ትንሽ ሰለ ጀማል ወይም በትክክለኛው ስለ ኤፍሬም የማነ

Muslim Wedaje

በሊቢያ ከተገደሉት ንፁሃን ዜጎች መካከል በሚዲያ በተለቀቀው መሰረት 28 ኢትዬጲያውያን እንደተገደሉ ተገልፆ ነበር፡፡ ሆኖም ከቀናት ቡሃላ ኢትዬጲያውያን ብቻ ሳይሆኑ ኤርትራውያንም አብረው እንዳሉ ተገልፆል፡፡

የሟቿቹ ማንነት እየተለየ በመጣ ወቅት አንዳንዱ ወድያው ማንነታቸው ታውቆ ቤተሰቦቻቸው ሃዘን ሲቀመጡ ሌሎች ደግሞ ፎቶዋቸው የተመሳሰለባቸውን እከሌም ሞተ በማለት በፌስቡክ ሲሰራጭ ቆይቷል፡፡ ሆኖም ያልሞቱት ሰዎች እረ እኔ በሂወት አለው በማለት ስህተቱን እያረምን በጋራ ስንጓዝ ነበር፡፡

በተመሳሳይም ከተገደሉት መካከል ጀማል ራህማ የተባለ ሙስሊም ኢትዬጲያዊ አብሮ መገደሉን ሶማሌላንድ ፕሬስ የተሰኘ ድህረ ገፅ መረጃውን ለቆ ነበር፡፡ ይህም መረጃ በተለያዩ ቦታዎች ተሰራጭተው ነበር፡፡ ይህንንም መረጃ በሚያጠናክር ሁኔታ የቪኦኤ የኦሮምኛው ክፍል በሊቢያ ካሉ ኢትዬጲያውያን ጋር ባደረገው ቃለመጠይቅ አንድ በሊቢያ የሚገኝ ኢትዬጲያዊ የተገደሉትን በሙሉ እንሚያውቃቸውን ቃሉን በመስጠት ከሞቱት ውስጥ አንድ ሙስሊም መኖሩን ለቪኦኤ ተናግሮ ነበር፡፡ በወቅቱ ስሙን ግን አልጠቀሰም ነበር፡፡ በዚህ መረጃ የተነሳ ጀማል ራህማ ከወገኖቹ ጋር መሰዋቱ በሰፊው ሲነገር ቆይቷል፡፡ ይህ መረጃ ሁሉም ሲቀባበለው ግን አንዳንድ እሳት ለመጫር ሌት ቀን የሚለፊት የክብሪት ልጆች እንደሚያናፍሱት ታሪክ ለመጋራት አልያ ደግሞ በውሸት ሰዎችን ለመሸንገል በሚል አልነበረም፡፡

ለመጀመርያ ጊዜ ጀማል የተባለ ሰው መሰዋቱን የዘገበው ይህ ድህረገፅ ይህ ነበር፡፡

http://www.somalilandpress.com/ethiopia-muslim-martyr-amon…/

በመቀጠልም የቪኦኤ የኦሮምኛው ክፍል በሊቢያ በስደት የሚገኝ የኦሮምኛ ተናጋሪው የሆነ ኢትዬጲያዊን ያነጋገረበትን እና ከተገደሉት ውስጥ 1 ሙስሊም መኖሩን የተናገረበትን ከቪኦኤ የኦሮሚኛ ድህረገፅ ውስጥ ገብታቹ አልያ የሚከተለውን ሊንክ በመክፈት ማድመጥ ትችላላችሁ፡፡

http://www.voaafaanoromoo.com/audio/2714864.html

ሁለቱም መረጃዎች ከላይ የተቀመጡ በመሆናቸው የመረጃ ምንጮቹን መጠየቅ እና ማረጋገጥ ይቻላል፡፡

እንደ ዳንኤል ክብሪትአይነቱ ጭራሽም ሙስሊም እና ክርቲያኑን ለማዋደድ የተፈጠረ ድራማ እንደሆነ አስመስለው ሲያቀርቡ ነበር፡፡ የሙስሊም እና የክርስቲያን ተከባብሮ በሰላም የመኖር ታሪክ አሁን የተጀመረ እስኪመስል ድረስ ሙስሊሞች ድራማ እንደሰሩ አስመስሎ ማቅረብ ለምን አስፈለገው ??ስለመስዋትነትስ በኢትዬጲያ ሙስሊሞች ላይ ለመንጠባረር ስለምን አስፈለገው??? መስዋትነትን፣ መታረድን ለኢትዬጲያ ሙሰሊምስ ይነገረዋል እንዴ???. እስቲ ቦሩ ሜዳ ትመስክር!!

የኢትዬጲያ ሙስሊም ከጥንት ታሪኩ ጀምሮ በኢትዬጲያ ውስጥ ባሉ መሪዎች አንገቱ ሲቀላ፣ሲታረድ እና ሲጨፈጭ እመቢኝ ብሎ ለእምነቱ ሲሰዋ እና ሲንገላታ መቆየቱን ሊዘነጋ አይገባውም፡፡ ሙስሊሙ የተጨፈጨፈው በውጪ ጠላት ሳይሆን በሃገሬው መሪ መሆኑም ይሰመርበት፡፡ ይህ ሁሉ ሆኖ ግን ሙስሊሙ በክርስቲያን ወገኖቹ ላይ አልተዘባበትም፣በፍቅር እና በሰላም ተዋዶ ተከባብሮ እየኖረ ይገኛል፡፡

የኢትዬጲያ ሙስሊም ድርጊቱን ያወገዘውስ ሃይማኖቱ ስለሚያዘው፣ሰብአዊነት ስለሚሰማው እና የሞቱት ወገኖቹ በመሆኑ እንጂ የክብሪት ልጆች እንዳይከፋቸው በሚል አልነበረም፡፡

ግድያን እና ግፍን የምናወግዘው እምነት እየለየን ቢሆን ኖሮ የሊቢያ የተገደሉት ክርስቲያኖች ስለሆኑ ምን አገባን ባልን ነበር፡፡ እስካሁን አይኤስ ከገደላቸው ሙስሊሞች ቁጥር አንፃር ሲታይ እምነታቸው ክርስቲያን በመሆናቸው የተገደሉት ሰዎች ቁጥራቸው ለንፅፅር እንኳን የማይቀርብ ሆኖ እናገኘዋለን፡፡ ምክንያቱም ISIS በአስርሺዎች የሚቆጠሩ ሙስሊሞችን በኢራቅ እና በሶሪያ አርዷል ጨፍጭፏል፡፡ ሌላው ቢቀር ሰሞኑን ብቻ የመን ገብቶ የገደላቸውን ሰዎችን ስናይ ክርስቲያኖች አልነበሩም፡፡ ይህ ስል ግን ግድያን ከቁጥር ጋር እያወዳደርኩኝ እያቃለልኩኝ አይደለም፡፡ የአንዲት ነፍስ ዋጋ በኢስላም ከሰው ልጆች ነፍስ እኩል ዋጋ እንዳላት ስላስተማረን ማንም በግፍ ቢገደል እናዝናለን እንጂ እምነቱ ሌላ ስለሆነ አንደሰትም፡፡ ሙስሊሞች እየተጨፈጨፉ በመሆኑ የሌላ እምነት ተከታዬችም ይገደሉ አንልም፡፡

በወገኖቻችን ላይ በሊቢያ የደረሰው ግድያ የሽብር ቡድኑ ISIS በለቀቀው የ 28 ደቂቃ ቪዲዬ ላይ እምነታቸውን እንዲቀይሩ ብቻ ተጠይቀው መገደላቸውን ሳይሆን የተገለጸው እምነታቸውን የማይቀይሩ ከሆነ መክፈል ያለባቸውን ግብር እንዲከፍሉ እና እንዲለቀቁ ተጠይቀው እንደነበር ነው፡፡ ሽብር ቡድኑ ሁለቱንም የማታደርጉ ከሆነ በሚል እንደገደላቸው በቪዲዬ ላይ ተገልፆል፡፡ አንድ መዘንጋት የሌለበት ጉዳይ ግን ሶርያ እና ኢራቅ ውስጥ በሺዎች የሚቆጠሩ ክርስቲያኖች እምነታቸውን ሳይቀይሩ ግዴታ የሚደረግባቸውን አመታዊ ግብር እየከፈሉ በሰላም እምነታቸውን እያራመዱ እየኖሩ መሆኑን ማስታወስ እወዳለው፡፡ ይህን ለማንሳት የፈለኩት ዳንኤል ክብሪት የኢትዬጲያ ሙስሊሞች ወንጀሉን የፈፀሙት ያህል ሙስሊሙን በመጠየፍ በተደጋጋሚ በጀማል ሽፋን ሙስሊሞች የክስርስቲያኖችን ክብር ለማጉድፍ እንደተንቀሳቀሱ አስመስሎ ሲያቀርብ ስለነበር ነው፡፡ –

መታወቅ ያለበት ሌላው ነጥብ የኢትዬጲያ ሙስሊም ማንንም ፈርቶ ለማጭበርበር የሚሞክበት ነገር የለም፡፡ ጀማል ሙስሊም ሆነ ክርስቲያን አልያ ድንጋይ አምላኪ ለኛ ለሙስሊሞች ሰው በመሆኑ ብቻ የተፈጸመበትን ድርገት እናወግዛለን፡፡ ጀማል ሙስሊም በመሆኑም አንዳችም ለኢትዬጲያ ሙስሊም የሚጨምርለትም ሆነ የሚቀንስበት ነገር የለም፡፡ ከተገደሉት መካከልም ሙስሊም አለ ብሎ መናገሩ ሆን ተብሎ ሰዎችን ለማጭበርበር ሳይሆን የአይን እማኞች አይተናል ብለው የተናገሩትን መረጃ በመመርኮዝ ነው፡፡

ጀማል የተባለው ሰው ትክክለኛ ማንነቱ ኤፍሬም የማነ መሆኑ ቢታወቅ ቀድሞ የተለቀቀው መረጃ ስህተት ነበር ብሎ እንደሌሎቹ ከማለፍ ይልቅ ሙስሊሙ ሆን ብሎ ክርስቲያኑን ለመሸንገል የፈጠረው አድርጎ ለማቅረብ መሞከሩ ለሙስሊሙ ማህበረሰብ ያለውን ንቀት እና በሙስሊም እና በክርስቲያኑ ወገኖች መካከል እሳት ለማቀጣጠል ያለውን ትጉህ ፍላጎት ያሳየ ነው::

ጀማል የተባለው ሰው ኤፍሬም ሆኖ በመገኘቱ ኢትዬጲያውያን ሙስሊሞች የሚያጡት አንዳችም ነበር የለም፡፡ ድርጊቱን ያወገዙት ጀማል ስለሆነ አልያ ገብረማርያም ስለሆኑ ሳይሆን ሰው በመሆናቸው ብቻ ነው፡፡ በእምነታቸው መገደላቸው የእምነቱ ተከታዬች የበለጠ ቢያስቆጫቸውም በአለም አቀፍ ደረጃ የሽብር ቡድኑ እየጨፈጨፈ የሚገኘውን ሙስሊም ብዛት አይናቸው ተከፍቶ ቢያዩ ግን ተመስገን ብዙም እኛን አልነኩንም ብለው ያመሰግኑ ነበር፡፡

በተረፈ የሙስሊሞችን ስብእና ለማጉላት ጀማል የተባለ ገጸ ባህሪ ፈጥሮ የምናወራበት ምክንያት አለመኖሩ ሊታወቅ ይገባል፡፡ ለ 1400 አመታት ሙስሊሙ ከክርስትና እምነት ተከታይ ወገኖቹ ጋር ችሎ በመኖር አስመስክሯል፡፡ አሁንም በሊቢያ ባሉ ስቃይ እየደረሰባቸው በሚገኙ ክርስቲያን ወገኖች ላይ ሂወታቸውን በከፍተኛ አደጋ ውስጥ በመክተት ድጋፍ እና ትብብር እያደረጉላቸው የሚገኙት የዳንኤል ክብሪት ቲፎዞዎች ሳይሆኑ ኢትዬጲያውያን ሙስሊሞች መሆናቸው ሊዘነጋ አይገባም፡፡ ይህን ደሞ በድህረገጽ መረጃ የተገኘ ሳይሆነ በሊቢያ የሚገኙት ክርስቲያን ወገኖቻችን በአንደበታቸው የመሰከሩት ነው፡፡ ሙስሊሙ ግን ይህን መልካም ነገር በመደረጉ በክርስቲያን ወገኖቹ ላይ እንደዳንኤል ክብሪት አልተመፃደቀም፡፡ ሙስሊሞቹ ሃይማኖታዊም ሆነ ሰብአዊ ግዴታቸውን በመወጣታቸው እናመሰግናቸዋለን እንጂ ሙስሊሞቹ በሰሩት ስራ እዚህ ያለነው ሙስሊሞች አንመፃደቅም፡፡

በመጨረሻም፡,- ጀማል በሚል ተሰራጭቶ የነበረው መረጃ ትክክለኛ መረጃው ሲጣራ እነክብሪት ሲፎክሩ እንደነበረውኢትዬጲያዊ ሳይሆን ኤርትራዊ መሆኑ ተረጋግጧል፡፡ ትክክለኛ ስሙም ኤፍሬም የማነ የሚል ነው፡፡ የራሱ የፌስቡክ ገፅ ላይ እንደተመለከትኩት የሙስሊሞችን ነጭ ጀለብያ ለብሶ የተነሳውንም ፎቶ ተመልክቻለው፡፡ እንደዛም ሁሉ ክር አንገቱ ላይ የሚያሳይ ፎቶም አድርጎ ተመልክቻለው፡፡ በመሆኑም ጀማል ተብሎ የነበረው ኤፍሬም የማነ በሚል መረጃውን እናስተካክላለን ማለት ነው፡፡

ተጨማሪ መረጃዎችን ከራሱ የፌስቡክ ገፅ ማግኘት ትችላላችሁ፡፡

https://www.facebook.com/efremg.yemane/

ኤፍሬም ሙስሊም ነው ክርስቲያን ነው ብለን ሂሳብ አናወራርድም፡፡ ሙስሊም መሆኑን የሚገልፅ የፅሁፍ እና አይን እማኞች መረጃ ሰማን፡፡ እሱን ተቀበልን፡፡ መረጃው ሲጣራ ጀማል ሳይሆን ኤፍሬም መሆኑ ታወቀ፡፡ ስለዚህ ኤፍሬም የሚለውን ተቀብለን አንሄዳለን፡፡ በድህረገፅ የተለቀቀው መረጃ ስህተት መሆኑን ስንቀበል በቪኦኤ በኦሮምኛው ክፍል የቀረበውን መረጃ ደግሞ ልክ እንደዚሁ ሁሉ እስኪረጋገጥ እንጠብቃለን ማለት ነው፡፡ ለኛ ለሙስሊሞች ግን ኤፍሬም መሆኑ ወይም ጀማል መሆኑ ወይም ኢትዬጲያዊ ወይም ኤርትራዊ መሆኑ ሳይሆን ሰው በመሆኑ ብቻ የደረሰበትን ግድያ አውግዘናል፡፡ወደፊትም እናወግዛለን ኢንሻአላህ

ከዚህ በዘለለ ጉዳዩ ሆን ተብሎ የተደረገ በማስመሰል የፖለቲካ ቁማር ለማድረግ ለሚኳትኑ ክብሪቶች ልክ እንደስሟ ክብሪት ከራሷጋር ተጋጭታ እሳት ፈጥራ እንደምትቃጠለው ሁሉ የሰው ክብሪቶችም ከራሳቸው ጋር ተጋጭተው ሲነዱ ይከርማሉ እንጁ ሙስሊሙ እና ክርስቲያኑ ወደ እርስ በእርስ እልቂት አይጋበዝም፡፡

ለሙስሊም ወንድም እና እህቴቼ ደግሞ ሚያዚያ 30 መላው ሙስሊም ማህበረሰብ ላይ የፍርድ ውሳኔ የሚተላለፍበት ቀን በመሆኑ በዚህ ጉዳይ ቢዚ በመሆን እንዳንዘናጋ አደራ እላለው፡፡

ለሃገራች አላህ ሰላምን ያስፍንልን

ለኤፍሬም ቤተሰቡ መፅናናትን አላህ ይስጣቸው