The post የአንዋር መስጊዱን የቦምብ ጥቃት አስመልክቶ በእስር ቤት ከሚገኙ የኮሚቴው አባላት የተሰጠ መግለጫ appeared first on Zehabesha Amharic.

The post ህገ-መንግስቱ ይከበር፤ የኦሮሞ ህዝብ ጥያቄ appeared first on Zehabesha Amharic.

በአበበ ተድላ፣ ሰኞ ታኅሣሥ 11 ቀን 2008 ዓም

የሰውን ስነልቦና ማወቅ ሰዎች የሚናገሩትና የሚሰሩት ለምን እንደሆነና የምን ሃሳብ ነፀብራቅ እንደሆነ ለመረዳት ይረዳል። ይሄንን ምእራባዊያንን ለምርጫም ለህክምናም ለሌላም ነገር ይጠቀሙበታል። ኢትዮጵያዊያን ምን ያህል እንደተጠቀምንበት አላውቅም ግን ወደ ዋና ጉዳዬ  ወደ ገደለው ልግባ።

የሞተው ለገሰ ዜናዊ ወላጆቹ የጣልያን ባንዳ ሹምባሽ ስለነበሩ ከልጅነቱ ጀምሮ “አንተ ባንዳ” ሲባል ነው ያደገው። ስለዚህ ይሄንን ህመሙን ለማዳን ባንዳ ላለመባል መጀመሪያውኑ ቤተሰቦቹን ባንዳ ያሰኘው የወላጆቹ አላማ ሳይሳካ ኢትዮጵያ የምትባል ሃገር መኖርዋ ስለሆነ፣ ኢትዮጵያን የማፈራረስ ስራ ዳር ማድረስ አለበት። በዚህም ምክንያት “የኢትዮጵያ መሪ” ተብሎ “ኢትዮጵያ” የሚባለውን ስም ሳይጠራ “ሃገሪቱ” እንዳለ፤ “ኢትዮጵያዊነት ላይ ሙጭጭ ብለዋል” ያላቸውን አማራ እስከህይወት ፍጻሜው ሲያጠፋ እና ሲያስጠፋ ኖሮ ከበሽታው ሳይድን ሞተ።

ፕ/ር መስፍን እና ፕ/ር ጌታቸውም እንዲሁ ከተለያየ ብሄር ስለተወለዱ ህይወታቸውን ሙሉ ምርምር አካሂደው በመጨረሻ ሰበር ዜና ብለው ያቀረቡልን ውጤት የነሱን ስሜት ሊያረጋጋ የሚችል የመሰላቸውን “አማራ የሚባል ህዝብ የለም” የሚለውን ሃሳብ ነው። ወገን እንግዲህ ሰው ከታመመ መርዳት ነው; የአእምሮ ህመም ደሞ ሲጀመር ችግር እንዳለባቸው ስለማይገባቸው ህክምናው ትንሽ አስቸጋሪ ቢሆንም፣ በቃ ታመዋል መታከም አለባቸው። ዝም ግን ሊባሉ አይችሉም፤ ምክንያቱም ጊዜ ወይንም አጋጣሚ ያገኘ እብድ በሽተኛ የሚያደርሰው ጉዳት ከፍተኛ ስለሆነ ከተቻለ ማከም አለበለዚያ ተይዘው እስከሚድኑ ከህዝብ መገለል አለባቸው፤ አለበለዚያ ጉዳታቸው የከፋ ነውና። ከምንም በላይ ጥፋታቸውን የሚያከፋው ደሞ ይሄንን የህይወት ሙሉ የጥናት ውጤት ልፋታችን ያሉትን (ለነገሩ ሳይለፋ የሚታወቅ ሃቅ ነው) ህዝቦች  በተለያየ ምክንያት ስለተቀላቀሉ “ይሄ ብሄር” ብሎ ጠርቶ “የሱ ቦታ እዚህ ነው በኢትዮጵያ ውስጥ” ማለት ስለማይቻል “የአማራ የኦሮሞ ወይም የትግሬ ወዘተ” ማለት አንችልም ብለው መደምደም ሲገባቸው (ያለጥናት ይሄም ማንም መንገደኛ ይነግራቸዋል) እነሱ ግን ይሄ አስተሳሰብ አማራ ላይ ብቻ እንዲሰራ አድርገው ሌሎችን ፈርተው ይሁን ምን ይሁን በማይታወቅ ምክንያት “አማራ የለም ሌላው ብሄር አለ” አሉን። ትልቅ ሰው በባህላችን ስለማይሰደብ እንጂ አሳፋሪዎች እላቸው ነበረ!

ሰው ያደገበት ሁኔታ ምን ያህል አስተሳሰቡን እንደሚቀይረው የታወቀ ቢሆንም ይቺን ምሳሌ ልጨምር። አንዱ አዲስ አበባ ሲያድግ በጣም የሽንት ቤት ችግር ያለበት ቦታ ስላደገ፤ በለስ ቀንቶት አድጎ ገንዘብ ኖሮት ቤት ሲሰራ መጀመሪ ያስጨረሰው ሽንት ቤቱን ነው። ትልቁ ደስታውም ሽንት ቤቱን ማየት እና ማሳየት እንደነበረ አንድ ወዳጄ አጫውቶኛል።

በተመሳሳይ ምሳሌ ብዙ አማራውች በትህነግ (ወያኔ) እና አጋሮቹ በደል ብዛት ምክንያት አሁን ላለው ስርአት ያለን ተቃውሞ ተመሳሳይ ቢሆንም በአብዛኛው አማራ ያለበት ቦታ ያደገ አማራ እና በተለይ አሁን ትህነጎች መስመር ሰርተው “ያለክልሉ ያለ” ተብሎ ያደገ አማራ ስለ ብሄር አከላለሉ የሚያደርገው ተቃውሞ ደረጃ ይለያያል፦ የደረሰበት ያውቀዋልና። በገዛ ሃገር አገር አጥቶ ከመኖር የበለጠ ህመም እንደሌለ ይሄ ስርአት ሚሊዮን አማራዎችን በገዛ ሃገራቸው ያል ክልላቸው የሚኖሩ እያሉ ሃገር እንዳሳጣ እና ለእልቂት እንደዳረገው ኖሮ አይቶታልና። ታዲያ ዶሮ ብታልም ስለጥሬዋ ይሄንን ርእስ አይገልጠውም ትላላቹ?

“ምን ይሻላል ለምትሉ” ሁሌ የምንለውን አሁንም ደግሜ አቀርበዋለው። በፖለቲካ ብላቴናዎች ብንሆንም እነሱን እንደምንሰማው እኛንም ቢያዳምጡን፣ የምንለውን ቢሰሙን፣ ለዘመናት አጠናን ካሉት የተሻለ ሃሳብ ሊያገኙም ይችሉ ይሆናል። ጆሮ ይስጡን እንጂ መፍትሄውን እኛ ጋር ሊሆን ይችላል!

ሁሌም እንደምንለው ኢትዮጵያ ውስጥ አማራም፤ ትግሬም፤ ኦሮሞም ሌላም ወደ ሰማኒያ የሚጠጋ ብሄር አለ። በዛው ልክም ደግሞ ከተለያዩ ብሄሮች ተቀላቅለው የተወለዱ በሚሊዮን የሚቆጠሩ ኢትዮጵያዊያን አሉ። ለዚህም እኮ ነው “የትህነግን የአፓርታይድ አከላለል ልክ አይደለም፤ አንደኛ አማራ ተወካይ በሌለበት ነው የተሰራው፤ ሁለተኛ የተቀላቀሉ በሚሊዮን የሚቆጠሩ ኢትዮጵያዊያንን ሃገር ያሳጣል፤ አንዱን ወይንም ከዛ በላይ ወገናቸውን ክደው አንዱን እንዲመርጡ ህዝቦችን ያስገድዳል” ያልነው። የተቀላቀሉ ብሄሮች ኢትዮጵያ ውስጥ ስላሉ እና አማራም ከተቀላቀሉት አንዱ ሆኖ ሳለ “አማራ ብቻ የለም” ማለት ግን አይቻልም። አማራ ተቀላቅሎ ከጠፋ ሌላው ከአማራ ጋርም የተቀላቀለው ጠፍትዋል ማለት ነው እንጂ አማራ ብቻውን እንዴት ይጠፋል? የለም ይባላል? ብሄር መጥራት እናቁም የሚል የፖለቲካ አቅዋም ማራመድ ሌላ ጉዳይ ነው ግን “ብሄር መጥራት እናቁም” ማለት አማራን ብቻ ለይቶ “አማራ የለም” ማለት አይደለም። እንዲህ የሚያደርግ ሰው  በአማራ ላይ ትህነግ ለሚያደርሰው ጥቃት አባሪ እንደሆነ ነው የምንቆጥረው።

መፍትሄው እንዲህ ነው፤

“ኢትዮጵዮያ ውስጥ ብዙ የተቀላቀለ ብሄር አለና ብሄር ሳይጠራ ኢትዮጵያዊ ብቻ ተብለን እንኑር” የምትሉ መብታቹ ነው፤ ሃሳባቹን አራምዱ፤ ዲሞክራሲ ካለ ህዝቡ የወደደውን ይመርጣል። እንዲሁም “ብሄሬ እንዲጠራ” የሚለውን ቡድን “ፈጽሞ አይቻልም” እንዳትሉት። ነገር ግን “ብሄር የለም” ማለት አማራን ብቻ እንዲመለከት ማድረግ ለዚህም መረጃ “ድሮ አማራ ያልነበረ አማራ ሆነ” ብላቹ በተመሳሳይ ድሮ ኦሮሞ ያልነበረ ዳሞት፤ ፈጠጋር፤ አንጎት፤ እናራያ፤ ወዘተ ዛሬ ተቀይሮ “ኦሮሞ” የተባለ መሆኑን ለትግሬውም እንዲሁ ሌላውን ውጠው ትግሬ እንደተባለ አለመናገር ግን ሸፍጠኝነት ነው።

“ብሄራችን ቀድሞ እንዲጠራ እንፈልጋለን” ለምትሉም መብታቹ ነው። ይህንን አላማቹን አስፋፉ፣ ስበኩ፣ ችግር የለብንም። ግን አንድ ብሄር የራሱን መብት ይከበር ሲባል የሌሎች አብረው የሚኖሩ ብሄሮች መብት ተጥሶ ወይንም በገዛ ሃገራቸው በናንተ መልካም ፍቃድ እና ችሮታ ብቻ እንዲኖሩ የተፈቀደላቸው አይነት ስርአት ለመዘርጋት አትሞክሩ እንጂ።  “ምሁራን ነን፣ የሁሉም ኢትዮጵያዊ መብት እንዲከበር እንታገላለን፤” የምትሉ ኦሮሞውንም፣ ትግሬውንም፣ ገና እየተደራጀ ያለውንም አማራ፣ “የብሄሬ መብት ይጠበቅ ማለት ትችላላቹ። ግን የብሄሬ መብት ይጠበቅ ስትሉ የሌላውን ብሄርም ይሁን የተቀላቀሉትን መብት አለመጣሳቹን አስቡ” ነበር ማለት የነበራቸው እንጂ በደፈናው “አማራ የለም” በማለት ሰዎችን ከብሄርተኝነት ሃሳብ እናወጣለን ብላቹ እንዳታስቡ። ይሄ አማራው ተለይቶ በአማራነቱ በመላው ኢትዮጵያ ጥቃት እየደረሰበት “ድሮ ጨቋኝ ነበር” እየተባለ ጥላሸት የሚቀባበትን ህዝብ ራሱን ለማደራጀት ሲል አንዴ “የለም”፣ አንዴ “አማራ እንዴት ይጠባል”፣ እያሉ አማራን እንዳይደራጅ እና ራሱን ከጥፋት እንዳያድን ማድረግ አማራን ይጎዳል፣ ሌሎችን ይጠቅማል እንጂ ሌላ ምንም ጥቅም የለውም፤ አማራ በሆነው ባልሆነው ሲወዛገብ ጠባቦች የማጥፋት ስራቸውን ይቀጥላሉና። እንዴት ነው “ኦሮሚያ” ብለው የከለሉት ውስጥ ያለው መሬት “የኦሮሞ እንጂ በውስጡ ያሉ ህዝቦች አይደለም” ተብሎ ሌላውን እንግዳ ያደረገ ተፅፎ ያለን ስርአት ሳይቃወሙ ምሁራን ተብዬውች “አማራ አለ፣ የለም” የልጅ እቃ እቃ ጨዋታ  ውስጥ የሚገቡት? በኔ ይሄ እንዲያውም “አንድ ኢትዮጵያ ውስጥ ያለ መሬት የሆነ ብሄር ብቻ ነው” ማለት የአንድን ብሄር የበላይነት ስርአት መዘርጋት እንጂ እኩልነት አይደለም፤ ወይንም ቁርጥ ባለው “አገርህ አይደለህም” ልክ ሌላ ሃገር ኬንያ ወይንም ግብፅ እንዳለው ተደርጌ “ባልንህ እስከኖርክ አብረህ ትኖራለህ” ተብዬ በገዛ ሃገሬ ስደተኛ እንደሆንኩ በግልፅ ሊነገረኝ ይገባል፤ ከዛም ምላሼን ሰጣለው። አንድ ሰው ከሆነ ክልል ጋር ራሱን ካላስተሳሰረ ኢትዮጵያዊ መሆን በህገመንግስት ተብዬው መከልከሉን መቃወም ሲገባቸው ምሁራን የተባሉ፣ በተለይ አማራው ወደኃላ ተመልሶ “አማራ አለ፣ የለምን” ክርክር ከምሁር አንጠበቅም (ሌላውማ ህገመንግስት ተብዬውን ራሳቸው ስለፃፉት አፈፃፀም እንጂ ህገ መንግስቱ ችግር የለበትም ይሉናል አማራ በሌለበት እንዳፀደቁት እየታወቀ) ።  “አማራ ባህሉን ጫነብኝ” ብለው የተቆጡ መልሰው የአማራን ባህል ወስደው “ለምን አማራን አዲስ ባህል ተሰጠው” ብለው አማራ እንዲጠፋ እየተደረገ ያለውንና እየተወሰደበት ስላለው ባህሉ መጮህ ነው የሚገባቸው የአማራ ምሁራን ነን ተብዬዎች ወይንስ “አማራ አለ የለም” ወደሚል የጅል አታካራ ገብቶ አማራውን አወናብዶ ራሱን ከተደገነበት ጥፋት ማዳን እንዳይችል ነው ማድረግ ያለባቸው?

አማራነት ብቻ ነው በደም ውስጥ ያለውም እንበል፤ አማራ ከሌላ ብሄር ጋር የተቀላቀለብኝ ነኝ እንበል፤ “አማራ” ተብሎ አንድ ህዝብ ተለይቶ ሲጠቃ እንክዋንስ አማራነት እያለብኝ፤ ሰው በመሆኔም እታገላለው። “አማራ ነን” ወይንም “ለሰው ልጅ መብት እንከራከራለን” የሚሉ ኢትዮጵያዊያን፣ ሌሎች በብሄር የተደራጁ ኢትዮጵያዊያን አማራውን መብቱን ሳያከብሩ፣ ተወካይ እንክዋን ሳይኖረው፣ ያልነበረ መስመር  ትህነግ እና ወዳጆቻቸው አስምረው፤ “የብሄር ብሄረሰብ መብት አከበርን” ማለታቸውን ደጋግመው ሊቃወሙ ሲገባ፣ ይባስ በተለይ በዚህ ሰአት በማያስፈልግ “አማራ አለ፣ የለም” በሚል ጊዜያችንን ያባክናሉ።  የብሄር ብሄረሰብ መብት ሲባል አማራን አይጨምርም እንዴ? በኢትዮጵያ ውስጥ በእኩልነት መኖር “አማራን እኩል ሆኖ ይኑር” የሚል መብት ሊሰጥ አይገባም እንዴ? ይሄንን እውነት ተናግረን ችግሩን ከነመፍትሄው ብናቀርብም ከመስማት ይልቅ “ጠባቦች፣ የኢትዮጵያ ጠላቶች” ሌላም ሌላም እንባላለን፤  ዋናዎቹ ጠባቦች ራሳቸው ሆነው ሳለ።

እንግዲህ አማራውን ስቃዩን ያረዘመበት  “በኢትዮጵያዊነት ጎራ ስር ነን፤ በብሄር አንደራጅም” ያሉት “በኢትዮጵያ  ስም እንደራጅ” ይሉና የአማራን በደል ግን አይናገሩም። የአማራ ድርጅት ላለመባል “ኢትዮጵያን አልፈልግም” ብሎ መስመር አስምሮ ባንዲራ ፈጥሮ የሚታገለውን ግን ለማባበል ብዙ ርቀት ሄደው ስለሱ ቡድን አብረው ይጮሃሉ። ይሄም አልበቃ ብሎ አልፎ ተርፎም “አማራ የለም” ይሉታል። በብሄር የተደራጁት ደሞ የነሱን ብቻ መብት እንዲከበር ፈልገው አማራውን አገር አሳጥተው አንገቱን አስደፍተው ሊያጠፉት እየሰሩ ነው። ታዲያ የት አለ ኢትዮጵያዊነት? የታለ የብሄር መብት የተከበረው? እንዲህ ያለ ትክክለኛ ጥያቄ ከነመፍትሄው የምናነሳውን ፕ/ር ጌታቸውና ሌሎች “ጸረ-ኢትዮጵያ” አሉን እንግዲህ ማን እንደሆነ ጸረ-ኢትዮጵያ ልብ ያለው ልብ ይበል። ይሄ የሶሻሊስት አመለካከት “ከኔ ሃሳብ ውጪ ያለው ጠላቴ ነው፤ መጥፋት አለበት” አስተሳሰብ ካልለቀቀን ወደፊት መራመድ በጣም አስቸጋሪ ነው።

“ብሄራችን የተቀላቀለ ነው መደራጀት፤ ያለብን በኢትዮጵያዊነት ነው፤” ብለው የሚያምኑ ማለት የነበረባቸው ደግሞ “አሁን ያለው ስርአት ከተለያየ ብሄር ለተቀላቀሉ ህዝቦችን መብት የሚነፍግ እና አንድ ብሄር የግድ ስለሚያስመርጥ የተሳሳተና መቅረት ያለበት ነው፤” ማለት እንጂ ይሄንን ሃሳብ ለመናገር “አማራ የለም፣ ሌላው ብሄር አለ” ማለት ሚዛን አይደፋም። እኩልነት መብት ከሆነ አብረን ነን። ነገር ግን “የሁላችንም መብት የተከበረባት ሃገር ይኑረን” ብላቹ ነው መነሳት የነበረባቸው እንጂ፣ ገና ለገና ስትነሳ “በብሄር መደራጀት ልክ አይደለም” ብለህ አማራውን ብቻ ለይተህ “የለህም” ካልክ እንዴት ነው ከአማራው ጋር አብረን ሰርተን ነፃ እንውጣ የምትለው?  ወይ “ምንም ብሄር አንጥራ” ካላቹ ሁሉንም ብሄር አትጥሩ። ብሄር ጠርቶ አማራውን ለይቶ “የለም” ማለት ግን የትም አያደርስም፤ ምናልባት አማራውን ለመጉዳት ካላሰባቹ በስተቀር።

ስለዚህ ሲጠቃለል አማራም፤ ኦሮሞም፤ ትግሬም ሌላም አለ በጣም በርካታ ብዙ ሚሊዮን ከተለያየ ብሄር የተቀላቀሉም እንዲሁ አሉ። ከተቻለ “ብሄሬ ተጠርቶም” ይበል “ብሄሬ ሳይጠራ ኢትዮጵያዊ ነኝ” የሌሎችን መብት ባልነካ መልኩ ብዙሃን ድምፃቸው እየተከበረ አነስተኛ ቁጥር ያላቸው በብዙሃኑ ተፅእኖ ሳይደርስባቸው ሁሉንም ኢትዮጵያዊ አስማምቶ አንዱ አንደኛ ዜጋ አንዱን ሁለተኛ ዜጋ ሳያደርግ የሚያስችል ስርአት መፍጠር ነው። ይሄ ስላልሆነ “ከአማራ በስተቀር ሌሎች በብሄር ስለተደራጁ ብቸኛ ከተለያየ ብሄር የተቀላቀልነው ሃገር ኖሮን ለመኖር የምንችለው አማራ የለም ብለን አማራው እየጠፋም አማራው ሳይደራጅ ኢትዮጵያ የሚለው ስም ይቆይልን” የሚለው አያስኬድም፤ አማራ ከጠፋ ኢትዮጵያም ትጠፋለችና። ይልቅስ “አማራውም ሌላውም ብሄር አለ፤ የተቀላቀሉም ብሄሮች አሉ፤ ስለሆነም አሁን ያለው ስርአት ለሁሉም መብት ስለማይሰጥ ልክ አይደለም” ብላቹ ስርአቱን ተቃወሙ እንጂ “አማራ የለም” በሚል ስርአቱ ሊያጠፋው የወሰነበት አማራ ላይ ሌላ አጥቂዎች አትሁኑ።

በተመሳሳይ መልኩ “በብሄር ተደራጅተን ብሄራችን ተጠርቶ እንኑር” ያላቹም እሰየው ቀጥሉ። ግን እናንተ የረገጣቹትን ሁሉ “የኛ” ብላቹ በሚሊዮን የሚቆጠር አማራ “ያለክልሉ የሚኖር” አስብላቹ እየገደላቹ እያሰደዳቹ፤ እናንተ “በአማርኛ አንማርም፣ አንሰራም፣ ቋንቋችን ስላልሆነ” ብላቹ በሚሊዮን የሚቀጠር አማራን በናንተ እንዲማር እንዲሰራ አስገድዳቹ፤ አማራው ባልተወከለበት የአፓርታይድ ድንበር አበጅታቹ፣ ምን አይነት እኩልነት እንደምታወሩ አይገባኝም። ስለዚህ እኩልነት ከተባለ አማራውም እኩል መብቱ የተከበረበት እና በገዛ ሃገሩ በሌሎች መልካም ፍቃድ ሳይሆን ሃገሩ ስለሆነ በራሱ መልካም ፍቃድ የሚኖርበት ሁኔታ እስካልተፈጠረ ምንም እኩልነት እንደሌለ እወቁት። እኩልነት ከሌለ ደሞ አመፅ፣ ጦርነት፣ ሞት ይቀጥላል። ይሄንን ደሞ የደም ጥማት ያለበት ሰይጣን ካልሆነ ሰው ይፈልጋል ብዬ አላስብም።

አማራው መውሰድ ያለበት እርምጃ መጀመሪያ መደራጀት ፤ በዚህ ሰአት “አማራ አለ፣ የለም” ብሎ የሚከራከሩትን ጅሎች ረስቶ፣ እንዲሁም የአማራ መደራጀት ለኢትዮጵያ መጥፋት ሳይሆን ለኢትዮጵያም ለአማራም እንደሚበጅ አስረግጦ፣ አማራ ተደራጀ ማለት ትህነግ እና ኦነግ ከኤህነግ ጋር ሆነው ያንተ ነው ብለው የሰሩለትን ድንበር ይቀበላል ማለት እንዳልሆነ ታውቆ፤ ከላይ እንዳልኩት የሁሉም ኢትዮጵያዊ መብት ተከብሮ አብረን እንኑር በሚለው ሃሳብ ይስማማል። ይሄንን እምቢ ብለው “አሻፈረኝ ደም የማፍሰስ አባዜ አለብን” ብለው “እኩል ሳይሆን የበላይ መሆን አለብን” ብሎ፤ “የኛ መሬት ሳይሆን የኔ ብቻ ነው” ብሎ ከገፋ መደራጀትህ ለመቼ ነውና ተገደህ ደም አፍስሰህ ያባቶችህን ድንበር አስከብረህ የ 3000 አመት ሌሎች አንፈልግም ያሉትን የኢትዮጵያ ታሪክን ተረካቢ መሆንህን አረጋግጠህ ለመኖር መቁረጥ ነው። ከዚህ ውጪ ስትልመሰመስ ምክንያት ስትደረድር ብትኖር የበለጠ መቀበሪያ ጉድጓድህን ትልቅ ታደርጋለህ እንጂ ለአማራም ለኢትዮጵያም አይበጅም።

አሁን እነ ፕ/ር መስፍን፤ ፕ/ር ጌታቸው ወይንም ሌሎች “ወይ አማራ ከተደራጀ ኢትዮጵያ ትፈርሳለች” የሚሉ ወይን ገፍተው “እንዲያውም አማራ የለም” የሚሉትን ትልቁን ስህተታቸውና ጦሱ በተለይ ለድሃው የሚያተርፈውን በዚህ መልኩ ላሳጥረው፥ ቢሆን ቢሆን የሁሉም ብሄር መብት ተከብሮ “ብሄር መጥራት መውረድ ነው” ለሚሉም “ኢትዮጵያዊ ብቻ” ብለው ራሳቸውን “ኢትዮጵያዊ” ብለው በተመሳሳይም ብሄሬ ይጠራ ለሚለውም በምርጫው ብሄሩ ሲፈልግ መታወቂያው ላይ ተፅፎለት (ምርጣው እስከሆነ) ለሁሉም ዜጋ መብት ተከብሮ የምንኖርባት ሃገር ቢኖረን ምንኛ ደስ ባለን። ይሄ ግን ትህነግ ስልጣን ላይ እያለና ከሱ በኋላ ለመተካት የሚንደረደሩትም ተመሳሳይ አቋም እስካላቸው ህልም ነው። ስለዚህ “አማራ ቢሸፍት እስከኢትዮጵያዊነት” ነውና አማራው ኢትዮጵያዊነቱን ሳይተው ኢትዮጵያ ሁሉም በእኩልነት የሚያምን በውስጥዋ ያለ ህዝብ ሁሉ ሃገር መሆንዋን ተቀብሎ ተደራጅቶ ራሱን ማዳን ነው። አማራው ከተደራጀ አሁን እንዲህ ያዙኝ ልቀቁኝ የሚለው ሁሉ ለመነጋገር ዝግጁ ይሆናሉ። አሁን ግን ማንን አይተው ማንን ፈርተው? “ኢትዮጵያ ውስጥ እኩልነት ይስፈን” ስንልም ሆነ “የብሄር ብሄረሰቦች እኩልነትይስፈን” ስንል ሰምተውን “አማራንም ይህ እኩልነት ይመለከተዋል” ይላሉ። አለም ጉልበት ላለው እንደምታሸረግድ አትርሱ። ስለዚህ አማራው ካልተደራጀ በአማራው ደም ሁሉም ጎጆውን እስኪያቀና ኢትዮጵያ የምትባል ሃገር ስምዋ ብቻ ይቆያል። በዚህም አያበቃም ሁሉም በውስጡ ያሉትን በተለይ አማራውን እያጸዳ አዲስ ሃገር ለመስራት እየተንደረደሩ ስለሆነ ግፋ ቢል የድንበር ግጭት ይጠብቃቸዋል እንጂ ኢትዮጵያ ከተበታተነች እንደ ትንሽ ሃገር መቆም ይችላሉ። አማራ ግን ልክ ኤርትራ የተባለችው ለኢትዮጵያ እንዲህ የቤት ስራ ሰጥታን እንደምትስቅብን ትህነጎችም ሸርፈው ሸርፈው የአማራ ብለው ከልለው ያስቀሩት ወደፊት እንክዋን ትንሽ ሃገር ሆኖ መቆም እንዳይችል ልዩ ዞን እያሉ፤ ትንንሽ ቁጥር ያላቸውን ሌላ የከለሉት ውስጥ ሳያደርጉ “አማራ” ብለው የከለሉት ውስጥ በመስራት ረዥም የቤት ስራ እየሰጡን ነው። ሲጀመር አማራ በሌለበት ስለሆነ የተከለለው አማራን ተሸፍሽፎ የቀረ 4ቱ ክፍለ ሃገራት ላይ ብቻ ትህነግ እንደወሰነው እንዳለ ሆኖ አማራ ብለው ከከለሉት እንዳያቹት ጎንደርን ትግሬ፣ ቅማንት፣ ሌላም እያሉ ያፋርሱታል። ጎጃምን አገው፣ ቤኒሻጉል፣ አማራ ብለው ያፋርሱታል። አንጎትን/ላኮመልዛን (አሁን ወሎ) አገው፣ ትግሬ፤ኦሮሞ፣ አማራ ብለው ያፋልሱታል። ሸዋን አማራ፣ ኦሮሞ፣ ወዘተ ብሎ አጣልቶ እንዳያቹት አማራ ብሎ የከለለው ቦታ ሁሉ ግጭት ፈጥሮ መጨረሻ ይቺንውንም እንክዋን ሳይኖረን አማራ ተበትኖ ጠፍቶ ታሪክ ሊያደርጉን እየሰሩ ነው (አስታውሱ እነ ሃረር፤ ባሌ፤ ፈጠጋር፤ እናራያ እነሱ ባይሉም ሃገራችን እንደሆነ ግን ጠንቅቀን እናውቃለን)። ልብ በሉ ልክ ዩጎዝላቪያ ላይ ሰርቦች ላይ የምእራባዊያን ዱላ እንደበረታ ችግር ቢነሳ አማራ ላይ ከምእራባዊያን ዱላ እንደሚበረታ እንዳትረሱ። ሰርቦችን በመጨረሻ ዩጎስላቪያ የሚለውን ስም እንክዋን እንዳይጠቀሙ ተከልክለዋል። ምን ይታወቃል ኢትዮጵያ ድንበርዋ ሲሰፋ ሲጠብ ኖርዋል ብለን አነስ ያለች ኢትዮጵያ ይኑረን እንክዋን ብንል ኢትዮጵያ የሚለው የነፃነት ነፀብራቅ ስሙ ስለሚያማቸው አገራቸውን ዩጎስላቪያ እንዳይሉ እንክዋን እንደተከለከለት ኢትዮጵያ የሚለውን ስም እንክዋን መጠቀም መከልከል ሊጠብቀን እንደሚችልም አትዘንጉት። ስለዚህ አማራ ጠላቱ ብዙ ሆኖ ሳለ በገዛ ህዝቦቹ እንዳይደራጅ ሰንካላ እየተፈጠረበት ከቆየ አይደለም ኢትዮጵያ አማራ በራሱ እንደህዝብ መቀጠሉ ጥያቄ ውስጥ ይገባል እና ልብ ያለው ልብ ይበል። እናማ የአማራ ምሁር ነን የምትሉ አስቡበት።

እባካቹ ይቺን ፅሁፍ የፖለቲካ ብላቴና ምላሽ ብሎ ፅፎላቹሃል ብላቹ ለፕ/ር መስፍን እና ለፕ/ር ጌታቸው ላኩልኝ። የፌስ ቡክ ተከታያቸው ስላልሆንኩ ለነሱ መላክ አልችልምና።

ወገን መጀመሪያ አስተሳባችንን እናጽዳ እንጂ ፖለቲካን የልጅነት ህመማችንን እና ያለብንን የስነልቡና ችግር የምናድንበት፤ ወይንም ላንዳንዶቹ ደግሞ የሃብት ማግኘት ጥማት ፍላጎታቸውን ማርኪያ፤ በሌሎች ደም ሃብት ለማካበት የምንጠቀምበት ዘዴ አናድርገው። መነሻውን መድረሻውን በግልፅ ያላስቀመጠ፤ ሊነሱ የሚችሉ ጥያቄዎችን እና ቅሬታዎችን በግልፅ አቅርበን ሳንወያይ እንዲያው በድፍንፍኑ “አንድ ላይ ነን” ብለን ውጤታማ እንሆናለን ማለት ዘበት ነው። ስለጋና ዲያስፖራዎች ስለሃገራቸው ምን እንዳደረጉ እና አሁን ለሰፈነው አንጻራዊ ዲሞክራሲ በምን ውስጥ እንዳለፉ ምን እርምጃ እንደተወሰደ እንድታነቡ ጋብዤ ልሰነባበት።

ጆሮ ያለው ይስማ!

አበበ ተድላ

The post ዶሮ ብታልም ስለጥሬዋ | ለፕ/ር ጌታቸው ኃይሌ እና ፕ/ር መስፍን ወ/ማርያም ‘አማራ የሚባል ሕዝብ የለም’ አባባል የተሰጠ ምላሽ appeared first on Zehabesha Amharic.

‹‹እኔ የተቃዋሚ ፓርቲ አባል እንደመሆኔ መጠን የኢህአዴግን ጭቆና ማጋለጥ ግዴታዬም መብቴም ጭምር ነው! ይህን ካላደረጉ ምኑን ተቃዋሚ ሆንኩ?›› አብርሃ ደስታ

‹‹እኔ አሸባሪ አይደለሁም! የታሰርኩት በኢህአዴግ የፖለቲካ ሴራ ነው! እኔ የፖለቲካ እስረኛ ነኝ!›› ዳንኤል ሺበሺ

ኢዩኤል ፍሰሃ ዳምጤ በፌስቡክ ገጹ እንደዘገበው:-

በሽብርተኝነት ወንጀል ተጠርጥረው በሥር ፍ/ቤት ውሳኔ በነፃ የተሰናበቱት የተቃዋሚ ፓርቲ አመራሮች የሆኑት አቶ ሀብታሙ አያሌው፣ አቶ አብርሃ ደስታ፣ አቶ ዳንኤል ሺበሺ፣ አቶ የሺዋስ አሰፋና በተመሳሳይ የክስ መዝገብ ውስጥ ከአመራሮቹ ጋር የተከሰሰው አቶ አብርሃም ሰለሞን በፌደራሉ ጠቅላይ ፍ/ቤት ይግባኝ ሰሚ ችሎት ዛሬ ታህሳስ 15 ቀን 2008 ዓ.ም በመቅረብ የቃል ክርክር አድርገዋል፡፡

በችሎቱ የተሰየሙት ግራ ዳኛ መዝገቡ ለዛሬ የተቀጠረው ታህሳስ 8 ቀን 2008 ዓ.ም ተከሳሾቹ የፍ/ቤቱ ሰብሳቢ ዳኛ የሆኑት አቶ ዳኜ መላኩ ከሰብሳቢነታቸው እንዲነሱ ባቀረቡት የፅሁፍ አቤቱታ ላይ መልስ ለመስጠት፤ የተከሳሾቹንና የአቃቤ ሕግን የቃል ክርክር ለማድመጥ መሆኑን ጠቁመዋል፡፡ ተከሳሾቹ ‹‹ሰብሳቢው ዳኛ ይነሱልን!›› ብለው ያቀረቡት ጥያቄ ፍ/ቤቱ ስላላመነበት ውድቅ መደረጉን ገልፀዋል፡፡

አቃቤ ሕግ በችሎቱ ባቀረበው የይግባኝ አቤቱታው ተከሳሾቹ ከግንቦት ሰባት አመራር አባላት ጋር በተለያየ ጊዜ መገናኘታቸውን፤ ይህንንም የሚያስረዳ ማስረጃ ከብሔራዊ መረጃና ደህንነት ኤጀንሲ ማቅረባቸውን ነገር ግን የስር ፍ/ቤቱ እነዚህን ማስረጃዎች ሳይመዝን ‹‹በደፈናው ውሳኔ ስለሰጠ›› ይግባኝ መጠየቃቸውንና የስር ፍ/ቤቱ ውሳኔ ሲሰጥ ከጭብጥ መውጣቱን ገልጿል፡፡ ‹‹ፍ/ቤቱ ከፀረ-ሽብርተኝነት አዋጅ አንቀፅ 23 መሰረት የቀረበውን የሰነድ ማስረጃዎች በመመልከት የስር ፍ/ቤት ውሳኔን በመሻር ተከሳሾቹ የቀረበባቸውን ክስ እንዲከላከሉ ፍ/ቤቱ ይወስንልን ዘንድ እንጠይቃለን›› ሲሉ ተደምጠዋል፡፡

1ኛ ተከሳሽ አቶ ሀብታሙ አያሌውና 5ኛ ተከሳሽ አቶ አብርሃም ሰለሞን በጠበቃቸው አምሃ መኮንን በኩል የመከራከሪያ ሃሳባቸውን አቅርበዋል፡፡ አቶ አምሃ መኮንን የስር ፍ/ቤቱ ደምበኞቻቸውን በነፃ ሲያሰናብታቸው የቀረቡትን ማስረጃዎች መዝኖ መሆኑን ለችሎቱ አስረድተዋል፡፡ አቃቤ ሕግ በክሱ ላይ ያቀረባቸው ነገሮች እንደመረጃ እንጂ እንደማስረጃ ሊያዙ እንደማይገባ የተከሳሾቹ የቀድሞ ጠበቃ በስር ፍ/ቤት ክርክር አድርገው የስር ፍ/ቤቱ ሐምሌ 2 ቀን 2007 ዓ.ም ‹‹በማስረጃ ሊያዙ ይገባል!›› ብሎ ብይን ማስተላለፉን አቶ አምሃ አውስተዋል፡፡ ጠበቃው ከብሔራዊ መረጃና ደህንነት ኤጀንሲ በኩል የሚቀርቡ ማስረጃዎችም ፍ/ቤት ሊመረምራቸው እንደሚገባ ሲያስረዱ፡- ‹‹የብሔራዊ መረጃና ደህንነት ኤጀንሲ በኩል የሚቀርቡ መረጃዎችን ፍ/ቤቱ ሙሉ ለሙሉ የሚቀበል ከሆነ የፍ/ቤቱ ሚና ምን ሊሆን ነው? ፍ/ቤቱ ከተቋሙ በኩል የሚቀርቡለትን መረጃዎች ሙሉ ለሙሉ የሚቀበል ከሆነም ፈራጁ ፍ/ቤት ሳይሆን ብሔራዊ መረጃና ደህንነት ኤጀንሲ ነው›› በማለት አስተያየታቸውን ሰንዝረዋል፡፡

ደምበኛቸው አቶ ሀብታሙ አያሌውም በክሱ ላይ ‹‹ዘመነ ካሴ›› ከተባለው የግንቦት ሰባት አባል ጋር በመነጋገር አብረው ለመስራት ተስማሙ ተብሎ ቢገለፅም ይህን የሚያስረዳ ማስረጃ አለመቅረቡን ገልፀዋል፡፡ ደምበኛቸው ከግለሰቡ ጋር ባደረጉት የስልክ ልውውጥ አንድም ቦታ ላይ አብረው ለመስራት መስማማታቸውን እንዳልገለፁ ጠበቃው ጠቁመዋል፡፡ በክሱ ላይ የአንድነት ፓርቲ ሕዝብ ግንኙነት ክፍል ኃላፊ የሆነው አቶ ሀብታሙ አያሌው ከዘመነ ካሴ ጋር ግንኙነት አደረጉ ተብሎ የተገለፀው ከእውነታ የራቀ መሆኑን ጠበቃው ገልፀዋል፡፡ በተጠቀሰው ጊዜ አቶ ሀብታሙ አይደለም የአንድነት ፓርቲ ሕዝብ ግንኙነት ክፍል ሊሆኑ ቀርተው፤ የፓርቲው አባል እንዳልነበሩም አቶ አምሃ አስረድተዋል፡፡ አቶ ሀብታሙ በበኩላቸው በክሱ ላይ ተከሳሽ በዚህ የሞባይል ቁጥር ግንኙነት አድርጓል ተብሎ አለመገለፁን የስልክ ልውውጡም ምን እንደሆነ የሚያስረዳ አንዳች ነገር አለመቅረቡን ለፍ/ቤቱ አስረድተዋል፡፡

አቶ አምሃ ደምበኛቸው በሆነው 5ኛ ተከሳሽ አቶ አብርሃም ሰለሞን ላይ ምንም አይነት የሰነድ ማስረጃ አለመቅረቡን የግንቦት ሰባት አባል ነው ሲባልም፤ በግንቦት ሰባት መዋቅር ውስጥ እንዳለ የሚያሳይ ማስረጃ አለመቅረቡን ደምበኛው በምንም አይነት የሽብርተኝነት ተግባር ላይ እንደተሰማራ የሚገልፅ ምንም አይነት ማስረጃ አለመቅረቡን ገልፀዋል፡፡ አቶ አብርሃም ሰለሞን በበኩሉ ያለአንዳች ማስረጃ መታሰሩን ሲያስረዳ፡- ‹‹ከታሰርኩ በኋላ ነው ማስረጃ ሲፈለገብኝ የነበረው፤ ከታሰርኩ በኋላም ቤቴ እንኳ አልተፈተሸም፡፡ መንግስት አሰረኝ ብዬ አላምንም ያሰረኝ አንድ ግለሰብ ነው›› ሲል ተደምጧል፡፡

2ኛ ተከሳሽ አቶ ዳንኤል ሺበሺ፣ 3ኛ ተከሳሽ አቶ አብርሃ ደስታና 4ኛ ተከሳሽ የሺዋስ አሰፋ ያለጠበቃ በመቆም በግል ክርክራቸውን ያካሄዱ ሲሆን፤ ሶስቱም ተከሳሾች የአቃቤ ሕግ የይግባኝ ማመልከቻ ላይ እነሱን የሚመለከት ቅሬታ አለመቅረቡን ለፍ/ቤቱ ገልፀዋል፡፡ አቶ ዳንኤል ሺበሺ ‹‹እኔ አሸባሪ አይደለሁም! የታሰርኩት በኢህአዴግ የፖለቲካ ሴራ ነው! እኔ የፖለቲካ እስረኛ ነኝ!›› ሲሉ ተደምጠዋል፡፡ የቃል ክርክር ለማድረግ ያዘጋጁት ወረቀትም በማረሚያ ቤቱ እንደተቀደደባቸው ለፍ/ቤቱ አሳይተዋል፡፡ ወረቀቱ ማህተም የተደረገበት ቦታ ተቀዶ መውጣቱን በችሎቱ ለነበሩ ታዳሚያን በግልፅ ታይቷል፡፡

3ኛ ተከሳሽ አቶ አብርሃ ደስታም ከታሰሩ በኋላ ማስረጃ ሲፈልግባቸው እንደነበርና በብሔራዊ መረጃና ደህንነት ኤጀንሲ የሚቀርብ መረጃ በፍ/ቤት ሳይመዘን ሙሉ ለመሉ ተቀባይነት የሚያገኝ ከሆነ ተቋሙ ከሳሽም፣ መስካሪም፣ ዳኛም ሆነ ማለት ነው፡፡ ይህ ከሆነ ዘንድ ደግሞ ፍ/ቤት መምጣትም አያስፈልግም ሲሉ ተደምጠዋል፡፡ በክሱ ላይ ለኢሳት ቴሌቪዥን ቃለምልልሰ ሰጠ ተብሎ የቀረበው ክስ ተቀባይነት የሌለው መሆኑን ሲያስረዱ፡- ‹‹እኔ የተቃዋሚ ፓርቲ አባል እንደመሆኔ መጠን የኢህአዴግን ጭቆና ማጋለጥ ግዴታዬም መብቴም ጭምር ነው! ይህን ካላደረጉ ምኑን ተቃዋሚ ሆንኩ?›› በማለት ለፍ/ቤቱ የገለፁ ሲሆን፤ በተለያዩ ሚዲያዎች ላይ በመቅረብ ሃሳባቸውን ሲገልፁ የነበሩትም የኢህአዴግን ጭቆናን ማጋለጥ መብታቸው በመሆኑ እንደሆነ ለፍ/ቤቱ አስረድተዋል፡፡

4ኛ ተከሳሽ አቶ የሺዋስ አሰፋ በእሳቸው ላይ የቀረበ አንድም የሰው ምስክር እንደሌለ ገልፀው፤ ማዕከላዊ በነበሩበት ወቅትም በምርመራ ላይ አንድም ቀን ስለግንቦት ሰባት ተጠይቀው እንደማያውቁ ምርመራ ላይ ሲጠየቁ የነበሩትም ስለ ሰማያዊ ፓርቲ መሆኑን ገልፀዋል፡፡ አቶ የሺዋስ የሰማያዊ ፓርቲ አባል በመሆናቸው ብቻ አያሌ መከራዎችን እየተጋፈጡ እንደሚገኙ ለፍ/ቤቱ አስረድተዋል፡፡ ያለፉትን 6 ወራት በማንም አለመጎብኘታቸውን ለፍ/ቤቱ ገልፀዋል፡፡

ፍ/ቤቱ የቃል ክርክሩ በፅሁፍ ተገልብጦ ከቀጣይ ቀጠሮ በፊት ከመዝገቡ ጋር ተያይዞ እንዲቀርብ ውሳኔ ሰጥቷል፡፡ 1ኛ ተከሳሽ አቶ ሀብታሙ አያሌው የሚገኙበት የቂሊንጦ ማረሚያ ቤት ተከሳሹ ባቀረቡት አቤቱታ ላይ ታህሳስ 19 ቀን 2008 ዓ.ም መልስ እንዲሰጥ ቀጠሮ ሰጥቷል፡፡ የማረሚያ ቤት ተወካዩ በተጠቀሰው ቀን አቶ ሀብታሙን ይዞ እንዲቀርብ ፍ/ቤቱ አዟል፡፡

የፌደራሉ ጠቅላይ ፍ/ቤት የግራ ቀኙን ክርክር መዝኖ ውሳኔ ለመስጠት ለታህሳስ 29 ቀን 2008 ዓ.ም ቀጠሮ ሰጥቷል፡፡ እነ ሀብታሙ አያሌው ነሐሴ 14 ቀን 2008 ዓ.ም የፌደራሉ ከፍተኛ ፍ/ቤት ከተመሰረተባቸው የሽብርተኝነት ክስ መከላከል ሳያስፈልጋቸው በነፃ እንዲሰናበቱ ውሳኔ ማስተላለፉ አይዘነጋም፡፡

The post እነ ሀብታሙ አያሌው በጠቅላይ ፍ/ቤት የቃል ክርክር አደረጉ | አብርሃ ደስታ “ጭቆናን ካላጋለጥኩ ምኑን ተቃዋሚ ሆንኩት?” አብርሃ ደስታ appeared first on Zehabesha Amharic.

”በታሪካችን ያላየነው ረሃብ ላይ ነን” አቶ ኃይለ ማርያም

(ጉዳያችን ዜና)

ከግማሽ ክፍለዘመን በላይ ያስቆጠረው የኢትዮጵያ ፓርላማ ማማ

ጉዳያችን GUDAYACHN
ታህሳስ 15/2008 ዓም (December 25/2015)

The post አቶ ኃይለማርያም ደሳለኝ የኢትዮጵያ መሬት ለሱዳን የመሰጠቱን ጉዳይ ዳግም አረጋገጡ | ንግግራቸው የሱዳን ጠ/ሚ/ር አስመስሏቸዋል appeared first on Zehabesha Amharic.

ኃይለማርያም ደሳለኝ በፓርላማው ስለኦሮሞ ሕዝብ ወቅታዊ ጥያቄ ያደረጉት ንግግር – “ተቃውሞ ያነሱትን እንደከዚህ ቀደሙ እናደርጋቸዋለን”| Video

The post ኃይለማርያም ደሳለኝ በፓርላማው ስለኦሮሞ ሕዝብ ወቅታዊ ጥያቄ ያደረጉት ንግግር – “ተቃውሞ ያነሱትን እንደከዚህ ቀደሙ እናደርጋቸዋለን”| Video appeared first on Zehabesha Amharic.

ዛሬ ፓርላማ ላይ የቀረቡት አቶ ኃይለማርያም ደሳለኝ “ድንበር ቆርሰን አልሰጠንም… ግን በሱዳን መሬት ውስጥ ገብተው እያረሱ ያሉ የኢትዮጵያ ገበሬዎች አሉ” ሲሉ ተናገሩ:: በቅርቡ የድንበር ማካለል እናደርጋለን ያሉትና የሱዳን ጠቅላይ ሚኒስተር ሆነው የቀረቡት አቶ ኃይለማርያም በሱዳን መሬት ላይ ገብተው እያረሱ ያሉትን ባለሃብቶች ድንበሩ እስከሚካለል ድረስ አትንኩብን ስንል የሱዳን መንግስትን ጠይቀናል ብለዋል:: ቭዲዮውን ይመልከቱ::

The post ጠቅላይ ሚኒስትሩ ቃዥተዋል “መሬት ቆርሰን አልሰጠንም… ነገር ግን ሱዳን ድንበር ውስጥ ገብተው የሚያርሱ የኢትዮጵያ ገበሬዎች አሉ” | ቪዲዮ appeared first on Zehabesha Amharic.

(ዘ-ሐበሻ) ትናንት አርብ በኢትዮጵያ ፓርላማ ቀርበው ስለኢትዮ-ሱዳን አወዛጋቢ የድንበር ማካለል ጉዳይ መግለጫ የሰጡት ሕወሓት የሚመራው መንግስት ጠቅላይ ሚ/ር ኃይለማርያም ደሳለኝ በድንበሩ ጉዳይ ያደረጉት ንግግር አነጋጋሪነቱ እንደቀጠለ ነው:: በርሳቸው ንግግር ዙሪያ የቀድሞው ኢህዲን (ብአዴን) ታጋይ የነበሩትና በአሁኑ ወቅት በሜሪላንድ አሜሪካ የሚገኙት ያሬድ ጥበቡ በፌስቡክ ገፃቸው ኃይለማርያም ዛሬ ካሰሙት ንግግር በኋላ ገስጸዋቸዋል::
“እንኳን እርሳቸው፣ ነባሮቹ የብአዴን መሪዎች እነበረከትና አዲሱ እንኳ ከኤርትራና ሱዳን ጉዳይ የተገለሉ ነበሩ” ያሉት አቶ ያሬድ ኃይለማርያም ከዚህ ጉዳይ እጃቸውን እንዲያወጡ መክረዋል::

የያሬድ ጥበቡ አስተያየት እንደወረደ ይኸው:-

ጠቅላይ ሚኒስትር ኃይለማርያም ደሳለኝ የሱዳን ኢትዮጵያን ወሰን ጉዳይ በታላቅ ጥንቃቄ ቢያዩትና፣ ምክርቤቱ ውስጥ የሰጡት አይነት የኢትዮጵያን አራሾች በድንበር ገፊነትና፣ በሽፍትነት የመሳል ምስክርነት ቢቆጠቡ ተመራጭ ነው ። አለመግባባቱ ወደፊት ወደአለምአቀፍ አርቢትሬሽን ቢላክ ይህ ቪዲዮ የሱዳኖችን የይገባኛል ጥያቄ የሚያጠናክርና ኢትዮጵያን የሚጎዳ በመሆኑ፣ ከዚህ መሰል ምስክርነት ቢቆጠቡ ተገቢ ነው ። በሁለተኛ ደረጃ፣ አቶ ኃይለማርያም ለኢህአዴግ መጤ መሆናቸውን መረዳት አለባቸው ። እንኳን እርሳቸው፣ ነባሮቹ የብአዴን መሪዎች እነበረከትና አዲሱ እንኳ ከኤርትራና ሱዳን ጉዳይ የተገለሉ ነበሩ። በወያኔ ፖሊትቢሮ ብቻ የተያዘ የውስጥ ጉዳይ ነበር ። በወያኔ 40ኛ አመት በአል ላይ መቀሌ ላይ ንግግር ያደረገው ሱዳናዊ፣ ” እኔም ወያኔ ነኝ” ብሎ ከፈከረ በኋላ፣ መለሰ ለመጨረሻው ከደርግ ጋር ድርድር ወደ ለንደን ከማቅናቱ በፊት፣ ካርቱም ላይ ፕሬዚደንቱ ቢሮ መሬት ላይ ፈርሸው ስላደረጓቸው ውይይቶች የነበረውን ትዝታ አካፍሏል ። በዚያ ወቅት፣ የጋራ ጠላታቸው የሆነውን የአማራ ህዝብ ለማዳከም መለስ የገባው ቃል ሊኖር ይችላል ። ምናልባትም አዲሱን መንግስት በማቋቋም ስም ወያኔ ከሱዳን የበላው መሃያ ሊኖርም ይችላል። ብዙ ያልተፈተሹና የማናውቃቸው ጉዳዮች ስላሉ፣ ለጠቅላይ ሚኒስትሩ ያለኝ ምክር፣ እጃቸውን ከዚህ ጉዳይ ውስጥ ማውጣትና፣ የወሰን ድርድር ለማድረግ የሚያሰገድድ ሁኔታ ፈፅሞ ባለመኖሩ፣ ጉዳዩ ባለበት እንዲቀጥል መተው የተሻለ ነው ብዬ አስባለሁ ። ሃገራቸውን የሚጎዳ ነገር ውስጥ እጃቸውን ባያስገቡ ይመረጣል ።

The post “እንኳን ኃይለማርያም ይቅርና ነባሮቹ የብአዴን መሪዎች እነበረከትና አዲሱ እንኳ ከኤርትራና ሱዳን ጉዳይ የተገለሉ ነበሩ” ያሬድ ጥበቡ appeared first on Zehabesha Amharic.

በሽብር ተጠርጥረው መያዛቸውን መርማሪያቸው ተናግሯል
‹‹ካሁን በፊት ይዝቱብኝ ነበር፤ ጋዜጠኛ በመሆኔ ነው የታሰርኩት›› ጌታቸው ሺፈራ

በነገረ ኢትዮጵያ ሪፖርተር

The post እነ ጌታቸው ሺፈራው 28 ቀን ጊዜ ቀጠሮ ተሰጠባቸው appeared first on Zehabesha Amharic.

ታህሳስ2008 ዓ ም

“ኢትዮጵያ የማን ሆና ነው ኦሮሞ የሚገነጠለው” ( ኮሎኔል ዓለሙ ቂጤሳ)

“ኦሮሞ ግንድ ነው አይገነጠልም” (ጄኔራል ጀጋማ ኬሎ)

ባለፉት ሃያ አራት ዓመታት የብዙ አገር ወዳድ ኢትዮጵያውያን የልብ ህመም ሆኖ የቆየው የኦሮሞ ጥያቄ ነው። ዛሬም በኢትዮጵያ ህልውና ወሳኝ ጥያቄ ቢኖር የኦሮሞ ጥያቄ ነው። ኢትዮጵያን ለማጥፋት ሆነ በጨለማ ለመግዛት የተነሱት ጣልያንም ሆነ ወያኔ ለአላማቸው ማስፈፀምያ የዚህን ታላቅ ህዝብ ጥያቄ ነበር ኢትዮጵያን ለመጉዳት የሚጠቀሙበት። ከላይ በጥቅስ ያስቀመጥኋቸውን ሃሳቦች የተናገሩት በኦሮሞ ህብረተሰብ ውስጥ ትፅዕኖ ፈጣሪና ታላቅ ኢትዮጵያውያን ናቸው። ከአስራ አራት ዓመት በፊት በሞት የተለዩን ኮሎኔል ዓለሙ ቂጤሳን ንግድ ማተምያ ቤት አጠገብ ባለው መኖርያ ቤታቸው ለጦቢያ መጽሄት ቃለ መጠይቅ ልናደርግላቸው አንጋፋው ጋዜጠኛ አቶ ሙሉጌታ ሉሌ ጋር ሄደን ነበር። ሜጫና ቱሉማን በመመስረትና ለኦሮሞ መብት በመታገል ኢትዮጵያዊ መፍትሄ እንዲያግኝ በመልፋት የሚታወቁት እኒህ አንጋፋ አባት አመሻሽ እድሜአቸው ላይ ሆነው ያዩት ሁሉ አላስደሰታቸውም።

አክራሪ ፅንፍ የያዙ የኦሮሞ ኤሊቶች ከሌሎች ኢትዮጵያውያን መለየትን እንደመፍትሄ በግልፅ በሚሰብኩበትና ለተግባራዊነቱ በሚገፉበት፤ ወያኔም ይህንኑ አጀንዳ አስጨብጦ በሚያራግብበት ፈታኝ ወቅት ነበር የሄድንባቸው። አምቦ አካባቢ ግንደበረት ተወልዶ ከማደጉም በላይ የኦሮሞን ህብረተሰብ ጠንቅቆ የሚያውቀው ጋሽ ሙሉጌታ ከኮሎኔሉ ጋር ያላቸውን መግባባትና መከባበር ስመለከት ተገርሜያለሁ። በርካታ አገራዊና የግል ጥያቄዎችን ያቀረብንላቸው ቢሆንም በቁጣ ስሜት የመለሱት ለኦሮሞ ችግር ከኢትዮጵያ መገንጠል መፍትሄ ይሆናልን? የሚለውን ጥያቄአችንን ነበር። “ኢትዮጵያ የማን ሆና ነው ኦሮሞ የሚገነጠለው?” በማለት ነበር ጥያቄአችንን በጥያቄ የመለሱት።

ኦሮሞ የኢትዮጵያ እምብርት ብቻ ሳይሆን ከሰሜን ጫፍ እስከ ትግራይ፣ በደቡብ እስከ ኬንያ፤ በምስራቅ ኦጋዴንን ነክቶ በምዕራብ ሱዳን ድረስ ሲያጣቅስ በመሃል ከአብዣኛው ኢትዮጵያውያን ተዛንቆ፣ ተዋልዶ፣ ተዋህዶ በመኖሩ እድሉ የኢትዮጵያ ባለቤት መሆን እንጅ ጊዜው እንደወለዳቸው ፖለቲከኞች ቁራሽ መሬት ይዞ መወሰን አይደለም የህዝቡ ፍላጎት። ኮሎኔል ዓለሙ ቂጤሳም የገለፁት ይህንኑ የኦሮሞ ህዝብ ፍላጎት ነበር። ቃለ መጠይቁን ለህትመት አብቅተን ኮሎኔል ዓለሙን ደግመን ስናገኛቸው ያየሁትና የሰማሁት ለብዙ ጊዜ አሳዝኖኛል። የጊዜው የፖለቲካ አራጋቢዎች ትልቅ የመንፈስ ስብራት ፈጥረውባቸው ነበር። “ዛሬ በሽምግልናዬ ቤት ውስጥ ተወስኜ ሞቴን በጸጋ በምጠብቅበት ሰዓት የአገር ጉዳይ ጠልቆ ያልገባቸው ወንድሞቼ በእኔና በቤተሰቤ ያሳደሩብኝ ጫና ቀላል አይደለም። ቀሪ ጊዜዬን በሃዘን እንዳልቋጨው ታገሱኝ” አሉን። እኛም ታገስናቸው።

ዛሬ ኮሎኔል ዓለሙ ቂጤሳና አንጋፋው ጋዜጠኛ ሙሉጌታ ሉሌ በህይወት የሉም። ጋሽ ሙሉጌታ  ሊለየን ትንሽ ሰዓታት ሲቀረው “ለዘመናት ወጣቱ ላይ የነበረኝን ወቀሳ አንስቻለሁ፤ አገሩን የሚታደግ ወጣት በማየቴ ኮርቻለሁ። በሉ ተነሱ ሰልፍ የጀግና ነው፣ ድል የእግዜብሄር ነው” ሲል ተስፋውንና ጥሪውን ገልፆ አልፏል። የኦሮሞ ህዝብና ቀሪው ኢትዮጵያዊ ባንድ ቁሞ ታላቋን ኢትዮጵያን የመገንባቱ ተስፋ እየለመለመ ነው። የኦሮሞ ህዝብ የኢትዮጵያ ባለቤት ለመሆን አገራዊ አጀንዳ ይዞ እየተነሳ ነው። የኦሮሞ ፖለቲከኞች (ኤሊቶች) እንደ ኦሮሞ ህዝብ ሰፊ ልቦናና ኢትዮጵያዊ ባለቤትነትን ካላቀፉ ለጠባቡና ለጊዜአዊ የፖለቲካ ፍጆታ ራሳቸውን ወስነው መነሳት እንደማያዋጣቸው የተረዱ ይመስላል። ከአንጋፋ ፖለቲከኞች ሌንጮ ለታና ጓዶቻቸው፣ ከወጣቶቹም ጁአር ሞሃመድና ሌሎችም ሰሞኑን ያሳዩት ሁሉን አቃፊ (አኮሞዳቲቭ) አቋም  ያየ፤ የኦሮሞ ፖለቲከኞች የኦሮሞን ህብረተሰብ በሚመጥን ደረጃ ለመገኘት መንቀሳቀሳቸውን ወይንም መፈለጋቸውን ይገነዘባል። ያድርግልን። ከሰሞኑ የህዝብ አመፅ በኋላ የአማራውና የኦሮሞው አንድነት ጥሪ በሰፊው ተሰብኳል። አመፁን ተከትሎ የመጣ በረከት ይመስላል (ፈረንጆች ኤ ብሌሲንግ ኢን ዲስጋይዝ እንደሚሉት)። አመፁን ወደ እውነተኛ አንድነት እንዲያድግ ከተፈለገ አጀንዳው ከክልላዊነት ወጥቶ ወደ አገራዊነት መለወጥ  አለበት።

ለኢትዮጵያ ህልውናና እድገት የህዝቦቿ መተባበር፤ በተለይም የኦሮሞውና የአማራው በአንድነት መቆም ወሳኝ ነው። ለዚህም ነው የኢትዮጵያን ህዝብ ረግጠው ለመግዛት የሚያልሙ የውጭ ሆነ የውስጥ ጠላቶች እነዚህን ጉልህ የህዝብ ክፍሎችን የጥቃታቸው ኢላማ የሚያደርጉት። አድዋ ላይ አባቶቻችን ያንበረከኳትና በዓለም ፊት ያዋረዷት ጣልያን የሽንፈቷ ምክንያት የኢትዮጵያውያን ህብረት መሆኑን ከውድቀቷ ተምራለች። ከአርባ ዓመት በኋላ ቂም ቋጥራ ዳግም ስትመጣ፤ መጀመርያ የተሰማራችው ተባብረው የደቆሷትን አማራና ኦሮሞን በመለያየት ላይ ነው። ብዙ ክፍተት ለጊዜው ብትፈጥርም እንዳልተሳካላት ሌላውን የኦሮሞ የጀግንነት ምሳሌ የሆኑትን ኢትዮጵያዊ ታሪክእንቃኝ። የበጋው መብረቅ የሚባሉት የጀግናው የጄኔራል ጀጋማ ኬሎ አጎት ናቸው። ፊታውራሪ አባዶዮ ዋሚ ገሮ ይባላሉ። አባ ዶዮ የፈረስ ስማቸው ነው። ጣልያን አማራንና ኦሮሞን ለመከፋፈል በሰፊው ሠርቶ ስለነበር፤ ይህ ሰበካ እውነት የመሰላቸው ታላላቅ ሰዎች የፊታውራሪ አባ ዶዮ ዋሚ ገሮን ምክርና ይሁንታ ለመሻት ቤታቸው ሄዱ። “አማራ የሚበድለን ስለሆነ ከአካባቢያችን ልናስወጣ አስበናል ምን ይመክሩናል?” የሚል ሃሳብ አቀረቡላቸው። እንግዶቻቸውን አብልተው አጠጥተው፣ በነገሩም አሰላስለው ቆዩና ለእያንዳንዳቸው እፍኝ እፍኝ ሙሉ ሰርገኛ ጤፍ እንዲሰጣቸው አዘዙ። ጤፉም ለእንግዶቹ ተሰጠ። “በሉ ቀዩን ከነጩ ጤፍ ለዩልኝ” አሏቸው። ግራ የተጋቡት እንግዶች “አባ ዶዮ ይሄማ እንዴት ይቻላል?” በማለት እንደማይሆን ነገሯቸው። “ያቀረባችሁልኝ እኮ እንዲህ ያለ ጥያቄ ነው። ከአማራ ያልተጋባ፣ ያልወለደ፣ ያልተዛመደ ማን አለ? እንዝመት ካላችሁ በራሳችን፣ በቤታችን እንጀምር። ይህንን ደግሳ ያበላቻችሁ የልጆቼ እናት አማራ ናት። ልጆቼንና ልጆቿንም፣ እሷንም ጭምር ግደሉ፤ እናንተም በየቤታችሁም ሂዱና የአማራ ደም ያለበትን አጥፉ። ይህ እንዲሆን አይደል የምትጠይቁኝ” አሏቸው። በርግጥም ከአማራ ያልተዛነቀ ኦሮሞ፤ ከኦሮሞ ያልተዋለደ አማራ ጥቂት ነው። ጥፋታቸውን የተረዱት መልዕክተኞች የጣልያንን ተልዕኮ አከሸፉ። በነገራችን ላይ ዶክተር መረራ ጉዲናም አንዳንድ ፅንፈኛ የሆኑትን ፀረ አማራ የሆኑ የኦሮሞ ልሂቃንን “ማታ ቤታቸው አማራ ሚስቶቻቸውን ታቅፈው እያደሩ ቀን ስለእነዚህ ትልልቅ ህዝቦች መለያየት ይሰብካሉ” ሲሉ ከሃያ ዓመት በፊት መተቸታቸውን አስታውሳልሁ።

ታሪኩ በዚህ አያበቃም። የፊታውራሪ አባ ዶዮ ዋሚ ገሮ ወንድም የአባ ኬሎ ገሮ ልጅ ጀጋማ ኪሎ ጣልያንን ገና በአስራ አራት አመታቸው ጀምሮ ነው በጥይት እየቆሉ መውጫ መግቢያ አሳጥተው ነፃነታችንን ያጎናጸፉን። የጣልያንን ሴራ ብቻ ሳይሆን ሰላቶን ከነባንዳው አይቀጡ ቅጣት የቀጡት ጄኔራል ጀጋማ ኬሎ ከአምሳ አምስት ዓመት በኋላ የባንዳ ልጆች የሆኑ የወያኔ መሪዎች በአማራውና በኦሮሞው ልዩነት ፈጥረው ለማፋጀት ሲነሱ አጎታቸው ዘንድ ለምክር እንደሄዱ መልዕክተኞች የህወሃትን መርዝ ይዘው ኦሮሞን ከኢትዮጵያ ህዝብ ለመነጠል ሲያቀነቅኑ ልባቸው በሃዘን ተነክቷል። አዛውንቱ ፖለቲከኛ ቡልቻ ደመቅሳ “ለኦሮሞ መገንጠል ይበጀዋል ወይ?” ብለው ለጠየቋቸው “ኦሮሞ ግንድ ነው አይገነጠልም”  ቅርንጫፍ እንጂ ግንድ አይገነጠልም ብለው እንደመለሱላቸው ሰምቻለሁ። ዛሬ ጄኔራል ጀጋማ ኬሎ የ95 ዓመት አዛውንት ናቸው። የኦሮሞ አድባር፣ የኦሮሞ ዋርካ፣ የአጠቃላዩ የኢትዮጵያ ዋርካ በህይወት እያሉ ኢትዮጵያ በጠላቶቿ ስንት ጊዜ ተጠቃች? ስንት ጊዜ አፈር ልሳ ተነሳች?

አብዛኞቹ የህወሃት መሪዎች ለጣልያን ያደሩ የባንዳ ልጆች መሆናቸውን ከገብረመድህን አርዓያ የበለጠ ምስክር አንሻም። Rኡቅ ሳንሄድ የህወሃት ሴራ ባለቤት የመለስ ዜናዊ አያት የጣልያኑ ደጃዝማች አስረስ በርካታ ህዝብ ያስፈጁ አገር የሸጡ ባንዳ መሆናቸውን ሁሉም ያውቀዋል። ታድያ እነመለስና ጓደኞቻቸው ከአባቶቻቸው የተማሩት አገርን መታደግ ሳይሆን ማፍረስ ነው። ጀግናው አፄ ዮሃንስ ከበርካታ የኢትዮጵያ ጀግኖች ጋር(የትግራይን ጨምሮ) አንግታቸውን የተሰውበትን መሬት ሳይቀር ለሱዳን ሲሰጡ ሃፍረት የማያውቁ ከሃዲ ወንጀለኞች ናቸው። በመሆናቸውም ነው መሃል ኢትዮጵያን አፍኖ ለመግዛት አማራና ኦሮሞን ለመለያየት የባንዳ አባቶቻቸውን ጌቶች ፖሊሲ የተከተሉት። ይህ ተንኮል ከጣልያን የበለጠ ለእነሱ ሰርቷል። ባለፉት ሃያ አራት ዓመታት ከሁለቱ ህዝብ ፅንፈኛ የሆኑና ለፍርፋሪ የሚያድሩትን በማግኘታቸው ዙፋናቸው ላይ እስከአሁን ተደላድለዋል።

አማራው በየሄደበት እንደ አውሬ ታድኗል። ዐይኑ እያየ ገደል ላይ ተጥሏል። ይህንን ደግሞ ሃውዜን ላይ በትግራይ ህዝብ ሲፈፅሙት የተካኑ በመሆናቸው በፊልም እየቀረፁ “ኦሮሞው አማራውን እንዲህ አድርጎ ነው የገደለው” ብለው በአደባባይ በማሳየት እስከዛሬ የሠራላቸውን የመከፋፈል ሴራ ውጤታማ አድርጎታል። ተንኮላቸው በሁለት በኩል ስለት እንዳለው ቢላዋ ባንድ በኩል ኦሮሞውን ከአማራ ለመለያየት ሲያገለግላቸው፤ ሌላኛው ስለት ኦነግን የፖለቲካ ሞት እንዲሞትላቸው ማድረጋቸውን የዚህ ተንኮል መሃንዲስ ከሆነው መለስ ዜናዊ ጋር በቅርብ የሠሩትና አጥርተው የሚያውቁት ሊንጮ ለታ ዛሬ በአዛውንት እድሜአቸውና በሰከነ አእምሮአቸው ቢመሰክሩ ደስ ይለናል። ለትናንት የፖለቲካ ዓላማ ባይጠቅምም፤ ለዛሬውና ለነገው ትውልድ ትምህርት ይሆነዋል።

ኦሮሞው በየቦታው ሲሰደድ፣ ሲገደልና የአገሪቱን እስር ቤቶች ሲያጨናንቅ፤ አድር ባይ ልጆቹ ወያኔ የሰጣቸውን የመቶ ዓመት ታሪክ ሲቆፍሩና ተጠያቂ ሲፈልጉ፣ ዛሬ የሚፈጸመውን ዐይን ያወጣ በደልና ግፍ እነሱም ዐይተው እንዳላዩ፣ ህዝቡም እንዳያይ ብዙ የከፋ ወንጀል ሠርተዋል። ቢዘርፉ የማይጠረቁ የወያኔ መኳንንት አዲስ አበባን ጨርሰው የአካባቢውን ገበሬ ሲያፈናቅሉ “የአባትህ ቤት ሲዘረፍ አብረህ ዝረፍ” በሚል ጅል ተመክሮአቸው ህዝቡን አጥንቱ እስኪቀር ትንሽ ፍርፋሪ እያገኙ አስግጠውታል። ዛሬ ፅዋው ሞልቶ ሲፈስና ህዝቡ ከዳር ዳር ሲነሳ በድንገት ባነኑና የህዝብ ደጋፊ ነን ለማለት በአዳራሽ ተሰብስበው ወያኔ ላይ መፎከራቸውን ከኢሳት ሰምተናል። ልጃገረዷ አረገዘች የሚል ሃሜት ሲናፈስ “እስቲ ታገሱ፤ እህል ከሆነ ይጠፋል፣ ሽል ከሆነም ይገፋል” እንዳሉት ኦህዴዶቹ ከልባቸው ከሆነ የምናየው ነው።  ጌታቸው ወያኔ ሳይቀድሙት በመቅደም አባዜ የተካነ ነውና ቀበቶአቸውን ጠበቅ ሊያደርጉ ይገባል። የስምንት ዓመት ልጅ በጥይት ከሚደፋ፣ አስከሬን ለወላጅ በሺህ ብር ከሚሸጥ፣ አገርን ቆርሶ ከሚቸበችብ አምባገነን ጋር ከመስራት የከፋ ወንጀል አለ? ርህራሄ የሌለው ህወሃት ለዚህ ድፍረታቸው በመቶ ሺዎች አሳልፈው ከሰጧቸው፣ እስር ቤት ከሚገኙ ወንድሞቻቸው ጋር ለማጎር አይሳሳም። ደርግ መኢሶንን ተጠቅሞበት ደመኛ ጠላቶቹ ከሆኑት ኢህአፓዎች ጋር በአንድ እስርቤትና በአንድ ጉድጓድ እንዳገናኛቸው ሁሉ ወያኔም ይህንኑ እንደሚያደርግ ግልፅ ነው። ኦህዴድ ሆይ! በአገሪቱ በተለይ በኦሮሞው ላይ ለተሠራው ሁሉ ወንጀል ሃላፊነቱን በግልፅ በመውሰድና ከህዝብ ጎን በመቆም ዘላቂ ዴሞክራሲያዊ መፍትሄ ለማምጣት ካልታገላችሁ ይህ ሙት ስርዓት ይዟችሁ ይሞታል።

የኦሮሞ ህዝብ ልበ ሰፊ ነው። አስተዋይና አዋቂም ነው። ይህንን ትልቅነቱን ሰሞኑን በሚገባ አሳይቷል። በውስጡ ያሉትን አማሮችና ሌሎችንም እንዲተነኩስ ዘረኞች ቢሰብኩትም በልበ ሰፊነት ሰላማዊ ትግል እያደረጉ ልጆቹ ለሰላምና ለፍቅር ሲሉ ወድቀዋል። አምናም ዘንድሮም የወደቁ ጀግኖች የኢትዮጵያ ሰማዕታት ናቸው። ለጠባብ አላማ አልወደቁም። ይልቅስ ገዳዮቻቸው ወራዳ ታሪክ ፈፅመዋል። የኦሮሞ ህዝብ በትልቅነቱ ልክ አባቶቹ በደማቸው የአቆዩአትን አገር ባለቤት ሆኖ ነፃ ሊያወጣት ከወንድሞቹ ጋር ይሰለፋል እንጂ ፖለቲከኞች በሰፉለት አርቲፊሻልና ጠባብ ዓላማ ራሱን ወደ ትንሽነት አይቀይርም። ለዚያውም የትግራይን ህዝብ የካዱ የባንዳ ልጆች መጠቀምያ አይሆንም። ለኦሮሞ ህዝብ እንኳን ኢትዮጵያ ምስራቅ አፍሪካ ትጠበዋለች። “ኢትዮጵያ የማን ሁና ነው ኦሮሞ የሚገነጠለው” ያሉት ኮሎኔል ዓለሙ ቂጤሳ ዛሬ በህይወት ቢኖሩ ምንኛ ተስፋቸው በለመለመ። “ኦሮሞ ግንድ ነው አይገነጠልም” ያሉት ጀግናው ጄኔራል ጀጋማ ኬሎ እንደልብ መስማት ባዳገታቸው በዚህ የሽምግልና ወቅት አሁን በምልክትም ቢሆን የኦሮሞን ህዝብ እንቅስቃሴ መረዳታቸው አይቀርምና የመጨረሻ ዘመናቸው በሃዘን እንዳይቋጭ መትጋት ያስፈልገናል።

የእኛ ያልሆነን ሶሻሊዝም ለማፅደቅ የብዙ ኢትዮጵያውያን ደም ፈስሶ ስር ሳይሰድ ቀርቷል። የልዩነትና የጎሳ ፖለቲካም አፍላው ያለፈበትና የመሸበት አስተሳሰብ መሆኑን እንደሶሻሊዝሙ ብዙ ከፍለንበት ተምረናል። ኢትዮጵያውያን እጅ ለእጅ ተያይዘን ካለንበት ጨለማ ለመውጣት በጋራ ካልተነሳን ተስፋ የለንም። በተለይም ከአማራውና ከኦሮሞው የወጡ ጽንፈኞች በህዝቡ ስም በመነገድ አምባገነኑና ዘረኛው የውያኔ አገዛዝ እድሜ እንዲኖርው ከማገዝ እንዲቆጠቡ በግልፅ ሊነገራቸው ይገባል። በዘውግ ፖለቲካ ተጨፍነን እያለ፣ ለከተማ መሬት ስናዝን፣ የአግሪቱ ለም መሬት ለሱዳን እየተሰጠ ነው። በጉርሻ ስንጣላ የህልውናችን መሰረቱ  ራትና ምሳችን ሊሄድ ነው። መተማ ላይ የአፄ ዮሃንስን አንገት የቀላ ሰይፍ ድንበሯን አናስነካም ያሉትን ንፁሃን በመቁረጥ ላይ ነው። ሰይፉ ከሁለት አቅጣጫ ተደቅኖብናል። ከሱዳንና ከህወሃት። ሰሞኑን የሱዳኑ መሪ አልበሽር ሰራዊታቸው ወደ ኢትዮጵያ ድንበር እንዲንቀሳቀስ አዝዘዋል። በኢትዮጵያ ምንግስት በኩል ደግሞ ኃይለማርያም ደሳልኝ ኢትዮጵያውያንን ሱዳንን የሚያጠቁ ሽፍቶች ሲሉ በፓርላማው ፊት ወንጅለዋል። ይህም ይህወሃት ሰራዊት ከሱዳን ጋር ተባብሮ ዜጎቹን ለመውጋት መዘጋጀቱን ያመለክታል። ኢትዮጵያ በታሪኳ እንደዚህ ያለ ለህልውናዋ ጠላት የሆነ መንግሥት አጋጥሟት አያውቅም።

ይህን ጽሁፍ በማጠቃለል ላይ እያለሁ ወያኔዎች በቀለ ገርባንና ሌሎችንም እያደኑ ማሰራቸውን ሰማሁ። ይህ የሁሉም ኢትዮጵያዊ እጣ መሆኑን ያላወቀ ካለ አንድም የዋህ ነው፣ ያለዚያም የስርዓቱ አገልጋይ ነው። በቀለ ገርባን የመሰለ የተረጋጋ፣ ሰላም ፈላጊና ትልቅ የዓላማ ሰው አገሪቷ እንዳይኖራት ወያኔ ተግቶ መሥራት የጀመረው አሁን አይደለም። ፕሮፌሰር አስራት ወልደየስን፣ አሰፋ ማሩን፣ ተስፋዬ ታደሰን….ገድሏል፤ የቅንጅት መሪዎችን፣ አንዱዓለም አራጌንና ሺህ የኢትዮጵያ ተስፋዎችን አስሯል። በአራቱም ማዕዘናት ወጣትና ሽማግሌ ኢትዮጵያውያንን ገድሏል። አገርንና ህዝብን እንደጠላት ኢላማ አድርጎ ከተነሳ ስርዓት በጎ ነገር የመጠበቅ የዋህነት አብሮ የመግደልን ያህል ወንጀል ከሆነበት ደረጃ ላይ ደርሰናል። ኢትዮጵያውያን ሌት ተቀን መስራት ያለብን በቀለ ገርባንና ተመስገን ደስአለኝን ከመሰሉ ጀግኖች ጎን መቆምና እነሱን የመሰሉ ሺዎችን ከመካከላችን ማፍራትና መንከባከብ መሆን አለበት። ዳር ቆሞ ሌሎችን በመተቸት የተጠመደው ልሂቃን እውነተኛ ኢትዮጵያውያን ተገቢ ዋጋ እየከፈሉ ባለበት ሰዓት የጥርጣሬና ያለመተማመን ዲስኩሩን ያቁምና የትግሉ አካል ይሁን።

ኢትዮጵያ የቅን ልጆቿ ሁሉ የጋራ ናት!

በሁሉም አቅጣጫ መስዋዕት በሚከፍሉ ልጆቿም በቅርቡ ጨለማው ይገፍላታል!!

በአንድነት የተነሱ ታጋዮቿ ይታደጓታል!!

Amerid2000@gmail.com

The post ኢትዮጵያ የማን ናት? – ከአንተነህ መርዕድ appeared first on Zehabesha Amharic.

(ዘ-ሐበሻ) በኦሮሚያ የተለያዩ ከተሞች የተከሰተው የሕዝብ አመጽን ተከትሎ ይህን ለማረጋጋት ሁሉን ነገር እየፈነቀለ የሚገኘው ሕወሓት የሚመራው መንግስት የአምቦ ዩኒቨርሲቲን ከትናንና ምሽት ጀምሮ በፌደራል ፖሊስ መቆጣጠሩን ተከትሎ ተማሪዎች ዩኒቨርሲቲውን ለቀው እየወጡ መሆኑ ተሰማ::

ምንጮች ከስፍራው እንደገለጹት ዩኒቨርሲቲውን ፌደራል ፖሊስ ከትናንት ማምሻውን ጀምሮ ከተቆጣጠረው በኋላ ተማሪዎች ላይ ከፍተኛ ጉዳት ደርሷል:: አንዳንድ ሴት ተማሪዎች መኝታ ክፍላቸው በፖሊስ ተሰብሮ በመግባት መደፈራቸውን ምንጮች ከስፍራው ገልጸዋል::

ፖሊሶች ሴት ተማሪዎችን መድፈራቸውን እና ግቢው መወረሩን ተከትሎ ተማሪዎች ወደየቤታቸውና ወደየመጡበት ከተማ እየሄዱ መሆኑን የገለጹት ምንጮች በአሁኑ ወቅት ዩኒቨርሲቲው የፌደራል ፖሊስ ካምፕ እንደሚመስል ገልጸዋል::

The post ተማሪዎች የአምቦ ዩኒቨርሲቲን ለቀው እየወጡ ነው | በወታደሮች ተገደው የተደፈሩ ሴቶች አሉ appeared first on Zehabesha Amharic.

(ዘ-ሐበሻ) ትናንት በሲያትል ዋሽግንተን የተደረገው የዝነኞቹ የቴዲ አፍሮ እና የጎሳዬ ተስፋዬ የሙዚቃ ኮንሰርት ባማረ ሁኔታ መጠናቀቁ ተሰማ:: ከአዘጋጆቹ አካባቢ ለዘ-ሐበሻ የደረሰው መረጃ እንደሚያመለክተው በአቡጊዳ ባንድ እና በራስ ባንድ በመታጀብ ቴዲ አፍሮና ጎሳዬ በመድረኩ ላይ ነግሰው አምሽተዋል:: በቪድዮ ተደግፎ በተለቀቀው መረጃም ቴዲ አፍሮ እና ጎሳዬ በአንድ ላይ “ኢትዮጵያ ሃገራችን” የሚለውን ዘፈን በአንድ ላይ በመዝፈን ሕዝቡን አነቃቅተዋል:: ቪድዮው ይናገራል:-

The post ቴዲ አፍሮ እና ጎሳዬ ተስፋዬ በሲያትል “ኢትዮጵያ ሃገራችን” ሲሉ በአንድ መድረክ ሲዘፍኑ የሚያሳይ ቪድዮ appeared first on Zehabesha Amharic.

ህሳስ 22 ቀን 2008 ዓ.ም.(26-12-2015)

በትናንትናው ዕለት የህወሃት/ኢሕአዴግ ጠ/ሚኒስትር አቶ ሃይለማርያም ደሳለኝ ህወሃት በሚቆጣጠረው ፓርላማ ተገኝቶ መንግስቱ በወጠነው የአምስት ዓመት መመሪያና  በተለያዩ ርዕሶች ላይ ማብራሪያ ሰጥቷል።

የታቀደውን የኤኮኖሚ ትራንስፎርሜሽንን በተመለከተ የግብር አሰባሰቡ በበለጠ እንዲያድግ የሚያስገድድ ሕግ እንደረቀቀ፣በገጠሩ የልማት እንቅስቃሴና መጠነኛ የእንዱስትሪ ተቋማት እንዲጎለብቱ የልማት ባንኩ ብዙ ካፒታል መድቦ ዘርፎችን በመዘርጋት ለመንቀሳቀስ እንደታሰበ ያብራራ ሲሆን በአለፈው የአምስት ዓመቱ ዕቅድ የባከነውን ገንዘብና የአገር ሃብት ከቁጥር ውስጥ ሳያስገባ እንዳልነበረ አድርጎ ሸፋፍኖ አልፎታል።የልማት ባንኩ ለህብረተሰቡ የሚሰጠውን ጥቅምና አገልግሎት ቢጠቅስም፣ብድርና ድጋፍ የሚያገኘው የህብረተሰብ ክፍል በግልጽ አልተቀመጠም።በማንኛውም አገር 90በመቶ የሚሆነውን የስራ ዕድል የሚፈጥረው የግል ክፍሉ ነው።የግል ክፍሉ ይህን ለማድረግ የሚችለው የሚሰራበት መሬት፣የአጭር፣የመካከለኛና የረጅም ጊዜ ብድር በተፈለገው መጠን ለማግኘት ሲችልና በአገሪቱ ክፍሎች በሙሉ ያለምንም ገደብ ለመንቀሳቀስ ሲችል ነው።በተጨማሪ አገር ተከልና አገር ወለድ የግል ክፍል ከፍተኛ ሚና ሊኖረው የሚችለው መንግሥት ለውጭ ኢንቬስተሮች የሚሰጠውን አድላዊ ድጋፍና እንክብካቤ በመቆጠብ ለኢትዮጵያውያን ፊቱን ሲያዞር ነው።

ባለፉት ሃያ አምስት ዓመታት የታየው ግን ገዢው ፓርቲ ያልተቆጠበ ድጋፍ የሚሰጠው ለገዢው ፓርቲ ድርጅቶች፤ በተለይ ለህወሓት/ ኢሕአዴግ ለፓርቲውና ለመንግስት ለባለስልጣናቱ ቅርበት ላላቸው ነው። አሁንም እነዚህ ክፍሎች ዋና ተጠቃሚ እንደሚሆኑ አያጠራጥርም። በዚህ ዙሪያ የተሰጠው ማብራሪያ ለብዙ ዓመታት ተደጋግሞ የተለፈፈ በመሆኑ የማታለያ ባዶ ዲስኩር እንጂ ለሕዝቡ ኑሮና ለአገሪቱ ሰላም፣አንድነትና እድገት ታስቦ የተነደፈ፣በተግባር የሚተረጎም እንዳልሆነ ካለፉት ተመክሮዎች በመነሳት መናገር ይቻላል። በመጀመሪያውም የእድገትና ትራንስፎርሜሽን ዕቅድ የኢትዮጵያ ሕዝብ በቀን ሶስት ጊዜ በልቶ ለማደር    የሚያስችለው መመሪያ እንደሆነ የህወት መሪ በነበረው በመለስ ዜናዊ ተሰብኮበት ነበር።ውጤቱ ግን እንኳንስ በቀን ሶስት ጊዜ ቀርቶ አንድ ጊዜም በልቶ ለማደር የማይቻልበት አልፎ ተርፎም ከሌላው ጊዜ የበለጠ ከፍተኛ ቸነፈር የሰፈነበት ሰው ሰራሽ መቅሰፍት የወለደ ሆኖ ተገኝቷል።

የቸነፈር(ከፍተኛ እርሃብ) መከሰትና ስላደረሰው ጉዳት እንደ እስከዛሬው ዓይኔን ግንባር ያርገው ብሎ ለመካድ የሚፈቅድለት ሁኔታ ባለመኖሩ ያደጋውን ስፋትና ችግሩን ለማሶገድ ያሉትን መንግስታዊ ድክመቶችና መዋቅራዊ ችግሮች አምኗል። እርሃቡን ለመቋቋም ብዙ መንገዶችን እንደዘረጋ ቢተነትንም ከብዙ ጊዜ በፊት የተሰነዘረውን የሕዝብ አስተያየትና ምክር ባለመቀበሉ የተፈራው ችግር ለመንሰራፋቱ መንግስት እራሱ ተጠያቂ  እንደሆነ ቢታወቅም ድክመቱን አላመነም።  ምንም እንኳን የደርግ መንግሥት “የመሬት ለአራሹን አዋጅ” አውጥቶ፤ በሕዝብ ስም መሬትን ወደ መንግሥት እጅ ቢያዛውርም፤ ዛሬ ህወሓት/ኢህአዴግ ሰፊውን በግብርና የሚኖር ሕዝብ “ጭሰኛ” አድርጎታል። መሬቱን በፈለገው ዘዴ ለግል ክፍሎች ይቸረችረዋል።  የሕዝቡን በተለይም የአርሶ አደሩን የመሬት ባለቤትነት ጥያቄና የማምረት አቅም ግንባታን  አላመቻቸውም። የአገሪቱ ዜጋ በፈለገበት ቦታ ተንቀሳቅሶ ለመስራት የሚያስችለው መብት የለም። የክልል ገዢዎች ነዋሪዎችን በረባ ባልረባው ከቀያቸው እንዲባረሩ አድግቿዋል። ከተሜው ሆነ አራሹ በዜግነት መብቱ ማግኘት የሚገባውን መንግሥታዊ ድጋፍ በድርጅት አባልነቱና በብሔሩ የሚያገኝና የሚያጣው በመሆኑ ለርሃብና ለስደት እንዲጋለጥ አድርጎታል። የተፈጥሮ ድርቅ የሚያመጣውን ጉዳት እንደዋና ምክንያት አድርጎ በማቅረብ መንግስቱ ከሚኖርበት አላፊነትና ቀድሞ የመዘጋጀት ግዴታ ለማፈግፈግ ሞክሯል። ቀደም ሲል ለገጠሩ እድገትና የእርሻ መስክ የመስኖ ስራዎች መጎልበት ሲኖርባቸው በጠቅላይ ሚኒስትሩ አገላለጽ ለመስኖው ስራ መዳከምና ለርሃቡ ዝናብና  የቆቃ ግድብ ሳይቀር ተጠያቂ ሆኖ ቀርቧል። የአገር ውስጥና የውጭ አገር ባለሃብቶች ለሚያንቀሳቅሱት፣ ለውጭ አገር ገበያና አገልግሎት ለሚውሉ የአበባና የመሳሰሉት ምርቶች  እንዳለፈው ሁሉ ወደፊትም ትኩረትና ቅድሚያ እንደሚሰጥ ጠቅላይ ሚኒስትሩ አረጋግጧል። ይህ ዕቅድ ለውጭ አገር ከበርቴዎች፤ ኪራይ ሰብሳቢዎችና አቀባባይ ነጋዴዎች ጥቅም የሚሰጥ ለገዥው ህወሀት/ኢህአዴግ ደግሞ ገንዘብ መሰብሰቢያ እንጂ ለደሃው የኢትዮጵያ ሕዝብ በተለይም ለሰፊው አርሶ አደር ጥያቄ መልስ የሚሰጥ አይደለም። እርሃብንም ለመዋጋትና ለማሸነፍ አያግዝም።ስለሆነም መዋቅሩን ለመለወጥ ፓሊሲውን መለወጥ አለበት።

በአገሪቱ ውስጥ የሚካሄደውን ሕዝባዊ ተቃውሞና እምቢ ባይነት በተመለከተ ጠቅላይ ሚኒስትሩ የጥቂት ስርዓተ አልበኞችና ሽብርተኞች ቅስቀሳ  ውጤት ነው በማለት ሲያጣጥለው፣እንዳለፉት ስርዓቶች በድንፋታ ተወጥሮ “ደካሞችና ነውጠኞች አቧራቸውን አራግፈው ብቅ ያሉበት፣የሕዝቡን እንቅስቃሴ ጠምዝዘው ለመጠቀም የቋመጡበት ነው” በማለት እንደለመደው ለማዳከምና በሃይል ለመደፍጠጥ  የሚመራው መንግስት መጠነ ሰፊ ዕቅድ እንደዘረጋ ለህወሓት/ኢሕአዴግ ምክር ቤት አስረድቷል። የሕዝብ ንቅናቄ መሆኑን ካመነ ዘንዳ ለምን ሕዝቡ ተነቃነቀ ብሎ መጠየቅና መልስ መሻት በተገባው ነበር። ለአገር እድገት፣ለሰላምና አንድነት፣ እንዲሁም የዲሞክራሲንና የመልካም አስተዳደርን ስርዓት ለመመስረት ቆርጦ የተነሳ ስብስብ እመራለሁ ከሚል ጠ/ሚኒስትር  የጥፋትና የጥቃት አዋጅ አይጠበቅም ነበር። አላፊነት የሚሰማው መሪ ቢሆን ኖሮ ሁሉንም የተቃዋሚ ክፍሎች የሚያሳትፍ ድርድር፣መግባባት፣መነጋገር የሚያስችል ሁኔታዎችን ፈጥሮ ለሰላምና ለእርቅ የሚጋብዝ ጥሪ ማድረግ በተገባው ነበር። ሆኖም ግን በጥፋት ላይ መሰረት ካደረገ መንግስትና ቡድን ቀናነትና የተሻለ አመራር ይገኛል ብሎ ማሰብ የዋህነት ነው። በጠቅላይ ምኒስትሩ የታወጀው የጥቃት እርምጃ አገሪቱንና ሕዝቡን ይበልጥ ወደቀውስ የሚከት አላፊነት የጎደለው፣የማንአህሎኝነትና ትእቢት የተመላበት አቋም ነው።

በእኩልነት ስም በሰሜን ጎንደር አካባቢ ለዘመናት በሰላም የሚኖረውን ሕዝብ ቅማንትና አማራ በማለት ሸንሽኖ ቀውስ ውስጥ የከተተው እራሱ በህወሃት/ኢሕአዴግ የበላይነት የሚመራው መንግስት መሆኑ እየታወቀ ለደረሰው የሕይወት መጥፋትና የንብረት መውደም ተጠያቂነቱን በሕዝቡ ላይ ጥሎታል። በዚህም በዚያም ብሎ በተቃዋሚው ላይ ዱላውን ለማሳረፍ ዝቷል። ሰሞኑን በኦሮሚያና በሙስሊሙ ማህበረሰብ የተቀሰቀሰው ሕዝባዊ ጥያቄ የጥቂት ነውጠኞችና ሽብርተኞች ደባ ነው ሲል ከማውገዝም በላይ የቅጣት እርምጃ ለመውሰድ ዝግጁነቱን አረጋግጧል። በዚህ የበቀል እርምጃ በሰላማዊ ትግል አምነው የተሰለፉትን የፖለቲካ ድርጅቶችንና የሰብአዊ መብት ተሟጋች ተቋማትን ለማጥፋትና ለመደምሰስ መታሰቡን ፍንጭ ከመስጠትም በላይ ለፖሊስና ለደህንነት ተቋማት ገደብ የሌለው ስልጣንና ትዕዛዝ መስጠቱን ይፋ አድርጓል። ከአገር ቤት ሾልኮ የሚወጣው መረጃ እንደሚያረጋግጠው በመቶ የሚቆጠሩ ዜጎች እንደተገደሉና ኦሮምያ እየተባለ በሚጠራው አካባቢ ብቻ ከሶስት ሽህ በላይ የሚሆኑ ወገኖቻችን በእስርቤት እንደታጎሩ፣ቁጥራቸው ያልታወቁትም በመሰደድ ላይ  እንዳሉ ያመለክታል።የሕዝቡም ንቅናቄ ወደከፈተኛ የትጥቅ ትግል እንዳይሻገር በድንበር አካባቢ ያለውን ቁጥጥር ለማጠንከርና የትጥቅ ማስፈታትም እርምጃ በመላ አገሪቱ በሰፊው ለማካሄድ ያለውን ዕቅድ አቶ ሃይለማርያም ደሳለኝ በዝርዝር አስረድቷል። እዚህ ላይ የደርግ ተመሳሳይ ድርጊት ሲደገም ማየቱ የስርዓት ለውጥ አለመደረጉን ያሳያል።

ሙስናን በተመለከተ፣እራሱ በሚመራው መንግስት ውስጥ በጥልቀት መስፈኑን ባይክድም በደፈናው ሙስናን ለመዋጋት ደፍረን ከተነሳን ውሎ አድሯል ብሏል። ግን በእውነት ሙስናን የሚታገል መንግስት የሚመራ ቢሆን ኖሮ ለይስሙላ አብሮ ተካፍሎ ለመብላት ያስቸገሩትን ጥቂቶቹን ነካ ነካ አድርጎ ከማለፍ ባሻገር የሙስናው አውታር የሆኑትን የስርዓቱን ቀንደኛ መሪዎችና ተባባሪዎች ማጋለጥ፣ማሶገድና መቅጣት በተገባ ነበር።ግን ስርዓቱ ይገረሰስበታልና ያንን ለማድረግ አይደፍርም።ያንን ሊያደርግ የሚችለውና የሚደፍረው ለሕዝብ መብት የቆመ፣ሕዝብን ከዃላው ያሰለፈ መንግስት ብቻ ነው።

የድንበር መሬትን ቆርሶ ለሱዳን የመስጠቱን ጥያቄ በሚመለከት የሌለ ችግር እየፈጠሩ የሚያስተጋቡት ተቃዋሚዎች እንጂ መንግሥት በዚህ እረገድ ያደረገው ውልና ስምምነት የለም በማለት ዓይኔን ግንባር ያድርገው ብሏል። የድንበር መሬትን በሚመለከት ሱዳኖች ታጥቀው በገዛ መሬቱ ላይ ለዘመናት ሰፍሮ የሚኖረውን ኢትዮጵያዊ እንዳላባረሩት ሁሉ ምንም ችግር እንዳልተከሰተና እንደውም ኢትዮጵያውያኑ የሱዳኖችን መሬት ቀምተው የሚያርሱ ወንጀለኞች ናቸው በማለት ሱዳኖችን ታጋሾች ኢትዮጵያኑን ወንጀለኞች አድርጓቸዋል።  ለራሱ ሕዝብ ጠበቃ በመሆን ፋንታ ህወሓት/ኢህ አዴግ ለሱዳን መንግሥት ዋና ጠበቃ መሆኑ ይዘገንናል። ታላቅ ቁጣንም ይቀሰቅሳል። ድንበሩን ቆርሶ ለመስጠት በስተጀርባ ያደረገውን ውልና ስምምነት ተቃዋሚዎች፤ በተለይ የኢትዮጵያ የድንበሮች ኮሚቲ ላለፉት ስምንት ዓመታት በተከታታይ ያደረጉትን ከፍተኛ ጥረት የውሸት ቅስቀሳ ነው ከማለቱ ጋር አያይዞ እዛው በዛው በሁለቱ አገሮች መካከል ያለውን ድንበር ለመካለል ሥራ መጀመሩን አልካደም። አሁንም ደግመን ደጋግመን ህወሃት/ኢሕአዴግ በአጼ ምኒሊክ፣በአጼ ሃይለስላሴና በወታደራዊው መንግሥት ተከብሮ የቆየውን ዳር ድንበር ማስከበር ብሔራዊ ግዴታው ነው እንላለን።የሱዳን መንግሥት አጣዳፊ ጉዳይ ነው ብሎ አቤቱታ ያላቀረበበትን ጉዳይ ገዢው ፓርቲ እንዳጣዳፊ ጉዳይ ማድረጉ አግባብ የለውም።በእኛ ግምትና የአካባቢው ነዋሪዎች እንደሚሉት ከሆነ የኢትዮጵያ ሕዝብ በሕገወጥ መንገድ የሱዳንን መሬት አልቀማም፤ለመቀማትም አያስብም።ድንበሩን አስከብሮ ከሱዳን ሕዝብ ጋር ከወያኔ በፊት እንደኖረው ወደፊትም ከወያኔ በዃላ ይኖራል። የሀገር ድንበር ጉዳይ ከፖለቲካ ጨዋታ በላይ ነው። በመሆኑም ይህ እጅግ ሀላፊነት የጎደለው ሀገርን ቀስበቀስ ቆራርሶ ለባእድ የማስረከብ ስራ ማስቆም ደግሞ የሁሉም ዜጋ ሀላፊነት ነው። ይህ አጥፊ ተግባር አሁኑኑ ሊቆም ይገባዋል።

ስለመልካም አስተዳደር፣እርቅና ሰላምም አንስቶ ነበር፡፤ግን ለሰላሙ መደፍረስና መልካም አስተዳደር እንዳይሰፍን እንቅፋት የሆኑት ተቃዋሚዎች ናቸው በማለት  ዋና ተጠያቂ  የሆነውን  እራሱ የሚመራውን መንግሥት ነጻ አድርጎ አቅርቧል።

ከዚህ በላይ በጠቅላይ ምኒስትሩ በአቶ ሃይለማርያም ደሳለኝ ንግግር በተነሱት አንኳር የአገር ጉዳዮች ላይ ሸንጎ የተረዳውን ቀንጨብ በማድረግ ያቀረበ ሲሆን ይህ ጥልቀት ያለው ያገር ጉዳይ በአንድ ድርጅት ውሳኔና ፈቃድ የሚከናወኑ እንዳልሆኑ ሸንጎ ያምናል። በስልጣን ላይ ያለው ቡድን አላፊነት አለብኝ ብሎ የሚያምንና የሚቀበል ከሆነ ያለምንም ቅድመ ሁኔታ፤በአገር ቤትና ከአገር ውጭ የሚገኙ ተቃዋሚ የፖለቲካ፣የማህበረሰብና የሙያ ስብስቦችን በሚያሳትፍ መልኩ በተግባር ሊተረጉመው ይገባል።እርቅና መግባባት የማይግባቡና በአቋም የተለያዩ ሃይሎችን የሚመለከት ጥያቄ ነው፣ማለትም መንግሥትንና ተቃዋሚ ሃይሎችን።ስለሆነም ተቃዋሚውን ሕዝብና ለሕዝቡ መብት ፣ለአገር አንድነት፣ለዴሞክራሲ ስርዓት መስፈንና ለሕግ የበላይነት የቆሙትን ድርጅቶችን፤ ስብስቦችንና ግለሰቦችን እያሳደደ፣እያገለለ፣ እየወነጀለና ሁሉንም በጠላትነት እየፈረጀ ለእርቅና ለመልካም አስተዳደር የቆምኩ ነኝ ማለት ተቀባይነት የለውም።ለጥያቄው ሁሉ የማይመጥን መልስ ያልቋጠረ ጉንጭ አልፋ የማደናገሪያ ስብከት ከመሆን ያለፈ አይደለም።በጠቅላይ ምኒስትሩ በአቶ ሃይለማርያም ደሳለኝና በድርጅታቸው በህወሀት/ኢህአዴግ ለሕዝቡ ጥያቄ የተሰጠውና ለመስጠትም የተዘጋጀው የአመጽ መልስ “ፍየል ወዲያ ቅዝምዝም ወዲህ”የሚለውን የአገራችንን ነባር አባባል ያስታውሰናል።

ሸንጎ በአገራችን የተከሰተውን መጠነ ብዙ ችግር ለመፍታት የሚቻለው በአንድ ቡድን ፍላጎትና ጥረት አለመሆኑን ያምናል። ስለሆነም ሁሉም ተቃዋሚ ክፍሎች በነጻ ተሳትፎ አገሪቱ የተሻለ አቅጣጫ የምትከተልበትንና የተከሰቱት ችግሮች የሚወገዱበትን መንገድ ለመሻት ከሚፈልጉ ሁሉ ጋር ተባብሮ ለመስራት ፈቃደኛ  መሆኑን ይገልጻል። ይህንንም ሂደት ለመቀየስ የሚያስችል ስብሰባ በአስቸኳይ መደረግ አለበት ብሎ ያምናል፤ ያለንበት ወቅት አሳሳቢ ደረጃ ላይ ስለደረሰ፣ለዚህ አገር አድን ተልእኮ ለሚሰለፉና ለሚደግፉ ሁሉ  ጥሪ ያደርጋል። ስብሰባው ቢቻል በኢትዮጵያ አለያም በውጭ አገር እንዲካሄድ የብዙሃኑ ውሳኔና ፍላጎት ከሆነ የበኩሉን ለማበርከት ዝግጁ ነው።

የሕዝብ ሰላማዊ ትግል ያሸንፋል!!

The post “ፍየል ወዲያ ቁዝምዝም ወዲህ!!” – ሸንጎ appeared first on Zehabesha Amharic.

(ዘ-ሐበሻ) የአርበኞች ግንቦት 7 ከፍተኛ አመራር አቶ ኤፍሬም ማዴቦ የነፃነት ሠራዊቱ ወዳለበት ኤርትራ በረሃ ባለፈው ኦገስት 2015 መጀመሪያ ላይ ከወረዱ በኋላ ሰሞኑን ወደ አሜሪካ እንደመጡ የዘ-ሐበሻ ምንጮች አስታወቁ::

የዘ-ሐበሻ ምንጮች የአርበኞች ግንቦት 7 አመራሩ አቶ ኤፍሬም ማዴቦ ለምን ወደ አሜሪካ እንደመጡ በማጣራት ላይ ይገኛሉ::

ሕወሓት በሚመራውና በሚያዝበት ፍርድ ቤት በአንዱዓለም አራጌ የክስ መዝገብ “በሃገሪቱ የመሰረተ ልማት አውታሮች ላይ፣ በሚዲያ ተቋማትና በባለስልጣናት ላይ አደጋን ለመጣል በሚል ክስ አቶ ኤፍሬም ማዴቦ እጃቸው ከተያዘበት እለት ጀምሮ በ25 ዓመት ዕኑ እስራት እንዲታሰሩ የተፈረደባቸው ፖለቲከኛ ናቸው:: በተጨማሪም ከእነ ብርጋዴር ጄነራል ተፈራ ማሞ ክስ ጋር በዕድሜ ልክ እስራት እንደተፈረደባቸው ይታወሳል::

The post የአርበኞች ግንቦት 7 ከፍተኛ አመራር አቶ ኤፍሬም ማዴቦ አሜሪካ ገብተዋል appeared first on Zehabesha Amharic.

ይህ ሃኪንግ ቡድን መንግስታዊውን የኦሮሞ ቴሌቭዥንና ራድዮ ድረገጽን ሃክ አካደረገ በኋላ የራሱን መፈክሮች ለጣጥፎበታል

(ዘ-ሐበሻ) ራሱን ቦረንቲቻ ብሎ የሰየውመና የኦሮሞ ሕዝብ ተቃውሞ አራማጅ ቡድን የኦሮሚያ ክልላዊ መንግስት ራዲዮና ቴሌቭዥን ድረገፅን መጥለፉን (Hacked) አስታወቀ::

በኦሮሚያ የተለያዩ ከተሞች የተጀመረው ሕዝባዊ ቁጣ በሳይበር በኩልም የቀጠለ ሲሆን ቦረንቲቻ የተባለው ቡድን የመንግስት ድረገጾችን ሃክ በማድረግ ተቃውሞውን በመግለጽ ላይ ይገኛል::

ይኸው የሃኪንግ ቦድን በቅርቡ የመከላከያ ሚንስቴርና የሀሮማያ ዩኒቨርሲቲ ድረገፆች ተመሳሳይ ጠልፏቸው እንደነበር ይታወሳል::

The post ቦረንቲቻ ቡድን ሕወሓት የሚመራው መንግስት የሚጠቀምበት የኦሮሞ ቴሌቭዥን እና ራድዮ ድረገጽን ሃክ አደረገ appeared first on Zehabesha Amharic.

ዘላለም ክብረት

ሕሩይ ሚናስ አስደናቂ ሰው ነው፡፡ የገበሬ ልጅ፣ በአስራዎቹ መጨረሻ አዲስ አበባ የገባ፡፡ ከዛም የአብነት ተማሪ ሆነና ቅዳሴና ቅኔ ሞካከረ፡፡ እሱ አልሆን ሲለው ጎዳና ወጥቶ ጎዳና አዳሪ ሆነ፡፡ ቀጠለና የለማኝ መሪ (sighted guide) ሆነ፡፡ እሱም ሲያልፍ ‹ለምን አልማርም?› ብሎ ትምህርት ተማረና ዩንቨርሲቲ በገባ በዓመቱ ‹ማርክሲስት› ሆነ፡፡ ትምህርቱንም ለአቢዮቱ ሲባል ተወውና መፅሃፍ ነጋዴ ሆነ፡፡ ማርክሲስት ነጋዴ! ‹ከወገብ በላይ ታቦት፣ ከወገብ በታች ጣኦት› እንዲሉ የትናንት ቀዳሹ ሕሩይ ዛሬ ማርክስዚምን ወደደ፡፡ የሕሩይ ማርክሲዝም ከትናንት ማንነቱ እጅግ በተለየ መንገድ ወሰደው፣ የመፅሃፍ አርታኢነት፡፡ መፅሃፍ ሲያነብ፣ ሲተረጉም፣ ሲፅፍና የአርትኦ ስራ ሲሰራ ውሎ ጫት ይቅማል፤ በዛ ላይ አረቄም ይሞካክራል፡፡ በመጨረሻ አበደ፡፡ ከዛ በኋላ ያለው የሕይወቱ ምዕራፍ ብዙ ያሳዝናል፡፡

The post አዲስ አባባ ስለምን ታወዛግባለች? – በዘላለም ክብረት appeared first on Zehabesha Amharic.

ኢትዮ-ኪክ እንደዘገበው ኢንተርናሽናል አልቢትር ለሚ ንጉሴ ትላንት ኢትዮጵያ ቡና ከደደቢት ባደረጉት የፕሪምየር ሊጉ ጨዋታ በፈፀሙት የዳኝነት ስህተት ለ1 አመት ከስራቸው ታግደዋል። በጨዋታው ኢትዮጵያ ቡና ያገኝውን የፍፁም ቅጣት ምት በቅርበት አስተውለው ጨዋታውን እንዲቀጠል ማድረጋቸውን ተከትሎ ደደቢቶች በፈጣን የመልሶ ማጥቃት ኳሷን ኢትዮጵያ ቡና መረብ ላይ አሳርፈዋል። ኢንተርናሽናል አልቢተር ለማ 2015 በCAF የክለቦች ሻምፒዮንስ ሊግ የመጀመሪያ ዙር የሱዳኑን አል ማላኪያ እና የናጄሪያውን ካኖ ፒሊራ ጨዋታ መርተዋል፤ ከዚህ በተጨማሪም በ2015 የCAF ከ20 አመት በታች ግብፅ እና ኮንጎ ያደረጉትን ጨዋታ በ4ኛ ዳኛንነት ተሳትፈዋል።

The post Sport: ኢንተርናሽናል የእግር ኳስ ዳኛው ለሚ ንጉሴ ለአንድ አመት ታገዱ appeared first on Zehabesha Amharic.

Caption የህብር ሬዲዮ ዋና አዘጋጅ፣ከላይ አቶ አለሙ ያይኔ የድንበር ጉዳይ ኮሚቴ ሊቀመንበር፣ ካርታ፣ጋዜጠኛ ጌታቸው ሽፈራው፣ከታች ፕ/ር መረራ ጉዲና፣የተማሪዎቹ ተቃውሞ.ጋዜጠኛ አናኒያ ሶሪ

<... ...> ጋዜጠኛ አናኒያ ሶሪ በወቅቱየአገራችን ወቅታዊ ሁኔታ ላይ ከአገር ቤት ከሰጠውት ቃለ መጠይቅ የተወሰደ (ሙሉውን ያዳምጡት)

ለወደብ አልባዋ ኢትዮጵያ የወጪ እና የገቢ ንግድ የጀርባ አጥንት የሆነችው ጅቡቲ ውስጥ ሰሞኑንየተከሰተው ፖለቲካዊ ቀውስ ሲዳሰስ (ልዩ ዘገባ)

ሌሎችም
ዜናዎቻችን

ፕ/ር መረራ ጉዲና ኢሕ አዲግ በኦሮሚያ ከልላዊ መንግስት የተቀሰቀሰውን ሕዝባዊ አመጽ ሊያዳፈነው እንደማይችል ገለጹ

“የሚሊዮኖች ደጋፍ ያለው ሰላማዊ እና ሕዝባዊ ተቃውሞን ማስቆም በጭራሽ አይቻልም”ፕ/ር መረራ ጉዲና

የአምቦ ዩኒቨርስቲ ተማሪዎች የአገዛዙ አጋዚ ወታደሮችበዩኒቨርስቲው ውስጥ ገብተው የሚያደርሱባቸውን ጥቃትበመቃወም ወደ ቤተሰቦቻቸው ሄዱ

ሴት ተማሪዎች መደፈራቸው ተገለጸ

ኤርትራ የየመኑን አካባቢያዊ ጦርነትን መቀላቀሏን በይፋአሰታወቀች

ሸንጎ የአገዛዙ ጠቅላይ ሚኒስትር አቶ ሀይለማሪያም ደሳለኝ የድንበሩንጉዳይ ጨምሮ ያቀረቡትን የተምታታ ሪፖርት አጣጣለ

አገዛዙ የቅማንት ብሔር የማንነት ጥያቄን ውዝግብን ለማብረድ ልዩኮሚቴ አዋቅርኩ ይላል

የቅማንት የማንነት ጥያቄ ህወሃት ሆን ብሎ ተጨማሪ መሬትለመውሰድ ያለመበት አጀንዳ ነው የሚሉ አሉ

የነገረ ኢትዮጵያ ዋና አዘጋጅ ጋዜጠኛ ጌታቸው ሽፈራው እና ሁለትየሰማያዊ ፓርቲ አባላት ላይ የአገዛዙ ፍርድ ቤት 28 ቀን ፈቀደ

ዛሬ በህዳሴው ግድብ ዙሪያ ለመወያየት ወደ ካርቱም የተጓዙትየኢትዮጵያ ልዑካኖች ከሰብሰባው ቦታ አርፍደው ደረሱ

ሌሎችም ዜናዎች አሉ

The post ፕ/ር መረራ ኢሕአዲግ በኦሮሚያ ከልላዊ መንግስት የተቀሰቀሰውን ሕዝባዊ አመጽ ሊያዳፈነው እንደማይችል ገለጹ | ኤርትራ የየመኑን አካባቢያዊ ጦርነትን መቀላቀሏን በይፋ አሰታወቀች፣ | አገዛዙ የቅማንት ብሔር የማንነት ጥያቄን ውዝግብን ለማብረድ ልዩ ኮሚቴ አዋቅርኩ ይላል፣ የቅማንት የማንነት ጥያቄ ህወሃት ሆን ብሎ ተጨማሪ መሬት ለመውሰድ ያለመበት አጀንዳ ነው የሚሉ አሉ | ቃለ መጠይቅ ቃለ መጠይቅ ከአቶ አለሙ ያይኔ የኢትዮጵያ ድንበር ጉዳይ ኮሚቴ ሊቀመንበር እና ከጋዜጠኛ አናኒያ ሶሪ ጋር እና ሌሎችም አሉን appeared first on Zehabesha Amharic.

SBS Amharic: ድምፃዊ ዓለማየሁ እሸቴ፤ በሜልበርን የሥነ-ጥበብ ማዕከል ስለሚያቀርበው የሙዚቃ ዝግጅቱ ይናገራል። የዓለማየሁ የሙዚቃ ትዕይንት ለሕዝብ የሚቀርበው ጃኑዋሪ 9, 2016 ነው።

The post ድምፃዊ ዓለማየሁ እሸቴ፤ በሜልበርን የሥነ-ጥበብ ማዕከል ስለሚያቀርበው የሙዚቃ ዝግጅቱ ይናገራል | Audio appeared first on Zehabesha Amharic.

(ዘ-ሐበሻ) የኦህዴድ ባለስልጣናት ሕዝቡን ያረጋጉ መስሏቸው ተመልሰው ወደ ሕዝቡ ላይ ጥቃት መሰንዘራቸው በቀጠለበት በዚህ ወቅት በኦሮሚያ የተለያዩ ከተሞች የሕዝቡ ቁጣ ቀጥሏል:: ዛሬ በም ዕራብ ሃረርጌ ሂርና ከተማ የአዲስ አበባን ማስተር ፕላን እንዲሁም የሕወሓት ወታደሮች በሕዝቡ ላይ ያደረሱትን ግድያና ንብረት ነጠቃ በመቃወም አደባባይ ወጥተው ውለዋል::

በተለያዩ የኦሮሚያ ከተሞች መንገዶችን በመዝጋት ሕዝቡ ተቃውሞውን እየገለጸ ይገኛል::

ዛሬ በምዕራብ ሃረርጌ የተሰማው ተቃውሞ ወደ ሌሎችም ከተሞች እንደሚቀጥል ይጠበቃል:: ፖሊስ ሰልፈኛውን ለመበተን የሃይል እርምጃዎችን እንደወሰደ ቢሰማም እስካሁን ለዘ-ሐበሻ ስለተጎዱ ሰዎች የደረሱ መረጃዎች የሉም::

The post ዛሬ በምዕራብ ሐረርጌ ሕዝቡ ቁጣውን ሲያሰማ ውሏል | ቪዲዮም ይዘናል appeared first on Zehabesha Amharic.