በሰሜን ወሎ መቄት ወረዳ የሚኖሩ የመላው ኢትዮጵያ አንድነት ድርጅት (መኢአድ) አባሎች የሆኑት

- አቶ ሞላ ገረመው
- አቶ ብርሃኑ ገረመው
- አቶ ካሳሁን እንዳለ ከረቡዕ ሰኔ 18 ቀን 2006 ዓ.ም ጀምሮ የተቃዋሚ አባል
በመሆናቸው ብቻ የሚያርሱትን መሬት ቀምተው አሳርሰውባቸዋል፡፡ ለምን እንቀማለን ዜጎች አይደለንም ወይ ብለው ተቃውሞ
ሲያሰሙ ከፓርቲው ለቃችሁ ካልወጣችሁ መሬታችሁ አይመለስም በማለት የቀበሌው ሊቀመንበር አቶ ፀጋዬ ጎሹ አስፈራርተዋቸዋል፡፡
እንዲሁም በምዕራብ ጎጃም በይልማና ዴንሳ ወረዳ (አዴት) የሚገኙ የመኢአድ አባላት ላይ እስርና አፈና የተፈጸመ ሲሆን አቶ በቃሉ
ደፋሩ የተባሉ የወረዳው አባል ከሳምንት በፊት በፖሊስ ተይዘው እስካሁን ፍ/ቤት አልቀረቡም፡፡
በዚሁ ወረዳ – አቶ አትገኝ እምሬ እንዲሁም
- ቄስ ይሁን ዘለቀ ከሐሙስ ሰኔ 19ቀን 2006ዓ.ም ሌሊት ጀምሮ የደረሱበት አይታወቅም ሲሉ የመኢአድ
የህ/ግንኙነት ኃላፊ አቶ ተስፋሁን አለምነህ ለፍኖተ ነፃነት ዝግጅት ክፍል ገልጸዋል፡፡

አቶ አዲሱ አበበ አርብ ጁን 20 2014
welkait.com

በአሜሪካ ድምጽ ራዲዮ ያስተላለፉትን ቃለ መጠይቅ ቃል በቃል በጽሁፍ ገልብጨ ከአውዲዮው ጋር እንድልክላችሁ ያነሳሳኝ ሆን ተብሎ በአማራው ህዝብ ላይ የሚፈጸመው ዘር ማጥፋት፣ ድርጊቱን ቀጥታ በሚፈጽሙት አካላት ብቻ ሳይሆን የወያኔ ትግሬዎችን የጎሳ ፖለቲካ እንቃወማለን የሚሉ ሳይቀሩ ሆን ብለው የተሰሳተ መረጃ በመስጠት በአማራው ህዝብ ላይ የክህደት ስራ እየሰሩ ለመሆኑ ለመጠቆም እና አንባቢም ቃለ መጠየቁን በማንበብም ሆነ ቃለ መጠየቁን ከተለያዩ ድህረገጾች በመስማት ያራሱን ፍርድ እንዲሰጥ ነው። በአማራው ህዝብ ላይ የሚፈጸመው የዘር ማጥፋትና የዘር ማጽዳት ዘመቻ በወያኔና የሱ ተናካሽ ውሾች በሆኑ የብሄር ድርጅቶች ብቻ ሳይሆን፤ በኢትዮጵያ ስም የተደራጁ ፓርቲዎች፣ ድርጅቶች፣ ሬዲዮ ጣቢያዎች፣ ድህረገጾች ወዘተ ጭምር በጋራ የሚተባበሩበት ለመሆኑ የሚጠይቅ አይምሮ ያለው ያስተውለው።

ተፈናቃዮች አማራ ናችሁ ተብለንከወለጋ ተፈናቀልን እያሉ፤ አቶ አዲሱ አበበ አማረኛ ተናጋሪዎች ተፈናቀሉ ይላሉ። በአማረኛ ተናጋሪነት ከሆነ ከወለጋ የተጠየቁ አፈናቃዮችኮ በአማረኛ ነው ከአቶ አዲሱ አበበ ጋር የሚነጋገሩት፤ አቶ አዲሱ አበበ የአሜሪካ ድምጽ ራዲዮ ጋዜጠኛ ስለሆኑ፣ እንዲሁም የአሜሪካ መንግስት ከምንም ጊዜ ይበልጥና ከማንም በላይ የወያኔ ትግሬዎችን መንግስት በገንዘብና በሰው ሀይል ስለሚረዳ አቶ አዲስ አበበ ከቀጣሪያቸው አቋም ውጭ ሊሆኑ አይችሉም ብንል፡ ከአማራው ኪስ በሚወጣ መዋጮ የሚንቀሳቀሱ እንደ ኢሳትና ሌሎችም በየሀገሩና በየከተማው የተቋቋሙ ሬዲዮ ጣቢያዎችና ድህረገጾች፣ የአማራው ህዝብ አማራ በመሆናችን ብቻተነጥለን፤ ሀብትና ንብረታችን ተዘርፎ፣ ተደብድበን፣ ከፊሎችም ተገለው ከሞት አምልጠን እዚህ ደረሰን ሲሉ፣ ”ከባለቤቱ ይበልጥ ያወቀ ቡዳ ነው” እንደሚባለው፤ አማራ ስለሆኑ አይደለም፤ አማረኛ ተናጋሪ ስለሆኑ ነው ብለው በአማራው ህዝብ ላይ አማራ በመሆኑ ብቻ ወንጀል እንደላልተፈጸመበት አድርገው የተዛባ ማስተባበያ ለህዝብ ጀሮ ያቀርበዋል።  ከዚህ ተጨማሪ ስለዚህ መፈናቀል የዘገቡ ኢትዮጽያዊ የሚባሉ ድህረገጾችና ሬዲዮ ጣቢያዎች ብዙም ባይሆኑ፣ ለይስሙላ የዘገቡም ዘግበውም በነጋታው ከድህረገጻቸው ያነሱ ድህረገጾችንም ታዝቤአለሁ።

ብአዴን ማን ነው ሲሉ አቶ ገብረመድህን አርአያ ሰፋ ያለ መረጃ ሰጠውናል። ብአድኖች ከመጀመሪያው ”አማራ ህዝብ ጠላት አይደለም” ያሉትን የገደሉና ከዚያም በአማራው ህዝብ ላይ በየክፈለሀገሩ እየዞሩ የአማራውን ህዝብ ነጥለው በመሪነት ያስገደሉና ያሰደዱ ለመሆኑ መረጃዎች አሉ። አሁንም ከዚህ ቃለ መጠየቅ እንደምንረዳው የኦሮሞና የአማራው ክልል ባለስልጣኖች ይሄን ያህል አፈናቅሉ፤ ይሄን ያህል ግደሉ፤ ይሄን ያህል ደግሞ ለፖለቲካ መልሱ እየተበሉ በእቅድ የሚፈጽሙት የዘር ማጥፋትና የዘር ማጽዳት ወንጀል መሆኑን ቃለ መጠይቁ ይጠቁማል።

በአቶ አዲሱ አበበና በሬዲዮ ጣቢያቸው ላይ እንዲያውም ስለመፈናቀሉ በመዘገባቸው ባለውለታ እንጂ ቅሬታ የለኝም። ሌሎች በተቃዋሚነት ተሰልፈናል የሚሉ ግን አሁንም ቢሆን ለይስሙላ የሚጠይቁት ”ወደ ቀያቼው እንዲመለሱ” የሚል ነው። አንድ ሰው አማራ በመሆኑ ብቻ ሀብት ንብረቱ ተዘርፎ፤ አቅመ ደካማ የሆኑ ሚስት ልጆቹ፣ በእድሜ የገፉ እናት አባት ተገለው፤ ቤቱ ተቃጥሎ ”ወደ ቀያቸው ይመሰለሱ” የሚለው ፍርድ በአማራው ህዝብ ላይ ለሚፈጸመው የዘር ማጥፋትና ማጥዳት ወንጀል ተባባሪነት ካልሆነ በቀር ትክክለኛ ፍርድ አለመሆኑን ህሌናችሁ ፍርድ ይስጥ።

አንድ ሰው አማራ በመሆኑ ብቻ ሀብት ንብረቱን ተቀምቶ፣ የተገደለው ተገሎ የሚፈናቀል ከሆነ፤ አንድ ከአማራ ወላጆች የተወለደ ኢትዮጵያዊ መብቱ ተከብሮ ለመኖሩ የጊዜና የቦታ አለመገጣጠም ካልሆነ በቀር ዛሬ ወለጋ በሚኖሩ አማሮች ላይ የደረሰው መገደልና መፈናቀል በሱ ወይም በሷ ላይ እንደማይደርስ ምንም አይነት መተማመኛ የለም። ብሄረተኝነት የግለሰቡን ብሄር አንጂ የግለሰቡን ሰብአዊ ባህሪ አይቶ ይህ ደግ ነው ተወው፣ ያ ክፉ ነው በለው አይልም። ስለዚህ ማንም ከአማራ ወላጆች የተወለደ ሁሉ በወያኔ ትግሬዎችና የነሱም ተናካሽ ውሾች በሆኑ የብሄር ድርጅቶቹ አንዲሁም ከሀገር ውጭ መረጃ በማጣመም፣ በአማራው ህዝብ ላይ የሚፈጸመውን ወንጀል በማስተባበልና ማእቀብ በማድረግ ከወያኔ ትግሬዎች ጋር በአጋርነት የተሰለፉ ሬዲዮ ጣቢያዎችና ድህረገጾች የአማራን ህዝብ በማጥፋት ወንጀል እየተባበሩ ለመሆኑ ከኔ ጽሁፍ ይልቅ ትንሽ ማሰብ የሚችል ጭንቅላት ያለው ሰሞኑን በወለጋ በአማራው ህዝብ ላይ በተፈጸመው ግድያና መፈናቀል ድህረገጾችን አይቶ፣ ሬዲዮ ጣቢያዎችን አዳምጦ ይፍረድ።

ከግለሰብ የተወረወረ ትዝብት

ቃለ መጠይቁን ለማዳመጽ ይሄንን ይጫኑ፣ በጽሁፍ ለማንበብ ከታች ያለውን ይመልከቱ

http://www.ethiopatriots.com/sound/AmarawMefenakel140619Welega.mp3

አሜሪካ ራዲዮ ጣቢያ ከተፈናቃዮች ጋር ያደረገው ቃለ መጠይቅ፣

ጁን 20 2014

ከወለጋ በተለይም ከግንቢና ከቄለም ከግንፍሌ ወረዳ ተባረርን ደግሞ ቤት ንብረታችን ተቃጠለ ያሉ የአማረኛ ተናጋሪ ኢትዮጵያውያን በአሁኑ ወቅት ባህር ዳር እንደሚገኙ ይናገራሉ። ቁጥራቸው እስከ 3000 ይደርሳል የሚሉ እነዚህ ተፈናቃዮች የአማራው ክልል አስተዳደር መፍትሔ እንዲፈልግላቸው በመጠባበቅ ላይ መሆኑንም ተመልክቷል። የኦሮሚያ ክልል የመንግስት ኮሚኒኬሽን ጽህፈት ቤት በበኩሉ የተፈናቀሉ ሰዎች ቁጥር ከ100 በታች ነው ይላል። አዲሱ አበበ ተፈናቃዮችንና ጉዳዩ የሚመለከታቸውን የመንግስት አካላት አነጋግሮ ተከታዩን አጠናቅሯል።

አቶ ጋሻው ፈቃደ የተባሉና ሌላ አንድ ስሜ አንዳይገለጽ ያሉ ተፈናቃይ ጨምረን አወያየን፣ ስማቸው እንዲገለጽ ያልፈለጉት የምእራብ ወለጋ ዞን ተፈናቃዩ ከወር በላይ ሆኖናል ብለው ይጀምራሉ።

አሁን 1 ወር ከምናምን እየሆነው ነው ምክንያቱ የድሮ ታሪክ ነው የሚያነሱት፤ ሚኒሊክ እንደዚህ አድርጎን፣ እንዲህ አድርጎን ነው የሚሉት፤ በጣም አሳደዱነ፤ የከተማው ህዝብ እንዳለ ወጥቷል እንደገና ባለስልጣኖች ደግሞ አሉበት፡ ፖሊሶች እነዚህ አድማ በታኝ የሚባሉት አብረው ነው ሲዘርፉና ሲደበድቡን የዋሉ ማለት ነው። አማራ የተባለውን።

እኮ ምክንያቱ ምንድነው አሉዋችሁ፤ በትክክል?

ምክንያቱ የድሮ ታሪክ ነው፣ እነሱ እንገነጠላለን ምናምን ነው የሚሉት፤ እራሳችን ነጻ እናወጣለን፤ አማራን አንፈልግም፣ አማራ ይውጣልነ ነው። እና ህይወታችን የተረፈው በስንት ነገር ነው። ኮርኒስ እየገባን ጫካ እየገባን በስንት ነገር ነው። ብዙ ሰው ሞቷል።

ስንት ጊዜ ሆኖት እርሶ ወለጋ ሲኖሩ?

እኔ 11 ዓመቴ ነው፣ ወደ 5 ቤተሰብ አስተዳድራለሁ፣ ሱቅም ነበረኝ፣ ጣቃ አከፋፍል ነበር፣ ጣቃውን እንዳለ ዘርፈውኛል።

ስንት ሰው ከዚያ ተሰደደ? ከወለጋ ከግንቢ በተለይ? እርሶ ካሉበት

ቢያንስ ከ8000 የማያንስ ህዝብ ነው።

ባህርዳር የአማራው አስተዳደር አለ እዚያ ደግሞ ሄዳችሁ አላመለከታችሁም? ምን አሉዋችሁ?

ወደ ቤታችሁ ተመለሱ ነው የተባልነው፣

ወዴት ወደቤታችሁ?

ወደነበራችሁበት ተመለሱና እናረጋጋለን ምናምን ነው ያሉን፤ እነሱ ደግሞ አሁን እራሱ አልተውም

ሌላው አቶ ጋሻው ፈቃደ ይባላል፤ የመፈናቀላችንን ምክንያት በውል አልተረዳነውም፤ ይሉና ይቀጥላሉ።

ምክንያቱ ምን  እንደሆነ እኛ ያወቅነው ጉዳይ የለም፣ ለኛ በኳስ ነው ምናምን ነው የሚሉት

ኳስ ማለት

በባህርዳር ከተማ ላይ ኳስ ጨዋታ ተካሂዶ ነበር፣ የአማራ ክልል ህዝብ ኦሮሞዎችን ጋላ! ጋላ! አሉን፣ እና የኛ ሰው ደግሞ የተደበደበ ሰው አለ። እያሉ ነው ለኛ ሲናገሩት የነበረው።

እናንተ እዚያ አልሄዳችሁም? ለምን እናንተን ውጡ አሉዋችሁ ብዬ ነው?

እኛም ግራ የገባን እኮ እሱ ነው፣ ከዚያ ወደዚያ ሰው ተይዞ መመከር እያለበት ለምን በስመ አማራ ለምን እኛ ይሄን ያክል መበደል አለብን የሚለውንኮ አቤቱታ ስናቀርብ አቤቱታችንን እዚህ ደግሞ አልቀበልም ያሉ።

ስንት ሰው ነው በጠቅላላ የተፈናቀለ ወይም እንዲወጣ የተደረገው?

ቢያንስ ከግንቢ ከተማ ብቻ አንድ 3000 ሰው ይሆናል። ያልወጣም እዚያ የቀረም ህዝብ አለ፤ በቃ ህይወታችን እስከሚያልፍ መጠበቅ ነው እንጂ ያለብን እንዴት እናደርጋለን?

ሌላ ሰው ሳናግር እንዲሁ ከ2000 ሰው በላይ ነው የሚሉኝ፤ ይሄን ያህል ሰው ሲፈናቀል እዚያ አካባቢ አስተዳደሩ፤ የፖሊስ ጣቢያው፤ የመንግስት ባለስልጣናት የሉም? ወይም እናንተ ሄዳችሁ አቤት ለማለት አልሞከራችሁም? አቶ ጋሻው።

ሄደን አቤት ብለናል፤ ግን ሊቀበሉን አልቻሉም፣ ሄደንም አመልክተናል አቤቱታችንን እያቀረብን ነው እኛ ያለነው አሁን ለነሱ

ለማን ነው አቅርበን እንቢ አሉን የሚሉኝ?

ርእሰ መስተዳደር ሄደን ነበር እኛ፣ ርእሰ መስተዳደሩ

ለማን ነው አቅርበን ነበር የሚሉኝ፣ ለባህርዳር?

አዎ ባህርዳር ከተማ ላይ፣

እና ምን ተባል…?

ከ5 ሰዓት እስከ 8 ሰዓት ተቀጠርን፣ 8 ሰዓት ደግሞ ውጡ አሉን።

ሰው ምረጡ ተብሎ ሰው መርጣችሁ ከላካችሁ እንዴት እንደገና ውጡ ይላሉ ብዬ ነው። ማ ቢሮ ነበር ልትገቡ የፈለጋችሁ?

እዚያ እርሰ መስተዳደሩ ላይ፤ በቃ አስተዳደሩ፤ እሱን ፈልገን ነበር እኛ ርእሰ መስተዳደሩን

ፕሬዜዳንቱ ቢሮ ነው ወይስ ምክትላችው ወይስ ጸሀፊ ጋ ወይም

አዎ፣ ርእሰ መስተዳደሩ ቢሮ ነው እንጂ

ለመሆኑ የአካባቢው ባለስልጣናት ምን አሉ? እናንተስ አቤት ብላችሗል? ላልሁት ጥያቄ የጸጽታ ሀላፊ ናቸው፤ እርሳቸው ሁሉንም ያውቃሉ፤ በማለት የአንድ ሰው ስምና ቁጥር ሰጠውኝ ደወልሁ

አቤት፤ አቤት

እንደምን ዋሉ? አቶ አወቀ

አቤት፤ ማን ልበል?

አዲሱ እባላለሁ፤ ከዋሽንግቶን ነው የምደውለው፤ ከአሜሪካ ድምጽ ሬዲዮ

ይሄን ስልክ አላውቀውም፤ ከየት ነው?

እንዳልሁት ከአሜሪካ ነው የምደውለው፤ ከአሜሪካ ድምጽ ሬዲዮ፣ ከዋሽንግቶን፣ ከቪኦኤ

እ

ከዚያ አካባቢ ተፈናቀልን የሚሉ ሰዎች ኢንተርቪው አድርጌ ነበር፤ እና እርሶ የሚያውቁትን ነገር ቢነግሩኝ?

ከየት?

ከቄለም አካባቢ፤ ከግንቢም አማረኛ ተናጋሪዎች

የት ሄድን? ወዴት ተፈናቀልን አሉ?

ተባረው ባህር ዳር ጎጃም ውስጥ ነው  ያሉት፤ ሰፈራ ጣቢያ አግኝተው?

ማን ነው ያባረረው?

እርሶ የሚያውቁትን እንዲነግሩኝ ነው አቶ አወቀ፤ አሁን የምደውለው ነዋሪዎችም ባለስልጣናት ናቸው ያባረሩን ይላሉ፤ ሁለቱንም

እነማን ናቸው እነሱ መጀመሪያ?

የሰዎቹን ስማቸውን ነው የሚፈልጉት?

አዎ

በሺዎች የሚቆጠሩ ናቸው፤ ነገረ ግን ጥያቄዬ ከቄለምና ከግንቢ አካባቢ እንዲባረሩ ሆኖዋል ወይ? እንዲወጡ ተደርጓል ወይ? የጸጽታ ክፍሉ የሚያውቀው ነገር አለ ወይ? እምሎት።

እኔ የጸጽታ ክፍል አይደለሁምና ከህዝብ ነኝ፤ እና ማን ነው ያለ? መጀመሪያ ንገረኝ፣

እርሶ ……

ከዚያ በሗላ ነው የማውቀውን የምስጥህ እንጂ የሆነም ያልሆነም ነገር ልሰጥህ አልችልም ማነው ያለህ?

አቶ አወቀ የጸጽታ ሀላፊ ናቸው ተብሎ ነው ስልኩ የተሰጠኝ ልክ አይደለም?

ውሸት ነው፤ የጸጽታ ሀላፊ አይደለሁም። እኔ ሌላ ስራ ነው ይዤ ያለሁ፤ የጸጽታ ሀላፊውን ልትጠይቅ ትችላለህ።

እርሶ በምን ውስጥ ነው ያሉት? ስለዚህ ጉዳይስ የሚያውቁት ጉዳይ የለም።

እኔ የድርጅት ጽህፈት ቤት ነኝ

የተባረሩ አማረኛ ተናጋሪዎች ስለመኖራቸው አያውቁም?

የተባረሩ የሉም። ያባረረም የለም።

የእርሶ ቢሮ ሀላፊነቱ ምንድን ነው? አቶ አወቀ፤ የድርጅት ጉዳይ ሲሉ ምንድን ነው የምትሰሩት?

የኦህዲድ የድርጅት ጉዳይ ነው

እና የኦህዲድ ጽህፈት ቤት ይሄን አያውቅም?

የተባረረ ሰው የለም እያልሁህ እኮ ነው፣ በራሳቸው ፍላጎት ሊሄዱ ይችላሉ እንጂ ያባረረ ሰው የልም፡ እያልሁህ እኮ ነው፤ ቄለብ ወለጋ ስትል ከቄለብ ወለጋ የተባረረ ሰው የለም። እንደዞኑ የምናውቀው ነገር የለንም።

ከትናት በስቲያ ማክሰኞ ወደ ኦሮሚያ የመንግስት ኮሚኒኬሽንስ ጉዳዮች ቢሮ ደወልሁና የቢሮ ሀላፊዋን ወይዘሮ ራዲያ ኢሳን አገኘሁ። ምንም የምናውቀው ነገር የለም አሉኝ። ዛሬስ ያውቁ እንደሆን ብዬ እንደገና ወደ ወይዘሮ ራዲያ ቢሮ ደወልሁ፣ በቁጥሩ ላይ ነው ያልተስማማነው እንጂ ማወቁን ያውቃሉ።

ሁለት ሺ ሶስት ሺ ተፈናቀለ የምትለው አይደለም

ከነሱ የሰማሁትን ነው

መቶ የማይሞሉ ሰዎች ናቸው

ከሁለት ቦታ ነው የሰማሁት ከግንቢና ከቄለም

አዎ ቄለም ወለጋ አሼ ቀበሌ ነች አይደለ፤

አዎ አሼ ቀበሌ ነው ያሉኝ

የሆነ ወንጀል ተፈጽሞ ነበረ

ማን ነው የፈጸመው?

እንድ ሰው ሞቶ ነበር፤ የኦሮሞ ብሄር ተወላጅ የሆነ ቀጥሎ ደግሞ ሁለት ሰዎች ባልታወቁ ሰዎች ተገለዋል፤ ከፍርሀት ተነስተው ነው እነዚህ ሰዎች ክልል ሶስት የሄዱት፤ መንግስት ..

ከፍርሃት ማልት?

መንግስት፤ ፖሊስ፤ እዚያ ያለው አስተዳደር የሚባለው ስህተት ነው። አሁን እንዲያውም ወደ ቄያቸው እንዲመለሱ እየተደረገ ነው ያለው

ቁጥሩ አይደለም ወሳኙ፤ ነገር ግን ሰዎቹ ሁለት ሺ ሶስት ሺ ይላሉ፤ እርሶ 100 አይሞላም ይላሉ። ግን በፍርሀት ነው የወጡት የሚሉኝ ለምን ነው የፈሩት?

ነገርሁህ እኮ፤ በዚያ ቀበሌ አካባቢ ወንጀሎች ተፈጽመዋል፡ እንደነገርሁህ ወንጀሉን ይፈጽማሉ ተብሎ የሚገመተው ያው እየተፈለገ ነው።

ሁለት ሰው ወይም ሶስት ሰው ወንጀል ተፈጸመበት ሞተ ብለውኝል፤ መቶ የማይሞሉ ሰዎች ደግሞ ፈርተው ወጡና፣ እነዚህ ሁሉ የሚፈሩበት ምክንያት በመጠርጠር ስማቸው ተነስቶ ነው? ነገሩ ትንሽ የሚየያዝ አልሆነልኝም።

የተጠረጠሩ አይደለም። እኔ እስከማውቀው ድረስ ፍርሀት በቃ፤ አሁን ነገርሁህ እኮ ወደ ቀያቸው እንዲመለሱ አስተዳደሩም እየሰራ ነው፤ ወደ ንብረታቸው እንዲመለሱ ማድረግ ነው።

እነዚህ ከመቶ የማይሞሉ እርሶ እንዳሉት ሲሰደዱ ወይም መፈናቀላቸውን መቼ ነው የእርሶ ቢሮ ያወቀው?

እንደ መንግስት ይሔን ሁለቱም የክልሉ መንግስታት ያውቁታል፤ የምናስተዳድረው ያው አንድ ሀገር ነው፤ ያው ክልሎች እራሳቸውን ያስተዳድሩ እንጂ መናበቡ ነገር አለ።

ይሄ ከሆነ መናበቡ አለ፣ ትናት ስደውል ምንም የምናውቀው የለም ብለውኛል። እና መቼ ነው ያወቁት? የእርሶ ቢሮ ያወቀው

አሁንም አሁንም አንተ የምትለው ከ2000 እስከ 3000 የምትለው አንተ ያነሳህልኝ ቁጥርና እኔ የማውቀው ቁጥር በጣም ስለሚለያይ

ቁጥሩ አይደለም ወሳኙ፤ አንድም ሰው ቢሆን ብዙ አመት ከኖረበት መፈናቀሉ ሊያሳስበን ይገባል ማለቴ ነው። ቁጥሩ አይደለም ወሳኙ፤ አሁን ደግሞ ፌደራል እዚያ ሄዶ እንዲያረጋጋ ተብሏል ተባለ፤ ነገር ግን ፌደራል አልሄደም። እንዲያውም እዚያ ያሉት ሰዎች እንዲወጡ እየተደረገ ነው የሚሉኝ ሰዎቹ።

እንግዲህ እኔ አሁን ያለኝን ትክክለኛ መረጃ ነው እየሰጠሁህ ያለሁት

እሺ

መንግስት እዚያ ያለው አስተዳደር የማረጋጋቱ ስራ ሌሎችም እንዳይፈናቀሉ ማለት የወጡትም ደግሞ እንዲመለሱ አማራ ክልል መንግስት ጋርም እየተናበቡ እየተሰራ ነው።

በጣም አመሰግናለሁ ሰላም ይዋሉ

እሺ

ለመሆኑ የአማራው ክልል ርእሰ መስተዳድር ምን እያደረገ ነው? ወደ አማራው ብሄራዊ ክልል መንግስታዊ ጽህፈት ቤት ደውዬ ፕሬዜዳንቱ የሉም ስለተባለ ወደ ሌላው ከፍተኛ ባለስልጣን ወደ አቶ ሰማ ቢሮ ተመራሁ፤ ከባለጉዳይ ጋር መሆናቸውን የገለጹልኝ ጸሀፊያቸው ወይዘሮ አዝመራ ከ 5 ደቂቃ በሗላ እንድደውል ነገሩኝ፣ ደወልሁ፤ አሁንም ከባለጉዳዩ ጋር እንዳሉ ናቸው ተባለ፤ ከ15 ደቂቃ በሗላ ደውል ተባልሁ፤ ደወልሁ፣ አስቼኳይ ስራ ገጥሟቸው አሁን ከቢሮ ወጡ ተባለ፤ በዚሁ አበቃሁ። በሌላ ጊዜ እንሞክራቸዋለን፤ የተፈናቃዮችን ሁኔታም እንከታተላለን፤ ላሁኑ በዚሁ ላብቃ፣ ሰላም።

Source- http://welkait.com/

(ዘ-ሐበሻ) በአዲስ አበባ ዩኒቨርሲቲ የመብት ጥያቄ አንስተው በሃገራዊ ጉዳይ ነቃ ያለ ተሳትፎ የሚያደርጉ 52 ተማሪዎች ላይ የዲሲፕሊን ክስ መመስረቱ ተሰማ። የዲሲፕሊን ክስ የተመሰረተባቸውን ተማሪዎች ስም ዝርዝር የያዘውን ወረቀት በማህበራዊ ድረገጾች ላይ የለቀቁት የዩኒቨርሲቲው ተማሪዎች ክሱ የተመሰረተባቸው ሰኔ 21 ቀን 2006 ዓ.ም ከጠዋቱ በ2 ሰዓት በተማሪዎች ጽ/ቤት እንዲገኙ ት ዕዛዝ ተሰጥቷል።

ምናልባትም እነዚህ በኢትዮጵያ ወቅታዊ ሁኔታ ላይ ትኩረት አድርገው የሚንቀሳቀሱት ተማሪዎች ላይ በዲሲፕሊን ሰበብ ፖለቲካዊ እርምጃ ሊወሰድባቸው እንደሚችል የቅርብ ምንጮች ለዘ-ሐበሻ ያስታወቁ ሲሆን ዩኒቨርሲቲው ይህን እርምጃ ከወሰደ ሌላ የተማሪዎች አመጽ እንዲነሳ ምክንያት ሊሆን እንደሚችል ታዛቢዎች ይናገራሉ።

በዲሲፕሊንክ ክስ ሰበብ የፖለቲካ እርምጃ ሊወሰድባቸው የተዘጋጁት ተማሪዎች ስምዝርዝር የሚከተለው ነው፦

ፊፋ ለ64ቱ ጨዋታ 33 የመሐል ዳኞችና 57 ረዳት ዳኞችን መርጦ አዘጋጅቷል። ከ33ቱ የመሐል ዳኞች አፍሪካ፣ እስያ፣ የሰሜንና ደቡብ አሜሪካ ካሪቢያን ዞን አምስት- አምስት ዳኞችን ሲያስመርጡ ላቲን አሜሪካ 6፣ ኦሽኒያ በ 2፣ አውሮፓ በ10 ዳኞች ተወክለዋል።

በዚህ ሻምፒዮና ታዋቂዎቹ አርቢትሮች የሆኑት እንግሊዛዊው ሃዋርድ ዌብ፣ ጣሊያናዊው ኒኮላ ሪዞሊ፣ አርጀንቲናው ኔስተር ፒታናና ብራዚላዊው ሳንድሮ ሪቺ መካተታቸው ታውቋል። በዚህ ሻምፒዮና ላይ የጐል መስመር ቴክኖሎጂ ለመጀመሪያ ጊዜ ጥቅም ላይ እንዲውል ተደርጓል። ውሳኔዎች ሁሉ ፍትሃዊና ትክክለኛ እንዲሆኑ የጐል መስመር ቴክኖሎጂው ከፍተኛ ጥቅም አለው ሲሉ ሮልፍ ዲትሪች የተሰኙ የጀርመን ካምፓኒ ባለሙያ ተናግረዋል። የጐል ኮንትሮል 14 ከፍተኛ ፍጥነት ባላቸው ካሜራዎች የሚመራ ሲሆን፤ 7ቱ በቀጥታ በጐሎቹ ላይ የሚያነጣጥሩ ይሆናል። በቴክኖሎጂው ኳሷ መስመሩ ላይ ካረፈች ለመሐል ዳኛው ምልክት የምትሰጥ ሲሆን፤ የዳኛው ሰዓት የመንዘርና መብራት ምልክት የሚያሳይ ይሆናል። ይህ ሁሉ የሚሆነው በ1 ሰከንድ ውስጥ በመሆኑ የጨዋታው ሂደት ካለመቋረጡም በላይ የእግርኳስን ጣዕም እንደማያበላሽ ተነግሮለታል። ከዚህ በተጨማሪ የብራዚል የአለም ዋንጫ አዘጋጅ ኮሚቴ ለ12 ስታዲየሞች እደሳና ግንባታ 3.5 ቢሊየን ዶላር ወጪ ያደረገ ሲሆን፤ 600 ሚሊየን ዶላር ብቻ ለማራካኛ ስታዲየም ዕደሳ ወጪ ተደርጓል። 16 ቢሊየን ዶላር አለም ዋንጫውን ለማዘጋጀት የብራዚል መንግስት ያወጣው ወጪ ሲሆን፤ በርካታ ብራዚላውያንን ይህን በይፋ ተቃውመዋል። ለ64ቱ ጨዋታዎች 3.3 ሚሊየን የመግቢያ ቲኬቶች መዘጋጀታቸውን የገለፀው ፊፋ ደግሞ ውድድሩ በሰላም እንደሚጠናቀቅ ያለውን ተስፋ ገልጿል።

ከዚህም በተጨማሪ አወዛጋቢው ዦዜ ሞውሪንሆ በበኩላቸው ከየምድቡ የሚያልፉትን ሁለት- ሁለት ሐገሮች ገምተዋል። በዚህ መሰረት ከምድብ 1 ብራዚልና ሜክሲኮ፣ ከምድብ 2 ስፔንና ኔዘርላንድ፣ ከምድብ 3 አይቬሪኮስትና ግሪክ፣ ከምድብ 4 ጣሊያንና እንግሊዝ፣ ከምድብ 5 ፈረንሳይና ስዊዘርላንድ፣ ከምድብ 6 አርጀንቲናና ናይጄሪያ፣ ከምድብ 7 ጀርመንና ፖርቱጋል፣ ከምድብ 8 ሩሲያና ቤልጂየምን ወደ ቀጣዩ ዙር ያልፋሉ ሲሉ ግምታቸውን ሰንዝረዋል።

3.2 ቢሊየን ህዝብ በቴሌቪዥን መስኮት የሚመለከተውና 37 ሚሊዮን ፓውንድ ለአሸናፊው የተመደበበት አለምአቀፋዊው የእግርኳስ ድግስ የአለም ዋንጫ በብራዚል ሲጀመር፤ በመክፈቻው የተባበሩት መንግስታት ድርጅት ዋና ፀሐፊ ባንኪሙን ፣ የሩሲያው ፕሬዝዳንት ቭላድሚር ፑቲን እና መራሄ-መንግስት አንጌላ ሜርክል ጨምሮ ከ11 በላይ የሀገራት መሪዎች ተገኝተዋል። ሻምፒዮናው እስከ ሐምሌ 6/2006 በድምቀትና በጉጉት ሲካሄድ ይሰነብታል። በሌላ በኩል ከ32ቱ ሐገራት በጣም ውድ ቡድን የተባሉ 6 ሐገራት ታውቀዋል። በዚህም መሠረት ስፔን 916 ሚሊዮን ዶላር በሚያወጡ ኮከቦቿ ቀዳሚ ሆናለች። ጀርመን በ828 ሚሊየን ዶላር፣ ብራዚል በ689 ሚሊየን ዶላር፣ ፈረንሳይ በ607 ሚሊየን ዶላር፣ አርጀንቲና በ577 ሚሊየን ዶላር፣ ቤልጂየም በ513 ሚሊየን ዶላር በሚያወጡ ስብስባቸው ከ2-6 ያለውን ደረጃ ይዘዋል።

የናይኪና አዲዳስ የአለም ዋንጫ ጦርነት

በሁለቱ ካምፓኒዎች መሐል የሚደረገው ፉክክር የአሜሪካና ጀርመን ቀዝቃዛ ጦርነት ተብሏል። የጀርመን ትጥቅ አምራች ድርጅት አዲዳስ በዘንድሮው አመት ያገኘው 2.7 ቢሊየን ዶላር ገቢ ከአምናው የአሜሪካን ናይኪ ካምፓኒ 1.9 ቢሊየን ዶላር ገቢ አንፃር ከፍተኛ ልዩነት የፈጠረ ነው ተብሏል።
ናይኪ ለአለም ዋንጫው 25 ቢሊየን ዶላር ወጪ ማድረጉ ታውቋል። ክርስቲያኖ ሮናልዶ፣ ኔይማር፣ ዌይን ሩኒና ጄራርድ ፒኬ የአዲዳስን ትጥቁን ለብሰው በብራዚሉ የአለም ዋንጫ የሚገኙ ሲሆን፤ ናይኪም ጀርመን፣ ስፔን፣ አርጀንቲናና ኮሎምቢያ ጋር ባለው ስምምነት በአለም ዋንጫው ትጥቁን እያስተዋወቀ ይገኛል።

ሁለቱም ካምፓኒዎች በገበያው ላይ ያላቸውን የበላይነት በማስፋት የየሐገራቸው መኩሪያ ለመሆን ከፍተኛ ሥራ እየሰሩ ነው። በተለይ ናይኪ ካምፓኒ በሊዮኔል ሜሲ ስም ጫማ አሰርቶ ለገበያ በማቅረብ አዲዳስ ላይ ብልጫውን ለመውሰድ እየጣረ ነው። አዲዳስም አርፎ አልተቀመጠም። ከ1970 ጀምሮ ከፊፋ ጋር የነበረውን ውል በማደስ ለቀጣዮቹ 60 ዓመታት የፊፋ ስፖንሰር ለመሆን አድሷል። አዲዳስ ከብራዚሉ የአለም ዋንጫ ጋር በተያያዘ 2.6 ቢሊየን ዶላር ገቢ ለማግኘት እንደሚችል እየተነገረለት ይገኛል። ምንጩ ከአሜሪካ የሆነው ናይኪና በጀርመን ውልደቱ የሚጠራው አዲዳስ የሐገራቸውን ስም ከፍ ለማድረግ በዓለም ዋንጫው ላይ እያደረጉ ያለው ትግል 20ኛው የዓለም ዋንጫው ሌላ አጓጊ ክስተት ተደርጐ ተወስዷል።

* በዘ-ሐበሻ ጋዜጣ ቁጥር 64 ላይ ታትሞ የወጣ

ምንጭ : ኢሳት

አማራዎች በከፍተኛ ችግር ውስጥ እንገኛለን አሉ

ከምእራብ ወለጋ ዞን ከጊምቢ ወረዳ እንዲሁም ከቀሌም ወለጋ ዞን የተፈናቀሉ የአማራ ተወላጅ ኢትዮጵያውያን ንብረታቸው ተዘርፎ ከአካባቢው እንዲወጡ ከተደረገ በሁዋላ፣ ችግራቸውን ለአማራ ክልል ርእሰ ማስተዳድር እንዲሁም ለፌደራሉ መንግስት ቢያመለክቱም የሚሰማቸው ማጣታቸውን ገልጸዋል።

ኢሳት ካነጋገራቸው የተፈናቃዮች ተወካዮች መካከል አንዳንዶች እንደገለጹት የአማራ ክልልም ሆነ የፌደራሉ መንግስት በክልሎች ጉዳይ ጣልቃ አንገባም በሚል ምክንያት ለጥያቄያቸው መልስ ለመስጠት ፈቃደኞች አልሆኑም። ከመንግስት የሚሰጠው መልስ ተስፋ እንዳስቆረጣቸውም ተፈናቃዮች ገልጸዋል

የተፈናቃይ ተወካዮች እንደሚሉት ከፍተኛ ችግር ከነበረበት ከሚያዚያ 22 እስከ ግንቦት2 በነበረው ጊዜ ለደረሰው የሰው ህይወት እንዲሁም ለጠፋው ከፍተኛ ንብረት የአካባቢው ባለስልጣናት እና በክልሉ ተሰማርቶ የሚገኘው ልዩ ሃይል እጅ አለበት። ባለስልጣናቱ የችግሩ አሳሳቢነት ሲነገራቸው መልስ ለመስጠት ፈቃደኞች ባለመሆናቸው ከፍተኛ ውድመት እንዲደርስ ምክንያት መሆኑን የተፈናቃዮች ተወካዮች ተናግረዋል።

በተለይም ጉዳዩን እንዲያጣራ በቅርቡ የተቋቋመው አጣሪ ኮሚቴ ማስረጃዎችን አስቀድሞ ይፋ እያደረገና የምስክሮችንና የጠቁዋሚዎችን ስሞች አስቀድሞ ይፋ እያደረገ ህዝቡ በድጋሚ እንዲጋጭ ጥረት እያደረገ ነው በማለት ተወካዮች ገልጸዋል።

በጊምቢና በቄለም ያሉ ዘመዶቻቸውን በስልክ ለማግኘት መቻላቸውን የሚናገሩት ተፈናቃዮች፣ አካባቢውን ለቀው እንዲወጡ ዛቻና ማስፈራራቱ እንደቀጠለ መሆኑን እንደነገሩዋቸው አስረድተዋል።

ከኦሮምያና ከፌደራል የተውጣጡ ከፍተኛ የመንግስት ባለስልጣናት ማክሰኞ ወደ ጊምቢ በማቅናት ነዋሪውን እያነጋገሩ ነው። እስካሁን ድረስ በመንግስት በኩል ተፈናቃዮችን በተመለከተ የተሰጠ ይፋዊ መግለጫ የለም።

በጊምቢ ተነስቶ በነበረው ግጭት የአንድ ሰው ህይወት ሲወድም፣ አንድ ፎቅና ሁለት መኖሪያ ቤቶች ተቃጥለዋል፤ በርካታ ቤቶችም ተዘርፈዋል።

ኢትዮጵያዊነት በዘረኛው የወያኔ ስርአት ፈተና ላይ በወደቀበት በዚህ ባለንበት ዘመን እውነተኛ ተቆርቋሪ ዜጎች የሆንን ሁሉ በያለንበት ሳንታክት የኢትዮጵያ አገራችንን የአንድነት እና የታሪክ ታላቅነት መስበክ ይጠበቅብናል። አገራችን ኢትዮጵያ በዘር እና ሀይማኖት ሳትከፋፈል ለመጪው ትውልድ ለማስተላለፍ የያንዳንዳችን ያላሰለሰ ጥረት ያስፈልጋል፤ ለወጣቱ ትውልድ እና ተተኪ ልጆቻችን የኢትዮጵያዊነትን ፍቅር መስበክ የታሪክ ግዴታችንም ነው።
ይህን አላማ ዘዎትር ሳይታክቱ በሙያቸው ክሚያሳዩ የኪነጥበብ ኮከቦቻችን ጎን በመቆም የአላማ አጋሮቻቸው መሆናችንን ማስመስከር ይጠበቅብናል። በመጪው ቅዳሜ ሰኔ ፪፰፣ ፪፻፮ ( ጁልይ ፭፣ ፳፩፬） ከነዚህ አገር ወዳድ የኪነ ጥበብ ሰዎቻችን አንዱ እና ተወዳጁ የሆነው ቴዲ አፍሮ በኒውዮርክ የሰመር ስቴጅ ፌስትቫል ላይ ኢትዮጵያንን ወክሎ በሚያደርገው የዘፈን ትርኢት ላይ መላው በኒውዮርክ እና አካባቢው የምንገኝ አገር ወዳድ ኢትዮጵያዊያኖች በመገኘት ኢትዮጵያዊነትን ከፍ አድርገን በማድመቅ ለአገራችን ያለንን ፍቅር እንግለጽ።  ስለኢትዮጵያዊነት ፍቅር በሚያዜማቸው ዜማዎች እየተዝናናን ሃገር እና ወገን ወዳድነታችንን እናስመስክር።

መግቢያው ነፃ ነው 
ለተጨማሪ መረጃ አባሪ የሆነውን በራሪ ማስታወቂያ ይመልከቱ።  
ኢትዮጵያ በክብር ለዘላለም ትኑር

በመጀመሪያዎቹ ሁለት ክፍሎች ከ1983 ዓ.ም ወዲህ ጎሳን መሠረት በማድረግ ከተዘጋጁ ሁለት የተለያዩ “የኢትዮጵያ ካርታዎች”  በመነሣት የሕወኀት ሁለቱ ታላላቅ ዕቅዶች ተጠቅሰዋል። የመጀመሪያው ከትግራይ ክልል ጋራ የቤንሻንጉል ጉሙዝና የጋምቤላ  ክልሎችን በመቀላቀል ከኢትዮጵያ ተለይቶ አገር መመሥረት ሲሆን ሁለተኛው ደግሞ ይህን ለማስፈጸም ከፍ ያለ ግጭት በቀሪዎቹ  የኢትዮጵያ ጎሳዎች (ይልቁንም በአማራና በኦሮሞ ጎሳዎች) መካከል መቀስቀስና እነዚህ ቀሪዎቹ ጎሳዎች ዕቅዱ እንዳይፈጸም፤ ቢፈጸምም  እንዳይዘልቅ በማድረግ ሊኖራቸው የሚችለውን ተጽእኖ ማስወገድ ናቸው። ከካርታዎቹ አንዱ መነሻ ቢሆንም የመጀመሪያውን ዕቅድ  ለማስፈጸም በትግራይና በሁለቱ ሌሎች ክልሎች እስካሁን የተደረጉና እየተደረጉ ያሉ ሌሎች ዋና ዋና ዝግጅቶች በአጭሩ ተጠቅሰዋል።  የአፋር፣ የጅቡቲና የሱዳን አስተዋጽኦ ምን ሊሆን እንደሚችል በአጭሩ ቀርቧል። ሁሉም መንገዶች ወደአንድ መድረሻ የሚወስዱ ሆነው  ይታያሉ። የሁለተኛው ዕቅድ በገሀድ መከናወን እንደጀመረ የሚያሳዩ ድርጊቶች ከመቸውም ይልቅ ዛሬ ለሁሉም ግልጽ ናቸው።--– [ሙሉውንለማንበብእዚህይጫኑ]—-

(ግርማ ሰይፉ)

ግርማ ሰይፉ ማሩ
girmaseifu32@yahoo.com

ሙሉውን  በፒ.ዲ.ኤፍ ለማንበብይ ህንን ይጫኑ

ጌታቸው ሽፈራው ከአዲስ አበባ

የጦማሪያኑን የፍርድ ውሎ የሚከታተለው ሰው ዛሬም እንደወትሮው በጠዋት ነው የተገኘው፡፡ አራት ሰዓት ካለፈ በኋላ የጦማሪያኑ ጠበቃ ‹‹መዝገብ ቤቷ ስለሌለች ነገ ከሰዓት ተብሏል›› ብለው ሲነግሩን በርካታ ህዝብ በተገኘበት አንዲት መዝገብ ቤት በመቅረቷ ብቻ የፍርድ ውሎው እንዲራዘም መደረጉ ገርሞን ስለጉዳዩ እያወራን ለጥቂት ደቂቃዎች ግቢው ውስጥ ቆየን፡፡ ከደቂቃዎች በኋላ ደግሞ እየመጡ ነው ተባለ፡፡

የውሎው ትዕይንት እዚህ ላይ ነው የተጀመረው፡፡

በዓለማችን ላይ እጅግ በርካታ ሰዎች በመጥፎ የአፍ ጠረን የተነሳ ከፍተኛ መሳቀቅና መሸማቀቅ እንደሚደርስባቸው መረጃዎች የሚጠቁሙ ሲሆን የጉዳዩ አስገራሚ ገፅታ ደግሞ እነዚህ መጥፎ የአፍ ጠረን ያላቸው ሰዎች የገዛ የአፍ ጠረናቸው ችግር እንዳለበት ፈፅሞ አለማወቃቸው ነው፡፡ በሳይንሳዊ አጠራር “halitosis” ሃሊቶሲስ የሚሰኘው መጥፎ የአፍ ጠረን ሰዎች እንዲርቁን እና በራስ የመተማመናችንን እንድናጣ ከሚያደርጉ ችግሮች ዋነኛው ስለመሆኑ የተለያዩ ጥናቶች ይጠቁማሉ፡፡ በዛሬው የገመና አምዳችን መጥፎ የአፍ ጠረንን በተመለከተ ዝርዝር ፅሁፍ እናቀርባለን፡፡

መጥፎ የአፍ ጠረን ምንድን ነው?

መጥፎ የአፍ ጠረን በአፋችን፣ በምላሳችን ወይም በቶንሲላችን ውስጥ የሚኖሩ አንዳንድ ባክቴሪያዎች የሚፈጥሩት ውጤት ሲሆን እነዚህ ባክቴሪያዎችም በሁላችንም አፍ ውስጥ የሚገኙ ናቸው፡፡ ባክቴሪያዎቹ በደህናው ጊዜ ምንም ሳይለወጡ ባሉበት ሁኔታ የሚዘልቁ ቢሆኑም የተለያዩ አካባቢያዊ
ምክንያቶች ግን እንዲለወጡ ሊያደርጓቸው ይችላሉ፡፡ በዚህ የተነሳም የሚያደርጉት ለውጥ የተለየዩ የኬሚካል ውሁዶችን እንዲያመነጩ የሚያስገድዳቸው ሲሆን የእነዚህ ኬሚካሎች ጠረንም ልክ እንደ ሃይድሮጅን ሰልፋይድ የሚከረፋ የበሰበሰ ዕንቁላል ሽታ የሚመስልና እና ሌሎችም አስቀያሚ ጠረኖችን ሊያመነጭ ይችላል፡፡

መጥፎ የአፍ ጠረን ምን ያስከትላል?

• የጥርስ (ድድ) እብጠት ወይም ቁስለት (Abscessed Tooth) ጥርሳችንን ከበው እና አቅፈው የሚገኙ የሰውነት ህዋሳት ቡድኖች (tissues) ላይ የሚፈጠር የቁስል መመርቀዝ (infection) እንደ መግል (pus) ያለ ፍፁም አስቀያሚ ጠረን ያለው ፈሳሽ እንዲፈጠርና የአፍ ጠረንን እንዲቀየር ያደርጋል፡፡

የመጥፎ አፍ ጠረን መንስኤዎች

•የአልኮል ሡሰኝነት (Alcoholism) ከልክ ያለፈ የአልኮል ተጠቃሚነት ዝቅተኛ መጠን ያለው የምራቅ መመንጨት እንዲከተልና አፍ እንዲደርቅ በተያያዥም የአፍ ጠረን እንዲበላሽ ያደርጋል፡፡ የአፍ ድርቀት ከሁሉ በተለየ ቀዳሚ የአፍ ጠረን መበላሸት ሰበብ ነው፡፡
• የአፍንጫ ውስጣዊ ቁስለት
ይህ የአፍንጫችን ንፍጥ አመንጪ አካል በጉንፋን የተነሳ በሚደርስበት ቁስለት የተነሳ በአፍንጫችን ለመተንፈስ እንዳንችል በሚያስገድድ ሁኔታ የሚደፈንበት ክስተት ሲሆን በዚህ ምክንያትም አየርን ደጋግመን በአፋችን የማስገባት ብሎም የማስወጣት አማራጭን እንድንከተል እንገደዳለን፡፡ ይህ ከላይ በተጠቀሰው የአፍ ድርቀት ሰበብ የአፍ ጠረን እንዲለወጥ ያደርጋል፡፡
• ነቀርሳ (cancer)
እንደ የጨጓራ ካንሰር፣ የአፍ ዕጢ፣ የነጭ ደም ሴል መብዛት እና ሌሎች መሰል በሽታዎች ባሉ ህመሞች የሚጠቁ ሰዎች ከፍተኛ የሆነ የመጥፎ የአፍ ጠረን ችግር የሚገጥማቸው ሲሆን የዚህ ምክንያቱ ደግሞ በሰውነት ውስጥ የሚካሄደው የመበስበስ ሂደት እንዲሁም ለበሽታዎቹ የሚሰጡት የህክምና አገልግሎቶች ናቸው፡፡
• የአፍ ቁስለት (Oral Candida)
ይህ በተለይም በህጻናት፣ በስኳር ህመምተኞች እና የኤች አይ ቪ ኤድስ ህመምተኞች ላይ የተለመደ እና በብዛት የሚከሰት ነው፡፡ ይህ አይነቱ በፈንገሶች የተነሳ የሚፈጠር የአፍ ቁስለት ሲሆን ይህም በቀላሉ የአፍ ጠረን እንዲበላሽ ምክንያት ይሆናል፡፡

• የጥርስ መገጣጠሚያ ክፍተቶች (Cavities)
በአንዱና በሌላኛው ጥርሳችን መሃከል ባሉ ክፍተቶች (Cavities) ውስጥ የተለያዩ ነገሮች የሚሰገሰጉና በየዕለቱ ያልተፀዱ እንደሆነም ተከማችተው ወደ ብስባሸነት በመለወጥ መጥፎ የአፍ ጠረንን ያስከትላሉ፡፡

• ሰው ሰራሽ ጥርስ (Dentures)
ሰው ሰራሽ ጥርስ የሚጠቀሙ ሰዎች ጥርሳቸውን እንደ ተፈጥሮ ጥርስ ሁሉ በነፃነት ለማፅዳት የማይችሉ በመሆኑ ጥርሳቸው እንዲቆሽሽና የአፍ ጠረናቸው እንዲበላሽ ይገደዳሉ፡፡ ከዚህ በተጨማሪም የሰው ሰራሽ ጥርስ ተጠቃሚዎች ተደጋጋሚ በሆነ የአፍ ድርቀት እንደሚቸገሩና ይህም ለአፍ ጠረናቸው መበላሸት ሌላ ተጠቃሽ ሰበብ እንደሆነ ይገለፃል፡፡

•የስኳር በሽታ (Diabetes)
የስኳር ህመምተኛ የሆኑ ሰዎች በመጥፎ የአፍ ጠረን ሊቸገሩ እንደሚችሉ ጥናቶች ይጠቁማሉ፡፡ የዚህ ምክንያት ደግሞ ህመምተኞቹ ሊቆጣጠሩት የሚገባቸውን የደማቸውን ግሉኮስ መጠን ለመቆጣጠር ሲሣናቸውና ሲያሻቅብ ነው፡፡ በዚህ የተነሳም የድድ ቁስለት እና የጥርስ ህመም የበርካታ የስኳር ህመመተኞች ችግር ሲሆን ይህም የአፍ ጠረናቸውን ሲያበላሽ ይስተዋላል፡፡

• ደካማ የጥርስ ንፅህና (Poor dental hygiene)

ከላይ የጠቀስናቸው እጅግ በርካታ የአፍ ጠረን መበላሸት ምክንያቶች ቢኖሩም አንዳቸውም ግን የደካማ የጥርስ ንፅህና አጠባበቅን ያሀል ለአፍ ጠረን መበላሸት ግዙፉን ድርሻ አይወስዱም፡፡ ጥርስን ዕለት በዕለት አለመከታተል አለመቦረሽ (አለመፋቅ) ለችግሩ በርን ወለል አድርጎ መክፈት እንደሆነ ጥናቶች ይጠቁሟሉ፡፡

• እርግዝና
በእርግጠኝነት ምክንያቱ ባይታወቅም በእርግዝና ወቅት የአፍ ጠረን ሊለወጥ እንደሚችል ጥናቶች ይጠቁማሉ፡፡
• ሲጋራ ማጤስ (Tobacco Smoking) ሲጋራ ማጤስ አፍን በማድረቅ የባክቴሪያዎችን ጦር በአፍ ውስጥ እንዲያድግና እንዲባዛ በማድረግ የአፍን ጠረን ከተወዳጅነት ወደ አናዳጅነት ይቀይራል፡፡ ለአፍ ጠረን መበላሸት የሚጠቀሱት መንስዔዎች ከላይ የተዘረዘሩት ብቻ አይደሉም፡፡ ሌሎችም ጥቂት የማይባሉ የችግሩ ምክንያቶች አሉ፡፡ የምክንያቱን ጉዳይ በዚሁ እንግታና ወደ ቀጣዩ ነጥብ እናምራ፡፡

መጥፎ የአፍ ጠረን መንስኤውና መፍትሄው ምንድነው?

የመጥፎ አፍ ጠረን መዘዞች ምን ምን ናቸው? በርካቶች ለዚህ ጥያቄ የሚሰጡት ምላሽ “ግለሰቡ የገዛ የአፍ ጠረኑን መበላሸት ማወቁና መሸማቀቁ ነዋ!” የሚል ነው፡፡ ጥናቶች በሚያሣዩት መሰረት ግን የአፍ ጠረናቸው የተበላሸ ሰዎች ስለ ገዛ የአፍ ጠረናቸው አንዳችም ነገር የማያውቁ እና እንዲያውም በአፍ ጠረናቸው የሚተማመኑ ናቸው፡፡ ከልምድ አንድ ሰው የገዛ አፍ ጠረኑን ለማወቅ መዳፎቹን ወደ አፉ በማስጠጋት እና ወደ መዳፎቹ ውስጥ በመተንፈስ ማሽተት እንደሚቻል ቢታመንም ጥናቶች ይህ ዋጋ የሌለው ሙከራ መሆኑን ይገልፃሉ፡፡ የዚህ ምክንያቱ ደግሞ ሰውነታችን በተፈጥሮ የገዛ ራሳችንን ጠረን የመላመድና የመዋሀድ ባህርይ ስላለው ነው፡፡ በዚህ የተነሳም ማንኛውም ሰው ስለ አፍ ጠረኑ ሁኔታ ለማወቅ ከፈለገ ውስጣዊ ሣይሆን ተከታዮቹ ውጪያዊ ምልክቶች ላይ ሊያተኩር ይገባል፡፡

- የአፍንጫ መደፈን ያጋጥምዎታል?
- የሰውነት መቆጣት (Allergy) ያስቸግሮታል? – ከፍተኛ የሆነ የአፍ ድርቀት ችግርያጋጥምዎታል?
-በአፍዎ ውስጥ የመምረር ስሜት ያጋጥምዎታል? ምላስዎት ላይ እንደ ቅባት ያለ ነገር ያገኛሉ?
- ጓደኞችዎት ማስቲካ እና ሚንት ከረሜላዎች ይሰጡዎታል?
- የተለያዩ ሰዎች እርስዎ በሚናሩበት ጊዜ አንገታቸውን ከእርሶ ዞር ያደርጋሉ?
እነዚህ ከላይ የተዘረዘሩት ጥያቄዎች እጅግ መሰረታዊ የሆኑ ሲሆኑ ከጥያቄዎቹ ውስጥ ለብዙዎቹ የሰጡት ምላሽ “አዎ” ከሆነ የአፍ ጠረን ችግር ያለብዎ ለመሆኑ ከፍ ያለ ዕድል እንደሚኖር ጥናቶች ይጠቁማሉ፡፡

ለጥያቄዎቹ የሠጡት ምላሽ “አላውቅም” የሆነ እንደሁ ደግሞ ከዚህ ጊዜ ጀምሮ ነገሮችን ልብ በማለት እና ለጥያቄዎቹ ተገቢውን ምላሽ በመስጠት የአፍ ጠረንዎ በምን ዓይነት ሁኔታ ላይ እንዳለ ለማወቅ ይጣሩ፡፡ በዓለም ላይ የተደረጉ ጥናቶች እንደሚጠቁሙት ከሆነ አንድን ሰው “አፍህ ጠረኑ ተበላሽቷል” ለማለት ወደኋላ የማትለው የገዛ እናቱ ብቻ ነች፡፡ በመሆኑም ከላይ የተዘረዘሩትን ጥያቄዎች መመለስ ከሰው እስኪመጣ ሣይጠብቁ የራስን እርምጃ ለመውሰድ ይረዳል፡፡ አንዳንድ ለየት ያሉ የአፍ ጠረኖች የበሽታ ምልክቶች እንደሆኑ በጉዳዩ ላይ የተደረጉ ጥናቶች ይገልፃሉ፡፡ የተወሰኑትን ለማየት ያህልም፡፡

የፍራፍሬ ሽታ ያለው የአፍ ጠረን ይህ በስኳር ህመምተኞች ላይ ሊከሰት የሚችል ሲሆን በሰውነታችን ውስጥ የኢንሱሊን እጥረት ሲኖርና ስብን ለመተካት ሰውነት ሲጥር የሚከሰት ለህይወትም አስጊ የሆነ ደረጃ ላይ የመገኘት ምልክት ሊሆን ይችላል፡፡ የአሣ ሽታ ያለው የአፍ ጠረን ይህ ዓይነት የአፍ ጠረን አደገኛ ከሆነ የኩላሊት ችግር (Chronic kidney failure) ጋር ሊያያዝ ይችላል፡፡
መጥፎ የአፍ ጠረንን እንዴት ማስወገድ ይቻላል በዚህ ፅሁፍ ለመጠቆም የሚሞከረው የመጥፎ አፍ ጠረን ማስወገጃ ዘዴ የአፍ ጠረን ችግሩ ከልክ አልፎ ስር ላልሰደደባቸውና በመሃከለኛ የችግሩ ደረጃ ላይ ለሚገኙት ብቻ ነው፡፡ በችግሩ ከዚህ በበለጠ የተጠቃ ማንኛውም ሰው የጥርስ ሃኪም ማማከርን ብቸኛ አማራጩ ሊያደርግ ይገባዋል፡፡ የአፍ መታጠቢያ ፈሳሽ (mouth wash) በርካቶች የአፍ ጠረናቸው መበላሸቱን እንዳወቁ የሚጠቀሙት ፈሳሽ ነው፡፡ በዘርፉ ባለሙያዎች እንደሚገለፀው “mouth wash” በአፍ ውስጥ የሚገኙ ባክቴሪያዎችን የሚገድል እና ለአፍም መልካም ጠረንን የሚሰጥ ቢሆንም በአፍ ውስጥ ያሉ ባክቴሪያዎችን የሚገድለው ግን በውስጡ ያለው አልኮል ነው፡፡ በመሆኑም አልኮል አፍን የማድረቅ ባህርይ ስላለው ዳግም ለባክቴሪያዎች መፈጠርና ለችግሩ ይበልጡኑ ማገርሸት ቀላል ያልሆነ ሚናን ይጫወታል፡፡ በዚህ የተነሳም “የአፍ መታጠቢያ ፈሳሽን (mouth wash) አለመጠቀሙ ተመራጭ ነው፡፡ ፈሳሹን አብዝቶ መጠቀም የድድ መቆጣትንና የምላስ ቁስለትን በማስከተል የአፍ ጠረን መበላሸትን እንደሚያመጣም ይገለፃል፡፡ በመሆኑም የአፍ መታጠቢያ ፈሳሽ (mouth wash) ችግሩን ያጠፋን እየመሰለን እንዲያገረሽ ከማድረግ ውጪ ዘላቂ መፍትሄ ሊሆን እንደማይችል ጥናቶች ይጠቁማሉ፡፡ ከዚህ ይልቅም የቁንዶ በርበሬ ዘይትን፣ የዝንጅብል ዘይትን፣ የቅርንፉድ ዘይትን ሁለት ጠብታዎች በመጠነኛ ውሃ ቀላቅሎ ለአፍ መጉመጥመጫነት ማዋል ውጤታማ መሆኑ ይታመናል፡፡ ጨውን በውሃ ውስጥ በማሟሟት በውሀው መጉመጥመጥ ደግሞ ሌላው የመጥፎ አፍ ጠረን ማስወገጃ መንገድ ነው ይህ ካልተስማማዎት ደግሞ በጨው ፋንታ በውሃው ውስጥ ሎሚ አልያም ኮምጣጤ በመጨመር ተመሳሳይ ጥቅም ለማግኘት ይችላሉ፡፡

ማስቲካ ማኘክ የመጥፎ የአፍ ጠረንን ለማስወገድ አማራጭ አይሆንም፡፡ ማስቲካ ችግሩ እያለ ግን እንደሌለ ሸፋፍኖ ለማቆየት ካልሆነ በስተቀር ሌላ የሚፈይደው ነገር የለም፡፡ ጥናቶች እንደሚጠሙት ከሆነም አንድ በመጥፎ የአፍ ጠረን የሚቸገር ሰው ችግሩን ለማስወገድ ከማስቲካ ይልቅ ቅርንፉድ ቢያኝክ የተሻለ ውጤትን ሊያገኝ ይቻለዋል፡፡ ፓርስሊ የተሰኘውን የምግብ ማጣፈጫ ቅጠል ማኘክም የሚመከር መፍትሄ ነው፡፡ የጥርስን ንፅህና መጠበቅ ከሁሉ በላይ ወሣኝና ተመራጭ መፍትሄ ሲሆን አንድ ሰው ቢያንስ በቀን ሁለት ጊዜ ያህል ጥርሱን ማጽዳት ይኖርበታል፡፡ ጥርሱን በሚቦረሽበት ወቅት ድድን እንዲሁም ድብቅ የሆኑ የጥርስ ስፍራዎችን ጎን ለጎን ማጽዳት ይኖበታል፡፡ ከእያንዳንዱ ማዕድ በኋላ ጥርስን ማጽዳት በባለሙያዎች የሚመከር ሲሆን ይህን ማድረግ ባይቻል እንኳ በደንብ አድርጎ መጉመጥመጥ አስፈላጊ ነው፡፡ ብዙዎች የማያደርጉት ቢሆንም ምላስን በየቀኑ ማፅዳት (መቦረሽም) የሚመከር ተግባር ነው፡፡ የመጥፎ የአፍ ጠረናችን ዋነኛ መመንጫ የሆነው የምላሳችን የኋለኛው (ወደ ጉሮሯችን) አካባቢ ያለው ክፍል በመሆኑ እስከተቻለው ድረስ ይህን የምላሳችንን ኋለኛ ክፍል ለማፅዳት መሞከሩ ይመከራል፡፡

ሌላው መጥፎ የአፍ ጠረን ማስወገጃ ዘዴ “በተራቡበት ሰዓት ወዲያውኑ መመገብ” ነው፡፡ ምግብ በሆድ ውስጥ ከሌለ የምራቅ እጥረትና የአፍ ድርቀት የሚከሰቱ በመሆኑ ለአፍ ጠረን መቀየር ምክንያት ይሆናል፡፡ ሻይን መጠጣት መጥፎ የአፍ ጠረንን ለማስወገድ እንደሚረዳ በቅርቡ የወጡ ምርምሮች ይጠቁማሉ፡፡ “ፓሊፌኖልስ” (Polyphonies) የተሰኘው በሻይ ውስጥ የሚገኝ ኬሚካል በአፍ ውስጥ የሚገኙ ሰልፈር በማመንጨት የአፍ ጠረንን የሚያበላሹ ባክቴሪያዎችን በመከላከሉ ረገድ ላቅ ያለ ሚና እንዳለው ጥናቶች ይጠቁማሉ፡፡ የወተት ውጤቶች በተለያዩ ሰዎች ላይ የተለያዩ የአፍ ጠረን ውጤቶችን እንደሚያስከትሉ የተለያዩ ምርምሮች የሚጠቁሙ ሲሆን አንድ በመጥፎ የአፍ ጠረን የተቸገረ ሰው ለአንድ ሳምንት ማንኛውንም የወተት ውጤት ሣይጠቀም በመቆየት ለውጥ ያገኘና መሻሻልን ያየ እንደሁ ደጋግሞ እንዲሞክር ይመከራል፡፡ በመጨረሻም አንድ የአፍ ጠረን ችግር ያለበት ሰው በምንም ዓይነት አፉ እንዲደርቅ ሊያደርግ አይገባም፡፡ ይህ የነበረው ችግር ክፉኛ እንዲባባስ የሚያደርግ በመሆኑ ግለሰቡ (ቧ) በርከት አድርጎ ውሃ መጠጣት የሚመከር ተግባር ነው፡፡

ምንጭ፡ ለውጥ ከተሰኘው መጽሔት ላይ በአቶ በረታ ወርቁ ማሞ የተጻፈ

( ዘ – ሐበሻ )  ሼህ መሃመድ አላሙዲ ከዓለም ሃብታሞች 65ኛው ሲሆኑ ከሳዑዲ አረቢያዊ አባታቸው እና ከኢትዮጵያዊ እናታቸው የተወለዱት አላሙዲ ገንዘባቸውን  ለተለጣፊው የስፖርት ፌዴሬሽን ESFNA-ONE የሚከሰክሱት በከንቱ እንደሆነ ማንም ሊያስረዳቸው የሚችል ሊንኖር አይችልም ከሚከትሉት የፎቶ ማስረጃወች በስተቀር:: በርካታ ገንዘብ በማፍሰስ  የተክራዩት የመለስተኛ ኮሌጅ ሴቴድዮም በጣት የሚቆጠሩ ታድሚ ተመልካቾች እና ህሊናቸውን በገንዘብ በቨጡ ተጫወች  ጋር በመሆን ባዶም ሜዳ ታቅፈው የተቀመጡ ይመስላል ነበር። እኒህ ሰው በከንቱ ገንዘብ መበተኑን ትተው ለኢትዮጵያ ህዝብ እየተራበና እየተጠማ ለሚገኘው ህዝብ  መድረስ እንደሚገባቸው ማን በመከራቸው።  ለማንኛውም ፍርዱን ለእናንተ እንተወው።

ኩንትራት የያዙት ሂልቶን ሆተል ወና ሆኖ ይታይ ነበር

ኩንትራት የያዙት ሂልቶን ሆተል ወና ሆኖ ይታይ ነበር

(ዘ-ሐበሻ) የግንቦት 7 ከፍተኛ አመራር አባልና በአስመራ የሚገኘውን የግንቦት 7 ትግል ይመሩታል የሚባሉት አቶ አንዳርጋቸው ጽጌ በየመን መታሰራቸውን ግንቦት 7 ባወጣው መግለጫ አስታወቀ።

እንደ ግንቦት 7 ንቅናቄ መግለጫ ከሆነ አቶ አንዳርጋቸው ላለፉት አንድ ሳምንታት በየመን ታግተው የሚገኙ ሲሆን ለማስለቀቅ የተደረገው ጥረትም አልተሳካም። አቶ አንዳርጋቸው ወደ የመን የተጓዙት ለትራንዚት እንደሆነ የገለጸው የንቅናቄው መግለጫ የየመን መንግስት እኚህን የትግል ሰው ለኢትዮጵያ መንግስት አሳልፎ እንዳይሰጥ ስጋት እንዳለበት አስታውቋል።

በአቶ አንዳርጋቸው መታሰር ጉዳይ በሶሻል ሚዲያዎች ላይ መነጋጋሪያ የሆነ ሲሆን የፖለቲካ ተንታኙ ጃዋር መሀመድ የሚከተለውን በፌስቡክ አስፍሯል።
Jawar Mohammed On Facebook:

“Despite our difference in political opinion, I am shocked with news of Andargachew Tsige’s arrest in Yemen. This development should not be seen from partisan perspective. When added to the recent arrest and extradition of Okello Akoay, the leader of the Gambela Movement, its signals that neighboring states starting to work for the regime. Mind you Andargachew was only using Yemen as transit. This is an alarming situation for opposition political leaders and human rights advocates who have taken refuge or travel to these countries. Its to the best interest of all to exert collective pressure on the surrounding governments.”

ብርሃነ ደስታ ሃይለየስ

በአንድነታችንና በሰላም ለመኖር ወደ 1966 ክልላችን መመለሱ ይመረጣል--[ሙሉውንለማንበብእዚህይጫኑ]—–

አገራችን ኢትዮጵያ የገጠሟትን ውስብስብ ችግሮች ለማስወገድ አብሮ መስራት ወሳኝ መሆኑን  የተረዱና፤ተረድተውም በሃሳቡ ተመርተው በአንድ ላይ በመደራጀት ፣በፖለቲካው ትግል ውስጥ ገብተው  አለአንዳች ውጤት እንደጉም በነው የጠፉ ብዙዎች ናቸው።በተደጋጋሚ የሕብረት ጥሪ ይሰማል፤የዚያን  ያህል በድርጅቶችና በአባሎቻቸው ላይም የህብረቱን ጥሪ ለማስተናገድ ጫናው ተበራክቷል።ትግሉ  ትክክለኛውን ፈለግ ይዞ ይሂድ ሲባል ትክክለኛው ሕብረት እንዴትና በምን ሁኔታ እንደሚፈጠር  ተፈጥሮም ዕድሜ እንዲኖረውና ከግቡ እንዲደርስ ብልሃትና ስልት ያስፈልጋል።ይህን ሳያረጋግጡ ለዜና  ፍጆታ ብቻ መሰረት የሌለው ስምምነት ላይ ቢደረስና ሕብረት ተፈጠረ ቢባል ሕብረቱ ወደለመድነው  ውድቀትና ተስፍ አስቆራጭ ውጤት ያሸጋግረናል። ሙሉውን በፒ.ዲ.ኤፍ ለማንበብ ይህንን ይጫኑ

ከሥርጉተ ሥላሴ 01.07.2014 (ሲዊዘርላንድ – ዙሪክ)

አቶ አንዳርጋቸው ጽጌ

የነፃነት ትግል መከራን ለመቀብል ተፈቅዶና ተወዶ የሚወሰድ እርምጃ ነው። የነፃነት ትግል የጫጉላ ጊዜ ሽርሽር አይደለም። ሊሆንም ከቶውንም አይችልም። ስለዚህ ዛሬ በግንቦት 7 ጸሐፊ በአቶ አንዳርጋቸው ጽጌ የደረሰው እግታ ከትግል መስምር አንዱ በመሆኑ ሊያደናግጥ የሚገባው የዓለም ፍጻሜ አይደለም። ጀግኖች አባቶቻችንና እናቶቻችን እራሳቸውን ሰጥተው ነው ኢትዮጵያ ሀገራችን ከክብሯ ጋር ያቆዩን። ኢትዮጵያ በቀደሙት ጠላቶቿ ላይ ድልን በድል አነባብረው ነጻነትን ዘምን ከዘመን የቀለቡት – ለትውልዱ። ዐፄ ቴውድሮስ እራሳቸውን በሽጉጥ የገደሉት በመሬታቸው ነበር። ሌላ መሬት ሄደው አልነበረም። ይህ ለነፃነት የሚሰጥ የከበረ ስጦታ ነው። ዛሬ በወያኔ እስር ቤት የሚገኙት ጀግኖቻችንም ዬትም ሄደው አይደለም በመሬታቸው ላይ ነው ስቃያቸውን የሚያዩት። ዘርአይ ደረስ ደግሞ ገድሉ ዕጹብ ነው። አብዲሳ አጋ፤ ሞገስ አስገዶም፤ አብርሃም ደቦጭ ሁሎችም የተፈቀደላቸውን ጀግንነት የከወኑት በተሰጣቸው ቦታና በተፈቀደላቸው ጸጋ ነበር።  ለጀግና ሁሉ ቦታ የድርጊት መስኩ ነው። ሁሉ አጋጣሚ መሪውና መርሁ ነው። አቶ አንዳርጋቸው ጽጌም ለድሎት ሄደው አይደለም የታገዱት። ለምንመኛት አንዲት ኢትዮጵያ፤ ለውዱ  - ለክብሩ  - ለፍቅሩ ኢትዮጵያዊነት እንጂ። ይህ የትውልዱን አደራ በድርጊት ያዘከረ ሰማዕትነት ነው – ለእኔ ለሥርጉተ።

ዛሬ ኢትዮጵያ ላይ ስንት ጀግኖች በመሬታቸው መሥራትን፤ መኖርን፤ መተንፈስን፤ ማደግን፤ ታግደው ለእስር ለሞት፤ ለስደት፤ ለፍርሃትና ለስጋት፤ ለባይተዋርነትና ለሞት ተጋልጠዋል። ስለዚህ አንድ እራሱን ቆርጦ ለነፃነት ትግል ለሰጠ ጀግና የቃሉ መፈፀሚያ ውሉ ወርቅ ቀለበቱ ስለሆነ ጀግንነቱን ቢያፈልቀው እንጂ ፈጽሞ አያደበዝዘውም። ለወያኔ ሻ/ አጣናው ዋሴን ሱዳን አሳልፋ ከሰጠች በኋላ ገድሏቸዋል። ይህ ደም የጠማው አረመኔ የለመደበት ነው። መክለፍለፉ ሆነ አጋጣሚ ጠብቆ ማጥቃት መቻሉ የሚጠበቅ ነው። ቋሳ እኮ ለወያኔ የተፈጠረበት የተፈለፈለበት እጭነቱ ነው።

ወያኔ ፍጥረተ ነገሩን ሲመረመር በቀል ነው። ደሙ ትንፋሹ አካላቱ በሙሉ በጎሰኝነት የሰመጠ እንደ አራዊት የሚያስብና የሚኖር ሆኖ አብዛኞቻችን ግን የጠላታችን ማንነት ለመግለጽ ተሸማቀን ወያኔ ለማለት ድፈረት አንሶን ኢህአድግ እያልን እናቆለባብሰዋለን። እነሱ ያላፈሩበትን። ደፈረው የሚናገሩትን። ቁስለት!

የወያኔ ሃርነት ትግራይ እያፈረሰን እንዲቀጥል የፈቀድንለት እኛ እንጂ እሱ አቅም ኖሮት ፈጽሞ አይደለም። ካለ አቅምና ወርዱ የተሸከመው ህዝባዊ ሃላፊነት ስላልቻለው እንዲህ ነገን ፈርቶ ዙሪያ ገባውን በእሾኽ አጥሮ አልፎ ተርፎ ባህርማዶ ተሻግሮ በቀሉን ለማሳካት የሚንፈራፈረው። ስንት የማይታወቁ ኢትዮጵውያንን ሱዳን፤ ጁቡቲ፤ ኬኒያ፤ በመላ አረብ ሀገር ላይ እዬታፈኑ እጅግ በሚዘገንን ኢ-ሰብአዊ ድርጊት እንደተፈጸመባቸው ታሪክና ነገ የሚያወጡት ሃቅ ይሆናል።

ለዚህም ነው ጠላታችን የወያኔ ሃርነት ትግራይ ስለመሆኑ ጠንቅቅን በሚገባ ማወቅ የሚገባን። አሁንም ትግሉ ተጠናክሮ መከራው አስተቃቅፎን፤ ፈተናው ውስጣችነን አገናኝቶት፤ ጥቃቱ እልህን አመንጭቶ እንዲመራን መፍቀድ ከእያንዳንዱ በግል ከሁሉም በጋራ የሚጠበቅ ግዴታ ይመስለኛል።

የዛን ብልህ ጀግና አበራ ሀይለመድህን ጥበብ ማንበብ – መተርጎም – ማመሳጠር የሚገባውም ከዚህ አንፃር ነው። ጀግናው የጠላቱን ብልቱን አገኘው። ድሉን በእጁ አስገባ። ስለምን ጣሊያን ወይንም ወደ ጀርምን ሄዶ እጁን አልሰጠም እያሉ ሲሞግቱኝ ለነበሩት የፋሽስቱ አስትንፋስ ዬት ድረስ ሊያካልል እንደሚችል ማመዛዘን የሚያስችል  ይመስለኛል።

አቶ አንዳርጋቸው ጽጌ ለእኔ አሁንም ጀግናዬ ናቸው። ጀግንነታቸው ላመኑበት ፍላጎት እራሳቸውን በመስጠት መቁረጣቸው ብቻ ሳይሆን ማናቸውንም መከራ ፈቅደው በመቀበላቸውም ነው። ተፈጥሯቸውም ለድርጅታዊ ተግባር ፍጹም የሰጠና ብቁ ነውና።

በተረፈ ግንቦት 7 እንደ ድርጅትነቱ፤ አባላቱ እንደ አባልነታቸው በመሰምራቸው የሚሰጣቸውን ግዳጅ ሊከውኑ ይችላሉ። ወይንም መመሪያ ሊጠብቁ ይቸላሉ።  ሌሎቻችን ግን በጠገግ ከግንቦት 7 መመሪያና መርህ ለማንጠብቀው የጠራ አቋም ይዘን በድፍረት ፊት ለፊት ወጥተን ድርጊቱን ማውገዝ አለብን። እንደ ተለመደው ትግላችን በግል እንቅስቃሴ ለማድረግ የፈቀድነው በጀመርነው መስመር መረጃውን መላክ አሁኑን ያስፈልገናል። ፍጥነት ድል ነው። ለዚህም መዳህኒቱ ኢጎን መታገልና ማሸነፍ –  ከውስጥ። በወያኔ እርር ድብን አደረገን እንላለን። ግን የእውነት ነውን?! ከሆነ — ቁስሉ የወያኔ ማሸንፍን እንዳያውጅ በአንድነት መነሳት ነው። እኔ ከዬትኛውም ድርጅት አመራር አልጠብቅም። ስለምን የራሴ መሪ እራሴ ነንኝና። ቁስለቴ ይመራኛል። እህህን ታቅፌ አልተኛም። የሚጋፉኝን እዬተጋፋሁ ሰላቢዎችን ሊጎትቱኝ የሚፈልጉትን እዬገፈተርኩ ከራሴ ጋር ታርቄ ለህሊናዬ አድራለሁ።

ዛሬ በአቶ አንዳርጋቸው ላይ የደረሰው ነገር በማናቸውም የነፃነት ትግሉ ቤተሰቦች በአነሰ – በበዛ ሊከሰት የሚችል ስለሚሆን ጠንቃቃነት ጠረናችን ሊሆን ይገባል። ችግሩን ቋያውን አብሮ ለመጋፈጥ መወሰን መቁረጥ መገኘት።  የፋመ ግፊት – የፋመ ድርጊት በፍጥነት! እርግጥ ነው ጉዳዩ ባለቤት አለው። ይህ መልካሙ ነገር ነው። ነገር ግን „ ሃምሳ ሎሚ ለአንድ ሰው ሸክሙ ለሃምሳ ሰው ግን ጌጡ ነው።“ ዕድል ያላቸውም ወገኖች ይኖራሉ። ሊደመጡ የሚችሉ። ቀንም ዕድል አለው። ቦታም ዕድል አለው። ስለዚህ ሁሉም በመክሊቱ የተሰጠውን ለመከወን ይተጋ ዘንድ ዝቅ ብዬ እኔ ሎሌያችሁ አሳሰብኩኝ።

እርገት። በተረፈ አሁን ወደ ኋላና ፊት እዬሄዱ፤ የፖለቲካ ትንተና የሚሰጥበት ክፍለ ጊዜ ሳይሆን፤ እኔ – ለእኔ፤ ለራሴ ላደርግ የሚገባውን መከላከል ስጀምረው ሀገሬ ኢትዮጵያን አድብቶ እያጠቃት ካለ ባንዳ ከወያኔ ሃርነት ትግራይ ጥቃት ትድናለች። ማልቀስን ለማስቆም በሁለት እግር ቆሞ ጠላትን በማናቸውም ሁኔታ መመከት። አቅምን አክብሮ – በአቅም በአግባቡ ለመጠቀም ጥሩ አደራጅና ጥሩ መሪ መሆን። ቅንንት። መጀመሪያ ግን እራስን ማደራጀት።

ኢትዮጵያዊነትን የሚጠብቅ አምላክ ጀግኖቻችን ይጠብቅ! አሜን!

እግዚአብሄር ይስጥልኝ።

“ዓረናን ለማፍረስ ቢሞከርም አልተሳካም”
“ዓረና ሕወሓትን ያስደነገጠ እንቅስቃሴ አድርጓል”
አቶ አብረሃ ደስታ (የዓረና የፖሊት ቢሮ አባል)

የአረና ፖሊት ቢሮ አባል የሆነው አቶ አብረሃ ደስታ በወቅታዊ ጉዳዮች ዙሪያ ከሎሚ መጽሔት ምክትል ማኔጂንግ ዳይሬክተር ቶማስ አያሌው ጋር እንደሚከተለው አውግቷል፡፡

ሎሚ፡- በአሁኑ ወቅት የአረና እንቅስቃሴ ምን ይመስላል?
አብረሃ፡- ዓረና ሦስተኛ መደበኛ ጉባኤውን ካካሄደ በኋላ ከህዝብ ጋር ለመገናኘት፣ ህዝብን ለመሰብሰብ፣ ለማስተማርና ለማደራጀት እንዲሁም ለነፃነቱ እንዲነሳ ለመቀስቀስ ባቀደው መሰረት በተሳካ ሁኔታ ተግባሩን እያከናወነ ይገኛል። እስካሁን ድረስ በአስራ አምስት ከተሞች ህዝባዊ ስብሰባ ጠርተናል። በአስራ አንዱ የተሳካ ስብሰባ ሲደረግ በሽረ እንዳስላሴ፣ ዓዲግራት፣ ሑመራና ሐውዜን ግን በካድሬዎች ሴራ ተስተጓጉሏል። በሰባ አንድ የትግራይ ከተሞችና የገጠር መንደሮች የተሳካ ቅሰቀሳ ተደርጓል። የዓረናን አማራጭ ፖሊሲ የያዘ በራሪ ወረቀት ታድሏል። ዓረና ከምንም ግዜ በላይ በጥሩ ሁኔታ እየተንቀሳቀሰ ይገኛል፤ ተስፋም ተጥሎበታል። የህወሓት አባላትም ዓረናን ወደ መደገፍ የሚሸጋገሩበት አጋጣሚ ተፈጥሯል። ባጠቃላይ ዓረና ያደረገው እንቅስቃሴና እያገኘ ያለው የህዝብ ድጋፍ ህወሓትን አስደንግጦታል።

(አብርሃ ደስታ ከመቀሌ)

ግን በየተመደቡበት የስራ ዘርፍ ተሰማርተው እነሆ ህወሓትን ያንቀጠቀጠ ዉጤት አስመዝግበዋል።
በዓረና ፓርቲ እንቅስቃሴ ለመሳተፍና የበኩሉን ለመወጣት ፍቃደኛ ያልሆነ የማእከላዊ ኮሚቴ አባል አቶ ሺሻይ አዘናው ሲሆን፤ የቁጥጥር ኮሚሽኑ አባል ደግሞ ገብሩ ሳሙኤል ነው። እነዚህ ሁለት ግለሰቦች ከዓረና ጉባኤ ጀምሮ እስካሁን ድረስ በማንኛውም የፓርቲ እንቅስቃሴ፣ ስልጠና፣ ስብሰባ ወይ የፓርቲ ስራ አልተሳተፉም። እንደ አባላት የፓርቲ ወርሃዊ ክፍያም አላደረጉም። በዚህ ምክንያት በጉባኤ ተመርጠው ሓላፊነት ተሸክመው የተሰጣቸውን ሓላፊነት በአግባቡ ባለመወጣታቸው በማእከላዊ ኮሚቴ ስብሰባ ሊገመገሙና ለያዙት አፍራሽ ተልእኮ ሊከሰሱ ዕቅድ ተይዟል።
ሌላ ለችግሩ ምንጭ ነው ብለን የምንወስደው የህወሓትን ጫና መቋቋምህ አለመቻል ነው። ህወሓት በዓረና እንቅስቃሴ በመሸበሩ ምክንያት ዓረናን ለማዳከም፣ ከህዝብ ጋር እንዳይገናኝ ለማድረግ እንዲሁም ለማፍረስ ዕቅድ ይዞ እየተንቀሳቀሰ ነው። የህወሓት ዋነኛ ጠላት ዓረና ሆኗል። በዚህ ምክንያት በመከላከያ ደህንነት አማካኝነት በዓረና አባላት ላይ ጫና ለመፍጠር እያንዳንዱ የዓረና አባል ተጠንቷል። ጥናቱ ምን ይፈልጋል? በምን ሊደለል ይችላል? ይፈራል ወይ? ቢታሰር ነው የሚሻለው ወይስ ቢመከር? ወይስ ቢደበደብ? ወዘተ በሚሉ ነጥቦች ላይ ያተኩራል።
እንደ ውጤቱም ብዙ የዓረና አባላት አባልነታቸውን ከለቀቁ ገንዘብና መሬት እንደሚሰጣቸው፣ ስልጣን እንደሚሰጣቸው ወዘተ ተነግሯቸዋል። ሌሎችም አባልነታቸውን ካላቆሙ እንደሚደበደቡ፣ እንደሚታሰሩ፣ እንደሚገረፉ፣ ከስራ እንደሚባረሩ፣ ንብረታቸውን እንደሚነጠቁ፣ እንደሚገለሉ፣ እንደሚገደሉ ተነግሯቸዋል። በተነገራቸው መሰረት ጥቅም ያገኙ አሉ። ከስራቸው የተባረሩ አሉ። የታሰሩና የተገረፉ አሉ። ሃብት ንብረታቸውን የተነጠቁ አሉ። ሲቀሰቅሱ በድንጋይ የተወገሩ አሉ። አሁን ብዙ የዓረና አባላት በእስር ላይ ይገኛሉ፤ ቃላቸውን በመጠበቃቸው እና በህወሓት ሊደለሉ ባለመቻላቸው።

ስለዚህ ጥቂቶች ህወሓት በሚፈጥረው ጫና ሲደናገጡ ብዙዎች ግን በቆራጥነት እየታገሉ ነው። አቶ ሺሻይ አዘናውና ገብሩ ሳሙኤል በዓረና እንቅስቃሴ ለመሳተፍ ያልፈለጉበት ምክንያት ምናልባት በዓዲግራት በድንጋይ ስንወገር ስላዩ ይሆናል። ፍርሓትም አንድ ምክንያት ሊሆን ይችላል። በዓረና መርህ መሰረት አንድ የተቃዋሚ ፓርቲ አመራር አባል ግንባር ቀደም ሁኖ መሳተፍ ይጠበቅበታል። መፍራት የለበትም። በጥቅም ሊደለል አይገባም። ከህወሓት ጎን ተሰልፎ ዓረናን ለማፍረስ ጥረት ማድረግ የለበትም።

በፓርቲ ውስጥ ችግር ካለ በፓርቲ ስብሰባ ይገመገማል፤ ይጣራል፤ ይፈታል። በዓረና ፓርቲ የተፈጠረው የነ ሺሻይና ገብሩ በስራ ምክንያት አለመገኘት ችግር በማዕከላዊ ኮሚቴ ስብሰባ እንዲነሳ ተወስኗል። ማንኛውም የውስጥ ችግር በውስጠ ደንብ ነው የሚታየው። ዓረና የነኚህ ሁለት የአመራር አባላት እምቢተኝነት በማዕከላዊ ስብሰባ አጀንዳ እንደሚሆን ሲነገራቸው ግን “ጉባኤ መጥራት እንፈልጋለን” የሚል ደብዳቤ ለዓረና ፅህፈት ቤት አስገቡ፡፡ ራሳቸው የፈጠሩትን ችግር ላማድበስበስ በፓርቲው ውስጥ ችግር እንዳለ አስመስለው አቀረቡ። “ጉባኤ እንጠራለን” የሚል ጥያቄያቸውም በማዕከላዊ ኮሚቴ ስብሰባ እንደሚታይ ተነገራቸው።

እነሱ ደብዳቤ ሲያስገቡ ህወሓትም ዓረና እየፈረሰ ነው የሚል ወሬ መንዛት ጀመረ። በተመሳሳይ ግዜ አቶ ሺሻይ አዘናው፣ አቶ ገብሩ ሳሙኤልና አቶ አስገደ ገብረስላሴ “ፓርቲው እየፈረሰ ነው፣ አንባገነንነት እየሰፈነ ነው፣ የዓረና አባላት እየወጡ ነው፣ አስቸኳይ ጉባኤ እንድንጠራ ይፈቀድልን” የሚል መልእክት ያለው ቅሬታ ለዓረና ፅህፈት ቤት አስገቡ። “ጉዳያችሁን በስብሰባ እናየዋለን። እስከዛ ድረስ ግን እንደ አባላት በፓርቲው ስራ ተሳተፉ፣ መብታችሁን ለመጠየቅ ግዴታችሁን ተወጡ” የሚል መልስ ተሰጣቸው። አቶ አስገደ በፓርቲው ስራ ሲሳተፍ አቶ ሺሻይና አቶ ገብሩ ግን አሻፈረን አሉ።
ቀጥለውም ዓረና በተለያዩ ከተሞች ህዝባዊ ስብሰባዎችና ቅስቀሳዎች በሚያደርግበት ግዜ፣ የዓረና አመራር አባላት በስራ በተጠመዱበት ግዜ በስራ ከመሰማራት ይልቅ “ፓርቲው እየፈረሰ ነው፣ አስቸኳይ ጉባኤ እንጠራለን” የሚል ፅሑፍ ድጋሚ አስገቡ። ህወሓትም ተመሳሳይ አጀንዳ ፈጠረ። ዓረና እየፈረሰ ነው እያለ ፕሮፓጋንዳ መንዛት ጀመረ። ጉዳዩ ሌላ ተልእኮ እንዳይኖረው በመጠርጠር መቐለ የሚገኙ የዓረና የስራ አስፈፃሚ አባላት ተሰብስበው “የአስቸኳይ ጉባኤ” ጥያቄ ለመመለስ ያህል ጥያቄው ፕሮሲጀሩን (Procedure) ጠብቆ መምጣት እንዳለበት ወሰኑ።

በዚሁ መሰረት ሦስቱ ቅሬታ አቅራቢዎች የዓረናን ህገ ደንብ አክብረው ህገ-ደንቡ በሚፈቅደው መሰረት ጥያቄያቸውን እንዲያቀርቡ ተነገራቸው። አቶ አስገደ ገብረስላሴ ተራ አባል እንደመሆኑ መጠን ማንኛውም ጥያቄ ለመሰረታዊ አደረጃጀት ያቀርባል። መሰረታዊ አደረጃጀቱ ጥያቄውን መርምሮ ከተቀበለው ለክልል ፅህፈት ቤት ያስገባል። ስለዚህ አስገደ በዓረና ህገ-ደንብ መሰረት ጥያቄውን በመሰረታዊ አደረጃጀቱ በኩል እንዲያስገባ ተጠየቀ፤ ህገ ደንቡ የሚፈቅደው ይሄ ነውና። አስገደ ያለበት መሰረታዊ አደረጃጀት አባላትና ሐላፊዎች ግን የአስገደን ጥያቄ እንደማያውቁ፣ ቅሬታም እንዳላስገባላቸው መሰከሩ። ስለዚህ አስገደ ለሚመለከታቸው አካላት ቅሬታውን አለማቅረቡ ታወቀ። በህገ-ደንቡ መሰረት አንድ ተራ አባል መሰረታዊ አደረጃጀትን ሳያሳውቅ ዘው ብሎ ወደ ክልል ፅሕፈት ቤት አያስገባም። አንድ ተራ አባል አስቸኳይ ጉባኤ ለመጥራት የመሰረታዊ አደረጃጀቱ አባላት ሊቀበሉትና ሊያፀድቁት ይገባል።

አቶ ሺሻይ አዘናው የማዕከላዊ ኮሚቴ አባል በመሆኑ ጥያቄውን ለማዕከላዊ ኮሚቴ እንዲያቀርብ ተነገረው። የማዕከላዊ ኮሚቴ አባል “አስቸኳይ ጉባኤ” ለመጥራት ከማእከላዊ ኮሚቴ አባላት ቢያንስ አንድ ሦስተኛ ሊቀበሉት ይገባል። ከሃያ አምስቱ የዓረና ማእከላዊ ኮሚቴ አባላት ሺሻይ አዘናው አንድ ነው። አንድ የማእከላዊ ኮሚቴ አባል አስቸኳይ ጉባኤ የመጥራት ስልጣን የለውም፤ በህገ-ደንቡ መሰረት። የሺሻይ ጥያቄ በማዕከላዊ ኮሚቴ ስብሰባ እንደሚታይ ግን ተነግሮታል። የዓረና ማዕከላዊ ኮሚቴ ስብሰባ በሁለት ሳምንታት ግዜ ውስጥ እንደሚካሄድም ተነግሮታል። የማዕከላዊ ኮሚቴ አባል ጥያቄ በማዕከላዊ ኮሚቴ ስብሰባ ይፈታል።

ሦስተኛው ቅሬታ አቅራቢ አቶ ገብሩ ሳሙኤል ደግሞ የቁጥጥር ኮሚሽን አባል በመሆኑ ቅሬታው ይሁን የአስቸኳይ ጉባኤ ጥያቄ ለሚሰራበት የቁጥጥር ኮሚቴ ማቅረብ ይጠበቅበታል። ጥያቄው ለኮሚሽኑ ካቀረበ በኋላ የኮሚሽኑ አንድ አራተኛ አባላት ከተቀበሉት ጥያቄው ተቀባይነት ይኖረዋል። አቶ ገብሩ ሳሙኤል ግን ለቁጥጥር ኮሚሽን ያቀረበው ጥያቄ የለም። በመሆኑም የገብሩ ጥያቄ ወደ ቁጥጥር ኮሚሽን መሆን እንዳለበት ተነግሮታል።

የሦስቱም ጥያቄዎች በዓረና ህገ-ደንብ መሰረት procedure ጠብቀው መምጣት እንዳለባቸው ሲነገራቸው አቶ ሺሻይና አቶ ገብሩ “ጥያቄያችን ታፍኗል” ብለው የዓረናን ስም የሚያጠፋ ፅሑፍ በተኑ። “በፓርቲው ህገደንብ መሰረት አስገደ ወደ መሰረታዊ አደራጃጀትህ አስገባ፣ ሺሻይ ወደ ማእከላዊ ኮሚቴ ስብሰባ አቅርበው፣ ገብሩ ሳሙኤል ደግሞ ወደ ቁጥጥር ኮሚሽን አቅርብ። ከዛ ጥያቄያቹ መስመራቸውን ጠብቀው ይፈታሉ” የሚል መልስ ሲሰጣቸው “ታፈንን” አሉ። በፓርቲው ብዙ ችግሮች እንዳሉ ተናገሩ። “ፕሮሲጀር (procedure) ተከተሉ” ማለት ጥያቄን ማፈን አልነበረም። ግን አደረጉት። ፓርቲ የፈረሰ አስመስለው ደጋፊዎቻችንን ለማደናገር ሞከሩ። ይህ ተግባር ህወሓት ከሚሰራው ጋር ይመሳሰላል። የዓረና ፓርቲ ችግሮች ያሏቸውን ዘረዘሩ። ግን እንዴት ማወቅ ቻሉ? ከፓርቲው እንቅስቃሴ ከተሰናበቱ ኮ ዘጠኝ ወራት አስቆጥረዋል። በምናደርገው ስብሰባም ይሁን ስልጠና ወይ ሌላ እንቅስቃሴ አይሳተፉምኮ። የፓርቲውን ውስጣዊ አሰራር ለመገምገም ኮ በፓርቲው እንቅስቃሴ መሳተፍ ግድ ይላል።
እንግዲህ ጥያቄያችሁን በአግባቡ አቅርቡ ስለተባሉ ነው “ታፍነናል” ብለው ፀረ ዓረና እንቅስቃሴ ያደረጉት። ዓረና ቢሆኑ ኑሮ ዓረናን ለማስተካከል ጥረት ባደረጉ ነበር። “በአስቸኳይ ጉባኤ ጥሪ” ስም ባለፈውም ዓረናን ለማፍረስ ተሞክሮ እንደነበር አውቃለሁ። አልተሳካም፤ አሁንም አይሳካም። ጉዳያቸው ግን በማዕከላዊ ኮሚቴ ስብሰባ ይታያል።

ሎሚ፡- የፓርቲያችሁ ፀሐፊ ፓርቲውን ለቅቋል፤ ምክንያቱ ምንድነው?
አብረሃ፡- አዎ! የፓርቲያችን የአደረጃጀት ጉዳዮች ሓላፊ የነበረው አቶ ስልጣኑ ሕሸ ከፓርቲው ለመልቀቅ ደብዳቤ አስገብቷል። እንደ ዓረና መርህ ማንኛውም ሰው ፖሊሲያችንና የፖለቲካ አቅጣጫችን እስከተስማማው ድረስ ወደ ፓርቲያችን የመግባት መብት አለው። በፈለገው ግዜም ከፓርቲያችን መልቀቅ ይችላል። መብቱ ነው። ያለ ፍላጎቱ ተጨቁኖ የሚኖር አባል መኖር የለበትም። አቶ ስልጣኑም መልቀቅ ፈልጓል። ለመልቀቅ ያቀረበው ምክንያት አሳማኝ ሆኖ አላገኘሁትም። ግን መልቀቅ መፈለጉ በራሱ በቂ ምክንያት ነው። ፖለቲካ የህሊና ስራ ነውና።
አቶ ስልጣኑ ሕሸ በመልቀቁ ምክንያት ዓረና ብዙ ነገር አጥቷል ብዬ አስባለሁ። ምክንያቱም አቶ ስልጣኑ ጠንካራና ጀግና ከሚባሉ የዓረና መሪዎች አንዱ ነበረ። ዓረናን ይመራል ተብሎ ተስፋ የተጣለበት ወጣት ነበር። የስልጣኑን ጥንካሬ ግምት ውስጥ በማስገባት ያቀረበው የመልቀቅያ ምክንያት አሳማኝ ሊሆን አይችልም። በፓርቲው ስብሰባ ወይ ግምገማ ማቅረብ ይችል ነበር። እንደግፈው ነበር። የምናምነውና የምንኮራበት ጓዳችን ነበርና ነው። ስለዚህ መውጣት ፈልጓል። ምክንያቱን በግልፅ ስላልነገረን የመውጣት ፍላጎቱን መከልከል አልፈለግንም፤ አንችልምም። ግን እስካሁን ብዙ ነገር ሰርቷል፤ ብዙ አባል አፍርቷል፤ ብዙ አስተዋፅዖ አበርክቷል። የፓርቲውን ግዴታ በአግባቡ የተወጣ ጀግና ነው። ላበረከተው አስተዋፅዖ የምስጋና ደብዳቤም ያስፈልገዋል።

ሎሚ፡- አንዳንድ አስተያየት ሰጪዎች አረና ውስጥ የሕወሓት ሰርጎ ገቦች ገብተዋል ይላሉ፤
አብረሃ፡- አዎ! ዓረና ውስጥ የህወሓት አባላት ሳይገቡ አልቀረም። የሚናገሩትና የሚሰሩት ዓረናን ለማፍረስ ያለመ ይመስላል። ግን አጣርተናል ብለን ነው የምናምነው። ህወሓት ሆነው ወደ ዓረና የገቡ፣ ዓረና ሆነው በጥቅም ተደልለው ለህወሓት የሚሰልሉ ቅጥረኞችም ይኖራሉ። መረጃው ቶሎ ይደርሰናል። አፋጣኝ መፍትሄ እናደርጋለን። ስለዚህ የህወሓት በዓረና መግባት ብዙ ችግር አይፈጥርብንም። ችግር እየፈጠረብን ያለው ጠንካራ አባሎቻችን መታሰራቸው ነው። ጉዳት እየደረሰባቸው ነው። አሁን ያለውን የህዝብ መነሳሳት በአግባቡ ለመምራት ብዙ ቋሚ ሰራተኞች መቅጠር ይጠበቅብናል።
ሎሚ፡- ከአንድነት ጋር ልትዋሃዱ ነው የሚባለው ነገር ምን ያህል እውነት ነው?

አብረሃ፡- ለመዋሃድ ያሰብነው ከመድረክ አባላት ጋር ነው። በመድረክ ውስጥ ደግሞ አንድነት፣ ኦፌኮና ደቡብ ሕብረት ኢሦዴፓ እንዲሁም ሲአን አሉ። ስለዚህ ከተቻለ እነዚህ ፓርቲዎች በሙሉ ከዓረና ጋር ቢወሃዱ ምርጫችን ነው። ምክንያቱም አንድ ጠንካራ ሀገራዊ ፓርቲ መመስረት ነው የምንፈልገው። ይህ ካልተቻለ ግን ከኦፌኮ ወይ ከአንድነት ወይ ከደቡብ ሕብረት ወይ ከሲአን ጋር እንወሃዳለን። አንድነቶች ከመኢአድ ጋር ለመወሃድ ጥረት እያደረጉ ነው። ውህደቱ ከተሳካ ጥሩ ነው። ዓረናም ተመሳሳይ አጀንዳ ከሚያራምዱ ፓርቲዎች ጋር የመወሃድ ዕቅዱ ይተገብራል። ባጭሩ ባሁኑ ግዜ አንድነት ከዓረና ሳይሆን ከመኢአድ ጋር ለመዋሃድ ነው ጥረት እያደረገ ያለው። ዓረናም የአንድነትና የመኢአድ ውህደት ይደግፋል። ምክንያቱም ዓረና ጠንካራ ውሁድ ሀገራዊ የተቃውሞ ፓርቲ የማየት ራዕይ አለው።

ሎሚ፡- ፓርቲያችሁ በስፋት በሚንቀሳቀስበት ትግራይ ያለው ተቀባይነት ምን ይመስላል?
አብረሃ፡- ዓረና በትግራይ ደረጃ እየተንቀሳቀሰ ነው። ሰፊ ድጋፍ እንዳለውም አረጋግጠናል። የትግራይ ህዝብ ሙሉ በሙሉ ለውጥ እንደሚፈልግ ለማወቅ ችለናል። ህወሓትም ይህንን ጉዳይ በሚገባ ተረድቶታል። እናም ብዙ እንቅፋቶች ለመፍጠር እየሞከረ ነው። “ዓረና አያድናችሁም፣ ከፈለግኩ አስራቸዋለሁ ከፈለግኩ እለቃችዋለሁ” እያለ ህዝብን እያስፈራራ ነው። “ዓረና እየፈረሰ ነው። ዓረና አስፓልት መንገድ፣ ባቡር ሃዲድ፣ ሆስፒታል፣ ትምህርት ቤት ወዘተ ሰርቶ አያውቅም” እያሉ ህዝብን እያጭበረበረ ይገኛል። ስም የማጥፋት ዘመቻ ተከፍቶብናል። የህወሓት የደህንነት ሰዎች ራሳቸው አሳስረው ራሳቸው “እናስፈታችኋለን” እያሉ ህዝብን እያስደነገጡ ነው። ፍትሕ ግን ሊሰጡ አልቻሉም።

ሎሚ፡- አሁን ላይ ሆነህ ቀጣዩን የ2007 ምርጫ እንዴት ትመለከተዋለህ?
አብረሃ፡- የ2007 ምርጫ ከባድ ነው የሚሆነው። ምክንያቱም ህወሓት ምንም የህዝብ ድጋፍ እንደሌለው ከወዲሁ አረጋግጧል። ስለዚህ ፍትሓዊ ምርጫ ከተደረገ፣ የህዝብ ድምፅ ከተከበረ መሸነፉ አይቀርም። ህወሓት ግን ሽንፈቱን ለመቀበል ዝግጁ አይሆንም፤ ስልጣን መልቀቅ አይፈልግምና። ስለዚህ ጥሩ እንቅስቃሴ የሚያደርጉ የተቃዋሚ ፓርቲ አመራር አባላትን ማሰሩ አይቀርም። የምርጫ ታዛቢዎችን መከልከሉ አይቀርም። የምርጫ ኮሮጆውን በጠመንጃ መጠበቁ አይቀርም። ህዝቡ ግን ለውጥ ይፈልጋል። እኛ ለለውጥ ቀስቅሰን፣ አነሳስተን የህዝብ ድምፅ ሲታፈን ህዝቡ ምን ሊያደርግ እንደሚችል ስለማይታወቅ ህወሓት ተጨናንቋል። ስለዚህ የህወሓት ጭንቀት ላልመረጥ እችላለሁ የሚል አይደለም፤ እንደማይመረጥማ አውቋል። የህወሓት ጭንቀት ህዝቡን እንዴት መቆጣጠር ይቻላል የሚል ነው።
ዓረና እስከ 2007 ምርጫ አሁን ባለው መንፈስና ጥንካሬ መንቀሳቀስ ከቻለ ግን አብዛኞቹ የህወሓት ካድሬዎችም ጭምር የማሳመን ከፍተኛ ዕድል አለው። የምርጫን ውጤት ሊያጭበረብሩና ሊሰርቁ የሚችሉ ካድሬዎች በለውጥ ማዕበሉ ሰጥመው ለፓርቲ ሳይሆን ለሀገርና ህዝብ እንዲሰሩ የማድረግ አቅም አለን። በተንቀሳቀስንባቸው አካባቢዎች ያገኘናቸው ካድሬዎች ፈጣን የሆነ የአመለካከት ለውጥ ታይቶባቸዋል። ስለዚህ የጨዋታ ካርዱ በህዝቡ አይደለም ያለው፤ በካድሬዎቹ ነው። ምክንያቱም ህዝቡማ ህወሓትን እንደማይመርጥ ተረጋግጧል። ጥያቄው የህዝቡ ድምፅ ይጭበረበራል ወይ የሚል ነው። ህወሓት የራሱ ካድሬዎች እንኳን የዓረናን እንቅስቃሴ አይተው እየካዱት ነው። ስለዚህ የ2007 ምርጫ ወሳኝ ነው።

የቅዱስ ጊዮርጊስ ክለብ በታህሳስ 1928 ዓ.ም ተመሰረተ፡፡ የመጀመሪያውን ጨዋታ አራራት ከተባለ የአርመን ኮሚኒቲ ቡድን ጋር በየካቲት ለመጫወት ቀጠሮ ያዘ፡፡አራራት ጨዋታው ህጋዊ በመሆኑ ተሟልተው እንዲመጡና ሰዓት እንዲከበር አሳሰቡ፡፡የጊዮርጊስ ተጫዋቾች ወደ ጨዋታው ለመሄድ ዶሮ ማነቂያ በሚገኘው በአቶ ዱካስ ቤት ተሰባሰቡ፡፡

(ጋዜጠኛ ገነነ መኩሪያ)

ነገርግን አንድ ሰው ቀረ፡፡ ካልተሟሉ መጫወት እንደማይችሉ አውቀውታል፡፡ይሄን ቦታ የሚሸፍን ሰው እየፈለጉ ተክሌ የሚባል የትምህርት ቤት ጓደኛቸውን አገኙት ሀሳቡን ነገሩትና በጎደለ ቦታ እንዲገባላቸው ጠየቁት፡፡እሱም በሀሳቡ ተስማማ ፡፡ወፍጮ ቤት ተልኮ እየሄደ በመሆኑ ‹‹እስክጨርስ ትጠብቁኛላችሁ?›› አላቸው ፡፡እነርሱም በነገሩ ተስማሙ፡፡ቢጠብቁት ቶሎ ሊመጣ አልቻለም ፡፡ሰዓት እየደረሰባቸው ሄደ፡፡ በዚህን ጊዜ ይድነቃቸው ተሰማን በዚያ ሲያልፍ መንገድ ላይ አገኙት፡፡ ብዙዎቹ ልጆች ነጋድራስ ተሰማ እሸቴ ግቢ የቄስ ትምህርት ስለሚማሩ ያውቁታል፡፡እንዳገኙት ሰው ስለጎደላቸው እንዲጫወትላቸው ፈለጉና ጠየቁት፡፡‹‹ ለናንተ ስሰለፍ ምን ታደርጉልኛላችሁ?››አላቸው፡፡እነርሱም ‹‹ቆሎ እንገዛልሀለን››አሉት፡፡በነገሩ ተስማማ፡፡ በቂ ገንዘብ ባይኖራቸውም በችሎታው ስለሚያደንቁትና ስለፈለጉት ነበር ቆሎ የገዙለት፡፡ቆሎው ለሙያው የተከፈለ ነበር፡፡በኢትዮጵያ እግር ኳስ የፊርማ ክፍያ ተብሎ የሚወሰደው ይሄ እንደሆን ይታመናል፡፡ በነገራችን ላይ የቆሎው ነገር ብዙ ግዜ ክርክር አስነስቷል፡፡ሸዋንግዛው አጎናፍር ጊዮርጊስ እያለ ምንም ደሞዝ አያገኝም፡፡እሱ ብቻ ሳይሆን እነመንግስቱ ወርቁ በብላሽ(በነጻ) ነው የሚጫወቱት፡፡ሸዋንግዛው‹‹ለሙያችን ሊከፈለን ይገባል››ብሎ ከአቶ ይድነቃቸው ጋር ሲከራከር እሳቸው‹‹ የሀገሪቱ ህግ አማተሪዝም በመሆኑ ተጫዋች ለሙያው ገንዘብ አይከፈለውም ››ሲሉ እሱም‹‹ጋሼ!!አንተም እኮ ጊዮርጊስ ለመጀመሪያ ጊዜ ተጫወትልን ሲሉህ ምን ታድርጉልኛላችሁ ብለህ ቆሎ ያስገዛኸው ለሙያህ ነው ፡፡እኛም ለሙያችን ሊከፈለን ይገባል ››ብሎ ብዙ ጊዜ ይሞግታቸው ነበር፡፡፡

ከዚያ በኋላ በተለያየ ጊዜ ለሙያቸው ጥቅም እየጠየቁ ለሚፈልጓቸው ክለቦች የተጫወቱ ብዙ ናቸው፡፡ፓቼ የተባለ የሀማሴን ተጫዋች ወደ ክላባቸው እንዲገባ ሲጠይቁት‹‹ ምን ታደርጉልኛላችሁ›› ብሎ ላቀረበው ጥይቄ ሻይ ቤት ከፍተው ሰጡት፡፡ ደጋፊው ፉል የሚበላው እዛ ስለሆነ ተጠቃሚ ነበር ፡፡ጀሚል ሀሰን የተባለ የቴሌ ተጫዋች ለመፈረም ሲደራደር ቴሌ ከሀገር ውጭ ስልክ በነጻ እንዲደውል ተስማማሙ፡፡ ነገር ግን ውጭ ሀገር ዘመድ አልነበረውም ( ከውሉ በኋላ ወደ ሀገር ቤት ስለተመለሱ)፡፡ጌታቸው ወልዴ የኮተን ደጋፊዎች የቤት እቃ ስለገዙለት ሌላ ክለብ ሳይሄድ እዛው ለመቀጠል ተስማማ፡፡ዳኛቸው ደምሴ ኮተን ሊወስደው ስለፈለገ የቅዱስ ሚካኤል ሀላፊ አምስት ታኬታ ስጡኝና ለቅላችኋለው ስላለ ተስማሙ፡፡ሰለሞን የተባለ ተጫዋች አውራ ጎዳና በጥብቅ ስለፈለገው የአባቱን መኪና ጋራዥ ውስጥ በነጻ እንዲሰራላቸው ስለተስማሙ ፈረመ፡፡ተስፋልደት ወደ ሀማሴን ቡድን ለማምጣት ሙከራ ተደርጎ አልተሳካም፡፡ ለቴሌ ሊፈርም ጫፍ ደረሰ፡፡ ለጋብቻ ሽማግሌ ወደ እጮኛው ቤት ላከ፡፡ አባት ልጃቸውን ለመስጠት አንገራገሩ፡፡ጭራሽ አሻፈረኝ አሉ፡፡ አባትየው የሀማሴን ደጋፊ ስለነበሩ ለክለቡ ካልፈረመ ልጄን አልሰጥም አሉ፡፡አባትየው ብቻ ሳይሆኑ ክለቡ እዚህ ነገር ውስጥ እጁን እንዳስገባ ስለወቀ ለሀማሴን ፈርሞ የሚወዳትን ልጅ አገኘ፡፡የዚህ ፊርማ ደግሞ ለትዳር የተከፈለ በመሆኑ ዋጋው ከፍ ያለ ነው፡፡ለነገሩ ክለቡ ሰርጉን ከፍ አድርጎለታል፡፡በኢትዮጵያ አትሌቲክስ ውስጥ ውጤት በማምጣት ትልቅ ድርሻ ያላቸው ዶክተር ወልደመስቀል ኮስትሬ ናቸው፡፡

ዶክተር ወልደመስቀል በአትሌቲክስ ብቻ ሳይሆን በእግር ኳስ ላቅ ያለ ነገር እንደሰሩ ታውቃላችሁ? ፡፡የኢትዮጵያ ብሄራዊ እግር ኳስ ቡድን ለሰባተኛ አፍሪካ ዋንጫ ካሳለፉት አሰልጣኞች አንዱ ናቸው፡፡የጊዮርጊስንም ቡድን በማሰልጠን ሁለት ጊዜ ሻምፒዮና አድርገዋል፡፡ለክለቡ ዋንጫ ማምጣት ብቻ ሳይሆን የቡድኑ ወሳኝ ተጫዋቾች እነ ሸዋንግዛው ፍሰሃና አምስት ተጫዋቾች በአንድ ላይ ለትምህርት ወደ አሜሪካ ሲሄዱ ቡድኑ ባዶ ስለሆነ ከታችኛው በድን እነ ስዩም አባተ፤ተስፋዬ ጥላሁን ፤ዘሪሁን ፤ቱርክን በማሳደግ ቡድኑን እንደገና ጠንካራ ያደረጉ ሰው ናቸው፡፡ወልደመስቀል ተማሪ እያለ ለጊዮርጊስ እግር ኳስ ክለብ በተጫዋችነት በሁለተኛው ቡድን ሊያስፈርሙት አነጋገሩት ነገርን የአንበሳ ቡድን በጣም ስለፈለጋቸው ምን ታደርጉልኛላችሁ ብለው ሲጠይቁ ‹‹የአመት የአውቶብስ ቲኬት እንሰጥሀለን››ሲሉት ወጣቱ ወልደመሰቀል ለአንበሳ ቡድን ፈረመ፡፡አሸናፊ ግርማ ኮተን ክለብ ስለፈለገው በአስር ኳስ ልዋጭ አስፈረሙት፡፡

… እንግዲህ ከጅማሬው ለሙያ ክፍያው በገንዘብ፤ በቁሳቁስ፤ በትዳር እያለ ዛሬ ድረስ መጥቷል፡፡ እነዚህ ሁሉ ለመፈረም በሚቀርበው ጥያቄ ስምምነት የተደረገባቸው ነበሩ፡፡እነዚህ ነገሮች ቀደም ሲል በአማተሪዝም ህግ ተጫዋቾች ገንዘብ መቀበል ስለማይችሉ በቁሳቁስና በተደበቀ ጥቅማጥቅም ይፈጸም ነበር፡፡በ1988 ዓ.ም ቀደም ሲል የነበረው ህግ ፈርሶ ተጫዋች በኮንትራት አንዲጫወቱ በመደረጉ ክለቦች የሚፈልጓቸውን ተጫዋቾች ሲያነጋግሩ ድርድሩ ወደ ጥቅም ስምምነት እየተሸጋገረ መጣ ፡፡ፋሲል አብርሃ የተባለ ተጨዋች ኒያላ ሲጠይቁት ተስማማ፡፡ ደሞዙንም ተነጋገረና ለክለቡ ለመጫወት መፈረም ነበረበት፡፡ቴሴራ ላይ ፈርም ሲሉት‹‹ለመፈረም ስንት ትሰጡኛላችሁ ››አላቸው፡፡ከብዙ ክርክር በኋላ አንድ ሺህ ብር ተስማሙ፡፡ጌታቸው ከሳ በተመሳሳይ ቡና ለመፈረም 2 ሺህ ተስማማ፡፡ፋሲል‹‹ለመፈረም ክፈሉኝ››ካለ በኋላ ወሬው ተራባ‹‹ምን አይነት ስግብግብ ነው? ለመፈረም እኮ ገንዘብ ስጡኝ አለ››በሚል ተወራ፡፡ በዚህ የተነሳ ስያሜው‹‹ የፊርማ›› ተባለ፡፡ፋሲል በሚቀጥለው አመት መድን ሲገባ‹‹ ባለፈው አመት(በ1988) ኒያላ ለመፈረም 1 ሺህ ከፍለውኝ ነበር፡፡ እናንተ ስንት ትሰጡኛላችሁ››አላቸው፡፡ መድን የፊርማ የሚባለውን ነገር ስለማያውቁ ብዙ ተከራከሩት ነገር ግን ስለፈለጉት ብቻ የጠየቀውን ለመፈጸም ተስማሙ፡፡አንዳንድ ተጫዋቾች ፋሲልን ‹‹ፈጣጣ ነው›› ሲሉ የነበሩ እነርሱ ራሳቸው እሱ በቀደደው መንገድ ገቡና ክለብ ሲጠይቃቸው ‹‹የፊርማ ››ማለት ጀመሩና እነሆ በቆሎ የተጀመረ የፊርማ ጥያቄ በ1988 ዓ.ም ወደ ገንዘብ ተቀይሮ ‹‹የፊርማ ››የሚል ስም ወጠወቶለት ከ1 ሺህ ተነስቶ 20 አመት ባልሞላ ጊዜ ውስጥ 1 ሚሊዮን ብር ደርሷል፡፡ገንዘቡ ቢያድግም በእግር ኳሱ ላይ ለውጥ የለም፡፡ለውጡ ባይኖርም በክፍያ ደረጃ እኛ ሀገር ያሉ ተጫዋቾች ምስራቅ አፍሪካ ካሉ ተጨዋቾች እንኳን በጣም ያነሰ ክፍያ ነው የሚያገኙት……….

ብዙዎቹ ሰዎች ከፊርማ ጋር በተየያያዘ ተጫዋቹ ሙሉ ገንዘቡን አያገኙም የሚል እምነት አላቸው፡፡ሀሜቱ ከፍ እያለ መጥቶ የስፖርት ቤተሰቡ ይሄ ነገር እንዲጣራና እውነቱ እንዲወጣ ግፊት እያደረጉ ነው፡፡በተጨዋቹ ስም ከጀርባ ሌሎች የሚጠቀሙ በመሆኑተጨዋቹ ስም ብቻ ነው ያተረፈው የሚሉም አልጠፉም፡፡ይሄን ሀሜት ለማስቀረትና ተጨዋቹን አመቱን ሙሉ በንቃት እንዲጫወት ደሞዝ ተመራጭ እንደሆነ ይታመንበታል፡፡ለምሳሌ ተጨዋቹ በ800 ሺህ ቢስማማና ለሁለት አመት ቢፈርም ይሄን በደሞዝ መልክ እንዲያገኝ ማድረግ ይቻላል፡፡ 800 ሺህ በ24 ይከፋፈልለታል፡፡ ይሄ ማለት በወር 33 ሺህ ይደርሰዋል፡፡ደሞዙን በወር ከባንክ ሄዶ ይወስዳል፡፡ስለዚህ ሙሉ ገንዘቡ በወራት ተከፋፍሎም ቢሆን ያገኛል፡፡ይሄ አካሄድ የሚባለውን ወሬ በሙሉ ያስቀራል፡፡ እዚህ ውስጥ ፐርፎርማንሱ ታስቦ ደሞዙ ቢደላደል አዋጭ ይሆናል፡፡በየጊዜውደሞዙን ታሳቢ አድርጎ ይሰራል፡፡ትሬኒንግ ከቀረ፤ስርዐት ከጣሰ፤የመሳሰለውን ጥፋት ከፈጸመ ከደሞዙ ጋር ይነጋገራል(ሊቆረጥበት ይችላል) ይሄ በደንቡ ተፈጻሚ ሊሆን ይችላል፡፡አሁን ግን የፊርማ ይወስድና በየወሩ ሁለት ሺህ ብር ያህል ደሞዝ ይቀበላል፡፡ይሄ ደግሞ ምንም አያጓጓውም፡፡በወር 33 ሺህ መጠበቅና ሁለት ሺህ መቀበል ልዩነት አለው፡፡ በሌላ በኩል እንዲህ አይነቱ ክፍያ ደግሞ ችግር አለው፡፡ኮንትራቱ ወደ ማለቂያ ጊዜ ልጁና ክለቡ ከተቀያየሙ ለመበቀል ምክኒያት ፈልገው በቅጣት መልክ ግማሹን ደሞዝ ሊቀጡት ይችላሉ፡፡ክለቡን እንዳይለቅ በግዳጅ ቀጣይ ኮንትራት እንዲፈርም በቅጣት ደሞዙን ሊይዙበት ይችላሉ፡፡

አንዳድ ሰዎች ‹‹ይሄን ያህል ብር ለፊርማ እየወጣ ለምን ጠንካራ ፉክክር አይደረግም? በሚል ሲጠይቁ ይደመጣሉ፡፡ በርግጥ ጥያቄው ሲታይ ትክክል ሊመስል ይችላል፡፡አሰልጣኙ ስድስትና ሰባት ተጨዋች ለፊርማ አስከፍሎ ተጨዋቾችን ከሰበሰ ጠንካራፉክክር ማድረግ ይጠበቅበት ነበር፡፡ግን ጥሩ ጨዋታና ተመልካቹን የሚያረካ ፉክክር የለም፡፡ተጨዋቹ አንድ ቦታ ስለማይቆይመግባባትናመዋሀድ ሲጀምር ኮንትራቱ አጭር ስለሆነ ወደ ሌላ ክለብ ይገባል፡፡ የዛሬ አስራ አምስትና ሀያ አመት የክለቦች ፉክክር ጠንካራ የነበረው አንድም ተጫዋቾች ለረጅም ጊዜ አንድ ክለብ በመቆየታው ነበር፡፡አንድ ላይ ቢያንስ ከአምስት አመት በላይ ይቆያሉ፡፡እነሙሉጌታ ፤ገብረመድን፤አዲሴ፤ጌቱ…የመሳሰሉት ጊዮርጊስ አንድ ላይ ለብዙ አመት ተጫወቱ( በተለይ ሙሉጌታና ገብረመድን አንድ ላይ ለአስር አመት ተጫውተዋል) ቡና ደግሞ ሚሊዮን፤ዮናስ፤ሙሉጌታ፤አሸናፊ የመሳሰሉት ከስድስት እስከ አስር አመት አንድ ላይ የነበሩ ናቸው፡፡ እነዚህ ተጫዋቾች ለብዙ አመት የሚተዋወቁ በመሆናቸው አሰልጣኝ ቢቀያየር እንኳን እነርሱ ለብዙ ጊዜ የተግባቡ በመሆናቸው ክለባቸው በጥሩ አቋም ላይ ስለሚገኝ ጥሩ ፉክክር ያሳያሉ፡፡ከታች የሚያድጉትም የነርሱን ፈለግ በመከተል ከዋናዎቹ ልምድ እየወሰዱ እዚያው ቡድን ውስጥ ለረጅም ጊዜ ስለሚቆዩ የክለቦቹ ቅርጽ ሳይቀየር የጠንካራ ፉክክር ይታያል፡፡፡ይህ ብቻ ሳይሆን ደጋፊውም ተጨዋቾቹ ክለቡ ውስጥ ብዙ አመት በመቆየታቸው የኔ ናቸው ስለሚል እንደ ቤተሰብ ነው የሚያያቸው፡፡አሁን ግን በያመቱ ተጫዋች ከክለብ ወደክለብ ስለሚዘዋወር ዛሬ የኔ ነው ያለው በአመቱ የሌላ ክለብ በመሆኑ ቤተሰባዊ ነገሩን በደጋፊው በኩል አይገኝም፡፡

….. በመቆየት በሚፈጠረው መግባባት የተሻለ ቡድን ከመገንባቱ በተጨማሪ ቡድኖች በያመቱ በአዳዲስ ተጫዋች ሲገነቡ ከሚፈጠረው ትርምስምስ የጸዳ እንዲሆን አሰራራሩ መቀየር ይኖርበታል፡፡ውድድሩ የፌዴሬሽኑ በመሆኑ በዚህ ላይ ህግ ማውጣት ይኖርበታል፡፡አንደኛው ነገር ዝውውሩ ተጨዋችና ክለብ መሆኑ ቀርቶ ክለብ ለክለብ ይሁን፡፡የፊርማ የሚለው በሽያጭ ይተካና የሽያጩን ክለቡ ይቀበል፡ በዚህ ስምምነት ከተደረሰ አንድ ተጫዋች ለአምስት አመት እንዲፈርም ይደረግ (እድሜው የገፋውን አንድና ሁለት አመት ወጣቶችን ደግሞ የረጅም ጊዜ ኮንትራት ይሁን) አንድ ተጫዋች ለአምስት አመት ለመፈረም ሲስማማ ደሞዙ ቢያን እስከ ሰላሳ ሺህ ይደረግ፡፡(በፊት በፊርማየሚያገኘውን አሁን በደሞዝተከፋፍሎ ያገኘዋል፡፡ደሞዙ 35 ሺህቢሆን በአምስት አመት ከሁለትሚሊዮን ብር በላይ ያገኛል)በዚህ መንገድ ልጁ እዚህ ክለብ ተረጋግቶ ይጫወታል፡፡ አምስት አመት ፈርሞ በሁለተኛው አመት ሌላ ክለብ ቢፈልገው እንኳን ስምምነት ይደረጋል፡ለምሳሌ አንድ ጎበዝ ተጫዋች መብራት ውስጥ ቢኖር ይሄን ልጅ ባንክ ሊወስደው ቢፈልግ ልጁ የፈረመው ለአምስት አመት ከሆነ ጥያቄው ከባንክ የመጣው በሁለተኛው አመት ከሆነ ባንክ ልጁን ሳይሆን የመብራት ሀይል ክለብን ያነጋግራል፡፡መብራት ከተስማማ ልጁ ደግሞ ከባንክ ጋር ደሞዝ ስንት ትከፍሉኛላችሁ ብሎ ይደራደራል፡፡ስምምነት ላይ ከተደረሰ መብራት የዝውውሩን ሂሳብ ከባንክ ጋር ተስማምቶ ልጁን ማዛወር ይችላል፡፡ በዚህ መንገድ ቢሆን ሀሜቱን፤መተራመሱን፤ውስብስብነቱንና ሌላንውም ነገር ያስቀራል፡፡አንዳንድ ተጨዋች ለሁለት አመት ይፈርምና በመጀመሪያው አመት በተለያየ ሰበብ ሳይጫወትወይም ጥሩ እንቅስቃሴ ሳያደርግይቆይና በሁለተኛው አመት በመጨረሻው ስድስት ወር በደምብ ይጫወታል፡፡ምክኒያቱ ኮንትራቱ ስላለቀወደ ሌላ ክለብ በከፍተኛ ብር ለመዛወር በመፈለግ ነው ይላሉ ይሄ ሀሜት እየሰፋ ስለሄደ እነዚህ ነገር ለማስቀረትና አንድ ተጨዋች ለብዙ አመት በጥሩ ፕርፈፎርማንስ እንዲጨዋት ረዘም ያለ ጊዜ ቢፈርምና ዝውውሩ ክለብ ከክለብ ቢሆን የተሸለ ሊሆን ይችላል፡፡ አሁን ግን 1 ሚሊዮን የፊርማ ወስዶ ለሶስት ሺህ ብር ደሞዝ መጫወት ምን ይባላል?፡፡በወር ሰላሳ ሺህ ብር ደሞዝ መጫወት ግን ትርጉም ይኖረዋል ነቃ ያደርጋል፡፡(ፊርማው ዝሆን ደሞዝ ትንኝ) እስኪ አስተያየት ስጡበት፡፡የተሻለ የምትሉትን ጠቁሙ፡፡ዋናው ነገር የተጫዋቹን ጥቅም የጠበቀ ቢሆን ይመረጣል፡፡ምክንያቱም ሜዳ ላይ ዋናው ተዋናይ ተጫዋቹ በመሆኑ ነው፡፡

ከግንቦት 7 አቶ አንዳርጋቸው ጽጌ በየመን ባለሥልጣናት እገታ ላይ መሆኑን በማስመልከት የወጣ መግለጫ

ሰኔ 23 ቀን 2006 ዓ.ም

የግንቦት 7፣ የፍትህ፣ የነፃነትና የዲሞክራሲ ንቅናቄ ዋና ፀሐፊ አቶ አንዳርጋቸው ጽጌ ሰኔ 16 ቀን 2006 ዓም ለሥራ ጉዳይ በየመኒያ አየር መንገድ አይሮፕላን ተጉዞ በትራንዚት ሰንዓ ከተማ እያለ በየመን መንግሥት ፀጥታ ኃይሎች በሕገወጥ መንገድ ታግቷል። አቶ አንዳርጋቸው ጽጌ የመን የጉዞው መዳረሻ አልነበረም፤ ከየመን ጋርም የሚያገናኘው ምንም ጉዳይ አልነበረውም። የየመን መንግሥት አቶ አንዳርጋቸው ጽጌን አግቶ ለአንድ ሰዓት እንኳን ለማቆየት ምንም ምክንያት የለውም። በዚህም ምክንያት ያለአግባብ የታገተብን የንቅናቄያችንን አመራር በአስቸኳይ እንዲፈታ በተለያዩ መንገዶች ላለፈው አንድ ሣምንት ያደረግነው ጥረት እስካሁን አልተሳካም። እንዲያውም የየመን ባለስልጣናት አምባገኑን ወያኔ ለመርዳት ባለው ፍላጎት ሳቢያ መሪያችንን አሳልፎ ሊሰጠው ይችላል የሚል ከፍተኛ ስጋት አድሮብናል።

አቶ አንዳርጋቸው ጽጌ፣ በሀገራችን በኢትዮጵያ ውስጥ ፍትህ፣ ነፃነትና ዲሞክራሲ እንዲሰፍን ጊዜውን፣ እውቀቱንና ጉልበቱን ብቻ ሳይሆን ሕይወቱን አሳልፎ ለመስጠት የተዘጋጀ፤ ዝግጁነቱንም በተግባር ያሳየ የኢትዮጵያ የቁርጥ ቀን ልጅ ነው። የየመን መንግሥት ከዘረኛውና ፋሽስታዊው ወያኔ ጋር በመተባበር በኢትዮጵያ የፍትህ፣ የነፃነትና የዲሞክራሲ ታጋይ መሪያችን ላይ እየፀመ ያለውን ደባ የጉዳዩ ባለቤት የሆነው የኢትዮጵያ ሕዝብ እንዲያውቅ የንቅናቄዓችን ሥራ አስፈፃሚ ኮሚቴ ወስኗል።

ትግላችን መስዋትነት እንደሚያስከፍል እናውቃለን። ከዚህ በፊትም ብዙ ጓዶቻችን መስዋዕትነት ከፍለዋል፤ ወደፊትም ብዙ መስዋዕትነት መከፈሉ የማይቀር ጉዳይ ነው። አሁን በአቶ አንዳርጋቸው ጽጌ ላይ የደረሰውና ወደፊትም ሊደርስ የሚችለው ጉዳት ምሬታችን በማብዛት፣ ቁጣችንና ዝግጁነታችን ከማጠንከር በስተቀር ቅንጣት ታክል እንኳን ወደ ኋላ እንድናፈገፍግ እንደማያደርገን ለመላው የኢትዮጵያ ሕዝብ፣ ለአባሎቻችንና ለደጋፊዎቻችን ሁሉ መግለጽ እንወዳለን።

መንግሥታት ይመጣሉ፣ ይሄዳሉ። ኢትዮጵያና የመን ግን ጎረቤታሞች ሆነው መቆየታቸው የማይቀር ነው። የየመን መንግሥት የወያኔ እድሜ አጭር መሆኑ የተገነዘበ አይመስልም። በዚህም ምክንያት የየመን መንግሥት የሁለቱን አገሮች ሕዝቦች የቆየ ወዳጅነት የሚያደፈርስ እርምጃ ወስዷል። የየመን መንግሥት የየመንን የወደፊት የረዥም ጊዜ ጥቅም እንዲያሰላና ያገተብንን መሪ በአስቸኳይ እንዲፈታ እንመክራለን። ይህ ሳይሆን ቀርቶ በመሪያችን ላይ ጉዳት ቢደርስ ወይም ለወያኔ አሳልፎ ቢሰጥ የመን ከኢትዮጵያ ሕዝብ ጋር የማይሽር ቂም ውስጥ የምትገባ መሆኑን የየመን መንግሥት አውቆ በጥብቅ እንዲያስብበት እናስጠነቅቃለን።

በየመን መንግሥት አልሰማ ባይነት አቶ አንዳርጋቸው ጽጌ ለፋሽስቱ የወያኔ አገዛዝ ተላልፎ ቢሰጥ በአካሉና በሕይወቱ ለሚደርሰው ሁሉ የወያኔ ፋሽስቶችን ዋጋ የሚያስከፍል መሆኑ ከአሁኑ እናስጠነቅቃለን። በአቶ አንዳርጋቸው ጽጌ አካል፣ መንፈስና ሕይወት ላይ የሚደርሰው ማንኛውም ጥቃት ለነፃነታቸው ለመሰዋት ዝግጁ የሚሆኑ እልፍ አዕላፍ ታጋዮችን እንደሚፈጥር ጥርጥር የለንም። በአቶ አንዳርጋቸው ጽጌ አካል፣ መንፈስ እና ሕይወት ላይ ለሚደርሰው ጥቃት ሁሉ በማንኛውም መንገድ በማንኛውም ቦታ የምንበቀል መሆኑንና ብዙ የወያኔ ሹማምንት ዋጋ የሚከፍሉበት እንደሚሆን እንዲያውቁት እናስጠነቅቃለን ።

በመስዋዕትነት ድልን እንቀዳጃለን።

ድል ለኢትዮጵያ ሕዝብ!!!