แณแแแ แแฑ แซแฃ (แจแ แฒแต แ แ แฃ)
แงแธ โฆ. แดแดแดแดแดแดแด โฆ. แแญ แแญ แซแแฌ แแ
แฃ แแญ แแญ แจแแแ แแ
โฆ (2)
แแแ แแแแฝ แธแแ แ แ แแแตแฝ (2)
แจแถ แแดแต แแฃ แซ แฐแแแตแฝ (2)
แ แญ แ แแบ แแซแแญ แ แญ แ แแบ แแ แ แตแฃแญ (2)
แ แแแแฝ แแฑแต แซแฐแญแฝแแ แ แแฃแญ (2)
แฅแแฌ แแแตแฝแ แ แ แฃแก แ แฐแแ (2)
แแฌ แ แแ แ แซแ แจแแฝแ แ แฐแแ (2)
แฅแแแฒแ
แฅแแด แแซแญ แแ แฝแแ (2)
แแชแ แ แแ แ แฅแแฒแ
แซแแตแฝแแ (2)
แ แ แแฝ แแ แญแแ? แแตแฝแต แแ แญแแ? แฅแแแฝ แแ แญแแ? แ แ แแฝ แแ แญแแ?
แจแแ แจแฝ แแ แฅแแณแแแ แญ แฒแแแกแก (2)
แงแธโฆ แคแดแดแดโฆ แดแดแดแด โฆ.แดแดแดโฆ แซแแฌ แแ
แฌแฃ แจแแแ แแ
แฌ โฆ แแญ แแญ แซแฌ แแ
โฆ แแญ แแญ แจแแแ แแ
แฅแตแฅแด แจแแฒแซ แแแฅแฌ แแฒแ
(2)
แ แฐแแแตแฉแ แต แ แแแญแฉแ แจแฅแแแฒแ
(2)
แแแตแแ แแณแด แจแฅแแแฒแ
แแ แ (2)
แจแฐแจแกแต แแ แจแแ แแ แ (2)
แ แ แแฝ แแ แญแแ โฆ (แ แแแฝ)
แจแแแฝ แซแแฐแ แแแต แฅแแแ แตแ (2)
แฅแแดแต แฅแแฃแแ แจแคแณแฝแ แแ (2)
แ แแฒแท แแจแคแต แซแแแ แตแตแแณแ (2)
แฅแ แฅแ แแแ แฐแ แแ แจแแณแ (2)
แจแคแฑแ แตแฃแช แธแญแ แจแแซแแ (2)
แแ แ แญแแ
แญแแแ แขแซแแ แขแฐแญแ (2)
แฒแ แ แฅแแซแจแ แฅแแแ แ แณแซแฝ (2)
แ แญแจแแ
แ แแญ แแแแ แแซแฝ (2)
แ แ แแฝ แแ แญแแ? แแตแฝแต แแ แญแแ? แฅแแแฝ แแ แญแแ? แ แ แแฝ แแ แญแแ โฆ
แจแแ แจแฝ แแ แฅแแณแแแ แญ แฒแแแกแก (2)
แตแแแ แปแแธแ แจแ แฐ แซแแแแแธแ แแฉแ แแแซแ แแแแฝ แแตแฅ แจแ แแฐแแ แแฅแ (แแแฑแ แญแแญ)
๏๏๏
แ แขแตแฎแตแซแแแณแฝแ แจแแณแแแ แแแฝแ แจแแณแแ แจแ แฒแ แ แญแแด แจแ แแตแณแฝแ แแต แขแตแจแตแซแแซแ แแแแผแฃ แฅแแฐแแ แ แแฝแแแ? แจแ แฒแฑแ แแแต แแแแ แแฃแป แฅแแดแต แ แซแฝแแต? แแชแแ แแแแต แแฅแแแฐแ แแ แแฅแแต แแแซแฝแ แแ แฅแแฐแแแ แตแ แฅแแแฝแ? แแแแแแ แ แแต แแแตแแฝแ แ แแ แฐแแฃแฝแแตแ แ แแ แแแแฑ แญแ
แฝแ แแตแณแแป แแฎแแฝแแแ แจแฅแญแฉแณแ แแแแตแต แ แฃแญ แจแแแต แตแแขแตแ แแฅแชแต แณแ
แฃแฝแ แฅแแตแตแแแจแทแต แ แฐแซ แญแแฝแแแกแก แแแซแ แ แฒแต แแแตแกแก แ แฒแฑ แแแต แแแฝแแ แแฅ แแแฐแ แแฐแฌแ
แแแฝแ แจแแแแแตแ แต แฅแแฒแแ แจแแ
แฑ แแแตแ แธแแด แแแกแก
แแแฝ แแแแ แซแ
แ แ แญแแด แจแฐแ แแฑแต แขแตแฎแตแซแแซแ แขแฃแญแซแต แ แแแญแแฃ แคแแซแต แญแแแ แฅแญแแ แแ แแแแธแแ แแ แแ แฅแแณแแแกแก แฅแแแ
แแแแฝ แ แจแซแณแธแ แจแ แแต แแแฐแฅแแต แจแแญแแ แฐแซแ แฅแแ แฐแฅแฃแ แแกแซแ แแแแธแแ แ แแแแแกแก แแแญ แแ แฅแแฐแฌแแแฒแซ แ แแแธแ แจแฐแแซแฌ แแญแแ แซแแธแ แ แแแแธแแ แ แ แแต แแญ แ แแ แแแแต แฐแ
แแ แแฃแช แแแแธแ แตแแแณแแ
แแแณแธแ แจแ แฒแ แจแแแฝแฉแต แจแ แแต แแแฐแฅแแต แญแแณ แญแ แแฃแแกแก แญแ
แ แแแต แฅแ แขแฃแญแซแถแฝแฃ แฅแ แคแแซแถแฝแ แฅแ แฅแญแแแแฝ แแแซแธแ แจแ แฐแฃแฃแญ แแฅแขแญ แแ แแแแต แแแ แแแกแก แ แแณแด แจแแ
แฑ แจแแแฒแซ แแแต แแญ แจแแแฃแญ แแแกแก แ แแด แแ
แฐแแ
แ แแด แฐแแ แแแ แแแแ แฅแซแ แฒแปแ แฐแแแแฃ แณแซแปแ แถแแถแ แจแแแแ แ แจแแ
แฑ แแแฒแซแฝแ แ แ แฅแแแ แจแแแ
แฆแตแต แแแฐแฆแฝ แแชแซ แ แญแแฃแ โ แ แแฃแฃแ แจโset and subsetโ แแแญ แ แณแซ แฅแแแแจแฐแแ แ แบแ
แแซ แฐแฐแแ แจแแฐแแแจแ แจแแแฒแซ แฐแแแ แแ แฃแญ แแชแฃ แแ แ แแแ
แฆแตแต แฐแแฝ แแแจแ แญแฝแแแกแก แจแแแแจแ แแ แฅแแฐแแฐแแ แฅแ
แญ แฅแ
แฏแ แแแกแก
๏๏๏
แแซแ แซแขแ แ แ แฅแซ แ แแต แแซแต แจแ แแ
แตแแ แแกแฑแ แแแฅแฆ แฅแแฃแ แซแแ โแดแแญแซแฒแซแแต แชแแฅแแญ แฎแแโแ แแ แจแฐ โ แ แฅแแฃแ แฅแ แแ แฃแญแแญแแกแก แขแฃแญแซแต แ แแแญแ แจแแซแ แฆแญ แ แแแต แแแ แตแฅแฅแญแ แแแแฐแแ แตแแ แขแตแฎแตแซแ แฅแแฐแฐแฎ แแแฃแฅแ แ แฅแแต แตแฌแณแ แแแณแต แแตแฅ แแแแ แจแแตแแ แฃแแคแต แ แแฃ แแแญ แ แตแแแกแก แจแแแต แแแ แจแแแแต แแแตแ แจแฉแแแณแ แแ แซแแแ แ แฅแแต แแซแต แแแซ แแแแฅแต แฅแ แ แฉแแแณ โแดแแญแซแฒโแ แแแฃแกแก แแคแซ แแแฒแซ แแซแแแแต แ แแซแแ แแแแฅแณแต แฐแ แแฅแแ แฅแแฐแฐแ แฉ แจแแแแญแแธแแ แฅแแฐแ แแแปแธแ แแ แฅแแฑแ แ แ แแแฎแณแ แจแฐแ แแแต แแฅแญ (แญแณ โ death cult) แจแแซแแแต แญแแแน แจแขแตแแแญ แฅแตแดแต แแซแแแฝแ แ แฅแแต แแซแตแ แแแณแต แแแ
แตแ แแแแซ แแแซแฃแแซแแ แจแแซแญแ แฐแฅแต แแแปแธแแ แ แแงแงแ แแแแ แแต แฅแซแฐแ แแแค แจแกแญแฌแ แ แแฝแซแแ แ แฃแต แ แแแ แฉ แแซแตแ แฃแแแณแต แแตแฅ แฃแฐแจแแต แแแป แจแแแแ แ แแแฎ แจแซแตแ แแแแฅแต แฅแตแจแแแฅแจแต แฐแญแฐแแแค แแแปแแ แแตแจแปแแ แจแฐแแ แแญ แ แฅแแแฑ แ แณแฅแฆ แจแแตแญ แแฅแแต แจแแแ แจแแญแแชแซแ แฆแฎแแซแ แ แฅแแต แแซแต แตแแ แแแแ โแฅแซแตแจแแโ แแญแแชแซแแ แฅแซแแณแต แแแค โฆ แ แแแ
แแแต แแแต แฅแแณแ แจแจแแแน แ
แณแฃแ แแฒแแฝ แ แฅแแต แฃแแแณแต แแตแฅ โ แโนแ แแณแญแแธแ แฝแแ แแฅแแแฝ แขแตแฎแตแซแแซแ แแแฃแ แธแแต แแฅแแ แญแตแจแตแโบ โ แจแแแชแฑแ แแพแแแ แฌ แแแแฅแต แแ แจแฐแแ แฐแแ แตแจแต แแฅแฐแ แตแแแ แ แแแ
แแตแญแตแญ แฅแแฒแแแฅ แ แตแแตแฐแแณแแกแก แตแแญแฃแฉ แแฃแญแ แฅแตแจแแแ แแปแแ แจแแซแฃแซ แแแกแก แจแแแ แจแแแ แแแแชแซ แแฝแ โฆ..
๏๏๏
แ แขแตแฎแตแซ แแตแฅ แจแแซแแ แจแปแแขแซ แ แแ แจแฐแฃแซ แแแ
แแซแแตแ แจแแแแฅแต แฅแแฃแ แแซแ แซแแฐแปแแ แแแแตแ แแ? แจแฐแแแ แแญแฃแ แแแฃ แแแต แจแแแธแ แแ
แแแแฝแ แจแตแฅแ
แตแแ แฅแแ
แตแแดแแฝ แแแแตแ แแ โ แแแตแญ แฅแแฐแแฃแแ แแ โ แ แแฒแตแ แตแแฝแฌ แแแฐแญ แแญแแ แ โแแแต แจแแ แฅแแธแแโ แแแฅ แ แฐแตแณ แแตแแแฐแ
แซแแปแแต? โแ แณแแญ แแญ แ แณแแญโ แญแฃแแแกแก แแ
แแแแฝ แฐแฅแฌแแน แฅแแณแแแแแธแ แฒแจแฑ โ แแแแ แ แแแแแ แแจแณแต แจแแซแตแฝแแธแ แ แฅแแฎ แซแแธแ แแแด แแ โ แจแแซแแฃ แจแแ แฃ แแแแต แฅแจแฐแจแฐแ แ แแแฅ แแญ แจแแซแแแก โ แจแแซแแแ แ
แซแ แจแแซแฃแฅแฑแ แต โ แจแแแฒแซ แตแแแแ แฅแแฐแแญแแแฑแ แแแฑ แแ แจแแฐแณแฐแชแซ แแแต แแแแซ แจแแซแฐแญแแต แแแ แ แแแ แฅแ แ แญแแแ แ แแแฅแ แ แแแญ แตแแญ แจแแแแต แ แญแแ แกแ? แแแณแ แจแตแญแ
แต แฆแแแฃ แแคแถแแฃ แขแแ แแฃ โฆ แจแแแฐแฅ แแจแซแฃ แ แจแแฃ แแแธแแฃ แแแฐแฃ แขแซแฑแฃ โฆ แแแฝแ แจแแ แแแฃ แ แแขแแฝ แแ แแแ แจแแแก แซแแ แแญแฐแ แซแณแธแแ แ แญแฝแแ? แแฃแฑแต แแแ แฐแ? แแแแฉ แฆแณแแ แแ แฐแ แแแกแก แ แแ แ/แแ แซแบแ แคแณแธแ แแตแฅ แซแฐแแปแธแแ แแแ แ แแฐแ แแฐแแธแ แคแต แขแแฑ แซแบแ แแแ แแจแ แฝแแธแแ โแ แจแต แแจแฝ แแฃแฝ?โ แ แแต แ แแกแก แแ
แแแแฝแ แฅแแ
แตแแดแแฝ แฅแแฒแแ -แฒแถแฝแ แณแแ แแแฐแฆแฝ แแ แแแก โแแโ แฅแแแ แ แฉ แณแญแแ แซแณแฝแแ แฅแแตแตแแจแแฉ แแณแฅ แ แแญแฃแแแกแก
๏๏๏
แขแฃแญแซแต แ แแแญแ โ แ แแ
แกแก แณแชแญ แฅแซแ แแตแค แจแแ
แแต แแตแแ
แ แแตแแแต แซแฐแจแแ
แ แตแ แจแแซแ แแแ แแ แจแตแแ แแ แจแต แ แจแธแแค แแ แแฐ แแ แฐแจแแ
? แแฅแแต แแ แฃแตแ แแตแจแญ? แญแแฅแ แแซแตแณแแต แจแแญแฝแ แฃแถแ แ แแฐแ แจแแ แญแจแ แฅแแซแ แตแแต แ แตแฐแแญ แแคแญแตแซแ แแแฟแต แแ แ แฐแจแแญแแธแ? แฅแแแฑแ แฅแป แฅแแแแแญ แซแแ แ แตแแแ
แจแฐแ แแแต แญแแ
แจแฐแแฑแต แญแ แแฃแแกแก แจแฅแแ
แแแฒแซ แจแแ แฐแแตแถ แแ แแญ แฅแแฐแแฐแญแตแ แ แซแตแ
แฐแแญแฎ แฐแจแณแธแแกแก แฅแแดแต แฅแแฐแแตแแญ แจแแตแฅ แแแแแฝ แฅแแฐแแแแกแก แฅแแฒแซ แจแฐแ
แ แแ แแ แ แฐแฅ แซแฃ แแญแแต แจแแตแแซแ แแฐแ
แ แแ
แฐแ
แฃแญแแแ แ แแแฅ แแแฃแ แแ
แถ แแญแแซแต แแแแ แฅแ แตแแน แแแตแแ
แแตแณแแตแ
แฅแแณแแแกแก แฐแแซแญแฐแ แจแแญแแซแฉ แจแ แแฒแต แฅแแต แแแฝแ แ แแแซแจแต แแแฑแแ แจแแ แตแ
แ แตแณแณแญ แแแแต 23 แแแณแต แแแ
แ
แกแก แแฐแตแญแ แ แแ
แ แ แแ แฐแแฑ แแฝแทแ โ โแแ แฅแแแแ? แแแต แแแฃแฑ แซแฐแญแแแ?โ แ แแ แจแแตแ แตแแขแตแ แแฅแชแต แจแแตแแซ แจแแ แจแแแแ แจแณแชแญแ แแญแต แ แตแแตแต แ แฅแ
แจแแต แแช แจแแแ
แจแแแ โ แ แจแ
แฃ แ แฅ-แแแแ แแ แจแแ แฉแ แตแ แจแแญแ แฉแ แต แแ แแแฉแ แ แแฐแ แณแแแแ
แฅแฌ แฅแแแณแแแกแก แจแแแ แแ แแ แ แแ
แจแแฝแต แแ
แต แแ แจแ แแชแซ แฒแแแแญ แแตแณแญ แ แแปแแฝแแกแก แแแฅแ
แแ แจแตแฐแตแ แ แตแฐแต แจแแแ แแแฎ แ แแณแแจแแแค แฐแซแญแแ แฅแจแ แแ แฅแแฐแแแแ แ แณแแ
แ แ แแแแกแก
แ แ แแฐแฃ แ แแแตแ แ แแแแฅแฑ แจแฆแตแตแฎแฝ แแแต แแญแแซแต แขแตแฎแตแซ แซแฃแฝแ แจแฐแแจ แจแฐแ แแญแแ แ แแซแฝ แแ แฌ แแแแต แซแตแธแแซแแกแก แ แแซแ แแญ แจแแแณแต แฆแญแแฑแ แแแซแแต แจแแฃแ แ แแถ แขแแฎแ แถแแฎแฝ แจแแแแฐแ แแแแฅ แแแซแฝแแ แ แ แแ แแ
แต แจแแปแญแแ แแแฅแซ แฃแแฐแแแฐ แ แจแแฐแ แจแแตแแต แฐแจแ แแญ แฃแตแแแฃแต แแ แญแกแก แแชแแ แแฆแญแแต แแซแแ แ แแแฑแ แแแ แจแฐแจแฐแจแฐแแ แแฅแตแ แแฅแจแต แฅแป แฃแญแแ แ แฆแญแแฑ แจแแฐแแแ แแแแฅแณแแ แแแฃแ แณแ
แณแญ แแแ
แญแ แจแแแฝแ แ แแแ แจแแญแฐแซ แแฑแ แ แแกแซ แแฅแจแต แแ แจแแซแซแตแต แแแกแก แตแแฝ แฆแญแแตแ แแ แฉ แขแฝแแ แจแแแญ แ
แแแแ แแ แแซแจแแแก แฅแแฐแแญแฝแ แจแแตแฌ แฒแตแฉแญแ แจแฒแตแฉแญ แฃแถแแต แฐแแแแ แแแกแก แซ แแ แแตแแต แจแฐแจแแแแ แแ แจแต แ แแแ แฅแแปแ แแ แ แแ แฐแแณแตแณแฝแ แ แฐแแญ แ แแฐแ แแแตแแ
แแแต แแแ แฃแซแแณแฝแแต แฅแแ
แ แตแจแซแฝ แ แแซแฝ แจแฅแจแต แตแแ แแแค แฅแญแแฅ แแ แ แแฐแ แแฐแแฝแ
แฃแณแแแ แตแ แตแแขแฑแแ แจแตแแขแฑแ แจแ แแปแธแ แ
แฐแ แฐแจแฐแ แจแแแปแ แฅแตแจแแตแจแปแ แณแแแแ แแญแฐแ แ แญแฐแแแค แฅแแ แณแฒแซ แจแฅแแฑ แแฝแ แแแช แ แแฐแ แแแตแแ
แแแแฝแ แฃแญแซแตแ แแแตแคแ แแ แแขแฃแณแฝแแ แญแ แฐแแฃแซแฝแ แฅแแฐแแ แแ แแแ
แฅแแแแแแกแก แณแแแแ
โ โแฅแแแญ แฒแแฃ แฝแแ แ แญแแญแฅแแค แซแฐแญแแ แฅแแ แแแญ แฅแแณแญแฅแโ แจแแ แฅแแ แฅแแณแแแกแก แ แแแ แจแแณแแแ แญแแตแแแ โแแฃแช แ แแตแ แแแฅ แแแฃ แฒแแแ แจแซแ แแแฅแ แญแพแแโ แจแแ แฅแ
แต แ แแฝแแ แ
แฑแต แแตแฅ แ แแแฝ แฐแแแฆ แฅแแฐแแแแกแก แ แ แแ แฐแแต แซแแฐแ แจแแจ-แขแตแฎแตแซ แแญแแฝ แแแ แญ แฅแซแแแแแฝแฃ แแแต แ แซแแ แฅแจแแฃแฝ แแแแแ แ แตแแจแต แแแแญ แจแฐแปแแ แต แแญแแซแตแ แจแขแตแฎแตแซ แณแชแซแ แจแแตแฅแ แจแแญ แ แแถแฝ แฐแแตแแ แจแฐแซแแ แตแ แแฝแ แแ แ แแ
แแ แตแแแแแ
แแแกแก แขแตแฎแตแซแ แจแแซ แแ แ แ แแ แแ
แต แฅแแแ
แ แฅแแฅแ
แแ แฅแซแแฐแฐ แฅแแฐแแแ แ แแฐแ แจแซแแ
แฅแแแ
แ แแแณแต แจแแณแแ
แญแแตแแแแ แ แแซ แ แฉแ แฅแ แ แแแแญแแกแก
แญแแแแต แแฐแแฆแแ
แฅแตแแแต แจแแแซแ แณแชแญ แฐแปแ แจแแแ แจแแซแแตแ
แแแญ แจแแแกแก แ แแจแฐแแ แแญแแแตแฃ แ แแ แ
แฑแต แณแแแต แ แแฃแ แจแแณแแแ แจแญแญแตแถแต แ แแแแญ แ แแฐแแ แแญแแฑ แแญ แฅแแณแแฐแ แแแ แดแ แแจ-แญแญแตแถแต แแ แญ โ แแจ- แขแตแฎแตแซแแตแ
แ แ แแ แณแแ
แแจ-แญแญแตแถแตแแตแ
แ แจแแแต แแช แ แแแ
แแ แแตแตแแ แ แแ
แแปแปแซ แ แตแฐแซแญแแแแกแก แแตแแ แธแธแต แแ แ แฒแต แตแฅแแ แซแแฅแณแแ แจแ แแแฑ แ แแแแต แณแแ แฐแแแฐแค แ แฉ แณแญแแแ แตแ แแฐ แ แฃแก แ แณแซแฝ แแฅแถ แ แแแฑแ แแ แญแ แฅแตแจแแตแ แต แ แแฐแญแต แฝแแต แญแญแตแถแตแ แ แแแแแกแก แแแ แฃแญแแ แฅแ แแแญ แญแปแแแค แ แฒแต แตแฅแแแ แแแ แต แญแปแแแค แฃแแณแฐแ แฅแแ แฝแฎแแตแ แซแแญแฉ แ แญแแแฐแ แฃแญแแต แจแฐแแ แฃแแญแญ แแแแซ แ แญแฐแแแค แฅแแฐแแซ แจแแ แจแ แฅแแฎ แฃแแคแถแฝ แ แญแฐแแแ แแแต แแแกแก แตแแ แแแญ แซแตแ แแแญแแญ แแแกแก แ 11แแ แ แแตแ แขแแ แจแขแตแฎแตแซ แ แแแญ แจแแฅ แแฐแ แญแ แญแแ แแแกแก แจแ แแฐ แแฅ แขแฐแ แญแ แ แแฐแ แฅแแฐแฐแ แตแณแญ แแแต แจแแแซแ แฐแแแต แฃแแญแญ แขแซแฐแฅแ
แ แแฐแ แ แญแแ แจแแจแฐแแ แแฐแ แตแตแแธแ แจแแแตแแฃ แฅแ แฉ แตแตแแธแ แจแแซแตแฉแฃ แ แฐแแฉ แตแตแแธแ แจแแซแฐแแฉ แ แแแแฎแฝแ
แแ แแนแแ แแแฝแ แแฐแแตแซแ แฒแแ แจแแญแฐแต แญแณแแก แแ แญแกแก แแแฑแ แจแฝแตแ
แแแแตแ แ แจแแตแญแแธแแ แแแตแจแแ
แแแณแธแ แแจแแตแ แ แฐแ แแต แแ แญแกแก แ แฐแจแ แแณแฅ แ แญแแฃแ
โ แขแตแฎแตแซแ แจแแแ แจแแแ แแแญ แฃแแฐแแแฐ แแ แจแแซแตแณแแณแต แแฃแชแ แแแแทแ แ แ
แญแฅ แซแแณแแณแแกแก แจแปแแ
แแญแฌแ แตแแค แซแแปแแญ แฅแแตแตแธแแญแฅแ แ แแแแแแค แฃแแ
แ แต แฐแแแ แญแตแฅแ
แกแก
๏๏๏
แคแแซแต แญแแแค แ แฃแ แจแแแณแธแ แแแ แแฝ แ แแฑ แแ
แกแก แแแตแ
แแ แตแซแแ
แ แฐแแฝ แฒแซแฃแฅแ แตแแแจแต แฅแแฐแณแแแกแก แแฌ แแแณแ แตแจ-แแฝแ
แ แณแแฅ แจแแฅแญแแ แ-7 แ แฐแซแซแ แฃแแ
แ แแ แจแฐแแฃ แฅแแแฝ แ แตแฐแซแจแถแฝ แแซแแ แ แซแตแ
แแฒแซ แฒแซแฅแ แแฅแแ
แณแญ แจแแถแแแกแก แฐแแซแชแ
แ แแตแแแตแ
แ แแ แ แฃแ แแฐแตแฉแแ
แกแก แฅแแฒแ
แแแแต แ แแ แตแกแก แตแแซแต แจแแแแฉ แฐแ แฐแแ แฅแป แฅแจแแจแก แแตแแตแ แแ แญแ แแ? แญแ
แ แจแแฑ แจแแแแแแ แซแ แฅแจแซแ แแแแญ แฅแแฒแแญ แ แ แฉแ แฅแจแธแแญแฉแ แต แแแ แ แณแณแขแแต แฐแญแแแ แ แปแแซแธแ แ แแณแแต แแฅแฆแฝ แแญ แแ แฅแแ แจแฐแฐแแแ แ
แฌแณ แแ แแ แแแแแกแก แตแแ
แตแแแแ
แ แญแฐแ?
แฅแแแน แจแแตแแธแ แแแฎแฝ แ แฅแแแ แแณแฉแ แแฎ แแแแแธแ แจแแญแแฃ แแแแธแแ แ แ แฉแ แ แแแแแค แญแแ แ แแ แแแแ แ แแแแแ โ แญแแณแแแกแก แแ แแ แแแณแ แแแฆแต แฐแฃแต แซแแ แจแฐแแ แแญแ แจแ แฅแญ แ แญแ แแฅแ แตแตแ แแ แแแต แฅแแฐแแ แฐแแแ แ แตแฐแแตแแ แแฝแ แแแฃแ แ แแปแแแกแก แ แแฐแ แ แ
แก แซแฐแฅแญแ แต แ แแแฐแแแแกแก แจแแตแแแ แแ แแแแ แจแแแแแณ แ
แแ แจแแ
แ แแฃแข แแ แแ แแ แซแดแ แแณแแแกแก แแแฆแต แฐแฃแต แณแฒแซ แแแตแแฐแแ แขแแ แจแ แฅแญ แจแแ แแก แแณแฐแฎแฝ แ แญแแฉแตแ แฅแแ
แตแแแณแแ
? แฅแแฐแฐแแแต แแฐ แฐแฃแต แญแแ แแ แ แแญ แซแ
แ แฐแแ แแณแฐแฎแนแ แฅแแณแตแแจแ แฐแแแงแแกแก แ แ แแต แแญ แแแต แแณแฐแฎแฝแ แ แ แแฅแ แขแซแตแแญแ
แฅแแณแ แขแซแแต แ แฅแซ แ แซแต แแญแ แ แฅแซ แตแแแต แแณแฐแฎแฝ แ แญแแฉแตแแ? แณแฒแซ แ แแ
แจแแต แคแแซแต แแ แตแแแแ
? แญแ
แแแต แแแตแคแ แแ แแแ แญแฝแแ? แญแ
แ แซแ
แ แแ
แฅแแ
โ แแจแแ แฅแแแตแ แฅแแณแ แขแแ โ แจแแณแ
แ แแฅแขแญ แแ แแถแฝ แแตแ แต แฐแแขแต แแ แแญ? แจแฆแญ แแญแ แแ แแ แจแฅแแ แ แแแณแฃ แจแแฃแชแซ แแญแแตแ แฅแแตแฃ แจแตแแ
แ แตแฅแ
แแแญแ แ แ
แญแฆแตแฃ แแแฐ. แจแ แแต แตแญแ
แต แแฅแขแฎแฝ แแแแธแ แญแณแแแ โ แ แแฐ แฐแแ แแตแฅแ
แ แฐแแแแ แแซ แแแแ แตแแแแ
โ แฅแแฐแฅแตแซแแ แจแแ แแแด แแ โ แขแซแแต แจแแณแฐแซแ แแฅแขแฎแฝ แแฃ แซแ แฐแแแแฝแ
แ แ แแ
แแแ แแญ แฅแณแฐแ แจแแ แแแกแก แแแณแ แจแคแญแตแซ แแแแฅแต แแณแแ แจแแญแฝแ แ แแแ แแ แ แแซแญ แแแแ แญแปแแฝแแ แแญแแต แแณแฅ แฅแตแฐแแแญ แ แ แฉแ แ แญแจแแแ แฅแป แฃแญแแ แฐแแแ
แ แแแ แฅแฝแ แแ แญแกแก แซ แจแ -7 แฐแแแแฝ แจแ แฅแญ แ แญแ แแกแ แจแแแแ แแฐแ แแ แจแแซแแฑ แแแฐ-แ
แแแแฝ แแ แแ แแแ แแซแซแแฑแแ
แฅแแฐแแฝแ แแแฃแ แ แแปแแแกแก แฅแแฒแซ แ แแแตแ
แ แ แแฐแ แ แแ
แแแ แแซแจแ แซแแแ แแแแแต แ แฃแแ แฅแแตแ แซแ แญ แ แตแญแแแแกแก แแณแ แแ แญแ
แ แซแแฉแ
แกแก แ แฐแจแ โแฝแแ แจแแ แญแแแแค แแฃแ แจแแ แญแ แแโ แฅแแฒแ แแแ แจแแตแแซแจแกแ แตแ แแแจแแ แจแ
แซแ แแฅแฅ แฅแแแตแแต แแแจแแแฅ แตแแฝ แแ แณแซแตแแแแ แจแแแญ แ แญแแตแแแแกแก แฅแตแจแแซแ แแ แแตแแฅแต แ แแญแณแญแ แแแณ แฅแแฐแปแฝ แขแแจแ แฅแฉ แญแแตแแแแกแก แแแ แฅแแ
แญ แฅแ แแแแจแ แแแญ แ แจแแฑ แแ แแแ แแแแ แ แญแ แ
แแแกแก
แฅแตแช แแญแแฝแแ แฅแแจแแแ แจแแถ แแแต แ แแต แแฐแแ แจแ แแ แ แแแฅ แฅแแแตแกแก แฅแตแช แ แแแ แแญแแฝแแ แฅแแจแแแ แจแ แแต แแถ แแแต แ แแ แซแแแ แแ แ แแแฃแฝแ แแแจแต แฅแแแญแญแกแกแก แญแ
แแ แแซแฎแต แจแแแ
แแแต แแถ แแแณแต แแตแฅ แ แจแตแแน แ แ แญแต แแแณแต แแตแฅ แแ แฐแแญแถแฃแ แ
แแฃ แ แฝแถแ แฐแแญแถ แแฐแณแชแญ แแฐแซ แจแแจแฐแฐแ แฅแแ แฐแแ แฅแแตแฅแกแก แ แซแฝแ โ แแขแฉ แถแแแ แ แแฝแแ แแญแฅแฅ โแแแ แจแแฑแ แจแจแแฑ แจแแฑ แแโ แแแฑ แแแ
แแแกแก แญแ
แแ แแ แแแณแฝแแฃ แญแ
แแ แ แฅแ แแญแณแฝแแฃ แญแ
แแ แแแณแฐแแฝแแฃ แญแ
แแ แแแแแฅแ แแฅแแฃแ แแแแณแฝแแ แแตแแฅแแฃแฝแแฃ แญแ
แแ แตแญแแต โฆ แฅแแแฒแ
แแแ
แฝ แฅแ
แฅแ แแแตแ แ แฅแแฐแคแแ แแแตแแฐแ แ แฅแ แญแฃแช แแญแแต แแ แแแต แแแกแก แฅแแแตแ แฅแซแตแณแแตแฉ แฅแแ แแญแแแตแ แฅแจแฐแ แญแ แฅแแณแแแ แญแณแแ
แแแกแก แดแตแฎแ แแ แแ แญ แซแแฝแ ? โแฅแแฒแ
แแ แแฅ แ แฌแจแ แ แจแตแฉโแกแก แแ แจแแแแญแฃแธแ แแแญ แแ แฐแต แฅแซแแ แจแแแแฃแฃแธแ แแณแฎแฝ แฅแ แแธแแค แฒแซแฅแแณแ แแญแแ แฐแแ แญแแ แจแญแ แญแ แแแกแก แฆแตแฐแแแ แแญแแฝแแ แฅแแฒแจแแตแแ แ แแแญแ แฅแแ แญแ
แกแก (แ แแแซแฝแ แแญ แจแชแฆแคแ แแแญ แฐแแฅแแแญ แแแดแ แแ แแซแแ แฅแแฒแซ แ แแ แจแฐแ แแปแธแ? แแ แแฐแแฅแ แ แ แแ แแปแป แฑแฆ แแตแฅ แแตแ แฅแจแฐแแแ แชแฆแคแแ แแซแ แญแฐแ แจแแแแ? แแแแแฅ แแ แแแแ แแญแแต แแฅแแแต แฅแฅแ
แ แจแแแ? แแณแ
แซแแ แญแแจแจแแกแก)
๏๏๏
แถแญแฐแญ แฅแญแแ แแแกแก แแแญ แคแต แแตแฅ แตแแแ แแแแฐ แแ
แแ แแแก แซแแแ แฐแแ แ แญแ
แซแ แจแฐแแ แ แแแซแจแต แแแแแแฅ แฝแซแแ โ แตแแณแ แ
แแต แฅแแ แฃแญแแณแ แฅแแต แแ แ แแฐแจแแแแกแก แแตแ แฅแแฒแแฅแแฝแ แแฃแชแ แจแแแแแ แฅแ แแแกแก แ แฐแแญ แ แแณแญแแธแ แฝแ แณแชแญ แ แ
แญแก แแซแแฃแ แ แแฝแแ แ แแ แแ แฅแแญ แ แแ แแฅแขแญ แจแฐแแฃ แแแซแแ แจแแฅแซแ
แ แแชแซ แซแแแถแฝ แฐแแแ แจแฐแฐแ แแฒแ
แจแแแก แตแแต แญแแ แฐแแแงแแค แ แแแฝ แ แญแแแจแ แฅแ
แแตแฅ แแตแกแ แฅแจแฐแฅแฐแจแฐแจ แแ โ แจแแแแแ แแตแฐแแแป แแณแณ แแแกแก แแแฅ แตแ แ แแณแแแตแ แ แแจแแแต แ แจแแ แแฅแถ แจแแณแญแจแแ แ แฐแ แ
แญแ
แจแแแแณแแต แ แแฐแตแ แ แตแญแฃแญ แฃแญแแ แญแแแแ แจแขแตแฎแตแซแ แตแแฃแค แ แแแฆ แ แแแต แจแแ แฃแ แแแ แแแด แแแกแก แแแฅ แแแฅ แฒแฃแ แแแ แฅแจแฐแแฃ แญแ
แ แแจแจแ แแ แตแแแแแญ แแแฅ แฒแฃแ แแแ แจแแ แ แแปแญ แฅแแฐแแ แแแจแต แ แตแแแ แแแกแก แแแฆแแ แ แญแฒแตแฑแแฃ แแฅแแญ แแแฒแจแแแแฃ แแณแฉ แแฒแ
โนแจแแญแแแต แ แฃแฑโบแแฃ โฆ แฅแป แแแ แฅแจแฐแแฃ โแแแฅแฃ แแแกแฃ แแแคแฃ แแแฃแฝแแฃ แแแแฃแฝแแฃ แ แแแฃแฝแแฃ แจแแแฃแฝแโฆโ แฒแ แแแแ แญแแญแแแแกแก แแแ แแญแถแแต แจแแธแต แแแธแชแซ แแแแแ แจแแจแณแฃแธแ แ แแแซแฝ แแฅแฆแฝ แแตแฅ แ แแฑ แญแแ แแแกแก
แแซแแ แแฃแ แจแฐแแแฐแแต แ แซแ แญแ
แ แแฉแญ แจแ แแชแซ แซแแแต แ แแแแ แซแแฅแ แแช แฅแแฐแแแ แจแแฐแแฎแ แแแแ แฅแแฐแแฅแแ แ แ แฉแ แแแญ แฅแ แญแณแจแแแกแก โฆ แแแ แจแแฉแ แแแแฅแต แแแฃแ แ แแณแแแ แต แแ
แต แแซแชแแฝ โแ แแฐ แแ แ
แฅแฅ แ แตแญแแ
แแ แญแ
แ แแแฅ แแแแฅแต แแแฃแ แซแแ แ
แแ
แจแแตแแจแจแจแจแ?โ แ แแต แ แแกแก แฅแฑแ แ แแธแ โ โแจแแตแแต แแแญ แฅแแแต แแแฃ แจแแฉ แแแแฅแต แตแแ
แแแฅ แแแค แแแญ แแ แแแก แจแ แฐแ แฐ แ แแแ แ แแแ แแ แญแแตแแแกแกโ แแแ แฅแแแฑแ แแ แญแกแก
แจแแซแ แแแฅแ แฐแ แ แฅแถ แฅแแ แจแ แฐแ แฐ แแญแทแแกแก แฐแแช แ แฃแค แแแ แ แฃแกแก แ แ
แฅแจแต แจแแ แ แฅแแ แ แ
แฅแจแต แ แณแแ แแตแ แจแแซแ แ แจแแแแต แ แญแ แ แ แฃ(แ)แกแก แญแ
แ แฅแแแต แจแแแแฉ แแแฝแ แแแต แแแณแธแแ แแแต แจแฐแแแฐ แขแแแ แจแ แฐแ แฐ แแแฅ แตแแแญแแซ แฅแ แจแแฐแแแ แฅแแแซแแแค แ แแฃ แแแซแต แฐแ แแ แแ แ! แฅแ แแฆแแฝแแ แแแ แจแจแ แ
แฃแซแ แ แฐแแแตแ แแแฅแแฅ แแแ แแจแ แ แญแฐแ?
แแขแตแฎแตแซ แแแแต แ แฆแญ แฅแณแแแแ แฅแ แแแ แขแตแฎแตแซแ แแแฃแต แญแฝแแ แฅแฌ แ แ แฉแ แซแแ แแญแปแแแกแก แแญแแซแฑแ แแซแ แซแแฆแญ แ แแแ แแแแต แ แซแต แชแแ แฅแแฐแแญแแ
แแแฝ แแแแกแก แแปแ แจแ แฅแแตแฃ แ
แฅแ แจแ แ
แซ แ แตแ แแแแ
แจแแปแแ แ แแญแแ แ แแแ แต แฅแแ แ แฉแธแต แจแแญแแจแญ แแแกแก แ แแ แจแแแแแ แต แแ แจแ แแ แแฒแซ แจแแ
แแญแ แจแแซ แแฃ แฆแญ แจแแฃแ แแแญ แณแแ แแ แแต แจแแญแแฃแ แแแแ แแแกแก แฅแฑ แแแญ แแแกแก แ แแ แ แแแต แแแ แจแ แแตแ แแแต แแญแ แแแ แแฅแต แแแตแจแ แญ แแ แ แฆแญ แ แซแแต แแแแ แแแต แฅแแฐแแซแ แแแญแ แ แณแต แ แ แฐแฝ แแแฐแซแแต แแแฅแแฅ แแแต แแแกแก แจแแ
แ แแปแญ แ แแ แจแแแซแธแ แดแแแตแ แจแแณแฐแ แจแตแฅแ
แแญแแฝ แแแแฅ แจแแซแตแกแ แแแฅแ แแแจแแธแ แจแแซแฐแญแ แจแแ แฅแ แณแญแจแแตแฃแธแ แตแแธแแแ แจแแแฒแซ แ แแแซแจแณแธแแ แแฐ แ
แฅแจ แฅแแซแแแต แญแแญแฉแกแก แตแ แฅแปแ แ แญแฐแแ โ แแแฅ แ แแแณแต แฐแแฐแ
แแแ แแญ แจแแ แแตแ แแแแต แ แ แแฃแ แซแแฑแกแก แฅแแฒแ
แจแแแ โแจแ แญแฑแ แแแแต แแฐแกแก แแ แแ?โ แซแแ แจแแซ แแ แแฅ แแ
แแแแญ แตแ แฅแแ แ แญแฐแแแค แจแแฃ แแญแ แจแกแตแ แแแฒแซ แ แแฑ แฝแแญ แฃแแดแซแแ แแ แแแแฅแตแ แ แแณแฐแ แณแแแ
แแณแฎแฝ แแญ แแญแ แจแแฐแแธแ แฅแแถแฝ แ แแ แตแฅแฐแฃแธแ แฅแจแแฐแ แแแฅ แแญ แแซแแธแ แแแกแก แญแ
แฐแแ แ แแแฝแแพแแแค แแ
แฅแตแชแแ แฃแแแต แ แตแฃแณ แแ
แ แซแ แฅแญแแถแปแฝแ แ แแแต แ แแณแฝแ แฅแแตแแแณแธแ แฐแฐแญแแแแกแก แแแ แแ แ แแฐแ แแแแค แตแแจแแแ แญแแแ แฅแแฑแ แฅแแ แแ
แ แ แฅแฐแ แ แแแฅแ แญแแ แ แ แซแ แจแแแจแซแฐแต แ แแแฃแแแกแก แตแแแญ แซแท แฐแแแ แแแต แ แแตแต แขแแฎแ แถแแญ แ แตแ แแแแกแ แฅแแฐแแณแฐแ แจแแ แญแแ แตแ
แฐแต แแแกแก แถแญแฐแญ แ แญแจแ แแแฃแญ แ แฐแแฃแแ แแข แ แฅแ แแฅแต แฅแจแฐแแแแแ แแแฉแ แจแคแ แจแแ แญแแ แฐแณแตแฐแแ โ แแแ
แ แแ แแแฝแแ แ แฝแฐแแฝแ แฐแแ แจแแแ แฐแแจแซแณแพแฝ แแ แจแแแแกแก แ แแแ แแตแแแ โ แ แขแตแฎแตแซ แแตแญ แแขแแฝแ แฐแแขแแฝแ แ แแณแฐแแแแกแก
แฅแแฅแญแแ แจแแแแณแฝแ แแญแแซแถแฝ แแแแฝแ แฅแแแต แจแแ แ แ แฉแ แฅแแฒแ
แฅแณแฐแญแ แฐแต แญแแแแกแก แฅแแดแต แฅแ แแ แจแ
แจแจแ แฐแ แญแ แ แแแกแก แ แแ แซแแ แจแแฝแแ แฐแแ แฅแแ
แ แแแแญแแกแก แฅแแแ แฅแแญ แขแตแฎแตแซแ แญแฃแญแญแกแก แงแจ แแญแ แ แแต แแแญ แตแ แ แแ โ แ แแแซแ แแแ แ แฃแ แจแแแฐแแ แจแแจแฅแจแ แฅแแตแแฌ แ แแตแ แแ แ แแฅแณแ แญแแ แ แฐแแแช แตแแแฃแช (แตแแฅแแแ แฅแแญ แ แแแฉแ) แตแแแฝ แฅแ แจแแซแแแ แแแ แญแแ? แแแแฉ แแแ แ แแแแ แจแแ แฃแฃ แฅแแ แฅแแ แแ แ แแฃแ?โฆ)
แแแฐแแฃแ แปแค
โแจแณแชแญ แ แคแฌแซโ
แ แคแฌแซ แแแต แจแแแ แตแแ
แญแต แคแณแ แแญแแต แแ โ แฐแแฎแฝ แ แฅแแธแแ แ แแจแแตแ แแแฐแ แแแต แญแแแ แฅแแ แจแแแแทแธแแ แแฅแฆแฝ แฃแญแญ แฃแญแฉ แฝแแ แแฐแแฐแ แ แณแซแฝ แจแแซแตแแกแต แจแฃแถ แญแแ
แแต แแณแซ แฝแแ แ แคแฌแซ แญแฃแแแกแก แแฃแฉแ แ แคแฌแซ แ แแฅแ แ
แจแแตแแฐแต แจแแแญ แแแฐแต แฅแ แแแญ แ แแแ แจแฅแ
แแกแก แตแแแ
แซแแ
แ แต แแแณ แฅแแฐแแแฃแ
แแตแแแ แแแต แแแกแก
แ. แฐแแช แแฎแแแค แ
แฅแฃ แแฃแแฃ แแฅแฅแฃ แแ แชแฃ แฐแแฎแแแฃ แ แตแแณแญแฃ แซแต แแณแตแฃ แจแแแต แแถแฝ แฐแแขแฃ โนแ แแญโบแฃ แตแแฅแแฅแฃแฅแแณแแฃ โฆ
แ. แแแแฅแฑ แ/แแญแซแแค แ แ
แซ(แจแฐแฐแฅแแต แ แแปแญ แฅแป!)แฃ แแ
แฃ แแแฅแฃ แฐแแแฎแฃ แแตแญแฃ แฅแแธแแฃ แฅแแฃแ แแณแตแฃ แฐแญแฃแแฃ แญแซแ
แฃ แแฅแชแฐแแฃ แข-แฅแแณแแฃ แแแแฐแแฃ แ แญแ แจแแซแญแฃ แจแ แแต แแแ แญ แฐแแฃ โฆ
แ. แแแต แแแแค (แจโแโ แฅแ แจโแโ แฅแ แจแแแซแธแ แฃแแญแซแฐ แฐแแ แฃแแญแฃแฐ แ แแแแต แ แแต)แฃ แแปแฃ แแจแแฃ แฅแฃแฅแฃ แฅแตแตแตแฃ แจแแฒแฃ แแจแแฃ แ แแฆแแฃ แ แฝแแจแแฃ แฅแซแจ แคแณแแฃ แแ แฃแฅแแคแแฃ แแฅแแฃ โฆ
แ. แแแซแฃแแซแแค แแจแแฝแฃ แฐแญแฃแ แ แแแชแแฝแฃ แฃแแแณแแซแแฃ แธแแ แแฝแฃ แ แตแแณแฎแฝแฃ แแแแแแซแแฃ แแ แชแแฝแฃ แแณแแฝแฃ แ แตแแณแฎแฝแฃ แจแณแชแญ แแ แแฝแฃ แแจแแฝแฃ แแจ-แแแฆแฝแฃโฆ
แจแคแญแตแซแ แซแญแณ แแ แแณ แ แตแฅแกแก แจแฑแณแ แฐแแตแถ แจแฃแ
แ แ แจแแแ แแญ แฃแแญแ แญแ แบแแฝ แชแ แแตแฎแฝแ แ แแแ แจแต แฅแแฐแแ แ แแฅ แ แแกแก แจแฎแแแ แซแญแณ แฐแแ แแ แแณ แ แตแฅแกแก แฅแแดแต แ แแฐแ แแญแ แแตแแญ แฎแแแ แแฐแฃแแญ แฅแแณแแซแแต แ แตแฐแแแกแก แจแฐแแฝแ แฐแแฎแแ แแแแตแ แ แแ
แฐแจแณแกแก แ แแฒแตแ แแแญ แแ แฅแ แจแซแทแ แแแต แ แแแต แฅแแฐแถแฎ แ แแถแ แแญแฆ แแซแญแฆ แจแฃแแญ แแแซ แแแณแฃแต แจแฐแคแจแแ แคแซแ แซแ แฐแญแฃแแ แคแซ แฅแแ แแแตแจแ แจแฐแแฐแแ แญแแต แแฅ แ แแกแก แ แ แฒแต แ แ แฃ แแตแฅ แแแฝ แแแแณแต แฐแ
แ แแฐแแ แจแแฐแ แฅแ
แแแป แแฆ แจแแแ 72 แแตแญ แซแฌ แจแแแชแซ แคแต แแฅแชแซ แฅแจแฐแฐแฃแธแ แฃแแ แต แแแณแฃ แจแแช แคแแฃแฒแแปแฝแ แ แจแฝแแแแ แ แ แแตแฐแ แญแแแฝ แฐแแตแแ แ แแแแ แต แแแณแฃ โฆ แจแ แแชแซแแแฃ แจแแจแแฃแญแแ แจแฅแแแแแ แคแแฃแฒแแฝ แจแแข แตแแต แแฅ แ แแกแก แฅแซแแณแแณแธแ แฅแแแ
แแแฎแฝ แจแซแแต แฆแณ แแกแฒแฃ แแกแฒแ แซแซแญแแ โ แแจแต แซแตแแแฃแ แจแแแ แฅแ แแแ แ แญแแแธแแแกแก แแญแแซแฑแ แจแแ แฐแแ แแแญ แญแแจแฃแแกแก แฐแแแ แแญแแซแฑแ โแแ แจแแฑแ แฅแแ
แซแแฑแโ แญแฃแแแกแก แฅแแณ แแชแแฝ แแ แฉแ? แ แแแต แ แแ? แจแ แแแนแ แแดแแ แฐแแธแแกแก แฑแฎแต แแ แฉแ? แจแแ แฉแแต แจแ แแต แแญ แ แแญ แแซแแต แจแแฝแ แญแแญ(แชแฅแ) แแ แซแธแแ? แฅแแฒแซ แแแตแแ แแแตแแ แแจแคแแฃแฒแ แซแ แซแ
แ แนแณแต แจแฐแงแธแ แแ แแญแทแธแ แญแแ? แจแแแจแ แ แแ แ แแแแต แซแตแแแแกแก
แ1600 แแแณแต แณแณแต แจแแฅแฝ แฅแแตแแฃ แแ แญ แ แแกแก แแตแแแน แแฅแแฝ แขแธแแซแธแ แแแฐ แ แญแแณแแ แแตแแ แฐแแญ แจแณแณแต แแฅแต แฅแซแแ แฑ แ แตแ แฎแแฒแญ แฆแญแถแถแญแต แแฐแ แญแแฉแแ แแ แญ แ แ โ แ แฃแญแธแแญ แคแ แฅแตแญ แจแแฃแแ แตแ แแณ แ แแญแ
แ แ แฅแแแต แแซแตแจแแแแกแก แ แแจแซแ แจแ แฐแ แจแ แ แญแแตแ แแฅแขแฉ แฅแตแซแแ แฃแแณแแ แแแณ แขแตแฎแตแซ แ แแฅแฝ แฐแ
แแ แแญแแซแต แจแแแ แฌแแญแฌ (แฐแแณแฝ) แแ แแจแฝแกแก แแแ แขแ โ แฅแแ แฐแแ แแแญ แญแแจแฃแแแกแก แแแจแตแ แ แแแ
แ แฅแแ แญแ
แ แแแญ แฅแ
แ แ แแแจแต แธแแ
แแ แ แฐแแฃ แแ แญแกแก แจแญแญแตแฒแซแ แฐแดแต แจแแแฝแ แขแตแฎแตแซ แจแแแง 90 แ แแถแ แแตแแ แจแแแ แแแแฅแณแ แแญแแแท แฅแตแแแ แจแแ แจแฅแ
แ แฐแแช แแแญ โ แแธแแฅ แฅแซ แแญแ แฐแ แฅ แ แแซแตแแแแต แแฅแฝ แณแณแต โแขแแแญแตโ แฅแแฐแญแ แแ แญแกแก แแแแ
แแฝแกแก แฐแแฐแต!
แซแแญแ
แ แจแแแแ แฐแแแญแต แฃแแฅแแฃแแต แฐแแแจแตแกแก แจแแฝแแแฐแ แแญแถ แจแแแแฅแฐ แฐแแญ แณแญแแญ แตแแญ แฐแแญ แแแ แ โแแแแแโแ แซแแ แต แแซแตแญ แจแแฝแ แแซแแ แแ แฃแแ แจแฆแ แแจแณ แจแฐแแฐแ แจแแแต แฎแแฝแแญ แจแแณแแแ แ แแแญแ
แฅแป แแแกแก แแแจแต แแณ แฐแแฅแซแแฝแกแก แซแฃแแซแแกแก แฅแแฐแแแญ แฅแป แ แญแฐแแ แญแ
แแแณ แแซแฃแแญ แจแแแฃ โ แฅแแฐแฐแ แแกแญแแตแ แ แแแจแต แฐแแแตแ แแซแณแแต แจแแแฃแ แแซแญ แฅแแแต แแแกแก แฐแ แ แแถ แแญแ แแแฐ แแฎแญแแตแ แจแแฐแ แ แแฃแแณ แจแแแฃ แฃแถ แแ แแแญแ
แ แ แแฌแแฐแแตแแต โแฅแแฒแแซแแ
โ แฐแนแแแ
แ แแ
แถแญแถแซ แฐแแฌ โแแญแแ แ แแซแญโ แแแแ
แ แแญแฐแแ โ แแตแแตแ
แ แฐแแญ แฐแญแถ แตแฐแตแ
แแ แ แแ
แ แ แตแแแฐแ
แแฅแแแแกแก แฐแ แ แแถ แ แตแ แจแแแฒแซ แณแแแแต แซแฑแแ แ แซแฃแขแแ แฅแแณแ แ แตแฐแซแญแ แแแแฝ แจแแญแฝแ แจแแแญ แแญแ แฐแณแแ แจแแฃแ แ แ
แแญ แแแตแตแญ แฐแแแถแแแแกแก แ แจแแแ แแแซแฑ แคแแฃแฒแแปแฝแแ แแฅแป แฐแแฃแฅแจแ แจแแแแต แแซแ แแแตแ แฅแ
แถแปแฝแ แจแแฐแ แแแ แญ แฅแแฅแแ แซแแ แ แญแฐแแ โ แแญแ แ แแฐแต แฐแแ แจ24 แฐแแต แแตแฅ แแฐ 30 แจแแ แแแ แตแแแฑ แฒแจแแ
แญแแ แซแตแซแ แฅแแ แแแแญ แฅแซ แ แแฒแต แดแจแแตแ แ แซแแแแกแก แฆแตแฐแแ แ แซแฐแ แญแแ โแแซแแจแตโ(แแฉแ
) แแแซแแ แจแญแแ แจแแแฃแต แฅแธแแ แแแญ แขแตแฎแตแซ แแตแกแก แแญแซ แ แแแ แต แแแณ แ แแญแซ แตแ แฅแ
แ แฅแ แแแแฅ แ แญแตแแแ แแญแซ แฐแ แฅ แจแแจแฐแจแตแฃแต แฅแธแ แแแญ แขแตแฎแตแซ แแต โ แ แแ
แต แคแญแตแซ แฐแปแแฝ โ แแฒ แ แแแญแ แฅแแแฑแ แแ แ แตแซแตแญ แแแ แแแแฅ แญแฃแญแแ? แจแแ แ แฅแตแจ แณแแ แคแฐ แแแแฅแต แฅแแฃแ แแญ แจแฐแแแก แฐแแฝ แ แ แแต แแแ แจแแแแฉแ แ แ แฅแแแ แจแ แแต แแจแจแ แแแ แ แฃแแต แจแแ แจแแแแ แฅแแแน แแนแ แแจแแ แตแแ
แญแต แแญแแธแ แจแแ แแญแแ แแณแแฝ แแธแ โ แญแ
แ แ แแแฝ แจแแณแจแ แ แแแญแ
แแตแฅ แแแกแก แ แ แแต แแแ แแญ แ แแจแแ
แแ แ แ แซแญ แแแฃแญแต แจแแฃแแ แแแแต แณแแ แซ แแญ แ แจแแแแ แต แฅแแซ แแ แฅแแฐแแญแฅ แฅแแฒแจแแจแแฃ แแฉแ แฅแแฒแแญแแฃ แจแแฅแตแ แจแแแแฅแณแ แฅแแฃแแ แฅแตแจแแฒแซแแ แฅแแฒแแแต แจแแฐแจแแ แ แขแตแฎแตแซ แแซแแ แ 21แแ แแถ แญแแ แแแ แจแฐแ แแแฝ แฅแแฃแ แแญ แแแกแก แ แ แแต แจแณแชแญ แ แแ แแญ แ แฐแแแ แแแซแฅ แขแตแฎแตแซ แแแต แแตแฅ แแแช แจแแ แฉ แแแฆแฝแ แ แแชแญ แ แแแ แซแแแ แ
แฅ แจแแ แจแแ แจแแตแ แแแ แแแฅแต แแญแ แ แแแฃแต แฅแแแ
แ แแ แฅแแฃแ แซแ แ แแคแฐแฆแฝ แ โแจแแฌแ แฅแฐแ แซแแแญแแจแโ แ แจแแแซแ แ แแแแธแ แฐแปแฝแ แจแฐแแแจแ แตแแญ แแแฅ แแญ แแฅแแ แจแแแแต แ แแ แแแ แแแกแก แฅแแ
แจแฅแแแต แแแฝ แจแฃแแณ แ แฃแถแปแธแแ แแ แ แแ แ แแแ แ แจแจแ แซแฃแขแ แจแแแแแ แแแ แแญแฅ แฆแณ แจแ แญแแ แแ แแฐแแแต แแแชแ แฅแซแแแแแ แ แแแณแ แฅแ แจแแซแแแซแแญแแ แ แแญแ
แซแ แฅแจแจแแจแ แจแแแแต แ แแ
แแแ แแแกแก แ แฆแแดแแฃ แ แถแแแฃ แ แแแคแแฃ แ แธแแฃ แ แแแแฃ แ แแจแญโฆ แฐแแปแธแแ แฅแซแแแฑ แแฌแต แจแแแแ แแฅแช แฅแแณแ แ แแญแ แ แญแซแฝ แแ แแฃแแณแ แจแแธแกแฃ แฃแแญแแณแแฝแ แ แแตแจแจแต แฅแจแจแแจแ แ แตแจแฌแแฝแแ แจแญแแจแ แแฅแแต แ แฐแจแ แแฅแชแ แแแแปแฝแ แจแจแแฐแแ แต แฅแซแฐแ แฐแก โแฐแญแตแญแค แฅแแซ แ แ แฅแแต แ แ แ แญแฐแ แฅแแดโ แจแแ แแถแฝ แจแฐแแ แฉแฅแ แ แแ
แแแ แแแกแก แจแ แแชแซแ แแณแฐแฎแฝ แ แ แแแขแณแแฝ แฌแฃ แแญ แฝแแณแธแแ แขแธแ แจแฅแแฃแแซแธแ แแณแญ แแ แฅแแฐแ แแ แฐแแฅแฎ แ แแแญ แแ
แแตแ แ แแแฝ แแแฎแฝ แตแแแแซแฉ แแ แแฃแ แญแฝแ แญแแแ โ แฐแฅแฃแแแตแแ แแแแ แแแแฐแแแธแแกแก แจแแฝ แแ แแ แฅแแฐแแซแธแแ แแฃแธแ แแแ แฅแแฐแแซ แฅแแฐแฐแแฐแแฃ แ แฌแฃ แแญ แฃแญแแญ แแแ แฅแแฐแแซ แจแฐแแแต แฃแแญแซแปแ แแฐ แญแซแ
แแต แฅแแฐแฐแแแ แแ แฒแแฃ แแ แแต แซแแ แต แ แตแฐแแแญ แแณแญ แฅแแ แ แแ แ แแแ แแแแแฐแ แจแแปแแ แ แญแฐแแแกแก แ แคแฌแซแจแ แฅแแ
แซแแแจแแต- แตแถแแฑแ แแฌ แตแถแแฑแ แแฐแฌ แแแกแก แแแแแแ แแแซแ แ แฒแต แแแตแ แแแซแ แจแแตแแ แ แแ แ แแแกแก แแตแจแจแ 13 แแ 2007แกแก แญแบแ 13แตแ แฅแแณแ แ แแแณแตแ แแ แญ โฆ