልሽባብ ሞቃዲሾ አቅራቢያ 30 የኢትዮጵያ ወታደሮችን በደፈጣ ጥቃት ገድሎ ከባድ የጦር መሳሪያና ተሽከርካሪ መማረኩን አስታወቀ። የአፍሪቃ ህብረት የሰላም አስከባሪ ሀይል በኢትዮጵያውያኑ ወታደሮች ላይ ጥቃት መፈፀሙን አምኖ የደረሰውን ጉዳት እያጣራሁ ነው ብሏል።

ኢትዮጵያውያን ወታደሮች ለሰላም ማስከበር ወደ ሶማሊያ ሄደው ሕይወታቸው ሲያልፍ ይህ የመጀመሪያው አይደለም:: ከዚህ ቀደም እነዚሁ ወታደሮች በሶማሊያ አደባባይ ላይ ሬሳቸው ሲጎተት የሚያሳየው አሳዛኝ ክስተትን ማየታችን የሚታወስ ነው::

The post አልሸባብ 30 የኢትዮጵያ ወታደሮችን በደፈጣ ውግያ ገደልኩ አለ * የጦር መሳሪያም ማርኬያለሁ ብሏል appeared first on Zehabesha Amharic.