የተያዘው የጸሎት ፕሮግራም እመኑኝ አይሠራም! –ፍርዱ ዘገዬ

ቤተሰቤ አዲሱን የቴሌቪዥን የጸሎት መርሐ ግብር እየተከታተለ አብሮም በጸሎቱና ምህላው እየተሳተፈ ነው፡፡ እኔ ደግሞ የራሴን የግል የዘወትር ጸሎት አድርሼ አልጋየ ላይ ጋደም በማለት በኢንተርኔት የሀገሬን ወቅታዊ ጉዳይ እየተከታተልኩ እንዳስፈላጊነቱም በምችለው እየተሳተፍኩ ነው – ዛሬ ቅዳሜ፣ ሚያዝያ 9 ቀን 2013ዓ.ም፡፡ ጸሎቱ ለምን እንደማይሠራ የሚሰማኝን ለመናገር እንዴት ከአልጋየ እንደተስፈነጠርኩ እኔና አንድዬ ነን እምናውቀው፡፡ አሁን ባለቀ ሰዓት ይሉኝታ የለም፡፡ ነገ ልሞት ዛሬ የምደብቀው ነገር አይኖረኝም፡፡ የልቤን እናገራለሁ፡፡ ጓደኛሞች የሆኑ ሙስሊሞች አብረው ሶላት እያደረሱ ነው አሉ፡፡ ሶላትን እያደረሰ ያለ ሙስሊምና በወታደራዊ ሰልፍ ላይ የሚገኝ መለዮ ለባሽን የሚያመሳስላቸው ነገር ለዓላማ ቀጥ ብሎ መቆምን ነውና ጸሎተኛው ሌላ ሃሳብ ወደ አእምሮው ዝር አይልም፤ ወታደሩም እባብ ቢጠመጠምበት እንኳ