አቶ ቡልቻ ደመቅሳ ለረጂም ዓመታት በኢትዮጵያ ፖለቲካ ተሳትፏቸው ይታወቃሉ፤ በተለይም የኦሮሞን ህዝብ መብት እናስከብራለን ብለው የፖለቲካ ፓርቲ መስርተው ከታገሉት ሰዎች መካከል ከፊተኞቹ አንዱ ናቸው፡፡ አቶ ቡልቻ አሁን ስላሉበት የፖለቲካ ተሳትፏቸውና ስለተለያዩ አንኳር ሀገራዊ ጉዳዮች ከጋዜጠኛ በላይ ማናዬ ጋር ቆይታ አድርገዋል፤ እንዲህ ይቀርባል፡-

ነገረ ኢትዮጵያ፡- አቶ ቡልቻ በተለያዩ መድረኮች ላይ በፖለቲካ ተሳትፎዎ ነው የሚታወቁት፤ ነገር ግን አሁን ላይ ከፓርቲ ፖለቲካ ተሳትፎ የራቁ ይመስለኛል፡፡ በዚህ ወቅት ስላልዎት የፖለቲካ ተሳትፎዎ በአጭሩ ቢነግሩኝ?
አቶ ቡልቻ፡- እኔ ከመድረክ የገባሁት የኦፌኮ መሪ ሆኜ ነው፡፡ አሁን የኦሮሞ ፌደራሊስት ኮንግረንስ (ኦፌኮ) እስኪ ወጣቶቹ ይስሩ፣ እነሱ ሲሰሩ የሚቻለኝን እርዳታ አደርጋለሁ ብዬ በራሴ ፈቃድ ከፓርቲ ፖለቲካ ወጥቻለሁ፡፡ ‹‹Retire››  አድርጌያለሁ፡፡ እግዚአብሄር ይመስገን ጤናማ ነኝ፡፡ በእድሜየ በኩል 83 አመቴ ነው፡፡ በትምህርትም ሆነ በተፈጥሮ ስጦታ ትልቅ አቅም ያላቸው ልጆች ስላሉ እኔ በዚህ እድሜዬ መድከም የለብኝም ብዬ ነው የለቀቅኩት፡፡

ነገረ ኢትዮጵያ፡- ስለዚህ አሁን የቱንም የፖለቲካ ድርጅት አይወክሉም ማለት ነው?
አቶ ቡልቻ፡- ልክ ነው! በግሌ ነው የምንቀሳቀሰው፡፡ አሁን ምንም አልወክልም፡፡ አስተያየትም የምሰጠው፣ ንግግርም የማደርገው በግሌ ነው፡፡

ነገረ ኢትዮጵያ፡- መድረክ በቅርቡ አዲስ አበባ ውስጥ ሰላማዊ ሰልፍ ባደረገበት ወቅት ንግግር ሲያደርጉ በቦታው ነበርኩ፡፡ ‹‹በጋራ መምጣት ከፈለግን አንድ መሆን አለብን›› የሚል ንግግር አድርገው ነበር፡፡ ምን ለማለት ፈልገው እንደሆነ ሊያብራሩልኝ ይችላሉ?
አቶ ቡልቻ፡- እኔ ማለት የፈለኩት፤ የኢትዮጵያ ብሄሮች (ብሄሮች አሉ፡፡ የሉም ማለት አይቻልም፡፡ ብሄሮች እንደለሉ መናገር ችግር የለውም የሚሉ ቢኖሩም ተሳስተዋል፡፡ እኛ አይደለም የምንፈጥራቸው፡፡ እነሱ አሉ፡፡) መኖራቸውን አውቆ ከእነሱ ወኪሎች ጋር መነጋገር ነው፡፡ ኢትዮጵያ መነጋገሯ
አይደለም፡፡ የብሄሮች ወኪሎች ተነጋገሩ ማለት ኢትዮጵያ ተነጋገረች ማለት ነው በውስጧ፡፡ የተለያዩ የፖለቲካ መስመር የሚከተሉ ሰዎች አሉ፡፡ ይህ ማለት የአንድ ማህበረሰብ ሰዎች አንድ አይነት ፖለቲካ ይከተሉ ማለት አይደለም፡፡

ነገረ ኢትዮጵያ፡- በጎሳ ወይም በብሄር የተደራጁት አካላት ትክክል አይደሉም የሚሉ ሰዎች አሉ፤ ብሄር ማለት ሀገር ማለት ነውና ከቃሉ ጀምሮ ትክክል አይደለም ይላሉ፡፡ እርስዎ ምን ይላሉ…ለእርስዎ ብሄር ማን ነው? ብሄረሰብስ የትኞቹ ናቸው?
አቶ ቡልቻ፡- እኔ ‹‹ብሄር›› የሚባለውን ቃል የሰማሁት የ19ና 20 አመት ሆኜ ነው ለመጀመሪያ ጊዜ የሰማሁት፡፡ አንድ አራት ኪሎ ይገኝ የነበር ተስፋ ገብረስላሴ የተባለ ሰው ማተሚያ ቤት ነበር፡፡ ያ ማተሚያ ቤት ‹‹ተስፋ ገብረስላሴ ዘ ብሄረ ቡልጋ›› ይል ነበር፡፡ ይህ ምን ማለት እንደሆነ ጠይቄ አሁን የምረዳውን ተረዳሁ፡፡ ብሄር ማለት አሁንም እንደምንሰማው የአንድ ብዙ ወይንም አነስ ያለ ህዝብ አንድነት፣ ወይንም ማንነት ማለት ነው፡፡ ምንም አያስቸግረኝም፣ አስቸግሮኝ አያውቅም፡፡ ብሄር ማለት የህዝብ መገለጫ ማለት ነው፡፡

ነገረ ኢትዮጵያ፡- ህዝብ የተለያየና አንጻራዊ መገለጫዎች ይኖሩታል፡፡ በዚህ መሰረት እንደ ኢትዮጵያ የጋራ መገለጫ አይኖረንም? ‹ብሄር› የሚባሉት ቡድኖች መገለጫቸው ድንበር ሲያጣ ይታያል፡፡ ስለዚህ በጋራ የምንጋራቸውን ማንነቶችስ ምን ልንላቸው ነው?
አቶ ቡልቻ፡- ኢትዮጵያ ብቻ አይደለችም በዓለም ላይ ብዙ ሀገራት አሉ፡፡ በተባበሩት መንግስታት ላይ ያየኸው እንደሆነ 198 ነው ሀገራት አሉ፡፡ ኢትዮጵያ ከእነዚህ ሀገራት አንዷ ናት፡፡ እኔ ከእነዚያ መካከል አንዷ የሆነችው ኢትዮጵያ ዜጋ ነኝ፡፡ ልክ አንድ ቤተሰብ ብዙ ሰው እንደሚኖረው እኛም ሀገራችን ውስጥ ስንገባ ብዙ አይነት ኢትዮጵያውያን አሉ፡፡

ነገረ ኢትዮጵያ፡- እገሌ ብሄር፣ እገሌ ደግሞ ብሄረሰብ ነው ብለው በምሳሌ ሊያስረዱኝ ይችላሉ?
አቶ ቡልቻ፡- እኔ እንደሚገባኝ ነው የምሰጥህ፡፡ ኦሮሞ ማለት ኦሮምኛ የሚናገር፣ በምስራቅ፣ መካከለኛውና ምዕራብ ኢትዮጵያ የሚኖር፣ አብዛኛውን ጊዜ ግብርና መኖሪያቸው የሆነ መልካቸው (ከሌላው ኢትዮጵያውያን ይለያል አልልም) ጥቁርም አይደሉም፣ ቀይም አይደሉም፡፡ ብዙው የኢትዮጵያ ህዝብ እንደዚህ ነው፡፡ ኦሮሞ እንዲህ አይነት ህዝብ ነው፡፡ ውስጥ የገባህ እንደሆነ ስነ ልቦና፣ የጋራ አመለካከት የመሳሰሉ የእያንዳንዱ ሰው ፍርድ አለ፡፡

ነገረ ኢትዮጵያ፡- አንዳንድ ፖለቲከኞች ‹‹ብሄር›› የሚባሉትን ጎሳ፣ እንዲሁም ድርጅቶችን ‹‹የጎሳ ድርጅት›› ይሏቸዋል፡፡ እርስዎ ይስማማሉ?
አቶ ቡልቻ፡- አልስማማም! ጎሳ ሌላ ነው፡፡ እኔ የአማርኛ ሊቅ ባልሆንም መናገር እችላለሁ፡፡ ጎሳ የሚባል ቃል፤ እኔ እንጃ?! ኦሮሞ ጎሳ ነው እንዴ? ኦሮሞ ጎሳ አይደለም! አንድ ህዝብ ነው፣ ጎሳ አይደለም፡፡ ምን አልባት የሚዛመዱትን ከሆነ ኦሮሞ ውስጥ ብዙ እርስ በእርሳቸው የሚዛመዱ አሉ፡፡ እኔ በተወለድኩበት ወለጋ ውስጥ በራሱ ብዙ ብዙ ጎሳዎች አሉ፡፡ ጎሳ እንኳ ብዙም ትርጉም የለውም፡፡

ነገረ ኢትዮጵያ፡- እንደ ሩዋንዳ ያሉ ሀገራት አንድን ህዝብ ቋንቋን ወይም ጎሳን መሰረት አድርጎ በፖለቲካ ማደራጀት በህግ ከልክለዋል፡፡ በጎሳ መደራጀት በተለይ በፖለቲካ ፓርቲ ደረጃ ምን ያህል ያስኬዳል? ለሀገር አንድነትስ ተጽዕኖ አይኖረውም?

አቶ ቡልቻ፡- እኔ እንደሚመስለኝ፣ ኢትዮጵያ ውስጥ ዘጠና ሚሊዮን ህዝብ ነው የሚኖረው፡፡ እግዚአብሄር ይመስገን መታወቂያ ስለሰጠን እንጂ ካለዚያማ ማን ምን እንደሆነም አይታወቅም፡፡ አሁን ግን አማራ፣ ኦሮሞ፣ ትግሬ.. በጣም ደስ የሚል መግለጫ፡፡ እሱማ ባይኖር ማን ነበር የምንባለው? የትግሬ ህዝብ በራሱ መሪዎቹን መርጦ ወደ ዋናው ከተማ ይመጣል፡፡ ኦሮሞ በራሱ ክልል የራሱን መሪዎች መርጦ ወደ አዲስ አበባ ይመጣል፡፡ እነዚህ መሪዎች ኢትዮጵያን እንዴት እንምራት ብለው ሊስማሙ ይችላሉ፡፡ ሊነጋገሩ ይችላሉ፡፡ አንድ ህዝብ በስሙ መጠራቱ ምን ከፋ? ችግሩ እኛ ኢትዮጵያውያን አይደለንም ሲባል ነው፡፡ ህወሓት፣ ኦነግና አሁን ኢህአዴግ ውስጥ ያለው የአማራ ድርጅት ኢትዮጵያዊ አይደለንም ይሉ ነበር፡፡ ችግሩ የሚመጣው እንዲህ ሲሆን ነው፡፡ ይህ ሳይሆን በስሙ ተጠርቶ፣ ከሌሎች የኢትዮጵያ ዜጎች ጋር ተዋዶና ተፋቅሮ፣ እየተረዳዳ፣ እየሰራ ቢኖር ምን
ችግር አለው?
ነገረ ኢትዮጵያ፡- እርስዎ በፓርቲ ደረጃና በግል እንደሚታገሉለት የሚናገሩለት የኦሮሞ ህዝብ ሰፊ መሰረት ያለው መሆኑ ይታወቃል፡፡ የኦሮሞ ህዝብ ሰፊ መሰረት ያለው ሆኖ እያለ በቋንቋ በመደራጀት መብቱን አስከብራለሁ ማለት ለክብሩ የሚመጥን አይደለም የሚሉ አካላት አሉ፡፡ የኦሮሞ ህዝብ በቋንቋ ከመደራጀት ይልቅ በህብረ ብሄራዊነት ተደራጅቶ በኢትዮጵያ የተሻለ ለውጥ ማምጣት አይችልም? በአንድ ክልል፣ በአንድ ማዕቀፍ ብቻ ተወስኖ መደራጀት ለክብሩ የሚመጥን ነው ብለው ያስባሉ?

አቶ ቡልቻ፡- የኦሮሞ ህዝብ ከ37 እስከ 40 ሚሊዮን የሚሆን ህዝብ ነው፡፡ ግን አዋቂዎችና የተማሩት የሚሉትን ልንገርህ፡፡ እኛ የኢትዮጵያ አካል ነን፡፡ የትም መሄድ አንፈልግም፡፡ ኦሮምኛ እንናገራለን፡፡ ግን ኢትዮጵያውያኖች ነን፡፡ በኢትዮጵያዊነት ማንም ከእኛ አይበልጥም፡፡ እኩል ነን፡፡ እገዛችኋለሁ፣ እበልጣችኋለሁ፣ ቋንቋችሁን አፍናለሁ፣ የሚሉ ካሉ እንታገላቸዋለን፡፡ እንጂ የትም አንሄድም፡፡ አገራችንን ትተን የት እንሄዳለን? ዛፍ እንኳ ስታየው ቅርንጫፉ ነው የሚወድቀው፡፡ ዋናው ግንድ ይቆማል፡፡ ኦሮሞ ግንድ ነው፡፡ ማንም ሰው ለኦሮሞ አንተ እንዲህ ነህ፣ አንተ እንዲህ ነህ ብሎ ሊነግረው አይችልም፡፡ ኦሮሞ ምን እንደሆነ ራሱን ያውቃል፡፡ እንዲያውም ኦሮሞ ይህ ሀገር የእኔ ነው፣ ከሌሎች ጋር ተጋርቼ እኖራለሁ ብሎ ነው የሚያምነው፡፡ ስለዚህ ነው እንገነጠላለን የሚሉ ሰዎች ያልተሳካላቸው፡፡

ነገረ ኢትዮጵያ፡- ታዲያ ኦሮሞ ግንድ ሆኖ እያለ እንደ ቅርንጫፍ ነጥሎና ጠበብ አድርጎ መደራጀት ለምን አስፈለገ?
አቶ ቡልቻ፡- ኦሮሞዎች፣ እኛ ኦርጅናል ኢትዮጵያውያን ነን፡፡ ኢትዮጵያውያን ሆነን ግን ለፖለቲካና ማህበራዊ ህይወት እንደራጃለን፡፡ ቋንቋችን ስንናገር ነው የምንግባባው፡፡ አማርኛም እንናገራለን፣ ነገር ግን አማርኛም የማያውቅ አለ፡፡ የኢትዮጵያ ህዝብ ለምን ኦሮሞ፣ ትግሬ፣ አማራ፣ ጉራጌ ተብሎ ይጠራል
ብለው የሚከራከሩት አብዛኛውን ጊዜ የቀድሞ የሹማምንት ልጆች ናቸው፡፡ የግራአዝማቹ፣ የቀኝአዝማቹ፣ የራሱ የቀኝአዝማቹ ዝምድና ያላቸው ሰዎች ናቸው፡፡ እነሱ የሚመኙት ወደ ድሮው፣ ወደመሪነት፣ ወደማዘዝ ቦታ ነው የሚመኙት፡፡ የፌደራል ጉዳይ ደግሞ ይነሳል፡፡ ለምንድን ነው ሁላችንም አንድ አዳራሽ ውስጥ የማንኖረው? ለምንድን ነው እያንዳንዱ ሰው ከሌላው ተወዳድሮ ቆንጆ ቤት ሰርቶ ለብቻው የሚኖረው? ፌደሬሽን የሚጠሉ ሰዎች ምንድን ነው የሚፈልጉት? በ1983 ዓ.ም ፌደራሊዝም ከመገንጠል ይሻላል ተብሎ እኮ ነው የመረጥነው፡፡ ያኔ ሁሉም፤ ኦነግም፣ ህወሓትም፣ አማራም፣ ሲዳማም… ሁሉም ብሄር ፌደራሊዝምን የመረጥነው እንገነጠላለን የሚሉትን ሰዎች ለማሸነፍ ነው፡፡ እኔ ኢትዮጵያ ከፌደራሊዝም ውጭ ተስፋ አላት ብዬ አላምንም፡፡

ነገረ ኢትዮጵያ፡- አሁንም ቢሆን ከፌደራሊዝም ውጭ አማራጭ ይዞ የመጣ የፖለቲካ ፓርቲ ያለ አይመስለኝም፡፡ ልዩነቱ በቋንቋ/ጎሳ/ብሄር ከሚሆን ይልቅ አስተዳደራዊ አመችነትና ሌሎች መስፈርቶች መታየት አለባቸው የሚል ነው፡፡ እርስዎ አሁን እንደሚናገሩት ግን ኢህአዴግ የሚጠቀምበት ቋንቋን መሰረት ያደረገ አወቃቀር እንዲቀጥል የፈለጉ ይመስለኛል?

አቶ ቡልቻ፡- አዎ! አማራጭም የለውም፡፡ ታዲያ በምን የተመሰረተ ድርጅት ሊሆን ነው? በቋንቋው፣ በባህሉ፣ በሚኖርበት አካባቢ የፖለቲካ ድርጅት ቢያቋቁም ምን ይጎዳል? ለምንድን ነው የሚጠላው? አሁን እነሱ የሚሉት በዘር ሳይሆን በወንዝ፣ በተራራ፣ አንዳንድ ዳርቻዎችን በመጥቀስ ነው፡፡ ለምሳሌ በአጼ ኃይለስላሴ ጊዜ ሸዋ አማራም፣ ኦሮሞም ነበረበት፡፡ በዛን ጊዜ ሀገረ ገዥው ራስ መስፍን ነበሩ፡፡ እኔ አውቃቸዋለሁ፡፡ በጣም ጥሩ ሰው ነበሩ፡፡ በጣም ትሁት፣ ሩህሩህና ፍትህ የሚያውቁ ሰው ነበሩ፡፡ እሳቸው አማራ ነበሩ፡፡ ኦሮሞዎቹ እንደልባቸው ራስ መስፍን ጋር አይመሩም፣ ራስ መስፍንን አያማክሩም፡፡ አማራ የሆኑት የሸዋ ሰዎች ግን ራስ መስፍንን እንደራሳቸው መሪ፣ እንደራሳቸው ሀገረ ገዥ፣ እንደራሳቸው እንደራሴ አድርገው ነበር የሚያዩት፡፡ ይህ ራሴ በህይወቴ ያየሁት ገጠመኝ ነው፡፡ ህዝብ የሚፈልገውን ያውቃል፡፡ ከፌደራሊዝም ውጭ አማራጭ የለንም፡፡ ፌደራሊዝምን በደንብ መምራት የመንግስት ፋንታ ነው፡፡ ፌደራሊዝም በሚመራበት ወቅት የኦሮሞ ህዝብ ‹ራስ መስፍን የእኛ አይደሉም› እንዳሉት እንዳይሆን መደረግ አለበት፡፡ የአዲስ አበባ መንግስት ሁሉንም ሰው በእኩልነትና በፍርድ የያዘ እንደሆነ ፌደራሊዝም ጥሩ አማራጭ ይሆናል፡፡

ነገረ ኢትዮጵያ፡- ፌደራሊዝሙ በቋንቋ መዋቀሩ እንደ ችግር ተብሎ የሚነሳው ኢትዮጵያውያን በሀገራቸው ‹‹ሀገራችሁ አይደለም ውጡ›› እንደሚባሉ በመጥቀስ ነው፡፡ በደቡብና ቤንሻንጉል እየታየ ያለውንም እንደማሳያ ይጠቅሳሉ፤ እና…
አቶ ቡልቻ፡- እሱን በጭራሽ አልደግፍም፡፡ እሱን በመመካከር፣ በአስተዳደር፣ በፖለቲካ፣ አንድም ነገር ሳይደበቅ መነጋገርና መወያየት ያስፈልጋል፡፡ ግልጹን ማውጣት ነው የሚጠቅመው፡፡ ለምሳሌ ከወለጋ አማራዎችን አንስተዋቸዋል ይባላል፡፡ ውሸት መሆኑን አውቃለሁ፡፡ ግድ የለም አስነሷቸው እንበል፡፡ ታዲያ ለምንድን ነው የምታስነሷቸው ብሎ መጠየቅ ነው? ኢትዮጵያውያን የትም ሄደው መስራትና መኖር አለባቸው፡፡ በመሆኑም ማፈናቀል ካለ ለወደፊት ወንጀል ተደርጎ መወሰድ አለበት፡፡ አንድ ብሄር ሌላኛውን ይህ ያንተ አይደለም፤ ከሌላ ነው የመጣኸው ብሎ ሲያፈናቅል የሚቀጣበትን አግባብ መፈለግ ነው ያለብን፡፡

ነገረ ኢትዮጵያ፡- በአንቦና በሌሎች አካባቢዎች ግጭት ለመነሳቱ ቀዳሚው ምክንያት የኦሮሚያ መሬት ሊወስድ ነው፣ አርሶ አደሮች ሊፈናቀሉ ነው በሚል ነበር ይታወል፡፡ በአንድ በኩል አዲስ አበባ የኦሮሞ ነች እየተባለ በሌላ መልኩ ደግሞ የኦሮምያ መሬት ለአዲስ አበባ ሊሰጥ ነው ማለት እርስ በእርሱ አይጋጭም?

አቶ ቡልቻ፡- እንደ እኔ ይህንን ጣጣ ያመጡት በፌደራል መንግስቱ ውስጥ የሚሰሩ አንዳንድ ባለስልጣናት ናቸው፡፡ እርግጥ ነው ኦሮሞ መሬቱ በአዲስ አበባ እንዲወሰድ አይፈለግም፡፡ ምክንያቱም የጋራ ጥቅም ነው፡፡ አሜሪካም ውስጥ እንዲህ አይነት ጭቅጭቅ አለ፡፡ ትልልቅ የመንግስት ስራዎች ሲሰሩ አንዱ ስቴት ይመረጣል፡፡ ለመንግስት ስራ የተመረጠው ስቴት የስራ አጥነትና ሌሎች ችግሮች እንደሚፈጠሩ በመግለጽ ይከራከራሉ፡፡ ታዲያ ምን አለ የኦሮሞ ወጣቶች እኛ ሳንጠየቅ ይህን ያህል መሬት ለምን ይወሰድብናል? ቢሉ ምን ችግር አለው፡፡ አሜሪካ ዋና ከተማው ዋሽንግተን ዲሲ ነው፡፡ ዋሽንግተን የቨርጂኒያና የሜሪላንድን መሬት ዝም ብሎ ይከልላል? የማይታሰብና የማይደረግ ነገር ነው፡፡ ለማንም ሳይናገሩ ልዩ ዞኖችን እንደወሰዱት አይደለም፡፡ ይህ እኮ ሰውን መናቅ ነው፡፡ ከህዝቡ ጋር ተማክረዋል? መንግስት የህዝብ ወኪል ከሆነ ህዝብን መናቅ አይችልም፡፡ በሰለጠነ መንገድ ቢደረግ ኖሮ ማን ይቃወም ነበር?
ነገረ ኢትዮጵያ፡- በቅርቡ ‹‹ሰማያዊ ፓርቲ አይገባኝም!›› ማለትዎትን አንብቤያለሁ፡፡ ሰማያዊ አይገባኝም ሲሉ ምን ማለትዎት ነው?
አቶ ቡልቻ፡- አንድነትን አውቀዋለሁ፡፡ መኢአድን አውቀዋለሁ፡፡ ሰማያዊን ግን አላውቀው ማለቴ ነው፡፡ ይህ ግልጽ ነው አላውቃቸውም ማለት ነው፡፡ እነሱም አላማቸውን ለማሳወቅ ፓምፕሌት አይበትኑም፡፡ እኔ ለምሳሌ ኦፌኮ በነበርኩበት ጊዜ ስለ አላማችን በርካታ ፓምፕሌቶችን እያሳተምኩ እበትን ነበር፡፡ ህዝብ አላማችን እንዲያውቅ እናደርግ ነበር፡፡ ሰማያዊ ፓርቲ ይህንን ሲያደርግ አላየሁም፡፡ እና ሰማያዊ ከአንድነት ምን ያህል ልዩነት ኖሮት ነው ሰላማዊ ሰልፍ የተፈቀደለትና አንድነት ሰላማዊ ሰልፍ የተከለከለው? አይገባንም፡፡ እውነቴን ነው ፖለቲካም እውነት ሊሆን ይችላል አንዳንዴ፡፡ ይህን አላውቅም የምለው ከልቤ ነው፡፡ አንድነት ከኦሮሞ የሚለይበትን አንዳንድ ምክንያቶች አውቃለሁ፡፡ ይህ ከቅን ልቦና የማደርገው ንግግር ነው፡፡ ቢፈልጉ ፓምፕሌት ይላኩልኝ አንብቤ እረዳዋለሁ፡፡

ነገረ ኢትዮጵያ፡- እርስዎስ በግልዎ ለማወቅ ጥረዋል?
አቶ ቡልቻ፡- አዎ! ጠየኩ! ቢሮ ውስጥ እባካችሁ የሰማያዊ ፓርቲ ፓምፕሌት፣ መግለጫ ካላችሁ ብዬ ጠይቄያለሁ፡፡ አሁንም እጠይቃለሁ፡፡ ለምሳሌ ከአንድነት ልዩነታቸው ምንድን ነው? አንድነት አማራ፣ ኦሮሞ፣ ትግራይ ሳይሆን ኢትዮጵያ መባል እንዳለበት እንደሚፈልጉ አውቃለሁ፡፡ የሰማያዊ ምን እንደሆነ አላውቅም፡፡

ነገረ ኢትዮጵያ፡- ሰማያዊ አቋሞቹን፣ መግለጫዎቹንና ሌሎቹንም በዚህ ጋዜጣ ያሳውቃል፡፡ ለምሳሌ ነገረ ኢትዮጵያን አንብበው ያውቃሉ?

አቶ ቡልቻ፡- እስካሁን አላየሁም፡፡
ነገረ ኢትዮጵያ፡- ለ2007 ሀገራዊ ምርጫ እየተቃረብን ነውና ከምርጫው ምን ይጠብቃሉ?

አቶ ቡልቻ፡- በአሁኑ ጊዜ የህዝቡን የኢኮኖሚ ችግር፣ የኑሮ ውድነት፣ የስራ አጥነት፣ በተለይም የምግብ ዋጋ መናር አለ፡፡ ይህን ሁሉ ህዝቡ ያውቃል፡፡ ታዲያ ህዝቡ ይህን እያወቀ ኢህአዴግን እንመርጣለን ይላል? እንግዲህ እያንዳንዱ ሰው መፍረድ አለበት፡፡ ይህ ሁሉ ችግር እያለ በማን አገር ነው አንድ ፓርቲ 20ና 30 አመት ስልጣን ላይ የሚቆየው? ቻይና ብቻ ነው አይደለም?! እንደ ቻይና ኮሚኒስት እንሁን ብሎ የኢትዮጵያ ፓርላማ ፈቅዷል? ያለ ፓርላማ ፈቃድ የኢትዮጵያ መንግስት እንደፈለገ የሚንቀሳቀስ፣ የፈለገውን ገንዘብ የሚያወጣ፣ የፈለገውን የሚገዛ፣ የፈለገውን የሚሸጥ፣ ዴሞክራሲ እንደሌለ አድረጎ ነው የሚያስተዳድረው፡፡ እንደ ፖለቲከኛ ሳይሆን እንደ ዜጋ ሳየው ተቃዋሚዎች በሚቀጥለው ምርጫ ትልቅ እድል አላቸው፡፡

ነገረ ኢትዮጵያ፡- እርስዎ የሚገልጹት ብሶት መኖሩን ነው፡፡ ግን ተቃዋሚዎች የሚሉትን እድል ለመጠቀም የቤት ስራቸውን እየሰሩ ነው ብለው ያምናሉ?

አቶ ቡልቻ፡- ተቃዋሚዎች የማይፈታ ችግር አለባቸው፡፡ አሁን በቀደም በጋዜጣ ላይ ሳነብ ኢህአዴግ በደግነቱ ለተቃዋሚዎች ገንዘብ ሰጠ የሚል አይቼ በጣም ተደነኩ፡፡ ጋዜጣው ላይ ቃል በቃል ‹‹ለግሷል!›› ይላል፡፡ ይህ እኮ ድንቁርና ወይንም ክፋት ነው፡፡ በየትኛውም ሀገር ምርጫ ሲደርስ መንግስት ለተቃዋሚዎች ገንዘብ መስጠት ግዴታው ነው፡፡ ዋናው የመንግስት ስራ እኮ ነው፡፡ በጀት ያስፈልጋቸዋል፡፡ ካለ በጀት ምንም ነገር አይሰሩም፡፡ የኢትዮጵያ ተቃዋሚዎች አንድ ቦታ ላይ ለመድረስ የኢትዮጵያ በጀት እንዲደርሳቸው ያስፈልጋል፡፡ ይህ ደግነት አይደለም፡፡ የማንም ሀገር ተቃዋሚ በመንግስት በጀት ይንቀሳቀሳል፡፡ ተቃዋሚ አስተያየቱን በግልጽ በጋዜጣ፣ በቴሊቪዥንና በመሳሰሉት ካልገለጸ ማን ይመርጠዋል? እሱ እኮ ነው ኢትዮጵያ ውስጥ የተዘጋው በር፡፡ በሩ ከተዘጋ ተቃዋሚዎች እንዴት ይንቀሳቀሳሉ? በሬድዮና ቴሌቪዥን አትናገሩ ከተባለ፣ ሰላማዊ ሰልፍን ለህዝብ በቴሌቪዥን እንዳይታይ ከተደረገ ተቃዋሚዎች እንዴት ይንቀሳቀሳሉ? እንደዛም ሆኖ ግን ተቃዋሚዎች አሁንም ትልቅ እድል አላቸው ባይ ነኝ፡፡

ነገረ ኢትዮጵያ፡- በመጨረሻ መናገር እፈልጋለሁ የሚሉት መልዕክት ካለ?
አቶ ቡልቻ፡- እንዴት የኢትዮጵያ ህዝብ ዝም ብሎ አንድ ጥያቄ ሳይጠይቅ ይኖራል? ተቃዋሚዎችን በራዲዮና በቴሌቪዥን ያሰሙን ብሎ በሰልፍ አይጠይቅም? እንደዚሁም ደግሞ መንግስት መረጃ አልሰጥም እያለ ሲያስቸግር ህዝቡ አይጠይቅም? የመንግስትን ንብረት አጠቃለሁ፣ የሚገዙበት፣ የሚዙት የኢትዮጵያ ባለስልጣናት ብቻ ናቸው፡፡ የመንግስት ኩባንያዎች ሁሉ በኢህአዴግ ስር ነው የሚተዳደሩት፡፡ ድሮ በአጼ ኃይለስላሴ ጊዜ እንደዚህ ነበር፡፡ ነገር ግን በእርሳቸው ጊዜ እንደዛ የሆነው የግል ባለሀብት ስለጠፋ ነው፡፡ ዛሬ የግል ባለሀብት እንደ ልብ ነው፡፡ ለምንድን ነው የኢትዮጵያ መንግስት ይህን ሁሉ ንብረት የሚቆጣጠረው? የኢትዮጵያ ንግድ ባንክ፣ ቴሌ፣ አየር መንገድን ሁሉ ለምንድን ነው በስሩ ያደረገው? እኛ ኮሚኒስት ነን እንዴ? ፓርላማ ኢትዮጵያ ኮሚኒስት ነች ብሏል፡፡ ይህ የኢህአዴግ የራሱና የውስጥ አሰራር ነው፡፡ ይህን ለህዝብ መናገር እፈልጋለሁ፡፡

ምንጭ፡ ነገረ ኢትዮጵያ ጋዜጣ ከአዲስ አበባ

ሥርጉተ ሥላሴ (ሲዊዘርላድ –  ዙሪክ)

የኢሳት ክብር በዓል ሲዊዘርላንድ በበርን ከተማ

ዕለተ ቅዳሜ 26.07.2014 በጭምቷ ሲዊዝ ርዕሰ መዲና በበርን ከተማ የአንዳርጋቸው ዓላማን ከግብ እናደርሳለን ያሉ የቆረጡ – የወሰኑ – ለቀጣዩ የትግል ጥሪ ሁሉ አለንልሽ ኢትዮጵያ ያሉ ኢትዮጵውያን በተደራጀላቸው የጋራ መጓጓዣ እንዲሁም በግልም አብዛኞቹ ወደ በርን ያመሩት በጥዋቱ ማልደው ነበር።

በእለቱ ከኢሳት አርቲስት ታማኝ በዬነ፤ አርቲስት መታሰቢያ ቀጸላና የስፖርት ጋዜጠኛው ፍሰሃ ተገኘ በአካል ተገኝዋል። በስካይፒ ደግሞ ከግንቦት 7 ከፍተኛው አመራር አካል ዶር. ታደሰ ብሩ ታዳሚ ነበሩ። ስብሰባውን በንግግር የከፈቱት የሲዊዝ የኢሳት አሰተባባሪ ኮሜቴ ሰብሳቢ ወ/ት ሂሩተ ገብርኤል ነበሩ። ከዚህ በመቀጠለም የኢትዮጵያን ዬዕንባ ዘመን ያገናዘበ በምስል የተቀነባበረ ትረካ ፤ የነጻ ሚዲያ  ምስረታና ዕድገት በኢትዮጵያ፤ ሥነ ግጥም  ከሲዊዘርላንድ የኢሳት ዝግጅት ክፍል በቅደም ተከተል ቀርቧል።

ቀጣዩ የኢሳት የገለጻ ክፍል አህዱነት በአርቲስት መታሰቢያ ቀጸላ „አቅምን በመገንባት እረገድ የታላቋ ኢትዮጵያን መከራ በንጽጽር ከአደጉት አገሮች ጋር በማቀረብ ቅድሚያ ሊሰጣቸው በሚገቡ መሠራታዊ ጉዳዮች ላይ አትኮሮት የመስጠትን  አስፈላጊነት በማብራራት፤ ኢሳትን ቋሚ በሆነ መልኩ እራሱን ለማስቻል ሊከወኑ በሚጋባቸው አቅጣጫዎች ላይ   ከእነአስፈላጊነት ዕሴታቸው ጋር አብራርታለች።  አርቲስት መታሰቢያ ቀጸላ ታላቋ ኢትዮጵያ ያልተሰራች ሀገር ናት ባይ ናት። ስለሆነም ትውልዱን በሚጠበቁ የገዘፉ ሃላፊነቶች ላይ መራባረቡ ቀጠሮ አያስፈልገውም ብላለች“።  በቀጣይነት ጋዜጠኛ ፍሰሃ ተገኝ በበኩሉ „የነፃነት አስፈላጊነት ትግል ሁሉንም የመኖር መስኮች የሚመለከት ስለመሆኑ በማውሳት ለጤነኛ የእስፖርት ዕድገትና ለጠንካራ ተዋዳዳሪነት የአንዲት ሀገር የዲሞክራሲ ሥርዓት ተስተካክሎ በእኩልነት መስፍን አዎንታዊነቱን፤ እንዲሁም አለመስፈኑ ደግሞ በሙያው ላይ ያለውን አሉታዊና ገጽታዎች አብራርቷል።“

ታማኝ በየነ በሲዊዘርላንድ በበርን ከተማ

በስካይፒ በነበረው የዶ/ር ታደስ ብሩና የአቶ ሥነ ጊዮርጊስ ቃለ ምልልስ ጭብጥም „ዬዘመቻ አንዳርጋቸውን ተሳትፎ በሙቀቱ እንዲቀጥል ለማድርግ ሊተኮር ስለሚገባቸው አምክንያች ገንቢ አስተያዬቶችን አክሎ የቀረበ ነበር። ዶር ታደስ ብሩም በተረጋጋ መንፈስ የዘመቻ አንዳርጋቸው የአጭርና የረጅም ጊዜ መርኃ ግብሮች እንዲሁም ሁለቱን የሚያይዘውን የመካከለኛ ጊዜ ወሳኝ የተግባር ትልሞችን በማስገንዘብ ለተጨባጭ ተግራዊነታቸው የሁሉንም የተዋህደ ተስትፎ  በእጅጉ እንደሚያስፈልግ ገልጸዋል። ዶር ታደሰ ብሩ የተከበሩ አቶ አንዳርጋቸው ጽጌን እኔ ተማሪው እሱ ደግሞ አስተማሪዬ ነው፣ ሁሉን የሰጠው እያዬህ የምትማርበት የተግባር ሰው ነበር በማለት በአውሮፓ ኮሚሽንን በብርቴን መንግሥት ሊደረግ ስለሚገባው ጫና በተመሰጠ አገላላጽ ሃሳባቸውን ገልጸዋል።“

ወ/ት ቅድስት ብሩክ የአንገት ወርቋን ውልቅ እድርጋ ለኢሳት የሰጠች የተግባር እመቤት

በአርቲስት ታማኝ በዬነ በኩል „አንዳርጋቸው ኑሮው በጽናት ላይ የተመሰረተ ተግባርን ያሰበለ በመሆኑ፤ ወያኔ እጥፍ ተግባር ከውነን እናቅጥለዋለን ሲል ገልፆል። የአርቲስት ታማኝ በዬነ የገለጻው ፍላሎት፣ የድምጹ ግርማ ሞገስና የቁጭቱ ግለት ዬወጣቶችን ህሊና በቅጡ የሚያሰናዳ ነበር ማለት ይቻላል።“  እንደ አርቲስት ታማኝ በዬነ ገለጻ „የቆረጠና የነጠረ ትግል ወቅቱ የጠዬቀን ግዴታ በመሆኑ በጠላት ላይ ሊሰነዘር በሚገባው ማናቸውም የማጥቃት እርምጃ ድርድር የለም ብሏል።“

ከዚህ በመቀጠል በነበረው የኢሳት ፈንድ ራይዚንግ ፕሮግራም ጨረታውን የመራው እራሱ አርቲስት ታማኝ በዬነ ስለነበር እጅግ በለሰለሰ – በሚያዝናና – ውብ በሆነ አቀራረቡ የስብሰባውን መሰረታዊ መርሃ ግብር ነፍስ ዘርቶ ሲያስፈልገው ዕንባን – ሲያሰኘው ሳቅን  – ሲለው ወኔን – እንዲያም ሲል እልህን – ሁሉንም ዓይነት ኢትዮጵያዊ ስሜት ፈጥሮ ታዳሚውን በማክበርና በጥሩ አያያዝ ሳይጠገብ ነበር የጨረታው ሂደት የተጠናቀቀው። ወርቅ ዝግጅት ነበር።  ገለጻው በመረጃ የተደገፈ ስለነበርም ጭብጡ ወደ ተግባር ሰራዊቱን ለማሰማራት ልዩ አቅምና ጉልበት ነበረው። ስለሆነም ጨረታው በተግባር ቤቱ የከረንት አፊርስ የመወያያ መድረክ 1300.00 የሲዊዝ ፍራንክ አካባቢ ተጀምሮ በዙሪክ አራት ወጣት አንበሶች በ12.000.00 /አስራ ሁለት ሺህ የሲዊዝ ፍራንክ/ ተጠኗቋል።  የተለያዩ ለሽያጭ የቀረቡ መጸሐፍት፣ ፒኖች፤ አርማዎች ነበሩ። የሲዊዝ የኢሳት አመራር አካላት በሰሞናቱ በተካሄዱ ተከታታይ ሰላማዊ ሰልፎች ሁሉ የተቀናጀ ተግባር የከወኑ ስለነበሩ መሰናዶቸው አንቱ ነበር ማለት ይቻላል። ውጤቱም የሚያመረቃ።

የጨረታው የክብር ታላቅ እንግዳ የነጻነት ትግሉ የጭንቅላት ልብ፤ የመሆን መቻል አድባር፤ የእርቅ ድልድይ፤ የአርቆ ማሰብ አባወራ፤ የማስተዋል ባዕት የሆኑት የተከበሩ አቶ አንዳርጋቸው ጽጌ ፎቶ ግራፍ ነበር። ዙሪኮች ስንመለስ ከነክብራችን ነበር የተመለስነው። ስለምን? ወጣቶቻችን ሊቀድሙን  – ሊረከቡን አደራውን – በግንባር ቀደምትንት ተሰለፉልን። በማሸነፍ ውላችን በተግባር አስረው ነበር ወደ ባዕታችን የተመለስነው። ዙሪክ የጀግና አባወራውን ምስል በክብር አክብሮ በተግባር ሊያከበር አብሮን መጣ። በውስጣችንም ነጥሮ ጽላታችን ሆነ የመንፈሳችን ዜማ የአንዳርጋቸው ጽናት ሆነ!

ስብሰባው ሁለንትናው ሙሉዑና ብቁ ነበር። ኢትዮጵያዊነት ፍቹ በድምቀት ታይቶበታል። እንደሚታወቀው በዚህ ወር ብቻ ሲዊዝ ውስጥ ሁለት ሰላማዊ ሰልፍና አንድ ህዝባዊ ስብሰባ መካሄዱ ነው። የሰዉ ጽናት ከብረት ቁርጥራጭ የተሰራ ነው። ዛሬ እንዲህ የሚያኮሩና የሚያስመኩ ኢትዮጵውያን አዳራሹን ሙሉት አድርገው፤ በተሟላ ተሳትፎ አንደበተ -ኢሳት ፈክቶ የአርበኛ አንዳርጋቸው ቋያ ሳይበርድ እዩኝ እዩኝ ይል ነበር። እውነት ያስደስት ነበር። ያጽናና ነበር። የሚገርመው ነገር የተከበሩት የሰላማዊ ትግል የስልትና የቅንብር መዲናዎች ድንቆቹ የእስልምና እምነት ተከታይ ወገኖቻችን ያፈጠሩት አዳረሽ ውስጥ በተዘጋጀላቸው ልዩ ቦታ የተገባውን ከውነው ነበር። ሃሰተኛ ሳልሆን ይህችን ሥንኝ ስጽፋት በሲቃ ዕንባ እዬተናነቀኝ ነው። ይህቺ ቀን ለእምነቱ ተከታዮች የተከበረችና የተቀደሰች ሆና፤ ነገር ግን መከራ ላይ ስለሆኑ እንዲህ ተሚራቸውንና ማናቸውንም የሚያስፈልገውን ነገር በስንቅ ቋጥረው በወል ማዕዶት የእናት ሀገር ዕንባ እዬታሰበ ተከበረ። ይህ ለሲወዘርላንድ ብቻ ሳይሆን በመላ ዓለም ለተበተኑ ህዝብ እስልምና እምነት ተከታዮች አብነቱ ዘመን የሚያሻግር፤ ዘመንም የማይሽረው ጉልት ነው እላላሁ በጣም በበእርግጠኝነት እኔ ዘጋቢዋ ሥርጉተ  ሥላሴ። በሌላ በኩል የነፃነት ትግሉ ዬተዋህዶ ልጆችም ዓመታዊ የቅዱስ ገብርኤል በአላቸውን ሉዛን

ቅዱስ ገብርኤል አክብረው ታቦታቸውን አንግሠው፤ የተገባውን ከውነው በኋላም ልባቸውን እንጥልጥል ወደ አደረገው ሀገራዊ ጉዳይ ነበር የገሰገሱት። ወደ ዬቤታቸው አልተመለሱም ነበር።  እነሱም ወደ ዕናባቸው መጡ። አያስደስትም? አያስመርቅም? እውነት አፍርቶ ጽናት እንዲህ አስብሎ ማዬት ነገን ያበጃል። ትውልድንም ይገነባል።

እጅግ የማከብራችሁ የሀገሬ ልጆች አብራችሁኝ እንደምትሆኑ በማመን ሌላም እህታችን ወ/ት ቅድስት ብሩክ ለኢሳት  ዬአንገት የወርቅ ሃብሏን ውልቅ አድርጋ ሰጠች። የተግባር እመቤትንት – ሴቶች!  በቃ! እኛ ጨክነናል! ቆርጠናል! ወስነናል! አንዳርጋቸው የእኛ –  እኛም  የአንዳርጋቸው አሉ ሲዊዞች።

በተረፈ መስተንግዶው ሙሉ ነበር። ጠጁ  - ቡናው – እንጀራው – ዝግኑ – አልጫው  - ድፎው ምን ይቀራቸዋል የሲዊዝ ሴቶች – የሴት አርቂዎች እኮ ናቸው – ፍቅሮች። የዛሬ የሴቶች ተሳትፎ ጎምርቷል። ድምቋል። ዬኢትዮጵያ መከራ የሚያልቀው ሴቶች በነቂስ ወጥተው በባንዳው ወያኔ በሽፍታው ወያኔ ላይ ሲሸፍቱ ብቻ ነው። ቁልፉ ይህ ነው። ፍላጎት ከጸዳ መነገዱ እረዳ

Source: Ethiopian Reporter

Source: Ethiopian Reporter

ከኢትዮጵያ ውጭ በምንኖር ስለ ኢትዮጵያ ዝም ማለት ያቃተንን ኢትዮጵያውያኖች ወያኔ እንደ አሎሎ የሚጠቀምበት በርገርን ነው።ስለ- መብታችን ስንናገር በርገር እየበላህ ነው ፣ ስለ ግፍ ስናወራ በርገር እየበላህ ነው ፣ ስለ አፈና እና ግድያ ስናወራ በርገር እየበላህ ነው ፣ እስክንድር ለምን ታሰረ ፣ ርዮት ትፈታ ፣ የበቀለ ገርባ እስር ኢ’ፍታዊ ነው ፣ እነ አንዱዓለም አራጌ ስለነጻነት፣ ስለ ፍትሕ እና ርትዕ ምክንያታዊ ጥያቄ ነው ያነሱት ማለት ፣ ህውሃትን የጥያቄውን ስር እንዲመለከት ሳይሆን ይልቁንም በተጣመመ አስተሳሰብ ፣ ነገሩን በመጠምዘዝ ” በርገር እየበላህ” ወደሚል ክርክር እና አግቦ መሰል ፍሬ ከርስኪ ወሬ እንዲምዘገዘጉ አድርጎዋቸዋል ።

ለምሳሌ እኔ አማሪካ ነው የምኖረው ፣ የምኖርበት ሀገር ደሞ የራሱ የሆነ የአመጋገብ ባህል አለው ፣ ከዚያ የአመጋገብ ባህል ውጭ ራስን ሙሉ ለሙሉ ነጻ ማውጣት አይቻልም ፣ የዚያ የምኖርበት ሀገር የ ምጣኔ ሀብት ጥንካሬ ፣ የአስተሳሰብ ሆኔታ ፣ ያ የአስተሳሰብ ሁኔታ ያፈለቃቸው መሳሪያዎች ብሎም እነዚህ መሳሪያዎች የሚያመርቱዋቸው ምርቶች ሁሉ ተጠቃሚ መሆን ብርቅ አይደለም ። ለምሳሌ የእጅ ስልኬ በ አፕል የሚሰራው (አይ ፎን) የተባለው ነው፣ ከቤቴ ፊት ለፊት የመዋኛ ገንዳ አለ፣ ሁለት አዳዲስ ሞዴል መኪኖች አሉኝ ፣ በአሜሪካ የኑሮ ደረጃ የመካከለኛ ገቢ እርከን ላይ ካሉት ውስጥ ልመደብ እችላለሁ ፣ ለልጄ በዓመት ለሞግዚት የምከፍለው በአሁኑ የኢትዮጵያ ብር ሲሰላ ከ ሁለት መቶ ሺ ብር በላይ ነው ፣ ማቀዝቀዣዬ ውስጥ ( ለጌጥም ቢሆን እንኩዋ ) ብዙ አይነት መጠጦች፣ ፍራፍሬዎች አሉ ፣ ቅዳሜ ቅዳሜ በል ካለኝ የመርከብ ላይ ጉብኝት አደርጋለሁ ፣ ከፈለኩ የፈለኩትን ጸሐፊ መጽሐፍ ከአማዞን ላይ ገዝቼ ማንበብ እችላልሁ፣ በርገር ብቻ ሳይሆን ፣ ላዛኛ ፣ ሱሺ ፣ ሚት ቦል፣ ስቴክ ፣ ቺክን ክባብ ወዘተ ወዘተ እበላለሁ ። እንግዲህ ይሄ የምኖርበት ሀገር ራስን ለመርሳት የተመቸ ፣ እጅግ በጣም ልብ የሚሰልብ ፣ ቀልብ የሚስብ ፣ በሕልቅ ውበት የተሞላ መንደር ነው ማለት ነው ። ግን ያም ሆኖ ስለ ኢትዮጵያ እጮካለው ፣ ስለ ሀገሬ ዝም አላልኩም ፣ የመጨረሻውን መስዋትነትም ልከፍል መንገዴን ሀ ብዬ ጀምሬያለሁ ።

አንተ ግን እስከ አሁን ከተናገርኩት ፣ እስከ ዛሬም ይሄን ሁሉ ምቾት ጥሶ ፣ ከዚህ ሁሉ ሙቀተ ሕይወት ገዝፎ ስለተናገርኩት ማንነት ፣ ሃገሬ ስለምላት ሀገሬ ስላወራሁት እውነት ሳይሆን በርገር መብላቴ ያስቆጨህ ይመስላል ፣ ያሳዝናል ። ባታውቀው ነው እንጂ እኮ አንተ ያለህበት ሀገር ጨጨብሳ ፣ ስልጆ፣ ክትፎ፣ ዶሮ፣ ሃምባሻ፣ ሕብስቲ፣ ጠላ፣ ጠጅ፣ ቁርጥ ፣ ሸክላ ጥብስ ፣ ተጋቢኖ ፣ አረ ስንቱ ስንቱ አለ መሰለህ ፣ ግን እሱን እንኩዋ እየበላህ አይደለም ። ቢገባህ በርገር እየበሉ ነው የሚሉህ አለቆችህ ፣ እነሱም ከላይ የጠቀስኩትን ምግብ እየበሉ ነው አንተን ወታደር ፣ ድንጋይ ፈላጭ ፣ ህገ መንግሱትን ጠባቂ ፣ ልማታዊ ፣ ሕዳሴያዊ ፣ ገለመኔ ገለመኔ ሁን የሚሉህ። ደሞ በርገር እኮ ምንም የተለየ ነገር አይደለም ፣ በ ዘይት የተጠበሰ ሙዳ ስጋ ነው ፣ ታዲያ ሙዳ ስጋ ኢትዮጵያ የለም? አለ ! አንተ ግን አይተኸው ታውቃለህ ? አታውቅም ፣ ምክንያቱም በርገር እየበሉ የሚሉህ አለቆች ወጥ አርገው እየበሉት ስለሆነ አንተን አይታይህም። አየህ በርገር በ ቀይ ወጥ መልክ እየበሉ ፣ በርገር በክትፎ መልክ እየበሉ ፣ በርገር በጥብስ መልክ እየበሉ ፣ አንተን ድንጋይ እያስፈለጡ ፣ ወታደር አርገው ጸሓይ እያሥቀጠቀጡ ፣ በርገር እየበሉ ይሉሃል ። እኔ ዝም ብል ምን የማጣ ይመስልሃል ( እንደው ቁም ነገሩ ለራስ መሆን፣ ለራስ መኖር ከሆነ )፣ ምን እንዳይጎልብኝ ነው ስላንተ የምጮኸው? ምን እንዳላጣ ። ከገባህ ነጻነት የምግብ ጥያቄ አይደለም ፣ ግን የምግብ ጥያቄ ነጻነት በሌለው ስርዓት ውስጥ የሚጠየቅ ጥያቄ እንጂ። አየህ እኔ በርገር እየበላሁ ዝም ብዬ መተኛት አልቻልኩም ፣ ያንተ ቁርጥ አለመብላት አሳስቦኛል ማለት ነው ፣ የሀገሬ የወደፊት ዕጣ ፈንታ አስጨንቆኛል ማለት ነው ፣ መናቅ አብሽቆኛል ማለት ነው ።

እስኪ ማን ይሙት ስለ ሀገር መጮህን በርገር ከመብላት ጋ ምን አገናኘው ? ወይስ ባዶ ሆዳችሁን ተቃወሙን እያሉ ነው ያሉት ? አልገቡኝም ፣ አይገቡኝም ። ጉራ ፈርዳ ላይ ስለተፈናቀሉት ዘመዶቼ መናገር በርገር ከመብላት ጋ ምን ያገናኘዋል ፣ የኦሮሞ ገበሬን መሬት በግፍ መቀማት አግባብ አለመሆኑን ማጋለጥ ከበርገር ጋ ምን ያገናኘዋል ፣ እስክንድር ነጋ እኮ የታሰረው ማክዶናልድ ዘይት ሰርቆ አይደለም፣ የአንዱዋለም ጥያቄ ጃክ እን ዘ ቦክስ ወይም ኬ-ኤፍ-ሲ አስቀጥሩን የሚል አልነበረም፣ ርዮት አለሙ እኮ የታሰረችው ፣ ቀኑ ያለፈበት ምግብ ( በርገር ) ስትሸጥ አይደለም ፣የሕዝበ ሙስሊሙ የመጅልስ ጥያቄ ከበርገር ጋ ምን አገናኘው ? አቡበከር የጣልያን ባሬስታ ልሁን እኮ አላለም፣ የጣልያን እንቁላል አዙዋሪ ልሁን አላለም ! ብሎዋል እንዴ? ማወቅ ከፈለክ ይህንን ጽሑፍ ስጽፍም ፒዛ እየበላሁ ነሁ ( ፒዛ ማለት ምን ማለት መሰለህ ፣ ጨጨብሳ ታውቃለህ ፣ ወይም ፈታ አዋ በቃ እሱ ነው )፣ እመነኝ እንጀራ ስበላ ግን ወያኔን ውሃ ውሃ የሚያስብል ግጥም ነው የምጽፈው ! ደሞ ተጋዳላይ ለመሆን የግድ አንበጣ መብላት ፣ ድንጋይን እንደ ግብር ውሃ መጠቀም ፣ ሰውነቴ ላይ ቅማል መፍላት አለበት ብለህ አታስብ ፣ መሆን ሲኖርበት ደሞ እናደርገዋለን ፣ እመነኝ ቅማል ብርቄ አይደለም ፣ ከቅማላሞች ጋ 20 ዓመት ኖረያለሁ ! ታዲያ ምንደን ነው ይሄ በርገር እየበሉ ፣ በርገር እየበሉ ።

ይቺ ” በርገር እየበሉ ” የወያኔ አሎሎ ናት ፣ ግን ወንጭፍ የሆንከው አንተ ነህ ፣ እስቲ ረጋ ብለህ አስበው ፣ እኔ ለምን እጮኸለው ? ታማኝ ለምን ይጮሃል ፣ እያሱ አለማየሁ ለምን ይጮሃል? ብርሃኑ ነጋ ለምን ይጮሃል ? ሲሳይ አጌና ለምን ይጮሃል ? መሳይ መኮንን ለምን ይጮሃል ? ተክሌ የሻው ለምን ይጮሃል ? ቡልቻ ደመቅሳ ለምን ይጮሃል ? አበበ ገላው ለምን ይጮሃል ? ( ልዩነታችን እንዳለ ሁኖ፣ ሲገባኝ ይሄ ሁሉ ሰው ግን የሚጮኸው የሚቀጥለው ወር የበርገር አገልግሎት እንዳይቁዋረጥ ብሎ አይመስለኝም

እሁድ ሐምሌ 20/2006

በአላህ ስም እጅግ በጣም ሩህሩህ በጣም አዛኝ (በሆነው)

ምስጋና ለዓለም ችግሮች ሁሉ መፍትሄ ላወረደና በእርሱ መንገድ ላይ ጥረት የማድረግን ክብር ላጎናፀፈን የዓለማት ፈጣሪ አላህ (ሱ.ወ) ይሁን! ክብርና ሰላም የሰው ልጆችን ከጨለማዎች ወደ ብርሃን ለማውጣት በአላህ በታጩትና የነብያቶች ቁንጮ እና መደምደሚያ በሆኑት ነቢዩ ሙሐመድ (ሰ.ዐ.ወ)፣ በባልደረቦቻቸውና በተከታዮቻቸው ላይ ይሁን!

ውድ የነብያት ወራሽ የሆናችሁ ዑለሞች፣ ውድ አላህ ጀነትን በእግራችሁ ስር ያደረገላችሁ እናትና አባቶች፣ ውድ ለእንክብካቤያችሁ አደራ የተባልንባችሁ እህቶች፣ ውድ ነብዩ (ሰ.ዐ.ወ) እንድናከብራችሁ ያዘዙን ታላቆቻችን፣ ውድ እንድናዝንላችሁ ያዘዙን ታናናሾቻችን፣ ውድ አላህ (ሱ.ወ) ከስጋ ወንድምነት በላይ ወንድምና እህት እንድናደርጋችሁ ያዘዘን ወንድሞቻችን እህቶቻችን፣ ‹‹ከስሜታችን እና ስጋችን በላይ ለመሆን እና ነፍስያችንን ድል ለማድረግ ስላበቃን ለምናከብረው እና የደስታ ቀናችን ለሆነው ለ1435ኛው የዒድ አል-ፈጥር አደረሳችሁ›› እንላለን!

ይህን መልዕክት ስናስተላልፍ ሰላማዊ የመብት ጥያቄ አንስተን ነጭ ሶፍት በማውለብለባችን ዱላ በመምዘዝና ጥይት በማርከፍከፍ ደማችንን ያፈሰሱና ያስፈሰሱ፣ ያሰሩና ያሳሰሩ፣ የደበደቡና ያስደበደቡ፣ የሃይማኖታችንን እና የእህቶቻችንን ክብር የነኩና ያስነኩ የመንግስትና የህገ ወጡ መጅሊስ አካላት ‹‹እንኳን አደረሳችሁ!›› በማለት የሚያስተላልፉት የስላቅ መልዕክት የሚፈጥርባችሁን ህመም በመጋራት ነው።

የ1435ኛው ዓመተ ሂጅራ የዒድ አል-ፈጥር በዓል በአላህ መንገድ ላይ ፀንተን በመታገል ላይ እያለን መድረሱ ልዩና አስደሳች ዒድ ያደርገዋል። በመሆኑም የዘንድሮው ዒድ በታላቅ ደስታና አላህ (ሱ.ወ) ለዋለልን ለዚህ ታላቅ ውለታ ምስጋና በማቅረብ የምናሳልፈው ዒድ ይሆናል።

የተከበራችሁ ምእመናን!

ባለፉት ሶስት ዓመታት በእያንዳንዱ ሰላማዊ የመብት ጥያቄ እንቅስቃሴያችን የአላህን የቅርብ እርዳታና እገዛ፣ እንዲሁም እዝነት በግልጽ እና በተጨባጭ አይተናል። ሂደቱንም ወደ ታላቅ እና መልካም ደረጃ ሊያደርሰው እንዳጨው እርግጠኛ እንድንሆን ያደረጉንን በርካታ ክስተቶችንም አስተውለናል። ህዝባችንን አላህ (ሱ.ወ) እንደመረጠው፣ እንደወደደውና በእዝነት አይኑ እንዳየው የሚያረጋግጡ ምልክቶችንም ተመልክተናል።

እኛ ኢትዮጵያዊያን ሙስሊሞች አዲስ ምዕራፍ የከፈትንበትን ሕጋዊና ሰላማዊ የመብት ጥያቄ ካነሳን ሁለት ዓመት ከመንፈቅ ሆኖናል። ከዚህ እልህ አስጨራሽ ጊዜ በኋላም ከታላቁ ረመዷን ባህሪ እና ትክክለኛ ትርጉም ጋር የሚጣጣም የፅናት ወኔ ተላብሶ ድል እያስመዘገበ መቀጠል ችሏል። በርካታ ታሪካዊ ድሎች ሙስሊሞች በተቅዋ (ፈሪሃ-አላህ) ለመሆን በሚታነፁበትና ወደ አላህ ይበልጥ በሚቀርቡበት በዚሁ ታላቁ ወርሃ ረመዷን መመዝገባቸው ይታወቃል።

ህዝባችንም ሕጋዊና ሰላማዊውን የመብት ጥያቄ ካነሳበት ጊዜ አንስቶ በነበሩት ሦስቱ ረመዷኖች ከስሜቱ በላይ በመሆንና ለኢስላም መስዋዕትነትን ለመክፈል በመዘጋጀት፣ ነፍሱን ድል በማድረግ እና የመንግስትን ክፉ ምኞት በማኮላሸት ታላላቅ ድሎችንና ታሪኮችን አስመዝግቧል። ሦስቱ ረመዷኖች ታሪካዊ፣ እጅግ ጣፋጭና አስደሳች፣ እንዲሁም በምድራዊም በሰማያዊም ሂሳብ ትልቅ ድሎችና ታሪኮች የተመዘገቡባቸው ናቸው። መንግስት ንፁህና ሰላማዊ በሆነው ውድ ህዝባችን ላይ የፈፀማቸው ኢ-ሕገመንግስታዊ እና ሰብዓዊነት የጎደላቸው ተደጋጋሚ እርምጃዎች ለሙስሊሙ ጥንካሬን፣ ብስለትን እና አንድነትን ሲያጎናፅፉት በሌላ በኩል መንግስት ምን ያህል ኢስላምንና ሙስሊሙን፣ በአጠቃላይም ሃይማኖትን ለማጥቃት ታጥቆ እንደተነሳ እንዲገነዘብ አድርገውታል። ይህም መንግስት ሽፋን ያደረገው ጥቁር መጋረጃ ተገፍፎ እርቃኑን እንዲቀርና ማንነቱ እንዲጋለጥ አስችሏል።

የተከበራችሁ ውድ ኢትዮጵያዊ ወገኖቻችንና ወንድሞቻችን!

መንግስት ላይ ከተጣሉ ኃላፊነቶች ውስጥ ዋናው እና መሠረታዊው በአንድ ሀገርና ባንዲራ ስር በተጠለሉ የተለያዩ እምነት ተከታይ ወንድሞች መካከል መልካም ግንኙነት እና ትብብር እንዲኖር ማድረግ መሆኑ ይታወቃል። ነገር ግን ሁሉም ኢትዮጵያዊ በግልፅ በአደባባይ እንዳየው ተቃራኒ በሆነ እና ፍፁም ኃላፊነትና ሰብዓዊነት በጎደለው መልኩ በአንዳንድ የተለየ ዓላማ ባነገቡ ሚኒስትሮች መሪነት መንግስት ያለውን ኃይልና ስልት በመጠቀም በሁለቱ ታሪካዊና ጥንታዊ ሃይማኖቶች መካከል ግጭትና አለመግባባት ለመፍጠር ተንቀሳቅሷል። ሆኖም ይህ እጅግ አሳዛኝና ኃላፊነት የጎደለው ፀያፍ ተግባር ጨዋና አስተዋይ በሆኑት የሁለቱ እምነት ተከታዮች ጠንካራና ተከታታይ ጥረቶች ሊከሽፍና መልካም ውጤቶችንም ሊያስመዘግብ ችሏል።

አንድ ወገን የሆኑት የሁለት እምነት ተከታዮች እርስ በእርስ ተጋጭተው በደማቸው የመንግስትን የስልጣን እድሜ እንዲያረዝሙት ቢታጩም ለዓለም ምሳሌ የሚሆኑና የመከባበር እና የመፈቃቀር መገለጫ የሆኑ ተግባራትን በማከናወን የመንግስትን ሰይጣናዊ ምኞት መና አስቀርተውታል። ክርስትያኑ ማህበረሰብ ሙስሊሙንና ኢስላምን ለማጠልሸት መንግስት የከፈተውን ዘመቻ ንቆ በመተው እና ሀሰትነቱን በመረዳት መንግስት እርምጃ ሊወስድባቸውና ደማቸውን ሊያፈስ ያሳድዳቸው የነበሩ ሙስሊሞችን ቤቱንና ቤተ-ክርስትያኑን ከፍቶ ሸሽጓል፤ አስጠግቷልም። በዚሁ ረመዷን በሌሊት መንግስት የተከበረ ገላቸውን አራቁቶ በሌሊት የላካቸውን ጥብቅ እህቶቻችንን ልብስ በማልበስና ለቆሰሉ አካሎቻቸው እርዳታ በመስጠት ሰብዓዊነት በተሞላበት ሁኔታ ሃይማኖታዊና ሀገራዊ ግዴታቸውን ተወጥተዋል። በዚህም መላው የክርስትያን ማህበረሰብ ሙስሊሙ የማይረሳውን ታሪካዊ ውለታ የዋለ ሲሆን የመከባበርና የመቻቸል ተምሳሌት የሆነ ተግባርም ፈፅሟል። ለዚህም የክርስትያን ወገኖቻችን ምላሽ መንግስት ሊፈጥረው ያሰበውን ብዥታ ሙስሊሙ ለመቅረፍና ቅንና ንፁህ አመለካከቱን ለማሳወቅ ያደረገው በሳል ጥረት፣ እንዲሁም ሙስሊሙ ያነሳው የመብት ጥያቄ ሁለቱም በጋራ ሊቆሙለት የሚገባ ሕጋዊ፣ ሃይማኖታዊ፣ ሕገ-መንግስታዊና ሰላማዊ መሆኑ ከፍተኛ አስተዋፅኦ ማበርከቱን መገመት አያዳግትም። መንግስት ህዝቡን አክብሮ የህዝብን ጥያቄና ሃሳብ ለመስማት እንደማይችልና ለመስማትም ዝግጁ እንዳልሆነ ለዓመታት በተግባሩ ቢያረጋግጥልንም አሁንም በሃይማኖቶች መካከል ግጭት እንዲፈጠር መጣር ሀገሪቱን ለውድቀት፣ ህዝቡንም ለእልቂት የሚዳርግ የክፋት መንገድ ነውና መንግስት ልቦና ገዝቶ ከዚህ ዓይነቱ ተግባር እንዲቆጠብ አጥብቀን እንጠይቃለን።

የተከበራችሁ ምእመናን!

በባርነትና በውርደት ለመኖር ፈቃደኛ ያልሆነ ማንኛውም የተከበረ ህዝብ ሊያሳካው የተንቀሳቀሰለትን ክብር የሚመጥን መስዋዕትነት መክፈሉ ግዴታ መሆኑ ተረድታችሁ መስዋዕትነት እየከፈላችሁለት ያለው መንገድ ትክክለኛው የእውነት መስመር መሆኑን ልናበስራችሁ እንወዳለን። ዛሬ ጥቂት መስዋእትነት ከፍለን ይህንን ግፍ ማስቆም ካልቻልን ነገ መጪውን ትውልድ ለህሊና ለሚዘገንን ስቃይና መከራ እንዳርገዋለን። መስዋእትነት ባደረ ቁጥር በእጥፍ የሚከፈል እንጂ እየቀነሰ የሚመጣ አይደለም። ዛሬ መስዋእትነት ላለመክፈል ብናፈገፍግ ነገ በእጥፍ የምንከፍለው በመሆኑ አሳድረነው በሚፈጠረው ተጨማሪ ጥፋትና አደጋ በታሪክም በአላህም ፊት ከመጠየቅ ዛሬ መስዋእትነትን ለመክፈል የመረጥነው መንገድ ከተጠያቂነት የሚያድን ትክክለኛ ውሳኔ መሆኑ ለማረጋገጥ እንወዳለን።

በዚህ ሦስት ዓመት ውስጥ ያስመዘገብናቸውም ሆነ በቀጣይ የምናስመዘግባቸው ስኬቶችና ድሎች ጭካኔ በተሞላበት ሁኔታ በመንግስት በተወሰደባቸው ኢ-ሕገመንግስታዊ እርምጃዎች መገኖቻችን በከፈሏቸው የተለያዩ መስዋዕትነቶች የተገኙና የሚገኙ ናቸው። እያንዳንዱ ሰው ላይ የደረሰው ጉዳት እና የደም ጠብታ ስኬት እና ድላችን ላይ የራሱን ተጨማሪ አስተዋፅኦ አበርክቶ አልፏል። ወደ ስኬትም እንድንቃረብ እገዛ አድርጓል።

በከንቱ ተከፍሎ የቀረ መስዋትነት የለም፤ አይኖርምም። በመንግስት የተወሰዱ እና የሚወሰዱ እርምጃዎች ወኔያችንን እና ጥያቄያችንን ከፍ ያደርጉታል እንጂ ፈፅሞ በሞራላችንም በአቋማችንም ላይ ለውጥ አያመጡም። የእስከዛሬው የህዝባችን ምላሽም ለዚህ በቂ ምስክር ነው!

የተከበራችሁ ምእመናን!

በሙስሊሙ ላይ ሴራውን ከመጠንሰስ ጀምሮ እስከ መተግበሩ የተሳተፉ እና በንዋይና በስልጣን ፍቅር ታውረው ከተቃራኒ ወገን ጋር የተሰለፉ ጥቂት ሙስሊሞችን ሙስሊሙ ማህበረሰብ እና መላው የኢትዮጵያ ህዝብ የሚፋረዳቸው ጊዜ ሩቅ እንደማይሆን ያለንን ተስፋ ልንገልፅላችሁ እንወዳለን። በተቋማችን መጅሊስ ውስጥ የተኮለኮሉት አመራሮች እና የመንግስት አካላት ባጠቃላይ ጸረ-ሃይማኖት የሆነ አቋም በመያዛቸው እና ለመብትና ነፃነት ደንታ የሌላቸው ከመሆናቸውም በተጨማሪ ባላቸው አቅም ሁሉ ለመጅሊስ እንዲዋትቱ ያደረጋቸው በየአመቱ በሃጅ ጉዞ ምክንያት ከሙስሊሙ የሚመዘብሩት በብዙ ሚሊዮን የሚቆጠር ገንዘብ በመሆኑ መላው ሙስሊም ማህበረሰብ ለችግሩ መፍትሔ እንዲፈልግለትና አፋጣኝ እርምጃ እንዲወስድ ለመጠቆም እንወዳለን።

የተከበራችሁ ሙስሊሞች!

በማንኛውም ጉዳይ ላይ አንድነታችንን ጠብቀን በጋራ የምንጓዝ ከሆነ ማንም መብታችንን ሊገፍ እና ሊያጠቃን እንደማይችል ግልፅ እንደመሆኑ እና በቁርአን እና በሃዲስ በጥብቅ የታዘዝንበት በመሆኑ አንድነታችንን አጠንክረን መያዝ እንዳለብን አበክረን ለማሳሰብ እንወዳለን። በተለይ ባለፉት ሶስት ዓመታት ውስጥ በሃገር ውስጥም ሆነ በዲያስፖራው ሙስሊም ማህበረሰብ መካከል የሚታየው አንድነት ተስፋ ሰጪ በመሆኑ ኡለሞች (የሃይማኖት ሊቃወንት)፣ ዳዒዎች (ሰባኪያን)፣ ምሁራን እና መላው ሙስሊም ማህበረሰብ በመረባረብ መሰረት ማሲያዝ እና ወደሚፈለገው ደረጃ ከፍ ማድረግ ጊዜ የማይሰጡት ሃላፊነታቸው ሊሆን ይገባል።

ሃይማኖትም ሆነ ሌላ ሽፋን በመላበስ ሙስሊሙን ለመከፋፈል የሚደረጉ ጥረቶችን ሙሉ በሙሉ በፅኑ እናወግዛለን። አንድነትን በምኞት ብቻ እውን ማድረግ የሚቻል ባለመሆኑ፣ እንዲሁም ብዙ ጥረት እና ጥንቃቄ የሚጠይቅ በመሆኑ አንድነታችንን ከሚያናጉ ነገሮች መራቅ እና አንድነታችንን ሊያጠነክሩ የሚችሉ ተግባራትን ደግሞ በቆራጥነት መፈጸም እንደሚገባን አደራ ለማለት እንወዳለን።

የተከበራችሁ የሙስሊሙ ማህበረሰብ አባላት!

ለመብት እንቅስቃሴው ከፍተኛ አስተዋፅኦ ያበረከቱ በርካታ ሰዎች ለእስር፣ ለማህበራዊ ቀውስ፣ ከስራ ለመፈናቀልና ለሌሎችም ችግሮች መዳረጋቸው ይታወቃል። እነዚህን ወገኖቻችንን መዘየር፣ አስፈላጊውን ትብብር እና እገዛ ማድረግ የአላህን ውዴታ የሚያስገኝ፣ አንድነታችንን የሚያጠናክርና የመብት ትግላችንን በድል ዙፋን ላይ ለማስቀመጥ የሚያግዝ በመሆኑ ሁላችንም በየአካባቢያችን የበኩላችንን አስተዋፅኦ እንድናበረክት ጥሪያችንን እናስተላልፋለን። ከዚህም በተጨማሪ ሁሉም ሙስሊም ደስተኛ ሆኖ እንዲያሳልፍ ሁላችንም በዙሪያችን የሚገኙትን ሚስኪኖች፣ የቲሞች፣ ኡለሞች፣ ታማሚዎች እና የተለያዩ ችግሮች የደረሱባቸውን የማህበረሰቡን ክፍሎች መንፈሳዊ እና ቁሳዊ ድጋፍ በማድረግ መርዳት ይኖርብናል።

የተከበራችሁ ሙስሊሞች!

አምባገነን መንግስታት ማንኛውንም ሰላማዊ የመብት ጥያቄ ለማደናቀፍ በሚያደርጉት ጥረት በዋነኝነት ሊያሳኩ የሚፈልጉት ሁለት መሰረታዊ ስኬቶችን ነው። አንደኛው ለመብት ጥያቄው ፈፅሞ ምላሽ እንደማይሰጡ ለማሳመን በመሞከር የመብት ጠያቂውን ተስፋ ማሰቆረጥ ሲሆን ሁለተኛው ደግሞ በሚወስዷቸው አምባገነናዊ እርምጃዎች ህዝቡ ተበሳጭቶ ሰላማዊነቱን ጥያቄ ውስጥ የሚከት የሃይል ምላሽ ውስጥ እንዲገባ ማድረግ ነው። ይህ የአምባገነኖች ፍላጎት እንዳይሳካ በማድረግ እስከፍፃሜው መንቀሳቀስ የቻለ ማንኛውም እንቅስቃሴ ጉዞውን በስኬት ያጠናቅቃል። የእኛ ሰላማዊ እና ህጋዊ የመብት እንቅስቃሴም የመንግስትን ምኞት እንዳይሳካ በማድረግ ተስፋ ሳይቆርጥ እና ስሜታዊነት ውስጥ ገብቶ ህግ ሳይጣስ በራሱ ድል መስመር መጓዝ ችሏል፤ ወደፊትም ይበልጥ በሰከነ እና በበሰለ ሁኔታ በመጓዝ በአላህ ፈቃድ ስኬትን ይጎናጸፋል።

የተከበራችሁ መብት ጠያቂዎች!

ሙስሊሙ ማህበረሰብ ከመነሻው ያቀረባቸው ሶስቱ ህጋዊ የመብት ጥያቄዎች በማንኛውም የመብት ጥያቄ እንደሚመከረው ቀላል እና ከመንግስት ጋር ውይይት በማድረግ የተጀመሩ ናቸው። የመብት ጥያቄውም አመክንዮአዊ ሆኖና የመብት ጥያቄ ህግን እና ሳይንስን ተከትሎ ሲጓዝ በተቃራኒው የመንግስት ምላሽ ግን በተሳሳተ እርምጃ የታጀበ በመሆኑ መንግስት የራሱን አባላት እንኳን ማሳመን ሲሳነው ተስተውሏል። የመብት ጥያቄ እንቅስቃሴውም ሃያል እና ብቸኛ በሆነው ፈጣሪ ፈቃድ ዋነኛ ስኬት የሆነውን ህዝብን ከጎን የማሰለፉን አላማ ለማሳካት ችሏል።

መንግስት ተቋማችንን በመቆጣጠርና ትክክለኛውን አስተምህሮ የሚቃረን ርእዮተ አለም (Ideology) ወይም ቡድን (Sect) በማዘጋጀት፣ የዕውቀት ማሰራጫ ማዕከላት የሆኑትን መስጂዶች፣ መድረሳዎች፣ መርከዞች ወዘተ በመቀማት፣ እንዲሁም በዩኒቨርስቲ፣ መንግስታዊ እና መንግስታዊ ባልሆኑ ድርጅቶች፣ በተለያዩ የንግድ እና የሙያ ዘርፎች ላይ የተሰማሩ ለሃይማኖታቸው ተቆርቋሪ የሆኑ ሰዎችን በማስወገድ እና በማሽመድመድ ይዞት የተነሳውን ለሃይማኖት ደንታቢስ የሆነ ማህበረሰብ የመፍጠር አላማ ለማሳካት ቢንቀሳቀስም የሙስሊሙ የመብት ጥያቄ መነሳት መንግስት ህዝባዊ መሰረት እና ተቀባይነት እንዳይኖረው በማድረጉ ይህ ለሃገርም ለወገንም ጎጂ የነበረ ክፉ ውጥን ሳይሳካ ሊቀር ችሏል። ይህ ለሙስሊሙ ብቻ ሳይሆን ለመላው ሃይማኖት ወዳድ ለሆነው ኢትዮጵያዊ ትልቅ ስኬት ነው።

መንግስት ሙስሊሙ ላይ የከፈተውን ዘመቻ በስኬት ቢያጠናቅቀው ለጥቃት በተመቸው ታሪካዊ እና ቀደምት በሆነው የክርስትና እምነት ላይ በሙሉ ሃይል ይከፍት የነበረውን ዘመቻ አና ጥቃት መገመት አያዳግትም። ከዚህም አንፃር ሙስሊሙ ማህበረሰብ ላነሳቸው ሶስት የመብት ጥያቄዎች መላው ሃይማኖት ወዳድ ኢትዮጵያዊ ምንም አይነት አስተዋፅኦ ቢያደርግ እና መስዋት ቢከፍል አግባብነት ያለው ነው ብለን እናምናለን።

ከዚህ ጋር ተያይዞ ተራ የመንግስትን ፕሮፖጋንዳዎች እና ማጠልሸቶች ንቆ በመተው፣ ሃገሪቷን እየመሩ ከሚገኙ አካላት በላይ በሳል እና አስተዋይ በመሆን ህጋዊ፣ ህገ መንግስታዊ እና ሰላማዊ የሆነውን የሙስሊሙን የመብት ጥያቄ የሁሉም ሃገር ወዳድ ኢትዮጵያዊ ጥያቄ ነው ብላችሁ፣ ጥያቄያችንን ጥያቄያችሁ በማድረግ ከጎናችን የተሰለፋችሁ እና የበኩላችሁን አስተዋፅኦ ያበረከታችሁ ወገኖቻችንን እና ወንድሞቻችንን ሁሉ ከልብ እናመሰግናለን። የክርስትና እምነት ተከታይ ጋዜጠኞች፣ የፖለቲካ ፓርቲዎች፣ የሃገር ውስጥ እና የአለም አቀፍ የሰብአዊ መብት ተሟጋቾች፣ ምሁራን፣ የሃይማኖት አባቶች፣ የለውጥ ሃዋርያት (Activists) እና የተለያዩ ሚዲያዎች ይህ ምስጋና ይበልጥ የሚገባችሁ እና ቀዳሚዎች መሆናችሁ አያጠራጥርም!

ከዚህ ጋር በማያያዝ ሙስሊሙ ላይ የሚታየው መብቱን የማስከበር ጠንካራ ፍላጎት እና መነቃቃት ለሙስሊሙ ብቻ ሳይሆን በሃገራችን ፍትህ፣ ነፃነት፣ እድገት እና ብልፅግና እንዲሰፍኑ ለማድረግ እጅግ ጠቃሚና ወሳኝ በመሆኑ በሃገር ደረጃ ሊጠቅሙ የሚችሉ ህልሞችን በመሰነቅ እና አርቆ በማሰብ ዛሬ መሰረት መጣል፣ እንዲሁም ነገሮችን ፈር በማስያዝ ህዝባችን ሃይማኖቱን ጠብቆ እና ተከባብሮ ስልጣኔን እውን የሚያደርግባቸውን ሁኔታዎች ማመቻቸች እንደሚያስፈልግ የኢትዮጵያ የወደፊት እጣ ፈንታ ለሚያሳስበው ቅን ዜጋ ሁሉ ለመጠቆም እንወዳለን።

ማንኛውንም መብት ለማስከበር ጥያቄውን የሚመጥን መስዋእትነት መክፈል የግድ ነው። በመሆኑም መብቱ እንዲከበርለት የሚፈልግ ሁሉ መክፈል ያለበትን ለመክፈል ዝግጁ መሆን ይጠበቅበታል። በተለይ ሙስሊሙ ይዟቸው የተነሳቸው ዓይነት ሀይማኖታዊ ጥያቄዎች ሲሆኑና ጉዳዩ የሃይማኖት ሲሆን ደግሞ የእምነቱ ተከታዮች ሌላ የመብት ጥያቄ ይዘው ከተነሱ ፍትህ ናፋቂዎች በላይ መስዋዕትነት ለመክፈል መዘጋጀትና መክፈልም ይጠበቅባቸዋል።

አሳሳቢው ጥያቄ ‹‹ዛሬ እኛ ለሃይማኖታችን እና ለህዝባችን ፍትህ እና ነፃነት ስንል እና በታሪክም በፈጣሪም ፊት የተጣለብንን ኃላፊነት ለመወጣት መክፈል ያለብንን እንከፍላለን? ወይስ መጪው ትውልድ ሊሸከመው የማይችለውን መከራ እና ስቃይ እናሳድርለታለን?›› የሚለው ነው። አሁን ሙስሊሙ ማህበረሰብ እየከፈለ ያለው መስዋእትነት ለተተኪው ትውልድ የከፋ መከራና ስቃይን ላለማስረከብና በምትኩ ፍትህ እና ነፃነትን እውን በማድረግ መጪው ትውልድ ሀይማኖቱን በነፃነትና እና በእኩልነት እያራመደ ለሀገራችን እድገትና ስልጣኔ የበኩሉን አስተዋፅኦ ማበርከት የሚችልበትን ምቹ አየር ለመፍጠር ነው።ለዚህም ነው ህዝባችን ከጥቁር መጋረጃ ጀርባ በመንግስት አካላት የሚፈጸሙ ጥቁር ሽብሮችን ሁሉ በፅናት ተቋቁሞ የመብት ጥያቄውን መቀጠል የቻለው!

መንግስት በየትኛውም ዘመን ከነበሩ አምባገነን መሪዎች እና የሃይማኖት ጠላቶች በላይ የሁለቱን ታሪካዊ ሀይማኖቶች አከርካሪ ለመስበር በመወሰን የሙስሊሙን ደም ማፍሰስ ጀምሯል። ሁሉንም ሰማያዊም ምድራዊ ህግጋት በመፃረር የሃይማኖታችን ምልክት የሆኑትን ሂጃብ፣ ኒቃብ፣ መስጂድና መድረሳዎችን አዋርዷል። የሃይማኖት መመሪያችን የሆነውን ቁርአን አቃጥሏል። ሊከበሩ የሚገባቸውን የሃይማኖት አባቶች እና ሰባኪያን እርቃናቸውን በመግረፍ፣ ፂማቸውን በመንጨት፣ አካላቸውን በማጉደል እና ፀያፍ ስድብ በመስደብ አዋርዷል። የተከበረውን የእህቶቻችንን ገላ አራቁቷል፤ ደፍሯል። እንክብካቤ የሚፈልገውን ስስ ገላቸውን ለጠላት በፈረጠሙ ጡንቻዎች እና ለጠላት በተዘጋጁ መሳሪያዎች አድምቷል፤ ደብድቧል። ነጭ መሃረም እያውለበለቡ ሃይማኖታዊ መብታቸውን በጠየቁ ሰዎች ላይ ጥይት በማርከፍከፍ የንፁሀን ሙስሊም ወገኖችችንን ደም አፍስሷል። እጁን በደም አጨማልቋል። መስጂዶቻችንን አርክሷል። ሂጃብ፣ ቁርዓን እና ኒቃብ በማቃጠል ለሃይማኖታችን ያለውን ስር የሰደደ ጥላቻና ንቀት አሳይቷል። ‹‹አላህ የለም! እስቲ መጥቶ ያድናቸው!›› በማለት ሃገር ከሚመራ አካል የማይጠበቅ ወራዳ ንግግር በመናገር የፈጣሪያችንን ክብር ነክቷል።

ይህ በድቅድቅ ጨለማ ህዝባችንን በአወልያ በመደብደብ ተጀምሮ በድቅድቅ ጨለማ ሴት እህቶቻችንን በማራቆት እና በማዋረድ ከሀምሌ እስከ ሀምሌ የዘለቀውን ‹‹ጥቁር ሽብር›› የመሩና የተባበሩ በመጅሊስ መዋቅር ውስጥ የሚገኙ አካላት ሁሉ መላው የኢትዮጵያ ህዝብ የሚፋረዳቸው መሆኑን እና በደረሰው ግፍና በፈሰሰው ደምም ተጠያቂዎች መሆናቸውን ደጋግመን ልናሳውቃቸው እንወዳለን። የፈፀማችሁትን ዘግናኝ እና አሰቃቂ ወንጀል እኛም ሆንን ታሪክ ፈፅሞ የማይረሳው፣ ሀያልና ሁሉንም ቻይ የሆነው ፈጣሪም የማይዘነጋው መሆኑን ልናረጋግጥላችሁ እንወዳለን – ‹‹ኣላህንም በዳዮች ከሚሰሩት ዝንጉ አድርገህ አታስብ›› ይላልና ቅዱስ ቁርአናችን! ጥቁሩን ሽብር የጠነሰሱ፣ የተባበሩና የፈጸሙ ሁሉ ማንነታቸው ተጣርቶ በህዝብና በፍርድ ፊት መቅረብ እንዳለባቸው ጽኑ እምነት ያለን በመሆኑ ከአገር ውስጥ እስከ ዓለም አቀፍ ፍርድቤቶች ድረስ ጉዳዩን ለማስኬድ ወስነናል። በመሆኑም መላው ኢትዮጵያዊና ለሃይማኖት መብት ተቆርቋሪ የሆነው መላው ዓለምአቀፍ ማህበረሰብ ከጎናችን እንዲሰለፍ ጥሪያችንን እናቀርባለን።

በእርግጥ በጥቁር ሽብር ዘመቻው የተፈጸመው ኢ-ህገመንግስታዊ እና ኢሰብዓዊ ድርጊት ዘግናኝ እና አሳዛኝ ቢሆንም ውርደቱ ግፉን ለፈጸመው መንግስት እንጂ መስዋዕትነቱን ለከፈለው ኢትዮጵያዊ ሙስሊም ክብር እና ድልም ነው። እስከዛሬ በከፈልነው መስዋዕትነት ከፍተኛ ውጤት አግኝተናል። በመክፈላችንም ደስተኞች ነን። ምናልባትም ወደ ስኬት በቀረብን ቁጥር የምንከፍለውም እየጨመረ እንደሚመጣ እናውቃለን፤ ለዚህም ዝግጁ ነን! የሰው ልጅ ህይወቱ ጣዕም የሚኖረው ያለውን ሁሉ ሊሰዋለት የተዘጋጀ ዓላማ ሲኖረው ብቻ መሆኑን ህዝባችን የተገነዘበና ይህንኑ ህይወትም ማጣጣም የጀመረ በመሆኑ ፈጽሞ ከዚያ በታች ወደሆነ የውርደት ህይወት አይመለስም።

ህዝባችን በፊርማው ከጣለብን ከባድ ሃላፊነት በላይ ስሜታችንን የነካው እና ይህ ህዝብ ምንም ዓይነት መስዋዕትነት ሊከፈልለት የሚገባው መሆኑን እንዲሰማን ያደረገን ለሶስት ዓመታት ያለምንም ክፍተት እና ጉድለት የዘለቀው ስሜቱ፣ ፅናቱ እና ፍቅሩ፣ እንዲሁም ቃልኪዳኑን ማክበሩ ነው። ይህ የመብት እንቅስቃሴ የህዝባችን ፍቅር በደማችን ውስጥ እንዲሰርጽ፣ መላውን የኢትዮጵያን ህዝብ እንድናከብርና ከባድ ሃላፊነት እንዲሰማን አድርጎናል። በዚሁ አጋጣሚ ያጎደልነውን አስተካክለንና ሞልተን ለውዱ ህዝባችን ማድረግ ያለብንን ለማድረግና መክፈል ያለብንን ለመክፈል ያለንን ጠንካራ ስሜት ልንገልጽም እንወዳለን። ብቸኛ፣ ሃያልና ታላቅ የሆነው ፈጣሪ ጽናት፣ ኢኽላስና ቃልኪዳን የማክበርና የመፈጸም ዕድልን እንዲያጎናጽፈን ትማጸኑልን ዘንድ እንጠይቃለን።

በመጨረሻም የመብት ጥያቄያችንም ሆነ የኢትዮጵያ ህዝብ አጠቃላይ የፍትህና የነጻነት ጥያቄ የስኬት ዙፋን ላይ ማረፍ የሚችለው በጥቂት ጀግኖች ወይም ሰዎች ከፍተኛ ጥረት እና መስዋዕትነት ሳይሆን በመላው የማህበረሰቡ አባላት ጥቂት አስተዋጽኦ መሆኑን ተረድተን ጥቂት ነው ብለን የምንንቀው ሳይኖር ሁላችንም የበኩላችንን አስተዋጽኦ እንድናበረክት አጽንኦት ሰጥተን እንጠይቃለን።

ድልም ከአላህ እንጂ ከሌላ አይደለም!

Minilik Salsawi (ምንሊክ ሳልሳዊ)

አቶ በረከት

አቶ በረከት ስምኦን በሳኡዲ አረቢያ ጅዳ ከተማ እሁድ ሌሊት ጀምሮ ከቤተሰቡ ጋር ቡግሻን ሆስፒታል 4 ፎቅ ሲዊት ሩም 501 ክፍል የልቡ ህክምና በአላሙዲን አማካይነት ከአ/ አ የመጣው ከዶክተሩ ጋር ሚስቱና 1 ሴት ልጅ ጭምር በህከምና ላይ ይገኛል። አቶ በረከት አርቴፊሻል የፕላስቲክ ቧንቧ ከልባቸው ጋር በድጋፍ ተገጥሞ እንደሚኖሩ ይታወቃል። አላሙዲ ይህ ምስጢር እንዳይወታ ሆስፒታል ውስጥ ለሚሰሩ ሃበሾች 1000 ሪያል በነብስ ወከፍ ሰቷቸዋል። የአቶ በረከት የልባቸው ምት የሚልካ ጊስትር ተገጥሞላቸዋ…ል።

ስንታየሁ ከሚኒሶታ

እንደተጠበቀው በሕወሓት መንግስት በሚመራው የኢትዮጵያ ፖሊስ ፕሮግራም ላይ አቶ አንዳርጋቸው ጽጌ እንዲቀርቡ ተደርጓል። የአቶ አንዳርጋቸው በቲቪ መቅረብ ከዚህ ቀደም በአንዷለም አራጌ፣ በብርቱካን ሚደቅሳ፣ በደበበ እሸቱ፣ በአቡበከር አህመድ ላይ የተለመደ በመሆኑ ብዙም አስገራሚ አልሆነም። ሆኖም ግን ቪድዮውን ልብ ብሎ ለተመለከተው ወያኔ እንዳሰበው ትርፍ ሳይሆን የበለጠ ኪሳራ እንዳገኘበት ለመረዳት ችያለሁ። ለዚህም ነው ወያኔ አቶ አንዳርጋቸውን በቲቪ ስታቀርብ የረሳቻቸው 4 ቅጥፈቶች ስል ለዚህ አስተያየቴ ር ዕስ የሰጠሁት።

1ኛ. ቪድዮው በጣም ኤዲት እንደተደረገ ያስታውቃል

ሕወሓት ያዘጋጀው የቪድዮ ካሜራ ማንና አቀናባሪው ደንጋጣ እንደሆነ ቪድዮው ያስታውቅበታል። በጣም ተቆራርጦ መቀጣጠሉ ከማስታወቁም በላይ ቢያንስ ከዚህ የተሻለ ኤዲቲንግ ሥራ መሥራት ይችል የነበረ ቢሆንም ይህን ባለማድረጉ ለፕሮፓጋንዳ ሥራ የተዘጋጀውን ቪድዮ ኪሳራ ላይ ጥሎታል። ቪድዮ አቀናባሪው ሆን ብሎ ሕዝብ መቆራረጡን እንዲያውቅ ያደረገ ከሆነ ልናደንቀው የሚገባ ሲሆን፤ ሆኖም ግን ለፕሮፓጋንዳ ፍጆታ ከሆነ ይህ ቪድዮ ቅንብሩ አይመጥንም።

2ኛ. ቪድዮው በተደጋጋሚ የተቀረጸ መሆኑ ያስታውቃል።

ቪድዮውን ልብ ብላችሁ ከተመለከታችሁት በተለያየ ጊዜ የተቀረጸ መሆኑ ያስታውቃል። ይህም የሚፈልጉትን ለማግኘት ብዙ ማይል እንደተጓዙ ያሳያል። ምንም እንኳ ተመሳሳይ ቀን የተቀረጸ ለማስመሰል አንድ ዓይነት ቱታ ቢያስለብሱትም 3 የተለያዩ የውስጥ ቲሸርቶች ይታያሉ። አንዱ ነጭ፣ ሌላኛው ሰማያዊና 3ኛው ቀይ ቲሸርቶች። በሌላ በኩል ቪድዮው ሊያልቅ ሲል የምታዩት ቱታ ደግሞ የተለየ ነው።

3ኛ. ውሃዋ የለችም።

እንግዲህ ወያኔ ሌላው የረሳችው አቶ አንዳርጋቸውን በጥሩ ሁኔታ እንዳሉ ለስመሰልና ንጹህና የተገዛ ውሃ አጠገባቸው አስቀምጣ ነበር። ቪድዮው ግን በተለያየ ጊዜ የተቀረጸ ለመሆኑ የሚያስታውቀው በሌላኛው የቪድዮ ክፍል ውስጥ ውሃዋ የለችም።

4ኛ. ቶርች የሚደረግ ሰው እንዳለ ይሰማል

ይሄ ትልቁ ወያኔን ራሱን በራሱ ያጋለጠበት ክፍል ነው። ቪድዮው ተጀምሮ ከ1 ደቂቃ በኋላ ያለውን ስትመለከቱት አንዳርጋቸው በሚናገርበት ወቅት ከጀርባው የድብደባና የሲቃ ድምጽ ይሰማል። ይህም ምን ያህን በወያኔ እስር ቤቶች የሚደረጉትን ቶርቸሮች የሚያሳይ ነው። ይህ ለወያኔ ትልቁ ኪሳራ ሊባል የሚችል ደካማው የፕሮፓጋንዳ ቪድዮው ሊባል ይችላል። ራሱን በራሱ ቶርቸር አድራጊ መሆኑን መስክሯልና ይህንን የሚመለከታቸው አካላት ለዓለም አቀፍ የሰብአዊ መብት ተከራካሪ ድርጅቶች ማሳየት ይኖርባቸዋል፤ አንዳርጋቸውም እንዲህ ያለው ቶርቸር እንደደረሰበት ማሳያ ሊሆነን ይችላል እላለሁ።

ቪድዮውን ተመልከቱትና ፍረዱ። በመጨረሻም ለወያኔ የማስተላልፈው መል ዕክት አለኝ – እንደሁልጊዜው ለዛሬውም አልተሳካም!

ሄኖክ የሺጥላ

ሰሞኑን ወያኔ እንደ አናጤ ሱሪ አስር ቦታ ለጣጥፎ (በእንግሊዘኛው edit and copy paste ) አድርጎ ያቀረበልንን እና በፖሊስ ፕሮግራም ያስተላለፈልንን ቪዲዮ ተመለከትኩ። በጣም የገረመኝ ነገር ግን እኔ የማላውቀውን ፣ ወያኔ የሆነና አማሪካ ወይም አውሮፓ ሀገር የሚኖር ( እሱም ቢሆን ላያውቀው ይችላል ብዬ የማልገምተውን ነገር እንዳልተናግውሩ እሙን ነው )። 
እጅግ የገረመኝ ግን ይሄን ሁሉ ቀን (ጊዜም አጥፍተው ) ከ ፍላሹ ላይና ሃርድ ድራይቭ ላይ ያገኙትን ነገር ሊያሳዩን አልፈቀዱም ? ለምን ? አንዳንድ አዳዲስ መረጃዎችን ጨመርመር አድርጎ ግንቦት ሰባትን ለመውቀስ ይሆን ? ( ምናልባት ግንቦት 7 ኢትዮጵያ ያለውን የአማሪካን እምባሲ ለማፈንዳት እንዳሰበ በማሳየት ፣ ደሞ እነ ዶክተር ብርሃኑ ነጋ ተላልፈው የሚሰጡብትን ነገር እየቆፈሩ እንደሆነም ሹክ ተብየአለሁ )። አውሮፓ ያሉትንም እንዲሁ ! ግን ትንሽ ስለ ፎረንሲክ ሳይንስ እውቀት ያለው ታጋዳላይ ካለ ምክር ቢሰጣችሁ ከጉድ ትድናላችሁ !

የአቶ አንዳርጋቸው ቃለ መጠይቅ ግን ለኔ ምንም አዲስ ነገር አላየሁበትም ። ከዚያ ባለፈ ምንም ማለት አልፈልግም ። እንደሚሉን ግንቦት ሰባት አቅመ ቢስ ድርጅት ነው ወይ ? መልሱን ራሱ ወያኔው ይመልስ !

‹‹የነጻነት ትግሉ በአፈና ስር ቢወድቅም ትግሉ ለአንድ አፍታም አይቆምም›› በማለት ኮንፈረንሱን በንግግር የከፈቱት የአዲስ አበባ ከተማ የአንድነት ፓርቲ ሊቀመንበር አቶ ዘካሪያስ የማነብርሃን ይህ ኮንፈረንስ በአይነቱ ልዩ መሆኑን ገልጸዋል፡፡ ይህ ልዮ ኮንፈረንስ ለሁለት ተከታታይ ቀናት የሚደረግ እና በመዝጊያው ዕለት የፓርቲው ከፍተኛ አመራሮች ፣የብሄራዊ ምክር ቤት አባላትና የወረዳ አመራሮች በአጠቃላይ የአንድነት የአዲስ አበባ አባላት በሚታደሙበት የአቋም መግለጫ በማውጣት በታላቅ ድምቀት እንደሚጠናቀቅ ከወጣው መርሃ ግብር ለማወቅ ተችሏል፡፡

ይህ በእንዲህ እንዳለ የገዢው ፓርቲ የአስተዳደሩ ሃላፊዎች በሰጡት ጥብቅ ትዕዛዝ መሰረት የአካባቢ ጽዳት እንዲደረግ በማዘዝ ኮንፈረንሱ እንዲደናቀፍ ጥረት ማድረጋቸውን ለማወቅ ተችሏል፡፤የክፍለ ከተማው የአንድነት ጽ/ቤት ዕድሮች ሊያከራዩት የነበረው ድንኳንና ወንበሮችን እንዳያገኝ ለዕድሮች አመራር በኢህአዴግ ጥብቅ መመሪያ ስለተሰጣቸው ስምምነታቸውን ጥሰው ዕድሮች ለእናንተ አናከራያችሁም ብለው መከልከላቸውን የአቃቂ ቃሊቲ ክ/ከተማ የአንድነት ጽ/ቤት አስታውቋል፡፡

ጋዜጠኛ ሃብታሙ አሰፋ

ለእስልምና እምነት ተከታዮች እንኳን ለኢድ አልጥር በዓል አደረሳችሁ

>

ጋዜጠኛ አበበ ገላው በአቶ አንዳርጋቸው ላይ አገዛዙ ያሰራጨው አዲሱ ፊልም አስመልክቶ ከሰጠው

<..> ወ/ሮ ጸዳለ እጅጉ ኢህአፓን ከ15 ዓመታቸው ጀምሮ የተቀላቀሉና በትግሉም ሜዳ ከኢህአፓ ሰራዊት አባላት አንዷ የነበሩ > ብለው ከሚንቀሳቀሱት አስተባባሪዎች አንዷ ስለ እንቅስቃሴያቸው ካቀረብንላቸው ቃለ መጠይቅ የተወሰደ

በዞን ላይ ላይ የቀረበው የአገዛዙ የሽብር ክስና የዓለም አቀፍ ሰባዊ ቡድኖች ተቃውሞና የ ማሪያኑ የፍርድ ቤት ውሎ(ልዩ ዘገባ)

የኢትዮጵያዊነት ውርስና ቅርስ ማህበር ሎሬት ጸጋዬ ገ/መድህንን እና የዞን ዘጠኝ ጦማሪአንን ሸለመ (የበዓሉን ጥንቅር ይዘናል)

ሌሎችም አሉ

ዜናዎቻችን

* በአቶ አንዳርጋቸው ጽጌ ላይ የተቀናበረው አዲሱ ፊልም በሳቸውና በሌሎች ላይ የሚፈጸመውን ሰቆቃ አጋለጠ

- በፊልሙ ላይ ከአቶ አንዳርጋቸው ጀርባ ሱስት ጊዜ የሰቆቃ ድምጽ ይሰማል

- ፊልሙ ተቆርጡ ለመቀጠሉ በግልጽ ያስታውቃል

በባሌ በሲዳማ ተወላጆች ላይ ለደረሰው ችግር ኦነግና የሲዳማ ነጻነት ግንባር የህወሃት አገዛዝን የከፋፍለህ ሴራ መሆኑን በጋራ መግለጫ ገለጹ

* አቶ በረከት ስምዖን ሳውዲ አረቢአ ሆስፒታል ገቡ

- ከምርጫ 97 በሁዋላ በአእምሮ ህመም ደቡብ አፍሪካ መታከማቸው መዘገቡ ይታወሳል

ድምጻችን ይሰማ የኢዱን ተቃውሞ የአገዛዙን የሽብር ድርጊት ለማክሸፍ በሚል መሰረዙን አስታወቀ

ኢትዮጵያዊቷ የቤት ሰራተኛ ሳውዲ ውስጥ ራሱዋን ማጥፋቷን የአገሬው ጋዜጣ ዘገበ

ኢትዮጵያ የብርን የመግዛት አቅም እንድትቀንስ ተጠየቀ

የዋጋ ግሽበቱ የሰራዊቱን አቅም እተፈታተነ መሆኑ ተገለጸ

ሌሎችም ዜናዎች አሉ

(ዘ-ሐበሻ) በሃይዋርድ ፊልድ ኦሪገን (አሜሪካ) የዓለም ወጣቶች ሻምፒዮና ላይ ለመሳተፍ የመጡ አራት ኢትዮጵያውያን አትሌቶች መጥፈታቸውን የኦሪገን ዩኒቨርሲቲ ቃል አቀባይ ሚስ ጁሊ ብራውን አታወቁ።

ከጠፉት አራት የሚሆኑት አትሌቶች ውስጥ 3ቱ ሴቶች መሆናቸውና አንዱ የ17 ዓመት ወጣት ወንድ መሆኑን ያስታወቁት ቃል አቀባዩዋ ከቅዳሜ ጀምሮ የደረሱበት ባይታወቅም ምናልባትም ከጓደኛና ከቤተሰብ ጋር በሌላ ስቴት መኖር ሳይጀምሩ እንዳልቀሩ ያላቸውን ግምት ሰጥተው “ሆኖም ግን ይህንን ከአትሌቶቹ ማረጋገጥ አልቻልንም” ብለዋል።

ከዓለም አቀፉ አትሌቲክስ ፌዴሬሽን ዌብሳይት መረዳት እንደተቻለው 17 ሴቶች እና 13 ወንዶች ለዚህ ሩጫ ወደአሜሪካ የመጡ ሲሆን ከነዚህ ውስጥ 4ቱ ከባለፈው ቅዳሜ ጀምሮ የተሰወሩ ሲሆን የፖርትላንድ ፖሊስ፣ የአሜሪካ ፌደራል ፖሊስ እና ሌሎችም በፍለጋ ላይ መሆናቸውን ዘ-ሐበሻ ያገኘችው መረጃ ያመለክታል።

እነዚህ የኢትዮጵያውያን አትሌቶች ምናልባትም የፖለቲካ ጥገኝነት ሊጠይቁ ይችላሉ የሚል ግምት እንዳለው ሪጅስተር ጋርድ የተባለው የኦሪገን ጋዜጣ የዘገበ ሲሆን ጋዜጣው ባወጣው ዘገባው ኢትዮጵያ ውስጥ ያለውን የሰብአዊ መብት ረገጣ፣ እስር፣ ሽብርተኛ ተብሎ መንገላታትን፣ እንዲሁም ሌሎች የኢትዮጵያ የፖለቲካ ትኩሳቶችን ዘርዝሯል።

ከሥርጉተ ሥላሴ 28.07.2014 (ሲዊዘርላንድ ዙሪክ)

ታሪክ ራሱን ሲሳራ

ዘመን አፈራ

በተግባር ጎመራ!

ታማኝ በየነ

እኔ እህታችሁ ትንሽ ነገር ቆጣጥሬ ከች! እንሆ ዘንድሮም አርቲስት ታማኝ በዬነን አገኘሁት ከምል አዬሁት ልበል። አገኘሁት የምለው በሥርዓት እንደ አባት አደሩ ቁጭ ብዬ ከእሱ ጋር ወግ ቢጤ ሳደርግ ነው። ታማኝም ለእኔ እራሱን የሰጠ ነው ብዬ ነው የማስበው። ስለሆነም  ስለምን ይህን እላለሁ መሰላችሁ አሁን እኔው ሥርጉተ ከዚህች ከብዕር ቀለምና ከብራና ወጥቼ መኖር ፈጽሞ አልችልም። ሳስበው አራሱ ጭንቅላቴን መሸከም ይከብደኛል። አልገርምም ግን? ማሰቡን እንኳን አልችለውም ….

አይዋ – ጥበብ በውስጥ ሲያድር ሲውል ሲኖር መንፈስህን የመግዛት አቅሙ ከታላቅ ሐዋርያ ስብከት በላይ ነው። ፈቅደህ ወደህ ትገዛለታለህ። ቁጭ አድርጎ ጎልቶ አውሎ ያሳድርሃል። ከቤቱ ፈቀቅ ብለህ በሌሎች ነገሮች ላይ አትኩሮትህ ማዘንበሉን ሲያውቅ ጥበብ ቀናተኛ ነውና አዲስ ሃሳብ ጭሮ ሲያስጨርህ ውሎ ያድራል። ወይ ከራስህ ጋር ወይ ከዚህች ፉንጋ ዓለም ጋር ወይ ከተንጣለለው ሰማይ ላይ ወስዶ ወይ ከማራቶኑ ንፋስ ጋር ወይ ደግሞ አውሮፓና አሜሪካ ላይ ጉዝጓዝ ተጎዝጉዞ አለሜ ለምለሜ ከሚባልት እሜቴ ጠሐይ ጋር ወይ ደግሞ አራት የመብረሪያ እግረ –  ከተሰካላት ዥግራ ጋር ብቻ ከሆነ ከሚታይ ከሚጨበጥ ከማይታ በምናብ ከታላመ ልቅ ዓለም ጋር እያፈታገ ገርቶ ይደቁስህና ቅመሙ ሆነህ የዓለም መንፈስ ማጣፈጫ ያደርገኃል። ፍትልክ እላለሁ ብትል አስገብቶ ቤቱ ውስጥ ቁልፍ።

ዘበኛ ወታደሩ የአይዋ ጥበብ ማለቴ ነው፣ መዘዘዣ ጣቢያው፣ ተናጋሪው – አናጋሪው፣ አድመጩ እሱ እራሱ ሆኖ አስደግድጎ ይገዛሃል – ይነዳሃል። እንግዲህ ይህን ሰንሰለት ተጋፍቶ ጥሶ የወጣ ነው አርቲስት ታማኝ በዬነ ማለት። የጄኒራል ሥነ ጥበብ ጠቅላይ አዛዥ ከነሠራዊቱ ሽንፈት ግቶ ገዥ መሬቱን በመቆጣጠር አይዋ ሥነ – ጥበብን አፍንጫህን ላስ ያለ የነጻነት የፍቅር ሙሴ ነው ኢትዮጵያዊው ታማኝ በዬነ።

ከዚህ ማዕቀፍ ውስጥ ሲወጣ ፈተናዎቹ ትሬኮለታ ናቸው። ስለምን? ጥበብ በውስጡ ካደረ ሰው ጋር ሲኖር ህይወቱ ሌላ ነው። ትገባባለህ። ትደማመጣለህ። ትተሳሰባለህ። እሰዎታ እንኳን ታላላቆቻችን የሻሩት ያልተጻፈ ህግ አካል ነው። ለቅጽበት ጥበብ ከጎበኘው መንፈስ ጋር ስትገናኙ ግንኙነቱ ረቂቅ የአንደምታ ሚስጥር ነው። የጥበብ ሰው ትርጓሜው ቅኔ ነው። እኔ እንደ ድቃቂነቴ ሲወዘርላንድ ውስጥ ከነጠሩ የጥበብ ሰዎች ጋር ተገናኝቼ መኖር የምጀምርበትን በትጋት እጸልይለት ነበር። ጸሎቴ ግን የጥበብ ሰው ሆኖ ሰነፍ ያልሆነ። ላንቁሶ ያልሆነ። በራሱ መቆም የሚችል። ከዘራ የማያስፈልገው። በመንፈሱ ውስጥ ባሉ ሴሎቹ ብቻ ለመኖር የቆረጠ። ሳንባው የሥነ ጥበባት ህገ መንግሥት የሆነ። ለሥነ ምግባሩ ስለ እውነት ለእውነት ስለ ሰብዕ ታላቅነት የማይገሰስ ተፈጥሯዊ መብተ – ውበት በውስጡ፣ በመንፈሱ ያደረበት ሰውን ፍለጋ መንፈሴ ብዙ እሩቅ ሲጓዝ ኖረ። የሥነ ጥበብ ቋንቋ አሃቲ ነው። ዓለም የምትግባባበት አንዱ ብቸኛው ቋንቋ ሥነ ጥበብ ብቻ ነው። ሥነ ጥበብ ዓለምና ውስጧን የፈጠረ የታላቁ አባት የአማኑኤል ምርቃት ነው።

አሁን ትንሽ የቀናኝ ይመስለኛል። ጥበብ በውስጡ ማደሩ ብቻ ሳይሆን ጥበቡ እሱን የሆነ ሰው አድርባይ አይሆንም – በፍጹም። ሃቅን ፈልጎ የግንባር ሥጋ ሆኖ ይማገዳል። ጥበብን ዬማድመጥ አቅሙ ብቁ እንዲሆን የሚያደርገው በእሱ ውስጥ ያደረው ጥበብ ውስጡን እሱ በእሱ የጠለፈው ከሆነ ብቻ ይሆናል። ታዲያ እንዲህ ያለ ሰው ለማግኘት ህልም ነበር። አሁን እግዚአብሄር ይመስገን ጥበብን ማደመጥ፤ ቃናውን ማጣጠም፤ ምቱን መተወን የሚችል አንድ ቀዳዳ ከተገኘ ብዙ ተግባር ይከወናል። ጥበብ እራሱ አንተን ፈጥሮ ብቃትን የመሸለም አቅሙ ቀለሙ ሰማያዊ ነውና።

ታማኝ ለጥበብ ሰው ያለው ፍቅርና አክብሮት ሃብቱ ነው። የጥበብ ሰውም ታማኝ ከሚለው ይልቅ የሥነ – ጥበብ ቋንቋ ቢለው ይቀል ይመስለኛል። ግን ለምን ይመስለኛል አልኩ? ነው! በሥነ – ጥበብ ሰው ዙሪያ ያለው ፍቅር የማያብል ነው። ከዚህ ማዕቀፍ ወጥቶ ካለ ጸጋውና መክሊቱ እራሱን ፈቅዶ በልመና ተግባር ላይ ማሠማራቱን ስታዩት ታማኝን ለነፃነት ትግሉ ራሱን ያሸነፈ የሥነ – ጥበብ የአዲስ ዘምን ጮራ ነው!  ምዕራፍም! ታሪክ ራሱን ሲሰራ ዘመን እንዲህ አንደበቱን ከፍቶ ይናገራል! ይመሰክራል።

ክብረቶቼ ይህን ስል እራሴን በእሱ ቦታ አስቀምጬ ስመትረው፤ እራሴን በምንም ዓይነት ቀመር ከሥነ ጥበብ አውጥቼ ልኖር እንደማልችል ስለማውቀው ነው። ጥሪቴም ሃብቴም ይሄው ብቻ ስለሆነ፤ መተንፈሻ ቧንቧዋን ዘግታ መኖርን ሥርጉተ አታሰብም። ታማኝ ግን አድርጎታል። ስለዚህ ሥነ – ጥበብ የሚያውቅው ታማኝ ዛሬ ፊታውራሪ መደረክ አሱን እዬራባው ግን ቁንጥጥ አድርጎ፣ ክርኒውንም አክሎ፣ ደልቆሶ፣ አሳምሮ ቀጥቶ ለህዝብ ትንፋሽ ለሆነው ለኢሳት የጥበቡ አበወራ የመድረኩ ልዑል ከረባቱን አስሮ ይለምናል።

10.00 (10.00 CH) የሲዊዝ ፍራንክ ለታማኝ ብዙ ናት። አክብሮ ዝቅ ብሎ ይቀበላታል። በሙያው ቢሆን ደግሞ የሚሊዮን ዶላር ታማኝ በሆነ በነበረ። አንድ አጭር የእንግሊዘኛ ኮመዲ ቢሠራ የዓለም የፊልም ማዕከል ሆሊውድ እጁን ስሞ ይቀበለዋል። እሱ ግን ይሄው መተኪያ የሌለውን ጸጋውን አፍኖ፤ ከድቶ፤ ጨቁኖ ለህዝብ ዕንባ ይባትላል። ስለዚህ ታማኝ ለእኔ ለጸጋው – ለመክሊቱ  የጨቋኝ ጨቆኝ ነው። ጨቆኝነቱን ሲፈቅደው የሚበልጥበት ለምልዕት ዬዕንባ ጥሪ ለማደር መቻሉ ነው።

ታማኝ መቻል ነው። ቅርጥምጣሚ – ቅንጥብጣቢ ያላችሁ ታማኝን በሸፍጥ ታሪኩን ለማክሰል የምትሹ ታማኝ በመሆን የደመቀ ከወርቅ ገበር የተሠራ አንጡራ የህዝብ ሃብት ነው። ታማኝ መተኪያ የለውም።  ለእኔ ታማኝም እንደ አንዳርጋቸው ጽጌ ሽልማቴም ጀግናዬም ነው። ይህ አገላለጼ  የማይመቻቸው የነፃነት ትግሉ ጥቂት ወገኖቼ ሊኖሩ ይችላሉ። ነገር ግን ማስተዋል እንዳለባቸው በትህትና ዝቅ ብዬ ለሳስባቸው የምሻው ብልህ ቁምነገር አለኝ። ስናጣው ሳይሆን በእጃችን ሳለ ክብሩን – ተሳትፎን – ብናከብርለት ነው የሚበጀው። በማናቸውም ሁኔታ ታማኝ ነገ ሊገጥመው ስለሚችል ማናቸውም ሁኔታ አናውቅም። ጦርነቱ የእርስ በእርስ ነው። ቢያንስ እያለ – እዬሰማን – እያዬነው ለመንፈሱ ጥንቃቄና ጥበቃ ልንደርግለት ይገባል ባይ ነኝ። አቀባባል ሲደረግ እንኳ የሚያርመጠምጣቸው እንዳሉ ሁሉ መሰናከል የሚፈጥሩ አሙካዎችም አሉ። የታማኝ ፍቅር የተገኘው ፈተናን አሸንፎ ከተፈጠረው ኢትዮጵያዊነት ወራጅ ወንዝ ሳይሆን ከምንጩ ከፏፏቴው የተቀዳ ነው።

ጠላትን ስንጠላ ጠላት የማይፈልገውን ነገር አዘውትረን ተግተን በመሥራት በባለቤትነት ስሜት በመከወን ነው። እኛ ደግሞ አብሶ ዬነፃነት ትግሉ ቤተሰቦች በወያኔ ላይ ከምንሰነዝረው ጥይት ይልቅ በወገናችን ላይ የምንለቀው የቦንብ ናዳ ይልቃል። ወይ ይበልጣል። እኔን ዬሚታገለኝ ቀፎ የነፃነት ትግሉን በነቀዝ እያሳረረ የወያኔን ተክል በእንክብካቤ እንደሚያስድግ አያወቀውም።  ከእንግዲህ ግን እንዲህ እዬተላላሱ መቀጠል አይቻልም። በፍጹም። አንድ የነፃነት አርበኛ የሁለቻንም ሃብት ሆኖ ሰፊ ጥበቃ ማደረግ ስንጀምር የወያኔ ከበሮ መተንፈስ ይጀምራል። ተሰውረው ሲበሉን የነበሩ የራሳችን ተወሳኮችን በሙሉ በአደባባይ ወጥተን የምናጋልጥበት ዘመን ላይ ነን። ቀደመው እራሳቸውን ወቅሰው ከእኩይ ተግባራቸው ከተመለሱ እሰዬው ነው። በስተቀር ጉሩቧቸውን እናንቃቸዋለን። ማረገፍ ደግሞ በውጪ ላለው ኢትዮጵያዊ የተመክሮው ማሳ ፍሬ ገብ ነው።

ከረንት ቤቴ ሲዳከም እኔን ሊጎረብጠኝ ይገባል። የእኔ መጎርበጥ ደግሞ በኢትዮጵያዊ ብቸኛ ተቋሜ ላይ ጥቃት በሰነዘረው ጠላቴ ላይ በእጥፍ ረመጥ ልኬ እንዲጎረብጠው – እንዲያርመጠምጠው የማደረግ አቅሜን በታታሪነት በመገንባት ነው። አቅምን ለሚሸረሽር ስንኩል ጊዜ የለንም! ትእግስትም ከተፈጥሯችን ተፍቋል! የጀግናዬ አንዳርጋቸው ጽጌን ሁለተኛውን ቪዲዮ መዳፉን ተመልከቱት በማሳተዋል ሆናችሁ። ተፈጠሯዊ ወዙ በኤሌትሪክ ተራቁቷል። ነጭ ሆኗል ታዲያ ከእንግዲህ በኋላ ለዬትኛውም ጥሙርሙር አቋም ነው ትእግስቱ ልክልኩ የሚኖረን?! አይታሰብም!

(No Tolranz more! )።

የማከብራችሁ ወገኖቼ የነፃነት ትግሉን ወያኔ ከወጋው – ካዳካመው በላይ በነፃነት ትግሉ ስም የተሰገሰጉ አቅመ – ቢስ ተባዮች የነፃነት ትግላችን እንደ ቅንቅን መሬት ለመሬት የበሉት በእጅጉ ይበልጣል። አንድ የነፃነት ታጋይ ከእሱ ጋር በአንድ የወያኔ ባሩድ ለሚሰዋው ወገኑ አንዲት ዘለላ መልካም ምስክርነት ቢሰጥ 100 ኪሎ ስለ አጋሩ የሚሰጠው አሉታዊ ነገር ይሆናል። ይህ ነበር ጠመዝማዛው ጉዟችን። ሥርጉተ ሥላሴ ወይንም በፓልቶክ ሥሟ ሥርጉት ለኢትዮጵያም የጥቃቱ ሰለባ ነበረች። ከእንግዲህ ማናቸውም ተቋም፣ ድርጅት፣ ግለሰብ ስለ አንድ ሰው ብቃት – ታታሪነት – ትጋትና ታሪክ ለሚበክል አቅመ ቢስ በዘመቻ ተነቅሎ እንዲወገድ ዬማድረግ ሂደቱን ሊያዘወትሩበት ይገባል። ይህን ህዝባዊ ሃላፊነት መርኃቸውና መሪያቸው ማደረግ ይኖርባቸዋል። በስተቀር ዘመቻ አንዳርጋቸው በስውር ትል ይወረራል። ይህ ነበር እዬተሰበሰበ የሚበትነን፤ እዬለቀምን ስናፈሰው፤ ከእጅ የገባውን በተመክሮ የከበረውን አፈስን ሌላ ስነለቅም የየኖርነው፤ ሁል ጊዜ ለጋ፤ ሁል ጊዜ ታቱ እንድንል ይፈለጋል። ሁለመናችን ስናባክን አቅማችን ስናሾልክ የኖርነው የድክመታችን የጨለማ ታሪክ። ስለሆነም አታዳምጧቸው የኢጎ አርበኞችን! ሰው በወደደው ይደራጅ፤ ሰው በፈለገው ይሰባሰብ አቅም በዚህ መለክ እንዲሰባሰብ ቅንነትን ልቀሙ ከፈሰሰበት – መሪዎቻችን – የነጻነት ትግሉ ማናቸው ድርጅቶች ሁሉ!

ወንድሜ ታማኝም የዚህ ዘመቻ ተጠቂ ነውና በተለይ በተለይ ውጭ ያላችሁ ወጣቶች አርበኛችሁን ጠብቁት። ስእለሱ በሚሰነዘሩ ነገሮች ሁሉ አልሰማም አላይም ብላችሁ ጆሯችሁን ቀርቅሩ። አሳፍሯቸው! እሱ በሚገኝበት መድረክ ሁሉ ከሥር ቅጥል ንድድ እርር የሚሉ ተኩላዎች አሉታዊ ነገር ይጽፋሉ። እናንተስ እጃችሁን ማን ያዘው? አስታጥቋቸው። ከሥሩ እናንተም አድናቆታችሁን አክብሮታችሁን ለግሱ። ጥበቃ ይሏችኋል ይህ ነው። መረጃ አነሰ አደገ ሳትሉ ወዲያውኑ በፌስ ቡካችሁ ላይ ልቀቁት።

ታማኝ የእኛ እኛም የታማኝ ብለን መነሳት አለብን። ታማኝ ብቻ አይደለም የሰሞናቱ የወያኔ የዜና ማሰራጫ የሚያላዝነው ዬጀግኖቻችን ዝርዝር አለ። አዎን የእኛ ጀግኖቻችን ቀንዶቻችን ዓይኖቻችን ናቸው! የምናከብራቸው የምንወዳቸው የታሪካችን ሙሴዎቻችን ናቸው! እነሱ በሚገኙበት ቦታ ሁሉ መገኘት-  በአካል። ጥበቃውን ማደረግ ከእኛ ይጠበቃል። ሳንገኝ ስንቀር ደግሞ ባለመቻል ከሆነ የተገባውን ግዴታ መወጣት። ፍቅር ፈሪ አይደለም። ኢትዮጵያ ፍቅር ናት። ልጇችም የፍቅር ልጆች ከሆኑ የፍቅርን የድፍረት ተፈጥሮ ውሰጥ ያደረጉ ናቸውና መሆን ይቻል። ኢትዮጵያ በታሪኳ ባንዳ ሆና አታውቅም። ኢትዮጵያ በታሪኳ ተሸንፋ አታውቅም። ተላጣፊውን ቅብ ታሪክ የወያኔ አሽኮኮዎች ያላዝኑት። በኢትዮጵያ ምድር ላይ ሰላም አግኝቶ የተውለበለበ የጠላት ሰንድቅ ዓላማ አልነበረም። ህዝቧም ባንዳ ሆኖ አያውቅም። ሆድ አደር ግለሰቦች ግን ነበሩ። ልክ እንደ አሁኖቹ አረሞች ….. የባንዳ ወያኔን አምሳያ ፍላጋ የሚፈሱት ዝብጥ ታሪኮችን አንከባሏቸው።

ለማንኛውም ባተሌው ወንድሜ ታማኝ እንዴት ሆኖ ይመጣ ይሆን ብዬ ሳዬው በተደላደለ መንፈስ፤ በተረጋጋ ህዝባዊ ፍቅር ተልዕኮውን ለማሳካት በ2013 ካዬሁት በልጦ ነው እኔ በግሌ ያገኘሁት። ሲዊዘርላንድ ትንሽዬ ሀገር ናት። ስለሆነም በ26.07.2014 ሁለት ሠርግ ነበር። ቅዱስ ገብርኤል ንግሠ – በዓልም ነበር። ዝግጅቱ ምሽቱን የሚቀጥል ስለነበረ የሮመዳን ፆሚዎችም ነበሩን። በቅርብ ሳምንታት ሁለት ተከታታይ ሰላማዊ ሰልፍ ተደርጓል። ግን ይገርማል ካለፈው ድንቅ የጄኔቡ ጉባኤ  በእጥፍ ታዳሚ ነበረው። መንፈሱ – ሙቀቱ – አክብሮቱ ጥረቱ መሰናዶው ሁሉም አንቱ ነበር።

በ2013 አርቲስት ታማኝ  በዬነ ቁጭ ብሎ ጨረታውን ሌሎች ወገኖቹ ነበር የመሩት። ዘንድሮ ግን እሱ እራሱ በሚፈልገው መልክ ታዳሚውን እንደ ምሽት የማህሌት ቅኝት አሳምሮ ከሸነው። ዘና ባለ በተፍታታ ገጽ ነፃ በሆነ ህሊና  ዬዕንባን ሃዲድ በመንፈስ አስተሳስሮ በውል ቋጠረው። የሚገርመው ከቤተ እግዚአብሄር ዘግይተው ለሚመጡት ሳይቀር ቦታ ተይዞ ነው የጠበቃቸው። ቀድመው ግምት ሊሰጣቸው የሚገቡ ነገሮች ሁሉ በሚገባ የተደረጀ ተግባር ነበር የተከወነው። ነገም የጀግና አንዳርጋቸው መንፈስ አይተኛም አያንቀላፋም። ሲዊዘርላንድ ብዙ የተከደነ ሲሳይ ባለሃብት ናትና ተግባር ቀድሞ ሥም ዝና እንዲሁም የግል ኢጎ ተቀብሮ በሁሉም መስክ የተቀነባባረ ተግባር ይሰክንበታል። ዬእነዚህ የሲዊዝ ኢትዮጵውያን የተግባር አናባስት ተግባርም እንዲህ በአደባባይ ጎምርቶ ይከተባል። የባንዳ ዝርያ ስሌለብን አርበኝነታችን ተግባርን አስብሎ አብነቱ እንዲናገራ ይደረጋል እዚህ ሲዊዘርላድን ወስጥ!

የትናንት የሲዊዘርላንድ መሠረት ያያዘ ተግባር ዛሬም ይቀጥላል።

ሌላ አስቲ አንድ …. ግብዣው ከስክሱ። በዚህ ሊንክ ገብታችሁ። ሥርጉተ ሥላሴ ትባላላች ሰብሳቢዋ የከርንቷ ሥርጉት ለኢትዮጵያ ሌለኛ የሥጦታ ሥሟ፤ ጀግናውንም እዬዩት ሥራው ፍላጎቱን ተረካቢዎች አሉት …. ጌጥ የለም! ምቹት የለም! ዘመቻ እንዳርጋቸው ዕውን ይሆናል!  አረሞች ስሙኝ ልነገራችሁ እናንተ የምታስቡት የግንቦት 7 አባላት ተመዝግብው ወርሃዊ ክፍያ ዬሚከፍሉትን ብቻ ነው። ለእኔ ግንቦት 7 የበኸር ልጄ ነው። ግንቦት ማህደሬ ነው።  ግንቦት 7 ቁጥር ሥፍር የሌላቸው የመንፈስ ልጆች አሉት።  ይህ ደግሞ ለወያኔ ምጣና ማጥ እንደሚሆንባችሁ ነው! አትመጥኑትማ!

ክወና ——– እያዋት አሸባሪዋን ሥርጉተ ሥላሴን! ከጀግናዋና ከሽልማቷ ጋር!

http://www.ethiotube.net/video/3299/Andargachew-Tsige-at-Ginbot-7-Meeting-in-Germany–Part-1

http://www.ethiotube.net/video/3301/Andargachew-Tsige-at-Ginbot-7-Meeting-in-Germany–Part-2

የ2013  ጹሑፏን ደግሞ እንዲህ አንብቡት! አንዳርጋቸው የጭንቅላቴ ልብ ነው!

http://sebiawi.blogspot.ch/2013/09/blog-post_5448.html

ውስጤንና መንፈሴን ለነፃነት ትግሉ ቀጠይ ትግል ለልዕልት ኢትዮጵያ ሸልሜ ከመሰናበቴ በፊት አንድ ነገር ልበል ግርማዬ ለሆነው ለዘሀበሻ ዝግጅት ክፍል ዝቅ ብዬ ምስጋዬን ላቅርብ! ዘሃበሻንም እንርዳ! አብሶ ለሴቶች አብነቱ ገድል ነው!  ለነበረን ጊዜ እጅግ አመሰገንኩኝ! ውድድ! እያጣማችሁ ሽው — ለዛሬ!

የጀግናዬ መንፈስ ውስጤን ሰጥቼ እንድተጋ ስላደረገኝ አመስግነዋለሁ ፈጠሪዬን!

ሰማዕቱ አንዳርጋቸው ምንግዜም ህያው ነው! 

እግዚአብሄር ይስጥልኝ!

እሁድ ከአዲስ አበባ አንድ የጦር ሃይሎች ሆስፒታል ዶ/ር አስከትለው በሼክ አላሙዲን የግል አይሮፕላን እኩለለሊት ጅዳ ስውዲ አረቢያ ለህክምና በሚስጠር እደገቡ የሚነገርላቸው አቶ በረከት ስሞኦን በተለምዶ ብግሻን እይተባለ የሚጠራ አንድ ሪፈራል ሆስፒታል ውስጥ የልቡ ደም ቧንቧ ለማስፋት የተደረገላቸው መሆኑን ከሳውዲ አየር መንገድ ምንጮቻችን ለማረጋገጥ ተችሏል ። የመንግስት ባለስልጣኑ ጤንነት በአሁኑ ሰዓት በመልካም ሁኔታ ላይ እንደሚገኝ የሚገልጹት እንዚህ ምንጮች ዛሬ ጠዋት ከመካ የዒድ አል ፈጠር የፀሎት ስረአት ባሃላ ሼክ አላሙዲን በስልክ እንዳነጋገሯቸው ይናገራሉ። አቶ በረከት ስመኦን ለህክምና ወደ ሳውዲ አረቢያ በድብቅ መምጣታቸውን የሚናገሩ እንዚህ የሳውዲ የአየር መገድ ምሲጥራዊ መረጃዎች ባለስልጣኑ በአሁኑ ሰዓት ጅዳ ሆስፒታል መተኛታቸው በተለያዩ የዜና ማስራጫዎች በመዛመቱ ህክምናቸውን በተረጋጋ ሁኔታ ሳይጨርሱ ወደ ሃገር ሊመለሱ እንድሚቸል ገልጸዋል።

እስካሁን የመንግስት መገኛኛ ብዙሃን በኚህ ከፍተኛ የመንግስት ባለስልጣን ዙሪያ ምንም ያሉት ነገር አለመኖሩን የሚናገሩ አንዳንድ ወገኖች የአቶ በረከት ስሞን ተደብቆ እንድተራ ሰው ጅዳ ሳውዲ አረቢያ ሆስፒታል ለህክምና መግባት ምናልባተም ለደህንነታቸው ሲባል የተወስደ እርምጃ ሳይሆን እንደማይቀር ይገምታሉ። ጅዳ ብግሻን ሪፈራል ሆስፒታል 4 ፎቅ ከበሽታቸው በማገገም ላይ እንደሚገኙ የሚነገረው አቶ በረከት ፍጹም መረጋጋት እንደማይታይባቸው የሚያመለክቱ መረጃዎች የባለስልጣኑ የደም ግፊት አለመስተካከል በልባቸው ላይ የሚያሳድረው ተጸኖ ወደፊት ለከፍተኛ የጤና መታወክ ሊዳርጋቸው እንደሚቸል ገልጸዋል ።

በሼክ አላሙዲን የግል አይሮፕላን ተደብቀው ለህክምና ትላንት ለሊት ሳውዲ ጃዳ ስለገቡት ከፍተኛ የመንግስት ባለስልጣን አቶ በረከት ስሞኦን በጅዳ የኢትዮጵያ ቆንስላ ጽ/ቤት ሆነ በሪያድ የኢትዮጵያ ኤንባሲ ዲፕሎማቶች ምንም የሚያቁት ነገር እንደሌለ ለማረጋጋጥ ተችሏል። አቶ በረከት አንድ ሴት ልጃቸውን እና ሚስታቸውን አስከትለው መምጣቸውን የሚናገሩ የአየር መንገዱ ምንጮቻችን ባለስልጣኑ በተረጋጋ ህክምና ላይ አለመሆናቸውን በተጨባጭ ማረጋገጥ ተችሏል ። ይህ በዚህ እንዳለ በአሁን ሠዓት መካ ፀሎት ላይ የሚገኙት ሼክ አላሙዲን ማምሻውን እኚህን የመንግስት ባለስልጣን ይጓበኞቻዋል ተብሎ ይጠበቃል። በአቶ በረከት ዙሪያ የሚደርሱንን አዳዲስ ተጨማሪ መረጃዎች እይተከታተለን የምናቀርብ መሆኑንን እናስታውቃለን ።
Ethiopian Hagere ጅዳ በዋዲ

ዕለቱ በዓለም ዋንጫ ታሪክ አንዲት ሃያል ሀገር ብቅ ያለችበት ነበር፡፡ የ‹‹በርን ተአምር›› በመባል የሚታወቀው ጨዋታ በተከናወነበት በዚያን ቀን ገና በማለዳ ዶፍ ጥሎ ነበር፡፡ እንዲያውም በዚያን ወቅት የነበሩ ጀርመናውያን እስካሁንም ዝናባማ ዕለትን የሚጠሩት ‹‹የፍሪትዝ ዋልተር የአየር ንብረት›› በማለት ነው፡፡ ዋልተር በዓለም ዋንጫው የተሳተፈው የመጀመሪያው የምዕራብ ጀርመን ቡድን አምበል ነበር፡፡ በ1954ቱ የዓለም ዋንጫ ፍፃሜ ጨዋታ ሀንጋሪን ሲገጥሙ ቡድኑን እየመራ ወደ ሜዳ የገባውም እርሱ ነው፡፡

ሁለቱ ቡድኖች ስዊዘርላንድ ውስጥ በምድብ ማጣሪያው ሲገናኙ ሃንጋሪ ስምንት ጎሎችን አስቆጥራለች፡፡ በፍፃሜው ጨዋታ ገና 10 ደቂቃዎች እንኳን በቅጡ ሳይደፍኑ የፍራንክ ፑሽካሽ ቡድን 2-0 እየመራ ነበር፡፡ ሆኖም ፑሽካሽ በጨዋታው መሰለፍ አግባብ አልነበረም፡፡ በዕለቱ ከከፍተኛ የቁርጭምጭሚት ህመም ጋር እየታገለ ነበር፡፡ ሜዳ ውስጥ እንዲገኝ የተፈለገው በነበረው ስም ብቻ ነበር፡፡ በወቅቱ ጀርመን ትሰለጥን የነበረው በሴፕ ኸርበርገር ሲሆን ሰውየውን በእግርኳሱ ዓለም ዝነኛ ያደረጋቸው እግርኳስን የሚገልፁበት መንገድ ነበር፡፡ ‹‹ኳስ ድቡልቡል ናት፡፡ ጨዋታው የሚፈጀው 90 ደቂቃ ነው፡፡ ሌላው ነገር በሙሉ የንድፈ ሃሳብ ጋጋታ ነው›› የእርሳቸው ቡድን ተጨዋቾችን እና ቡድኖችን በዝና ብቻ የሚያከብር አልነበረም፡፡ በዚህም ምክንያት የሃንጋሪን የአማካይ ክፍል ገዝግዘው ጣሉት፡፡

ጨዋታው የተጠናቀቀው በሚያስደንቅ ገለፃ ሲሆን ከሀገሪቱ ማንነት ጋር እስከ መቆራኘት በደረሰውና በእንግሊዝ ኬኔት ዎልስቴንሆልም ‹‹በሜዳ ውስጥ ያሉ የተወሰኑ ሰዎች ጨዋታው የተጠናቀቀ ይመስላቸዋል›› በማለት ከገለፀው ጋር በሚመሳሰል መልኩ ነበር፡፡ በወቅቱ ለጀርመን ራዲዮ ይዘግብ የነበረው ኽርበርት ዚመርማን ስርጭቱን የጀመረው ጀርመን የሚቆጠሩባትን ጎሎች ብዛት እንደምንም ልትቀንስ ትችላለች በሚል ተስፋ ነበር፡፡ በመጨረሻ ግን ‹‹ጀርመን 3-2 እየመራች ነው፡፡ ንክ አልያም እብድ ልትሉኝ ትችላላችሁ›› ሲል በታላቅ ድምፅ ጮኸ፡፡ ዋልተርም በዚያ ዝናብ መሀል የጂሊዬ ሪሜን ዋንጫ ተረከበ፡፡

ከበርን ተአምር በኋላ በተከተሉት 60 ዓመታት የጀርመን ብሔራዊ ቡድን 10 ጊዜ ያህል ለግማሽ ፍፃሜ ደርሷል፡፡ ስድስት ጊዜ ያህል ደግሞ በፍፃሜ የመጫወት ዕድል አግኝቷል፡፡ በአንፃሩ እንግሊዝ የእግርኳስ ማህበሩ የውጪ ሀገር ተጨዋቾች የበላይነት የሚታይበትን የፕሪሚየር ሊግ መዋቅር በማፅደቅ ራስን ከማጥፋት ጋር የሚወዳደር ድርጊት ከመፈፀሙ በፊት ከጀርመን እጅግ የላቀ አማራጭ ነበራት፡፡ ሁለት ጊዜ ለግማሽ ፍፃሜ የደረሰች ሲሆን አንድ ጊዜ ደግሞ ለዋንጫ ተጫውታለች፡፡ በ1992 ፕሪሚየር ሊጉ በአዲስ መልክ ከተጀመረ ወዲህ ግን እንዲህ ያለውን ስኬት ማስመዝገብ አልቻለችም፡፡
ጀርመን በዓለም ዋንጫው ለምን የበላይ እንደሆነች የሚያትቱ በተደጋጋሚ የሚነገሩ መላ ምቶች አሉ፡፡ የተወሰኑት እውነት ናቸው፡፡ ከእነዚህ መካከል በመለያ ምት የተሻለች ሆና መገኘቷ አንዱ ነው፡፡ አስገራሚው ነገር የእንግሊዝ ክለቦች ከጀርመን ክለቦች የተሻለ ፍፁም ቅጣት ምትን የመጠቀም ሪከርድ ያላቸው መሆኑ ነው፡፡ መለያ ምቶችን ወደ ጎል የመቀየር ንፃሪያቸውን ለአብነት ብናወዳድር እንግሊዞቹ 82 በመቶ ሲሆን የጀርመን ክለቦች 75 በመቶ ነው፡፡ በብሔራዊ ቡድን ግን ታሪኩ የተለየ ነው፡፡ የጀርመን ብሔራዊ ቡድን ፍፁም ቅጣት ምቶችን የመጠቀም ንፃሬ 93 በመቶ ሲሆን የእንግሊዝ ግን 66 በመቶ ብቻ ነው፡፡

ብዙዎች የ1954ቱ ድል ከ‹‹ስፓይዝ መንፈስ›› ጋር ያቆራኙታል፡፡ ምክንያታቸው ደግሞ የምዕራብ ጀርመን ቡድን ከትሞ የነበረው በሐይቅ አጠገብ በምትገኘው ትንሿ ከተማ ስፓይዝ በመሆኑ ነው፡፡ በቤሎ ሆሪዞንቴ ብራዚልን አጓጉል አድርጎ ባሸነፈው ቡድን ውስጥ የነበሩት ከግማሽ በላይ ተጨዋቾች በ2009 ከ21 ዓመት በታች የዓለም ዋንጫን ያሸነፈው ቡድን አባል የነበሩ ናቸው፡፡ የቡድኑ መንፈስ ጥንካሬም በግልፅ የሚታይ ነው፡፡

ምዕራብ ጀርመን በ1954ቱ የዓለም ዋንጫ በፍፃሜው ሀንጋሪን ከመግጠሟ በፊት አሰልጣኝ ኸርበርገር ተጨዋቾቻቸው ሃንጋሪ እንግሊዝን በዌንብሌይ 6-3 የደቆሰችበትን ጨዋታ እንዲመለከቱ አድርገዋል፡፡ በወቅቱ እንዲህ ያለው ነገር ብዙም አልተመደበም ነበር፡፡ ነገር ግን አሰልጣኙ ተጨዋቾቹ ፊልሙን ሁለት ጊዜ እንዲመለከቱ አደረጉ፡፡ መድገሙ ያስፈለገው የማይሸነፈው የሚመስለው ቡድን የነበሩበትን ደካማ ጎኖች ለተጨዋቾቻቸው ለማሳየት ነበር፡፡ ለአዳዲስ መስራች አዲ ዳይዝለር ቅርበት ስለነበራቸውም ተጨዋቾቻቸው ተነቃይ የታኬታ ጥርስ ሊያገኙ የሚችሉበትን መንገድ አመቻቹ፡፡ ይህን ያደረጉት ብዙውን ጊዜ በበርን ዝናብ ይጥል ስለነበር ምናልባት የጨዋታው ዕለት ከዘነበ ተጨዋቾቻቸው እያንሸራተታቸው እንዳይወድቁ ረጃጅም ጥርሶችን ለመጠቀም በማሰብ ነበር፡፡ የፈሩትም አልቀረ በጨዋታው ዕለት ዶፍ ጣለ፡፡

አንድሪያ ፒርሎ ‹‹ሁለት የዓለም ዋንጫዎች ይኖራሉ፡፡ አንዱ በሰሜን ሌላኛው በደቡብ›› ሲል የሰጠውን አስተያየት አስቀድሞ በማመን ዝግጅት ያደረገች ብቸኛ ሀገር ጀርመን ነች፡፡ ጣልያን እንደሌሎቹ ሀገሮች ሁሉ የከተመችው በደቡባዊ ብራዚል ነበር፡፡ በማንጋራቺባ የሚገኘው ጣልያን ያረፈችበት ካምፕ የመጀመሪያ የምድብ ጨዋታዋን ካደረገችበት ማናኡስ በ1,770 ማይል፣ ሁለተኛ ጨዋታዋን ካደረገችበት ሬሲፌ 1-165 ማይልስ እንዲሁም የመጨረሻ ጨዋታዋን ካከናወነችበት ናታል 1,220 ማይልስ ርቀት ላይ ነበር፡፡ ጣልያናውያን ምንም አይነት ዝግጅት ሳያደርጉ በሰሜናዊው የሀገሪቱ ክፍል ስላለው ሙቀት እና እርጥብ አየር ሲያማርሩ ከረሙ፡፡ ትልልቅ ከሚባሉ ቡድኖች ማረፊያዋን በሰሜናዊው ክፍል ያደረገች ብቸኛ ሀገር ጀርመን ነበረች፡፡ ሁሉንም የምድብ ማጣሪያ ጨዋታዎችን ያከናወነችውም በዚያ ነው፡፡ ለውድድሩ ከፍተኛ ትኩረት ከመስጠቷ የተነሳም 14 ህንፃዎችን፣ የመዋኛ ገንዳ፣ የአካል ብቃት ማዕከል እና ሜዳዎችን ዬዘ ግዙፍ የልምምድ ማዕከል ያስገነባችው ቀደም ብላ ነው፡፡ እንደውም በዓለም ዋንጫው ከተሰሩ ግንባታዎች ሁሉ በትክክለኛ ጊዜው የተጠናቀቀው እርሱ ነው፡፡

በ1974 ምዕራብ ጀርመን ለሁለተኛ ጊዜ የዓለም ዋንጫውን ስትወስድ ቡድኑ ያረፈው ከሃንቡርግ ወጣ ብሎ በሚገኝ ወህኒ ቤት በሚመስል ካምፕ ውስጥ ነበረ፡፡ ‹‹የነበረብን ጫና እጅግ ግዙፍ ከመሆኑ የተነሳ ብዙዎቹ ተጨዋቾች ጓዛቸውን ጠቅልለው ወደ ቤታቸው ለመሄድ ተነሳስተው ነበር፡፡ ግፊቱ የዚህን ያህል ነበር›› በማለት በርቲ ቮግት መለስ ብሎ ሁኔታውን ያስታውሳል፡፡ ‹‹በአንድ ክፍል ውስጥ የምንተኛው ሶስት ሆነን ነበር፡፡ በመተላለፊያዎች ላይ ምንም አይነት ስልክ ያልነበረ ሲሆን ፖሊሶች ደግሞ በየቦታው ነበሩ›› ሲል ያክላል፡፡ ሆኖም ፍራዝ ቤከንባወር ቡድኑን በማደራጀት እየመራ ለዓለም ዋንጫ ድል አበቃው፡፡ ከ28 ዓመት በኋላ ደግሞ ማይክል ባላክ ከዓመት በፊት በእንግሊዝ ሙኒክ ላይ 5-1 የተሸነፈውን እና የተገደበ አቅም ያለውን ቡድን ለ2002ቱ የዓለም ዋንጫ ፍፃሜ አደረሰው፡፡ ‹‹ባላክ ባይጎዳ ኖሮ ሊፈጠር የሚችለው ነገር አይታወቅም ነበር›› በማለት በወቅቱ የብሔራዊ ቡድኑ አሰልጣኝ የነበረው ሩዲ ቮለር ተናግሯል፡፡ ባላክ ቢኖርም ጀርመን ልትሸነፍ ትችል ነበር፡፡ ነገር ግን የእርሱ አለመኖር ምንም ዕድል እንዳይኖራት አደረገ፡፡

ጀርመን ከ1974ቱ የዓለም ዋንጫ በቂ ትምህርት አግኝታለች፡፡ ከአራት ዓመት በፊት በተከናወነው የደቡብ አፍሪካው የዓለም ዋንጫ ዮአኪም ሎው ወጣት ተጨዋቾችን የያዘውን ቡድን ይዘው ኔልሰን ማንዴላ ታስረውበት የነበረውን ሮቢን የሚባል ደሴት እና ሌሎች የመዝናኛ ቦታዎችን እንዲጎበኙ ያደርጉ ነበር፡፡ እጅግ ዝነኛ የሆነው ጀርመናዊ ግብ ጠባቂ ቶኒ ሹማከር በፃፈው አውቶባዮግራፊ ላይ በስፔን ተዘጋጅቶ በነበረው የ1982 የዓለም ዋንጫ በብሔራዊ ቡድኑ ውስጥ የነበረውን የቁማር እና የወሲብ ቅሌት አስፍሯል፡፡ ‹‹የቡድኑ አባላት ወደ ልምምድ የሚመጡት እንደ እርጥብ ጨርቅ ዛል ብለው ነበር›› በማለት አጋጣሚውን በአጭሩ ገልፆታል፡፡ በዚያ የዓለም ዋንጫ ተከስቶ የነበረው ነገር ለበርካታ ትውልድ የዘለቀ የአመለካከት ልዩነት ፈጥሯል፡፡

ይህንን የተበላሸ ገፅታ ለመለወጥ በመጀመሪያ የርገን ክሊንስማን በኋላ ላ ደግሞ የዮአኪም ሎውን ጥረት ጠይቋል፡፡ ወደ ቡድኑ ወጣት እና በከፍተኛ ደረጃ የተማሩ (በእግርኳስ እና በቀለም ትምህርት) ተጨዋቾችን ወደ ቡድኑ አጎረፉ፡፡ በአንድ ንክኪ ላይ የተመሰረተ አጨዋወት በቡድኑ ላይ አሰረፀ፡፡ አብዮቱ የተጀመረበት የ2006ቱ የዓለም ዋንጫ ከመጀመሩ በፊት ዋንጫውን የማሸነፍ ዕድል እንዳላቸው የሚያምኑ ጀርመናውያን ከአጠቃላይ የህዝቡ ብዛት የነበራቸው ድርሻ 3 በመቶ ብቻ ነበር፡፡ ቡድኑ ግን እስከ ግማሽ ፍፃሜ መጓዝ ቻለ፡፡ ክሊንስማን ለቡድኑ የስነ ልቦና ባለሞያዎችን እና የተለያዩ ኤክስፐርቶችን መቅጠሩን ቤከንባወርና እና የሀገሪቱ ተፅዕኖ ፈጣሪ ጋዜጣ ‹ቢልድ› ተሳለቁበት፡፡ ቡድኑ ወደ ቀጣዩ ዙር የማያልፍ ከሆነ ኦቶማር ሂትዝፊልድ የአሰልጣኝነት ስራውን መረከብ እንዳለባቸውም ተናገሩ፡፡ ጀርመን ለደረጃ የተደረገውን ጨዋታ ፖረቱጋልን በማሸነፍ ስታጠናቅቅ በብራንደን በርግ ጌት በርካቶች ደስታቸውን በታላቅ ስሜት ገልፀዋል፡፡ ያልተጠበቀ ስለነበር የድል ያህል ተቆጠረ፡፡ ነገር ግን መሰረቱ የተጣለው ከ60 ዓመት በፊት ነበር፡፡ አሁን ደግሞ ቡድኑ በድጋሚ ሻምፒዮን ሆኗል፡፡

አንድ ስኒ ቡና ለንቃት ሁለትና ሶስት ድብን ብሎ በመተኛት የካፌይን ተፅዕኖ ሲገለፅ በተለያዩ አጋጣሚዎች ስራ፣ ጥናትንና በአጠቃላይ ለነቃ ውሎ ስንል ካፌይን ብለን የምንጠራውን ኬሚካል የያዙ መጠጦችንና ምግቦችን እንወስዳለን፡፡ በተለይም የዚህ ኬሚካል በብዛት መገኛ የሆኑትና በደከመንና በዛልን ወቅት ከድብርትና ከዱካክ ወጥተን ነቃ እንድንል የምንጠጣቸው ቡና፣ ሻይና የተለያዩ ለስላሳ መጠጦች ዋነኛ ተጠቃች ናቸው፡፡ ካፌይን አዕምሮን የሚያነቃቃ ሲሆን ከላይ ከጠቀስናቸው መጠጦች በተጨማሪ በሌሎች መግቦች ውስጥ ለምሳሌ በብስኩቶችና በቸኮሌቶች ውስጥ እንደዚሁም በአንዳንድ መድኃኒቶች (ለምሳሌ በራስ ምታት መድሃኒቶችና ማስታገሻዎች) ውስጥ በሰፊው የሚገኝ ነው፡፡ በአገራችንም በተለያየ መልኩ በሚሊዮን በሚቆጠሩ ሰዎች የሚወሰድ ነው፡፡ በብዙ ሰዎች በመወሰዱና በመለመዱም በተለያዩ ባለስልጣናትና የሃይማኖት መሪዎች ዘንድ ሳይቀር በ‹‹እፅ›› መልክ የሚወሰድም ነው፡፡ ነገር ግን ካፌይን መውሰድና ሱስ ውስጥ መግባት ከጤና ጋር ተያይዞ የሚመጡ ችግሮችን ሊያስከትል ይችላል፡፡

አንድ ስኒ ቡና ከ100 እስከ 150 ሚሊ ግራም ካፌይን በውስጡ ይይዛል፡፡ ሻይ የዚህን ሲሶ ያህል ካፌይን ሲኖው፣ በአንዳንድ መድሃኒቶች ይህንን ያህል ካፌይን የመገኘት አጋጣሚም ሊኖር ይችላል፡፡ በለስላሳ መጠጦች፣ በጣፋጭ ከረሜላዎችና ቸኮሌቶች ውስጥ እንደዚሁም በብስኩቶችና በሻይ ውስጥም በብዛት መኖሩ ህፃናት ልጆችም ሳይቀሩ በቀላሉ ሊወስዱት ይችላሉ፡፡

በዓለም ዙሪያ በአማካይ በቀን ውስጥ ከ80 ሚሊ ግራም በላይ ካፌይን በየቀኑ ይወሰዳል ተብሎ ይገመታል፡፡ ከካፌይን ጋር የተያያዙ አራት አይነት የጤና ችግሮች አሉ፡፡

1. የካፌይን ስካር (ኢንቶክሲኬሽን)

ይህ ስካር የሚጀምረው ከ250 ሚ.ግ በላይ ካፌይን ከተወሰደ በኋላ ነው፡፡ ከዚህ ጋር ተያይዘው የሚታዩ ምልክቶች ጭንቀት፣ የህሊና መረበሽ፣ መቁነጥነጥ፣ መነጫነጭ፣ ማቅለሽለሽ፣ ማላብ፣ የሆድ መረበሽ፣ የሽንት መብዛት፣ እንቅልፍ ማጣትና በእግርና በእጅ ጣቶች ላይ የመወረር አይነት ስሜቶች መፈጠር ናቸው፡፡ በዚህ ጊዜ የተወሰደው ካፌይን ከ1000 ሚ.ግ በላይ ከሆነ የአፍ መኮላተፍ፣ የሃሳብ መደነጋገር፣ የልብ ትርታ መዛባት፣ ወፈፍ ማድረግ፣ የሌለና የማይታይ ብርሃን መታየት ሊከተሉ ይችላሉ፡፡ የካፌይን ብዛቱ ከ10,000 ሚሊ ግራም (10 ግራም) በላይ ካለፈ ግን ድንገተኛ ሞት ሁሉ ሊከተል ይችላል፡፡

2. ካፌይን ሳይወሰድ ሲቀር የሚከሰት ህመም

በዚህ ጊዜ የህመሙ አይነትና መጠን ከሰው ሰው እንደሚወሰደውና እንዳስለመዱት ብዛትና የልምድ ጊዜ እርዝመት ይለያያል፡፡ የተለመደው ካፌይን ሲቀር ከሚታዩ ምልክቶች መካከል ራስ ምታት፣ ጭንቀት ወይም መደበት፣ ድካም ወይም መፍዘዝ፣ ማቅለሽለሽ ወይም ማስታወክ ሊከተሉ ይችላሉ፡፡ እነዚህ ካፌይኑ ከቀረ ከ12 እስከ 24 ሰዓታት ውጥ የሚጀምሩ ሲሆን በሁለተኛው ቀን የሚብሱ ነገር ግን በአንድ ሳምንት ውስጥ ተመልሰው የሚጠፉ ናቸው፡፡

3. የእንቅልፍ መቃወስና ጥልቅ የሆነ ጭንቀት

መረበሽ፣ መነጫነጭ፣ መቁነጥነጥ ወይም በአንድ ቦታ ረጋ ብሎ አለመቀመጥን ሊያመጣ ይችላል፡፡ በተለይም የመርበትበትና በሆነው ባልሆነው መደንገጥ ያለባቸው ሰዎች ካፌይን በብዛት ከወሰዱ በኋላ በሽታው ሊነሳባቸው ይችላል፡፡ ስለዚህም በተቻለ መጠን ህመማቸው እንዳያገረሽባቸው ብዙ ካፌዬን መውሰዳቸውን መቀነስ አለባቸው፡፡ ይህ ካልሆነ ደግሞ ትልቅ ጭንቀት ውስጥ ሊገቡ ይችላሉ፡፡
በእንቅልፍ ላይ የሚያመጣውን ለውጥ ስናይ ደግሞ ቶሎ እንቅልፍ እንዳይመጣ ካደረገ በኋላ በቀጣይነት ለረዥም ጊዜ መተኛት አለመቻልና በማለዳ ከእንቅልፍ መንቃትን የሚያስከትላቸው ተፅዕኖዎች ናቸው፡፡

የመፍትሄ እርምጃዎች

የካፌይን አጠቃቀምን ለመቀነስ ወይም እስከ መጨረሻው ለማቆም የመጀመሪያ እርምጃው ምን ያህል ካፌይን በቀን እንደሚወሰድ እና በምን አይነት መንገድ እንደተወሰዱ (በመጠጥ፣ በምግብ፣ በመድሃኒት…ወዘተ) እንደሚወስዱ ለይቶ ማወቅ፡፡
ከዚህ በኋላ በአንድ ጊዜ ሳይሆን ቀስ በቀስ የካፌይን አወሳሰዱን በመቀነስ በሳምንታት ውስጥ የሚፈለገው የተሻለ የመፍትሄ ደረጃ ላይ መድረስ ይቻላል፡፡ ከእነዚህ ጋር አብሮ ካፌይን የሌላቸውን መጠጦችንና ምግቦችን ለይቶ አውቆ እነዚህኑ በምትክ መውሰድን ልማድ ማድረግ አስፈላጊ ነው፡፡ ካፌይን መውሰድ በድንገት በሚቆምበት ጊዜ የሚከተሉትን ህመሞችንና የድብርት ስሜቶች ሲከሰቱ ማስታገሻ መድሃኒቶችን መውሰድ የተሻለ አማራጭ ነው፡፡

ለዚህም ነው አንድ ስኒ ቡና ጥሩ ንቃትን ለመፍጠር ያስችላል፡፡ ነገር ግን ሁለት ሶስት እያልን ስንደጋግም የአንጎላችን የመላመድ ብቃት እየጨመረ ይመጣና በንቃት ከመቆየት ይልቅ ድብን ወዳለ የእንቅልፍ ዓለም ውስጥም ያስገባል፡፡ ይህም የካፌይን ተፅዕኖ ተቃራኒ በሆነ መልኩ የሚፈፅመው ድርጊትም ጭምር ነው፡፡ በአጠቃላይ የካፌይን አጠቃቀማችንን ከምንወዳቸው ምግቦችና መጠጦች አንፃር መጠኑን በመቆጣጠር መቀነስ ሲልም እስከመተው ደረጃ መድረስ እንችላለን፡፡

CAFFEINE SIDE EFFECTS & SAFETY

Caffeine is LIKELY SAFE for most adults when used appropriately. Caffeine can cause insomnia, nervousness and restlessness, stomach irritation, nausea and vomiting, increased heart rate and respiration, and other side effects. Caffeine can make sleep disorders in patients with acquired immunodeficiency syndrome (AIDS) worse. Larger doses might cause headache, anxiety, agitation, chest pain, and ringing in the ears.

Large doses may be UNSAFE and can cause irregular heartbeats and even death.
Special Precautions & Warnings:

Pregnancy and breast-feeding: Caffeine is POSSIBLY SAFE in pregnant or breast-feeding women in daily amounts of less than 200 mg. This is about the amount in 1-2 cups of coffee. Consuming larger amounts during pregnancy might increase the chance of miscarriage and other problems. Caffeine passes into breast milk, so nursing mothers should closely monitor caffeine intake to make sure it is on the low side. Caffeine in large amounts is POSSIBLY UNSAFE during breast-feeding. Caffeine can cause sleep disturbances, irritability, and increased bowel activity in breast-fed infants.
Anxiety disorders: Caffeine might make these conditions worse. Use with care.

Bipolar disorder: Too much caffeine might make this condition worse. In one case, a 36-year-old man with controlled bipolar disorder was hospitalized with symptoms of mania after drinking several cans of an energy drink containing caffeine, taurine, inositol, and other ingredients (Red Bull Energy Drink) over a period of 4 days. Use caffeine with care and in low amounts if you have bipolar disorder.

Bleeding disorders: There is concern that caffeine might aggravate bleeding disorders. Use caffeine with care if you have a bleeding disorder.
Heart conditions: Caffeine can cause irregular heartbeat in sensitive people. Use caffeine with caution.
Diabetes: Some research suggests that caffeine may affect the way the body uses sugar and might worsen diabetes. But the effect of caffeinated beverages and herbs has not been studied. If you have diabetes, use caffeine with caution.

Diarrhea: Caffeine, especially when taken in large amounts, can worsen diarrhea.

Irritable bowel syndrome (IBS): Caffeine, especially when taken in large amounts, can worsen diarrhea and might worsen symptoms of IBS.
Glaucoma: Caffeine increases the pressure inside the eye. The increase occurs within 30 minutes and lasts for at least 90 minutes after drinking caffeinated beverages.
High blood pressure: Consuming caffeine might increase blood pressure in people with high blood pressure. However, this effect might be less in people who use caffeine regularly.
Weak bones (osteoporosis): Caffeine can increase the amount of calcium that is flushed out in the urine. If you have osteoporosis or low bone density, caffeine should be limited to less than 300 mg per day (approximately 2-3 cups of coffee). It’s also a good idea to get extra calcium to make up for the amount that may be lost in the urine. Older women with an inherited disorder that affects the way vitamin D is used should use caffeine with caution. Vitamin D works with calcium to build bones.
(Source: WebMed Megazine)

ኢንጂነር ዘለቀ ረዲ፣  ጊዜያቸዉን ወስደው ፣ በአንድነት ዉስጥ እየታየ ያለዉን በሌሎች ድርጅቶች ያልተለመደ፣ ዲሞክራሲያዊ ፉክክርን በመቀላቀል፣ የድርሻቸዉን ለማበርከት በርካታ ጽሁፎችን አስነብበዉናል። ለዚህም ያለኝን ምስጋና እና አድናቆት መግለጽ እወዳለሁ። ከርሳቸው ጋር በግል የተለዋወጥናቸው ሐሳቦች እንደተጠበቁ ፣ በአደባባይ ፣ በፌስ ቡክ ላቀረቡልኝ አንዳንድ ጥያቄዎች ግን ፣ እኔም በአደባባይ መልስ ለመስጠት እሞክራለሁ።

«ምርጫ በአንድነት ዉስጥ ፤ ለአቶ በላይ ፍቃደ ድጋፌን እሰጣለሁ» በሚል ርእስ፣  የመምረጥ መብት ባይኖረኝም፣ እንደ ደጋፊ ሐሳቤን የመግለጽ መብቴን ተጠቅሜ ፣ አቶ በላይን ኢንዶርስ ማድረጌ ይታወሳል።

«በላይ ጠንካራ መሆኑን እንዴት አወቁ ? በእርግጥ እርስዎ አሁን የያዙትን አቋም ቀደም ብለን እኛም ይዘን ነበር። ሆኖም በላይ ምክትል ሆኖ ከተመረጠ በኋላ፣ እኔ ሐሳቤን አንስቻለሁ። የተወሰኑትም እንዲሁ አደርገዋል። ምክንያቱም በስሩ የነበሩትን የኢኮኖሚ፣ የማህበራዊ እና የፖለቲካ ጉዳዮችን አንቀሳቅሶ መስራት አልቻለም። ለዚህም ይህ ትንሽ ነገር መምራት ካልቻለ ግዙፉን የአንድነት ፓርቲ ይመራዋል የሚል እምነት የለኝም። የእርስዎ ግምገማም መነሻዉን ባውቀው ደስ ባለኝ ነበር» ሲሉ ኢንጂነር  ዘለቀ ጥያቄ አቅርበዉልኛል።

በጣም ጥሩ፣ ወቅታዊና መጠየቅ ያለበትን  ጥያቄ ነው የጠየቁኝ። ኢንጂነር ዘለቀ ፣  ከስድስት ወራት በፊት፣ በላይ ብቃት አለው የሚል እምነት እንደነበራቸው አልሸሸጉም። «ምክትል ሊቀመንበር ከሆነ ጀምሮ ግን፣ ስራዉን አልሰራም» በሚል ነው ትችታቸው።

በላይን  ያለመምረጥም ሆነ፣ በላይ እንዳይመረጥ የመቀስቀስ ሙሉ መብት አላቸው። አቶ በላይ አንድ ትልቅ ድርጅት ለመምራት ራሱን እጩ ካደረገ፣ ጠንካራ ጥያቄዎች ሊቀርቡለት፣ ሊተች ይገባል። ኢንጂነር ግዛቸውም እንደዚሁ።

ኢንጂነር ዘለቀ፣  ከአንድነት ፓርቲ ጋር የተዋሃደው፣ የቀድሞ የብርሃን ለአንድነትና ለዲሞክራሲ ፓርቲ ከፍተኛ አመራር ነበሩ። ሁለቱ ፓርቲዎች ሲዋሃዱ፣ ዉህዱን ፓርቲ ለመምራት እጩ ሆነው ከቀረቡ ሶስት እጩዎች መካከል አንዱ ነበሩ። የአዲስ አበባ ምክር ቤት አመራር የነበሩ ዶር ንጋት፣ የተከበሩ ዶር ነጋሶ ጊዳዳ ሁለተኛውና ሶስተኛ እጪዎች ነበሩ። በወቅቱ ኢንጂነር ግዛቸው «ፖለቲካ በቃኝ!  በመምህርነት አገሬን አገለግላለሁ» በሚል እራሳቸውን ያገለሉበትም ወቅት ነበር።

ዶር ነጋሶ ጊዳዳ  በጠቅላላ ጉባኤው ሲመረጡ ፣ ኢንጂነር ዘለቀ ፣ ከአንድ ተፎካካሪ የሚጠበቅ ግሩም ንግግር በማድረግ ከዶር ነጋሶ ጋር አብረው በጋራ እንደሚሰሩ አሳወቁ። በዶር ነጋሶ ካቢኔ ዉስጥም በመመረጥ የአንድነት ፓርቲ የድርጅት ጉዳይ ሃላፊ ሆነው መስራት ጀመሩ። እንግዲህ አንባቢያን ተመልከቱልኝ በአንድነት ፓርቲ ዉስጥ ያለዉን የዲሞክራሲ ባህል።

የትም ቦታ በሥራ ላይ መጋጨት፣ አለመስማማት አለ። ይሄ ደግሞ ብዙ ሊያስገርመን አይገባም። ያዉም ደግሞ አባላት አስተያየታቸዉን በግልጽ መናገር በሚችሉበት ድርጅት ዉስጥ ፣ ግጭቶች የተለመዱ ናቸው። የግድ አለመስማማቶች መፈጠር አለባቸው። ችግር የሚሆነው አለመስማማቶች፣ ወደ እህልና ግትርነት አምርተው መከፋፈልን ሲፈጥሩ ነው እንጂ። (ኢሕአዴግ ዉስጥ አለመስማማት ሲኖር የበላይ ሆኖ የሚወጣው ቡድን ሌላዉን ወይ እሥር ቤት፣ ወይም ስደት፣ ወይም ካለው ሃላፊነት አባሮ መዋረድ ልማድ እንደሆነ የምታወቅ ነው። የኢሕአዴግ ደጋፊዎች እንደ ሮቦት በሉ የተባሉትን ማለት፣  ጻፉ የተባሉት መጻፍ፣ ግደሉ፣ ደብድቡ ሲባሉ ሕሊናቸዉን እና ኃይማኖታቸውን ሸጠው ሲገድሉና ሲደበድቡ ነው የምናውቀው።)

ኢንጂነር ዘለቀ በሥራ አስፈጻሚው ዉስጥ ሲሰሩ ከዶር ነጋሶ ጋር የመስማማት ችግር አጋጠማቸው። ከድርጅት ጉዳይ ሃላፊነታቸው ተነሱ። ነገር ግን ኢንጂነር ዘለቀ፣  አኩርፈው ፓርቲዉን ጥለው አልሄዱም። በምክር ቤት አባልነት አንድነትን ማገልገል ቀጠሉ።

ከስድስት ወራት በፊት አንድነት ፓርቲ መሪዉን እንደገና የሚመርጥበት ጊዜ መጣ። ዶር ነጋሶ ፣ የእድሜ ጉዳይ አይፈቅድልኝም በሚልና ሌሎች ምክንያቶች እንደማይወዳደሩ አሳወቁ። ሶስት እጩዎች ቀረቡ። የፓርላማ አባልና በወቅቱ የፓርቲው ምክትል ፕሬዘዳንት አቶ ግርማ ሰይፉ፣ በወቅቱ የፋይናንስ ሃላፊ አቶ ተክሌ በቀለ እንዲሁም «ከፖለቲካ ወጥቻለሁ። በቃኝ » ብለው የነበሩት ኢንጂነር ግዛቸው።

በወቅቱ አገር ዉስጥም ሆነ ከአገር ዉጭ ያሉ በርካታ የአንድነት አባላትና ደጋፊዎች፣ አቶ በላይ ፍቃደ፣ ደርጅቱን እንዲመራ፣  እንዲወዳደር ጥያቄ አቀረቡለት። ኢንጂነር ግዛቸው ሽፈራው  ሳይቀሩ «በላይ ድርጅቱን ለመምራት ብቃት፣ ብቻ ሳይሆን እውቀትና ብስለት ያለው ወጣት አመራር ነው » ሲሉ፣  በላይ ቢወዳደር እርሳቸው ወደ ዉድድሩ ይገቡ እንዳልነበረና ድጋፋቸውን ለበላይ እንደሚሰጡ ይናገሩ ነበር። በላይ «አንድ የአንድነት ተራ አባል፣ ከሊቀመንበሩ ያልተናነሰ መስራት የሚችል ነው። እኔ አገሬን እና ፓርቲዬን ለማገልገል የግድ ሊቀመንበር መሆን የለብኝም»  የሚል አስተሳሰብ ያለው፣ ለስልጣን እና ለወንበር የማይሸቀዳደም፣  እርጋታና ትህትና የተሞላበት ሰው ነው። በመሆኑም ኢንጂነር ግዛቸው ሁሉ ጠይቀዉት፣ ለመወዳደር ፍቃደኛ አለመሆኑ፣ የሚያሳየው የዚህን ሰው ትህትና ነው።

የማታ ማታ ኢንጂነር ግዛቸው የአንድነት ሊቀመንበር ሆነው ይመረጣሉ። አቶ በላይ ፍቃደን  እንዲሁም ከርሳቸው ጋር የተወዳደሩትን አቶ ተክሌ በቀለን ምክትል ሊቀመናብርት አድርገው በመምረጥ ስራ ይጀመራሉ። እርስ በርስ ሲፎካከሩ የነበሩ እንደገና አብረው መስራት ጀመሩ ማለት ነው።

ኢንጂነር ግዛቸው ሽፈራው ባዋቀሩት ካቢኔ  ከተካተቱት መካከል፣ በዶር ነጋሶ ከሥራ አስፈጻሚ እንዲወጡ የተደረጉት፣ በጠቅላላ ጉባኤውም የምክር ቤት አባል ሆነው በድጋሚ የተመረጡት፣  ኢንጂነር ዘለቀ ረዲ ይገኙበታል። ኢንጂነር ዘለቀ፣ በጣም ቁልፍና  ብዙ ሥራ የሚጠይቅ ሃላፊነት ይሰጣቸዋል። የዉጭ ግንኙነት ክፍል ሃላፊ ሆነው በኢንጂነር ግዛቸው ይሾማሉ። ከስራቸው ዉስጥ በዉጭ ያሉ የድጋፍ ማህበራትን ማሰባሰብና የበለጠ ማደራጀት አንዱና ዋናው ነበር።

የመኢአድ እና የአንድነት ዉህደት ሲጠናቀቅ አዲስ አመራር መኖር ስላለበት፣ የአንድነት ምርጫ በተደረገ በስድስት ወራቱ፣  እንደገና ምርጫ ማድረጉ የግድ ሆነ።

ዉጭ ባሉ ደጋፊዎች ዘንድ አዲስ አመራር የማግኘት ትልቅ ፍላጎትና ጉጉት አለ። ይሄም ኢንጂነር ግዛቸው ላይ ካለ ተቃዉሞ ሳይሆን፣ ኢንጂነሩ ከዘጠና ሰባት ጀምሮ የነበሩ እንደመሆናቸው፣ በቅንጅት ከዚያም አንድነት ዉስጥ ለነበሩ መከፋፈሎች  ተጠያቂ የሚያደርጓቸው ኢትዮጵያዉያን ጥቂት ባለመሆናቸው፣ በአጭሩ ኮንትሮቨርሻል መሪ በመሆናቸው፣ ለዉህዱ ፓርቲና ለትግሉ ከርሳቸው ሌላ አዲስ አመራር  ቢኖር በጣም ጠቃሚ ነው ከሚል አስተሳሰብ ነው።

በዚህም ምክንያት አንድነትም ሆነ ዉህዱ ፓርቲ በውጭ ያሉ ደጋፊዎቹን ከማብዛት አንጻር፣ አቶ በላይ ከስድስት ወራት በፊት የነበረዉን ዉሳኔ ከልሶ፣ እንዲወዳደር ዉጭ ያለው ደጋፊ ግፊት ማድረግ ጀመረ። ይሄ ደግሞ በየትም ዴሞክራሲ ያለ አሰራር ነው። (ትዝ ይለኛል እዚህ አሜሪካ አገር ጀነራል ኮሊን ፓወል፣ ለፕሬዘዳንት እንዲወዳደር፣  ብዙ ግፊት ከየአቅጣጫው ይቀርብለት እንደነበረ)

አገር ቤትም፣ አቶ በላይን በቅርበት የሚያወቁ፣ የጊዜዉን አሳሳቢነት፣ የትግሉን ወሳኝነት በማስመር፣  በነርሱ ዘንድ ያለዉን የአገር ቤት ሁኔታ ጠረቤዛ ላይ በማስቀመጥ፣  የድርሻቸውን ከፍተኛ ግፊት አደረጉ። አቶ በላይ፣ ሊቀመንበር ባይሆንም፣ ለአገሩና ለሕዝቡ ድሮም ሲሰራ የነበረ እንደመሆኑ፣ ፍቃደኛ ሆኖ፣ ሁኔታዎችን አመቻችቶ እጩ ተወዳዳሪ ሆኖ ቀረበ። ይሄም ለብዙዎቻችን መልካም ዜና ሆነ።

«አንዳንዶች ያኔ አልወዳደርም ብሎ አሁን ለመወዳደር ለምን ፈለገ ?» የሚል ጥያቄ አቶ በላይ ላይ ያነሱ አሉ። እንግዲህ መልሱን ከዚህ ጽሁፍ የሚያገኙ ይመስለኛል። ደግሞ እነዚህ ሰዎች፣  ለአቶ በላይ ይሄን አይነት ጥያቄ ሲያቀርቡ  «ኢንጂነር ግዛቸው ፖለቲካ በቃኝ ብለው በነበረበት ጊዜ፣ ከየት መጡ ሳይባል፣  እንደገና ሲወዳደሩ፣  «ለምን ? ምን ተገኝቶ ?» ብለው ጠይቀዋል ወይ ?  አንዳንድ አስተያየቶች ስንሰጥ፣  ትንሽ ደብል ስታንዳርድ ባይኖረን ጥሩ ነው።

ኢንጂነር ግዛቸው ራሳቸውም በተደጋጋሚ እንዳስረዱት ለሊቀመንበርነት ከስድስት ወራት በፊት የተወዳደሩት፣ ብዙዎች እንዲወዳደር ስለጠየቋቸውና ግፊት ስላደረጉባቸው እንደሆነ ገልጸዋል። « እኔ ተለምኜ ነው። አልፈልግም ነበር» ነበር ያሉት። እዚህ ላይ ምን ችግር የለኝም። ልክ ኢንጂነር ግዛቸው እንዳደርጉት፣ አሁን አቶ በላይ፣  ከደጋፊዎቻቸው የሚቀርብላቸውን ጥያቄ አስተናግደው ፣ ለመወዳደር ቢወስኑ ምኑ ላይ ነው ሐጢያቱ ? አስቡት ኢንጂነር ግዛቸው ከፖለቲካ ዉጭ ሆነው ሳለ ነው በአንዴ ዘለው ሐሳባቸው ቀይረው፣ ሊቀመንበር ለመሆን ብቅ ያሉት። አቶ በላይ ግን  አሁን የአንድነት ምክትል ሊቀመንበር ነው። ከምክትል ሊቀመንበርነት ወደ ሊቀመንበርነት ለመሸጋገር ነው ራሱን እጩ ያደረገው።

አቶ በላይ እጩ ሆነ እንደቀረበ፣ የአብዛኞቻችን ግምት፣ ከጥቂት ወራት በፊት፣  ስለ አቶ በላይ የተናገሩትን ቃል አክብረው፣ ኢንጂነር ግዛቸው የዶር ነጋሶን ፈለግ በመከተል ራሳቸዉን ከእጩነት ያወጣሉ የሚል ነበር። ነገር ግን እንደገመትነው አልሆነም። ኢንጂነሩ ቃላቸውን ገልብጠው፣ ራሳቸውን ለእጩነት አቀረቡ። ያ ብቻ አይደለም፣ «በአንድነት ፓርቲ ዉስጥ ከስድስት ወራት በፊት ምርጫ ስለተደረገ ፣ ኢንጂነር ግዛቸው ሳይወዳደሩ በቀጥታ ነው ማለፍ ያለባቸው» የሚል ክርክር ይዘው የተወሰኑቱ፣  ያለ ምርጫ ኢንጂነር ግዛቸውን ለማስመረጥ ዘመቻ ጀመሩ። እነዚህ ወገኖች ያለ ኢንጂነር ግዛቸው ውስጣዊ ስምምነት፣ ኢንጂነር ግዛቸው ያለምርጫ እንዲሾሙ ለማድረግ ይከራከራሉ ብዬ አላስብም። በሌላ አባባል፣ ኢንጂነር ግዛቸው ራሳቸው፣ ሳይመረጡ በቀጥታ ለማለፍ ፍላጎት ሊኖራቸው ይችላል ብዬ አስባለሁ።

ከነዚህ የ«ኢንጂነር ግዛቸው ይመረጡ» ዘምቻ አጧጧፊዎች አንዱ ኢንጂነር ዘለቀ ረዲ ናቸው። ኢንጂነር ዘለቀ ፣ ኢንጂነር ግዛቸውን ለማስመረጥ በሚጽፉት፣ በሚያደርጉት እንቅስቃሴውች ሁሉ ምንም ቅሬታ የለኝም። ኢንጂነር ግዛቸው እንዲመረጡ በሥራ አስፈጻሚ ዉስጥ፣ በብሄራዊ ምክር ቤቱ፣  በጠቅላላ ጉባኤው እንዲሁም በአደባባይ የመቀስቀስ፣ የመሟገት ሙሉ መብት አላቸው። መብታቸውን ተጠቅመው፣ የዲሞክራሲ ባህሉን ለማሳደግ ለሚያደርጉት ጥረት አመሰግናቸዋለሁ።

እንደ ማንኛዉ የምርጫ ዉድድር፣ የምንደገፈውን ለማስመረጥ ስንል ፣ የማንደግፈው ለምን መመረጥ እንደሌለበት ማሳየቱ የተለመደና ብዙ ችግር የማይፈጠር ነው። ኢንጂነር ዘለቀም፣ ኢንጂነር ግዛቸው እንዲመረጡላቸው ፣ አቶ በላይ ለምን መመረጥ እንደሌለበት ያመላክታል የሚሉትን የራሳቸውን ምክንያቶች በማቅረብ፣  አቶ በላይ ብቃት የላቸዉም የሚለውን መከራከሪያቸውን ለመሸጥ የሚያደርጉት እንቅስቃሴ ተገቢና ዴሞክራሲያዊ ነው።  አቶ በላይ ሆነ ደጋፊዎቻቸው፣ የአቶ ዘለቀን ትችና አስተያየት በመረጃና በሐሳብ መመከት እንጂ፣  ቅር መሰኘት ያለባቸው አይመስለኝም። እኔም፣ አቶ በላይን ኢንዶርስ እንደማድረጌ፣  ለምን የኢንጂነር ዘለቀ ረዲ መከራከሪያ ነጥብ፣  ዉሃ እንደማይቋጥር ለማሳየት ልሞከር። የኢንጂነር ዘለቀን ረዲ ሐሳቦች በሐሳቦች ለመመከት ማለት ነው።  (አስቡት እንግዲህ የአንድነት አባላትና ደጋፊዎች እንዲህ ባለ ሁኔታ ነው በሐሳብ በመፋጨት የሰለጠነ ፖለቲካ እያሳዩን ያሉት)

ኢንጂነር ዘለቀ፣ ስለ አቶ በላይ የብቃት ጉድለት ሲናገሩ፣ በአቶ በላይ ሥር ያሉ የኢኮኖሚ፣ የማህበራዊና የፖለቲካ ዘርፍ ኮሚቴዎች ሥራ አልሰሩም ከሚል ነው። በመጀመሪያ ደረጃ እነዚህ ኮሚቴዎች ሥራ እየሰሩ ነው የሚል እምነት አለኝ። ኮሚቴዎች ባላቸው አነስተኛ ሪሶርስ፣  የተቻላቸውን እያደረጉ እንደሆነ የሚገልጹ አንዳንድ መረጃዎች አሉኝ። ኢሕአዴግን መቃወም ብቻ ሳይሆን፣ አንድነት ከኢሕአዴግ ለምን እንደሚሻል የሚገልጹ አማራጭ ፖሊሲ ሰነዶችን ለማዘጋጀት ደፋ ቀና እያሉ እንደሆነ ሰምቻለሁ። እንዲህ አይነቶቹን ሰነድ ማዘጋጀት ጊዜ ይወስዳል። ተራ ደብዳቤ አይደለም። ምሁራንን ማማከር፣ ምርምሮች ማድረግ፣ ነገሮችን ከሁሉም አቅጣጫዎች መመልክት ያስፈልጋል። (በቅርቡ የነዚህ ኮሜቴዎች የሥራ ዉጤት፣ በአዲሱ የውህዱ ፓርቲ አመራር ዘንድ ቀርቦ፣ ዉይይቶች ተደርጎበት ፣ ተሻሽሎ፣  ይፋ ሲሆን የምናየው ይሆናል)

አልሰሩም ብለን ደግሞ ብንቀበልም እንኳን ፣ የነዚህ ኮሚቴዎች ሃላፊዎችን የሾሙት ኢንጂነር ግዛቸው መሆናቸዉን መርሳት የለብንም። በአቶ በላይ የተሾሙ አይደሉም። ለኮሚቴዎቹ ድክመት ሃላፊነት መዉሰድ ያለባቸው ኢንጂነር ግዛቸው ናቸው። ኢንጂነር ዘለቀ አላስተዋሉትም እንጂ ትችት ያቀረቡት ኢንጂነር ግዛቸው ላይ ነው።

ሌላው ኢንጂነር ዘለቀ  በአቶ በላይ ስር ናቸው ያሏቸውን የኢኮኖሚ፣ የማህበረሰባዊና የፖለቲካ ጉዳዮች ኮሚቴዎች እንደጠቀሱት፣ ሌሎች እንደ ዉጭ ጉዳይ ያሉ ኮሚቴዎችን ቢጠቅሱ ጥሩ ይሆንም ነበር። እስከሚገባኝ ድረስ የዉጭ ጉዳይ ኮሚቴው፣ የሚጠበቅበትን ሥራ ሰርቷል ማለት አይቻልም። የዚህ ኮሚቴ ሃላፊ ደግሞ ፣ አቶ በላይን ሥራዉን አልሰራም ብለው የሚጽፉት ኢንጂነር ዘለቀ ረዲ ናቸው።

አንድ ጠንካራ የአንድነት ደጋፊ ስለ ኢንጂነር ዘለቀ ሲጽፉ « ኢንጂነር ዘለቀ የዉጭ ጉዳይ ሃላፊነት ስራቸውን ትንሽ አይደለም ምንም አልሰሩም» ነበር ያሉት። እኝህ ደጋፊ ሲያክልም «ታዲያ እርሳቸው ምንም ሳይሰሩ ፣ ስንት ሥራ የሰራዉን፣ በወሬና በአሉባላታ ሳይሆ በስራዉ ዉጭ ሆነ አገር ውስጥ ባሉ ደጋፊዎች ዘንድ ትልቅ ከበሬታ ያለውን ፣ አንጋፋ የአንድነት አመራርን በአደባባይ ብቃት የለዉም ማለት ነውር ነው» ሲሉ ኢንጂነር ዘለቀ ስለ አቶ በላይ በሰጡት አስተያየት እንደማይስማሙ ገልጸዋል።

አቶ በላይ ፍቃደን፣ ለአንድነት ቅርበት የሌላቸው ወገኖች ላያውቋቸው ይችላሉ። የአንድነት አባላት፣ ደጋፊዎች፣ አገር ቤት የሚደረገዉን ትግል በቅርበት የሚከታተሉ ግን፣  አቶ በላይን በደንብ ያወቁታል። በተለይም ዉጭ አገር ባሉ የአንድነት ደግፊዎች ዘንድ አቶ በላይ እጅግ በጣም ተወዳጅ ነው።

አቶ በላይ ከሰሩት ጥቂቶቹን  ላካፍላችሁ ( ሌሎች የአንድነት አባላትና ደጋፊዎች ከተሰጡ አስተያየቶች ቀንጨብጨብ አድርጌ)

አቶ አንዱዓለም ወደ ቃሊት ከመወሰዱ በፊት ፣ የአንድነት ፎርም የሚባል ዝግጅት በየጊዜው ይቀርብ ነበር። በዚህ ፎረም፣  በአንድነት ፓርቲ ጽ/ቤት ዉስጥ የተለያዩ እንግዶች እየተጋበዙ ወቅታዊ በሆኑ ጉዳዮች ዙሪያ ሰፊ ሃተታ ያቀርቡ ነበር። ከዉጭ አገርም በስካይፕ ምሁራን እየቀረቡ የሰላማዊው ትግል የሚያደግበትን የተለያዩ ስልጠናዎችን ሰጥተዋል። የዚህ የአንድነት ፎረም ጀማሪና ዋና አዘጋጅ  አቶ አንዱዓለም አና አቶ በላይ ነበሩ። በዚህ ፎረም ከዉጭ እንደ ዶር መሳይ ከበደ፣ ዶር አክሎግ ቢራራ፣ ፕሮፌሰር ሰይድ፣ አቶ ብርሃነ መዋ፣ ጠበቃ ፍጹም አለሙ፣ አቶ ግርማ ሞገስ የመሳሰሉ ቀርበው የፖለቲካ ሃተታ አቀርበዋል። ከአገር ዉስጥም እንደ እስክንደር ነጋ፣ አሁን በ እሥር ቤት የሚገኙ ዞን ዘጠኖች  የመሳሰሉ ቀርበው ስልጣና ሰጥተዋል።

ሁላችንም መቼም የአንድነት ልሳን የነበረችውን የፍኖት ጋዜጣ እናስታወሳታለን። ይች ጋዜጣ መዉጣት እንድትጀመር  በዋናነት ያደረገው በላይ ፍቃዱ ነው። የጋዜጣው የኢዴቶሪያል ቦርድ ሰብሳቢም ሆኖ አግልግሏል። ጋዜጣው በወያኔ መታተም ሳትችል ስትቀር ፣ አንድነት የራሱ ማተሚያ እንዲኖረው ለማድረግ ፣ ለዚህ ጉዳይ ከተቋቋመው የፍኖት ግብረ ኃይል ጋር በመተባባበር ገንዘብ እንዲሰበሰብ አድርጎ፣ የማተሚያ መሳሪያዉ ተገዝቷል። በኢትዮጱያ የመብራት ችግር ስለሌለና አገዝዙ የአንድነት ጽ/ቤትን የኤሌትሪክ መስመር ሆን ብሎ ብዙ ጊዜ ስለሚቆርጥ፣ ለማተሚያ ሥራ ጅኔሬተር በመግዛት የሕትመት ሥራው የሚጀመርበት ሥራ ለማፋጠን ጥረቶች እየተደረጉ ነው።

የአምስቱ አመት ፓላን በሚል ሰፊ ሰነድ መዘጋጀቱ ይታወቃል። ይህ ሰነድ ለድጋፍ ድርጅቶች ተልኮም አንብበነዋል። ይህን ሰነድ ካዘጋጁት ወገኖች መካከል አንዱ አቶ በላይ ነው። (ምናልባትም ኢንጂነር ዘለቀ ያኔ የአንድነት አመራር ስላልነበሩ ላያውቁት ይችሉ ይሆናል)

የአንድነት ፓርቲ ተቀባይነት ከፍ ካደረጉት እንቅስቃሴዎች መካከል በዋናነት እና በቀዳሚነት የሚጠቀሰው የሚሊዮኖች ድምጽ ንቅናቄ ነው። ይህ የሚሊዮኖች ድምጽ ንቅናቄ፣  ኢንጂነር ግዛቸው ሽፈራው ከፖለቲካው ወጥቻለሁ ባሉበት ወቅት፣ የተከበሩ ዶር ነጋሶ አንድነትን ሲመሩ ፣ የተጀመረ እንቅስቃሴ ነው። የሚሊዮኖች ድምጽ ለነጻነት የተሰኘዉን የመጀመሪያዉ ዙር እንቅስቃሴ ፣  ከሚመሩትና ከሚያስተባብሩት አመራር አባላት መካከል በዋናነት የሚቀመጠው በላይ ነበር።

የተለያዩ ጉዳዮች ሲነሱ፣ በራዲዮኖች ፣ ቴሌቭዥኖች፣  ፓልቶክ ክፍሎች በመቅረብ፣ የአንድነት ደጋፊዎች በሚያዘጋጁት ዝግጅቶች ላይ በስካይፕ በመገኘት፣ የአንድነት ራእይና ተልእኮ በሚገባ የገለጹ፣  ጠንካራ የአመራር አባል ናቸው። እስቲ አቶ በላይ አንድ ወቅት ፣ አሁን በማእከላዊ ከሚገኘው፣ ሌላው አንጋፋ የአንድነት አመራር ጋር በኢሳት ያደረጉትን ቃለ ምልልስ እንስማ። ረጋ ያለ፣ ማሳመን የሚችል፣ የሚናገረዉን የሚያወቅ አመራር እንደሆነ እናያለን።

እንደ እኔ ግምት፣  ትግሉ በአሁኑ ወቅት አዲስ ፣ የበሰለ፣ ባጌጅ የሌው አመራር ይፈልጋል። ወደፊት እንጂ ወደ ኋላ እየተመለስን መጎተት አንፈልግም። በድጋሚ የአንድነት ጠቅላላ ጉባኤ አባላት ድምጻቸውን ለአቶ በላይ ፍቃደ እንዲሰጡ በአክብሮት እጠይቃለሁ።

አገር ውስጥ ባሉ በከፊል ፣ ዉጭ ባሉ ደጋፊዎች ዩናኒመስሊ ማለት ይቻላል የማይደገፉ፣ ኮንትሮቨርሻል የሆኑ ሊቀመንበር መርጠው፣  አንድነት ሆነ ዉህዱ ፓርቲ ትግሉን ወደፊት ለማስኬድ ያለዉን ብቃት እንዳያሽመደምዱ እመክራለሁ።

እኔም ሆንኩኝ ሌላው ተራ ደጋፊ፣ አስተያየት መስጠት እንጂ መራጮች አይደለንም። የአንድነት፣ የዉህዱ ፓርቲ፣ የትግሉን አቅጣጫ የሚወስኑት አገር ቤት ያሉት፣  የጠቅላላ ጉባኤ ተወካዮች የሆኑት እንደ ኢንጂነር ዘለቀ ረዲ ናቸው። በሥራቸው አልገባንም። እነርሱን ለማዘዝና ለመጫን መብትም የለንም፤ አልሞከርንምም። ነገር ግን  አንድነት፣  የሚሊዮኖች ንቅናቄ የሚመራ፣  ሚሊዮኖች እያሰባሰበ ያለ እንደመሆኑ፣  «እኛም የሚሊዮኖች አካል ነን። የአንድነት ጉዳይ ያገባናል» በሚል ነው አስተያየት የምንሰጠው።

በዚህም አጋጣሚ፣ ኢንጂነር ግዛቸው ከዚህ በፊት የተናገሩትን  ቃል አክብረው፣ አመራሩን ለአዲሶች በማስረከብ የዶር ነጋሶን ጊዳዳ ፣ የዶር ኃይሉ አርአያን፣ የአቶ ቡልቻ ደመቅሳ .. ፈለግ እንዲከተሉ በድጋሚ በአክብሮት እጠይቃለሁ።

የቅርብ ጊዜው አርሰን ቬንገር ተለውጠዋል? ባለፉት ጥቂት ዓመታት ሰውየው በዝውውር ገበያው የእርሳቸው የማይመስሉ እና ለደጋፊዎች ደስታ የፈጠሩ ውሳኔዎችን አሳልፈዋል፡፡ ሳይታወቅባቸው የዝውውር ፖሊሲ ለውጥ አደረጉ? ተብሎ እስኪጠየቅ በዕድሜያቸው የበሰሉ ተጨዋቾችን መግዛት ጀምረዋል፡፡ ባለፈው ክረምት ለሉዊስ ሱአሬዝ ዝውውር 40 ሚሊዮን ፓውንድ ይዘው ሊቨርፑልን ቀረቡ የሚለው ዜና ሲሰማ ብዙዎች ባለማመን አይኖቻቸውን ቢጎለጉሉም ከሳምንት በኋላ ሜሱት ኦዚልን ከፍ ባለ ሂሳብ አስፈርመው ማምረራቸውን አሳይተዋል፡፡

በያዝነው ክረምት ቬንገር ዝውውሮችን እንደተለመደው ለማዘግየት በዓለም ዋንጫው በቂ ሰበብ ነበራቸው፡፡ ነገር ግን በቀኝ ፉልባክ ቦታ ማቲዩ ዴቡሺን ሊያገኙ መቃረባቸው ተነግሮ ሳያበቃ የአሌክሲስ ሳንቼዝን ግዢ በይፋ አጠናቅቀው ደጋፊዎቻቸውን ጮቤ አስረግጠዋል፡፡

አሁን ቬንገር ትልቅ ተጨዋች ሊገዙ ጠየቁ ሲባል ማንም አያሾፍም፡፡ ከአንድ ዓመት በፊት በዚህ ወቅት የአርሰናል ደጋፊ የሆነ ሰው ክለቡ ኦዚልን በ42 ሚሊዮን ፓውንድ እንደሚገዛ፣ የኤፍ.ኤ.ካፕ ሻምፒዮን እንደሚሆን እና አሌክሲስ ሳንቼዝን እንደሚያስፈርም ቢነገረው የተቀለደበት ያህል ሊበሳጭ ይችል ነበር፡፡ ይሁን እንኒ በ12 ወራት ጊዜ ውስጥ ደጋፊዎቹ በአርሰናልንም ሆነ በቬንገር ላይ ዝውውሮችን አስመልክቶ ያላቸው አቋም ተለውጧል፡፡ ቡድናቸው ለከርሞ ክፍተቶቹን ደፍኖ ለዋንጫ እንደሚፎካከር መጠበቅ ጀምረዋል፡፡ ታዲያ ወደ ኤምሬትስ የሚመጡት ቀጣይ ተጨዋቾች እነማን ናቸው?
ቬንገር በጀርመን ተጨዋቾች ፍቅር የተለከፉ ይመስላሉ፡፡ ከወዲሁ ፔር ሜርቴሳከር፣ ሉካስ ፓዶልስኪ፣ ሜሱት ኦዚል፣ ሰርጂ ናብሪ እና ጌዲዮን ዘላለምን በቡድናቸው ቢይዙም ተጨማሪ ጀርመናዊ እፈለጉ ይገኛሉ፡፡ የፈረንሳዊው አይኖች ያረፉባቸው ሁለት አማካዮች ደግሞ ሳሚ ኬዲራ እና ላርስ ቤንደር ናቸው፡፡ የዴቡሺ ዝውውር መቼ በይፋ እንደሚጠናቀቅ ባይታወቅም አሁን የሚዲያው ትኩረት ያለው በኬዲራ ጉዳይ ላይ ነው፡፡

ኬዲራ ሆልዲንግ አማካይ ነው፡፡ የዝውውር ዋጋው ከ20-30 ሚሊዮን ፓውንድ የሚገመተው ተጨዋች በአርሰናል ማቲው ፍላሚኒ እና ሜኬል አርቴታን ተክቶ የተሰላፊነቱን ቦታ እንደሚይዝ ይጠበቃል፡፡ ምርጡ የጀርመን ብሔራዊ ቡድን የጨዋታ ፍጥነት እና ፍሰት ላይ የኬዲራ እጅ አለበት፡፡ በዓለም ዋንጫው ግማሽ ፍፃሜ ብራዚልን ሲያዋርዱ የአዘጋጅ ሀገሯን ጥቂት የማጥቃት ሙከራ ለብቻው አጥፍቶ ጭራሽ በማጥቃቱ ሂደት ላይ ሲሳተፍ ታይቷል፡፡

በእርግጥ ኬድራ በባህርዩ በይበልጥ ከሳጥን ሳጥን የሚመላለስ የሚባል አይነት አይደክሜ ተጨዋች ነው፡፡ ይሁን እንጂ ተመሳሳይ ሚና ከሚወስዱ ሌሎች አማካዮች አንፃር ሳሚ መቼ ወደ ፊት መሮጥ እና መቼ ማፈግፈግ እንዳለበት ጠንቅቆ ማወቁ የተለየ ያደርገዋል፡፡ አማካዩ ጨዋታን በማንበብ እና ሜዳ ላይ የተሻለውን ውሳኔ በማሳለፍ የተመሰገነ ነው፡፡ በተጠናቀቀው የውድድር ዘመን በከፍተኛ ጉዳት ብዙ ጨዋታ ሳያደርግ ቀርቶ ለዓለም ዋንጫው የመድረሱ ነገር በራሱ አስጊ የነበረ ቢሆንም የማታ ማታ የጀርመንን ቡድን እስከ ፍፃሜ ማሽኬድ ችሏል፡፡
የሳንቼዝን መፈረም ተከትሎ ወደ ሚዲያ የቀረቡት የአርሰናል ቺፍ ኤግዚኪዩቲቭ ኢቫን ጋዚዲስ የሰጡት ‹‹በቀጣይም ትልልቅ ተጨዋቾች ልናመጣ እየሰራን ነው›› የሚል መግለጫ የኬዲራን የዝውውር ወሬ ይበልጥ አቀጣጥሎታል፡፡
አርሰናል ኬዲራን ካገኘ ለከርሞ እውነተኛ የዋንጫ ተፎካካሪ እንደሚሆን እርግጠኛ ሆነው የሚናገሩት እግርኳስ ተንታኞች አሉ፡፡ ተጨዋቾቹ ከባለቤት ክለቡ ሪያል ማድሪድ የቀረለበትን የውል ማራዘሚያ እንደማይፈርም ካስታወቀ በኋላ መዳረሻ አዲስ ቦታው ኤምሬትስ ሊሆን እንደሚችል የበዛ ግምት አግኝቷል፡፡ ከስፔን እየተሰሙ ያሉት ዘገባዎች እንደሚጠቁሙት ቬንገር ለተጨዋቹ ግዢ ከወዲሁ 23 ሚሊዮን ፓውንድ ለማድሪዱ ክለብ አቅርበዋል፡፡ ኬዲራ በኮንትራቱ ላይ አንድ ዓመት ብቻ እንደሚቀረው እና እስካሁን ሁለት ጊዜ ውሉን እንዲያራዝም ተጠይቆ አሻፈረኝ ማለቱ ማድሪድ ከመሸጥ የተሻለ አማራጭ እንዳይታየው ሊያደርገው ይችላል፡፡

ጀርመናዊው እንደታሰበው ወደ አርሰናል ካመራ ከቡድኑ ተጨዋቾች ጋር ሜዳ ላይ ሊፈጥር የሚችለው ጥምረት ያጓጓል፡፡ ኬዲራ እና አሮን ራምሴይ ከፊት ለፊታቸው ኦዚል፣ ሳንቲ ካዞርላ እና ሳንቼዝን አድርገው የሚያሳዩት ብቃት በእጅጉ ይጠበቃል፡፡ ነገር ግን ዝውውሩን ለመጨረስ የሪያል ማድሪድ ስምምነት ብቻውን በቂ አይሆንም፡፡ ተጨዋቹ የሚጠይቀው ሳምንታዊ 150 ሺ ፓውንድ ደመወዝ በአርሰናል የፋይናንስ ባለሙያዎች ዘንድ አልተለመደም፡፡
ባለፈው ክረምት ኦዚል እስኪመጣ ድረስ የአርሰናል ትልቅ ደመወዝ ለፓዶልስኪ የሚሰጠው ሳምንታዊ 100 ሺ ፓውንድ ነበር፡፡ ይሁን እንጂ ሳንቼዝን በሳምንት ከ120 ሺ ፓውንድ በላይ ሊከፍሉ ያመጡት አሰልጣኝ ለኬዲራ የጠየቀውን ያህልም ባይሆን ጥሩ ክፍያ ያዘጋጁለታል ተብሎ ይታመናል፡፡ አርሰናል በደመወዝ መጠን ችግር ምርጥ ተጨዋቾችን አለመግዛት ብቻ ሳይሆን የተሻሉ ከዋክብትን ሲያጣ እንደኖረ ፈረንሳዊው አሰልጣኝ ጠንቅቀው ይገነዘባሉ፡፡
የኬዲራ ነገር ካልተሳካ ሌላኛው የቦታው ዒላማ ቤንደር ነው፡፡ ቬንገር ባለፈው ክረምትም ለዚህ ተጨዋች ዝውውር ጥያቄ አቅርበው ነበር፡፡ በጉዳት ምክንያት የዓለም ዋንጫውን ያመለጠው አማካይ ወደ አርሰናል ከመጣ የውድድር ዘመኑን በትኩስ ጉልበት መወጣት ይችላል፡፡ ከሳምንት በፊት ሲሰሙ የነበሩ ዘገባዎች ተጨዋቹ የቬንገር ዋነኛ የክረምት እቅድ መሆኑን ሲያሳዩ አርሰናል የባየር ሌቨርኩዘኑን ተጨዋች ለማግኘት እርምጃዎችን እየወሰዱ መሆኑንም ጠቁመዋል፡፡

በእርግጥ የጀርመኑ ክለብ ተጨዋቾን የመሸጥ ፍላጎት የለውም፡፡ በዚያም በቅርቡ ረጅም ኮንትራት ያራዘመውን አማካይ ማቆየት ይሻሉ፡፡ ነገር ግን የኬዲራ የደመወዝ ጥያቄ ፈተና የሆነባቸው ቬንገር ሙሉ ትኩረታቸውን ወደ ቤንደር ሊያደርጉ እያሰቡ መሆናቸው ተነግሯል፡፡ ከደመወዝ ጥያቄው በተጨማሪ ቼልሲ ዘግይቶ የዝውውሩን ሂደት ለመቀላቀል እና ኬዲራን ለመውሰድ መዘጋጀቱ መታወቁ አርሰናልን ወደ ቤንደር ገፍቶታል፡፡

የብራዚላዊው ሉዊስ ጉስታቮ ስም በድጋሚ ከአርሰናል ጋር ተያይዟል፡፡ ባለፈው ክረምት ቬንገር ተጨዋቹን ሊያመጡት ሙከራ ሲያደርጉ ቢቆዩም የኋላ ኋላ በቡንደስሊጋው መቆየትን መርጦ ከባየርን ሙኒክ ወደ ዎልፍስበርግ አምርቷል፡፡ ጉስታቮ በአይነቱ እውነተኛ የተከላካይ አማካይ የሚባል አይነት ሲሆን ከአራቱ ተከላካዮች ፊት ለፊት ሆኖ ሽፋን በመስጠቱ በኩል አርሰናል ለዓመታት ያጣውን ብርታት ይጨምርለታል፡፡ ተጨዋቹ ለቦታው ሚና እጅግ አስፈላጊዎች ናቸው የሚባሉትን የባላጋራን የማጥቃት ጨዋታ የመስበር እና የማጨናገፍ እንዲሁም ኳስን ተረጋግቶ እግር ስር ማቆየት ይችልበታል፡፡
ዎልፍስበርግ ገና ባለፈው ክረምት የገዛውን ተጨዋች ለመልቀቅ ቢቸገርም የሰሜን ለንደኑ ክለብ በውል ማፍረሻው ላይ የተቀመጠውን 26 ሚሊዮን ፓውንድ ከፍሎ ሊጠቀልለው ይችላል፡፡ ጉስታቮ ገና የ26 ዓመት ወጣት እንደመሆኑ በቦታው ለረጅም ጊዜ መጫወት ይችላል፡፡
ቬንገር እንደ ሃሳባቸው ትልቅ ደረጃ የሚሰጠው አይነት የተከላካይ አማካይ ካሰፈረው በክንፍ በኩል የሚጠቀሟቸው እና ከአጥቂ በስተጀርባ የሚያሰልፏቸው አማካዮች በይበልጥ በነፃነት ባላጋራቸውን ማጥቃት ይችላሉ፡፡ ሳንቼዝ እና ቲዮ ዋልኮት ከተቃራኒ መስመሮች እየተነሱ ወደ ፍፁም ቅጣት ምት ሳጥኑ በመግባት ኦሊቪዬ ዢሩን ሊያግዙት ዕድል ያገኛሉ፡፡ ይህም ማለት አርሰናል ተመራጭ የ4-2-3-1 ፎርሜሽኑን ይዞ በእንቅስቃሴ መካከል ወደ 4-4-2- የሚለወጥበት ዕድል ይፈጥርለታል፡፡

በፊት አጥቂ ቦታ ወጣቱ ጆኤል ካምቤል፣ ሉካስ ፓዶልስኪ እና ዋልኮት እየተቀያየሩ ዢሩን ሊቀይሩት እና ሊያሳርፉት ይችላሉ፡፡ ከዚህ ሁሉ ተያያዥ ተፅዕኖው በተጨማሪ ቬንገር የሚያመጡት የተከላካይ አማካይ ቡድኑ በፉልባኮቹ በኩል ሊፈጠርበት የሚችለውን ቀዳዳ ይሸፍንላቸዋል፡፡ በአሰልጣኙም ጭምር ወደፊት እየሄዱ እንዲያጠቁ የሚታዘዙት ፉልባኮች በተለይ ከፊት ለፊታቸው ያሉት የክንፍ ተጨዋቾች እየተመለሱ ካልረዷቸው የሚፈጠረው አደጋ በተከላካይ አማካዩ ብርታት ይቀንሳል፡፡

የሳንቼዝ ዝውውር የቡድኑን የአጥቂ ጥያቄ እንደማይመልስ አሁንም የሚከራከሩ በርካታ ደጋፊዎች አሉ፡፡ በእርግጥ ሳንቼዝ እና ዋልኮት ከመስመር እየተነሱ እያንዳንዳቸው ከ15-20 ጎሎች ሊያገቡ ይችላሉ፡፡ ሆኖም ቬንገር ለአጨዋወት ምርጫቸው የግድ የሚያስፈልጋቸውን የዢሩ ሚና ችላ ማለት አይችሉም፡፡ ፓዶልስኪ እና ዋልኮት በብቸኛ የፊት አጥቂነት ለመጫወት ብዙ ጉድለት እንዳለባቸው አሳይተዋል፡፡ ስለዚህ ከፕሪሚየር ሊጉ ግዙፍ እና ጠንካራ የመሀል ተከላካይ መካከል በጨዋታው ፍልሚያ የሚጠበቀው ዢሩ ሲዳከም እና ሲጎዳ እየታየ ተመሳሳይ ተተኪ ይፈልጋል፡፡
ሎይክ ሬሚ እንዳለፉት የውድድር ዘመናት ሁሉ ስሙ ከአርሰናል ጋር ቢነሳም ዝውውሩ አላለቀም፡፡ ሁኔታው ቬንገር ልጁን ወደ ኤምሬትስ ለማምጣት እያቅማሙ አስመስሏቸዋል፡፡ የኪውፒአሩ አጥቂ አርሰናል የሚፈልጋቸው ነገሮች ሁሉ አሉት፡፡ ጎሎች ያገባል፤ ኳስ ጥሩ አድርጎ ያቀብላል፤ በፍጥነት ይሮታል እንዲሁም ተከላካዮችን በቀላሉ አልፎ ይሄዳል፡፡ ዢሩ እነዚህ ችሎታዎች የሉትም ማለት አስቸጋሪ ቢሆንም ሁልጊዜም የመጀመሪያ ኳስ ሲነካ እና በፍጥነት ሊሮጥ ሲሞክር ድክመቱ ጎልቶ ይወጣል፡፡

ሬሚ በእነዚህ መለኪያዎች አይታማም፡፡ ምናልባትም ጎል በማስቆጠር ችሎታው ከዢሩ ይሻላል፡፡ ባለፈው ሳምንት አርሰናል ይህንን አጥቂ በይፋ ያስፈርማል ተብሎ ቢጠበቅም አሁን ሌሎች ተቀናቃኞች ገበያውን ተቀላቅለውታል፡፡ ቀደም ብሎ ከሬሚ ጋር በግል ስምምነት ላይ ደርሷል ተብሎ የተነገረለት ቶተንሃም ተጨዋቹን ወደኋይት ሀርትሌን ለመውሰድ ይበልጥ የቆረጠ መስሏል፡፡ የሉዊስ ሱአሬዝን ጎሎች ከሌሎች ተጨዋቾች በድምር ለማግኘት የወሰነ የሚመስለው ሊቨርፑልም ለ27 ዓመቱ ፈረንሳዊ ፍላጎት አሳይቷል፡፡

ከሳምንት በፊት የቶተንሃም ተጨዋች ለመሆን ተቃርቦ የነበረው እና ለቻምፒዮንስ ሊጉ ተሳትፎ ሲል የአርሰናልን የመጨረሻ ዕድል ሊሞክር ሁኔታዎችን ያዘገየው ሬሚ ምናልባት ወደ አንፊልድ ሊያመራ ይችላል፡፡ አርሰናል በውሰት ኒውካስል የቆየውን ተጨዋች ካላስፈረም ምናልባትም የ22 ዓመቱ ኮስታሪካዊ ካምቤል የተሻለ የመጫወት ዕድል ያገኛል፡፡ የሚና እና የውጤታማነት ጥያቄ ካልተነሳ በስተቀር ቬንገር በጠቅላላው ካምቤልን ጨምሮ ስድስት በአጥቂነት መጫወት የሚችሉ ተጨዋቾች ይኖሩታል፡፡ ዢሩ፣ ፖዶልስኪ፣ ሳንቼዝ፣ ዋልኮት፣ ሳኖጎ እና ካምቤል ምናልባት ቬንገር በሬሚ ዝውውር ላይ እንዲቀዛቀዙ አድርገዋቸው ይሆን? ቢያንስ ግን የተከላካ አማካይ እና በረኛ ከዝውውር እቅዳቸው አይቀንሱም፡፡

በ ገለታው ዘለቀ
በቅርቡ የኣሜሪካ ፌደራል ኣቪየሽን ኣስተዳደር(FAA) በዓለም ላይ ለበረራ ኣደገኛ የሆኑትን መስመሮች በካርታው ላይ ከቦ ኣስጠንቅቆ የነበረ ሲሆን በሪፖርቱ ላይ እንደሚታየው እነዚህን ኣደገኛ ቦታዎች በሁለት ከፍሏቸዋል። ኣንደኛው መስመር ኣደገኛነት ያለው ክልል (potentially hostile region) ሲሆን ሁለተኛው ክልል ግን በረራን ጨርሶ የከለከለ(Flight prohibited) ክልል ነው። ኣደገኛነት ኣላቸው ተብለው ኣብራሪዎች ከግምት እንዲያስገቡ የተመከሩባቸው ክልሎች ኬንያ፣ኣፍጋኒስታን፣ኢራን፣ሶሪያ፣ ማሊ፣የመን፣ ኮንጎና ግብጽ ሲናይ ናቸው። የበረራ መስመር የተከለከለባቸው ኣካባቢዎች ደግሞ ዩክሬን ውስጥ ድኒፕሮፐትሮቭስክ (ይህ ኣካባቢ በሶቪየት ዮኒየን ጊዜ የኒውክሌር ማምረቻ ተቋም የነበረበትና በኣሁኑ ሰዓት ደግሞ በራሽያ የሚደገፉ ገንጣዮች የሚንቀሳቀሱበት ክልል ነው) ፣ የክራይሚያ  ክልል፣ ሊቢያ፣ሶማሊያ፣ኢራቅ፣ሰሜን ኮርያና ሰሜናዊ ኢትዮጵያ (ትግራይ) ናቸው።

የፌደራል ኣቪየሽን ኣስተዳደር መግለጫውን ካወጣ በሁዋላ በተለይ ለበረራ የተከለከሉትን ክልሎች ስናይ ብዙም ጥያቄ ያልፈጠረብን ቢሆንም የሰሜኑ የኢትዮጵያ ክፍል ግን ተለይቶ ከነዚህ ኣደገኛ ኣካባቢዎች  ጋር እንዴት ሊመደብ ቻለ? የሚለው ጉዳይ በተለይ ለኛ ለኢትዮጵያዊያን ትልቅ የመወያያ ጉዳይ የሆነ ይመስላል። የኣሜሪካ መንግስት ምን ኣይቶ ነው? ምን መረጃ ኣገኘ? የሚሉት ጥያቄዎች በጣም ያጓጉንም ይመስላል። ይህ ጉዳይ መወያያ ከሆነ ወዲህ ብዙ ሰው መላ የመታው የኢትዮጵያ መንግስት ከኤርትራ ጋር ለመዋጋት እቅድ ስላለውና የኣሜሪካ መንግስትም ይህንን ስለተረዳ በኣካባቢው ወታደራዊ እንቅስቃሴ ስለሚታይ ቦታውን ከኣደገኛ ኣካባቢ ሊያስመድበው ችሎኣል የሚል ነው።ሙያው ባይኖረኝምና  ለዛሬ ጽሁፌ ዋና ጭብጥ ይህ ጉዳይ ባይሆንም በዚህ ላይ እኔም እንደ ግለሰብ የግል ኣስተያየቴን መስጠት እፈልጋለሁ።

በእኔ ግምት የፌደራል የበረራ ኣስተዳደርን ወደዚህ ከፍተኛ ውሳኔ ያመጣው መረጃ ኤርትራና   ኢትዮጵያ ወደፊት ወይም በቅርቡ ለሁለተኛ ጊዜ ጦርነት ሊያደርጉ በዝግጅት ላይ ከመሆናቸው ጋር በጥብቅ የተያያዘ ኣይመስለኝም። የኢትዮጵያ መንግስት ከኤርትራ ጋር ለመዋጋት ማሰቡ በራሱ የትግራይን ክልል ኣደገኛ ሊያሰኘው ኣይችልም። ከዚህም በላይ ኢትዮጵያና ኤርትራ ጦርነት ለማድረግ ዝግጅት ካለም ይህ የመጀመሪያ ኣይደለም። ከ1998 እስከ 2000 ድረስ ሰባ ሽህ ሰው ያለቀበትን ውጊያ ባደረጉበት ጊዜ ኣሜሪካ ይህ የበረራ መስመር እንዲህ ኣሳስቧት ኣታውቅም። ከዚህም በላይ ጉዳዩ የሁለቱ ወገኖች ጦርነት የማስነሳት ፍላጎት ማሳየት ለኣሜሪካ በረራ ኣስጊ ነው ከተባለ የኤርትራ የኣየር ክልል ኣብሮ ለምን ኣልተዘጋም?ብለን እንጠይቃለን:: ቢያንስ-ቢያንስ Potentially hostile region በሚለው ማሳስቢያ ውስጥ እንኳን ኣልገባም። ይልቁን መረጃው የሚያስጠነቅቀው የኢትዮጵያ ሃይላት ኣልፈው ኬንያ  ማንዴራ ኣየር ማረፊያ ላይ ሳይቀር ኣውሮፕላኖች ሲነሱም ሆነ ሲያርፉ ከኢትዮጵያ ሃይላት ሊተኮስባቸው ሊችል እንደሚችል ነው። በካርታው ላይ እንደሚታየው ኤርትራ በኣደገኛ ክልል እንኳን ያልተፈረጀች ሲሆን ሌላው የኢትዮጵያ ክፍልም በሁለተኛ ደረጃ ኣደገኛ እንኳን ኣልተባለም። ኤርትራም ሌላውም የኢትዮጵያ ክፍል ንጹህ የበረራ ክልል ሆነው ነው የሚታየው። ሌላው ደግሞ ሌሎች ሃገሮች ማለትም የጦርነት ቀጣና የሆኑ ሱዳኖችን ጨምሮ በኣስተዳደሩ በኣደገኛነት ያልተፈረጁ መሆኑ የሚያሳየው ኢትዩጵያና ኤርትራ ለመዋጋት ኣቅደዋልና በረራ እንሰርዛለን ወደሚል ከፍተኛ ውሳኔ እንደማያመጣ ነው።

ከሁሉ በላይ ግን ኣስተዳደሩን ያሰጋው የጦርነት ቀጣና መሆን ያለመሆን ጋር የተያያዘ ሳይሆን ከኣሸባሪነት ጋር የተያያዘ ስጋት ነው። ስጋቱ ልክ ዩክሬን ውስጥ እንደሆነው ሲቪል ተጓዦችን ሳይቀር ሊያነጣጥርና ሊጎዳ የሚችል የሽብር ስራ ሊደረግባቸው የሚችልባቸውን ቦታዎች ነቅሶ ከማውጣት ጋር የተያያዘ ነው።ታዲያ የኣሜሪካ መንግስት መደዚህ ከፍተኛ ርምጃ ሲመጣ ኣንዱ የሃገራችን ክፍል በዚህ ክብ ውስጥ ወድቆኣልና ይህ ክፍል ትኩረት ውስጥ መግባቱ ለእኔ ያሳየኝን እንደሚከተለው ኣንድ ሁለት ልበል።

1. ትግራይ ውስጥ የከፍተኛ ሮኬቶችና ሚሳየሎች ክምችት ኣለ ማለት ነው።

2. መሳሪያ መኖሩ ብቻ ሳይሆን ኣሜሪካ እምነት ያጣችበት ኣደገኛ ቡድን በዚህ ክልል ይንቀሳቀሳል ማለት ነው::   ያ ቡድን ማን ሊሆን ይችላል?

በቅርቡ ዪክሬን ውስጥ ተመቶ የወደቀው የማሌዢያ ኣውሮፕላን ሲመታ ኣንዱ የተፈጠረው ጥያቄ የዩክሬን ገንጣይ ቡድን ይህን ኣውሮፕላን በዚያ ከፍታ ላይ መቶ ሊጥል የሚችል ሚሳየል ከየት ኣመጣው? የሚል ነበር። የብዙዎች መላ ምት የነበረው ራሺያ ቡድኑን ስለምትደግፍ ከሱዋ የተገኘ ድጋፍ መሆን ኣለበት የሚል ነበር።

ታዲያ በዚህ የኢትዮጵያ ክልል በልዮ ስሙ ትግራይ ውስጥ እንዲህ ከፍተኛ ሮኬት ሊኖረው የሚችል ለኣሜሪካ ኣውሮፕላን ስጋት የሚሆን ቡድን ማን ሊኖር ይችላል? ብለን እንድንጠይቅ ያደርጋል። ኣልፎ ኣልፎ እንደምንሰማው በዚያ ኣካባቢ ኣለመረጋጋት ካለ ያቺ የውስጥ ኣለመረጋጋት ከክላሽን ኮፕ በጣም ከዘለለ ደግሞ ከላውንቸር የበለጠ ኣቅም ያለው ተቃዋሚ ቡድን ኣይኖርም። በመሆኑም በዚህ ቀጣና ከፍተኛ ሮኬቶችንና ሚሳየሎችን ሊያከማች የሚችለው ብቸኛ ቡድን ወያኔ (TPLF) ብቻ ስለሆነ ይህ ቡድን ነው በኣሜሪካ የበረራ ኣስተዳደር በኣደገኛነት የተፈረጀው ለማለት ይቻላል። ይህ ቡድን ብቻ ነው ኣቅም ያለውና። ወያኔ ትግራይን ለምን የከፍተኛ ሮኬቶችና ሚሳየሎች መደበቂያ ኣደረጋት ለሚለው ምላሹ ከኤርትራ ጋር ለምታደርገው ጦርነት ብቻ ተብሎ ሊወሰድ ኣይችልም። ኢትዮጵያ በሶማሊያ በኩል በሱዳን በኩልም ስጋቶች ኣሉባት። በከፍተኛ ሁኔታ ወያኔ በሚስጥር ትግራይ ውስጥ መሳሪያዎችን መደበቁ ድሮም ቢሆን ለብዙዎች ሲሸት የነበረ ጉዳይ ነው። ወያኔ ህዝባዊ ኣመጽ ሲነሳ የመጨረሻው መደበቂያየ ብሎ የሚያምነው ትግራይን በመሆኑ መሳሪያ ሲደብቅ መሰንበቱ ኣይገርምም።

ያለበት ስጋት ከፍተኛ በመሆኑ መሳሪያ ሰብስቦ ኣይጠግብም። ጥያቄው ታዲያ ይህን ከፍተኛ መሳሪያ ከየት ያመጣዋል? ካልን ምንጮቹ ኣሸባሪነትን ከሚደግፉ፣ ለዩክሬን ገንጣይ ቡድን ራሽያ ታግዛለች እንደሚባለው በሚስጥር ከደጋፊዎቹ የሚሰበስበው ነው። ባለፈው ጊዜ ደቡብ ኮርያ ውስጥ ጥገኝነት የጠየቁ የኢትዮጵያ ንግድ መርከብ ሰራተኞች እንደገለጹት የኢትዮጵያ ንግድ መርከብ ሰሜን ኮርያ ውስጥ በምስጢር ገብቶ የጦር መሳሪያ ጭኖ እንደተመለሰ ነው።ህወሃት ያልተረዳው ነገር ሚሳየል መሰብሰብ ከምንም ሊያድነው እንደማይችል ነው። ይልቁን ኣሁን ኣሜሪካ እንዳደረገችው ኣለም እየተረዳው መጥቶ ለኣለም ስጋትነቱ ስለሚጋለጥ መጥፊያው ይሆናል።

ከዚህ በፊት የወያኔ መንግስት በኣፍሪካ ቀንድ ላይ ኣሸባሪ መሆኑ የተገለጸ ሲሆን ኣሁን ደግሞ የኣሜሪካ የበረራ ኣስተዳደር ትግራይን ለይቶ በካርታው ላይ መክበቡ በተለይ የትግራይ ነጻ ኣውጪ ላይ ያለውን እምነት ማጣት ብቻ ሳይሆን ወያኔ ለራሷ ለኣሜሪካ ስጋት ነው ወደሚል ድምዳሜ እንዳመጣቸው ያሳያል። እውነትም ነው።

ይህ መረጃ በተለይም የትጥቅ ትግል ለሚያደርጉ ወገኖች ጠቀሜታው ከመጉላቱም በላይ የሃገራችንን የትግል ኣቅጣጫና ሊመጡ የሚችሉ ተለዋዋጮችን እንድናይ ይረዳናል። ወያኔ በዚያ ክልል መሳሪያ መሰብሰቡ በኤርትራ በኩል ሊመጡ የሚችሉትን ሃይሎች ለመቋቋም ብቻ ሳይሆን ከፍ ሲል እንዳልኩት ሁኔታው ከገፋና ኣመጾች ከበረቱ ትግራይ ውስጥ መሽጌ ኣገር መበጥበጤን እገፋለሁ የሚል በመሆኑ ይህንን ባህርዩን ከመቼውም በላይ በመገንዝብ  ተቃዋሚዎች  በትግል ካልኩሌሽናቸው ኣንድ ደረጃና ሁለት ደረጃ ከፍ ብለው መገኘት ኣለባቸው። ይቺን ካልኩኝ በሁዋላ በኢትዮጵያ የነጻነት ትግል ኣሰላለፍ ዙሪያ ጥቂት ወንድማዊ ኣሳቤንና ስጋቴንም ጭምር እንደሚከተለው ልጻፍ።

በሃገራችን የነጻነት ትግል እንዳያብብ ኣብቦም እንዳያፈራ ካደረጉት ችግሮች መካከል ኣንዱ የነጻነት ትግሉ ኣጠቃላይ ቅርጹ ወዲያና ወዲህ የተጠመደ መሆኑ ነው። ኣንዱ በብሄር ላይ የተመሰረተ ሌላው ደግሞ ብሄራዊ በሆነ ኣቋም ላይ የተመሰረተ ኣንዱ ደግሞ ለዘብተኛ ነኝ የሚል በመሆኑ ትግሉ እንዳያሸንፍ ኣሸንፎ ስልጣን ቢይዝም ነጻነት እንዳያፈራ ያደርጋል።

የቅርብ ጊዜውን ታሪክ ስናይ እንኳን ህወሃት የብሄር ኣርማ ኣንግቦ ትጥቅ ትግል ከጀመረ በሁዋላ ሌሎች ብሄራዊ ኣቋም ያላቸውን ቡድኖችን ኣብረን እንታገል በማለት ይቀሰቅስ ነበር። በተለይ ኢህዴን ኣንዱ ለህወሃት ከፍተኛ ኣስተዋጾ ያደረገ ድርጅት ነው።

እነዚህ ሁለት ቡድኖች ማለትም ኢህዴንና ህወሃት ከመርህ ኣንጻር ከሳይንስ ኣንጻር የማይደባለቅ ምንነት ይዘው ደርግን መጣል ታላቅ ግብ በማድረግ ብቻ ተጣምረው ታገሉ። ህወሃት ትንሽ ብልጠት ስላለው ኢህኣዴግ የሚባል የማንነት ማደናገሪያ ለጠፍ ኣርጎ ቀጠለ። በትግሉም ወቅት ሆነ ከትግሉ በሁዋላ ህወሃት ወታደራዊ የበላይነቱን እንደጠበቀ የቆየ ሲሆን ሁኔታዎች ሲረጋጉ፣ መንግስት ተመስርቶ ኣገር የሚባለውን ነገር የምር የማስተዳደሩ ጉዳይ ሲመጣ ህወሃት ኢህዼንን እንደገና ኣተኩሮ ያየው ይመስላል። እኔ የትግራይ ነጻ ኣውጪ ነኝ፣ ኦህዴድም የኦሮሞ ሆኖ ተሰልፎኣል፣ ኣንተ ምንድነህ? በሚል ኣይነት ኣፍጦ ካየው በሁዋላ ወደ ብሄር ቡድንነት ዝቅ እንዲል ስሙንም ኣርማውንም እንዲያስተካክል ተፈረደበት። ህወሃት ወታደራዊ የበላይነቱን ይዞታልና ኢህዼን ምንም ኣላለም።

ኢህዴን በኣማራ ተወላጆች ብቻ ኣልነበረም የተሞላው። የተለያዩ ብሄሮች ያሉበት ኣገራዊ ኣሳብ የነበረው ድርጅት ቢሆንም ብዓዴን በመባል የኣማራ ድርጅት እንዲሆን ተፈረደበት። ኣሁን የምናያቸው ኣማራ ያልሆኑ መሪዎች የኣማራ ስም ለጥፈው ብዓዴን የሚባል ኣስገራሚ ድርጅት ፈጥረው ቁጭ ኣሉ።የሚገርመው ኣማራውም ደንታ ሳይሰጠው ዝም ብሏቸው ሰነበተ።

ይህ የማንነት ጥያቄና የመጣመድ ጥያቄ ቀድሞ በትግሉ ጊዜ ቢመጣ ሚናቸውን በሚገባ ቀድመው ቢረዱ የተለየ መልክ ሊኖረው የሚችል ሲሆን ከድል በሁዋላ ህወሃት ወታደራዊውንና ደህንነቱን በሙሉ ከተቆጣጠረ በሁውላ በመሆኑ እነ ኢህዴን ሃይል ኣልነበራቸውምና የተሰጣቸውን ስም ተሸክመው፣ ያልሞቱለትን፣ የህወሃትን ዓላማ ያራምዱ ዘንድ ቀጠሉ። ህወሃት ከመነሻው ደርግን ለመጣል ከሚገባው በላይ የጓጓ በመሆኑ የማይጣመደው ኣልነበረም። ከኤርትራ ነጻ ኣውጪ ጋር ተስማምቶ ታግሏል፣ ከሱዳን በኩል የሚነሳ ቢኖር ኖሮም ኣብሮ ይታገላል ብቻ ከማንም ጋር ታግሎ ደርግን መጣል የመጨረሻው ኣላማው ነበር። ኢህዼንም ቢሆን ደርግን መጣል እንደ መጨረሻ ግብ በማየቱና ይህ ግብ ዋናውን የሃገሪቱን መሰረታዊ የነጻነትና የኣስተዳደር ጉዳዮች ለማየት ኣይኑን በመጋራዱ ከማይጣመደው የቡድን ነጻ ኣውጪ ጋር ተጣምዶ እያረሰ ኣዲስ ኣበባ ገባ:: ህወሃትን ለድል ኣብቅቶ ሲጨርስም እንደ ህወሃት እንዲሆን የህወሃትን ኣምሳል ሆኖ እንደገና እንዲፈጠር ተደርጎ ቁጭ ኣለ።

በሃገራችን በተለይም በሰሜኑ ክፍል የገና በዓል ሲመጣ የገና ጨዋታ ይደረጋል። በእድሜ ገፋ ያሉ ሰዎች ሳይቀሩ ይሳተፋሉ። ታዲያ በዚህ ጨዋታ ጊዜ ከየቀበሌው ወይም ጎጡ የመጡት ሰዎች ጥንጓን (ሩሯን) ሲቆረቁሱ “ሚናህን ለይ!” የሚባል ነገር ኣለ። ሚና ያለየበት የገና ጨዋታ የሚያስታውቀው ሩሯ ርቃ ኣትሄድም። በሚገባ ሚና የለየለት ጨዋታ ግን ወደ ኣሸናፊው ያደላና ድል ኣድራጊና ተደራጊ በጊዜ ይለያል።

የሃገራችን የነጻነት ትግል ከህወሃትና ኢህዴን ትግል ጀምሮ ኣሁን ድረስም በቡድነኝነትና በብሄራዊ ታጋይነት ሚናው ቅጡ የጠፋበት ነው። የዚህ የብሄር የነጻነት ጥያቄ ጉዳይ በኢትዮጵያ ውስጥ መስመሩን ሁሉ ስቶ ግልጽነት የጎደለው እንዴውም ኣደገኛ ኣሰላለፍ ሆኖ እናያለን። በመጀመሪያ ደረጃ በብሄር ላይ ተመስርቶ የሚደረግ ትግል የሚያስፈልገው ለመገንጠል ነው። ለምሳሌ የ ኤርትራን ትግል ካየን እንደግፈውም ኣንደግፈውም ለመገንጠል ታገሉ እንዳሉትም ተገነጠሉ። እንደ ህወሃት ኣይነቱ ግን ፍላጎቱም ኣይታወቅም። የብሄር ጥያቄ ይዞ ተነሳ ትግራይን ኣልፎ ኣዲስ ኣበባ ገባ። ከገባም በሁዋላ ኢትዮጵያን ማስተዳደር ጀምሮ ሃያ ኣመት ከቆየ በሁዋላ እንኳን ተምሮ ኣቋሙን የማይቀይር ኣስቸጋሪ ድርጅት ነው።

በኣንድነት እያመኑ በብሄር የፖለቲካ ጥላ ስሮ መቆም ፈጽሞ ኣብሮ ኣይሄድም። የሃገራችን የፖለቲካ ግጭትም ይሄ ነው። በመሆኑም ኣሁንም ለነጻነት ቆመናል የሚሉ ድርጅቶች ጥያቄያቸው ለመገንጠል ካልሆነና የነጻነት ጥያቄ ከሆነ ኣገራቸውን ነጻ ለማውጣት ከዚህ ግልጽነት ከጎደለው የትግል መስመር ወጥተው ህብረ ብሄራዊ መልክ መያዝ ኣለባቸው። የለም እኛ በኢትዮጵያ ኣንድነት ላይ ጥያቄ የለንም ነገር ግን በብሄር ላይ ቆመናል የሚባል ነገር ሚናው ያልለየ በመሆኑ የሃገራችንን የነጻነት ትግል ከማወሳሰቡም በላይ ማንንም ነጻ ኣያወጣም። በብሄር ላይ የተደራጁ ወገኖቼ ሊረዱት የሚገባቸው ጉዳይ ቢኖር በዚህ የትግል ስልት ለማሸነፍ ኣይችሉም ቢያሸንፉም ቡድናቸውንም ሆነ ሃገራችንን ነጻ ሊያወጡ ኣይችሉም። ይህንን ከነ ህወሃት መማር ያስፈልጋል። ህወሃት ኢትዮጵያንም ነጻ ማውጣት ኣልቻለም ቆሜለታለሁ ላለው የትግራይ ህዝብም ነጻነትን ሊያመጣ ኣልቻለም። ኢትዮጵያ ብዙ ናት ብሎ ያመነ ታጋይ፣ ብዙህነቱዋን ያመነ ነጻ ኣውጪ ብዙነቱዋን የያዘ የነጻነት ሰራዊት ነው ነጻ ሊያወጣት የሚችለው ብሎ ያምናል።

በኣሁኑ ሰዓት በትጥቅ ትግሉ ኣካባቢ የሚንቀሳቀሱ ወገኖችም ቢሆኑ ይህንን ሃቅ መረዳትና በመርህ ላይ የተመሰረተ መቀናጀት ሊያደርጉ ይገባቸዋል። እንደ ትግራይ ህዝቦች ዴሞክራሲያዊ ንቅናቄ (TPDM) ያሉ የህዝብ ብሶት ኣስነስቶናል የሚሉ ታጋዮችም ከወያኔ መማር ኣለባቸው።

እውነቱን ንገረን ካላችሁኝ ከመርህ ኣንጻር ለእኔ ህወሃትም ሆነ የትግራይ ህዝብ ዴሞክራሲያዊ ንቅናቄ (ዴምህት) ሁለቱም ኣንድ ናቸው። ልዩነታቸው ህወሃትን ስልጣን ላይ ሆኖ ብዙ በደል ሲፈጽም ያየሁት ሲሆን ዴምህትን ኣላየሁትም። ህወሃት ወንጀለኛ ሲሆን ዴምህት እንደማንኛውም የጎሳ ድርጅት ነው የሚታየኝ። በቃ። መነሳት ያለበት የመርህ ጥያቄ እንጂ የህወሃት ኣመራሮች በግለሰብ ደረጃ ክፉዎች ናቸው የዴምህት(TPDM) ኣመራሮች ግን ጥሩ ዴሞክራት ይመስላሉ የሚለው ኣይሰራም። የመርህ ጥያቄ መነሳት ያለበት ሲሆን እነዚህ ቡድኖችም ሆኑ ሌሎች በብሄር ላይ የቆሙ ሁሉ በመርህ ደረጃ ኣንድ መሆናቸውን ማስተዋል ተገቢ ነው። በግለሰቦች ጥሩነት ከሆነ የህወሃት ሰዎችም በትግሉ ጊዜ በጣም ጥሩ ይመስሉ ነበር። ሌሎች ህብረ ብሄራዊ የሆኑ ድርጅቶች ደግሞ በብሄር ላይ ከተመሰረቱ ጋር በመጣመድ ኣብረን እንታገላለን ማለት የለባቸውም። በተለይም በትጥቅ ትግል ጎራ ያሉ ከሆነ ይህ መንግስት ቢወድቅም በእንደዚህ ዓይነት የትግል ስልት የተመራ ትግል ኣንዱ የብሄር ቡድን እንደ ህወሃት ወታደራዊ የበላይነቱን ይዞ እንደ ህወሃት ኣይነት ስርዓት ላለመቀጠሉ ዋስትና የለንም። በተለይ በጣም ስስ የሆነው ወታደሩና ደህንነቱ በኣንድ የብሄር ቡድን እጅ ሲወድቅ ነጻነት ኣያፈራምና ከእንዲህ ዓይነት የትግል መጣመድ ሚና መለየት ያስፈልጋል።የጨከነ በመርህና በሃቅ ላይ የተመሰረተ ሚናውን የለየ የትግል ኣቅጣጫ ያስፈልጋል ማለቴ ነው።ራሱ ወያኔ እንደ መጨረሻ ኣማራጭ (worst case scenario) እንደሚሉት  የተለያዩ ተቃዋሚ የሚመስሉ ድርጅቶችን በመፈልፈልና የሰለጠኑ ደህንነቶቹን በዚያ በመሰግሰግ ገዢነቱን(status quo) ለመጠበቅ ስለሚጥር ህብረ ብሄራዊ የትግል ስልት መኖሩ እንዲህ ዓይነቶቹን ኣስመሳዮች ለመዋጥ ይጠቅማል። ዋናው ግን ሁሉን ለመጠርጠር ሳይሆን ጥበብ የተሞላበት ሚና የመለየት ስራ መስራት ኣሰፈላጊነቱን ለማስመር ነው።

ዴምህት እንደዚህ ኣስቦ ሊሆን ይችላል። ምናልባትም ህወሃት ከትግራይ የተነሳ በመሆኑና ኣሁን ያለው የኣስተዳደር ብልሹነት ስላበሳጫቸውና ስላሳፈራቸው እኛው ያመጣነውን እኛው እንመልሳለን የሚል ስሜት ያየለበት ቁጭት ኣስነስቱዋቸው ሊሆን ይችላል። ለነዚህ ወገኖቼ መልእክት ኣለኝ። ኣይዞኣችሁ ህወሃትን ያመጣችሁት እናንተ ብቻ ኣይደላችሁም። እነ ኢህዴን፣ የጎንደር ህዝብ፣ የወሎ ህዝብ፣ የኦሮሞ ህዝብ፣ የሰሜን ሸዋ ህዝብ የኤርትራ ነጻ ኣውጪው ተባብረው ነው ኣዲስ ኣበባ ያስገቡት። የትግራይ ህዝብ ለዚህ መንግስት ለብቻው ተጠያቂ ኣይደለም። ሁላችን ተጠያቂዎች ነን።የደርግ ጭቆና ስላንገፈገፈንና የደርግ መውደቅ ጉዳይ ዋና ግብ መስሎ ስለታየን የህወሃትን ተፈጥሮ ሳንመረምር፣ ስምህ ህወሃት ሆኖ እንዴት ወደ ኣዲስ ኣበባ ትገሰግሳለህ ብለን ኣጥብቀን ሳንጠይቅ ሁላችን ገፍተን ነው ኣዲስ ኣበባ ያስገባነው። ኣበባ ይዘን የተቀበልነው ። በብልጠት ህወሃት ለጠፍ ያደረጋት ኢህኣዴግ የምትባል ስያሜንም ኣልመረመርንም።ጥፋቱ የሁላችን ነው። የትግራይ ህዝብ ለብቻው ተጠያቂ ኣይሆንም። በመሆኑም ሁላችን በጋራ ታግለን ነው ይህንን ኣሳፋሪ ታሪክ የምንቀለብሰው። የትግራይ ህዝብ በታሪኩ ከሌሎች ወንድም ወገኖቹ ጋር እኩል ኣስተዋጾ ሲያደርግ የኖረ፣ ክፉንና ደጉን ኣብሮ ያሳለፈ ለኢትዮጵያዊነቱ ምንም የማይወጣለት ነው። በመሆኑም ከኣሁን በሁዋላ በዚህ ህዝብ ስም ምንም ኣይነት የትግል እንቅስቃሴ ኣይፈልግም። ህወሃት የጎዳው ይበቃዋል። ይህ ወንድማዊ ኣሳብ ነፍጥ ላነሱ ወገኖች ብቻ ሳይሆን በሰላማዊ መንገድ ለሚታገሉ በብሄር ላይ ለተመሰረቱ ወገኖች ሁሉ ነው። ኣረና ትግራይ፣ ኦሮሞ ፌደራላዊ ዴሞክራሲያዊ ንቅናቄ የመሳሰሉት ድርጅቶችም ከማንነት ፖለቲካ ወጥተው ህብረ ብሄራዊ መልክ እስካልያዙ ድረስ ትግላችን ኣያፈራም። በቅርቡ ኣረና ትግራይ ለውህደት መነሳቱን በውህደት ላይ ኣዎንታዊ ኣቋም መያዙ የሚደነቅ ሲሆን ይህን ኣቋሙን ቶሎ ብሎ ወደ ተግባር ቢለውጥ ትልቅ የመንፈስ መፈታትን በትግራይ ኣካባቢና በሌሎች ወገኖች ዘንድ ያመጣል የትግራይ ህዝብ የሚፈልገው ከሌሎች ቡድኖች ጋር ኣብሮ ታግሎ ሃገሩን ነጻ ማውጣት ነው። ሌላው የኢትዮጵያ ህዝብም የትጋራይ ነጻ ኣውጪ የሚባል ኣዲስ ቡድን ነጻ እንዲያወጣው ኣይፈልግም። ሁላችን እኩል የተሳተፍንበት ትግልና ድል ነው የሚያዛልቀን። የኦሮሞው ወገናችንም ጥያቄ እንደዚሁ ነው። ያልበላውን ለማከክ ከመሞከር ይልቅ ተቃዋሚ ሃይላት ተባብረው ዴሞክራሲን መልካም ኣስተዳደርን ቢያሰፍኑለት ያ ነው ጥማቱ። የኣማራውም ጥያቄ ይሄ ነው። ለብቻው የዓማራ ቡድን ተቁዋቁሞ እነንደ ህወሃት የዓማራ የበላይነት እንዲመጣለት ኣይደለም። የደቡቡም የምስራቁም ህዝብ የጋራ ችግር በውነቱ ይሄ ኣይደለም።

ሌሂቃን በዚህ ችግርተኛ ህዝብ ህይወት ላይ ባይጫወቱ ጥሩ ነው። ዛሬ የኢትዮጵያ ኣስር በመቶ የሚሆነው ህዝብ በየኣመቱ ርዳታ ጠባቂ ነው። ሰባ በመቶ የሚሆነው ህዝብ ድሃ ነው። በዚህች ምድር ላይ ከኒጀር ቀጥለን የመጨረሻውን የድህነት ኑሮ የምንገፋ ህዝቦች ነን። ይህ ድህነት የሚገለጸው በኢኮኖሚ ብቻ ሳይሆን በመላ ህይወታችን ነው። ወደ ሰላሳ በመቶ የሚሆነው ህዝብ ማንበብና መጻፍ እንኳን ኣይችልም። በሃያ ኣንደኛው ክፍለ ዘመን ሃያ ሰባት ሚሊየን የሚሆን ህዝብ ስሙን እንኳን መጻፍ በማችልባት ኣገር ኣርባ ኣመት ሙሉ በማንነት ጥያቄ መደናቆር በሚሊየኖች ህይወት መቀለድ ይባላል።

እንደ ዴምህት ኣይነቱ ድርጅት ህወሃትን ያመጣነው እኛ ነንና እኛው እንዳመጣን እኛው እንመልሰው ብለዋል ጥሩ ሰዎች ናቸው ብሎ ወታደራዊውን የበላይነት ማስረከብና በእንዲህ ኣይነት መርህ በሌለው የትግል ስልት መጣመድ ለብሄራዊ ታጋዮች ተገቢ ኣይደለም ብቻ ሳይሆን መርህ የጎደለው ማስተዋል የጎደለው ኣካሄድ ነው።። በቆራጥነት በመርህ ላይ የተመሰረተ ሚናው በደንብ የለየለት የትግል መስመር ያስፈልጋል። ህወሃት፣ ኢህዴን፣ የኤርትራ ነጻነት ግንባር ደርግን ማሸነፍ የመጨረሻ ግብ ኣድርገው ታግለው ሲያበቁ ኢትዮጵያ በኣንድ የብሄር ቡድን ወታደራዊ የበላይነት ስር ወደቀች:: ወታደራዊ ተቋም ደግሞ በቀላሉ ደህንነቱን ይቆጣጠርና የዚያች ኣገር የፍትህና የዴምክራሲ ጥያቄዎች ዳዋ እንዲበላው ያደርጋሉ። ከኣሁን በሁዋላ ኢትዮጵያን የኣንድ ብሄር የበላይነት ያለው ወታደራዊ እንቅስቃሴ ነጻ ኣያወጣትም ብቻ ሳይሆን ኣደገኛ መሆኑንም መገንዘብ ኣለብን። ለኦነግ ወገኖቼ፣ ለኣማራ ነጻ ኣውጪ ወገኖቼ፣ ለጋምቤላ ነጻ ኣውጪ ወገኖቼ፣ ለኦብነግ ወገኖቼ፣ ለሲዳማ ነጻ ኣውጪ ወገኖቼና ለሌሎችም የምመክረው ምክር ኣጭር ነው። ወንድሜ ኦባንግ ያለው ነገር ኣለ።

“ሁላችንም ነጻ ካልወጣን ማንም ብቻውን ነጻ መሆን አይችልም!”

ኦባንግ ሜቶ

ታላቅ ኣባባል ነው። የቡድን ጥያቄ ይዘን ቡድናችንንም ሆነ ኣገራችንን ነጻ ልናወጣ ኣንችልም።  ሌላው ስለ ሚና ስናነሳ የርእዮቱን ጉዳይ ብቻ ሳይሆን ራሳቸው ተቃዋሚ የመሰሉ ኢህዓዴግ የመሰረታቸው ወይም የሱ መጫወቻ የሆኑትን እነሱንም የመለየት ስራንም ይመለከታል:: እነዚህን በይፋ የመለየትና የማውገዝ ስራ ካልተሰራ ኣሁንም ኣይናፋር ታጋዮች ሆነን ሚናው ያለየለት ትግል ውስጥ ስለምንቆይ ትግላችን ቶሎ ኣያፈራም።

በመሆኑም የነጻነት ታጋዮች በኣንድ በኩል ውህደትንና ህብረትን እያጠናከሩ በሌላ በኩል ደግሞ የሚና መለየቱን ጉዳይ በቆራጥነት ሊመሩት ይገባል። ኣንድ ሰው በኣንድ ኣስተዳደራዊ ጥያቄ ዙሪያ ኣርባ ኣመት መጨቃጨቅ የለበትም። ኣለም ጥሎት በመጣ፣ በኣንድ ወቅት ብልጭ ባለ ግልጽነት በጎደለው የማንነት ጥያቄ ዙሪያ ተኮልኩለን ድሃውን ማሰቃየት የለብንም። በመሆኑም ኢትዮጵያዊያን ህብረ ብሄራዊ የሆኑትን እንቅስቃሴዎች እንደግፍ። እናንተ ኢትዮጵያን በሙሉ ማንነቱዋ የምታዩ ነጻ ኣውጪዎች ደግሞ ሚና የመለየት ስራ እየሰራችሁ ወደ ህብረት ኑና ኣገራችንን ታደጉ። ዛሬ ህዝቡ እየጠየቀ ነው። ኧረ እንደዚህ ኣድርጉ በሉን፣ ምሩን…. ለመታገል ዝግጁ ነን…… የት ናችሁ? የት ደረሳችሁ? ኣየ…. የጨነቀው ህዝብ….።  የሚያሳዝነው ግን በተግባር የሚታይ ነገር የለም። ይህ መንግስት በኣመጽ ነው የሚወድቀው። ይህንን ደግሞ ለመምራት ሚናቸውን በሚገባ የለዩ ነጥረው የወጡ የእውነተኛ ፓርቲዎች ህብረትና ኣመራር ሰጪነትን ይጠይቃል።  በቃ!…. ያለፈው ይብቃንና ወደ ፍጻሜ እንምጣ።ለነዚህ በብሄር ላይ ለቆሙ ወገኖቼ በመጨረሻም የምመክረው ይህንን ነው። ችግሮቻችን የሚፈቱት ከላይ ሆነን ስናይ ነው። ከላይ ከኣፍረካ ህብረት፣ ከላይ ከግሎባላይዜሽን፣ ከላይ ከኢትዮጵያ ኣንድነት ላይ ሆነን ስናይ ውስጥ ለውስጥ የሚነሱ የባህላዊ ቡድን ማንነት ጉዳዮች የትግላችንን መስመር ኣያሰምሩልንም። ከላይ ኣሁን የሰው ልጅ ከደረሰበት ማህበራዊና የተፈጥሮ ሳይንስ የግንዛቤ ደረጃ ላይ ሆነን ስናይ ከማንነት ፖለቲካ ጋር የተያያዙብን ጥያቄዎች ገዝፈው ኣይታዩንም።ይልቁን ከፍ ባለ ዴሞክራሲና መልካም ኣስተዳደር ላይ ኣይናችን ኣርፎ በዚያ ይህን የተቸገረ ህዝብ ለመርዳት መቆም ይገባናል ለማለት ነው።

እግዚኣብሄር ኢትዮጵያን ይባርክ!

geletawzeleke@gmail.com