ሊሊ ሞገስ
(ይህ ጽሁፍ በዘ-ሐበሻ ጋዜጣ ቁጥር 77 ላይ ታትሞ የወጣ)

ሁልጊዜ የሚስማማቸውን የፍቅር ሰው ለማግኘት ከራሳቸው ጋር የሚመክሩና ከተፈጥሮ ጋር የሚሟገቱ ሰዎች ጥቂት አይደሉም፡፡ በቅፅበት እይታም የሚመለከቱትን ሰው ‹‹ምነው የእኔ ቢያደርገው በሚል የምኞት መንሰፍሰፍ ላጤነታቸውን የሚኮንኑም ጥቂት አይደሉም፡፡ ግን ሊስማማን የሚችለውን ሰው አይተን ብቻ እንዴት መምረጥ እንችላለን? የሚለው ሃሳብ ፈጥኖ የሚታሰብ አይሆንላቸውም፡፡ የሚስማማን ሰው በቅፅበት መለየት በእርግጥም መታደል ነው፡፡

ጓደኛን መምረጥ በህይወታችን ውስጥ ከምንወስዳቸው ውሳኔዎች ሁሉ በእጅጉ የጠነከረ ነው፡፡ የእኔ ብለን ከልባችን የምናስበውን ሰው ለማግኘት ያለንን ጉጉት ከግብ ለማድረስ ስንል የምናፈሰው ነዋይ አንዳንድ የጥንድ አፈላላጊ ድርጅቶችን እና ዓለም አቀፍ የመረጃ ልውውጥ አገልግሎቶችን በቢሊዮን ዶላር ገንዘብ እያንቀሳቀሱ አድርጓቸዋል፡፡

ይሁንና ይህ ብቻ እርካታ አልሰጠንም፡፡ ለምሳሌ ዓለም አቀፍ (internet) የመረጃ ልውውጥ አገልግሎቶች በመጠቀም ጓደኛ ለማፈላለግ የሚንቀሳቀሱ 900 ሰዎች ላይ በ2005 እ.ኤ.አ ጥናት ተደርጎ ነበር፡፡ በዚህም ጥናት መሰረት ከእነዚህ ሰዎች ውስጥ 75 በመቶ የሚሆኑት የሚፈልጉትን ሰው አላገኙም፡፡ የሚስማማንን ሰው ለመምረጥ የምንጠቀምባቸው ዘይቤዎች ገና በጨለማ ውስጥ ያሉ ይመስላል፡፡

ጓደኛን ለመምረጥ የምንጠቀምበት ዘዴ ከምንም በላይ ውስብስብ ነው፡፡ ለመምረጥ የምንጠቀምባቸው መንገዶችም በሁለት አይነት መልኩ ይገለፃሉ፡፡ ልቦናችን/ህሊናችን እያወቀው ለመምረጥ የምንጠቀምባቸው ዘይቤዎች እና ሳናስበው ወይም ከህሊናችን/ከዕውቅናችን ውጪ ሆነን የምንጠቀምባቸው ዘይቤዎች ናቸው፡፡ ህሊናችን እያወቀው… የምንጠቀምባቸው ዘይቤዎች በጣም ጥቂቱ ክፍል ሲሆን የተቀረው ይህ ነው ብለን መግለፅ የማንችለው ማግኔታዊ ባህሪ የተነሳ የሚፈጠር ነው፡፡ ይህ ሁኔታ ፍቅር በቃላት ሊገለፅ የማይችል ድንቅ ኬሚስትሪ ነው የሚል ድምዳሜ ውስጥ እንድንገባ ያደርገናል፡፡

እያወቅን እንድንመርጥ የሚያስችሉ ጉዳዮች
በወንዶች ዓይን የሚገቡ ሴቶች ልጅ እግር የሆኑ እና በሳል የሆኑ ናቸው፡፡ በተጨማሪም ቀጭን ወገብ ያላቸው፣ ሞላ ያሉ፡፡ ስስ ከንፈር እና ለስለስ ያለ የፊት ገፅታ ያላቸው ሴቶች ወንዶችን ይማርካሉ፡፡ ሴቶች ደግሞ ጀግና የሆኑ ወንዶች ይማርኳቸዋል፡፡ጡንቺስት የሆነ፣ ሰፋ ያሉ ትከሻ ያለው፣ ጥርት ያለ የቆዳ መልክ ያለው እና ጎልቶ የሚታይ የወንድነት ባህሪ ያለው፣ ወንዳወንድ የፊት ገፅታ የተላበሱ ወንዶች እንደሚማርኳቸው የቅርብ ጊዜ ጥናት አሳይቷል፡፡

በአጠቃላይ እነዚህ የወንድ ገፅታዎች ጥሩ የወሲብ ብርታት እና ጥሩ ዘረመል ያለውን ወንድ ያመለክታሉ፡፡ በተጨማሪም ሴቶች ሀብት ባላቸው ወንዶች ወይም ሃብትን ለማምጣት ብቃት ባላቸው ወንዶች ይማረካሉ፡፡ ወንዶችም ሆኑ ሴቶች እውቀት/የማሰብ ችሎታ ያላቸውን ተጓዳኝ ቅድሚያ ይሰጣሉ፡፡ ውበት፣ አዕምሮ እና ሀብት አለማቀፋዊ ነገሮች ናቸው ማለት ነው፡፡

በምንም የኑሮ መመዘኛ ከማንመጣጠናቸው ሰዎች ጋር (Supermate) በፍቅር ልንወድቅ አንችልም፡፡ በመካከለኛ ኑሮ የሚኖር አንድ ሰው ከአቅም በላይ ከሆነ ሰው ጋር ለመገናኘት እቅዱ ቢኖረው መግቢያ መውጪያው ይጠፋበታል፡፡ ምክንያቱም ከእንደነዚህ አይነት ሰዎች ጋር ጓደኝነት መመስረት ለጥቂት ሰዎች ካልሆነ በስተቀር ለአብዛኞቹ አስቸጋሪ ነውና፡፡ በምርጫ መሀል የፍቅር ጣልቃ ገብነት መኖር ጥቅ እዚህ ላይ ነው፡፡ በጥንዶች መሀል የፍቅር መኖር ጥቅሙ በተጠናከረ ኃይል ልጁን ለማሳደግ ብቻ አይደለም ከማንመጣጠን ሰዎች ጋር ጊዜያችንን እና ጉልበታችንን ከማባከን ለመቆጠብም ጭምር እጂ፡፡ ስለዚህ ሰዎች በውበት፣ በጭንቅላት ብስለት እና በአኗኗር ዘይቤ ከራሳቸው ጋር ተመሳሳይ ከሆኑ ሰዎች ጋር በፍቅር ለመውደቅ ያዘነብላሉ፡፡

ሳናውቅ ፍቅረኛን የምንመርጥባቸው

እስካሁን የተመለከትናቸው ሰዎች ውጫዊ ኑሮአችንን በመመልከት ተማርከው የሚሆናቸውን ሰው ለመምረጥ የሚያስወስኗቸውን ነገሮች ነበር፡፡ አሁን ደግሞ ከላይ እንደተገለፀው በገሃድ የሚታይ ባይሆንም ወሳኝ የሆነ መጠቆሚያ ነው፡፡
ስለዘረመል እና የጓደኝነት ምርጫን አመላክቶ በተካሄደው ጥናት መሰረት በተገኘው አመርቂ ውጤት እያንዳንዳችን ለአንድ የተወሰነ የዘረመል ስብስብን ላካተተ ሰው ፍላጎታችን እንደሚያርፍ አሳይቷል፡፡ ይኸውም MHC (histocompatability complex) ተብሎ የሚጠራ ሲሆን በሽታ አምጪ ህዋሶችን በመከላከል ረገድ አይነተኛ ሚና ይጫወታል፡፡ ሁለት ጥንዶች ውስጥ ያለው የMHC አይነት የተለያየ ከሆነ የሚወልዷቸው ልጆ ጤናማዎች እና በሽታን የመከላከል ብቃታቸው ከፍተኛ ነው፡፡ ሰዎችን የመምረጥ ዝንባሌያችን የሚጨምረውም ከዚሁ ልዩነት በመነሳት ሲሆን በአጋጣሚ የሚጣመሩ ጥንዶች ተመሳሳይ የሆነ MHC የሚኖራቸው ሁኔታ ዝቅተኛ ነው፡፡

የተለያዩ MHC ያላቸው ሰዎች እንዴት ነው ሊገናኙ የሚችሉት? ይህ ሁኔታ ሙሉ በሙሉ ግልፅ ባይሆንም ሽታ ወሳኝ የሆነ የመጠቆሚያ መሳሪያ ነው፡፡ ሰዎች ጓደኞቻቸውን በማሽተት ለይተው ይመርጣሉ፡፡ ጥናትም እንደሚያሳየው የተለያዩ MHC ያላቸው ሰዎች በለበሱት ልብስ ሽታ እርስ በርስ ይሳሳባሉ፡፡ ይህንን ነው የፍቅር ኬሚስትሪ ብለን የምጠራው፡፡

ብዙ ፍቅሮች ታስቦባቸው የተካሄዱ ሳይሆን በተለያየ አጋጣሚ የሚፈጠሩ ናቸው ይላል ሳይንስ፡፡ ድንገተኛ ፍቅር ወይም በድንገት በተፈጠረ አጋጣሚ የተነሳ ወደ ፍቅር፣ ወደ ግንኙነት አልያም ወደ ጋብቻ ሊያመራ ይችላል፡፡ ይሄ ደግሞ ተፈጥሯዊ ከሆነ ስሪታችን ጋር የሚሄድ ነው፡፡ እንደተመራማሪዎች ገለፃ ከሆነ በድንገት በሚደረጉ የስሜት መሳሳቦ የተነሳ ልጆች ሊወለዱ ይችላሉ፡፡ ይህ ደግሞ በሰዎች ላይ ብቻ ሳይሆን በተለያዩ እንስሳት ላይም ጭምር ነው፡፡ ለምሳሌ በአይጦች ላይ፣ በዓሣዎች ላይ፣ በጥንቸሎች ላይ፣ እንዲሁም በዝንጀሮዎች ላይ የተደረገው ጥናት ያሳየው ድንገተኛ መዋደድና በአጋጣሚ ወደዘር መቀላቀል የማዘንበል ሁኔታ የታየ ክስተት ሲሆን ይህም በሰውነታችን ውስጥ ካለው ተፈጥሯዊ ማግኔት ጋር የተገናኘ ነው ይላሉ ባለሙያዎቹ፡፡

አንድ ሰው አጠገቡ ካሉ ተቃራኒ ፆታዎች ጋር ላይፋቀር ይችላል፣ ለሌላ ሰው ቆንጆ የሆነች ሴት ለዚህ ሰው ቆንጆ ላትሆን ትችላለች፡፡ ምክንያቱም ደግሞ በውስጣችን ያለው የፍቅር ማግኔት ከመከፈቱና መዘጋቱ ጋር የሚያያዝ በመሆኑ ነው፡፡ ይህ የፍቅር ማግኔት ሜጀር ሂስቶኮምፓቲቢሊቲ ኮምፕሌክስ በመባል የሚጠራ ሲሆን በአጭር መጠሪያውም ‹‹MHC›› እየተባለ ይጠራል፡፡ ይህ የ‹‹MHC›› ዘርም ‹‹HLA›› በመባል የሚጠራውን ማለትም (Human Leukocyte Antigen›› የተባለና በነጭ የደም ሴል ላይ የሚገኝን ፕሮቲን ያስገኛል፡፡ ይሁን እንጂ የዚህ ፕሮቲን ዋና ስራ በሽታ መከላከል ይሁን እንጂ በተለይ አፍንጫችን ውስጥ የሚገኘውን ልዩ የጠረን መለያ ክፍል ባህሪ የመቅረፅ አቅም አለው ይላሉ ባለሙያዎች፡፡

በአፍንጫችን ውስጥ ቬሮሞናሳል በመባል የሚጠራ የሽታ ወይም የጠረን ማዕከል ያለ ሲሆን ይህም የጠረን ማጣሪያ ቦታ አንድን ተቃራኒ ፆታ ሳቢ ወይም የማይስብ መሆንና አለመሆኑን የምንለይበት ነው፡፡ ለምሳሌ አንድ ምግብ ጥሩ መሆን አለመሆኑን ወይም ጤናማ መሆን አለመሆኑን የምንለይበት ትልቁ መንገድ ጠረኑ ነው የሚሉት ባለሙያዎች አንድም ሰው የአንድን ተቃራኒ ፆታ መስህብነት የሚያረጋግጠው በጠረን ነው ይላሉ፡፡ እነዚህ ልዩ የፍቅር ጠረኞችን የሚሸከሙ ኬሚካሎች በልዩ ስማቸው ‹‹ፌርሞንስ›› በመባል ይጠራሉ፡፡

በዚህ ዙሪያ ባለሙያዎች የተለያዩ ጥናቶችን አድርገዋል፡፡ ከዚህም አንፃር አንዲት ሴት ለፍቅርም ሆነ ለወሲብ የበለጠ የምትሳበው ከእሷ ጋር የሚመሳሰል ዘር ካለው ጋር ሳይሆን ከእሷ ዘር ጋር የማይመሳሰለውን ነው፡፡ አንድ ወንድም በተመሳሳይ መልኩ አንዲትን ሴት ውብ አድርጎ እንዲመለከታት የሚያደርገው ወይም እንዲሳብባት የሚያደርገው ከእሱ የሰውነት ዝርያ ማለትም (MHC Gene) ጋር የማይመሳሰለውን ነው፡፡ በመሆኑም አንድ ሰው ሴት/ወንድ ከእሱ ጋር የማይመሳሰል ዘር ከያዘ ሰው ጋር በድንገት ሳያስበው በፍቅር ሊወድቅ፤ ወደ ወሲብ ውሳኔ ውስጥ ሊያመራ፤ ወደ ጋብቻ ሊቀጥል አልያም ልጅ የመውለድ አጋጣሚንም ሊፈጥር ይችላል፡፡
በዚህ ዙሪያ የተደረጉ ጥናቶች እንዳመለከቱት ከሆነ በአጋጣሚ ተመሳሳይ ዝርያ ካለው ወንድ ጋር የፀነሰች ሴት ሳታውቀው ፅንሱን ታስወርደዋለች፡፡ ሰውነቷ ፅንሱን አይቀበለውም፡፡ ምክንያቱም ተመሳሳይ ዘር ካለው ወንድ የተፀነሰ በመሆኑ፡፡ እንዲሁም በሰው ሰራሽ የአረባብ ዘዴ የተፈጠሩ ሽሎችም ከተመሳሳይ ‹‹MHC gene›› ካላቸው የወንድና የሴት ዝርያ የተፀነሱ ከሆኑ ወደ ፅንስነት ማደግ አይችሉም ወይም በራሳቸው ይመክናሉ፡፡ ይህንንም ሆን ብለው ተመሳሳይ ዝርያ ያላቸው ስፐርምና ዕንቁላሎች እንዲዋኻዱ ተደርገው ውጤቱን በተመለከቱ ተመራማሪዎች ታይቷል፡፡ ከዚህም ባሻገር የተለያዩ ሴቶች የወንዶችን ቲሸርት ተሰጥቷቸው እንዲያሸቱና የየትኛው ቲሸርት ባለቤት የሆነ ወንድ የበለጠ እንደሚማርካቸው በተደረገው ጥናትም ሁሉም ማለት ይቻላል የሚማረኩበት ወንድ ከእነሱ የተለየ ዝርያ ያለውን ነው፡፡

እንደተመራማሪዎቹ ገለፃም ሴቶችም ሆኑ ወንዶች የተቃራኒ ፆታ ሰዎ ዝርያ ከእነሱ ጋር የተለየ መሆኑን የሚወስኑት ሳያውቁት ቢሆንም ይህን መሰል ከእውቅናቸው ውጭ የሆነ ውሳኔ እንዲፈጠር የሚያደርገው የአፍንጫቸው ልዩ የዝርያ ማጣሪያ ጣቢያ ሲሆን ውሳኔውን ሳያውቁት የሚያስተላልፈውም ደግሞ ውስጠኛው አዕምሯቸው ነው፡፡ ሰውነታችን ይህን የሚያደርገው ይላሉ ሳይንቲስቶች የተለያየ ዝርያ ያላቸው ተቃራኒ ፆታዎች የሚፀንሷቸው ልጆች የሰውነት በሽ መከላከያ አቅማቸው ከፍተኛ በመሆኑ ሳቢያ ረጅም ዕድሜ ስለሚኖሩ ሲሆን ተመሳሳይ ዝርያ ያላቸው ወላጆች ግን የሚወልዱት ልጅ የሚኖረው የበሽታ መከላከያ አቅም ደካማ ስለሚሆን ዕድሜው ስለሚያጥር ነው ይላሉ፡፡

መጥፎ ፍቅር የሚፈጥሩ አጋጣሚዎች

በአጠቃላይ ተፈጥሯዊ በሆነ የስሜት ምላሻችሁ የምትወስኑትን ውሳኔ ተቀበሉት፡፡ ነገር ግን ከዚህ በተቃራኒው የሚከሰቱ ሁኔታዎች አሉ፡፡ ለምሳሌ የእርግዝና መቆጣጠሪያ እየተጠቀሙ ያሉ ሴቶች የወንድ ምርጫቸው ከራሳቸው MHC ጋር ተመሳሳይነት ያለውን ነው፡፡ ስለዚህ መድሃኒት እየጠተቀሙ ያሉ ሴቶች በዘረመሉ ረገድ የማይስማማቸውን ወንዶች የመምረጥ አደጋ ውስጥ ይገባሉ፡፡ ስለዚህ የእርግዝና መከላከያ መድሃኒት ከመውሰዳቸው በፊት የጠረን መረጃ ቢጠቀሙ ከሁሉ የበለጠ ተመራጭነት አለው፡፡
ሁለተኛ ምሳሌ ደግሞ ከሴቶች የወር አበባ ወቅት ጋር የተያያዘ ነው፡፡ የመማረክ ወይም ያለመማረክ ሁኔታ ከወር አበባ ዑደት ጋር ሊለዋወጥ ይችላል ይላሉ ባለሙያዎች፡፡ ወንዶች የሴቶች ሽታ ማራኪ የሚሆንላቸው የማህፀን እንቁላላቸው ዝግጁ በሆነበት ወቅት ነው፡፡ የፍቅር ስሜት ውስጥ የሚገቡትም በዚህ ወቅት ነው ይባላል፡፡

በተጨማሪም ወሲብ መፈፀም ጓደኛችሁን የምትመርጡበት መንገድን ሊያወሳስበው ይችላል፡፡ ወሲብ ከፈፀምን በኋላ አዕምሮአችን ኦክሲቶሲን የተባለ ሆርሞን ያመነጫል፡፡ ይህም ሆርሞን ሞ ያለ የጓደኝነትን ስሜት የሚፈጥር ፍቅር እንዲኖረን እና ልጅ የማሳደግ ጥሩ መንፈስ እንዲኖረን ያደርጋል፡፡ ከተቃራኒ ፆታ ጋር፡፡

ይህ ማለት እንግዲህ በጥድፊያ የሚፈፀም ወሲብ ሙሉ በሙሉ ለእናንተ ከማሆን ሰው ጋር በፍቅር እንድትወድቁ ከፍተኛ ግፊት ውስጥ ሊያስገባችሁ ይችላል፡፡ ይህም ማለት ተፈጥሯዊውን ‹‹MHC›› ዘራችሁ እንድትወስኑ ያሳስታችኋል፡፡

The post Health: ድንገት የሚያፋቅረን ማግኔት የት ይገኛል? appeared first on Zehabesha Amharic.

ስለ አመጋገብ ስነስርዓት ምክር ብጤ ካሻችሁ ናስር ቻድሊን አድምጡት፡፡ ታሪኩን እህ ብላችሁ ስሙ፡፡ በዚህ የውድድር ዘመን ያልተጠበቀ ነገር እየሰሩ ከሚገኙ ተጨዋቾች አንዱ ነው፡፡ በቶተንሃም ሆትስፐር አይነኬ ሆኗል፡፡ ይህ ይሆናል ብለው የገመቱ ጥቂት ናቸው፡፡ ቻድሊ ከአምናው ይልቅ ዘንድሮ ሸንቃጣ፣ ፈጣን እና ጠንካራ ሆኗል፡፡ የተሻለ ተጨዋች ሆኗል፡፡ ለቡድኑ ይበልጥ ጠቃሚ ከሆኑት አንዱ ነው፡፡ ማውሪሲዮ ፓቼቲኖ አንገብጋቢ ጉዳይ ሲገጥማቸው ከጉድ ያወጡኛል ብለው ከሚከባቸው ተጨዋች ተርታ ተሰልፏል፡፡ የእርሱ ታሪክ የግለሰብ እመርታን የሚገልፅ ነው፡፡ ከእጁ ወጥቶ የነበረን ዕድል መልሶ ማግኘት ችሏል፡፡

ቻድሊ ትኩረቱን ወደ አዲስ አቅጣጫ መርቷል፡፡ በአመጋገቡ ላይ አተኩሯል፡፡ ሃሳቡ የተጠነሰሰው ባለፈው ጁላይ በአንድ የጣልያን የህክምና ማዕከል ነው፡፡ ‹‹ጤናማ በሆነ መንገድ እንዴት መመገብ እንዳለብኝ የተማርኩት እዚያ ነው፡፡ ምክንያቱም ለሰውነትህ በቶሎ እንዲያገግም በተለየ መንገድ መመገብ አለብህ›› ሲል ሆቴል ማራኖን እንዲጎበኝ በቪንሶ ካምፓኒ እና ባለቤቱ ጥቆማ የተደረገለት ቻድሊ አጋጣሚውን ያስታውሳል፡፡ ካሪም ቤንዜማም ወደዚያ ጎራ ብሏል፡፡ ‹‹ደምህን ይወስዱ እና ምን መመገብ እንዳለብህ እና ሰውነትህ ሊቋቋመው የማይችለውን ነገር ይፈትሻሉ፡፡›› በዚህ ምክንያት ቻድሊ አሁን የወተት ተዋፅኦዎችን አይጠቀምም፡፡ ‹‹ከአሁን በኋላ ወተት መጠጣት እንደሌለብኝ ምክር ለገሰኝ፡፡ አልፎ አልፎ ብቻ የአኩሪ አተር ወተት እጠቀማለሁ፡፡ አይብ በጭራሽ አልመገብም፡፡ የምበላው አትክልት እና ፍራፍሬ መጠንም የተወሰነ ነው፡፡ ከምግብ በፊት ፍራፍሬ መብላት ጥሩ ነው፡፡ በተለምዶ ፍራፍሬ የምምገበው ከምግብ በኋላ ነበርር፡ ነገር ግን በቅድሚያ መብላት ጠቃሚ መሆኑን ተምሬያለሁ፡፡ በሳምንት አንድ ጊዜ ወይም ሁለት ጊዜ ስጋ እበላለሁ፡፡ በተረፈ በአብዛኛው የምጠቀመው ዓሳ እና ዶሮ ነው፡፡ ያንን ማድረጌ እንደጠቀመኝ አስባለሁ›› ካለ በኋላ ‹‹የተወሰነ ክብደት ቀንሼያለሁ›› ሲል ያክላል፡፡

ቻድሊ ለቅድመ ውድድር ዝግጅት ወደ ቶተንሃም የተመለሰው ቤልጅየም ከዓለም ዋንጫው ውጪ ከሆነች ከ17 ቀናት በኋላ ነው፡፡ ነገር ግን ማረጋገጥ የሚፈልገው ነጥብ ነበር፡፡ ‹‹በቶተንሃም ያልተሳካ ዓመት ካሳለፍኩ በኋላ ወደ ተሻለ ብቃት የተሸጋገርኩት በስነ ልቦና ጠንካራ ስለነበርኩ ነው›› በማለት ሀቁን አምኖ ይቀበላል፡፡ ባለፈው ጃንዋሪ ስዋንሲ ሲቲ እና ኦልምፒያኮስ ሊያስፈርሙት ጥረት አድርገዋል፡፡ ነገር ግን ባለፈው ክረምት የትኛውንም ጥያቄ ላለመስማት ቁርጥ አቋም ያዘ፡፡ በክለቡ ቆይቶ ለቦታው መፋለምን መረጠ፡፡ ‹‹ይህንን የመሰለ ክለብ መልቀቅ አልፈለግኩም፡፡ የምለቀቅ ቢሆን እንኳን በኋላ በር ሾልኬ መውጣት ፍቃዴ አይደለም››
ፖቼቲኖ እያንዳንዱ ተጨዋች እራሱን የሚያሳይበት ዕድል እንደሚሰጠው ለቻድሊ ነገረውታል፡፡ ቤልጅየማዊው የሚፈልገውም ያንን ነበር፡፡ ‹‹ከእረፍት በኋላ አዕምሮዬን ነፃ ማድረግ እና ተመልሼ ልምምዴን መስራት ፈለግክኩ፡፡ በቀጥታ ያመራሁት ወዶ ልምምድ ነው፡፡ በተቻለኝ መጠን ሸንቃጣ እና ፈጣን ለመሆን ጥሬያለሁ፡፡ ከሁለት ሳምንታት በኋላ በውድድር ዘመኑ ለመጀመሪያ ጊዜ የመጫወቻ ዕድል ተፈጠረልኝ፡፡ አጋጣሚውን ልጠቀምበት ፈለግኩ፡፡ ደግሞም አደረግኩት፡፡››

ቻድሊ ፈታኙን የፖቼቲኖ የቅድመ ውድድር ዝግጅት ሲቀላቀል በቂ ዝግጅት አድርጎ ነበርር፡ በክረምቱ ያደረገው የማጠናሪያ ስራ ጠቅሞታል፡፡ ቻድሊ ስለ ጤና እና የአካል ብቃት የሚያወራው በተመስጦ ነው፡፡ በሰሜን ለንደን በሚገኘው የውድ ግሪን ቤተመፅሐፍት ግቢ የቶተንሃም ሆትስፐር ፋውንዴሽን ወደ 2 ሺ ለሚጠጉ የአካባቢው ነዋሪዎች የጤና ምርመራ ሲያደርግ በቦታው ተገኝቶ ነበር፡፡ ‹‹ሰዎች እራሳቸውን ሲጠብቁ መመልከት ያስደስታል፡፡በየጊዜው ክትትል አለማድረግ የሚያስከትለው ጣ ማወቅም መልካም ነው›› ሲል አስተያየቱን ይሰጣል፡፡

ባለፈው ክረምት ፖቼቲኖ ቡድኑን ያሰሩ የነበረው ልምምድ ያን ያህል አልከበደውም፡፡ ከዚህ ቀደምም ቢሆን ጥሩ አትሌት የነበረው ተጨዋች አሁን ይበልጥ ብቁ ሆኗል፡፡ ‹‹ከባድ ነበር›› ሲል ቻድሊ አጋጣሚውን መለስ ብሎ ያስታውሳል፡፡ ‹‹ነገር ግን ተመችቶኛል፡፡ ምክንያቱም ሰውነቴ ተላምዶታል፡፡ ሰውነትህ የሚቋቋመው ከሆነ የበለጠ ጠንካራ ትሆናለህ፡፡ ምንም እንኳን ረዥም የሚባል የቅድመ ውድድር ዝግጅት ባይሆንም የተሳካ ጊዜ አሳልፌያለሁ፡፡ ተጨማሪ ሁለት ሳምንታት ልምምዱን ሰርቼ ቢሆን ኖሮ የበለጠ እበረታ ነበር፡፡ ነገር ግን ያንን ያህል ዝግጅት ማድረጌ በራሱ ጠቅሞኛል፡፡

ቻድሊ የሚናገረው በተለሳሰለ አንደበት ነው፡፡ ነገር ግን ከአንደበቱ የመወጡት ቃላት ጥረቱ ፍሬያማ ከሆነለት ሰው የሚደመጡ እና እርግጠንነት የሚነበብባቸው ናቸው፡፡ በ2013 ቡድኑን የተቀላቀሉ ተጨዋቾች በሙሉ ከወጣባቸው ዋጋ ተመጣጣኝ የሆነ እንቅስቃሴ እያሳዩ ነው ማለት አይቻልም፡፡ የትኛውም ተጨዋች ጋሬት ቤልን ሊተካ አይችልም፡፡ ነገር ግን ለቻድሊ ዝውውር የወጣው 7 ሚሊዮን ፓውንድ ውጤታማ ይመስላል፡፡

ተጨዋቹ ቶተንሃምን የተቀላቀለው ቦስቲቭ ማክላኒን ስር የተጫወተበትን ኤፍ ሲ ትዋንቴ ለቅቆ ነው፡፡ የቀድሞ አለቃውን ‹‹ጥሩ አሰልጣኝ›› ብሎ የሚገልፀው ተጨዋች በቀያዩ የውድድር ዘመን በእርሳቸው የሚመራው ደርቢ ካውንቲ ወደ ፕሪሚየር ሊጉ አድጎ በተቃራኒ እንደሚገጥማቸው ተስፋ ያደርጋሉ፡፡ የማጥቃት እንቅስቃሴን በሚያቅዱበት መንገድ ፖቼቲኖ እና ማክላረን በተወሰነ መልኩ እንደሚመሳሰሉ ቢያንምንም ቻድሊ ይህን ለመሰለው የአካል ብቃት ዝግጅት እንግዳ ነው፡፡ ወዶታልም፡፡ ‹‹በሆላንድ የዚህን ያህል ጠንካራ ልምምድ አንሰራም ነበር፡፡ በአካል ብቃት ላይ የተመሰረተው ነገር ያን ያህል አስፈላጊ አልነበረም፡፡ የተለየ ነው፡፡ በዚህ መንገድ ልምምድ መስራታችን ይጠቅመናል፡፡ ከሌሎች ቡድኖች የተሻለ የአካል ብቃት እንዲኖረን ያደርጋል፡፡››

ለጊዜው የሚታወቀው ይህን ያህል ነው፡፡ ቻድሊ ከአብዛኞቹ ተጨዋቾች በተሻለ የአካል ብቃት ላይ ይገኛል፡፡ አዲስ የአመጋገብ ስርዓት በመከተሉ በክለቡ ለመቆየት በመወሰኑ እና አዲሱን ስርዓት በፀጋ በመቀበሉ ፖቼቲኖ የሚፈልጉት አይነት ተጨዋች ሆኗል፡፡ መመሪያዎችን ያከብራል፡፡ ታትሮ ይሰራል፡፡ ከኳስ ጋር እና ያለኳስ በቂ ጥረት ያደርጋል፡፡ ወደተቃራኒ ቡድን የፍፁም ቅጣት ምት ክልል ሰብሮ በመግባት ጎሎችን ያስቆጥራል፡፡ ከወዲሁ በፕሪሚየር ሊጉ ብቻ ሰባት ጎሎችን በስሙ አስመዝግቧል፡፡ ከእርሱ የበለጠ ጎል ማስቆጠር የቻለው የመስመር ተጨዋች ኤደን ሃዛርድ ብቻ ነው፡፡

በዩሮፓ ሊግ ጨዋታ ኤኢኤል ሊማሶልን ሲገጥሙ ተቀይሮ በመግባት የውድድር ዘመኑን የመጀመሪያ ጨዋታ ያደረገው ቻድሊ በኦገስት 24 ኪውፒአርን በሜዳቸው ሲያስተናግዱ በቋሚ አሰላለፍ ውስጥ ተካተተ፡፡ ጨዋታውን በግራ መስመር ላይ ሆኖ የጀመረው ቤልጅየማዊ ወደ ፍፁም ቅጣት ምት ሳጥን ሰብሮ እየገባ ሁለት ጎሎችን አስቆጠረ፡፡

ከዚያ በኋላ የሚያቆመው አልተገኘም፡፡ ‹‹የመጀመሪያ ጨዋታዬ በእጅጉ ጠቅሞኛል፡፡ ሁለት ጊዜ ኳስ እና መረብ ማገናኘት መቻሌ በራስ መተማመኔን አሳድጎታል›› ሲልም የውጤታማነቱን ምክንያት አካፍሏል፡፡ ነር ግን የሚናውን ‹‹ምስጢር›› ለማውጣት ፈቃደኛ አልሆነም፡፡ በአጭሩ ብዙ እንቅስቃሴ እና ሩጫ እንደሚያስፈልገው ገልፅዋል፡፡ በፈረንጆቹ አዲስ ዓመት የመጀመሪያ ጨዋታ ቼልሲን አስተናግደው 5-3 ሲያሸንፉ ዳኒ ሮስ ሁለተኛውን ጎል ከማስቆጠሩ በፊት ቻድሊ የሞከረውን ኳስ የጎሉ ቋሚ መልሶበታል፡፡ አምስተኛውን ደግሞ እራሱ አስቆጥሯል፡፡

በኦገሰት ቻድሊ አሰልጣኝ ፖቼቲኖ በሚመርጡት 4-2-3-1 ፎርሜሽ ከአጥቂ ጀርባ ካሉት ሶስት ቦታዎች አንዱን ለማግኘት ብርቱ ፉክክር ማድረግ ነበረበት፡፡ ጊልፊ ሱጉርሰን ተሸጠ፡፡ ልዊስ ሆልትሊይ በውሰት ተሰጠ፡፡ ቻድሊ ከፍተኛ ጥረት በማድረጉ ከአሮን ሌነን፣ አንድሬስ ታውንለሰንድ እና ኤሪክ ላሜላ ቀድሞ የመጀመሪያ ተሰላፊ መሆን ቻለ፡፡ ከስፐርስ የአጥቂ አማካዮች በበርካታ ጨዋታዎች ላይ በመሰለፍ የሚቀድመው ክርስቲያን ኤሪክሰን ብቻ ነው፡፡ ለዚህ ስኬቱ ቅድሚያውን የሚወስደው ያለኳስ የሚያደርገው እንቅስቃሴ ውጤታማ መሆኑ ነው፡፡ ፖቼቲኖ በሚመርጡት የአጨዋወት ዘይቤ በሜዳው የላይኛው ክፍል ፕሬስ ማድረግ እጅጉን ይበረታታል፡፡ ኳስ በተነጠቁ በመጀመሪያዎቹ ሶስት ሰከንዶች እንዴት ፕሬስ እንዲያደርጉ እንደታዘዙም ያብራራል፡፡ ‹‹በጥሩ የአካል ብቃት ላይ እገኛለሁ፡፡ በዚህ የውድድር ዘመን በአብዛኞቹ ጨዋታዎች ላይ ተሳትፌያለሁ፡፡ አሰልጣኙ በእኔ ላይ እምነት አለው፡፡ ይህም በራስ መተማመኔን አሳድጎታል፡፡››

ማንኛውም በመሻሻል ላይ ባለ ቡድን ውስጥ የሚገኝ ሰው እንደሚሰማው ሁሉ ቻድሊ ደስተኛ መሆኑ በግልፅ ይነነባል፡፡ በእርግጥ የደስታው ምንጭ የቡድኑ ውጤት ብቻ አይደለም፡፡ ከቡድን ጓደኞቹ ጋር ጥሩ ውዳጅነት መስርቷል፡፡ ያም ቢሆን ሁሌም ቢሆን የሚያሻሽለው ነገር አያጣም፡፡ ምክንያቱም ልቆ መገኘት ይሻል፡፡

The post Sport: የአሰልጣኙን ቀልብ የገዛው ቻድሊ ምስጢር appeared first on Zehabesha Amharic.

(ፎቶ ከፋይል)

እንደ ኢሳት ዘገባ ከሆነ ታዳጊዋ ወጣት አንገቷ አካባቢ በጥይት ስትመታ፣ አባቷ ደግሞ እግራቸውን በሁለት ጥይቶች ተመተው ሆስፒታል የገቡ ሲሆን በታዳጊዋ ላይ የደረሰው ጉዳት ከፍተኛ መሆኑም ታውቋል።

ማንነታቸው ያልታወቁ የፌደራል ፖሊስ አባላት ወደ ቀበሌው በመሄድ፣ አቶ ተሙሻን አሸባሪዎችን አስጠግተህ ትቀልባለህ ብለው በጥይት እንደመቱዋቸውና የአካባቢው ነዋሪዎች ሆ ብለው ሲወጡ፣ በመጡበት መኪና ማምለጣቸውን ነዋሪዎች ለኢሳት ገልጸዋል።
አሸባሪ የተባሉት ሃይሎች እንማን እንደሆኑ ባይታወቅም፣ ነዋሪዎች ግን ምናልባትም ለምርጫ ቅስቀሳ የመጡ የተቃዋሚ አባላትን ሊሆን ይችላል ይላሉ። ኢሳት በጉዳዩ ዙሪያ የወረዳውን ባለስልጣናት ለማናገር ያደረገው ሙከራ አልተሳካም።

The post በኦሮምያ ክልል የፌደራል ፖሊሶች ሁለት የቤተሰብ አባላትን በጥይት መትተው አመለጡ appeared first on Zehabesha Amharic.

የአንድነት ፓርቲ ምክትል አፈጉባኤ የሆኑትና በቅርቡ ሰማያዊ ፓርቲ የተቀላቀሉት አቶ ጸጋዬ አላምረው፣ ከወያኔ የፀረ-ሽብር ግብረ ኅይል እንዲታሰሩ የማዘዣ ወረቀት በመዉጣቱ፣ ለተወሰነ ቀናት አገር ቤት ራሳቸውን ሰዉረውከቆዩ በኋላ፣ በአሁኑ ጊዜ ከኢትዮጵያ ዉጭ እንደሚገኙ ለማወቅ ተችሏል።

አቶ ጸጋዬ የአንድነት ፓርቲ የፋይናንስ ሃላፊ ሆነው የሰሩ ሲሆን፣ አቶ ሃብታሙ አያሌው ከታሰሩ በኋላ የመኢአድ አመቻች ኮሚቴ ዋሃ ሰብሳቢ ሆነው ሰርተዋል።፣ ሕወሃቶች መሰናክል ፈጠርበት እንጂ በመኢአድ እና በአንድነት መካከል ዉህደቱ ጫፍፍ እንዲደርስ፣ ቁልፍ ሚና ከተጫወቱ የአመራር አባላት መካከል አንዱ ነበሩ። የአንድነት ፓርቲ ያደርግ በነበረው የምርጫ ዘመቻም፣ የምርጫ ኮሚቴ አባል በመሆን ትልቅድርጅታዊ ሥራ ይሰሩም ነበር።

The post የእሥር ማዘዣ በመዉጣቱ አቶ ጸጋዬ አላምረው አገር ለቀው ተሰደዱ appeared first on Zehabesha Amharic.

photo File

ሰማያዊ ፓርቲ ጽ/ቤት በሚፈልግባቸው ጊዜያት የቀበሌ ካድሬዎች አከራዮቹና ደላሎቹ ለፓርቲው እንዳያከራዩ ሲያስጠነቅቁ የቆዩ ሲሆን በተለይ በጥር ወር 2007 ዓ.ም ይህ ጽ/ቤት እንዳይከራይ ግፊት የማድረጉ ተግባር ተጠናክሮ ቀጥሏል፡፡

The post ሰማያዊ ፓርቲ ጽ/ቤቱን እንዲለቅ ክስ ቀረበበት • በወር 40 ሺህ ብር ኪራይና 250,000 ብር ለ‹‹ኪሳራ›› እንዲከፍል ተጠይቋል appeared first on Zehabesha Amharic.

(ዘ-ሐበሻ) የአዲስ አበባ ሕዝብ “ባቡሩን ሳንሄድበት አደጋ ጨረሰው” ማለት ጀምሯል:: ከሁለት ሳምንት በፊት የተመረቀውና ሥራ የጀመረው የአዲስ አበባ ባቡር ሃዲድ አጥር ባለፈው ሳምንት መጀመሪያ ላይ የመኪና አደጋ ማስተናገዱን ዘ-ሐበሻ መዘግቧ አይዘነጋም::

ዛሬም ከአዲስ አበባ በፎቶ ግራፍ ተደግፎ ያገኘነው መረጃ “ባቡሩን ሳንሄድበት የመኪና አደጋ ጨረሰው” ያስብላል:: በፎቶ ግራፍ እንደምታዩት ይህ ገልባጭ መኪና የባቡሩን አጥር ሰብሮ ገብቶበታል:: ወደ ሳሪስ መሄጃ ጎተራ ማሳለጫው እንደተሻገረ ነው መኪናው አደጋውን ያደረሰው:: እንዴት እንዲህ ያሉ ትላልቅ መኪናዎች በጠባብ መንገድ እንዲያልፉ ይፈቀዳል? መልሱን ለሕወሓት/ኢሕአዴግ የመንገድ ባለስልጣን ትተነዋል::

The post የአዲስ አበባው ባቡር መንገድ ሁለተኛውን የመኪና አደጋ አስተናገደ appeared first on Zehabesha Amharic.

ሞረሽ ወገኔ የዐማራ ድርጅት             ረቡዕ የካቲት ፭ ቀን ፪ሺህ፯  ዓ.ም.                       ቅፅ ፫ ፣ ቁጥር ፲

ሰሞኑን የትግሬ-ወያኔ እጀታ የሆነው የምርጫ ቦርድ፣ በመላው ኢትዮጵያ አንድነት ድርጅት (መኢአድ) እና በአንድነት ለፍትሕና ዲሞክራሲ ፓርቲ (አንድነት) ላይ «ከምርጫ ውድድር የማገድ» ውሣኔ ማሣለፉን ሰምተናል። ይህም ምርጫ ቦርድ፣ ፍርድ ቤቶች፣ ፖሊስ፣ አቃቢ ሕግ፣ መከላከያ ሠራዊቱ እና መሰል በ«ሕገ-መንግሥቱ ተቋቋሙ» የተባሉት ተቋሞች በሞላ የወያኔ ሕዝባዊ ድርጅቶች መሆናቸውን በይፋ እና በማያሻማ መንገድ ከታዩባቸው አያሌ ተግባሮች መካከል አንዱ ሆኖ የሚጠቀስ ነው። የምርጫ ቦርዱ ውሣኔ በራሱ ምርጫ ቦርድ የወያኔ ሕዝባዊ ድርጅትና እጀታ ከመሆኑ የመነጨ ብቻ ሣይሆን፣ የተቃዋሚው ጎራ ደጋግሞ በሄደበት እና ምንም ዓይነት ውጤት ባላስመዘገበበት መንገድ መጓዙ ጭምር እንደሆነ ሊስተዋል ይገባል።

የትግሬ-ወያኔ በምርጫ ተሸንፎ ሥልጣን እንደማይለቅ ያለፉት አራት የይስሙላ ምርጫዎች ከበቂ በላይ ነቃሾች ናቸው። ይህን በተመለከተ የ1997ቱን የምርጫ ውጤት ተከትሎ የትግሬ-ወያኔ በወሰደው የድምፅ ነጠቃ፣ ታዛቢ የነበሩት የቀድሞው የአሜሪካ ፕሬዚዳንት ጂሚ ካርተር አቶ መለስን ለማለስለስ ባደረጉት የማግባባት ሙከራ ያረጋገጡት ሃቅ ነው። አቶ መለስ በወቅቱ የሰጣቸው መልስ፦ «ኢሕአዴግ በምርጫም ሆነ በኃይል ሥልጣን ከለቀቀ የሚጠብቀን አንድ እና አንድ ብቻ ነው። ይኸውም በአገር ክህደት ተከሰን ወህኒ መውረድ ነው። በመሆኑም ለ፲፯(አሥራ ሰባት) ዓመታት አፈር ግጠን የጨበጥነውን ሥልጣን በሕዝብ ድምፅ አንለቅም።» ሲል ነበር እቅጩን እና የማይለወጠውን የትግሬ-ወያኔን ዓላማ የገለጸው። በተመሣሣይ ሁኔታ የሕወሓት እና የኢሕአዴግ የፖሊት ቢሮ አባል የነበረው አቶ ገብሩ አሥራትም «ሉዓላዊነትና ዲሞክራሲ በኢትዮጵያ» በሚለው መጽሐፉ የሚነግረን ይህንኑ ነው። ስለዚህ ምርጫ ቦርድ ሰሞኑን የሰጠውም ውሣኔ የዚሁ ተከታይ አካል በመሆኑ፣ ድርጊቱ አስገራሚም፣ አስደንጋጭም አይሆንም። ባለፉት ፳፬(ሃያ አራት) ዓመታት የኖርንበት ዓለም የታዘበው ዕውነታ ነውና። አስገራሚና አስደንጋጭ የሆነው ተቃዋሚው በወያኔ ሁለንተናዊ ፍላጎት ቁጥጥር ሥር መሆኑን አለመገንዘቡ ነው። እኒህ ተቃዋሚዎች ጉዟቸው ያልተለወጠ እና በየአምስት ዓመቱ በሚደረግ የምርጫ ዘመቻ የተገዛ ነው። ይህ ጉዞ ለውጤት ያላበቃ መሆኑ ተደጋግሞ እየታዬ፣ ውጤት እንደማያስገኝ በታወቀ መንገድ መጓዙ፣ ችግሩ ከመንገዱ ሣይሆን፣ ከተጓዡ እንደሆነ ትግሉ የሚገኝበት ሁኔታ ያሣያል። ስለሆነም ተቃዋሚ ኃይሎች ከ1997ቱ የምርጫ ሂደት እና ውጤት ከታዩት አዎንታዊ እና አሉታዊ የጉዞ አቅጣጫዎች ትምህር የቀሰሙ አይመስልም።

ሁለተኛው የተቃዋሚ ድርጅቶች መሠረታዊ ችግር በአደረጃጀታቸው ላይ ያጠነጠነ ነው። የትግሬ-ወያኔ በማንኛውም የፖለቲካ ድርጅት ውስጥ ብቻ ሣይሆን በዕድሮች ሣይቀር የራሱን ሥውር መዋቅር አስርጎ አደራጅቷል። ሰሞኑን በመኢአድ እና በአንድነት ላይ የተከሰተው ችግር ግን፣ ተቃዋሚ ድርጅቶች የትግሬ-ወያኔን የሤራ ስልት ባለመገንዘብ ከነ አየለ ጫሚሶ ዓይነት ሠጎ ገቦች ድርጅቶቻቸውን ማጽዳት አለመቻላቸውን ቁልጭ አድርጎ ያሣያል። ሰለዚህ የአደረጃጀት ሥልታቸው የወያኔን ሠርጎ ገቦች ሊያንተረትር በሚችል መልክ እስካልተቃኘ ድረስ፣ በምንም ሁኔታ የትግል ጉዞ አቅጣጫቸው በወያኔ እና በአጋሮቹ ላይ ተጽዕኖ ሊያሣድር አይችልም። ይህም ብቻ አይደለም፤ ተቃዋሚው የሙጥኝ ብሎ የያዘው «በሕጋዊ እና ሰላማዊ መንገድ ብቻ የትግሬ-ወያኔን በምርጫ አሸንፈን ሥልጣን እንይዛለን» የሚለውን ብቸኛ የትግል መሣሪያው አድርጎ መያዙ፣ ለትግሬ-ወያኔ ሠርጎ መግባት የተመቻቸ ሁኔታ ከመፍጠሩ ባሻገር፣ የነቁትን የኅብረተሰብ ክፍሎች በቀላሉ የአገዛዙ ዒላማ እንዲሆኑ አድርጓል። ይህም ትግሉን ተተኪ መሪዎች በማሣጣት መሪ አልባ በማድረጉ፣ የሕዝቡን  የወኔ ሥንቅ እንዳሟጠጠ በድርጅቶቹ ውስጥ በቂ ትኩረት የተሰጠው ያለመሆኑን ያመለክታል።

የተቃዋሚው ኃይል የትግሬ-ወያኔን ባሕሪ የሚመጥን የትግል ሥልት መከተል ባለመቻላቸው፣ ወያኔ «ግሞ» ሲል «ጥንቦ» ማለት አልቻሉም። በተደጋጋሚ በአገር ቤት ካሉ የተቃዋሚ የፖለቲካ ድርጅቶች የሚደመጠው የትግል ስልት፦ «በሕጋዊ እና ሰላማዊ መንገድ ብቻ የትግሬ-ወያኔን በምርጫ አሸንፈን ሥልጣን እንይዛለን» የሚል ነው። ሆኖም የሰላማዊ ትግል ሥልት በምርጫ ዘመቻ ብቻ የተገደበ አይደለም። የምርጫ ዘመቻ ለሰላማዊ ትግል ጠቃሚ የሚሆነው ዲሞክራሲያዊ ተቋሞች የሚባሉት ማለትም፦ ነፃ እና ገለልተኛ የሆነ የምርጫ ቦርድ፣ ፍርድ ቤቶች፣ አቃቤ ሕግ፣ ፖሊስ፣ የመከላከያ ሠራዊት እና ወገንተኛ ያልሆኑ የብዙኃን መገናኛ ተቋሞች መኖር፣ ወዘተርፈ፣ በአጠቃላይ የሕግ የበላይነት ሰፍኖ ከማንም ተፅዕኖ ውጭ በነፃ የመሥራት የዜግነት መብት ሲረጋገጥ ነው። እነዚህ ተቋሞች በሌሉበት ሁኔታ ግን፣ በምርጫ ፖለቲካ ወያኔን ከሥልጣን እናወርዳለን ብሎ ምርጫን በብቸኛ የትግል መሣሪያነት የሙጢኝ ብሎ መያዝ፣ ታጋዩ ሕዝብ ሥቃይን እና በደልን ተለማምዶ የ፵(አርባ) ቀን ዕድሌ ነው ብሎ እንዲያምን እና ለወያኔ አገዛዝ ምቹ እንዲሆን ሠፊ በር የሚከፍት መሆኑ በግልፅ ሊታመንበት ይገባል። በተግባርም የሚታየው ይኼው ነው። የመንግሥት ሥራ አስፈጻሚ መዋቅር፣ የፍትህ አካሎች እና የብዙሃን መገናኛ ተቋሞች በአንድ ዘረኛ ቡድን ፍላጎት እና ቁጥጥር ሥር በዋሉበት ሀገር፣ በምርጫ ሥልጣን እረከባለሁ ማለት ሸንበቆ ያፈራል፣ በቅሎ ትወልዳለች፣ ዝንብ ማር ትጋግራለች፣ ፀሐይ በምሥራቅ ትጠልቃለች እንደማለት ይቆጠራል። እንደሞረሽ-ወገኔ እምነት፣ ሰላማዊ ትግሉ የተለየ መንገድ መከተል ይኖርበታል። ወቅታዊ የትግሉ መፈክር «ለዲሞክራሲ፣ ለዕኩልነት እና ለብልጽግና» ሣይሆን ቅድሚያ ለነፃነት ትግል መሆን አለበት። አገር እና ሕዝብ ሳይኖሩ፣ ዲሞክራሲ እና ዕኩልነት ሊታሰቡ የሚችሉ ጉዳዮች አይደሉምና!

በመሆኑም፣ የተቃዋሚው ጎራ፣ የትግሬ-ወያኔን እንደተኩላ ከብቦ የሚቦጫጭቅበትን፣ አጠቃላይ ሕዝባዊ እንቢተኝነትን የትግሉ መርህ አድርጎ ሊንቀሣቀስ ይገባዋል። ስለዚህ ቀዳሚው የትኩረት አቅጣጫ መሆን ያለበት በየአካባቢው ያለውን የትግሬ-ወያኔን የስለላ መዋቅር በመበጣጠስ፣ ሕዝቡ የራሱ አለቃ የሚሆንበትን ዘዴ በመሻት፣ የትግሬ-ወያኔን እና አጋሮቹን ለነፋስ በመስጠት፣ የአገዛዝ ዕድሜያቸውን ለማሳጠር መንቀሣቀስ ነው። ይህ ደግሞ ከገጠር እስከ ከተማ፣ ከመሀል እስከዳር ሕዝቡን በማደራጀት በእንቢተኝነት ስሜት እንዲነሣ ማነቃነቅ ያስፈልጋል። የትግሬ-ወያኔ አፋኝ ቡድን የኃይል መከፋፈል የሚፈጠርበት፣ ለቅልብ ጦሩ ሆድ መሙያ የሚከፍለው በጄት የሚያጣበት፣ በገዥው ቡድን መካከል የኃሣብ መከፋፈል የሚፈጠርበት፣ የማስፈጸም አቅሙ የሚሟሽሽበት፣ እርስ በርሳቸው የሚጠራጠሩበት ሁኔታን የሚፈጥር ሥራ መሠራት አለበት። ለዚህም በደህንነቱ፣ በሠራዊቱ፣ በፖሊሱ፣ በቢሮክራሲው መሀል ሠርጎ በመግባት ዓላማ እና ዕቅዳቸውን ማክሸፍ ያስፈልጋል። ሕዝቡም «ላልወከልነው አካል ግብር አንከፍልም፣ የእኛ ባልሆኑ ተቋሞች አንገዛም፣» የሚለውን ስሜት እና እምነቱን ሊያጎለብት ይገባል። በትግሬ-ወያኔ የተለያዩ የንግድ እና የአገልግሎት ተቋሞች፣ ማለትም፥ የትራንስፖርት፣ የሆቴል፣ የንግድ ቤቶች እንዳይጠቀም በልዩ ልዩ መንገዶች በማስተማር ወያኔ እና አባሎቹን ከማናቸውም ማህበራዊ እና ባህላዊ እንቅስቃሴዎች በማግለል ብቻቸው እንዲቆሙ መደረግ አለበት። «መጡብን» ሳይሆን፣ «መጣንባችሁ» ሊባሉ ይገባል። ከእንግዲህ ተቃዋሚው ጎራ ሙሾ ማውረዱን ማቆም አለበት። መርዶ የሽንፈት እንጂ፣ የድል ምልክት ባለመሆኑ፣ «እንዲህ ሆን፣ እንዲ,ህ ተደረገን» የሚሉት እሮሮዎች ሊገቱ ይገባል።

ሞረሽ ወገኔ የዐማራ ድርጅት የትግሬ-ወያኔ በሁለቱ የሰላማዊ ትግል አራማጅ ድርጅቶች ላይ የወሰደውን እርምጃ የተመለከተው ከትግሬ-ወያኔ ጉዞ እና ዓላማ አንፃር የሚጠበቅ እንጂ፣ ዱብ ዕዳ እና እንግዳ ነገር አድርጎ አይደለም። በአንፃሩ «ማሽላ ሲያር ይስቃል» እንዲሉ፣ ይህ እርምጃ ለፀረ-ወያኔ ትግል እልህ፣ ቁጭትና የመጠቃት ስሜትን የሚፈጥር ነው ብለን እናምናለን። ስለሆነም የተቃዋሚው ጎራ በአንድ ብሔራዊ ዓላማ ዙሪያ እንኳን መሰባሰብ ባይችል፣ በፀረ-ወያኔ አቋሙ በአንድ ግንባር ወይም ኅብረት ሥር እንዲሰለፍ ሠፊ በር የከፈተ ያህል ይቆጥረዋል። ስለዚህ በአገር ቤትም ሆነ በውጭ የሚገኘው ተቃዋሚ ኃይል ከምንጊዜውም በበለጠ ተቀራርቦ በመነጋገር በትግሬ-ወያኔ አገዛዝ ላይ የተጠናከረ እና ሁሉን- አቀፍ ትግል እንዲያደርግ በኢትዮጵያ እና በኢትዮጵያዊነት ስም ጥሪያችንን እ,ናቀርባለን።

ዐማራን ከፈጽሞ ጥፋት እንታደጋለን!

ፈለገ አሥራት የትውልዳችን ቃል ኪዳን ነው!

የትግሬ-ወያኔ ዘረኛ ቡድን ነው፤ በመሆኑም መወገድ አለበት!

——————

The post ተሂዶበት ከሚፈለገው ቦታ ባላደረሰ መንገድ ተመላልሶ መጓዝ ችግሩ የመንገዱ ሣይሆን የተጓዡ ነው appeared first on Zehabesha Amharic.

የካቲት ፭(አምስት) ቀን፳፻፯ዓ/ምኢሳትዜና :-ከሕንድ መንግስት በተገኘ 640 ሚሊየን ዶላር በተገኘ ብድር እ.ኤ.አ በ2008 ሥራ የጀመረው ይህው ፋብሪካ ከሙስና ጋር በተያያዘ ጥራት ያለው ማሽነሪግ ባለመከናወኑና ሥራው በተገቢው ቁጥጥርና ክትትል ባለመታገዙ ተጠናቆ ወደ ስራ መግባት የነበረበት እ.ኤ.አ በ2010 መጨረሻ ቢሆንም ፋብሪካው እስካሁን ወደስራ መግባት እንዳል ቻለ ታውቋል፡፡

የስኳር ኮርፖሬሽን ከፍተኛ አመራሮች በዚህ ዓመትም ፋብሪካው ስራ ይጀምራልበሚልበ ተደጋጋሚ መግለጫ ከመስጠታቸው ባሻገር ፣ ጋዜጠኞችን ምረቃ እናካሂዳለን በሚል ወደ ስፍራው ቢወስዱም ከተተከሉት ማሽኖች አንደኛው ከጥቅም ውጪ በመሆኑ ሊሳካ እንዳልቻለ የፋብሪካው ምንጮች ገልጸዋል፡፡

ባለፈው ወር በአፋር ክልል ከተከበረው የአርብቶአደር በዓል ጋር ተያይዞ ፋብሪካውን ለማስመረቅ በስኳር ኮርፖሬሽን በኩል ታቅዶ የነበረ ቢሆንም አሁንም ፋብሪካውን ወደምርት ማስገባት ባለመቻሉ ምረቃው እንዲተላለፍ መደረጉም ተነግሮአል፡፡

ከተንዳሆ ስኳር ፋብሪካ ችግር ጋር በተያያዘ ስማቸው በሙስና ጉዳይ ከሚነሱት ባለስልጣናት መካከል ወ/ሮ ገነት ዘውዴ በህንድ የኢትዮጽያ አምባሳደር እና አቶ ግርማ ብሩ የቀድሞ የንግድና ኢንዱስትሪ ሚኒስትርና በአሁኑ ወቅት በአሜሪካ ኢትዮጵያ አምባሳደር ይገኙበታል፡፡

በአሁኑ ሰዓት በገበያ ላይ ስኳር እጥረት በከፍተኛ ደረጃ ያለ ሲሆን ይህን ክፍተት ለመሸፈን ሀገሪቱ ከፍተኛ የውጪ ምንዛሪ በማውጣት ከውጪ ሀገር በመግዛት በማስገባት ላይ መሆኗ ይታወቃል፡፡

Source:: Ethsat

The post ከአራት ዓመት በፊት መጠናቀቅ የነበረበትና ከፍተኛ ገንዘብ የፈሰሰበት የተንዳሆ ስኳር ፋብሪካ ከሙስናና ብልሹ አሰራር ጋር በተያያዘ እስካሁን ስራ መጀመር አልቻለምተባለ፡፡ appeared first on Zehabesha Amharic.

የህብር ራድዮ 5ኛ ዓመት በዓል በኔቫዳ ላስቬጋስ ከተማ ይከበራል:: ሁላችሁም ተጋብዛችኋል::

The post የህብር ራድዮ 5ኛ ዓመት በዓል በላስቬጋስ appeared first on Zehabesha Amharic.

አሁን አሁን እጅግ እየከፋ የመጣው የወያኔ አምባገነናዊ አገዛዝ ፀረ ዴሞክራሲ እና ፀረ ሰላም መሆኑ በይበልጥ ግልጥ እየሆነ ከቀን ወደ ቀን እየተሰፈረ ያለው የግፍ ፅዋ ሞልቶ የመፍሰሱ ጉዳይ አለም ሁሉ የሚያውቀው የወቅቱ ዘገባ ነው። የሰብዓዊ መብት ጥሰቱ እየጋመ የኢትዮጵያ ህዝብ በሁሉም አቅጣጫ መከራና ግፍ እየተቀበለ በሚገኝበት በዚህ ወቅት ወያኔ ባቡር አሳይቶ ህዝብን ለማሳቅ መሞከሩ ትውልድን እንደህጻን ቆጥሮ በብልጭልጭ ነገር እያባበሉ ማስተኛትን ይመስላል። መጽሀፍ ስለ ሰይጣን ሲናገር እንደ ብርሀን መልዐክ ለመግደልና ለማሳሳት ራሱን ይለውጣል ይላል። ታዲያ ቢያብለጨልጭ ለመግደል ብቻ መሆኑ ደግሞ ሊታሰብበት ይገባል።

ስለ ሶርያ ጥቂት ነገር እናንሳ። ጥንታዊ እና ስልጣኔ የጀመረባት ሀገር እንደነበረች በከብት እርባታ እና በእርሻ ዘመናዊ ሁኔታዎች የበቀሉባት ስለመሆንዋ ተወስቶላታል። ቀደምት ተብላ እንደመጠራቷም ሀገሪቷ ከ100 አመታት በፊት በቱርክ ግዛት ስር ሆና ደማስቆን እና የቤሩትን የወደብ ከተሞች የሚያካልል ሀዲድ ተዘርግቶ የባቡር መጓጓዣ አገልግሎት ተጠቃሚም ሆናለች። ከዚያም በመነሳት ነጻነቷን አውጃ ራስዋን ማስተዳደር ስትጀምር የዛሬ 60 አመት በፊት 1956 እ.ኤ.አ ሞደርን ሲኤፍኤስ ፓሴንጀር ትሬን በማለት አዲስ መዋቅር አበጅታ እስከ 2012 ተገልግላበታለች።አሁን ያ ያላት መልካም ገጽታ እና ታሪኳ እንዲሁም ከሁሉ በፊት ባብር ነጂ መሆናዋ ከመሰባበር አላዳናትም።

የሶርያ ፕሬዘዳንት ባሻር አል አሳድ በአንባገነንነት ምድሪቷን መግዛት ከጀመሩበት ጊዜ ጀምሮ በተለይ ከ2011 ዓ.ም ወዲህ አሁን ድረስ መልኩን ቀያይሮ እና የተለያየ ስም ይዞ ታልቅ እልቂት ያስከተለው የእርስ በእርስ ጦርነት ከ220,000 ንጹሀን ዜጎች በላይ ለህልፈተ ሞት ያበቃ ሲሆን 11 ሺህ 420 ህጻናት መገደላቸው እና ከ2.2 ሚሊዮን በላይ የሆነ ዜጋ ሀገሩን ጥሎ በየጎረቤቱ ጥገኛ እና ስደተኛ ሲሆን የፍትህ የዲሞክራሲ ረሀብ እና ናፍቆት እንጂ መንገድ፣ ፎቅ፣ ባቡርና ሀዲድማ ነበራቸው። ዴሞክራሲ የሰፈነበት አገዛዝ እና ስርዓት ምድሪቷን እስካልተቆጣጠራት ድረስ ሁሉም ነገር ከንቱ የከንቱ ከንቱ ነው።

ስለ ኢትዮጵያ ደግሞ እናንሳ ። በ1895 ዓ.ም አንድ በደረት ላይ የሚንጠለጠል የምድር ባቡር ማሳሰቢያ ባጅ ነበር። በአንዱ ገጽ የአጼ ምኒልክ ምስል በሌላው ደግም 1895 የምድር ባብር ማሳሰቢያ የሚል ተቀርጻበታል። የዛሬ 112 ዓመት በፊት መሆኑ ነው።በአጼ ምኒልክ ውሳኔ የመሰረት ድንጋዩ ተቀምጦ የስዊዝ ተውላጅ በሆኑት ኢንጅነር አልፍሬድ ኢልግ http://en.wikipedia.org/wiki/Alfred_Ilg እገዛ መሰረት የሀዲድ መሰመር ግንባታው እኤአ በ1893ተጀምረ። ከ24 ዓመት በኃላ ስራው ተጠናቅቆ በ1917ዓ.ም ለመጀመሪያ ጊዜ በኢትዮጵያ ምድር ላይ ባብር ተነዳ። ይህም የዛሬ 98 ዓመት መሆኑ ነው። እንግዲህ ኢትዮጵያ ምን ያህል ቀደምት የስልጣኔ ከፍታ እንዳላት ያስረዳል።በአፍሪካ ካሉት ቀደምት የባቡር ተጠቃሚዎች መሀል 1ኛ)ግብጽ በ1856 ዓ.ም 2ኛ) ደቡብ አፍሪካ በ1897 ዓ.ም 3ኛ) ሱዳን በ1898ዓ.ም 4ኛ)ኬንያ በ1901ዓ.ም 5ኛ)ታንጋኒካ በ1905 ዓ.ም 6ኛ) ሴራሊዮን 1909ዓ.ም 7ኛ) ናይጄርያ 1912 ዓ.ም 8ኛ) ኢትዮጵያ በ1917 ዓ.ም በሀገራቸው ላይ ባቡርን ለህዝብ ጥቅም ካዋሉት የመጀመራዎቹ ተርታ ትሰለፋለች።

የዛሬው ዘመን ላይ ደርሰን ባቡር እና ሀዲዱ ብርቅ ሆኖ ባብር! ባብር !ባቡር እየተባለ ጡርንበኞች ሲጮሁ መስማት ምን ያህል ከፍትህ እና ከሰላም ይልቅ ግኡዝ ነገር አእምሮአቸውን እንደጨመደደው ልብ ይሏል። በምድሪቷ ላይ ለኢትዮጵያ ሉአላዊነት የተከሰከሰው የአባቶች አጥንት ለባቡር ለፎቅ እና ለመንገድ አልነበረም። ይልቁንም ለፍትህ ለሉዐላዊነት ለነጻነት እና ለአንድነት ነበር። አሁንም ያ አጥንት ትውልዱን ይወቅሳል። ባቡርማ ብርቅ አይደለም! ኢትዮጵያም ነበራት። ሶርያም ኢራቅም ነድታለች ዳሩ የህዝብ ረሀብ ነጻነት ሆነ እንጂ። ሶርያ ያላት ህንጻ፣መንገዷ፣ባብሯ እና ሀዲዷ ከመበታተን ከመሰባበር አላዳናትም።የሀገር ሀብት ዲሞክራሲ የሰፈነበት አገዛዝ የሆነ እንደሆን ብቻ ሀገር ይለማል። ሀብት እና ንብረታችን ነጻነት እና አንድነታችን ነው። የድል ክንዳችን መያያዛችን እና መቀባበላችን ብቻ ነው።

በወያኔ አለንጋ ደንዛዛ እንዲሆን የተመተተብት ትውልድ አፍዝ አደንግዙን ረግጦ ስለኢትዮጵያው ሊነቃ የሚገባበት ዘመን አሁን ነው። ባቡሩና ሀዲዱ መጥፎ ነው ለማለት አይደለም ስላስፈለገም ነው ከ98 ዓመት በፊት የተገነባው። ድሮስ ወያኔ የራሱን ሆድ ሲያጭቅ ድሆች ከፍርፋሪው ባቡር እና ሀዲድ እንደቡችላ ቢወረውርላቸው ምን ይከፋል። ይህ እኮ የወያኔ ካዝና ውድቅዳቂ እና ፍርፋሪ ነው።ፍርፋሪ ደግሞ ሆድ አይሞላም እንዲያውም ቢያስርብ እንጂ።ይህ ማታለያ  ወያኔ ሀፍረቱ እንዳይታይበት የለበሰው ብጣቂና ቅዱስ የመሰለበት ማስመሰያው  ነው። ተኩላ በበግ ለምድ እንዲከለል ሰይጣንም አውሬነቱን ለመደበቅ ራሱን እንዲከልል ወያኔም ነፍሰ ገዳይነቱን ለመደበቅ አዛኝ መስሎ የማይበስል ቅቤ ያነጉታል። ለኢትዮጵያ እድገት እና ልማት ለሀገሪቷ ፍቅር ያለው መሪ ህዝብን ነጻ ከማድረግ እና የእኩልነት መንፈስ በምድሪቷ ላይ እንዲሰፍን ከመትጋት ይጀምራል ። ነጻነት የሌለው ህዝብ ፎቅ ላይ ቢወጣ በባቡር ቢሳፈር ዳሩ እስረኞቹ ተሳፍረው እየሔዱ ነው ቢባል እንጂ ሌላ የማታለያ  መጠርያ ቢሰጠው በመጫኛ መጣል ይሆናል። እንዶሮዋ።

ዳሩ በግኡዛን ቁሳቁስ ብናምር ብንቆጠቆጥ ማን እርሱን ይጠላል። ግን እርሱ ሐብት አይደለም። አንድ ቀን ይከዳል። ምድሪቷ ድንገት ቢያስነጥሳት አሊያም ብትንጠራራ ከበላይዋ በብድር ገንዘብ ያንጋጠጠው ፎቅም በሉት ባቡር አሊያም ሌላ ግኡዝ የፍርስራሽ ቁልል ሁኖ ለመዛቅ ዕዳ ይሆናል። ስለዚህ ስለብልጽግና ስናወራ ስለ ገንዝብ ካወራን ስተናል ማለት ነው። ገንዘብ ኖሮህ ነጻነት ከሌለህ ፎቅ ገንብተህ በየደቂቃው የወያኔ አባት በጣረ ሞት መንፈስ እየመጣ ካስጨነቀህ ከዚህ በላይ ምስኪንነት የለም። ኢትዮጵያ በለጸገች አሊያም ብሩህ ጊዜ ከኢህአዴግ ጋር ብሎ ወያኔ ራሱን በራሱ ቢያንቆለጳጵስ የኢትዮጵያ ህዝብ ከዚህ የማባበያ እና የማታለያ ባዶ ዲስኩር ፊቱን ሊመልስ እና ሊነቃ ግድ ነው።

የሀገር ሀብት ፍትህ፣አንድነት፣እኩልነት፣ እና ለአንዲት ሀገር በአንድ ክንድ ለሀገር ሉአላዊነት የቆመ አንድ ህዝብ እንጂ ብሩም ወርቁም ነጻ ባልወጣ ሀገር አያምርም! አያደምቅም! የውሸት ነው። በአዲስ አባባ ላይ ብቻ የታየው ብልጭልጭታ ህጻኑ እንዳያለቅስ የተሰጠው ማታለያ ይመስላል። ኢትዮጵያ አዲስ አባባ ብቻ አይደለችም ። ከቤት እንሰሳት ጋር የውሀ ጥሙን ለመቁረጥ ወደወንዝ የሚርደው ህዝብ፣ ዛፍ ስር በድንጋይ ላይ ተቀምጦ ወጉ እንዳይቀር ሀ ሁ ሂ . . . እያለ ፊደል የሚቆጥረው፣ ለቀዶ ጥገና የ2 አመት ቀጠሮ የሚጠብቁ ታማሚዎች፣በየክፍለሀገራቱ ከልጅነት እስከእውቀት በበጋም በክረምትም መጠለያ ሳይኖራቸው በየጥጋጥጉ ቆሼ ተራ እየተመገቡ ያደጉት ሌላም ቢተረክ ጌዜ የማየበቃው ቁርቁዝና ከሁም በላይ ደግሞ ስለ ኢትዮጵያ እውነቱን እንዳይናገር የታፈነ እና የተለጎመ የታሰረ አንደበት የተጠራቀመባት ምድር ናት ኢትዮጵያ የሚትባለው። ይህች ናት በወያኔ የተቀረጸችው ኢትዮጵያ። ስለዚህም ነው አሁን የመንቃት ጊዜ እንደሆነ የምንናገረው። ኢትዮጵያውያንን እንደ ህጻን በብልጭልጭ ነገር የማታለል የወያኔ ዘመን ያክትም። ሀብታችን ባቡርና ፎቅ ሳይሆን አንድነት እና እኩልነታችን ነው። በመጀመሪያ ነጻነት!!!

እናቸንፋለን !!!

Biniam Gizaw (Norway)

biniamnor@gmail.com

The post ሀብታችን ነጻነት እንጂ ባቡር አይደለም appeared first on Zehabesha Amharic.

ዕድሜ ለማሕበራዊ ሚዲያዎችና ድህረ ገፆች፣ የሀገራችንና ያካባቢያችንን ሁኔታ የሚገልፁ በርካታ ፅሑፎች ስለሚወጡ ብዙ የማናውቃቸውንና የማንገምታቸውን ሀሳቦችና ትምህርቶች እናገኛለን። በተመሳሳይ መልኩ ሰሞኑን በተለያዩ ሚዲያዎችና ድህረ ገፆች ወጥተው ካነበብኩዋቸው ድንቅ ፅሑፎች ውስጥ “ይኸውና ኤርትራ ሞተች” ትግል ለሀገር ትንሳኤ” በሚል ዓቢይ ርእስ በፕሮፌሴር ተስፋፅዮን መድሃኔ የቀረበ ባለ 55 ገፅ ጥናታዊ ዘገባ ነው። ቀልቤን የሳበው በፅሑፉ የሰፈሩትን መሰረታዊ ጉዳዮችን በማንበቤ ብቻ አይደለም። በአርባ ዓመታት ውስጥ ከአንድ ኤርትራዊ ምሁር ይህን ዓይነቱ ሰበር አስተሳሰብ የያዘ ፅሑፍ በኢትዮያውያን መድረክ ላይ ሲቀርብ ለመጀመሪያ ጊዜ በመሆኑንም ጭምር ነው። የዛሬ አስተያየቴም የሚያተኩረው በዚሁ ጥናታዊ ፅሑፍ ላይ ነው። -- [ሙሉውን ለማንበብ እዚህ ይጫኑ]– 

The post የተማረ ይግደለኝ – ከ በላይ ገሰሰ (ያንባቢ አስተያየት) appeared first on Zehabesha Amharic.

ሠዓሊአምሳሉ ገ/ኪዳንአርጋው

amsalugkidan@gmail.com

አበባን በስጦታ ማበርከት ከእኛ የተወሰደ ባሕል መሆኑን ያውቃሉ?

ቫላንታይንስ ዴይ (ፍቅረኞች ቀን) ከወደ ምዕራቡ ከተዋስናቸው ወይም ከተጫናቸው በዓላት አንዱ ነው፡፡ ይህ በዓል በእኛ ዘንድ አሁን ያገኘውን ያህል ተቀባይነት እንዲያገኝ ከማድረግ አንጻር የብዙኃን መገናኛዎች በተለይም የኤፍ ኤም ሬዲዮዎች(ነጋሪተ ወጎች) ዐቢዩን ሚና ተጫውተዋል፡፡ ከቅርብ ጊዜ ወዲህ ደግሞ የብሔራዊው የብዙኃን መገናኛውና ሌሎች የሬዲዮ (የነጋሪተ ወግ) ጣቢያዎችም እንደዚያው ቁምነገሬ ብለው ይዘውታል፡፡ የብዙኃን መገናኛዎች በተለይም የኤሌክትሮኒክሱ (በአየር ሞገድ የሚሠራጨው) በመልካም ጎንም ይሁን በመጥፎ ጎን ለሚመጣ ውጤት ታላቅ ጉልበት አላቸው፡፡ ከዚህ አንጻር ባጠቃላይ ለደረሰብን የባሕል ወረራና ጥቃት በዚህ የብዙኃን መገናኛ ከበጣም ጥቂቶቹ በስተቀር “የመዝናኛ ዝግጅት” በሚል ሥያሜ የአየር ሰዓት የወሰዱ እንደዜጋ የሀገርንና የሕዝብን እሴት ሀብት የመጠበቅ ኃላፊነትና ግዴታ እንዳለባቸውና እንዴትም እንደሚጠበቅ ምንም የማያውቁ ወይም መጠበቅ የማይፈልጉ ከመናኛ የግል ጥቅማቸው ባለፈ ይሄንን ከባድ ኃላፊነት ለመረዳት የአቅም ውስንነት የገደባቸው አዘጋጆች ይሄንን ዕድል ለነሱ ከሰጧቸው አካላት ቀጥሎ ተጠያቂዎች ናቸው፡፡ ከእነዚህ ግለሰቦች ጀርባም ደግሞ ጨርሶ ኃላፊነት የማይሰማቸው የተለያዩ ስግብግብ የንግድ ወይም የአገልግሎት ሰጪ ድርጅቶች አሉ፡፡

ቫላንታይንስ ዴይ (የፍቅረኞች ቀን) ከባሕላችን አንጻር እንዴት ይታያል?

ቫላንታይንስ ዴይ ይጠቅማል አይጠቅምም ወደ ሚለው ከመሔዴ በፊት ይሔንን ማየት አስፈላጊ ነው፡፡ ባሕላችን በነገራችን ላይ “ባሕላችን” ብየ ስል ንጥሩን(ኦሪጂናሉን) ማለቴ እንጅ ለምሳሌ አሁን አዲስ አበቤ ነን የምንለው እየኖርነው ያለውን በዘመናዊነት ሽፋን በባዕዳን ባሕል የተበከለውን ወጥነት ያጣውን ባሕል ማለቴ አይደለም፡፡ ከዚህ አንጻር ስናየው ሲጀመር ባሕላችን ፍቅረኝነትን ማለትም ከጋብቻ ውጪ ወይም በፊት የሚደረግን ፆታዊ ወዳጅነትን የሚያውቅና የሚፈቅድ አይደለም፡፡ በእኛ ባሕል የፍቅር ሕይዎት የሚኮመኮመው በትዳር ውስጥ ነው፡፡ በእርግጥ ባሕላችን እጮኝነትን ያውቃል፡፡ ይሁን እንጂ የእጮኝነት ወቅት እሷ የሱ እሱ የእሷ መሆናቸውን ከማረጋገጥ ባለፈ የፍቅር ሕይዎት ሊባል በሚችል ደረጃ ፍቅር የሚኮመኮምበት አይደለም፡፡ በመታቀብ ውስጥ ሆነው አንድ የሚሆኑበትን ቀን የሚጠብቁበት ወቅት ነው እንጂ፡፡

ይህ ቁጥብነት የተሞላበት ክቡር ባሕላችን ምን ያህል ክብርን፣ አካላዊና ሥነ-ልቡናዊ ንጽሕናን የጠበቀ እንደሆነ ከጋብቻ በፊት በሚደረጉ ፆታዊ ግንኙነቶች ከሚፈጠሩ ውስብስብ ችግሮች የጸዳ እንደሆነ መረዳት የሚሳነው ሰው ይኖራል ብየ መገመት እቸገራለሁ፡፡ ይህ በሆነበት ሁኔታ ከባሕላችን ጋር ተቃርኖና ተጻርሮ ያለውን ግላዊና ማኅበራዊ ሕይዎታችንን አደጋ ላይ የሚጥልን ምዕራባዊ ባሕል ለማዋሐድ መሞከር ምን ያህል የተሳሳተ ብቻ አይደለም ኃላፊነትና ማስተዋል የጎደለው እንደሆነ ግልጽ ይመስለኛል፡፡ ይህንን የምዕራባዊያን ድርጊት ወይም ባሕል መዋሱ ትክክል ይሆን የነበረው ከላይ የገለጽኩት ባሕላችን የተገለጸውን ዓይነት መሆኑ ከሞራል(ከግብረ-ገብ)፣ ከሥነ-ምግባር፣ ከላቀ ሰብእና እነፃ፣ ከሃይማኖታዊ አስተምህሮዎች ወዘተ. አንጻር ችግር ያለበትና ነውረኛ ቢሆን ነበር፡፡ እንደምናየው ግን ያለው እውነታ የሚያሳየው ይህንን አይደለም፡፡ ከጋብቻ ውጪ ፆታዊ መወዳጀትን መቀበላችን የሰውን ክቡርነት፣ የሕይዎትን ዋጋ ውድነትና ልዕልና ተቀብሎ ከተቀረጸው የጸዳና ኃላፊነት የተሞላበት ወይም የሚሰማው ባሕላችን መተዋችን የዚህን ተቃራኒ ውጤት ወደሚያመጣ መሔዳችን መውረዳችንን መዝቀጣችንን እንጂ ከፍ ማለታችንን መላቃችንን የሚያሳይ አይደለም፡፡ በመሆኑም ያለንን የነበረንን ባሕል ልንንቅ ልንለቅና ልንለውጥ የምንችልበት አንድም አመክንዮ የለም ማለት ነው፡፡ ይህ በሆነበት ሁኔታ ይሄንን የባዕድ ባሕል ወደ ባሕላችን ስንቀላቅል እጅግ መሳሳትና መውረድ መሆኑ እርግጥ ነው ማለት ነው፡፡ ምንጊዜም ቢሆን በአመክንዮ ያልደገፍነው ወይም ልንደግፈው ያቃተን አስተሳሰብ ሥራ ላይ ስናውል ችግር ማጋጠሙ ዋጋ ማስከፈሉ የማይቀር ይሆናል፡፡ ምናልባት ይህ የጸዳው ባሕላችን የኑሮ ዘይቤ ጊዜ ያለፈበትና በዚህ ዘመን የሚኖረውም የሌለ ተደርጎ ይታሰብ ይሆናል የሚል ሥጋት አለኝ፡፡ ነገር ግን ፍጹም የተሳሰተና ያሉ ነባራዊ ሁኔታዎችን ያላገናዘበ እንደሆነ አበክሬ ማስገንዘብ እወዳለሁ፡፡ በአሁኑ ሰዓት ከኢትዮጵያ ሕዝብ 85% በገጠሪቱ ኢትዮጵያ የሚኖርና ይህ የእኛ ባሕል ነው ብየ የገለጽኩትን የኑሮ ዘይቤ የሚኖር ነው፡፡ በባሕል መበረዝ እየተበከለ ያለው ሕዝብ በተቀረው 15% ከተማ ነዋሪ ያለው ሕዝብ ነው፡፡ ያም ቢሆን ሁሉም የከተማ ነዋሪ ለባሕል መበረዝ እጁን የሰጠ ነው ለማለት አይቻልም፡፡ በመሆኑም ስለዚህ ባሕላዊ እሴታችን መጠበቅ መከበር ማንሰራራት ለማውራት መምሸት አይደለም ገናም አልረፈደም፡፡

አንድ ጊዜ ምን ገጠመኝ መሰላቹህ ከፌስ ቡክ (ከመጽሐፈ-ገጽ) ጓደኞቸ አንዱ አንድ ፎቶ(ምስለ አካል) ለጥፎ ዐየሁ፡፡ በምስለ አካሉ ላይ ላሊበላ ቤተ ጊዮርጊስ ቤተክርስቲያን ላይ የባሕል ልብስ የለበሱ ወንድና ሴት ሆነው ወንድየው ከሴቷ ፊት ተንበርክኮ የጋብቻ ቀለበቱን እያሳያት እሷ በድንገቱ በመገረም አፏን በእጇ ጭና ያሳያል፡፡ በዚህ ምስለ አካል በርካታ የመጽሐፈ ገጽ ተጠቃሚዎች ደስ በመሰኘት ምስለ አካሉን ተጋርተው በየራሳቸው መጽሐፈ ገጽ ለጥፈውት ነበር፡፡ እኔ ግን ነገሩ አልተመቸኝም ነበርና ከስሩ ይሄንን አስተያየት አሰፈርኩ፡፡

ወንድሜና እኅቴ በቅድሚያ ለዚህ ስላበቃቹህ እንኳን ደስ አላቹህ፡፡ ስቀጥል የተሰማኝን እንድገልጽ ከፈቀዳቹህልኝ እኔ በዚህ ምስለ አካል ላይ አልተደሰትኩም፡፡ ምናልባት የባህል ልብስ ባታደርጉና ቦታውም ሌላ ቦታ ቢሆን ትንሽም ቢሆን መከፋቴን በቀነሰልኝ ነበር፡፡ ነገር ግን የባሕል ልብሳችንን ግጥም አድርጋቹህ እንዲህ አምሮባቹህ በዚህ በተቀደሰውና የኢትዮጵያዊነትን ልዕልና በሚመሰክረው ቦታ ላይ ከምዕራቡ ዓለም የተወሰደን ድርጊት መፈጸምህ ምን ያህል እንዳመመኝ ለመግለጽ እቸገራለሁ፡፡ እንደምታውቀው የኢትዮጵያ ቤተክርስቲያን ኢትዮጵያዊ የሆኑ እሴቶችን ሁሉ በመቅረጽ በመጠበቅና በመንከባከብ ትታወቃለች፡፡ ይሄንን ተግባር ስትፈጽምም ሌላ ፈጻሚ አካል ኖሮ ሳይሆን እኛው ልጆቿ አባቶቻችንን ፊት አውራሪ አድርገን ነበር ይሄንን ከባድ ኃላፊነት ስንወጣ የኖርነው፡፡ ነገሩ እንዲህ ሆኖ ሳለ ታዲያ እንዳለፉት ትውልዶች ሁሉ ማንነቱን ይጠብቅ ዘንድ ይልቁንም አሁን ካለብን በሉላዊነት(globalization) ከተሸፈነ ጫናና የባሕል ወረራ አንጻር ካለፉትም ትውልዶች በተሻለ ብቃትና ጥንካሬ ማንነቱን ለመጠበቅ ከባድ የታሪክ ኃላፊነት ከተጣለበት ከዚህ ትውልድ አካል የሆናችሁት ከባሕላችን ውጭና ባዕድ የሆነን ድርጊት የኢትዮጵያዊነትን ልዕልናና ድል በሚመሰክረው ሥፍራ ላይ ስታደርጉት ሳይ በጦርነት ድል ተደርገን በግዛታችን ላይ የጠላት ሰንደቅ ቢውለበለብ ሊሰማህ የሚችለውን ዓይነት የሚተናነቅ ስሜት ነው የተሰማኝ፡፡

በእኛ ባሕል እንዲህ ዓይነቱ ድርጊት ቦታ የለውም ሲጀመርም አንተ እሷን እሷም አንተን ስትቀራረቡ በምን ዓይነት አቀራረብ ለምን ዓይነት ጉዳይ እንደሆነ ማለትም ለትዳር መሆኑን ተማምናቹህ አስቀድሞ የጨረሳቹህት ወይም እንደምትጨርሱት የሚጠበቅ የሚታሰብ በመሆኑ ይህ ድርጊትህ ከባሕላችን አንጻር በጣም የራቀና የተሳሳተ ነው፡፡

ወደ ምዕራቡ ዓለም ዜጎች ስትሔድ ግን አንድ ወንድና ሴት በፍቅር መጎዳኘት ሲያስቡ ሦስት አማራጮች ክፍት በሆኑበት ሁኔታ ነው፡፡ ምን ማለቴ መሰለህ ትዳር የሚለው ነገር ከፊት ለፊት ያለ አማራጭ ሳይሆን መጨረሻ ደረጃ ላይ ያለ አማራጭ ነው፡፡ በየደረጃው አንደኛውን አማራጭ እየኖሩ ግንኙነታችን ተመችቶናል ወደሚቀጥለው ደረጃ ይደግ እያሉ ነው መጨረሻ ላይ ትዳር ላይ የሚደርሱት፡፡ ትዳር ብለው የሚሉትም የእኛ ባሕል ለትዳር እንደሚሰጠው ትርጉምና ክብር ክብደት ዓይነት እንዳይመስልህ፡፡ በተመሠረተ በቀናት ልዩነት ሁሉ ሊፈርስ ይችላል፡፡ ትዳራቸው ጣጣውና ችግሩ ብዙ ነው ይሄን ለመዘርዘር ጊዜ የለኝም ዋነኛው ችግሩ የሚመነጨው ግን አስቀድሞ በነበረው ግንኙነት ወቅት ፍቅራቸውን አጣጥመው ጨርሰው አርጅቶ ስለሚገቡበት ትዳር ውስጥ አዲስ ነገር በማጣት በቀላሉና ወዲያው የመሰለቻቸት ችግር ከማጋጠሙ የተነሣ ነው፡፡

ከእነዚህ ሦስት አማራጮች የመጀመሪያው አማራጭ ላልተወሰነ ጊዜ በመሀከላቸው ጥል ተፈጥሮ እስኪራራቁ ጊዜ ድረስ ወሲብን ጨምሮ በፍቅር ውስጥ ልንፈጽማቸው ይገባናል የሚሏቸውን ነገሮች ሁሉ እየፈጸሙ የሚኖሩበት አማራጭ ነው፡፡ ግንኙነቱ የፍቅር ጓደኝነት(love friend ship) ይባላል፡፡ በዚህ ሕይዎታቸው ደስተኞች ከሆኑ ልክ አሁን አንተ እንዳደረከው ወንድየው ተዘጋጅቶበት ይቆይና በድንገት የጋብቻ ቀለበቱን በማውጣት ግርምት ወይም ድንቀት(surprise) በመፍጠር ጥያቄውን ያቀርባል፡፡ ሴቲቱ ያሳለፉት ሕይዎት ለሷም ከተመቻት ፈቃደኛነቷን በመግለጽ በእሽታ ትቀበለውና ለጋብቻ ይበቃሉ ማለት ነው፡፡ ከሁለቱ አማራጮች መሀል ደግሞ አንድ ሌላ አማራጭ አላቸው እድሜአቸው ገፋ ሲል ወይም ደግሞ ፍቺ የፈጸሙ የሚኖሩት ኑሮ ነው እሱም ልክ ትዳር እንደመሠረቱ ጥንዶች ሁሉ ወንዱና ሴቷ ትዳር ሳይመሠርቱ በአንድ ቤት የሚኖሩበት አማራጭ ነው፡፡ በዚህ ዓይነት ሕይዎት ሲኖሩ ግንኙነቱን የወሲብ አጋርነት(sexual partner ship) ይሉታል ወንዱ ሴቷን አጋሬ ሲላት ሴቷም ወንዱን እንደዚያው፡፡ ሲበቃቸውም የሚቀደድ ሰማኒያ ሳይኖር በቅተሽኛል በቅተኸኛል ሳይባባሉ እንደወጡ የሚቀሩበት የግንኙነት ዓይነት ነው፡፡

ወንድሜ ከእነዚህ ደረጃዎች ጀርባ ከሃይማኖትና ከባሕል አንጻር የሚወገዙ ስንት አስተሳሰቦች አሉ መሰለህ፡፡ እንዱንና ዋነኛውን ብነግርህ “መጣጣምን” ለማወቅ ሲባል እንደሆነ ያወራሉ፡፡ እንግዲህ ከነዚህ ከነዚህ ጉዳዮች አንጻር ነው ይህ አሁን አንተ ያደረከው ድርጊት ያልተመቸኝ፡፡ ከጀርባው እንዲህ ያለ ከእኛ ባሕልና ሃይማኖት አንጻር የሚቃረን የሚወገዝ የማይበረታታ የሕይዎት ጉድ ያለበት በመሆኑ ይህ ያደረከው ነገር ትክክል አይደለም፡፡ ምናልባት ግን ይህ ያደረከው ነገር ምንም እንኳ የምዕራባዊያኑ እንጂ የእኛ ባይሆንም ቅሉ በገለጽኩት ዓይነት የምዕራባዊያን የፍቅር ሕይዎት ሳታልፉ ማለትም ከጋብቻ በፊት በግብር ሳትተዋወቁ (ወሲብ ሳትፈጽሙ) ቆይታቹህ በእግዚአብሔር ቤት እንዲህ ዓይነቱን ቃል የተቀደሰ ጥያቄ ባቀርብ ተገቢ ነው ብለህ አስበህ ጥያቄውን አቅርበህ ከሆነ ይቅርታህ ይድረሰኝ፡፡ ነገር ግን እሱም ቢሆን አሁንም በባሕላችን በሃይማኖታችንም ቀለበት የሚታሠረው በካህን ቡራኬ በመሆኑ ይህ የገለጽክበት መንገድ ትክክል አይደለም ማለት ነው፡፡ እናም ወንድሜ ግድ የለህም ይህ ምስለ አካል(ፎቶ) በተለይ ደግሞ በእግዚአብሔር ቤት የባሕል ልብሳችንን በለበሳቹህ ምእመናን መፈጸሙ ምን ያህል ለምዕራቡ ዓለም የባሕል ወረራ መንበርከካችንን መሸነፋችንን መማረካችንን እጅ መስጠታችንን ነውና የሚያሳየው እባክህን አንሣው? ብየ አስተያየቴን አሠፈርኩ፡፡ እሱም እግዚአብሔር ይስጠውና ጥፋት መሆኑን ተረዳ መሰለኝ ያንን ምስለ አካል ወዲውኑ አነሣው፡፡

እንግዲህ ቫላንታይንስ ዴይ ተብሎ እየተከበረ ያለው የምዕራባዊያኑ በዓል በእንዲህ ዓይነት “የፍቅር” ገጽታና ቅኝት ስለሆነና እዚህም እየተከለ ያለው ተመሳሳዩን ገጽታና ቅኝት በመሆኑ ሃይማኖታዊ አስተምህሮን መሠረቱ ካደረገው ባሕላችን ጋር ፍጹም የማይስማማና የማይጠቅምም ሆኖ እናገኘዋለን፡፡ ለነገሩ በምዕራቡም ዓለም ቢሆን ይህ በዓል ሙሉ ለሙሉ ተቀባይነት ያለው በዓል አይደለም፡፡ የዚህ በዓል ታሪካዊ ዳራ የካቶሊኮች ከመሆኑ ጋር ተያይዞ ፕሮቴስታንቶች አይቀበሉትም፡፡ እነዚህ ሁለቱ እምነቶች “በሃይማኖት” ልዩነት ምክንያት በተለያየ ጊዜ እስከ ቅርብ ጊዜ ድረስ አውሮፓ ጦርነት ወይም ግጭት እስከማድረግ የደረሱ ከመሆናቸው ጋር ተያይዞ አንደኛው ለሌላኛው እሴት አክብሮት የለውም፡፡ በመሆኑም ፕሮቴስታንት የሆኑ ሀገራት ቦታ የሚሰጡትና የሚያስቡት በዓል አይደለም፡፡ ጨርሶም የማያውቁት አሉ፡፡

የአበባ ስጦታና ባሕላችን ያላቸው ግንኙነትና ቁርኝት?

ከቫላንታይንስ ዴይ ጋራ ተያይዘው ከሚከወኑ ኩነቶች ውስጥ የስጦታ ልውውጥ በተለይም የአበባ ስጦታ ነው፡፡ ብዙ ሰዎች እኛ ኢትዮጵያዊያን የአበባ ስጦታ የማበርከት ባሕል እንደሌለን አድርገው ያስባሉ፡፡ እውነታው ግን ከዚህ በእጅጉ የተለየ ነው፡፡ እንዲያውም ሲመስለኝ ሲመስለኝ ፈረንጆቹ አበባን የማበርከት ባሕል የወሰዱት ከእኛ ነው፡፡ ምክንያቱም እኛ በባሕላችን ምድረ አውሮፓ ከነመፈጠሩ እንኳ በማይታወቅበት ዘመን ለተለያዩ ጉዳዮች አበባን የማበርከት ልማድ ወይም ባሕል ስንፈጽም እንደኖርን ታሪካችን ያስረዳናልና፡፡ በቤተክርስቲያናችን ማለትም በኢትዮጵያ ቤተክርስቲያን አበባ እጅግ የከበረ ስጦታ ነው፡፡ እንደሚታወቀው ኢትዮጵያዊ ባሕል ወይም እሴት ነው ተብሎ የሚታወቀውን ባሕልና እሴት በመቅረጽ በኩል የኢትዮጵያ ቤተክርስቲያን ሚና ጎልቶ ይታያል፡፡ ያሉንን ኢትዮጵያዊ መገለጫ ያላቸውን ባሕላዊ በዓላትና ኩነቶችን መለስ ብለን ብናጤን ሃይማኖታዊ አሻራ የሌለበት አንድም እንኳን አታገኙም፡፡ በኢትዮጵያ ቤተክርስቲያን አበባ ለየት ያለ ሥፍራና አግልግሎት አለው፡፡ ለአብነት ያህል ሦስቱን እጠቅሳለሁ፡-

1. ቤተክርስቲያን ካሏት አጽዋማት ውስጥ ዋነኛ በሆነው በዐቢይ ፆም መጨረሻ በሕማማት ሳምንት የጌታችን የአምላካችን የመድኃኒታችን የኢየሱስ ክርስቶስ ስቅለት በሚታሰብበት ቀን በመስቀሉ ስር ላይ ጽጌረጋ አበባ በመነስነስ ለክርስቶስ እንዲበረከት “ግብረ ሕማማት” የሚባለው መጽሐፍ በሚያዘው መሠረት በየዓመቱ ይህ ይፈጸማል፡፡
2. “ጽጌ” ፆምን የተመለከተው ነው፡፡ የጌታንና የተወዳጅ እናቱን ወደ ግብጽ መሰደድ ለማሰብ የሚፆም ፆም ነው፡፡ የዚህች ፆም ሥያሜ “ጽጌ” የሚለው ቃል ሲተረጎም አበባ ማለት ነው፡፡ የዚህ ምክንያቱ ቅዱሳን አባቶቻችን በመጻሕፍቶቻቸው እመቤታችንን በአበባ ስለመሰሏት አንዱ ምክንያት ሲሆን ልላኛው ምክንያት ደግሞ ወቅቱ የአበባ ወቅት ስለሆነ በወቅቱ ሲጠራ ነው፡፡
3. ሌላኛው ደግሞ በኢትዮጵያ ቤተክርስቲያን አንድ ዓመታዊ በዓል አለ መስከረም 10 ይውላል፡፡ ሥያሜው “ተቀጸል ጽጌ” (አበባን ተቀዳጅ) ይባላል፡፡ ቤተክርስቲያን ንጉሡን እንኳን ለአዲሱ ዓመት አደረሰህ የምትልበት በዓል ነው፡፡ የጸሎቱና የቅዳሴው ሥርዓት ከተፈጸመ በኋላ ካህናት በደመቀ የዝማሜ፣ የማስረገጥ፣ የወረብ፣ የሽብሻቦ፣ መዝሙር ታጅቦ ንጉሡንና ንግሥቲቷን እንኳን አደረሳቹህ በማለት አበባ የሚያበረክቱበት በዓል ነበር፡፡

በተጨማሪም ሃይማኖታዊ ብቻ ሳይሆኑ ባሕላዊ ከሆኑትም በዓላቶቻችን ሁለቱን ስጠቅስ አንደኛው ድርጊቱ ከንግሥተ ሳባ ና ከእንቁጣጣሽ ታሪክ ጋራ ተያይዞ ይጠቀስ እንጂ ከዚያ አስቀድሞም ይፈጸም እንደነበረ ይገመታል፡፡ እሱም ልጃገረዶች የአበባየሁሽን ጭፈራ እየጨፈሩ የአበባ ስጦታን ለወላጅ ለጎረቤት ለዘመድ አዝማድ እንኳን አደረሳቹህ እያሉ የሚያበረክቱበት በዓል ነው፡፡ ሌላኛው ደግሞ የመስቀል በዓል ነው፡፡ የመስቀል በዓል ሲከበር ደመራው የእኛ ብቻ በሆነውና ሌላ ቦታ ጨርሶ በማይበቅለው ሁሌም አዲስ ዓመትን በሚያበስረን አደይ አበባችን አጊጦ የሚደመረው በዓል ነው፡፡ እናም እነኝህ እነኝህ መረጃዎች እንደሚያረጋግጡት የአበባና የሐበሻ ቁርኝት ቀደምቱና ጥንታዊው ታሪካችን ከሚጀምርበት አንሥቶ የነበረ በመሆኑ ከማንኛውም ሀገር የላቀና ለሌሎቹ አርአያ እንደሆነ በቀላሉ መታዘብ ይቻላል፡፡ የዚህ ዘመን ሰው ግን እንዲህ ዓይነት ታሪኮቻችንን ስለማያውቅ የአበባ ስጦታ ወይም አበባን ማበርከት የእኛ ባሕል ያልሆነ ከባእድ የመጣ ይመስለዋል፡፡ እውነቱ ግን ከላይ እንደተገለጸው ነው፡፡ እናም አበባ ስታበረክቱ የእኛን የራሳችንን ባሕል እየፈጸማቹህ እንደሆነ በማሰብ እንጅ ከፈረንጅ በተውሶ የመጣን ባሕል እየፈጸማቹህ እንደሆነ ተደርጎ እንዳይታሰብ መጠንቀቅ ያሻል፡፡

ይህ “ቫላንታይንስ ዴይ” ባዕዳዊ በዓል ከማኅበራዊ ሕይዎት አንጻር እንዴት ይታያል?

ይህንን በዓል ከማኅበራዊ ሕይዎትም አንጻር ስናየውም የምንጎዳበት ወይም የምናጎልበት እንጂ የምናተርፍበት ሆኖ አናገኘውም፡፡ ብዙዎቻችን እንደታዘብነው ሁሉ በዚህ በዓል ቀን ወላጅና ልጅ ግጭት ውስጥ የሚገቡበት ሁኔታ ይፈጠራል፡፡ ችግሩ ጎልቶ የሚታየው ለአቅመ ሔዋን ባልደረሱ ሴቶች እኅቶቻችን ላይ ነው፡፡ በዚህ የእድሜ ደረጃ ያሉ ልጆችን በዓሉ በዚያ ሳቢና አባባይ ድምቀት ሲከበር ሲያዩ በሚፈጥርባቸው መነሣሣትና ጉጉት ያለ ወንድ ጓደኛ መሆናቸው ባዶነትና ወደ ኋላ መቅረት ወይም ያለመሠልጠን ሆኖ እየታያቸው ያለ ዕድሜያቸው የወንድ ጓደኛ እንዲይዙ ከባድ ጫና እያሳደረባቸውና ችግር ላይ እየጣላቸው ይገኛል፡፡ ጓደኛ ከያዙም በኋላ በሌሎች ጊዜያትም ሆነ በበዓሉ ቀንም በዓሉን ለማክበር በሚል ከወንድ ጓደኞቻቸው ጋር በሚሔዱባቸው ቦታዎች ላልጠበቁትና ላልፈለጉት ችግር መዳረጋቸው የተለመደ ዜና ሆኗል፡፡ በአሁኑ ሰዓት ኤድስን ጨምሮ በሚከሰቱ የተወሳሰቡ ተያያዥ ችግሮች ቅድመ ጋብቻ ምንም ዓይነት ግንኙነት አለመጀመር መፍትሔ መሆኑ በታመነበት ዘመን ይሄንን መግባባት አፍርሶ እንደገና ወደ ኋላ የሚመልስን አፍራሽ ተግባር መከወን እውነት ያለመብሰል ብቻ ሳይሆን የለየለት ጠላትነትም ነው፡፡

በመጨረሻም ይሄንን ጣጣ ላመጡብን ምን እየሠሩ እንደሆነ በውል ለይተው ለማያውቁት “የመዝናኛ ዝግጅት” አዘጋጆች ማስገንዘብ የምሻው ጉዳይ አለ፡፡ አንድን ነገር ከሌላ አምጥታቹህ ከመዘርገፋቹህ በፊት እባካቹህ ከተለያየ አቅጣጫ ለመመርመር ሞክሩ፡፡ ይህን በማድረጋቹህ የምትጠቀሙት ነገር ቢኖርም እንኳ በሀገርና በሕዝብ ላይ የሚፈጥረው ችግር የእናንተም መሆኑ አይቀርምና አስፍታቹህ ለማሰብ ሞክሩ፡፡ በአሁኑ ሰዓት ይሄንን ዕድል የሰጧቹህን አካላት ከመለመን ከማሳሰብ ከማስገንዘብ ይልቅ እናንተን መለመኑ ማሳሰቡ ሳይሻል አይቀርም፡፡ አነሱ እዛ ላይ ቁጭ ብለው ምን እንደሚሠሩ እንደሚውሉ አልገባ ብሎኝ በጣም ተቸግሬያለሁ፡፡ እናም ወደናንተው ልመለስና እንዲሁ ስታስቡት የቸገረን ነገር ይሄና መሰል ድርጊቶች ናቸውን? ከዚህ ይልቅ ምናለ በቸገረንና ሊኖረን በሚገባው ነገር ላይ ብታተኩሩ ብትተጉ ብትረባረቡ? እንዲህ እንደቀላል የሚወራ ወሬ ስታጡ የአየር ሠዓት ለመሙላት ብቻ ቀበጣጥራቹህት የምትወጡት ነገር ለእናንተ ቀላል መስሎ ቢታያቹህም ሀገርን ማፈራረስ የሚያስችል አቅም አለው እያፈራረሰንም ይገኛል፡፡ እንደዜጋና እንደሚያስብ ሰው ይሄንን ላትረዱ የምትችሉበት ምንም ዓይነት ምክንያት ይኖር አይመስለኝም፡፡ ከስሜታዊነት ይልቅ ዕውቀትን ከግል ጥቅም ይልቅ ሀገርንና ሕዝብን የማስቀደም የሐሳብ መሠረት ላለው ሰው ይህ ፈጽሞ የሚቸግር ጉዳይ አይሆንም፡፡

ልጆች በተለይም ሴቶች በትምህርት ላይ እያሉ ወደ እንደዚህ ዓይነት ግንኙነት እንዲገቡ የማይመከረው ያለወቅቱ ወሲብ በመጀመራቸው ምክንያት ከወሲብ ጋራ ተያይዘው ተግተልትለው ከሚመጡት ዓይነተ ብዙ ሕይዎትን ከሚያሰነካክሉ ከባባድ ችግሮች ባሻገር ትኩረታቸው ሙሉ በሙሉ ስለሚሰርቅ አቅጣጫውን ስለሚያስተው ነው፡፡ ትምህርት በራሱ የሙሉ ጊዜ ሥራ ነው ሙሉ ጊዜን ለትምህርት አትኩሮት ሰጥተውትም ከስኬት ለመድረስ ስንት ፈተናዎች አሉት በዚህ ላይ ያለጊዜው ያለ ቦታው ፍቅር ውስጥ ከተገባ ለትምህርት ልንሰጠው የሚገባው ትኩረት ከመሰረቁ ጋር በተያያዘ ምን ያህል የብቃት መውረድ መንሸራተት መጎዳት ሊያጋጥም እንደሚችል በሁሉም ሰው ግንዛቤ ውስጥ ያለጉዳይ ነው፡፡ ፍቅር ቀናተኛ ነው ሙሉ ትኩረት ስጡኝ ባይ ነው፡፡ እንቅልፍና ምግብ እስከመከልከል ከዚያም አልፎ እስከማሳበድም ይደርሳል፡፡ ታዲያ እንዲህ ዓይነት ነገር ውስጥ ተገብቶ ትምህርን ያህል ከባድ ሥራና ኃላፊነት ወይም ጥናት እንደምን በብቃት መወጣት ይቻላል? ይሄም በመሆኑ ነው በተለይ ሴቶቻችን በየከፍተኛው የትምህርት ተቋማቱ የገቡትን ያህል ሳይሆን ለመጥቀስ በሚያሳፍር እጅግ በጣም እጅ ብቻ ለመመረቅ የሚበቁት፡፡ ከዚህ ችግር አምልጦ በትምህር መስክ ለስኬት ለመብቃት ያለው ብቸኛ አማራጭ ይደረስበታል የራሱ ጊዜ አለው በሚል የበሰለና አርቆ ማሰብ የታከልበት ውሳኔ ፍቅርን ከትምህርት ወይም ከምረቃ በኋላ መቅጠሩ ብቻ ነው፡፡ እንደምናየውም ትምህርታቸውን በብቃት ተወጥተው በግሩም ነጥብ የሚመረቁት እራሳቸውን ከእንደዚህ ዓይነት ጉዳይ የቆጠቡት ናቸው፡፡

ወጣቱ ከዚህ የበሰለ ውሳኔ ደረጃ ላይ እየደረሰ በላቀ ብቃት ህልሙን እንዲያሳካ ለማስቻል የሁሉም ርብርቦሽ እጅግ አስፈላጊ ነው፡፡ በተለይም የብዙኃን መገናኛው እጅግ ከባድ ኃላፊነት አለበት፡፡ እዚያ ላይ የተቀመጡ የየዝግጅቱ አዘጋጆች ባለሞያዎች ለመልካም ሰብእና ምሳሌና አርአያነት ያላቸው ሊሆኑ የግድ ያስፈልጋል፡፡ በዚህ ደረጃ የሚታዩ ካልሆኑም ሁለተኛው አማራጭ ካሳለፉት ከየግል የሕይዎት ተሞክሮዎቻቸውና ከውድቀት ጥንካሬዎቻቸው ወጣቱ እንዲማር የማድረግ ከባድ ኃላፊነት አለባቸው፡፡ ነገር ግን እኛንም የበላ ጅብ ይብላቹህ በሚል የደነቆረና እጅግ ኃላፊነት የጎደለው የምቀኝነት ፈሊጥ ምኑንም የማያውቀውን ወጣት ወዳልተፈለገ አቅጣጫ እንዲነጉድና እንዲጠፋ ማድረግ ቃል ሊገልጸው የማይችለው ድንቁርናና ከጠላትነት የከፋ ጠላትነት ነው፡፡

ከዚህ ሁሉ ነገር በኋላ የተገለጹት ቁም ነገሮች ለማይዋጡለትና መናኛ የግል ጥቅሙ የሚበልጥበት የጥፋት ዓላማ ላለው የመከነ ዜጋ ግን መድኃኔዓለም ክርስቶስ ልብ ይስጥልን ልብ የማይገዙና ሰይጣን ያገበራቸው ከሆኑ ግን ሳያጠፉን በፊት ይቅደምልን ጉልበታቸውን ቀጤማ ያድርግልን ከማለት ውጪ ምን ማለት ይቻላል ወገን?

ኢትዮጵያ ለዘለዓለም ትኑር!!!

The post ቫላንታይንስ ዴይ (የፍቅረኞች ቀን) appeared first on Zehabesha Amharic.

ሠዓሊ አምሳሉ ገ/ኪዳን አርጋው

amsalugkidan@gmail.com

ላልቀረልን ሀገርንና ሕዝብን የመታደግ ትግል ተነሡ!

ሠዓሊ አምሳሉ ገ/ኪዳን አርጋው

ሥልጣንን ይዞ ሀገርንና ሕዝብን ለማሥተዳደር ሁለት የትግል አማራጮች አሉ፡፡ በሀገራችን ሁለቱም ዓይነቶች በሚገባ ይታወቃሉ ተሞክረዋልም፡፡  አንደኛው ሕዝብ በሚያደርገው ምርጫ የመንግሥትነት ሥልጣንን መያዝ መሠረቱ ያደረገው ሰላማዊ የትግል አማራጭ ሲሆን፡፡ ሁለተኛው ደግሞ ይህ ሰላማዊ የትግል አማራጭ ዝግ ሲሆን ወይም ሊሠራ በማይችልበት ጊዜ በሕዝብ ላይ በኃይል የተጫነን አንባገነን አገዛዝን በኃይል ለማስወገድ የሚደረግ የኃይል እንቅስቃሴዎችን መሠረቱ ያደረገ የትጥቅ ወይም የዐመፅ የትግል አማራጭ ነው፡፡ እስኪ ሰላማዊው የትግል አማራጭ በዘመነ ወያኔ ምን እንደሚመስል በአጭሩ ዕንይ፡፡

ወያኔና ምርጫ፡-

በዘመነ ወያኔ ምርጫ እየተባለ ለአራት ጊዜያት ያህል በሕዝብና በሀገር ላይ ከባድ ቀልድና ሹፈት ሲቀለድና ሲሾፍ ሲፌዝ ተቆይቷል አሁን ደግሞ ለአምስተኛ ጊዜ እየተሾፈና እየተቀለደ ይገኛል፡፡ በዘመነ ወያኔ ምርጫ ተደርጎ አያውቅም፡፡ ይህ ሐቅ ከአሜሪካ የውጭ ጉዳይ ሚኒስቴር (State department) እስከ የሰብአዊ መብት ድርጅቶች ድረስ በሚሰጧቸው መግለጫዎች በተደጋጋሚ ያረጋገጡት ሀቅ ነው፡፡ ዐይኑን ጨፍኖ ለመሞኘት የፈቀደ ካልሆነ በስተቀር በሁሉም ዜጋም በሚገባ ይታወቃል፡፡ አገዛዙ ፍትሐዊና ትክክለኛ ምርጫ ለማድረግ የሚያስችል አቅም ፍላጎትና ተፈጥሮ ከቶውንም ኖሮት አያውቅም መቸምም ደግሞ አይኖረውም፡፡

ለዚህ በርካታ ምክንያቶችን ልንጠቅስ እንችላለን፡፡ አንዱና ዋነኛው ግን አገዛዙ እንደዚህ ዓይነቶችን የዲሞክራሲያዊ (የበይነ-ሕዝባዊ) መንግሥታት መርሆዎችን ለመቀበልና ለመተግበር የሚያስችለው ተፈጥሮና አስተሳሰብ የሌለው በመሆኑ ነው፡፡ ይሄንን ባሕርይውን ከትግል ዘመኑ ጀምሮ ባለው ታሪኩ ማንነቱና ሰብእናው ማረጋገጥ ይቻላል፡፡ ነገር ግን በዚህ በ21ኛው መቶ ክፍለ ዘመን አሁን ድረስ ንጉሣዊ የመንግሥት ሥርዓት ካላቸው ጥቂት ሀገራት በስተቀር በመላው ዓለም ኅብረተሰብ ዘንድ “ሥልጣን የሚያዘው በሕዝብ ምርጫ ይሁንታ ነው” የሚለው አስተሳሰብ ገዥና ተቀባይነትን ያገኘ አስተሳሰብ በመሆኑ ምክንያት እንደ ወያኔ ያሉ አንባገነናዊ አገዛዝ ከእነሱ አስቀድመው የነበሩትን መንግሥታት በኃይል ካስወገዱ በኋላ በያዙት ሥልጣን ላይ ለመቆየት ያላቸው አማራጭ ምንም ዓይነት ፋይዳና ትርጉም የሌለው የይስሙላ ምርጫ አዘጋጅቶ በማኪያሔድና በሕዝብ ተመረጥን እያሉ በማጭበርበር ሥልጣንን ጨምድዶ ይዞ መቆየት ግዴታ ስለሆነባቸው በከፍተኛ ሸርና ጥንቃቄ ያንን የይስሞላ ምርጫ ወቅቱን እየጠበቁ ያደርጋሉ፡፡

የሚገርመው ግን አሁንም ድረስ ዜጎች እውነት መስሏቸው የወያኔን ተፈጥሮና አቋም ካለማወቅ ይሁን ተስፋ ካለመቁረጥ አገዛዙ አካሂደዋለሁ በሚላቸው ምርጫዎች በመምረጥና በመመረጥ ለመሳተፍ ፓርቲ እያቋቋሙ መንቀሳቀቃቸው ነው፡፡ የሚያሳዝነው እነኝህ ፓርቲዎች የመድብለ ፓርቲ የመንግሥት ሥርዓት ደንብና ሕግ በሚፈቅድላቸውና በሰጣቸው መብት መሠረት ያለ ማንም ጣልቃ ገብነት በነጻ መደራጀትና መታገል የሚችሉበትን ዕድል ለአንድም ጊዜ እንኳን አግኝተው አለማወቃቸው ነው፡፡ አገዛዙ ከመጀመሪያው ጀምሮ ሌላ ሥራ ትቶ ዲሞክራሲያዊ (በይነሕዝባዊ) ነኝ እያለ ግን ለሀገርም ለወገንም ለማንም በማይጠቅም ሁኔታ ሥራየ ብሎ መንገዳቸውን በመሰናክሎችና ሸር አጥሮ እንዳይፈናፈኑ እንዲኮሰምኑ ሲያደርጋቸው ቆይቷል፡፡ ይሄንን ሁሉ ተቋቁመው ለመውጣት ሲሞክሩም መከፋፈልና መሰነጣጠቅ አንድን ፓርቲ ምን ያህል እንደሚያሽመደምድ እንደሚዶዳ ከማንም በላይ ከበረሃ ጀምሮ ሥልጣን ከያዘ ጊዜ በኋላም በራሱ ላይ በተደጋጋሚ ደርሶበት ያውቀዋልና ሰርጎ እየገባ ይከፋፍላቸዋል ይሰነጥቃቸዋል ከዚያም ይበትናቸዋል፡፡ እንዲህ ያደርግና ሲያበቃ ደግሞ ለባዕዳኑ “ጠንካራ ተፎካካሪ ፓርቲ አላደለንም ለዚህ ነው ሥልጣኑ በእኛ ብቻ የተያዘ ሊሆን የቻለው” እያለ ይሳለቃል፡፡ በዘመነ ወያኔ የፓርቲዎች ሕይዎት በእንዲህ ዓይነት ሁኔታ የተመሰቃቀለ እንደሆነ ዛሬም ድረስ አለ፡፡

አገዛዙም በተለያየ ጊዜ በሚያደርጋቸው የይስሙላ ምርጫዎች የበይነ ሕዝባዊ (የዴሞክራሲያዊ) ሥርዓት ያለ ለማስመሰል ብቻ በጣት የሚቆጠሩ ተወዳዳሪ ወገኖችን ወደ ሕዝብ ተወካዮች ምክርቤት እንዲገቡ ከሚያደርጋቸው ውጭ ሕዝብ በሰጠው ድምፅ መሠረት መንግሥት እንዲመሠረት ፈቅዶና ፈልጎ አስቦም አያውቅም፡፡ በእርግጥ ከምርጫው ሐሰተኝነት የተነሣ እነኝህ ዜጎች በተሳተፉባቸው የውሸት ምርጫዎች ውጤት አግኝተው ትርጉም ያለው የፖለቲካ (የእምነተ-አሥተዳደር) ሥርዓት ሽግግርና እድገት ማስመዝገብ ባይቻልም ምንም የተከሩት የፈየዱት ነገር የለም ማለት ግን አይቻልም፡፡ ቢያንስ የአገዛዙን የምርጫ ድግሶችን ሐሰተኝነት በሚገባ ማጋለጥ ችለዋልና ከዚህ አንጻር የነበራቸው ተሳትፎ ፋይዳ ነበረው ማለት ይቻላል፡፡

ወያኔ እነዚያን ሐሰተኛ ምርጫዎች ሲያስፈጽም መጨረሻ ላይ እሱ የሚፈልገው ውጤት እንዲገኝ የሚያደርግባቸው 3 ዋና ዋና ስልቶች ወይም መንገዶች ዘሉት፡-

1. የምርጫውን ሒደት እሱ በፈለገው መንገድ የሚዘውር ለእሱ ታማኝ የሆነ ምንደኞች ርካሾችና ቆሻሾች የሞሉበት የይስሙላ የምርጫ ቦርድ ማቋቋም፡፡
2. ወደ ፖለቲካ ፓርቲዎች (የእምነተ-አሥተዳደር ቡድኖች) አባሎቹን አስቀድሞ አስርጎ በማስገባት የተለያየ ሴራ እንዲሸርቡ በማድረግ ፓርቲዎቹ የሚጠበቅባቸውን የፖለቲካ ሥራዎች በአግባቡና በብቃት እንዳይከውኑ ማድረግ፣ ስምምነትና አንድነት ማሳጣት፣ አቅማቸው የተዳከመ እንዲሆን ማድረግ፣ በተፈለገ ጊዜ መሰንጠቅና ማፍረስ ወይም መበተን ወዘተ.
3. ትክክለኛና ፍትሐዊ ምርጫ ለማድረግ የሚያስችል ምቹ ሁኔታ እንዳይኖር ማድረግ፡፡ ለምሳሌ፡- ምርጫ በመጣ ጊዜ ብቻ ሳይሆን ከምርጫ ወቅት ውጭ ባሉ ወቅቶችም ጭምር የፖለቲካ ፓርቲዎቹ ከሕዝብ ጋር ሊገናኙና አቅድ መርሆዎቻቸውን ለሕዝብ ማድረስ ማስተዋወቅ የሚችሉባቸውን ሕገ መንግሥታዊ የብዙኃን መገናኛዎችን ያለ ምንም ቅድመ ሁኔታና ቅድመ ምርመራ የመጠቀምና በስብሰባ በሰላማዊ ሰልፎች ገጽ ለገጽ ከሕዝብ ጋር ሊገናኙ የሚችሉባቸውን ሕገ መንግሥታዊ መብቶችንና ዕድሎች እንዳያገኙ እንዳይጠቀሙ በመንፈግ በመከልከል፣ ሕዝቡ በሕገ መንግሥታቸው የተረጋገጠለትን መብት ተጠቅሞ ያለ ሥጋትና ፍርሐት ያመነባቸውንና የተቀበላቸውን ፖለቲካ ፓርቲዎችን እንዳይደግፍ በአባልነትም እንዳይሳተፍ ማድረግ፣ አድርጎት ሲገኝም የሥራ ዋስትናውን ከማሳጣት ጀምሮ በዜግነቱ ሊያገኛቸው የሚችላቸውን መብትና አገልግሎቶች እንዳያገኝ በማድረግ ከዛም አልፎ እስር እንግልትና ሰቆቃ በመፈጸም በተለያየ መንገድ ሌላው እንዲያውቀውና በመቀጣጫነት እንዲገነዘበው በማድረግ ሕዝብ እንዲርቃቸው እንዳይከተላቸው ማድረግ ወዘተ. ናቸው፡፡

እነኝህን የሚያካክሉ ግዙፍ ግዙፍ መሰናክሎች ባሉበት ሁኔታ በምንም ተአምር ቢሆን እንደየትም ተሁኖ ትክክለኛና ፍትሐዊ ምርጫ ማድረግ የሚታሰብ አይደለም፡፡ አገዛዙ በእነኝህ ሠርና ክፋትና ኢፍትሐዊ ተግባሮቹ ውጤቶች በመመካትና በተሳሳተ ግንዛቤ ለሕዝብ ከነበረው ንቀትና ዝቅጠኛ ግምት ተደፋፍሮ ለምዕራባዊያን አጋሮቹ የገባውን ቃል ለመጠበቅ ሲል በምርጫ 97ዓ.ም. ሰጥቶት በነበረው ሰፋ ያለ ዕድል ፈጽሞ ያልጠበቀውና ያላሰበውን ውጤት ስላስከተለበት “ኧረ! እኔ ውጤቱ እንደዚህ የሚሆን ስላልመሰለኝ ነው እንጅ እንደዚህማ በጭራሽ አይሆንም አይደረግም!” በማለት በአንጻራዊ መልኩ ሲታይ መልካም የነበረውን የምርጫ ሒደት ከምርጫው ማግስት ጀምሮ በመቀልበስ የሕዝብን ድምፅ በሕዝብ ደም አጥቦ ገደል በመክተት ሁለተኛ በእንደዚህ ዓይነት ተመሳሳይ ቅሌት ውስጥ እንደማይገባ ለራሱ ምሎ ወደ ነበረበት ቦታው ተመልሷል፡፡ በዚህም ምክንያት በ2002ዓ.ም. ላይ አስቂኝ በሆነ ሁኔታ ምርጫ አደረኩ ብሎ 99.6 በመቶውን የሕዝብ ተወካዮች ምክር ቤት መቀመጫን አሸንፌ መንግሥት መሠረትኩ ብሎ እየገዛ ይገኛል፡፡

ወያኔ በምንም ተአምር ትክክለኛና ፍትሐዊ ምርጫ ሊያደርግ እንደማይችልና የማይችልበትን የማይፈልግበትን ምክንያት ከዓመታት በፊት ጀምሮ ስገልጽ እንደቆየሁ ይታወሳል፡-

1. አገዛዙ ከማንነቱና የሚታወቅባቸው በግልጽም በስውርም የያዛቸው ፖለቲካዊ ዓላማና ጥቅሙ የተነሣ ለምሳሌ፡- ከገጠር እስከ ከተማ ሕዝቡ በትውልደ ትውልድ እየወረሰው የመጣውን የኖረበትን መሬቱን እየተነጠቀ ለባለ ሀብት እየተሰጠበት በገዛ ሀገሩ ሀገር አልባ መኖሪያ አልባ ስደተኛ የሚያደርገው ፖሊሲው (መመሪያው) እና በሌሎቹም የሀገርንና የሕዝብን ጥቅም የሚጎዱ ሥራዎቹ በኃይል ካልሆነ በስተቀር በትክክለኛና ፍትሐዊ በሆነ ምርጫ በሕዝብ ዘንድ ተመራጭ እንደማያደርገው ስለሚያውቅ፡፡
2. አገዛዙ ከቅጥረኛነቱና አንባገነንነቱ የተነሣ በፈጸማቸው ኢፍትሐዊና ከባባድ የሀገር ክህደቶች፣ በርካታና እጅግ የገዛዘፉ የሙስና ወንጀሎች፣ በግፍ ባፈሰሰው የንጹሐን ዜጎች ደም በመሳሰሉት ወንጀሎቹ ምክንያቶች ሥልጣን በለቀቀ ማግስት እየታነቀ ለፍርድ እንደሚቀርብ ስለሚያውቅ፡፡
3. ፀረ ኢትዮጵያና ሕዝቧ የሆኑ ከጠባብ ደንቆሮና ጎጠኛ ማንነቱ የተነሣ የፈጸማቸው እየፈጸማቸው ያሉትና ሊፈጽማቸው የሚፈልጋቸው የጥፋት ዓላማዎቹ በአስተማማኝ መልኩ ገና ከግብ ስላልደረሱለትና እነሱን ከግብ ለማድረስ ካለው ጽኑ ዓላማና ፍላጎት የተነሣ፡፡
4. አገዛዙ ማንነቱ በሕዝቡ ዘንድ ከመቸውም ጊዜ በላይ በሚገባ ከመታወቁ ጋር በተያያዘ ከደረሰበት የሞራል ኪሳራ የተነሣ በራስ መተማመኑ ስለጠፋ፡፡

በእነዚህ ሦስት ዋና ዋና ምክንያቶች ወያኔ በኃይል ተገዶ ካልሆነ በስተቀር ምርጫን መሠረቱ ባደረገ ሰላማዊ የትግል አማራጭ መሸነፉን አምኖ ፈጽሞ ሥልጣንን እንኩ ብሎ ሊያስረክብ ስለማይችል በምርጫ ሥልጣን መረከብን ተስፋ አድርገው እየተሳተፉ ያሉ ወገኖችን ለወያኔ የሕዝብ ግንኙነት ፍጆታና የውጭ የፖለቲካ ግንኙነት ፍጆታ መጠቀሚያ ከመሆን በስተቀር የምታልሙትንና የምትመኙትን ያህል ምንም ልትፈይዱ የምትችሉት ነገር የለም ጊዜያቹህን በከንቱ እያጠፋቹህ ሕዝብንም ተስፋ የማይደረግ ነገርን ተስፋ አድርጎ ቶሎ ነቅቶ ማድረግ ያለበትን ነገር አድርጎ ሀገሩንና እራሱን እንዳይታደግ እንዲዘናጋ እያደረጋቹህትና ወያኔ ለጥፋት ዓላማው ተጨማሪ የማጥፊያ ጊዜ እንዲያገኝ እየረዳቹህት ነውና ኧረ እባካቹህ ንቁ? እያልኩ ሳሳስብ መቆየቴ የሚታወስ ነው፡፡

ዘንድሮ ግን ወያኔ ማንነቱን ሕዝቡ ጠንቅቆ ከማወቁና በሚፈጽማቸው በደሎችና ግፎች ከመንገሽገሹ የተነሣ በተፈጠረበት እጅግ በጣም ከባድ በራስ ያለመተማመን ችግር እንደከዚህ ቀደሙ ሁሉ ለተቃዋሚ ወይም ለተፎካካሪ የፖለቲካ ፓርቲዎች ከገዛ ሕገ መንግሥቱ ድንጋጌዎች በተጻራሪ ነጻነታቸውንና መብቶቻቸውን እየከለከለ በራሱ ፍላጎት ብቻ በጠባቡ ከልሎ የሚሰጣቸውን የመጫዎቻ ሜዳም እንኳን ሊሰጥ በፍጹም አልፈለገም፡፡ እንደወያኔ አስተሳሰብ ይሄ ስልቱ ጊዜው አልፎበታል ተበልቶበታል፡፡ ቢያደርገው “ልቆጣጠረው በማልችለውና ባልጠበኩት አቅጣጫ ሄዶ ያስበላኛል” ብሎ ያምናል፡፡ በመሆኑም ብቻውን ሮጦ አሸነፍኩ ብሎ በማስጨብጨብ አሁንም መንግሥት ነኝ ሊል ፈልጓል፡፡

በዚህም መሠረት መኢአድንና አንድነትን ሕገ ወጥነት ሸፍጥና ሸር በተሞላበት መልኩ ከምርጫ ፉክክር ውጪ አድርጎ ሲያበቃ ከፉክክር ውጪ ማድረጉን አውጇል፡፡ ባወጀ ማግስትም እንዲያው ለማስመሰል እንኳን ያህል የፍርድ ቤት ትዕዛዝ ባልተያዘበት ወይም በሌለበት ሁኔታ ዐይን ባወጣ የውንብድና ተግባር ጽ/ቤቶቻቸውንና የየፓርቲዎቹን ንብረቶች ነጥቆ ለቅጥረኞቹ አስረክቧል፡፡ ሰማያዊ ፓርቲንም ጥረት እያደረገባቸው እንዳለው ሁሉ አንድ ሰበብ ፈጥሮ መሸኘቱ የማይቀር ይመስላል፡፡ ፓርቲውን ባያስወጡትና በምርጫው ቢሳተፍም እንኳ ከዚህ ቀደም እንደነበሩት ምርጫዎች ሁሉ ይሄኛውም የይስሙላ ከመሆን አይድንምና ብቻ ለማስመሰል ያህል ሦስት አራት ለሚሆኑት የፓርቲው ተመራጮች ተመርጣቹሀል ብሎ ወንበር ከመስጠት ባለፈ ሕዝብ የሰጠው ድምፅ ቅቡል ሆኖ መንግሥት የሚመሠረትበት አሠራርና ዕድል ስለሌለ ከአጫፋሪነትና አዳማቂነት የተለየ ሊፈይደው የሚችለውና የሚመጣም ለውጥ አይኖርም፡፡ ሰላማዊ የትግል አማራጩ ፍጹም ዝግ ቢሆንም ሰማያዊ ፓርቲ እንደ መኢአድና አንድነት ሁሉ ወያኔ ካላስወጣው በስተቀር በምርጫው ሒደት ውስጥ የሚያጋጥሙትንና በወያኔ የሚፈጸሙትን ውንብድናና ማጭበርበሮች እያጋለጠ በምርጫው ሒደት ውስጥ ቢቆይ መቆየቱ የሆነ ሰዓት ላይ ለሕዝባዊ ትግሉ ሊጠቅም የሚችልባቸው ሁኔታዎች አሉና ከሒደቱ ባይወጣ መልካም ይመስለኛል፡፡

እንግዲህ እውነት ለሥልጣን ሳይሆን ለሀገርና ለሕዝብ ነጻነትና ደኅንነት በማሰብ በመቆጨት በመብከንከን በፖለቲካው መስክ የተሠማራ ወገን ካለ የሚለየው አሁን ነው፡፡ ይህ የሀገርና የወገን ፍቅርና ኃላፊነት እንዳለበት የተገነዘበ ዜጋ ቀድሞውንም ያልነበረውን ወያኔ ያልሰጠውን የሰላማዊ ትግል አማራጭ እንዳለ ቆጥሮ ከነበረ አሁን እንደማይቻል በተግባርና በይፋ መታወጁ መነገሩ ሀገርንና ሕዝብን ለመታደግ ያለበትንና ያመነበትን የዜግነት ግዴታና ኃላፊነት ለመወጣት የቀረውንና ብቸኛውን የትግልን አማራጭ እንዲጠቀም ያደርገዋልና በዚያ መንገድ ይሄንን አንባገነናዊ አገዛዝ ከስሩ ነቅሎ ለመጣል ከመታገል ወደ ኋላ ባለማለቱ የምናየው የምናውቀው የምንለየው ይሆናል፡፡ ሀገርናንና ሕዝብን ከወያኔ አንባገነናዊና ፀረ ሕዝብ ፀረ ሀገር አገዛዝ ነጻ ልናወጣ የምንችልበት ቀሪ ብቸኛው አማራጭ የኃይል አማራጭ ነው፡፡ መሬት አንቀጥቅጥ በሆነ ሕዝባዊ ዐመፅ ወይም የትጥቅ ትግል፡፡

የሀገርና የወገን ፍቅር አለኝ የሚል ወገን ከሁለቱ የኃይል አማራጭ መንገዶች አንደኛውን ወይም ሁለቱንም መንገዶች በመጠቀም ትግሉን ይቀጥላል እንጅ በቃ! ሰላማዊ የትግል አማራጭ አይቻልምና መንገዱ ተዘግቷልና ብሎ ሀገርና ሕዝብን ለጅብ አሳልፎ ሰጥቶ አርፌ ልቀመጥ አይልም፡፡ ይሄንን የሚያደርግ ካለ ይሄ ሰው ቀድሞውንም ቢሆን ሥልጣንን ይዞ በተራው ለመብላት ነበረ ዓላማው እንጅ ዋጋ ከፍሎ ሀገርንና ሕዝብን ከግፍ አገዛዝ ነጻ ለማውጣት ሲል ለትግሉ ነፍሱንም እስከመስጠት ድረስ ታማኝ አልነበረም ማለት ነው፡፡ ሀገርንና ሕዝብን እመራለሁ ብለው በፖለቲካው የሚሳተፉ ሰዎች ሊያውቁት የሚገባው ቁምነገር ቢኖር እንዲህ ዓይነት ሰው የሚያስፈልገው ምላስ ብቻ ሳይሆን ልብም ጭምር ዋነኛ አስፈላጊው ነገር መሆኑን ነው፡፡ በእንዲህ ዓይነት አጋጣሚ ላይ ቆራጥ አቋም ወስዶ ዋጋ ለመክፈል የማይደፍር ሰው ወይም ለዚህ የሚበቃ ልብ ወኔ የሌለው ፖለቲከኛ ነኝ ባይ ካለ በዚህ በፖለቲካው ትግል ሁለተኛ ዝር ላይል አርፎ እቤቱ ይቀመጥ፡፡ በዚህ መስክ ቢሠማራም እንደ መይሳው ካሳ (ዐፄ ቴዎድሮስ)  በቆራጥነትና ድፍረት ጀግንነት የሀገር ፍቅር የደረጀ የተሞላ ብልህነትና አርቆ አሳቢነትን ለሚጠይቀው ሀገርንና ሕዝብን ያህል ነገር ለመምራት የሚያበቃ ሰብእና የለውምና፡፡

ስለሆነም የሰላማዊ የትግል አማራጭ ዕድል የተነፈጋቸው ወገኖች እንደፍላጎታቸው ሁሉ ሕዝብንና ሀገርን የመምራት ብቃቱ አለን የሚሉ ከሆነ ወያኔን በሕዝባዊ ዐመፅ ወይም በትጥቅ ትግል በኃይል ከሥልጣን ለማስወገድ ወገባቸውን አስረው መንቀሳቀሳቸው ግዴታቸው ነው ማለት ነው፡፡ ይሄንንም ሲያደርጉ ትግሉ በሚጠይቀው የተቀናጀና የተጠና የበሰለ ስልታዊ መንገድ እንጅ የግድ በግልጽ አዋጅ እያወጁ ዘራፍ በማለት እንዳልሆነ ልብ ይሏል፡፡ ይህ የትግል ስልት እንደ ሰላማዊ ትግል ባለመሆኑና ከበድ ያለ በመሆኑ ወዳለፍነው ዘመን እንድንመለስ ተገደናልና እንደ የኢሕአፓ ዘመን ወጣቶች ላቅ ያለ ብስለት ቁርጠኝነት የዓላማ ጽናትና ጀግንነት የሚጠይቅ በመሆኑ ለዚህ ከባድ ትግል ከሥነልቡና ጀምሮ እራስን በበቂ ሁኔታ ማዘጋጀት ግድ ይላል፡፡ ኢሕአፓ ከነበረበት ደካማ ጎኖች ትምህርት በመውሰው ጠንካራ ጎኖቹን ደግሞ እንዳሉ መውሰድ አስፈላጊ ይሆናል፡፡ አማራጭ የለምና መቁረጥ ግድ ነው፡፡

ከሰው በታች ሆኖ ተንቆ ተረግጦ ተዋርዶ ለሀገር ምንም ሳይፈይዱ ከማለፍ እንቢ ለውርደት እንቢ ለጭቆና እንቢ ለባንዳ እንቢ ለሞት (ለወያኔ) በማለት እንደሰው የሰውነት ክብርን ለራስ አውጆ አስጠብቆ ለሀገርና ሕዝብ ክብር ማለፉ በእጅጉ ተመራጭ ነው፡፡ ይሄ ግዴታ የፖለቲካ መሪዎችና አባላቱ ብቻ ሳይሆን የሴቱም የወንዱም፣ የሽማግሌውም የወጣቱም፣ የተማሪውም የሠራተኛውም፣ የሀብታሙም የድሀውም፣ የምሁሩም የጨዋውም (ያልተማረውም)፣ የእስላሙም የአማራውም፣ የሃይማኖት መሪውም የሕዝባዊውም የሁሉም ኢትዮጵያዊያን የዜግነት ግዴታ ነው፡፡ ሁሉም እንደ አቅሙና ችሎታው ሊወጣው የሚገባው ተልእኮ ነው፡፡ ለሕዝብና ለሀገር ሲል መሥዋዕትነት የመክፈል ግዴታ ያለበት የተለየ ዜጋ ስለሌለ፡፡

ዋጋ ተከፍሎ በሚገኘው ነጻነት ተጠቃሚው ሁሉም ስለሆነ፡፡ አሁን ሀገራችን ተጋፍጣው ባለችበትና ከመከራ ከጥፋት ለመዳን የዜጎቿን ርብርብና ተሳትፎ በእጅጉ በምትሻበት የፈተና ወቅት ለመሀል ሰፋሪ ቦታ የለም፡፡ ወይ ከአጥፊዋ ከወያኔ ወገን መሆን ወይ ሊታደጓት ከቆረጡት ወገን እንጅ በመሀል ተንጠልጥለው የሚንሳፈፉበት በመሀል ያለ የመሀል ሰፋሪ ቦታ የለም፡፡ ጥቂቶች እራሳቸውን ለመሥዋዕትነት አሳልፈው ሰጥተው እየታገሉ እየተፋለሙ አብዛኛው ይሄንን ሁኔታ እንደተውኔት ዳር ሆኖ የሚመለከትበት ሁኔታ ሊኖር አይችልም፡፡ ሁሉም ዜጋ በትግሉ የመሳተፍ ግዴታ ይኖርበታል፡፡ በደርግ ዘመን የኢሕአፓ ወጣቶች በምን ያህል ብስለት የዓላማ ጽናትና ቁርጠኝነት ትግላቸውን ይከውኑ እንደነበር ይታወቃል፡፡ ለኢትዮጵያ ሕዝብ ከደርግ ይልቅ ወያኔ ሩቅ ነው፣ ባዕድ ነው፡፡ በደርግ ዘመን የበሰለ የተቀናጀና የተደራጀ ኅቡዕ ወይም ሥውር ትግል ማድረግ ከተቻለ ሕዝቡ ባዕድ አድርጎ በሚመለከተው በወያኔ ዘመን ይሄንን ማድረግ ሊያቅት አይችልም፡፡ እስከታሰበበት ጊዜ ድረስ የማይቻል ነገር የለም ይቻላል!

ወያኔ ቅዘናም ነው አንድ ሁለቱ ባለሥልጣናት ላይ እርምጃ ቢወሰድ ፍርስርሱ የሚወጣ ድንብርብሩ የሚጠፋ ቡድን ነው፡፡ ወያኔ ሕዝቡን የዚህን ያህል የናቀውና መጫወቻ መቀለጃ ሊያደርገው የቻለው እንዲህ ዓይነቱ ቆራጥ እርምጃ በባለሥልጣናቱ ላይ ሊወሰድ ስላልቻለ ነው፡፡ በአንድ ሁለቱ ላይ እርምጃ ቢወሰድ ግን እመኑኝ ወያኔን ባለበት ቦታ ላይ አታገኙትም፡፡ በትውልደ ኢትዮጵያዊነታቸው እንዳዘንላቸው እንዳሰብንላቸው በፍጹም ሊረዱ ሊገባቸው አልቻለምና መጨከን ግድ ነው፡፡ እንዲህ ካልተጨከነባቸው በስተቀር ወያኔ ልክ ሊገባ የሚችል ዓይነት ቡድን አይደለም፡፡ እንዲህ ዓይነቱን ሥራ ለመሥራት የግድ በስፋት መደራጀት አያስፈልግም ሦስት አራት የሚተማመኑ ጓደኛሞች እየተሆነም ብዙ ሥራ መሥራት ይቻላል፡፡ መከላከያ ውስጥ ያሉ የወያኔ እርኩሰት የሚያንገሸግሻቸው ወገኖች ለዚህ ቅርብ ናቸው፡፡ በትጥቅ ትግል ያሉ የአርበኞች ግንቦት 7 ኃይልም በሚገባ የሠለጠኑ ኮማንዶዎችን ቢያሠማራ ግሩም ግሩም ሥራ መሥራት ይቻላል፡፡ እያንዳንዱ ዜጋም ቢሆን ወያኔን ከማዳከም አኳያ እንደየ አቅሙ ብዙ ሊሠራቸው የሚችላቸው ተግባራት አሉ፡፡ ረዘም ያለ ጊዜ ከሚጠይቀው ከትጥቅ ትግልና የተለየ አጋጣሚ ከሚያስፈልገው ከሕዝባዊ ዐመፅ ይልቅ በፍጥነት ለውጤት የሚያበቃው ይሄኛው በባለሥልጣናት ላይ የሚወሰድ እርምጃ ነው፡፡ የኢትዮጵያ ሕዝብ ወደዚህ ዓይነት ትግል ውስጥ ዳግም እንደገና እንዲገባ በመገደዱ እጅግ እጅግ እናዝናለን ሙሉ ኃላፊነቱንና ተጠያቂነቱንም የሚወስደው ወያኔና ደጋፊዎቹ ያሆናሉ፡፡ እንዲህ ዓይነት ሁኔታ ውስጥ ደግመን እንዳንገባ ነበር የኢትዮጵያ ሕዝብ ይሄንን ያህል ዘመን ሊታገሱት የማይቻልን ነገር እየታገሰ የቆየው፡፡

የሕወሀት መሥራቾች (ወያኔዎች) በደርግ ላይ ተስፋ ቆርጠው ወደ ትጥቅ ትግል ሲያመሩ ከአንድ ዓመት በላይ ደርግን ታግሶ ማየት አልቻሉም ነበር፡፡ የኢትዮጵያ ሕዝብ ግን ወያኔን ይሄንን ያህል ዘመን እጅግ በጣም በሰፋ ትዕግስት የማይቻል ነገር እየቻለ ታግሶ ቆይቷል፡፡ ወያኔ ዕለት ተዕለት እየባሰበት እንደመጣው ሁሉ ከዚህም በላይ ሌላ 23 ዓመታት ቢጨመርለት እያከፋ ይሄድ እንደሆነ ነው እንጅ ተምሮና ተጸጽቶ ሰው ይሆናል ብሎ ማሰብ ጨርሶ የሚቻልበት ሁኔታ የለም፡፡ እስከ አፍንጫው የተጋተው የተነከረበት የወንጀል ዓይነትና ድርጊትም ካለበት ተመልሶ ሰው ለመሆን ዕድል የሚሰጠው አይደለምና፡፡ ገና 40 እና 50 ዓመታት እንገዛለን በሥልጣን ላይ እንቆያለን እያሉ ሲደነፉ አልሰማንምን? ይታያቹህ! በዚህ መራር የአገዛዝ ሁኔታ ሌላ 40 እና 50 ዓመታት እየገዙ ከስርህ ተነቅለህ እስክትጠፋና እነሱ እንደዋርካ እስኪሰፉ ድረስ ለመቆየት ለመኖር ነው እየተመኙና ያንን ያህል ለመቆየትም እየጣሩ ያሉት፡፡ ያንን ያህል መቆየት ከቻሉማ ከዚያ በኋላ ማን ኖሮ ለማን ሲሉ ሥልጣን ያስረክባሉ? አንተ እንደሆንክ ያን ጊዜ አትኖር! መንጥረው ይጨርሱህ አይደል እንዴ? ስለሆነም ከዚህ በኋላ ለወያኔ ያለህ ትዕግሥት እርባናና ጥቅም አልባ እንደሆነ ተረድተህ ሁልህም ወገን ቆርጠህ ተነሥ፡፡ ከዚህ በኋላ የሚኖርህ ዝምታ የከፋ አደጋ በራስህና በሀገር ላይ ካለማምጣት ካለመጋበዝ በስተቀር የሚጠቅምህ የሚፈይድልህ ነገር የለምና፡፡

የምናደርገው ሕዝባዊ ትግል ፈተናዎች፡-

አሁንም ደግሜ ማሳሰብ የምሻው ነገር ቢኖር ይህ ተገደን የምንገባበት ትግል መራራና ከባድም ነው፡፡ ይሁን እንጅ ከዚህ ውጭ ሌላ አማራጭ ስለሌለን የፈለገውን ያህል መሥዋዕትነት ቢያስከፍልም ወደ ኋላ ልንል አንችልም፡፡ መታወቅ ያለበት የምንፋለመው ዝም ብንልም ከማይምረንና ቀረጣጥፎ ከሚበላን ጭራቅ ጋር መሆኑን ነው፡፡ ስለሆነም ካለ መቁረጥ መጨከን በቀር ሌላ አማራጭ የለንም፡፡ ቀጥሎ የምጠቅሳቸው የትግል ወቅት ፈተናዎቻችንን አውቀናቸው እንዘጋጅባቸውና እንጠነቀቅባቸው ዘንድ በጣም ያስፈልጋል፡፡ እነዚህን ፈተናዎች ትእግስት ጥበብና ቆራጥነት በተሞላበት መልኩ ለመቆጣጠር ለመፍታት ካልቻልን በስተቀር እጣ ፋንታችን ከድጡ ወደ ማጡ እንዳይሆን ያሰጋል፡፡ በተራ ቁጥር አራት ላይ ያለው አሳሳቢ ችግር ወያኔ በእድሜ ዘመኑ አወሳስቦ ሲተበትባቸው የቆዩ ዋና ዋና ችግሮች በመሆናቸው የአምላክ እርዳታም ሊጠየቅበት ይገባል፡፡

1. በደርግ ዘመን የመጀመሪያዎቹ ዓመታት ወቅት የነበረው የቀይ ሽብርና የነጭ ሽብር ጠባሳዎች አሁንም ድረስ ያሉና ያልተረሱ በመሆናቸው በሕዝቡ ዘንድ ሊኖር የሚችል ፍርሐት፡፡
2. የአገዛዙ የስለላ ሥራዎች፡፡
3. አገዛዙ ትግሉን ለማጨናገፍ የሚወስዳቸው የጭካኔ እርምጃዎች፡፡
4. አገዛዙን ታግሎ ለመገርሰስ የቆረጡ ኃይሎች በፖለቲካዊና ሃይማኖታዊ ምክንያቶች ጥቅምና ፍላጎቶቻቸው የተለያየ የማይጣጣምና የተቃረነ መሆን ናቸው፡፡

አራተኛውን ነጥብ ጥቂት ማብራራት የሚያስፈልግ ይመስለኛል፡፡ እንደሚታወቀው በሀገራችን ወያኔን የሚታገሉ የፖለቲካ ኃይሎች ዓላማና ግብ ሲታይ አንደኛው ከሌላኛው ተቃራኒ ነው፡፡ አንደኛው በወያኔ የሚራገብ እሱም ከኢትዮጵያ መገንጠልን ዓላማና ግብ ያደረጉ መኖራቸው ሲሆን ሌሎቹ ደግሞ መገንጠልን አጥብቀው በመቃወም የሀገርን ህልውናና አንድነትን ማስጠበቅ ዓላማና ግባቸው ያደረጉ መኖራቸው ነው፡፡ ዓላማቸው እንዳለመጣጣሙና እንደመቃረኑ ሁሉ እነኝህ ሁለቱን ማጣጣም ማስታረቅ የሚቻል አይሆንም፡፡ የሚለያቸው አንደኛው በሌላኛው ላይ የሚያገኘው የጦር ድል ነው፡፡ የተለያዩ የባዕዳን የጥፋት ኃይሎች እጅ በመሀል ስላለ ነው እንጅ ሁሉም ብሔረሰቦች በእኩልነት በነጻነት የሚኖሩባት ኢትዮጵያ የምትኖር ከሆነ እገነጠላለሁ የሚሉ ወገኖች የሚገነጠሉበት ምንም ዓይነት ምክንያት ሊኖር ባልተገባ ነበር፡፡

ሌላኛው እስካሁን በበቂ ያልተነገረለትና ያልታወቀ ነገር ግን ብዙ ሊያውከንና ከባድ አደጋ ሊያደርስብን የሚችል ሃይማኖትን ሽፋን ያደረገ ተጨባጭ ሥጋት ነው፡፡ እሱ ምንድን ነው? ሰሞኑን አንድ “የፈረንሳዩ ቻርሊ ሂብዶ ጋዜጣ አሸባሪዎችና ሐሳብን የመግለጽ ነጻነት” የሚል ርእስ ያለው ጽሑፍ አስነብቤ ነበር፡፡ በዚህ ጽሑፍ ላይ እስልምናን የሚከተሉ ወገኖቻችንን በዘልማድ የሚያደርጓቸውን ነገር ግን ሃይማኖታዊ ትእዛዝ የሌለባቸውን ከኢትዮጵያዊነታችን ጋር የሚቃረኑ አንዳንድ ተግባራት በመጥቀስ ለሀገርና ለማንነት ቅድሚያና የበለጠ ትኩረት እንዲሰጡ አበክሬ ለማሳሰብ ሞክሬ ነበር፡፡ መጀመሪያ ጽሑፉ በተለጠፈበት የመጽሐፈ ገጽ (የፌስ ቡክ) ግድግዳ ላይ 180 ያህል አስተያየቶች ተሰጥተዋል፡፡ ከአምስቱ እስልምናን የማይከተሉ ወገኖች አስተያየቶች በስተቀር የተቀሩት አስተያየቶች እስልምናን ከሚከተሉ ወገኖቻችን የተሰጡና “ከሀገር ከማንነት ከነፍሳችንም በላይ ነቢያችንንና ሃይማኖታችን እንወዳለን ለእሱም ነፍሳችንን እስከመስጠት ድረስ ቁርጠኞች ነን በዚህ አንደራደርም” በሚል የአስተሳሰብ አስኳል ዙሪያ የሚያጠነጥኑ ናቸው፡፡ ልብ በሉ እኔ ያልኩት ባልጠራ ግንዛቤና ከቁርአናቸው ትእዛዝ ውጭ ኢትዮጵያዊ ማንነታቹህን እየሸረሸራቹህና የራሳቹህን ማንነት ጥላቹህ ዓረባዊ እየሆናቹህ ነውና ይሄ ከእስልምና ጋር ምንም የሚያገናኘው ነገር ስለሌለ እስልምናቹህን መከተል ትችላላቹህ ሀገራቹህንና ማንነታቹህን ግን ጠብቁ አልኩ እንጅ እስልምናቹህን ጣሉ አለማለቴ እየታወቀ የተሰጡት አስተያየቶች ግን እነዚያ የጠቀስኳቸው ነገሮች ከሃይማኖት ጋር እንደማይገናኙ እያወቁ የሚገናኙ አድርገው በመቁጠር “ሀገር ማንነት አይገባንም ለኛ ነቢያችንና ሃይማኖታችን ይበልጡብናል” በማለት ኃይልና ቁጣ ስድብና ዘለፋ የተሞላበት አስተያየቶችን ነው የሰጡት፡፡

የእነዚህ ሰዎች ችግር እስልምናንና ዓረብነትን፣ እስልምናንና የዓረቦችን ፖለቲካዊ ኢኮኖሚያዊ ባሕላዊ ጥቅሞች መለየት አለመቻል ነው፡፡ ዓረቦች ጥቅማቸውን ለማስተበቅ ሲሉ ሁለቱንም ቀላቅለው ሲሰብኳቸው ስለኖሩ ይሄ ችግር ሊከሰትባቸው እንደቻለ እገምታለሁ፡፡ እስልምናን መቀበል ማለት የዓረብ ባሪያ ሎሌ ባንዳ መሆን ማለት አይደለም፡፡ ዓረቦች የራሳቸው ማንነት እንዳላቸው ሁሉ እኛም ሐበሾች ከነሱ የተሻለ ማንነት አለን፡፡ የራስን ጥሎ የዓረብን መያዝ ማለት የውዴታ ባርነት ነው፡፡ ችግሩ ይሄንን አለመረዳታቸው ብቻ ሳይሆን ለመረዳት አለመፈለጋቸው ነው፡፡ የዚህን ጉዳይ አደገኛነት የማይረዳ ሰው የሚኖር አይመስለኝም፡፡ እነኝህ ወገኖች በደም ኢትዮጵያዊ መሆናቸውንና በኢትዮጵያዊነታቸውም ዜጋ በመሆናቸው ብቻ ሀገራቸውንና ማንነታቸውን የመጠበቅ ግዴታ እንዳለባቸው ጨርሶ መቀበል አይፈልጉም፡፡ ዓረቦች በሃይማኖት ሽፋን የዓረብን ጥቅሞች እንዲጠብቁ እንዳደረጓቸው አያውቁም ማወቅም አይፈልጉም፡፡ ዓረቦች ወገኖቻችንን እያሳቱ ያለበት ዘዴ ከቁርአን ውስጥ የሌለና ያልታዘዘ መሆኑ ነው የሚደንቀው፡፡

ስለ አለባበስ በዚያ ጽሑፍ ላይ የገለጽኩት በመሆኑ አልደግመውም፡፡ ቋንቋን በተመለከተ ግን “እስልምናን የተቀበለ ሁሉ የራሱን ቋንቋ ጥሎ ዓረብኛን ይያዝ” የሚት ትዕዛዝ በቁርአናቸው እንደሌለ እየታወቀ ዓረቦች የባሕል ወረራ ለማድረግ ሲሉ “ዓረብኛ ቁርአን የወረደበት ቅዱስ ቋንቋ ስለሆነ እስላም ለሆነ ሁሉ ዓረብኛን ማወቅ ግዴታው ነው” እያሉ እየሰበኩ ቋንቋቸውን ያስፋፋሉ፡፡ የሚያሳዝነው ይህ አባባላቸው ስድብ መሆኑን ከዓረብ ውጭ ያለው ሌላው እስልምናን ተቀባይ ዘር አለመረዳቱ ነው፡፡ ለመሆኑ የቋንቋ እርኩስ አለ እንዴ? ከእግዚአብሔር ውጪ ከዓረብኛ ውጪ ያሉ ቋንቋዎችን የፈጠረ ሌላ እርኩስ ፈጣሪ አለ እንዴ? በዓረብኛ ቋንቋ እርኩስ ነገር ሊወራ አይችልም እንዴ? ይሄንን እያሉ ከሚያታልሉት ዓረቦች ይልቅ ደግሞ ማን ይገርመኛል መሰላቹህ? ይሄንን የዓረቦችን አባባል እውነት አድርገው የተቀበሉ ከዓረብ ውጭ ያሉ ሌሎች እስልምናን የተቀበሉ ዘሮች፡፡ ዓረብኛ ብቻ ሳይሆን ሌሎች ቋንቋዎችንም ማወቁ ይጠቅማል እንጅ አይጎዳምና ቋንቋን ማወቅ መልካም ነው፡፡ ቋንቋውን ማምለኩና የራስን ርኩስ ሌላውን ቅዱስ ማለቱ ግን ችግር ያለበትና እጅግ ያልበሰለ አስተሳሰብ ነው፡፡ ሰውን የሚቀድሰውም የሚያረክሰውም ሥራው ነው እንጅ ቋንቋ አይደለም፡፡ ሰው ዓረብ ስለሆነ ቅዱስ አይሆንም ሌላ ዘር ስለሆነም እርኩስ አይሆንም፡፡ እናም ወገኖቸ ሆይ! የቱንም ያህል የኢትዮጵያዊነትን አሻራ እየጣላቹህ የዓረብን ማንነትና አሻራ ብትላበሱት ከጥቁርነታቹህ ከኢትዮጵያዊ ቀለማቹህ ከሐበሻነታቹህ ተቀይራቹህ ዓረብ ልትሆኑ አትችሉምና የማይቻል ነገርን በማድረግ ለመሆን በመጣር በማንነት ቀውስ በሽታ እራሳቹህን ባታውኩ ባታሰቃዩ እራሳቹህን ብታከብሩ ለራሳቹህ ዋጋ ብትሰጡ እራሳቹህን መሆን ብትችሉ ለጤናቹህ መልካምና ሰላምም ነው ለማለት እወዳለሁ፡፡

እኔ ይሄንን ነገር ለማመን ከመቸገሬ የተነሣ ሳስበው ሕልም ሕልም ሁሉ ይመስለኛል፡፡ እንዴት ሰው የራሱን ማንነት ጥሎ ለሌላው ምናልባትም ለጠላቱ ማንነት ነፍሴን እሰጣለሁ ይላል? እኔ ክርስቲያን ነኝ ክርስቲያን በመሆኔ ግን ሀገሬንና ከቋንቋየ ጀምሮ እስከ ባሕሌ ድረስ ማንነቴን እንድጠላ እንድንቅ አላደረገኝም፡፡ በእርግጥ ከአውሮፓ የመጣ ክርስትና ነው ብለው ፕሮቴስናንትና ካቶሊክ የሆኑ ወገኖች ለሀገራችንና ለማንነታችን ያላቸው ግምት እንደ ላይኞቹ ነው፡፡ የሚያስጠብቁት ጥቅም የሰበኳቸውንና የሚረዷቸውን ምዕራባዊያን ጥቅሞች ነው፡፡ ተግባሮቻቸውም ሁሉ ኢትዮጵያዊነትን በማጥፋት ላይ ያተኮረ በዚህም የተጠመዱ ናቸው፡፡ በእርግጥ የተለያዩ ሀገራት የሀገራችንን ፖለቲካዊ ኢኮኖሚያዊ ታሪካዊና ባሕላዊ ጥቅሞች በማጥፋት የየራሳቸውን ፖለቲካዊ ኢኮኖሚያዊ ታሪካዊና ባሕላዊ ጥቅም ለማስጠበቅ ሥራ እንደሚሠሩ እንደሚጥሩ ከድሮ ጀምሮ የሚታወቅ ጉዳይ ቢሆንም የዚህ ግብ ግብ ሰለባ የሆኑ ኢትዮጵያዊያን ወገኖችንና ተግባራቸውን ስናይ ግን እጅግ መገረማችን የሚቀር አይመስለኝም፡፡

ለማንኛውም ሀገርንና ማንነትን በተመለከተ የእኔ ሃይማኖት ግን ከምንም በላይ ሀገሬንና ማንነቴን እንድወድ እንድጠብቅ እንድኮራባት እንድሞትለትም አድርጋ ቀረጸችኝ እንጅ የራሴን አስጥላ ሃይማኖትህ መጣበት የምትለውን ሀገር ጥቅም እንድይዝና የራሴን ጥየ ለነዚያም ጥብቅና እንድቆም አላደረገችም፡፡ ለነገሩ የኔ ሃይማኖት ከየትም አልመጣም በዚህ ርእሰ ጉዳይ ሰፊና መረጃ ሰጪ ንባብ እንዳስነበብኳቹህ ይታወሳል፡፡ የኔ ሃይማኖት ለዚህች ሀገርና ማንነት ካላት የላቀ ቦታ የተነሣ እንዲያውም ይህች ሀገር የተቀደሰችና ልዑል እግዚአብሔርም ከእናቱ ጀምሮ ዋና ዋና ለሚላቸውና ከፍተኛውን ተጋድሎ ለፈጸሙ ቅዱሳን የዐሥራት በገራቸው እንድትሆን የሚሸልማት ብርቅ ድንቅ ቅድስት ሀገር እንደሆነችና ለዚህች ሀገር ነፍሴንም ጨምሮ ምንም የምሰስተው ነገር እንዳይኖር መክራና አስተምራ ነው ያሳደገችኝ፡፡ እንኳን እኔን ኢትዮጵያዊውን ሐዋርያዊ ተልእኮ ለመስጠት በሄደችባቸውና በምታገለግልባቸው ሀገራት ላሉ ባዕዳን ሁሉ ኢትዮጵያን በዚህ መልኩ እንዲያስቧት ነው የምትሰብከው፡፡ እኔ የማውቀው ይሄንን ነው፡፡ ከዚህም የተነሣ ሳይሆን አይቀርም እነዚህ ወገኖች በደም ኢትዮጵያዊያን ሆነው ሳለ የገዛ ሀገራቸውን በመክዳት ለባዕዳን ከዚያም ባለፈ ኢትዮጵያዊ በመሆናቸው እንደ ጠላት ለሚቆጥሯቸው ሀገራትና ሕዝቦች እሴቶችና ማንነት ጥብቅና ሲቆሙና ሲዋደቁ እጅግ እጅግ የሚገርመኝ የሆነው፡፡ አንድ የዓረቦች አባባል ትውስ አለኝ ዓረቦች ምን ይላሉ “በመንገድህ ላይ መርዘኛ እባብና ኢትዮጵያዊ ቢያጋጥሙህ ቀድመህ ኢትዮጵያዊውን ግደለው” የሚል አይገርሟቹህም? ይሄንን ያህል ከእባብም በከፋ መልኩ ለሚጠሏቸውና ለሚጠየፏቸው ሊያጠፏቸውም ሌት ተቀን ለሚያሴሩት እኩዮች እንዲህ እንደሚያስቧቸውና እንደሚጠሏቸው እያወቁ እንሞትላቹሀለን ሲሉ? ይሄ የጤና ነው ትላላቹህ?

እንደምታውቁት አሁን በዚህ ወቅት ሁሉም ባይሆኑም የሚበዙቱ በተሟሟቀ ሁኔታ ከዚህ ብዥታ ጋር ሆነው ለእስልምና እየታገሉ እየመሰላቸው ለዓረብ ፖለቲካዊ ኢኮኖሚያዊና ባሕላዊ ጥቅሞች እየታገሉ ያሉ እስልምናን የሚከተሉ ወገኖች አሉ ዋጋም እየከፈሉ ይገኛሉ፡፡ አደጋው ያለው እዚህ ላይ ነው፡፡ እንደሚታወቀው ዓረቦች ከረጅም ጊዜ ጀምሮ ይህችን ሀገርና ሕዝቧን በተመለከተ የተለየ ፍላጎት ይዘው በሀገራችን ፖለቲካዊ ኢኮኖሚያዊ ባሕላዊ ጥቅሞች ጉዳይ ላይ እጃቸውን እያስገቡ የራሳቸውን ጫና ሲፈጥሩ፤ ፖለቲካዊ ኢኮኖሚያዊ ታሪካዊና ባሕላዊ ጥቅሞች ለማስጠበቅ አውዳሚ ጦርነቶችን ከማድረግ ጀምሮ ብዙ ነገር ሲያደርጉ መቆየታቸው ይታወቃል፡፡ ዛሬም ላይ ዓረቦች እንደወትሮው ሁሉ በዚህች ሀገር ላይ ላላቸው ፖለቲካዊ ኢኮኖሚያዊ ታሪካዊና ባሕላዊ ጥቅም በሚያደርጉት ጣልቃ ገብነት ጫናና ፍልሚያ አጋጣሚው ባመቻቸው ጊዜ ሁሉ እጃቸውን በሚያስገቡበት ወቅት እነኝህ ወገኖች መጠቀሚያ መሆናቸው የማይቀር ጉዳይ ነው፡፡ ይሄ ከባድ አደጋ ነው፡፡

በእርግጥ ፊት ለፊት ወጥተው ከወያኔ ጋር እየተጋፈጡ ያሉት ወገኖች ቁጥር ያን ያህል ላቅ ያለ ላይሆን ይችላል፡፡ ከጀርባ ግን በሚሊዮኖች (አእላፋት) የሚቆጠሩ የዓላማ ተጋሪ እንዳላቸው የሚጠረጠር አይመስለኝም፡፡ የሚያሳዝነው የእነሱ ትግል ግብ የሀገርንና የሕዝብን ክብር ሉዓላዊነት ታሪክ ባሕል ማንነት እሴቶችን ሁሉ በተመለለከተ ቢሳካላቸው ከወያኔ በከፋ መልኩ የከፋ ጉዳት የሚያደርስ መሆኑን ብዙዎቹ የሚያውቁ አለመሆናቸው ነው፡፡ ይሄንን አብዛኞቻቸው በቅጡ ሳያውቁት የሚያደርጉትን ደግሞ ሌላው ኢትዮጵያዊ የማይፈልገው የማይፈቅደውም ከመሆኑ የተነሣ የጥቅምና የዓላማ ግጭት መነሣቱ የማይቀር ይሆናል በዚህ መሀል የጠላት እርስ በእርስ እያፋጀ ሀገሪቱን የማዳከም ሰትራቴጂ (ስልት) ተሳክቶላቸው እንደቆየው ሁሉ ወደፊትም ይሳካላቸው ይሆናል፡፡ እያንዳንዱ ኢትዮጵያዊ ሁሉ በሃይማኖትና በዘር ሳንለያይ ለጠላቶቻችን ሳይሆን ለእኛ የምትሆን ነጻ እኩልነት የሰፈነባትን ኢትዮጵያን ለማምጣት ስንል የማይቀርልንንና የሚገጥመንን ፈተና በብቃት ተወጥተን ዓላማና ግባችንን ለማሳካት ከወዲሁ መዘጋጀቱ ግድ መሆኑን ልንረዳ ያስፈልጋል፡፡ በዚህ ረገድ የገባቸውና ፈተናው ተግዳሮቱ አጋጣሚውን ለመጠቀም ጠላት ሃይማኖትንና ዘርን ሽፋን አድርጎ እንደሚመጣ በመረዳት በሀገራቸውና በሕዝባቸው ጥቅሞች ላይ ፈጽሞ ያለመደራደር ጠንካራ አቋም የያዙ የእስልምና ተከታይ ወገኖቻችን እነኝህን የሳቱና ያልገባቸውን የጠላት መጠቀሚያ ወገኖቻችንን ከያዙት የጥፋት ዓላማ እንዲመለሱና ለገዛ ሀገራቸውና ለሕዝባቸው ዋጋ መሥዋዕትነትን እንዲከፍሉ የመምከርና የማስተማር ተግባራቸውን ሳይደክሙና ሳይሰለቹ ጠንክረው እንዲወጡ በዚህ አጋጣሚ አበክሬ ማሳሰብ እወዳለሁ፡፡

ኢትዮጵያ ለዘለዓለም ትኑር!!!

The post ላልቀረልን ሀገርንና ሕዝብን የመታደግ ትግል ተነሡ! – ሠዓሊ አምሳሉ ገ/ኪዳን አርጋው appeared first on Zehabesha Amharic.

‹‹ሲፈልግ ሾማቸው ሲፈልግ ሻራቸው!!››
አርብ የካቲት 6/2007
ድምጻችን ይሰማ እንደዘገበው:-

የመንግስት እጆች ዛሬም በመጅሊስ ውስጥ እንደተዘፈቁ ያረጋገጠውን በቅርቡ የተካሄደውን ህገወጥ የመጅሊስ ሹማምንት ሹም ሽር በመቃወም ደማቅ ድንገተኛ ተቃውሞ በአዲስ አበባ በታላቁ አንዋር መስጊድ ተካሄደ፡፡ ተቃውሞው ‹‹ሲፈልግ ሾማቸው ሲፈልግ ሻራቸው!›› በሚል መሪ ቃል የተካሄደ ነበር፡፡ ህብረተሰቡ የተለያዩ ቀለማት ያላቸው ፊኛዎችን እና መፈክሮችን በመጠቀም መሪ ቃሉን በደማቅ ሁኔታ አንፀባርቋል፡፡ ተቃውሞው በወኪሎቻችን አማካኝነት ለመንግስት ያቀረብነው የ‹‹ነፃ መጅሊስ›› ጥያቄ ዛሬም ህያው የማታገያ አጀንዳ እንደሆነና ከወኪሎቻችን ጋርም እስከ ድል አብረን እንደምንቀጥል ትልቅ መልዕክት ያስተላለፈ ነው፡፡

በከፍተኛ መስዋእትነት በወታደራዊው ደርግ ዘመን ያገኘነው ተቋማዊ መብታችንን (መጅሊስን) በኢህአዴግ መንግስት ከተነጠቅን ዓመታት ተቆጥረዋል፡፡ በይበልጥም የሃይማኖት መሪዎችን ምርጫ ‹‹በቀበሌዬ ካልሆነ አይሞከርም›› በሚል አይን ያወጣ ጣልቃ ገብነት ካድሬዎችን የሾመበት አጋጣሚ ‹‹መንግስት በመጅሊስ ውስጥ ጣልቃ ገባ›› የሚያስብል ከመሆንም አልፎ ህዝብ ትንሽም ቢሆን በተቋሙ ጉዳይ ጣልቃ እንዳይገባ በሩን የዘጋበት ታሪካዊ ሁነት ነበር፡፡ በቅርቡ ደግሞ ሲፈልግ ከያሉበት ጠርቶ በፖለቲካዊ ስሌት የሾማቸውን የመጅሊስ ህገወጥ ሹማምንት አንድ የቀበሌ አስተዳዳሪ ከመቀየር ባልከበደ ሁኔታ ሲሽራቸው ከርሟል፡፡ የሹም ሽሩ ድራማ በደም የተገኘውን መጅሊሳችንን ክብር ያጎደፈ፣ መንግስት ዛሬም ከመጅሊስ ለመውጣት ትንሽም ፍላጎት እንደሌለው ያሳየ፣ በመንግስት ጉያ ተሸሽገው ከህዝብ ተቃራኒ የቆሙ ወገኖች የነገ እጣ ፈንታቸው ምን ሊሆን እንደሚችል በተግባር ያሳየ፣ እንዲሁም በመጅሊስ እና በሌሎች የመንግስት የፖለቲካ መዋቅሮች ውስጥ የሚካሄዱ ሹምሽሮች ከተመሳሳይ ቦታ በተመሳሳይ ‹‹ህግ›› የሚከናወኑ መሆኑን ከምንግዜውም በላይ በተግባር ያሳየ ነበር፡፡

ህዝበ ሙስሊሙ ተቋሙን ዛሬ ላይ እጁን ተጠምዝዞ ተቀምቶ ህገ ወጦች እንዲፈራረቁበት ቢደረግም በተቋሙ ላይ ያለው የባለቤትነት ስሜት ግን አሁንም ህያው ነው፡፡ የጀመረውን ሰላማዊ ትግል ዳር ሲያደርስ መጅሊስን እውነተኛ የህዝብ ተቋም እንዲሆን አድርጎ ነፃ ማውጣትም ትልቁ ግቡ ነው፡፡ መንግስት እያካሄደ ያለው ሹምሽር ህገ ወጦችን በህገ ወጦች መተካት በመሆኑ በራሱ ህገወጥነት ነው፡፡ ህዝቡም ተግባራዊ ምላሽ መስጠትን ጨምሮ ጉዳዩን በዝምታ እንደማያልፈው መግለፁ ይታወሳል፡፡ የዚህ ህዝባዊ ምላሽ አንድ አካል የሆነው የዛሬው የጁሙዓ መርሃ ግብር በተሳካ መልኩ ተከናውኗል፤ አልሐምዱሊላህ!!!

ትግላችን እስከድል ደጃፎች በአላህ ፈቃድ ይቀጥላል!
ድምጻችን ይሰማ!

The post ድንገተኛና ደማቅ የፊኛ መልቀቅ ተቃውሞ በአንዋር መስጊድ ተካሄደ appeared first on Zehabesha Amharic.

በማህበራዊ ሚዲያዎች ሳይነገር; በሚዲያ ሳይይጠራ ውስጥ ለውስጥ በተደረገ ግንኙነት ኢትዮጵያውያን ሙስሊሞች ውስጥ ለውስጥ በህቡዕ በመነጋገር ዛሬ በአንዋር መስጊድ ደማቅ ተዋውሞ አካሂደዋል:: ቢቢኤን የተቃውሞውን ሁኔታ አስመልክቶ ሰበር ዘገባ አዘጋጅቷል – ዘ-ሐበሻ እንደሚከተለው አካፍላችኋለች::

The post ስለታላቁ አንዋር መስጅድ ቅጽበታዊ ተቃውሞ የቢቢኤን የድምጽ ዘገባ ያድምጡ appeared first on Zehabesha Amharic.

ለአፍሪካ የክለቦች ሻምፒዮንስ ሊግ የማጣሪያ ጨዋታን ለማድረግ የቅዱስ ጊዮርጊስ ስፖርት ክለብ አባላት አልጄሪያ ይገኛሉ።

ቅ.ጊዮርጊስ የፊታችን ቅዳሜ ምሽት 12:00 ሰአት ከአልጄሪያው ኤም ሲ ኤል ኤልማ ክለብ የሚያደርገው ጨዋታ የቀጥታ ስርጭቶች በቲቭ እንደሚያገኝ የደረሱን መረጃዎች ያመላክታሉ::

ሌላኛው የኢትዮጵያ ተወካይ ደደቢት ከሲሸልሱ ኮት ዲ ሆር ጋር ቅዳሜ በ9 ሰአት ለሚያደርገው የካፍ ኮንፌዴሬሽን ጨዋታው ወደ ስፍራው በኬንያ አድርጎ ቢያመራም አራት የደደቢት ክለብ ተጨዋቾች በቪዛ ምክንያት ከሲሺየልስ ተመለሱ መመለሱን ኢትዮ ኪክ ኦፍ ዘገበ::

በየአፍሪካ ኮንፌዴሬሽን ካፕ የቅድመ ማጣሪያ የመጀመሪያ ጨዋታውን ለማካሄድ ትናንት ወደ ሲሺየልስ ካመራው የደደቢት እግር ኳስ ክለብ 29 የልኡካን ቡድን አባላት መካካል በቪዛ ምክንያት አራት የውጭ ሃገር ተጨዋቾች ወደ አዲስ አበባ እንዲመለሱ ተደረገ፡፡

የሲሺየልስ ኢሚግሬሽን ባላስልጣን እ.አ.አ ከ2014 ዓ.ም ጀምሮ ስራ ላይ ያዋለውንና በምእራብ አፍሪካ ሃገሮች ዜጎች ላይ ተፈጻሚ እንዲሆን የተደረገው ጥብቅ የጉዞ መመሪያ ባለመከበሩ ምክንያት ወደ አዲስ አበባ ለመመለስ የተገደዱት አዲሱን ጋናዊ ግብ ጠባቂ ጨምሮ የክለቡ ተጨዋቾች ሱሊማና አቡ፣ሞሃመድ አዳሙ፣ሳሙኤል ሳኑሚ እና ጋብርኤልአህመድ ሹኢብ ናቸው፡፡

ከደህንነት ስጋት ጋር ተያይዞ የሲሺየልስ ኢሚግሬሽን ባለስልጣን ባወጣው ጥብቅ መመሪያ መሰረት ከምእራብ አፍሪካ አገሮች ለማንኛውም ጉዳይና ተልእኮ ወደ ሲሺየልስ ለሚያመሩና አውሮፕላን ማረፊያ እንደደረሱ የመግቢያ ቪዛ የሚጠይቁ ተጓዦች በቅድሚያ ህጋዊ ፓስፖርታቸውን ወደ ሲሺየልስ በመላክ ፈቃድ መያዝ ይኖርባቸዋል፡፡
አራቱ ተጨዋቾች ያጋጠማቸውን የመግቢያ ቪዛ ችግር ለመፍታት የኢትዮጵያ እግር ኳስ ፌዴሬሽን አዲስ አበባ ከሚገኘው የሲሺየልስ ኤምባሲ ጋር በመነጋጋርና ተጨማሪ የጉዞ ሰነዶች በመላክ እንዲሁም ከኤምባሲው የትብብር ደበዳቤ እንዲጻፍና በተላያዩ የመገናኛ ዘዴዎች ተከታታይ መልእክቶች እንዲተላላፉ ቢያደርግም በመመሪያው ጥብቅነት የተነሳ ሊሳካ እንዳልቻለ ታውቋል፡፡ ከሲሺየልስ አውሮፕላን ማረፊያ እንዲመለሱ የተደረጉት አራት የደደቢት እግር ኳስ ክለብ ተጨዋቾች ነገ ከቀኑ 6፡00 ላይ አዲስ አበባ እንደሚገቡ ይጠበቃል፡

ክለቡ ቌሚ ግብ ጠባቂዎቹ በጉዳት ምክንያት ከቡድኑ ጋር ያልተጓዙ ሲሆን አዲሱ ጋናዊ ግብ ጠባቂ ለቡድኑ ቌሚ ተሰላፊ ይሆናል በሚል ተስፋ የተጣለበትም ቢሆን የሲሸልስ መንግት ህግ መሰረት ደደቢት ጋናዊውን ግብ ጠባቂ ጨምሮ የምህራብ አፍሪካ ተጨዋቾቹን ወደ አዲስ አበባ እንዲመለሱ እና ያለ ቌሚ ግብ ጠባቂ ከሜዳ ውጭ ጨዋታውን ያደርጋል::

ይህ በእንዲህ እንዳለ

“የመጀመሪያ የሻምፒየንስ ሊግ ጨዋታችንን ለማድረግ ተዘጋጅተናል”

ቅዱስ ጊዮርጊስ ከምስረታው ጀምሮ በወጣቶች በማመን ከታች ቡድን በማሳግ እና እድል በመስጠት ያምናል፡፡ በዘንድሮው አመትም ይኸው አመኔታ ቀጥሎ በዛ ላሉ ወጣቶች ዕድል መስጠት ተችሏል፡፡
በተለይም አምና በተስፋ ቡድን ሲጫወት የምናውቀውና ዘንድሮ የዋናው ቡድን አባል የሆነው አንዳርጋቸው ይላቅ፤ ባለፈው አመት በቢጫ ቴሴራ አድጎ በዋናው ቡድን ሲጫወት የነበረው እና ዘንድሮ በፕሪምየር ሊጉ ብቻ በግራ መስመር በኩል በመሰለፍ ከአስር በላይ ጨዋታዎችን በቋሚነት መጀመር የቻለው ዘካርያስ ቱጂ ከዚህ በተጨማሪም ባለፈው አመት የከ17 አመት በታች ቡድናችን አምበል የነበረው እና ዘንድሮ ቡድናችን ከአርባ ምንጭ፤ ወልዲያ እና ደደቢት ጋር ባደረገው ጨዋታ ላይ መሳተፍ የቻለው አቡበከር ሳኒ ለዚህ ምሳሌያችን ተጠቃሾች ናቸው፡፡

እነዚህ ለምሳሌ ያህል የጠቀስናቸው ታዳጊ ተጨዋቾች በሀገር ውስጥ እድል ሲሰጣቸው የነበረ ሲሆን አሁን ደግሞ ቡድናችን በመጪው ቅዳሜ በአፍሪካ ሻምፒየንስ ሊግ ከአልጄርያው ኤም ሲ ኤል ኡልማ ጋር በሚካሂደው ጨዋታ ላይ ቁጥራቸው በዛ ያሉ ወጣቶች እና ለአፍሪካ ሻምፒየንስ ሊግ እንግዳ የሆኑ ተጨዋቾች ይሳተፋሉ፡፡
ሰልሃዲን ባርጌቾ፤አንዳርጋቸው ይላቅ፤ዘካርያስ ቱጂ፤ መሀሪ መና፤ዳዋ ሁጤሳን የመሳሰሉ ተጨዋቾች የመጀመርያ የሻምፒየንስ ሊግ ጨዋታቸውን ያደርጋሉ፡፡ይህንን ምክንያት በማድረግም ዘካርያስ ቱጂ እና አንዳርጋቸው ይላቅን በአፍሪካ ሻምፒየንስ ሊግ ላይ በመሳተፋቸው ምን እንደተሰማቸው ጠይቀናቸው ነበር፡፡

ዘካርያስ ቱጂ ” የአንድ ተጨዋች ትልቁ ህልሙ ክለቡን በሊግ እና በአህጉራዊ ውድድሮች ላይ ጥሩ ተሳታፊ አድርጎ ሻምፒዮን መሆን ነው ሁለተኛው ደግሞ ሀገርህን በአለም አቀፍ ውድድሮች መወከል ነው፡፡ እኔ እንደ አንድ ተጨዋች ዘንድሮ በሊጉ ላይ በአብዛኛው ጨዋታዎች ተሰልፌያለሁ፡፡ በዚህም ደስተኛ ነኝ ነገር ግን እንደነ ደጉ ፤ አዳነ እና አሉላ ያሉትን የቡድን ጓደኞቼን ስመለከት ገና ብዙ መስራት ያሉብኝ ነገሮች እንዳሉ ይሰማኛል፡፡ የመጀመሪያውን አሰልጣኞቼ እና የቡድን ጓደኞቼ የሚነግሩኝን እየሰማሁ አሁን የደረስኩበት ቦታ ደርሻለሁ፡፡አሁን ቀጣዩ የሻምፒየንስ ሊግ ጨዋታም እኔ የምፈተንበት ይሆናል ብዬ አስባለሁ፡፡ ነገር ግን የመጀመርያ ጨዋታዬ እንደመሆኑ መጠን በጥሩ ጤንነት እና ጥሩ ስራን እየሰራሁ በትኩረት በመዘጋጀት ላይ እገኛለሁ፡፡”
አንዳርጋቸው ይላቅ አምና የአዲስ አበባ እግር ኳስ ፌዴሬሽን በሚያዘጋጀው የተስፋ ቡድኖች ጨዋታ ላይ ሲጫወት የነበረ ተጨዋች ነው፡፡እንደ ዘካርያስ ሁሉ አንዳርጋቸውም ታላላቅ ተጨዋቾች የደረሱበት ደረጃ ለመድረስ ጠንክሮ እየሰራ እንደሆነ ለቅዱስ ጊዮርጊስ ድህረ ገፅ ተናግሯል፡፡

“ትልቅ ቡድን ውስጥ በወጣትነት መግባት ጥሩነቱ ከታላላቅ ተጫዋቾች ጋር እንድትጫወት እና ከእነሱም ብዙ ልምዶችን እንድትቀስም ያደርግሀል፡፡በተለይም ለእኛ ቡድን ውስጥ ለወጣቶች እድሎች በብዛት ስሚሰጡ ወጣቶች የመማርያ ቦታን ያገኛሉ፡፡ እኔም ያንኑ እያደረግኩ እገኛለሁ፡፡ለሚመጣው ጨዋታም ለመጀመሪያ ጊዜ ከሀገር ውጪ ልጫወት ነው፡፡ በዚህ ደግሞ እጅግ በጣም ደስተኛ ነኝ፡፡ መጪውን ጨዋታም አሸንፈን ወደ ቀጣዩ ዙር እንደምናልፍ እርግጠኛ ነኝ በማለት ሃሳቡን አካፍሏል፡፡
የቅዱስ ጊዮርጊስ እና የኤል ኡልማ ጨዋታ በመጪው ቅዳሜ በኢትዮጵያውያን ሰአት አቆጣጠር ከምሽቱ ሁለት ሰአት ይከናወናል፡፡

The post ሲሸልስ 4 የደደቢት ተጨዋቾች ሃገሯ እንዳይገቡ አገደች * ቅዱስ‬ ጊዮርጊስ እና ደደቢት በካፍ ክለቦች ጨዋታቸውን ነገ ቅዳሜ ያደርጋሉ appeared first on Zehabesha Amharic.

አዲስ አበባ ከዛሬ ነገ ትነቃለች ተብላ ብትጠበቅም እንቅልፍ ውስጥ ናት፡፡ ጭልጥ ብላ ተኝታለች፡፡ 10 ዓመት ሙሉ እንቅልፍ ያልሰለቻት ከተማ ብትኖር አዲስ አበባ ናት፡፡ የዛሬ 10 ዓመት በዚህ ወቅት ከተማዋ የምር ንቁ ሆና ነበር፡፡ እድሜ ለቅንጅትና ለህብረት እንጂ ያኔ በዚህ ወቅት ላይ አዲስ አበባ በየዕለቱ አዲስ ክስተትን ታስተናግድ ነበር፡፡ ያኔ ሸገር እንቅልፍ አልነበራትም፤ የፖለቲካ ግለት ውስጥ ነበረች፡፡ አሁን ላይ ያቺ ግለታም ከተማ እንቅልፍ ላይ ነች፡፡

ምርጫ እንደሁ የአንድ ቀን ክንውን ነው፡፡ ዳሩ ግን የምርጫ ጣዕሙ ሂደቱ ነው፡፡ ሂደት ያለው ምርጫ ከተማን ቀርቶ ገጠርን አያስተኛም፤ ግለታም ነው፡፡ ሂደት ያለው ምርጫ ልክ እንደ 1997 ዓ.ም ምርጫ ወቅት ሀገርን ያነቃቃል፤ ድብርትን ይገፍፋል፡፡ በተለይማ እንደ አዲስ አበባ ያሉ ከተሞች ሂደት ባለው ምርጫ እንቅልፍ አይኖራቸውም፡፡ ዘንድሮ ግን ምርጫ ያለ አይመስልም፡፡ ምርጫ አለ ከተባለም ሂደት የሌለው ምርጫ ነው ማለት ነው፡፡ ለዚህም ነው አዲስ አበባ ያልነቃችው፡፡ ለዚህም ነው አዲስ አበባ ሙቀት አልባ የሆነችው፡፡

ለስሙ ዘንድሮ ምርጫ አለ ተብለናል፡፡ ምርጫ አለ ከተባላችሁ ሌላ ምን ፈለጋችሁ ይመስላል ነገሩ፤ ምክንያቱም ሂደቱን እያየነው አይደለምና ነው፡፡ የምርጫ ጣዕሙ ሂደቱ ሳይሆን ውጤቱ ነው ሊሉን የተዘጋጁ ይመስላል፡፡ ለቅጥፈታቸው ሀፍረት የላቸውም፡፡ እነሱ ደፋሮች ናቸው!

“It is enough that the people know there was an election. The people who cast the vote decide nothing. The people who count the votes decide everything” እንዳለው Joseph Stalin ነገሩን ሁሉ ለእኛ ተውት፣ እናንተ ምርጫ አለ ካልናችሁ ይበቃችኋል ማለታቸው ነው፡፡

እናም አዲስ አበባ ብትነቃም ባትነቃም ለውጥ ያለው አይመስልም፡፡ ሲጀመር አዲስ አበባን አባብሎም ሆነ አስፈራርቶ የማስተኛቱ ስራ ከ97 ምርጫ ማግስት በደንብ የተጠናከረ ጉዳይ ነው፡፡ አዲስ አበባ የሚያስተኛት እንጂ ቀስቃሽ አጥታለች፡፡ በግላቸው የሚውተረተሩ ቀስቃሾቿም አሁን በየእስር ቤቱ ታጉረዋል፡፡ በፓርቲ ደረጃ አለን የሚሉትም መሬት ላይ ወርደው ከህዝብ ጋር መገናኘት አልቻሉም፡፡ መሬት ላይ ላለመውረዳቸው ደግሞ ሁለት ምክንያቶች አሉ፤ አንደኛው አዲስ አበባ ቀስቃሽ እንዳታገኝ ነቅቶ የሚሰራው ገዥው አካል ነው፡፡ ሁለተኛው ደግሞ አዲስ አበባን ለመቀስቀስ ሚና ይኖራቸዋል የሚባሉት ፓርቲዎች የራሳቸው የውስጥ ድክመት ነው፡፡

አዲስ አበባ ፍዝዝ ቅዝዝ ስትል ሀገሪቱ በሙሉ ፍዝ ትሆናለች፡፡ አዲስ አበባ ስትነቃ ደግሞ ሀገሪቱ ትንቀሳቀሳለች፡፡ ምክንያቱም አዲስ አበባ የኢትዮጵያ የግለት መለኪያ ማዕከል ናት፡፡ ስለሆነም ሀገሪቱን ለማንቀሳቀስ አዲስ አበባን ከእንቅልፏ መቀስቀስ ግድ የሚል ይሆናል፡፡ በግሌ ዘንድሮ አዲስ አበባ ትነቃቃለች የሚል ተስፋ ነበረኝ፤ (አጉል የምርጫ ተስፈኛ ነበርኩ ማለት ነው)፡፡ በእስካሁኑ ሁኔታዋ ግን አዲስ አበባ እንቅልፏ ጭልጥ ያለ ሆኗል፡፡ እንዲያውም ከተማዋ ምርጫ መኖሩን ሁሉ ያወቀች አይመስለኝም፤ አልያም ደግሞ ምርጫው ምርጫ እንደማይሆን ቀድሞ ገብቷታል ማለት ነው፡፡

በእርግጥም ሂደት አልባ ምርጫ ከማላገጫነት አይዘልም፡፡ የዘንድሮው ምርጫ አካል ሆኖ ታህሳስ 12 ቀን 2007 ዓ.ም የተደረገው የምርጫ ታዛቢዎች ምርጫ ምን ይመስል እንደነበር ማስታወስ ይቻላል፡፡ በዕለቱ የህዝብ የምርጫ ታዛቢ ተብለው የተመረጡ ሰዎች የገዥው ፓርቲ አባላትና በተለያዩ አደረጃጀቶች ውስጥ ለስርዓቱ አገልጋይ የሆኑ ግለሰቦች መሆናቸውን የተቃዋሚ ፓርቲዎች ተወካዮች በአካል ተገኝተው በሰበሰቡት መረጃ አመልክተዋል፤ በታዛቢዎች ምርጫ የነበረውን ችግር ፓርቲዎቹ በመግለጫም አውግዘዋል፡፡ ይህም ሂደት አልባው ምርጫ እየመጣ እንደነበር አንዱ አመላካች ደወል ነበር ማለት ይቻላል፡፡ አዲስ አበባም ይህን ከማየት መተኛትን መረጠች፡፡

አዲስ አበባ እውነት አላት፡፡ ታዛቢ የሌለው ምርጫ ውጤቱ ቀድሞ የሚታወቅ ነው፡፡ በዚህ በታዛቢዎች ምርጫ ቅሬታ ያደረባት አዲስ አበባ ሌላም ተጨማሪ ቅሬታን ማስተናገድ ግድ ሆነባት፡፡ አዎ የ97ቱን ግለቷን የታዘበላት፣ ታዝቦም እውነቱን የመሰከረላት የአውሮፓ ህብረት የምርጫ ታዛቢ ቡድን የዘንድሮውን ምርጫ እንደማይታዘብ ሰማች፡፡ ለመሆኑ የአውሮፓ ህብረት ምርጫውን አልታዘብም ሲል ምን ማለቱ ይሆን?

የመድረክ የውጭ ጉዳይ ኃላፊ ዶ/ር መረራ ጉዲና የአውሮፓ ህብረት ከታዛቢነት ራሱን ማግለሉ በመድረክ ወደ ምርጫ መግባት እና አለመግባት ላይ ተጽዕኖ እንደሚኖረው በመግለጽ ህብረቱ አልታዘብም ሲል መልዕክት አለው ይላሉ፡፡ ‹‹እነሱ አንታዘብም ሲሉ ዝም ብለው አይደለም፡፡ በጨዋታው ተስፋ ቆርጠው ይሆናል፡፡ ህብረቱ እኛንም ሲጠይቅ እየዞረም ሲያጠና ነበር፡፡ እናም ዝም ብሎ መጣላት እንጂ ሌላ ምንም አይነት ትርጉም የሌለው ስለሆነ ይሆናል›› ይላሉ የፖለቲካል ሳይንስ ምሁሩ ዶ/ር መረራ፡፡ አዲስ አበባም የእንቅልፏ መብዛት በምርጫው ተስፋ ከማጣት ይሆናል፡፡

ምርጫ አለ መባሉ በራሱ በቂ ነው የሚል የሚመስለው መንግስት (ኢህአዴግ) ደግሞ እናንተ ከአውሮፓ ህብረት ምን አላችሁ ምርጫውን እኮ የአፍሪካ ህብረት ይታዘበዋል ይላል፡፡ መረራ ግን ይህ አይዋጥላቸውም፡፡ የምን የአፍሪካ ህብረት ታዛቢ ነው ባይ ናቸው፡፡ ‹‹የአፍሪካ ህብረት ታዛቢዎች እከክልኝ ልከክልህ የሚባለው ነገር ነው፡፡ በአብዛኞቹ የአፍሪካ ሀገራት ነጻ ምርጫ እየተካሄ እንዳለ እሙን ነው፡፡ ስለዚህ የአፍሪካ ህብረት ታዛቢ ቡድን ምርጫ ለመታዘብ መሄድ ማለት መዝናኛ እንደመሄድ ማለት ነው-ለእነሱ›› በማለት የአፍሪካ ህብረት ምርጫን ለመታዘብ ሞራሉ እንደሌለው ይናገራሉ፡፡

ይህንንም አዲስ አበባ የተስማማችበት ጉዳይ ለመሆኑ በድብርቷ አሳይታለች፡፡ የአፍሪካ ህብረት ስለምርጫ መታዘብ ማውራት ማለት ፌዝ ነው ያለች ትመስላለች፡፡ የሰማያዊ ፓርቲ የውጭ ግንኙነት ኃላፊ አቶ ሰለሞን ተሰማ ይህንን የሚያጠናክር አስተያየት አላቸው፣ ‹‹የአፍሪካ ህብረት ምርጫውን ይታዘበዋል ማለት ፌዝ ነው፡፡ የአፍሪካ ህብረት የትም ቦታ ታዝቦ ትክክለኛ ውሳኔ ሲሰጥ አይተንም አናውቅም፡፡ እኛም አንጠብቅም፡፡››

እንግዲህ በዚህ ሁኔታ ውስጥ አዲስ አበባ ባትተኛ ነው የሚገርመው፡፡ ኢትዮጵያ ለምርጫ ጆሮ ዳባ ልበስ ባትል ነው የሚያስደንቀው፡፡ ሂደት የሌለው ምርጫ ድብታም ነው፡፡ አዲስ አበባ ከእንቅልፌ ይቀሰቅሱኛል ብላ ተስፋ የምታደርጋቸው ፓርቲዎች በሴራ ተጠልፈው አይሆኑ ሆነዋል፡፡ አሉ የሚባሉትም ቢሆን በእስካሁኑ እርምጃቸው የ10 ዓመት ድብትን ማስለቀቅና ከተማዋን ማነቃቃት አልቻሉም፡፡

አዲስ አበባን ከማንም ቀድመው ይቀሰቅሷታል ተብለው ይጠበቁ የነበሩት ሚዲያዎች እንኳን የተኛን ለመቀስቀስ እድል ሊያገኙ ይቅርና ራሳቸውም እንዲያሸልቡ ከመደረግ አልተረፉም፡፡ ታዲያ እነአጅሬው ያለ ነጻ ሚዲያ ምርጫ አለ ይሉናል፤ ያለ ሲቪክ ማህበራት ምርጫ አለ ይሉናል፡፡ ያለ ገለልተኛ ታዛቢ ምርጫውን እናደርጋለን ይሉናል፡፡ አዲስ አበባን እንኳ ከእንቅልፏ ባልቀሰቀሰ ሂደት አልባ ምርጫ ‹ህዝቡ በነቂስ ወጥቶ…በዚህ ወጥቶ በዚህ ገብቶ…› እያሉ ይደሰኩሩብናል፡፡ ዲስኩራቸው ግን ከንቱ ነው፡፡ የዲስኩራቸው ከንቱነት ማሳያ ደግሞ ማዕከላችን አዲስ አበባ ናት፡፡ አዲስ አበባ ዘንድሮ ምርጫ የለም ብላ አርምማለች፡፡

አሁን ላይ አዲስ አበባ የምትነቃቃው በሂደት አልባው ምርጫ አይመስለኝም፡፡ አዲስ አበባ ከእንቅልፏ የምትነቃው ወደ ምርጫ ሊወስድ ከሚችል ቅድመ-ምርጫ የህዝብ ንቅናቄና ቁልፍ የፖለቲካ ውሳኔዎች ነው፡፡ አለበለዚያ ግን በዚህ ሁኔታ ምርጫን ማድረግ ትርፉ ከድሆች የተሰበሰበን ገንዘብ ማባከን ነው፡፡ በዚህ ሁኔታ ምርጫ ማድረግ በእያንዳንዱ ዜጋ ስም በእርዳታ የተገኘን ሀብት ማባከን ነው፡፡ ከምርጫው በፊት የማነቃቂያ እርምጃዎች ያስፈልጋሉ፡፡ የምር አዲስ አበባን ከእንቅልፏ ለማንቃት አብይ የፖለቲካ ውሳኔዎችን ማሳለፍ የሚጠይቅ ይመስለኛል፡፡

በግፍ የታሰሩ የህሊና እስረኞችን መፍታት፣ የነጻው ፕሬስ እንዲያንሰራራ ማድረግ፣ ለተቃዋሚ ፓርቲዎች በነጻነት የመንቀሳቀስ ነጻነትን ማክበር፣ የተቋማትን ገለልተኝነት ማረጋገጥ እና ሌሎችንም ውሳኔዎች ከምርጫ በፊት መወሰን በሀገር ደረጃ የተጣባንን የፖለቲካ ድብት ለማራገፍ ወሳኝነት ያለው ይሆናል፡፡ (በቀረው ሶሰት ወር ስንቱ ተደርጎ ይደርስ ይሆን? ) የተቃዋሚ የፖለቲካ ፓርቲዎችም ቢሆን ለዚህ አይነቱ እርምጃ መንግስት ላይ በጋራ ጫና ማሳደር የሚኖርባቸው ጊዜ ላይ ናቸው፡፡ አልያ ግን ምርጫ ነበር ከመባል ውጭ በምርጫው የተለየ ውጤትን መጠበቅ ቂልነት ከመሆን አይዘልቅም፡፡ አዲስ አበባም ከድብቷ አትላቀቅም፡፡

The post ዘንድሮ ምርጫ ያለ አይመስልም፣ አዲስ አበባም እንቅልፍ ላይ ናት -በላይ ማናዬ appeared first on Zehabesha Amharic.

አቶ አስገደ ገ/ስላሴ

አቶ አስገደ ገ/ስላሴ በፖሊስ እየታደኑ ነው
በዘንድሮው ምርጫ ሰማያዊን ወክለው በመቀሌ ለውድድር የቀረቡት አቶ አስገደ
ገ/ስላሴ በፖሊስ እየታደኑ መሆኑን ገለጹ፡፡
አቶ አስገደ አሁን ላይ ከቤታቸው ውጭ ከተማ መውጣታቸውን ገልጸው፣ ቤታቸው
ሦስት ፖሊሶች ሄደው ‹‹አቶ አስገደ የት ናቸው? ይፈለጋሉ!›› በሚል አሁንም ድረስ…
ቤታቸው አካባቢ እየፈለጓቸው መሆኑን ለነገረ ኢትዮጵያ ገልጸዋል፡፡

The post ሰበር ዜና አቶ አስገደ ገ/ስላሴ በፖሊስ እየታደኑ ነው appeared first on Zehabesha Amharic.

ከአምዶም ገብረሥላሴ

በመቐለ ምስራቃዊ ክፍል የሚገኝ የኣሸጎዳ በንፋስ የሚሰራ ኤለክትሪክ ማመንጫ ሃይል በዲናሞ መቃጠል ምክንያት ከስራ ውጭ መሆኑ ታውቋል። የተቃጠለው ዲናሞ 150 ሜጋዋት የማመንጨት ኣቅም የነበረው ሲሆን ምክንያቱ ባልታወቀ ምክንያት በመቃጠሉ ሃይል የማመንጨት ኣቅሙ ሙሉ በሙሉ ማቆሙ ታውቋል። የተቃጠለው ዲናሞ ቅያሪ በሃገር ውስጥ እንደሌለና ከፈረንሳይ ሃገር እንደሚመጣ ታውቋል። የህወሓት የ40 ዓመት የልደት በዓል እንደ ታላቅ ውጤትና ማጣፈጫ ተደርጎ ሊወሰደ ታስቦ የነበረ ሲሆን ባልታወቀ ምክንያት መቃጠሉ በክልሉ ከፍተኛ ባለስልጣናት ከፍተኛ ቁጣና ድንጋጤ መፍጠሩ ታውቋል።

የትግራይ ባለስልጣናት እንደ ግዝያዊ መፍትሄ ኣድርገው የወሰዱት የየካቲት በዓል እስኪያልፍ ከፈርንሳይ በክራይ እንዲመጣና ብልሸት እንዳልደረሰው ኣስመስሎ በማሳለፍ በዓሉ ከተጠናቀቀ በሗላ ዲናሞው ወደ ፈረንሳይ እንዲመለስ የሚል ትእዛዝ ኣስተላልፈዋል። የህወሓት ባለስልጣና የየካቲት በዓል ታዳሚዎች ኣሳፋሪ በሆነ ድራማ ኣጭበርብረው ለመመልስ ከፈረንሳይ ዲናሞ ተከራይተው ካሳዩሗቹ በሗላ ተመልሰው ወደ መጣበት ይመልሱታል።

ህወሓት የዲናሞው መቃጠል ለየካቲት በዓል ማክበርያ ካወጣችው 1 ቢልዮን ብር ወጪ የምታወጣው ተጨማሪ ግዙፍ ብር ይሆናል።

The post ኣሸጎዳ የንፋስ መብራት ማመንጫ ሃይል ዲናሞ በመቃጠሉ ምክንያት ከጥቅም ውጭ ሆነ appeared first on Zehabesha Amharic.

ሰማያዊ ፓርቲ ምርጫ ቦርድ በአንድነት ፓርቲ ላይ ውሳኔ ማስተላለፉን ተከትሎ ፓርቲን ለተቀላቀሉትን የቀድሞ የአንድነት አባላት እሁድ የካቲት 8/2007 ዓ.ም ከቀኑ 8 ሰዓት ጀምሮ የእንኳን ደህና መጣችሁ አቀባበል እንደሚያደርግ ሊቀመንበሩ ኢ/ር ይልቃል ጌትነት ለነገረ ኢትዮጵያ ገልጸዋል፡፡

ፕሮግራሙን ማዘጋጀት ያስፈለገው ምርጫ ቦርድ በአንድነት ላይ በወሰደው እርምጃ ተስፋ ሳይቆርጡ ሰማያዊ ፓርቲን የተቀላቅሉ አባላት ትግሉን ለማጠናከር ያሳዩትን ቆራትነት እና አብሮነት ለማጠናከር እንደሆነ ሊቀመንበሩ ገልጸዋል፡፡

The post ሰማያዊ ለአንድነት አባላት የእንኳን ደህና መጣችሁ አቀባበል ሊያደርግ ነው appeared first on Zehabesha Amharic.