ከቢላል አበጋዝ፡ ዋሽግቶን ዲ፡ሲ
በዚህ ሰሞን ሁለት አገራት ህዝባዊ ምርጫ አካሂደዋል።አንዱ የውነት ሌላው የቅጥፈት።የእግር ኳስ ፍቅራችንን እንደያዝነው በምርጫው ሰሞን በስፓኙ እና ኢትዮጵያ ምን ሆነ? እስቲ እናወዳድር።
ምኞቴ ወደፊት ኢትዮጵያ ስፔኝን ገጥማ መጀመሪያ የህዝብ ምርጫን ጥሩ አድርጋ በመደገስ ቀጥሎ በእግር ኳስ ስታቸንፍ ማየት ነው። የግር ኳስ የምትወዱ ምኞቴን ተጋሩ። በግር ኳስ ከመዝናናት የበለጠ የመቶ ሚሊዮናችንን ህይወት፤የአገራችችን ዕድል ወሳኝ ጉዳይ በዚህ ሰሞን ተካሂድዋል። በስፓኝ ዛሬ ያለው ዲሞክራሲ ብዙ ክፍያ ተከፍሎበታል።በኢትዮጵያም አባት አርበኞቻችን ጣሊያንን እየተዋጉ ሳለ(ሁለተኛ የዓለም ጦርነት)ሪፑብሊክ የመመስረት እልማቸውን አብስረው ስለነበር።ምሳሌ እነ ደጃዝማች ታከለ ወ/ሀዋርያት፡ከዚያ አንስተን ብናሰላው ዘመኑ ረጅም ነው።የኢትዮጵያው እንዲያውም አንድ ትውልድ የወደመበት፤የዛሬው ወጣት ተስፋ የቆረጠበት ፡መሪር ዓመታት ያለፉበት።
የጽሁፉ ዓላማ እዲያው ዝም ተብሎ ስፓኝን ከፍ ለማድረግ ሳይሆን በሁለቱ አገሮች የሆነውን ባጭሩ ለማሳየት ነው። በስፓኝ ከሁሉም በላይ በስልጣን ያለው የጠ/ሚኒስትር ማሪያኖ ራሆይ መንግስት ስልጣን ሲይዝ የስፓኝ የኑሮ ውድነትን አሻሽላለሁ በሚል ቃል ገብቶ ኋላ በሙስና መጋለጡ የህዝቡን ሙሉ ድጋፍ አሳጥቶታል።የራሆይ ፓርቲ፡ፖፑላር ፓርቲ የተሰኘው ብዙ መቀመጫዎች ተቀምቷል። የኢትዮጵያ ጠ/ሚኒስትር ሰው አስጠንቷቸው እንዳሉት “ዲሞክራሲ ባህል ነው”። እርግጥ ነው ጊዜ የሚፈጅ እድገት ነው። ቢሆንም የኢትዮጵያ ህዝብ ያሚያሳየውን የፖለቲካ ብስለት ለተመለከተ ይህ ዲሞክራሲ የሚባል ስልጣኔ ለኢትዮጵያ ህዝብ ቶሎ እንደገባው ማየት አይቸግርም።ለምርጫ ሲሰለፍ ስርዓቱ፤እድሉን ሲያገኝ የውይይት ተሳትፎው ከስፓኝ ወይም ከማንም አያንስም።የኢትዮጵያው ጠ/ሚኒስትር ዳዴ እያስኬደው እንዳለ በባለጌ ድፍረት ቢናገርም።በዚህ የተነሳ ዳኛው በህወያት\ኢህአዴግ ላይ ፍጹም ቅጣት ምት በየነዋል።
ስፓኝ እና ኢትዮጵያ እሩቅ ለሩቅ ቢሆኑም የሁቱም አገሮች ወይም ማንም ህዝብ ለመብቱ ቀናተኛ ነውና ጎን ለጎን ብናያቸው በዚህ ረገድ ስተት አይሆንም። ወያኔ ኢሀዴግ ውጤቴን ዝቅ አረጋችሁ ብሎ ሊኮንን ይችላል።እንደለመደው ሁማን ራይት ዋችንም (የሰው መብት ተከራካሪ ድርጅት)ግራ ቀኙን መክሰሱ የተለመደ ነው። ከአውሮፓ ግጥሚያው ለማየት የሚመጡት ዘንድሮ ገንዘብ ቸገራቸውም ብሎ የሚቀድ ነው።
በኢትዮጵያ ሰሞኑን ያለፈው የምርጫ ወግ ገና ብዙ የሚወጣ ጉድ ይኖረዋል።ስላለፉት ምርጫዎች ውስጥ አዋቂ ባካፈለን ዛሬ እየተደነቅን አይደለም? በዝርዝር ለታሪክ የሚቀርበውን እየጠበቅን የሰሞኑን ምርጫ እንወያይበት። ትምህርት ወስደን እንቀጥል።ቢያንስ ከዚህ በኋላ በሰላም የስልጣን ሽግግር የሚታሰብ ነው ? በውነት ወያኔ ኢህአዴግ ለዚህ ወግ ይደርሳል።ምርጫውን መካፈል ተቃዋሚዎችን ረዳቸው? እንዴት ? እኒህን ጥያቄዎች መጋፈጥ አለብን። የሃይማኖት ድርጅቶች ተከፋፍለው፤የብሄር ድርጅቶች የወያኔ ኢሀዴግ መሳሪያ ሆነው ወጣቱ በአንድ ጎራ ሳይሰለፍ፤በጥርጣሬ ተይዘን ወደፊት መሄድ ይቻላል ?
ወደ ጨዋታው ስንመለስ የተነሱትን ጥያቄዎች እያሰብን የቀረበውን ግጥሚያን ባጭሩ የሚያቀርብ ሰንጠረዥ እንመልከት።
| ስፓኝ | ኢትዮጵያ | |
| 1 | ህዝቡ በጨዋነት በስርዓት መረጠ።ያፈለገው እየተናገረ መረጠ። ዱላ የለም። ነውር ነው። | ህዝቡ በጨዋነት በስርዓት መረጠ።ታፍኖ አይናገርም ነበር።ፖሊስ አጋዚ ሚሊሻ አለ።በቆመጥ በዱላ በጥይት።የህወሃት ብልሃት። |
| 2 | ምርጫው ፍጹም ሰላማዊ ነበር። | ምርጫው ፍጹም ሰላማዊ አልነበረም::የሞቱ: የታሰሩ:የተደበደቡ አሉ። |
| 3 | በሙስና የተዘፈቁ ጉዳቸው ፈላ። የፍርድ ስርዓቱ ነጻ በመሆኑ ጠቅላይ ሚንስትሩ ሳይቀር ተጋለጠ።850 ሺህ ሰው የተቃውሞ ፊርማ አቀረበበት።ስፓኝን ከችግር ማውጫ ዕቅዱ በመስራቱ ክፉ ላያገኘው ይችላል ይባላል። | በሙስና የተዘፈቁ ጫፋቸው አልተነካም።ወያኔን የሚነካ ማን አለ ? የት ሊገባ ? |
| 4 | ሁለት ነባር ፓርቲዎች ተቀጡ። አዲስ መጤ ወጣት ፓርቲ ጉድ አፈላ | ነባር ፓርቲ ህወሃት ኢሃዴግ አልተነካም
የሰማያዊ ፓርቲ ፍዳውን አየ።መድረክ በደሉን እንደወትሮው ገለጸ |
| 5 | ምንም ማስፈራሪያ የለም። ነጻ አገር ነው። | ጸረ ሽብር ህግ ማፈኛ፤ማስፈራሪያ |
| 6 | ሁሉም ዜጎች እኩል ናቸው | ሁሉም ዜጎች እኩል ናቸው ህወሃት ኢሃዴግ አባላት ከሌላው ከፍ ይላሉ። |
| 7 | ወጣቱ የመሳተፍ እድሉ ከፍ ያለ ነበር | ወጣቱ ታፍኗል |
| 8 | የስፓኝ ቲቪ ጣቢያዎች እንደ ኢቲቪ ውሸታም ሰላልሆኑ ስፓኞች ያገራቸውን ሁኔታ ለማወቅ ሌላ ሚዲያ አያስፈልጋቸውም። ሆኖም በቪኦኤ፤በአልጀዚራ በቢቢሲ ተዘገበ።ከፈለጉ ማዳመጥ መብታቸው ነው። | ኢትዮጵያውያን ምርጫውን በኢሳት፡በቪኦኤ፤በአልጀዚራ በቢቢሲ ተከታተሉ።
ኢቲቪ፤ራዲዮ ውሸታም ስለሆነ ለህዝቡ አይጠቅምም። |
| 9 | የታሰረ የፖለቲካ እስረኛ የለም። የታሰረ የእንግሊዝ ዜጋም የለም። ኤታ የተባለውም ተገንጣይ ድርጅት በስምምነት ትጥቅ ፈቷል። ጠ/ሚኒስትር ማሪያኖ ራሆይ በትምርታቸው፡በግርማ ሞገሳቸው ይመሰገናሉ።ውሸታም አይደሉም።
|
ጠቅላይ ሚኒስትሩ መናገር ያለባቸውን ነገር የዋጡ ቴክ ሬኮርደር።ለሁሉም የውጭ ጋዜጠኛ አንድ ዘፈን ያሰማሉ:: ሽብር ጸረ ሽብር፤የጸረ ሽብር ህጋችንን ከእግሊዝ ቀዳነው።የዲሞክራሲ ጀማሪዎች ነን
አንዳርጋቸው ጽጌ የእንግሊዝ ዜጋ ነው። ሁለተኛ ዜጋ ቤሆንም
አንዳርጋቸው ጽጌ የኤርትራ የትሮይ ፈረስ (ሰርጎ ገብ ነው)የታሰሩ ጋዜጠኞች ሽብርተኞች ናቸው።ዲሞክራሲ ሂደት ነው |
እነበረከት ስሞን በጡረታ የወጡ መስለው አሻንጉሊት ተጫቃቾችን ምሳሌ ሀይለማርያም (የሟቹን መለስ ማሊያ ለብሶ የሚጫወተውን)ሬድዋን ሁሴን አሜሪካ መጥቶ ከባድ ስብራት ደርሶበት የነበረውን ከመጋረጃ ኋላ ሆነው እየዘወሩ በጫወታው ተካፍለዋል። ሺመልስ ከማል ጫት በብዛት እየቃመ ከጥቅም ውጭ በመሆኑ በዚህ ግጥሚያ አልተሰለፈም።
ይሄው እንግዲህ ደርግ ከሄደ አንስቶ ዲሞክራሲ እየተባለ ከበሮ ሲደለቅ ሃያ ዓመታት አልፋዋል።የኛስ ዲሞክራሲ ላሳር ነው። ማደግ እምቢ ያለ ድውይ ሆነ።ሸፍጥ፤ተንኮል እንዳያድግ የያዘው መልካም ነገር። እንደኔ እምነት ወያኔ ኢህአዴግ ሳይጫነቅ ህዝብን አክብሮ በሰላማዊ መንገድ የስልጣን ሽግግርን ያደርጋል ብሎ ማሰብ ሁኔታውን በቅጡ አለማስላት ነው።አምላክ የታረቃት አገራችን ወጣት ልጆችዋ ጠላትዋን ሊያጫንቁት ቆርጠል።ወያኔ ኢህአዴግ ይህን ስሙን አትጥሩባኝ ብላል።ካሁኑ ጨንቆት!
የፖለቲካ እስረኞች ይፈቱ!ምርጫ ከመካፈል በፊት ይህ ይቀድማል።
ኢትዮጵያ በክብር፤በአንድነት፤ተረጋግታ በነጻነት ትኖራለች።የጃዙር ቅኝ ግዛት አትሆንም!!!
_______________
ስለኢሳት
የኢሳት፡ቡድን ስለምርጫው በሚያቀርባቸው ዜናዎች ሊመሰገን ይገባል። የሁሉም የፖለቲካ ሀይሎች መቀራረቢ መድረክ መሆኑ ትልቅ ተስፋ ነው።
The post የስፓኙ ፓዴሞስ እና ኢትዮጵያ ህወያት\ኢህአዴግ::ዘጠኝ ለዜሮ ተለያዩ appeared first on Zehabesha Amharic.