ተደራራቢ ስቃይና መከራ በኢትዮጵያውያን ላይ መውረዱ ልክ ለኛ የተፈቀደልን ይመስል ለሃያ አም ስት ዓመታት በተወሰነ ደረጃ አምነን ተታለን ተቀብለነው ኖረን አሁን ግን በስተመጨረሻ በየትኛውም ዓለም ያልታየ በአንድ ብሄር በተደራጁ የትግሬ ወያኔ ግፈኞች ዘግናኝ ጭፍጨፋና እልቂት እያየን በዚህ ለማየት እንኳን በሚዘገንን ከህሊናችን ጨርሶ ሊፋቅ የማይችል ነገር ግን ጥቂቶች ለነጻነታቸው እያደረጉ ያሉትን የሕይወት ዋጋ ለማራመድ ያቃተን ሆኖም ጥቂቶች በከፈቱለት መንገድ አሁንም ድረስ የምንነዳ ጭፍን የዘረኝነት አመለካከትን ከትግሬው ወያኔ ተቀብለን የምናስተጋባ ሌላው ቢቀር በአንድ ሰንደቅ ዓላማ መሰባሰብ አቅቶን የራሳችንን ቡቱቶ ከየጓዳው አውጥተን የምነጮኸው ሁሉ ጊዜው ሲደርስ ዋጋ መክፈል እንዳለብን ረስተን ይሆን? የትግሬው ወያኔ በቀደደልን መንገድ የምንጓዘው ሁሉ ፣ ኢትዮጵያዊ የሚለው ቃል የሚቀፈው ሁሉ በወያኔ ትግሬ ለሚገደሉ ወገኖች ሕይወት በየትኛውም መንገድ ተጠያቂነት ሊኖረው ይችላልና ማስተዋል የግድ ይላል ።

ወያኔ ትግሬ ድሮም በመቶዎች የሚቆጠሩ ባደባባይ ገድሎዋል ትላንትም ያንኑ ነው ያረገው ነገር ግን የሚያስቆጭ ነገር ቢኖር ዛሬም ዘር እየለዩና እየቆጠሩ ሲጨፈጭፉ የዚህ ተባባሪ መሆን ከምንም በላይ ህሊና ቢስ መሆንና ማንነትን ያለማወቅ እህል በታየበት ተግተልትሎ ከሚሄድ ጌኛ በምንም አለመለየቱን እራሱ ሊገባው ይችላል ነገር ግን ጌኛው በልቶ ሲጠግብ ባለቤቱን ከመውጋት ወደኋላ የማይል ሲሆን ነገር ግን አሁን በጥቂቶች ላይ የምናየው ወያኔ ትግሬ የሰፈረላቸውን በልተውና አብጠው በስተመጨረሻው ጌቶቻቸውን እንኳን ዞር ብለው ማየት ሳይቻላቸው ባሉበት ፈንድተው ያልፋሉ። አባቶቻችን ስለ አንድ ሃገርና ስለአንዲት ሰንደቅ አላማችን መስዋዕትነት ከፍለው የቆዩአትን ሃገር መታደግ ሲገባን እኛ የፈጠርነውን ዘባተሎ ይዘን ከመታየት በላይ ምን የሚሉት ነገር አለ?? እኔ ወገኖቼ በትግሬ ወያኔ በገፍ
እየተገደሉ የማያመኝ ከሆነና ነገር ግን በጎንዮሽ በተፈጠረልኝ ሌላ ዓርማ ላይ ጥያቄ ሲነሳ የሚያመኝ ከሆነ ከምንም በላይ የኔን ማንነት የሚፈትሽና የህሊናዬን የማገናዘብ ርቀት የሚያሳይ ይሆናል ። ሌላ አይደለም ይህ ሁሉ ኢትዮጵያዊ ለመገደሉ በተለያየ መንገድ እያንዳንዳችን አስተዋጽኦ ማድረጋችን አሌ የማይባል ሃቅ ነው ፣ ነገረ ግን ሁሌም ይህን እንላለን ታዲያ መቼ ነው ህሊናችንን ከዚህ ወቀሳ ነፃ የምናደርገው ? እያንዳንዱ ኢትዮጵያዊ ላይ የሚደርሰው ግፍና መከራ እኛንም ሊያመን ይገባል ፣ በከባድ ማዘንና እንባ ማፍሰስ ይቁምና ቁጭትና እልህ ይዘን አደባባይ እንውጣ ፣ ኢትዮጵያዊነት ለሚጠይቀን ሁሉ ዋጋ እንክፈል ያለበለዚያ መጪው ኢትዮጵያዊነት? ? ? ሞት ለትግሬ ወያኔ!!!ስቶክሆልምመስከረም 24/2009

ማህሌት ፋንታሁን

ትላንት ከስራ ሰዓት በኋላ በላሊበላ ሬስቶራንት ተገናኝተው ሻይ ቡና እያሉ በሚጨዋወቱበት ወቅት ነው ከምሽቱ 1፡30 ላይ እዛው ሬስቶራንት በነበሩ ሲቪል የለበሱ የፓሊስ አባላት ተይዘው 6ኛ ፓሊስ ጣቢያ የታሰሩት፡፡ ዛሬ ጠዋት ላይ ሶስቱም ቄራ ፍርድ ቤት ቀርበው የነበረ ሲሆን የቀረበባቸው ክስ “ላሊበላ ሬስቶራንት ሆነው መንግስት በቢሾፍቱ የኢሬቻ አክባሪዎች ላይ የወሰደው እርምጃ ትክክል እንዳልሆነ በዙሪያቸው ያሉትን ሰዎች ለተቃውሞ እንዲነሳሱ በሚያደርግ መልኩ ሲያወሩ ነበር “ የሚል ነው፡፡ በዋስትና እና ምስክሮች ጉዳይ ላይ ምላሽ ለመስማት ነገ ጠዋት 3 ሰዓት ላይ ቄራ ፍርድ ቤት ይቀርባሉ፡፡

(ዘ-ሃበሻ)በአትላንታ ነዋሪነታቸውን ያደረገው ወጣት ማቲዎስ ገበረስላሴ በተጻፈ ደብዳቤ መሰረት የአትላንታው ሴናተር አፋጣኝ ምላሽ መስጠታቸው ታወቀ ፣ ይሄው ወጣት ከትግሬ ፣ጎንደር እና የኤርትራ ድብልቅ ዘር ያለበት ሲሆን ፣ ሆኖም ግን በሃግሪቱ የሚከናወነው አስቃቂ ግፍ እና መረካር ከማሳሰቡም በላይ ስላስጨነቀው የ92 ሚሊዮንን ህዝብ ድምጽ ለማሰማት ጩከቱን በሴናተሩ በኩል አስምቶአል ። እንደሴናተሩም ምላሽ ከሆነ በሃገር ውስጥ የሚከናወነው ነገር እርሳቸውንም እንደሚመለከታቸው ገልጸው ፣በተለይም መንግስት ታጣቂ ወታደሮችን ተጠቅሞ በሃይል ምንም ትጥቅ ያለያዘውን እና ሰላማዊ ዜጎችን ለመግደል መነሳቱ በጣም የሚረብሽ ነው ።ይህም በተቃዋሚዎች ላይ የሚደረገው አፈና ከልክ ያለፈ መሆኑን ጠቁመዋል ።

በአጽኖት የሚቃወሙት ነገር ቢኖር መንግስት በንጹሃን ላይ የሚወስደውን እርምጃ ሲሆን ማንኛውም ዜጋ በሰላም የሚፈልጋቸውን ነገሮች የመግለጽ ነጻነት እንዲኖረውም እንታገላለን እናሳድጋለንም በማለት እንደሴናተርነታቸው እና የውጭ ሃገር ዜጎች ግንኙነት እንደመሆናቸውም መጠን ከአፍሪካ ህብረት እና ከሌሎች አመራሮች ጋር በመወያየት ችግሩን እንዲፈታ ለማድረግ እንደሚጥሩ አመክረው ገልጸዋል ።

እኔ ያልኩት እየተሰራበት ያለውም
1) የኦሮሞ ሲቪክ እና ፖሊቲቻል አመራር በቅርቡ በመሰብሰብ የኦሮሞ ቻርተር ያዘጋጃል። ይህ ሁሉንም ዮሮሞ አመራሮች ሊሳማማ የሚችል አነስተኛ ፕሮግራም ማለት ነው
2) ወያኔ እየወደቀ ስለሆነ ከዚያስ ምን መሆነ አለበት በሚለው የፖሊሲ የስትራቴጂ ጉዳዮች ላይ የሚመክር ኮንፈረንሰ በቅርቡ በኦሮሞ የህግ ባለሟያዎች ማህበር ሎንዶን ላይ ተጠርቷል
(( ለመላው ኢትዮጲያም እንዲህ አይነት Social Contact ያስፈልጋል፤ እያንዳንዱ ማህበርሰብ መጀመሪያ በውስጡ እንዲህ አይነት ስምምነት ፈጥሮ ቢቀርብ ይሻላል በማለት ባለፈው ኢትዮትዩብ ባዘጋጀው ፎረም ላይ መናገሬ ይታወስ)

3) የኦሮሞን ህዝብ መብት እና ጥቅም በዘላቂነት ለማስከበር ከፖሊቲካ ፓርቲዎች ወገንተኘት ነጸ የሆነ ወታደራዊ ተቋም መቋቋም አለበት
ይህ አዲስ ንግግር ሳይሆን ላለፉት ብዙ ወራት እና አመታት በኦሮምኛ፣ አማርኛ እና እንጊሊዚኛ ያቀርብኩት ንግግር ነበር። ይህን ስናገርም የንግግሩን ጭብጥ ደጋግሞ ለሰማ ማህበረሰብ ስላነበር ዝርዝር ውስጥ አልገባሁም። ዋዜማ ወይ የትርጉም ችግር ነበረበት ወይም ከኮንቴክስቱ ውጪ ነው የተረዳው መሰለኝ።

ከዛሬ አርባ አራት ዓመት በፊትና በዃላ በኢትዮጵያ ውስጥ የራሳቸው መታወቂያ ያላቸው ሶስት አይነት መንግሥታት ተመስርተው ለማየት በቅቻለሁ።ከዛሬ አርባ አራት ዓመት በፊት የነበረው ዘውዳዊ ስርዓት፣በነገሥታት የሚመራ ስርዓት የነበረ ሲሆን የፖለቲካና የኤኮኖሚው መሰረቱ አገር በቀል የሆነ፣ከባእዳን ቁጥጥር ነጻ የሆነ በባላታዊ ስርዓትላይ መሰረት የጣለ ነበር።ኢትዮጵያም አገር ወዳድ አመለካከት ባላቸው መሪዎች ፍላጎት የምትመራ አገር ነበረች።ይህ ስርዓት ከባዕዳን ጋር የነበረው ግንኙነት የወዳጅነት ሳይሆን የእምቢ ባይነትና ባለማጎብደድ ብሎም ለቅኝ ገዢ ወራሪ ሃይል ያልተንበረከከ በመሆኑ ጠላቱ የበዛና ብቻውን የቀረ ነበር።ኢትዮጵያ ቁጥራቸው በበዛ ጠላቶች ተከባ እንድትፈራርስ ደባና ሴራ የሚመታባት አገር ነበረች።የአውሮፓውያን የመስፋፋትና የቅኝ አገዛዝ ወረራም በተደጋጋሚ ተሰንዝሮባት መሪዎቹ በሕዝባቸው ሃይልና በአላቸው የጦር መሣሪያ፣ጋሻና ጦር ብቻ በየአቅጣጫው የመጣውን ጠላት ተፋልመው ነጻነታቸውን ሳያስደፍሩ እንደ ሃገር በነጻነት ለመኖር በቅተዋል።በዚህ የትንቅንቅ ሂደት አንድ አገር ሊደርስበት የሚችለው የእድገት ደረጃ ሳይታይ መቅረቱ የሚያስገርም አይሆንም።

እድገትና ስልጣኔ ሰላምና አንድነትን ይጠይቃል።ያ በሌለበት አገር ስልጣኔ አይታሰብም።ምንም እንኳን የኤኮኖሚ እድገትና መሻሻል ባይኖርም ሕዝቡ በባዕዳን ክርን እንዳይደቆስ፣ክብርና ዜግነቱን እንዳያጣ የሚንከባከብና የሚያስከብር ስርዓት ነበር።ነገስታቱ ከወራሪ ባእዳን ጋር የሚያደርጉት ትንቅንቅ እንዳለ ሆኖ  በውስጥም የስልጣን ሽኩቻ ላይ በመሰማራታቸው የረጋ ስርዓትና ቀጣይነት ያለው እድገት ለማምጣት አልቻሉም።ዘመነ መሳፍንት ያደረሰውን ቀውስና ስብራት ለመጠገን የብዙ ጊዜ ሰላም ይጠይቅ ነበር።አጼ ቴዎድሮስ  በመሳፍንቱ የተናጋውን አንድነት በሃይል አስከበሩ፣ከውጭ ወራሪዎችም ጋር በተለይም ከእንግሊዞች በኩል የሚቃጣውን የወረራ ጉዞ በዲፕሎማሲና በጉልበት ተጠቅመው እስከሕይወተ ፍጻሜያቸው ድረስ ተከላከሉ። አጼ ዩሃንስ በቱርክና በግብጽ .በእንግሊዞች የተቀመረ ወረራ ጋር ተጋፍጠው ህይወታቸውን አሳልፈው ሰጡ፣አጼ ምኒሊክም ከውጭ ወራሪዎች ጋር የገጠማቸው ችግር ቀላል አልነበረም፤ ድንበር ጥሶ የመጣውን የጣሊያን ጦር በመቋቋምና ድል በመምታት አቅማቸውና ሁኔታው እስከፈቀደላቸው ድረስ ወደመጣበት በመመለስ ለመጀመሪያ ጊዜ የአውሮፓ ወራሪ ሃይል በጥቁር ሕዝብና መሬት ላይ ተዋርዶ እንዲመለስና ለሌላው ጭቁን ሕዝብ የትግልና የነጻነት አርአያ እንዲሆን አድርገዋል።አልፎ አልፎ ጸጥታና ሰላም ሲሰፍን ባላቸው እውቀትና አቅም አገራቸውን ለማሳደግና የሕዝቡን ኑሮ ለማሻሻል ቦዝነው አያውቁም።ለአንድ አገር መሻሻልና እድገት የተማረ ሕዝብና እውቀት ዋና መሰረቱ ስለሆነ በዚያ መስክ ትምህርት እንዲስፋፋ የመጀመሪያውን መሰረት ጥለዋል። አገራቸው ከሰለጠነው ዓለም ጋር እንድትጓዝ ዘመናዊ አሰራሮችንና የእድገት በሮችን የከፈቱት እሳቸው ነበሩ።የስልክ መስመር፣የፖስታ አገልግሎት፣የመብራት ሃይል፣የመጓጛዣ መኪና፤ሆቴል፣ የፎቶግረራፍ ሙያ፣የባቡር መስመር፣ የባንክ አገልግሎት፣ ሆስፒታል፣የመንግስት አሰራር በካቢኔ  ሚኒስትሮች መልክ እንዲደራጅ ያደረጉት እሳቸው ናቸው።አገራቸው በጎሳ ተከፋፍላ ከምትጓዝ በአንድ አጠቃላይ ማእከላዊ መንግስት ስር እንድትተዳደር የአጼ ቴዎድሮስን ፈለግ ተከትለው በተግባር የተረጎሙ መሪ ናቸው።ይህ አካሄድ ከሌላው አገር ማእከላዊ መንግስት አመሰራረት የተለዬ አይደለም።ስልጣን እናጣለን ከሚሉት የከባቢ መልከኞችና ባላባቶች ጋር ጦር ያማዘዘ ሂደት ነበር።

እንደ አባ ጅፋር አይነቶቹ ኦሮሞውን ወገናቸውን እየለጎሙ በባርነት ከሚሸጡ ባለባቶች ጋር ያደረጉት ትግል ቀላል አልነበረም።አንዳንዶቹን በማሳመንና በማባበል ሌሎቹን ደግሞ በሃይል አንድነትን ከሚቀበሉ የጎሳ መሪዎችና ተወላጆች ጋር በመተባበር ኢትዮጵያ ዳግም እንድትነሳ አድርገዋል።ይህ የውህደትና የአንድነት እርምጃ በአንዳንዶቹ ግምት የተደረገ ወረራ ነው በማለት እስከዛሬ ድረስ ቅርሾ በመያዝ አሁን ላለንበት ወቅት ለውጩም ጠላት በር የከፈተ እንቅፋት ሆኗል።በአጼ ቴዎድሮስም ሆነ በአጼ ምኒሊክ እንዲሁም ከሳቸው በዃላ በነበሩት መሪዎች የተካሄደው አገርን የመገንባትና ድንበር የማስከበር እርምጃ እሳቸውን ተክተው ስልጣኑን የተረከቡት ንግስት ዘውዲቱና ልጅ እያሱም ቢሆኑ ምንም እንኳን በውስጥ ቀውስ ተጠምደው ለአገራቸው የረባ ነገር ሳይሰሩ በአጼ ሃይለስላሴ አድማ ተመተው ከስልጣን እስከተወገዱበት ድረስ ፈለጉን ተከትለው ተጉዘዋል።ስልጣን ከተፈሪ መኮንን (ሃይለሥላሴ) እጅ ከገባ በዃላም የተጀመረውን ለማስቀጠል አገሪቱ ሰላም አላገኘችም።በአጼ ምንሊክ ተዋርዶ የተመለሰው የጣሊያንና የነጮቹ ጎራ የበቀል እርምጃ ለመውሰድ ለዳግመኛ ጊዜ ወረራ አካሄደ።ከአምስት ዓመት ትግል በዃላ በዓለም የተፈጠረው ሁኔታ አግዟቸው የነጮቹ ጎራ እርስ በርሱ በጥቅም ሲጋጭ የወራሪው የጣሊያን መንግሥት ከጀርመኑ የሂትለር መንግሥት ጋር አብሮ በመቆሙ የሌሎቹ ጠላት ሆኖ በወገኖቹ ነጮች በእንግሊዞች እርዳታ ከኢትዮጵያ ተሸንፎ ለመውጣት በቃ።ንጉስ ሃይለስላሴ ከሚኒልክ ተረክበው ሊቀጥሉ የፈለጉትን የእድገት ጎዳና የውጭ ሃይሎች ለመቀልበስና ፍላጎታቸውን ለማሟላት በጦር ሜዳ ሊሳካላቸው ባለመቻሉ በስውር መንገድ እየገቡ ሙከራ ማድረጋቸውን አላቆሙም።በመሳፍንቱና በነገሥታቱ መካከል የሚነሳውን አለመግባባትና የሥልጣን ሽኩቻ እያራገቡ፣አንዱን በማወደስና በመርዳት ሌላውን በመውቀስ የተንኮል ሴራ ሲያውጠነጥኑ ኖረዋል።ያም ቢሆን ለሚፈልጉት ግብ አላደረሳቸውም። ሆኖም ግን በእርስ በርሱ ግጭት የብዙ ሰው ህይወትና የአገር ንብረት ወድሟል። አለመተማመንና ቅርሾም በመፍጠሩ ሁሉም በሙሉ ልቡ ወደአገሩ ከማተኮር ይልቅ ወደ ሚደግፈውና የከባቢ ስሜት እየገባ የራሱን አገር ነጻነት ከማስከበር ይልቅ በውጭ ሃይሎች እየተረዳ የሥልጣኑ ባለቤት ለመሆን በሚያስችለው የባንዳ ተልእኮ ውስጥ ተሰማርቶ ብዙ ጉዳት እንዳደረሰ በታሪክ ታይቷል።ይህ አድራጎት ጎልቶ የታየው በጣሊያን ወረራ ወቅት ነበር።በዚህ የጣሊያን ወረራ ከጎኑ ተሰልፈው ያገራቸውን ሰንደቅ አላማ ቀደው በጣሊያኖቹ ባንዲራ የተኩና ተሸክመው በወገኖቻቸው ላይ ግፍ የፈጸሙ ዜጎች ብዙ ናቸው።ከነሱም መሃል አሁን በስልጣን  ላይ የሚገኙት አባቶችና አያቶች ይጠቀሳሉ።ከጦር ሜዳ አንስቶ በሰላይነት የተሰማሩ እንደነበሩም ታሪካቸው ይመሰክራል።ጣሊያን የነሱን እርዳታ ባያገኝ ኖሮ አዲስ አበባ ድረስ ሰተት ብሎ ለመግባትና አገሪቱን ከሞላ ጎደል ለመቆጣጠር ባልቻለም ነበር። በቆራጥ መሪዎቹና በአገር ወዳዱ ሕዝብ መስዋእትነት የጣልያንና የባንዳዎቹ ፍላጎት ግን በአጭሩ ተቀጭቶ ኢትዮጵያም መልሳ በራሷ አገር ወዳድ መሪዎች ልትመራ ቻለች።ከዚህ የጦርነት ስብራት በዃላ አገሪቱ ለመንሰራራት ትልቅ ፈተና ገጥሟት ነበር።ጣልያንና እንግሊዝ የረጩት የልዩነት መርዝ በአንዳንዱ የአገሪቱ ዜጋ አስተሳሰብ ላይ ጎጆውን ሰርቶ አልፏል።የአንድነት  ፍላጎቱን ለማመንመንና ከኢትዮጵያዊነት ይልቅ የባዕዳነትን ስሜት እንዲያስተናግድ የሚያስችለው አስተሳሰብ በአንዳንዶቹ ላይ ተጽእኖ በማድረጉ አገሪቱ በህብረት ልትገነባ የሚያስችላት ሃይል እንዳይኖራት አድርጓል።

ለአሁኑም ልዩነትና የጎጥ ፖለቲካ ስርዓት ምክንያት ሆኗል።ከውጭ ወራሪ ሃይል ጋር ከሚደረገው ትንቅንቅ በተጨማሪ በአገር ውስጥ ግጭቶች እንዲነሱ ተደርጎ  የአገር ሃብትና የሰው ሃይል ባላስፈላጊ የእርስ በርስ ግጭት እንዲመናመንና ጭራሽ ወደባሰ ድህነት እንዲያመራ ምክንያት ሆኗል።ከጣሊያን ቀጥሎ በሶማሊያ ወራሪ ሃይል ጋር ተደጋጋሚ ጦርነት ተደርጓል፣በራያና አዘቦ፣በጎጃም፣በባሌ የተደረጉት የእርስ በርስ ውጊያዎችም የአገሪቱን ሃብት በማድቀቁና የልዩነት መንፈስ በማዳበሩ በኩል የየራሳቸውን አስተዋጽኦ አድርገዋል። አንድ ጊዜ ሲበርድ ሌላ ጊዜ ሲያገረሽበት በሚሄደው የውስጥ ችግር የተወጠረው መንግሥት እፎይ ብሎ ሙሉ ለሙሉ ለልማት እንዳያተኩር እንቅፋት ሆኖበት ነበር። ከዚያም በላይ የነበረው ስርዓት ባህልና እምነቱ በቀድሞ አስተሳሰብ የተተበተበ በመሆኑ እርቆ ሊሄድ አልቻለም።ዘመናዊ አስተሳሰብና ትምህርት ለማስፋፋት የሚፈልጉት ንጉስም ከቤተክህነትና ከባላባቶች አካባቢ ብዙ ፈተናና ተቃውሞ ነበረባቸው።

የሕዝቡ ኑሮ ከፍልስፍናና ከፈጠራ ይልቅ በተፈጥሮና በመለኮታዊ ችሮታ ላይ የተመካ  ነበር።ዝናብ ሲጠፋ ይራባል፣ወንዝ እያለው በመስኖ የመጠቀም ችሎታ አላዳበረም።

እርግጥ ነው የነበረው ስርዓት ሙሉ ለሙሉ የሕዝቡን ፍላጎት የሚያሟላ ነበር ማለት አይቻልም።አገር ከመውደዱና የአገርን ነጻነት ከማስከበሩ ጎን ለጎን  አገሪቱን በሚያሻሽለው የዴሞክራሲ ጥያቄና ሰለሕዝቡ መደረግ የሚገባቸውን  በተለይም የባላባቱንና የጭሰኛውን ግንኙነት ለመቀየር የመሬትን ባለቤትነት የሚያረጋግጠውን የዜጋ መብት ያከበረ አልነበረም።ዃላ ቀር ከነበረው የባላባት ስርዓትና የምርት ግንኙነት የሚያላቅቅ የተሻለ የኤኮኖሚ መዋቅር  የሚያመቻች አገር ወለድ ተቋማትና አሠራር አላዳበረም።በመሆኑም እያደር ድህነት እንጂ መሻሻል አልታየበትም ነበር።ይህም አንዱና ዋናው የተቃውሞ መቀስቀሻ ሆነ።ተቃውሞው ሕዝቡን በሙሉ ያሳተፈ ሳይሆን በተማረውና በነቃው ዙሪያ የሚካሄድ ነበር፤ለተቀሰቀሰው ተቃውሞ ግን ጥይት አልተኮሰም፣ሰላማዊ ሰልፈኞችን በአደባባይ አልረሸነም።ግፋ ቢል አስሮና በወላጆች ምክር ከመልቀቅ ያለፈ ቅጣት አልቀጣም። የአጼ ሃይለስላሴ መንግሥት እንደዛሬዎቹ የውጭ እርዳታና ብድር አያገኝም ነበር።ለመጀመሪያ ጊዜ የመቶ አስር ሚሊዮን ዶላር  ከፍተኛ የውጭ አገር እርዳታና ብድር የተገኘው ንጉሱ ቻይናን በጎበኙበት ጊዜ ከቻይና ነበር።በተረፈ በስዊድን መንግሥት እርዳታ በደቡብ በእርሻ ስራ የልማት ዘርፎችና  ፣ከደቾች ሱካር ፋብሪካ፣ከተንዳሆ የእንግሊዞች የጥጥ እርሻ ተጨማሪ የጎላ ድርሻ  የነበራቸው የውጭ አገር ተቋማት አልነበሩም።አሜሪካ በወታደራዊ መስክ ጀርመን በፖሊስ ሰራዊት ተቋም ከሚሰጡት ድጋፍና ስልጠና ሌላ በኤኮኖሚው ዘርፍ ጎልቶ የታዬ ተሳትፎ አልነበራቸውም።የአሜሪካኖቹም እርዳታ ቢሆን ከጂኦፖለቲክ ጥቅማቸው አንጻር ነበር።

ወደ መጨረሻው ላይ በአገሩ ተወላጆች የተጀመሩ ሰፋፊ የእርሻ ስራዎች ነበሩ።እነሱም ያተኮሩት በአገር ውስጥ ገበያ በሚሆኑ ምርቶች ላይ ሳይሆን በውጭ አገር ገበያ ለሚቀርቡ ምርቶች በሰሊጥ፣ቦለቄና በመሳሰሉት ላይ በመሆኑ ከዓለም የዋጋ ግሽበት ጋር አብረው ከሰሙ፤ የተረፉትም ደርግ ስልጣኑን ሲይዝ ነጠቃቸው።

የውጭ ወራሪና ታሪካዊ ጠላቶች የተከሰተውን ችግርና ሕዝብ አለመርካት በመጠቀም የነበረውን አገር ወዳድ ስርዓት እንዲወገድ ሌት ተቀን ይሰሩ ነበር። ከነዚህም ውስጥ ወጣቱን በሃይማኖትና  በፖለቲካ መስመር ውስጥ ማሰለፍና መቀስቀስ ቀላሉና ማራኪው መንገድ ነበር።ወጣት ትውልድ አዲስ አስተሳሰብና ለዕድገት ያለው ፍላጎት ከፍተኛ በመሆኑ ለለውጥ የተዘጋጀ የህብረተሰብ ክፍል ነው።ያንን ፍላጎቱን በሚጥም መልክ እየቀሰቀሱ ማሰለፍ ቀላሉ ዘዴ ነበር።በመጀመሪያ ወጣቱ በምእራባውያን አስተሳሰብ እንዲቀረጽ በልዩ ልዩ ዘዴ ዘመቻ ተደርጎበታል።በሙዚቃ፣በፊልም፣በአለባበስ፣..ወዘተ በዘመናዊነት ስም  ከኢትዮጵያዊነት ባህልና አስተሳሰብ እንዲርቅ ተደርጓል።የስርዓቱም ተወካዮች አንዳንዶቹ በጎና መልካሙን መለየት፣ከወቅቱም ጋር መሄድ ተስኗቸው በያዙት ዃላ ቀር መንገድ ስለቀጠሉበት ለልዩነቱና ለደረሰው ስብራት የበኩላቸውን አበርክተዋል።ለብዙ ጊዜ ውስጥ ለውስጥ እየተብላላ የቆየው ብሶትና የለውጥ ፍላጎት በውስጡ ኢትዮጵያን የመጥላትና ኢትዮጵያዊ ያለመሆንን ስሜት ለሚያራምዱት አገር በቀል ጠላቶች ቦታና እድሉን ፈጠረላቸው።

በዓለም ላይ የተከሰተው የፖለቲካ ቀውስና በተለይም በኢትዮጵያ የተከሰተው ድርቅ የአገሪቱን ሁኔታ አባብሶት የዘውዳዊ ስርዓት መዋቅሩን ለማናጋት ቻለ።ለዘመናት ሰፍኖ የኖረው አገር ወዳዱ የባላባታዊ ስርዓት ፈተና ውስጥ ገባ፤ፈተናውን ማለፍ አቅቶት ወደቀ።በለውጥ ሽፋን የወታደር አምባገነን ቡድን ቦታውን ቀማው።

ይህ የወታደር ቡድን አነሳሱ ላይ ቀናና አገር ወዳድ ነበር፣ሥልጣንም ይዞ ለመቆየት ዓላማ አልነበረውም።በዃላ ላይ ለስልጣን በሚፎካከሩ ሁለት ቡድኖች በኢሕአፓና በመኢሶን መካከል በሚደረገው ትንቅንቅ ውስጥ ገባና አንዱ አንዱን በመሆን እርስ በርሱ ተናክሶ የመኢሶንን ቡድን በመደገፍ የሚራመደው የነመንግሥቱ ሃ/ማርያም ቡድን በአሸናፊነት ስልጣኑን ጠቅሎ ያዘ።የተማሪው ትግል የወለዳቸው እነዚህ ሁለት ድርጅቶች በመጀመሪያው ላይ አንድ የነበሩ ሲሆን የሚያራምዱትም አንድ አይነት የሶሺያሊስት ዝንባሌ ያለው ፍልስፍና ነበር።ለአንዳንድ ጥያቄዎች በሚሰጠው መልስ ላይ ልዩነት ተፈጥሮ ልዩነቱን ተወያይቶ ከማሶገድ ይልቅ የጠላትነት ጎራ ተፈጠረና አንዱ ሌላውን ለማጥፋት ቆርጦ ተነሳ።ለዲሞክራሲ ለውጥ ይታገሉ የነበሩት እራሳቸው ችግርን በዲሞክራሲ መንገድ መፍታት ተሳናቸው።የአንደኛው ክንፍ  አባላት ጸረ ዲሞክራሲ የሆነውን የወታደር አምባገነን ተራማጅ አድርገው በመቀበል አብረው ለመስራት ወሰኑ።ሌላው ከዳር ሆኖ  የወታደሩን ቡድን ከውስጡ ለማፈራረስ ሌላ ዘዴ ቀመረ።የሁለቱ ቡድኖች ቀውስ በደርግ ውስጥ ሰርጎ ገባና አገር አቀፍ ቀውስ ሆነ።ደርግም በአነሳሱ ላይ ይዞት የነበረው አገር ወዳድ መልኩ ተለወጠና እየደበዘዘ የስልጣን ወዳድነት ባህሪ በተጫነው ጥቂት ቡድን በኩል ስልጣኑ መንግስቱ ሃ/ማርያም ለሚባለው ለፍላፊ፣ ጨካኝና በዝቅተኛነት ስሜት በቀልና ጥላቻ ላደረበት አምባገነን የግል ንብረት ሆነ።በውስጡና ከውጭ ለሚነሱት ጥያቄዎች ሁሉ መልሱ ጥይት ሆነ።ይኸው አምባገነን  አካሄዱ ያላማራቸው ጸባዩን  የሚያውቁት የሐርር ሶስተኛ ክ/ጦር አባላት ቤተሰቡን መያዣ አድርገው ለጥያቄ ሲፈልጉት፣ብትፈልጉ ቀቅላችሁ ብሏቸው እንጂ አልመጣም ብሎ የመለሰ፣የራሱን ስልጣን ከወለዳቸው ልጆቹ አብልጦ የሚያይና የሚመርጥ አረመኔ መሆኑን ከጧቱ ያሳዬ ነበር።ግን ይህ አባባሉ ከቤተሰቡ ይበልጥ አገሩን እንደሚወድ ተደርጎ ተመነዘረለትና አገር እስኪያጠፋና እስኪጠፋ ድረስ መብትና ስልጣን ተሰጠው።እርግጥ ነው በሱ አይፈረድበትም! መንግስቱ ሃ/ማርያም በጦሩ የነበረው ቦታ የመሳሪያ ግምጃ ቤት አላፊ ሆኖ ጥይት መቁጠርና መሳሪያ መጠገን ስለሆነ ከቃታና ከሰደፍ የበለጠ በቅርብ የሚያውቀው ችሎታና እውቀት አልነበረውም።ለፍቅርም ለጠብም የሚመዘው ያንኑ አብሮት ውሎ የሚያመሸውን ጠመንጃ ነበር።ከማን ጋር ነሽና ተሆኛለሽ ጤና ነው።ይህ ፈላጭ ቆራጭ እውቀተ ቢስ ሰው አጋጣሚ ሆኖ ባገኘው ዕድል በሕዝቡና በአገሪቱ ላይ የፈጸመው ወንጀል ሌሎቹ የቀድሞ መሪዎች የፈጸሙት ቢደመር የሱን እሩብ አይሆንም።ለአገር ይሞታሉ እንጂ አገር ገለው አላለፉም።ወጣቱን ጨፍጭፎ ለገደለበት ጥይት ዋጋ ያስከፈለ አረመኔ መንግሥት በኢትዮጵያ መሬት ላይ ሲበቅል ደርግ የመጀመሪያው ነው።ለመገንጠል ጫካ ገብተው ይታገሉ የነበሩትን “የብሔር ነጻ አውጭዎችን”ቀስፈው የያዙትን፣ለአገራችው ክብርና አንድነት ለማስከበር የተሰለፉትን የጦር መኮንኖችና ወታደሮች ጥያቄ አቀረባችሁ በማለት በጦር ሜዳ እየገደለ ሰራዊቱን መሪ አልባ አድርጎ ያስጠቃና በመጨረሻውም ከነጮች ጋር ተደራድሮ አገሪቱን አሁን ላለው አውሬ ቡድን አሳልፎ ሰጥቶ አገር ጥሎ የኮበለለ ፣ በኢትዮጵያ ሕዝብ ስነልቦና ላይ የፍርሃትና የሽብር ድባብ ያሰፈነ፣ኢትዮጵያን በታሪኳ ያላየችውን የመሪ ሽሽት ያስተዋወቀ አሳፋሪ ከንቱ ሰው ነው። ይህንን ከንቱና አሳፋሪ እንደ ጀግና ቆጥረው የሚያሞካሹት፣የፈጸመውን የአገር ክህደትና ወንጀል የሚኮሩበት የሱ ቢጤዎችና የስርዓቱ ተጠሪዎች በየአገሩ ተበትነው ሲመጻደቁ ይሰማል።የእሱ የሥራ ውጤት አገሪቱን አሁን በሥልጣን ላይ ላለው ለተገንጣዮች ቡድን አስረክቦ መሄድ ሲሆን የአገሪቱ አንድነት በባሰ አደገኛ ደረጃ ላይ እንዲደርስ ከፍተኛ ድርሻ አበርክቷል።

ይህ አሁን በስልጣን ላይ ያለው ቡድን ከሃምሳ ዓመት ወዲህ በአገራችን ውስጥ ከሰፈኑት መንግሥታዊ ስርዓቶች የተለዬ፣አገር ወዳድነት ስሜት የሌለው፣ገና ከጅምሩ በውጭ ሃይሎች የተቀሰቀሰና የተረዳ፣የጣሊያንንና የሌሎቹን የኢትዮጵያ ጠላቶች ፍላጎት በተዘናጋ መልኩ ለማስፈጸም የተፈጠረ ስብስብ ነው።ይህ ስብስብ እንደጣሊያንና እንግሊዝ አገሪቱን በጎሳና በክልል ከፋፍሎ ጠንካራና አንድ አገር እንዳትሆን ሌትተቀን የሚሰራ ቡድን ነው።ለጎሳ መብትና እኩልነት ቆሜለሁ እያለ ጎሳ ከጎሳ እንዲባላና እንዲጋጭ እያደረገ ጠንካራ ብሔራዊ ስሜት እንዳይኖር የሚያደርግ የውጭ ተልእኮውን በሚገባ የሚፈጽም የባንዳ ስብስብ ነው። ኢትዮጵያ የምትባል አገር ፈርሳ ኤርትራ፣ትግሬ፣ኦሮሞ፣አማራ፣ሶማሌ፣ጋምቤላ፣አፋር፣…ወዘተ የሚሉ የመንደር መንግሥታት ተመስርተው እርስ በእርሳቸው ሲዋጉ እንዲኖሩ ቀምሮ የተነሳ ቡድን የሚቆጣጠረው መንግሥት ነው። ይህንንም በተግባር አሳይቷል፤ኤርትራን አስገንጥሎ በማግስቱ ወደ ጦርነት የሄደ ቡድን ነው።ከሌሎቹም ጋር ግብግብ ከገጠመ ውሎ አድሯል።አገር ከማፈራረሱም ጋር አገር የመበዝበዝንም ተግባር በማከናወኑ ከሌሎቹ ስርዓቶች የተለየ አድርጎታል።የመሪ ሌባ የሰፈነበት  ስርዓት በኢትዮጵያ ታሪክ ውስጥ እንደዚህ ታይቶና ተሰምቶ አይታወቅም። ይገላል፣ይዘርፋል፣አገሪቱን ለውጭ አገር ጥቅምና ቁጥጥር አሳልፎ የሰጠ፣ድንበር እየቆረሰ የሚያስረክብ፣እንደመሪ ሳይሆን እንደሰውና ዜጋ ሊታይ የማይገባው የአውሬ ስብስብ ነው።

የውጭ ባላደራ መንግሥት በመሆኑ ከሌሎቹ የተለየ እውቅናና ድጋፍ አለው።ከላይ እንደተገለጸው ኢትዮጵያ እንደ አንድ ነጻ አገር እንዳትኖር ለተደረገባት የወረራ ሙከራ አጻፋውን ሰጥታ አሳፍራ የመለሰች፣ለሌሎች አገራት የትግልና የነጻነት ምሳሌ ሆና የኖረች በመሆኗ ወራሪዎች ጥርሳቸውን የነከሱባት አገር ነበረች፤ያንን በቀል በአገር በቀሉ ከሃዲ ቡድን ሊካሱ ችለዋል።ለዚህ ባለውለታ ቡድን እንኳንስ የፖለቲካ ድጋፍና የገንዘብ እርዳታ ቀርቶ ሌላም ቢያደርጉ አይከብዳቸውም።በኢትዮጵያ ላይ ብቻ ሳይሆን በሌሎች አገሮች ለሚያካሂዱት ዘረፋና ወረራ አስከባሪ ቀድሞ ደራሽ በሩ መሆኑም ውለታ እየሰራላቸው ነው።በዚህም የባንዳ ተግባሩ የሚሻውን ድጋፍ እየሰጡ በስልጣኑ ላይ እንዲቆይ ይመርጣሉ።አገር ወዳድ ሃይል በኢትዮጵያ ምድር ላይ እንዲወለድ አይሹም።ይህ የሚረዱት መንግስት ቢወድቅ፣ሰላምና ጸጥታን ለማስከበር በሚል ስም ወታደሩ ሥልጣኑን እንዲወስድ ወይም የውጭ ሃይል እንዲገባ ከማድረግ አይመለሱም፡፤ይህ ካልሆነ ኢትዮጵያ ተበታትና በተለያዩ የክልከል የጎሳ መሪዎች መዳፍ ስር ወድቃ ቁጥጥራቸውን ለማስቀጠል በሚረዳ መልኩ ቢሆን ይመርጣሉ።ለዚህ ኢራቅ ምሳሌ ናት።የኩርዲስታንና የሌላው አካባቢ መነጣጠል ያንን ያረጋግጣል።

ለሰብአዊ መብት ቆመናል እያሉ የሰው ልጅ በአደባባይ ሲረሸን፣እናት በልጇ አስከሬን ላይ ተቀምጣ እንድትዘፍን ስትገደድ፣ወጣቱ በሥራ አጥነት ተስፋ ቆርጦ ሲሰደድ እያዩና እየተጠየቁም ጆሮ ዳባ ልበስ ከማለትም አልፈው ለዚሁ ወንጀለኛ መንግሥት ተብየው ቡድን የማበረታቻ የገንዘብ እርዳታና የፖለቲካ ድጋፋቸውን መስጠቱን መርጠዋል።እዚህ ላይ ነው ማን ለምንና ለማን ጥቅም መቆሙ የሚታየው።

አሁን በስልጣን ላይ ያለው ቡድን  በስልጣን ላይ ለመቆየት ካልቻለ አገሪቱን በታትኖ ለመጥፋት እቅድ እንዳለው ከከፍተኛ ባለስልጣናቱ ውስጥ ሁለቱ ፣አባይ ጸሃዬና ስዩም መስፍን የተባሉት ወንጀለኞች በቅርቡ በሰጡት ቃለምልልስ አረጋግጠዋል።ለዚህ አመቺ የሚሆነው ደግሞ ሕዝቡ ተለያይቶ በክልልና በጎሳ ትግል ውስጥ ከተሰለፈ ነው።በዚህ ጉዞ ደግሞ ማንም አትራፊ ሳይሆን የሚጎዳበት ነው፤በአንዱ ኪሳራ ላይ ሌላው ሊጠቀምና በሰላም ሊኖር አይችልም።አገራችን የእብድ ቤት ትሆናለች ማለት ነው።ያ ሁኔታ ደግሞ የውጭ ሃይሎች ሰርገው እንዲገቡና የሚፈልጉትን እንዲያደርጉ ዕድልና በር ይከፍታል።አደጋውን ለመቀልበስ አገር ወዳዱና ለውጥ ፈላጊው ኢትዮጵያዊ ያለው ምርጫ አንድና አንድ ብቻ ነው።በጎሳ መለያየቱን ትቶ በአንድ አገር ዜግነት መቆምና ያለውን ስርዓት ማሶገድ። የውጭ አገር ጠላቶች ለሚፈልጉት የመገነጣጠል ዓላማ ሳይመች፣የተለያየ መሆኑን በሚያበስር መልኩ የተለያየ ባንዲራ ስር መሰለፉን ትቶ በአንድ ሰንደቅ ዓላማ ስር  መሰለፍ፤በውጭ አገር መንግሥታት ላይ ከመተማመን ይልቅ በራስ መተማመን።የዘመነ መሳፍንትን ጊዜ መንፈስ ከሚያንጸባርቀው የአካባቢና ጎሰኛ ፖለቲካ ወጥቶ አገር አቀፍ ፖለቲካ መንደፍና መከተል።ለተመሳሳይ የጎሳ ስብስብ ጥቅምና ስልጣን የሚካሄደውን ዝግጅትና የተናጠል ጉዞ መንቀፍና ማክሰም።የጠላትን ሃይል ለመስበር በሚችለው የትግል ስልት መሰለፍ። እስከአሁን የታየውን የመጠላለፍ ጎጂ ተግባር አሶግዶ ተመሳሳይ የሆነ ዓላማና አቋም ያላቸው በአንድ ጣራ ስር እንዲሰለፉ ማድረግ፤የተቀጣጠለውን ሕዝባዊ ትግል በመርዳት መልክ በማስያዝና በማያያዝ እንዲቀጥል፣ብሔራዊ መልክ እንዲይዝ ማድረግ።በመንግስት ላይ የተከሰተውን  የፖለቲካና የኤኮኖሚ ቀውስ እንዲፋፋም ጠንክሮ መስራት።የመንግስት ባለስልጣናትና ቤተሰቦች የአገርና የውጭ ባለሃብቶች ንብረት በሆኑትና ስርዓቱን በሚረዱ ተቋማትና የንግድ ድርጅቶች ላይ እቀባ ማስፈን። የመንግስት የለያይተህ ግዛን መመሪያ እጅ ለእጅ ተያይዞ ማክሸፍ።እወክለዋለሁ ከሚለው ሕዝብና ክልል መነጠል።በክፍተት ስርዓተአልበኝነት እንዳይከሰት ሕዝቡ በየቦታው ከሰራዊቱና ከፖሊስ ሃይሉ ወደ ሕዝቡ ከሚቀላቀሉት ጋር ሆኖ ሕግ አሰከባሪ አካል እንዲፈጥር ማድረግ። እነዚህን ተግባራት በስራ ለመተርጎም የሚችል አካል ለመፍጠር በአገር ውስጥ ሁሉን አቀፍ ጉባኤ በአስቸኳይ ማካሄድ የወቅቱ ተግባር መሆን ይኖርበታል።ሁኔታው ከእጅ ሳይወጣ በፍጥነት መፍትሔ መፈለግ አስፈላጊ ነው።በዚህ ግርግር ከሕዝቡ በስተጀርባ ሥልጣን እይዛለሁ ብሎ ማሰብና ከውጭ ሃይሎች ጋር መደራደር ዋጋ አይኖረውም።ሥልጣን ለመጨበጥ ቢቻል እንኳን ሁኔታውን ያባብሰዋል እንጂ ዘላቂ መፍትሔ አያመጣም፣ሕዝቡም አይቀበልም፤የሚቋምጡ ካሉ ባይሞክሩት ጥሩ ነው።

በአገርቤትና በውጭ አገር የሚገኙት ተቃዋሚዎች ግንኙነት መፍጠር አለባቸው።አገራችን የጥፋት ማእበል ውስጥ እንዳትገባ አገር አድን ሃይል መፍጠር ይኖርባቸዋል፤የሚፈጠረው ይህ አካል ከሁሉም የተውጣጣ ሲሆን እንደሽግግር መንግስትም ሆኖ ሊያገለግል ይችላል።

እነዚህ በአለፉት የአርባ አምስትና ከዚያም በላይ በሆኑት የዕድሜ ዓመታት ያየናቸው መንግሥታት ሲሆኑ ሶስቱም የሕዝቡን ፍላጎትና ጥያቄ መመለስ የቻሉ አይደሉም።ሦስቱም ሕዝብ መርጦና ፈቅዶ የሥልጣኑ ባለቤት ያደረጋቸው ሳይሆኑ በጉልበትና በታሪክ አጋጣሚ  ከሥልጣን ወንበር ላይ የተቀመጡ ናቸው።ሁለቱ መንግሥታት አወዳደቃቸውም ሳያምር የቀረ ሆኗል።አሁን በመውረግረግ ላይ ያለው ቡድን እንዳለፉት ሁለቱ በሕዝቡ ትግል የሚወገድበት ጊዜ እሩቅ አይሆንም።

በተደጋጋሚ እንደታየው ለነዚህ ሦስት ስርዓቶች ዕድል የሰጠው የሕዝቡ አለመንቃትና አለመደራጀት፣ብሎም በአንድነት ቆሞ ወግዱ ሳይላቸው በመቅረቱ ነው።አሁን ግን ያለንበት ዘመንና የንቃተ ህሊናችንም ለነዚህ አይነቶቹ ስርዓቶች የሚመች አይደለም።እርግጥ ነው ሕብረተሰባችን ሙሉ ለሙሉ የነቃና የተደራጀ ነው አይባልም፤ግን ካሳለፈው መከራ ብዙ ትምህርት ቀስሟል።ወደተሻለ አቅጣጫ ሊመራ የሚችል የተደራጀ ጠንካራ ሃይል ባይኖረውም የሚፈልገውን ያውቃል።

አሁንም ያለፉት አይነት ስርዓቶች አይነት ለመተካት ፍላጎት ያላቸው አይጠፉም።በዘርና ባለፈ ቅርሾ ሰበብ የዘር ፖለቲካ የሚያናፍሱ አገሪቱንና ሕዝቡን ለአደጋ ሊያጋልጡበት የሚችለው ዕድል ከፍተኛ ነው።እራሳቸውን ትልቅ በማድረግም ከውጭ መንግሥታት ጋር እየተደራደሩ እራሳቸውን ለአገልጋይነት አጭተው ሕዝባቸውን መስዋእት ለማድረግ የተሰለፉም እንዳሉ አይካድም።

ከዚህና ካለፈው አይነት ስርዓት የተሻለ ለማምጣት የሚፈልጉና አገራቸው እንዳገር አንድነቷ ተጠብቆና ተከብራ የሕዝቡም ኑሮ ተሻሽሎ ማየት የሚፈልጉት እውነተኛ አገር ወዳዶችና የለውጥ ሃይሎች ሳያቅማሙ አንድነት ፈጥረው ካለፉት የተለዬ ስርዓት እንዲመሰረት መጣር አለባቸው።አገራችን ዳግመኛ ከጎሰኛ፣ ከአምባገነንና የውጭ ሃይሎች አሽከር ከሆነ ቡድን እጅ እንዳትገባ መጠንቀቅ ተገቢ ነው።

የሚመሰረተው ስርዓት፣በሕግ የበላይነት የሚያምን፣የዴሞክራቲክ መብቶችን የሚያረጋግጥ፣የዜጎችን እኩልነትና ፍትህን የሚያከብር፣በሕዝብ ተመርጦ በተወሰነ ጊዜ የሚወጣና የሚወርድ መንግሥትና መሪ እንዲኖር በሚያስችል አሰራርና ሕግ የሚመራ፣የአገሪቱን አንድነትና የሕዝቡን ልዑላዊነት የሚያስከብርና የሚያረጋግጥ መሆን ይኖርበታል።

ይህንን የሚቀበሉ ሃይሎች፣የፖለቲካ ድርጅቶች፣የሲቪክ ተቋማት፣ግለሰቦች፣የጉዳዩ ተካፋይ የሆኑ ሁሉም ዜጎች ከጎሳና ከሃይማኖት ነጻ የሆነ የሽግግር መንግሥት ለመመስረት በጋራ መምከርና መዘጋጀት የወቅቱ ተግባር መሆኑን ሊያውቁትና ሊቀበሉት ይገባል።የሽግግር መንግሥቱንም መመሪያና የአጭር ጊዜ መርሃግብር በጋራ መንደፍ ይኖርባቸዋል፤ስለሆነም ሰርገኛ መጣ በርበሬ ቀንጥሱ እንዳይሆን ነገ ዛሬ ሳይሉ አብረው ለመምከር አስቸዃይ ስብሰባ ሊጠሩ ይገባል።እንደተለመደው የስብሰባ ውድድርና መጠላለፍ እንዳይኖር ብዙሃኑ ቁጥጥር ሊያደርግባቸው ይገባል።

በተጨማሪም ህወሃት /ኢሕአዴግ ተቃውሞውን የአሸባሪዎችና የጥፋት ሃይሎች ሥራ ለማስመሰል፣እንዲሁም መውደቂያውን አስቦ በተንኮልና እኔ ከሞትኩ ከሚል እኩይ አሳብ በመነሳት በአንዳንድ ተቋማትና በግለሰቦች ላይ አደጋ በመጣልና በእሳት በማጋየት ተግባር ላይ ስለሚውል ያንን በማጋለጥና በእልህ ሕዝቡ በተመሳሳይ ተግባር ላይ እንዳይሰማራ ማስጠንቀቅ ያስፈልጋል። ማንኛውም ተቋም ከድል በዃላ ለአገሪቱና ለሕዝቡ ጥቅም በሚሰጡበት መልኩ እንዲደራጁ ማድረጉ ስለማይቀር ከውድመት ማዳን ብልህነት ነው።የሚጎዳውንና የሚጠቅመውን አስቀድሞ ማጤኑ በሳልነት ነው።በዛች አገር መሬት ላይ ያለንብረት ምንጩና መሰረቱ የአገሪቱ ሃብትና የህዝቡ ላብ ስለሆነ መውደም አይኖርበትም።

በአርባ አምስት ዓመታት ውስጥ ያየዃቸው የኢትዮጵያ መንግሥታት ጭማቂ ባህሪያት

የአጼ ሃይለሥላሴ መንግሥት     የደርግ መንግሥት              የህወሃት/ኢሕአዴግ መንግሥት

ንጉሳዊ ፈላጭ ቆራጭ ፣         ወታደራዊ አምባገነን፣                የዘረኞች አምባገነን

በፈሪሃእግዚአብሔር የሚመራ፣   በሕገጠመንጃ የሚመራ፣               በሕገአራዊት የሚመራ

ሕዝብ የሚያከብረው ፣         ሕዝብ ጠልቶት የሚፈራው፣            ሕዝብ አንቅሮ የተፋው

ለአስከሬን ክብር ያለው፣       ገሎ የጥይት ዋጋ የሚያስከፍል፣          ልጅ ገድሎ እናትን የሚደበድብ

ተቃዋሚውን በዱላ እንጂ      የጭካኔ ባህል ያዳበረ ጥያቄና          ለተቃውሞ ቦታና ዕድል የማይሰጥ፣

በጥይት የማይደበድብ         ተቃውሞ በጥይት የሚመልስ           የሚገል፣የሚያስርና የሚያሳድድ

ለሥልጣኑ ሙት                ለሥልጣኑ ሙት፣ትዕግስተቢስ፣       ለሥልጣኑ ሙት፣ዘራፊ፣አገሩን የሚሸጥ

ሕዝቡን ያስከበረ፣ካለቪዛ በአውሮፓ   የስደትን በር የከፈተ፣ሕዝቡን     ስደትን እንደሙያና ሥራ የቆጠረ

የመዘዋወር መብት ያረጋገጠ፣         ለውርደት የዳረገ               በወታደሩና በድሆች ስም የሚነግድ

ሕዝቡ በአገሩ ውስጥ ከዳር እስከዳር   ፍርሃትና ሽብር የሰፈነበት         ፍርሃትና የመበታተን አደጋ የሰፈነበት

የመንቀሳቀስ፣የመኖርና የመስራት      ከግማሽ ሚሊዮን በላይ           ጥላቻና ልዩነት የሚያራግብ                                                                                                      ወ ነጻነቱን ያረጋገጠ፣አንጻራዊ ሰላም      ወታደር አሰልፎ ጥቂት           በዘር እንጂ በዜግነት የማያምን

የሰፈነበት                   ተገንጣዮችን  መቋቋም           የአገሪቱን መከላከያ ሃይል በዘር

በስልሳ ሽህ ቋሚ ወታደር ያገሩን        አቅቶት የኮበለለ፣                 አዋቅሮ ለማዋጋትና አገር

ዳር ድንበር ያስከበረ                  በኢትዮጵያ መሪዎች               አፍርሶ ለመጥፋት የተዘጋጀ

ለአፍሪካ አንድነት መሠረት የጣለ     ታሪክ ውስጥ አሳፋሪ  የሆነ               ለባዕዳን ጥቅም የቆመ

ሙት ይዞ ይሞታል – ለምለም ጸጋው

የዞን ዘጠኝ ጦማሪው ናትናኤል ፈለቀ ትናንት ማክሰኞ መስከረም 24፣ 2009 ከስራ ሰዓት በኋላ ጸደቀ ድጋፌ እና አዲስአለም ሙሉጌታ ከተባሉ ሁለት የስራ ባልደረቦቹ ጋር በተለምዶ ‹ስታዲየም› ተብሎ የሚታወቀው አካባቢ በሚገኝው ‹ላሊበላ› ሬስቶራንት ውስጥ ተቀምጠው “ጮክ ብለው ‘የቢሾፍቱ ጭፍጨፋ የመንግስት ጥፋት ነው’፣ ‘እያሸበረ ያለው ራሱ መንግስት ነው’ በማለት አውረተዋል”፤ በሚል ምክንያት በፖሊስ ተይዞ ታሰረ፡፡ ናትናኤል እና ጓደኞቹ ዛሬ መስከረም 25፣ 2009 ጠዋት በፌደራል የመጀመሪያ ደረጃ ፍርድ ቤት ቄራ ምድብ የወንጀል ችሎት ቀርበው የዋስትና ጉዳይ ለማየት አሻራ ይስጡና ነገ መስከረም 26፣ 2009 በድጋሚ እንዲቀርቡ ታዘው ወዳረፉበት በአዲስ አበባ ፖሊስ ኮሚሽን የካዛንችስና አካባቢው ፖሊስ ጣቢያ (በተለምዶ 6ተኛ እየተባለ የሚታወቀው) ተመልሰዋል፡፡

ዞን ዘጠኝ አቋም

የናትናኤል እና የጓደኞቹ እስር አሁን አገሪቱ እየሔደችበት ያለውን መንገድ በሚገባ ያሳያል፡፡ ኢትዮጵያ ከጓደኞች ጋር ሰብሰብ ብለው የፖለቲካ ጉዳይ ማውራት የሚያሳስርባት አገር መሆኗም ለሁላችንም አሳዛኝ ነው፡፡ ስለዚህም ናትናኤልና ጓደኞቹ ሰውነታቸው ያስገኝላቸውን ሃሳባቸውን የመግለፅ መብታቸውን ከመጠቀማቸው ባለፈ ቅንጣት ታክል የሕግ መተላለፍ ያልፈፀሙ በመሆኑ አሁኑኑ ይፈቱ ዘንድ እንጠይቃለን፡፡

(ምስል: ናትናኤል ከፍርድ ቤት ሲወጣ)

Source:- Zone9

አባ ጫላ ለታ የኦነግ ውጭ ጉዳይ ሀላፊ (በአቶ ዳውድ ኢብሳ የሚመራው) በዛሬው የእሬቻ ጭፍጨፋን አስመልክቶ ለህብር ሬዲዮ ከሰጡት ቃለ መጠይቅ የተወሰደ (ቀሪውን ያዳምጡት)

በጅማ ዩኒቨርሲቲ የኦሮሞ ተማሪዎች “የአማራው ደም የኛም ደም ነው” እያሉ ተቃውሞ አሰሙ | ቪዲዮ

(ዘ-ሃበሻ) የጅማ ዩንቨርሲቲ ተማሪዎች በዚህ በያዝነው ሳምንት ውስጥ የወያኔ መንግስትን በመቃውም በግቢው ውስጥ ተቃውሞ ማድረጋቸው ሚታውስ ሲሆን ዛሬ ግቢውን ለቀው እንዲወጡ የወያኔ መንግስት ወረቀት መበተኑ መረጃዎች ደርሰውናል::

ዘርዝሩን ይዘን እንመለሳለን

ሚኒሊክ ሳልሳዊ

በአጄ ወረዳ ህዝብ እና የአጋዚ ጦር በከፍተኛ ውጊያ ላይ ሲሆን ከአጋዚ ጦር ከ40 በላይ ሲገደል ከህዝቡ 30 ሰው ተሰውቶዋል

በምእራብ አርሲ በዛሬው እለት ከጥዋቱ 12 ሳአት ጀምሮ በአጄ ወረዳ ህዝብ እና የአጋዚ ጦር በከፍተኛ ውጊያ ላይ ሲሆን ከአጋዚ ጦር ከ40 በላይ ሲገደል ከህዝቡ 30 ሰው ተሰውቶዋል እስካሁን ድረስ ግብግቡ የቀጠለ ሲሆን መንግስት ከአዋሳ ሃይል እያስመጣ ነው ።

በተያያዘ ዜና መንግስት በሻሸመኔ የሌሎች ብህሬዎችን በግዳጅ የድጋፍ ሰልፍ ያስወጣ ሲሆን ህዝቡ ሰልፉን ወደ ተቃውሞ በመቀየር ወያኔ ሌባ ሲሉ እንደነበረ የራዳሃ ምንጮች ዘግበዋል።
በዚህ ተቃውሞ ላይ መንግስት በወሰደው እርምጃ ወጣቶች እንደተጎዱ የራዲዮ ዳንዲ ሃቃ ምንጮች አያይዘው ዘግበዋል በተመሳሳይ ዜና የሻሸመኔን ከንቲባ ጀማል የሚባል ቤት በትላንትናው ምሽት ተቃጥሎዋል ።
በተጨማሪ በአርሲ ነጌሌ በትላንትናው እለት 14 የሚሆኑትን የመንግስት ታጣቂዎችን ህዝቡ መሳሪያ አስፈትቶዋቸዋል በዛሬው እለት በነጌሌ አርሲ 4 ሰው መስዋእት ሆኖዋል በኮፎሌ በዶዶላ በአርሲ ነጌሌ ተኩሱ እንደቀጠለ መሆኑን የራዲዮ ዳንዲ ሃቃ ምንጮች ከስፍራው ዘግበዋል።
የአጄ ወረዳ ማህበረሰብ የሻሸመኔ ህዝብ መንገድ በመዝጋት እንዲተባበራቸው ጥሪ አስተላልፈዋል ።

ከቅንጅት ለአንድነትና ለዴሞክራሲና ከመላ ኢትዮጵያ አንድነት ድርጅት – መኢአድ መሥራቾችና መሪዎች አንዱ የነበሩት አቶ ኃይሉ ሻወል አረፉ፡፡
ከቅንጅት ለአንድነትና ለዴሞክራሲና ከመላ ኢትዮጵያ አንድነት ድርጅት – መኢአድ መሥራቾችና መሪዎች አንዱ የነበሩት አቶ ኃይሉ ሻወል አረፉ፡፡

አቶ ኃይሉ ሻወል በሰማንያ ዓመት ዕድሜአቸው ዛሬ ያረፉት በሕክምና ሲረዱ በነበረባት ታይላንድ መሆኑን ለቪኦኤ ቅርበት ያላቸው ምንጮች ገልፀዋል፡፡

አቶ ኃይሉ ሻወልን ለሕልፈት ያበቃቸው የጤና ችግር ምን እንደሆነ ለጊዜው እያጣራን ቢሆንም እራሣቸው በፃፉት መፅሐፍ ላይ እሥር ቤት ሣሉ በገጠማቸው ቅዝቃዜ ምክንያት አከርካሪያቸው ላይ ሕመም ይሰማቸው እንደነበረ ጠቁመዋል፡፡

ላለፉት ሁለት ዓመታትም በብርቱ ሲታመሙ መቆየታቸው ተገልጿል፡፡

የአቶ ኃይሉ ሻወል (ኢንጂነር)አስከሬን ነገ፤ ዓርብ አዲስ አበባ ይገባል ተብሏል።

ተጨማሪ መረጃ ባገኘን ጊዜ ይህንን ዜና እናዳብራለን፡፡ በነገ የአየር ሥርጭታችን ላይ ሥፋት ያለው ዘገባ ለማቅረብ እንጥራለን፡፡
ምንጭ:-VOA

በተባበሩት መንግሥታት ድርጅት የኤርትራ ቋሚ ተጠሪ ሆነው ሲያገለግሉ የቆዩት አምባሳደር ግርማ አስመሮም አረፉ፡፡
ዋሺንግተን ዲሲ —
በተባበሩት መንግሥታት ድርጅት የኤርትራ ቋሚ ተጠሪ ሆነው ሲያገለግሉ የቆዩት አምባሳደር ግርማ አስመሮም አረፉ፡፡

አምባሣደሩ ትናንት ኒው ዮርክ ላይ በስድሣ ስድስት ዓመት ዕድሜአቸው ማረፋቸው የታወቀው ዛሬ ሲሆን ላለፉት ዘጠኝ ወራት በሕመምና በሕክምና ላይ እንደነበሩ ታውቋል፡፡

አምባሣደር ግርማ ወደ ኒው ዮርክ ከመላካቸው በፊት በኢትዮጵያና በአፍሪካ ኅብረት፣ እንዲሁም በዩናይትድ ስቴትስና በካናዳ የኤርትራ አምባሣደር ሆነው አገልግለዋል፡፡

አምባሣደር ግርማ ዋሺንግተን ዲ.ሲ. ከሚገኘው አሜሪካን ዩኒቨርሲቲ በዓለምአቀፍ ግንኙነቶች በማስተርስ ዲግሪ ተመርቀዋል፡፡

አምባሣደር ግርማ አስመሮም በወጣትነት ዕድሜአቸው የኢትዮጵያ እግር ኳስ ብሄራዊ ቡድን ተጫዋችና በአምስት ቁጥር ቦታ ተከላካይ፤ እንዲሁም በሰባት ቁጥር ቦታ የሚሰለፉ አጥቂ ነበሩ፡፡

አምባሣደር ግርማ ባለትዳር ነበሩ፡፡

ምንጭ :- VOA

(ዘ-ሐበሻ) የአርበኞች ግንቦት 7 ሊቀመንበር ፕሮፌሰር ብርሃኑ ነጋ በትውልድ ቦታቸው ቢሾፍቱ የትግራይ ነጻ አውጪ መንግስት የፈጸመውን ግድያ አውግዘው በሽግግር መንግስቱ እቅድ ዙሪያ ተናገሩ:: ሙሉ መል ዕክታቸው ከአስመራ ደርሶናል ያድምጡት::

ቤተ እስራኤሎችን በዘመቻ ሙሴ አማካኝነት ከኢትዮጵያ ወደ እስራኤል በድብቅ ያስወጡት የቀድሞው የእስራኤል ፕ/ት ሼሞን ፔሪዝ ታሪካዊ ጉዞ ሲዳስስ (ልዪ ዘገባ) በታምሩ ገዳ

1。ባለፈው ሰሞን አቶ ያሪድ ጥበቡ መነሻቸውን አይጋ ፎረም ላይ የቀረበ ጽሁፍን መሰረት አድርገው  የሰጡት አስተያየትና ምክር፤ በየ ብዙሃን መገናኛው ስለተናኘና በESATም ቃለ መጠይቅም ስለተደረገበት፤  የሰሞን ጫጫታ ባይሆን ተመኘሁና እንድንነጋገርበት ያየሁበት አተያይ።
2。11 ወር ያስቆጠረው የኢትዮጵያ ህዝብ ህዝባዌ እንቅስቃሴን ከ66ቱ የኢትዮጵያ አብዮት ጋር ተመሳሳይነቱ እየተነገረ ስለሆነና በአብዮት ፍንዳታ ዋዜማ ላይ እንደሆንን ምኞትና ስጋት ስላለ ከሆነስ ምን ይፈጠራል? ባይሆንስ ምን ይሆናል?
3。የሽግግር መንግስት ይቋቋም ኢህአዴግ ይወገድ፤ ብሔራዊ እርቅ ይደረግ፤ ባላደራ መንግስት ይቋቋም…….ወዘተ፤ የተቀዋሚ ድርጅቶች ቋሚ መፈክር ነው። ምን ማለትስ ነው? እንዲትስ ተፈጻሚ ይሆናል?
4。ለ25 አመት የተገፋባቸው ሁለት ጽንፎች፤ ጭፍን ደጋፊና ጭፍን ጥላቻ ከመሰርታዊ ሃገራዊ ጉዳያችን እያስውጡን ይሆን? መንጠልጠያቸው የሆነው የ97ቱ ምርጫ እውነተኛ ገጽታው ምን ይመስላል?
5。ዓለም አቀፋዊ ድርጅቶችና መንግስታት፤የመንግስታቱ ማህበርም በሃገራችን ጉዳይ በተለየ ሁኔታ ተሰባስበው መንግስትን እየከሰሱ ነው። እነዚህ ስብስቦች ካንጀታቸው አስበውልን እንደሆነ የሚያሳይ ዓለም አቀፋዊ እውነት አለ ወይ？
ከላይ የተነሱትን ስጋቶቼን እየከፋፈልኩ ነካ ነካ ስለማደርጋቸው በስፋት ይታይ ዘንድ እጠይቃልሁ።

የአቶ ያሬድ ምክሮች

መንሻ ሃስቡ በአይጋ ፎረምና በተመሳሳይ ከመንግስት ጋር ቀረቤታ ያላቸው በተለይ ለአንድ ብሄራዊ ድርጅት ጥብቅና የቆሙ  የብዙሃን መገናኛዎች፤ በሌሎች ክልሎቹ ችግር ሲነሳ በየክልሉ መንግስት ላይ ጣታቸውን መቀሰር ብቻ ሳይሆን ግለ ሰቦችን መወንጀል፤ ሃገርዊ ችግር ሲገጥምም የተለመደው አሸባሪ የውጭ ሃይሎች በሚሉት ክሳቸው ጠባብ ቅርቃር ውስጥ ገብተው ከዚያ መውጣት አለመፈለግ ወይም ያለመቻላቸው ማሳያ ነው።
 መንግስትን እንደ መነግስት ኢህአዴግን እንደ ገዢ ፓርቲ ተጠያቄ የማድረግ አቅማቸውን ማሳደግ አልቻሉም። በሌላው ተቃዋሚም ሆነ ቅር በተሰኙ ህዝቦች፤   መንግስቱ በአንድ ብሔር የበላይነት የተያዘ እንደሆነ የሚከሰሱበትን፤  አዎ መንግስቱ የኛ ነው የማለት ያህል በገጣባው ወይም  ሳያውቁት የተቀበሉት እውነት ይመስላል።
 ይህን አስመልክቶ፣በጥቅሉ መንግስት፤ በተናጠልም ኢምባሲዎች፤ ጠቅላይ ሚኔስቲር፤ ሊሎችም የሚኒስቲር መስርያ ቤቶች፤   የተቃዋሚ፣ የደጋፈ፤ የአሸባሪ፣ የተሸባሪ……….ወዘተ የሁሉም የኢትዮጵያ ህዝቦች መገልገያ ተቋሞች ናቸው።
 ይህን አረዳድ ከጠቅላይ ሚኒስቲሩ ጀምሮ እስከ ቀበሌ ካድሪ ድረስ የተደባላለቀባቸው እንደሆነ በርክታ አብነቶችን ማንሳት ይቻላል። ጠቅላይ ሚኒስተራችን በተደጋጋሚ እኛ ኢህአዴጎች ብለው ሲናገሩ ምን ነካቸው ህገ መንግስቱን ለማስጠበቅ የተሾሙ መሆናቸውን ዘነጉት ወይ ማለታችን ስላቅ ሳይሆን የተሰማንን ጥልቅ ሃዘን መግለጣችን ነው። 
ይህ ማለት የአቶ ያሬድን ምክር ቅቡል ያደርገዋል ማለት አይሆንም፡
አቶ ያሬድም ከሌላኛው ጽንፍ ቆመው በህዝቦች መካከል ሊያጢሱ የሚፈልጉት ጢስ አይሸተንም አይቆጠቁጠንም ማለት አይደለም።
 ከዮሃንስ ቤተመንግስት በአማራው ክልል መንግስት መስተዳደሮች ላይ የተሳለላቸውን ካራ እንዲገነዘቡት ማሳሰብ በሚል፤ ከግለሰብ ጽሁፍ ተነስቶ ይህን የመሰለ በህዝቦች መካከል ችግር ፈጣሬ ሃሳብ ማቅረቡ እውነት ለሃገር ታስቦ ነው ወይሰ ባልበላውም ጭሬ ልበትነው ነው？
እስኪ በተራ ቁጥር ተዘርዝረው የተሰጡ  ምክሮች እንያቸው
ምክር  1. የአጋዚያንና የፊደራል ፖሊስን ከክልሉ ማባረርና  በሚዲያ ማሳወቅ(ይላል)። ይህ ምክር ፊደራል መንግስቱ ይፍረስ ህገመንግስቱም ይሻር ማለት እንድሆነ ለክልሉ መስተዳደር የሚጠፋው አይመስለኝም፤ የህልውናው ጉዳይ ስለሆነም አይ ዲያስፖራ ብለው መሳለቃቸው  አይቀርም። በሚዴያ ይለቀቅ ማለቷ የጎረቤትህ ቤት ሲቃጠል ለኔ ብለህ ተጠንቀቅ ሆነና ሃገራችን እንደሊብያ እንደ ሲርያ የሚድያው አብዮት ሰላባ እንዳትሆን ምን ታስቦልን ይሆን？ በማለት ሰጋን እንጂ፤መጠርጠራችን ያለና የሚኖር ነው። 
ምክር 2. የመከላከያ ሰራዊቱ ዳር ድንበር በማስጠበቅ ይወሰን(ይላል)። የየትኛው ሃገር ተመክሮ እንደሆነ ባይታወቅም፤ መከላከያ ጠረፍ ጠባቂ ብቻ ሳይሆን ሃገር ጠባቄም ነው። ይህ ማለትም ህገ መንግስቱን መንግስቱንና ህዝቡን መጠበቅና መከላከል ማለት ነው። ምናልባት በወንድሜ ምልከታ ሃገር ማለት የመሪት ቆዳ ስፋትና ጥበት ክሆነ እንደልዩነት አስምሮ ማለፍ ይቻላል።
ምክር 3. በበአዴን ውስጥ ተሰግሰገው የሚገኙ የህወሃት ደጋፊዎችን ማባረር(ይላል)። ይህኛው ደግሞ የሰዎችን ሰባዊ መበት የሚጥስ የመደገፍ የመቃወም መብትን የሚጣረስ እንደሆነ ልብ የተባለ አይመስልም። ካልሆነም በተመካሪዎቹ ላይ ያሎትን ንቀት ማሳያና አተራማሽ እንደሆነም ሊሰመርበት ይገባል። 
ምክር 4. ኢህአዴግ ብሒራዌ ተዋጾ እንዲኖረው ማድረግ(ይላል)። አቶ ያሬድ ብሄራዌ መገለጫቸው የአራዳው ልጅነት እንድሆነ ሲነግሩን ከርመው፤ በብሄር መደራጀት ሃገራዊ አደጋ እንደሆነ የሚሰብኩት ወንድሜ በምን ሚዛን ይሆን ይህን ለውጥ ያደረጉት? ይመስለኛል በሆነ ብሔርዌ ድርጅት ላይ ያላቸውን ጥላቻ ማሳያ ይሆናል ብሎ መገመት የሚያስነውር አይመስልኝም።
ምክር 5. ከአማራው ክልል  የተወሰዱ መሬቶችን ማስመለስ(ይላል)። ክልል የሚለው አገላለጽ በስህተተ የተጠቀሰ እንጂ የመካሪው ቋንቋ ሊሆን አችልም። መሬት ማስመለስ የሚለው አባባል እንዲት እንደሚመለስ ባያሳውቁንም የተውሰደ መሬት ካለ የመሬቱ ባለቤት ህዝቡ ስለሆነ ህዝባዊ ምላሽ ያስፈልገዋል እንጂ፤ ለአጎበር የወጣ ጠብመንጃና በፊስቡክ ቱታ የሚሆን ነገር የሚኖር አይመስለኝም። ይህን ካአቶ ያሬድ ይሰሙታል እንጂ አይነግሩም።
ምክር 6,7,8. በአንድ የግንባሩ አባል ብሄርራዊ ድርጅት ላይ የተሰነዘሩ የጥቃት መልክቶች ስለሆኑ፤ አይሆንም እንጂ እልቂትና መጠፋፋትን ጋባዝ  በመሆኑ፤ ሚሪላንድ ተቀምጦ በማን ልጅ ህይውትና መከራ ላይ ነው  አንገት መስበቅና መውረግረጉ？
ምክር 9。 በቦዘኔዎች በሰርጎ ገቦች፣ በትግራይ ተወላጆች ላይ እርምጃ እንዳይወሰዱ ጠንቅቆ መጠበቅ(ይላል)።   ለማያነበው የፊስቡክ ታዳሚ ተሰውራ የቀረበች ማላሻ እንጂ እንዴት ነው ከላይ ከደገሱለት፤ ማባረር፣ ማስወገድ ሊታደጉት የሚችሉት?። ምክሩ በአይነ ስጋ ያገኘን ብሎ ተጠናቀቀ። አሜን ብያለሁ።
፪. የአብዮት ዋዜ
የውዳጂን  ምክሮቹን መነሻ በማድረግ ከኢሳት ጋርና በእንቁ መጽሔት አብዮትን አስመልክቶ የተደርጉት ቃለ ምልልሶች  የአብዮት መጣ አዋጅ ስላለበቻው፤ ለራሳችን የአፍ ጉቦ እየሰጠን ከትግሉ መዝናጋታችን ፪፭ ዓመት ያስቆጥረ ችግራችን በመሆኑ አንድያችንን እንዳያዘናጋን  ስለፈራሁ ልናየው ፈለኩ ።
አቶ ያሬድ፣ በኢትዮጵያ የ66 አብዮት ሲፈነዳ ማንም ክሳምንት በፊትም ሆነ በኋላ እንደሚሆን የገመተ ውጫዊም ሆነ ውስጣዊ ሃይል አልነበረም። በባለቤተነት የመራው ደርጅትም ሃይልም አልነበረም። ሀገሬቱን እንደ  ሰደድ እሳት አቀጣጠላት፣ የስርአቱ ፍጻሚም ሆነ። ካሉ በኋላ አሁን የተቀሰቀስው ህዝባዊ እንቅሳቃሴ አምሳያው ነው ይሉናል።
ምናልባት ደጋግመው እንዳነሱት የጅማው አይነት ህዝባዊ አስተዳደር በየስፍራው እየተቋቋመ ሃገርዊ መንግስት የማቋቋም መፍትሄ ሃሳባቸው ሊሆን ይችላል የሚል ግምት አለኝ። በተረፈ በሃገሪቱ ብቃት ያለው የፖለቲካ ድርጅት እንደሌለ እንደ ወትⶂአቸው በድፍረት ተናግረዋል። ይሁን እንጂ አሁን ሃገሪቱ የተሰራችበት ፊደራላዊ አወቃቀር ለጅማው አይነት ምኞች አመቺ አይሆንምና ሌላ መፍትሄ ሃሳብ የሚጠይቀን ይሆናል።
እኔ እንደሚመስለኝ የረዥም ጊዜ ታሪክ ኖረህ አልኖረሀ ለአብዮት መፈጠር ምክንያት አይሆንም። ለአብዮት መከስት ዋንኛ ምክንያት በየሀገራቱ ያሉ  ቅራኔውች ምን ያህል እንደተቡና ለመመለስ የማይችሉበት ደረጃ ሲደርሱ፣ የስርአቱ የጀርባ አጥንቶች አብሮ መኖር ይሳናቸውል፤ አብረው መኖር ካልቻሉ ይጠፋፋሉ። ታሪክ እንደሚያሳየን ህዝቡ አቸናፊ ሆኖ ገዢው ተሽናፊ ይሆናል። በጥገና በሃይል የሚቀለበስበትም ሁኒታ እንደሚኖር ተሰምሮበት ይታለፍና፡ በየትኛውም ስፍራ እንድሚሆነው የሂደትም ህግ ስለሆነ ኢትዮጵያም በአብዮታዊ ሂደት ውስጥ እንዳለች ተቃውሚም ሆነ ደጋፊ መሆን ሳያሻ ህግ ስለሆነ ብቻ መስማማት ይቻላል።
ይህን መሰረት አድርገን አቶ ያሪድና የኢሳቱ ቃለ መጠይቅ አቅራቢ የተስማሙበት፤ የአሆኑ የህዝብ መነሳሳትና የ66ቱ አብዮት አንድና ተመሳሳይ ናቸው ስለሚሉ ምን ያህል እውነት እንደሆነ እንየው።
ሀ. በጥቅሉ የአሁኑ ህዝባዊ መነሳሳትም ሆነ የ66ቱ አብዮት አንድ የሚሆኑት ችግሮቹ እንደተነሱ መልስ ማግኘት ባለመቻላቸው እየጠጠሩ እያበጡ የመገንፈል ባህሪያቸው ፍጽም አንድ ያደርጋቸዋል።
ለ. የ66ቱ አብዮት ሃግራዊና ህዝባዊ ሲሆን፤ ይህኛው በተውሰኑ ክልሎች በወጣቱ የሚገፋ መሆኑ የተነሱ ጥያቄዎች ከህዝቡ የእለት ተእለት ህይወት ጋር ተያያዥነት ስለሌላቸው፣ በሆነ ቡድን ስብስብ ፍላጎትና አላማ ላይ የተማከለ ከመምሰል በተጨማሬ መንግስትን እንደመንግስት በማውገዝ ፈንታ የመንግስቱን አካል የሆነን አንድን ድርጅት ማውገዙ መሰረቱን ጥላቻ ስለሚያደርገው ህዝባዊ አይሆንም ማለት ነው;።
ሐ. በ66ቱ አብዮት  የነበረ መንግስትና ይህ መንግስት በስም መንግስት ከመባል ውጭ አንድ የሚያደርጋቸው አንዳችም ነገር የለም። የቀድሞው መንግስት ከዓለምም ከዝቡም ተነጥሎ ለመገፋት ቀኑን የሚጠብቅ መንግስት እንጂ አንዳችም ነገር መክቶ መቆም የማይችል በቁሙ የሞተ ነበር።
ይህኛው መንጋስት ሰፊ ህብረተ ሰባዊ መስረት ያለውና እራሱን አስተካክሎ ህዝባዊ ችግሮችን የመፍታት ህዝባዊ ያልሆኑ እንቅስቃሲሆችን የማስቆም ሃይልና ጥንካሬ አለው። ስልሆነም በውስጡ ችግር ቢፈጠር እንኳን ለህገ መንግስቱና ለሃግሬቱ ተገዢ የሆነው ወታደር የማረጋጋትና ስርአቱ እንዲቀጥል የማድረግ አቅምና ችሎታ አለው። ይህ ሰራዊት የተማረና እንክብካቢ የሚደረገለት ስለሆነ ምን ለማግኘት ነው በዚህ ስርአት ላይ ሊነሳ የሚችለው። ወይስ የፊደራላዊው መንግስት አወቃቀር ሰባዊ ክቡንና ማንነቱን ስለማያስከብርለት? ገና ያላጣጣማቸው በጅምር ላይ ያሉ ስኪቶችን ከዚህ መንግስት ይጠብቃል እንጂ ምንነቱ ባልታወቀ ስልፍና ግርግር ተደልሎ በመሰረተው ስርአት ላይ ጠብመንጃ ለማዞር የፊስ ቡክ አርበኞችና የአውሮፓና የአሚሪካ የአደባብይ ትምክተኞችና ቁማር የተበሉ ጠባቦች ጩህትን ሊያደምጥ የሚያስችለው አንዳችም ነገር የለም። በገጠርም ሆነ በከተማ የሚገኘው ህዝብ በስርአቱ ላይ ቅሪታ አለው እንዲመለስለት ይፈልጋል፤ መልሱን ግን ማግኘት የሚችለው ከማን እንድሆነ ጠንቅቆ ያውቃል። ላለፈው 25 ዓመት ድርጅት መሆን ተስኗቸው እርስ በራሳቸው ከሚጠላለፉ ድርጅቶችና ስድብን የትግሉ ስልት ካደረገ ዲያስፖራ አይጠብቅም ስልሆነም የውንድሜ ያሪድና የኢሳቱ ጋዚጠኛ ወይም ተከራካሪ የተስማሙበት ያብዮት ዋዜማ የዶሮ ወተት ነው።

 የሽግግር መንግስት ይቋቁም፤ ብሂራዊ እርቅ ይሁን።
መንሻዬ የተቃዋሚ ድርጅቶች ለ 25 አመት ያልተቋረጠ ጥሪ ስለሆነ፤ ጥሪውን ሊያስተጋባ የሚችል እውነታ አለ ወይ? ካልሆነስ መነሻው ምን ይሆን?
በርግጥ ይህን አይነት እርቅ በጥቅሉ የሚያስፈልግበት ሁኒታ እንደሚኖር መስማማት ይቻላል።
 በኛ ተጨባጭ ሁኒታ እንዴት ልናስኪደው ይቻለናል? ብሄራዌ እርቅ ለማደግ በአጠቃላይ ሃገራዊ በሚለው የቋንቋ አግባብ፣ ህዝብ ለህዝብ ተጣልቶ እንዲታረቅ የሚያስችል ሁኒታ ሲኖር የሚፈጠር የመፍትሄ ሃሳብ ነው። ይህ ሁኔታ በኛ ሃገር ሙከራዎች ቢኖሩም ምስጋና ይግባውና ህዝቡ ተዛዝኖና ተከባብሮ የኖረና የሚኖር   ስለሆነ ችግሩ የለብንም።
 ሌላው አንዱ ብሔር በሌላው ብሔር ላይ ወይም አንዱ እምነት በሌላው ላይ….ወዘተ ተነስቶ የተፋጠጠበትና፤ ውርወድ እንውረድ የተባባለ ሳይሆን፤ ለ25 ዓመት በትምክህትኞችና በጠባቦች የታቀዱ ከፋፋይ ዓላማዎችን አክስሞ፤ ዛሪ ከቀደመው በተለየ ተክብሮና አክብሮ መኖሩን እንደመርህ የተቀበል ስለሆነ አያሰጋንም። ይህን ሁኒታ ለመፍጠር የሚመኙና የሚፈልጉ የሉም ማለትም አይቻልም።
የቀረው እርቅ በተቃዋሚ ደርጅቶችና በገዢው ፓርቲ መሆኑ ነው። እነዚህ ተቃዋሚ ስብስቦች በውን እንደ ድርጅት አሉ ወይ? ካሉስ ለ25 ዓምት ምን ሰሩ የትኛውን ህዝብ አደራጁ/? ከገዢው ፓርቲ የተለየ ፕሮግራም አላቸው ወይ? በህብረት መስራት ያልቻሉት በመስመር፣ በፕሮግራም ልዩነት ነው ወይስ ኢህአዲግ ሲሳሳት ለማጉላት፤ መልካም ሲሰራ ለማራከስ፤ ምርጫ ሲቃረብ በየሚዲያው መንግስት እንዲህ ፈጸመ እንዳንሳተፍ እክል ሆነን ብሎ ለማማረር፤ የተሰጣቸውን እድልና ጊዜ እንኳን በአግባቡ መጠቀም የማይችሉ እንደሆኑ ከህዝቡ የተሰወረ አይደለም።
መንግስት በየትኛውም ታሪክና ገጠመኝ ተቃዋሚን እንዲጠናከር የተምቻቸ ሁኔታን መፍጠር አይችልም። ተገፍቶ ተገዶ የሚለቃቸው ነግሮች ይኖራሉ፤ ይህም ብቃት ያለው ተቃዋሚ ሲኖር ነው። ካቶ ያሪድ በተውሶ አባባል የኛዎቹ ተቃዋሚ ተብዬዎች ብቃት ያለው  ሰልፍ መጥራት የማይችሉ ምንምና ለምንም የማይሆኑ ናቸው። ስለሆነም እርቁ በማንና ለምን? እርቁ ከገለሰቦች ጋርና በአቁራጭ ስልጣን ፈላጊውች የሚያራምዱት ስልት ነው። ኢህአዴግም ይህን የስልጣን ተስፍኞች ጥሬ ተቀብሎ ካስተናገደ፤  የህዝብን ትግል ሊያኮላሽ ፈልጎ እንጂ መፍትሂ ፍለጋ ሊሆን እንደማይችል ሊሰመርበት ይገባል/ የጀነራል ጻድቃንና የጀነራል ጆቤም ምከር እዚህ ውስጥ ተካቶ መታየት አለበት። ስለሆነ በሁለት እግር ቁሞ የሚጠየቅ ጥያቂ ስለሆነ እራሳችሁን ፈትሹ። 16 ሁነው በወቅቱ ሁኔታ ለመነጋገር የጀመሩት ጅማሮ እንግዳ ነገር ባይሆንም መልካም ጅማሮ ነው። ይሁንና በምን መሰረት ላይ እንደተሰባሰባችሁ ልታሳውቁን ግድ የሚላችሁ ነው። 
ሁለት ጽንፎች
ጽንፈኝነት ሰዎች   በጥላቻና በንቀት በቁጭት ለራስ የሚሰጥ ግምት ላይ ተመስርቶ፤ ሚዛናዊ ወይም ሎጅክ ሳይታከልበት መኮንንና ማሞግስ ነው።
ላለፉት 25 ዓመታት ይህንን  በማራገባቸን እነደውዛችን ተላምደነው ልንላቀቀው ያልተቻለን ችግር ነው።
ጭፍን ተቃዋሚው መንግስት ምንም ስራ ምንም መቃወም አለበት። መንገድ ቢሰራ ኢኮኖሚው ቢያድግ፤ትምህርትና ጢና ቢስፋፋ፤ ተርግጠውና ተረስተው የነበሩ ህዝቦች አንገታቸውን ማቅናታቸው፤ ይህችን ሃገር በፍቅርና በኩልነት በማይናወጥ አለት ላይ ለማቆም የሚደረገው ጎንበስ ቀና አይታየውም። በውርስ የተላለፈለትን ሃገር፤ ስልጣን፤ ንብረትና፤በሊሎች ውርደትና የበታችነት መከበሩ ዳግም እንዳይመለስ ሁኖ ስለተስናበተ። ክህልሙ ባኖ እውነት ማየት ስላተቻለው ሁሌም የዛሪ 40 ዓመት እንዳስቀመጥነው ነው። በመሆኑም የቀረው ነገር በህዝቦች መሃከል ጥላቻ መንዛት ስለሆነ የሚጠልፋቸው የዋህዎች ስልሚኖሩ ያሳዝናል፤ በቀር ታሪክ ማንገዋለልና የተንጓለለውን ማስወገዷ አይቀሬ ስለሆነ ለጊዜ መተው ነው።   
ጭፍን ደጋፊውም መንግስት ሰው ገደለ፤ አድⶀአዊ ተግበር ፈጽመ፤ በሙስና ተዘፈቀ፣ በመስሎቹ ህዝቦች ላይ ከዚህ በፊት በሱ የተፈጸመበት አይነት በደልና ስቆቃ ቢፈጸምም፤ ያየውን የዳሰሰውን ሳይሆን በመንግስት መገናኛ የሚለቀቁ የተፈበረኩ  ዜናውችን ተቀብሎ ማስተጋባት እንጂ፤ የየሁት የሰማሁት ሌላ ነው፤ ይህ ከየት መጣ ብሎ አይጠይቅም። በመሆኑም ከዚህ ውጪ ያየውን አይተው የሚነግሩትን ይጠላል ከራሱም ጋር የተጣላ ይሆናል።
እንዲት ለዚህ በቃን የቆየ ታሪካዊ ዓመጣጥ ቢኖረውም በተለይ የ97 ምርጫ ውጤት ይበልጥ ያጎላው እንደሆነ ይታየኛል።
የ97 ምርጫ በማንና በማን ተካሂደ? በኢህአዲግና በቅንጅት ለመሆኑ ተለዋጭ የሊለው መልስ ነው። ኢህአዲግ ለ25 አመት ማንና ምን እንደሆነ ስለሚታወቅ፤ ብቅ ብሎ የጠፋውን ቅንጅትን እንመልከት
1。 ቅንጅት ሲመሰረት የይድረስ ይድረስ እንጂ መሰረታዊ የድርጅትን አመሰራረት መርህ ተከትሎ፤ አባል ድርጅቶቹም ሆነ ግንባሩ፣ አመስረታቸው ዋንኛ የችግሮቻቸው መቀፍቀፊያ ይሆናል።
2。 ቅንጅት ከምርጫ በፊት የቆይታ እድሚው 3 ወር ብቻ ነበረ።  በዚያን ወቅት  በነበረው የሃገሬቱ ተጨባጭ ሁኒታ የሃገሪቱን ህዝቦች ለመድረስ የሚያስችል የመገናኛ መንገድና የዜና ማስራጫው ውስን በመሆኑ ገጠሩን የኢትዮጵያ ምድር መድረስ አይቻልም ነበር። በከተማዎችም ቢሆን ጊዜው ማጠሩ ብቻ ሳይሆን፤ የድርጅት ስራ በየሆቲሉ ተቀምጦ የሚስራ ስላልሆነ አደራጆቹም ተደራጆቹም ለምዱም ሆነ ብቃቱ ስላልነበራቸው የተሳካለት ስራ አልሰሩም ነበር።
3。 ኢህአዴግም በወታደራዊ ሃይል አሽንፎ ገባ እንጂ  ፖለቲካዊ ስራ የተሰራበት ህዝባዊ መሰራት አልነበረውም። ሹማንቱና ካድሪዎቹ፤ ሬድዮና ቲሊቭዥኑ በሚያሰሙት ድለላ ተኮፈስ እንጂ እንኳን በከተማ በገጠርም ከትግራይና ከወሎ በቀር ህዝባዊ መሰረቱን እንዳይጥል፤ የደርግ አወዳደቅና የመፈረውካከሱ ፍጥነት፤ያልተጠበቀ ስለነበር ድሉን ተከትሎ ማባረር እንጂ ተረጋግቶ የፖለቲካ ስራ ለመስራት ፋታ የሚሰጥ ሁኔታ አልነበረም።
ቅንጅት ከተማዎችን እዲት አሸነፈ
.በከተማ ነዋሬ የነበረው ህዝብ በጦርነት የተሸነፈው ወታደርና ቤተ ሰቦቹ በአብዛኛው የመሸጉት ከትማ መሆኑ፤ በየመንግስታዊ መዋቅርና መስርያ ቤቶች የሚሰራው ስውና ቤተ ሰብ፤ ኢርትራ ሂደች ብሎ ያኮረፈው፤ ከህወሃት ጋር በቀጥታ ጦርነት ውስጥ ገብትው በሽንፈት ከትግሉ የተገለሉ ቤተሰቦችና የድርጅት ቅሬቶች፤ትግሬ ነገሰ ብሎ የተበሳጨው፤  ኢህአዴግ ክሃገሪቱና ከህዝቡ ደህንነት በመነሳት እርምጃውች ወስዶ  ስለነበር ተነካን ብለው የተቆጡ ሴትኛ አዳሪዎችና ወንጀለኛ ቦዘኔዎች፤ የከተማው ህዝብ ለዘመናት ማስኖ ያልተሳካለትን፤ የኢአዲግ ሰራዊትና አባላት ቀዳዳ ቁምጣ ለብሰው ገብተው በዚህ አጭር ጊዜ ውስጥ ባለ ህንጻና ባለመኪና ሆነው በማየቱ ቅሪታ የተሰማው  ……….ወዘተ እነዚህ ዋናዎቹ ሁነው ሊሎችም ታክለውበት ኢሃዲግ ጊዜ አግኝቶ ያለሰራበት በጥላቻ አድፍጦ የሚጠባበቅ የማህበረ ሰብ ክፍል ነበር። ስለሆነም ኢሃዲግ ያላለመው ሽንፈት ውጢት ሆነ። በመሆኑም መደናገጡን ሊደብቅ አልተቻለውም አራስ ነብር ሆነ። ለጊዜ አስከፊ ቢሆንም ውለን አድረን ስናየው አራስ ነብርነቱን ወደንለታል። ለቅንጅት አስረክቦን ቢሆን ምን መሆን እንችል እንደነበር ለመገመት ያየነውን እውነት መቀበል ብቻ ነው።
 ሎቶሬ የወጣላቸው አሽንፊዎችም ስግብግብነተቸውን መቆጣጠር ተስኗቸው ሁሉንም ተመኙ። ምኞታቸውንም ተግባራዊ ለማድረግ አመጽ መጥራትን ምርጫቸው አደረጉ በቁማራቸው የበርካታ ወጣቶችን ህይውት ለማስነጠቅ ምክንያት ሆኑ።
ምን ያህል ራስ ውዳድና የስልጣን ጥመኞች እንደነበሩ በወጣቶቹ ህይውት ላይ መቆመራቸው አሳዝኗቸው ሳይሆን የራስቸው ፍላጎት ነግሶባቸው ዶ/ር ብርሃኑ ነጋና አቶ ለደቱ አያሌው ሌደብቁት ያልቻሉት እውነት ሆነ። በአሸዋ ላይ በመገንባታቸው ተናዱ፤ በግልና በቡድንም ባላንጣ ሆኑ አለቀ።
  የ97ቱ ምርጫ በአግባቡ ተፈትሾ መልስ ሊሰጠው ባለመቻሉ እየተንከባለለ መጥቶ ተቃውሚችም ሌላ መስራት ሳይቻላቸው ችንፈታቸውን ባዶነታቸውን መሸፈኛ ሲያደርጉት፤ ኢሃዲግም ስለደነበረ የሆነ ኮሽታ ሲሰማ ነፍጡን ማንሳቱን ተዘውታሪ ድርጊቱ አድርጓል።
 የ97 ምርጫ ጎራ ተለይቶ የተወጋገዝንበት አንዳችን የሌላችን ህመም ሳይሰማን እየደነቆርን ያደማንበት ስለነበር በሰከነ ሁኒታ ማየት ባለማቻላችን ስር ሰዶ እዚህ አድርሶናል።
 ብሄራውና ህዝባዌ ጥላቻንም እየጨፈጨፈ ያለበት ሁኒታ ስለሆነ ከዚያ ለመውጣት መንግስት በዚህ ዙርያ በርካታ ስራ ይጠበቅበታል።
ማንም አጠፋ ማንም ወደታሪክ መዘክር መመለስ አለበት። ኢትዮጵያ በታሪኳ እንድዚህ አይንት ችግሮችን ለማስተናገድ እንግዳ አይደለችም። ትዮድሮስ፤ ምንይልክ፤ ዮኅንስ፤ ቀ.ኃ.ስ በንግስናቸው ዘመን የሚቻላቸውን በደል በህዝቦች ላይ ፈጽመዋል፤ ደርግም እንዲሁ፤ ይሁን እንጂ ሃገርና ህዝብ ነዋሪና ቀዋሚ በመሆናቸው፤ ያለፈው እንዳይደገም መጭውን ተስፋ በመሰነቅ፤ ሃገሪው እንደ ሃገር ሊያስቀጥለን ችሏል። አሁንም ጉዳዩን ወደ ህዝብ ቀርቦም ሆነ በሆነ መግባባት ሊዘጋ ይገባዋል።
አለም አቅፋዊ ድርጅቶችና የብዙሃን መገናኛዎች በኢትዮጵያ ጉዳይ
ኢትዮጵያ ውሰጥ የተፈጠረውን ወቅታዊ ሁኔታ አስመልክቶ፣ የተለያዩ መገናኛ ብዙሃንና ዓለም አቀፋዊ ስያሜ የተሰጣቸው የሰባዊ መብት ጉዳይ ድርጅቶችና የመንግስታቱ ድርጅትም የተለያየ አስተያየት ሲሰጡና ያገባናልም ሲሉ እየተደመጡ ነው።
ችግር ሲፈጠር ገላጋይና ሽምጋይ ማስፈለጉ ያለና የነበር ስለሆነ፣ አስፈላጊም ነው። ገላጋይ ብትር አቀባይ የሚሆንበትም ገጠመኝ ስለሚኖርም ማጅራታችንን ተመተን ጸጥ እንዳያሰኙን ሰጋን። ታሪካቸው ደግሞ እንድንፈራቸው አደረገን እንጂ መቺ ሰላምና መረጋጋት ጠልተን?።
ያገባናል ባይ ድርጅቶች እነማናቸው ምንስ ይመስላሉ?
1. UN /ተመድ/ የመንግስታቱ ድርጅት፦ በታሪኩ   ድሃ ሀገራት እርስ በርሳቸውም ሆነ ወይም በየሃገራቱ  በህዝቦች መሃክል አለመግባብት ተፈጥሮ  እልቂት ሲሆን፤ ከሃያላኑ ይሁንታን ካላገኘ ጣልቃ ገብቶ ህዝቦችን የታደገበት ሁኔታ ቢኖር ከሚጠበቅበት በጣም እጅግ የወረደና ዝቅ ያለ ነው ወይም የለም። 
ሃያላኑ ከግላቸው ጥቅምና ፍላጎት ተነስተው በአቅመ ደካማ ሃገራት ጣልቃ ገበተው የዘመናዊ መሳርያቸው መፈተሻ ሲደርጓቸው፤ ይሁንታ ሰጥቶ ለወረራቸውና ለበደላቸው ከለላ ሆነ እንጂ፤ የሰዎች መብት በመጣሱ፤ የሃገራት ልዑላዊነት በመደፈሩ ያሰማው ድምጽና ተቃውሞ የለም።
 ስለሆነም ድርጅቱ ጥርስም ድድም የሚኖረው በደካሞች ላይ እንጂ ሃያላኑን አስመልክቶ የሚያንከባልሉት ቅል ነው።
   በመሃከለኛው ምስራቅ ሀገራት ለረዥም ጊዜ የተካሄደው ጦርነትና አለመረጋጋት  ዋንኛ ምክንያቱ ፓሌስትናውያን ሃገራቸውን ተቀምተው ሃገር አልባ መሆናቸው  ብቸኛ ምክንያት ነው።
 በዚህም ሳብያ ህዝቦች ተሰደው የመከራ ህይወት እንደሚገፉና ስደተኞችን ያስጠጉ ሃገራትና አካባቤው በቦምብ እየታረሱ መሆናቸውን የመንግስታቱ ማህበር ፊቱን ያዞረበት እውነውት ነው።
 ሰሞኑን የአሚሪካ መንግስት ለነዚህ ህዝቦች መጨፍጭፍያ ቀድሞ ከመደበው ባጀት ተጨማሪ ማከሉንም UN መርጃው አለው። ምነው አበዛችሁት？  ለምን？ አይልም እንዲልም መጠበቅ የለብንም።
ድሃ መንግስታት በጦር ወንጀልና በስባዊ መብት ጥሰት እየታስሩ ክስ ሲመሰረትባቸው፤ ባህር ተሻግረው በሺዎች ኪሎ ሚትር ተጉዘው የሰው ዘር የሚያጠፉትን ከላላ ሆናቸው እንጂ ለምን ብሎ አልጠየቃቸውም።
በኢራቅ ህዝብና ሃገር የተፈጸመው የአንድ እምነት ተከታይ ህዝብና የዘር ማጥፋት ወንጀል እንደሆነም አልተነገረም።
 በመሆኑም የመንግስታቱ ድርጅት በአንድ ሃገር ጉዳይ ይመለከተኛል ስላለና ስለጠየቀ ብቻ፤ እንዲገባ ከመፈቀድ በፊት ሃገራቱ ማጣርያና መመዘኛ ሊያስቀምጡ ይገባል። 
2. Human right watch(HRW) የሰዎች መብት ተሟጋች ድርጅት፡ ይህ ድርጅት በ1978 ኒዮርክ ከተማ ሲመሰረት መጠርያ ስሙ Helsinki watch ሲሆን አላማና ግቡ ሰብአዊ መብት ሳይሆን በሶቭየት ህብርት መንግስት ላይ ያነጣጠረ ነበር።
ብዙም ሳይቆይ Helsinki Accord በመባል የምስራቅ አውሮፓ ሃገራትንና ሶቭየት ህብረትን፤   ሰባዊ መበት በመጣሳቸው ማጋለጥና ተጠያቂ ማድረግ መሪ ዓላማው አደረገ（የተመሰረተበት ሃገር አሜሪካ የአለም አቀፍ የስባዊ መበት ድርጅት አባል አለመሆኗ እንደተጠበቀ ሁኖ） በራሱ ዓመታዊ ዘገባ ሳይቅር፤ በ1980ዎቹ ሃገራት ዲሞክራቲክ እንዲሆኑ አንዳደረገም ይተርካል። እነዚህ ዘገባዎቹ ፖለትካዊ ተለኮ እንጂ ከሰባዊ መብት ጋር አንዳችም ግንኙነት የላቸውም።
በ1981 America watch ሁኖ በደቡብ አሜርካ በተፈጠሩ አማጽያንን ለማጥፋት ከየሃገሩ መንግስታቱ ጋር በማበር መሳርያ በማቀበልና የስለላ ስራ ሲሰራ ለመቆያቱ የታሪኩ ማህደራት ዋቢ ናቸው።
 በ1985 Asia watch በ1989 Meddle East watch በመሆን ሲያተራምስ ቆይቶ፤ በዚሁ ዓመት መጨረሻ HRW ሆነ። ብዙ የሚነገርለት የሰዎች መብት ጠባቂው ድርጅት ይህን ሲመስል፤ ዛሬ እየፈርሱ ባሉ ቀደም ሲል በፈረሱ ወደፊትም ሊያፈርሱ ባቀዱላቸው  ሃገራት እርዥም እጁ የሌለበት የለም።
 ይህ ድርጅት ለረዥም ጊዜ በኢትዮጵያ ገዳይ ላይ እየዘገበ ይገኛል። በ2009  በኢትዮጵያ ጉዳይ ባለ በርካታ ገጽ ዘገባ በVOA እንዲነበብለት ያደርጋል። የዘገባው መሃከላዊ ነጥብ ሀገሪቱን በዘር ማተራመስ ነው።
 ” ኢትዮጵያ ውስጥ አንድ አነስተኛ ብሔር ሃገሪቱን እያጠፋት ነው” ይላል የእለተ አርብ የVOA ንባብ። ስለሆነም ይህም የአፍሪቃ ቀንድ ዎች(horn african wach) መሆኑ ነው::
 የሪድዮ ጣብያውም ቪኦኤን ማለቴ ነው፣ ሃገሪቱን በነውጥ ለመናጥ ከሚሰሩ ተቋማት ዋንኛና ግንባር ቀደም ነው። በመርጃ ውንጀላዬን ላጠናክር፣ 2012 ላይ ዋልድባ አካባቢ የስኳር ልማት ጀማሮን አሰመልክቶ በየፈርንጁ ሃገር የሚገኙ ዲያስፖራዎች አቧራ ለማስነሳት በሞከሩበት ወቅት፤ voa ታሪክ ሰርቶ፣ ጦርነት ፈጥሮ፤ ከበየዳ፣ ከሃሙሲት፣ ከወገራ፣ ካርማጭሆ。。。。。ወዘተ ህዝቡ ታጥቆ ለጦርነት ዋልድባ ወረደ ብሎ ሲዘግብ ነበር። አቅራቢውም አዲሱ አበበ ነው። ዘንድሮም የተፈጠረውን አለመረጋጋት የዘር ፍጅት ይሆን ዘንድ በመሻት፣ ከላይ በተጠቀሰው ዋልድባ አካባቢ ደን እየተመነጠረ ከስሎ ወደትግራይ እየተጫነ ነው በማለት ሃዲሱ ሲዘግብ፣ ምንጩም በ2012 የተጠቀመባቸው መነኩሴ እንደሆኑ ይናገራል።እጅግ ብዙ መራጃዎች ማቅረብ ይቻላል። ሬድዮ ጣቢያው በደርግ ዘመን ያገኘውን ተደማጭነት እንዴትና ለምን አላማ እየተጠቀመበት መሆኑን ማሳያ ነው።    
 ባለፈው ሰሞን የአሚሪካው ፕሪዘደንት ለመንግስታቱ ድርጅት ባሰሙት የመጨረሻ ኑዛዜ፣ ሃገሪ ለሰዎች መብት መከበር ትቆማለች ይሁን እንጂ ሰራተኛው በማህበር እንዲደራጅ አትፈቅድም የሚል ተቃርኖ ያለበትን ንግግራቸውን አደመጥን። ሰዎች ባሻችው መደራጀት ሰባዊ መብት አይደለም ማለት ይሆን？
 ለማኝኛውም  እነሱ ገነዘቡ ስላላቸው የሚነሱ ህዝባዊ ጥያቂዎች ደጉመው ያስታግሷቸዋል። እኛ 99% ነን (we are the 99%)የተሰኘውን  ሃገሪቱን ከአንዱ ዳር ወደሌላው ዳር ያዳረሰውን እንቅስቃሲ እንዲት ባሰቃቂ መልኩ እንዳኮላሹት የቅርብ ትውስታችን ነው።
 የኋላ ቀር ሃገራት ህዝባዊ ጥያቄን ለመፍታት ለማስታገስ ገንዘቡ ስለማይኖራቸው ሃልና አመጽ መጠቀም ይገደዳሉ እንጂ በባህሪ ሁሉም አንድ ናቸው።
 ለዚህም ነው የሰባዊ መብት ተቆርቋሪ ነው የሚባለው ድርጅት አይኑ ውስጥ የተማገርውን ግንድ ሳያስወግድ እሩቅ ሃገር ያሉ ችግሮችን ማየት አይችልም ተልኮውም አመሰራራቱና ስሙ አይገልጹትም የሚባለው።  
3。Amnesty international  ድርጅቱ በ1961 ሲመሰረት መነሻ ምክንያቱና አላማውም ነጻና ሰባዊ ነበር። በመሆኑም ብዙ ተከታይ ማፍራት ሲችል በአሆኑ ጊዜ አባላቱ 7ሚሊዮን እንደሆኑ ይገመታል።
የተባበሩት መንግስታት በወረቀት ላይ ያሰፈረውን UDHR አንቀጽ 19ና 18ን መሰረት ያደረገ ስራዎች መስራት እንደጀመረ፤ በተመሰረተ 5 ዓመት ባልሞላው ጊዜ  በ1967 CIA （central intellgent agency） ሰርጎ ገብነት ተተበተበ።
 ይህም በመሆኑ ድርጅቱ እንዲመሰርት ምክንያት የሆነውና መስራቹ፣ የድርጅቱ መሪ ፒተር ቢንሶን（Peter Benson) ከድርጅቱ እንዲሰናበት ተደረገ። ከዚያ በኋላም ድርጅቱን ከስለላ መረቡ ስለጸዳበትና ነጻ እንደሆነ የሚያሳይ ሰነድ የለም
1978ና በ1977 ኖቤል ፕራይስና የተመድ (UN) ፕራይስ አግኝቷል፤ ለአባላቱ መበራከትም ምክንያት ነው። አሁንም ነጻ ነው ተብሎ አይነገርም።
በ1990ዎቹ በተለያየ ሃገራት መንግስታት ላይ አቋም ወስዶ ስያወግዝና ሲኮንን፤ በየሃገራቱ የውስጥ ጉዳይ  ጣልቃ  በመግባት ቁጥር ስፍር ለሌላቸው ህዝቦች መጨፍጨፍ ዋንኛ ምክንያይት የሆኑትን መንግስታት አልወቅሰም አልኮነነም። ይባስ ብሎም የጉልበተኞቹን ጣልቃ ገብነት አስፈላጊነት ሰበከ።  በደረሰው ጥፋትም ተጸጽቶ መግላጫም አልሰጠም። አምነስቴ ኤንተርናሽናል ማለት እንዲህ ነው። （አንጎላ Angola ፤ኢስት ቲሞር east timore ፤የፐርሽያ ሰላጤ persian golf፣ርዋንዳ Ruwanda ፣የቀድሞዋ ዩጎዝላቪያ former yugozlavia የሚጠቀሱ አብነቶች ናቸው።
2011 አሚሪካ በአልቃይዳ በደረስባት ጥቃት ሳቢያ ሃገራትን ስትወር፣ ሰዎች በእምነታቸው ሳቢያ ስታስር ስትገድል፤ እንደ አቡግሬብ እስር ቤት አይነት ሰቆቃ ሲፈጸም፣ ጓንታናሞ ያለፍርድ የታጎሮ እቆምላቸዋልሁ ስለሚላቸው እስረኞች፤አንድም ነገር ማለት አለመቻሉ የምንነቱ መገለጫ ሲሆን።
 ሁሌም የሚያስግርማችሁ ጉዳይ፣ ድርጅቱ  ለስዊዝ ባለስልጣናት ይህን ሰውዬ እሰሩት ብሎ ከተለመደው አሰራራ ውጭ ሂዶ ሹክ ማለቱ ነው። ሰውየውም ፕሪዝዳን ቡሽ ነው።
 ሌላ የድሃ ሃገር መሪዎች ጉዳያቸው ሂግ ፍርድ ቤት ቀርቦ ሰው ሰምቶት ጸሀይ ሞቆት እንደሆነና መቺም ተሳዳጅ እንደሆኑ ማስተዋሉ ለድርጅቱ ውስልትና ማሳያ ነው።
2014 ማይክል ብራውን የሚባል የ18 ዓመት ወጣት ሚዙሪ/ፈርግርሰን በፖሊሰ ግድያ ይፈጸምበታል፤ ግድያው ህዝባዊ መነሳስት ቀስቅሶ የመንግስትን አትኮሮት የሳባ ቀውጢ ይሆናል።
አምነስቴ ኢንተር ናሽናል በታሪኩ ለመጀመርያ ጊዜ ወደ አሚሪካ 13 አባላት ያሉት ቡድኖቹን ያስገባል የወሰደው እርምጃ የፖሊስ ባለ ስልጣናትን ለማናገር ፈቃድ መጠየቅና፤ አማጽያኑን ወይም ስልፈኞቹን አመጽ አልባ ሰልፍ እንዲት እንደሚደረግ ላሰልጥን አለ እንጂ፤ ሰባዊ መብት መረገጡን የፖሊሶቹ በጥቁሮች ላይ የሚፈጽሙትን ግድያ አላወገዘም ።
እናም ይህ ድርጅት ነው እዚህ ሃገር እዚያኛው ደሃ ሃገር እንድንገባ መንግስታቱ ይፍቅዱልኝ የሚለን ምን ሊያደርግ？
ያለንበት ዘመን ሚድያው መንግስት ይሽራል መንግስት ይሾማል፤ ጦርትንርትም ፈጥሮ ያዋጋል፤ የህዝቦችንም አንድነትና የሃገራትን ህልውና አደጋ ላይ ይጥላል።
ባለፈው በአረቡ አብዮት ወቅት፤ በተለይ ፊስቡክ የግብጹን የታህሪር አደባባይ አብዮት እናደቀጣጠለውና እንደመራው ይታወቃል። እንቅስቃሲው ብሔራዊና ሃገርዌ ያለመሆኑን ፍጻሚው ያሳየናል። ሁሴን ሙባረክ ማርጀታቸው የእስልምና ወንድማማቾች ድርጅት እየተጠናከረ መምጣት ምእራባውያኑን እንቅልፍ አይነሳቸውም አይባልምና የፊስቡክ አብዮቱን ከኋላ ሆነው በል አላሉትም ማለት አይቻልም። በገንዘብና በተጸኖ የራሳቸውን ሰዎች ለማስመረጥ ሙከራ አደረጉ፤ ሳይሳካላቸው ቀርቶ የእስልምና ወንድማማቾች አሸነፈ።
 ለዘመናት እራሳቸው ያሰለጠኑትና ባጀት መድበው የሚያስተዳድሩትን ወታደር መፈንቅለ መንግስት አድርጎ በህዝብ የተመረጠን መንግስት አፍርሰው ፕሬዘዳንቱን አሰሩ። የግብጹ አብዮት እንዲህ ሲሆን የፊስ ቡክ ታዳሚ የነበረው ወጣት፤ዛሬ  ወይኔ ሃገሬን እየለ  ጸጉሩን እየነጨ አንገቱን ደፍቶ ያለቅሳል።
ይህን ሁኒታ ከኛ ሃገር ገጠመኝ የሚለየው ግብጾች ለውድድር የሚቀርብ ብቃት ያለው ድርጅት ኑሮአቸው እንኳን በዚህ ሁኔታ ሲጠናቀቅ የኛን የባሰ እንደሆነ መላልሰን ልናየው ይገባል።  
ስጋቲን በዚህ ተጨባጭ ምሳሌ ልቋጭ ሊቢያ በሙሃመር ጋዳፊ ዘመን ለምእራባውያን አስቸግራ እንደነበሩ ይታወቃል። በፍጹም ሊንበረከኩ ያልቻሉ መሪ ነበሩ፤  በሳቸው ዘመን ህዝቡ በኑሮው እጅግ የተመቸው ነበረ። ጣልቃ መግባት ያልቻሉ ምእራባውያን ሊያጠፉቸው ተነሱ፤ እሳቸውም አልበግሬ ሁነው የአፍሪካ ድርጅት ባለተራ ፕሬዘዳንት   ሁነው፤ እኛ አፍሪካውያን የራሳችን መገበያያ ገንዘብ ይኑረን ለዚህም ያከማቸሁት ወርቅ በነጻ ላቅርብ አሉ፤ የአሜሪካን ዶላር ውረቅት እናድርገውም አሉ።  ይህ ጉዳይ ዛሬ የምታዩትን የሊቢያን ሁኔታ ፈጠር። በዚህ ሁኔታ ወስጥ ሁሉም ከላይ የተጠቀሱ፣ ሰመ የህዝባዊ መብት ደርጅቶች ቀጥተኛ ተሳትፎ አላቸው።
ኢትዮጵያም  ባልፈው 25 ዓመት የተከተለቸው የኢኮኖሚክ ፖሊሲን ምእራባውያኑ አልተዋጠላቸውም፤ በመሆኑም ያልምከሩት ሙከራ አልነበረም።
 ሃገሪቱ በእድገትና በመለወጥ ሂደት ላይ በመሆኗ፣ የአፍሪካ ሃገራት እንድሞዴል እየተመልከቷት ነው። እና ይህ ሄደት ለምእራባውያኑ እንቅልፍ የሚነሳ በአፍሪካ መሰረት የሚያሳጣ ይሁንም አይሁንም አያሰጋቸውም ማለት ስላይደለ፤ ብንሰጋ ፍርሃት ሳይሆን ላየነው ለሰማነው ምስክርነት ስልሆነ ሃገርችን እንደፈልጉ የሚገቡባት የሚወጡባት እንዳትሆን መንግስት አለመፍቀዱ አግባብ ነው።
 መንግስትም የራሴ አጣሪዎች አሉኝ የሚለውን ታማኝነት የሊለውን ድርጅቱን ለራሱ አድርጎ፤  ሃገር በቀልና በህዝቡ የተውከል ነጻ አጣሪ ኮሚቲ ማቁቋም ግንባር ቀደም ተጋብሩ ይሆን ዘንድ መግፋትና ማስፈጸም ይኖርብናል። 
በሃገርችን እየተካሂዱ ያሉት ህዝባዊ መነሳሳቶች የሚመሩበት ወጥ ዓላምና የሚመራቸው ድርጅት ባለመኖሩ ቀጣይነታቸው አጠያያቂ ነው።
 እራሳቸውን ድርጅት ብለው የሚጠሩና በየብዙሃን መገናኛው በለው አለቀለት ያሉ ከፈርንጅ ሃገር ሆነው እንቅልፍ ያጡት፤ ትርጎም አልባ በሔራዊ እርቅ የሚሉን ምኞታቸው አንድ ነው ባቁራጭ ስልጣን። ይህ ካልሆነም በመሳርያነት አያገለግሉም ማለት አይቻልም።
የኢትዮጵያ መንግስት ህዝባዊ ጥያቄውችን መመልስ ማለት ቃል እየገቡ ችግሮች እንዲባባሱና ችግሮች ሲባባሱ፣ የሚከሰቱ ህዝባዊ ቁጣዎችን በሃይል ማፈኑ የትም እንደማያደርስ ተገንዝቦ ከህዝቡ ጋር መስራት የመጨራሻ ምርጫው መሆኑን መገንዘብ ይገባዋል።
እንደ ሃገር ለመቀጠል ያለን አንድና ብቸኛ ምርጫ ይህ ብቻ ነው። በቀር ባቋራጭ ለስልጣን ሲባል የሚቀርቡ መፍትሄ መሳል የሽግግር መንግስት፣ ባላደራ መንግስት。。。。。ወዘተ አደገኞች ናቸው። 
ኢትዮጵያ በልጆቿ እኩልነትና አንድነት ለዘላለም ትኑር！！！！！！！！

የማለዳ ወግ … የጀግናው አብራሪ ጀኔራል የመጨረሻ ሽኝት :(
=========================================
* የጀግናው ስም ህያው ነው …
* ጀኔራል ለገሰ ተፈራ አልፋና ኦሜጋ በክብር ይዘከራሉ !

የኢሬቻው እልቂት ሀዘን ከብዙዎች አንጀት አልወጣ ብሏል ፣ እልቂት ፍጅቱን በመቃወም በመላ አለም የሚገኙ ኢትዮጵያውያን ከፍ ያለ ትዕ ይንተ ህዝብ በማድረግ ላይ ናቸው ። የኢሬቻውን እልቂት ፍጅት የፖለቲ ካውን ምህዳር አክርሮት ፣ የፖለቲካው ትኩሳቱ ግለት ሀገራችን እንዳይ ፈጃት በሀዘን ላይ ሆነን በጸሎት ምህላ ፈጣሪን እየለመንን ባለበት ወቅት ላይ አንድ የደብረ ዘይት አቢሸፍቱ አየር ኃይል ያሳደቻቸው ጉም ቱ የሀገር አድባር ጀግናው ብርጋዴር ጀኔራል ለገሰ ተረፈ በስደት ባሉበት በሃገረ አሜሪካ በጠና መታመማቸውን ሰማን … ብዙም ሳይቆይ መስ ከረም 25 ቀን 2009 ዓም በጠና ታነው በህክምና ሲረዱ የሰነበቱት ብርጋዴር ጀኔራል ለገሰ ተፈራ በተወለዱ በ84 ዓመታቸው በክብር ህይዎታቸው የማለፉን መርዶ ከዋሽንግተን ዲሲ ተሰምቷል ፣ ልባችን በሃዘን ተሰብሯል :(

በእሳት ተፈትነው ፣ ህይወታቸውን ለሀገራቸው ክብር የሰጡት ጀግና የብርጋዴር ጀኔራል ለገሰ ተፈራ መረዶ በእርግጥም በሀዘን ላይ ላለን ሀገር ወዳድ ኢትዮጵያንንከመርዶም የከበደ መርዶ ሆነ ፣ የገዘፈ የተጋድሎ ታሪካቸው በመላ ሀገሪቱ ሲነገር በቅርብ የማያውቃቸውና በዝና የሚያውቃቸው ሁሉም የሀገሬ ሰው በነቂስ አዝኗል :(

የፍቅርና የፖለቲካ መጻሕትን ከማንበብ ይልቅ ጥናታዊ ዘገባዎችን ፣ ግለ ታሪኮችን ማንበብ ፣ በቅርቤ ካሉት አረብ አባቶች የቀደመውን የአረቦችና የኢትዮጵያ ታሪክ ማድመጥ የሚቀናው ነፍሴ ፣ የብርጋዴር ጀኔራል ለገሰን ተፈራ የጀግንነት አኩሪ ጀብዱ ከባለሙያዎችና ከታሪክ ዘካሪ መዛግብትና መጣጥፎች ፣ ብሎም ከአይን እማኞች ብዙም ሰምቻለሁ … ዛሬ ህልፈተ ህይዎታቸውን ተከትሎ በክብር የማዘክራ ቸውን ጀግናዬን መረጃ ያሰባሰብኩት ከሰማሁ ፣ ካየሁና ካነበብኳቸው ዝክረ ታሪኮች በመነሳት ይሆናል !

የጀግናውን ባለ ንስር አይን የጦር ጀት አብራሪ የጀኔራል ለገሰ ተፈረ አስደናቂ ታሪካቸውን መረጃ ከሰጡኝ መካከል የቀድሞው የኢትዮጵያ አየር ኃይል ባልደረባ የነበሩና አሁን ላይ ሳውዲ የከተሙ ወዳጆች ብዙ ያካፈሉኝ ትዝታ አይዘነጋኝም ። ስለ አየር ኃይል በረራው ድንቅ ውስጠ ታሪክ ሲነሳ ደጋግመው በስሜት ሲያጫውቱኝ ከማልሰለቻቸው ታሪኮች ውስጥ አንዱ የጀኔራሉን የጦርነት የጀግንነት ውሎ ነው ። የጀግኖችን ገድል የደርግ ጦር በፈረሰ ማግስት ወደ ሳውዲ ተሰደው ከመጡት የምድር ጦርና የአየር ኃይል ከዝቅተኛ እሰከ ከፍተኛ መኮንኖችን የማግ ኘት እድል አጋጥሞኝ ” እህ !” ብዬ አዳምጫለሁ ፣ ከበረራው ውስብስ ብነትና ከባድ ኃላፊነትና ዲሲፕሊን ጋር በዝና ስመቸ አደንቃቸ ው ከነበ ሩት ከፍተኛ መኮንኖች መካከል ከቅድመ መፈንቅለ መንግስትና በግን ቦት 8 ቀን 1981 ዓም መፈንቅለ መንግስት ያለቁትን ጨምሮ የብዙዎቹ ታሪክ ተሰ ምቶ አይጠገብም ፣ ከሰማሁት ሁሉ ታሪክ በእሳት የተፈተ ኑት ፣ በሶማሊያው እብሪተኛ መሪ የፕሬዚደንት ዚያድባሬ ጦር እጅ የወደቁትና በኋላም በምርኮኛ ምልልስ ሀገራቸው ቀይ ምንጣፍ አን ጥፋ ፣ ጉንጉን አበባ ስለ ክብራቸው አጥልቃ የተቀበለቻቸው የላቀ ጀብዱ ባለቤት ሽኝት በእርግጥን ቢያሳዝነንም የጀግናችን መለየት ተጎድተን በኩራትና በክብር እያዘከርን እንሸኛቸዋለን !

ባለ ንስር አይኑ ብርጋዴር ጀኔራል ለገሰን ተሰማ ማን ነበሩ ?
=====================================

ጀኔራል ለገሰ ተፈራ አባት አቶ ተፈራ ወልደ ስላሴና ከእናታቸው ከወ/ሮ ተናኛ ተክለ ወልድ ይባላሉ ፣ ጀኔራል ለገሰ ተፈራ ውልደታቸው አዲስ አበባ ከተማ ልዩ ስሙ ሾላ ተብሎ በሚጠራው ቦታ እንደሆነ ዝክረ ታሪካቸው ያስረዳል ። ህፃን ለገሰ እድሜያቸው ለትምህርት ሲደርስ በተለመደው የባህል የቄስ ትምህርትን የተማሩ ሲሆን ከዚህ ም በኋላ ቤተሰቦቻቸው ጋር ቅርበት ባላቸው ወዳጅ በነበሩት ጀኔራል አቢይ እርዳታ ኮተቤ ደጃዝማች ወንድ ይራድ ትምህርት ቤት በማስገባት ባለ ብሩህ አዕምሮውን ለገሰን ከልጆቻቸው ሳይለዩ ፍፁም በሆነ ፍቅር እንዳሳደጓቸው ይነገራል። ሐረር አካዳሚ እና አየር ሃይልም ውስጥ ለለገሰ እንዲገቡ የተመረጠላቸው በግርማዊ ጃንሆይ አማች በጀኔራል አቢይ አበበ አማካኝነት ሲሆን ወቅቱም በ1956 ዓም እንደ ነበር ዝክረ ታሪካቸው ያስረዳል !

ለገሰ የተቀላቀሉት የሐረር አካዳሚ በልዩ ባለሙያዎች የተዋቀረና የተደራጀ ብቸኛ የላቀ ወታደራዊ መቅሰሚያ ማዕከል መሆኑ ይነገራል ። ማዕከሉ እንደ እንግሊዙ ” ሳንድኽረስት ሮያል አካዳሚና” እንደ አሜሪ ካኑ ስመጥር “ዌስት ፖይንት ” ወታደራዊ አካዳሚ የጠለቀ የውጊያ ስልት፣ የአመራር እና የአስተዳደር ችሎታ፣ የአካል ብቃት በኮሌጅ ደረጃ የሚሰጡ የቀለም ትምህርቶችን፣ የወታደራዊ ሳይንስ ስነ ምግባር በማስተማር ልዩና አይነተኛ የሆኑ መኮንኖችን ከአካዳሚው ይፈጠሩ እንደነበርም ከተጻፉ ድርሳናትና በስልጠናው ካለፉ መኮንኖች በሰፊው ይጠቀሳል ። ለገሰ በሐረር አካዳሚ ስልጠና ላይ በወቅቱ የመከላከያ ሚኒስትር አየር ሃይል ለበረራ የሚቀበላቸው እጩ መኮንኖች በቂ የሆነ የወታደራዊ ስልጠና ያገኙ መሆን አለባቸው የሚል መመሪያ አወጣ ። ይህን መመሪያ ተከትሎ የአየር ሃይል ትምህርት ክፍል ሐረር የጦር አካዳሚ እየሄደ ሲመለምል የያኔው ተራ መኮንን ብ/ጀኔራል ለገሰ ተፈራ የኢትዮጵያ አየር ሃይል የሚፈልገውን መስፈርት አሟልተው ከተመረጡት መኮነንኖች መካከል አንዱ ሆኑ ። የአየር ሃይል የበረራ ት/ቤት ተቀላ ቅለው በቀጣይ አመታትም የበረራ ትምህርታቸውን ጨርሰው ክንፋቸ ውን አገኙ ፣ ለገሰም ጀት አብራሪ እና የበረራ አስተማሪ ሆነው ተመረቁ !

ጀኔራል ለገሰ ተፈራ በሀገር ውስጥ ካገኙት የበረራ ትምህርት በተ ጨማሪ ህይዎታቸው መጨረሻ ወዳረፈችበት ሀገረ አሜሪካ ተጉዘው ከፍ ያለ ወታደራዊና የበረራ ትምህርት ቀስመዋል። በተለይም በአሪዞና የአየር ሃይል ማሰልጠኛ ተቋም ከበረራ ጋር የተያያዘ መሳሪያ አጠቃቀ ምን አጥንተዋል ። በወታደራዊ ትምህርት የላቁት ለገሰ ራሳቸውን ጠብቀው የሚመገቡ በመሆናቸው ሽንቅጥ ያሉ ደልዳላ አብራሪ እንደ ነበሩ ይነገራል ። ጀኔራል ለገሰንና የየሚያውቋቸው ትከሻው እና ደረቱ ሰፊ የአየር ኃይል ደልዳላው መኮንን እያሉ ይጠሯቸው ነበር ። ለገሰ ራሳቸውን ከመጠበቅ ባከፈ በትምህርታቸው ምጡቅ ከሚባሉት ምስጉ ን ተማሪዎች መካከል አንዱ እንደነበሩ የሚያውቋቸው ይመሰክራሉ ! ለገሰ በወታደራዊ የላቀ ትምህርት ብቻ ሳይሆን በሙዚቃ ፣ በስፓርት እና በሌሎችም እንቅስቃሴዎች ተሰጥዎ የተካኑ ነበሩ ።

የ ጀኔራል ለገሰ ዘመን ተሻጋሪ ገድል …
========================

ከግርማዊ ቀዳማዊ ኃይለ ሥላሴ የግዛት ዘመን ጀምሮ እስከ ደርግ አገዛዝ በኢትዮጵያ አየር ኃይል ውስጥ ጉልህ እንቅስቃሴን በማደረግ በቀዳሚነት ከሚጠሩት ጀግኖች መካከል ብርጋዴር ጀኔራል ለገሰ ተፈራ በፈጸሙት ገድል ከቀሩት ለየት ያደርጋቸዋል ። ከፈጸሟቸው አን ጸባራቂ ገድሎች መካከል በብዙዎች ህሊና የማይጠፋው በፕሬዚደ ንት መሐመድ ዚያድባሬ የምትገዛው ሶማሊያ ኢትዮጵያ የወረረችበት ወቅት ነበር ። ጃንሆይን አሽቀንጥሮ የጣለውን አብዮት ገና የለጋ እድሜ እያለ ሀገር በኮሎኔል መንግስቱ ኃይለማርያምና ወታደራዊ አስተዳደር ደርግ በወደቀች በኋላ ብዙም ሳይቆይ ከውስጥና ከውጭ ችግሮች ፈጠው መጡ ፣ በተለይም በሰሜን የመገንጠል ጥያቄ የሚያቀነቅኑት የለኮ ሱት ጦርነት ፣ በመካከልና በቀረው የሀገራችን ክፍል ደግሞ በተለያዩ የፖለቲካ ደርጅቶች ሽኩቻ ደርቶ አለመረጋጋት ይስተዋል ነበር ። ወቅቱም ወርሃ ሃምሌ 1969 ዓም ነበር ።

በዚህ ወቅት ነበር የሶማሌው ፕሬዚደንት መሀመድ ዚያድባሬ አለመ ረጋጋትና ውጥረቱን እንደ ድክመት በመቁጠር በውጭ ጠላቶቻችን ” አይዞሽ ” ባይነት ሶማሊያ ኢትዮጵያን ወረረች … ሶማልያ አውጥታና አውርዳ እጅግ ብርቱ የጦር መሰናዶ አድርጋ በዘመተችበት ዘመቻ የተደ ራጀ የአየር ኃይልና የምድር ጦር ስለመኖሯ እንጅ ከኢትዮጵያ አንጻር የሚጠብቃትን ምላሽ ያሰበችው አልነበረም ። እናም ያላሰበችው ፈተና ገጠማት ፣ ባለ ንስር አይኖቹ ጀግና የአየር ኃይል አብራሪዎች ከሰማይ ፣ አነጣጥሮ ተኳሾቹና ቁጡ አንበሶቹ የምድር ጦር ጀግኖች በአጭር ታጥቀው እስከ አፍንጫዋ የታጠቀችውን ሶማሊያን ገጠሟት ፣ ቆፍጣ ኖቹ እንደ አንበሳ እያጓሩ እንደ ነበር እየተፈነጠሩ የሶማሊያን ወራሪ ልክ ልኳን ሰጧት ፣ ሶማሊያ የሃፍረት ማቅ ለብሳና ዋጋዋን አግኝታ ፣ አከርካ ሪዋ ተሰብሮ ወደ መጣችበት ተባረረች ! የሶማሌን ወራሪ አከርካሪ ይሰብሩ ከነበሩት ጀግኖች መካከል ደግሞ በአየር ላይ ዘመቻው የብ/ጀኔራል ለገሰ ተፈራና የጓዶቻቸው ውሎ ፍጹም ወደር ያልተገኘላቸው ነበር . ..

በወቅቱ በብዛትና ጥራት ከፍ የበላይነት ይዛ የተሰለፈችው ሶማሊያ ብትሆንም ፣ በምጡቅ ልጆቿ ተጋድሎ የነበረው እንደልነበረ በተደረገ በት አገርን ከወራሪ የመታደግ ተጋድሎ የጀግናው አየር ሃይል ዘጠነኛው ስኳድሮ ተዋጊ ባልደረባ የነበሩት ብ/ጄኔራል ለገሰ ተፈራ እና ጥቂት ጓዶቻቸው ሰማዩን ተሚቆጣጠሩ ፣ የማይያዙ የማይጨበጡ ተዋጊ ጄት አብራሪዎች ነበሩ ። የብ/ጄኔራል ለገሰ ተፈራ የዘጠነኛው ስኳድሮ ተዋጊ ባልደረባጓዶቻቸው በሶማሊያው ጦርነት በፈጸሙት ተጋድሎ እሰከ ድሬድዋ ዘልቆ የገባውን እብሪተኛ የሶማሌ ጦር ዶግ አመድ ማድ ረግ ችለው ነበር ። በተለይ ጀኔራሉ ለገሰ ከዘጠነኛው ስኳድሮ ተዋጊ ባልደረቦቻቸው ጋር በቅንጅት ተዋግተው ወራሪው የሶማሌ አየር ኃይል ጀት ላይ ተደጋጋሚ ጥቃት አደርሰው ጠላት እንዲያፈገፍግ አድርገዋል ። ብ/ ጀኔራል ለገሰ በዚህ የጦር ውሏቸው እስከ አምስት የሚደርሱ ጀቶችን ያወደሙበት የጦር አውድማ ታሪክ ድንቅ ከተባሉት መካከል ይጠቀሳል …

ዘጠነኛው ስኳድሮ ተዋጊ ባልደረባ አብራሪው ብ/ጀኔራል ለገሰ በተከታታይ ድብደባ የተሰጣቸውን ኢላማን በማደባየት ላይ እንዳሉ በአንዱ ቀን በጠላት ኢላማ ውስጥ ወደቁ ፣ ጠላትን ያደባዩባት ጓዳ ቸው ያች የሚወዷት ጀት ተመታች ፣ በታጠሩና በጨነቀው ሰአት ጀቶ ችን እርስ በእርስ በማጋጨት የሚያወድሙት አሻግረው በሚሳየል የሚ ያደባዩት ጀግና ጀታቸው ተመታ ስትወድቅ እርሳቸው በዣንጥላ በጠላት መሬት አረፉ ! ጀግናው በጠላት እጅ ወደቁ ፣ የጀኔራል ለገሰን ጀት አል መው መትተው ፣ ጀኔራሉን በምርኮ የያዙ የሶማሊያ ከፍተኛ ባለስ ልጣናት ጮቤ ረገጡ ፣ እናም ከተያዙበት ቀን ጀምሮ ለ11 ዓመታት የጦር ምርኮኛ ሆነው በሶማሊያ ወህኒ ለእናት እትዮጵያ ፍዳን የተቀበሉ ጀግና ቢኖሩ ባለ አንጸባራቂ ድሉ ብ/ጀኔራል ለገሰ ተፈራ ናቸው !

የቀድሞ የአየር ኃይል አባላት ጀኔራሉ ባሳለፉት የውጊያ ጥበብና ስለአየር አብራሪነት ድንቅ የተጋድሏቸው ጊዜያት በቅርብ ሲመሰክሩ ባለ ነስር አይን ፣ ብሩህ አዕምሮና ደፋር ልብ ያላቸው ጀግና ስለ መሆ ናቸውን ይመሰክራሉ” ከሰማይ ሆነው መሬት ላይ ያለውን ዝንብ ማየት ይችላሉ ፣ ፈጣን አእምሮ አላቸው። የግምት ምናባቸው ሊታመን አይ ቻልም፣ ለገሰ የተለየ የአየር ላይ መገለባበጥን ቢችሉም ኢላማ ማስገ ባት ቢቀናቸውም አውሮፕላንን በአጠቅላይ አጠቃቀሙን እና አያያዝ የሚወዳደራቸው የለም ። ” ሲሉ ያወድሷቸዋል !

” ሱማሌን ጦርነት እንደ ተራ ውጊያ እንደ አዋጊ በመሆን ወር ባልሞላ ጊዜ አለ የሚባለውን የሱማሌ የአየር እና የምድር ጦር ሾቅ እንዲል አድ ርገዋል ።በግላቸው ስድስት የሱማሌ አውሮፕላኖች በአየር ላይ ውጊያ መጣላቸውን ከቀድሞ አየር ኃይል አባላት ማህበር ያገኘሁት ዝክረ ታሪካቸው ያስረዳል ።

በአውደ ውጊያው እለታት ባንዱ ቀን በጀኔራል ለገሰ መማረክ ዙሪያ የተጻፈው ዝክረ ታሪክ እንዲህ ይላል ” ለገሰ ለጓዳቸው የጠላት ጦር ምን ዓይነት አሰላለፍ እንዳለው ለማየትና ለመንገር እጅግ ዝቅ ብለው ወረዱ ። የወታደሮቹን ጭንቅላት የመንካት ያህል ዝቅ ብለው በረሩ። ያዩትን ለመስፍን ተናገሩ ። ስፍራው የዋቤ ጅረት ነበረና ጠመዝማዛ ነው ። ወታደሮች ያላቸውን መሳሪያ ሁሉ የዕውር ጭፍናቸውን ተኮሱ ። ለገሰም ወደ ላይ ለመነሳት የአውሮፕላናቸውን አፍንጫ አነሱ ። አውሮ ፕላኗም 75% ተነሳቸ ። በዚህ ጊዜ ወደ ኋላቸው ( ሬዳር ) አካባቢ ከፍተኛ ’ ጓ ‘ የሚል ድምፅ ሰሙ ። በደንብ ነቀነቃቸው። የተመቱ ግን አልመሰላቸውም ። ሁኔታውን ላሸናፊ ለመንገር ሬድዮናቸውን ቢሞክሩ እምቢ አለ ። ግንኙነት ማድረግ የደም ዝውውር ነው ። አሁንም ሞከሩ እምቢ አለ ። የአደጋ ጊዜ የመጠቅሚያን ሞከሩ አልሰራም ። ወደ ኋላ ዞር ብለው ሲመለከቱ ጭስ በጭስ ሆኗል ። ጭሱ እሳቸውን ለመዋጥ እየተሳበ እየመጣ ነው ። አደገኛ ጭስ ፣ ሙቀትም ተከሰተ ። አውሮ ፕላኗ ኃይሏ እንዳለ ነው ። ትንሽ ትሂድና ከጠላት እይታ ልዳን ብለው በረራ ቀጠሉ ። አውሮፕላኗ ከዳቸ … እንድ ጊዜ-ለገመቸ- ክደት አመ ጣች ። መውረድ ጀመረች። በለገሰ ላይ ተለወጠቸ ።ለገሰም ዘለሉ ። ከአውሮፕላኑ ጋር አብሮ ላላመቃጠል እንጂ ፓራሹቱ በደንብ የሚዘረጋ በትና የሚሰራበት ተገቢ ከፍታ ላይ አልነበሩም ። እጅግ ዝቅ ብለዋል ። በድፍረት ግን ዘለሉ ። ከፍታ ስላልነበረው የጠላት ወታደሮች ፓራሹቱ ሲወርድ አላዩትም ። የአውሮፕላኗ ሬድዮ ባለመስራቱ አሸናፊና መስፍን ተገቢውን እርዳታ ሊያደርጉላቸው አልቻሉም ።( መስፍን ኃይሌ የለገሰ የልብ ጓደኛ ናቸው ።) … አየር ላይ ብዙ ሳይቆዩ ወረዱ ። ከጠላት አካባ ቢ ይውደቁ እንጂ ሲወድቁ ጠላቾች አላይዋቸውም … ወዲያውኑም ሊይዟቸው አልመጡም ። ከቀኑ ዘጠኝ ሰዓት አካባቢ ወድቀው በማግ ስቱ አራት ሰዓት ገደማ ነበር ስድስት የታጠቁ የሶማሌው ኰሎ ኔል አብዱላሂ ዩሱፍ ወታደሮች እጅ ወደ ላይ ብለው የማረኳቸው ።” ሲል በጠላት እጅ ስለወደቁበት ታሪክ ያዘክራል !

ብርጋዴር ጀኔራል ለገሰ ተፈራ በሶማሊያ ጦርነት ለከፈሉት የመስዋዕ ትነት ታላቅ ተጋድሎ ከኮሎኔል መንግስቱ ኃይለ ማርያም እጅ የህብረ ተሰባዊት ኢትዮጲያ የመጨረሻ ከፍተኛ ኒሻን ከተሸለሙት ጥቂት ኢት ዮጵያውያን መካከል አንዱ ለመሆን የበቁ ድንቅ ሀገር ወዳድ አርበኛ ነበሩ ! የኪውባው የአሁን መሪና የቀድሞ ጀኔራል የአሁኑ የኩባ ፕሬዚ ደንት ራውል ካስትሮ ሌላ የጀግንነት ኒሻን ተበርክቶላቸዋል ። ጀግናው ብ/ጀኔራል ለገሰ ተፈራ በሶማሊያና በኢትዮጵያ መካከል በተደረገ የጦር ምርኮኞች ምልልስ መሰረት በክብር ወደ ሀገራቸው ከተመለሱ በኋላ ወደ አሳደጋቸውና ወደ አስተማራቸው የኢትዮጵያ አየር ሃይል ተመል ሰው የበረራ አስተማሪ በመሆን ትውልድን በማነጽ ግልጋሎት ለሀገራ ቸው ታላቅ መስዋዕት የከፈሉ ጀግና ነበሩ !

የመንግስት ለውጥ መምጣቱን ተከትሎና ከህመም እክል ጋር ወደ ምድረ አሜሪካ ያቀኑት ጀግናው ጀኔራል በቀድሞው የአየር ኃይልና በመላ አለም የሚገኙ አድናቂ አፍቃሪዎቻቸው ለምንወዳት ሀገራችን ለከፈሉት ከባድ መሰዋዕትነት ተደጋጋሚ ምስጋናና የክብር ሽልማት የተሰጣቸው ጀግና ነበሩ ! አኩሪ ገድልን የፈጸሙት ብ/ጀኔራል ለገሰ ከወጣትነት እስከ ጎልማሳነት እድሜ የእናት ኢትዮጵያን የአየር ክልል ሳያስደፍሩ ካቆዩን የቁርጥ ቀን ልጆች ጋር ሀገራችን ከነክብሯ አስረክ በውናል ፣ በተከፈለው ከባድ መስዋዕት ልክ ሃገርና ህዝብ ውለታ ካልከፈልናቸው ባለውለታዎቻችን አጋፋሪው የጦር ገበሬ ከሀገራቸው ርቀው በስደት እስከ ወዲያኛው አሸልቧል !

የጀግናችን የመጨረሻ ስንብትና ሽኝት ሀገር በክብሯ ሆና ፣ ኢትዮጵያ የወራሪን ጦር አከርካሪ ለሰበረ ጀግናዋ ነገሪት ጎስማና ለክብራቸው መድፍ ተኩሳ የምትከውንበት ጊዜው ዛሬ ባይሆንም ጀግናችን አዘክ ረን እያለቀስን ሳይሆን እያመሰገንን እንሰነባበት ዘንድ ግድ ሆኗል … !

ክበር ለሚገባው ክብር እንሰጣለን ፣ ብ/ጀኔራል ለገሰ ተፈራ አልፋና ኦሜጋ ከትውልድ ትውልድ በክብር ይዘከራሉ !

ነፍስ ይማር !

ነቢዩ ሲራክ

መስከረም 27 ቀን 2009 ዓም

SBS Amharic Radio: ወ/ሮ ጽጌረዳ ሙሉጌታ፤ የኢትዮጵያ ሕዝብ የጋራ ትግል ሸንጎና የኢትዮጵያ መድኅን ዲሞክራሲያዊ ፓርቲ ምክትል ሊቀመንበር፤ ስለ ወቅታዊው የኢትዮጵያ ፖለቲካዊ አለመረጋጋትና የሸንጎው ሚና ይናገራሉ።

(ዘ-ሐበሻ) ፈርስት ሂጅራ ፋውንዴሽን ወገኖቻችንን በግፍ እየገደለ ያለው መንግስት ለፍርድ እንዲቀርብ ጠየቀ:: “አረመኔው የኢትዮጵያ መንግስት ሰላማዊ ዜጎቹን እየገደለ ነው።በማን አለብኝ መርህ በዘፈቀደ የሚራመደው መንግስት ከእስር እና ድብደባ (ቶርቸር)ወደ ግድያ እርምጃ ከተሸጋገረ አንድ ሙሉ ዓመት ሊያስቆጥር ነው። ከአምስት ዓመት በፊት በሙስሊሞች የተጀመረው ሰላማዊ ትግልም ሆነ የጀግናዉ የኦሮሞዉና የአማራዉ ሕዝብ ያነሳዉ የመብት ጥያቄ ሰላማዊ ምላሽ ባለማግኘቱም የኢትዮጵያ ህዝብ ወደ እንቢተኝነት እንዲሸጋገር አድርጎታል።” ሲል የጀመረውን መግለጫ ሙሉውን ለማንበብ እዚህ ይጫኑ | PDF