የፕ/ት ኦባማን ያለፈው ሳምንት በአሜሪካ ስልጣን ላይ ከወጡ የመጀመሪያ የሆነውን የባልቲሞር የመስጊድ ጉብኝታቸውን አስመልክቶ ህብር ሬዲዮ ከሐጂ ነጂብ መሐመድ የፈርስት ሂጅራ ፋውንዴሽን ፕሬዝዳንት ጋር ተወያይቷል። ሐጂ ነጂብ በአሜሪካ ስላለው የሙስሊሞች መብትና የሙስሊም ጥላቻ ስላለባቸው ዜጎች እንዲሁም ስለ ኢትዮጵያው የግፍ አገዛዝ ለሙስሊሙን ሰላማዊ ተቃውሞ ዛሬም ድረስ ስለሚሰጠው የሀይል ምላሽና ለዘመናት በሰላም አብሮ የኖረውን ክርስቲያንና ሙስሊም ለማዳማት ስለሚያደርገው ገደብ የለሽ ቅስቀሳ ጭምር ተጠይቀው መልሰዋል። ይከታተሉት።

The post ሐጂ ነጂብ መሐመድ ይናገራሉ – ልዩ ቃለምልልስ | Audio appeared first on Zehabesha Amharic.

የቪኦኤው ጋዜጠኛ “አርበኞች ግንቦት 7 በትክክል ምን እየሠራ እንደሆነ ሊነግሩን ይችላሉ?” ጠይቋል፤ ፕ/ር ብርሃኑ ነጋም ይመልሳሉ | ክፍል 2 እና የመጨረሻው ቃለምልልስ

The post የቪኦኤው ጋዜጠኛ “አርበኞች ግንቦት 7 በትክክል ምን እየሠራ እንደሆነ ሊነግሩን ይችላሉ?” ሲል ጠይቋል፤ ፕ/ር ብርሃኑ ነጋም ይመልሳሉ | ክፍል 2 እና የመጨረሻው ቃለምልልስ appeared first on Zehabesha Amharic.

አንድ ዠብራራ ወያኔ በማህበራዊ ገፅ ላይ ሲመፃደቅ አገኘሁት – ነገሩ አባይ ፀሀዬ የሚባል ቱባ ወያኔ በል ሲለው እየተነሳ ‘…ልክ እናስገባችሁዋለን…’ እያለ መደንፋቱ ካስከተለው ቀወስ ጋር ተያይዞ የመጣ ጉዳይ ነው። አባይ በድንፋታ የዘባረቀው ፀያፍ ቃል በህዝብ ስሜት ውስጥ ያሳደረውን ቁስል እና አሉታዊ ዝንባሌ ለማስታገስ በሚል ‘እኔ ይህን አላልኩም – የኦሮሞ ህዝብ ማን እንደበደለው ያውቃል…’ ሲል ጣቱን ወደ ሆነ አቅጣጫ ለመጠቆም እየደዳው ማስተባበያ ቢጤ ይደሰኩራል። ማስተባበያ በሉት ማብራሪያ ይዘቱ ያው የተለመደው የወያኔ የዘር ልክፍት ድንፋታ ከመሆን የዘለለ ፋይዳ የለውም።

ታዲያ ግልገል ወያኔው ጉዳዩ በደንብ እንደገባው ሊያብራራልን ከጅሎ ‘የኦሮሞ ህዝብ አዳማን ማን ናዝሬት እንዳላት ፣ ቢሾፍቱን ማን ደብረዘይት እንዳላት ያውቃል’ የሚል ጨቅላ እንቶ ፈንቶ ይለጥፋል። ይህን ከቁም ነገር ቆጥሮ ቴድሮስ አድሀኖም የተባለው የወቅቱ የወያኔ ውጪ ጉዳይ ሀላፊ ደግሞ የግልገል ወያኔውን ማብራሪያ like አድርጎ እሱም በዚህ ተራ ፕሮፓጋንዳ እንደሚስማማ ያረጋግጣል። ህዝብን ከህዝብ ማጋጨት ይጠቅማል ከተባለ ግልገሉም ቱባውም ወያኔ ባንድ ረድፍ ተሰልፎ ሲያራግብ ታገኙታላችሁ – የወያኔ ብስል የለውም። ጉዳዩ ብዙ ግምት የሚሰጠው ባይሆንም የወቅቱ ህዝባዊ አመፅ ወያኔን ከግልገል እስከ አውራዎቹ ምን ያህል እያወራጨ መሆኑን ያለጥርጥር ያሳያል።

ናዝሬት ወይንም ደብረዘይት የሚል ስያሜ ከአንድ ከተማ መቆርቆር ጋር ተሳስሮ የመጣ አካባቢው ባንድ ታሪካዊ ወቅት በይዘቱ መለወጡን የሚያመለክት ለውሱን ክልል የተመረጠ መለያ መሆኑ ግልፅ ነው። ሊታወቅ የሚገባው ጉዳይ ግን አዳማ ከናዝሬት ፣ ቢሾፍቱም ከደብረዘይት የሰፉ ብዙ ትናንሽ ከተሞችን ጨምሮ የገበሬ መንደሮችን ያቀፉ ወረዳዎች መሆናቸው ናቸው – ከቶውንም የአዳማ ወይንም የቢሾፍቱ ስም ተቀይሮ የሚያውቅ ጉዳይ አልነበረም። በአዳማ ወረዳ ናዝሬት ፣ ሶደሬ ፤ በቢሾፍቱ ወረዳ ደግሞ ደብረዘይት እና ሞጆ እንዲሁም ዱከም ሌሎችም ትናንሽ ከተሞች መኖራቸውን ሁሉም ያውቃል። አዲሶቹ ሹማምንት እነሱ እንግዳ ስለሆኑበት አካባቢ የጠለቀ ዕውቅት ስለሚጎድላቸው ሁሉም ነገር የተጀመረው እነሱ ስልጣን ከተቆናጠጡ ወዲህ ይመስላቸዋል።

አሁን ጥያቄው አዳማን እና ቢሾፍቱን በልማት ስም ወረራ በመፈፀም የመሬቱን ባለቤት አራሽ ገበሬ ካላንዳች የህይወት ዋስትና እያፈናቀለ ያለው ስግብግብ ቀማኛ ማነው የሚለው ነው!

እንጂ ጉዳዩ ስለ ከተማ ስም ከሆነ መርካቶ ፣ ፒያሳ ፣ ፖፖላሬ ፣ ካዛንቺስ አማርኛ አይደሉም። ጣሊያን ሲቆረቁራቸው ያወጣላቸው ስም ነው – ይህም አካባቢው ባንድ ታሪካዊ አጋጣሚ መለወጡን ጭምር የሚያመለክት ነው። መርካቶ በሉት ፒያሳ ይኸው እስከ ዛሬ ህብረተሰቡ ይጠቀምባቸው የለም? ቴድሮስ አድሀኖም ያደጉትስ አስመራ ኮምፐሸታቶ አልነበረም እንዴ ወይንስ ገዛ ባንዳ ይሆን?
የጣሊያንኛ ነገር ከተነሳ ሸሚዝ ፣ ካልሲ ፣ አንሶላ ፣ ሙታንታ ስንል የምንጠቀምባቸው ብዙዎቹ ዘመን አመጣሽ ቁሳቁስ አሁንም ቢሆን በራሳችን ቋንቋ ስም የላቸውም – ምን ችግር አለው?

እነ ኮልፌ ፣ ጉለሌ ፣ ኮተቤ ፣ ገፈርሳ የቀድሞ ስያሜቸውን ሳይሽሩ መቆየታቸውስ ምን ያመለክታል። እነ ቴድሮስ አዳኖም የኦሮሞ ስያሜ ያላቸው ስፍራዎች ላይ ዘመቻ ተከፍቶ በሙሉ በአማርኛ እንደተተኩ እና ይህም እንደ ጠላትነት እንዲቆጠር የፖለቲካ ነጥብ ማስቆጠር ይሻሉ። ይሁንና ጉዳዩን ስንመረምር እነኝህ ወያኔዎች ምንም ትንሽ ቢሆን አንድን ህዝብ ከለሌላ ጋር ለማጋጨት ይጠቅማል ብለው ካሰቡ ስለሚያወሩት ነገር ላፍታ ጉዳዩን ለማጤን እንኳ አይፈልጉም – በቃ ተነስቶ አፍ መክፈት ብቻ ነው ፤ እኛም በተከፈተ አፋቸው ጭንቅላታቸውን ለማየት እና ለመታዘብ እንገደዳለን።
ስለ ስም አወጣጥ ማህበራዊ እውነታ ትንሽ እንዲማሩም በዚህ አጋጣሚ ሀሳብ እናካፋልቸዋለን።

ሰፋ ያለ አግዳሚ መቀመጫ ያለውን ታክሲን ውይይት ብሎ ህብረተሰቡ ስም ሲሰጠው በጊዜው አንድ የተለወጠ ነገር መኖሩን ያመለክታል። ጠ/ሚኒስትር ደሳለኝ ሀ/ማርያም ሶስት ረዳት ምክትል ጠ/ሚኒስትሮች ሲመደቡባቸው በህብረተሰቡ ዘንድ ባጃጅ ጠ/ሚኒስትር የሚል ስም እንደወጣላቸው ሰምቻለሁ። ባጃጅ የሚሏት ታክሲ ባለ ሶስት እግር ጎማ መሆኗን በማጣቀስ… በሶስት ጎማ ኩር ኩር የምትል ታክሲ።
መለስ ዜናዊ ባንድ ወቅት አንድ የአሜሪካ የፓለቲካ ሰው ‘ትግላችሁ ብሔረሰብ ነፃነት ዙርያ ያጠነጠነ መሆኑ አገሪቱን አይጎዳም ወይ’ ብሎ ሲጠይቀው ‘ትግላችን የአማራን በተለይም የሸዋ አማራን ትምክህተኝነት ለማስወገድ ነው’ ብሎ መልስ መስጠቱን ብዙዎቻችሁ ታስታውሳላችሁ። ሸዋ ላይ ያነጣጠረው የወያኔ ትግል ሸዋ የሚባል ለምእተ ዓመታት የቆየ ብዙ ብሔር ብሔረሰቦችን ያቀፈ ክፍለ ሀገር ከኢትዮጵያ ካርታ ላይ ጨርሶ አንዲሰረዝ በማድረግ ተጠናቋል። ዛሬ የሸዋ ሰው የሚባል የለም – ሸዋ ደግሞ የማንም ብሔረሰብ ንብረት አልነበረም – ከሁሉም የአገሪቱ ማእዘናት የመጡ ዜጎችን ጨምሮ ጉራጌው ፣ ኦሮምው ፣ አማራው ፣ ከምባታው ፣ ሀድያው … ወዘተ የተሰበሰቡበት ፣ በጋራ ተከባብረው በኢትዮጵያዊነት ስሜት የሚኖሩበት ክልል ነበር። ሸዋ ኢትዮጵያዊነት የተወሀደበት እንጂ የማንም አልነበረም።

በሸዌነት የሚከሰሰው ደርግ በዘመኑ ጥናት ላይ ተመስርቶ እንዲስተካከሉ ካደረጋቸው የክልል ስያሜዎች መካከል – ትግሬ ወደ ትግራይ ፣ ወላሞ ወደ ወላይታ እንዲሁም በጌምድር ወደ ጎንደር መቀየራቸው ይገኙበታል። ፊውዳሊዝም ዘመኑን ጠብቆ የተፈጥሮ ሞት ሲገጥመው መሻር የሚገባቸው ነገሮች እንዲህ ተሽረዋል። ይህ የተደረገው ግን በስሜታዊነት ወይንም አምባጓሮ ለመቀስቀስ አልነበረም። ተገቢው ጉዳይ ተገቢ ስፍራ እንዲይዝ ለማድረግ ሲባል ብቻ የተደረገ ይመስለኛል። የተዛባ ነገር ካለ ቀኑን ጠብቆ ማስተካከል ይቻላል – ለተራ የፖለቲካ ሸፍጥ መቀስቀሻ መጠቀም ግን ደካማነት ብቻ ሳይሆን የጥፋት መልዕክተኛነት ነው።

በዚያው የደርግ አስራሰባት ዓመታት በአስራምስት ኢትዮጵያዊ ቋንቋዎች ፊደል ማስቆጠር ተጀምሮ እንደነበር አስታውሳለሁ። ይህ ጥረት ሲጀመር ከሌሎች ጋዜጠኞች ጋር ሆኜ ትምህርት ሚኒሰቴር ያደረገውን ዝግጅት ለመጎብኘት ዕድል አግኝቼ ነበር። በቂ ምርምር እና ጥናት ተደርጎበት ፣ ዘላቂነት ባለው መልኩ በሚዳብርበት መንገድ ተይዞ ነበር ማለት ግን ባይቻልም ሙከራው ነበር – በጎ አጀማመር መሆኑንም መካድ አይቻልም። አፈፃፀሙን ለማሳካት አቅም ነበር ወይ የሚለው ጥያቄ ግን የተጤነ አልነበረም።
የተነሳሁበት ጉዳይ ተለጠጠ… የኢትዮጵያ ነገር ሆነና ተዛማኝ ጉዳዮችን መጠቃቀስ ገባሁ…
አዎ የኦሮሞ ህዝብ ጠንቅቆ ያውቃል…

ኦሮሞ ለኢትዮጵያ ነፃነት ፣ ክብር እና ዳር ድንበር መከበር በባለቤትነት የታገለ ፣ የሞተ እና ድል የተጎናፀፈ ክቡር ዜጋ ነው። ኢትዮጵያ ክፉ ቀን በገጠማት ታሪኳ ሁሉ በተለይም ከዘመናዊ አስተዳደር ምስረታ ጥረት እስከ አለም አቀፍ ዕውቅና ትግል ሂደት ውስጥ የኦሮሞ ደም እና ላብ ፣ ዕውቀትና ጉልበት ወይንም የተፈጥሮ ሀብት አና ጥሪት በጉልህ ደረጃ ያልፈሰሰበት አንዳችም የታሪክ ምዕራፍ የለም።
የማወራው ስለ አያና ብሩ ፣ አበበ ቢቂላ ፣ አብዲሳ አጋ ወይንም ሀይሌ ፊዳ ብቻ አይደለም – ከዚያ የጠለቀ የሰፋ ጉዳይ ነው። ህልውናችን በጀግኖች አባቶቻችን አጥንት እና ደም ተጠብቆ ቆየ ስንል እነኛ አባቶች ያለፉበትን ውጣ ውረድ በምን መለኪያ እንገልፅዋለን ፣ በምን መስፈርት እናበራራዋለን? እንደሚመስለኝ ኢትዮጵያን ጠብቆ ያቆየን ማን እንደሆነ ተጨንቀን ማሰብ እንዳንፈልግ ተደርገናል። እንዲህ እንደ አሁኑ ዘመን ፈተና ላይ ስንወድቅ ግን ዞር ብለን የነበረውን እንደ ሰበር ዜና ለማወቅ እንገደዳለን።

ለኢትዮጵያ ህልውና ሲሉ የኦሮሞ ልጆች በመጀመሪያው ረድፍ ላይ ተሰልፈው ደማቸውን ገብረዋል። እነ ገረሱ ዱኪ ፣ በቀለ ወያ ፣ ደላሳ ጎቡ ፣ ጃ ጋማ ኬሎ ፣ አብዲሳ አጋ… የቅርቦቹ እነ ደምሴ ቡልቶ ፣ መርዳሳ ሌሊሳ ፣ ባጫ ደበሌ… ሚሊየኖች ዘርዝሮ ማቅረብ ይቻላል… ኦሮሞ ለኢትዮጵያ ክብር ሲል እንዲህ መራራ መስዋዕትነት ሲከፍል መቆየቱ ደብዘዝ ያለባቸው ከኦሮሞውም ከኦርማውም በረከትከት ያሉ ይመስላል – የስማዕቱ የሀይማኖት መሪ አቡነ ጴጥሮስ ኦሮሞነት ሰበር ዜና የሆነባቸው አይነት ማለቴ ነው።

ታላቁ የኢትዮጵያ ስማዕት አቡነ ጴጥሮስ ውልደት ስማቸው መገርሳ በዳዳ መሆኑ አዲስ ታሪክ የሆነባቸው እንዳሉ ሳትታዘቡ አይቀርም። የሀይማኖት መሪዎች ለከፍተኛው የሀይማኖት መሪነት ሲጠሩ ስማቸውን ከመፅሀፍ ቅዱስ ከሚገኙ ቅዱሳን ስሞች አንዱን ይወርሳሉ። ነገስታትም ፣ ‘ታጋዮችም’ እንዲሁ – አፄ ሀይለስላሴ ተፈሪ መኮንን ፣ በዝብዝ ካሳ አፄ ዮሀንስ እንደ ነበሩ ሁሉ። መለስ ዜናዊ ለገሰ ፣ አባዱላም ምናሴ እንደ ነበሩ ሁሉ። ይህ በኢትዮጵያ ብቻ ሳይሆን በመላው አለም ሲሰራበት የቆየ ወግ ነው።

ባለፈው ሰሞን “እኛም ኦሮሞዎች ነን” በሚል ርዕስ ከትግራይ ክልል የተገኙ ግማሽ ደርዘን የሚሆኑ ወገኖች ተጠራርተው ያንፀባረቁትን ትብብር ሳነብ ያሳደረብኝን ስሜት እዚህ መግለፅ ፈልጋለሁ። ምኞታችን ፍትሀዊ ስርዓት እንዲሰፍን መሆኑ እሙን ነው። ትናንት እንደ ሰለጠነው አለም ሁሉ ጭቆናን ፣ አፈናን እና ብዝበዛን በዚህ በዚያ መደቦች የጋራ ትግል እናስወግዳለን ስንል እንዳልነበር ሁሉ ለወያኔ ምስጋና ይግባውና ትግሉ በብሔር ብሔረሰብ ተወላጆች መካከል የሚደረግ ትብብር ጉዳይ እንዲሆን ጊዜው ግድ ብሏል።

ወዛደሩ ለአርሶ አደሩ ትግል የጀርባ አጥንት ነው በሚለው ምትክ ፤ ተራማጅ ምሁር ከጭቁን ህዝቦች ጎን ይሰለፋል በሚለው ምትክ ዛሬ ጨዋታው ትግሬ ከኦሮሞ ፤ ኦሮሞ ከአማራ… ከዚህ ከዚያ ብሔረሰብ ድጋፍ እና ግንባር መፍጠር የሚል ሆኗል። ለፍትሀዊ አንድነት ሳይሆን ለጎጣዊ ምንነት መስፈን እንድንታገል በወያኔ መገደዳችን ገሀድ ይታያል። እናም የዚህ ብሔር ብሔረሰብ አባላት የትግል አጋርነት ለዚያኛው ብሔር ብሄረሰቦች ትግል ተገለፀ ወደሚል ደረጃ ዝቅ ብለናል – ዕድሜ ለወያኔ።

ግን በዚህ የትግል ሂደት የሚረጋገጠው የፍትህ እና የህግ በላይነት ወይንስ የብሔር ብሔረሰብ ነፃነት? እና ውጤቱ ኢትዮጵያ የተነፈገችውን ፍትሀዊ ስርዓት ማስፈን ወይንስ ካንዱ የጎጥ መንግስት ወደ ሌላ ሽግግር? ወይንስ አስከናካቴው ኢትዮጵያ ባለቤት የሌላት ፣ ተቆርቋሪ የሌላት እንደ አየር ተንና በመክሰም ላይ ያለች አገር? ሁኔታው አሳሳቢ ነው።

እነ ዶክተር መሳይ ከበደ እንኳ ሳይቀሩ ዛሬ ጭንቀታቸው እንዴት ኦሮሞ ሲነሳ ሌላው ብሔረሰብ ዝም ብሎ ይቀመጣል? የሚለው ጉዳይ ሆኗል። አልፈርድባቸውም – ምን ምርጫ አለ። ይሁንና አራት አመታት ሙሉ የፍልስፍናን ጥበብ ያስተማረኝ ምሁር ፣ ፍትህ አንፃራዊ ቢሆንም መደባዊም ነው ብሎ ያስጠናኝ የጥበብ ሰው ዛሬ የብሔረሰቦች ትብብር ጥሪ ውስጥ ተዘፍቆ ሳየው አዝናለሁ። ይህ ጉዞ ወቅታዊነቱ ስህተት ነው ማለቴ ሳይሆን በሁሉም አቅጣጫ ወያኔ በፈጠረው ኩሬ ውስጥ ተደፍቀን መገኘታችን ግን ጉዳዩ ለዘለቄታው ምን ያህል አሳሳቢ መሆኑን ለማመልከት ነው።

ህብረተሰብን በመደብ ከፋፍሎ በዚያ መሰረት ሊሰፍን ስለሚገባው ፍትሀዊ የሀብት ስርጭት ፣ የፖለቲካ ተሳትፎ ድርሻና ስለሚጠይቀው የሰብአዊ መብት መስፈን ጉዳይ መነጋገር ጊዜው ያለፈበት የፋራ አጀንዳ ሆኗል። ባለ አገር ሳይሆን ዛሬ የሚያኮራው ባለ ብሔረሰብ መሆን ነው – የወርቅ ብሔረሰብ… የታጋይ ብሄረሰብ ፣ የሀብታም ብሄረሰብ ፣ የጭቁን ብሔረሰብ… ስልጣን ለመጋራት ጥሮ ግሮ የብሔረሰብ ነፃነት ማወጅ… የብሔረሰብ ነፃነት ገበያ ደርቷል።

የመደብ ትግል ጥያቄ ሳይነጋ የመሸበት ፣ ሳይዳክር ወገቡ የጎበጠበት ታሪካዊ ውነት ሆኗል። የመደብ ትግሉ ሰራዊት በአይነቱም በይዘቱም ውጥንቅጡ የወጣ የጋራ በሚለው የመደብ ጠላት ላይ እንኳ ባንድ ረድፍ ተሰልፎ የመፋለም ብቃት የጎደለው ሰነፍ ሆኖ ተገኝቷል። እናም ድሉ አዲስ ውነት አለን ብለው በተሰለፉ የብሔረሰብ ነፃ አውጪዎች እጅ ወድቋል – የብሔር ብሔረሰቦች ነፃነት እስከ መገንጠል…
እኔ አስከሚገባኝ ድረስ ኢትዮጵያ የብዙ ቋንቋዎች እና ባህሎች ባለፀጋ ናት። ስለ ኢትዮጵያ ስንናገር ስለ ነኝህ የተለያየ ቋንቋ እና ባህል ባለቤት ህዝቦች ነው። እናም የትኛውም ኢትዮጵያዊ ቋንቋ አድጎ በልፅጎ የመማሪያ ፣ የመመራመሪያ ቋንቋ መሆን ቢበቃ ኩራቱ የኢትዮጵያ ነው። ባህሉ ተጠብቆ ዳብሮ ቢቀጥል አሁንም ኩራቱ የኢትዮጵያ ነው። ይሄ ሁሉንም ኢትዮጵያዊ ቋንቋ የሚመለከት ነው።
ጉዳዩ የሁሉም ኢትዮጵያዊ እንጂ ያንድ ወይንም የሌላ ብሔረሰብ ሰዎች የግል ጉዳይ ተደርጎ መታየት የለበትም። ይሔ ወይም ያ ብሔረሰብ የግሌ የሚለው ኢትዮጵያን የማያኮራ ፣ የማያደምቅ አጀንዳ ይዞ ቢነሳ አካሄዱ ንትርክ እና አማባጓሮ ከማስነሳቱ በስተቀር ለህዝቡ የሚፈይደው ነገር አይኖርም።

ህብረተሰብ ዳይናሚክ ነው – ይዳብራል ፣ ያድጋል ፣ ይለወጣል – የሚለወጠው እና የሚዳብረው ከቋንቋው ፣ ከባህሉ ፣ ካኗኗሩ ፣ ከመስተጋብሩ… ከብዙ ክስተቶች ጋር ነው። ህብረተሰባችን እየተለወጠ ሲሄድ ብሔራዊ ምንነቱን ይበልጥ ማሸብረቅ በሚችልባቸው ቋንቋዎቹ የጥበብ እና ምርምር ውጤቶች ተጠቃሚ እየሆነ እንጂ ባለበት እየረገጠ አይደለም። የብዙ ቋንቋዎች ባለቤት መሆናችን ለውሱን አመለካከት እና ጠባብ አላማ ሰለባ ሊያደረገን አይገባም። ጉዳዩ የሰብአዊ ርህራሄ እና የበጎ ፈቃድ ሳይሆን ዕድገት እና ዘመን ግድ የሚለው እርምጃ ነው። ትናንት መደበኛ መሰረታዊ ትምህርት ይሰጥ የነበረው በአማርኛ ቋንቋ ብቻ ነበር። ነገ አቅሙ ከፈቀደልን በሌሎች ኢትዮጵያዊ ቋንቋዎች ትምህርት የማይሰጥበት ምን ምክንያት አለ? አንድን ቋንቋ አዳብሮ እና አበልፅጎ የምርምር ማካሄጃ ደረጃ ላይ ማድረስ የዕድገት ውጤት ነው።

አፄው እና የጉልተኛ ስርዓቱ የተገረሰሰው በብሔር ብሔረሰቦች ግምባር ሳይሆን ግፍና ብዝበዛ ይወገድ ብለው በተነሱ ስለ ፍትህ እና የአገር አንድነት የጋራ ራእይ በነበራቸው ከሁሉም የኢትዮጵያ ማእዘናት በተነሱ እንግልት ዜጎችና አጋር ሆነው በተሰለፉ ተራማጅ ምሁራን ትግል መሆኑን መዘንጋት የለብንም። ለዘለቄታው ፍትሀዊ ስርዓት ማምጣት ባይበቃም ምልአተ ህዝቡ ግን ታሪካዊ ድል መጎናፀፉ ውነት ነው።
የጣሊያን ወረራ በሉት የሶማሊያ መስፋፋት የተገታው እና የተደመሰሰው በሁሉም ዜጎች ሙሉ የባለቤትነት ተሳትፎ በተካሄደ ርብርብ ነበር። የብሔረሰብ ነፃ አውጪዎች ትግል በዚህ ሂደት ውስጥ ያበረከተው አንዳችም በጎ ነገር የለም። እንዲያውም ኢትዮጵያውያን በጋራ ተሰልፈው የዚያድ ባሬን ወረራ ለመመከት ሲዋደቁ የትግራይን ብሔረሰብ ነፃ እናወጣለን ያሉ የወያኔ መሪዎች በሱማሊያ ፓስፖርት እና ጦር መሳሪያ ድጋፍ በኢትዮጵያ ህልውና ላይ ሴራ ይደቁሱ ነበር – ለወያኔዎቹ ኢትዮጵያ ወረራ ቢፈፀምባት ፣ ያን ጊዜ ዚያድ ባሬ በለስ ቀንቶት ቢሆንና ኢትዮጵያ ብትፈራርስ ደንታቸው አልነበረም።

ለብዙሀኑ ዜጋ ግን በወረራው የተደፈረችው አገር ነበረች ፣ የታደጓትም ዜጎቿ ነበሩ። ያኔ ከፋም ለማም አገር ብለው የሚያስተዳድሩ መሪዎች ነበሩን… እነሱ ባቆዩት አገር ውስጥ ነው እንግዲህ ዛሬ ለብሔረሰብ ነፃነት እስከ መገንጠል ለመታገል የሚጠራሩት።
በወዛደሩ ፣ በአርሶ አደሩ ፣ በጭቁኑ መለዮ ለባሽ እና ተራማጅ ምሁራን የጋራ ግንባር ኢትዮጵያ ትለመልማለች የሚለው ስሜት ቢያንስ ቢያንስ ደብዝዟል – ያንን መርሆ ኮለኔሉ ለስልጣናቸው መደላደያ አድርገው ስላረከሱት ፋይዳው ወድቋል።
አዎ የኦሮሞ ህዝብ ጠንቅቆ ያውቃል…

ጀግኖቹ የኦሮሞ ልጆች እንደ ማንኛውም ኩሩ ኢትዮጵያዊ ሁሉ ጣልያንን ሲዋጉ ፣ የሱማልያን ወረራ ለመመከት ሲዋደቁ ፣ ተገንጣዮችን እና አስገንጣዮችን ሲፋለሙ ፣ አገሬን አሳልፌ ለማንም ስግብግብ ወራሪ አሳልፌ አልሰጥም ሲሉ… አቡነ ጴጥሮስ የፋሺስት ግፋዊ ፍርድ አስፈፃሚ በሆኑ ባንዳ ተኳሾች በጥይት ሲደበደቡ ጉዳዩ አገርን እንደ አገር ለማቆየት ሲባል የተፈፀመ መሆኑን ማንም ሊዘነጋው አይገባም።
የዛሬው ትውልድ ወያኔ ከዘረጋው የጥፋት ወጥመድ ውስጥ ወድቆ የማይሽር ጉዳት ከመድረሱ በፊት ስልት እና ግብ ላይ ያነጣጠረ ተግባር መከናወን ይገባዋል። ብሔረሰቦቻችን መኩሪያችን ናቸው – ብሔረሰቦቻችን የታቀፉባት ኢትዮጵያ ከሌለች ሁሉም ነገር ይቀራል። ኢትዮጵያን አጥፍቼ እኔ በነፃነት እኖራለሁ የሚል ብሔረሰብ ካለ አካሄዱ ግብዝነት ብቻ ሳይሆን አርቆ ማስተዋል የጎደለው ዝንባሌ ነው። የቆጡን አውርድ ብላ የብብቷን ጣለች እንዳይሆን ጉዳዩን ማስተማር የሁሉም ሀላፊነት የሚሰማቸው ዜጎች ድርሻ ነው።
ሉአላዊነት የሌለው ህዝብ አንድም አገሩን የተቀማ ፣ ብሔራዊ ክብሩን የተገፈፈ ፣ ወሰኑ እና ዳር ድንበሩ እንዳሻ የሚጠብ እና የሚሰፋ ብሎም እንደ ዜጋ ምንም አይነት የባለቤትነት ድርሻ የሌለው ማለት ነው።

አገር ፣ ብሔራዊ ማንነት ለይስሙላ ወይንም ለፈሊጥ የሚኖር ሳይሆን ከግለሰብ እስከ ህብረተሰብ ብሎም ብሔር እና ብሔረሰብ ህልውናቸው ተረጋግጦ ፣ ዋስትና አግኝቶ በስርአት የሚተዳደሩበት ማዕቀፍ ነው። አገር የተለያየ ቀለም ፣ ቋንቋ ፣ ባህል ስነ-ልቡናዊ ዝንባሌ ባላቸው ህዝቦች ታሪካዊ ትስስር ተፀንሶ በተለያየ ዕድገት ጎዳና ፣ ውጣ ውረድ ፣ መውደቅ እና መነሳት ያልፋል – ይሄ በሁሉም የአለም አገሮች ታሪክ ውስጥ የሚገኝ ውነት ነው። አገሮች ያንን የዕድገት ደረጃ አልፈው ዛሬ እንደ ፍትህ ፣ ሰብአዊ መብት ጥበቃ እና የህግ በላይነት ጉዳዮች ያሉ ይበልጥ የሚዳብሩበትን ብልሀት የሚመረምሩበት ዘመን ላይ ናቸው።

ሀይሌ ገ/ሥላሴ የተባለው እውቅ አትሌት ሰሞኑን ቢቢሲ ራዲዮ ላይ ቀርቦ ሲናገር ‘…ለአፍሪካውያን ዲሞክረሲ የቅንጦት ጥያቄ ነው’ ማለቱን ሳታዳምጡ አልቀራችሁም። አቃቂ እና ዱከም አካባቢ በሺዎች የሚቆጠሩ ገበሬወች ከአፅመ ርስታቸው ተፈናቅለው በሪል ስቴት ስም ሀይሌ ገ/ሥላሴ ኮንዶ እየገነባባቸው መሆኑን ከፊሉንም የተንጣለለ የግጦሽ መሬት በራሱ ስም አጥሮ ማስቀመጡን ሳታውቁ አትቀሩም። ከአካባቢው የተነፈናቀሉ ዘመዶች ስላሉኝ ጉዳዩን በቅርብ አውቃለሁ። ዛሬ ህዝቡ ተነስቶ የመሬት ወረራ ይገታ ብሎ መሰረታዊ የሰብአዊ መብት ጥያቄ ማንሳቱ ለገ/ሥላሴ ልጅ የቅንጦት ጥያቄ ሆኗል። የድህነትን ዳገት በሩጫ የወጣው አትሌት ስለ ዲሞክረሲ ፅንሰ ሀሳብ ለማወቅ ዕድል የነበረው አይመስለኝም። እሱ ዛሬ የቅንጦት ህይወት ውስጥ እንዳለ ሳልዘነጋ ስለ ዲሞክረሲ ማይም ቢሆንም ስለ ቅንጦት ጉዳይ ግን የጠለቀ ዕውቀት እንዳካበተ አልጠራጠርም። የስንቱን አንጎል አንይ!

ለተፈናቀሉት ዘመዶቼ የገ/ሥላሴ ልጅ ሌላ ስግብግብ ወራሪ እንጂ ጀግና አይደለም።
ተነሱ እናንት የርሀብ እስረኞች
ተነሱ የምድር ጎስቋሎች
ፍትህ በሚገባ ይበየናል
ሻል ያለ አለምም ይታያል…
አዎ የኦሮሞ ህዝብ ጠንቅቆ ያውቃል…
የኦሮሞ ህዝብ ጥያቄ የሁሉም ኢትዮጵያዊ ጥያቄ ነው – የመሰረታዊ ሰብአዊ መብት ጥያቄ ነው ፤ የአገር ሉአላዊነት ጥያቄ ነው። ስለሆነም ዘረኞችን እና ስግብግብ ዘራፊዎች ወደ ታሪክ አተላነት እስከሚቀየሩ ድረስ ትግሉን ይቀጥላል።
ኦሮሞን ኦርመ ሚቲ – ኢትዮጵያ ኦርማፍ ሂንላቱ!!

The post ማንስ ኦሮሞን በኦሮማዊነት ያማል? | ከታሪኩ አባዳማ appeared first on Zehabesha Amharic.

ጊብሰን ዩዝ አካዳሚ የሚባለው ትምህርት ቤት የከፍተኛ የመንግስት ባለስልጣናትንና የጄኔራሎችን ልጆች በስኮላርሺፕ ስም በነፃ የሚያስተምር መሆኑ የአደባባይ ሚስጥር ነው፡፡ ይህ ት/ቤት በአገሪቱ ውስጥ ከፍተኛ ክፍያ የሚያስከፍል ሲሆን በአመት ወደ400 ሚሊዮን ብር ከወላጆች ያገኛል፡፡ ይህ አልበቃ ብሎት በየአመቱ ከፍተኛ ጭማሪ እያደረገና በተለያዩ መንገዶች ህገ ወጥ ስራዎች ላይ እየተሰማራ በመገኘቱ የማስተማር ፍቃዱ ተሰርዟል፡፡ የት/ቤቱን የማስተማር ፈቃድ መሰረዝ የሚገልፀውን ደብዳቤ እነሆ አቅርበናል፡፡

ይሁን እንጂ ይህ ደብዳቤ በአገሪቱ ውስጥ የተንሰራፋው የመልካም አስተዳደር ችግርን ጥያቄ ምልከት ውስጥ የሚከት ነው፡፡ አንዱ የሰረዘውን ደብዳቤ የሚሰርዝ ሌላ አካል ካለ የምናየው ይሆናል፡፡ መንግስት ራሱ ያወጣውን ህግ ራሱ የማስፈጸም ችግር እንዳለበት የዚህ ትምሀርት ቤት ጉዳይ ትልቅ ማሳያ ይሆናል፡፡ ምክንያቱም የከፍተኛ የመንግስት ባለስልጣናትና የጄኔራሎች ልጆች በነፃ እያስተማረ ይህ ደብዳቤ ተግባራዊ ይሆናል ማለት ዘበት ነው፡፡ በዚያ ላይ ይህ የ400 ሚሊዮን ብር ቢዝነስ ጉዳይ ስለሆነ ለሙስና ቅርብ ነው፡፡ ስለዚህ በዚህ ደብዳቤ በስፋት በተገለፀው ህገወጥ ተግባር የተነሳ ጊብሰን ዩዝ አካዳሚ በሚቀጥለው አመት ማስተማር ቢከለከልም ማስተማሩን እንደሚቀጥል ከወዲሁ መገመት እንችላለን፡፡

ይህ ኢትዮጵያ ነዋ!!!!!

The post የጊብሰን ዩዝ አካዳሚ ጉዳይ | መልካም አስተዳደርን ጥያቄ ምልክት ውስጥ የከተተው ደብዳቤ appeared first on Zehabesha Amharic.

ልዑል ዓለሜ የተባሉ የዘ-ሐበሻ ተከታታይ ጥላሁን ገሰሰ እስከ እለተ ሞቱ ድረስ አፍኖት የሞተው ምስጢር ‘ሆድ ይፍጀው” ጉዳይ ይህ ነው  በሚል አንድ ጽሁፍ አድርሰውናል:: ጥላሁን በሕይወት ስለሌለ አሁንም ይህንን ጉዳይ ከርሱ አንደበት ማረጋገጥ ባይቻልም የጸሀፊውን ምስጢራዊ ጽሁፍ ለግንዛቤ አስተናግደናል::

የጥላሁን ገሰሰ ( ሆድ ይፍጀዉ ) ሚስጥር
የወጋ ቢረሳ የተወጋ አይረሳ ! !
ጥላሁን ገሰስ መስከረም 27 1940 ዓ/ም ከእናቱ ከወ/ሮ ጌጤ ጉርሙ ከአባቱ ከአቶ ገሰሰ ወ/ኪዳን ተወልዶ በሚያዚያ 9/2009 ዓ/ም ከዚህ አለም በክብር ተሰናብቷል የመጀመሪያ የሙዚቃ ስራዉን በሐገር ፍቅር ቲያትር የቀረበዉ፡ የኢትዮጵያ የሙዚቃ ንጉስ ክቡሩ ሰዉ አርቲስት ጥላሁን ገሰሰ በ1960ዎቹ አመተ ምህረት አካባቢ ነበር እጅግ ታዋቃና ወርቃማናቱን በወርቃማዉ እድሜዉ ዘመን ላይ ጊዜ የማይሽረዉን አሻራ ያስቀመጠዉና ያሳየዉ ጥላሁን በዚያን በ60ዎቹ ዘመን ላይ በቅጽል ስም ዘ ቮይስ “The Voice” ተብሎ ይጠራ ነበር።
በ1970 እና 80 አካባቢዎች ላይ በሐገር አቀፍ ደረጃ ወሳኝ እና ቀስቃሽ ሙዚቃዎችን ለወገኖቹ አብርክቷል አርቲስት ጥላሁን ገሰሰ በዚሁ ሐገር ወዳድነቱና ፍቅሩ የተንሳ በአዲስ አበባ ዩኒቨርስቲ የዶክተሬት ማእረግ ከማግኘቱም ባሻገር የስነ ጥበብ ማእከላ ( Ethiopian Fine Art and Mass Media Prize Trust. ) የክብር ሽልማት ባለቤት ነዉ። 

ጥላሁን ገሰሰ ስላዘፈነዉ ነገር የለም ከቀጠሮ ጀምሮ እስከ እስከ ስራ ክቡርነት የተዳሰሰዉ በጥላሁን ገሰሰ ዜማና ድምጽ ነበር፡ ጥልዬ በደርግ ዘመነ መንግስት በሐገሪቱ ዙሪያ በተቀሰቀሰ ጦርነት ምክንያት እጅግ ቀስቃሽ ወታደራዊ ሙዚቃዎችን ግንባር ድረስ ሄዶ በማቅረብ የሚታወቅ ታላቅ የአርት አባት ነበር። 

ሚያዚያ 18/1993 የኢትዮጵያዊያን ፋሲካ እለት እሁድ ማምሻዉን በአስገራሚ ሁኔታ አርቲስት ጥላሁን ገሰሰ በመኖሪያ ቤቱ ዉስጥ በስለት ተወጋና ተገኘ። 

የዚያን እለት ከቀኑ 4 ሰአት ላይ እስጢፋኖስ ቤ/ክርስቲያን ፊት ለፊት አይሴማ ሕንጻ ስር በምትገኘ ሰለሞን ካፌ ዉስጥ አሉ የሚባሉ አንጋፋዎች ተሰባስበዋል ሰለሞን የካፌዋ ባለቤት ሚስቱ በኮሞሮስ ደሴት ላይ ከተከሰከሰዉ የኢትዮጵያ አየር መንገድ አደጋ የዳነች በወቅቱ ብቸኛ ሐብታምና የሙሶ መኪና አስመጪ፣ ሐየሎም አርአያ፣ መሐመድ አል_አሙዲን፣ እንዲሁም እዚያዉ አይሴማ ህንጻ ላይ ይኖር የነበረዉ ታደለ ይድነቃቸዉ፣ ጥላሁን ገሰሰ፣ እና የጃክሮስ ባለቤት በአንድነት ሆነዉ ሻይ እየጠጡ ተቀምጠዉ ነበር። መሐመድ አል_ አሙዲን በወቅቱ እዚያ ያዘወትር የነበረበት ምክንያት ሜላት የተባለች እጮኛዉ ( ሜላት ኮምፒዉተር ) እዚያ ሕንጻ ላይ 5ተኛ ፎቅ ተከራይታ ትኖር ስለነበር ሲሆንና የሻራተን ሆቴል በቁፋሮ ላይ ስለበር በቅርበት ለመቆጣጠርም ጭምር ነዉ።

የሻይ ቡና ፕሮግራሙ ሞቅ ደመቅ እያለ በነበረበት ወቅት አንድ የስልክ ጥሪ ከወደ ካፌዉ ወደ ጥላሁን አቃጨለች ጥላሁን የስልኩን ጥሪ ካስተናገደ ወዲህ ፊቱ ልዉጥውጥ ብሎ የነበረበት ቦታ ተቀመጠ ጉዳዩን በአንክሮ የተከታተለዉ ሀየሎም ጥላሁንን ለብቻዉ ገለል አድርጎት ምን እንደተፈጠረ ይጠይቀዋል ጥላሁንም ሌሎቹ በጥቂቱ እንደሚሰሙት እያወቀ፣…
” አነተ ዉሻ የዉሻ ልጅ!!! ተነስ ታጠቅ ዝመት እያልክ የትግራይን ህዝብ ደም ስታፈስ ኖረህ አሁን ምንም እንዳልተፈጠረና እንዳልሰራህ እዚህ ሐገር ላይ በሰላም ትኖራለህ ? በፍጹም አትኖርም “….. ሲል አንድ ግለሰብ አስፈራራኝ በማለት ይናገራል!
ሐየሎም ጥላሁን አተኩሮ ከተመለከተዉ በኋላ ደንገጥ እንደማለት ብሎ ዝምታን በመምረጡ ጥላሁን ቀደም ብሎ ሁሉንም ተሰናብቷቸዉ ሄደ! ሐየሎምም እሳት ጎርሶ እሳት ልሶ ” እነዚህ የዉሻ ልጆች አርፈዉ አይቀመጡም ” በማለት ተሳድቦ ከጥላሁን ገሰሰ እግር ተከትሎ ሄደ። 

እንግዲያዉ ማታ ጥላሁን ገሰሰ በብሔራዊ ቲያትር ዉስጥ እይዋት ስትናፍቀኝን በማንቆርቆር ህዝብን ሲያስደስት በነበረበት ወቅት ላይ የተደገሰዉ የግድያ ሴራ በሐየሎም አረያ ጣልቃ ገብነት ተሰናከለ! ነገር ግን ግድያዉን ሳይፈጽሙ ላይተኙ ቃል የተገባቡት የጠቅላይ ሚኒስቴሩ ሳጥናኤሎች ወደ መኖሪያዉ ቤት በማምራት ተንኮላቸዉን ፈጸሙ በዚያዉ የሞት ድግስ ላይ አትለፊ ያላት የጥላሁን ገሰሰ ህይወት ግን እለቱን ተሻገረች ጥላሁን ለህክምና ከሐገር ሲወጣ በቁፋሮ የተገኘዉ የሐገራችን አንጡራ ሐብት ጥላሁንን አጅቦት ኮበለል።
ሞት ለወያኔ!

The post እውን ጥላሁን ገሠሠን በስለት ለመወጋት ያበቃው የ’ሆድ ይፍጀው’ ምስጢር ይህ ይሆን? appeared first on Zehabesha Amharic.

የህወሓት ከፍተኛ ባለስልጣናትና የአማራ ክልል ሹሞች በጎንደር ጎሃ ሄቴል ለሦስት ተከታታይ ቀናት ያደረጉት ድብቅ ስብሰባ ያለምንም ውጤት በፀብ ብቻ ተቋጨ፡፡ በህወሓቶችና በብአዴኖች መካከል የተካረረ ፍጥጫና ንትርክ ተከስቶ የነበረ መሆኑም ተደርሶበታል፡፡

(የአርበኞች ግንቦት 7 ድምፅ ሬድዮ) በጎንደር ከተማ ጎሃ ሆቴል ውስጥ ከጥር 28 እስከ የካቲት 1 2008 ዓ.ም በድብቅ በተካሄደው ስብሰባ ላይ የተገኙት የህወሓት ከፍተኛ ባለስልጣናት አባይ ፀሐዬ፣ ስብሃት ነጋ፣ ደብረ ፂዮን ገ/ሚካኤል፣ አባይ ወልዱ እና የትግራይ ክልል አስተዳደርና ፀጥታ ሹም ናቸው፡፡
ገዱ አንዳርጋቸው፣ አለምነው መኮንን እና መኳንንት /የአማራ ክልል ፀጥታ ሹም/ ደግሞ ከብአዴን ወገን የተገኙ የአማራ ክልል ሹማምንቶች ነበሩ፡፡

የህወሓት ከፍተኛ ባለስልጣናትና የህወሓት ዲቃላ የሆነው ብአዴን ባለስልጣናት በጎንደር ጎሃ ሆቴል ተሰብስበው የተነታረኩባቸው አጀንዳዎች ሁለት ሲሆኑ የወልቃይትን የአማራ ማንነት ጥያቄ እና ብረት ያነሱ የነፃነት ድርጅቶችን /በተለይም አርበኞች ግንቦት 7ን/ በሚመለከት ነው፡፡

የትጥቅ ትግል እያደረጉ የሚገኙ የነፃነት ድርጅቶችን በሚመለከት ህወሓቶች “ሰተት ብለው ከበረሃ ወደ ህዝቡ እንዲገቡ እያደረጋችኋቸው ነው…” በማለት ብአዴኖችን ወቅሰዋቸዋል፡፡

ከወልቃይት ህዝብ የአማራ ማንነት ጥያቄ ጋር በተያያዘ ደግሞ የትግራይ ክልል አስተዳዳሪና የህወሓት ሊቀ መንበር የሆነው አባይ ወልዱ እንዲህ ብሏል፡፡
“ወልቃይት የትግራይ ነው! የአማራነት ጥያቄው በዚህ የማያቆምና ተጠናክሮ የሚቀጥል ከሆነ የማያዳግም እርምጃ እንወስዳለን…!”

ቀጥሎም አባይ ወልዱ የአማራ ክልልን አስተዳዳሪ ገዱ አንዳርጋቸውን  “አንተ የአማራን ህዝብ የጦር መሳሪያ ያስታጠከው ሆነ ብለህ በትግራይ ላይ ጦርነት ለማወጅ ነው…” በማለት ተናግሮታል፡፡

ገዱ አንዳርጋቸውም በበኩሉ  “እኔ ህዝቡ በሀብቱ ገዝቶ ከጥንት ጀምሮ ታጥቆት የቆየውን ጦር መሳሪያ ህጋዊ ፈቃድ በመስጠት አፀናሁለት እንጂ ልክ እንዳንተ ከመንግስት ግምጃ ቤት አውጥቼ በገፍ አላስታጠቁትም፡፡ በትግራይ ህዝብ ላይ ጦርነት አወጅክ ላልከኝም የትግራይን ህዝብ ሰብስበህ በወልቃይት ህዝብ ላይ እርምጃ እንወስዳለን ብለህ በይፋ ጦርነት ያወጅከው አንተ ነህ፡፡” በማለት ለአባይ ወልዱ መልስ ሰጥቶታል፡፡ 

የጦር መሳሪያን በሚመለከት ደብረ ፂዮን ገ/ሚካኤል ገዱ አንዳርጋቸው የአማራን ህዝብ እንዳስታጠቀ ወቀሳ ሰንዝሯል፡፡ ደብረ ፂዮን ስለ ወልቃይት ህዝብ የአማራ ማንነት ጥያቄ የሚከተለውን በማለት ቁልጭ ያለ አቋሙን አስቀምጧል፡፡
“የወልቃይት ጉዳይ ክልል አንድን እንጂ ማንንም አይመለከተውም፤ ውሳኔውም ሊሆን የሚችለው የክልል አንድ ብቻና ብቻ ነው፡፡” 

ለዚህ የደብረ ፂዮን ንግግር ገዱ አንዳርጋቸው ሲመልስ
“እኛ ሄደን ኑ አንላቸውም፤ ከመጡ ግን የማንቀበልበት ምንም ምክንያት የለም፤ ደግሞም ውሳኔ ማስቀመጥ ያለበት ራሱ የወልቃይት ህዝብ ነው፡፡”

በመሆኑም በሁለቱ ክልሎች /በትግራይና አማራ/ አስተዳዳሪዎች ማለትም በአባይ ወልዱና ገዱ አንዳርጋቸው መካከል ስብሰባው ውስጥ የተካረረ ፍጥጫ ተከስቶ ነበር፡፡ 

ህወሓቶች ለገዱ አንዳርጋቸው ከባድ ማስጠንቀቂያ ሰጥተውታል፡፡

በአጠቃላይ በጎንደር ጎሃ ሆቴል ከጥር 28 እስከ የካቲት 1 2008 ዓ.ም በድብቅ የተካሄደው የህወሓቶችና የብአዴኖች ውይይት ያለምንም መግባባት በፀብ ብቻ ተጠናቋል፡፡

The post “ወልቃይት የትግራይ ነው! የአማራነት ጥያቄው በዚህ የማያቆምና ተጠናክሮ የሚቀጥል ከሆነ የማያዳግም እርምጃ እንወስዳለን” – አባይ ወልዱ appeared first on Zehabesha Amharic.

ባለፈው ሰሞን ከወደ አሜሪካ በኢትዮጵያ ኦርቶዶክስ ተዋሕዶ ቤተ ክርስቲያን አውደ ምህረት ላይ ”በኦርጋን መዘመር ይቻላል”።የሚል እንግዳ ንግግር ተሰምቷል።የምንኖረው በምዕራቡ ዓለም ነው እና ማንም የመሰለውን ሃሳብ መስጠት ይችላል።ሆኖም ግን አሁንም የምንኖረው በምዕራቡ ዓለምም ነውና ማንም ግን ካለማንም ፍላጎት የግል ሃሳቡን በሌላ ላይ መጫን አይችልም። ስለ ኦርጋን የተነገረው  ከግል አስተያየትነት አያልፍም።ይህ ማለት ግን ትክክል ነው ማለት ግን አይደለም።ስንት የሚሰራ ሥራ ያላትን ቤተ ክርስቲያን ከስርዓቷ ውጭ የሆነ ተግባር እንድትፈፅም ለመጫን መሞከር መዘዙ ብዙ ነው።

አገረ አሜሪካ፣ ይሄው ሃሳብ የተሰነዘረባት አገር በርካታ የቤተ ክርስቲያኒቱ ሊቃውንት የሚገኙባት ነች።በተለይ በስደት የሚገኙ ብፁዓን ሊቃነ ጳጳሳት ፓትርያሪክ ብፁዕ ወቅዱስ አቡነ መርቆርዮስ ከሁለት አስርተ ዓመታት በላይ በስደት የሚገኙት አሁንም አሜሪካ ነው።አቡነ መርቆርዮስም ሆኑ በስደት የሚገኘው ሲኖዶስ ኦርጋን በየቤተ ክርስቲያን ይግባ የሚል ውሳኔ አላሳለፈም። በአገር ቤት የሚገኘው ሲኖዶስ ይልቁንም ከሃያ አመታት በፊት የቤተ ክርስቲያኒቱ የመዝሙር መሣርያዎች ምን ምን እንደሆኑ ለይቶ በቀኖና (ህገ ቤተክርስቲያንነት)  ወስኗል። በሁለቱ ማለትም በውጭ እና በአገር ቤት በሚገኙ አባቶቻችን መካከል ምንም አይነት የሃይማኖታዊ ዶግማዊም ሆነ ቀኖናዊ ልዩነት የለም።በሥርዓተ ቤተ ክርስቲያንም መሰረታዊ የሆነ የልዩነት ነጥብ አልተከሰተም።በእርግጥ በአንዳንድ አጥብያዎች ስርዓተ ቤተ ክርስቲያን ከሚፈቅደው ውጭ የሚታዩ ማዘንበሎች የአገር ቤቱንም ሆነ በውጭ በስደት የሚገኘውን ሲኖዶስ መገለጫ ሊሆኑ አይችሉም።

እውነታው እንግዲህ ይህ ሆኖ ሳለ በአሜሪካን አገር ስለ ኦርጋን በአውደ ምሕረት አንድ አባት ተናገሩ ተብሎ እንደ ስርዓት የተደነገገ ያክል የሚናገሩ  እና  አልፈው ተርፈውም ኦርጋንን ከአባ ዘጊዎርጊስ ድርሰት ጋር እያመሳሰሉ የሚፅፉ ግለሰቦች ሰው ይታዘበናል አለማለታቸው እየገረመኝ ነው።

ከሁሉ በፊት የኢትዮጵያ ኦርቶዶክስ ተዋሕዶ ቤተ ክርስቲያን ስርዓት ቀኖና በአስተያየት፣በአውደ ምህረት ላይ ንግግር ወይንም አንድ አባት ስለፃፈ ሕግ ይሆናል ማለት አይደለም።በአገራችን አንድ ባህታዊ ከቤተ ክርስቲያን ደጅ ላይ ከወገቡ በላይ እራቁቱን ሆኖ እራሱን በሰንሰለት እየገረፈ የሚናገረውን እንደ ሲኖዶስ ውሳኔ የሚወሰድበት አጋጣሚ መኖሩ በእራሱ አሳዛኝ ሆኖ ሳለ በውጭ የሚኖረው ምዕመን ሕግ እና ስርዓት ቤተ ክርስቲያኒቱ በማን እና እንዴት እንደምታወጣ የማያውቅ ይመስል ኦርጋን እና አርጋኖን እየተባለ ሲወናበድ ማየት አሳዛኝ ነው።አሁን አሁን  የአባ ጊዮርጊስ ዘጋስጫን አርጋኖን የተሰኘውን እመቤታችን ቅድስት ድንግል ማርያምን የሚያመሰግነውን መፅሐፍ  ኦርጋን ከተባለው የሙዚቃ መሳርያ ጋር እያመሳሰሉ የሚፅፉ ሰዎች ለህሊና የሚከብድ ውሸት ሲዋሹ መመልከት ተለምዷል።

ይህንን ፅሁፍ እንድፅፍ ያነሳሳኝ ዛሬ በማኅበራዊ ድረ-ገፅ ላይ ያነበብኩት አንድ ፅሁፍ  በርካታ በተረታ ተረቶች  የተሞሉ ፅሁፎች ታጭቆበት ስለተመለከትኩ ነው።ለነገሩ ተረት ብቻ ሳይሆን ”አይን ያወጣ” በሚባል ደረጃ በውሸት የተሞላ ነው። ከፅሁፉ ውስጥ ሶስቱን ውሸቶች ብቻ ልጥቀስ:-

ውሸት አንድ – ”ኦርጋን የመዝሙር መምነሽነሽያ ነበር”

ውሸት ሁለት –”ኦርጋን ከአባይ ዳር ነው የተገኘው”

ውሸት ሶስት –”ቅዱስ ያሬድ ቅዱስ ኤፍሬም እና አባ ሕርያቆስ ኦርጋን ይጠቀሙ ነበር።ቅዱስ ያሬድ ኦርጋን ብሏል።” የሚሉ ይገኙበታል።

እዚህ ላይ ኦርጋን የተባለውን የሙዚቃ መሳርያ ከአሥራ አራተኛው ክ/ዘመን ኢትዮጵያዊው ሊቅ እና ቅዱስ አባ ዘጊዮርጊስ ዘጋስጫ ድርሰት የሆነው ”አርጋኖን” ጋር አንድ ነው የሚለው አባባል ሌላው አስቂኝ የማሞኛ ግን ደግሞ ምንም የማያውቁ ምዕመናንን ለማሳሳት የሚሞከረው ሙከራ  አደገኛ መሆኑን መግለጡ ተገቢ ነው።ለመሆኑ ኦርጋን የሙዚቃ መሳርያ ከሆነ አርጋኖን ምንድነው?

ስለ አርጋኖን እና አባ ጊዮርጊስ የተፃፈው ፅሁፍ እንዲህ ይነግረናል:-

”የአባ ዘጊዮርጊስ ዘጋስጫ የመጀመርያው ድርሰቱ አርጋኖን  የተሰኘውና በቅኔ ስለ እመቤታችን ቅድስት ድንግል ማርያም የሚያመሰግነው መጽሐፉ ነው፡፡ ስለ አርጋኖን ድርሰቱ ገድሉ በሚከተለው መንገድ ይገልጠዋል «ወሰመዮ በሠለስቱ አስማት ዘውእቶሙ አርጋኖነ ውዳሴ፣ ወመሰንቆ መዝሙር ወእንዚራ ስብሐት – በሦስት ስሞችም ሰየማቸው እነርሱም አርጋኖነ ውዳሴ፣ መሰንቆ መዝሙርና እንዚራ ስብሐት  ይባላሉ፡፡» ይህ አገላለጥ አንድ ነገር እንድናስተውል ያደርገናል፡፡ ይሄውም ስለ አርጋኖን መጽሐፍ ይዘት ነው፡፡ በገድሉ ላይ አርጋኖን መጽሐፍ አንድ ሆኖ ሦስት ክፍሎች ያሉት ነው፡፡ …. አርጋኖን ከሰኞ እስከ ዓርብ ላሉት ዕለታት ተከፋፍሎ የተዘጋጀ ሲሆን፣ እንዚራ ስብሐት ግን ከ«ሀ » እስከ «ፖ» ያሉትን ፊደላት በመክፈያነት በመጠቀም የተዘጋጀ ነው፡፡ ይህም አርጋኖንን አባ ጊዮርጊስ ሲያዘጋጀው አንድ ሆኖ በኋላ ግን በየክፍሉ እየተጻፈ የተባዛ ይመስላል፡፡እመቤታችን አርጋኖንን ስለ ወደደችለት ዚማት  በሚባለው ሀገር በነበረ ጊዜ «ከድርሰቶችህ ሁሉ እንደ አርጋኖን የምወደው የለም»  ብላዋለች፡፡ ዐፄ ዳዊትም ድርሰቱን በጣም ከመውደዱ የተነሣ በወርቅ ቀለም እንዳጻፈው ገድሉ ይገልጣል፡፡አባ ጊዮርጊስ የተወለደው በ1357 ዓም ነው።ወላጆቹ ልጅ ስለሌላቸው ዘወትር እያዘኑ ይኖሩ ነበር።አባ ጊዮርጊስ የተወለደው በቅዱስ ዑራኤል ብስራት መሆኑን ድርሳነ ዑራኤል ይተርክልናል።” +

ኢትዮጵያዊ ቅዱስ አባ ጊዮርጊስ ዘጋስጫ

ስለዚህ አርጋኖን ድርሰት ነው።ኦርጋን ደግሞ የሙዚቃ መሳርያ ነው። አሁን በ21ኛው ክ/ዘመን ሰዎች እንዲህ የማይገናኙ ነገሮችን አምታተው ፅፈው ሕዝብ ያታልላሉ ብሎ ማን ይጠብቃል? እየሆነ ያለው ግን ይህ ነው።

የኦርጋንን የሙዚቃ መሳርያ በተመለከተ ከኢትዮጵያ ኦርቶዶክስ ተዋሕዶ ቤተ ክርስቲያን ጋር አያይዞ የተሰጠው አስተያየት ጋር ተዛምዶ በማኅበራዊ ድረ-ገፅ የሚፃፉትን በተመለከተ መታወቅ ያለባቸው ሶስት ነጥቦችን አንስቼ ፅሁፌን ልደምድም።

1/ ቤተ ክርስቲያን መድረክ ላይ በሚሰጡ የግል ሃሳቦች ቀኖና አትቀንንም 

የኢትዮጵያ ኦርቶዶክስ ተዋህዶ ቤተ ክርስቲያን የምትመራባቸው መሰረታዊ መመርያዎች ምንጮች ሁለት ናቸው።አንዱ መሰረተ እምነቷ የሆነው ዶግማ ሲሆን ሁለተኛው አባቶች የሰሩላት ሥርዓቷ ወይንም ቀኖና ነው።

ዶግማን ሐዋርያውቅዱስ ጳውሎስም “ነገር ግን እኛ ብንሆን ወይም ከሰማይ መልአክ፥ ከሰበክንላችሁ ወንጌል የሚለይ ወንጌልን ቢሰብክላችሁ፥ የተረገመ ይሁን።አስቀድመን እንዳልን እንዲሁ አሁን ሁለተኛ እላለሁ፥ ከተቀበላችሁት የተለየውን ማንም ቢሰብክላችሁ የተረገመ ይሁን። ” በማለት እንዳወገዘው (ገላ. ፩፣ ፰ -፱) ማንም ማን ቢሆን የማይቀይረው መሰረተ ዕምነት ነው።ለምሳሌ የክርስቶስ ፍፁም አምላክነት ዶግማ ነው።ቀኖና  ግን የቤተ ክርስቲያኒቱን መሰረተ ዕምነት፣የመፅሐፍ ቅዱስ ትዕዛዛትን እና ቀደም ያሉ የቅዱሳን አበው ድንጋጌዎችን መሰረት አድርጎ የተሰራ ነው። ቀኖና በአውደ ምሕረት ላይ አንድ አባት ሃሳብ ስለሰጡ ”አይሻሻልም” አሁንም የቅዱስ ሲኖዶስ ውሳኔ ይፈልጋል።ቅዱስ ሲኖዶስ ደግሞ በመንፈስ ቅዱስ መሪነት ስለሚመራ የሚወስናቸው ውሳኔዎች በዘፈቀደ አይደለም።

በመሆኑም የኦርጋን ጉዳይ በውጭ ባለው ሲኖዶስም ሆነ በአገር ቤቱ ሲኖዶስ  የቤተ ክርስቲያን መሳርያ ነው የሚል ነገር የለም።ይልቁንም በአገር ቤት ሲኖዶስ በቤተ ክርስቲያኒቱ መንፈሳዊ መሳርያነት ተቀባይነት አላገኘም።በአገር ቤት እና በውጭ ባለው ሲኖዶስ መካከል ደግሞ የዶግማም ሆነ የቀኖና ልዩነት የለም።ይህንን በሁለቱም በኩል ያሉ አባቶች ደጋግመው ተናግረዋል።

2/ ኦርጋንን የሚከለክለው ማኅበረ ቅዱሳን ነውን ?

አሁን አሁን የተያዘው ፈሊጥ ኦርጋንን የሚከለክለው ማኅበረ ቅዱሳን ነው የሚል ነው።እንግዲህ ይህንን ለመረዳት በተራ ቁጥር አንድ ላይ ቤተ ክርስቲያኒቱ እንዴት ስርዓት እንደምታወጣ ከተመለከትን ከቤተ ክርስቲያን መዋቅር ስር በሰንበት ትምህርት ቤቶች ማደራጃ ስር የሚገኘው ማኅበረ ቅዱሳን በምን ስልጣኑ ነው ስለ ቀኖና መቀነን ሥራ ገባ የተባለው።ደግሞስ በእዚህ ዘመን ስንት ያላመኑ ለማሳመን እንደመጣር በእየጭፈራ ቤት ማድመቅያ የሆነውን የሙዚቃ መሳርያ ከቤተ ክርስቲያን ካልገባ ብሎ ያዙኝ ልቀቁኝ ምን የሚሉት ፈሊጥ ነው? በእዚህም ሳብያ የቤተ ክርስቲያን ሌላ እራስ ምታት ለመሆን መሮጥ ምን አይነት አለመታደል ነው?

3/ ለምን ኦርጋን ተፈለገ?

የኢትዮጵያ ኦርቶዶክስ ተዋኅዶ ቤተ ክርስቲያን ኦርጋን እንድትጠቀም የሚወተወትበት በተለይ በባእዳን በኩልም ጭምር የሚቀነቀነው ከሶስት ፍላጎቶች አንፃር ነው።

አንደኛው የቤተ ክርስቲያንም ሆነ የኢትዮጵያ መለያ እና ብቸኛ ባለቤት የሆነው የያሬዳዊ ዜማን ለማስጣል እና አገሪቱን ካለ አንዳች መለያ ማስቀረት፣

ሁለተኛ፣ በእዚህ ሳብያ የኢትዮጵያ ታሪክን በዋናነት የያዘችው ቤተ ክርስቲያንን መሰረታዊ መለያ መበረዝ የኢትዮጵያን ህልውና ማሽመድመድ ነው ከሚል እሳቤ አፍሪቃዊቷን ቤተ ክርስቲያን አውሮፓዊ ካባ ለማልበስ የሚደረግ እሩጫ እና

ሶሥተኛው ምክንያት በቤተ ክርስቲያን ውስጥ ከፍተኛ መተራመስ ለመፍጠር የሚንቀሳቀሰው ለባዕዳን በማደር እና ጧት ማታ ባዕዳንን በማድነቅ የቤተ ክርስቲያንን እና አባቶች ያቆዩትን ስርዓት ለመናድ የሚጣጣረው እና  ባለፈው ሰኔ/2007 በርካታ ገፆች አትሞ በድብቅ የነበረውን ስራውን በይፋ ማውጣቱን የገለፀው ”የተሃድሶ እንቅስቃሴ” በቤተ ክርስቲያን ውስጥ ልዩነት የመፍጠርያ ነጥብ ያገኘ መስሎት ስለሚያራግበው ነው።
ከእዚህ በታች ”አንድ አድርገን” ድረ-ገፅ ላይ የያረዳዊ የቤተ ክርስቲያናችንን ዜማ በባዕዳን መቀየር የሚመክሩትን አስመልክቶ ከሁለት ዓመት በፊት የወጣ ፅሁፍ የድርጊቱን እኩይ አላማ ስለሚያሳይ እንዳለ አቀርበዋለሁ።

”ከአበው ከወረስናቸው በርካታ መንፈሳዊ ርስቶቻችን አንዱ መንፈሳዊው ዜማ ነው፡፡
ይህ መንፈሳዊ ዜማ አባቶቻችን ከእግዚአብሔር የተቀበሉትና ከእርሱ ጋር የተገናኙበትእኛም ተግተን ብንጠብቀው ወደ ሰማያዊ ኅብረት የምንነጠቅበት መሰላል ነው፡፡
መንፈሳዊው ዜማ በዓለም ካሉት ሀገራት ይልቅ ለኢትዮጵያ ተለይተው ከተሰጡሃብታት አንዱ ነው፡፡ኢትዮጵያ ከታላቁ አባት ከቅዱስ ያሬድ የተቀበለችው የዜማርስትም ጣዕሙን ለሚያውቀው በጦር መወጋትን እንኳን  ህመሙን ያስረሳ ነው (በቅዱስ ያሬድ ዜማ የተመሰጡት አፄ ገብረ መስቀል በጦር  የቅዱስ ያሬድ እግር ላይ በትረ መስቀላቸውን መትከላቸው እና  ሁለቱም ተመስጠው ሲነቁ መመልከታቸው) ፡፡ይህን የዜማ ርስት ግንበዚህ ዘመን አልሰጥም ብሎ እንደ ናቡቴ የሚጠብቅ አልተገኘም ፤ ንጉሥ አክዓብለናቡቴ ያቀረባቸውን ሁለት አማራጮችም በዘመናችን ትውልዱ በደስታ ተቀብሎትይገኛል፡፡
ለናቡቴ የቀረበው የመጀመሪያው ምርጫ ‹የአባቶችን ርስት ወስጄ ሌላ ርስትንልስጥህ › የሚል ነበር፡፡በዚህ ዘመንም ከአባታችሁ ከቅዱስ ያሬድየተቀበላችሁትን ዜማ ትታችሁ ሌላ ያሬዳዊ ያልሆነ ዜማን እናሰማችሁ ባዩ በዝቷል፡፡ይህንንም ጥሪ ተቀብሎ ያሬዳዊ ያልሆነን ዜማ ማድመጥና ማድነቅ የተለመደ ሆኗል፡፡
ሁለተኛው የናቡቴ ምርጫ ደግሞ ‹ገንዘብ ልስጥህ ርስትህን ስጠኝ› ነበር፡፡ይህንአይነቱንም መንገድ ዛሬ ብዙዎች የቀደመውን የዜማ ርስታችንን ለመጣላችን መንስኤነው፡፡፡፡የናቡቴና የእኛ ዘመን ነገር ልዩነቱ ናቡቴ በንጉሥተገድዶም እንኳን ርስቱን ሳይሰጥ የሞተ ሲሆን ይህ ትውልድ ደግሞ በራሱ ፍላጎትርስቱን እየሸጠና እየለወጠ መሆኑ ነው፡፡ 
ያሬዳዊ ዜማ የአንድ ወገን ባሕል ሳይሆን እግዚአብሔር በቀጥታ ለቤተ ክርስቲያን ዘኢትዮጵያ የሰጠው መንሳዊ ጸጋ ነው፡፡ያሬዳዊውን ዜማ ማጣጣልና መቃወም ቤተ ክርስቲያኒቱን መቃወም እንጂ የተወሰኑግለሰቦችን መቃወም አይደለም፡፡” +

በመጨረሻም ፅሁፌን ለመደምደም የምፈልገው በአንድ አረፍተ ነገር ነው።ሰውን መውደድ፣ አባትን መውደድ ወይንም ማድነቅ አንድ ነገር ነው።የሚወዱትን አባት የሚለውን ሁሉ የቤተ ክርስቲያኒቱ ቀኖና አስመስሎ ለምዕመናን ማቅረብ ግን የቤተ ክርስቲያንን ስርዓት አለማወቅ ነው።አርጋኖን እና ኦርጋን ምን አገናኛቸው? ሰውን እንፈር፣እግዚአብሔርንም እንፍራ!

ጉዳያችን GUDAYACHN
www.gudayachn.com

የካቲት 5/2008 ዓም  (ፈብሯሪ 13/2016)

ማጣቀሻ 

+  አንድ አድርገን ድረ-ገፅ 2006 ዓም
+  መፅሐፍ ቅዱስ
+  አባ ጊዮርጊስ ዘጋሥጫ ልዩ መርሐ ግብር ግንቦት 10 እስከ 12 www.danielkibret.com

The post ”አርጋኖን” እና ”ኦርጋን” ምን አገናኛቸው? ሰውን እንፈር፣እግዚአብሔርንም እንፍራ | የጉዳያችን ማስታወሻ appeared first on Zehabesha Amharic.

The post በኦርጋን የመዘመሩ ጉዳይ | መዝሙርና የመዝሙር መሣሪያዎች appeared first on Zehabesha Amharic.

“ከ እስራት ስወጣ አንቺን ሆነ ቤተሰቦችሽን አልምራችሁም ብሎ ዝቶብኛል” ከሳሽ የሰጠችው ቃል

ከታምሩ ገዳ

የ33 አመቱ ጎልማሳ ማሃድ ኢዳን እና ስሟ ለጊዜው ያለተገለጸው የ 20 አመቷ እጮኛው ቀደም ባለው ቅራኔያቸው ሳቢያ ማሃድ ከ እንግሊዝ ፖሊሶች የክስ ፋይል ውስጥ የወድቃል ። ማሃድም ይህንን ከሁለት አመት በፊት የተደርገ ቅራኔን እና የክስ ፋይል ውድቅ እንዲሆንለት እጮኛው አንድ መወጫ ዘዴ ካላፈላለገች ብቸኛው መፍትሔ የአርሷ ህይውትን ማጥፋት ብቻ አንደሚሆን ይዝታል፣ ያሰፈራራታልም እንደ ከሳሽ እማኝነት ቃል እና የፖሊስ ሪፖርት ዘገባ።

The post እጮኛውን ደብድቦ ከእንግሊዝ ወደ ኢትዮጵያ የተሰደደው ግለሰብ በ 15 አመት እስራት ተቀጣ appeared first on Zehabesha Amharic.

በነገረ ኢትዮጵያ ሪፖርተር

The post እነ ብርሃኑ ተ/ያሬድ ተከላከሉ ተባሉ *ተከሳሾች 200 የሰው መከላከያ ምስክሮች አሉን ብለዋል appeared first on Zehabesha Amharic.

‹‹የ65 ዓመት አጎቴ ያሳድገኝ የነበረ ሲሆን በተለያየ ጊዜ በገጠመው ህመም ሳስታምመው ቆይቻለሁ፡፡ ይሁን እንጂ ሊሻለው ባለመቻሉ ከፍተኛ ህክምና እንዲደረግለት ወደ አዲስ አበባ ሪፈር ተደረገ፡፡ ሆኖም በተደረገለት ምርመራ ከኤድስት ጋር የተያያዘ እንደሆነና ነገር ግን ለዚህ በሽታ የሚያጋልጥ ኤች.አይ.ቪ እንደሌለበት ነበረ የተረጋገጠው፡፡ በመጨረሻ ግን የካንሰር ህመም እንዳለበት ነገር ግን ህመሙ በመሰራጨቱ ሊድን እንዳልቻለ ነበር የተረዳነው፡፡ በአሁኑ ወቅት ካረፈ ስድስተኛ ወሩ ቢሆንም የህመሙ ጉዳይ ቢከነክነኝ ነው ይህን ደብዳቤ ወደ እናንተ የላኩት፡፡ ለመሆኑ አንድ ሰው ኤች.አይ.ቪ ሳይኖርበት እንዴት ኤድስ ሊኖርበት ይችላል? ካንሰርና ኤድስ ምን አገናኛቸው? እባካችሁ መልሳችሁን በጉጉት እጠብቃለሁ፡፡

አስቴር ወላንሳ

ጥያቄሽ በራሱ አነጋጋሪነት ያለውና ለሌሎችም የሚያስተምር በመሆኑ ቅድሚያ ሰጥተነዋል፡፡ በዋናነትም ጥያቄሽ ኤች.አይቪ በሌለበት ሁኔታ እንዴት አንድ ሰው ኤድስ ሊኖርበት ይችላል? የሚል በመሆኑ በሁለቱ ረገድ ያለውን ትስስር እንዲህ እናቀርበዋለን፡፡

ኤድስ የሰውን ልጅ የበሽታ መከላከያ አቅም በማመንመን በተለይም የነጭ ህዋስን የተባለውን ከሰውነታችን ስለሚያጠፋው (ስለሚገለው) በዛ ያሉ በሽታዎች በቀላሉ በሰውነታችን ጤናማ አካል በነበረበት ወቅት በቀላሉ ሊያስወግዳቸው ይችል የነበሩትም በሽታዎች ለምሳሌ እንደ ቲቢ ያሉ በሽታዎች በቀላሉ በሰውነታችን ውስጥ ይሰራጫሉ፡፡

ማንኛውም ቅስም ሰባሪ በሽታ ኤድስ ብሎ መጥራት ይቻላል? ማንኛችንም ቅስም ሰባሪ በሽታ ኤድስ ብለን መጥራት አንችልም፡፡ ከዚህ በፊት የነበሩ ነባር ቅስም ሰባሪ በሽታዎች አሉ፡፡ ለመጥቀስ ያህል ካንሰርና የስኳር በሽታ፡፡ ከመድሃኒቶችም ቅስም የሚሰብሩ በሽታዎች አሉ፤ ለምሳሌ ያህል ለአስም በሽታ ፍቱን የተባለ መድሃኒት እንዲሁ ከልክ በላይ ከተወሰደ ማለት ሐኪም ካዘዘው በላይ ከተወሰደ ወይም ያለማቋረጥ ለረጅም ጊጊ ከተወሰደ እንዲሁም ለሌሎችም በተፈጥሮ ጉድለት የሰውነት የመከላከያ ንጥረ ነገር ሊጎድልም ይችላል፡፡ እንደ ኤች.አይ.ቪ ኤድስ ተመሳሳይ የበሽታ ምልክቶችን የሚጋሩ ህመሞች ግን አሉ፡፡ ለምሳሌ እንደ ስኳር፣ አስም፣ ቲቢ፣ ካንሰር፣ ከፍተኛ የምግብ እጥረት፣ በተፈጥሯቸው የበሽ መከላከያ ኃይላቸው የደከመባቸው፣ የአዕምሮ ህመምና የመሳሰሉት ናቸው፡፡

ኤድስን ከሌሎች ኤድስ መሰል ህመሞች የምንለየው እንዴት ነው? ኤች.አይ.ቪ የሚመጣውን ኤድስን ከሌሎች ኤድስ መሰል ህመሞች የሚለየው በኤድስ የሚከሰተው ቅስም ሰባሪነት የሰውነት የበሽታ መከላከያ ሴሎችን ሙሉ ለሙሉ ስለሚደመስሰው ሰውነታችንን በቀላልም ሆነ ለከባድ ህመም ሙሉ በሙሉ ስለሚያጋልጠው ነው፡፡ እንዲሁም የሰውነታችን ዋና ዋና አካላት (ልብ፣ አዕምሮ፣ ኩላሊት) የሥራ መስተጓጎል፣ ሰውነትን በሙሉ ስለሚበታትነውና ስለሚያደቀው ለከፍተኛ ክሳት፣ በከፍተኛ በሽታ መጋለጥ፣ ለማይቋረጥ ተቅማጥ፣ ለማይቋረጥ ትኩሳት፣ ከፍተኛ ለሆነ ምግብ የማስጠላት፣ የማስታወክ፣ ጠቅላላ የቆዳ መቁሰል፣ የምላስ መገንተር እንዲሁም በጣም መድከምና የመሳሰሉትን ያስከትላል፡፡ ነገር ግን በሌሎች ኤድስ መሰል በሽታዎች እነዚህ ሁሉ ምልክቶች አይከሰቱም፡፡ በተጨማሪም ሌሎች መሰል ህመሞች በቀላሉ ታክመው የሚድኑ ናቸው፡፡ እነዚህ ህመሞች ወደ ኤድስ መሰል ህመምነት የሚሸጋገሩት እስካልታከሙ ድረስ ነው፡፡

የኤች.አይ.ቪ ምርመራ በአንቲቦዲ ቴስት ላይ ያተኮረ ነው፡፡ በተፈጥሯቸው የአንቲ ቦዲ እጥረት ያለባቸው ሰዎች አሉ፡፡ እነዚህ ሰዎች በኤች.አይ.ቪ ቢያዙ ምርመራቸው ኔጌቲቭ ሊሆን ይችላል፡፡ እንዲሁም ኤድስ መሰል ህመሞችን ይባላል፡፡ ኤች.አይ.ቪ ፖዘቲቭ መሆኑን በከፍተኛ ደረጃ የሚያረጋግጥ (Sensitivity)፣ ኤች.አይ.ቪ ኔጌቲቭ መሆኑን በከፍተኛ ደረጃ የሚያረጋግጥ (Sensitivity) ምርመራ አለ፡፡ ቀድሞውንም ቢሆን ማለት በሽታው ባለባቸው ወይም በሌለባቸው ላይ ይህ ‹‹የአንቲቦዲ ቴስት›› ፀረ ህዋስ የመከላከያ አካል መቶ በመቶ አለ መቶ በመቶ በሽታው ፖዘቲቭ ወይም መቶ በመቶ የለብህም ኔጌቲቭ ማለት አይቻልም፡፡ ይህ የሁሉም የላብራቶሪ ቴስቶች የውስጥ ባህሪ ተቀባይነት ያለው ስህተቶች አሏቸው፡፡ ይህም የላቦራቶሪ ውጤት መቶ በመቶ ትክክለኛ ባይሆንም ሳይንቲስቶች ወደ ትክክለኛው ቴስት የሚያቀራርቡበት ዘዴ አላቸው፡፡ ይህም ዘዴ የአንድን በሽታ በትክክለኝነት የሚያረጋግጥ ነው፡፡ ለምሳሌ ኤች.አይ.ቪ ፖዘቲቭ መሆኑን በከፍተኛ ደረጃ የሚያረጋግጥ ቴስት (Sensitivity) ይባላል፡፡ በአንፃሩ ደግሞ በሽታው እንደሌለ ኤች.አይ.ቪ ኔጌቲቭ መሆኑን በከፍተኛ ደረጃ የሚያረጋግጥልን ቴስት (Specificity) ይባላል፡፡ እነዚህን በሚያሟሉ መመርመሪያዎች በመጠቀም ወደ እውነታው መቅረብ ይቻላል፡፡ እንጂ በአንዴ የአንቲቦዲ ምርመራ ብቻ አንድን ሰው ሙሉ በሙሉ በሽታው አለብህ የለብህም ማለት አይቻልም፡፡ ይህንንም ለማስተካከል ቴስቱን መደጋገም ወይም ዌስተርን ብሎት የሚባለውን ምርመራ ማድረግ ወይም እራሱን ኤች.አይ.ቪ ቫይረሱን በማሳደግ በሽታውን ማረጋገጥ የሚቻልበት መንገድ መጠቀም አለብን፡፡

አንዳንድ ጊዜ ቫይረሱ በደማቸው ውስጥ ሳይኖር ነገር ግን በምርመራ ፖዘቲቭ የሚሆኑበት ምክንያትም አለ፡፡ ይህ ከላይ ከጠቀስኩት ማብራሪያ ጋር ሊያያዝ ይችላል፡፡ ለምሳሌ ሰውነታችን ለሌሎች መደበኛ በሽታዎች ለምሳሌ ለወባ እንኳን የሚፈጥረው ፀረ ህዋስ አካል (Antibody) ለኤች.አይ.ቪ ፖዘቲቭ የሚሆንበት ጊዜ ነበር፡፡ ይህም ማለት ቫይረሱ በደም ውስጥ ሳይኖር ይህ የሆነበት ምክንያት ቴስቱ አንቲቦዲን ማግኘት እንጂ ይህ የኤች.አይ.ቪ አንቲ ቦዲ ነው፡፡ ይህ የወባ አንቲ ቦዲ ነው ብሎ ስለማይለይ ነው፡፡ በተለይ በመጀመሪያ የአንቲቦዲ ቴስት በተጀመረበት ወቅት የተከሰተ ችግር ነበር፡፡ በአሁኑ ጊዜ ግን ቴስቱ እየጠራ ስለመጣ ይህ መሰል መደበላለቅ አይታይም፡፡

በመሆኑም ኤድስ ማለት የሰውነትን የበሽታ መከላከያ ኃይል በማመንመን ሰዎችን ለተለያዩ ህመሞች የሚያጋልጥ ክስተት ሲሆን ይህን መሰል ችግር ከሚፈጥሩ መንስኤዎች ውስጥ ታዲያ አንዱ ኤች.አይ.ቪ ነው፡፡ እሱ ብቻ ግን አይደለም፡፡ ለምሳሌ አጎትሽ የሞቱበት ካንሰርም ይኸው ባህሪ አለው፡፡ በመሆኑም የአጎትሽ ህመም በመጀመሪያ ከኤድስ ጋር በተያያዘ ቢጠረጠሩምና ለዚህም ኤች.አይ.ቪ በዋናነት ተጠርጥሮ ከተመረመረ በኋላ ኔጌቲቭ ቢሆንም ይህን መሰል ህመም በካንሰርም ሊመጣ እንደሚችል መረዳት አለብን፡፡ ይህም ማለት ኤድስ መሰል ህመም የሚታይበት ሰው ሁሉ በኤች.አይ.ቪ ተይዟል ማለት እንደሌለብን አንዱ ማሳያ ነው፡፡ መንስኤው ሌላም ሊሆን ስለሚችል መጠርጠር ያስፈልጋል፡፡ በተረፈ የሞቱትን ነፍስ ይማር፤ እናንተንም እግዜር ያጥናችሁ ማለት እወዳለሁ፡፡ ሰላም!

The post Health: በኤድስ የሞተው አጎቴ እንዴት ኤች.አይ.ቪ የለበትም ተባለ??! appeared first on Zehabesha Amharic.

The post የኢትዮጵያ የራብ ጽጌረዳዎች | ‘በሰው መከራ የተመረቱ አበቦች ከአውሮፓ ገበያ ይደርሳሉ’ በሚል ርእስ ከተጻፈ የእግሊዝኛው ጽሁፍ ትርጉም appeared first on Zehabesha Amharic.

በሜይ 23፣ 2014 የቀለም አብዮትን ዋና አጀንዳው አድርጎ ከተካሔደው ሶስተኛው የሞስኮ የዓለማቀፍ ደህንነት ስብሰባ ላይ የሩሲያ ተቀዳሚ ምክትል የመከላከያ ሚኒስትር ጀኔራል ቫለሪ ጋሪስሚዮቭ ካቀረቡት መወያያ ላይ የተወሰደ

የቀለም አብዮት በውክልና ወይም በሶስተኛ አካል ፍላጎት በጎዳና ላይ ነውጥ በሕዝብ ድምጽ ስልጣን የያዙ መንግስታትን ከስልጣን የማውረድ ሙከራ ወይም ሴራ ነው፡፡ […] [በሌላ አነጋገር] በውክልና ወይም በሶስተኛ አካል ፍላጎት ላይ ተመስርቶ የሚካሔድ መፈንቅለ መንግስት [ነው] […]፡፡

የቀለም አብዮቶች ሁሉ የሚመሩት በአድህሮት ዓለማቀፍ ሃይላት ራሳቸውን ብሔራዊ ጥቅም በሌሎች ሀገራት ላይ ለማስጠበቅ ምሁራንን እና የግሉን ፕሬስ በቅጥረኝነት በመግዛት የሚቀሰቅሱት አመፅና ሁከት ደም መፋሰስ ሲሆን አብዮት ተብሎ ሊጠራ የማይችል ጸረ ህዝብና ፀረ ሀገር [እንዲሁም] ፀረ አብዮት ክንውን ነው፡፡

ሌላው ኢትዮጵያ ውስጥ አክራሪነትና ሽብርተኝነት ለማስፋፋት የተካሔደው ሙከራ ዶ/ር ጃሲም ሱልጣን በተባሉና እ.ኤ.አ በ1999 ዓ/ም የከሰመው የኳታር ሙስሊም ወንድማማቾች ፓርቲ አባል በነበሩት ግለሰብ በኩል የተከናወነ ነው፡፡ እኒህ ግለሰብ በሙስሊም ብራዘርሁድ ፓርቲ የአክራሪነት አስተምህሮ የተቃኘ የቀለም አብዮትን ለማካሄድ የሚያስችሉ ስልጠናዎችን በመስጠት ይታወቃሉ፡፡ የዶ/ር ጃሲም አስተምህሮ ወደ ኢትዮጵያ የዘለቀው በካሚል ሸምሱና አህመድ ሙስጠፋ በተባሉ ሁለት ግለሰቦች ነው፡፡

በፖለቲካ ፓርቲ ስም ተደራጅተው በሕግና ሕጋዊ አግባብ መወዳደርም መመረጥም ሲያቅታቸው በቀለም አብዮት ስልጣንን መንጠቅ ሁሌም የሚከጅላቸው ኃይሎች የጥፋት ልሳኖቻቸው ከሆኑ አንዳንድ የስም ጋዜጦች ጋር በፈጠሩት ያልሰመረ ጋብቻ በዩንቨርስቲዎቻችን የታየው ግርግር እንዲወለድ ሆኗል፡፡

እንዲሁም ከኦሮሞዎች ፈቃድና ፍላጎት ውጭ ኦሮሚያን ገንጥለው ሕዝቡ ላይ እንዳሻቸው ለመፈንጨት የቋመጡና በቀለም አብዮት ስልጣን ለመንጠቅ የተመኙ የኦሮሞ ፓርቲዎች [ናቸው ሕዝቡን ወደ አመፅ የከተቱት]

የቀለም አብዮቶች በሚነሱበት ሀገራት ሁሉ ከጀርባ መሪዎቹና አስተባባሪዎቹ ምዕራባዊያን መንግስታትና የእነርሱን ዓላማ አስፈፃሚ የሆኑት ዓለማቀፍ መንግስታዊ ያልሆኑ ድርጅቶች ናቸው፡፡ (አዲስ ዘመን፡ በአረንጓዴው አብዮት የሚሰበረው የቀለም አብዮት፣ ሚያዚያ 2006) የቀለም አብዮት ዋነኛ አራማጁ ፋይናንሻል ታይምስ [ሲሆን]፣ የምዕራባዊያኑ የገበያ አክራሪ ኃይሎችን ቀለም አብዮተኖች መፈልፈያ የሆነው [ደግሞ] ኦክስፎርድ ዩንቨርስቲ [ነው]፡፡ (አዲስ ዘመን፡ የቀለም አብዮት ናፋቂዎች፣ ሚያዚያ 10፣ 2006) የዓለም አቀፍ መንግስታዊ ያልሆኑ ድርጅቶች ጠቅላይና የቀለም አብዮት ዋነኛ ዘዋሪ የሆነው ናሽናል ኢንዶውመንት ፎር ዴሞክራሲ [ነው]፡፡ [ይህ] ድርጅ[ት] የመሪነቱን ድርሻ እንዲወጣም ዋነኛው የአሜሪካ መንግስት ፋውንዴሽን ሆኖ በስሩ በርካታ ዓለም አቀፍ መንግስታዊ ያልሆኑ ድርጅቶችን በማቀፍ እንቅስቃሴ ጀመረ፡፡ ከእነዚህ አበይት አለም አቀፍ መያዶች መካከል ናሽናል ዴሞክራቲክ ኢንስቲትዮት ፎር ኢንተርናሽናል አፌይርስ፣ ኢንተርናሽናል ሪፐብሊካን ኢንስቲትዮት፣ ኢንተርናሽናል ፋውንዴሽን ፎር ኤሌክቶሪያል ሲስተም (እነዚህ ሶስቱ በምርጫ 97 ወቅት ምርጫውን እንዳይታዘቡ ከኢትዮጵያ የተባረሩት እንደሆኑ ከላይ አይተናል)፣ ኢንተርናሽናል ሪሰርች ኤንድ ኤክስቼንጅስ ቦርድና ፍሪደም ሃውስ የተሰኙ ተቋማት ይገኙበታል፡፡ ናሽናል ኢንዶውመንት ፎር ዴሞክራሲ የተደራጀው በቀድሞ የሲአይኤ አመራርና አባላት ከመሆኑም በተጨማሪ፤ ሌላኛው የሲአይኤ ገጽታ ነው ማለት ይቻላል (አዲስ ዘመን፡ የቀለም አብዮት መፍጠሪያ “ማሽኖች” እና ተላላኪዎቻቸው፣ መጋቢት 2006)፡፡ የዲሞክራሲ (sic) ጭንብል ካጠለቁ ዓለም አቀፍ የገበያ አክራሪነት አስፈጻሚ ተቋማት [እና የቀለም አብዮት አቀጣጣዮች] ውስጥ […] ዓለም አቀፍ የልማት ድርጅት በአሜሪካ (USAID) […] እንዲሁም በትውልድ አይሁዳዊ የሆነው ቢሊየነር ጆርጅ ሶሮስ […] [የሚመራው] ግልጽ የማሕበረሰብ ተቋም (the open socity (sic) institute) ይገኙበታል፡፡ ትርምሱን በስተጀርባ [ከ]ሚቀምሩት [መካከል] ደግሞ የአውሮፓ ሕብረት እና […] ‘የሰሜን አትላንቲክ የጋራ ጦር ቃልኪዳን ድርጅት (NATO) ይገኙበታል። (በይናገር ታሪኩ፡ ከቀለም አብዮት በስተጀርባ (behind the color revolution) የተደበቁ ቁማርተኞች (ለኢሕአዴግ አባላት ለውይይት የቀረበ ፅሁፍ) 2006)፡፡ [በዩክሬን ከተካሔደው ሁለተኛው የቀለም አብዮት በኋላ] የቀለም አብዮቱ አቀጣጣዮች ቡድን በፕሬዝደንቱ በኩል (የአውሮፓ ሕብረት ፕሬዝደንት) ዩክሬንን አወገዘ፡፡ በሐገራችንም ምርጫ 97 ወቅት የነበረው የአውሮፓ ህብረት ታዛቢ ቡድን አሁን ድረስ በሃይማኖት ስም አክራሪ ሃይሎችን እያሰረገና ፅንፈኛ ፖለቲከኞችንም እያንቀሳቀሰ መሆኑ ይታወቃል (አዲስ ዘመን፡ ዩክሬንን ያየ በእሳት አይጫወትም፣ ሚያዚያ 03፣ 2006)፡፡ [በሐገራችን ሊካሔድ የታሰበውን ምርጫ 2002ን ወደ ቀለም አብዮትነት ለመቀየር በማሰብ ሰሞኑን] ሒዉማን ራይትስ ዎች፣ የአሜሪካ የውጭ ጉዳይ መስሪያ ቤት፣ አምነስቲ ኢንተርናሽናል፣ ኢንተርናሽናል ክራይስስ ግሩፕ… ከየጠቅላይ መምሪያቸው ተመሳሳይ ውንጀላ በማሰማት […] ለወጠኑት የቀለም አብዮት በመሳሪያነት የሚያገለግል እንዲሆን [ተንቀሳቅሰዋል]፡፡ ቢቢሲ፣ አልጀዚራ፣ ፕሬስ ቲቪ፣ ቪኦኤ የመሳሰሉት የውጭ ሚዲያዎች[ም] በግንባር ቀደም የቀለም አብዮት አራጋቢነት ተሰ[ልፈዋል] (አዲስ ራዕይ፡ የቀለም አብዮትና አራተኛው አገራዊ ምርጫ፣ መጋቢት – ሚያዚያ 2002)፡፡ [እንዲሁም] ዘጋርዲያን፣ ዋሽንግተን ፖስት፣ ኒው ዮርክ ታይምስ [ለቀለም አብዮት የተሰለፉ ሐይሎች እንደሆኑ ይታወቃል] (አዲስ ዘመን፡ ዘወርዋራው ቀለም አብዮት መንገድ፣ ሚያዚያ 2006)፡፡ [ከዚህም በተጨማሪ] […] እነ አርቲክል 19 የ2007ን ምርጫ ተከትሎ ለቀለም አብዮት መደላድል ለመፍጠር […] [ሙከራ እያደረጉ ሲሆን፤] እንደሚታወቀው አርቲክል 19 እና መሰል አክራሪ ኒዮ-ሊበራል ሃይሎች የሀገራችንን ሁለንተናዊ ዕድገት የኋሊት ለመቀልበስ ያልሞከሩት ሴራ የለም። ከሪፖርት ጋጋታ እስከ የቀለም አብዩት ጋሻ ጃግሬዎችን እስከ መመልመል ድረስ ተፍጨርጭረዋል፤ ምናባዊና ተግባራዊ ዳገት ወጥተዋል፤ ቁልቁለት ወርደዋል። (አዲስ ዘመን፡ “አርቲክል 19”— የመብት ተሟጋች ወይስ የቀለም አብዮት አዝማች? ግንቦት፣2006) …

ሰሞኑን በድረ ገፆች ላይ በመስራት ለረጅም ጊዜ ዘመቻ ሲያካሂዱ፣ የአገሪቱን እና የመንግስትን ገፅታ ጥላሸት ሲቀቡ የነበሩት [የዞን ዘጠኝ] ግለሰቦች፣ የእርስ በርስ ግጭትና ጦርነት እንዲነሳ፣ የጎሳ ጦርነት እንዲቀሰቀስ፣ አገሪቱ ወደ ብጥብጥና ቀውስ ውስጥ እንድትገባ፣ የተጀመረው ልማት እንዲደናቀፍ፣ በዚህም የውጭ ኃይሎችን የግብፅ፣ የሻዕቢያና እንዲሁም የኒዮ ሊብራል ኃይሎችን አጀንዳ ለማሳካት ብዙ ዓመታት ሲሰሩ የነበሩ ቢሆንም በቁጥጥር ስር ውለዋል፡፡ […] የኢትዮጵያን ሕዝብ ብሔራዊ ሠላም ክብርና ጥቅም አሳልፈው ለውጭ ኃይሎች በመስጠት በቅጥረኝነት የተሰለፉት እነዚህ ወገኖች ድርጊታቸው በታሪክም ተጠያቂ ያደርጋቸዋል፡፡ ይልቁንም ለጠላቶቿ ታላቅ ፈንጠዝያ ለመፍጠር ሲሉ ተገዝተው የተሰለፉበት የጥፋት ጎዳና ለእነሱም ሆነ ለማንም አይበጅም፡፡

ሁኔታውን [የዞን ዘጠኞችን ድርጊት] እንደ ዜጋ ስንመለከተው አሳፋሪው ነገር፣ ትናንት “አዲስ አበባን እንደ ባግዳድ እናደርጋታለን” ያለውንና ይህ ቀቢፀ-ተስፋው እንደ ጉም ብን ብሎ የጠፋውን የሻዕቢያን ህልም ለማሳካት እንዲሁም የኢትዮጵያ ህዝብ የዘመናት ቁጭት የሆነውን፣ የ‘አይቻልም’ን መንፈስ የሰበረውንና እንደ ዓይኑ ብሌን የሚመለከተውን ታላቁን የህዳሴ ግድብ በሁከት እንዲቋረጥ ባንዳ ሆኖ መሰለፍ ነው። አባቴ ይሙት! ማንኛውም ዜጋ በእነርሱ [በዞን ዘጠኞች] ቦታ ሆኖ ማፈሩ አይቀርም። ባንዳነት ሀገራችን ውስጥ ‘ወንዜነት’ የሌለው ሀገርን አሳልፎ የመስጠት አሳፋሪ እሳቤ ነውና።

The post ነገረ ‹ቀለም አብዮት› appeared first on Zehabesha Amharic.

The post መለከት ድራማ ክፍል 43 appeared first on Zehabesha Amharic.

በሀገሬ ክብሬ

በሀገራችን እርምጃው የሚያፈጥነው ሰው “እገረ ቀሊል” ይባላል። ይሄ የበርካታ ክብረወሰን ባለቤት ለሆነው የሩጫው ጀግና ኃይሌ ቢያንሰው እንጂ አይበዛበትም። ክፋቱ ግን እግዜሩ ሀይሌን ሲያድለውና ሲበድለው በእግሩ ሮጦ ለሚያገኘው ድል ሲከበርና ሲወደድ ከጭንቅላቱ የሚፈልቀው ሀሳብ አስተዋይነትና ጨዋነት ማጣቱ በኢትዮጵያና ዛሬ በአለም ህዝብ ፊት ቀላል ሰው አደረገው። “ቀሊል (ቀላል)” የሚለው አባባል ለእግሩም ለማሰብ አቅሙም መገለጫ መሆኑ ያሳዝናል።

ሀይሌ ስለህይወቱ ሲተርክ እንደሰማነው በልጅነቱ ያስሮጠው ምክንያት እንደ አብዛኛው ህዝባችን የሱም ቤተሰቦች የነበራቸው የነገን የማሰብ ሀብትና የነበረባቸው የገንዘብ ድህነት ነበር። አስተዋይ ባይሆኑ ትምህርትቤት አይልኩትም ነበር። የገንዘብ ደሀ ያባይሆኑ ደግሞ እንደየዛሬ ጓደኞቹ ዘራፊ ወያኔ ልጆች የግል አዳሪ ትምህርትቤት ይላክ ነበር ወይንም ሞግዚት ምሳና ደብተሩን ተሸክሞለት በሹፌር ከቤት ትምህርትቤት በተመላለሰ። ድህነት ረዳውና ያቺ ወደትምህርትቤት ሲሮጥ ደብተሩን ያቅፋበት የነበረችውን እጅ ቆልመም አድርጎ በመሮጥ ድህነትን እንደበቆሎ እሸት ገለባ ከላዩላይ ገሽልጦ በመጣል ተፈትልኮ አመለጣት። እሰየው የሚያስብል ነበር ይሄ ስኬቱ ጥጋብና ማናለብኝ ባይነት የአመለካከቱን ኋላቀርነት አደባባይ ለማውጣት ድፍረቱን ባያበዛበት።

ታድያ ይሀው ዛሬ በፊልም አስቀርጾ ያሳየን እኔም እንደተቀረው ወገኔ በችግርነው ያደኩት የሚለው ትረካ ተረሳና ሸገር ከፍ ያለ መሬት ላይ ቪላ ሰርቶ ከህዝብ የሚቀማ መሬት  ላይ ሀብት እያካበተ በህዝቡ መከራ እያላገጠ ቀን ይገፋል።  ይኖራል ማለቱ ይከብደኛል ምክንያቱም አጠገቡ በረሀብ የሚረፈረፈውና በፍትህ እጦት የሚሰቃየው ህዝብ መከራ የማይከነክነው ፍጡር “ኖረ” ማለት ቀርቶ ሰውም ነው ማለቱ ይከብዳል።

ችግሩ ኃይሌ መበልፀጉ አይደለም። እንኳን እሱ ብዙ ጊዜ ባንዲራችን በዓለም ላይ ከፍ ብሎ እንዲውለበለብ ያደረገና ለሀብቱ መነሻው የራሱ ጥረት የሆነ ኢትዮጵያዊ ቀርቶ ሀገራችንን ከማጥፋትና ባንዲራችንን ከማዋረድ የተለየ ነገር በህይወታቸው አንድም ቀን ሊያደርጉት ቀርቶ ሊያልሙትም የማይቻላቸው በርካታ የወያኔ ማፈሪያዎችስ በህዝባችን ጫንቃ ላይ በልፅገው የለ? ሀይሌ የግፉ ተባባሪና የግፈኞቹ ጠበቃ ለመሆን ከአፉ ቀደም ቀደም ማለትን አለቅጥ ማብዛቱ ነው የሚያሳዝነው።

“የማያድግ ልጅ ሽቀብ ይቀ..ል” እንደሚባለው ኃይሌ ዛሬ አፋፍ ላይ ካለው ቪላ ቤቱ መናፈሻ ውስጥ እየተንጎራደደና ህዝባችንን ቁልቁል እያየ “ስንጠግብ እጃችንን ጠረግ ጠረግ ያደርግንበትን የሼራተን ትርፍራፊ በጉርሻ መልክ እየገዛህ ረሀብህን ማስታገስ ከቻልክ መቼ አነሰህ? ዲሞክራሲስ ላንተ ምንህ ነው” እያለ በኢትዮጵያውያን ላይ ብቻ ሳይሆን በመላው አፍሪካውያን ላይ ማላገጥን እንደ አስተዋይነት ቆጠሮት ይህን ሰንካላ አስተሳሰብ (ማሰብ ከተባለ) አደባባይ ይዞት ወጣ። እንዴት ነው ጋዜጠኛው እንኳን ይታዘበኛል የማይለው? ከኛዋ ኢትዮጵያ እጅግ በጣም የተሻለ የዲሞክራሲ ስርዓት ያለበት ሀገር ያሉት ጓደኞቹስ ምን ይሉኛል እንኳን አይልም?

ኃይሌ ቀደም ሲል በ”ከማን አንሼ” አስተሳሰብ በዘመነ ወያኔ የደንቆሮ መፈንጫ የሆነችው ኢትዮጵያ መሪ መሆን እፈልጋለሁ እችላለሁም እንዳለው ነገ ለተባበሩት መንግስታት መሪም ልሁን ይል ይሆናል። እንዳለውም ከመቶ ሀገር በላይ መሂዱና ሮጦ መመለሱ አለምን አውቃለሁና ለአለም መሪነት የሚያበቃ እውቀትና ብቃትም ተጎናፅፈያለሁ ይልም ይሆናል። ሲያልቅ አያምር እንዲሉ።

የኃይሌ ባህሪይ እናቴ በልጅነት ዘመኔ የነገረችኝን ምሳሌ አስታወሰኝ። አንዱ አርሶአደር የሽምብራ ማሳው ውስጥ እንቅስቃሴ ያይና ዝንጀሮ መስሎት ለማባረር ሲሄድ አንዱ ሰውዬ የሽምብራ እሸቱን እየዘነጠለ ከነገለባው ሲቅም ያየዋል። አርሶአደሩም የተራበ ሰው አላስደንግጥም ብሎ በትዕግስት ከርቀት ማየቱን ቀጠለ። እንደዝንጀሮ የሰው ማሳ የወረረው ሰውዬም ረሀቡ ጋብ ሲልለት ሽምብራውን ከነውጪ ገለባው መቃሙን አቁሞ እየጠረጠር ከበላ በኋላ በመጨረሻ የእያንዳንዱን ሽንብራ ስስ ቆዳ ሳይቀር እየላጠ ማላመጡን ቀጠለ። በዚህ ያልተደሰተው ባለማሳውም ሰውዬውን ጠጋ ብሎት “እንደ መጀመሪያውም አይደል አንደመጨረሻው እንደመሀከለኛው ብላ” አለው። ሀይሌም እንደዱሮው የነጣ ድህነቱ ጊዜ ሳይሆን አንደዛሬም የሱ የቀድሞ ጎረቤቶችና ዘመዶች ሳይቀሩ መሬታቸውን እየተቀሙ ለስደትኝነት፣ ለለማኝነትና፣ እስር ሲዳረጉ ይህን አልሰማሁም አላየሁም ቢሆንስ ምናለበት አፍሪካ ነው ያለነው እያለ ማላግጡን አቁሞ በህዝብ ዘንድ ያለውን የተሟጠጠ ክብርና ፍቅር ጭራሹን ሳያጣ ሞቴንና ታሪኬን ያሳምረው ብሎ ህልፈት ህይወቱን ቢጠብቅ ይሻለዋል። እምብዛም ጥጋብና የህዝብ ንቀት ለመለስ ዜናዊም አልበጀው። ከህዝቡ የዘረፈውን በቢሊየን የሚቆጠር ብር ሳይበላው “አረመኔ ጨቋኝ” ተብሎ በአደባባይ በመዘለፉ ደንግጦ ሞቷል። ለመለስ ሞት አደባባይ የታየው የውሸት ለቅሶ ትዕይንት የፍቅር መገለጫ ነው ብሎ እራሱን ካላሞኘ ከአሁን ባህሪው ካልታረመ የሱም እጣፋንታ በሆዱ “እንኳን ወሰደው” በአፉ “ውይ ኃይልዬ ተቀጨ” የሚል ለቀስተኛ አስክሬኑን በፌዝ ለቅሶ አጅቦ እንደሚሸኘው አይዘንጋ።

ለሱም አደብ ግዛ የሚል መካሪ ይስጠው።  እኛም ከማሰብ አቅሙ በላይ እንዲያስብ እየጠበቅን የብቃቱን ውስኑነት ባሳየን ቁጥር መበሳጨቱ ይብቃን። ፈረንጅኛውን እንደተማረው የሰውልጅ በዳቦ ብቻ አይኖርም የሚልውንም ሀሳብ ከራሱ ጋር እንዲያዋህድ ሁሉን አውቃለሁ ከሚያሰኝ አባዜም አጽድቶ ትንሽ የማንበብና አዋቂዎች የሚሉትን የመስማት ትእግስትና ብልህነት ይስጠው።  አሜን!

The post ኃይሌ ገብረሥላሴ የተቃርኖ – የስኬትና የውድቀት – ምልክት ሲሆን (በሀገሬ ክብሬ) appeared first on Zehabesha Amharic.

Source:: Ethiopian Reporter

The post በአዲስ አበባና ዙሪያዋ ኢንፍሉዌንዛ መከሰቱ ተረጋገጠ appeared first on Zehabesha Amharic.

ሰሞኑን ሻለቃ ኃይሌ ገ/ሥላሴ ለአንድ የውጪ ጋዜጠኛ “ዲሞክራሲ (መስፍነ ሕዝብ) ለአፍሪካ አያስፈልጋትም! ለአፍሪካ የሚያስፈልጋት መልካም አሥተዳደር ነው!” ብሎ መናገሩን ሰምተናል፡፡ እንደሰማንም በእጅጉ አፍረናል ተሸማቀናልም፡፡ እኔ በበኩሌ “እንዲያው ይሄ ሰውየ እያሰበና ነገሮችን በቅጡ ተረድቶ ተገንዝቦ ገብቶት መናገር የማይችል ከሆነ ምናለ ዝም ቢል ባይናገርስ!” ብያለሁ፡፡

ይሄንን ንግግሩን “አይ እሱ ለማለት የፈለገው…” ብለን ልንለው የምንችለው ምንም ሌላ ነገር የለውም፡፡ በማያሻማ ንግግር ጥርት አድርጎ ነው የተናገረው፡፡ ትንሽ ግራ የሚያጋባው ያለ ዲሞክራሲ (መስፍነ ሕዝብ) እንዴት ተብሎ መልካም አሥተዳደር ሊመጣ እንደሚችልና እንዴት ሊነጣጠሉ እንደሚችሉ ማሰቡ ነው፡፡ ኃይሌ ሆይ! መልካም አሥተዳደር ሲባል ለአንተ ምን ማለት ነው የሚመስልህ? ዲሞክራሲስ?

ኃይሌ በዚህ ንግግሩ ለአፍሪካዊያን ያለውን ንቀትና ጥላቻ ቁልጭ አድርጎ አሳይቷል፣ ሰድቦ ለሰዳቢ አዋርዶ ለአዋራጅ ሰጥቶናል፡፡ ምዕራባዊያን ለእኛ ለአፍሪካዊያን ስር የሰደደ ከባድ ጥላቻና ንቀት እንዳለባቸው ይታወቃል፡፡ ኃይሌ ውሎው ከእነሱ ጋር ሲሆን ጊዜ ፈረንጅ የሆነ መሰለው መሰለኝ እነሱ እኛን በሚያዩበት ዓይን ዓየንና የንቀትና የጥላቻ ጅራፉን አጮሆ ክፉኛ ሞሸለቀን፡፡ እውነትም ለካ እግር ጭንቅላት አይሆንም፡፡

እኔ የኃይሌ ስኬት እግሩና ጭንቅላቱ በመቀናጀት ያመጡት ያስገኙለት ይመስለኝ ነበር፡፡ ሰውየውን በተደጋጋሚ እንደታዘብነው ይህ ግምት የተሳሳተ እንደሆነ አሳይተውናል፡፡ ኃይሌ በዓለም አቀፍ መድረኮች ባስገኛቸው በርካታ አንጸባራቂ ድሎች አፍሪካን በእጅጉ አኩርቶ ነበር፡፡ ኃይሌ በዘረኛ ነጮች ዘንድ አፍሪካዊያን ከእኛ በእኩል ብሎም በተሻለ ሊሠሩት የሚችሉት ምንም ነገር የለም!፣ ተናጋሪ እቃ ናቸው ወዘተረፈ.” የሚለውን የተሳሳተና የደነቆረ አስተሳሰብ የተሳሳተ እንደሆነ ካረጋገጡ ብርቅየ የአፍሪካ ልጆች አንዱ ነበር፡፡ ልብ በሉ ነበር ነው ያልኩት ነው አላልኩም፡፡ ነው የሚባለው ያ ሰው የገነባውን እንደገነባ የቀረ እንደሆነ ነው፡፡ የገነባውን ካፈረሰው ግን ነው ሳይሆን የሚባለው ነበር ነው የሚባለው፡፡

ኃይሌ በዚህ ጸያፍና የደነቆረ አነጋገሩ ልክ እንደ ዘረኛ ነጮች ሁሉ አፍሪካዊያን ከሌሎቹ ሕዝቦች ጋር እኩል እንዳልሆንንና እኩል መሆንም እንደማይገባን ነግሮናል፡፡ በእውነቱ በእጅጉ እናዝናለን!

እኔ ኃይሌ “ይቻላል!” ብሎ ሲል አንድ እራሱን ብቻ ሳይሆን በብዙ ዓይነት ፈተናዎች ተኮድኩዶ የተያዘውን መላውን የጥቁር ሕዝብ እያሰበ የሚናገረው መሪ ቃል “slogan” ይመስለኝ ነበር፡፡ ለካ ሰውየው የሚመስለንን ያህል ብስል ሰው አልነበረም ላካ “ይቻላል!” ብሎ ሲል እራሱንና እራሱን ብቻ በማሰብ ኖሯል ይሄንን ወርቃማ ቃል ይናገር የነበረው፡፡

አሁን ኃይሌ ይቻላልን ወደ አይቻልም ቀይሮታል፡፡ ወደፊት ኃይሌ ምንም ዓይነት ኪሳራ ቢደርስበት ከዚህ በላይ ኪሳራ ይደርስበታል ብየ አንገምትም፡፡ ወዳጅነቱም ከአንባገነን የአፍሪካ መሪዎች ጋር ነው እንጅ ከመከረኛና ጭቁን የአፍሪክ ሕዝብ ጋር አይሆንም፡፡

ዛሬ ኃይሌ ፈረንጅ ነው ይህ የተናገረው ጸያፍ የድፍረትና የንቀት ቃልም እሱን አይመለከትም፡፡ ምናልባት ወደፊት እራሱን በትኩረት ለመመልከት የሚያስችል አቅልና ዕድል ካገኘ አካሉ ጥቁር አፍሪካዊ መሆኑን ያይና በተናገረው ነገር ያፍር ይሸማቀቅም ይሆናል፡፡

“ሲያልቅ አያምር” አሉ ትላንትና በኮራንበት ወገናችን ዛሬ አፍረንበታልና ኃዘን ተሰምቶኛል፡፡ አፍሪካዊያን ወንድሞቻችን ይሄንን የኃይሌን ንግግር ኃይሌ ኢትዮጵያዊ በመሆኑ “ኢትዮጵያዊያን ለእኛ ለአፍሪካዊያን ንቀት አላቸው” ብለው በሚያስቡት አውድ እንደተናገረው አስበው በእሱ ስሕተት መላው ኢትዮጵያዊ የሚጠላ መሆኑን ሳስብም እራሴን ያመኛል፡፡ ልቡናውን ይስጥልና ሌላ ምን ይባላል?

ድል ለኢትዮጵያ ሕዝብ ኢትዮጵያ ለዘለዓለም ትኑር!!!

ሠዓሊ አምሳሉ ገ/ኪዳን አርጋው

The post ሻለቃ ኃይሌ አፍሪካን እንደሰቀላት አውርዶ ፈጠፈጣት? appeared first on Zehabesha Amharic.

(ዘ-ሐበሻ) 26ኛው ሳምንት የ እንግሊዝ ፕሪምየር ሊግ ትናንት እና ዛሬ ቀጥሎ ውሏል:: በሳምንቱ የፕሪምየር ሊጉ ጨዋታዎች ያልተጠበቁ ውጤቶች ተከስተዋል:: ፕሪምየር ሊጉን በ53 ነጥቦች እየመራ የሚገኘው ሌስተር ሲቲ በባከነ ሰዓት በአርሰናል በተቆጠረበት ጎል ቢሸነፍም አሁንም ፕሪምየር ሊጉን እየመራ ይገኛል::
‘
በዳኒ ዌልቤክ የባከነ ሰዓት ጎል ያሸነፈው አርሰናል በ2ኛነት ፕሪምየር ሊጉን እየተከተለ የመሪነት ትንቅንቁን ተቀላቅሏል:: ሌስተር ሲቲ በፕሪምየር ሊጉ አርሰናልን ከ1994 ወዲህ አሸንፎ አያውቅም:: የአርሰናሉ አሰልጣኝ አርሰን ዌንገር ስለዚህ ጨዋታ አስተያየታቸውን ሲሰጡ “ሌስተሮች በመከላከል በኩል ጥሩ ነበሩ:: እስከ እረፍትም 1ለ0 እየተመራ ነበር:: ሌስተሮች በመከላከሉ በኩል ጥሩ ባይሆኑ ኖሮ ብዙ ጎሎችን እናስቆጥር ነበር” ብለዋል::

በዘንድሮው ፕሪምየር ሊግ አሰልቺ ጨዋታ እያደረገ ነው እየተባለ በስፖርት ተንታኞች ዘንድ የሚተቸው ማን.ዩናይትድ አሁንም ሽንፈትን አስተናግዷል:: ትናንት በጥቋቁሮቹ ድመቶች 2ለ1 ተሸንፈዋል:: ሰንደርላንድ በፕሪምየር ሊጉ ወራጅ ቀጠና ላይ ያለ ቢሆንም ማን.ዩናይትድን አሸንፈውታል:: ማን.ዩናይትድ ባለፉት 10 የፕሪምየር ሊግ ጨዋታዎች ውስጥ ማሸነፍ የቻለው 3 ጊዜ ብቻ ሲሆን; 3 ጊዜ አቻ ወጥቶ 4 ጊዜ ተሸንፏል::

በሌሎች ጨዋታዎች ሊቨርፑል አስቶንቭላን ግማሽ ደርዘን ጎል አስቆጥሮበት 6ለ0 አሸንፎታል::
በርንዝማውዝ በስቶክ 3ለ1 ተሸንፏል:: ቸልሲ ኒውካስትልን 5ለ1.. ዌስትብሮም ኤቨርተንን 1ለ0; ዋትፎርድ ክርስታል ፓላስን 2ለ1 እንዲሁም ሳውዛምፕተን ስዋንሳን 1ለ0 ሲያሸንፉ ኖርዊች እና ዌስትሃም 2ለ2 ተለያይተዋል:: ይህ ዜና እየተጻፈ ባለበት ወቅት ማንቸስተር ሲቲ እና ቶተንሃም እየተጫወቱ ነው:: የሆለቱ አሸናፊ ፕሪምየር ሊጎን በ3ኝነት ይመራል::

The post Sport: 26ኛው ሳምንት የእንግሊዝ ፕሪምየር ሊግ: አርሰናል የመሪነት ትንቅንቁን ተቀላቀለ ፤ ማን ዩናይትድ ካለፉት 10 ጨዋታዎች ማሸነፍ የቻለው 3ን ብቻ ነው appeared first on Zehabesha Amharic.

(በዳንኤል አማረ ©ኢትዮጤና)

1. ስኳርን ወይም ጣፋጭ ነገርን ይቀንሱ፡፡
2. ጤናማ የሆነ ስብ(ፋት) ይውሰዱ፡፡
3. ነጭ ካርቦሃይድሬት አይጠቀሙ፡፡
4. ከሁለት እስከ ሶስት ሊትር ውሃ በቀን ይጠጡ፡፡
5. ጭንቀትን ይቆጣጠሩ (ኮርቲሶልን መቀነስ)፡፡
6. አረንጓዴ ቅጠላ ቅጠል የሆኑ አትክልቶችን ይመገቡ፡፡
7. ቀላልና ጤናማ የሆነ ፕሮቲን ይመገቡ (ለምሳሌ ነጭ ሥጋ ያልሆነ)፡፡
8. ሰውነትዎን ያንቀሳቅሱ ወይም ስፖርታዊ እንቅስቃሴ ያድርጉ፡፡
9. ለብ ባለ ውሃ ውስጥ ሎሚ ጨምቀው ይጠቀሙ፡፡
10. ያለዎትን ሰውነት በመውደድ የሚመኙትን አይነት ሰውነት እንዲኖርዎ ይስሩ፡፡

The post Health: ቦርጭን ለማጥፋት የሚረዱ 10 መንገዶች እነሆ appeared first on Zehabesha Amharic.

The post ዳና ድራማ ክፍል 16 appeared first on Zehabesha Amharic.