ጥቅምት ፪ ቀን ፳፻፱ ዓም

የኢትዮጵያ ሴቶች የመብት ማዕከል (CREW) ለሰብዓዊ መብቶች መከበር፣ ለሴቶች የእኩልነት መብት መረጋገጥ፣ ለዲሞክራሲ ሥርዓት እውን መሆን፣ ለሰላምና ለሕግ የበላይነት ተግባራዊ መሆን የሚታገል ሕዝባዊ ድርጅት ነው።

እኛ በኢትዮጵያ ሴቶች የመብት ማዕከል የተሰባሰብን ሴቶች በሀገራችን እየተካሄደ ያለውን ሕዝባዊ እንቅስቃሴና የመንግሥትንም በሕዝቡ ለተነሱት ጥያቄዎች የሚሰጠውን የጥይት ምላሽ እየተከታተልን ነው። ለመብታቸው ሲታገሉ መስዋዕት የሆኑትን ወገኖቻችን ነፍሳቸው በሰላም እረፍት እንድታገኝ፤ የተሰዉላት ሀገራቸውም ስቃይና መከራዋ በአጭር ሆኖ ትንሣኤዋን ለማየት እንዲያበቃን እየተመኘን ለቤተሰቦቻቸውና ለኢትዮጵያውያን ወገኖቻችን በሙሉ መጽናናትን ያድልልን እንላለን።

በሀገራችን በኢትዮጵያ የሰብዓዊ መብቶች ሁኔታ በጣም አስከፊ ደረጃ ላይ ደረሷል። የኢትዮጵያ ሕዝብ የመናገር፣ የመጻፍ፣ የመሰብሰብ የመደራጀት፣ ሰላማዊ ሰልፍ የማድረግ መሠረታዊ መብቱ ተረግጦ በገዛ ሀገሩ የበይ ተመልካች ሆኖ፣ ወጣቶች የተሻለ ኑሮና ሕይወት ፍለጋ ወደ ማያውቋቸው ሀገሮች በበረሃ፣ በባህር፣ በዱር በገደሉ እየተጓዙ የአውሬና የአሣ ነባሪ ቀለብ ሆነዋል። ላለፉት 25 ዓመታት ያለማቋረጥ ሀገራቸው የምድር ሲኦል ሆናባቸው በድህነት፣ በሥራ አጥነት፣በማንነት ጥያቄ፣ መተንፈሻ በማጣታቸው ትዕግሥታቸው ገንፍሎ በቃን ተበደልን፣ በደል አንገፈገፈን ብለው በሰላማዊ መንገድ ለመብታቸው ባደረጉት ትግል ከመንግሥታቸው ጥይት እየዘነበባቸው ከፍተኛ የሆነ ቁጥር በመላው ሃገሪቷ ሕዝብ እየረገፈ ነው። ላለፈው አንድ ዓመት በፊት ጀምሮ በኦሮሞ ወገኖቻችን የተነሳው ሕዝባዊ እንቅስቃሴ ዛሬም እንዳለ ነው፤ የወልቃይት  የማንነት ጥያቄን መሠረት አድርጎ በጎንደር በጎጃም የተቀሰቀሰው ሕዝባዊ እንቅስቃሴ በብዙ መቶዎች የሚቆጠሩ የሀገሪቷን ጎልማሳ ሽማግሌ፣ ሴት ወንድ፣ ህፃንና ወጣት ሳይለይ በሞት እየቀጠፈ ነው። በኮንሶ፣ በቤንሻንጉል፣ በደቡብ፣ በሰሜን፣ በምስራቅና በምዕራብ መላው ሀገሪቷ በሕዝብ ደም ማዕበል እየተጥለቀለቀችና በመንግሥት ታጣቂዎች ጥይት እየታመሰች ትገኛለች።

ይህ ሁኔታ በአግባቡ ከአልተያዘና በአስቸኳይ ካልቆመ ሀገሪቷንና የአካባቢውን ሀገራት ጨምሮ ወደ አልተገመተ አስከፊ የፖለቲካ የማህበራዊና የምጣኔ ሀብት ቀውስ ውስጥ ሊያስገባ ይችላል። ምንም እንኳን መንግሥት በጎሳና በሃይማኖት እየከፋፈለ ላለፉት 25 ዓመታት በእጥፍ እያደገነው የሚለው የምጣኔ ሀብት እድገት ለጥቂቶች መከበሪያ ከመሆነ አልፎ የሕዝቡን የኑሮ ሁኔታ ሊቀይረው አለመቻሉ ግራ የሚያጋባ ስሌት ቢሆንም  የሀገሪቱ የኤኮኖሚ ግሽበት ከ90% በላይ የሚሆነው ሕዝብ ከድህነት በታች እንዲኖር አድርጎታል። በ2009 መንግሥት አትራፊ ያልሆኑ ሕዝባዊ ድርጅቶችን የሚገድብ ህግ ደንግጓል። ይህ ህግ ሕዝባዊ ድርጅቶችን፣ ሰብዓዊ መብቶችን ለማስጠበቅ የቆሙትንና ተቆርቋሪ ድርጅቶችን ለሕዝቡ እንዳይደርሱ አምክኗቸዋል።

በዚሁ ሥርዓት ተወልደው የጎለመሱት የነገዋ ኢትዮጵያ ተረካቢ ትውልድ ቀደም ሲል በመካከለኛ ምሥራቅ በስደት ፍዳቸውን ያዩና ያለቁት ቁጥር ስፍር የላቸውም። አሁን ደግሞ ተስፋ በማጣት መረረኝ ብለው በሀገራቸው በስላማዊ ትግል ብሶታቸውን  በማሰማታቸው መንግሥት ምላሹ ጥይት ሆኖ በየቀኑ እንደ ጉድ እየረገፉ ነው። በእንቅርት ላይ ጆሮ ደግፍ እንዲሉ ይባስ ብሎ መንግሥት በሀገሪቱ ላይ የአስቸኳይ ጊዜ አዋጅ በማውጅ በገዛ ሕዝቡ ላይ አመጹን የሚያባብስ እርማጃ ወስዷል።

• ይህ አዋጅ የሀገሪቷን መጻኢ ዕድል ከፍተኛ አደጋ ላይ የሚጥል፣ ሕዝቡን ለከፋ ቀውስ የሚዳርግ በመሆኑ አጥብቀን እንቃወማለን።
• የኢትዮጵያ ሕዝብ ሆይ እየደረሰበህ ያለው አስከፊ የመብት እረገጣ፣ ግድያና እሥራቱን ለመቋቋም አንድነት ኃይል ነው፣ የሕዝብን የአንድነት ትግል የሚያሸንፈው ኃይል የለምና ትግላችሁን ከዋናውና ከጋራ ጠላታችሁ ጋር ብቻ በማድረግ  ይችን ክፉ ዘመን በጋራ በአንድነት በመቆም  እንድትወጡት ወገናዊ ጥሪያችንን እናቀርባለን።
• የተቃዋሚ ኃይሎች ልዩነታችሁን አጥብባችሁ በየቀኑ በሚያለቀው፣ እንታገልልሃለን በምትሉትና ልትሰዉለት በተዘጋጃችሁት ሕዝብ ስም ከምንግዜውም በላይ ዛሬ በሚያግባቧችሁ መሠረታዊ ጥያቄ ላይ በማተኮር በጋራ ቆማችሁ ኢትዮጵያን ለማዳን ለሕዝባችሁ እንድትደርሱለት በአንክሮ እንጠይቃለን።
• የተለያያችሁ ሕዝባዊ ማህበራት፣ የእምነት የሃይማኖት ተቋማት፣ የዕድር የእቁብ፣ አትራፊ ያልሆናችሁ ወገናችሁን በመርዳት ላይ ያላችሁ ተቋማት ሁላችሁም የወገናችን ዕልቂት በአስቸኳይ እንዲቆምና ሕዝባዊ መሠረት ያለው ሁሉም ኢትዮጵያውያንና የህብረተሰቡ አካሎች የተሳተፉበት ሕዝብ የመረጠው ሕዝባዊ መንግሥት እንዲመሰረት የበኩላችሁን ተሳትፎ እንድታደርጉ እንጠይቃለን።
• የዓለም አቀፍ ህብረተሰብ በተለይ የአሜሪካንና ኃያላን አገሮች፣ በኢትዮጵያ መንግሥት ላይ ያላቸውን ፖሊሲ እንድትመረምሩና የገዛ ሕዝቡን በጥይት ከሚጨርስ ከወያኔ ኢህአድግ መንግሥት ጋር ሳይሆን ከኢትዮጵያና ሕዝቧ ጎን እንድትቆሙ አጥብቀን እንጠይቃለን።

ኢትዮጵያ በልጆቿ አንድነት ለዘላለም ትኑር።

የኢትዮጵያ ሴቶች የመብት ማዕከል (CREW)

ኢሳት (ጥቅምት 2 ፥ 2009)
የቀድሞ ጠ/ሚ/ር መለስ ዜናዊ ኦሮሞን አንደ ህዝብ ጠባብ ነው የሚል ሰነድ አዘጋጅተው እንደነበር አቶ ጁነዲን ሳዶ ገለጹ። በሁኔታው የተቆጩ በዝቅተኛ ዕርከን ላይ የሚገኙ የኦህዴድ ካድሬዎች ሰነዱ እንዲቃጠል መጠየቃቸውንም አስታውሰዋል።
የኦሮሚያ ክልላዊ መንግስት ከአዲስ አበባ ወደ አዳማ ከተዛወረ በኋላ ወደ አዲስ አበባ እንዲመለስ የተደረገው ቅንጅት አዲስ አበባ ላይ በማሸነፉ እንደሆነም ተመልክቷል።
የምርጫ 97 ማግስት ለኢህአዴግ ሰዎች እጅግ አስጨናቂ እንደነበር ያስታወሱት አቶ ጁነዲን ሳዶ፣ ዕርሳቸውና አቶ አባዱላ በምርጫ ክልላቸው ኢተያ ላይ በትክክል መሽነፋቸውን አምነዋል።
ኦሮሚያ ክልልን 4 አመታት ያህል በፕሬዚደንትነት ያገለገሉትና በተለያዩ ሚኒስቴር መስሪያ ቤቶች በሚንስትርነት ሲሰሩ የቆዩት አቶ ጁነዲን ይህንን የገለጹት ከኢሳት ጋር ባደረጉት ቃለምልልስ ሲሆን፣ በስርዓቱ ውስጥ የነበረውንና አሁንም እየቀጠለ ያሉት የህወሃትና የትግራይ የበላይነት በየአጋጣሚው ተቃውሞ ሲቀርብበት መቆየቱን አስታውሰዋል።
በተለይም በህወሃት ክፍፍል ማግስት በጠ/ሚ/ሩ ጽ/ቤት ባደረጉት ስብሰባ በዚህ ረገድ ጠንካራ ተቃውሞ እንደቀረበባቸው አስታውሰው፣ ከዚያ በኋላ በነጻነት የሚናገሩበትና ተቃውሞ የሚያቀርቡበት መድረክ እንዳልነበርም አብራርተዋል።
የህወሃት ንብረት የሆነው ኤፈርት ከኢትዮጵያ ንግድ ባንክ ገንዘብ እየወሰደ ሲፋፋ፣ ሌሎች ዲንሾን የመሳሰሉ የኦህዴድ ኩባንያዎች ስለመጫጨታቸው ለአቶ መለስ ጥያቄ መነሳትንም ያስታወሱት አቶ ጁነዲ ሳዶ፣ አቶ መለስ ለዚህ የሰጧቸው ምላሽ ኤፈርት የተቋቋመው ጆንያ ሽጦ ነው የሚል እንደነበር ገልጸዋል።
ለድርቅ ተጎጂዎች የመጣውን እህል ካደልን በኋላ ጆንያውን ሸጥን፣ በዚያም ኤፈርትን አቋቋምን ማለታቸው ተመልክቷል።
አቶ ጁነዲን ሳዶ በስልጣን ዘመናቸው በፌዴራል መንግስትና በኦሮሚያ ክልል ውስጥ ያለፉበትን ሁኔታ በተመለከተ ከኢሳት ጋር ያደረጉትን ሰፊ ቃለምልልስ ከነገ ጀምሮ በተከታታይ እናቀርባለን።

ሙሉቀን ተስፋው
ከትናንት ጀምሮ በታችና ምዕራብ አርማጭሆ የተለያዩ አካባቢዎች የዐማራውን መሣሪያ መቀማት በሚል የወያኔ ጦር በዐማራው ገበሬ ላይ ይፋ ጦርነት ገጥሟል፡፡ በታች አርማጭሆ ዶጋው አካባቢና በምዕራብ አርማጭሆ አብደራፊ አካባቢ ከ50 በላይ የወያኔ ወታደሮች ተገድለዋል፡፡
አበራ ጎባው እና ደጀኔ ማሩ የተባሉ አርበኞችን ቤት በድንገት በመክበብ ለመግደል ሙከራ ያደረገ ቢሆንም በአካባቢው ተሰልፎ የነበረው የወያኔ ጦር ሙሉ በሙሉ መውደሙን ከቦታው በስልክ ያገኘነው መረጃ ያመለክታል፡፡ አንድ አርበኛ ከዶጋው አካባቢ ጉዳዩን አስመልክተን ላቀረብንላቸው ጥያቄ ‹‹የዛሬው ከበድ ያለ ጦርነት ነበር፤ 8፡00 አካባቢ መጥተው የደጀኔ ማሩን ቤት ከበው ለማፈን ባደረጉት ሙከራ የወያኔ ወታደሮች ሙሉ በሙሉ አመድ ሆነዋል›› ሲሉ ገልጸዋል፡፡ የሞቱ የጠላት ወታደሮችን በተመለከተ ደግሞ ‹‹ኧረ የሚሞተውን ወታደር በተመለከተማ ስንቱን ቆጥረነው! በየጫካው አይደል ተፈንድሶ ተፈንድሶ የምታገኘው! እንዴው ገምት ካልከኝ አሳንሼ ቁጥሩን ከ50 ይበልጣል›› ሲሉ ተናግረዋል፡፡
በጎንደርና በጎጃም የዐማራ አካባቢዎች በተወሰነ መልኩ ሰላማዊ የሆነ ቢመስልም ወያኔ የገበሬውን መሣሪያ እቀማለሁ በማለቱ ምክንያት እንደገና ሰላሙ ደፍርሷል፡፡ በሰሜን ጎንደር የአርማጭሆ፣ የጠገዴና የወልቃይት አካባቢዎች ሰላማዊ እንቅስቃሴ አለመኖሩን ነው ምንጭቻችን የሚገልጹት፡፡
የመሣሪያ ትጥቅን ማስፈታት በተመለከተ በወያኔ መንግሥት የተቋቋመው ኮማንድ ፖስት በዋናነት የአርማጭሆና የወገራ አካባቢዎችን ቁጥር አንድ አድርጎ ፈርጇቸዋል፡፡
(ዝርዝር መረጃዎችን በየጊዜው እየተከታተልን ማቅረባችን ይቀጥላል)
የዐማራ ተጋድሎ ያሸንፋል//

እንደ ዘ-ሐበሻ ምንጮች ዘገባ ከሆነ ከሌሊቱ 9 ሰዓት እስከ ጠዋቱ 7:30 ድረስ በተደረገው ውጊያ ብቻ 15 የትግራይ ነጻ አውጪ ወታደሮችን የገደለው አርበኛ አበራ ጎባው ቢሰዋም የትግል አጋሮቹ ትግሉን እንደሚያስቀጥሉ ቃል ገብተዋል:: ጀግና ይሞታል እንጂ ትግል አይሞትም በሚል እየተንቀሳቀሱ ያሉት የፍትህና የነጻነት ኃይሎች ከትግራይ ነጻ አውጪ ወታደሮች ጋር የሚያደርጉትን ተጋድሎ ቀጥለዋል::

የኢትዮጵያ ሴቶች የመብት ማዕከል (CREW) ለሰብዓዊ መብቶች መከበር፣ ለሴቶች የእኩልነት መብት መረጋገጥ፣ ለዲሞክራሲ ሥርዓት እውን መሆን፣ ለሰላምና ለሕግ የበላይነት ተግባራዊ መሆን የሚታገል ሕዝባዊ ድርጅት ነው።
እኛ በኢትዮጵያ ሴቶች የመብት ማዕከል የተሰባሰብን ሴቶች በሀገራችን እየተካሄደ ያለውን ሕዝባዊ እንቅስቃሴና የመንግሥትንም በሕዝቡ ለተነሱት ጥያቄዎች የሚሰጠውን የጥይት ምላሽ እየተከታተልን ነው። ለመብታቸው ሲታገሉ መስዋዕት የሆኑትን ወገኖቻችን ነፍሳቸው በሰላም እረፍት እንድታገኝ፤ የተሰዉላት ሀገራቸውም ስቃይና መከራዋ በአጭር ሆኖ ትንሣኤዋን ለማየት እንዲያበቃን እየተመኘን ለቤተሰቦቻቸውና ለኢትዮጵያውያን ወገኖቻችን በሙሉ መጽናናትን ያድልልን እንላለን።
በሀገራችን በኢትዮጵያ የሰብዓዊ መብቶች ሁኔታ በጣም አስከፊ ደረጃ ላይ ደረሷል። የኢትዮጵያ ሕዝብ የመናገር፣ የመጻፍ፣ የመሰብሰብ የመደራጀት፣ ሰላማዊ ሰልፍ የማድረግ መሠረታዊ መብቱ ተረግጦ በገዛ ሀገሩ የበይ ተመልካች ሆኖ፣ ወጣቶች የተሻለ ኑሮና ሕይወት ፍለጋ ወደ ማያውቋቸው ሀገሮች በበረሃ፣ በባህር፣ በዱር በገደሉ እየተጓዙ የአውሬና የአሣ ነባሪ ቀለብ ሆነዋል። ላለፉት 25 ዓመታት ያለማቋረጥ ሀገራቸው የምድር ሲኦል ሆናባቸው በድህነት፣ በሥራ አጥነት፣በማንነት ጥያቄ፣ መተንፈሻ በማጣታቸው ትዕግሥታቸው ገንፍሎ በቃን ተበደልን፣ በደል አንገፈገፈን ብለው በሰላማዊ መንገድ ለመብታቸው ባደረጉት ትግል ከመንግሥታቸው ጥይት እየዘነበባቸው ከፍተኛ የሆነ ቁጥር በመላው ሃገሪቷ ሕዝብ እየረገፈ ነው። ላለፈው አንድ ዓመት በፊት ጀምሮ በኦሮሞ ወገኖቻችን የተነሳው ሕዝባዊ እንቅስቃሴ ዛሬም እንዳለ ነው፤ የወልቃይት የማንነት ጥያቄን መሠረት አድርጎ በጎንደር በጎጃም የተቀሰቀሰው ሕዝባዊ እንቅስቃሴ በብዙ መቶዎች የሚቆጠሩ የሀገሪቷን ጎልማሳ ሽማግሌ፣ ሴት ወንድ፣ ህፃንና ወጣት ሳይለይ በሞት እየቀጠፈ ነው። በኮንሶ፣ በቤንሻንጉል፣ በደቡብ፣ በሰሜን፣ በምስራቅና በምዕራብ መላው ሀገሪቷ በሕዝብ ደም ማዕበል እየተጥለቀለቀችና በመንግሥት ታጣቂዎች ጥይት እየታመሰች ትገኛለች።
ይህ ሁኔታ በአግባቡ ከአልተያዘና በአስቸኳይ ካልቆመ ሀገሪቷንና የአካባቢውን ሀገራት ጨምሮ ወደ አልተገመተ አስከፊ የፖለቲካ የማህበራዊና የምጣኔ ሀብት ቀውስ ውስጥ ሊያስገባ ይችላል። ምንም እንኳን መንግሥት በጎሳና በሃይማኖት እየከፋፈለ ላለፉት 25 ዓመታት በእጥፍ እያደገነው የሚለው የምጣኔ ሀብት እድገት ለጥቂቶች መከበሪያ ከመሆነ አልፎ የሕዝቡን የኑሮ ሁኔታ ሊቀይረው አለመቻሉ ግራ የሚያጋባ ስሌት ቢሆንም የሀገሪቱ የኤኮኖሚ ግሽበት ከ90% በላይ የሚሆነው ሕዝብ ከድህነት በታች እንዲኖር አድርጎታል። በ2009 መንግሥት አትራፊ ያልሆኑ ሕዝባዊ ድርጅቶችን የሚገድብ ህግ ደንግጓል። ይህ ህግ ሕዝባዊ ድርጅቶችን፣ ሰብዓዊ መብቶችን ለማስጠበቅ የቆሙትንና ተቆርቋሪ ድርጅቶችን ለሕዝቡ እንዳይደርሱ አምክኗቸዋል።
በዚሁ ሥርዓት ተወልደው የጎለመሱት የነገዋ ኢትዮጵያ ተረካቢ ትውልድ ቀደም ሲል በመካከለኛ ምሥራቅ በስደት ፍዳቸውን ያዩና ያለቁት ቁጥር ስፍር የላቸውም። አሁን ደግሞ ተስፋ በማጣት መረረኝ ብለው በሀገራቸው በስላማዊ ትግል ብሶታቸውን በማሰማታቸው መንግሥት ምላሹ ጥይት ሆኖ በየቀኑ እንደ ጉድ እየረገፉ ነው። በእንቅርት ላይ ጆሮ ደግፍ እንዲሉ ይባስ ብሎ መንግሥት በሀገሪቱ ላይ የአስቸኳይ ጊዜ አዋጅ በማውጅ በገዛ ሕዝቡ ላይ አመጹን የሚያባብስ እርማጃ ወስዷል።
ይህ አዋጅ የሀገሪቷን መጻኢ ዕድል ከፍተኛ አደጋ ላይ የሚጥል፣ ሕዝቡን ለከፋ ቀውስ የሚዳርግ በመሆኑ አጥብቀን እንቃወማለን።
የኢትዮጵያ ሕዝብ ሆይ እየደረሰበህ ያለው አስከፊ የመብት እረገጣ፣ ግድያና እሥራቱን ለመቋቋም አንድነት ኃይል ነው፣ የሕዝብን የአንድነት ትግል የሚያሸንፈው ኃይል የለምና ትግላችሁን ከዋናውና ከጋራ ጠላታችሁ ጋር ብቻ በማድረግ ይችን ክፉ ዘመን በጋራ በአንድነት በመቆም እንድትወጡት ወገናዊ ጥሪያችንን እናቀርባለን።
የተቃዋሚ ኃይሎች ልዩነታችሁን አጥብባችሁ በየቀኑ በሚያለቀው፣ እንታገልልሃለን በምትሉትና ልትሰዉለት በተዘጋጃችሁት ሕዝብ ስም ከምንግዜውም በላይ ዛሬ በሚያግባቧችሁ መሠረታዊ ጥያቄ ላይ በማተኮር በጋራ ቆማችሁ ኢትዮጵያን ለማዳን ለሕዝባችሁ እንድትደርሱለት በአንክሮ እንጠይቃለን።
የተለያያችሁ ሕዝባዊ ማህበራት፣ የእምነት የሃይማኖት ተቋማት፣ የዕድር የእቁብ፣ አትራፊ ያልሆናችሁ ወገናችሁን በመርዳት ላይ ያላችሁ ተቋማት ሁላችሁም የወገናችን ዕልቂት በአስቸኳይ እንዲቆምና ሕዝባዊ መሠረት ያለው ሁሉም ኢትዮጵያውያንና የህብረተሰቡ አካሎች የተሳተፉበት ሕዝብ የመረጠው ሕዝባዊ መንግሥት እንዲመሰረት የበኩላችሁን ተሳትፎ እንድታደርጉ እንጠይቃለን።
የዓለም አቀፍ ህብረተሰብ በተለይ የአሜሪካንና ኃያላን አገሮች፣ በኢትዮጵያ መንግሥት ላይ ያላቸውን ፖሊሲ እንድትመረምሩና የገዛ ሕዝቡን በጥይት ከሚጨርስ ከወያኔ ኢህአድግ መንግሥት ጋር ሳይሆን ከኢትዮጵያና ሕዝቧ ጎን እንድትቆሙ አጥብቀን እንጠይቃለን።
ኢትዮጵያ በልጆቿ አንድነት ለዘላለም ትኑር።
የኢትዮጵያ ሴቶች የመብት ማዕከል (CREW)

ሚኒሊክ ሳልሳዊ

በቤልጄም ብራስልስ ከተለያዩ የኣውሮፓ ኣገሮች የተሰባሰቡ ኢትዮጵያውያን በኢትዮጵያ የሚገኘውን ኣገዛዝ እና የሰብዓዊ መብት ጥሰት ግድያና ኣፈና በመቃውም የሕወሓት ኣገዛዝ የሚያደርጋቸውን ክፉ ተግባራት በማውገዝ ስልታኑን ለቆ ለሕዝብ እንዲያስረክብ በመጠየቅ ያላቸው ተቃውሞ ያሰሙ ሲሆንኣውሮፓውያን ኣምባገነኖችን መርዳት እንዲያቆሙ በመጠየቅ ሃገር ቤት ያለውን ትግል በመደገፍ ድምጻቸውን ኣሰምተዋል።
በሰልፉ ላይ በርካታ ኢትዮጵያውያን በመገኘት የኢትዮጵያናን የኦሮሞ ነጻነት ባንድራን በመያዝ የተለያዩ መፈክሮችን በማሰማት ሲቃውሙ ውለዋል።ሰልፉ በተሳካ መኩ መጠናቀቁን በቦታው የተገኙ ኢትዮጵያውያን ገልጸዋል።

Unity in Diversity !!
Tokkummaan Humna !!
Down with the killers !!
Down with dictatorship !!
EU stop funding dictatorship !!

ሙሉቀን ተስፋው
አርበኛ አበራ ጎባው መሰዋቱን የሰማሁት ዛሬ ጥቅምት 3 ቀን 2008 ዓ.ም. ከቀኑ 10፡00 ሰዐት አካባቢ ነበር፡፡ ሆኖም የዚህ ጀግና በጠላት መሞት ለኅልውናው የሚታገለውን የዐማራ ገበሬ ሞራል ይጎዳል በሚል ዜና ሳልሰራው ቆየሁ፡፡ ነገር ግን እኔ ብተወዉም ሌሎች ሰዎች የጎባውን ሰማዕትነት ዘገቡት፡፡ ከዚያም በአካባቢው ያሉ የዐማራ ገበሬዎችን እንዴት ነው ተጋድሏችሁ ላይ ምን አሉታዊ ተጽእኖ አለው? በማለት ጥያቄ አቀረብኩላቸው፡፡ ‹‹እንዴ አርማጭሆ እኮ ነው አገሩ! የበለጠ ደማችን በንዴት ተንተከተከ፤ ሺህ አበራዎች አለን›› አሉኝ፡፡ ስለሆነም የአበራ ጎባውን ጉዳይ ዘርዘር አድርጎ ማስረዳቱ የተሻለ እንደሆነ አሰብኩ፡፡
ሰማዕት አርበኛ አበራ ጎባው የትግሬ ወያኔ ፋሽሥታዊ ሥርዓትን ቀድሞ የተረዳ ጅግና ነበር፡፡ ከዛሬ 15 ዓመታት ቀድሞ የወልቃይት ዐማሮች ላይ የሚደርሰውን የትግሬ ወያኔ ጭካኔ አንገሸገሸው፡፡ ዐማራነት የማይከበርበት አገር ውስጥ እስከ መቼ መኖር እችላሉ? ዐማራነት ወንጀል ሆኖ ምን ዓይነት እንቅልፍ ይወስደኛል? አለ፡፡ ጓደኞቹን ጠራና መከረ፡፡ ዱር ቤቴ ብሎ ሕብረቱን ከጫካ ጋር ካደረገ ይኼው 15 ዓመታት አልፈውታል፡፡

የአርበኛው አበራ ጓደኛ ጫካ ነው፤ ቤቱ የዛፍ ጥላ ነው፤ ምርኩዙ ክላሽንኮፉ ነው፡፡ ጀግናው አርበኛ አበራ ባሕታዊ ነው- ግላዊ ሕይወቱን ትቶ ከዱር አራዊት ጋር ወዳጅነቱን አጥብቋል፡፡ በአርማጭሆ ጫካዎች ከአሽሬ ማዶ ዶጋው የተከበረው በአበራ ነው፡፡ አርበኛ አበራን አይደለም አርፎበት የነበረውን ዛፍ ማንም ደግሞ አይቀመጥበትም፡፡
ሰሞኑን የትግሬ ወያኔ መንግሥት የዐማራውን ትጥቅ ለማስፈታት በአርማጭሆ ሲጀምር እኔ እያለሁ እስኪ ይሞከራል? በማለት የወያኔን ጦር ለመመከት ወደ ወደ አሽሬ ታች አርማጭሆ ሔደ፡፡ አበራ በዚህ አለ ሲባል የሚፍረከረከው የወያኔ ጦር ከ30 በላይ የሚሆን ሠራዊት ከትቶ አበራ ከሁለት ጓዶቹ ጋር አለበት ወደተባለው ዶጋው ሔደ፡፡ የወንዱ ዲካ አበራ እርዳታ መጠየቅ አልፈለገም፡፡ እስካአፍንጫዊ ዘመናዊ መሣሪያ የታጠቀውን 30 የወያኔ ጦር ብቻየን ዶጋ አመድ አደርገዋለሁ ብሎ አሰበ፡፡
መሣሪያ አተኳኮስ የግሉ ነው፡፡ አንድ ጥይት ተኮሶ ዒላማውን አይስትም፡፡ ሦስቱን አርበኞች ከ30 በላይ የሚሆን የወያኔ ጦር ዛሬ ከረፋዱ ላይ ከበባ አድርጎ ገጠማቸው፡፡ የእነ አበራ ክላሽ አሽካካ፡፡ ዲሽቃና ብሬን በነ አበራ አናት ላይ እሪ አለ፡፡ ጦርነቱ ያለበት አካባቢ ድምጽ አፍኖ በመያዙ ምክንያት ለእነ አበራ ረዳት መድረስ አልቻለም፡፡
የመጡትን የትግሬ ወያኔ 30 ወታደሮች አበራና ጓዶቹ አጋደሟቸው፡፡ 20ዎቹ እስከ መጨረሻው አሸለቡ፡፡ 10 አካባቢ የሚሆኑት ደግሞ በጣረሞት ተረፉ፡፡ የሔደው መከላከያ ሲያልቅ የጸረ ሽምቅ ግብረ ኃይል የሚባለው በብዛት ተከተለ፡፡ እነርሱንም አጋደሟቸው፡፡ ከቀኑ 9፡00 ሲሆን አንበሳዎቹ ሩጫቸውን ጨረሱ፡፡ ለሚወዱት ሕዝብ ክብር ሲሉ መስዋእት ሆኑ፡፡ የእነ አርበኛ አበራ ጎባውን አስከሬን ዙሪያ ከ50 በላይ የጠላት በድኖች ወዳድቀው ከበውት ነበር፡፡ ዛሬ አርማጭሆ ይህን ይመስል ነበር፡፡
ለጀግና ሞቱ ክብሩ ነው፤ አርማጭሆ የእነ ባሻ ጥጋቡ፣ የእነ አበራ ጎባው አገር ነው፡፡ አርማጭሆ ታሪክ መሥራት ልማዱ ነው፡፡
የዐማራ ተጋድሎ እስከ ነጻነት ይቀጥላል፤ የዐማራ ሕዝብ በልጆቹ መስእዋትነት ይከበራል!!
ድል ለዐማራ ሕዝብ

ጉዳያችን / Gudayachn
ጥቅምት 5፣2009 ዓም
====================

ኢቲቪ = ´´ሕወሓት ስልጣን ላይ ካልቆየ ትጠፋላችሁ´´
ሕዝብ=´´ውረዱ እንጂ እንደማንጠፋ ታያላችሁ´´
ኢቲቪ ሰሞኑን አክቲቪስት እና የኦኤምኤን ቴሌቭዥን ጣብያ ሥራ አስኪያጅ አቶ ጀዋርን፣ የአርበኞች ግንቦት ሰባት ሊቀመንበር ፕሮፌሰር ብርሃኑ ነጋን እና የግብፅ መንግስትን የሚወቅስልኝ ያለውን ፕሮፓጋንዳ ተያይዞታል።ጉዳዩ ግን ሕዝብን በእራሱ ዜጎች የማስፈራራት ሙከራ ካልሆነ በቀር በእዚህ ደረጃ ያለ የህዝብ ጥያቄን ማደባበስ አይቻልም።ለመሆኑ ሕወሓት ከመቼ ወዲህ ነው የሀገር ጠበቃ የሆነው? እስኪ ሶስቱን የፕሮፓጋንዳው መነሻ የሆኑትን ተራ በተራ ባጭሩ እንመልከት።

ጀዋር
======
ጃዋር ገና በልጅነቱ የተናገራቸውን (ሰውነቱም ቀጭን ሆኖ ነው በኢቲቪ የሚታየው) ንግግሮች ኢቲቪ እየመዘዘ የኢትዮጵያን ሕዝብ ሊያስፈራራበት ይሞክራል።ጀዋር ቀድሞ ያላቸውን አባባሎች በተለያየ ጊዜ ማስተባበያ ሰጥቶበታል።ጀዋር ባለፈው ለሕወሓት የጋበዘው እና ፌስ ቡኩ ላይ የለጠፈውን የአማርኛ እስክስታ ኢቲቪ ለምን ደበቀው? ኢቲቪ በሚለው ደረጃ ጀዋር በኢትዮጵያ ማኅበረሰብ ውስጥ ያልተፈጠረ አስመስሎ ለማቅረብ የሚደረገው ሙከራ ውሸት መሆኑን የኢትዮጵያ ሕዝብ ማወቅ አለበት።የኢትዮጵያ ሕዝብ በመተዳደርያ ማንፌስቶ ላይ ሕዝብን ጠላት ብሎ ከፈረጀ ድርጅት ጋርም 25 ዓመታት ኖሯል።

ፕሮፌሰር ብርሃኑ
==========
ኢቲቪ ፕሮፌሰር ብርሃኑን በፕሮፓጋንዳው ላይ ደጋግሞ የሚያቀርበው ንግግር የወያኔ ንብረት ላይ ስለሚፈፀሙ ጥቃቶች ነው።ፕሮፌሰር ብርሃኑ የወያኔ ንብረት ጥቃት ላይ ተናገሩ እንጂ የትግራይ ንብረት አጥፉ አላሉም።የፕሮፌሰር ብርሃኑን ያህል ከትግራይ ሕብረተሰብ ጋር ተከባብሮ የሚኖር ሰው ለማምጣት መሞከር ሌላው የወያኔ ማጨናበርያ ነው። ይልቁንም ፕሮፌሰርን የኢትዮጵያ ሕዝብ እንደዛ በበረሃው ሰውነቱ ተጎሳቁለው ሲመለከት ግሎባል ሆቴል ትዝ ይለዋል።ይህ ሰው እንዲህ የጠቆረው ለእኔ አይደለምን? የኢትዮጵያ ሕዝብ መበደል የአገሩ ጉዳይ ቢያሳዝነው አይደለምን? እኔስ ኃላፊነቴ ምንድነው? እንዲል አድርጎታል። ስለሆነም ኢቲቪ እዚህም ላይ አልተሳካለትም።

ግብፅን በተመለከተ
===============
ሰሞኑን ኢቲቪ ግብፅን አስመልክቶ የሚያስተላልፈው ፕሮግራም ኃላፊነት የጎደለው ነው።
የፕሮፓጋንዳው ጭብጥ አንድ የቴሌቭዥን ጣብያ ስለ ኦነግ አወራ ነው።ከእዚህ ጋር አስታኮ የአባይ ግድብ ይነሳል።እዚህ ላይ አንድ ማወቅ ያለብን ነገር ከኢትዮጵያ በስተቀር በሌሎች የአፍሪካ ሀገሮች ለቁጥር የሚያታክቱ የግል ቴሌቭዥን ጣቢያዎች አሉ።ባለፈው ሳምንት አንድ የኬንያ ተወላጅ ወጣት በሀገሩ ስንት የግል ቴሌቭዥን ጣቢያዎች እንዳሉ ስጠይቀው የመለሰልኝ በጣም ብዙ እንደሆነ እና አላውቅም የሚል ነው።በእርግጥ በኬንያ ያሉት ቴሌቭዥን ጣብያዎች ከቁጥር በላይ ሆነው ሳይሆን ብዛት ያላቸው ቴሌቭዥን ጣብያዎች መኖር ለአፍሪካውያን ብርቅ አለመሆኑን ነው።

ግብፅን ደግሞ በእዚሁ መልክ ማየት ይቻላል።በእዚህ ፅሁፍ አቅራቢ መሰረት በግብፅ ውስጥ ከ120 በላይ የሳተላይት ተሌቭዥኖች መኖራቸውን ከድረ-ገፅ ላይ ተመልክቷል። ይህ ማለት አንድ ዩንቨርስትም የእራሱ ሳተላይት ቴሌቭዥን የመክፈት መብት ያላቸው የአፍሪካ ሀገሮች ውስጥ ያሉ ቴሌቭዥኖች በማናቸውም ጉዳዮች ላይ ተመልካች ለማግኘት ከመጣር አንፃር ፕሮግራሞች ያቀርባሉ። ኢቲቪ የወሰደው ከእነኝህ ቴሌቭዥኞች አንዱን መዞ ´´ኦነግን እየረዳን ነው፣ አባይ ቆመ መንገዱ ተዘጋ´´ ይለናል።

ይህንን በምሳሌ እንየው ለአቅመ ነፃ ሚድያ አልደረሰም እንጂ እንበል እና ሚሚ ስብሃቱ ቅልጥ ያለ ኬንያን የሚሰድብ ፕሮግራም አቅርባ ስትሳደብ ብትውል እና የኬንያ ቴሌቭዥን የኢትዮጵያ መንግስት እንዲህ እያደረገ ነው ብሎ ሲናገር ይታያችሁ።ጤነኛ መንግስት በመጀመርያ የሚያደርገው በተቅራኒው ሀገር የመደበውን ኢምባሲ ስለቴሌቭዥን ጣቢያው ምንነት ይጠይቃል።በመቀጠል ጉዳዩን ከሀገሩ አምባሳደር ማብራርያ ይጠይቃል።በግብፅ አንፃር ግብፅ በውጭ ጉዳይ ሚኒስትር መስራቤቷ በኩል ምላሽ ሰጥታለች።በሌላ አንፃር ግብፅ ስለግድቡ መከታተሏን የኢትዮጵያ ሕዝብ ባትነግሩትም ያውቀዋል።ይህ ምን ይደንቃል? ከእዚህ ይልቅ ግብፅ ሕወሓት በትጥቅ ትግል ላይ እያለ ምን ያህል እንደረዳች ቢነገረን ጥሩ ነበር።

ባጠቃላይ ኢቲቪ´´ውሸት ሲደጋገም እውነት ይባላል´´ በሚል የተሳሳተ እሳቤ ሕዝብን ያስፈራራልኛል ያለውን ፕሮግራም ያለውን እየመረጠ ሕዝቡን እያሸበረው ነው።የመልክቱ አጠቃላይ ይዘት ሲመዘን ´´ሕወሓት ስልጣን ላይ ካልቆየ ትጠፋላችሁ´´ የሚል ነው።ሕዝብ ደግሞ የሚለው ´´ውረዱ እና እንደማንጠፋ እናሳያችሁ´´ የሚል ሆኗል።ከእዚህ ሁሉ ይልቅ የኢትዮጵያ ሕዝብ የሁሉንም ንግግር በጉጉት እየተከታተለ እና የበለጠ መረጃ እያገኘ ከመሆኑም በላይ በእየለቅሶ ቤቱ ሁሉ በኢቲቪ መቀለድ የተለመደ ሆኗል።በኢቲቪ ፕሮግራም እራሳቸውን በእራሳቸው እያስደሰቱ ያሉት የስርዓቱ አቀንቃኞች ብቻ ናቸው።ጀዋርም ሆነ ፕሮፌሰር ብርሃኑን ወደ እንዲህ አይነቱ የትግል መስመር ያስገባቸው የሕወሓት የ25 ዓመታት በደል እና ግፍ ነው።የኢትዮጵያ ህዝብም ጥያቄ የግለሰቦች ስብዕና አይደለም።አምባገነንነት እና ዘረኝነትን የሌለበት ሁሉም በሕግ የምተዳደርባት ኢትዮጵያን ማምጣት ነው።ይህ ደግሞ ከሕወሓት ጋር እንደማይሆን ካወቀው ቆይቷል።

ጉዳያችን GUDAYACHN

www.gudayachn.com

ባለሥልጣኖቻችን ሚስቶቻቸውንና ልጆቻቸውን በጣም የናቋቸው ይመስላል፤ ሚስቶቻቸውና ልጆቻቸው የኢትዮጵያ ሕዝብ የሚያውቀውን ሁሉ ያውቃሉ፤ የኢትዮጵያን ቴሌቪዥን ያያሉ፤ የኢትዮጵያን ራድዮ ይሰማሉ፤ ባሎቻቸውና አባቶቻቸው የዛሬ ሳምንት የተናገሩትን ረስተው፣ ወይም ክደው፣ ወይም ዋሽተው ተቃራኒውን ሲናገሩ መሸማቀቃቸው አይቀርም፤ እንዲህ ያለው የንግግር መገለባበጥ የእምነት መገለባበጥን፣ የማሰብ ችግርን፣ የመንፈስ ልልነትን ያሳያል፤ ታዲያ ሚስቶችና ልጆች እየተሸማቀቁ አካላቸውም ነፍሳቸውም ሲያልቅ ለባለሥልጣኖቹ አይታወቃቸውም? ወይስ የቤተሰብ አባሎች ጠባይ እየሆነ ሽታዬ ሽታዬ እየተባባሉ ነው?
አንዳንዶች ባለሥልጣኖች ወንበሩ ላይ የወጡት እግዚአብሔርን ሳይይዙ ነው፤ አንዳንዶቹ ደግሞ እግዚአብሔርን ይዘው ወንበሩ ላይ ይወጡና እግዚአብሔርን ከተቆናጠጡ በኋላ እግዚአብሔርን ከውስጣቸው የሚያስወጡት ይመስላል፤ የእግዚአብሔርን መንገድ ብዙ አናውቅምና ለሱ እንተውለት፡

ግን እኛም ሰዎቹ ባለሥልጣኖቻችን እውነተኞች ቢሆኑ፣ በትክክል ቢያስቡና የመንፈስ ልዕልና ቢኖራቸው እንኮራባቸው ነበር፤ አርአያም ይሆኑን ነበር፤ ልጆቻቸውም ከልጆቻችን ጋር ተግባብተው ያድጉ ነበር፤ ባለሥልጣኖቻችን ለቤተሰቦቻቸው ብቻ ሳይሆን ለኢትዮጵያ ሕዝብ በሙሉ የመንፈስ ልዕልና አርአያ እንዲሆኑልን ኃላፊነት አለባቸው፤ ተደጋግሞ እንዳየነው በየዘመኑ የተሰየሙልን ባለሥልጣኖቻችን የኃላፊነት ግዴታ የሚጎድላቸው ናቸው፤ ለአምላካቸው የኃላፊነት ግዴታ አይታይባቸውም፤ ለቤተሰቦቻቸው የመንፈሳዊ ኃላፊነት ግዴታ አላደረባቸውም፤ ለአገራቸውና ለወገናቸው ደኅንነትና ብልጽግና ኃላፊነት አይሰማቸውም፤ የሥልጣን ወንበሩ የሚፈለገው ለሁለት ዓላማዎች ብቻ ነው፤ ለጉልበትና ለሀብት ብቻ!
በእኔ ዕድሜ ሥልጣንና የኃላፊነት ስሜት ሲጋጩና ነፍስን ሲገነጥሉ ‹‹በቃኝ!›› ብለው የመንፈስ ልዕልናቸውን መርጠው ሥልጣናቸውን ያስረከቡት ጸሐፌ ትእዛዝ አክሊሉ ኃብተ ወልድ ናቸው፤ አጼ ኃይለ ሥላሴ ፊት ቀርበው፣ የማይደፈረውን ደፍረው፣ አሻፈረኝ! የማይባለውን አሻፈረኝ! ብለው ሥልጣን የሌለበትን የአገር ኃላፊነት በአጼ ኃይለ ሥላሴ እግር ስር አስቀምጠው ራሳቸውን ነጻ አወጡ! ትልቅ ድፍረት ነው፤ እንኳን በአገር ደረጃ ጠቅላይ ሚኒስትርን የሚያህል ሹመትና በትንሹ በአውራጃ አስተዳደሪ ደረጃም ቢሆን የጃንሆይን ትእዛዝ አልቀበልም ማለት ዋጋ ያስከፍላል፤ (እኔ በትንሹ ከፍያለሁ!)
ጸሐፌ ትእዛዝ አክሊሉ ለአገራቸው ብዙ የደከሙ ሰው ናቸው፤ በታወቀው በፈረንሳዩ ሶርቦን ዩኒቨርሲቲ ተኮትኩተው ያደጉና በኢጣልያ ወረራ ጊዜ በአውሮፓ እየተዘዋወሩ ለኢትዮጵያ ነጻነት የታገሉ ሰው ናቸው፤ ከጦርነቱም በኋላ የውጭ ጉዳይ ሚኒስትር ሆነው የተባበሩት መንግሥታት የአውሮፓውያን (የነጮች)ኃይል አክሊሉ በልበ-ሙሉነት ከምዕራባውያን ኃይሎች የውጭ ጉዳይ ሚኒስትሮች ጋር በክርክር ሲተናነቁ ነበር፤ የምዕራባውያን የውጭ ጉዳይ ሚኒስትሮች ጸሐፌ ትእዛዝን በጥቁርነታቸው ሊንቁ ሲቃጡ በአእምሮና በመንፈስ ልዕልናቸው እያሳፈሩ ልካቸውን አሳይተዋቸዋል፤ ነጮቹ በግዳቸው እንዲያከብሯቸው አደረጉ፤ እኝህ ሰው ናቸው በባህል ተጽእኖና በይሉኝታ ሥልጣን የሌለበትን ኃላፊነት ተቀብለውና ተሸክመው ለብዙ ዓመታት በጨዋ ደንብ የታገሉት፤ በመጨረሻም በቃኝ! አብዮታዊ እርምጃ ወሰዱና ለአጼ ኃይለ ሥላሴ ገበጣ መጫወቻ አልሆንም ሲሉ የኢትዮጵያ ታሪክ አዲስ አቅጣጫን ያዘ፡፡
የዛሬው ጠቅላይ ሚኒስትር ከመጽሐፍ ቅዱስ ካልተማረ ከጸሐፌ ትእዛዝ አክሊሉ ሀብተ ወልድ ሊማር ይችላል፤ በመማርም ኢትዮጵያንና የኢትዮጵያን ሕዝብ ከአደጋ ሊያድን ይችል ይሆናል፤ አንድ ሰው ታሪክን ለመሥራት ይችላል፤ እግዚአብሔር መንፈሳዊ ወኔውን ይስጠው!

ቀሲስ ደጀኔ ሽፈራው

አዳም ልጆች አንድ አይነት ቋንቋ ይናገሩ እንደ ነበረና በኋላም፡- በኃጢአት ምክንያት፥እርስ በርስ እንዳይግባቡ፥ቋንቋቸው እንደ ተደበላለቀባቸው፥መጽሐፍ ቅዱስ ይናገራል።በአንድነት በሦ ስትነት የሚመሰ ገኑ ሥሉስ ቅዱስ፡-የአዳም ልጆችን በቋንቋ ተግባብተው፥መልካም ሥራ መሥራት ሲገባቸው፥የክፋትን ሕንጻ ሲገነቡ ስለ አገኟቸው፡-“ኑ እንውረድ፤አንዱ የአንዱን ነገር እንዳይሰ ማው ቋንቋቸውን በዚያ እንደባልቀው፤”ብለው፡-ደበላለቁባቸው፥ከተማቸውንም አፈራረሱባቸው፥ ይላል።በዚህም ምክንያት፡-የአዳም ልጆች በምድር ላይ ተበትነው የሚኖሩ ሆነዋል።ዘፍ፡፲፩፥፩-፱። (እኛን ኢትዮጵያውያንን በቋንቋ ልዩነት ምክንያት ተበታትነን ከመኖር እግዚአብሔር ይጠብቀን ፤) -የሰው ልጆች በቋንቋ ተግባብተው፡-በመጀመሪያ በክፋት የተነሡት በእግዚአብሔር ላይ ነው።“ኑ ለእኛ ከተማና ራሱ ወደ ሰማይ የሚደርስ ግንብ እንሥራ፤” በማለት በፈጣሪያቸው ላይ ሲያምፁ ተገኝተዋል።ለጊዜው እነርሱን ያሳመናቸው ምክንያት ነበራቸው።

ይኸውም፡-በኖኅ ዘመን፡-በኃጢ አት ምክንያት፥ምድር በንፍር ውኃ ተጥለቅልቃ፥ለዘር ከተረፉት በቀር የምድር ፍጥረታት ሁሉ ጠፍ ተው ስለነበረ፥“ይኼ እግዚአብሔር፡-በላይ በሰማይ ተቀምጦ፥ኃጢአታችንን እያሰበ የሚያጠፋን እስከ መቼ ነው?” የሚል ነበር። -በመጽሐፍ ቅዱስ፡-በመጽሐፈ ኵፋሌ ላይ እንደ ተጻፈው፥የሰናዖርን ሕንጻ ለመሥራት የፈጀባቸው ፵፫ ዓመታት ነው፥ቍመቱም ፭ሺ፬፻፴፫ ክንድ ከ፪ ስንዝር ነበር።ኵፋ፡፲፥፲፩።መነሻ አሳባቸው ሁለት አይነት ዓላማ ነበረው።አንደኛው፡-“እግዚአብሔር፡-ልክ እንደ ኖኅ ዘመን ኃጢአታችንን አስቦ፥በደላችንንም ቆጥሮ፥ ምድርን በውኃ ቢያጥለቀልቃት፥ከግንቡ ላይ ወጥተን እንተርፋለን፤” በሚል ሲሆን፥ሁለተኛው ደግሞ፡-”በሰማይ ዙፋኑ ተቀምጦ፡-በመዓቱና በመቅሠፍቱ የሚያውከንን አምላክ ተዋግተን ድል እናደርገዋለን፤” በሚል ከንቱ ምኞት ነበር።መስሎአቸው እንጂ የትም ይሁን የት ከፈጣሪ ፊት መሰወር አይቻልም።“ከመንፈስህ ወዴት እሄዳለሁ? ከፊትህስ ወዴት እሸሻለሁ? ወደ ሰማይ ብወጣ፥አንተ በዚያ አለህ፤ወደ ጥልቍም ብወ ረድ፥አንተ በዚያ አለህ፤” ይላል።መዝ፡፻፴፰፥፯።እንዲሁም፡-“ፍጡር ፈጣሪውን ታግሎ ያሸንፋል፤”ብሎ ማሰብም የቀን ቅዠት ነበር። “ከእግዚአብሔር ጋር የሚጣሉ ይደቅቃሉ፤በሰማይም ያንጐደጉድባቸዋል፤እግዚአብሔር እስከ ምድር ዳርቻ ይፈርዳል፤”ይላል።፩ኛ፡ሳሙ፡፪፥፲። -እግዚአብሔር ቍጣውን በትእግሥት፥መዓቱን በምሕረት መመለስ ስለሚያውቅበት፡-ተለያይተን በት የነበረውን ቋንቋ መልሶ ለበጎ አድርጐልናል።ይኸውም ይታወቅ ዘንድ፡-የጰራቅሊጦስ ዕለት ለቅዱሳን ሐዋርያት ፸፪ ቋንቋ ገልጦላቸዋል።“አንድ የእስራኤል ቋንቋ ብቻ ይበቃችኋል፤”አላላቸ ውም።“ከሰማይም በታች ካሉ ሕዝብ ሁሉ (ከመላው ዓለም የተሰበሰቡ ሰዎች)፥በጸሎት የተጉ አይ ሁድ፥በኢየሩሳሌም ይኖሩ ነበር፤ይህም ድምፅ በሆነ ጊዜ ሕዝቡ ሁሉ ተሰበሰቡ፥እያንዳንዱም በገዛ ቋንቋው ሲናገሩ ይሰሙ ስለ ነበረ የሚሉትን አጡ፤”ይላል።የሐዋ፡፪፥፭።ለቅዱሳን ሐዋርያት የዓ ለሙ ቋንቋ የተገለጠላቸው፡-የሰውን ሕይወት ከክፋት እንዲመልሱበት፥ከእግዚአብሔር ርቆ፥እርስ በርሱም ተራርቆ የነበረውን ሕዝብ መልሰው አንድ እንዲያደርጉበት ነበር።“ወደ ዓለም ሁሉ ሂዱ፥ ወንጌልንም ለፍጥረት ሁሉ ስበኩ፤” ይላል።ማር፡፲፮፥፲፭። -ዘመናችንን ስንመለከተው ግን፡-ቋንቋ፡-ሰዎች እርስ በርሳቸው የሚቀራረቡበት የመግባቢያ መሣ ሪያ ሳይሆን፥ሌላውን የሚያርቁበት የልዩነት አጥር ሆኖአል።ከዚህም የተነሣ፡-እንደ ሐዋርያት የፍ ቅር መስበኪያ ሳይሆን የጥላቻ ማስተጋቢያ፥እንደ ባቢሎን እርግማንም የመለያያ ምክንያት ሆኖ ተገኝቶአል።ይህን በቋንቋ የመለያየት መርዝ የረጩብን ጠላቶቻችን እንደነበሩ ታሪክ ይናገራል። ጣልያኖች፡-የኢትዮጵያ ሕዝብ አንድ ሆኖ ድል ስላደረጋቸው፥ኃይሉን ለማድከም የተጠቀሙበት ዘዴ ነበር።ዓላማውም፡-አንድ የሆነው ሕዝብ በቋንቋ ተለያይቶ እርስ በርሱ ሲጫረስላቸው መሬቱን ለመውረስ፥አንድም ዳኛ ሆነው በላዩ ላይ ነግሠው ለመቀመጥ ነበር። -ጣልያኖች፡-ለጊዜውም ቢሆን ይህ ተንኰላቸው በአንዳንድ ቦታ ተሳክቶላቸው፥አርበኛውን ከኋላ የወጉ፥በፊት ለፊትም ከጠላት ጋር የተሰለፉ፥አብረው ይኖሩ የነበሩ ወገኖቻቸውንም ውጡልን ያሉ ሰዎች ነበሩ።በወቅቱ አባ ዶዮን የመሳሰሉ ታላላቅ ባላባቶች፡-“ኦሮሞና አማራ አንድ ነው፥ሁለቱን እንለያይ ማለት ሠርገኛን ጤፍ፡-ነጩን ከጥቍሩ የመለየት ያህል አስቸ ጋሪ ነው፤”ብለው ባያሳፍሯ ቸው ኖሮ የከፋ እልቂት ያጋጥም እንደ ነበረ ሳይታለም የተፈታ ነው።(ከጄነራል ጃገማ ኬሎ ጋር ከተደረገ ቃለ ምልልስ ላይ የተወሰደ)።የአሁኑ ትውልድ ግን በደምና በአጥንት የተጻፈውን ይኸንን የአባቶቹን ታሪክ እየደለዘ፥ጠላት ዘርቶት የነበረውን ዘር ለፍሬ አበቅቶት እነሆ አዝመራውን እያጨ ድን እንገኛለን።በዚህ ምክንያት የብዙ ሺህ ኢትዮጵያውያን ሕይወት እንደ ቅጠል ረግፎአል፥ብዙ ሺዎችም ተወልደው ካደጉበት ቀዬ ተፈናቅለዋል።እኛም እንደማያይና እንደማይሰማ ዝም ብለናል ።የኢትዮጵያ ነገር የሚያስጨንቃቸው አያሌ ምሁራን፡-“የተጀመረው በዘር ላይ የተመሠረተ ፖለ ቲካ እንደማያዋጣ፥ሰሚ ባያገኙም አብዘተው ጮኸው ነበር።መጮኽም ብቻ ሳይ ሆን ለሀገር ብለው ታስረዋል፥ተገርፈዋል፥ተሰድደዋል፥ተገድለዋል። -ለመሆኑ፡-በቋንቋ ላይ ተመሥርተን፥የየራሳችንን ሀገር ካደራጀን በኋላ፡-“እንገንጠል፤” የምንለው፥ ስንት ሀገር ለማቋቋም ነው? ምክንያቱም በሀገራችን የሚነገሩት ከሰማኒያ በላይ ቋንቋዎች ናቸውና ።ሰማኒያ ሀገር ለማቋቋምስ ስንት ዓመት ይፈጃል? አሁን በተከለለው የክልል መስመርስ ምን ያህል መተማመን አለ?መተማመን ከሌለስ በዚህ ምክንያት የነደደው እሳት ማብረጃው ምንድ ነው? እየረገፈ ላለው የሰው ሕይወትስ ተጠያቂው ማነው? የላይ ፈሪ፥የታች ፈሪ እያሉ፥በነደደው እሳት ላይ የፕሮፖጋንዳ ቤንዚን ማርከፍከፍስ ለማን ይበጃል? የገባንበት አሮጌ የዘር ከረጢትስ፡-ሊመጣ ካለው ጥፋት ሊያድነን ይችላል ወይ? ብሎ መጠየቅ፥መልሱንም፡-የባሳ ነገር ከመምጣቱ በፊት ፈልጎ ማግኘት ይገባል።ምናልባት፡-“በኃይልና በሥ ልጣን እንቆጣጠረዋለን፤”እንዳይባል፥ ትርፉ ተያይዞ ማለቅ እንደሆነ ውጤቱ እየታየ ነው።ስለዚህ ፉከራውንና ቀረርቶውን ቆም አድርጎ ሰከን ማለት ያስፈልጋል።በተንኮል በሴራና በውሸት የትም አይደረስም፥በማሰር በማሰቃየትና በመ ግደልም ትርፍ አይገኝም።ስለሆነም ቆም ብሎ እንደ ሰው ማሰብ ያስፈልጋል። -እንደ ክርስትና ስናየው፡-ክርስትና፡-ሰውና እግዚአብሔር፥ሰውና መላእክት፥ሕዝብና አሕዛብ ፥ነፍ ስና ሥጋም በክርስቶስ ቤዛነት አንድ የሆኑበት ሕይወት ነው።“ታድያ ይህ ሁሉ ልዩነት ከየት መጣ? ”ብንል፥በአጭር ቃል ከጥንተ ጠላታችን ከሰይጣን ነው።“ሰይጣን እንደ ስንዴ ሊያበጥራችሁ ለመነ ፤”ይላል።ሉቃ፡ ፳፪፥፴፩።ከዚህ ፈተና ለመዳን፥እግዚአብሔር፡-ካላጸና በስተቀር፥ይህ ዘመን፡-መን ፈሳውያንም ዓለማውያንም ተመዝነን የቀለልንበት ዘመን ነው።ሁሉም በዘር ከረጢት ውስጥ ገብቶ፡ -በወንድማማቾች መካከል ጠብን እየዘራ ይገኛል።ይህም፡-እግዚአብሔር ፈጽሞ የሚጸየፈው ተግ ባር ነው።ምሳ፡፮፥፲፱። -ክርስትና ማለት ክርስቶስን መምሰል ነው፤ሐዋርያው ቅዱስ ጳውሎስ፡-“እኔ ክርስቶስን መስዬዋ ለሁ፤” ያለው ለዚህ ነው።፩ኛ፡ቆሮ፡፲፩፥፩።በመሆኑም፡-ክርስቶስ የሰውን ዘር በጠቅላላ እንደ ወደደ ፥ፍቅሩንም በመስቀል ላይ እንደ ገለጠ፥ክርስቲያንም እንዲሁ ሊሆን፥ፍቅሩም እስከ ሞት ድረስ ሊዘልቅ ይገባል።“እንደ ወደድኋችሁ እናንተ ደግሞ እርስ በርሳችሁ ትዋደዱ ዘንድ አዲስ ትእዛዝ እሰጣችኋለሁ።እርስ በርሳ ችሁ ፍቅር ቢኖራችሁ፥ደቀ መዛሙርቴ እንደ ሆናችሁ ሰዎች ሁሉ በዚህ ያውቃሉ፤”ብሎናል።ዮሐ፡፲፫፥፴፬። ቅዱስ ዮሐንስም፡-“ወዳጆች ሆይ፥እግዚአብሔር እንዲህ አድርጎ (አንድ ልጁን ለሞት አሳልፎ እስኪሰጥ ድረስ) ከወደደን፥እኛ ደግሞ እርስ በርሳችን ልንዋ ደድ ይገባናል።እግዚአብሔርን ማንም ከቶ አላየውም፤እርስ በርሳችን ብንዋደድ እግዚአብሔር በእኛ ይኖራል፥ፍቅሩም በእኛ ፍጹም ሆኖአል። . . . ማንም እግዚአብሔርን እወዳለሁ እያለ ወን ድሙን ቢጠላ ሐሰተኛ ነው፤ያየውን ወንድሙን የማይወድ ያላየውን እግዚአብሔርን ሊወደው እን ዴት ይችላል? እግዚአብሔርንም የሚወድ ወንድሙን ደግሞ እንዲወድ ይህች ትእዛዝ አለችን፤” ብሎአል።፩ኛ፡ ዮሐ፡፬፥፲፩፤፳። -ብዙ ሰዎች፡-አንድ አይነት ቋንቋ ስለ ተናገሩ ብቻ፥በፍቅር የሚኖሩ፥ፍትሕን የሚያገኙ፥ኑሮአቸው ሁሉ እንደ ገነት፥እንደ መንግሥተ ሰማያት የሚሆንላቸው ይመስላቸዋል።ከልጅነት እስከ እውቀት የተሰበከላቸው ይኸው በመሆኑ፡-አዙረው የሚያዩበት አንገት፥የሚያስተውሉበትም ልብ ያጣሉ። አንድ አይነት ቋንቋ እየተናገሩ፥ሰላም ከሌላቸው ጎረቤቶቻቸው ከነሶማልያ እንኳ ለመማር ፍላጎቱ የላቸውም።እነዚህ ሰዎች እንኳን የጎረቤቶችችውን መለስ ብለው የቤታችውን ጓዳ እንኳ ቢፈትሹ፡-እነርሱ እውነት ነው ብለው ከሚ ያምኑበት ዓላማ ጋር የሚላተም ብዙ ነገር ያገኛሉ። -ለምሳሌ፡-“መፍትሔው በአንድ ቋንቋ መናገር ብቻ ነው ፤” በተባለው መሠረት፡-ትግርኛ ተናጋሪ የሆነው ኢትዮጵያዊ የራሱን ጎጆ ቢቀልስ፡-አድዋ፥አክሱም፥ሽሬ፥ ተንቤን፥አዲግራት፥አጋሜ እያለ ላለመከፋፈሉ ዋስትናው ምንድ ነው? “መሬቴ በኃይል ወደ ትግራይ ተከልሎብኛል፤”ከሚለው ጎንደሬ፥ወሎዬና አፋር ጋርስ መጨረሻው ምን ይሆናል? ፈርዶብን ነው እንጂ ሁሉስ የኛ አልነ በር? አማርኛ ተናጋሪው ኢትዮጵያዊ፡-ጎንደሬ፥ጎጃሜ፥ሸዌ፥ወሎዬ እያለ፡-እንዳይለያይ መጠበቂ ያው ምንድ ነው? ኦሮምኛ ተናጋሪው ኢትዮጵያዊ፡-የሸዋ፥የወለጋ፥ የኢሉ አባ ቦራ፥የጂማ፥የአርሲ ፥የሐረርጌ፥የቦረና፥የባሌ እያለ እንዳይበታተን ማሰሪያ ገመዱ ምንድነው? እንደዚህ አይነት ነገር በአውራጃ ብቻ ተወስኖ የሚቀር ሳይሆን፥እስከ መንደር ድረስ የሚዘልቅ ነው።ይኸንንም፡-በዓለማ ዊውም ሆነ መንፈሳውያን በሚባሉ ተቋማት ውስጥ፥ሌላውን እየገፉና እያገለሉ፥በመንደር ልጅነት መሰባሰብንና መጠቃቀምን በገሃድ እያየን ስለሆነ ፈጽሞ ልንክደው የማንችለው ሐቅ ነው።ብዙ ጊዜ አንድ አይነት ቋንቋ የሚናገሩ ሰዎች የሚስማሙት ሌላውን ለማጥቃት ብቻ ነው፥ለብቻቸው ሲሆኑ ግን እርስ በርስ እንደሚበላሉ የታወቀ ነው። -እንኳን ተፋትተን፥ሰማንያ ጎጆ ቀልሰን ቀርቶ፥ገና ሳንፋታ፡-ልክ እንደ ጎረቤት ሀገር፥በክልሎች መካ ከል የድንበር ጥያቄ እየተነሣ፥ከተጀመረ ጀምሮ ደም እየፈሰሰ ነው።ብዙ ቋንቋዎች በሚነገሩበት በደቡብ ክልልም፡-በዞኖች መካከል ብዙ መቆራቆስ አለ፥ሕይወትም እየጠፋ ነው።“ራሳችንን ችለን ዞን እንሁን፤” የሚል ጥያቄ በማንሣታችው፥ኮንሶን በመሳሰሉ አካባቢዎችም፥ሰዎች እየተገደሉ፥መን ደራቸውም እየተቃጠለ ነው።ይህ እንደሚመጣ አስቀድሞ ተነግሮ ነበር፥ለምን ሰሚ ጠፋ? ወይስ እንደሚባለው፡-ልክ እንደ ባዕዳን ቅኝ ገዢዎች፥ከፋፍሎ ለመግዛት እንዲመች ነው? ዓላማዬ ብለው ለያዙት መራራ ቢሆንም እውነቱ ይኸው ነው ።እንዲህ አይነት ነገር ሲነገር እንደ ዛር የሚያ ንዘፈዝፋቸው አያሌ ሰዎች አሉ፥ወገኖቼ “በፍቅር እንኑር፤”ማለት እኮ ሃይማኖት ነው።ፍቅር ከሌለ ደግሞ ሁሉም ነገር ከንቱ ነው።፩ኛ፡ቆሮ፡፲፫፥፩-፫። -በአንድ ሀገር፡- የተለያየ ቋንቋ መናገራችን ውበት እንጂ ክፉ ነገር አይደለም።ስለሆነም ቋንቋችንን እንዋብበት እንጂ አንጋጭበት።ሰው እኮ የሚወለደው ቋንቋን እየተናገረ አይደለም፥ከተወለደ በኋላ ግን የተ ወለደበትን አካባቢ ቋንቋ ተምሮ ይናገረዋል።እዚህ እኛ ባለንበት ሀገር የተወለዱ ልጆች ለመናገር የሚቀናቸው አማርኛው፥ኦሮምኛው፥ትግርኛው፥ጉራጊኛው፥ወላይትኛው ሳይሆን፥የሀገሩ ቋንቋ እንግሊዘኛው ነው።ከዚህም የምንማረው፥ቋንቋ፡-የሚመጣው ሰው ከሆን በኋላ ስለሆነ፥ልን ገዛው እንጂ ሊገዛን እንደማይገባ ነው።እንዲያው ሌላውን ነገር ሁሉ ትተን፥የትዳርን ሕይወት ብቻ ብንመለከት፡-እጅግ ብዙ ሰዎች “ከዘሬ ውጭ እርም ይሁንብኝ፤” ብለው ዘራቸውን መርጠው ያገ ባሉ።ታድያ፡-“አንድ ዘር ሁነው፥አንድ ቋንቋ እየተናገሩ፥ለምን እየተጣሉና እየተበጣበጡ ይኖራሉ? ለምንስ ተፋትተው ልጆቻቸውን ይበትናሉ? በፖለቲካውስ ዓለም፡-ለምን እርስ በርስ ይጠላለፋሉ ? ለምንስ እርስ በርስ ይገዳደላሉ?” ብሎ መጠየቅ ይገባል።መልሱ፡-አጭርና ግልጥ ነው።ዘርና ቋንቋ ሰውን አንድ አይነት አስተሳሰብ እንዲኖረው ስለማያደርገው፥ ወይም የችግራችን ሁሉ መፍ ትሔ ስለማይሆን ነው። -አሁን ያለውን የሀገራችንን ኹናቴ ስንመለከተው፥እንደ ሰናዖር ሕንፃ ለአርባ ዓመታት የተገነባው የዘረኝነት ግንብ በአንድ ጊዜ እየፈረሰ መሆኑን እናስተውላለን።ይህም የቅድስት ሥላሴ ሥራ እንጂ የሰው ብቻ አይደለም።ቅድስት ሥላሴ የሰናዖርን ግንብ እንዳፈረሱት ይኸንንም አፍርሰውታል።ስለ ሆነም፡-“እኔ የጳው ሎስ ነኝ፥እኔስ የአጵሎስ ነኝ፥እኔ የኬፋ ነኝ፤” የሚለውን አቁምን፥በፍቅር ማሰ ሪያ ልንተሳሰር ይገባል።፩ኛ፡ቆሮ፡ ፩፥፲፪።“ነገር ግን ወንድሞች ሆይ፥ሁላችሁ አንድ ንግግር እንድት ናገሩ በአንድ ልብና በአንድ አሳብም የተባበራችሁ እንድትሆኑ እንጂ መለያየት በመካከላችሁ እንዳ ይሆን በጌታችን በኢየሱስ ክርስቶስ ስም እለምናችኋለሁ፤”፩ኛ፡ቆሮ፡፩፥፲።“ለእውነት እየታዘዛችሁ፥ ግብዝነት ለሌለበት ለወንድማማች መዋደድ ነፍሳችሁን (ሰውነ ታችሁን) አንጽታችሁ እርስ በርሳ ችሁ ከልባችሁ አጥብቃችሁ ተዋደዱ።ዳግመኛ የተወለዳችሁት (በጥምቀት ከውኃና ከመንፈስ ቅዱስ የተወለዳችሁት ልደት) ከሚጠፋ ዘር አይደለም፥በሕያውና ለዘለዓለም በሚኖር በእግዚአብ ሔር ቃል ከማይጠፋ ዘር ነው እንጂ።ሥጋ ሁሉ እንደ ሣር ክብሩም ሁሉ እንደ ሣር አበባ ነውና፤ ሣሩ ይጠወልጋል፥አበባውም ይረግፋል፤የጌታ ቃል ግን ለዘለዓለም ይኖራል።በወንጌልም የተሰበከ ላችሁ ይህ ነው።”፩ኛ፡ጴጥ፡፩፥፳፪-፳፭።

መርፌ ቂጡ ላይ የተሰካበት የቄራ በሬ ወዴት እንደሚሄድ ስለማያውቅ እየደነበረና እየፈረጠጠ ያገኘውን በቀንዱ እየወጋና እያፈረጠ ይሮጣል። ሰሞኑንም የምናየው የወያኔ የጭካኔ በትር ብሶት መከራና ችግር ያማረረው ህዝባችን ላይ ሲወርድበትና በግፍ ሲገደል ማየቱ እጅግ የሚያሳዝንና የሚያስቆጭ ነው።ወያኔ ሩብ ምእተ ዓመት የስልጣን ኮርቻው ላይ ጉብ ብሎ የከፋፍለህ ግዛ ፍላጎቱን እያራመደ በልማት ስም መሬት ከገበሬው እየነጡቀና ነዋሪዎችን ከትውልድ ቀዬያቸው እያፈናቀለና እያፈረሰባቸው መሬታቸውንና ቦታቸውን ለባለ ሀብቶችና ለውጭ ኢንቨስተሮች እየሸነሸነ በመቸብቸብ ጥቂት ባለስልጣኖች ሀብት እያካበቱ አብዛኛውን ህዝብ ወደ ድህነት የቁልቁለት መንገድ አሽቀንጥሮታል።
የገዢው መንግስት በህዝባችን ላይ የሚያደርሰው አሰቃቂ የጅምላ ግድያዎች : በዱላና በመሳሪያ ደብድቦ በሺህ የሚቆጠሩ ህዝቦች ላይ የአካል ጉዳት ማድረስ : በሺህዎች የሚቆጠሩ ወጣቶች በየእስር ቤት ማጎር : ነዋሪዎችን በግዳጅ ከቤት ንብረታቸውና ከቀዬያቸው ማፈናቀል በኢሰብአዊነት የሰው ልጆችን መብት በግዴለሽነት ሲጥስ ኖሯል። ታዲያ ህዝባችን ይህንን አስከፊ ድብደባና ሞት አንገሽግሾትና በቃኝ ብሎ አደባባይ ወጥቶ ድምፁን ማሰማቱን አላቆመም። ወያኔ የህዝብን ድምፅና ሃሳብ ውድቅ አድርጎ ከኔ በላይ ማንም አያውቅልህም በሚል ትዕቢት ተጠናውቶ ጭራሽ ህዝቡን የፅንፈኞች : የትምክህተኞች እንዲሁም የሽብርተኞችና የሁከት ፈጣሪዎች ሴራ ነው በማለት አደባባይ የወጣው ህዝብ ላይ ምላሹን በዱላና በመሣሪያ አውርዶበት ከዚያም በተረፈ ህዝቡን በመናቅ ያላግጥበታል።

ህዝባችንም ከዛሬ ነገ ለውጥ ይመጣል በማለት በጨዋነትና በታጋሽነት የሰላምን ተስፋ በማለም ብዙ ውጣውረዶችን አሳልፏል።ዛሬ ግን ይህን የግፍ ቀንበር ከላዩ ላይ ለአንዴና ለመጨረሻ ለማውረድ ስርዓቱን አንቅሮ በመትፋት የሕዝባዊ አመፁን ችቦ በአገር ውስጥ ክጥግ እስከጥግ ለኩሶ ክወያኔ ጋር ትንንቁን ተያይዞታል። የሌባ አይነ ደረቅ መልሶ ልብ ያድርቅ ።እንዲሉ ታዲይ ወያኔ ይህን ሕዝባዊ ትግል ነው የውጭ ኃይሎች የተንኮል ሴራ እያለ ያስተባብላል።ወያኔ እየደነበረ መግለጫና አዋጅ እያክተለተለ ነው።

ዛሬ ኃይለማርያም አደባባይ ወጥቶ State of Emergency ወይም የአስቸኳይ ጊዜ አዋጅ ለስድስት ወር ብሎ አውጇል። እንዴት ነው ነገሩ ሕዝባችን እኮ ወያኔ ሥልጣን ከያዘ ጀምሮ ስለመብቱና ስለነፃነት እንዳይጠይቅ : ምሁራኖችና ጋዜጠኞች ስለመብትና ስለዲሞክራሲ እኔዳይሰብኩና እንዳይጽፉ በአጠቃላይ ሕዝባችን በፈሪነትና በድኽነት ቀንበር እንዲኖር በርካታ ዜጎች በአጋዚ ጦር በግፍ ሲጨፈጨፉና ሲገደሉ ንፁሀን ዜጎች ባላጠፉት ጥፋት በሀሰት በሽብርተኝነት እየተፈረጁ ወደእስር ቤት ሲወረወሩ ከመቼውም በበለጠ ማንነትና ኢትዮጵያዊነት ትልቅ ጥያቄ ውስጥ እንዲገባ ሲደረግ ነው የኖረው።

“የቆጡን አወርድ ብላ. . . . ” ካልሆነ በስተቀር ዛሬ ህዝብ ተነሳብኝ ብሎ በአዋጅ ውስጥ ለሚኖር ህዝብ አስቸኳይ አዋጅ : አጣዳፊ አዋጅ እያለ በመግደል ህዝብን ማቆም የሚችል መስሎት የደነበረ እርምጃውን ለመውሰድ እያኮበኮበ ነው። ወያኔ ከሰላማዊ እርቅ ይልቅ ብቸኛ መፍትሄ አድርጎ የሚያየውን እራሱ እንኳን የማያከብረውን ሕግ ላይ አዋጅ መጨመሩ ምንም ዓይነት የህግ ተጠያቂነት የሌለበትና የለየለት በቀንም ሆነ ጨለማን ተገን አድርጎ የህዝብን ቤት እየሰበረ እየገባ አፈናውን ለማካሄድና የጅምላ ግድያውን ከማጠናከር በቀር ሌላ ዓላማ እንደሌለው ህዝባችን ብቻ ሳይሆን የዓለም መንግሥታቶች :: የሰብዓዊ መብት ተከራካሪ ዶርጅቶች : የተቃዋሚ ፓርቲዎች እንዲሁም ጋዜጠኞችና ምሁራኖች አጥብቀው እየተቃወሙ ነው። ሁሉን ችላ በማለቱ ሚስጥራዊው የወያኔ ተልዕኮ ምን እንደሆነ ለማንም ግልፅ አይደለም። ለራሳቸውም ግልፅ የሆነ አይመስለኝም።

ኃይለማርያም ደሳለኝን ማይክሮፎን በማድረግ በተለይ ይኽንን አስከፊ ሴራ የሚጠነስሱት አብዛኛውን የሀገሪቱን ሀብት: ንብረትና ስልጣን የሚቆጣጠሩት ከአንድ ዘር የተወጣጡት የህወሃት ማፊያዎች ናቸው። ህዝብን በዘር በመከፋፈል እያባሉ የሀገር ሀብትን ዘርፈው እትዮጵያን ድምጥማጧን ለማጥፋት ጠንክረው የሚሰሩት ህወሃቶችን ቆንጥጠው ከያዙት የፖለቲካ : የኢኮኖሚ : የመከላከያ : የፋይናንስ : የሕግና የመገናኛ ስልጣኖች ነቅሎ ማውጣት ህዝብና አገርን ለማዳን ዋናውና አጣዳፊው የሁላችንንም ርብርብ ይጠይቃል። የእነዚህን ባለሥልጣኖች በንብረትነት በራሳቸው ስም ሆነ በዘመዶቻቸው የሚያንቀሳቅሷቸውን የንግድ የፋይናንስ ተቋማትና ድርጅቶች ማገድና ንብረትነቱን የህዝብ የማድረጉ እንቅስቃሴ ያስፈልጋል። እነሱንም የሽግግር መንግሥት ከተቋቋመ በኃላ ለፍርድ ማቅረብ ይጠበቅብናል ። ለዚህም ትግል ዋናና ትልቁን ሚና የሚጫወተው በጎንደር በኦሮሚያ : በጎጃም እንዲሁም በሰሜን ሸዋና አልፍ አልፎ በመዲናዋ በአዲስ አበባ የተጀመረው ህዝባዊ አመጽ ነው። ይህንን አመጽ ሌሎቹም የአገሪቷ ክፍሎች በመቀላቀል አመጹን አጠናክሮ ወያኔን ፋታ በማሳጣት ማዳከም ነው። ዛሬ ቁርጠኛ የኢትዮጵያ ልጆች አደባባይ በመውጣትና ከወያኔ ጋር ትንንቅ በማድረግ በተለይ በኦሮሚያ : በጎንደርና በጎጃም የተከፈለው መሰዋትነት በኢትዮጵያ ታሪክ ሲፃፍ ይኖራል።
እንግዲህ የኢትዮጵያ ሕዝብ በሕዝባዊ እምቢተኝነቱ የመጀመሪያውን ሳንጃ በወያኔ መቀመጫ አሳርፏል። ወያኔ ደንብሯል። የሚያደርገውን ስለማያውቅ የሀገር ሀብትና ንብረትን ክሀገር ከማስወጣት ባሻገር ጨካኙን የአጋዚን ጦርና ልዩ ኮማንዶዎች በተለያዪ የሀገሪቱ ክፍሎች በማሰማራት ህዝባችን ላይ የጭካኔ በትሩን እያወረደ ነው።ትልቅ ፈተና ነው።ሁላችንም ከህዝባችን ጎን መቆም ግድ ይለናል። የኢትዮጵያ አንድነት ከመቼውም በላይ አስፈላጊና ህዝባችንና አገራችንን ማዳኛው ሰዓት አሁን ነው።ከሁሉም አቅጣጫ ብሄራዊ እርቅ አስፈላጊ ነው። ተቃዋሚ የፖለቲካ ድርጅቶች ልዩነታቸውን በማስወገድ በአንድነት መቆም አለባቸው።ሁሉንም ያካተተ ውይይት ተደርጎ የሽግግር መንግሥት ማቋቋም ያስፈልጋል። የሐይማኖት ተቋሞች ተቻችለውና ተከባብረው የእምነት ተክታዮችን ለኢትዮጵያ እንድነት አብረው እንዲቆሙ ማስተማር አለባቸው።
ማንን ማገልገል እንዳለበት ፈፅሞ የዘነጋው ከህዝብ የወጡት የሠራዊቱና የፖሊስ ኃይሎች ከህዝብ ይልቅ በሙስናና በግፍ የተጨማለቁትን የአምባገነን ባለስልጣኖች ጥቅም አስጠባቂ በመሆን የገዛ ህዝብን ከመጨፍጨፍ በአሳቸኳይ መታቀብ አለባቸው። ማንም አዘዘው ማን መሣሪያ ወገን ላይ አነጣጥሮ የወገንን ነፍስ ማጥፋት ነገ ተጠያቂው በገዳይነቱ እሱ እንደሆነ አውቆ ከህዝብ አብራክ መውጣቱን ጠንቅቆ በማስተዋል ከድርጊቱ መታቀብ አለበት።ከህዝብ መቀላቀል አለበት። ሁሉም ብሄረሰቦች ኢትዮጵያ የምትባለው አገር ከምንም በላይ በማስቀደም የሁላችንም እኩል መጠለያ ጎጆአችን እንደሆነች ፍላጎቱና የጸና ኢትዮጵያዊነት በውስጣቸው ሊኖርባቸው ይገባል። ኢትዮጵይ እጆቿን ወዳ እግዚአብሔር ትዘረጋለች።

መርፌ መቀመጫው ላይ ከተሰካበት የቄራ በሬ ይሰውረን።

ሰላምና ነፃነት ለሕዝባችን።

ኢትዮጵያ በክብር ለዘላለም ትኑር ።

ከመጽሀፉ ጀርመን

ታሪኩ ደሳለኝ

የዝዋይ እስር ቤት አስተዳዳር በተመስገን ደሳላኝ ላይ በፃፈው የአመክሮ መከልከያ ቢጫ ወረቀት ላይ ይህን አስፍሯል
1. የጋዜጠኛ ተመስገን ደሳለኝ ፁሁፎች አሁን ሀገሬቷ ላለችብት ነገር ዋናውን አስተዋፆ ይወስዳሉ
(በነገራችን ላይ ይሄ የፍርድ ቤት ስራ እንጂ የእስር ቤቱ አስተዳደር ስራ አይደለም)
2. አመክሮ አለገመገም ብሏል
(የእስር ቤቱ አስተዳደሮች ተመስገንን ይሄን 20 ቀን ሙሉ አመክሮ እንዲገመገም ብንለምነው ብናስለምነው አመክሮ አልገመገምም ብሏል)
3. በእስር ቤቱ ውስጥ አድማና አማፅ ቀስቅሷል፣ እስረኞችን አደራጅቷል ተጨማሬ መብታችሁን ጠይቁ ብሏል
በሚሉ ምክኒያቶች ተመስገን ደሳለኝ ከእሰር ቤት እንደማፈታ ተነግሮናል፡፡

ተመስገን በእስር ቤቱ ውስጥ 2 ዓመታት ሲያሳልፍ ለአያሌ ጊዚያት ጭለማ ቤት፣ ቅጣት ቤት እና በቤተስብም በውዳጅም እንዳይጠየቅ ተደርጓል አንዲሁም ምንም አይነት ህክምና አንዳያገኝ ተክልክሏል እንዚህ ነገሮች ሲደረጉበት ግን በእስር ቤቱ ህግ መሰረት ስላጠፍክ ለዚህን ያሀል ጊዜ ቅጣት ቤት ትቆያለህ ወይም ለዚህን ያህል ጊዜ ማንም ሰው አይጠይቅም ተብሎ አልተከሰስም የፈለጉትን በሻቸው ሰዓት አደረጉበት እንጂ፡፡ እንግዲህ በእስር ቤት ቆይታው ምን አይነት ጥፋት አጠፋህ ተብሎ ያልተጠየቀ ያልተከሰስ ነበር፡፡ በመጨረሻ ሰዓት ማለት መስከረም 30/09 ዓ.ም ይህን አደርገሀል ብለው መፃፋቻ ግራ አጋቢ ነው፡፡
እንግዲህ እኛም ከዚህ በኋላ ለተጨማሬ 1 ዓመት የግፍ ግፍ ለሆነው እስር ወደ ዝዋይ እስር ቤት እንመላለሳልን፡፡ እውነት ነው የዝዋይ ጉዞዎ አድካሜ ነው ግን ተመስገን ለሀገሬ ስል እስከ ቀራኒዬ እጎዛለሁ ካለው ጋር ፈፅሞም አይገናኝም ለዚህ ነው ጉዞችን የኩራት አንጂ የህፍረት የማይሆነው፡፡

(ዘ-ሐበሻ) በዓይነቱ የመጀመሪያው የሆነውና ከኦጋዴን; ከአኝዋክ; ከኦሮሞ ኮምዩኒቲ የተውጣጡ ታዋቂ ፖለቲከኞች እና አክቲቭስቶች የሚሳተፉበት የሚሳተፉበት ሕዝባዊ ስብሰባ እና በሃገር ቤት እየሞቱና እየቆሰሉ ላሉ ወገኖች መርጃ የሚሆን የገቢ ማሰባሰቢያ ዝግጅት ቅዳሜ ኦክቶበር 22, 2016 በሚኒሶታ እንደሚካሄድ ጽናት ለኢትዮጵያ የውውይት መድረክ አስታወቀ::

በሚኒሶታ ሁሉን የኢትዮጵያ ማህበረሰቦች አቀራርቦ ለማወያየት የተቋቋመው ጽናት ለኢትዮጵያ በሚኒሶታ በዓይነቱ የመጀመሪያው የሆነውና እስካሁን በአንድ መድረክ ተገናኝተው የማያውቁ አክቲቭስቶችና የፖለቲካ ሰዎችን የሚያገናኝ መድረክ አዘጋጅቷል:: በዚህ መድረክ አክቲቭስት ታማኝ በየነና ድምጻዊ መሐሪ ደገፋው ይገኛሉ::
በተጨማሪም
– ሁድ አብዱላሂ የኡጋዴን ኮምዩኒቲ ምክትል ፕሬዚዳንት
– ኢንጂነር ኦዶል ኦዶል ከአኝዋክ የታህሳስ 13 መታሰቢያ
– የሕይወት ዘመን የኦሮሞ አክቲቭስትና አሶሲየት ፕሮፌሰር ሃሰን ሁሴን
– የኦሮሞ ካልቸራል ኢንሲስትዩት መሪ ግርማ ሃሰን
– አክቲቭስት ነጌሶ ዋቀዮ ከአዲሲቷ ኢትዮጵያ
– የኦሮሞ ፌዴራሊስት ኮንግረስ የዓለም አቀፍ ድጋፍ ኮሚቴ መሪ ነጌሳ ኦዶ ዱቤ
እንደሚገኙና በኢትዮጵያ ቀጣይ እጣ ፈንታ እና አሁን ባለው ወቅታዊ የሃገራችን ሁኔታ ዙሪያ ንግግር እንደሚያደርጉ ተገልጿል::

በዚህ ጽናት ለኢትዮጵያ የውውይት መድረክ በሚኒሶታ ባዘጋጀው የውውይትና የገቢ ማሰባሰቢያ ዝግጅት የሚገኘው ገቢ በግሎባል አልያንስ በኩል የህወሓት መንግስት ጥቃት ሰለባ ለሆኑ ወገኖች ማቋቋሚያ ይውላል ተብሏል::

ይህ ታሪካዊ ዝግጅት የሚደረግበት ቦታ: 320 University Ave W, St Paul, MN 55103 (ላዖ ኮምዩኒቲ አዳራሽ) ሲሆን ዝግጅቱ ከሰዓት በኋላ ከ4:30 በኋላ እንደሚደረግ ታውቋል::

ቀን፤ ጥቅምት 3፣ 2008 ኦክቶበር 13፣ 2016

በኢትዮጵያ ህዝብ ላይ ለ 25 አመታት ተጭኖ የኖረው የህወሀት/ኢህአዴግ የአፈናና የከፋፍለህ ግዛው ስርአት እነሆ በህዝባችን ታላቅ ተጋድሎና መስዋእትነት መሰረቱ ተናግቶ በመንገዳገድ ላይ ይገኛል:: ዛሬ ባለው ሁኔታ ስርአቱ ተንኮታኩቶ እንዲወድቅ አሁን በተለያየ ቦታ ከሚከናወነው ህዝባዊ ተጋድሎ በተጨማሪ፣ የስርአቱ መፈራረስን ተከትሎ ምንም ክፍተት እንዳይፈጠርና በህዝባችንም ሆነ በሀገራችን ላይ ምንም አይነት አደጋ እንዳይደርስ ምን መደረግ አለበት የሚለው ሁሉም ዜጋ፣ የፖለቲክ ድርጅቶች፣ ሲቪክ ማህበራት፣ ያገባናል የሚል ሁሉም ባለድርሻዎች ሊያስቡበትና የመፍትሄውም አካል ሊሆኑ የሚገባበት ወቅት አሁን ነው። — የሚቀጥለውን ያንብቡ በዲፍ …..

ሰለሞን ነጋሽ
በአስቸኳይ ጊዜ አዋጁ ዙሪያ የዛሬ ሳምንት የግል አሰያየቴን ማካፈሌን ተከትሎ፣ ከተናገርኩት አንድ ሀረግ በመምዘዝ ጠንከር ያለ ትችት የሰነዘሩ ሰዎች አሉ፥ “ንብረት ቢቃጠል ‘who cares’ ማለትህ ነውጠኛ መሆንክን ያስመሰክራል።” ይላል። የተሰነዘረብኝን ትችት ለማስተባበል ሳይሆን ጉዳዩ ትኩረት የሚሻ በመሆኑ መልስ በዚህ መልኩ ለመስጠት ፈለኩኝ። ለምን?

ተመሳሳይ ነገር በፌስቡክ ገፁ ላይ በመፃፉ እስር ቤት የተወረወረውና እስካሁን ድረስ በእንግልት ላይ ያለው ወጣቱ የሰማያዊ ፓርቲ ፖለቲከኛ ዮናታን ተስፋዬ የዚህ ክስ ሰለባ ነው። ክሱ ተገቢውን መልስ ማግኘት አለበት። ዮናታን ተስፋዬ ለዚህ ክስ ምን ዓይነት መልስ እያቀረበ እንዳለ ባላውቅም፣ እኔ ግን የሚከተሉትን ነጥቦች አነሳለሁ፥

ንብረት ወደመ ተብሎ የአንድም ሰው ህይወት መጥፋት የለበትም! ንብረት ቢወደም ይተካል። የሰው ህይወት ቢጠፋ አይተካም። የሰው ህይወት ለመንጠቅ ስልጣኑ የተሰጠው አካል የለም። መንግስት ህዝብን እንዲያስተዳድርና ከጠላት እንዲጠብቅ ኃላፊነት የተጣለበት የህዝብ ባሪያ እንጂ፣ ህዝብን በማንኛውም ምክንያት ለመጨፍጨፍ ስልጣን የተሰጠው ገዢ አይደለም።
ሲሆን መንግስት ህዝብን ከሚያገልና ብሶተኛ ከሚያደርጉ አካሄዶች መቆጠብ ነበረበት። ካልሆነ ህዝብ ብሶቱን የሚገልፅባቸው ህገመንግስታዊ መንገዶች (እንደ ነፃ ሚድያ፣ ነፃ ምርጫ፣ ነፃ የውይይት መድረኮችና የሰላማዊ ሰልፍ መብቶች፣ ወዘተ) ማስከበርና ክፍት ማደረግ ነበረበት። ይኽ ሳይሆን ሲቀር ደግሞ ህዝብ በቻለው መንገድ ሁሉ ብሶቱን ለመግለፅ ሲሞክር መንግስት ሰሚ ጆሮ ሊኖረው ይገባ ነበር። እነዚህን በሙሉ የተነፈገ ህዝብ፣ቁጣውን ንበርት ላይ ቢወጣና ብሶቱን በዚህ መንገድ ቢገልፅ ያስመሰግነዋል እንጂ አያስወቅሰውም። እንደኔ ህዝብ በዚህ መንገድ ባይሄድ እመርጣለሁኝ፣ እመክራለሁኝም። ነገር ግን ሰሚ ሲያጣና ካቅም በላይ ሲሆን ሌላ የባሰ ቁጣ ማብረጃም አለና ንብረት ላይ መሆኑ ያስመሰግነዋል እላለሁኝ።
ለአስቸኳይ ጊዜ አዋጅ ማወጅ ምክንያት ሆኖ የቀረበው ዋንኛ ምክንያት “ከህዝብ የቁጠባ ባንኮችና ከውጪ በተገኘ ብድር የተገነቡ ንብረቶች እየወደሙ በመሆናቸው” የሚል ነው። በህዝቡ ቁጣ እየወደመ ካለው ንብረት በላይ በብዙ እጥፍ የሚበልጥ የአገር ሀብት ኢህአዴግ በሚቆጣጠራቸው የዘረፋ ድርጅቶቹ ሲወድም መኖሩን ማስታወስ አለብን። እንዳውም ይህን ያስቸኳይ ጊዜ አዋጅ ያሳወጀውና ከኋላ ሆኖ የሚዘውረው የኢህአዴግ ሚሊተሪ ክንፍ፣ ሜቴክ በተሰኘው ድርጅቱ ከ77 ቢልዮን ብር በላይ የአገሪቱን ሀብት ድራሹን ያጠፋና ያለ አንዳች ተጠያቂነት እንዲታለፍ የተደረገ ወንጀል ማስታወስ ይገባል። ከ77 ቢልዮን ብሩ አንፃር ሲታይ በህዝብ ቁጣ የወደመው ንብረት ኢምንት ነው።
የህዝብን ሀብት ያባከኑ ወሮበሎች ላይ የሞት እርምጃ ሳይወሰድ፣አደባባይ ወጥተው ድንጋይ የወረወሩ ታዳጊዎች ላይ የሞት እርምጃ መውሰድ የተለመደ አሰራር የሆነበት በዓለማችን ብቸኛ ስርዓት የኢህአዴግ ብቻ መሆን አለበት። ወጣቶች ድንጋይ በመወርወር የአንድ ህንፃ መስታወት ሰበረዋል በማለት ታጣቂ አሰማርቶ የሚገድለው የኢህአዴግ መንግስት፣ 88 ኮንዶሚንዬም ከነመስታወቱ የገባበት ሳይታወቅ ድራሹ ሲጠፋ የወሰደው እርምጃ አልነበረም። የአንድ ህንፃ መስታወት መሰባበር ነው ወይስ የ88 የኮንዶሚንየም ህንፃዎች ድራሻቸው መጥፋት ለአገሪቱ ትልቅ ኪሳራ?? ይህን የፈፀሙ ወሮበላዎች ላይ ምንም ዓይነት እርምጃ ሳይወሰድ እንደቀልድ እየታለፈ፣ መስታወት በሰበሩና የግድግዳ ቤት ባፈረሱ ወጣቶች ላይ ታጣቂ አስማርቶ መጨፍጨፍ በህዝብ ላይ ጦርነት እንደማወጅ ነው።
በድጋሚ ንብረት ስለወደመ ተብሎ አንድም ሰው መሞት የለበትም! በህዝብ ቁጣ ከሚወድመው ሺ ዕጥፍ በላይ፣ በኢህአዴግ ባለስልጣኖችና ካድሬዎቻቸው የአገሪቱ ሀብት ተዘርፏል፣ እየተዘረፈም ነው። የህዝብ ንብረት ሲወድም ቆመን ማየት የለብንም በሚል ሰበብ ህዝብን ከምትጨርሱ፣ዘረፋችሁንና ያገሪቱን ሀብት ወደ ውጪ ማሸሻችሁን አቁሙ። የአስቸኳይ ጊዜ አዋጁ በዘራፊዎች ላይ ተግባራዊ ይሁን።
በማጠቃለል – በቃችሁ! የህዝብን ጥያቄ ስሙና ስልጣናችሁን ለህዝቡ አስረክቡ! ለሁሉም የሚበጀው ይህ ነው።

አማራው ተደራጅቶ ጠንካራ ሲሆን ኢትዮጵያ ጠንካራ ትሆናለች የሚል እምነት አለኝ። ኢትዮጵያን የሚወድ ሁሉ አማራው እንዲደራጅ ግፊት ማድረግ አለበት። ሁላችንም ተደራጅተን የውስጥ ችግራችንን እኛው መፍታት ከቻልነን አንድ ነገር ላይ ማተኮር እንጀምራለን ። በመርጥናቸው እና በምንወዳቸው ሰዎች እየተመራን የኢትዮጵያን ዳር ደንበር አስከብረን፣ኢትዮጵያ ልክ እንደ ጥንቱ የተፈራች፣የተራጋጋች እና የበለጸገች እንድትሆን ማድረግ ይቻላል። በመረጥነው አካል ከተመራን ተበደልሁ የሚለው ሰሜት ይጠፋል ፣የበታችነት ስሜት ይወድማል ።💪እድገት፣ብልጽግና፣ፍትሕ፣ዳኝነት፣መልካም አስተዳደር ይሰፍናሉ። በተቃራኒው ደግሞ ሙስና፣ግለኝነት፣ስርቆት፣ውንብድና፣ዘረኝነት፣ክፋት፣ተንኮል አምሯችን ውስጥ ይከስማሉ። እነዚህን ሁሉ ማሰወገድ ወይም ማድረግ የሚቻለው የምንፈለገው ሲሆን ብቻ ነው።አእምሯችን መርካት አለበት። በጋራ ስምምነት የተወሰነ፣በፍቅርና ሰላም የተደረገ ቢሆን ሂደቱን የጠና ያደርገዋል።,,, ሌላው ማሕበረሰብ ሲደራጅ እንደ መልካም ነገር ይቆጠራል ። አማራው እንደራጅ ብሎ አደባባይ ሲወጣ ከኔ ጀምሮ መሰናክል እንሆናለን መሰናከል የምንሆን ከየዋህነት መሆኑ ይገበኛል ነገር ግን እያወቅነን የዋህ እንሁን ስንል ሞኝነትን ያከናንባል። አንድ አንድ ሰዎች የመደራጀት ጥቅሙ ቢገባቸውም ቅሉ ለማደራጀት የሚሞክሩት የስብዕና፣የትምህርት ደረጃ፣የፖለቲካ ብስለት፣የማሕበረሰብ ተቀባይነት ፣በሕዝብ ዘንድ ተቀባይነታቸውና ለማደራጀት የሚሞከሩበት ዓለማ፣ራዕይ ፣ተልዕኮ እና ግቦች ስለሚያስጨንቃቸው ይመስለኛል። ይህን ደግሞ መፍታት የሚቻለው ቀርቦ በመነጋገር ብቻና ብቻ ነው ።በሩቅ ሁኖ የእኔን ሀሳብ ካልደገፋችሁ ጠላት ናችሁ ማለቱ የግል ስምና ዝናን ወይም ጥቅምን ለማስጠበቅ መሞከር ብቻ ይሆናል እንጅ ለሕዝብ ታስቦ እንዳልሆነ ይገመታል። እኔ ብዙሃኑ ይሳሳታል የሚል ግምት የለኝም ።,,,”ሶስት ሰው ራስ የለህም ብሎ ከነገረህ ራስህን ዳብስ ይባላል”,,,,,, ከዚህ ውጭ አማራው እንዳይደራጅ የሚፈለግ ካለ እወዳታለሁ የሚላትን ኢትዮጵያን እንደሚያጣት ማሰብ ይኖርበታል ማለት ነው።አማራው ወይም ሌላው ማሕበረሰብ በበቂ ሁኔታ ሲደራጅ በእውነተኛ ሰዎች እና ከማሕበረሰቡ በወጡ ሰዎች ድርጅቱ ከተመሰረተ እንደ ሰው ልጅ ተፈጥሮ መጀመሪያ ክልሉን፣ከዛም ሀገሩን፣ከዛም አህጉሩን እያለ ማሰብ እስከሚችለው ድረስ መቀጠል ይችላል ። አማራው ሲደራጅ እራሱን ከጥፋት ተከላክሎ ሌላውንም በሚችለው አቅም በማገዝ እየተባበረ ሀገሩን ከውጭ እና ከውስጥ ጠላቶች ይጠብቃል። ሌሎችም እንደዚሁ። ካልሆነ ግን አንዱ ጌታ ሌላው ሎሌ ፣አንዱ ንጉስ ሌላው አሽከር የሚሆንባት ኢትዮጵያ ሕልሟ አጭር ይሁናል። እየወደድናት፣እያፈቅርናት እናጣታለን ። ፍቅርም በልክ መሆን አለበት። ለምሳሌ የፍቅረኛህን ከንፈር በጣም ስለምትወደው ፣ሁሌም መሳም እየፈለግህ አንድ ቀን በከፈተኛ ደረጃ አጥብቀህ ብትነክሰው ከንፈሯ ለተወሰነ ጊዜ ስለሚጎዳ መሳሙ ሲናፍቅህ ይኖራል ። የምትወደውን፣የምታፈቅረውን ነገር በልክ መጠቀም አለብህ።

.
ለኢትዮጵያ መዳከም ዋነኛው ምክንያት የአማራ አለመደራጀት ነው ። (ከተሳሳትሁ ልታረም ዝግጁ ነኝ),,,, አማራ በተገቢው ሁኔታ ቢደራጅ ኑሮ ህወሃት እንደዚህ በኢትዮጵያውያን እና በኢትዮጵያ ላይ አትቀልድም ነበር ። ወሬ ጦር ይፈታል,,,ነገር ቤት ያፈርሳል,,, የሚባለውም ለዚህ ነው። አማራ ካለ መረጃ በዳይ ነው ፣ጨቋኝ ነው፣ገዳይ ነው፣ቆራጭ ነው ፣ወራሪ ነው ሲባል ኢትዮጵያ ትፈርሳለች በሚል ስጋት ኧረ ዝም በሉ ቢናገሩም አንመልስም እየተባለ አሉቧለታውን እውነት አስመስሉት። ለዚህ ተጠያቄዎች የአማራ ሙሁራን እና የአማራ ትላልቅ ሰዎች ናቸው። ይህ የጠላት ወሬ ነው። ለሚባለው ነገር የፎቶ ማስረጃ፣የጹሁፍ ማስረጃ፣የሰው ማስረጃ ብቻ በአይን የሚታይ፣የሚዳሰስ፣የሚጨበጥ ነገር አምጡ ብሎ የጠየቃቸው የለም። ይህ አይን ያወጣ ውሸት ነው። ውሸት ሲደጋገም እውነት እንደሚመስል እያወቁ ዝም አሉ። እርግጥ ያ የሚፈሩለት ነገር ከመሆን አልዳነም ሲሆን ግን ሌላ ውርዴትን ማስከተሉ ነው ትልቅ ውድቀት ያደረገው። መደራጀት ሲባል የግድ ስልጣን ይዞ አገር መግዛት ላይሆን ይችላል ። አውሮፓውያን አውሮፓ ህብረት ሲሉ ህብረት ጥንካሬን እንደሚወልድ ስለሚያውቁ ነው እንጅ በአንድ ዓይነት ሕግ፣በአንድ ዓይነት ገንዘብ፣በአንድ ዓይነት ዓለማ ፣በአንድ ዓይነት ባህል እየኖሩ አይደለም ። ህብረታቸው ከእነሱ በላይ ሁኖ ለሚመጣ አካል ማጥፊያ መሳርያ አድርገው ይጠቀሙበታል። በሚለያዩበት ደግሞ ይለያያሉ ለምሳሌ ያህል አውሮፓ ውስጥ ኖርወይ እና ስዊድን ጦርነት ውስጥ ቢገቡ ሆላንድ የምትፈልገውን ታግዛለች እንግዲህ ጥቅምና ጉዳቷን የምታውቅ ራሷ ናት ። ነገር ግን ሩሲያ አውሮፓን ለመውረር ብትመጣ ልዩነታቸውን ትተው ይተባበራሉ ማለት ነው ። ምክንያቱም የጋራ ጠላት ስለሆነባቸው ነው ። የጋራ ጠላትን ማወቅ ብልህነት ነው። ሰለዚህ በዚህ ወቅት እየገደለን፣እያሰደደን፣እየዘረፈን፣ማንነታችን እየቀማን ያለ ማን ነው ብሎ ዞር ብሎ ማሰብ ያስፈልጋል። ያልነበረን ታሪክ እየመዘዙ ለነሱ ግብአት ሲያውሉት ዝም ማለት የለብንም። እንኳን እኛ ኋላ ቀሯ አገር ይቅርና ዘረኝነት ራስን መውደድ እስራኤል ውስጥ ጀርመን፣አሜሪካ፣አውሮፓ፣ሕንድ ውስጥ አለ። ዘረኝነት ውስጣችን የሚገኝ ታጥቦ የማይለቅ መርዝ ነው ። ነገር ግን ይህን የተፈጥሮ ሕግ በአግባቡ መጠቀም አለብን ። በጋራ ጥቅሞች ላይ በብቃት መወያየት ይኖርብናል። ህወሃት ወያኔ የፈጠራት፣ህወሃት ወያኔ የሚላት ኢትዮጵያ ለእኛ መቃብር ሁናለች። የማይወዷትን፣የማያከብሯትን ኢትዮጵያ ስሟን እየጠሩ መደበቂያ አድርገዋታል ይህን ሴራ መጀመሪያ እራስን በማዳን ማክሸፍ እንችላለን።

ሸንቁጥ አየለ
=============
ብሄራዊ ተቋማዊ ትብብር ለሀገራዊ ህልዉና እና ደህንነት ሲባል የተናበበ: የተቀናጀ: የተማከለ እና ሀገራዊ ህልዉናን መሰረት ያደረግ የዲሞክራሲ ትግልን ለማካሄድ የጋራ ግብን የሰነቀ ማለት ብቻ ሳይሆን የሁሉም ኢትዮጵያዉያን ዜጎችና የፖለቲካ ሀይሎች ደህንነት የሚረጋገጥበት ሁኔታን መፍጠር የሚችል ሁኔታን ማስፈን የቻለ አካሄድ ነዉ::
-በተቻለ መጠን ሁሉም ያገባናል ባይ ሀይላት: የፖለቲካ ሀይሎች: እንዲሁም ተዋንያን የሚሳተፉበት ብሎም በተቋማዊ አካሄድ የሚመራ እና የሀገርን ህልዉ/ጥቅም የሚያስቀድሙ ታሳቢዎችን መርህ አድርጎ የሚከወን መሆን አለበት::
በአጭሩ ብሄራዊ ተቋማዊ ትብብር ከሁሉ በፊት የሀገሪቱን ህልዉና ለማረጋገጥ ብቸኛ መፍተሄ ነዉ:: የሀገሪቱን ህልዉና ለማረጋገጥ ብቻ ሳይሆን ዲሞክራሲያዊት ኢትዮጵያን ለመፍጠርም ወሳኝ ነዉ:: እንዲሁም በልዩ ልዩ ሁኔታ የሚነሱ የህዝብ ጥያቄዎችን በማቀናበርና በማቀናጀት ወደ አንድ ሀገራዊ ግብ ለማድረስ ወሳኝ ነዉ::

ለምሳሌ በአሁኑ ወቅት በርካታ የህዝብ ጥያቄዎችና ክስተቶች መልክ ያለዉ ሀገራዊ ይዘት የሚኖራቸዉ ብሄራዊ ተቋማዊ ትብብር ለሀገራዊ ህልዉና እና ደህንነት ሲቋቋም ብቻ ነዉ::
በሀገር ቤት የሚደረገዉ ልዩ ልዩ የሰላማዊ ትግል እና ልዩ ልዩ የህዝብ አመጾች መልክ እንዲኖራቸዉ ላማድረግ ብሎም የአማራ ተጋድሎ እንዲሁም የኦሮሞ አቢዮት ወደ ታላቅ የኢትዮጵያ መፍተሄነት እንዲሸጋገሩ ለማስቻል : በኤርትራ የመሸጉት ሀይሎችም ለህዝባዊ ትግሉ አቅጣጫ ግብዓት የሚሆኑበትን አዎንታዊ ሁኔታ ለመቀዬስ ይሄ አይነት ሁል አቀፍ ተቋም ወሳኝ ነዉ::
-በመላ ሀገሪቱ በርሃብ እየተጠበሰ ያለዉን ህዝብ ከሞት ለማዳን የተቃዋሚዎች ትብብር ግድ ነዉ::ይሄም ብሄራዊ ተቋማዊ ትብብር ለሀገራዊ ህልዉና እና ደህንነት ሲኖር እዉን ይሆናል::
-ወያኔ የዘራዉ የብሄር ግጭት እንዳይነሳ ብሎም ሀገሪቱን የማያባራ የእርስ በእርስ ጦርነት ዉስጥ እንዳይከታት የተቃዋሚዎች ህብረትና ትብብር ግድ ነዉ::ይሄም ብሄራዊ ተቋማዊ ትብብር ለሀገራዊ ህልዉና እና ደህንነት ሲኖር እዉን ይሆናል::
-ሀገሪቱን ከፈጽሞ ጥፋት ለመታደግ መተባበር መነጋገርና መወያዬት የግድ ነዉ:: ይሄም ብሄራዊ ተቋማዊ ትብብር ለሀገራዊ ህልዉና እና ደህንነት ሲኖር እዉን ይሆናል::
-አሁን ሀገሪቱ ዉስጥ ያሉ ልዩ ልዩ የፖለቲካ ሀይሎች እርስ በእርስ ከመጠፋፋታቸዉ በፊት መነጋገርና ተቋማዊ ትብብር መፍጠር ግድ ነዉ::ይሄም ብሄራዊ ተቋማዊ ትብብር ለሀገራዊ ህልዉና እና ደህንነት ሲኖር እዉን ይሆናል::
-የኢትዮጵያዊነት ማማ ፈጽሞ ከመደርመሱ በፊት በጋራ መምከር:መወያዬት እና የጋራ የትብብር ተቋማዊ ስርኣት መገንባት ግድ ነዉ::ይሄም ብሄራዊ ተቋማዊ ትብብር ለሀገራዊ ህልዉና እና ደህንነት ሲኖር እዉን ይሆናል::
-ተቃዋሚ ሁሉ ልዩነቱን ትቶ በሰከነ መንፈስ መነጋገርና እንዴት መተባበር እንዳለበት: ሀገሪቱ ወደ ተሻለ ዲሞክራሲ መሸጋገር እንድትችል የሚያበቃ ተቋም አመሰራረት ላይ መመካከር አለበት::ይሄም ብሄራዊ ተቋማዊ ትብብር ለሀገራዊ ህልዉና እና ደህንነት ሲኖር እዉን ይሆናል::
-ከአንድ ፓርቲ ማህጽን ወደ ልዩ ልዩ ቦታ የተሰነጣጠቀዉ ሀይል በፍጥነት ያለ ቅድመ ሁኔታ በመሰባሰብ በቀጣይም የብሄራዊ ትብብሮችን በተሻለ መልክ በመምከር ጠንካራ ስራ መስራት አለበት:: ይሄም ብሄራዊ ተቋማዊ ትብብር ለሀገራዊ ህልዉና እና ደህንነት ሲኖር እዉን ይሆናል::
ለኢትዮጵያዉያን ዜጎች ሁሉ የቀረበ ጥሪ
==============
– ይሄን መረጃ ወደ ህዝቡ በጥልቀት አስፋፉት:: በሚቀርቧችሁ ፖለቲከኞች ላይ ጫና አድርጉ:: የጊዜ ጉዳይ ነዉ እንጅ ይሄ ሀሳብ እዉን የሚሆንበት ጊዜ ይመጣል:: ስለሆነም ሀሳቡን የራሳችሁ ሀሳብ አድርጋችሁ ሌሎችንም ለማሳመን ስራ ስሩ::
-የጋራ ደህንነታችሁን ማስጠበቅ ላይ አተኩሩ እንጅ የናንተ ጎሳ/ቡድን/ወይም ማህበረሰብ ስላሸነፈ አትደሰቱ:: ኢትዮጵያ እረፍት ተፈልጋለች:: እናንተም የምታርፉት : ከእርስ በእርስ ሽኩቻ የወጣች: የሁሉም የጋራ ደህንነት የተጠበቀባት ዲሞክራሲያዊት ብሎም በሁሉ ሀይሎች የጋራ ትብብርና ስምምነት የምትጸና ሀገር ካለቻችሁ ብቻ እናንተም ትዉልዳችሁም የተረጋጋ ህይወትን መኖር ይቻላል:: ይሄ ሁኔታ ደግሞ በእናንተ ቁጥጥር ስር ነዉ:: እናንተ ተነስታችሁ ስሩ:: ከእናንተ የወጡትንም ሀይሎች በጋራ ይሰሩ ዘንድ አስገድዷቸዉ::
-ጥላቻን እና ጥርጣሬን ቢሰብኳችሁ; ትብብር አይቻልም : አብሮ መኖር አይቻልም ቢሏችሁም አትመኗቸዉ:: እንደ ኢትዮጵያዊ መተባበር ካልተቻለ ወደ ጎሳ ፖለቲካ ከተዋችሁ የጎሳችሁ ስም የተለጠፈበት ሀገር እንፈጥራችኋለን ቢሏችሁም ወይም የእኛ ጎሳ የበላይ የሚሆንበትን ሁኔታ እናሰፍናለን ቢሏችሁም አለዚያም የእኛ ፓርቲ የበላይ ሆኖ ሀገሪቱን እንገዛለን ብሏችሁም ማንንም አትመኑ::
– ለእኛ መቆርቆራችሁ መልካም ነዉ:: ሆኖም የመጨረሻዉ ግባችሁ መሆን ያለበት የጋራ ሀገራዊ ደህንነትን በትብብር ማምጣት ነዉ በሏቸዉ:: ብሄራዊ ትብብርና የጋራ ደህንነትን ማረጋገጥ ዋናዉ የቤት ስራችሁ ይሁን በሏቸዉ:: ልጆቻችሁን : ወንድሞቻችሁን ብሎም ለእናንተ የሚቆረቆሩ ልዩ ልዩ ወገኖችን ወደ ትክክለኛ አስተሳሰብ ማስገባት ካልቻላችሁ የራሳችሁን ነገ እንዲሁም የልጆቻችሁንም ነገ ወደ ገደል አፋፋ እንደ ገፋችሁት እወቁ::
-የመጨረሻዉ የሀገሪቱ መከራ የሚያርፈዉም በህዝብ ጫንቃ ላይ መሆኑን እዉቁ:: ልዩነትን የሚሰብኳችሁ : ጥላቻን እና አለመቻቻልን የሚግቷችሁ ፖለቲከኞች ፈርጥጠዉ ሰላምና መረጋጋት : መቻቻልና ዲሞክራሲ የሰፈነባቸዉ ሀገራት ዉስጥ ሄደዉ እንደሚወሸቁ እወቁ:: ስለዚህ የኢትዮጵያ እጣ ፋንታ በእናንተ እጅ ነዉ መሆን ያለበት:: ስለሆነም ዜጎች ሁሉ ማተኮር ያለባችሁ የብሄራዊ ተቋማዊ ትብብር ለጋራ ሀገራዊ ደህንነት ተመስርቶ ዲሞክራቲክ ኢትዮጵያን በተሳለጠ መንገድ ፈጥሮ በሰላምና በብልጽግና በመቻቻልና በአብሮነት የምትኖሩበትን ሁኔታ ለመፍጠር መትጋት ግድ ይላችኋል::
ለተቃዋሚ ፖለቲካ ፓርቲዎች
==========
-መደራጅት ግብ አይደለም:: እኔ እበልጥ እኔ አበልጥ ማለትም ግብ አይደለም:: አሸንፎ ብቻን ስልጣን ለመቆጣጠርም መሞከር ግብ አይደለም:: ግባችሁ የጋራ ሀገራዊ ደህንነት የሚረጋገጥበትን ሁኔታ መፍጠር መቻላችሁ መሆን አለበት:: የጋራ ሀገራዊ ደህንነት ከእንግዲህ በአንድ ፓርቲ ወይም በጥቂት ፓርቲዎች ስብስብ በምንም መልኩ ሊፈጠር አይችልም::
– አለሙ በጣም በመሰረታዊ ሁኔታዎች ሙሉ ለሙሉ ተለዉጧል::አሁን ቴክኖሎጂዉ የደረሰበት የእድገት ደረጃ መላዉ አለምን አንድ እንዲሆን አድርጎታል:: በምድር ላይ ምንም የሚደበቅ ነገርም እንዳይኖር ሆኗል:: የዲሞክራሲ ጥማትና ናፍቆት መላዉን አለም ንጦታል:: እያንዳንዱ ማህበረሰብ አጋር እና ወገን ደጋፊና አይዚህ ባይ በቀላሉ ከተለያዬ የአለም ክፍል ማፍራት እና ሰበአዊ መብቱን የመጠዬቅ ሂደቱ ቀላል ሆኗል::
– ስለዚህ ብቸኛዉ አማራጭ ሁሉም የሚስማማባት እና የሚተባበርባት ሀገርን መፍጠር ብቻ ነዉ:: በመሆኑም አንዳንዶቻችሁ በልባችሁ ያነገባችሁትን ሀገሪቱን ታግሎ ብቻን መቆጣጠር የሚለዉን ህሳቤአችሁን እርሱት:: ህሳቤአችሁን በጋራ ሀገራዊ ደህንነት ላይ አጠንጥኑት::ያኔም ከእብጠትና ከልዩነት ትወጣላችሁ::
ለመንፈሳውያን?
============
ክርስቲያንም :ሙስሊምም ወይም ሌላ እምነት የምትከተል እና መንፈሳዊ የሆንክ ሁሉ ልብ ብለህ ተመልከት:: ወገንህ በመከራና በጭንቅ ዉስጥ ሲወድቅ በተግባር ተነስተህ ካላሰባሰብከዉ: ካልመከርከዉ እና ካልገሰጽህዉ ብሎም የጋራ ድህነቱን በጋራ ማምጣት ካልቻለ ወደ ፍጹም መጠፋፋት ሊገባ እንደሚችል ካላስተማርከዉይ መንፈሳዊነትህ የት ጋ ነዉ? ወገናዊነትህሳ?
ለታዋቂ ግለሰቦች : ለምሁራን እና የገንዘብ አቅም ላላችሁ ወገኖች
==========================
-እዉነትም ሰዉ መሆናችሁን የምታስመሰክሩበት ወቅት አሁን ነዉ:: አሁን ለወገናችሁ የጋራ ድህነት ተግታችሁ ካልተነሳችሁ ታዋቂነታችሁም: ምሁርነታችሁም: የሰበሰባችሁት ሀብትም ምስጥ እንደበላዉ: አሲድ እንደተነሰነሰበት ብሎም በወንፊት ላይ እንደተሰፈረ ዉሃ ቁጠሩት::
ሀገሪቱ ብትፈርስም ግድ የለንም ለምትሉ ቡድኖችና ግለሰቦች
=============
እሩቅ አትመልከት:: የቀደመ ታሪክም አትመልከት::ዞር ብለህ ሶማሊያን ተመልከት:: በርካታ የአፍሪካ ሀገራትን አስተዉል:: አሁን መካከለኛዉ ምስራቅ ዉስጥና ብዙ የአረብ ሀገራት ዉስጥ እየሆነ ያለዉን ትርምስ አስተዉል:: የሩዋናዳን ክስተት አስተዉል:: ሀገር ሲፈርስ መከራና ዳፋዉ ብዙ ነዉ:: የሚነሳዉ ማዕበልና ወጀብ ብዙ ነዉ:: እናም አንተ በልብህ ሀገሪቱ ትፍረስ ትፍረስ የምትል ሰዉ የመጀመሪያዉ ዉላፈን ወደማን እንደሚመጣ የሚያስረዳህ አትፈልግ:: መጀመሪያ የሚበላዉ አንተን እና በዙሪያህ ያሉ ዘመዶችህን ነዉ:: ስለሆነም በፍጥነት ልቦናህን አቅና:: ሀገሪቱ የጋራ ደህንነቷ የሚጠበቅበትን ቀመር አንሰላስል:: ለዚህም የብሄራዊ ተቁማዊ ትብብርም እዉን መሆን ተግተህ ተነስ::
ታጥቀናል : ተደራጅተናል : ተገንጥለን ሀገር እንመሰርታለን ብላችሁ ለምትታበዩ ወገኖች
=========================================
ሀገር ሲፈርስ የሚበቅለዉ የጀግና ብዛት ለቁጥር ያታክታል:: ህዝብ ተስፋ ይቆርጣልና ከልቦናዉ የሚፈልቀዉ ቁጣ ማንንም ሀይል እንዲበላ ያደርገዋል::ኢትዮጵያዊ ሁሉ ጀግና ህዝብ ነዉ:: ጀግንነቱም ወደ ጥፋት እና እርስ በእርስ መጠፋፋት ሲዞርም እንደዚያዉ ጥልቅ ጥፋት ሊከተልክ እንደሚችል እወቁ:: ስለሆነም መታበያችሁን ተዉት:: ከዚያ ይልቅ የብሄራዊ ተቋማዊ ትብብር ለሁሉም ደህነት በሁሉም ተሳትፎ እንዲፈጠር ለማስቻል ያላችሁን ጉልበት ሁሉ ተጠቀሙበት::
ለሚዲያ ሰዎች
==================
-ይሄ መልዕክት በየትኛዉም ሚዲያ ላይ ያላችሁን ሁሉ ይመለከታል:: ድረ ገጽ ያላችሁ ሀይሎችም ልትሆኑ ትችላላችሁ:: ሬዲዮም: ተሌቪዥንም: ጋዜጣም ወይም ሌላ አይነት ሚዲያ ሊኖራችሁ ይችላል::
-ወያኔ የተቆጣተረችዉን ሚዲያ መቼም ለዚህ መሰል የተቀደሰ ብሄራዊ ጥቅም እንዲዉል እንደማትፈቅድ የታወቀ ነዉ:: ስለዚህ እዚህ ስለወያኔ ሚዲያ መናገር አይቻለም:: ከወያኔ ሚዲያ ዉጭ ስላላችሁት ሚዲያዎች ነዉ ይሄ ጥሪ የቀረበላችሁ::
-ነጻ ሚዲያ አቋቋምን ብላችሁ በዬሚዲያዉ ላይ የምትሰሩ ኢትዮጵያዉያን አንዳንዶቻችሁ ቅን ናችሁ:: እንዳንዶቻችሁም ሸፍጠኞች ናችሁ:: ነጻ ሚዲያ የሚባል ሚዲያ እንመራለን የምትሉት ብዙዎቻችሁ ሀሳባችሁ ነጻነት የጎደለዉ በቡድን አስተሳሰብ የተጠለፈ እንደሆነ የኢትዮጵያዉያንን ሚዲያን አጥብቆ የሚከታተል ሰዉ ሁሉ ያዉቃል:: ልባችሁ በቡድን : በጎሳ: በፖለቲካ አመለካከት: በግለሰባዊ ትስስር እና በበርካታ ከንቱ ህሳቤዎች ሁሉ የጠቆረ ነዉ::
እንግዴህ ልባችሁን ፍቱ:: የፍቅር ብርሃን በልባችሁ ይገባ ዘንድ ትጉ:: ኢትዮጵያዊ ማማዉን ታድኑት ዘንድ ኢትዮጵያዉያን ሁሉ ብሄራዊ ተቋማዊ ትብብር ለማድረግ የሚያስችላቸዉን ሀሳብ አስፍታችሁ እና አጥልቃችሁ አራምዱ:: ሀሳቡ ከምስራቅ መጣ: ከደቡ ወጣ: ከሰሜን ወረድ: ከእኔ ጎሳ ተገኝ: ከእኔ የፖለቲካ ህሳቤ ተቀፈቀፈ: ከእንቶኔ ቢሆን ኖሮ አትበሉ:: ይሄ ሀሳብ የእናተ ሀሳብ ነዉ:: የኢትዮጵያ ህዝብ አስተሳሰብ ነዉና::የኢትዮጵያ ህዝብ እንደማንኛዉም የሰዉ ዘር ሁሉ የጋራ ደህንነቱ የሚጠበቅበት ሀገር ዉስጥ መኖር ይፈልጋልና ነዉ::
የዉጭ ሀገራት ሚና
============
የዉጭ ሀገራት በተለይም አሜሪካ እና አንዳንድ ምዕራባዉያን ኢትዮጵያዉያንን ተግባብተዉ ቢሰሩ የሚጠሉ አይመስሉም:: የራሳቸዉ ጥቅም እሚጠበቅ እስከመሰላቸዉ ድረስ:: ስለሆነም በሂደቱ ዉስጥ አጋዥ ሊሆኑ ይችላሉ:: የሆኖ ሆኖ ግን ሂደቱን መጀመርም ሆኖ ማስተባበር ያለባቸዉ እራሳቸዉ ኢትዮጵያዉያን የፖለቲካ ሀይሎች ናቸዉ::
የመጨረሻ ጥሪ ቅን ለሆናችሁ የወያኔ ሀይላት
============
ምናልባት እናንተ ዉስጥ አንዳንድ ቅን ሰዉ ቢገኝ: ልቦናዉን ከእብሪትና እብጠት ያጸዳ ሰዉ ቢገኝ ልብ ብላችሁ ይሄን መልዕክት አንብቡት:: የኢትዮጵያ ህዝብ ለዉጥ ማዕበል ዉስጥ ገብቷል::የለዉጥ ማዕበል በህዝቡ ልብ ዉስጥ እየተመላለሰ ብቻ ሳይሆን ነፍስ ዘርቶ እየተራመደም ነዉ:: ህዝቡ ተጨንቋል:: ሀገሪቱ ልትፈርስ እየተንቀጠቀጠች ነዉ:: ታጋይ ሀይላት በብዙ አቅታጫ ጦር ሰብቀዉ ተነስተዋል:: የጊዜ ጉዳይ ነዉ እንጅ ሊያሸንፏችሁ ቆርጠዉ ተነስተዋል:: መሸነፍና ማሸነፍ እንደ እናንተ በጦር ሜዳ ተፈትኖ ለወጣ ሰዉ ድንቅም ላይሆን ይቻላል:: የሚያሳዝነዉ ግን ሽንፈታችሁ የኢትዮጵያ ህልዉና ማክተሚያ: የናንተም ማክተሚያ: እናንተ ወገናችን የምትሉትም ወገን ፍጹም መከራ ዉስጥ መዉደቂያ ሊሆን ሂደቶች እየተፋጠኑ ነዉ:: አሁን ኢትዮጵያን ማዳኛዉ መንገድ አንድ ብቻ ነዉ::
የኢትዮጵያ ድህነት የናንተም ሆነ እንቆረቆርለታለን የምትሉት ማህበረሰብ ድህነት መሆኑን ልብ ብላችሁ አጢኑት:: በመሆኑም የብሄራዊ ተቋማዊ ትብብር የሚሰምርበትን ሂደት በቀናነት ተነስታችሁ ትለሙ:: ልባችሁ ከቀና ይሄ አይጠፋችሁምና:: እንግዴህ አንድም ብትሆኑ ሁለትም ቅን ልቦና ያላችሁ ሁሉ ለዚህ ሀሳብ መሳካት ትጉ::
ዉህደት: ቅንጅት : መተባበር ታክቶናል ለምትሉ ወገኖች
===============================
ተባበርን : ተቀናጀን : ተዋሃድን እናም ብዙ ጊዜ ደጋግመን ፈረስን:: ስለዚህ አሁንም ብንዋሃድ/ብንተባበርም/ብንቀናጅም ዳግም እንፈርሳለን ለምትሉ ወገኖች በሙሉ መልሱ አንድ ነዉ:: ምርጫ የላችሁም:: ያላችሁ ምርጫ አንድ ብቻ ነዉ:: ብትታክቱም: ደጋግማችሁ ብትቆሳሰሉም: ደጋግማችሁም ብትፈርሱም ሌላ ምርጫ የላችሁም:: ሀገሪቱ የሁሉ ነችና የሁሉ በሆነች ሀገር ዉስጥ ከመተባበርና ከመቀናጀት ዉጭ ምንም ምርጫ የላችሁም::
ከመቻቻልና ይቅር ከመባባል ዉጭ ምንም ምርጫ የላችሁም:: ስለሆነም ብሄራዊ ተቋማዊ ትብብር ለጋራ ደህንነት ብቸኛ አማራጫችሁ ነዉ::የኢትዮጵያ ድህነት በሁሉ እጅ ነዉና ተሰብስባችሁ ከመነታረክ: ከመጨቃጨቅ: ማዕከላዊዉን አስተሳሰብ ከመፈለግ ብሎም በማዕከላዊዉ አስተሳሰብ ላይ በመመርኮዝ ብሄራዊ ተቋማዊ ትብብርን ለጋራ ሀገራዊ ደህንነት ከመመስረት ዉጭ ምንም ምርጫ የላችሁም::
ህብረ ብሄራዊ ወይም የጎሳ ፓርቲ ተብሎ መከፋፈል እንደማይገባ ስለማጠዬቅ
==============
አሁን ሁሉም ነገር ግልጽ ሆኖ ወጥቷል:: ኢትዮጵያ ፖለቲካ ዉስጥ የሚበዛ ጉልበት ይዘዉ የተገኙት የጎሳ ፓርቲዎች/ሀይሎች/ስብስቦች ሆነዉ ተገኝተዋል:: ሀገሪቱም ዉስጥ ብዙ መሰረታዊ ለዉጦችን እያቀጣጠሉ ያሉት ሀይሎች እነዚህ የጎሳ/የብሄር ፓርቲዎች ሆነዉ ተገኝተዋል:: ወደፊትም የሚቀጥል እዉነት ሆኖ ይታያል:: ስለዚህ ምርጫ የለም:: ትብብብሩ ህብረ ብሄራዊ ነኝ ወይም የብሄረ ፓርቲ ነኝ በሚል ህሳቤ ሊገታ አይገባዉም:: የትብብሩ ዋናዉ አላማ የሀገሪቱን ህልዉና ማስቀጠል ብሎም ለሁሉም ኢትዮጵያዊ የምትመች ሀገር ትሆን ዘንድ ለማስቻል ነዉና ሁሉም ሀይላት በጋራ የሚመክርበት ብሄራዊ ተቋማዊ ሂደቱ ዉስጥ ሁሉንም ማሳተፍ ብሎም ቁልፍ ሚና እንዲጫወቱ ማስቻል ምርጫ የሌለዉ አማራጭ ነዉ::
እነማን ናቸዉ በብሄራዊ ተቋማዊ ትብብሩ ስር መካተት ያለባቸዉ?
========================
ሁሉም የኢትዮጵያ ተቃዋሚ ሀይላት: ታዋቂ ግለሰቦች: ሲቪል ማህበራት: ያገባኛል ባይ ሀይላትን ማቀፍ አለበት:: እዉነተኛ አካታችነት ብቸኛዉ መፍተሄ ነዉ:: ማጨናበር በትብብር አስመስሎ ሌሎችን ለመዋጥ መትጋት ሀገሪቱን እስከ ወዲያኛዉ ገደል ይከታት እንደሆነ እንጅ ከቶም አንዳች መፍትሄ አያመጣም::
የቀረ ብዙ ነገር አለ
=========
ይሄ ጽሁፍ መንደርደሪያ ብቻ ነዉ:: እጅግ ብዙ ነገር ይቀረዋል:: ብዙ ያልተካተቱ ነገሮች አሉበት:: ምሁራኖች እንደገና ጻፉት:: ይሄን ሀሳብ የእናንተ ነዉ:: የኢትዮጵያዊ ሁሉ ነዉ:: የሰዉ ልጆች ሁሉ መልካም ሀሳብ ነዉ:: ስለዚህ ይሄን ጽሁፍ እንደገና ጽፋችሁ ለዉይይት አቅርቡት:: ሚዲያዎች ሀሳቡን አዳብሩት:: የሀግር ሽማግሌዎችን : የፖለቲካ መሪዎችን : ልዩ ልዩ ምሁራንን አወያዩበት:: አነጋግሩበት::
ርዕሱን ልትለዉጡት ትችላላችሁ:: ሀሳቡን ልታሰፉት ትችላላችሁ:: ግን አንድ ነገር ላይ አጥልቃችሁና አስረግጣችሁ ተናገሩ: ጻፉም:: የጋራ ብሄራዊ ደህንነት በሁሉ ሀይላት ተሳትፎ እንዴት እንደሚመጣ ምከሩ:: ዝከሩ:: አስመክሩ:: አስዘክሩ::
ብሄራዊ ተቋማዊ ትብብር ለጋራ ሀገራዊ ህልዉና እና ደህንነት የማን ሀሳብ ነዉ?
================================
ይሄ ሀሳብ የሁሉም ኢትዮጵያዊ ሰዉ ሀሳብ ነዉ:: ሰላምና ፍቅርና መቻቻልና አብሮ መኖርን ኢትዮጵያዉያን ሁሉ ይፈልጋሉና::
ይሄን ጉዳይ ማን ያስተባብረዉ:-
===============
– አሁን ባለዉ ሁኔታ ማንም ግለሰብ ወይም ቡድን በሁሉም ወገን ተቀባይነት የለዉም:: አንድም በጎሳ: አንድም በሀይማኖት አንድም በፖለቲካ የአመለካከት ልዩነት የሀገሪቱ የፖለቲካ ሀይላት በልዩነት ተወጥረዋል::
-ስለሆነም መፍተሄዉ ያለዉ በራሳቸዉ የፖለቲካ ሀይላት እጅ ነዉ:: አንዱ ወደ አንዱ መቅረብና መነጋገርም ያለባቸዉ እራሳቸዉ ናቸዉ:: ንግግራቸዉ የእዉነትና ለበጣ የሌለበት የሚሆነዉም እርስ በእርሳቸዉ አንድ ጊዜ መነጋገር ከጀመሩ ሁኔታዎች ሁሉ መልካቸዉን በፍጠነት ይለዉጣሉ:: ስለዚህ የማስተባበሩን ስራ መጀመርም ሆነ መስራት ያለባቸዉ እራሳቸዉ የፖለቲካ ሀይላት:ያገባናል የሚሉ የሲቪል ማህበራት : ታዋቂ ሰዎች :ምሁራን: እንዲሁም ማንኛዉም ኢትዮጵያዊ ሁሉ ነዉ::
ብሄራዊ ተቋማዊ ትብብር ለጋራ ሀገራዊ ህልዉና እና ደህንነት መርሁ ምን መሆን አለበት
===================================
-አሁን ባለዉ ሁኔታ ሀገሪቱን ማንም አሸንፎ ብቻዉን ሊመራት አይችልም:: በጉልበት አንዱ ወገን እንኳን አሸንፎ ስልጣኑን ቢጨብጥ ሀገሪቱ ወደ ፍጹም ትርምስ መግባቷ አይቀርም:: ስለዚህ መፍተሄዉ ሁሉን ያሳተፈ ብሄራዊ ተቋማዊ ትብብር ለጋራ ሀገራዊ ህልዉና እና ደህንነት እዉን ሲሆን ብቻ ነዉ::
-ሀገሪቱ አንዳንዶች እንደሚያስቡት ብትፈርስ አንድም ወገን አትራፊ አይኖርም:: ሌላዉ ቀርቶ እስካፍንጫዉ ታጥቄአለሁ የሚለዉ ወያኔም እነዲድ እሳት መሃል አብሮ መንደዱ አይቀርም::የኢትዮጵያ ህዝብ ጥሩ ጦረኛና ጀግና ነዉ:: ከሰሜን እስከ ደቡብ: ከምስራቅ እስከ ምዕራብ የሚገኘዉ ኢትዮጵያዊ ሁሉ ጦርነት መስራት ያዉቅበታል:: የመቀዳደምና ጠመንጃን በእጅ የመጨበጥ ጉዳይ ካልሆነ ሁሉም እኩል ሀያል ህዝብ ነዉ::
ስለዚህ ፈጽሞ የእርስ በእርስ ጦርነት ሊቀሰቀስና ማለቂያ የሌዉ ግጭት ዉስጥ ህዝቡ ሊገባ ስለሚችል ይሄን ነገር ማስቀረት የሚቻለዉ ሁሉም ያገባናል የሚል ሀይል በጋራ ከቆመ ብቻ ነዉ:: ሁሉም ወገን ስለሌላዉ ኢትዮጵያዊ ጥሩ ግንዘቤ ካለዉ ብቻ ወደ መከባበር ሊመጣ ይችላል:: ይሄ የመከባበር ግንዛቤም የሚኖረዉ ሁሉን ያሳተፈ ብሄራዊ ተቋማዊ ትብብር ለጋራ ሀገራዊ ህልዉና እና ደህንነት እዉን ሲሆን ብቻ ነዉ::
-ከቡድኖች ጥቅም : ከፓርቲዎች ጥቅም ይልቅ የሀገሪቱን ህልዉናና ጥቅም ማስቀደም ከተቻለ ሁሉም የፖለቲካ ሀይል አትራፊ የሚሆንበትን ሁኔታ መፍጠር ይቻላል
-ይቅርታና መቻቻል የማንኛዉም ሀገር ህልዉና መሰረት እንደሆነ ሁሉ በልዩ ልዩ ምክንያት ለመጠፋፋት የቆረጡ ሀይሎች : ቂምና ቁርሾ የተጋቡ ሀይሎች በፍትነት እርስ በእርሳቸዉ ይቅርታ መጠያዬቅ አለባቸዉ:: ይሄ ሁሉን ያሳተፈ ብሄራዊ ተቋማዊ ትብብር ለጋራ ሀገራዊ ህልዉና እና ደህንነት ልብን አጥቁሮ ቂም ቋጥሮ የሚሆን ጉዳይ አይደለም::
-ታዋቂ ግለሰቦች:የሲቪል ማህበራት: ምሁራን እንዲሁም ማንኛዉም ኢትዮጵያዊ የብሄራዊ ተቋማዊ ትብብር ይፈጠር ዘንድ በሚችለዉ ሁሉ የሚመለከታቸዉ ወገኖችን የማስታረቅና በጋራ ይሰሩ ዘንድ ማበረታታት ይጠበቅባችኋል:: አንዱ አንዱን ያስታርቅ:: አንዱ አንዱን ያነጋግር:: የዉጭ ሀይላት ወይም አንድ የተለዬ ወገን ተነስቶ እንዲያስታርቅ መጠበቅ ሞኝነት ነዉ::
-በአንድ ወቅት በኢትዮጵያ ፖለቲካ ዉስጥ የተገዳደላችሁ : ደም የተቃባችሁ ሰዎች ሁሉ ይቅርታ ተጠያዬቁ:: የሁለት ሰዎች ይቅር መባባል ሽዎችን ወደ ይቅርታ መንፈስ ያመጣልና::
የኢትዮጵያን ህልዉና በጋራ የማስቀጠል :- ለዚህ ዘመን ሰዎች የቀረበ ፈተና
================================================
-የአይሁዶች: የክርስቲያኖች : የሙስሊሞች ጥንታዊት ሀገር ሆና ተዘግባለች::የሰዉ ልጆች ጥንታዊት ሀገር እንዲሁም የብዙሃን የብዙነት መገኛ ዛሬ ታላቅ ፈተና ላይ ነች:: ትናንትም እንዲሁ በብዙ ፈተና ዉስጥ ቀዝፋ አልፋለች::
– የአሁኑ ፈተና ደግሞ ለዚህ ዘመን ሰዎቿ የቀረበ ፈተና ነዉ:: በጋራ ተነጋግሮ : መክሮ እና ዘክሮ ብሄራዊ ተቋማዊ ትብብርን ለጋራ ሀገራዊ ህልዉና እና ደህንነት መፍጠር የሚችል ማህበረሰብ መሆኑን ያረጋገጠ ህዝብ ብቻ በምድር ላይ የተከበረ ሆኖ ይወጣል:: እናም የኢትዮጵያን ህልዉና በጋራ የማስቀጠል ፈተና ለዚህ ዘመን ሰዎቿ የቀረበ የመጨረሻዉ ፈተና ሆኖ ተዘግቧል::
-ጊዜዉ እየመሸ ቢሆንም ጊዜ አለ:: ስለዚህ ተነሱ ብሄራዊ ተቋማዊ ትብብርን ለጋራ ሀገራዊ ህልዉና እና ደህንነት ያመቻል በምትሉት መልክ ለመፍጠር መነጋገር ጀምሩ:: ወደ ስራም ግቡ::
-አንዴ ብሄራዊ ተቋማዊ ትብብርን ለጋራ ሀገራዊ ህልዉና እና ደህንነት መመስረት ከቻላችሁ ወያኔን አስገድዶ ወደ ድርድር ማምጣት: ወይም ከመንበሩ ማዉረድ በመጨረሻም ዲሞክራሲያዊት ኢትዮጵያን በመሰላችሁ መልክ መቅረጽ ትችላላችሁ::
-አሃዳዊነት : ፌደራላዊነት ወይም ሌላ የመንግስት ቅርጽ አወቃቀር ቁም ነገርና የመነታረኪያ ሀሳብ ሊሆን አይገባዉም:: መክራችሁ ዘክራችሁ የሚበጀዉን መምረጥ የናንተ ስራ ይሆናል::
-የህገ መንግስት አይነት መነጋገር ወይም ማንኛዉንም አይነት የሚበጅ ሀገራዊ አካሄድ መንደፍ የጋራ ስራ ካደረጋችሁት ሁሉም አይነት ነገር ትክክል ይሆናል::
– በተወሰኑ ብድኖች የሚደረግ ሀገራዊ ስራ ግን ወርቅ ሀሳብም ቢሆን ወይም በአለም ላይ የመጨረሻዉ ትክክል ነገርም ቢሆን በሁሉም ወገን የሚገዛ ሀሳብ ሆኖ አይወጣም:: ለዚህም ነዉ ብሄራዊ ተቋማዊ ትብብርን ለጋራ ሀገራዊ ህልዉና እና ደህንነት የግድ ቀድማችሁ ማዘጋጀት ያለባችሁ::

አዲስ አበባ በሕወሃት መዳፍ ዛሬም እየተዳጠች ነው።ሕወሓቶች ዘርፈው የሚቦርቁባት ነዋሪዋ በስጋትና በጭንቀት ወዴት እንደሚሄድ ግራ የተጋባባት ከተማ ነች።አዲስ አበባ የሕወሓትን የሽፍታ ካፒታሊዝም ያጋለጠች፣የሕወሓትን አየር በአየር ሸፍጥ ተዘርፈው በተገነቡ ህንጻዎቿ የምታሳብቅ ከተማ ነች። ነዋሪዋ የተገፋና የተገለለ መብቱና ንብረቱ የተዘረፈ ነው። ኤርሚያስ ለገሰ በ > አዲስ አበባን ሕወሃት እንዴት በቁም እንደጋጣት አጋልጧል።ዛሬ በለውጥ ዋዜማ አዲስ አበባ ዕጣዋ ምንድነው? አቶ ኤርሚያስ ሊጤን የሚገባው ሀሳብ ይዞ ብቅ ብሏል። ለሕዝብ ውይይት የቀረበ ሁሉም ወገኖች የበኩላቸውን አስተያየት ሊሰጡበት፣ አቋማቸውን ሊያሳውቁ ወይ አሳውቁን ሊባሉ የሚችሉበትን ሀሳብ አቀብሏል።መወያየት፣ መሟገት መልካም ነው።መልካም ንባብ ።

“የለውጥሃይሎች”ግልፅናደፋርውይይትለመፍትሔናየጋራድል!!

(“ታሳቢ ሦስት”)

ለህዝብ የውይይት መድረክ የተዘጋጀ (ቺካጎ/ኢሊኖ

ኤርሚያስ ለገሰ – የኢትዮጵያ ሳተላይት ቴሌቭዥንና ራዲዮ(ኢሳት)

ጥቅምት/2016

ማስታወሻ

*ይህ ጽሁፍ ከራሴ ውጭ የምሰራበትን የኢትዮጵያ ሳተላይት ቴሌቭዥንና ሬዲዮ (ኢሳት)ን ጨምሮ የማንንም አቋም አያንፀባርቅም::

**“የአዲስ አበባ ነዋሪ” (“አዲስ አበቤ”) የሚለው ቃል ማንኛውም ኢትዮጵያዊ ሆኖበአዲስ አበባ የሚኖር አሊያም ለወደፊት የመኖሪያውን አዲስ አበባ ለማድረግ የፈለገን በሙሉ የሚያጠቃልል ነው።

1.መንደርደሪያ

የዛሬ ሦስት ወራት አካባቢ ከኦሮሞ አክቲቪስትገረሱ ቱፋ ጋር በኢሳት ስቱዲዮ ለአጭር ሰዓታት ኢ-መደበኛ ወግ ጠርቀን ነበር። ገረሱ በወጋችን መሀል “ለጋራ መፍትሔ ግልፅና ደፋር ውይይት የማድረጊያው ሰዓት አሁን ነው” በማለት ይናገር ነበር። መልሶ መላልሶም “የጋራ ችግር አለብን፤ ያልተነጋገርናቸው እና በይደር ያቆየናቸው ድፍረት የሚጠይቁ አጀንዳዎች ከፊታችን ተቆልለዋል። በግልፅና በሐቅ ተወያይተን መፍትሔ ልናበጅለት ይገባል” እያለ የቀጣይ ስጋቱን ይዘረዝር ነበር። የዛሬን ብቻ ሳይሆን የነገንም ጭምር። የነገንም ብቻ ሳይሆን የተነገወዲያውም። ለልጅና ልጅ ልጆቻችን!

ከቀናቶች በኋላ ይሄንኑ አባባል በኦሮሞ ጉዳዮች ላይ ብዙ ምርምር ከሰራውና የወቅቱ የኦሮሞ ጥናት ማዕከል ፕሬዝዳንት ከሆነው ፕሮፌሰር ህዝቅኤል ጋቢሳ ሰማሁት። ርግጥ ከላይ ከተገለጠው የገረሱ አባባል ጋር ቃል በቃል የተገለጠ አይደለም። መንፈሱ ግን ተመሳሳይ ነው። አገር አደጋ ላይ ወድቃለችና የልባችንን አውጥተን እንነጋገር፤ እንመካከር የሚል ነው። ዛሬ አገራችን ኢትዮጵያ ያለችበት ሁኔታ የማያሳስበው ዜጋ ያለ አይመስለኝም። በሌላም በኩል ወርቃማ የለውጥ ሁኔታን በብስለት ካልያዝነው ከእጃችን ሊወጣ ይችላል የሚል ነው። የህዉሃት መራሹ መንግስት የአገዛዝ ፖሊሲ መሰረት ያደረገው የኢትዮጵያ የለውጥ ሃይሎች የማይተባበሩ፣ በፖለቲካ ስልጣን፣ ብሄርና ሃይማኖት ተከፋፍለው የውስጥ ሽኩቻ የሚያደርጉ የሚለው ክስ ወደ እውነት እንዳይቀየር ነው።

“ግልፅ ውይይት” የሚለው አባባል በጽሁፍና በቃል ሲገለጽ ቀላል ሊመስል ይችላል። ወደ ተግባር ሲገባ ግን እጅግ ከባድና ውስብስብ ጥያቄዎችን ማስነሳቱ አይቀርም። ከባድ የሚያደርገው ወደ ተግባር የማይቀየር ስለሆነ አይደለም። ይልቁንስ ከባድ የሚያደርገው ይህን አስተሳሰብ አቅጣጫ የሚለውጥ ውይይት ለማድረግ ለሚጠይቀው መስዋዕትነት ምን ያህል ተዘጋጅተናል የሚለው ይመስለኛል። የተለያዩ ጥቅሞችና ፍላጎቶችን ለማጣጣምና ለጋራ ድል (win- win) በሁላችንም ዘንድ ምን ያህል ፍቃደኛነቱ አለ የሚለውም በተዛማች ሊነሳ የሚችል ነው። ህወሐት የሚባል የጋራ ጠላት ላይ በሚደረገ ርብርብ (ትክክል እንደሆነ አምናለሁ) በተቀየሰ ስልት በአርምሞ የተያዙ ግን ደግሞ ሃራምባና-ቆቦ የሚመስሉ አመለካከቶች እንዴት ይስተናገዳሉ የሚለውም የውይይቱን ውስብስብነት ማሳየቱ አይቀርም። ወደ ነገይቷ ኢትዮጵያ መንግስታዊ አወቃቀርና ስርአት ስንገባ ደግሞ ይበልጥ ከፍተኛ ጥንቃቄ የሚያስፈልግበት ሁኔታ እናያለን።

አሁን ያለንበት ወቅታዊ ሁኔታ በእርግጥም ከፍተኛ ቀውስ ውስጥ የገባንበት ነው። ህዉሃት በዘረጋው የአንድ ብሔር የበላይነት ለማምጣት በዘረጋው የዘረኛ ፖሊሲ ምክንያት የአንድ አገር ልጆት ጣት እየተጠነቋቆሉ ወደ ሚፋጁበት ዘመን ላይ እየደረስን ነው። ኢትዮጵያ ወደ አገር አቀፍ የብጥብጥና ቀውስ ሁኔታ ውስጥ ገብታለች።ይህንን ቀውስ ለመሻገር “ተከድኖ ይብሰል” የሚባልበት አይደለም። ወቅቱ ከአንገት በላይ አፍአዊ አቋም የሚወሰድበት ብቻ ሳይሆን በቁርጥ ወደ ተግባር የሚያሸጋግር መሆን ይገባዋል። ኢትዮጵያ ውስጥ የመንግስት ለውጥ ብቻ ሳይሆን የፖለቲካ አስተሳሰብ ለውጥም እየተደረገ በመሆኑ የሚኖረው ውይይትና ክርክር (Diccourse) ይሄንን በሚመጥን ዳራ (diccourse) መስተናገድ ይኖርበታል። ስለዚህ የስርአት ለውጥን በተመለከተ እርስ በራስ መነጋገር የሚገባን ኢትዮጵያውያን የምናመነጨው መፍትሔም ሆነ የውይይት አግባቡ ይህን ሊመጥን ይገባል።

እዚህ ላይ ከውይይቱ በፊት አጽንኦት ሊሰጠው የሚገባ ነገር በቅድሚያ ማንሳት ያስፈልጋል። በውይይቱ ወቅት ወጣ ያለ አስተሳሰብ ያላቸው ዜጎች ካሉ መስኪድ ሲኬድ እንዳቋረጠ አሊያም ቤተክርስቲያን እንደገባ ውሻ ሁሉም የማሪያም ጠላት እያለ ሊቀጠቅጣቸው አይገባም። በዚህ በሰለጠነው ዘመን በለውጥ ሃይሎች መካከል ያለ አስተሳሰብ መሸነፍ ያለበት በአስተሳሰብ ብቻ ነው። በመሆኑም ሰዎች የሚፅፉትና የሚናገሩትን በታጋሽነት መስማትና የሃሳብ እክብሮት መስጠት ያስፈልጋል። የግለሰቦችን አስተሳሰብ አክብሮ እንደ አመጣጡ መመዘንና መመርመር ለቀጣይ ነፃነት ዋስትና ይሰጣል። አስተሳሰብን በአስተሳሰብ ማሸነፍ የማይፈልጉ የለውጥ ሃይሎች ከጅምሩ ለለውጥ ያላቸውን አመለካከት መመርመር ያስፈልጋቸዋል።

የተነሳንበትን መንደርደሪያ ለመቋጨት ያህል “ግልጽና ደፋር ውይይት” ለማድረግ ወቅታዊ የፖለቲካ ሂደት የሚጠይቀውና መድረኩ መፈጠር እንዳለበት ለጥያቄ የሚገባ አይደለም። በይደርም ማቆየት አይቻልም። በዚህ ጉዳይ ላይ የኢትዮጵያን ፖለቲካ በቅርበት ከሚከታተሉ (የፖለቲካ ፓርቲ አባላት ጭምር) ወዳጆቼ ጋር ስንነጋገር “ወቅቱ ነወይ?” የሚል ጥያቄ አንስተን ተከራክረናል። የድመትና አይነምድሯን ትርክት አንስተን ተጨዋውተናል። ሁላችንም እንደምናውቀው ከፍጥረታት ሁሉ ድመትን የምናደንቅላት አንድ ተፈጥሮአዊ ባህሪ አላት። ይህም አይነምድሯን መሬት ቆፍራ በጥንቃቄ በተሞላበት ሁኔታ ትቀብረዋለች። ቆሻሻዋ እንዳይታይ ተደጋግማ በመመላለስ አፈሩን በመጫር በአቅሟ ልክ አፈር ታለብስበታለች።

ከዚህ ጋር ተያይዞ “ወቅቱ አይደለም” የሚሉት ወዳጆቼ የሚያነሱት መከራከሪያ አሁን እየተፈጠረ ያለውን መቀራረብ ጥላሸት እንዳይቀባው አሊያም ወደኋላ እንዳይመልሰው ከሚል ፍርሃት የሚመነጭ ነው። በተለይም ለረዥም አመታት በታቀደ መልኩ በተሰራ “የመከፋፈል ፖለቲካ” ምክንያት ሁለት ጥግ ተቀምጠው የነበሩት የኦሮሞና አማራ የፖለቲካ ሃይሎች የጋራ ጠላታቸው የሆነው ህዉሃት ላይ ለመረባረብ ቅድሚያ በመስጠት በቅንጅት እየሰሩ ባለበት ሁኔታ ወደ ውይይትና ክርክር መግባቱ አገዛዙን ሊጠቅመው ይችላል የሚል ፍርሃት አላቸው።

የእነኝህ ሰዎች ፍርሃት መሰረት ያለው መሆኑ የሚያጠያይቅ አይደለም። በፖለቲካ ሃይሎች መካከል በጠንካራ መሰረት ላይ መገንባት ያልቻለ መተማመን ባለበት ሁኔታ ከግምት የማይገቡ ጥቃቅን ድርጊቶች የቅራኔ ምንጭ ሊሆኑ ይችላሉ። የሚነሱት ቅራኔዎች በፍጥነት ምላሽ ካላገኙና ወደ አጠቃላይ ማህበረሰቡ ከተሸጋገሩ እርስ በራስ በመወነጃጀል ሀዲዱን ሊስቱ ይችላሉ። ደግነቱ በህዝቦች መካከል ያለው በደም የተሳሰረ ጠንካራ ግንኙነት የፖለቲካ ሃይሎችን የመግራት እድሉ ሰፊ ነው። ቢሆንም “ነቀፌታ ጠል” መሪዎች እየበዙ በሄዱ ቁጥር መልካም ግንኙነቶች እየሻከሩ መሄዳቸው አይቀርም። ትልቁን ስዕል ትቶ የሆነ ባልሆነው መዘራጠጥ የለውጥ ግፊቱን ሊቀንስ ይችላል።

በመሆኑም በለውጥ ሃይሎች መካከል ባለፉት ሩብ ክፍለ ዘመናት የፖለቲካ ሃይሎች ጉዞ ላይ ውይይትና ክርክር በማድረግ ተቀራራቢ አቋም መውሰድ ይኖርበታል። በዛሬና የነገን የኢትዮጵያን እጣ ፋንታ በሚወስኑ መሰረታዊ አቋሞችና ንጣፎች ላይ ሁሉን አሳታፊና ዲሞክራሲያዊ በሆነ መንገድ ፍርጥርጥ አድርጎ መነጋገር መጀመር እንዳለበት እምነቱ አለኝ። ይህ መደረግ ያለበት የትላንትና ላይ በመጨቃጨቅ ዛሬና ነገን ለመርሳትም አይደለም። ይልቁንስ በመተማመን ላይ የተመሰረተ አሳታፊና ዲሞክራሲያዊ ውይይት ማድረግ ልዩነቶችን ከማጥበብም አልፎ በተራ የመንደር ወሬና አሉባልታ መለያየት እንዳያመጣ ያደርጋል። በቀጣዩ አካሄድ ላይ ከስሜት በፀዳ ሁኔታ መስተካከል የሚገባቸውን በመለየት በቅን ልቦና ተቀብሎ ለመጓዝ ከፍተኛ ጠቀሜታ ይኖረዋል። ትላንት ተፈጠረ የተባለን የአፍ ወለምታም ሆነ ተጨባጭ ስህተት መልሶ መላልሶ መውቀጥና ማመንዠክ የአገዛዝ ዘመኑን ከማራዘም ውጪ የሚፈይደው ነገር የለም። የድመቷ ባህሪ እዚህ ጋር ሊመጣ ይገባል። በሌላም በኩል ዛሬ ደግሞ “እከሌ ይሄን ተናገረ” በሚል በግለሰቦች አገላለጥ ላይ በመመስረት የሚታይ ፍንደቃ የትም አያደርስም። የተጠቀሱት ግለሰቦች ሰዎች ናቸውና ነገም ሌላ ነገር ሊሉ ይችላሉ። ሊወድቅም ይችላል። ለማንም ግልፅ እንደሆነው አሁን ያለንበት የትግል ምዕራፍ ተለዋዋጭ እና ከሁኔታዎች ጋር እየተዛመደ መሄድ ያለበት ነው። ከእነዚህ ነባራዊ እውነታዎች ጋር መጓዝ የማይችል መሪ መከተል ትግሉ ሄዶ ሄዶ የመምከን እጣ ፋንታ ሊደርሰው ይችላል።

በዚህ መሰረት ለውይይት መነሻ እንዲሆን ይህ ፅሁፍ ተዘጋጅቷል። ጽሁፉ የኢትዮጵያን የፖለቲካ ጉዞ ያለፉትን ሩብ ክፍለዘመን መሪ ተዋንያን ለመነካካት ይሞክራል። የመጀመሪያው ክፍል በኢትዮጵያ ፖለቲካ ውስጥ ለ25 አመታት ከፊት መስመር በመሆን አስከፊ አገዛዝ ስርአት ያሰፈነውን ህወሃት ይዳሰሳል። “የህወሃት የሩብ ክፍለ-ዘመን አዙሪት” በሚል ርዕስ እንዲቀርብ ተደርጓል። በክፍል ሁለት ሦስትና አራት በሚዘጋጁ መጣጥፎችና ክፍሎች የተቃዋሚ ፓርቲዎች፣ ሲቪክ አደረጃጀቶች፣ ማህበራዊና ኢኮኖሚያዊ ተቋማት፣የኪነ-ጥበብና ሚዲያ ተቋማት የሩብ ክፍለ ዘመን ጉዞ ላይ ለማተኮር ይሞክራል። ከዚህም በተጨማሪ በአሁን ሰዓት በኢትዮጵያ የተቀጣጠለው ህዝባዊ ማዕበል ምን አይነት ባህሪ እንዳለው፤ በህዝባዊ ማዕበሉ ውስጥ ያለው የሃይል አሰላለፍ፤ ማዕበሉ የሚፈጥረው ለውጥ በምን መርሆዎችና እምነቶች (ለውጥ ለምን?፣ ለማን፣ ምን ለማግኘት፣ እሴቶቹ ምንድናቸው?) የሚመለከት ይሆናል። ይህም “ኢትዮጵያ ከህወሃት በኋላ እጣ ፈንታዋ ምን ሊሆን ይችላል” ወደሚለው የመጀመሪያው መጨረሻ ምዕራፍ ይወስደናል።

ማሳሰቢያ፡የቺካጎው የውይይት መድረክ የሚኖረው ጊዜ ውስን በመሆኑ በዚህ ጽሁፍ ላይ የመጀመሪያው ክፍልም ሆነ በተከታታይ የሚዘጋጁት ጽሁፎች አልቀረቡም። በሌላ መጣጥፍ በተከታታይ የሚዳሰሱ ይሆናል። በመሆኑም በዚህኛው መድረክ ለመጣጥፎቹ መነሻ የሆኑኝ (“ታሳቢዎች”) ውስጥ አንደኛው ብቻ “ታሳቢ ሦስት”ለውይይት በሚያግዝ መልኩ ቀርበዋል። እነዚህ ለዶክመንቱ መነሻ የሆኑ ታሳቢዎች ለሚካሄደው ውይይት እንደመንደርደሪያ የሚያገለግሉ ተደርገው ሊወሰዱ ይችላሉ።

ታሳቢ አንድ፦ የህዉሃት አገዛዝ ይወድቃል። የሚወድቀው ግን በከባድ መስዋዕትነት ነው። ከተከፈለው ያልተከፈለው መስዋዕትነት ይበልጣል።

ታሳቢ ሁለት፦ የኢትዮጵያ አንድነት እንደተጠበቀ ይቆያል። የለውጥ ሃይሉ በኢትዮጵያ አንድነት ላይ አይደራደርም።

ታሳቢ ሦስት፦ የአዲስ አበባ ነዋሪ የስርአት ለውጥ ይፈልጋል። ህዝባዊ ማዕበሉን ለማቀጣጠል ዝግጅነቱ ከፍተኛ ነው።

ታሳቢ አራት፦የለውጥ ሃይሉከህወሃት የቀድሞ የጦር ጄነራሎችም ሆነ አመራሮች ብዙ መጠበቅ የለበትም።

ታሳቢ አምስት፦ ከአጭር ጊዜ አኳያ የተገኘው ድል በብስለትና በፅናት ካልተያዘ ሊዳፈን ይችላል።

በአጠቃላይ መልኩ አሁን ያለንበት ሁኔታ በአንድ በኩል የስርአት ለውጥ ተስፋ በቀኝ እጃችን የጨበጥንበት፤ በሌላ በኩል በአገር ደረጃ ውድቀትና መበታተን ሊያመጡ የሚችሉ ችግሮችን እየታዩ ያለበት ነው። ያለምንም ማጋነን ብርሃንና ጨለማ መሳ ለመሳ የተጋመዱበት ሁኔታ ላይ ነን። ብርሃን ጨለማን አሸንፎ አልወጣም። ጨለማም ብርሃንን የደፈቀበት ሁኔታ አልተፈጠረም። በመሆኑም ብርሃን ጨለማን አሸንፎ እንዲወጣ ከተፈለገ በአገሪቱ ጉዳዮች ላይ በድብቅና በሹክሹክታ ሳይሆን በግልፅና ሃላፊነት በሚሰማው መልኩ መወያየት ያስፈልጋል። ለመውደቅ እየተንገዳገደ ባለው የህዉሃት ዘመንና ከዛ በኋላ ስለሚኖረው ሁኔታ በጋራ መምከርንና ያለንን ሃይሉ በሙሉ ተጠቅመን በመፍትሄዎቹ ላይ መረባረብ ይኖርብናል። ይህንን ማድረግ ከተሳነን ተመልሰን ወደ ዜሮ የምንገባበት እና ታሪክ ይቅርታ የማይለን ስህተት ውስጥ ኢትዮጵያን ልንከታት እንችላለን።

በመሆኑም ያለውን የሰጠ ንፉግ አይባልምና ሁላችንም እንደ አቅማችን ለትብብርና የጋራ መስራት አስፈላጊ ናቸው የምለውን ጠቃሚ ሃሳቦች እንወርውር። እንወያይ ። እንመካከር። በመተማመን ላይ በተመሰረተ ሁኔታ ወደ ተግባር እንግባ። ይህንን ከግምት በምክተት እኔም እንደ አቅሚቲ የሚከተሉትን የመወያያ ነጥቦች ሰንዝሬያለሁ። ለዛሬው አስቀድሞ እንደተጠቀሰው ለጽሁፌ መነሻ ከሆኑኝ አምስት ታሳቢዎች ውስጥ አንዱ ብቻ (“ታሳቢ ሦስት”) የማቀርብበት ይሆናል። ሦስተኛው ታሳቢ አዲስ አበባን የተመለከተ ሲሆን “የአዲስ አበባ ህዝብ የስርአት ለውጥ ይፈልጋል ወይ?፤ ህዝቡ ምን አይነት ችግሮች አሉበት?፤ ነዋሪው ህዝባዊ እምቢተኝነቱን በተሞላ መንገድ እንዲቀላቀል ምን መደረግ ይኖርበታል?” የሚለውን ለውይይት መነሻነት አቀርባለሁ። ስለ አዲስ አበባ መነጋገር ስለ ኢትዮጵያ መነጋገር እንደሆነ እምነት ስላለኝ የውይይታችን አድማስ በመዲናችን ላይ ብቻ የታጠረ አይሆንም።

ታሳቢ ሦስት፦ የአዲስ አበባ ነዋሪ ስር-ነቀል የስርአት ለውጥ ይፈልጋል። ህዝባዊ ማዕበሉንም ለማቀጣጠል ዝግጁነቱ ከፍተኛ ነው።

3.1 የአዲስ አበባ ህዝብ ዘርፈ ብዙ ችግሮች

የአዲስ አበባ ነዋሪዎች የኢትዮጵያ ህዝብ ስቃይና የጭንቀት ጽዋ ሞልቶ እንደፈሰሰ በግላጭ የሚያውቁትሀቅ ነው። የአዲስ አበባ ህዝብ በዚህ የጭንቅ ወቅት በንዴትና በቁጭት በየቤቱ እንደሚብሰለሰል ይታወቃል። ህዝቡ በአራቱም ማዕዘናት በአገዛዙ የሚካሄደውን የህዝብ ፍጅት ከየትኛውም የኢትዮጵያ ክፍል ከሚኖረው ወገኑ በላይ የመመልከት እድል ስላለው እና የግፉም ተቋዳሽ በመሆኑ ጭንቀቱም በዛው ልክ ነው። የሚሞተው ህዝብ ብቻ ሳይሆን አገር እንደሆነ ያውቃል። በመሆኑም የአዲስ አበባ ህዝብ በቁሙ እየሞተ ኢትዮጵያ እየፈረሰችና ላካራ እየተዘጋጀ ለሩብ ክፍለዘመን እና ከዛ በላይ ዘመን እየተመለከተ “ህዝባዊ ማዕበሉን” አይቀላቀልም ብሎ ማሰብ የሚችለው ከህዝቡ ስነ-ልቦና ርቆ የተቀመጠው ብቻ ነው። ተወደደም ተጠላም የኢትዮጵያ አንድነትና የጋራ ኑሮ መናጋት ከየትኛው የሀገሪቱ ክፍል በላይ የህልውና ጥያቄ የሚሆንበት ለአዲስ አበባ ህዝብ ነው። ይሄ መታበይ አይደለም!!

ኢትዮጵያ ከሌለች አዲስ አበባ የለችም። ኢትዮጵያ ከፈረሰች አዲስ አበባም ትፈርሳለች።እናም የአዲስ አበባ ነዋሪዎች “ኢትዮጵያ!” “ኢትዮጵያ!” የሚሉትወደው እና ፈቅደው ብቻ አይደለም። እንደ ሰው የመኖር /ያለመኖር የህልውና ጥያቄ ከፊታቸው ስለተጋረጠ ነው። ስለዚህ የኢትዮጵያ የአንድነት ዋስትና ለእያንዳንዱ የአዲስ አበባ ዜጋ የህይወት ዋስትና ነው። የአዲስ አበባ ህዝብ ከመኖርና ያለመኖር ጥያቄ በመለስ ሌሎች በአገዛዙ የተነጠቋቸው መሰረታዊ መብቶች አሉን። ከነዚህ ውስጥ የመጀመሪያ እንደ ሰው የመቆጠር ነው። በዲሞክራሲያዊ ስርአት ውስጥ የሚኖሩ አገሮች “ለሠው ልጅ” ትልቅ ክብር ይሰጣሉ:: የአንድ ሀገር የማይተካው ሀብት የሠው ሀብት ነው:: በመሆኑም የአዲስ አበባ ነዋሪ ዋነኛ መሠረት የሆነው የግለሰብ መብት መከበር መቻል አለበት::

ህዉሓት ወደ ስልጣን ከመምጣቱ በፊት አዲስ አበባን እንደ ጠላት በመፈረጁ በመዳፉ ካስገባት እለት ጀምሮ የቆሰለ አውሬ ጠባይ ከማሳየት ተቆጥቦ አያውቅም። ቁጥሩ ቀላል ያልሆነ የአዲስ አበባ ህዝብ በደርግ ከደረሰበት ግድያ ግፍና መከራ፣ የመናገር የመጻፍና የመቃወም ዲሞክራሲያዊ መብት እጦት ምክንያት ህዉሓት ለመመልከትና እድል ለመስጠት ፍቃደኛ የሆነ ነበር። እርግጥ አንዳንዶች እኩይና ተናካሽ ባህሪውን አስቀድመው በመገንዘብ በአደባባይ ቢቃወሙም የተወሰኑት በሩን ገርበብ ከማድረግና በአርምሞ ለመመልከት በጎ ፍቃድ ታይቶባቸዋል። የሚያሳዝነው የከተማው ነዋሪ የህወሃትን መጥፎ ጽዋ ለመቅመስ ወራቶች አልፈጁበትም። ህወሓት በአዲስ አበባ ህዝብ ውስጥ መሞት የጀመረው ገና ሳይደላደል “የመከፋፈል ፖለቲካ” ይዞ መሆኑ የሚያከራክር አይደለም።

ለሁሉም ግልፅ እንደሆነው የአዲስ አበባ ነዋሪዎች ማንኛውም ኢትዮጵያዊ በመሰለውና ያዋጣኛል በሚለው አደረጃጀት ውስጥ ቢታቀፍ መብቱ እንደሆነ ይገነዘባሉ። ይህንን የፖለቲካ መብቱንም ያከብራሉ። ዜጎች ሰብአዊና ዲሞክራሲያዊ መብታቸው ሳይሸራረፍ ተከብሮ በፈቀዱትና ባሻቸው የተናጠልና የጋራ አደረጃጀቶች እየተመሰረቱና ትሥሥራቸውን በሚያጎለብት መንገድ እንዲጓዙ የፀና ፍላጎት አለው። መነሻና መድረሻቸው በኢትዮጵያ አንድነት ውስጥ እስከሆነ ድረስ ተባብሮና ተጋግዞ በጋራ ስርአት እንዲመጣ ከመትጋት ውጪ ሌላ አማራጭ አለ የሚል አስተሳሰብም ሆነ እምነት የለውም።

በሌላ በኩል ህውሓት ለሩብ ክፍለዘመናት በግድ እንደጫነባቸው “የእኔን አመለካከትና አወቃቀር ካልተቀበላችሁ” የሚሉንን ማንኛውንም ግለሰብና ቡድኖች በማያወላዳ መልኩ ይታገላሉ። ከሰው በታች አድርጎ ሊገዛቸው የሚፈልገው ህዉሓትን የመሰለ ጠባብና ወንጀለኛ ቡድን ለማስወገድ የሚያደርጉት ትግል እዛው ሳለ የነገዊቷ ኢትዮጵያ ውስጥ መብትና ጥቅማቸውን ያለምንም መሸራረፍ እንደሚከበር በሚያረጋግጥ መልኩ የሚፈፅሙት ይሆናል። የሚያቀጣጥሉት ህዝባዊ እምቢተኝነት ለዘመናት የተጠራቀመ መከራና ስቃያቸውን ለአንዴና ለነገው በእኩልነት የተመሰረተ ቀጣይ ህይወታቸው ዋስትና የምናረጋግጡበት ነው። የምናደርገው ህዝባዊ ተቃውሞ የጠባቦች ቡድን የሆነውን ህዉሓት ወደ መቃብር እንደሚወስደው የሚያጠራጥር አይደለም።የጊዜ ጉዳይ ብቻ ይሆናል። ታዲያ የአዲስ አበባ ነዋሪዎች ትልቁ ጭንቀታቸው በዚህ መቃብር ላይ የኢትዮጵያ ህዝብ ተስፋና ዲሞክራሲ እንዴት ይለመልማል የሚለው ነው። ስርአቱ ፍርስራሹን አራግፎ የሚነሳበት ሳይሆን በመቃብር ላይ እኩልነት ፍትህና ብሩህ ተስፋ ማንበብ መቻሉ ላይ ነው።

በትክክልም የአዲስ አበባ ህዝብ ከህዉሃት በኋላ የምትኖረው ኢትዮጵያ ከምንም በላይ ያስጨንቀዋል። የአዲስ አበባ ነዋሪ ለሩብ ክፍለ ዘመን በታቀደ የፕሮፖጋንዳ ስራ እንድትጠላና እንድትናቅ የተደረገችውን ኢትዮጵያ ከመሬት ላይ በማንሳት ኢትዮጵያዊነት ትንሳኤው እንዲመጣ ሃላፊነት አለበት። ዛሬ እንደታየው የአፍሪካ ማፈሪያ ሳይሆን የኩራት ምንጭ ሆና የምትታይበት ሁኔታ እንዲፈጠር ከፍተኛ አደራ አለበት። ይህንን ሚና ለመጫወት ደግሞ አዲስ አበባ ከክብሯ ጋር የሚመጥን ስልጣንና ሃላፊነት ሊኖራት ይገባል።

አስቀድሞ እንደተገለጠው የአዲስ አበባ ነዋሪዎች የህዉሓትን ጠባብ ፍላጎትና ጭቆና የተረዱትአስቀድመው ነው። ህዉሓት አዲስ አበባን ከተቆጣጠረ በኋላ የከተማውን ነዋሪ ባይተዋርነት እና ለእሱ ያደሩ ባለሟሎቹን መልምሎ ወደ አዲስ አበባ በማምጣት በግላጭና በስውር በምስለኔ ሲገዛ ቆይቷል። ዛሬም አዲስ አበባ እየተዳደረች ያለችው በህዉሓት መዋቅር በሚመለመሉ ከነዋሪው ጋር ምንም አይነት ትሥሥር የሌላቸው ምስለኔዎች ነው።

እነዚህ ከአዲስ አበባ ነዋሪ ስነ- ልቦና ተንፈራቀው የቆሙ የአገዛዙ ሀይሎችና ባለሟሎች የህዉሓትን ጥቅም ከማስጠበቅና ከማገልገል ውጭ የነዋሪውን ጥቅም የሚያስጠብቁና የህዝቡን ብሶት የሚያጤኑ አይደሉም። ነዋሪውን እንደ ድርና ማግ ያስተሳሰሩ ማህበራዊ አደረጃጀቶችን ለማፈራረስና እትብቱ ከተቀበረበት ቀዬ ለማፈናቀል ቅንጣት ያህል አላወላወሉም። ነዋሪውን ለማሰር፣ ለመግደል፣ ለመሰወር፣ በተደጋጋሚ ከስራ ለማባረር አንዳችም ማቅማማት አላሳዩም። አገሪቱ በብዙ ድካም ያፈራቻቸውን የተማሩ ሠዎችን ከአመራር ገለል ለማድረግና እንዲሰደዱ በማድረግ አዲስ አበባን ብሎም ኢትዮጵያን የምሁር ምድረ- በዳ ሲያደርጉ አንዳችም ፀፀት አልተሰማቸውም። ጆሮውን በጥጥ የደፈነው አገዛዝ ነዋሪው አስከፊ በሆነ “የከተማ ረሃብ” ተመቶ ከቆሻሻ ገንዳ ውስጥ ትርፍራፊ እየፈለገ ሲበላ ከቁብ አልቆጠሩትም።

ይልቁንስ የእሱን መሬት አስለቅቀው ለራሳቸው እና ለጠባብ ቡድናቸው ቪላዎች በመገንባት ተንደላቀውበመኖር ላይ ይገኛሉ:: የተቀረውን መሬት ደግሞ ለመጥራት በሚዘገንን በሚሊዮኖች በሚቆጠር ብር በመቸብቸብ ለግል ጥቅማቸው በማዋል ላይ ናቸው:: በመሀል አዲስ አበባ በተለይም በቦሌና ዙሪያዋ “የአፖርታይድ ሰፈሮችን” ፈጥረዋል:: ድሀውን ህዝብ የጎዳና ተዳዳሪ እያደረጉት ይገኛሉ:: የአዲስ አበባ የቀድሞውን መሠረትና ስብጥር በማፍራረስ በምትኩ እነሱና ባለሟሏቻቸው እንደፈለጉ የሚፈነጩበት ሁኔታ ተፈጥሯል:: በከተማዋ ዋና ዋና ቦታዎች በተለይም በመርካቶ እና አካባቢዋ የሚገኙ ሱቆችና የንግድ ተቋማትን በቁጥጥር ስር በማዋል የሞኖፖሊ የኢኮኖሚ ስርአት ፈጥረዋል:: በተለይም ከምርጫ 97 በኋላ የንግድ ተቋማት ነባር ባለቤቶች የሆኑትን የከተማችንን ነዋሪዎች ባማስለቀቅ የእነርሱ ንብረት በሆኑት እንደ ኤፈርት የመሳሰሉ የማፍያ ቢዝነስ ተቋማት እንዲወረሱ አድርገዋል::

ዛሬ በአዲስ አበባችን ጠግቦ በመብላት ወደ ትምህርት ቤት የሚሄዱት እነርሱ እና እነሱን ለማገልገል ፈቃደኛ የሆኑ ወዶ ገቦች ናቸው::ሌላውነዋሪ ለልጆቹ የሠነቀው ተስፋ ተጨናግፎ የልጆቹ በረሀብ የታጠፈ አንጀት እየተመለከተ የሚቆዝምበት ሁኔታ ተፈጥሯል:: የሚበላውን ያጣ “አዲስ አበቤ” ምን አይነት “ኢትዮጵያዊነት” ስሜት ሊሰማው እንደሚችልና ሀገሩን ሊረግም እንደሚችል መገመት ቀላል አይደለም። የስርአቱ ብርቅ ልጆች በስልጣን ብልግና በተገኘ ገንዘብ በመቶሺዎች ወጪ እየወጣላቸው በሀገር ውስጥና በውጭ በሚገኙ ዘመናዊ አስኳላ እያማረጡ የሚማሩበት ሁኔታ ተፈጥሯል::ዛሬ በአዲስ አበባ ዲሞክራሲያዊ መብት የሆኑት በነፃነት የመናገር የመፃፍ ሠላማዊ ሠልፍ የማድረግ የመቃወም በነፃነት የመደራጀት እውነትን በአደባባይ መናገር የሃይማኖት ነፃነት የሚታሠቡ አይደሉም:: መምህራን በግዳጅ የፓርቲ መዋቅር ውስጥ ገብተው አባል ካልሆኑ የስራ ዋስትና እና እድገት አይፈቅድም:: በቢሮክራሲውና መንግስታዊ ተቋማት ውስጥ የሹመት ዘይቤና የሹመት መለኪያው ችሎታ ሳይሆን ታማኝነት ዜግነት ሳይሆን የፓርቲ አባልነት ነው::

እነዚህ ከብዙ በጥቂቱ የተዘረዘሩ መከራዎች የሚያመለክቱን ነገር የአዲስ አበባ ህዝብ በጫንቃው ላይ የተሸከመው ጭቆና ከአቅሙ በላይ እየሆነ መሄዱንና መሰረታዊ የሆነ ለውጥ እንደሚፈልግ የታየበት ነው። ችግሮቹ የበለጠ እየተባባሱና ውስብስብ እየሆኑ የሚሄዱ በመሆናቸው የስርአት ለውጥ (የህወሃት መወገድን) የሚፈልጉበት ሁኔታ ተፈጥሯል። መሰረታዊ የሆነ አዲስ አቀራረብን ይፈልጋል። እንዲያም ሆኖ እንዲመጣ የሚፈለገው አዲስ ስርአት (ከህወሃት መወገድ በኋላ) ተመሳሳይ ስህተት እንዳይፈፀም የተለያዩ ስጋቶች አሉበት። እነዚህን መራር ሀቆች መጋፈጥ ጊዜው የሚጠይቀው ሆኖ ወጥቷል። በሌላ በኩል የአዲስ አበባ ነዋሪ ለውጡን በተከፈተ ልብ ሊቀበለው የሚችለው እነዚህ ስጋቶች ሲቀረፉለትና የለውጡ አካል መሆን ሲችል ብቻ ነው። ከህወሃት በኋላ የሚቋቋመው አዲስ መንግስት ወደ 5 ሚሊዮን የሚጠጋውን የአዲስ አበባ ነዋሪ በአግባቡ የሚያስተናግድ፣ የህብረተሰቡን ዲሞክራሲያዊ መብት የሚያረጋግጥና የህዝብን ድምፅ የሚሰማ ከሆነ ነው።

ከዚህ በተጨማሪ የአዲስ አበባን ብሎም የኢትዮጵያን የለውጥ እንቅስቃሴ ከግቡ ለማድረስ ጠንካራ አመራርና አደረጃጀት ይፈልጋል። የስርአቱ ለውጡ ስኬትም ሆነ ውድቀት ዋነኛውና መሰረታዊ ምክንያት የአመራር መሆኑ አይቀርም። ሌሎች የስኬትና ውድቀት ምክንያቶች በሙሉ የሚመነጩትና የሚንጠላጠሉት ከአመራር ጋር የተያያዙ ናቸው። በህዝባዊ እምቢተኝነቱ እና የለውጡ የእድገት ደረጃ ጋር ተለዋዋጭ የሚሆን ራሱን እየለወጠና እያደገ የሚሄድ አመራር የሚሰጥ ሃይል ያስፈልጋል። ደግነቱ የአዲስ አበባ ነዋሪዎች የመላው ኢትዮጵያ ዜጎች በመሆናቸው አመራር ለመፍጠር የሚካሄድ እንቅስቃሴ ፍሬ ማፍራቱ የአጭር ጊዘ ስራ ብቻ ይሆናል።

3.2 የአዲስ አበባ የለውጥ እንቅስቃሴ መሠረታዊ አቋሞችና እምነቶች

በአዲስ አበባ የሚቀጣጠለውን ህዝባዊ እምቢተኝነትና ከዛም በኋላ ያለውን እንቅስቃሴ ለመምራት የሚችሉ መሰረታዊ አቋሞችና እምነቶች መኖራቸው ግድ ይላል። ከዚህ አንፃር ቢያንስ ሦስት አቋሞችና እምነቶች መዞ ማውጣት ይቻላል።

በመጀመሪያ ደረጃከሁሉም አስቀድሞ የአዲስ አበባ ህዝብ ለኢትዮጵያ አንድነትና ለብሔራዊ ጥቅማችን ቅድሚያ የሚሰጥ ለውጥ ይፈልጋል።ይሄ ጉዳይ በተድበሰበሰ አባባልና ቀቢፀ-ተስፋ በሚመስል መልኩ መቅረብ የለበትም። የአዲስ አበባ ነዋሪ በመከራ፣ በፀረ- ዲሞክራሲ፣ በከተማ-ረሃብ፣ በምስለኔ…. ወዘተ ከመኖሩም ባሻገር ለኢትዮጵያ አንድነት ባሳየው የፀና እምነት ሲቀጠቀጥ ነበር። የኢትዮጵያ አንድነት አይናጋም በማለቱ በርካታ መስዋዕትነት ከፍሏል። ይህንን ሁኔታ እንደ መጥፎ ታሪክ ወደ ኋላ የሚያየው እንጂ ከፊት ለፊትም የሚጠብቀው ከሆነ ውጤቱ ከድጡ ወደ ማጡ መሄዱ አይቀርም። 5 ሚሊዮን ይጠጋል ተብሎ የሚገመተው የአዲስ አበባ ነዋሪ ህይወቱን ይሰጣል እንጂ የኢትዮጵያን አንድነት ለማናጋት አሊያም ለመገነጣጠል ፍላጎት ካላቸው እካላት ጋር የሚሞዳሞድበት አንዳችም ምክንያት የለውም።

የአዲስ አበባ ህዝብ “ኦሮሞን ገንጥለን ሀገር እንመስርት”፣ “አማራን ገንጥለን አዲስ ሀገር እንገንባ”፣ ትግራይ ሪፐብሊክ እናቋቁም “ኢትዮጵያ እከሌ የሚባለውን ብሄር በኮሎኒ ይዛለች” ወዘተ ከሚሉ ሃይሎች ጋር መነሻቸው ምንም ይሁን ምን ህወሃትን ታግሎ ለመጣል ከሚያደርገው ትግል ባልተናነሰ ይታገላቸዋል። ተደጋግሞ እንደተገለፀው የኢትዮጵያ አንድነት መናጋት ለአዲስ አበባ ህዝብ የአዲስ አበባ ነዋሪ የመኖርና ያለመኖር ጥያቄ ነው። የምርጫ ጉዳይ አይደለም። የአዲስ አበባ ነዋሪሰማይ ዝቅ፣ ምድር ከፍ ቢል ከኢትዮጵያ ህዝብ አብሮ መኖርና አንድነት ላይ የሚደረደር አይደለም።

የአዲስ አበባ ነዋሪ የሚያራምደው ኢትዮጵያዊነት የሁሉም ብሔረሰቦች መብት በእኩል ደረጃ የሚታዩበት ነው። በተግባርም እየታየ ያለው በመዲናይቱ የሚኖሩ ብሔረሰቦች እርስ በራስ በመጋባት፣ በማህበር በእድር እና ጉርብትና የተሳሰሩ ያለምንም ማጋነን “ትንሿ ኢትዮጵያ” የሚታይበት ነው። የአዲስ አበባ ነዋሪ የሚያራምደው ኢትዮጵያዊነት በዲሞክራሲያዊ ባህልና ከውስጥ የሚመነጭ ነፃነት ጋር ተዋህዶ የሚቀርበውን አማራጭ ነው። መብትና ግዴታዎችን ጠንቅቆ የሚያውቅና በሌሎች ላይ በሃይል ለመጫን የሚያስበውን ነው። ነዋሪው መብትና ግዴታዎቹ የአንድ ሳንቲም ሁለት ገፅታዎቹ መሆኑን በሚገባ የሚረዳ፤ መብቱን ለድርድር የማያቀርብና ሊገረሡ የሚፈልጉትን አጥብቆ ዲሞክራሲያዊ በሆነ መንገድ የሚታገል ነው። በሌላም በኩል በሃላፊነትና የህግ የበላይነት ስሜት ለጋራ አላማ መሳካት ግዴታውን መወጣት የሚፈልግ ነው።

በአጭሩ የአዲስ አበባ ነዋሪ ከሌሎች ኢትዮጵያውያን ወዳድ አካላቶች ጋር በመቀናጀት ሀገሩን የሚታደግ፣ ብሄራዊ ስሜትና አንድነትን ለመፍጠር ታሪካዊ ሃላፊነት የተሸከመ ህዝብ ነው። ተወደደም ተጠላ አዲስ አበባ የአገራችን ኢትዮጵያ አማካይ ብቻ ሳትሆን አስኳል ናት።

በሁለተኛ ደረጃ የአዲስ አበባ ነዋሪ ያለምንም መሸራረፍና ተጽእኖ ራሱን በራሱ የማስተዳደር መብቱ ላይ ለድርድር የሚያቀርበው ነገር አይኖርም።ህውሃት እንዳደረገው ይህን ሰፊና ታላቅ ህዝብ ወደ ጎን ትቶ በፓርቲ መዋጮ ለነዋሪው ጥላቻ ያላቸው ካድሬዎችን በማምጣት ለመግዛት መሞከር ፈፅሞ ተቀባይነት የሚኖረው አይደለም። በዚህ ሃሳብ ደግሞ እውነተኛ የለውጥ ሃይሎች በሙሉ ልብ የሚቀበሉትና የሚስማሙበት በመሆኑ በተግባራዊነቱ ላይ ብዙም ችግር ላያጋጥም ይቻላል።የአዲስ አበባ ህዝብ የሚፈልገው ስነ-ልቦናውን የተገነዘበ፤ ነዋሪውን ያለአንዳች ልዩነቶችና መከፋፈል የሚያስተባብር፤ ለነዋሪው መስዋዕት ለመሆን ልብና መንፈሳቸውን ያዘጋጁ መሪዎችን ነው። ነዋሪው ያገለግሉኛል የሚላቸውን ሰዎች በፍፁም ነፃነት መምረጥ መቻል ይኖርበታል። ከዚህም በተጨማሪ አዲስ አበባ በአለም ከሚገኙ ጥቂት ታላላቅ ከተሞች ውስጥ በርካታ አለም አቀፍ ተቋማት የሚገኝባትና የአፍሪካ መዲና እንደመሆኗ መጠን ከዚህ ደረጃና ክብር የሚመጥን ብስለትና የትምህርት ዝግጅት የሚኖረው አመራር ሊኖራት እንደሚገባ የሚታለፍ አይደለም።

የአዲስ አበባ ነዋሪ በኢትዮጵያ አንድነት የሚያምኑትን ሃቀኛና በራሳቸው የሚተማመኑ መሪዎችን ያለምንም ጣልቃ ገብነት መርጦ ለስልጣን ማብቃት ይኖርበታል። የከተማዋን የኢኮኖሚ፣ የፖለቲካና ማህበራዊ ፖሊሲዎች የከተማዋን ነዋሪዎችና ምሁራን በማሳተፍ ማዘጋጀት የመሪዎቹ ሃላፊነት ይሆናል። በመዲናይቱ ዲሞክራሲያዊ ስርአት እንዲገነባ፣ የህግ የበላይነት እንዲከበር፣ የነዋሪው ድምጽ እንዲሰማና በአጠቃላይ የፖለቲካ ነፃነት እንዲከበር በሙሉ ስልጣን መንቀሳቀስ ይኖርባቸዋል። አዲስ አበባ እንደ ኢትዮጵያ አስኳልነት የህዝቦቿ የመፃፍ፣ የመናገር፣ የመቃወም፣ መብትን የማስከበር፣ የሌሎች አማራጮችን ሃሳብ የማክበርና እውነትን የመሻት አርአያነቷን (Role Modeling) ሆና መገኘት ይኖርባታል። የፍፁም ዲሞክራሲያዊ መብት መከበርና የዘመናዊ መንግስት አመራር በአፍሪካ ተጠቃሽ ከተማ ልትሆን ይገባል። ይሄ የራስን ገቢ አመንጭቶ ከመጠቀምና የህዝብ ፍላጎትን አጢኖ ባይተዋር ሳያደርጉ ከመንቀሳቀስ ውጭ የሚታሰብ አይደለም።

በሦስተኛ ደረጃ ከላይ ከተቀመጡት በመለስ ባሉ ጉዳዮች ላይ በድርድር ሰጥቶ በመቀበልና በጋራ ድል ላይ በተመሰረተ ሁኔታ ምላሽ የሚገኙ ናቸው።ይህም በአንድ በኩል በፌደራል ደረጃ (ቀጣዩ መንግስት ፌደራላዊ እንደሆነ ታሳቢ ተወስዶ) መልስ የሚሰጥባቸው ይሆናሉ። በሌላ በኩል በአዲስ አበባ ላይ የባለቤትነትም ሆነ ልዩ-ጥቅም ጥያቄ ያለው የኦሮሞ ብሄረሰብ ጋር በውይይትና ድርድር የሚፈቱ ናቸው። በቀጣይ የሚገነባው ስርአት ዲሞክራሲያዊ እስከሆነ ድረስ፤ ስልጣን ከብረት አፈሙዝ ሳይሆን ከእውነተኛ ምርጫ እስከመጣ ድረስ የሚፈጥሩ ልዩነቶች ሊፈቱ አሊያም ሊጣጣሙ ይችላሉ። አዲስ አበባን በተመለከተ የሚደረጉት ድርድሮች አንደኛው ሌላኛው ላይ የበላይነት ለመያዝ ሳያሴር፤ ቂም በቀልና ጥቃትን መሰረት ካላደረገና የራስን ጥቅም ለማስከበር የሌላውን በተመሳሳይ ደረጃ ለማክበር ዝግጁነቱ ካለ እርስ በራስ መተማመን ስለሚፈጥር የሚመጣውን ለውጥ በእምነት ለመቀበልና ለተግባራዊ እርምጃው ሀላፊነት ወስዶ ለመንቀሳቀስ ከፍተኛ እድል ይፈጥራል። የሚደረገው ውይይትና ድርድር የአዲስ አበባ ነዋሪን ወሳኝነት የተገነዘበ ሊሆን ይገባል። በድርድሩ ወቅት የሚፈጠሩ ቅራኔዎች ካሉ እንኳን ቅራኔዎችን ለመፍታት የመንፈስም የተግባርም ዝግጅት በሁሉም የለውጥ ሃይሎች መካከል ሊኖር ይገባል።

ከላይ ከተጠቀሱት ሃቆች በመነሳት የአዲስ አበባን ህዝብ ሰብአዊና ህጋዊ መብቱን የሚያስከብርለት ጎዳና የሚቀይስለት የፖለቲካ ፓርቲ ያልሆነ አደረጃጀት ያስፈልገዋል፡፤ ይህ አደረጃጀት መሰረታዊ መነሻው የኢትዮጵያ አንድነት ተጠብቆ እንዲቆይ፤ ህዝቡ በህብረት በሰላምና ወንድማማችነት እንዲኖር ለማድረግ የሚቀየሱ ውጥኖችን ተቀብሎ በዚህ ውስጥ የአዲስ አበባን ለማረጋገጥ የሚሰራ ይሆናል። ከዚህም በተጨማሪ የኢትዮጵያ አንድነት መናጋት የለበትም ከሚሉ ሌሎች አደረጃጀቶች (የፖለቲካ ፓርቲዎችን ጨምሮ) አብሮ በጋራ የሚሰራበት የመግባቢያ ሰነዶችን ያዘጋጃል። የፖለቲካ ፓርቲዎቹ አደረጃጀት ምንም ይሁን ምን በኢትዮጵያ አንድነትና ሉአላዊነት ላይ የፀና እምነት ካላቸው ጋር ትብብር የሚሰራበት ሁኔታ ይቀይሳል። የአዲስ አበባ ብሎም የኢትዮጵያ ጉዳይ ያገባናል ከሚሉ ኢትዮጵያውያን ጋር በሙሉ ተቀራርቦ የሚሰራበትን ሁኔታ ያመቻቻል።

3.3የአዲስ አበባ የለውጥ እንቅስቃሴ አደረጃጀት

ከላይ የተጠቀሱትን የአዲስ አበባ ህዝብ ፍላጎቶች ለማስፈፀም የሚያስችል “የአዲስ አበባነዋሪ ህዝባዊ እምቢተኝነት አስተባባሪ ግብረ-ሃይል” የሚቋቋምበት ሁኔታ መፈጠር ይኖርበታል። አስተባባሪ ግብረ-ሃይል የአዲስ አበባ ነዋሪ (“አዲስ አበቤ መሆን የፈለገ በሙሉ”) አባቶች፣ ምሁራን፣ የፖለቲካ ፓርቲ አባላት፣ የአዲስ አበባ መምህራን ማህበር፣ ህብረት ስራ ማህበር፣ ንግድ ም/ቤት የከተማ ገበሬዎች፣ ቢሮክራሲ፣ በውጭ የሚኖር አዲስ አበባ የኖረና የወደፊት ህይወቱን አዲስ አበባ ማድረግ የፈለገ ኢትዮጵያዊ በሙሉ…..ወዘተ የሚሳተፍበት ሊሆን ይገባል። ጊዜያዊ ግብረ-ሃይል (Ad-hoc Committee) በኢትዮጵያ አንድነትና ብሄራዊ ጥቅም፣ ራስን በራስ የማስተዳደር፣ ከሚመለከታቸው አካላት ጋር የሰብአዊ ዲሞክራሲያዊ መብቶች የሚደራደርባቸውና መግባባት የሚፈጥርባቸው ቢጋር (TOR-Term of Reference) እና የድርድር ሰነዶች የሚዘጋጅ ይሆናል። ለመነሻ የሚዘጋጀው ቢጋር (TOR) የሚከተሉት አራት አላማዎችን ለማሳካት ቢሆን ይመረጣል።

የመጀመሪያው፦ በሌሎች የኢትዮጵያ አካባቢዎች የተቀጣጠለው ህዝባዊ እምቢተኝነት በአዲስ አበባም በማያቋርጥ ሁኔታ እንዲጀመር ማድረግ

ሁለተኛው፦ በሌሎች የኢትዮጵያ አካባቢዎችየተነሱትንና የሚነሱትን ህዝባዊ ማዕበሎች መደገፍና በትብብር መስራት። ከለውጥ ሃይሎች ጋር በመሰረታዊ ጉዳይ ላይ መተማመን መፍጠር።

ሦስተኛው፦ ከህዉሃት ውድቀት በኋላ በሚመሰረተው አዲስ ስርአት ውስጥ አዲስ አበባና ነዋሪዎች ስለሚኖራቸው ሰብአዊ፣ ኢኮኖሚያዊና ዲሞክራሲያዊ መብቶች ሙሉ ለሙሉ መከበራቸውንግፊት የሚያደርግ ይሆናል።

አራተኛው፦ በአዲስ አበባ የፌደራል ስርአት ምስረታና የጋራ አስተዳደር ሂደት የአዲስ አበባ ህዝብ ሚናውን በአግባቡ እንዲጫወት፤ በሚገነባው ዲሞክራሲያዊ ስርአት ላይ ከሌሎች የሂደቱ አካላቶች ጋር በመተማመን፣ በእኩልነትና በአንድነት የሚሰራበት፤ በሦስቱም የመንግስት አካላት ውስጥ በቂ ውክልና እንዲኖረው ማስቻል።

አስተባባሪ ግብረ-ሃይሉ በአዲስ አበባ የማያቋርጥ ህዝባዊ እምቢተኝነት እንዲቀጣጠልና ከሌሎች የኢትዮጵያ አካባቢዎች ጋር በትብብር መተማመን ለመስራት የሚያስችለው የአጭር ጊዜና ከሁኔታዎች ጋር ተለዋዋጭ የሆነ ስትራቴጂ መንደፍ ይኖርበታል። ከአገር ቤትም ሆነ ከኢትዮጵያ ውጭ ህዝባዊ ማዕበሉን የሚያቀጣጥሉ የግልፅና ህቡዕ አደረጃጀቶች መፈጠር ይኖርበታል። ህዝባዊ ማዕበሉን የሚመሩት ሰዎች ጠንካራ ማህበራዊ ትሥሥር ያላቸው፣ ኢኮኖሚያዊ ማህበራዊና ፖለቲካዊ ተቋማትን የሚመሩ፣የሚቀረፁ መልዕክቶችን በቀላሉና ቀስቃሽ በሆነ መንገድ የሚያስተላለፍና በአግባቡ የተደራጀ ትሥሥር መፍጠር የሚችሉ ሊሆን ይገባል። ግብረ-ሃይሉ እንደዚህ አይነት ኔትወርኮችን እስከ ቤተሰብ ድረስ የሚዘረጋበት ስትራቴጂና ታክቲክ መቀየስ አለበት። የሚቋቋመው ግብረ-ሃይል የተለያዩ ንዑስ አደረጃጀቶች በውስጡ የያዘ ሊሆን ይችላል። ከእነዚህ ንዑስ አደረጃጀቶች ውስጥ እንደ መነሻ የሚከተሉት ሊኖሩት ይችላሉ፦

1.የሚዲያና ኮሙዩኒኬሽን አስተባባሪ ግብረ-ሃይል

ይህ ንዑስ ግብረ-ሃይል አለም አቀፍና አገር አቀፍ የሚዲያ ተቋማትን፤ ማህበራዊ ሚዲያዎችን (ድረ-ገፅ፣ ፌስቡክ፣ ቲውተር….ወዘተ)፤ የህትመት ሚዲያዎችን በመጠቀም የአዲስ አበባ ህዝባዊ ንቅናቄንና የመጪውን ጊዜ የማስተዋወቅ ስራ የሚሰራ ይሆናል። የአዲስ አበባ ብሎም የኢትዮጵያ የአንድነት አጀንዳ ሰፊ ውይይት እንዲደረግበት ሃሳቦችን የማፍለው፣ የሚዲያ ተቋማትን በተለያዩ መንገድ በመቅረብ ሽፋን የሚያገኙበት ሁኔታ ማመቻቸት ያስፈልጋል። የለውጥ እንቅስቃሴውን ከሚደግፍ የሚዲያ ተቋማት ጋር (ለምሳሌ ኢሳት፣ OMN፣ ዋዜማና ሌሎች የአከባቢ ሚዲያዎች) በሳምንት አንድ ጊዜ መደበኛ ፕሮግራም የሚቀርብበት ሁኔታን የሚደራደር ነው።

የሚዲያና ኮሙዩኒኬሽን ስራው የአዲስ አበባን የትላንት፣ ዛሬና ነገን ሁኔታ በሚዳስስ መልኩ የሚቀርብ ይሆናል። ላለፉት 26 ዓመታት በአዲስ አበባ ነዋሪዎች ላይ የተፈፀሙ የፍትህ መታፈኖች፤ የመሬት ወረራዎችና የነዋሪዎች መፈናቀል፤ የነዋሪውን ሉአላዊ መብት ለመንፈግ የወጡ አዋጆች፣ ህጎችና መመሪያዎች፤ ህወሃትና የቤት ውስጥ አገልጋዮቹ የአዲስ አበባን ህዝብ ለመዝረፍ የሚያካሂዱት የሌብነት፣ ጉቦና የቅሌት እንቅስቃሴዎች፤ የአዲስ አበባ ነባር ከበርቴዎችና ነጋዴዎችን ከገበያ ለማውጣት የተደረጉ እንቅስቃሴዎችና ሌሎች ማህበራዊ፣ ኢኮኖሚያዊና ፖለቲካዊ መታፈኖችን የሚመለከት ይሆናል። የሚዲያ ስራው የትላንትና እና የዛሬን ችግር ብቻ ሳይሆን ነዋሪው በነገይቱ ኢትዮጵያ ተስፋ የሚሰንቅበትና ነገን ለማየት የሚናፍቅበት የሚያስችሉ የቅስቀሳ ስራዎች መሰረት ይኖርባቸው። ጋዜጠኞች፣ የኪነ-ጥበብ ሙያተኞችና ፀሃፊያን፣ የሚዲያ ተቋማትና ኮሙዩኒኬሽን ባለሙያዎች በዚህ ቡድን ውስጥ እንዲሳተፍ መደረግ ይኖርበታል።

የህግ-ነክ ጉዳዮች አስተባባሪ ንዑስ ግብረ-ሃይል
ይህ ንዑስ ግብረ-ሃይል የአዲስ አበባ ነዋሪዎች የሆኑና የከተማዋ ብሎም የኢትዮጵያ አንድነት ጉዳይ ያሳስበናል የሚል የህግ ሙያተኞች የሚሰባሰቡት ነው። የህግ-ሙያተኞቹ አዲስ አበባ ባለፉት 26 አመታት እንድትተዳደርበት የተደረጉትን አዋጆች ቻርተሮችና መመሪያዎች በመዳሰስ፤ የነዋሪውን መብት ለመንፈግ የተወሰዱ እርምጃዎችን በመመርመር ለውይይት የሚረዳ ዶክመንት ያቀርባሉ። ከሚዲያና ኮሙዩኒኬሽን ቡድን ጋር በመቀናጀት ዲሞክራሲያዊ በሆነ መልኩ ግልፅ ውይይት እንዲደረግበት ያደርጋሉ።

ከዚህ በመነሳት የአዲስ አበባ ነዋሪ ሉአላዊ መብቱ ሙሉ ለሙሉ የሚጠበቅበትን የቀጣይ ማኒፌስቶ ለውይይት መነሻ ያዘጋጃሉ። በማኒፌስቶው ላይ ነዋሪና ያገባኛል የሚሉ አካላቶች (Stake Holders) አቋማቸውን ሳይደባብቁ አፍረጥርጠው የሚያቀርቡበት ሁኔታ የሚመቻችበት ሁኔታ ይፈጥራል።

3.የፋይናንስና ሎጀስቲክ ጉዳዮች አስተባባሪ ንዑስ ግብረ-ሃይል

ህዝባዊ እምቢተኝነትን ለማቀጣጠልና ከዛም በኋላ የሚኖሩ ግዙፍ እቅዶችን ለማስፈፀም የገንዘብና የቁሳቁስ ማሰባሰብ ስራ የሚታለፍ አይሆንም። የሚካሄደው ፍልሚያ ከአምባገነኖችና በጠራራ ፀሃይ የጅምላ ጭፍጨፋ ከሚያካሂዱና የጦር ሃይሉንና የደህንነቱን ከተቆጣጠሩ ቡድኖች ጋር በመሆን ሰፊ መስዋዕትነት መጠየቁ አይቀርም። ስርአቱን ለመገርሰስ ከሄድንበት ያልሄድንበት ረጅም መንገድ መኖሩን የተገነዘበ ሊሆን ይገባል። ህዝቡን ሊያነቃንቁ የማደራጀት ስራዎችን ለመስራት በአገዛዙ ላይ የስነ-ልቦና ጦርነት ለማካሄድ፤ በፍልሚያ ሂደት ጉዳት የሚደርስባቸውን የነፃነት ታጋዮች ለመደገፍ ገንዘብ ማስፈለጉ አይቀርም።

በመሆኑም በአለም አቀፍ ደረጃ በአዲስ አበባ ብሎም በኢትዮጵያ የሚካሄደውን ህዝባዊ እምቢተኝነት የሚደግፍ የፋይናንስና ሎጀስቲክ የሚያሰባስብ አስተባባሪ ኮሚቴ መደራጀት ይኖርበታል። ይህ በግልፅነትና ተጠያቂነት መርህ ሊቋቋም የሚገባው ሃይል የራሱን ዝርዝር እቅዶች አውጥቶ የሚንቀሳቀስ ሊሆን ይገባል።

ከላይ እንደተገለፀው ግብረ- ሃይሉ ከድህረ ህወሃት በኋላ በኢትዮጵያ ውስጥ በሚመሰረተው አዲስ ስርአት ውስጥ አዲስ አበባና ነዋሪዎቿ ስለሚኖራቸው ሰብአዊ ኢኮኖሚያዊና ፖለቲካዊ መብቶች ሙሉ ለሙሉ መከበር ግፊት ማድረግን እንደ አላማ መውሰድ ይኖርባቸዋል። በሌላ አነጋገር የአዲስ አበባ ነዋሪ የመደራደር አቅሙ እንዲጎለብት መብቃት ይኖርበታል። የአዲስ አበባ ህዝብ መብቃት (Empoernment) መሆን ያለበት ሌሎችን ለማጥቃት ሳይሆን ለህልውናው ሲል ነው። በለውጥ ሂደት ውስጥ አቅም ገንብቶ ያልቆየ ማህበረሰብ የመናቅና የሚፈልገው መብቱንም የመነሳቱ እድሉ ሰፊ ነው። በሚካሄደው ስር-ነቀል ለውጥና በመሰረታዊ አቋሞቹ ዙሪያ በየጊዜው ውይይትና ክርክር ማድረግ ያስፈልጋል። በሌሎች የለውጥ ሃይሎች ውስጥ የተያዘው አቋምም ቀርበውለት ዲሞክራሲያዊ በሆነ መንገድ መወያየትና መከራከር ግዴታ ነው። የሚደረገው ውይይት በለውጥ ሂደቱ ላይ ጥላሸት ለመቀባት፤ አሊያም ጠብ የለሽ በዳቦ ለማለት አይደለም።የቀጣይቷ የሁሉም የሆነች ኢትዮጵያ አደረጃጀቷ ፌደራላዊ መሆኑ እንደተጠበቀ ሆኖ የሚከተሉት ሦስት አደረጃጀት አማራጮች በአዲስ አበባ ህዝብ ተወስኖ የአዲስ መንግስት ምስረታው ላይ ሰንዶ የሚያቀርብበት ይሆናል። ለምሳሌ ያህል የሚከተሉት አማራጮች እንደ መነሻ ሊቀርቡ ይችላሉ።

አማራጭ አንድ፦አዲስ አበባ የፌደራል መንግስቱ ዋና ከተሟነቱ እንደተጠበቀ ሆኖ የሚፈጠረው አደረጃጀት ብሔር ተኮር ከሆነ ራሱን የቻለ ግዛት (State) መሆን

አማራጭ ሁለት፦አዲስ አበባ የፌደራል መንግስቱ መዲናነት እንደተጠበቀ ሆኖ ተጠሪነቷ ለፌደራል መንግስቱ የሚሆንበት (Chartered City)

አማራጭ ሶስት፦አዲስ አበባ የፌደራል መንግስቱ ዋና ከተማነት እንደተጠበቀ ሆኖ በኦሮሚያ ግዛት (State)ውስጥ የሚጠቃለልበት ይሆናል።

የሚቀርበው ቢጋር (TOR) ከላይ የተቀመጡትን አማራጮች እንደ መሰረታዊ መነሻ የሚወስድ ይሆናል ማለት ይህ አማራጭ ብቻ ነው ማለት አይደለም። ሌሎች ከአዲሱ ፌደራል መንግስት አወቃቀር እና ጆኦ-ፖለቲካው ጋር የሚፈልቁ አዳዲስ አደረጃጀቶች ሊኖሩ ይችላሉ። ለነገሩ አደረጃጀት አንድን አላማና ስትራቴጂያዊ ግቦች ለማስፈፀም የሚፈጠር በመሆኑ ይሄና ይሄ ብቻ አወቃቀርናአደረጃጀት ያስፈልጋል የሚል ዶግማቲክ አስተሳሰብ ሊኖር አይችልም። እንደውም የአንድ አደረጃጀት ጥንካሬው የሚለካው ከተለዋዋጭ ሁኔታዎች ጋር መጣጣም መቻሉ ነው። የአዲስ አበባ ህዝብ ትግሉን ቀጣይነት የሚያሳድግ ከሆነና 5 ሚሊዮን ህዝቡን በጠንካራ መስረት ላይ ማደራጀት ከቻለ ከዚህ የተሻለ አዳዲስ አደረጃጀቶች በአማራጭነት የሚቀርብበት እድል ዝግ አይደለም።

ህብር ሬድዮን በህብር ሬዲዮ ድህረ ገጽ ወይም በቀጥታ በስልክ ለማዳመጥ 712 -432-8451 መደወል ብቻ በቂ ነው በእንግሊዝ ለምትኖሩ በ01405770140 በስልክ ማዳመጥ ይቻላል። ዘወትር በድህረ ገጻችን፣ ከ googel app store Hiber Radio ወደ ስልክዎ በመጫን ካልሆነም በዘሐበሻ እንዲሁም በተጠቀሱት ስልኮች ማዳመጥ ይቻላል።

በማንኛውን የሀገሪተሩ ክፍል የተከለከሉ ተግባራት
==========================

ማንኛውን ሁከት እና ብጥብጥና በህዝቦች መካከል መጠራጠር እና መቃቃር የሚፈጥር ይፋዊም ሆነ ድብቅ ቅስቀሳ በማናቸውም መልኩ እና ዘዴ ማድረግ፤ ፅሁፍ ማዘጋጀት ማተምና ማሰራጨት፣ ትእይንት ማሳየት፣ በምልክት መግለፅ ወይም መልእክትን በማናቸውም ሌላ መንገድ ለህዝብበ ይፋ ማድረግ ፈቃድ ሳይኖር በማንኛውም ህትመት ወደ ሀገር ወስጥ ማስገባት ወይም ወደ ውጪ ሀገር መላክ በመመሪያው ተከልክሏል።

መልእክት በኢንተርኔት፣ በሞባይል በጽሁፍ፣ በቴሌቭዠን፣ በሬድዮ፣ በማህበራዊ ሚድያ ወይም በሌሎች የግንኙነት ዘዴዎች መለዋወጥም በመመሪያው ተከለከለ ተግባር ነው።

ከሽብርተኛ ቡድኖች ጋር ግንኙነት ማድርግ
=======================
በሽብርተኝነት ከተሰየሙ ድርጅቶች እና ከፀረ ሰላም ሃይሎች ቡድኖች ጋር ማንኛውንም ግንኙነት ማድረግ፤ የአሸባሪ ድርጅቶች የተለያዩ ፅሁፎችን ማሰራጨት፣ አርማቸውን መያዝ ወይም ማስተዋወቅ፣ የቴሌቭዥን ወይም የሬድዮ ፕሮግራሞችን መከታተል፣ የኢሳት፣ ኦ ኤም ኤን እና የመሳሰሉትን የሽብርተኛ ድርጅቶች ሚድያዎች ማሳየት፣ መከታተል እና ሪፖርት ማድረግ የተከለከለ ነው።

ያልተፈቀደ ሰልፍ እና የአደባባይ ስብስባ
=======================
የህዝብና የዜጎች ሰላምና ፀጥታ ለማስጠበቅ ሲባል ከኮማንድ ፖስቱ ፈቃድ ውጪ ማንኛቸውንም ሰልፍ እና የአደባበይ ስብስባ ማድረግ ከተከለከሉ ተግባራት ውስጥ አንዱ ነው።

ለህዝብ አገልግሎት አለመስጠት
=================
በመመሪያው እንደ ተደነገገው ህዝብ የሚጠቀምባቸውን ወይም ፈቃድ የወጣባቸው የንግድ ስራዎች፣ ሱቆች፣ ወይም የመንግስት ተቋማት መዝጋት ወይም ምርት እና አገልግልት ማቋረጥ፣ ከስራ ቦታ ያለበቂ ምክንያት መጥፋት ወይም ስራ ማቆም፣ ተገቢውን አገልግሎት አለመስጠት እና ስራ መበደል ክልክል ነው።

የመንግስት ወይም የግል ተቋማት ሰራተኞች ወደ መደበኛ ስራቸው እንዳይገቡ መዛት እና ማስፈራራትም ተከልክሏል።

በትምህርት ተቋማት አድማ ማድረግ ከተከለከሉ ተግባራት መካከል የሚጠቀስ ነው።

መመሪያው በትምህርት ቤቶች፣ በዩንቨርስቲዎች፣ እና በሌሎች የከፍትኛ ትምህርት ተቋማት የመማር ማስተማር ሂደትን የሚያውክ አድማ ማድረግ፣ የትምህርት ተቋማትን መዝጋት ወይም በነዚህ ተቋማት ላይ ጉዳት ማድረስ የተከለከለ መሆኑ ተመላክቷል።

በስፖርት ማዘውተሪያ አድማ ማድግም የተከለከለ ሌላው ተግባር ሲሆን፥ መመሪያው ላይ እንደሰፈረው በስፖርት ማዘውተሪያ ማእከላት፣ ከስፖርታዊ ጨዋነት ውጪ የሆኑ ሁከቶችን፣ ብጥብጦችን መፍጠር የተከለከለ መሆኑ ተደንግጓል።

የተሸከርካሪዎችን እንቅስቃሴ ማወክ
===================
መመሪያው የተሽከርካሪ፣ የእግረኛ እና ሌሎች የመጓጓዣ ዘዴዎችን እንቅስቃሴ መንገድ በመዝጋት በዛቻ እና በሌሎች መሰል ድርጊቶች ሰላማዊ እንቅስቃሴን ማወክ፣ አገልግሎት ማስተጓጎል፣ የመጓጓዣ ዋጋ ታሪፍ መጨመር፣ የሚመለከተው አካል ከደለደለደው የስራ ስምሪት ውጪ መሆንን መመሪያው ይከለክላል።

በመሰረተ ልማት አውታሮች እና ሃይማኖታዊ ተቋማት ላይ ጉዳት ማድርሰም በመመሪያው ተከልክሏል።

በግል፣ በህዝብ እና በመንግስት ማናቸውም ተቋማት፣ መሰረተ ልማቶች፣ በኢንቨስትመንት እና በሌሎች የልማት አውታሮች እንዲሁም ሃይማኖታዊ ተቋማት ላይ በማንኛውንም ምንገድ ጉዳት ማድረስ ወይም ዘረፋ መጸፈምም የተከለከለ ነው ይላል መመሪያው።

ህዝባዊ እና ብሄራዊ በዓላትን ማወክን አስመልክቶ በመመሪያው የሰፈረው ድንጋጌውም፣ በኣላቱን በማንኛውም ሁኔታ ማወክ፣ ማደናቀፍ፣ ወይም ከበዓሉ አላማ ጋር የማይገናኙ፣ የፖለቲካ አጀንዳዎች ወይም መፈክሮችን በማንኛውም መንገድ ማስተጋባትን ይከለክላል።

በሃይማኖታዊ ፣ባህላዊ እና ህዝባዊ በኣላት ላይ ቅስቀሳ ማደረግ
==================================
በመመሪያው መሰረት በሃይማኖታዊ ተቋማት ውስጥ በሚደረጉ ስብከቶች እና ትምህርቶች ሃይማኖታዊ አስተምህሮ ከማስተማር ውጪ በህዝቦች መካከል መጠራጠር እና መቃቃርን የሚፈጥር፣ በህብረተሰቡ ላይ ስጋት የሚፈጥር፣ ሁከት እና ብጥብጥ የሚቀሰቅስ ቅስቀሳ ማደረግ ተከልክሏል።

የህግ አስከባሪዎችን ስራ ስለ ማወክም መመሪያው ያስቀመጣቸው ክልከላዎች
==========================================
የህግ አስከባሪ አካላት የሚሰጡትን ማንኛውንም ትእዛዝ አለማክበር ስራቸውን ማደናቀፍ፣ ለፍተሻ አለመተባበር ወይም እንዲቆም ሲጠየቅ አለመቆም፣ ኬላዎችን ጥሶ ማለፍ ከተከለከሉ ተግባራት ውስጥ የሚጠቀሱ ናቸው።

በህግ አስከባሪ አካላት ባልደረቦች ላይ ጥቃት መፈፀም ወይም ለመፈፀም መሞከር የተከለከለ ሌላ ተግባር ነው።

ያልተፈቀዱ አልባሳትን ስለ መለስበስም
======================
የህግ አስከባሪ ሃይሎችን የደንብ ልብስ (ዩኒፎርም) መልበስ፣ ይዞ መገኘት፣ ቤት ማስቀመጥ፣ አሳልፎ መስጠት እና መሽጥ ክልክል መሆኑም በመመሪያው ተደንግጓል።

ማናቸውም የጦር መሳሪያ፣ ስለት ወይም እሳት የሚያስነሱ ነገሮችን ወደ ገበያ፣ ሀይማኖት ተቋማት፣ ህዝባዊ በዓላት የሚከበሩበት ወይም ወደ ማናቸውም ህዝብ የሚሰበሰብበት ቦታ ይዞ መግባት የተከለከለ ነው።

ማንኛውም የህግ አስከባሪ አካላት ባልደረባ ወይም ማንኛውም ህጋዊ ትጥቅ ያለው ሰው ትጥቁን በማንኛውም ሁኔታ በሶስተኛ ሰው እጅ እንዲገባ ማድረግም የተከለከለ ነው።

ማንነትን ወይም ዘረን መሰረት ያደረገ ማንኛውም አይነት ጥቃት መፈፀም ወይም ጥቃት አንዲፈፀም የሚያነሳሳ ንግግር መናገርንም መመሪያው ይከለክላል።

ማንኛውም ሰው ከውጭ መንግስታትም ሆነ ከውጭ ማንግስታዊ ያልሆኑ ድርጅቶች ጋር የሀገር ሉአላዊነት፣ ደህንነት እና ህገ መንግስታዊ ስርዓትን ሊጎዳ የሚችል ግንኙነት እና የመልእክት ልውውጥ ማድረግም በመመሪያው የተከለከለ ነው።

እንዲሁም ማንኛውም የፖለቲካ ፓርቲ የሀገርን ሉአላዊነት፣ ደህንነት እና ህገመንግስታዊ ሰርዓትን የሚጎዳ ማናቸውም ጋዜጣዊ መግለጫ ለሀገር ውስጥም ሆነ ለውጭ ሚዲያዎች መስጠጥም መመሪያው ከልክሏል።

ያልተፈቀደ ቦታ ከመገኘት ጋር ተያይዞም መመሪያው፥ ከስደተኛ ካምፕ አግባብ ካለው አካል ከሚሰጥ ፈቃድ ውጪ መውጣት ወይም ህጋዊ ቪዛ ሳይኖረው ወደ ሀገር ወስጥ መግባት ክልክል ነው።

ከኮማንድ ፖስቶ እውቅና እና ፈቃድ ሳያገኙ ዲፕሎማቶች ለራሳቸው ደህንነት ጥበቃ ሲባል ከአዲስ አበባ 40 ኪሎ ሜትር ራዲየስ ውጪ መንቀሳቀስ የተከለከለ መሆኑም በመመሪያው ላይ ተብራርቷል።

የህግ አስከባሪን በተመለከተም ማንኛውም የህግ አስከባሪ አካል ባልደረባ የአስቸኳይ ጊዜ አዋጁ ተፈጻሚ በሚሆንበት ጊዜ ከስራ መልቀቅ ወይም አስገዳጅ ሁኔታ ካልተፈጠረ በስተቀር የዓመት እረፍት ፈቃድ መውሰድንም መመሪያው ይከክላል ተብሏል።

በመመሪያው የተከለከሉ ተግባራትን በማለፍ ህገ ወጥ ድርጊት የሚፈጽሙ ሰዎችን፣ በገንዘብ እና በቁሳቁስ ወይም በማናቸውም ሌላ መንገድ መደገፍ እንዲሁም ከለላ መስጠት፣ መደለያ መስጠት እና ማበረታታትንም መመሪያው እንደሚከለክል ተነግሯል።

በተወሰኑ አካባቢዎች እንዳይፈጸሙ የተከለከሉ ተግባራት
==============================

ኮማንድ ፖስቱ እየወሰነ ይፋ በሚያደርጋቸው ቦታዎች ወይም አካባቢዎች ላይ ማናቸውነም የጦር መሳሪያ፣ ስለት፣ ወይም እሳት የሚያስነሱ ነገሮችን ከግቢውና ይዞታው ውጪ ይዞ መንቀሳቀስ ክልክል መሆኑ በመመሪያው ላይ ተገልጿል።

የሰዓት እላፊን በተመለከተ
==============
የኢኮኖሚ አውታሮች፣ መሰረተ ልማትና የኢንቨስትመንት ተቋማት፣ የእርሻ ልማቶች፣ ፋብሪካዎችና መሰል የልማት ተቋማት አካባቢ ከቀኑ 12 ሰዓት በኋላ እስከ ንጋት 12 ሰዓት ድረስ ከተፈቀደለት ሰራተኛ በስተቀር ማንኛውም ሌላ ሰው መንቀሳቀስንም መመሪያው ይከለክላል።

በእነዚህ ስፍራዎች ላይ የሰዓት እላፊውን ተላልፎ በተገኘ ማንኛውም ሰው ላይ የጥበቃ ወይም የህግ አስከባሪ አካላት አስፈላጊውን እርምጃ እንዲወስዱ ስልጣን እንደተሰጣቸውም ተብራርቷል።

የሰዓት እላፊን በተመለከተም ማናቸውም ሰው በኮማንድ ፖስቱ ውሳኔ የሰዓት እላፊ በይፋ በሚገለጽበት ቦታና ጊዜ የሰዓት እላፊ ክልከላን በመተላላፍ ከቦታ ቦታ መንቀሳቀስ አንደማይፈቀድም ተገልጿል።

በተያያዘ ሰላምና ፀጥታን ሊያደፈርሱ ይችላሉ ተብለው የሚጠረጠሩ ሰዎች ወይም ቡድኖች ወይም ለጉዳት ተጋላጭ ናቸው ተብለው የሚገመቱ ሰዎች ወይም ቡድኖች ወደ ተወሰነ አካባቢ ወይም ህንፃ እንዳይገቡ ወይም በተፈቀደላቸው አንድ የተወሰነ አካባቢ ብቻ እንዲቆዩ የተሰጠን ትእዛዝ መተላለፍ ክልክል መሆኑም ተገልጿል።

ለአካባቢው ደህንነት አስፈላጊ መሆኑ ታምኖበት ወደ ተዘጋ መንገድ ማንም ሰው እንዳይገባ በኮማንድ ፖስቱ የተሰጠውን እድግ ወይም ክልከላ መተላለፍም መመሪያው ይከለክላል።

መረጃ የመስጠት እና የማስታወቅ ግዴታን በተመለከተ
==============================
ማኛውም ቤት፣ ቦታ፣ ክፍል ወይም ተሽከርካሪ ወይም ተመሳሳይ መገልገያዎችን አከራይ ከሆነ የተከራዩን ማንነት በዝርዝርና በጽሁፍ የመያዝ እና አቅራቢያው ላለ ፖሊስ ጣቢያ በ24 ሰዓት ወስጥ የማሳወቅ ግዴታ አለበት፤ በተጨማሪም የውጭ ሀገር ዜጋን ያከራየ እንሆነ የፓስፖርቱን ኮፒ እና የኪራዩን ውል በአቅራቢያው ላለ ፖሊስ ጣቢያ የማሳወቅ ግዴታ አለበት።

የህዝብ ሰላምና ፀጥታን ለማስጠበቅ ሲባል ማንኛውም ተቋም መረጃ እንዲሰጥ በየደረጃው ባለ የህግ አስከባሪ አካል ሲጠየቅ የመስጠት እና የመተባበር ግዴታ አለበት።