(ምንሊክ ሳልሳዊ) የኣሜሪካን ምርጫ ተከትሎ በኢትዮጵያ ላይ የሚያመጣውን የለውጥ እደምታ የሚፈትጉ ሰዎች ሲመላለሱ ይታያል፤ ባለፉት ስምንት ኣመታት ብቻ ኣሜሪካ በኢትዮጵያ ላይ ያላት ኣቋም ከመግለጫና ከንፈር ከመምጣጥ ኣላለፈም ይባስ ተብሎ ኣምባገነኑን የዘረኞች ኣገዛዝ ዲሞክራሲያዊ የሚል ቀለም ቀብተውታል። ምእራባውያን በተሌይ ኣሜሪካውያም በምስራቅ ኣፍሪካ ያላቸውን ብሄራዊ ጥቅም ለማስከበር ሲሉ ወያኔን ተስገብግበው ይደግፋሉ። ይህ ኣዲስ ነገር ኣይደለም ቀጣይነቱንም እያየነው ነው።

የሃይል ሚዛኑ በወያኔ እጅ ባለበት የመንግስትን ወንበር ተቃዋሚዎች ባላዩበት ሁኔታ ምእራባውያኑ የሚያሰሉት ከወያኔ ጋር ያላቸውን ቁርኝት ነው። ከማ እከላዊ አፍሪካ እስከ አፍጋኒስታ ከሊብያ እስከ ኢራቅ በተለያዩ የአፍሪካ እና የመካከለኛው እንዲሁም የኢስያ ሃገራት ም እራባውያኑ የሚያካሂዱት የፕሮክሲ ጦርነት የተነሳ ሌላ ዙር ቀውስ በምስራቅ አፍሪካ እና ውጥረት እንዲከሰት ስለማይፈልጉ ከወያኔ ጋር እጅና ጓንት ሆነው ለመስራት አለመቦዘናቸው የሚያመለክተው እንደ ኢትዮጵያ ባሉ ሃገራት ላይ በአሁኑ ሰአት ሊፈጠር የሚችለውን አመጽ እና ችግር መቆጣጠር ይዞ የሚመጣውን ውጤት እርግጠኛ ሆነው ለማወቅ አለመቻላቸው ከወያኔ ጋር እንዲተሳሰሩ አድርጓቸዋል።

በነጻነት ለመኖር ለሚሹ እና በእስር ለሚማቅቁት ወገኖቻችን የሚፈይደው ዋናውና አንዱ ጉዳይ የኛ ጠንክረን መታገል እና አንድ እርምጃ መጓዝ ሲሆን የዛን ሰአት የኛን መጠናከር እና መታገል የተመለከቱ ምእራባውያን ምን እንርዳችሁ ከምን ደረሳችሁ ምናምን ማለታቸው እና መጠየቃቸው ግድ የሚልበት ጊዜ ሩቅ አይሆንም ፡፤ አሁን የሚፈለገው የኛ መታገል እና መታገል ብቻ ነው። የነጮቹ የከንፈር ልብላቤ ከብሄራዊ ጥቅም ሚዛን ሂደት ምስረታ ላይ ስለተመረኮዘ ከንጝር ውጪ ምንም አይፈይድም፥እኛ ታግለን ድል ስናስመዘግብ ምእራባውያንን ቀልባቸውን እናሸፍተዋለን።

ከመሐዲ ሄርጳሳ

በኢህአዴግ ስም በዋናነት በአራት የብሄር ድርጅቶች ስም የተዋቀረው ገዢውና ጠቅላዩ ፓርቲ፣ ከሚታየው ይልቅ የማይታየው እጅ፣ ከተመደበው ሰው ይልቅ የተደበቀው፣ ከሚሰራው ይልቅ የሚዶልተው፣ከወጣቱ ይልቅ ሽማግሌው፣… እንደሚዘውረው የአደባባይ ሚስጥር ከሆነ ሰነበተ፡፡ ቀጥቅጦ የሚገዛን ገዢው ስርዓት ትንሽ ወለም ባለው፣ ወይም ወለም ያለው በመሰለ ቁጥር ቀድሞ በማነከስ የሚታወቁት አዛውንቶቹ ናቸው፡፡ ከአዛውንቶቹም ሶስቱን በጭራሽ የሚቀድማቸው ያለ አይመስልም፡፡ ወዲ ጸሀዬ (አባይ ፀሀዬ)፣ በረከት ሰምኦን እና አዲሱ ለገሰ ከስርዓቱ ጋር ያላቸው ጋብቻ አንድም ሶስትም ነው፡፡

ዘወትር በሰመመን ውስጥ ያለው ኢህአዴግ፣ ብንን ብሎ በበረገገ ቁጥር ሶስቱም አዛውንቶች ከኛ ውጪ ይህንን ስርዓት የሚታደገው የለም በሚል፣ ከፊትለፊት በመሰለፍ ከፖለቲካው የሚገኘውን ትርፍ ለመጋራት በሚያደርጉት ጥረት አንድ ናቸው፡፡ በማነኛውም ጊዜ ፖለቲካዊ ዱለታ ካለም እኚህ በምንም የማይገጥሙ ሰዎች አንድ ናቸው፡፡ ጠላትን ለማሸነፍ ብቻ በሚል በሚፈጥሩት ግንባርም አንድ ናቸው፡፡ በተቀናቃኞቻቸው ላይ የበላይነትን ለመውሰድና አልንበረከክ ያለውን ለማንበርከክ በሚፈልጉበት ጊዜ አንድ መስሎ ለመታየት መሞከራቸውም ሌላው አንድ የሚያደርጋቸው ነጥብ ነው፡፡
በተግባር መሬት ላይ ያለውን እውነታ ወርደን ለመፈተሸ ብንሞክር ግን፣ ሶስቱም ከሶስት የተለያየ ዓለም የመጡ ግራዎች ናቸው፡፡ ምናልባት ብናበላልጣቸው የተሻለ አዛውንትና የበለጠ ሎሌ፣ ተገዳዳሪ አሽከር እና አሽከር ቀጣሪ በሚል ልንመድባቸው እንችላለን፡፡ እነኚህ ሶስት ሰዎች በደህናው ጊዜ በየራሳቸው የሀሜት ጥጋጥግ ውስጥ ተወትፈው በመዶለታቸውም ሶስት የተለያዩና የማይተማመኑ አውሬዎች ናቸው፡፡
በረከትና አባይ የምናምንና ምን ምርምር ማዕከል በሚል በሰየሙት የመዶለቻ ጠጅ ቤታቸው አማካኝነት መጠነኛ መፍጨርጨር እያደረጉ የህወሀትን የበላይነት ለማስጠበቅ ሲጥሩ፣ የ67 ዓመቱ አዛውንት አቶ አዲሱ ግን ምንም ጠብ በሚል ስራ ውስጥ ተሳትፎ የሌላቸውና እራሳቸውን ለተሻለ ሎሌነት አቀባብለው ያስቀመጡ ተራ ሰው ስለመሆናቸው ለማረጋገጥ አንድን ተራ የብአዴን አባል ብቻ መጠየቅ በቂ ነው፡፡ የአቶ አዲሱ ዋነኛ የጸቡና የወቀሳው መነሻም እጅ አትነሱኝም፣ አትጠይቁኝም፣ አትደውሉልኝም፣ አታከብሩኝም፣ ዉለታዬን አትቆጥሩም፣ ወዘተ ከሚል ከፍ አይልም፡፡

እነዚህ አዛውንቶች በኢህአዴግ የመተካካት ፖሊሲ ከየድርጅታቸው ቢሰናበቱም አርፈው አልተቀመጡም፡፡ በየጊዜው በቀደመው ካባቸው እየተሸፋፈኑና እያስፈራሩ እዛም እዚም ብቅ ጥልቅ እያሉ አሉ፡፡ ያሻቸውን ባለስልጣን በግል እየጠሩና እያስጎነበሱም ፓርቲውን ወደ ሻይ ቤትነት ዝቅ አድርገውታል፡፡ ከአንዴም ሁለት ሶስቴ የተለያየ ሰበብ በመደርደር መተካካቱን ሊሽሩት ሞክረዋል፡፡

ሰሞኑን ኢህአዴግ ከምንጊዜውም በላይ ጭንቅ ጥብብ ባላት ጊዜ እንኳን ተሀድሶ በሚል ሰበብ ከፊት ፈጥኖ ለመሰለፍ የሞከሩት እኚሁ ትንፋሽ አልባ አዛውንቶች ናቸው፡፡ በዚህ ጊዜ ይዘውት የመጡት ትንፋሽ ግን አይደለም ከመረረው ህዝብ ጋር፣ ካማረሩት ካድሬ ጋር አንኳን ተሰልፈው ለማሸነፍ የሚያስችላቸው አልነበረም፡፡

ተሀድሶ በሚል ጨርቅ ተጀቡና ብቅ ያለችው የአዛውንቶቹ ጉዞ የተጀመረው እንደለመዱት የፌዴራል መንግስቱን ቱባ ባለስልጣናት በተናጠል በመጥራት ለማስጎንበስ በመሞከርና ቀጠን ያለ ትዕዛዝ በማስተላለፍ ነበር፡፡ ይህ አካሄድ አላዋጥ ያላቸው አዛውንቶች በመጨረሻ ትንፋሻቸውን ሰብስበው ያደረጉት አንድ ነገር ነበር፡፡ ይህም ወደየክልላቸው በመሄድ መልሰው በክልል ላይ ያለውን ስልጣን በመቆጣጠር እራሳቸውን አዳኝ አድርጎ ብቅ ማለት፡፡ ይህም እንዳልተሳካ ሰሞኑን በየደረጃው ይፋ ከሆኑት የካቢኔ አወቃቀሮች በይፋ መረዳት ይቻላል፡፡

እነዚህ የሀገሪቱ ነቀርሳ የሆኑትና የመጨረሻውን ትንፋሻቸው የተጠቀሙት አዛውንቶች ከአሁን በኋላ በዛው ይቅሩ አለያም ከሞት የተረፋቸውን ትንፋሽ አሰባስበው ብቅ ይበሉ በእርግጠኝነት መናገር ባይቻልም፣ ለጊዜው ግን የቀየሱት ሴራ በእድሚያቸው ልክ የጃጀ በመሆኑ ከመንገድ ላይ ወድቆ ቀርቷል፡፡

10:25: ሚችጋን እና ዊስኮንሰን የዘንድሮውን ፕሬዚዳንት ማን እንደሚሆን ይለያሉ::

_______________

10:01 – Breaking: ሂላሪ ካሊፎርኒያ, ዋሽግንተን እና ኦሪገን አሸነፈች::

________________

9:53 – ሂላሪ ክሊንተን ሚኒሶታ ላይ በሰፊ ልዩነት እየመራች ነው::

______________

ሂላሪ ኮለራዶን ካሸነፈች በኋላ አሁን ያለው ውጤት::

9:36 – BREAKING: ሂላሪ ክሊንተን ኮሎራዶን አሸነፈች::

አሁን ያለው ውጤት::

__________

9:27 – BREAKING: ሂላሪ ቨርጂኒያ ስቴትን አሸነፈች

______________

9:26 – Breaking: ትራምፕ ኦሃዮን አሸነፈ::

____________

አሁን ያለው ውጤት::

9:11 – BREAKING – ትራምፕ ሚዙሪ ስቴትን አሸንፏል::

_________

9:09 – BREAKING = ኒውሜክሲኮ ስቴትን ሂላሪ አሸነፈች::

9:02 – BREAKING: ሞንታና ስቴትን ዶናልድ ትራምፕ አሸነፈ – 3 የምርጫ ድምጽ አለው::

እስካሁን ያለው ውጤት::

 

BREAKING: ሂላሪ ኒውዮርክን አሸነፈች::

________________

BREAKING: ትራምፕ ሳውዝ ዳኮታ, ኖርዝ ዳኮታ, ነበራስካን, ዋዮሚንግ, ካንሳስ, ቴክሳስን አሸነፈ::

___________

9:59 – እስካሁን ሁለቱም ዘጠኝ ዘጠኝ ስቴቶችን አሸንፈዋል:: ከአንድ ደቂቃ በኋላ ይህ ይቀየራል::

____________________

7:44 ፔንሰልቨንያን በሰፊ ነጥብ ልዩነት ሂላሪ መምራት ጀምራለች

___________

ትንቅንቁ እንዳየለ ነው:: ውጤታቸው ተቀራራቢ ነው:: አሁን ያለው ውጤት ይህን ይመስላል::

7:32 – BREAKING: አርካሳ ስቴት ዶናልድ ትራምፕ አሸነፈ

_______________

7:18 – ፍሎሪዳ ትንቅንቅ ነው:: አሁን ደግሞ ሂላሪ እየመራች ነው:: ውጤቱ በየደቂቃው ነው የሚለውወጠው::

__________

7:15 – ትራምፕ እንደገና ፍሎሪዳን እየመራ ነው::

____________

7:13 – ሚችጋን ሂላሪ ክሊንተን እየመራች ነው::

_____________

BREAKING: ዶናልድ ትራምፕ ኦክላሃማ ስቴትን አሸነፈ

______________________

ሂላሪ 75 ለ 66 እየመራች ነው::

7:05 BREAKING: አላባማና ሚሲሲፒ ስቴቶችን ዶናልድ ትራምፕ አሸነፈ

_______________

7:00 – BREAKING – ደልዋሬና ከናንኬት ስቴቶችን ሂላሪ አሸነፈች

_________________

BREAKING: ኢሊኒዮስ, ኒውጀርሲ, ማሳቹሴትስ, ሜሪላንድ, ሮድ ሃይላንድ እና ዋሽንግተን ዲሲ ሂላሪ አሸነፈች

6:56 – ኦሃዮ ሂላሪ መምራት ጀምራለች::

___________________

6:53 – ዶናልድ ትራምፕ ደቡብ ካሮሊናን አሸነፈ:: 33 ለ 3 እየመራ ነው::

6:43 – ኒውሃምሻየር ሂላሪ ክሊንተን መምራት ጀምራለች:: ቀደም ሲል ትራምፕ እየመራ ነበር::

___________________

6:40 – ኦሃዮ ትራሞፕ መምራት ጀመረ

_____________

BREAKING: ዶናልድ ትራምፕ ም ዕራብ ቨርጂኒያ ስቴትን አሸነፈ:: እስካሁን 24 የምርጫ ድምጾችን በማሸነፍ እየመራ ሲሆን ሂላሪ 3 በማሸነፍ እየተከተለች ነው::

_____________

6:29 – ሳውዝ ካሮሊና ትራምፕ መምራት ጀምሯል:: 1% ነው ገና የተቆጠረው::

6:07 – በጉጉት የሚጠበቀውን የፍሎሪዳ ምርጫ ትራሞፕ እየመራ ነው:: ፍሎሪዳ 29 የምርጫ ድምጽ ያሉት ትልቅ ስቴት ነው:: የዚህ ስቴት ውጤት አሸናፊውን የሚያመላክት ይሆናል እየተባለ በሰፊው ሲነገር መቆየቱ አይዘነጋም::

______________

6:03 –  BREAKING: ዶናልድ ትራምፕ በኢንዲያና እና ኬንታኪ ስቴቶች አሸነፈ:: ትራሞፕ ከሁለቱ ስቴቶች 19 የምርጫ ድምጾችን እጁ አስገብቷል::

6:00 – BREAKING: ሂላሪ ክሊንተን በቬመንት ስቴት አሸነፈች – ቬርሜንት 3 የምርጫ ድምጽ ያለው ስቴት ነው::

_______

5:57 – ኢንዲያና ኬንታኪ አሁንም ትራምፕ በሰፊ ልዩነት እየመራ ቢሆንም በነዚህ ሁለት ስቴቶች ባለፈው 2012 ምርጫ ባራክ ኦባማም ተሸንፎባቸው ነበር::

– ሕግ አስከባሪ ፍተሻ ሲያደርግ መታወቂያ የማሳየት ግዴታ ተጣለበት

መስከረም 28 ቀን 2009 ዓ.ም. በተደነገገው የአስቸኳይ ጊዜ አዋጅ ምክንያት ከአዲስ አበባ ከተማ 40 ኪሎ ሜትር ውጪ ሲንቀሳቀሱ ለኮማንድ ፖስቱ ማሳወቅ እንዳለባቸው ወይም ሳያሳውቁ እንዳይንቀሳቀሱ ተጥሎ የነበረው ክልከላ፣ ከማክሰኞ ጥቅምት 29 ቀን 2009 ዓ.ም. ጀምሮ ሙሉ በሙሉ ማንሳቱን ኮማንድ ፖስቱ አስታወቀ፡፡

የአስቸኳይ ጊዜ አዋጁ ሲታወጅ በአገሪቱ የነበረው የሰላምና የደኅንነት ሥጋት የተስተካከለ በመሆኑና አገሪቱ በአንፃራዊነት ወደ ሰላምና መረጋጋት በመመለሷ፣ የዲፕሎማቲክ ማኅበረሰቡ በፈለገው የአገሪቱ ክፍል መንቀሳቀስ እንደሚችል የገለጹት የኮማንድ ፖስቱ ሴክሬታሪያት ኃላፊና የመከላከያ ሚኒስትሩ አቶ ሲራጅ ፈርጌሳ ናቸው፡፡

የአስቸኳይ ጊዜ አዋጁ አስፈጻሚ ኮማንድ ፖስት መመርያ ቁጥር ሁለትን ይፋ ያደረገ ሲሆን፣ ቀደም ብሎ ክልከላ በጣለባቸው ዕርምጃዎች ላይ ማሻሻያዎችን ማድረጉንም አቶ ሲራጅ አስረድተዋል፡፡ አራት ክፍሎችንና ዘጠኝ ድንጋጌዎችን ባካተተው መመርያ ውስጥ በዲፕሎማቶች ላይ ጥሎት የነበረውን ክልከላ ሙሉ በሙሉ አንስቷል፡፡ ማንም ሰው የፀጥታ አስከባሪን የደንብ ልብስ ይዞ ቢገኝ፣ ቢለብስ፣ ለሦስተኛ ወገን አሳልፎ ቢሰጥና ቢሸጥ፣ በሕግ እንደሚቀጣ ወጥቶ የነበረው ድንጋጌ መሻሻሉን ገልጸዋል፡፡ በመሆኑም የፀጥታ አስከባሪን የደንብ ልብስ ይዞ መገኘትና በቤት ውስጥ ማስቀመጥ በሚለው ላይ የተጣለው ክልከላ መነሳቱንም አክለዋል፡፡ ነገር ግን መልበስ፣ ለሦስተኛ ወገን አሳልፎ መስጠትና መሸጥ የተከለከለ መሆኑንና ክልከላው አለመነሳቱንም የኮማንድ ፖስቱ ሴክሬታሪያት ኃላፊው ገልጸዋል፡፡

በፀጥታ አስከባሪ የደንብ ልብስ ላይ ተጥሎ የነበረው ክልከላ በከፊል የተነሳው፣ በተለያዩ ምክንያቶች የፀጥታ አስከባሪ የደንብ ልብስ በኅብረተሰቡ እጅ እንደሚገኝና የአስቸኳይ ጊዜ አዋጁ ከመታወጁ በፊት በየቤቱ ስለነበር፣ እንደ መደበኛ ልብስም ይጠቀሙበት እንደነበር ከኅብረተሰቡ ጋር በተደረገ ውይይት በመገለጹ መሆኑን አቶ ሲራጅ አስታውቀዋል፡፡

የፀጥታ አስከባሪው ኃይል በሥራ ላይ እያለ ሕይወቱንና ንብረቱን አደጋ ላይ የሚጥል ድርጊት በጦር መሣሪያና በስለት የሚፈጸምበት ከሆነ፣ ራሱን ለመከላከል ዕርምጃ መውሰድ እንደሚችል የተደነገገው በመመርያ ቁጥር ሁለት ተሻሽሏል፡፡

በመሆኑም የሕግ አስከባሪዎችና በድርጅት ጥበቃ ሥራ ላይ የተሰማሩ ራሳቸውንና የራሳቸውን ንብረት ብቻ ሳይሆን፣ ኅብረተሰቡንና ድርጅቶችን አደጋ ላይ ሊጥል የሚችል ድርጊት በጦር መሣሪያ፣ በስለት፣ በኃይል ወይም በማንኛውም ዘዴ አማካይነት በሕይወት፣ በአካልና በንብረት ላይ ጉዳት የሚያደርስ ከሆነ ጉዳቱን ለመከላከል የሚያስችል ዕርምጃ ሊወስዱ እንደሚችሉ ሴክሬታሪያቱ አስታውቋል፡፡

የፀጥታ ኃይል ብርበራ ወይም ፍተሻ ሲያደርግ ያለፍርድ ቤት ትዕዛዝ ፍተሻ ማድረግ እንደሚችል ተደንግጎ የነበረውም ማሻሻያ እንደተደረገበት አቶ ሲራጅ ገልጸዋል፡፡ በመሆኑም ማንኛውም የሕግ አስከባሪ አካል ብርበራ በሚያደርግበት ጊዜ፣ መታወቂያ የማሳየትና ብርበራውን የሚያደርግበትን ምክንያት የማሳወቅ ግዴታ እንዳለበት በመመርያ ቁጥር ሁለት መካተቱን አስታውቀዋል፡፡

የብርበራ ሒደቱ የሚደረግባቸው ብርበራውን እንዲከታተሉ፣ የአካባቢው ፖሊሶችና የማኅበረሰቡ ተወካዮች በታዛቢነት እንዲገኙ የማድረግ ግዴታ እንዳለበትም በመመርያው መደንገጉን አቶ ሲራጅ ገልጸዋል፡፡ በፍተሻው የተሳተፈ የሕግ አስከባሪ አካል በብርበራ ወይም ፍተሻ ያገኘውን መረጃ፣ ከፍተሻ በፊትም ሆነ ከፍተሻ በኋላ በሚስጥር መያዝ እንዳለበት በመመርያው መካተቱን የሴክሬታሪያቱ ኃላፊ አክለዋል፡፡

ምንጭ – ሪፖርተር

– የአደጋ ሥጋት አመራር ኮሚሽን ተመድ ያወጣው ሪፖርት የተቻኮለ ነው ብሏል

የተባበሩት መንግሥታት ድርጅት (ተመድ) የሰብዓዊ ጉዳዮች ማስተባበሪያ ጽሕፈት ቤት፣ በኢትዮጵያ ደቡብ ምሥራቃዊ ክፍል አዲስ ድርቅ በድጋሚ መከሰቱን ይፋ አደረገ፡፡

ተመድ ያሠራጨው መረጃ እንደሚያመለክተው በአብዛኛው በሶማሌ ክልል፣ በኦሮሚያና በደቡብ ክልል ውስጥ ከሚገኙ 212 ወረዳዎች ውስጥ 93 ያህሉ የመኸር ምርታቸው የተበላሸ እንደሚሆን፣ ይህም በዝናብ እጥረት ምክንያት እንደሚከሰት ይጠበቃል፡፡ በሦስቱ ክልሎች ውስጥ በሚገኙ ወረዳዎች አማካይ የምርት ውጤት የሚጠብቁ 47 ወረዳዎች ሲሆኑ፣ 72 ወረዳዎች ደግሞ ጥሩ ምርት እንደሚጠብቁ በተደረገ ጥናት መሠረት መታወቁን የተመድ ሰብዓዊ ጉዳዮች ማስተባበሪያ ጽሕፈት ቤት አስታውቋል፡፡

አዲሱ ድርቅ በተለይ በሶማሌ ክልል ዳዪር እንዲሁም ሃጋያ እየተባለ የሚጠራው የመኸር ዝናብ በመዛባቱ የተከሰተ መሆኑን ተመድ ይፋ አድርጓል፡፡ በተመድና በኮሚሽኑ የጋራ ትብብር የድርቅ ሁኔታው ቅኝት የተካሄደው ከመስከረም 30 እስከ ጥቅምት 10 ቀን 2009 ዓ.ም. ባለው ጊዜ ውስጥ እንደነበርም የተመድ መረጃ ይጠቁማል፡፡

ምንም እንኳ የተከሰተው ድርቅ የተረጋገጠው በተመድ ጽሕፈት ቤትና በብሔራዊ ሥጋት ሥራ አመራር ኮሚሽን መካከል በጋራ በተካሄደ ጥናት እንደሆነ ተመድ ቢገልጽም፣ ኮሚሽኑ ግን በዚህ አልተስማማም፡፡

ብሔራዊ የአደጋ ሥጋት ሥራ አመራር ኮሚሽነር አቶ ምትኩ ካሳ ለሪፖርተር እንዳብራሩት ከሆነ፣ የወጣው ሪፖርት ትክክለኛነት የሚረጋገጠው በኅዳርና በታኅሳስ በሚካሄዱ የመኸር ወቅት ቅኝቶች በመሆኑ የተመድ ሰብዓዊ ጉዳዮች ጽሕፈት ቤት ያወጣው የድርቅ ሪፖርት ያለጊዜው ተቻኩሎ የወጣ ነው፡፡

የመኸር ዝናብ መቅረቱ በደቡብ ምሥራቅ የአገሪቱ ክፍሎች የሚረጋገጠው በኅዳር ወቅት በሚካሄድ ቅኝት ሲሆን፣ ይህም በተለይ በሰብል ምርቶች ላይ የሚደርሰውን ጉዳት ለማረጋገጥ እንደሚረዳም ኮሚሽነር ምትኩ አብራርተዋል፡፡ በአርሶ አደሮች አካባቢ ሊደርስ የሚችለውን ጉዳት በታኅሳስ ወቅት የሚካሄደው ቅኝት ትክክለኛውን መረጃ ለማወቅ እንደሚረዳ ያስረዱት ኮሚሽነሩ፣ በእንስሳትና በግጦሽ መሬቶች ላይ ሊደርስ የሚችለው ጉዳት በዚህ ወቅት ሊረጋገጥ እንደሚችል ጠቁመው፣ አዲሱ ድርቅ ገና አለመረጋገጡን አስታውቀዋል፡፡

ከ2007 ዓ.ም. ጀምሮ የተከሰተው መጠነ ሰፊ ድርቅ ከአሥር ሚሊዮን በላይ ዜጎች የአስቸኳይ ጊዜ የምግብ ዕርዳታ ፈላጊዎች እንዲሆኑ አስገድዷል፡፡ ከ12 ቢሊዮን ብር በላይ ለስንዴ ግዥ የዋለ ሲሆን፣ በርካታ እንስሳት በድርቁ መሞታቸው ይታወሳል፡፡ በ1996 ዓ.ም. በተመሳሳይ ከ11 ሚሊዮን በላይ ዜጎችን ለዕለት ደራሽ ዕርዳታ ያጋለጠ ከፍተኛ ድርቅ መከሰቱ ይታወሳል፡፡ እስካሁንም ከስድስት ሚሊዮን በላይ ዜጎች በሴፍቲኔት መርሐ ግብር ታቅፈው ድጋፍ እየተደረገላቸው እንደሚገኙ ይታወቃል፡፡

አምና ተስፋፍቶ ከቆየው ድርቅ በተጨማሪ፣ አዲስ አበባን ጨምሮ በርካታ አካባቢዎች በአጣዳፊ የተቅማጥና የትውከት (አተት) በሽታ መመታታቸው አይዘነጋም፡፡ እንደ ሶማሌ ያሉ ክልሎች አሁንም ድረስ ከዚህ በሽታ ወረርሽኝ ለመላቀቅ እየተጣጣሩ እንደሚገኙ ተመድ ያወጣው ሪፖርት አመላክቷል፡፡

ምንጭ – ሪፖርተር

ግርማ ሠይፉ ማሩ

የሰሞኑን የካቢኔ ሹመት አስመልክቶ ብዙ አስተያየት እየተሰጠ ነው፡፡ አሰተያየት መስጠቱ ትክክል ነው፡፡ በህይወታችን ላይ ከፋም-ለማም ውሳኔ የሚያሳልፉ ሰዎች ምደባ በመሆኑ የመሰለንን አስተያየት መሰንዘር ተገቢ ይመስለኛል፡፡ በእኔ እምነት ኢህአዴግ ባልሆንን ሰዎች ፣በተለይ ደግሞ የተሻለ አማራጭ ይታየናል፣ አለንም ለምንል ዜጎች ዋናው ጉዳይ የኢህአዴግ ፖሊሲ በምን ዓይነት ካቢኔ በደንብ ተግባራዊ እንደሚሆን መምከር አይመስለኝም፡፡ እኛ በእጃቸን ያለውን አማራጭ ፖሊሲ ተግባራዊ ለማድረግ የምንችልበት የፖለቲካ ምዕዳር መመቻቸት ጉዳይ ነው የእኛ ጥያቄ መሆን ያለበት፡፡ በእግረ መንገድም ኢህአዴግ ፖሊሲውን እንዲፈፅሙ የተመደቡት ሰዎች መስመር ሲስቱ ማጋለጥ ዋነኛ ተግባራችን ነው፡፡ ብዙዎች እንደሚጠብቁት ፖሊሲዎቹ ያላቸውን በጎ ጎን እየጠቀሱ ኢህአዴግን ማወደስ፣ በአንዳንዶቹ አባባል እውቅና መስጠትም ሃላፊነታችንም ግዴታችንም አይደለም፡፡ ይህን አስተያየት በሀገራዊ ጉዳዮች ላይ እንደ ዜጋ በጋራ መቆም ከሚለው መርዕ ጋር ማምታታት በፍፁም ተገቢ ካለመሆኑም በላይ ለኢህአዴግ ተደጋጋሚ ፕሮፓጋንዳ ሰለባ መሆንን ነው የሚያመለክተው፡፡

አንድ አንድ ሰዎች አሁን በሹመት ወደ ሃላፊነት የመጡት ሰዎች በብዛት አዲስ አድርገው ይገምታሉ (ጠቅላይ ሚኒስትሩም ከዘጠኙ በስተቀር በሚል አሳሳች መልዕክት እንዳሰቀመጡ ሳንዘነጋ)፡፡ በቁጥር ሁለት ሲበዛ ሶሰት ከሚሆኑት ውጭ የኢህአዴግን ፓርቲ መታወቂያ ከመውሰድ በስተቀር ከጳጳሱ በላይ ካቶሊክ ለመሆን የሚሞክሩ፣ በነበሩበት ተቋም በተገቢ ሁኔታ ኢህአዴግን አሁን ለደረሰበት ውድቀት የዳረጉ ጭምር ናቸው፡፡ በዚህ ጉዳይ በዝርዝር መግባት ተገቢ አይደለም፡፡ እነዚህ ሹመኞች ደግሞ አሁን ባለው ሁኔታ የፖለቲካ ስልጣን የላቸውም፡፡ ያለ ፖለቲካ ስልጣን የሚኒሰትርነት ቦታ በፖለቲካ አቋም በየመስሪያ ቤቱ ከሚገኙ የፖለቲካ ምድብተኞች ጋራ ለመጋጨት ካልሆነ ትርጉሙ አይታየኝም፡፡ ደርግ በመጨረሻ ዘመኑ የክልል አስተዳደሪዎቹን በተለያየ ዘርፍ ትምህርት የቀመሱ በዘርፋቸው ምርጥ የተባሉ ምሁራንን አድርጎ ነበር፡፡ የዚህ ሹመት ውጤት የሆነው ከኢሠፓ ሹሞች ጋር የዕለት-ከዕለት ግጭት ነበር፡፡ በኢህአዴግ ውስጥ ፓርቲ መሪ ስለሆነ እነዚህ “አዲስ ተብዬ” ሹሞቾ የፓርቲ መመሪያ ሲጠብቁ ሰራ ተገተሮ እንዳይቀር ስጋት አለኝ፡፡

እነዚህን ሹሞች የህዝብ ተወካዮች ምክር ቤት አባላት በድፍረት ጥያቄ ሊጠይቋቸው ይችላሉ፡፡ በፓርቲ ውስጥ አለቃ ስለአልሆኑ፣ ጠብ እርግፍ አድርገው ሊያብጠለጥሏቸው ይችላሉ፡፡ ወይም ጥፋት ካጠፉ ወደ ዘብጥያ ለማውረድ የፓርቲ ግምገማና አቋም ላይጠየቅላቸው ይችላል፡፡ በዚህ ሁኔታ አሁን ያሉት ሚኒሰትሮች አንዳንዶቹ ሚኒሰትሮች (እነ ወርቅነህ፣ ደብረፅዮን፣ የመሳሰሉት) ከፖለቲካ ጡንቻ ጋር ሲሆኑ የተቀሩት ይህን ዋና የፖለቲካ ጉልበት ባለመያዝ ነው በአንድ መድረክ የተገናኙት፡፡ እነዚህ የፖለቲካ ጡንቻ ያላቸው ሚኒሰትሮች ደግሞ ጠቅላይ ሚኒሰትሩ እንደነገሩን በሲኒየር ሚኒስትርነት በውስጠ ዘ- ምክርና መመሪያ የሚሰጡ ይሆናል ማለት ነው፡፡ ከዚህ ዘለል ባለ መስመር የሚሄድ ሚነሰትር ካለ ወደፊት የምናየው ይሆናል፡፡ ለምሣሌ የአሁኑ የመንግሰት ኮሚኒኬሼን ሚኒስትር ማድረግ ያለባቸው በመዝገብ ታሸጎ ፈቃድ የተከለከሉ ጋዜጠኞች ወደ ስራ እንዲገቡ ማድረግ፣ በሽመልስ ከማልና አለቆቹ ትዕዛዝ ወህኒ እንዲወርዱ፣ በየፍርድ ቤቱ የሚንከራተቱ ጋዜጠኞች ለዲሞክራሲ ስርዓት ግንባታ የሚያበረክቱትን አስተዋፅኦ ከግምት በማስገባት ከእስር በመፍታት፣ የፍርድ ቤት ምልልሱን በማቋረጥ የሚዲያ ምእዳሩን ክፍት እንዲሆን ማድረግ ነው፡፡ ይህን ካልቻሉ እስኪባረሩ ሳይጠብቁ ምክንያታቸውን ለህዝብ ገልፀው ከሹመት መልቀቅ ይጠበቅባቸዋል፡፡

በነገራችን ላይ የኢትዮጵያ ህዝብ ከላይ እስከ ታች የተንቀሳቀሰው ዶ/ር ቴዎድሮስ አደሃኖም፣ ዶ/ር ከሰተብርሃን አድማሱ፣ አቶ ጌታቸው ረዳ፣ አቶ ሬድዋን ሁሴን፣ ወ/ሮ ዘነቡ ታደሠ፣ ኦቶ መኩሪያ ሀይሌ ወዘተ … ከስልጣን ይውረዱልን የሚል ጥያቄ አንስቶ አይደለም፡፡ በመስረታዊነት እነዚህ ሰዎች የኢትዮጵያን ፖለቲካ ምዕዳር ለማፈን ያላቸው ሚና ዜሮ ነው፡፡ የአንድ አንዶቹ ሚና ከተላላኪነት የሚዘልም አይደለም፡፡ የእነዚህ ሚኒሰትሮች ከስልጣን ተነስቶ እዚህም እዚያም ስርዓቱን ሲያገለግሉ በነበሩ ቴክኖክራቶች በመተካት የሀገራቸውን ኢትዮጵያ ችግር መፍትሔ አያመጣም፡፡ ከቴክኖክራት ሚኒሰትሮች የሚጠበቀው የቴክኒክ ብቻ ሳይሆን የሀገሪቱ ህዝብ የሚጠብቀውን የፖለቲካ ሪፎርም እንዲመጣ ማድረግ ነው፡፡ ይህን ማድረግ አቅም አላቸው ወይ? ብለን ስንጠይቅ ጥርጣሬ እንደሚያጭር እርግጠኛ መሆን ይቻላል፡፡ ምክንያቱም እነዚህ አዲስ ሹሞች የፖለቲካ ስልጣን የላቸውም፡፡ በኢህአዴግ ቤት ደግሞ ስልጣን ያለው ፓርቲ ነው፡፡ ከፓርቲም በህውሃት እጅ ነው፡፡ በአማራም በኦሮሚያም የነበረው እንቅስቀሴ ውስጥ ጎልቶ የወጣው የአንድ ፓርቲ/የህወሃተ የበላይነት ይቁም የሚለው ነው፡፡ ይህን ምላሽ በሚሰጥ መልኩ ምለሽ አልተሰጠም፡፡

በመግቢያዬ ላይ እንዳልኩት ኢህአዴግ የፈለገውን ካቢኔ ሚኒሰትር የመሾም መብት አለው፡፡ በኢትዮጵያችን የተፈጠረው ችግር በኢህአዴግ ካቢኔ የሞያ ሰብጥር ምክንያት አይደለም፡፡ የኢትዮጵያ ችግር የፖለቲካ ምዕዳሩ ኢሕአዴግና ለኢህአዴግ ለገበሩ ብቻ በሚሆን መልኩ የተደረጃ መሆኑ ነው፡፡ በሀገራችን ኢትዮጵያ መንግሰት ከሚፈልገው ውጭ መናገርም ሆነ መስራት በመከልከሉ ነው፡፡ በኢትዮጵያ ውስጥ በህገ መንግሰት በግለፅ የተደነገገን የመደራጀት መብትን፣ ተደራጅቶም ሃሳብን የማቅረብ መብትን መተገበር ባለመቻሉ ነው፡፡ በኢትዮጵያችን የመንግስት ተቋማት ዜጎችን አገልግሎት የሚሰጡት በህግ አግባብ ሳይሆን የየትኛው ብሔር አባል ነው በሚል መመዘኛ መሆኑ ነው፡፡ በኢትዮጵያችን መንግሰት የሚባው አካል ተጠያቂ ያለመሆን ብቻ ሳይሆን ማንነታቸው የማይታወቅ አካላት የተለያዩ የመንግሰት ተቋማት በስውር ያዛሉ፡፡ የሚጠሉትን ፓርቲ ከህግ አግባብ ውጭ ያፈርሳሉ፡፡ የግል አግልግሎት መስጫዎችን፣ ማተሚያ ቤቶችን በስልክና በግንባር እየቀረቡ ያስፈራራሉ፡፡ በሀገራችን ኢትዮጵያ የደንብ ልብስ የለበስ ፖሊስ አባላት ከነ ማዕረጋቸው ማንነቱ ያልታወቀ ሰው ዜጎችን ለማፈን ሲሞክር መታወቂያ መጠየቅ የማይቻልባት ሀገር ነች፡፡ ስንቱን ዘርዝሮ ይቻላል፡፡ ይህን ችግሩን የሚያሰማበት መድረክ ያጣ ህዝብ በብሶት ተነሳስቶ የዜጎች ህይወትና ንብረት እንዲወድም አድርጎዋል፡፡ ይህ ውድመት የአፈና ውጤት ነው፡፡ አፈናን በማፈን ማስታገስ ደግሞ አይቻለም፡፡

አሁንም በሀገራችን የስርዓት ለውጥ በስርዓት እንዲመጣ ፍላጎት ብዙዎች አለን፡፡ ፍላጎት በራሱ ግን በቂ አይደለም፡፡ በእኔ እምነት ስርዓት በሌለው ሁኔታ ለውጥ እንዲመጣ ከማንም በላይ ፍላጎት እያሳዩ ያሉት መንግሰት እና ገዢው ፓርቲ ናቸው፡፡ መንግሰት በስርዓት ለውጥ እንዲመጣ የመሪነቱን ሚና መጫወት ይኖርበታል፡፡ በቅድሚያ ማነኛውም ከመንግሰት ጋር ያልተግባባ ኃይል ከመፈረጅ መታቀብ አለበት፡፡ በዋና ዋና የሀገር ዕልውና ላይ የማይደረዳሩ መሆናቸውን እንዲያረጋግጡ ማድረግ የሚከለክል አስራር ሊዘረጋ ይችላል፡፡ ከዚህ በመለስ ኢህአዴግ እራሱን “በጥልቅ ማደስም ይሁን አፍርሶ መስራት” የራሱ የቤት ስራ ሲሆን “መንግሰት” በግልፅ ከፓርቲው መለየቱን ለማስመስከር ባለበት ሃላፊነት ኢህአዴግን አውራ ፓርቲ የማድረግ ተግባሩን በማቆም በሀገራቸን የሃሳብ ልዮነትን መስረት ያደረጉ ፓርቲዎች ምድር እንድትሆን ለማድረግ ቁርጠኛ እርምጃ መውስድ ይኖርበታል፡፡ ከእነዚህም ዋና ዋናዎቹ

በኢትዮጵያ ውስጥ የሚጀመረውን የፖለቲካ ሪፎርም ሊመራ የሚችል ኮሚሽን በማቋቋም በሀገሪቱ ያሉት ችግሮች ደረጃ በደረጃ በውይይት የሚፈታበትን ተግባር እንዲያከናውን ስልጣን መስጠት፣ ይህን ሃላፊነት የሚወስድ ማነኛውም ሰው በሁሉም ወገኖች ተቀባይነት ያለው እንዲሆን ማድረግ፡፡ ፖለቲካ ፓርቲዎች በአዲስ መልክ እንዲደራጁ መፍቀድ፣ ሚዲያ በነፃነት እንዲሰሩ መፍቀድና ማገዝ፣ ህዝቡ የመስለውን የፖለቲካ አቋም እንዲያራምድና እንዲደግፍ ማበረታታትና ማገዝ፣

በማነኛውም ሁኔታ ከመንግሰት መዋቅር ውጭ መመሪያ የሚሰጡና የሚያስተገብሩ አካላትን ድርጊት በግልፅ ማስቆም (ለምሳሌ የሀገር ውስጥ ደህንነት ሚኒስትር መስሪያ ቤትን በሚኒስተርነት ደረጃ ለማቋቋም የተጀመረውን ስራ ማጠናቀቅ ተጠያቂ የሆነ የደህንነት ጉዳዮች ሚኒስትር በይፋ መሾም)፣ኢትዮጵያዊ ደህንነት መስሪያ ቤት ማቋቋም፤

ከሃያ አምስት ዓመት በኋላም በመከላከያ ውስጥ የሚታየውን ያልተመጣጠነ የሃላፊነት ቦታ ምደባን ለማስተካከል አፋጣኝ እርምጃ መውሰድ፡፡ ብቃትን መሰረት ያደረግ ምደባ በማድረግ ተሰናባቾችን በክብር ማስናበት፡፡

የመሳሰሉት ይገኙበታል፡፡ እነዚህ እርምጃዎች መላው የሀገራቸን ዜጎች በህጋዊ መንገድ ድምፁን ለማሰማት እድል የሚፈጥሩ ስለሆነ ከግብታዊ እምቢተኝነት እንቅስቃሴ የሚገታው ይሆናሉ፡፡ የሚወሰዱት ተግባራዊ የፖለቲካ ምዕዳር የማስፋት እርምጃዎች ለቀጣይ በተረጋጋ ሁኔታ በሀገር ፍቅር ሰሜት እና በባለ ሀገርነት ሰሜት በነፃነት የእለት ተግባሩን ከማከናወን በዘለለ፣ ከፍ ወደሚል ሀገራዊ ሃላፊነት ሰሜት እንዲያድግ ያግዘዋል፡፡

ነፃነት ባለበት ዲሞክራሲ ያብባል፡፡ ይህን ጊዜ ዘላቂ ሰላምና እድገት ለትውልድ ይተላለፋል፡፡ ለዚህ ሲባል ገዢው ፓርቲ/መንግሰት አሁን ያላቸውን ህገወጥ ቁርኝት በመለየት ፓርቲውም እንደ ፓርቲ መንግሰትም እንደ መንግሰት ሃላፊነታቸውን መወጣት ይኖርባቸዋል፡፡ በምንም ሁኔታ የመንግሰት ስልጣን ገዢውን ፓርቲ በተለይ ሁኔታ መጥቀም አይኖርበትም፡፡ የካቢኔ ሽግሽግ የፓርቲው ጉዳይ ነው፡፡ በስርዓት የስርዓት ለውጥ እንዲመጣ ትክክለኛውን እርምጃ በትክክለኛው ጊዜ መውሰድ ይኖርብናል፡፡

ኢትዮጵያ ሀገራችን እና ህዝቧን እግዝአብሔር በበረከቱ ይጎብኝልን!!!!

ቸር ይግጠመን!!!

ከሙሉቀን ተስፋው

በሰ/ጎንደር በወገራ ወረዳ እንቃሽ ቀበሌ የገበሬዎችን ትጥቅ ለማስፈታት የሄደው የአጋዚ ወታደር በሰላማዊ ዜጎች ላይ ጦርነት ከፍቷል።
እስካሁን ድረስ 5 ያክል ወታደሮች በገበሬው ጦር መሞታቸውን እና 15 ክላሽንኮቭ መሳሪያ መማረካቸውን የጎበዝ አለቆች ከቦታው አስታውቀዋል። የጎበዝ አለቆቹ ሌላው የአማራ ሕዝብ እንዲደርስላቸውም ጥሪ አስተላልፈዋል። በወገራ ወረዳ የተቀሰቀሰው ጦርነት በቶሎ የሚበርድ አይመስልም ሲሉም አስተያየታቸውን ገልጸዋል።

የበለሳና የአርማጭሆ አማሮች ወደ ወገራ በማምራት ወገኖቻቸውን እንደሚቀላቀሉ ይጠበቃል።

ዛሬ የአውሮፓ ሕብረት በብራስልስ ባደረገው ስብሰባ ላይ ኢትዮጵያውያኖችን ጋብዞ አነጋገረ። ከተጋባዦቹ መካከል ፕ/ር ብርሃኑ ነጋ፣ ፕ/ር መረራ ጉዲና እና አትሌት ሌሊሳ ፈይሳ ይገኙበታል።
በስብሰባው ላይ አትሌት ሌሊሳ ፈይሳ ኢትዮጵያ ውስጥ እየተካሄደ ያለውን የሰብዓዊ መብት ጥሰት አስመልክቶ ንግግር ማድረጉን ለኢትዮጵያ ዛሬ የደረሰው ዘገባ ጠቁሟል። ሁለቱም ፕሮፌሠሮች በኢትዮጵያ ወቅታዊ ጉዳዮች ላይ ንግግር ማድረጋቸውንም ለመረዳት ችለናል።
የአውሮፓ ሕብረት የኢትዮጵያውያን ጉዳይ በየጊዜው ክትትል የሚያደርግ ሲሆን፣ ሁኔታውም እያሳሰበው እንደሚገኝ በተደጋጋሚ ገልጿል። በአሁኑ ጊዜ ደግሞ ይበልጥ ትኩረት ሰጥቶ በመከታተል ላይ ይገኛል።
በዚህ ጉዳይ ላይ የኢትዮጵያውያን ሁኔታ በተነሳ ቁጥር ይበልጥ ተነሳሽነት ያላቸው ወ/ሮ አና ጎሜዝ (ሃና ጎበዜ) የሚታወሱ ናቸው።
ይህንኑ ተከትሎ ነገ ሐሙስ (November 10, 2016) በአውሮፓ ሕብረት ጽሕፈት ቤት የተቃውሞ ሰልፍ እንደሚደረግ ታውቋል። በዚሁ ሰልፍ ላይ ማብራሪያ እንዲሰጥ የተጋበዘው አትሌት ሌሊሳ ፈይሳ ከወገኖቹ ጋር ድምፁን ለማሰማት ይገኛል። በዚሁ ሰልፍ ላይ በሌሎች የአውሮፓ አገራት የሚገኙ ኢትዮጵያውያኖችም መሳተፍ እንዲችሉ ጥሪ ቀርቧል።

ሸንቁጥ አየለ

አሜሪካኖቹ የተዋጣለት ስርዓአት እና ተቋም በመገንባታቸዉ ብቻ የተለያዩ ዉስብስብ እና አስቸጋሪ አስተሳሰቦችን እና እይታዎችን ይዘዉ የሚመጡ ፖለቲከኞችን ማስተናገድ የሚችል ሁኔታን ብሎም አሜሪካ እንደ ሀገር የምትቀጥልበትን ጥልቅ መሰረት ጥለዋል::ለምርጫ ሲወዳደሩ ያለዉ ሂደት: ምርጫዉ ሲጠናቀቅ የሚያሳዩት የሰለጠነ ባህሪ እና የስልጣን ሽግግሩ አስደማሚ ሂደት ሁሉ የአንድ ነገር ዉጤት ነዉ::ስርዓአት እና ተቋም በመገንባታቸዉ::

እናም ከነዚህ ህዝቦች ምርጫ አንድ ነገር ብቻ መማር በቂ ነዉ:: እንደተባለዉም እንዴት የተዋጣለት ስርዓአት እና ተቋም በመገንባት የማይናወጥ ሀገራዊ መሰረት ላይ ማስቀመጥ እንደሚቻል ማንሰላሰል::

ይህችን ጽሁፍ እያዘጋጀሁ ትናንት እና ከአንድ ወዳጄ የሰማኋት የበሰለች ነገር ትዝ አለችኝ:: እናም ከአሜሪካኖቹ ምርጫ ምን መማር እንዳለብን ብዙ ለመጻፍ የተነሳሁት ሰዉዬ ልቤም እጄም ብዙ ለመጻፍ አልታዘዝም አሉኝ::ይሄ ወዳጄ ካንድ ጓደኛዉ ጋር ከአሜሪካ ምርጫ ኢትዮጵያዉያን ምን እንደሚቀስሙ ይወያያሉ::

የወዳጄ ጓደኛም “ኢትዮጵያዉያን ከአሜሪካ ምርጫ ብዙ ሊማሩት የሚገባ ነገር አለ” ብሎ ለወዳጄ ሰፋ አድርጎ ያብራራለት ይጀምራል::ወዳጄም በአጭሩ “ኢትዮጵያዉያን በኢትዮጵያ ህልዉና ላይ ገና ሳይስማሙ ስለምርጫ ምን ሊማሩ ይችላሉ?” የሚል ጥያቄን ለጓደኛዉ ያቀርባል::

እናም ይሄ ወዳጄ ያነሳዉ ጥልቅ ሀሳብ እዉነት ነዉ እና እኛ ኢትዮጵያዉያን ከሜሪካኖቹ የምርጫ ሂደት የምንማረዉ አንድም ነገር ላይኖር ነዉ ማለት ነዉ? ብዬ ሀሳብ ማንሳት እና መጣል ጀመርኩ:: በርካታ ፖለቲከኞች በአሁኑ ወቅት ከግራም ከቀኝም ከፊትም ከኋላም ኢትዮጵያ ስትፈርስ ነዉ ለብሄራችን ምቹ ሁኔታ የሚፈጠረዉ የሚል የደናቁርት ጩህት እየጮሁ መሆኑ የአደባባይ ሚስጢር ነዉ:: እነዚህ በክፋት: በጥላቻ እና በአላዋቂነት የታነቁ ፖለቲከኞች ነገርን ሳስብ ነገሬን በአጭር ሸከንኳት::

ኢትዮጵያዉያን ፖለቲከኞች በኢትዮጵያ የመኖር ህልዉና ላይ ላለመስማማት እየሄዱበት ያለዉ የተጠናገረ ሀሳብ ስለ ዲሞክራሲ ለመወያዬት ያለዉ እድል ብዙ እሩቅ መሆኑን በከፊል የሚያስረዳ ነዉና ከዲሞክራት ሀገር ዲሞክራሲአዊ ስርዓአት አበጃጀትን እና ተቋማት አፈጣጠርን ቅሰሙ ብሎ መስበክ ከፊል ኮሜዲ ነዉ የሚመስለዉ::ሆኖም እንደሰዉ ልጅ ደግሞ ሰዉ የመማር ሂደት ዉጤት ነዉ እና ሙሉ ለሙሉ ተስፋ መቁረጥ አይገባም::

የሆነ ሆኖ ጥቂት የማይባሉ ኢትዮጵያዉያን ፖለቲከኞች ትራምፕ ወይም ሂላሪ ስለማሸነፏ ሰፋፊ ትንታኔ ከሚሰጡ ይልቅ ይሄን የአሜሪካዉያንን መሰረት ላይ የቆመ የዲሞክራሲ ስርዓአት እና የተቋም ግንባታ ሂደት እንዴት መቅሰም እንደሚቻል ቢመክሩበት መልካም ነዉ::

* የምርጫው ትዝታዬ
* የጅብ ችኩል …
መቸም ይህ የአሜሪካ ምርጫ ከቅስቀሳው እስከ ትራንፕ ምርጫ ትዝታው ብዙ ነው ፣ በመጨረሻው ቀንና በምርጫው ውጤት ቀን የሆንነው ግን በጣም ያጓጓና ልዩ ትዝታ ይዞ ያለፈ አጋጣሚ ነው ፣ ለብዙዎቻችን … የማልረሳውን የእኔን ትዝታ ከትዝብት ጋር ላጋራችሁ …

” እውነትን እንጂ ውሸትን አናስተናግድም! ” የሚል መርህን ይዘው ከሚንቀሳቀሱት የቲጅ ቲቪ አዘጋጅ ጋዜጠኛ መስፍን በዙ ” HILLARY WINS ”  ሄለሪ ክሊንተን አሸነፈች  !” የሚል አንድ አስገራሚ ሰበር መረጃ ከሌሊት 3:34 Am ተሰራጭቶ ደረሰኝ ።
HILLARY WINS  ከሚለው መረጃ ስር  ”  ቴጅ ቴሌቪዥን ጠዋት ላይ የምርጫ ጣቢያዎቹን ጎብኝቶ ባገኘው መረጃ መሰረት ሄለሪ የ አሜሪካ  45ኛ  ፕሬዚደንት ሆነው ተመርጠዋል  ” በሚል የሚያትተው መረጃ አስገረሚ ነበር  ፣ መረጃው ለሄለሪ ደጋፊ ደስታ ፣ ለትራንፕ ደጋፊ ሀዘንም ነበር … መልዕክቱ እንደወረደ እንዲህ ነበር የሚለው
TG Ethiopian Television did visit some polling stations this morning. Based on what the voters said, TG Ethiopian Television declares that Hillary Clinton will be the 45th President of the United States …  ከጉጉቴ የተነሳ ደስታዬ ወሰን አጣና በሰፊው በመገናኛ ብዙሃን ማልጀ እስክሰማው የአቶ መስፍን መረጃ ነፍስ ዘርቶብኝ እረፍት ማድረጉን መረጥኩ …  !

እረፍት አይሉት እረፍት አድርጌ የእንጀራ ነገር ሆኖብኝ ወደ ስራ ልሰማራ ረዥሙን መንገድ ስጀምር ግን ”  እውነትን እንጂ ውሸትን አናስተናግድም! ” የሚል መርህን ይዞ ከሚንቀሳቀሰው የቲጅ ቲቪ አዘጋጅ ጋዜጠኛ መስፍን በዙ ” HILLARY WINS ”  ሄለሪ ክሊንተን አሸነፈች መረጃ ” በሬ ወለደ ” መሆኑን ተረዳሁ  ! አዘንኩ  ፣ ቢያንስ ጭብጥ ሳይያዝ ለምን መረጃ ይሰራጫል  ? ችኮላው ባላስፈለገ ብዬ ጋዜጠኛውን ሳማርራቸው አጅሬ ጋዜጠኛ መስፍን በዙ ከወደ ምሽት ላይ ማስተባበያ አሰራጭተዋል ፣ በተሰራጨው ማስተባበያም  ” የተሰራጨውን መረጃ እኔ በማላውቀው መንገድ ፣ ከፍቃዴ ውጭ የተሰራጨ ነው !”  ብለው  ይቅርታ ጠይቀዋል …

It is true that when we talked to the voters in Virginia, most of them said that they voted for Hillary Clinton. Since we only talked to Virginia voters, please disregard the previous email. It was sent without my approval.

Thank you

Mesfin Bezu

ያልጭብጥ መረጃ የጅብ ችኩል እየተኮነ ” እውነትን እንጂ ውሸትን አናስተናግድም! ” ቢሉት ፋይዳ የለውም   ! ከመረጃ ቅበላው እሽቅድድም ለመረጃው ተአማኒነት ቅድሚያ መስጠት እንደሚገባ የአቶ መስፍን በዙ ስህተት ካስተማረን መልካም  ይመስለኛል  !

ነቢዩ ሲራክ
ህዳር 1 ቀን 2009 ዓም

* የምርጫው ትዝታዬ 
* የጅብ ችኩል …

መቸም ይህ የአሜሪካ ምርጫ ከቅስቀሳው እስከ ትራንፕ ምርጫ ትዝታው ብዙ ነው ፣ በመጨረሻው ቀንና በምርጫው ውጤት ቀን የሆንነው ግን በጣም ያጓጓና ልዩ ትዝታ ይዞ ያለፈ አጋጣሚ ነው ፣ ለብዙዎቻችን … የማልረሳውን የእኔን ትዝታ ከትዝብት ጋር ላጋራችሁ …

” እውነትን እንጂ ውሸትን አናስተናግድም! ” የሚል መርህን ይዘው ከሚንቀሳቀሱት የቲጅ ቲቪ አዘጋጅ ጋዜጠኛ መስፍን በዙ ” HILLARY WINS ”  ሄለሪ ክሊንተን አሸነፈች  !” የሚል አንድ አስገራሚ ሰበር መረጃ ከሌሊት 3:34 Am ተሰራጭቶ ደረሰኝ ።
HILLARY WINS  ከሚለው መረጃ ስር

”  ቴጅ ቴሌቪዥን ጠዋት ላይ የምርጫ ጣቢያዎቹን ጎብኝቶ ባገኘው መረጃ መሰረት ሄለሪ የ አሜሪካ  45ኛ  ፕሬዚደንት ሆነው ተመርጠዋል  ” በሚል የሚያትተው መረጃ አስገረሚ ነበር  ፣ መረጃው ለሄለሪ ደጋፊ ደስታ ፣ ለትራንፕ ደጋፊ ሀዘንም ነበር … መልዕክቱ እንደወረደ እንዲህ ነበር የሚለው

TG Ethiopian Television did visit some polling stations this morning. Based on what the voters said, TG Ethiopian Television declares that Hillary Clinton will be the 45th President of the United States …  ከጉጉቴ የተነሳ ደስታዬ ወሰን አጣና በሰፊው በመገናኛ ብዙሃን ማልጀ እስክሰማው የአቶ መስፍን መረጃ ነፍስ ዘርቶብኝ እረፍት ማድረጉን መረጥኩ …  !

እረፍት አይሉት እረፍት አድርጌ የእንጀራ ነገር ሆኖብኝ ወደ ስራ ልሰማራ ረዥሙን መንገድ ስጀምር ግን ”  እውነትን እንጂ ውሸትን አናስተናግድም! ” የሚል መርህን ይዞ ከሚንቀሳቀሰው የቲጅ ቲቪ አዘጋጅ ጋዜጠኛ መስፍን በዙ ” HILLARY WINS ”  ሄለሪ ክሊንተን አሸነፈች መረጃ ” በሬ ወለደ ” መሆኑን ተረዳሁ  ! አዘንኩ  ፣ ቢያንስ ጭብጥ ሳይያዝ ለምን መረጃ ይሰራጫል  ? ችኮላው ባላስፈለገ ብዬ ጋዜጠኛውን ሳማርራቸው አጅሬ ጋዜጠኛ መስፍን በዙ ከወደ ምሽት ላይ ማስተባበያ አሰራጭተዋል ፣ በተሰራጨው ማስተባበያም  ” የተሰራጨውን መረጃ እኔ በማላውቀው መንገድ ፣ ከፍቃዴ ውጭ የተሰራጨ ነው !”  ብለው  ይቅርታ ጠይቀዋል …

It is true that when we talked to the voters in Virginia, most of them said that they voted for Hillary Clinton. Since we only talked to Virginia voters, please disregard the previous email. It was sent without my approval.

Thank you

Mesfin Bezu

 

ያልጭብጥ መረጃ የጅብ ችኩል እየተኮነ ” እውነትን እንጂ ውሸትን አናስተናግድም! ” ቢሉት ፋይዳ የለውም   ! ከመረጃ ቅበላው እሽቅድድም ለመረጃው ተአማኒነት ቅድሚያ መስጠት እንደሚገባ የአቶ መስፍን በዙ ስህተት ካስተማረን መልካም  ይመስለኛል  !

ነቢዩ ሲራክ
ህዳር 1 ቀን 2009 ዓም

ከሙሉቀን ተስፋው

በሰሜን ጎንደር ዞን በወገራ ወረዳ የእንቃሽ ቀበሌ የዐማራ ገበሬዎችን ትጥቅ ለመንጠቅ የተንቀሳቀሰው የወያኔ ጦር ሙሉ በሙሉ በምርኮና በሞት ተደምስሷል፡፡ ከቦታው በስልክ ያነጋገርናቸው የጎበዝ አለቆች ‹‹ሆን ብለው አዝመራችን በምንሸክፍበት በዚህ ወቅት መሣሪያ ለመግፈፍ መጡብን፤ እኛም ገጥመን ፈጀናቸው›› ብለዋል፡፡ ከትናንት ጥቅምት 30 ቀን 2008 ዓ.ም. ከሰዐት በኋላ ጀምሮ ሌሊቱን ባደረው ጦርነት 50 የሚሆኑ ወታደሮች ከነሙሉ ትጥቃቸው ተማርከዋል፡፡ ሁለት መትረጊስ፣ አንድ ስናይፐርና ጥቂት የሬዲዮ መገናኛዎችም አብረው ተማርከዋል፡፡
የተገደሉ ወታደሮችን በተመለከተ ላቀረብንላቸው ጥያቄ ‹‹እስከ ምሽት ድረስ የተገደሉት ከ20 በላይ ነበሩ፤ ሌሊቱን ወታደሩ በየቦታው ተፈንድሷል፤ የተገደለው ወታደር ትክክለኛ ቁጥር ለማወቅ ከመሸግንበት ወጥተን በየቦታው የወዳደቀውን አስከሬን መቁጠር ይጠበቅብናል፤ ሆኖም ግን ከማረክናቸው ወታደሮች በእጥፍ ይበልጣል›› በማለት አብራርተዋል፡፡ 

ራሳቸውን ለመከላከል ባደረጉት ጦርነት ከጎበዝ አለቆች መካከል የሆኑት አቶ ፈንቴ አየልኝ ዛሬ ሌሊቱን ተሰውተዋል፡፡ አቶ ፈንቴ በጠላት ቀጠና ዘለው በመግባት በርካታ ወታደሮችን ካጋደሙ በኋላ መሞታቸው በጓዶቻቸው ዘንድ ቁጭትና እልህ ፈጥሯል፡፡ የጎበዝ አለቆች በአምባ ጊወርጊስ እና በአርማጭሆ አካባቢ ያሉ የዐማራ የጎበዝ አለቃዎች በአስቸኳይ እንዲደርሱላቸውና ትግላቸውንም እንዲያግዙ መልዕክት አስተላልፈዋል፡፡ ‹‹እኛ ስለሰላም ስንል ነው እንጅ እንኳን ወገራን ድፍን ዐማራን ነጻ ማድረግ አያቅተንም፤ ግን በየአካባቢው ያለው ገበሬ አሁንኑ ይቀላቀላቀለን፤ መንገድ በመዝጋት ወደእኛ የሚመጣውን ወታደር የስቁም ወይም ከእኛ ጋር ይጨመረን፡፡ ይህም በአስቸኳይ መሆን አለበት›› በማለት አብራርተዋል፡፡ 

ይህ በዚህ እንዳለ በተለያዩ አካባቢዎች በተለይም በአርማጭሆ፣ በወልቃይት፣ ወገራ፣ ጎንደር፣ ባሕር ዳር፣ ጢስ ዓባይና መራዊ በመሳሰሉ ቦታዎች ወያኔዎች ታካሚ በመምሰል ወደ ሆስፒታሎች ቆስለው የመጡ ገበሬዎችን ለመያዝ በየህክምና ጣቢያዎች መሰማራታቸውን ጥቆማዎች እየመጡ ነው፡፡ ስለሆነም ወደ ሕክምና ተቋማት የሚሔዱ ቁስለኞች ጥንቃቄ ማድረግ እንዳለባቸው ጥቆማውን የሰጡ አካላት አሳስበዋል፡፡  

በተያያዘ ዜና በየቦታው የሚታሠሩ ወጣቶች ቁጥራቸው እየጨመረ ሲሆን እንደ ወገራና ጢሳ ዓባይ ወጣቶች ፊትለፊት በመግጠም አገዛዙን እንዲያሽመደምዱት አንዳንድ የጎበዝ አለቆች አሳስበዋል፡፡ 

(ማሳሰቢያ፤ በየቦታው ያሉ የጎበዝ አለቆች ለወገራ ገበሬዎች እገዛ እንዲልኩላቸው መረጃውን በማሰራጨት እንተባበር)

Ethiopia: የግንደወይን ወጣዮች ከትግራይ ነጻ አውጪ ጋር በሚሰሩ በባንዳዎች ላይ እርምጃ እንደሚወስዱ አስታወቁ

(ዘ-ሐበሻ) በአስደናቂ ውጤት በሪዮ ኦሎምፒክ የወርቅ ሜዳሊያ ከኢትዮጵያ ያመጣችው አትሌት አልማዝ አያና የዓለማችን ምርጧ ሴት አትሌት ለመባል በዓለም አቀፉ አትሌቲክስ ፌዴሬሽን ከተመረጡ የመጨረሻዎቹ 3 አትሌቶች መካከል አንዷ ሆነች::

ዘ-ሐበሻ ከዓለም አቀፉ አትሌቲክስ ፌዴሬሽን ካገኘችው መረጃ ለማመልከት እንደቻለችው አልማዝ ከጃማካዊቷ ኤላኒ ቶምሰን እና ከፖላንዳዊቷ አኒታ ዎድዋርሲክ ጋር የመጨረሻ ፉክክር ይጠብቃታል::

በሪዮ ኦሎምፒክ በተለይ 10 ሺህ ሜትር ሴቶች ክብረ ወሰን ጭምር የሰበረችው አልማዝ በ5 ሺህ ሜትርም የነሃስ ሜዳልያ አምጥታ ነበር::
ጃማካዊቷ ኤላኒ ቶምሰን በሪዩ ኦሎምፒክ በ100 ሜትር እና በ200 ሜትር ሴቶች 2 የወርቅ ሜዳሊያ ስታገኝ፣ በ400 ሜትር ዱላ ቅብብል ደግሞ የብር ሜዳልያ ተሸላሚ የነበረች ነች:: በተጨማሪም ፖላንዳዊቷ አኒታ ዎድዋርሲክ በመዶሻ ውርወራ የሪዮ ኦሎምፒክን ክብረ ወሰን በመስበር 2ኛ የኦሎምፒክ ወርቅ ተሸላሚ ነች፡፡

አለትሌት አልማዝ አያና መልካም ዕድል እንመኛለን::

በተለያዩ ዘመናት አገራችን ኢትዮጵያ በሯን ጥርቅም አድርጋ ዘግታ ከዓለም ተለይታ የኖረችበት ዘመን ሲሰላ፤ ከዓለም ሥልጣኔ እኩል እንዳትራመድ ደንቃራ ችግር እንደሆናት በየዘመናቱ የተለያዩ ታሪክ ፀሐፊዎች ሲመሰክሩ ቆይተዋል። ከነዚህም ጥቂቶቹን ስንጠቅስ፤ በ8ኛው ክፍለ ዘመን የአክሱም ስልጣኔ በመውደቂያና የዛጉኤ ስርወ መንግሥት መሸጋገሪያ ላይ ለአምስት መቶ ዘመን ያህል ከዓለም ተለይታ የኖረችበት ጊዜ የጨለማው ዘመን ተብሎ ይጠራል። ከዚያም በኋላ አፄ ሲሲንዮስን ከሥልጣን አሰውግደው ዙፋኑን የወረሱት አፄ ፋሲል፤ በአገራችን ውስጥ ለካቶሊክ ሐይማኖት መሥፋፋት ምክንያት የሆኑት የውጭ አገር ስዎች ስለሆኑ፤ አንድም የውጭ ዜጋ በአገሬ መሬት እንዳላይ በማለት፤ ጠራርገው ከኢትዮጵያ በማስወጣታቸው ምክንያት፤ ኢትዮጵያ ከዓለም ለብዙ ዓመታት ከውጭ ማህብረስብ ጋር ሳትገናኝ ኖራለች። በነዚህ ሁለት የታሪክ ዘመናት ውስጥ፤ በዓለም ላይ ብዙ አዳዲስ ሕብረተሰብን የሚጠቅሙ የሳይንስ ግኝቶች ተፈልስፈዋል። ይህን የዓለም ሕብረተሰብ ያገኘውን የሣይንስና የማህበራዊ ውጤት ኢትዮጵያ ሳታገኝ መቅረቷ የማያጠራጥር እውነታ ነው። አንዲት አገር ከዓለም ሕብረተሰብ ተነጥላ መኖር ማለት፤ አሳ ከባህር ወጥቶ የመኖርን ያክል ያስቆጠራል።

ሙሉውን ለማንበብ እዚህ ይጫኑ

File Photo

(አርበኞች ግንቦት 7 ዜና) የኢትዮጵያን ህዝብ ከጭቆናና የስቃይ ህይወት ለማላቀቅ እና አምባገነኑን የህወሓት አገዛዝ ገርስሶ ለመጣል የትጥቅ ትግል እያደረገ የሚገኘው አርበኞች ግንቦት 7 ለአንድነትና ዴሞክራሲ ንቅናቄ ትምህርትና ስልጠና መምሪያ ለወራት ያክል በወታደራዊ፣ ፖለቲካዊና ሌሎች ተጓዳኝ ትምህርቶች ዙሪያ ሲያሰለጥናቸው የቆዩትን ምልምል አርበኛ ታጋዮች እሁድ ጥቅምት 27 ቀን 2009 ዓ.ም. በደማቅ ስነ-ስርዓት አስመርቋል ፡፡

በዚህም የምረቃ ስነ-ስርዓት በዓል ላይ የድርጅቱ ከፍተኛ አመራሮችና ጥሪ የተደረገላቸው ተጋባዥ እንግዶች የተገኙ ሲሆን የአርበኞች ግንቦት 7 ለአንድነትና ዴሞክራሲ ንቅናቄ ትምህርትና ስልጠና መምሪያ ሃላፊ አርበኛ ታጋይ ተስፋሁን ተገኝ ለተመራቂ አርበኛ ታጋዮች የእንኳን ደስ አላችሁ መልዕክታቸውን ካስተላለፉ በኋላ ከፊት ለፊታችን ትልቅ ግዳጅና ሃላፊነት ስለሚጠብቀን በምትመደቡበት ቦታ ሁሉ ደከመኝ ሰለቸኝ ሳትሉ ሃገራዊና ድርጅታዊ ግዴታችሁን ለመወጣት በወታደራዊ ስነ-ምግባር የታነፀ ሰራዊት አስፈላጊ በመሆኑ ለዚህ ለተቀደሰ አላማ መከፈል ያለበትን የህይወት መሰዋዕትነት ለመክፈልና የኢትዮጵያን ህዝብ ከባርነት ህይወትና ከጭቆና ለማላቀቅ በሚደረገው የትጥቅ ትግል የበኩላችሁን ድርሻ መወጣት ይጠበቅባችኋል በማለትና አጠቃላይ የስልጠናውን ሂደት የሚመለከት ሪፖርታቸውን አሰምተዋል፡፡

በዚህ የምረቃ በዓል ላይ ተመራቂ አርበኛ ታጋዮች የእጅ በእጅ ውጊያን ጨምሮ የተለያዩ ትርኢቶችን በማሳየት ለበዓሉ ድምቀት ሰተውት የነበረ ሲሆን በተመራቂ አርበኛ ታጋዮች የቀረቡ ስነ-ፅሁፎችና መነባንቦች እንዲሁም አዝናኝና ትምህርት ሰጪ ድራማዎችም ልዩ ትኩረት የሳቡ እንደነበርና በቦታው የተገኙትንም ተጋባዥ እንግዶች አስደምመውት ውለዋል፡፡

ከአብርሃ ደስታ

አቶ ኃይለማርያም ደሳለኝ ሲጨንቀው “ለምንድነው በተሃድሶው መሠረት እንደ ኦህዴድ የአመራር ለውጥ የማታደርጉ? እናንተን እየጠበቅንኮ ነው?” ሲል አባይ ወልዱን ጠይቋል። አቶ አባይም “ይሄ በጥልቀት መታደስ ምናምን እኛን አይመለከትም። ከመለስ በኋላ ብዙ የተበላሹ ነገሮች ስላሉ ብዙ ስራዎች አሉብን። ስለዚህ አንወርድም። ከታችኞቹ አመራር አባላት ግን የተወሰኑ ለማባረር ወስነናል” ሲል መልሷል። የሚባረሩ የህወሓት አመራር አባላት ደግሞ “ከፍተኛ አመራሮች ይውረዱ” ብለው ሐሳብ የሚሰጡ አባላት መሆናቸው ታውቋል። ስለዚህ የህወሐት ከፍተኛ ባለስልጣናት “ብዙ ስራ” ስላለባቸው ከስልጣን አይወርዱም። ኃይለማርያም ደሳለኝ የካቢኔ አባለቱን የቀየረው ብዙ ስራ ስለሌለባቸው ነውንዴ? ለማንኛውም ብዙ የህወሓት አመራር አባላት (አቶ በየነ መክሩን ጨምሮ) ከህወሓት ለመውጣት የመልቀቂያ ደብዳቤ እያስገቡ ነው።

ህወሓት ቀውስ ዉስጥ መሆኗ ይታወቃል። ለዚህ ምክንያትም የቀድሞ የህወሓት አመራር ብልሹነት ነው። የህወሓት መሪዎች የግል ስልጣናቸው ማደላደል እንጂ ተከታይ መሪዎችን ማፍራት ላይ አልተሰማሩም ነበር። ይሄው ህወሓት ያለ ብቁ መሪ ኦና ሆና ቀረች። ህወሓት እንደ ፓርቲ የቆመችው ስልጣንን ተገን አድርገው ሃብት ለመሰብሰብ በተሰባሰቡ ሙሰኞች እንጂ የሚያገናኝ ርእዮተ ዓለም ስላላቸው አይደለም።

ህወሓት በአመራርና መርህ እጦት ምክንያት ምሁራን በጠላትነት ፈርጃ አላስጠጋ ብላለች። ወጣቶችም ለመመለመል ፍቃደኛ አይደለችም። በተፈጠረው ክፍተት ምክንያት አቶ አባይ ወልዱ ለሊቀመንበርነት ደረጃ በቅቷል። ትግራይም ምንም ለውጥ ሳታሳይ ለብዙ ዓመታት ደርቃ ቆይታለች።

(ዘ-ሐበሻ) የአርበኞች ግንቦት 7 መሪ ፕሮፌሰር ብርሃኑ ነጋ በቤልጀየም ብራሰልስ አውሮፓ ፓርላማ አይ ከዶ/ር መረራ ጉዲና እና አትሌት ፈይሳ ለሌሳ ጋር ንግግር አድርገው ከጨረሱ በኋላ ከኢትዮጵያውያን ኦሮሞ ኮምዩኒቲ አባላት ጋር ተወያዩ:: በዚህ ውይይት ላይ ፕሮፌሰሩ ባደረጉት ንግግር ታሪክን መመለስ እንደማይቻል እና በታሪክ ላይ መስማማትም እንደማይቻል ታውቆ አሁን በአንድነት መቆም ላይ ትኩረት እንዲሰጠው ጥሪ አቀረቡ:: ፕሮፌሰሩ በንግግራቸው በቢሾፍቱ /ደብረዘይት መወለዳቸውን ጠቅሰው ኦሮሞነት እንዳለባቸው አስታውቀዋል:: ንግግራቸውን ይዘናል ይመልከቱት::

“መናደድ ትልቅ ነገር ነው። መናደድ ብንችል ደግሞ አንዱ የዚች አገር ማዳኛ የትግል መቅደም ይሆናል። ግን ለመናደድ ለመብሸቅና ከተቻለም እህህህ ብሎ ደም ለመትፋት ዝግጁ መሆን አለብን።…. ችግሩ አንናደድም። ንዴታችን ወጥቶ ወደ ተግባር ሲተረጎም አይታይም። ግን በየቤቱ፣ በየመሸታ አዳራሹ፣ በየቢሮው ፋይዳ የሌለው ንዴት በንዴት ቋንቋ ሲገለጥ እሰማለሁ። እነዚህን ሰዎች ደግሞ ልሰማቸው አልፈልግም። ጆሮዬ የተራበው ሌላ ሌላ ነገር ነው። ባጭሩ የተግባር እርምጃ።”